طرائف البورد 2006

Quote: فـوق مع انو عارف فوقى دا ما حتمرقك من الخور لكن الاعمال بالنيات

Quote: استضاف التلفزيون ( القومي) اليوم من خلال تحقيق في برنامج اجري عن الاغنيه السودانيه والذي تناول جزء منه الاغنيه الهابطه وكعاده حكومة الانقاذ (الاسلاميه) انها استخدمت الاداة الامنيه والشرطيه لمعالجة مثل هذه المشكله الحساسه حيث انها استضافت في البرنامج ظابط شرطه ( شرطة النظام العام) برتبة مقدم والذي ابتدر الحديث قائلا : بسم الله والحمد لله والله انحنا استدعينا صاحب اغنية راجل المره وفتحنا له دفتر يوميه !!وايضا استدعينا المغنيين الذين يتغنون بهذة الاغنية !! وللاسف الشديد لم نعثر لها علي شاعر !! وما زال البحث جار عنه !!

Quote: واحد شغال بتاع حطب كل ما يمشي الغابة عشان يقطع الحطب يسمع صوت الأسد يقوم يتخلع ويخلي الحطب و يجي طاير .. لما زهج من الشغلانة .. أصحابو ودودهو لواحد فكي .. قام الفكي بعد ما درس حالتو أداهو رتينزة و قال ليهو : إن شاء الله الرتينزة دي تشيلها معاك و تمشي الغابة و ما حتجيك حاجة خالص .. تقيف قدام الأسد ما حيشوفك !! و لو شافك .. ما حيقوم من محلو ،، و لو قام من محلو ما حيجري وراك !! و لو جرى وراك ما حيقبضك !! و لو قبضك ما حيأكلك .. و لو أكلك إن شاء الله ما تنفعوا !!!!!!!

Quote: تعرف يا شيخ عكود مرة دعونا ناس كلية الصيدلة بجامعة الخرطوم في ليلة تراثية وكان معي الأخ الصديق الباحث عبد الوهاب الطيب والنعام آدم وعبد الرحمن عجيب وطبعا النعام رحمه الله كان مبصر القلب هذه حقيقة يعرفها كل من خالطه ولذلك كان يجي براهو من بيتو لي أي مكان .. المهم وصل وأنا قابلتو في الباب وسقتو ومشينا المدرج فنزلنا المدرج الأول في القاعة فظن أنها عتبة ونزلنا المدرج الثاني والثالث والرابع فدخله الشك فقال لي : يا ولدي أنتو جايبني أغني والله أقلع لي مترة !!!

Quote: شخص غير محترم وننتظر راي بكري

Quote: يا حليل المرحومه

Quote: عزيزي بشاشة نحن في انتظار المزيد من التوضيحات حول قرار الفصل،. و اذا لم يكن مقنعا ، فكل قرد يمشي لي جبلو وسأكون اول الطالعين.

Quote: تعجبني فرقة البالمبو.... الجماعة القاعدين يجلدو في الحطب والقرع ديك...وخصوصاالزول البي يدق في عيدان الطلح داك وهو ينقّز... درب الحبيب.. رملة نمشيهو بالقمــلة ....مستعجلين علي شنو؟.....تحية لوزارة المواصلات وطريق الانقاذ الغربي...وليهو حق الزول اللحس قروش الدرب دا..وشتت...ما دام ناسو مواصلاتهم قمُل....ووقت خلاص يطوروها يكَربو للقملة مكنة قرادة...ودرب السلامة للحول قريب.

Quote: بدر السمح...انا لو ما خايف من خشمك الخفيف ده..ولو ما خايف الجماعة يزعلوا منى ولو ما خايف بكرى يوقفنى..ولو ما لو دى ذاتا بتفتح عمل الشيطان كان قطعت معاكم وعشان ما بحب القطيعة..السبب كله من بت العباسى ام دقنوس الاسمها رجاء هى الحرضتم ولو كلمتها وجات مطيرة شعيراتا وسالتنى،اخوك ببلع السيف متنى.. واقول ليها انا بدر ده عمرى كله ما شفته الا فى التلفزيون ولى هسع شناتوا دى بسمع بيها سمع دحين الله يستر علينا وعليك ما تكلم زول سمح يا السمح..والله انت يا ابو راسا غليد خلو مر ما ينبل فى خشمك ..وشلاليفك الرهاف ديل ذاتن قوالة قوالة..وانا الله يغطى على وشوف بوامتى الخلتنى اقطع معاك..وانور كنج طير مننا سجيمان لكن الفولة بتتملى وبكرة الشىء بقيف وسجيمان انا عارفوا بوم ساكت..والله كان الماسورة خربت عندهم ما بعرف يصلحها...وابو جهينة الايام دى بشطب فى الطابق الرابع وما فاضى ما صدق يعمل ليه بيت فى العاصمة قام قاطعنا كلنا..اما خالد الحاج ده موسم التمر والناس قالوا شافوه فى البركل يخرت فى السبيط ما تسمع بى هولندا دى وتقول سنة يا الاغتراب على الطلاق الزول مزارع ابن مزارع ابن مزارع ابن مزارع وذو نسب فى المزارعين عريق واسال ملكة سبا من كلامى..المهم انا ما بحب اغتاب الناس لانو لا احب ان اكل لحمهم حيين او ميتين والله لو ما كده كان بشتنتهم ليك بشتنه،،،

Quote: مروحة طربيزة (Re: Ahmed Abdallah) ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى 1-التجاهل 2- التجاهل 3- التجاهل for all posts written by ingaz gang members in this board for all who are supporting the ingaz gang mafia islamaist theives dr mustafa mahm

Quote: يعني طلع تجميد ما فصل ولا كيف؟؟ الفرق شنو ياخوانا وهل ُفصل عبدالرازق ام جمدت عضويته؟؟ غايتو كلاهما اتشح اسمه بالسواد ولو عادت تراجي ولم يعد ابورزقة يكون الفيها اتعرف.. بريمة يسعدني انو اعرف ادورب ده قاري علاقات دولية انا والله قايلو زول غير متعلم وامي ساي..

Quote: الصديق الشاعر فضيلي جماع جعلت صورة وولي التي جاءت بها الاستاذة مريم صورة لبروفايلي المشاء

Quote: أأأأأأأأأأأأأأأأأأأأأأأأخ محاولة جلابى لتبرئة جلابى أخر لاغير

Quote: يقال أن الخنساء عندما قتل أخوها صخر حزنت عليه مثلما لم تحزن العرب على قتيل من قبل. فجمعت فرسان القبيلة وساومتهم فيمن يقتل قاتل صخر بكيس من الدنانير الذهبية. فقال أولهم: أنا أقتله. وقال الآخر: أنا آتيك برأسه على رمح. وقال الأخير: أنا سآتيك به حياً خنوعاً، يتمنى الموت فلا يجده. فنظرت إليه الخنساء بعُجب وقالت: ولد دا !!!