|
|
|
 Re: طـبّاز البــورض! (Re: طلحة عبدالله)
|
ود الصايم انا خليت الترشيحات لود حطب الله الراجل دا عينو نجيضه من طبقاتو انا عرفتو ليك بيكشف الملعب كلو واهو لاعب معاك ون توهات وباصات بينه ميه الميه وانا مستمتع خالص باللمسه الحلوه
| |
 
|
|
|
|
|
|
|
|
Re: طـبّاز البــورض! (Re: خالد عبد الله محمود)
|
Quote:
ود الصايم انا خليت الترشيحات لود حطب الله الراجل دا عينو نجيضه من طبقاتو انا عرفتو ليك بيكشف الملعب كلو واهو لاعب معاك ون توهات وباصات بينه ميه الميه وانا مستمتع خالص باللمسه الحلوه |
| |
|
|
|
|
|
|
|
|
 Re: طـبّاز البــورض! (Re: خالد عبد الله محمود)
|
والله يا خالد يا عمكـ
الواحد بقت تفوت عليهو جنس مآسي في البورض دا!
ياخ دا سجّلناهو .. وتثنية من عندكـ وصوت إضافي من هارون دياب!
باقي ليهو تلاتة أصوات ونديهو الجايزة ونقفّل البوست
| |
|
|
|
|
|
|
|
|
|
Re: طـبّاز البــورض! (Re: Yassir Tayfour)
|
المرشح السادس...
.
.
(تجدر الإشارة إلى أنه و في إطار المساواة الجندرية..يحتمل أن يكون المرشحين السابقين
أو القادمين "إن شاء الله" مرشحآ أو مرشحة...و إستخدمنا التذكير في كلمة مرشح لإطلاق الجزء و القصد هو الكل)...
.
.
.
مرشحنا اليوم يمكن أن نطلق عليه لقب "المرشح الآبق"...
.
.
نشأ هذا المرشح و نما فكريآ داحل منظومة إشتهرت بالإهتمام بالبناء الفكري و الأيديولوجي لمنتسبيها
إلى درجة الBrain Wash.....حتى أصبح الإنتماء إليها او مصادقة منتسبيها أو حتى الإستماع إلى فنانيها
وشعرائها و وضع تسجيلاتهم أو "تنهد" كلماتهم مظهر من مظاهر الإنتماء إلى قبائل بني ثقيف...
.
.
و في يوم من الأيام ..و إثر عكة سياسية.."كركب ضقل" هّذا المرشح..و بقى ليهو إنتماؤه التنظيمي (بمبي)..
و القصة معروفة....
.
.
المهم(كما يقول أحد المنبريين)...أبرز سمات هذا المرشح يمكن إيجازها كالتالي:
.
.
1-يدوس على حروف الكيبورد بسرعة و دقة تحسده عليها سنابك المغول...
.
.
2-لا يدخر وسعآ في الردعلى متداخليه..مطبلين و مناقرين..كأنما زهد هذه الدنيا و نعيمها..و نّذر ما تبقى
له من عمر لمواجهة قبائل سودانيزأونلاين..
.
.
3-يجود بكل ما أوتي من من كلام...فكل كلمة تكتبها له..يكون رده عليها بمقال فخيم مفحم..يبدأ بالفذلكة التاريخية
و ينتهي بإسم ذلك الحزب ذي الإسم الأطول من (الجماهيرية ال...ال...أل...أل....ال...ال...).
.
.
.
4-له القدرة على أن يجعلك تحس بوجود ذلك الكيان ذي الإسم الطويل..يجعلك تحس به ككائن جبار يملأ عنان الساحة
و ترتجف له أوصال الساسة و أولى الأمر و كل التنظيمات..رغم ما يسببه له هذا من إجهاد و رهق بإعتباره..المؤسس
و الرئيس و عضو مجلس الإدارة وأمين المال و الأعلام و باقي الإعضاء...
.
.
.
5-إختار الإنترنت و بعض المؤتمرات ذات الإهتمام المحدود لتقويم "الحاكم بأمر الله" و الإنتقام من رفاق "تنظيمه" الطليعي
السابق...و لم يختار السيف كعدد من تلك التنظيمات التي يفترش مواطنيها مغرب شمس بلاد السودان.. و يلتحف ساستها طنافس
بلاد بني الأحمر...لذلك فمرشحنا الهمام لا يمتلك جهاز "ثريا" و مسئول شئون رئاسة و رئيس هيئة أركان..و لا يطلق على نفسه
لقب "القائد".. أو أي رتبة عسكرية أكبر من رتبة العميد..
.
.
.
6-يمكن لمرشحنا"الهمام" القيام بحملة لإطلاق سراح أي مواطن ..و "الذي منه" يعني Full Service دون أن يكون متواجدآ
في أرض الحدث ....يعني بإختصار ..هو من أحسن الذين يقومون بالتهديد و التنديد عن بعد...
.
.
.
7-
8-
9-
10-
.
.
الذي أستغرب له.. هو إنسلاخه الكامل عن جلده التنظيمي السابق...و هذا مفهوم.. لكن التطرف في العداوة الذي يمارسه
هذا المرشح يجعلني أشك في أنه سوداني ..قد أكل في صحن واحد يومآ ما مع رفاقه السابقين...مما جعل أكثر المشتطين
في العداوة الأيديولوجية لتنظيمه السابق يقف محتارآ .. أمام كراهية و إنتقام هذا المرشح "الهزبر"..
.
.
أخي المرشح الهمام...إنتقد ما شئت و غير أفكارك كما شئت و طالما أنك تستعمل مخك بكفاءة فهذا دليل عافية ..أنه و لا بد
أن ياتي يوم و تستقر "غربتك التنظيمية" تحت مظلة فكرة ما...
.
.
فقط .. أرجو منك ألا تفجر في الخصومة...و تذكر أن إختلاف الأفكار لا يعني التنكر لما مضى...كما أنه ليس كل ما يعرف..يقال..
.
.
.
.
مودتي..
ودحطب الله
| |
|
|
|
|
|
|
|
|
|
Re: طـبّاز البــورض! (Re: محمد البشرى الخضر)
|
ود الخضر...
.
.
ياخ أنا قلت زول بيقول (تسلم آبوي) دا بكون زول خيل ساكت..و ما ماشي
يخليني قاعد براي في "السهلة" أتلفت كان العجاجة قامت...
.
.
.
عمومآ..مافي داعي للأسف ...إن شاءالله نحاول "نقرط" الصواميل from now on لزوم إحتياطات الأمان و كدا..
.
.
.
بالمناسبة:
عمك طلع (برئ) بشكل...و مش قاعد في السهلة بس؟ دا خارج التغطية نهائي...و بقى شغال بنظام الإستعانة بصديق...
.
.
.
مودتي..
ودحطب الله
| |
|
|
|
|
|
|
|
|
|
Re: طـبّاز البــورض! (Re: Yassir Tayfour)
|
مرتضي و البدري:
.
.
مشكورين على الثقة...
ياسر:
.
.
بت الناس ذنبها شنو ياخ؟
.
.
.
الجميع:
إستجابة لرغبتكم.... أعتذر عن "التردد المنخفض" و البث الأرضي لموجة التشفير...
إن شاءالله باقي المرشحين نحاول نخليهم "غلوتية" بس...
.
.
لكن عليكم الله أقنعوا لينا ودالصائم..لأنو هو الكان بيطالب بفك التشفير..
عشان ما يجي يديني كرت أحمر من البوست
.
.
.
.
مودتي..
