|
Re: طـبّاز البــورض! (Re: شول اشوانق دينق)
|
Quote: ود الصايم شايفك إرتحت راحة شديدة لما إستلمو منك الشعلة الأولمبية فى البوست ده |
شول يا عمكـ ود حطب الله دا من النوع السهل الممتنع ياخ! مرات مرات كـدا بخلّي الواحد يخنق
| |
|
|
|
|
|
|
Re: طـبّاز البــورض! (Re: محمد عبد الماجد الصايم)
|
طبزة من الإيميل:
Quote: سلامات يا ود الصايم وعلك طيب
شكرا لفرصة فش المغسة ... محمد عادل الاول بلا منازع لانو طوااااااااااااالى فى الخط ..######### الاسمو محمد حبر داك ...غايتو كان قرر يونس الركاب وحركات كباتن وكدة ..صدقنى فى الهوا بنزلوا غرييييييييييييييييييبة ..أحيييييييييييييييييييييييييى يا قلبى أنا !!!!!! غريبة شديد والله
طلحة لازم أكيد حميدة .. منقط أى شئ حتى الطبيز :)
أسمعنى ياخ ..ما تعمل لينا بوست لى مشتت ضلوع القارئات :) النبى فيك فى واحد كدة غايتو بعرف لى سبعطاشر واحدة حالياً ممكن تصوط ليهو.. وتشربو زاتو لوووووووووووووول
شكراً كتير |
الله يسلمكـ ياخ! الرسالة دي من أختكم في الله ######
| |
|
|
|
|
|
|
Re: طـبّاز البــورض! (Re: محمد عبد الماجد الصايم)
|
إعلان... . . .
يوجد مرشح "نادر الحدوث"...ظهر في أواخر العام الماضي و قام "رقيب الحلفايا" بوضعه في "الإستيداع" قبل فترة ... . . في تقديري أن هذا المرشح "فلتة" لا يمكن أن تتكرر...فهو شاعر نحرير و سياسي ضليع... أقام تحالفآ على رؤوس الأشهاد مع ملك "البوستات العاجلة" إضافة إلى كتابته بلغة لا يفهمها إلا من عُلّم منطق الطير.. . . لكن. . . تقتضي الأخلاق ألا نكتب عنه طالما لا يملك القدرة على أن يأتي و يدافع عن نفسه.... لذلك لم أضع له "رقمآ" و لن أكتب عنه حتى أتأكد أن "رقيب الحلفايا" قد أفرج عنه ضمن الذين شملهم "عفو ما بعد الأرشفة"... فإن كان لدى أي منكم معلومة عنه ...فليمدني بها مشكورآ.. . . . مودتي... ودحطب الله
| |
|
|
|
|
|
|
Re: طـبّاز البــورض! (Re: مرتضى احمد عبد القادر)
|
يا أخواننا البوست دا ماشي غاطس لي تحت..و عداد القراء طالع لي فوق.. . . شكلها كدا الشغلانة جايبة ليها "هبوب"... . . الناس دي كلها لملمت "ضنباته"..خصوصآ مع كمية المعتقلين الذين أفرج عنهم و حسع مدورين "كيتا" في البورد.... . . النجيضة:يا عمك.. لو إستمرينا كدا ..شكلنا حنترافق في الحراسة... . . . مودتي.. ودحطب الله
| |
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
Quote: إنت بس عليك الله ساعد لينا عمك دا "بالفهّامات" عشان كان قامت "كعّة" ما يعمل فيها "غمران"..شكلو كدا بدأ "ينفزر".. |
لووووووووووووووول وتاني لوووووووووووووووول
ياخي انا عرفت بس زولين معناها بقيت ما ناقشة اي حاجة (وش باكي بلوعة) يا حليل زمن العطالة والهيت والبيت هنا...
اوعى يا ود "محدنا" الضحكونجية ديل يمرقوك في السهلة..
| |
|
|
|
|
|
|
Re: طـبّاز البــورض! (Re: د.نجاة محمود)
|
يا ود حطب الله يا صاحب الطبقات كيف أصبحت علّك طيب ... Quote: تقتضي الأخلاق ألا نكتب عنه طالما لا يملك القدرة على أن يأتي و يدافع عن نفسه.... لذلك لم أضع له "رقمآ" و لن أكتب عنه حتى أتأكد أن "رقيب الحلفايا" قد أفرج عنه ضمن الذين شملهم "عفو ما بعد الأرشفة"... |
ضع رقمك يا عمك بعد دا , فرّجوها عليه و كربونا إحنا
_________________________________
بقينا اول بوست نكوسو من الصباح نشوف آخر ترشيحات صاحب الطبقات ما لقيناك يا عمك أيام الأسابيع
| |
|
|
|
|
|
|
Re: طـبّاز البــورض! (Re: د.نجاة محمود)
|
Quote: ياخي انا عرفت بس زولين معناها بقيت ما ناقشة اي حاجة |
معناها يا بيان بقيتي زي تمبس واحد! قاعدين في السهلة وما ناقشين أي حاجة في البورض دا!
| |
|
|
|
|
|
|
Re: طـبّاز البــورض! (Re: د.نجاة محمود)
|
يا دكتورة..
