|
|
 Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: بريمة محمد)
|
يا بريمة يا خوي عليك ما تقرأ باستعجال وتقرأ بالإسقاطات الداخلية حقتك.
يا بريمة قلت ليك عقولنا سجينة لثقافة قديمة قد تصل لخمسمائة سنة، والثقافة دي - في رأيي الشخصي - أبرز رواتها هم التجار في فترة ما قبل ظهور السيارة، ولاحقاً لحق بهم السواقين عموماً ، مش سواقين اللواري تحديداً، لأن طبيعة عملهم بتطلب الحركة في مختلف أنحاء السودان والبعض بصل لخارج السودان في العهد الذهبي للسودان، زمن التجارة مع إفريقيا الوسطى وتشاد وزراعة الشاي والبن في كينيا، الحاجة دي خلتهم يحتكو بأشكال مختلفة من البشر ويكتسبو ثقافات جديدة وينقلو ثقافاتهم النشأو فيها، دا بجعلهم بلغة الإعلام من أنشط الوسائط لنقل الثقافات الاكتسبوها، زيهم وزي الشعراء في العصر الجاهلي كان الشعر بمثابة وزارة إعلام كاملة بما فيها التوثيق للحياة اليومية للعرب في الجزيرة العربية .
جميل الرغي الكتير الفوق بخلص نتيجة لتراكم الثقافات حصل تنميط ثقافي شعبي للبعض من مختلف جهات السودان ، وفي رأيي ما كلو تنميط سلبي بالعكس فيه إيجابي كويس ، فهمت علي ؟
أما قصة بيت العزبة موجود في دول وعندنا مافي ما اقدر اجاوبك إلا بإجاباتي السابقة عندنا بيوت عزبة (ضيافة) باسم مختلف ، أما حي العزبة بحري زيو وزي حي كافوري لاقاك واحد سوداني اسمو كافوري قبل كدا ؟
مات الشباب الغض نتيجة لغلطهم في عدم فهم ثقافة المنطقة اللي هم جوها ، وبأسلوبك دا بالمناسبة حتفتح طاقة جنهم على أهلنا ناس الغرب لا قبل لك بها، بأنهم جهلة وما يعرفو الفوارق الثقافية بين القبائل والمناطق وانهم الثقافة موجودة في الغرب زي ما قاليك واحد من الشباب الفوق، فياريت تعي للنقاط دي كويس شان ما تظلم ناس رغم بساطتهم إلا أنهم ناس حصيفين بعرفو الاختلافات الثقافية ما بين السودانيين.
| |
 
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: يوسف الطيب احمد إدريس)
|
ول ابا يوسف..حبابك يا صديقي..
اخونا يحي قباني في بوست مجاور.. قال نحن ناس امسودان..صرنا صغارا جدا..وهذا ما يحدث في هذا الخيط.. افتقدنا كثيرا يا صديقي حكمة اهلنا في الريف..و صبرهم على الحاجات ومباصرتها بطريقة تجعلك تحتار..
التضامن مع اهلي العطاوة..البطاحين..كن في السليت ولا ابو دليق..ولا أي حتة كانت..
كويس انك ذكرت المثل ده بالتحديد يا يوسف..مع اني اختلف مع محمد عمر الفكي وبريمة في اثارة كلامات زي دي والناس قدامها دم..و عذرتهم.. لأنو الكائن في امسودان بلغ مرحلة غريبة خلاص.. فقدنا الحساسية يا صديقي..و بريمة القدامك ده ما تغرك الفصاحة البيسوي فيها هنا.. لو حصل موت عند اهلو (وهم اهلي لزم)..مافي زول بيقدر ينق.. عشان كده يا يوسف عندنا هناك أي موت يحصل.. الناس بتحاول تسكت الجميع..ويدوا الفرصة للناس الكبار..وديل عندهم حكمة غريبة في تطييب النفوس..وتهدئة الخواطر..غايتو ما عارف جابوها من وين..تجارب سنين..ولا خبرة ساكت ربك يعلم..!!