ودحطب الله
| |
|
|
|
|
|
|
|
|
|
Re: طـبّاز البــورض! (Re: طارق جبريل)
|
يا عمك...
.
.
أيامك ساكوبيس و الله...
البوست في زمن قياسي إرتفعت أسهمه و قفز للصفحة الثالثة مع عدد مشرف
من القراء ...كل ذلك حدث دون أن يكون مبتدر البوست "دامة" ..و لا توجد
ديباجة "توجد صور"...تصور؟
.
.
عليه...
لدي جملة من المطالب و هي كالآتي:
1-حقي في "الكدة" دي حسع Now...
2-الشروع في تكوين "مفوضية الإنتخابات" للبدء في فرز و قبول المرشحين و
تحديد المتأهلين للتصفيات النهائية...
3- ما داير أشيل "وش القباحة" براي...
.
.
.
الرجاء النظر في هذه المطالب العادلة و المشروعة.. لكي أتمكن من كتابة باقي
قوائم المرشحين...
.
.
.
صدر تحت توقيعي..
ودحطب الله(عليه سلام سلاح)..
الأراضي "المرشحة"
| |
|
|
|
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
ود الصائم
خليني اولا أشيد بجهود ود حطب الله في إبراز مناقب طبازي البورد
تصور أنا متابع الطبزونة دي من بدايتها
اضحك ساكت ...
واشيل الماوس وأوديها على رد وتحلف الفأرة ما تمشي
أخوك عامل فيها ظريف وما داير مشاكل مع أي زول
المهم في البداية أشفقت عليك من هذا الخيط وحسبته سيلتف رويدا رويدا حول رقبتك
وقلت الله يستر ...
وتابعت حالة المخاض العسير التي عاشها الخيط في لحظاته الأولى
ولكنك بصبرك ولعبك السهل الممتنع استطعت أن تجتاز مرحلة عنق الزجاجة
ولكن الانتعاشة الكبرى أتت على يد المحتطب القدير ود حطب الله
وقد صادف هذا الخيط هوى في نفسه ... ووقع ليه في جروح كتيرة
غايتو أنا إكراما لود حطب وشجاعته النادرة ومنطقه العالي
اتبرع بتثنية كل ترشيحاته التي توصل لفك شفرتها ود البشرى والتي لم يستطع
وأقول له واصل كفاحك خليك حريص .
| |
|
|
|
|
|
|
|
|
|
Re: طـبّاز البــورض! (Re: جعفر محي الدين)
|
اها يا ابوي عاين مرشحي في احدث طبزة في بوست الاعتذار
يلا ابصم بالعشرين..
لا الك طباز الا ابو ساندرا..
Quote: هسع انا أرد عليك واللا اتابع الكورة
طيب
ما رأيته مزاحآ سمجآ لم يكن في حقيقة الأمر مجرد مزاح
ولا مناكفة
كان محاولة مني لترويض الغضب الذي لم يفارقني قيد أنملة
مذ مطالعتي لمداخلة بدرالدين التي إعتذر عنها وعدها فجور
لقد عرف الذين حضروا لمنزلي لمراجعتي عن موضوع البلاغ
وهم بهاء وعادل وكمال سالم وسيد ابو ورقة ، عرفوا مدى غضبي
والذين كانوا في جلسة المصالحة بالأمس لحظوا ذلك الغضب
غضب مشوب بالحزن وبالصدمة أن إجترأ أحدهم وبقلب بارد
ودون أن يطرف له جفن على أمي في أعز ما تملك شرفها
إذ أن عديم الأهل هو اللقيط مجهول الهوية والنسب
هذه الفرية أول ما تصيب تصيب أمي كما قلت
الغضب لازمني منذ اللحظة الأولى
لذلك مكثت زهاء الساعة في سيارتي لأحدد إتجاهي
هل إلى السد حيث مكتب بدرالدين أم إلى شرطة العاصمة
وأخترت الأخيرة بعد مشاورة ثلاث
ثلاث حاولوا أن يردوني
وكنت مصر على واحد من المشوارين
يا شباب انا إحترمت الإتفاق وقبلت الإعتذار
برغم ان الإساءة كانت كبيرة جدآ
ودللت على إحترامي ذلك بسحبي لللبلاغ من الشرطة
المداخلة لم تكن مجرد مزاح
ولا كانت مناكفة ، كما ذكرت
كانت محاولة أخيرة للجم غضب
ومازلت غاضب
وما أظن مجرد الإعتذار يداوي جرح عميق
حتمآ سوف ينفتح في قلب وفي رأس
كل من عرضت أسرته للقذف
لا لسبب
سوى ( الإغاظة )
كما قال
الذي حاول أن يغيظني عشان وصفته بالجهل
بأن رمى أمي في شرفها
هل كان يتوقع أن مجرد اعتذار سوف يداوي الجرح ؟
نيتي طيي هذا الملف تمامآ
وأن أكون أبعد مايكون عن بدرالدين
فالذي لايحترم الاسر ويكون قادرا
على القذف بتلك الطريقة فقط ليغيظك
لايمكن ان تطمئن له ابدا
اقبل الاعتذار وامسح كلامي الفوق ده
واعتذار عن استقبال عشاء عادل سالم الاحتفالي
والتزم بتجنب بدرالدين على اي مستوى
ولاحقا سوف اكتب عن راي في الزج بالاسر
في الصراعات التي تدور هنا |
| |
|
|
|
|
|
|
|
|
|
Re: طـبّاز البــورض! (Re: جعفر محي الدين)
|
Quote: ولكن الانتعاشة الكبرى أتت على يد المحتطب القدير ود حطب الله
وقد صادف هذا الخيط هوى في نفسه ... ووقع ليه في جروح كتيرة |
عمنا جعفر .. أخباركـ ياخ والأمور
والله ود حطب الله ما قصّر معانا تب!
وبقية الجماهير والمرشحين والمثنين
شايف درجة الشفافية بقت عندهم عالية!
بالنسبة للتثنيات يا عمكـ .. تعدينا مرحلة
التثنيات بالنسبة لكامل مرشحي ود حطب الله!
ونعتبر مداخلتكـ دي صوت لكل مرشح فيهم!
تمام .. أرح لي قدام!
| |
|
|
|
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
Quote: عليه...
لدي جملة من المطالب و هي كالآتي:
1-حقي في "الكدة" دي حسع Now...
2-الشروع في تكوين "مفوضية الإنتخابات" للبدء في فرز و قبول المرشحين و
تحديد المتأهلين للتصفيات النهائية...
3- ما داير أشيل "وش القباحة" براي... |
ود حطب الله!!
ياخ البوست دا زاتو اعتبروا حقكـ .. ليكـ التشفير ولينا فكّو!
أها .. وش القباحة دا خليهو لي تماما .. ما عندي فيهو أييي قشة مرة!
بالنسبة للمفوضية دا اقتراح جميل عديل!
وأنا بفتح باب الترشيح لكل ما يأنس في نفسه الكفاءة!
ما عدم فتح المجال لأي مرشح تم ذكر اسمه في هذا المنعطف التاريخي
أها يا عمكـ
بالنسبة لتحديد القائمة النهائية دي بعد ما تقول أنا خلاس
ما عندي مرشحين وكمّلت العندي .. بعد داكـ نعمل الحصر الكامل
وعدد الأصوات ونشوف الجائزة حتمش وين!