إنتي لسة مصرة على قصة "ود محدكم" دي؟ . . ما قلت ليك زمآآآآآآآآآآآآآآن دا تشابه أسماء... . . لي عظيم الشرف بالإنتماء لقلعة الفنون...لكن صاحب الإسم الشبيه حاز الشرف قبلي.... . . . و ما تخافي... الجماعة لي حسع "منسترين" معانا... . . . .
مودتي... ودحطب الله
| |
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
Quote: النجيضة:يا عمك.. لو إستمرينا كدا ..شكلنا حنترافق في الحراسة... |
شنو يا ود حطب الله ياخ! مالكـ بقيت ملاوز كــدا التقول شايل ليكـ كوكايين في نص البورض!
يا عمكـ رسّل في الإيميل وأنا بنشر على مسؤوليتي ياخ!
إنت خايف من أب صلعة؟ ياخ تراجي رشحتو ليكم قبيل ومن عندي التثنية كمان! وصوت صوتين شوية .. يا بلاّل عليّ
| |
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
Quote: يوجد مرشح "نادر الحدوث"...ظهر في أواخر العام الماضي و قام "رقيب الحلفايا" بوضعه في "الإستيداع" قبل فترة ... |
والله يا ود حطب الله يا عمكـ عمكـ دا تحفة التحف زااتو!
بالله لسع قاعد في المستودع؟
| |
|
|
|
|
|
|
Re: طـبّاز البــورض! (Re: سارة علي)
|
ارشح "حمودي طموح "لنيل اللقب بشتارة منقطعة النظير ___________________________________________________
اثني على الترشيح لو كان قبلوهو في البورد داك (طباز بورد سودان فور اوول )
| |
|
|
|
|
|
|
Re: طـبّاز البــورض! (Re: سارة علي)
|
Quote: لكن يا ود الصائم بوستيك جاب مواهب مدفونة.. |
سارة الضارة .. أخباركـ ياخ وشوق كميات يعلم الله! شنو الاختفاءات دي؟ بعدين أنا عامل ليكـ ترشيح في الصفحة الفاتت ياخ! غايتو منتظرينكـ تثّني نفسكـ وكـدا
| |
|
|
|
|
|
|
Re: طـبّاز البــورض! (Re: محمد عبد الماجد الصايم)
|
على مسئولية الكومندان محمد البشرى الخضر... . . تم في حينه "ترخيص" ذلك المرشح "الفلتة"... . . و تقديرآ منا "لحرفنته" و أدائه "البارع"....فقد إخترنا له الرقم(10).. و معاه "شارة الكابتنية" كمان... . . هل من مثني؟ . . ترقبوه قريبآ على (ود حطب الله-2-) المشفرة.. . مش حتأدر تفارأ البورض... . . . مودتي... ودحطب الله
| |
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
Quote: ترقبوه قريبآ على (ود حطب الله-2-) المشفرة.. مش حتأدر تفارأ البورض...
|
غايتو يا ود حطب الله ما خليت حاجة للزول بتاع البروموشنات داكـ!
يعني يوم السبت احتمال ألاقي البوست .. واحتمال ألاقي مكانو بيّاع تسالي!
| |
|
|
|
|
|
|
Re: طـبّاز البــورض! (Re: محمد عبد الماجد الصايم)
|
ترشيح خارجي عبر الـ Email من ود الصادق
Quote: بالنسبة للقب طباز البورد ارشح تراجي طبعا وبرضو الحبر , الزول ده واسطتو قويييييييية بالحيل تحياتنا واحتراماتنا ليكم كلكم لحدي ما نشوف لينا واسطة تجيبنا ليكم ود الصادق
|
إذن صوت إضافي لـ تراجي صوت إضافي لـ محمد الحبر!
| |
|
|
|
|
|
|
Re: طـبّاز البــورض! (Re: محمد عبد الماجد الصايم)
|
يا عمك... . . طالما بديت تنشر قوائم المرشحين ..معناها خلاص قفلت باب الترشيح.. عمومآ ..أنا "لستتي" لسع طوييييلة...لكن خلاص حأكتفي بالعشرة الكرام ديل.. (عليك الله لحق لينا نمرة 10 دا ياخ..و الله أنا لو عارفو مرق من "بيت الحبس" كان ختيتو وِش) -و العهدة على الكومندان ود البشرى-.. . . ممكن بعد دا تبدأ الفرز...و لا ننسى أن نشكر في هذه العُجالة كل "المبدعين" الذين وردت أسماؤهم على "كؤوس" المتعة التي "غرغروها" لنا ..و على مهارتهم في "فرم" أكباد خلق الله.. . . كما لا ننسى أن نشكر صاحب البوست من "سويداء القلب" على إتاحته لنا هذه الفرصة للتعبير عن مكنونات دواخلنا و عظيم إمتناننا لكل من ساهم في "فقع مرارة" العباد..و قفل شهية المخاليق... . . . و إلى لقاء في رحاب أوسع... . . . مودتي... ودحطب الله
| |
|
|
|
|
|
|
Re: طـبّاز البــورض! (Re: محمد عبد الماجد الصايم)
|
خلاص يا عمك... . . حاول رد على الناس "رُبطة-رُبطة" بدل ما ترد عليهم عليهم بالقطاعي.. وخت لينا المشاركين في "مداخلة واحدة"..عشان البوست يبقى "مركّز" و ما "ينشبِح"..أو تتشتت كورتو ... . .
