دنقس (+) الذكي .. أنت كنت بتلعب استوبر والا فردة باك ؟؟؟ امشي البوست البي هناك داك بتلقاني كتبت ليك اني ماشي انوم .. يعني ما محتاج لي انك ترفع البوست ده بعد كم يوم .. أنت قايل شنو ؟؟ انا كنت منتظر مواعيد رفعت البوست التانية متين لكن خطير يا دنقس .. فنان عديل كده
اهــا أخبار ( الجداد ) شنو اعمل ليك لياقات الايامات الجاية دي ( ح تتعب ) معاي شديد جدا حضر حالك إذا بتريد والفورة ألف بس زوغانات ما معانامن حسع بكلمك
ياسلالالالام يــــا (+).. انت صحيت متين .. يا نور عيوني الاتنين .. الايامات دي ( مختفي خالص ) استنسااااخ أنت ما كان تخلي .. ( ا ل و اطــة ) تليل شوية شان عملية فرز الآلوان.. .. . اهــا أنت قاعد تقول للجماعة هناك شنو عن مسالة الألوان دي ؟ .. والا أنت ما عندك حدود ( مكانات قاعد فيها ) .. في الهواء الطلق عايش ؟ .. تكون ( نسمة ).. نسمة وانا ما عارف يا فار؟؟ كان قلت لي ( نسمة ) بكسر ليك راسك الكبير ده .. ( افرش ) .. باقي ( الاتوهين ) العندك ديل .. وما تسمي ليك ( مربوطة ) ما بتقدر عليها
Quote: قــون
قـــون وتلاتة وشوش؟؟ أنت عايز تعمل صاحبي والا شنو ؟؟ طيب جيب من جـــوه ..
أخبار الجداد شنو الايامات دي ؟؟
11-09-2006, 06:18 PM
Abdulgadir Dongos Abdulgadir Dongos
تاريخ التسجيل: 02-09-2005
مجموع المشاركات: 2609
Quote: أنت ما كان تخلي .. ( ا ل و اطــة ) تليل شوية شان عملية فرز الآلوان..
عندنا مغــــــارب، عندكم صباح ولا شنو؟ لو ( ا ل و اطــة ) صباح ، ما تلملم فرقتكم ديك "الآلات النحاسية" وتلعبوا سكــــج بكــــج تسخينة لعرض الليل. فار ختري......
بالمناسبة بتعرف وليد داموك؟
دنقس.
11-10-2006, 05:33 PM
tmbis tmbis
تاريخ التسجيل: 10-19-2002
مجموع المشاركات: 24862
دنقس ( + ) .. good morning والله تتخيل بقيت كلما أشوفك أتذكر ( حجار البطارية ) ما عارف ليه؟؟ (-) ، (+) المهم يا فار من ما خليتك من أمس الساعة ستة بتوقيت ( قرينتش ) ضارباني انفلونزا حادة ( بتدبي ) بالحيطة من أمبارح – لما اجي ( اقح ) إلا امسك في ( كراع ) السرير .. خفت أجي داخل عليك أقوم ( اعطس ) فيك أعمل ليك ( سحائي ) .. وقبيل بعمل في ( العضة ) بتاعت الغداء قامت ( جرحتني ) السكين تاني وحسع قاعد اكتب ليك بي يدي الشمال بس ( تتخيل ) ؟؟ مش فقري عليك الله كان ما مصدقني أسال ( العنبة ) الرامية في بيتنا يا بجيب ليك شهادة ( التسنين ) وبالتالي حقو تحس شوية لاني من ( أمبارح ) عبارة عن ( كائن بيتي ) مخندق في البيت ( مقرمش ) لي شوال بتاع ليمون + من ما عرفتك لحدي الآن ماكل لي ( شوالين ) شطة خضرهـ .. المهم حس شوية لما تجي جيب معاك كيس ( برتكان ) يا كيلو موز يا ( دوووم ) يا ( طبق بيض ) ما تجي مدلدل يدينك وحانف وشك القروش دي بتموت وتخليها .. بعدين ( وليد داموك ) ده منو يا اخوي ؟؟ بعد شوية تعال قول لي بيتكم وين لي ( اسكوب ) بتاع ( الشديدة ).. أما فيما يخص فرقتنا بتاعت "الآلات النحاسية" .. الايامات دي قاعدين يعملوا في بروفات وأنا قاعد اكتب ليهم في ( النوتة ) .. ومصرين جدا أنو يهدوك ( سمفونية القدر ) معدلة علشان تتوافق مع إحساسك بس بعدين أوعه تقول ما عجبتني .. المهم يا فار .. شكلك كده ما عايز ( تفرش ) ولا عايز توريني الفورة كم .. لكن خليني كده أنا بشيل حاجاتي براي .. لحدي أول أمس كان عليك واحد .. ( بتاعت القون وتلاتة وشوش ضاحكة ) حسع بقى عليك تلاتة "الآلات النحاسية" ( ووليد داموك بمشي معاك الليلة ) ... يلالا جيب من جـــوة تاني .. الدنيا طراوة الليلة
11-13-2006, 02:52 PM
Abdulgadir Dongos Abdulgadir Dongos
تاريخ التسجيل: 02-09-2005
مجموع المشاركات: 2609
Quote: ضارباني انفلونزا حادة ( بتدبي ) بالحيطة من أمبارح – لما اجي ( اقح ) إلا امسك في ( كراع ) السرير .. خفت أجي داخل عليك أقوم ( اعطس ) فيك أعمل ليك ( سحائي )
سلامتك يا فار أتمني ليك الشفاء العاجل. خلاس الأيام دي بطل نفخ الطرمبات مع الفرقة النحاسية. أمشي زور الدكتور ما تبقي ليك تي بي وأنت ما عارف. حاول خلي قدومك بعيد عن ست الريد الأيام دي لحدما تشوف ليك دكتور.