ود حطب الله .. متّعتنا!
| |
|
|
|
|
|
|
|
|
|
Re: طـبّاز البــورض! (Re: محمد عبد الماجد الصايم)
|
| Quote: كان أقول ليكـ دا حقد طبقي ساي! |
يا حمودي
الفرق شاسع ما بين العندو حق العشاء والماعندو حق العشاء
حق الجار على الجار يا حمودي، بأن لا يؤذي جاره بقتار قدره؛
ولكن الجار تأذّى خالص من أخونا حميدة، حيث قال الجار:
تأتيني رائحة القدر، ويأتي معها صوت الجار: ماعندك حق العشاء، ما عندك حق العشاء..
___
وهذا ما ولّد الحقد الطبقي، وانت براك عارف الجوع كاااافِر..
| |
|
|
|
|
|
|
|
|
|
Re: طـبّاز البــورض! (Re: Yassir Tayfour)
|
Quote: ولكن الجار تأذّى خالص من أخونا حميدة، حيث قال الجار:
تأتيني رائحة القدر، ويأتي معها صوت الجار: ماعندك حق العشاء، ما عندك حق العشاء..
|
والله يا أب تفة .. حوميدا دا ما تستبعد
يكون بعاين لجارو فوق الحيطة ويطلع ليهو لسانو!
دي صورة مصاحبة لـ ما عندكـ حق العشا
| |
|
|
|
|
|
|
|
|
|
Re: طـبّاز البــورض! (Re: طلحة عبدالله)
|
Quote: إني وحاة الخوة لأستغرب كيف أن (هنايا) وهو من اعز الأصدقاء
لم ير هذا البوست المطبوز من اولو لآخرو |
ولأن هناي يعتبر الطبّاز الأكبر لدينا
فنحن والحمد لله لدينا الأنتي فايروس المناسب!
| |
|
|
|
|
|
|
|
|
|
Re: طـبّاز البــورض! (Re: محمد عبد الماجد الصايم)
|
نحب في هذه اللحظة المفصلية في تاريخ البوست
أن نزجي الشكر لود حطب الله، حقيقة لعبو ممتع .. بس
نرجع لمطالب الجماهير الخايفة دي ونوصي برفع ليفل
التشفير شوية .. مع توفير خيار (الاتصال بصديق )
| |
|
|
|
|
|
|
|
|
|
Re: طـبّاز البــورض! (Re: جلال جبريل)
|
يمين بالله ياعمك تتابع ود حطب الله دا إنت وبوستك وعدتك تمشوا الخور
ياعمك الراجل دا قبل ما يتم أرشفة واحدة دخل المادة 100
بقيت تخوف يا ود حطب الله
| |
|
|
|
|
|
|
|
|
|
Re: طـبّاز البــورض! (Re: Faris Mohamed)
|
| Quote: ياعمك الراجل دا قبل ما يتم أرشفة واحدة دخل المادة 100 |
إنا لله!
بالله بكري قدر يفكـ تشفيرات ود حطب الله
دا لحدّي ما سلمو الظرف بتاع المادة 100؟
| |
|
|
|
|
|
|
|
|
|
Re: طـبّاز البــورض! (Re: محمد عبد الماجد الصايم)
|
أها .. أول مرة أشوف لي إيميل فيهو كوت!
Quote: أعمل ليهو شنو ياخ!
دا جاي طابزني في الإيميل .. لو بقينا
في البورد إلا الواحد يرحل! |
Quote:
الجميل لسا ود الصايم
طبعاً عجبنى شخيتك لي بصوره دعتني للتكيف اكتر والمطالبة مجدداً
والشهادة لله انى كنت عضواً بالمنبر فى 2003 لكن تقول شنو بس ...
المهم
اسا بلاى الطابز التانى منو فينا ؟ أنا المرسليك فى ايميلك المنشور على قارعة البوست
ولا انت الشايل رسالتى البرايفت (التوسط ما الترشيح) وحاتينى حت على رؤوس الأشهاد .
غايتو دى بحسبا ليك طبزه وبالتالي ترشيح منك لشخصكم الكريم وطبعا واكيد لا أثنى ...!!
على قولك غايتو جنس غايتو
مع تحياتي
|
غايتو يا عمكـ .. المرّة الفاتت شخّت ليكـ
وجبت كلامكـ وما قلت اسمكـ .. المرة الجاية ـ ما دي ـ
يمكن أخت اسمكـ عديييييل .. ويكون التشخيت على أصولو!
يلا .. نمشيا ونعتبرا ترشيح لشخصنا السمين!
وبيني وبينكم أنا زاتي عملت لي طبزة في بوست
كـدا .. لمن حيّرت ليكـ نفسي زاتو!
يلا .. مين يثّني؟
| |
|
|
|
|
|
|
|
|
|
Re: طـبّاز البــورض! (Re: محمد عبد الماجد الصايم)
|
ننتقل إلى طبزة خارجية:
Quote: ود الصائم يا عمكـــــــ
أول حاجة أنا من أشد المعجبين والمتابعين للــ...... الخ ,, الحنك العادى داك
تانياً
ياخ حيرتنا حتى تشابه علينا الطبازين
على العديله سجل عندك
تراجى مصطفى
علاء الدين
أما بخصوص محمد عادل
فالطبازين هنا
وهو هنااااااااكـ
ياخ قول لى تعال ياخ
ود الأمين
النبى فيك تنزلها عشان الواحد يشوف خطو فى البورد سااااى
|
دي من أخونا عمّار الطيب .. والنجيضة: خطّكـ زي وش دينا خالد!
يا عمكـ .. ود اللمين دا منو ياخ؟
| |
|
|
|
|
|
|
|
|
|
Re: طـبّاز البــورض! (Re: محمد عبد الماجد الصايم)
|
Quote: كان أفصح ما عارف!
والله أفصح إلا بدر الـ (دين) وأبو ساندرا
يجوني الرياض دي بالســلاح الأبيض والأحمر! |
ود الصايم
لوووووول على قولهم ... افصح انا ولا اخليها مستووووره ..
بما انو ما وقعت لي كويس لكن حسيت بحاجة كدي ما في محلها تاني ... لووووووول
لمن آآآمنته وعدلته مداخلتي ..
وطبز يطبز طبزا ..
غايتو الله يستر على قول حبوبة غريبة
| |
|
|
|
|
|
|
|
|
|
Re: طـبّاز البــورض! (Re: عفاف الصادق بابكر)
|
Quote: بما انو ما وقعت لي كويس لكن حسيت بحاجة كدي ما في محلها تاني ... لووووووول
لمن آآآمنته وعدلته مداخلتي ..
|
الحمد لله ياخ!
كـدا يبقى الدليل ألولووو
غايتو الشرح داير تعهد بتحمّل المسؤولية كاملة!
| |
|
|
|
|
|
|
|
|
|
Re: طـبّاز البــورض! (Re: عفاف الصادق بابكر)
|
ود صايم يا عمك شايفه الطباز الاكبر سكت عن بوستك ده
وياهو قاعد وما مشى الخور(وجه من وجوهك الخضر)
Quote:
بعدين يا عمكـ شوية شوية ياخ!
عاوزين الناس تجي تخرر وتزوير وكلام كتير!
أول شيء نكمّل قائمة المرشحين
ولسع ما خشينا على قوائم المرأة
والمقاعد الولائية
وعييييييييكـ .. |
ده الحاله ما خشيت في قوائم المرأه
يعني منزلني في قوائم الضكوووووور!
استنى لي يا ود الصايم(ههههههههه)
دي براها بتجيب لك التثنيه لطبيظك.
| |
|
|
|
|
|
|
|
|
|
Re: طـبّاز البــورض! (Re: Tragie Mustafa)
|
Quote: ده الحاله ما خشيت في قوائم المرأه
يعني منزلني في قوائم الضكوووووور!