تاني شئ: الشكية لي الله..إنت المرشحين ديل ما سمعوا بالبوست دا؟ و لا مكبّرين اللفّة؟... ياخ أنا دايرهم يمدّوا روسينهم و أي واحد يشيل "طاقيتو" المفصلة على مقاسو.. . . بالجنبة كدا: إنت الناس البتشجع دي مشت ويييين؟ و لا بس شغالين إيميلات... . . . مودتي... ودحطب الله
| |
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
بمناسبة الإيميل دي يا ود حطب الله! هاكم التشفير دا:
Quote: تحياتي ياودالصايم يا عسل ..
هاك دي من المراسلين .. مثقفاتي كبير .. أو هكذا طارح نفسه ...
تجده في كل بوستاته ومداخلاته يعمل جهده على ترسيخ حكاية إنو مسقفاتي دي وإنو مجضم الشغلانة لذلك يتحفنا ببوستاتو في المناسبات الكبيرة .. إنتخابات ... إنقلابات ... مجاملات .. والمجاملات من شاكلة (والله فلان دا شهادتي فيهو مجروحة) ..
وبما إنو الجو السياسي الآيامات دي مُشجع للظهور الإعلامي فصاحبنا لقاها فرصة وأتحفنا بحكاية بتاعت خرتمية بوست كدة ... خرتمية شنو ياخي ... والله يمكن خرتمية وإتنين زاتوووو ...
يستخدم تكنيك متقدم جداً .. بمعنى .. أقوم أفتح بوست وكان غلبني المجابدة مع عتاولة ودهاقنة المنبر (وهو أساساً بكون عارف دا حيحصل لأنو ما عندو التكتح) حيجوني الهتيفة ... وفعلاً .. ماهي إلا ثواني من فتح البوست وإلا والهتيفة ما يدوك الدرب ...
قبل أيام قوم يالمتقف أطبزا طبزة تفوق كل ما طبزه المنبريون منذ تأسيس المنبر .. طبزة شيييييينة شدييييييد ... والله أنا قاعد في المكتب براي خجلت لمن دنقرت راسي ... وأنا لو منو كنت
إعتزلت السياسة وخليت المنبر وهجرت الناس وإختليت بنفسي بقية عمري كما (الجاحظ) ... أقصد (المعري) ... هههههه ... وإني من مكاني هذا أرى المسلمي وقد أومأ برأسه موافقاً ما ذهبت إليه ...
بالمناسبة ياود الصايم ، ناسك النزلتهم ديل كلهم زولنا دا ما فيهم .. و ودحطب الله مافضل ليهو إلا يكتب إسمو عديل كدة ياخي ...
أبو جعفر
|
يلا يا أبو جعفر الباقي سريع ياخ!
| |
|
|
|
|
|
|
Re: طـبّاز البــورض! (Re: جلال جبريل)
|
يا عمك.. القراء ممكن يرسلوا ترشيحاتهم و "تشفيراتهم" على الإيميل... لكن الأعضاء أصلو ما عندهم عذر...العندو فلاحة...اليمرق الساحة.. عارفك راسخ و ضليع و مقتدر في هذا المكان ....لكن كمان ما تشجع الناس على "الجِبنة"... . . . جلال: ياخ مافي داعي تكشف الورق..و بطّل "تحريش"... . . نحن حسع مركزين في "الحيتان"...."البلابيط" دي حنجيها في الآخر..نظام قزقزة و كدا.. لكن برضو لو حبيت تعمل منها عينة ما مشكلة...سر فلا كبا بك الفرس.. . .