العيال الشافتهم عيني وشايلين ضقلهم ديل يا اخوي لا بتوقفهم حكومة..ولا جبخانة..ولا حقوق انسان..ولا الذي منو.. بتوقفهم كلمة واحدة من شيخ منحني على عكازو ويحجب ضو الشمش بايدو النحيلة عشان يشوف الدُهم القدامو.. تفتكر ليه؟..دي اسرار امسودان الغايبة عننا جميعا.. شفت الزول المتل ده ، يا يوسف لو واقف قدامو استاذنا دكتور عطا البطحاني ..ما ح يقدر زول يفوت كلامو..!!..المهم..
البيجي من الغرب وما بيسر القلب يا يوسف ياهو التمباك الواحد ده..و هسع دي عاين كل اقاليم امسودان..وشوف التمباك قاعد يجي من وين بالضبط..والعبارة قالها احد اباءنا شيوخ الصوفية في البحر..وكانت ضمن حملة لمناهضة اكل التمباك الواحد ده..و المهدية في دولتها كانت واحدة من قوانينها تحريم التمباك.. و كانت بتسمى سف السعوط: اكل التابا..والتابا هي التمباك في بعض من لغات اهلنا في جبال النوبة..تحديدا أهلنا الكواليب..ليه المهدية بتشتغل بلغة النوبة الكواليب من جملة لغات امسودان؟..مندري على قول صديقنا واستاذنا دكتور حسن موسى..!!
كتر خيرك يا يوسف..وافتقدنا حكمة الريف يا صديقي..ولو لقيت فرصة تراجعها..ح تلقاها في كل انحاء امسودان..ما تقول لي عروب ولا رطانة..كلهم الشغلانة دي جارية في دمهم..!!!
شفت كتير، يا يوسف ، شعوب امسودان وثقافاتها..وحتة العروض.. اكتر القبائل تطرفا فيها..هم اهلنا الدينكا..واهلنا النوبة..!!!!..طبعا ناس كتيرة ح تخط الخمسة في الإتنين.. لكن ده واقع انا شفتو بعيني الما اكلها دود البلا دي..!!.. ليه؟..لأنو الناس عندها استعداد تحاكم القدامها..و الدينكا والنوبة لو الناس قعدت تحاكمهم بناس المدن الشايفنهم قدامهم..ح تكون ظلمتهم كتير خلاص..والله صحي..!!
ودمت..
كبر
| |
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
قضيت بعض الوقت في معسكر السليت:
التحية لأهلنا في السليت..السمرة..الشلعاب..حطاب..وكامل التضامن معاهم في فاجعة نهب مممتلكاتهم وحرقها..والحكومة يجب أن تعوض المتضررين ..
واقول لصديقي المعز ابونورة..طبعا بعد كامل تضامني مع صاحبي منير..واحدة من آفات اهالي امسودان في اليومين ديل انهم بقوا قاعدين على الهبشة.. أي كعة سياسية عشان تجعل منها بروباقندا تسري نارها بسرعة كما تسرى النار في العويش.. فقوم اجدع ليك فيها شوية بهارات..تحديدا تجيب سيرة الجنس والإعتداء على العروض (طبعا العروض تشمل الشرف والمال)..و عينك ما تشوف الإ النور..!!
اخونا محمد عمر الفكي..لحسابات خاصة للغاية تتعلق بنشر بروباقندا سياسية ( يا عمر نو اوفينس شكلك يا اخوي ود مدينة وما بتعرف الريف السوداني بتحرك كيف ومزاجو شنو..والله صحي..)..قام مسك بريمة ضنب الككو..و بريمة ضحك حتى بانت نواجذه وقال لعمر..قلت كده؟.. اهو تعال عاين..علي بالحلال العالم كلها اخليها تمسك ضنب الككو..!!..والإتنين نجحوا في استفزاز الناس..وخلوهم الأعمى شايل المكسر..وكل زول فك اخرو..ومتأكد في ناس كتيرة لو راجعت ضميرها بصدق ح تكون ندمت على كمية من الكلمات المبذولة هنا بصورة مجانية..!!..المهم..