استنى لي يا ود الصايم(ههههههههه)
دي براها بتجيب لك التثنيه لطبيظك. |
تراجي يا عمتكـ .. نحن لسع في المرشحين
لرئاسة جمهورية الطبيز .. يعني ترشيحكـ رئاسي عديل!
ما ممكن كمان نختكـ في الرئاسة وقوائم المرأة؟
بالطريقة دي ناس سارة الضارة حنلقى ليهم فرقة وين؟
أما فيما يتعلق بـ
Quote: ود صايم يا عمك شايفه الطباز الاكبر سكت عن بوستك ده
وياهو قاعد وما مشى الخور(وجه من وجوهك الخضر) |
كااااااااااااااكـ ياخ!
غايتو لو جا لحسو بعد دا إلا تديني تعويض!
| |
|
|
|
|
|
|
|
|
|
Re: طـبّاز البــورض! (Re: عفاف الصادق بابكر)
|
ويكون لعلمك يا ودو كماين
أنا ما معترض على كوني طباز او طباخ
لكني أكاد أستشيظ غضبا وأتميز من الغيظ لحشري
ضمن قائمة تضم فلان وعلان وبرتكان .
قليلا من الإنصاف يا هولاء
وما هكذا تؤكل الزبادي .
| |
|
|
|
|
|
|
|
|
|
Re: طـبّاز البــورض! (Re: Tragie Mustafa)
|
Quote: ا اخي عليك الله شوف الناس دي منداحه كيف؟؟؟
اولا ود سليمان مالو ومال بروفيلات الناس(اكبر طبزه)
قال بقرض البحث العلمي وهو قد يكون كلام صحيح
الفيلم الهندي قبضو بالاكيده انه مخلي بروفايلاه ملجه الا من حب الزغني بالانجيره(هههههه) |
يا تراجي .. ما شفتي قصة الكتابة في إصلاح القراءة دي!
| |
|
|
|
|
|
|
|
|
|
Re: طـبّاز البــورض! (Re: عفاف الصادق بابكر)
|
رد مطبوز آخـــــــــر من عمكـ أحمد اللمين
Quote: غايتو حيرتنى
بقيت اضحك هنا وهنااك
وعيدك بنشر اسمى فى المره الجايه لانملك الا ان نقول لك اعلى مافى بوستاتك اركبو وكان مالقيت بوست عالى فى بوستاتك يمكنك الاستعانه ببوست صديق (ها ها هااااى) (لقيتنى كيف بلاى فى النضال ؟)
ياحبيب ما استرسالى فى مكاتبتك الا لاستلطافى لك وموده كانت وستظل قائمه خصوصاً ان الشخييييت لا يفسد لظرافتك ومودتى الخالصه قضيه
اذن مامشينا بعيد و شايف خطواتى فى التوجه نحو الرد عليكم عيانا بيانا ومن داخل اراضيكم المقدسه (حوش بكرى) قد أزفت وان اوانها وانك لمؤثر فيها ..
بالعوده لموضوع البوست (هههههههههه)
التقول كاتبو انا بلاى ..(*_*)
ياخ دمستو ليك البوست والبورد والطبز كلو
|
يا عمكـ
خليت ليكـ الضحكـ بتاع هنا وشلت بتاع هناكـ!
لأنو ممكن يوديكـ في داهية قبل ما تدخل البورض زاتو!
أما فيما يختص بباقي الكلام .. فـ .. شخّّيت برضو!
| |
|
|
|
|
|
|
|
|
|
Re: طـبّاز البــورض! (Re: محمد عبد الماجد الصايم)
|
الرسالة الجاية دي طبزة مني ساي!
لأنو صاحبها رافض نشرها في البورد!
Quote: ياخى والله ود حطب الله ده ابداع عديل كدى (لو الموضوع مشى كدى بنفك تسجيلك ونسجل ود حطب الله اصلوا ناس الاتحاد قانون التسجيل عندهم راس حربة واحد-ممكن نرجعك دفاع)
يعنى يريح حنانك ذاتو بالله خليهو يتجدع شوية والله انا كنت قايلو التنك بتاعهو قدر تنك بدر الدين الامير لكن لقيتو ليك 2 تنك واسبير وكم برميل فى الضهرية (وبلغة اخرى كنت قايلو وقية سكر لكن الزول ده بياكل كيلو باسطة ومعاهو حليب كمان – الحتة بتاعة وقية سكر دى انا مديك فيها حرية التصرف اعملها حقتك والله مابغالطك ولا بجيب سيرة)
مايخلى ليك اى حاجة ناقصة للاستمتاع بس يذكرك الدحيش وكمال عبد الوهاب واحد بجيك رجالة كدى عينك عينك والثانى بدس الكورة والله ماتعرف محلها وين فى الرجل الشمال ولا اليمين
(قرار جمهورى ود حطب الله ده ممنوع انه يقوم يلف) |
لكن الكلام لود حطب الله، ولازم يشوف
الناس بتقدر تشفيراتو دي كيف!
| |
|
|
|
|
|
|
|
|
|
Re: طـبّاز البــورض! (Re: عبدالله ود البوش)
|
المرشح السابع...
.
.
.
.
و يعرف أحيانآ بإسم "المرشح المُنْجِز"
.
.
و سبب التسمية هو قدرته العالية على إشراك جميع مستخدمي الشبكة العنكبوتية
و شبكات الهواتف المحمولة و الثابتة إضافة إلى شبكات الصرف الصحي بالطبع..
.
.
يقوم هذا المرشح "الهمام" بإشراكهم في أنشطته المختلفة بإراداتهم أو بدونها..
و يبذل مجهآ خرافيآ ليجعلك تحس بأن هذا المرشح يعيش في منطقة طول اليوم فيها لا
يقل عن 90 ساعة.. أو أنك تتوفر فيك "جميع الصفات المثالية للتخلف"....
.
.
دائمآ ما يتحفنا هذا المرشح بأنشطته كآآآآآآآآآآآآملة و موثقة بالصور و الفيديوهات..
فعندما يحضر مثلآ مؤتمر ما في جزر "جدعوها الحاقدين" تحت عنوان "التفقيس الحضاري لبيض الحبارى"
فإن كل مشتركي الشبكات أعلاه يكونون Stand By عقب عودته لأخذ الدروس و العبر المستفادة من هذا التفقيس
إضافة إلى صوره-بالطبع- و هو فارد ذراعيه أو متحدثآ عن أهمية "بيض الحبارى" في التنمية المستدامة...
.
.
.
أبرز سمات هذا المرشح "المنجز":
1-لا يدخر جهدآ في جعل كل مستخدمي الشبكات أعلاه- و من جاورهم أو سمع بهم- يحفظون صورته و طلعته"البهية"
عن ظهر قلب...و حديثآ إبتكر التعامل بتقنية الصوت و الصورة ..حيث أصبحنا ننعم بطلعته البهية و هو "ينتعل"
ربطة عنق "لا أعرف الماركة" و يبدأ في الحديث عن قضايا الأمم بكل إدراك و وعي .. إضافة إلى تهديداته الأسطورية
و التي جعلت أحد الحكام يرتجف ذعرآ و يسحب أحد "بواليس الحركة" من أمام كشك حليب..
.
.
.
2-قام بتغيير إتجاه الحركة لفكره في سرعة يحسده عليها "الضوء المنسرب".. و ذهب في الإتجاه المعاكس بمجرد أن
ضغط على أزرارAlt+Shift
.
.