مودتي.. ودحطب الله
| |
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
Quote: يا عمك.. القراء ممكن يرسلوا ترشيحاتهم و "تشفيراتهم" على الإيميل... لكن الأعضاء أصلو ما عندهم عذر...العندو فلاحة...اليمرق الساحة.. عارفك راسخ و ضليع و مقتدر في هذا المكان ....لكن كمان ما تشجع الناس على "الجِبنة"... |
ود حطب الله يا عمكـ تقريبا ـ والله أعلم ـ كل الرسائل بتاعت الإيميل دي جات من ناس ما عندهم اشتراكـ في البورض!
| |
|
|
|
|
|
|
Re: طـبّاز البــورض! (Re: جلال جبريل)
|
Quote: دحين أنا عندي زول بهمني أمرو شديد ياخ وحق الحملة الدعائية بتاعتو علي اليمين جاهز من جماعة كدي |
ود جبريل يا عمكـ شنو شغل الملاوزات دا؟
أها .. مش محمد عوض دا سجّلناهو ليكـ!
| |
|
|
|
|
|
|
Re: طـبّاز البــورض! (Re: Dalal Ezzaldin)
|
Quote: بالنسبه للترشيح موضوع البوست افتح لاتحاد المرأه المجال عندهم مرشحات مخضرمات (على قلتهن) |
دلول .. بالغتي ياخ! ما شايفة ناس تراجي ونجاة وميادة ديل قاعدين في الصف؟ ديل تبعين مرشح رئاسة جمهورية الطبازين ولا شنو؟
يلا نسمع كلامكـ أنا غايتو برشّح سارة الضــارة .. ضُــر ساي بس!
| |
|
|
|
|
|
|
Re: طـبّاز البــورض! (Re: محمد عبد الماجد الصايم)
|
المرشح الحادي عشر (سنعود للحديث عن المرشح العاشر لاحقآ).. . . و في رواية أخرى "المرشح الحنون".. . . . مرشحنا هذه المرة على يختلف عن "أقرانه" المذكورين آنفآ...فهو من الذين يعشقون "تاء التأنيث".... و يستهويهم "جمع المؤنث السالم"..و تفعل به "صويحبات" يوسف الأفاعيل... . . فما أن تَهِمّ إحدى "صبايا" البورد بالكتابة عن شئ...إلا و تجد صاحبنا قد شمّر عن ساعد المدح و الإستحسان... حتى يجعلك تحس بأن مداخلته قد سبقت مداخلة "الصبيّة" مبتدرة الفكرة... . . مرشحنا "الحنون" هذا لديه مميزات آية في اللطف و "الخِفّة"... يمكننا الإشارة إلى بعضها على سبيل المثال لا الحصر: . . 1-همّته أسرع من "أبي الحروف" في الرد على بوستات "الصبايا" و الإحتفاء بهن.. و أبطأ من "سلحفاء التُجم" حين يكون صاحب البوست "واوآ ضكرآ"... . . 2-دائم السؤال عن "حسناوات الأسافير" فما أن تغيب إحداهن عن المنبر لفترة لا تكفي لزوال الظل... إلا و يُسرع "الهمام الحنون" في السؤال عنها مُظْهرآ لواعج شوقه و فقدانه لها ببوستٍ "دعول".... . . 3-حينما يراوده الإحساس أحيانآ بأن سوقه قد "كسد"...أو أن هناك "مهندآ" آخر قد ظهر في المضارب.... يبدأ "المرشح الحنون" في محاولة إستمالة قلوب الصبايا و دغدغة مشاعرهن عن طريق الكتابة في مواضيع ذات صلة بحقوق المرأة و أنه من أشد المنافحين عنها متخذآ من بعض العناوين ذات الشعارات البراقة مثل (من حق المرأة أن يكون لها شوارب...و من قال أن حواء لا تستطيع حفر آبار السايفون... و يجب على المرأة أن تُشرف على ختان زوجها....إلخ)...مدخلآ يعلقه أمامه "كقميص يوسف".... . . . 4-لديه ذخيرة لا تنضب من الكلمات "الحنينة" المشجعة..حتى لكأنه يوشك أن يربت على كتفي "الصبية" مظهرآ لها "حنّيته" و قلبه العطوف.. . . 5-له الفضل في رفع معنويات "الصبايا" و تكسير الثلج لهن بمهارة يحسدها عليه "هتّيفي الحاكم بأمر الله"... فهو يجعل من الجهلولة مثقفة..ومن الخشنة شفيفة...و من الفي حالها مناضلة...إلخ ...إلخ ...إلخ. . . 6-دائم البحث في بروفايلات "الصبايا" و يبني على "حالتهن الإجتماعية" تكتيكاته "المنبرية" حتى إذا ما وجد أن إحداهن مقترنة ببعل أو أظهرت ما يشير إلى عمرها "الديناصوري"... تراه يفر منها و من مضاربها كما يفر "الحاكم بأمر الله" من مدافع المنتخب الأرجنتيني... و قد دفعت هذه الصفة "المراهقية" بعض ذوات الفطنة و الكياسة إلى الإشارة بإقترانهن ببعلٍ إفتراضي.. وهن لسن كذلك...و ما أقسى على من "تؤانس وحدتها" قول هكذا نفي قد "يكسر حظها"... إن لم تكن قد وصلت درجة من "القرف" تفرض عليها تجنب أمثال هذا "اللزج" بأي طريقة. . . . 7- 8- 9- . . ياآآآآ أيها "الحنون"...سويتها ظآآآآآآآآآآآآهرة و الللللللللللله... . . أرجوك أن تحترم سنك إن لم تكن تريد أن تحترم عقلك و عقولنا... و إن إبتلاك الله بطاعون "الحرمان العاطفي"..فلا تذهب به إلى ديارٍ معافاة.. و لتعلم أن أمثالك موجودون بكثرة خصوصآ بين منتسبي "بلاد الشمس الملتهبة".. و لكنهم إما يكتمونه أدبآ "أو خوفآ"...و بعضهم يظهرها "بحرفنة" أو "يطبزها" برّاحة.... فإختر أخف الضررين و إحتذيه مثالآ إن لم تستطع أن تستبرئ من هذه العاهة.. . . أقول هذا و أنا أحد المتضررين منك و من "أمثالك"...فقد أفسدت علي نعمة التعامل "ببراءة" و بنفس صافية مع "الصبايا"...و جعلتني أحسب كلماتي و أعد حروفي "خصوصآ مع من لا أعرفهن جيدآ" خوفآ من أن يظنن "مجرد الظن" بأني من نفس فصيلتك "الذئبية".. . . . هداك الله و عافاك... . . . . . مودتي.. ودحطب الله
| |
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
Quote: إن لم تكن قد وصلت درجة من "القرف" تفرض عليها تجنب أمثال هذا "اللزج" بأي طريقة.