المشكلة بقت عندنا طريقة نقل الخبر..واذكر حصلت لينا في ذات نفسنا ذات يوم في امسودان.. في يوليو 1991 ..حدثت احداث في جامعة الخرطوم بغرض تصفية السكن والإعاشة في الجامعة..وراح ضحيتها اخونا الشاب طارق ابراهيم..اها الحيكومة عشان تبرئ ذمتها من جريمة اغتيال طارق.. فكت ليها اشاعة غريبة للغاية..و قالت انو سبب المشكلة اننا (كحكومة) حاولنا نفصل سكن الطالبات عن سكن الطلاب..والطلاب الذكور رفضوا الشغلانة دي وقاموا جدعوا العساكر بالحجار..!!..والأمر لم يتوقف هنا..!
عندي عمي رقيب في الجيش (وكان احد التعلمجية في معسكر السليت)..وكنت في الويك اند قاعد ا مشى اقعد معاهم في بيتو في امبدة..قاعد منتظرني.. يمرس في دقنو ساكت..ولمن جيت سلمت على ناس البيت.. زوجتو بمزاح قالت لي: انا لو منك ما بقابل عمك؟..وما اشتغلت بيها كتير..و مشيت على الديوان.. عمك طوالي جر البسطونة..وقعد يورجغ بكلام كتيرخلاس.. فهمت منو أني امانة عندو..هسع لو ابوي (اخوه ود عمو) سمع يقول عليهم شنو؟..قلت ليهو يا حاج روق وفهمني الحاصل شنو؟.. قال لي تلاتة سنة وانت ساكن مع البنات في الداخلية؟..طبعا اندهشت للغاية.. واتماسكت من الدهشة وقلت ليهو بنات منو يا حاج؟..قال لي انتو مش في الجامعة كل واحد بيكون ساكن في اوضة مع بت؟..دي قلة ادب وحقارة لا الله بيقبل بيها ولا الشرع ولا الناس ساكت!!.. طبعا كدت أن انفجر ضاحكا.. لكن ربك ستر.. لأنو لو ضحكت في موقف ز ي ده.. كان الليلة ما كنت معاكم هنا!!..
سألت عمي وقلت ليهو الكلام ده جبتو من وين يا حاج؟..وبكل بساطة قال لي: يعني قصدك وزارة الداخلية بتكضب؟..طلعت بيان في الجرايد وقالت دي مشكلتكم مع الحكومة..!!
طبعا الحكاية اخدتني شهر عديل عشان اقنع عمي.. وفي النهاية عمي تاني ، عسكري (تفتيحة ومودرن شوية)..قال لي بدل تقعد تنق كده..اعزم عمك يمشي يزور الداخلية ويشوف انتا ساكن كيف..وفعلا اشتغلت بالرأي ده..وسقت عمي وديتو طيب الذكر البركس..و بات معاي تلاتة ليالي..وبعدها وديتو داخلية البنات..لأنو بت عمي واحدة كانت طالبة معانا..وناس الحرس كتر خيرهم صلبونا ليك ساعة عشان بت عمي تمرق تسلم علينا في الباب..طبعا عملت حسابي وما وديتو جوه الجامعة لأنو لو كان شاف الخلط..كان لغاية الليلة بندفع في الديات..!!..المهم..
قضيت في منطقة السليت جزء من فترتي في الخدمة العسكرية الإلزامية في امسودان..واذكر جيدا.. المعسكر ما كانت جنبو حلة..يعني مافي سكن اهالي قريب من المعسكر..طبعا السنين طالت وجايز تكون قامت قرى فيما بعد..يعني ما كان عندنا احتكاك بالأهالي خالص..!!