3-تنوع الأنشطة و تعدد النجاحات.. حيث لا يرضيه على الإطلاق أن يحوز مقامآ دون تكريم و قاعات تضئ من فلاشات الكاميرات..
.
.
.
4-
5-
6-
.
.
.
إضافة إلى كل "التخصصات" أعلاه.. يمكننا القول أن هذا المرشح قد أحدث ثورة في علم "الإعلام"... فبدلآ من أن يقوم مراسل
واحد بتغطية منشط واحد للمتابعين... أصبح نصف سكان المعمورة يقومون بتغطيته وحده و ذلك من خلال ما ينشره عن نجاحاته..
.
.
.
لكن..
.
.
لهذا المرشح جوانب مضيئة..خذ مثلآ.. أحيانآ يقوم بالترويج لبعض الأنشطة الإنسانية..و لا أدري لماذا أحس بها كالحملات الأنسانية
الرئاسية؟
.
.
.
.
يا رعاك الله.. يا هذا "المنجز"...قيل في المثل الدارجي "المليانة ما بتجلبغ"...
و الللللللللللللله أتمنى لك النجاح و إستدامته من كل قلبي.........
.
.
.
فقط .. أرجوك أن لا تشركني رغم أنفي في أنشطتك المتعددة و الكثيرة و المنتشرة كأساطيل المارينز...
.
.
دع عملك يتحدث عنك ...و صدقني... لن تندم..
.
.
.
مودتي...
ودحطب الله
| |
|
|
|
|
|
|
|
|
|
Re: طـبّاز البــورض! (Re: جلال جبريل)
|
Quote: بالنسبة للتثنيات يا عمكـ .. تعدينا مرحلة
التثنيات بالنسبة لكامل مرشحي ود حطب الله!
ونعتبر مداخلتكـ دي صوت لكل مرشح فيهم! |
.
.
تشكر يا عمك على الثقة...
.
.
.
Quote: أها .. وش القباحة دا خليهو لي تماما .. ما عندي فيهو أييي قشة مرة!
|
.
.
إتفقنا.. بس ما "تنط" بعدين...
.
.
| Quote: ود حطب الله .. متّعتنا! |
.
.
الله يخليك..
.
.
.
Quote: نحب في هذه اللحظة المفصلية في تاريخ البوست
أن نزجي الشكر لود حطب الله، حقيقة لعبو ممتع .. بس
نرجع لمطالب الجماهير الخايفة دي ونوصي برفع ليفل
التشفير شوية .. مع توفير خيار (الاتصال بصديق) |
.
.
بس كدا؟....Done
.
.
.
| Quote: وقشه ما تعتر ليك .. ولا وش قباحة ولا وش قباحة .. |
.
.
و طيب وش عمك الإتبرع بيهو دا.. نوديهو وييييييييين؟
.
.
Quote: يمين بالله ياعمك تتابع ود حطب الله دا إنت وبوستك وعدتك تمشوا الخور
ياعمك الراجل دا قبل ما يتم أرشفة واحدة دخل المادة 100
بقيت تخوف يا ود حطب الله
لا يا عمك الكلام دا مع تسجيله طوالى
أول تلات بوستات إتنين مشوا الخور ومعاهم العدة |
.
.
كويس إنك حذرتو.. سامع يا عمك... مسجلين سوابق.. أعمل حسابكو إستخدم الساتر
.
.
.
| Quote: يعنى يريح حنانك ذاتو بالله خليهو يتجدع شوية والله انا كنت قايلو التنك بتاعهو قدر تنك بدر الدين الامير |
.
.
تأكيد الذم بما يشبه المدح..
.
.
.
مودتي..
ودحطب الله
| |
|
|
|
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
.
.
Quote: لكن للأسف...تكأكأو تكالب عليه الحاقدون .. أمثال ذلك الكاتب المثقفاتي "الأصلع" ذي البيت المحروق
و ذلك الذي يسمي نفسه بإسم الزعيم السياسي المرموق.. فكرهوه "لعب البلي" و حرمونا من إحدى متع الدنيا الأربع.. |
ياود حطب الله يخيل إلى أنني أعرف الموصوف باللون الأحمر أعلاه
ياود الصايم
أرشح :
1/محمد عادل (لاحرمنا الله جميل تواجده بهذا المنبر)
2/محمد الحبر (الذي وعدنا بالغياب عن المنبر حتى يبلغ أشده ثم أخلف وعده)
3/ذو اليد الذي تجعلك بوستاته تتمنى لو أن الطير تخطفك أو تهوي بك الريح في مكان سحيق .
وكثيرون في بوستاتهم تتجلى الطبزات والمحنً (مع شديد الاعتذار للراحل العطبراوي)
لكن يظل الحبيب محمد عادل مستوياً على عرش طبازي البورد دون منازع، فلله أبوه من طباز قد جمع المتناقضات فحيناً يعذب الأرواح كأنه الشجاع الأقرع وتارة تضحك طبزاته أم سقب أضلته فرجعت الحنينا، وشمطاء لم يترك شقاها لها من تسعة إلا جنينا .
لله دره لله دره لله دره
اللهم لاتحرمنا تواجده ولا تقتلنا بطبزاته واغفر لنا وله بجاه الذي إلى سدرة المنتهى رفعا .
تحياتي وتقديري
.
.
| |
|
|
|
|
|
|
|
|
|
Re: طـبّاز البــورض! (Re: ALazhary2)
|
Quote: 1/محمد عادل (لاحرمنا الله جميل تواجده بهذا المنبر)
2/محمد الحبر (الذي وعدنا بالغياب عن المنبر حتى يبلغ أشده ثم أخلف وعده)
3/ذو اليد الذي تجعلك بوستاته تتمنى لو أن الطير تخطفك أو تهوي بك الريح في مكان سحيق . |
أبو الزهــور يا عمكـ
حمد لله ع السلامة ياخ!
المرشحين بتاعينكـ ديل كلّهم مسجلين ومثنّيين كمان!
أها دي كلها أصوات لصالح الجماعة ديل!
اختيارات موفقة يا عمكـ!
| |
|
|
|
|
|
|
|
|
|
Re: طـبّاز البــورض! (Re: جلال جبريل)
|
| Quote: ما داير أشيل "وش القباحة" براي... |
نسحب كل الحقوق المسماة الملكية الفردية .. والمخطوطة قوانينها ومطرقة داخل كواليس ورفوف
محكمة البتاعة دي (في نمرة 2)...
توؤل الحقوق الكاملة للسيد الجداع ودحطب الله وليه الحق أن يفعل بالبوست مايريد
أي
1/ أن يرشح مايرى فيه الكفأة من أهل البورد طش (ورش) بشرط أن يكون
المرشحين من زوي الطبزات ذوات القزات العالية (يعني متلو كدا).
2/ أن يدع كل من تخول له نفسه بأن يفوز بهذه المنصب الفريد ولود حطب الله
حفظه الله وأطال عمره أن يتبع جميع الأساليب الملتوية ليسكت حعحعات ودالصائم الحاقد عليهو.
3/ أن يرأس ود حطب الله لجنة المفوضية وأن يفتح باب الأنسحاب منذ اليوم الأول للترشيح ويغلغه
قبل ذلك بيوم.
تبقى لنا أن نتحدث عن هذا الرجل الكفء وعن تاريخه السياسي:
لدى الرجل علاقة وثيقة بالسياسة، ولكن هذه العلاقة قد ظلت طوال السنين التي خلت رهينة
الصفحات خلال عدد من مؤلفاته التي تم توزيعها في دول القرن الأوروبي ونذكر منها السياسة البطاشة وضرب الفتاشة ..
| |
|
|
|
|
|
|
|
|
|
Re: طـبّاز البــورض! (Re: جلال جبريل)
|
Quote: ياود حطب الله يخيل إلى أنني أعرف الموصوف باللون الأحمر أعلاه
|
يا زعيم...