|
ود حطب الله
الله بسلمك
اللزوجة علي مقياس شنو ؟
لكن نمر سبعة كان تخليهو ( الجعار)
بالجنلة كده :- انت حضرت البتتوني هنا؟؟
لانه برضو عنده لزوجة حامضة لدرجة ادخلت
مرة الحكومة و قهرتو ليك لمن هرب الي الاراضي المهرره
| |
|
|
|
|
|
|
Re: طـبّاز البــورض! (Re: osman righeem)
|
أبو رغيم... ربنا يكرمك .. . . خت أي مقياس يعجبك للزول "اللصقة" و الجنو "تحكحك"... و ما تخاف مرشحنا دا "إستاندرد" و بيركب مع أي Scale . . ياتو واحد في "البتنونيهات"...؟ . . مودتي.. ود حطب الله
| |
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
Quote: ياتو واحد في "البتنونيهات"...؟
|
الموضوع حيعطل مسيرتك التعريفية بطبتزي البورد
بس أرجع الارشيف بتاع اسابيع البورد بعد ما تخلص
أو بيجي ود الصايم يفتو ليك هنا ... عادي مش طباز.
ود البشري كمان عجبو زرت زوجة اللزجة ليهو و يمكن يكون مأرشفها
يا خ البورد ه فيهو حاجات
| |
|
|
|
|
|
|
Re: طـبّاز البــورض! (Re: osman righeem)
|
أبو رغيم... . .
وصلت... . و الشخصية already included في القائمة... . . ربّنا يكفينا شر العوارض و نقدر نواصل... . . ما شايف البوست بقى "خلا" كيييف؟
خليك قريب بس... . . مودتي.. ود حطب الله
| |
|
|
|
|
|
|
Re: طـبّاز البــورض! (Re: جلال جبريل)
|
Quote: ياخي انا عرفت بس زولين معناها بقيت ما ناقشة اي حاجة (وش باكي بلوعة) يا حليل زمن العطالة والهيت والبيت هنا... |
ود الصائم الولية دي بالله سجلها معاك
كبرت و بقت ما ناقشة أي شئ
سجلها و أنا بطلع الشارع أجيب ليك أصوات كتيييييييييييييييييييييييييييييرة
| |
|
|
|
|
|
|
Re: طـبّاز البــورض! (Re: طارق جبريل)
|
المرشح الثاني عشر
أو "المرشح الزينة" . . . عادة لا يحس قراء الأسافير عند مطالعتهم لكتابات الآخرين بأي طعم سوي طعم الحروف و في بعض الأحايين يستشعرون طعم الأحاسيس في حالة أن يقفز بك أحد "بهلوانات" القلم إلى إحدى سماوات الإبداع..... . . لكن "مرشحنا" هذا أحدث طفرة في تذوق طعم "الكتابات الإسفيرية" ...فما ان تفتح له بوست إلا و تحس أنك داخل منزل تفوح منه روائح المنازل السودانية التقليدية المبخرة.... . . . لربما كان السبب هو دائرة إهتمامه المحصورة في الحديث عن حبه لهذه الأشياء...و حرصه الدائم على أن "يضعنا في الصورة" متى ما أراد أن يغير ستائر منزله... أو لديه "ملايات" جديدة يود تجريبها.... . . إضافة إلى الإعلان المبكر عن برنامجه "التجميلي" الذي يبدو أنه محور حياته و سبب وجوده على سطح هذا الكوكب... فجميع مرتادي هذا "الحوش" ......يعلمون متى يقوم بتدليك "خنصر" اليد اليسرى...... و متى يصبغ شعيرات "أذنه الوسطى"..إلخ...إلخ.. إلخ.. . . . لكن الممتع جدآ في كتابات هذا المرشح أنه ليس لديه ما يقوله على الإطلاق..