Quote: وقبيل بعمل في ( العضة ) بتاعت الغداء قامت ( جرحتني ) السكين تاني وحسع قاعد اكتب ليك بي يدي الشمال بس ( تتخيل ) ؟؟ مش فقري عليك الله
أنت ست الريد ودتك الكرينتينة ولا شنو، شكلك كده محبوس في غرفة ماعندها شبابيك وجنبك 3 طماطمايات وبصلة نصها عفن، وبتقطع في الطماطم بي مطوة الضفارة. مالك يا فار، ورينا الحاصل شفقتنا والله.
Quote: بعدين ( وليد داموك ) ده منو يا اخوي ؟؟ بعد شوية تعال قول لي بيتكم وين لي ( اسكوب ) بتاع ( الشديدة )..
معقول ما بتعرف وليد؟ ياخ بالغت. طيب بتعرف منو في أم در العباسية شارع الفيل، ولا جنب ناس زيدان ولا المرحومة فتحية عجوز؟ وريني أنت من ياتو فيران؟
تسلم يا ظمبظ.
دنقس.
11-16-2006, 04:27 PM
Abdulgadir Dongos Abdulgadir Dongos
تاريخ التسجيل: 02-09-2005
مجموع المشاركات: 2609
(-) يادنقس علامة ناقص وفي رواية تانية ايفريدي ومن زاوية تانية .. خليها في سرك .. سمعت بالنكته بتاعت الاتنين الاعبين بصره في ( الرج ) واحد قال لي التاني ( الفورة ) كم ؟؟ قال ليهو أنت لاحق شنو؟؟ اهــا انت حسع لاحق شنو؟ .. يعني مشغووول خالص؟؟ الود ماعندو زمن ؟؟ قول الفورة 1500 ... تلاتة الف اهــا قالو ليك انا خسران حاجة..؟؟ .. بعدين مسالة الالوان دي ما تتعمق فيها شديد .. لانك زول خرخار خالص فاهمني؟؟ .. اجندتك مضروبة .. برنامجك وهمي ودمو تقيل .. .. وربما يعمل ليك حساسية ضد البنسلين في مقبل الايام.. كان دي طريقتك .. متضطر افتح فيك بلاغ ازعاج عــام .. وتهم موجهه ضد الدولة ونطالبك تجيب لينــا ( فيش وتشبيه ) .. ونيجاتيف بتاع صورة اربعة في اربعة بنتصرف برانــا بعداك في الباقي
اي سؤال يـــا ( ماجي ) ؟؟
12-12-2006, 06:17 AM
Abdulgadir Dongos Abdulgadir Dongos
تاريخ التسجيل: 02-09-2005
مجموع المشاركات: 2609
Quote: وتهم موجهه ضد الدولة ونطالبك تجيب لينــا ( فيش وتشبيه ) .. ونيجاتيف بتاع صورة اربعة في اربعة بنتصرف برانــا بعداك في الباقي
حكومة يا طمبظ قبل يومين قريت ليك رد ارهابي تتوعد فيه أنك وأنك ..... (بس بعد الأمتحانات) "حسب بيانك النيراني" داك !! كدي خليني من ده كولو ووريني امتحانات شنو ليك في السعودية يا فار؟ دخلت خلوة ولا الكفيل عامل ليكم درس عصر؟ فكرت شوية قلت يا ربي القيامة قامت عندكم ولا شنو؟ يا فار بطل حركات. المهم خلص أمتحانك وتعال، أنا زاتي حأفضي ليك بعد يومين.