اخبار الأحداث المؤسفة التي دارات قبل ايام..كنت ابحث عن خبر دقيق من المنطقة..واكثر خبر اقنعني..كانت تعليقات من قراء جريدة الراكوبة..وكتب احد القراء واسمه احمد عباس ود السليت.. ان الأمر اساسا ما عندو علاقة بتحرش بامرأة ولا يحزنون,,ولا كان فيهو سيرة عوين نوهائي..وانما كان نهب لدكان مواطن وحرق الدكان عشان كده الأهالي مرقت واستنفرت بعضها البعض..وموقفها سليم للغاية..خصوصا في زمن باتت فيهو الحكومة لا تهتم بأمن المواطن..ولو كنت قريب من ناس السليت والسمرة وحطاب..كنت شلت ضقلي و مرقت معاهم..لأنو البتسوي فيهو الحكومة غلـــط كبير..و تجويع مجنديها فضيحة كبيرة..!!
و بالرغم من انو الموقف موقف حزن.. لكني قلت في نفسي وانا اناجي الحيكومة: عجبني للمرقوت..!!
نفس الخباثة التي كانت تمارسها معنا بروباقندا الحيكومة وفك اشاعة انو طلبة جامعة الخرطوم رافضين ينفصلوا في السكن عن البنات..يعني شغل بنية الوعي التناسلي الكانت بتخم بيهو الناس.. ياهو الليل رجع ليها..وبقت الناس أي كعة طوالي بتشغل ليك بروباقندا الوعي التناسلي..وعينك ما تشوف الإ النور..!!
ولو كنت مكان الناس الدايشة هنا.. كنت اول بالتبادي..حددتو مع محمد عمر الفكي.. الكلام ده جابو من وين بالضبط؟..
صديقي الفاتح موسى..الأكيدة مهمة يا صاحب قبال ما الناس تشوت ساكت.. اها يا الفاتح بيوت الشكش كانت في نص امدرمان في حي الشهداء وفي نص بحري في سعد قشرة.. يعني هل ده بيديني الحق اني اقول ناس امدرمان حكاية الشكش دي عندهم عرف سايد وعادي لو جيت هناك مافي زول بيقرعك من بيوت الشكش في الشهداء؟.. مش بيوت الشهداء ..وبيوت شكش سعد قشرة (القاعدين يسموها تهذبا ديوم بحري) مالكنها ناس بتصوم وبتصلي..و بتقيم الليل وبرضك بتقبض حق ايجار البيوت دي؟.. باقي ليك ممكن ، وانا شفتها و غامرت فيها لمن عيني طلعت ذاتو (المافي شنو ، على قول صديقنا الجميل قيقراوي الله يطراهو بالخير)..هل ده بيديني الحق واجي اقول للناس انا عشت في بحري ودي اخلاق ناس بحري؟..
غايتو البعرفو.. كردفان من حدودنا مع مصر.. مرورا باهلنا ناس الجنوب للغاية يوغندا.. ما عندنا عرف اسمو بيت عزبا ولا بيت شكش ذاتو...لو دايرين تحاكمونا بالمدن.. فالمدن مثلها ومثل بقية مدن امسودان كانت فيها بيوت شكش.. لكن الريف مافي حاجة زي دي..و عابر السبيل البيجي..لازم يكون عارف تقاليد اهل المنطقة وبيسأل من محل المضيفة وين..وغالبا السؤال بيكون عن بيت شيخ الحلة او الفريق..فالناس بتجيب الأحكام الموثقة دي من وين؟.. عيب يا صديقي.. والغرب العشت فيهو انتا يا ابوي غرب مدينة ساكت..والمدينة بيوت الشكش كانت موجودة فيها في كل انحاء السودان..!!