فقد حباه الله بنعمة الإهتمام بتجميل الذات و جعلها محور إهتماماته.... و هذا ليس عيبآ -في حد ذاته- إن حمد الله على هذه النعمة ... لكن "مرشحنا الزينة" يصر على أن يثبت أنه أيضآ "زينة المجلس" و لديه علاقة أصيلة بقبائل "ثقيف"... غير أنه لا يلبث قليلآ .. إلا و يجد نفسه "قاعدآ في السهلة"... فلا يجد حيلة سوى محاولة "جرجرة" بعضهم إلى مضارب الحديث عن "التجميليات".. . . و للأمانة.. فإنه ينجح في بعض الأحيان لوجود بعض "الحنونين".. الذين يسد هذا النوع من النقاش بعض "فجواتهم العاطفية"... . . . و أطرف مافي الموضوع هو إفتعال "مرشحنا الزينة" لبعض المعارك الجانبية مع بعض ممن يفترض فيهم مشاركته نفس الإهتمامات التجميلية "بالفطرة" لكنهم آثروا التركيز على جوانب أخرى قد تثري جوانبهم الشخصية أكثر من التركيز على أن يكونوا مجرد "طيور زينة"... . . يقوم مرشحنا بإفتعال هذه المعارك...و بوضوح شديد"عالي النقاء"...و خالي حتى من أبجديات اللغة "التلميحية".... يقوم بتذكير أقرانه هؤلاء بأنه أطول منهم باعآ في "التجميليات" و أن بينه و بينهم فراسخ من الإهتمام ... و انه معجب بعلو كعبه فيهم و بذاته "الجمالية الطاؤوسية" التي لا يرى لها بينهم من هو كفء لها... . . و في إحدى "جدعاته" الشهيرة .... و خلال يوم إستبد به" الزهج" من عدم الموضوع... الذي عادة ما يأتيه عقب إنتهائه من روتينه التجميلي و عندها تؤول حياته إلى فراغ كبييير.. قرر مرشحنا-و هذا بإعترافه شخصيآ-أن يأتي و "يرفه" في هذا الحوش...و خطرت له فكرة عبقرية قام على إثرها بإبتدار نقاش عن ذلك المسحوق "كريه الرائحة" الذي "يٌُّْمطّر ف ..يُجَفف ف...يُسف" في بلاد الشمس الملتهبة... و أسهب في الحديث عنه.. و تمنى لو أنه كان ترياقآ شافيآ لما يعانيه من زهج و ملل و فراغ...... (و لا أشك على الإطلاق في صدقه خصوصآ في الصفة الأخيرة بالذات)... . . حينها كدت أصاب "بإلتواث" من شدة الضحك حتى كدت أستلقي على ظهري ...من موضوعية هذا المرشح....... لكن قفز إلى رأسي سؤال أفسد على إستمتاعي بعبقرية هذا المرشح..... . . .
إذ كيف يتأتى لمن يتجمل هكذا أن يفكر في المسحوق أعلاه و هو الذي يستخدمه عادة الأشداء ذوي "الشلاليف" الغليظة و ليس "المتجملين" ذوي "الشفاه"...؟ . . . . يا أيها المرشح... . . . إهتم كما يحلو لك بنفسك و جمالك...و تجرع ما شئت من كئوس الإعجاب بما منحك الله له..و زادك مما إنت فيه..... . . .
فقط تذكر.. كما أنه من حقك أن "تتجمل" كما تشاء.....فليس من حقهم...... و لا من حقك أن تشرك او "تُري" الآخرين هذه الأشياء سواءآ برضاهم أو بدونه... . . لذلك أرجوك ألا تشركني أو "تُريني" ما ليس لي بحق...و إن منحك الله فائض منه.. فهناك من يستحقه..و سيكون سعيدآ به.. و سيسعد أكثر إذا علم أنك خصصته وحده دون سواه بهذا الشئ....... . . . . ختامآ... . . الناس في شنو..؟ و البورد في شنو؟....و إنت في شنو...؟ . .
. .