.
.
عليك الله ما ياهو ذاتو؟
.
.
يا أزهري محتاجنك شديد بإعتبارك أحد المتضررين من هؤلاءالمبدعين..وممن أشهد لهم
بالصبر و "الإستحمالية" لكفاويهم و "خرمجتهم" السرمدية
.
.
.
Quote: أن يرشح مايرى فيه الكفأة من أهل البورد طش (ورش) بشرط أن يكون
المرشحين من زوي الطبزات ذوات القزات العالية (يعني متلو كدا).
|
.
.
يا جلال..حدد موقفك..كلامك دا قاصد بيهو شنو؟
..
.
.
Quote: تبقى لنا أن نتحدث عن هذا الرجل الكفء وعن تاريخه السياسي:
لدى الرجل علاقة وثيقة بالسياسة، ولكن هذه العلاقة قد ظلت طوال السنين التي خلت رهينة
الصفحات خلال عدد من مؤلفاته التي تم توزيعها في دول القرن الأوروبي ونذكر منها السياسة البطاشة وضرب الفتاشة ..
|
.
.
.
قاصد منو بي الكلام أعلاه؟
مرشح جديد....ولا حاجة تانية؟
.
.
.
.
.
.
مودتي...
ودحطب الله
| |
|
|
|
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
Quote: يا جلال..حدد موقفك..كلامك دا قاصد بيهو شنو؟
|
ماتخزلني بالفهم والتركيز يا ودحطب الله
المقصود بيهو فهمو ودور في الخاص
بس أدونا التصريح نجيبو ليكن منقول زي مابيعمل
أخونا ود الصائم
أفهما طايرة ياعمك
| |
|
|
|
|
|
|
|
|
|
Re: طـبّاز البــورض! (Re: جلال جبريل)
|
المرشح الثامن
.
.
.
أو كما يرى نفسه "المرشح السنتكولة"
.
.
.
مرشحنا هذه المرة يمتاز بحبه للأناقة "حسب منظوره" و العناية الشديدة بمظهره
إضافة إلى علاقة غرام خاصة مع الكاميرا تجعله من عشاق الإهتمام بأخذ
صور و لقطات تذكارية له في "جميع القيامات"-كما يقول العسكر-
خذ عندك على سبيل المثال لا الحصر:
.
.
1-صورة له و هو يلبس بدلة Full Suit في الحر القائظ ببلاد الشمس الملتهبة
مع حذاء يلمع "كأنف الجرو" و تضطره الفطرة إلى الحوجة لشرب بعض الماء.. فيمد
يده و يشرب من جدول ماء في تلك الفيافي بينما تتدلى ربطة عنقه"الطويلة" على سطح ذلك الجدول..
.
.
.
2-و هو في زيارة إلى منطقة "كتاحات و هواء".. تراه يلبس بدلته البيضاء و يصر على أن
تؤخذ له صورة و هو يضع حذائه "المورنش" على سلم الطائرة القصير..
.
.
.
3-أحد رواد لبس بدلات السهرات اللامعة "التي تلبس في الإضواء الخافتة" في منتصف النهار
و في بلاد تتعامد فيها الشمس بزاوية مقدارها 90 درجة مع درجة سطوع قياسية..
.
.
.
4-لا يترك أي مسئول أو مبنى أو شجرة أو حتى زهرة إلا توقف عندها و أخذ معها لقطة تذكارية
و أصر على أن يكحل بها مآقينا لفترة يعرفها هو وحده..
.
.
.
إضافة إلى الصفة أعلاه..يجيد مرشحنا القتال بسيفه الخشبي في المعارك الجانبية و له صولات
و جولات مع مختلف ألوان الطيف السياسي و الإجتماعي..أحيانآ أتعجب من إصراره على الجمع بين عدوين
لا يجمعهما شئ سوى قتال مرشحنا "السنتكولة"..
.
.
.
و من أوضح مميزات مرشحنا أعلاه هي مهارته الشديدة و قدرته الواضحة للعيان على "الوقوع" من سرج أي قضية يتبناها..
فرغمآعن إنتشاره "الصوري" الكثيف .... إلا أنه حتى الآن يعاني من "لكلكة" في تحديد أهدافه بالضبط...مما وضعه في حالة
صدام دائم مع بعض بني عشيرته الذين يجيدون الركوب على سروج القضايا بكل سهولة و يسر..خصوصآ تلك السروج الرومية
الملساء....كما وضعه في "خانة اليك" أمام أعداء هؤلاء"الشفوت" أيضآ...فأصبحت حاله لا تسر على الإطلاق ..كلا الطرفين
ينتاشه بسهامه ....و "يفش" فيه ما لم يستطع "فشه" مع الطرف الآخر..
لذلك تراه في حالة "دواس" إسفيري دائم... -و في حال العدم- معلنآ عن إحدى إنجازاته التي غالبآما
ينقلها معه إلى الربع التالي بعد الأرشفة..
.
.
.
صدقوني..أحيانآ أشفق عليه من "حنماطة حلجلاني"...خصوصآ عندما أري الأمم و الأقوام تكالبوا عليه و شقوا "حنكه" و أخذوا
"يبلعونه" ما سبق له من أقوال...
.
.
.
خذها مني نصيحة أيها "المرشح اللبيس"...إن لم تستطع تجنب أو مقارعة عدو.. فلا تحاول أن تجمع بين عدويين...
.
.
.
.
مودتي..
ودحطب الله
| |
|
|
|
|
|
|
|
|
|
Re: طـبّاز البــورض! (Re: محمد عبدالله حمدنا الله)
|
Quote: والله يا خالد يا عمكـ
الواحد بقت تفوت عليهو جنس مآسي في البورض دا!
ياخ دا سجّلناهو .. وتثنية من عندكـ وصوت إضافي من هارون دياب!
باقي ليهو تلاتة أصوات ونديهو الجايزة ونقفّل البوست |
أنا مني واحــــــــــــــــــــــــــــــــــــــــــــــد
و من حسين ولدي البكر واحـــــــــــــــــــــد
و من محمد ولدي رقم إتنين واحــــــــــــــــــد
و من أمنية البنت الوحيدة وسط الأولاد واحد
و من أحمد العمرو سنتين إلا شوية واحـــــد
و من أمهم كلهم واحــــــــــــــــــــــــــــــد
كدي شوف الزول دا بقى كم ؟؟؟
| |
|
|
|
|
|
|
|
|
|
Re: طـبّاز البــورض! (Re: محمد عبد الماجد الصايم)
|
يا صاحب الطبقات يا ود حطب الله... السلام يغشاك و الموّدة
أخوك زول خيل وليل و بيداء بالحيل
إن دعا الداعي ما بنفوتك براك لا سيّما مع طلباتنا بتخفيف التشفير تارة و تعقيده أخرى
حمووودي يا عمك ...Quote: ود حطب الله!
السابع دا معانا هنا في البورض؟ |
يا راااجل !!!
الله يسألني خجلت ليك , حالك في البوست دا اشبه ما يكون بسيد الكورة الكيشة
معقول ما عرفت نمرة سبعة , ياكافي البلا اليوتيوب ما تشوف
| |
|
|
|
|
|
|
|
|
|
Re: طـبّاز البــورض! (Re: محمد البشرى الخضر)
|
| Quote: ياكافي البلا اليوتيوب ما تشوف |
والله يا عمكـ .. ياهو كافي البلا زاتو!