ودمتم جميعا..
كبر..
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
اخر حاجة اقولها هنا وبفم مليان للغاية..نحن ناس امسودان صرنا صغارا للغاية..و شاهدت كتير من فيديوهات يزعم انها بتوثق لحالات اغتصاب في دارفور..و تم تقديمها لمدعي المحكمة الجنائية الدولية.. اخونا اكامبو..و كل التوثيقات التي شفتها الكضب كان فيها واضح للغاية...!!!!!
و عشان نقصر ليكم الشغلانة.. ان كان في الجنجويد عطاوة.. وأي واحد منهم عطوي.. امو بت عم ابوهو.. ما بيعمل شغلة فارغة زي دي..!!..ده مش دفاعا عن مليشيا الجنجويد.. لكن دفاعا عن اخلاق مجتمعات كتيرة..لا تملك حق الرد والدفاع عن نفسها..!!..حرق القرى.. صاح.. نهب الممتلكات صاح.. لكن اعتداء على عروض واغتصاب..فده كضب و مليون كضب..!!!
سجن سجن..غرامة غرامة..ما فارقة تب..!!
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
ياااااا سلاااااااااااااااااااااام ياااااخ
كان في فايدة من النقة الكتيرة إنها جابت زول زي كبر شان يقعدنا في كنبنا ويفهمنا الفايت علينا ويوقع لينا النضم الما واقع لينا، الله يسهلها عليك محل ما تقبل شفت بتفسيرك للمثل دا ريحتني راحة شديدة، يعني تفسيرو الأصلي (التمباك) في ناس عمموها يعني أي شيء بما فيه البني آدم ما بسرالقلب من هنا ارتبطت عقدة التنميط وبقت تسبب المشاكل، ومافي قول فوق قولك .
؛؛؛
بعيداً عن موضوع البوست والله يا كبر أنا عاجباني كلمتك دي (أمسودان) وامكن استخدمها لو نسيت اديك حقك الأدبي ما تزعل بالله، وأنا من المعجبين بكتاباتك وبحس فيك حكمة ماخده من الكبار فبالله ما تبخل علينا بشذرات زي ما بقولو المثقفاتية.
ولعلمك انا زرت كردفان من شمالها لجنوبها وصلت لحدي غابة البيضة شرق تلودي ومشيت كاودا وبرام، مناطق جميلة وناس بسيطين بساطة وطيبين طيبة غريبة والله أكتر ما يؤلمني البتعرضو ليه من أهلهم في الحكومة والحركة.
وتسلم يا حبيب
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: يوسف الطيب احمد إدريس)
|
ابن الهامش الضال العبار بريمة بلل.
شايف زنقاتك كترت في البورد، والأعضاء أكتشفوك وأكتشفو حيلك العاضة، التي تريد خداع الناس بها.
كل مرة تخرج من زنقة، وتتورط في زنقة أخرى، عام 2014 م ده كان عام زنقات العبار بريمة بلل.
يا بريمة نحن ناس الهامش قدمنا لك نصائح من زمانن ولكنك فضلت أن تواصل في بث سمومك القبلية والعنصرية المتخلفة دي بين الناس.
وفي أقرب زنقة تكب الجرسة وتقول أن الأخرين لا يفهمون ثقافتك ولغتك البقارية. طيب أنت مش شابكنا بأنك عربي !
وثقافة أهل الخرطوم مش هي الأقرب للثقافة العربية مقارنة مع بقية أنحاء السودان !!!
يا بريمة أنت صرت مضحكة في هذا المنبر، وأسانديك التي تقف عليها خيالية ولا علاقة لها بالواقع في شئ.
البتشرب فيهو ده كان عبابير ولا كان بنقو، ولا مصيبة تانية أحسن تبطلو وتشوف لك أصناف جديدة.
وطبعا لا يفوتكم الدور الذي يقوم به محمد النور كبر في دفاعه المستميت على بريمة بلل، بغض النظر عن ما يكتبه بريمة.