. . . مودتي... ود حطب الله
| |
|
|
|
|
|
|
Re: طـبّاز البــورض! (Re: أيمن الطيب)
|
ود حطب الله
أول شي سلام
تاني شي إن شاءالله ما أقع معاك خير شر
ياخي المرشحين ديل عملت فيهم عمايل و الله ما إنسانية
لكن أقول ليك حاجة سيرو و عين الله ترعاكم
تحياتي
| |
|
|
|
|
|
|
Re: طـبّاز البــورض! (Re: ABUHUSSEIN)
|
الأعزاء المتداخلون.. . . شكرآ لمساهماتكم و آرائكم فيما يقوم به "العبد لله"... . . فقط أو الإشارة إلى أن قوائم "ُمرشحي ود حطب الله"...ليس الغرض منها "سلّ اللسان" في "خلق الله".. و لكنه تعبير عن بعض "الممارسات" .....التي نتمنى "كلّنا" أن تزول ........... ليعود هذا المكان كما كان سابقآ "كحامل المسك...إما...و إما...و إما".... . . الأعزاء القراء.. . . أهتم لآرآئكم...لأنكم أحرص الناس على الجودة...فقد تعلمت من هذا المكان أن معظم من "يمتلكون مفاتحه" لا يقرئون مثل أولئك المتابعين " من وراء حجاب"... . . لمن لا يمتلكون بريدي الإلكتروني...تجدونه أدناه: [email protected] . . . مودتي... ود حطب الله
| |
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
الأعزاء القراء... . . تحتوي قوائم المرشحين على مجموعة من الأخطاء الإملائية و النحوية... نتيجة لأني بشر قابل للنسيان و إرتكاب الهفوات...و لصعوبة الكتابة و التنسيق على جهازي... و خشيت أن أُعدلها فيٌفهم ذلك على أنه "حذف ٌ أو إضافة أو تعديل " في السياق.. . . لذلك أتعشم حسن تفهمكم لهفواتي اللغوية... و أثق في أنكم أدركتم ما أود قوله من المعنى العام للجُمَل.. . . . مودتي... ودحطب الله
| |
|
|
|
|
|
|
Re: طـبّاز البــورض! (Re: الطيب العامرى)
|
Quote: إعلان... . . .
يوجد مرشح "نادر الحدوث"...ظهر في أواخر العام الماضي و قام "رقيب الحلفايا" بوضعه في "الإستيداع" قبل فترة ... . . في تقديري أن هذا المرشح "فلتة" لا يمكن أن تتكرر...فهو شاعر نحرير و سياسي ضليع... أقام تحالفآ على رؤوس الأشهاد مع ملك "البوستات العاجلة" إضافة إلى كتابته بلغة لا يفهمها إلا من عُلّم منطق الطير..
|
ود حطب الله
أود ان ازف لك وللجميع خبر عودة المرشح المذكور بعد ان فك اسرة عمدة الحلفايا...
علية فنحن موعودون بعودة النفائس والدرر.......
| |
|
|
|
|
|
|
Re: طـبّاز البــورض! (Re: ABUHUSSEIN)
|
الأعزاء رواد البوست... . . تسجيل حضور و إستلام وردية حسب تعليمات "عمك".. . . أرجو المعذرة لتوقف السرد.... لكن لا أود أن أحرم نفسي و أحرمكم من "الإبداعات" و "المتعة المجّانية"...ل"مرشحنا الفلتة".... و الذي يبدو أن فترة "الإستيداع" قد زادته "إبداعآ" و تألقآ....... . . و ها هو "الحبيب المُنتظر" يعود إلينا....و يملأ "البورض" ب"درر" الحديث و "لآلئ" المعرفة...... و يفيض علينا بما فتح الله به عليه... . . أرجوكم إستمتعوا به ولا تحرموا أنفسكم من هذه "النفحات"... . . و مالكم و غثاء "ودحطب الله"...و كلامه "الثقيل"... . . . لي عودة إن شاء المولى... . . . مودتي... ودحطب الله
| |
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
يا ود الصايم... يا عمك... . . . أشهد... . . البوست بتاعك سلمناهو ليك زي ما هو...و ناسك الأمنتو ليهم كلهم شتتوا.. و خلوني " اعافر" براي... . . . ياخ أنا لي يومين جاتني "فلايت" من "عتالة" البوست مع زحمة "شارع المنبر" دا.. و "تكاسي السياسة" الحايمة و مالية لينا الحوش دي... و كانت غبت ساعة واحدة بس .. إلا تمشي "تنهزوا" من آخر السوق... . . . و بعدين ياعمك .. الناس دي شكلها كلها "مكبرة اللفة" من الزقاق دا.... . . غايتو أعفى لي... . . يلا إستلم أمانتك ... . . ما دايرين نخرب ليك البوست "المفرفش" دا أكتر من كدا.. . . . ألا هل بلغت؟ . . . ودعتك الله... . . . . . مودتي... ودحطب الله..
| |
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
أها يا ود الصائم ود حطب الله ما قصر معاك و لا قصر معانا
عايزين نشوف النتيجة و نتمناها واحد من ديل
واحد كل ما ذُكرت الجزمة إتذكرناه
واحد إرتبط إسمو بي ملاح الشرموط
واحد شفقان شفقة شديدة بشمت قبل مباراة المريخ تنتهي وسبحان الله طوالي مفضوح
و واحد بذكرك ناس أولى إبتدائي ما بقدر إكتب ليه جملة مفيده
| |
|
|
|
|
|
|
Re: طـبّاز البــورض! (Re: ABUHUSSEIN)
|
Quote: إعلان... . . .