(+)،(-) أووووووووه دجانقو ..أبو الدناقس ياخ .. استنسااااااخ أخيراً ؟؟ لكن بحسدك عديل كدا .. شايف الايامات دي في ( طاقــة ) حقو بالمناسبة دي .. تعمل ليك ( حبل ) يا سلسل للنضارة . لانو مع الجكة والجري والطيران بتاع اليومين دي ما تتملص منك تقع .. يا تقوم تتكسر تخش ليك في عينك .. قلت لي البيان .. متعك ؟؟ والله بركة عديل كدا بعدين يكون في معلوميتك .. انــا كان جيت ( الطيش ) كلو منك أنت قول لي لييه ؟؟ قلت لي لييه .. لاني رابط لي جرس في الكيبورد وموصلو بي ( حجار بطارية ) وكلما تجي داخل البورد ده .. يقول لي رررررررررن .. دجانقو جــا .. دجانقــو جــا .. يلالا اقوم اجدع ليك اللوح بتاع الخلــوة بتاعت الكفيل الفتحه لينا من قفلت المولد الفات بمناسبة شم النسيم وكــدا .. واجي جاري عليك .. اصلو الواحد بقى لو ما شافك يقعد ينكرش زي العندو ( هيم ) .. متذكر ( الهيم ) بتاع ( الجداد ) الزمان داك ؟؟ بعدين تعال هنــا عليك الله في بحثك عن بياناتي دي ما لاقتك الحركة بتاعت قلت ليك تعال خم الكرور ده .. والا عامل ( ليبتون ) .. وعامل فيها ما شايف يا عفريت ؟؟ بعدين الغتاته ليك شنو ؟؟ لما لقيت كلامي مالك ما رديت ؟؟والا حكاية التعداد السكاني دي عجبتك وعايز تنوم عليها ؟؟ على العموم فسح لي البوست ده معاك كان ما عايز ترد عليهو .. وما عايز تخمو شمس الدسن السنوسي يتوشح السواد ايضا!! وبالمناسبة طبعا زي ما قلت ليك غيرنا القصة بتاعت الفورة ألف في البيان الآخير .. وإلى صدور البيان الختامي أرجو أنك تعتمد لينا ( السمين بقع والضعيف بقيف )
يلالا ابقى مارق وجيب من جــوة .. أنا إن شاء الله اجي الطيش
تمبس
12-12-2006, 04:38 PM
Abdulgadir Dongos Abdulgadir Dongos
تاريخ التسجيل: 02-09-2005
مجموع المشاركات: 2609
كلامي القولتو للبنية بكررو ليك تاني المانع شنو؟ ده فهمي أنا كده، لو فيه حتة ما واقعة ليك بس شاور، ويسعدني أن أستوضح ليك الأمور. أما عن مسألة عبيد وعرب للأسف الشديد واقع يعيشه معي آلاف السودانييين بهذه البلاد. وللأسف الشديد أيضا أنها قصة حقيقية تجسد المعاناة وحالة الأنفصام اللتين يعيشهم مجتمعنا. بالمناسبة، البوست بتاع
هو نفسه يصب في نفس الخانة، وربنا مرقك بعدم تواجدك بأمريكا. يا ربي كنت برضو حتشبكم دوم ونبق وعرديب؟ والله يا طمبظ ضحكتني، قلت لي عامل ليك وصلة جرس؟ القراية أنت ما كنت تخلصها زمان زمن كنت صغير، في داعي هسي للشلهتة دي؟ المهم خلص وتعال، الأسبوع الجاي ماخد ليك راحة عديل.
قلت لي "هيــم"؟ أصبر لي بس!! بتفرغ ليك وبوريك المكشن بلا بصل!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
tmbis
( بتدبي ) بالحيطة من أمبارح – لما اجي ( اقح ) إلا امسك في ( كراع ) السرير .. خفت أجي داخل عليك أقوم ( اعطس ) فيك أعمل ليك ( سحائي ) 
.. وقبيل بعمل في ( العضة ) بتاعت الغداء قامت ( جرحتني ) السكين تاني وحسع قاعد اكتب ليك بي يدي الشمال بس ( تتخيل ) ؟؟ مش فقري عليك الله 
ما تجي مدلدل يدينك وحانف وشك القروش دي بتموت وتخليها ..
فيس بوك
تويتر
انستقرام
يوتيوب
بنتيريست