اليوتوب دا بفتحو لينا مع نهاية الشغل بس!
يعني أمش بيتنا أمنجر مع أولادي ولا أقعد
أشوف ليكم يوتوبات الزول دا!
أفصح ياخ!
| |
|
|
|
|
|
|
|
|
 Re: طـبّاز البــورض! (Re: محمد عبدالله حمدنا الله)
|
تحياتي ود الصايم .. والمبدع ود حطب الله ...
Quote: المرشح السابع...
.
.
.
.
و يعرف أحيانآ بإسم "المرشح المُنْجِز"
.
.
و سبب التسمية هو قدرته العالية على إشراك جميع مستخدمي الشبكة العنكبوتية
و شبكات الهواتف المحمولة و الثابتة إضافة إلى شبكات الصرف الصحي بالطبع..
.
.
يقوم هذا المرشح "الهمام" بإشراكهم في أنشطته المختلفة بإراداتهم أو بدونها..
و يبذل مجهآ خرافيآ ليجعلك تحس بأن هذا المرشح يعيش في منطقة طول اليوم فيها لا
يقل عن 90 ساعة.. أو أنك تتوفر فيك "جميع الصفات المثالية للتخلف"....
.
.
دائمآ ما يتحفنا هذا المرشح بأنشطته كآآآآآآآآآآآآملة و موثقة بالصور و الفيديوهات..
فعندما يحضر مثلآ مؤتمر ما في جزر "جدعوها الحاقدين" تحت عنوان "التفقيس الحضاري لبيض الحبارى"
فإن كل مشتركي الشبكات أعلاه يكونون Stand By عقب عودته لأخذ الدروس و العبر المستفادة من هذا التفقيس
إضافة إلى صوره-بالطبع- و هو فارد ذراعيه أو متحدثآ عن أهمية "بيض الحبارى" في التنمية المستدامة...
.
.
.
أبرز سمات هذا المرشح "المنجز":
1-لا يدخر جهدآ في جعل كل مستخدمي الشبكات أعلاه- و من جاورهم أو سمع بهم- يحفظون صورته و طلعته"البهية"
عن ظهر قلب...و حديثآ إبتكر التعامل بتقنية الصوت و الصورة ..حيث أصبحنا ننعم بطلعته البهية و هو "ينتعل"
ربطة عنق "لا أعرف الماركة" و يبدأ في الحديث عن قضايا الأمم بكل إدراك و وعي .. إضافة إلى تهديداته الأسطورية
و التي جعلت أحد الحكام يرتجف ذعرآ و يسحب أحد "بواليس الحركة" من أمام كشك حليب..
.
.
.
2-قام بتغيير إتجاه الحركة لفكره في سرعة يحسده عليها "الضوء المنسرب".. و ذهب في الإتجاه المعاكس بمجرد أن
ضغط على أزرارAlt+Shift
.
.
3-تنوع الأنشطة و تعدد النجاحات.. حيث لا يرضيه على الإطلاق أن يحوز مقامآ دون تكريم و قاعات تضئ من فلاشات الكاميرات..
.
.
.
4-
5-
6-
.
.
.
إضافة إلى كل "التخصصات" أعلاه.. يمكننا القول أن هذا المرشح قد أحدث ثورة في علم "الإعلام"... فبدلآ من أن يقوم مراسل
واحد بتغطية منشط واحد للمتابعين... أصبح نصف سكان المعمورة يقومون بتغطيته وحده و ذلك من خلال ما ينشره عن نجاحاته..
.
.
.
لكن..
.
.
لهذا المرشح جوانب مضيئة..خذ مثلآ.. أحيانآ يقوم بالترويج لبعض الأنشطة الإنسانية..و لا أدري لماذا أحس بها كالحملات الأنسانية
الرئاسية؟
.
.
.
.
يا رعاك الله.. يا هذا "المنجز"...قيل في المثل الدارجي "المليانة ما بتجلبغ"...
و الللللللللللللله أتمنى لك النجاح و إستدامته من كل قلبي.........
.
.
.
فقط .. أرجوك أن لا تشركني رغم أنفي في أنشطتك المتعددة و الكثيرة و المنتشرة كأساطيل المارينز...
.
.
دع عملك يتحدث عنك ...و صدقني... لن تندم..
.
.
.
مودتي...
ودحطب الله |
أنا لو ما خايف الكدب .. الزول ده أظني نقشتو .. حتى أنو قاعد في بلد أهلها عيونم صغــار .. مش ؟!!
كمان اسمو (ملوكي) .. وبيدبحوا في الضحيه .. وبيقول باع ....
مع خالص تحياتي وتقديري ؛؛؛
| |
|
|
|
|
|
|
|
|
|
Re: طـبّاز البــورض! (Re: إدريس محمد إبراهيم)
|
المرشح التاسع
.
.
و يمكن أن يُطلق عليه لقب "المرشح ذو الكيس الفاضي"
.
.
نشأ هذا المرشح القرن الماضي في بيئة تتسم حياتها بالترحال الدائم بحثآ عن الرزق للبشر و للأنعام...
هذه الخاصية جعلت أبناء هذه البيئة يمتازون بالشدّة و المراس إضافة إلى إعتزاز بالنفس و بالعشيرة رغمآ
عن محاولة أبناء عمومتهم الذين هجروا حياة الترحال "النَيْلَ" منهم بالطعن في إنتمائهم و محاولة التشويش عليهم
متخذين من إختيارهم لتلك المضارب البعيدة و إختلاطهم بتلك القبائل التي "قيل" أنها قد أثّرت على لغتهم الأم....
متخذين من هذه الأسباب حُجة و ذريعة لينتاشوهم بسهام الهمز واللمز الجهوية المُسمّة.
.
.
نشأ "مرشحنا" هذا و ولدّت لديه الأسباب أعلاه قوة دفع إضافية جعلته "يلهث" محاولآ إثبات ما ليس بمطلوب و لا مرغوب ...
فتارة يُكحل أعيننا بصورة له تظهر وجنتيه تتلألآن مع أضواء تلك البلاد ذات الكهارب "المعافاة"...
و تارة يتحدث عن الصفات الجمالية لأهله و التي لابد و أن تكون ذات إنتماء أصيل لتلك "الدوحة الشريفة"...و هكذا دواليك...
.
.
و عندما أصبحت بلاد الأحلام ملاذآ للكل...إحتقب "مرشحنا" هذا "بُخسته" و على بركة الله...
و كعادة تلك البلاد...لابد و أن "تضوق المُر" حتى يستقيم ساقاك و يقويا على حَمْلك...و هذا ما حدث بالضرورة لمرشحنا أعلاه.. .
.
.
و حين إستقرت مراسيه...لم ينسى أن يخرج "بخسته" مرة أخرى و التي لم يتبقى له شئ داخلها سوى ما ذٌكِر عن ردة فعله أعلاه..
.
.
المهم...بدأ "مرشحنا" التعبير عن مكنوناته بهذه الذات "الفاضية"..و أخذ في التعريف عن نفسه بالمناوشة و "المهابشة" من طرف...
.
.
تارة تجده مع "الشعوبيين"...و تارة أخرى يخوض معركة "ذات العبابير"...و أحيانآ مع قبائل "ساس بن مسلم"...
و في بعض الأوقات ينسب نفسه إلى قبائل "فاهم بن ثقيف"..و هكذا ...لا يستقر بمرشحنا المقام مع أقوام ..إلا و تاقت نفسه الكريمة
إلى أن يفيض ببعض ما "فضّله الله به عليهم"...فتمتد يده إلى "بخسته" فلا تجد غير ثاني أوكسيد الكربون "المعتت" يملأ فراغها...