يوجد مرشح "نادر الحدوث"...ظهر في أواخر العام الماضي و قام "رقيب الحلفايا" بوضعه في "الإستيداع" قبل فترة ... . . في تقديري أن هذا المرشح "فلتة" لا يمكن أن تتكرر...فهو شاعر نحرير و سياسي ضليع... أقام تحالفآ على رؤوس الأشهاد مع ملك "البوستات العاجلة" إضافة إلى كتابته بلغة لا يفهمها إلا من عُلّم منطق الطير.. . . لكن. . . تقتضي الأخلاق ألا نكتب عنه طالما لا يملك القدرة على أن يأتي و يدافع عن نفسه.... لذلك لم أضع له "رقمآ" و لن أكتب عنه حتى أتأكد أن "رقيب الحلفايا" قد أفرج عنه ضمن الذين شملهم "عفو ما بعد الأرشفة"... فإن كان لدى أي منكم معلومة عنه ...فليمدني بها مشكورآ.. . . . مودتي... ودحطب الله |
يا ود حطب الله .. فكوه للأسف الشديد من الاستيداع وبعد ده جاكم البلى...خمّوا وصروا ساكت ..
عليك الله يا ود حطب الله إمسك في "العاشر" ده قوي .. أنا عن نفسي أثنيه بقوه ولو في طريقه أجيب معاي ناس الصين الشعبيه ذاتم يثنوه معي..
ياخي ده زول "موبالغه" عديل في الطبيز ..بني آدم أجارك الله ياخي .. دائماً ما أشعر بالغثيان بمجرد قراءة اسمه .. ولكن نقول شنو .. الله غالب ...
مع خالص حبي وتقديري لك ولود الصايم العجيب وكل المتداخلين هنا ..
| |
|
|
|
|
|
|
Re: طـبّاز البــورض! (Re: عزام حسن فرح)
|
Quote: في شنو هِنا؟ اللمه في شنو؟ علو خير! |
أووووووووووو .. عزام يا عمكـ حمد لله على السلامة ياخ! إن شاء الله الأمــور كلها كويسة!
شايفكـ مشيت تعافر مع الجماعة بهناكـ! ياخ لقيت لياقتكـ (اللياقة بتاعة الكورة) قوية لكن!
الحاصل هنا بالضبط: عاملين حصر وانتخابات لـ طبّاز البورض! تعال رشح ولا صوّت .. يا كمان اقعد مع الناس دي نظّر!
| |
|
|
|
|
|
|
Re: طـبّاز البــورض! (Re: محمد عبد الماجد الصايم)
|
Quote: هيثم يا عمكـ أخباركـ ياخ ومشتاقين شكلو كـدا واحد هاري فشفاش كبدتكـ!
رشّح ياخ! |
والله مشتاقين بالأغلبية يا لذيذ.... غايتو الله ريحني من الترشيح لكن لا مانع أن نُثني مع ود حامد صالح في تعليقو التحت.... سبحان الله مع إنو المُرشح جاء نازل تحت دائرتي...
Quote: طلع عزام وارغو كبير
شوف ليهو محل مع الطبازين بتاعن الدباسين و للا الدمازين
عليك الله بالله يا عمك ما تخذلنا سمح |
________________
زعــااااااااااااط ياخ.....
| |
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
Quote: البوست بتاعك سلمناهو ليك زي ما هو...و ناسك الأمنتو ليهم كلهم شتتوا.. و خلوني " اعافر" براي... |
ود حطب الله! ما عهدناكـ (جِبنة) بالطريقة دي؟ كمّل ياخ! أخوكـ كان مزنوق شوية ولسه الزنقة حاصلة! بس قلنا نلحق السوق شوية ونتخارج!
| |
|
|
|
|
|
|
Re: طـبّاز البــورض! (Re: ABUHUSSEIN)
|
Quote: ود الصائم الولية دي بالله سجلها معاك كبرت و بقت ما ناقشة أي شئ سجلها و أنا بطلع الشارع أجيب ليك أصوات كتيييييييييييييييييييييييييييييرة |
أبو حسين يا عمكـ إنت حتجيب أصوات الناس كلها ولا شنو؟ طيب ما تمش تشتغل مع المؤتمر الوطني!
| |
|
|
|
|
|
|
Re: طـبّاز البــورض! (Re: محمد عبد الماجد الصايم)
|
Quote: شايفكـ مشيت تعافر مع الجماعة بهناكـ! ياخ لقيت لياقتكـ (اللياقة بتاعة الكورة) قوية لكن! |
زولك فشنك لياقتو ما تلعبو فى النيل مدنى
طلع عزام وارغو كبير
شوف ليهو محل مع الطبازين بتاعن الدباسين و للا الدمازين
عليك الله بالله يا عمك ما تخذلنا سمح
| |
|
|
|
|
|
|
Re: طـبّاز البــورض! (Re: احمد حامد صالح)
|
أحمد صالح يا عمكـ
أخذلكـ كيف ياخ! مش عزام دا أسجل ليكـ حنانو ياخ! بعدين النجيضة: عزام عندو الاتنين .. كان لياقة كان لياقة!!
وسجل عندكـ: عزّامون ابن حسن فرح!
| |
|
|
|
|
|
|
|