حينها يجد نفسه ملقآ على ظهره خارج المضارب...فلا يجد أمامه غير "الصراخ"...
.
.
الحديث عن "طويل العمر" هذا ذو شجون...لكن نكتفي ببعض ما يميّزه عن سواه:
.
.
1-ليس لديه شئ محدد يريد قوله ...-و هذه إحدى كراماته-..يمكنه أن يبتدر نقاشآ عن الغربة...و عن الأزمة الإقتصادية
و عن "الكمّونية".. وعن ..و عن....إلخ...و لا يكون في "مخيخه" أي شئ ...لكن القاسم المشترك في كل كتاباته هو أن "يُقحم" بلاد الأحلام
و أفضلية وجوده فيها-تخيل عزيزي القارئ..حتى الكمونية تحدث مرشحنا عن علاقتها ببلاد الأحلام- ثم يفتعل مشاجرة ليُنهي بها الحديث...
.
.
.
2-الصفة أعلاه جعلته "فرتاق" قعدات من الطراز الأول...لذلك فهو يشكل حضورآ دائمآ في البوستات ذات "الضغط الخلافي المرتفع"..
.
.
3-دائم الحديث عن تكنلوجيا بلاد الأحلام و مواكبته لها...كما يحيطنا علمآ بقدرته المادية على دفع الفواتير...
خصوصآ تلك التي تشير إلى أنه من الذين يعتنون بشراء وسائل الرفاهية...
.
.
.
4-أحيانآ يقوم بشن غارات على "مُهاجري" تلك الصحاري النفطية..مُظهرآ لهم "فحولته التكنلوجية"...و "إصطفاء" الله له بأن هيأ له
موطآ قدم و أوراق تحمل شعار تلك البلاد...و معايرآ إياهم بأنهم لا يملكون قرارهم...و ليس لهم أي طموح...كما أن مستقبلهم "راح سآآآآي في حق الله"..
5-
6-
7-
.
.
.
كانت آخر "كفاوي" هذا المرشح "المتحضّر"..دخوله في إحدى حروب " الجاهلية" الشهيرة ضد "مُفتخِر الأعجمية" الشهير..
و كانت موقعة "ذات الأنساب" أشرسها و أعنفها ..... التي لا زالت بعض جثث كلماتها "النتنة" تتطاير هنا و هناك...
كما لا يزال بعض "الموتورين" يحملونها على أسنّة رماح حروفهم....مما دفع ب"رقيب الحلفايا" إلى ركل ذلك " الأعجمي ذي اللسان الفصيح" إلى مقاعد المتفرّجين...
.
.
.
يا أيها المرشح "المتحضر"...لدي سؤال واحد فقط...أعلم أنك لن تجيبني عليه...لكن يكفيني أن أقوله و أذهب...
قل لي بربّك...إذا كان هذا هو حالك و مقالك و أنت الذي من الله عليك بنعمة "التحضر"...و مد لك في ظل تلك البلاد...
قل لي...ماذا سيكون حال و مقال إبن أهلك الذي لا يزال يعيش و يعاني في تلك الفيافي المنسية؟
.
.
.و الختام:
"إرحموا من في الأرض يرحمكم من في السماء"
.
.
.
.
.
.
.
مودتي...
ودحطب الله
| |
|
|
|
|
|
|
|
|
|
Re: طـبّاز البــورض! (Re: إدريس محمد إبراهيم)
|
Quote: أنا لو ما خايف الكدب .. الزول ده أظني نقشتو .. حتى أنو قاعد في بلد أهلها عيونم صغــار .. مش ؟!!
كمان اسمو (ملوكي) .. وبيدبحوا في الضحيه .. وبيقول باع ....
|
إدريس يا عمكـ
يمين الواحد لو قرّب من البيت
بوصفكـ دا يطش تاني! معقولة ياخ!
| |
|
|
|
|
|
|
|
|
|
Re: طـبّاز البــورض! (Re: جلال جبريل)
|
| Quote: توؤل الحقوق الكاملة للسيد الجداع ودحطب الله وليه الحق أن يفعل بالبوست مايريد |
ود جبريل يا عمكـ
بطّل شغل الفلسفة دا وأمسكـ معاي ود حطب الله!
الزول دا بقى ملاوز عديييييل كــدا!
| |
|
|
|
|
|
|
|
|
|
Re: طـبّاز البــورض! (Re: داليا حافظ)
|
| Quote: سعوال ودحطب الله مالو بنقط كتير كده ؟ |
دلووووش (رقم واحد ولا اتنين؟)
ود حطب الله دا بنقّط عسل عديل!
نقط على الحروف .. وعلى الطابزون
بالمناسبة عشان تقري البوست سريع
أقري ملادخلات ود حطب الله، ولو لقيتي فرقة
مداخلاتي .. الباقي كلو إقنوووووور
| |
|
|
|
|
|
|
|
|
|
Re: طـبّاز البــورض! (Re: داليا حافظ)
|
Quote: سعوال ودحطب الله مالو بنقط كتير كده ؟
|
داليا تحياتنا الحارة ياخ
الزول دا ختي ليهو حاجة ينقط فيها وأشربي وأروي عطشك
تاني مابتجيك عوجة
| |
|
|
|
|
|
|
|
|
|
Re: طـبّاز البــورض! (Re: محمد عبد الماجد الصايم)
|
Quote: ود جبريل يا عمكـ
بطّل شغل الفلسفة دا وأمسكـ معاي ود حطب الله!
الزول دا بقى ملاوز عديييييل كــدا! |
ياخوي دا والله لاعندو فرملة ولا نحنا دايرين نوقفو
لكن حارس مريخنا حكايتو عجيبة ياعمك
تخريمة....
ياود حطب الله أعمل الآتي بدون زعل:
أفتح صفحة ويرد ودوس حرف الألف (without shift) شان الهمزة ماتجيك ناطة
وتاني سولك (space).... بعد كدي عليك بالــ (shift+w) شان التنوين
وتاني قول عاع وقشة ماتعترليك مرشحيننا ديل كتااااااار يابا ونحن أجلنا
الإقتراع لي (عجل ٍ) غير مسمى
| |
|
|
|
|
|
|
|
|
|
Re: طـبّاز البــورض! (Re: محمد عبد الماجد الصايم)
|
| Quote: النجيضة نمرة سبعة دا عرفتو |
خليك من نمرة سبعة ..
أنا لي كي يوم بجي أتاوق مستني الزول الرشحو ليك
محمد إبراهيم علي يجي يرشك .. لكن خيب ظني
سويت ليهو شنو الزول ده .. ما من عادته يقلش
كورة زي دي .
| |
|
|
|
|
|
|
| |
محمد عبد الماجد الصايم
طلحة عبدالله
مرتضى احمد عبد القادر
Yassir Tayfour
خالد عبد الله محمود
البدري عبد الله
محمد عبدالله حمدنا الله
محمد البشرى الخضر
جلال جبريل
احلام وهبي
طارق جبريل
جعفر محي الدين
احمد محمد بشير
عفاف الصادق بابكر
Faris Mohamed
دينا خالد
Tragie Mustafa
عبدالكريم الامين احمد
عبدالله ود البوش
ALazhary2
ABUHUSSEIN
إدريس محمد إبراهيم
داليا حافظ
السيد أحمد إبراهيم
فيس بوك
تويتر
انستقرام
يوتيوب
بنتيريست