أنت بتفضح في نفسك يا كبر. والله يشفيكم يا أبناء الهامش التائهين
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Deng)
|
اغلب المشاركات ناسا ماسكة ضنب الككو
بريمه ومحمد عمر الفكي
وكلهم
احداث حطاب لا علاقة لها بعزبا ولا عِزبة ولا هم يحزنون
مافي راجل بمشي لناس حلة يقول ليهم وين بيت العزباء عشان امشي ليهو
لا في حطاب ولا عند البطاحين ولا في دارفور ولا في كردفان
القضية قضية نهب وتسلط باسم الجيش او السلاح رفضه البطاحين وسيرفضه غيرهم
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: يوسف الطيب احمد إدريس)
|
لله درك يا كبر.
| Quote: ان كان في الجنجويد عطاوة.. وأي واحد منهم عطوي.. امو بت عم ابوهو.. ما بيعمل شغلة فارغة زي دي |
وسلمت يداك ويراعك من كل عيب. المناخ العام للحياة جعل الناس ( خفيفة) في تصرفاتها، فهم الكبار وصبر الكبار تنحى
مما جعل كل لبيب حيران، فموت مجاني بسبب الحروب في الأطراف وموت مجاني في المدن بسبب إحتقان لا مبرر له، غفر الله
للقتلى، ورحم الأحياء، وأعاد للسودان الأمن والطمأنينة. وتصدق يا كبر قلتها قبلا لو كنت مسئولا لإعدتك للسودان وزيرا
للعدل لفهمك العدلي الراقي ومعرفتك للتنوع الثقافي بالسودان.
| |
|
|
|
|
|
|
|
|
 Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: حماد الطاهر عبدالله)
|
Quote: غفر الله
للقتلى، ورحم الأحياء، وأعاد للسودان الأمن والطمأنينة. وتصدق يا كبر قلتها قبلا لو كنت مسئولا لإعدتك للسودان وزيرا
للعدل لفهمك العدلي الراقي ومعرفتك للتنوع الثقافي بالسودان. |
والله بالطريقة دي تبقي البلد رايحة شمار في مرقة!!
وخليني امسك في حكاية الجنجويد دا.
اهل الوسط الشمالي ما كانو في يوم من الايام حاسدين. وابو يمسكوا ضنب كوكو الحكومات المركزية!!
وعشان كدا جابو الجنجويد علي قول اولد ابا بريمة والمراحيل علي قولي انا!!
وعشان هم صمام امان الوطن قالوا دايرين ليهم عزبة ذات اللحم الناعم ممن يحمون سادتهم ( حسب اعتقاد بريمة اللي صدح بي فحولة اهله) وما بين الفحولة والعزبة ميمان لا يتعلمان.
طبعأ كلنا عجم وما بيفهم العربي غير بريمة ويا اهل الوسط المرة الجاية وروهم الديوان لان الجناعة ديل مريوثين قرم!!
وبكرة تبقي في قائمة الطالبين للعدالة في لاهاي. لان الحكاية بتبدأ بي بيت العزبة وبتنتهي بي عزبة كاملة دورتو او ابيتوا!!
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: يوسف الطيب احمد إدريس)
|
كتب اخونا يحي سيلمان من الفيس بووك يقول:
Quote:
بكل اسف هذه ثقافة تشادية جاء بها هؤلاء الحثالة الذي يؤيدهم هذا الحقير الذي يسمي بريمة .بالله ما تخجل تؤيد مثل السلوك القميء التي مارستوه في القبائل المستضعفة ولكن هذه المرة ارتقيتكم مرتقي صعبا يا حثالة البشر وليت يتم إبادة ذلك الجراد البشري هناك . ياليت عرف ناس الشمال والوسط ما كان ينشر بواسطة الاخوان في الحركات المسلحة والتي هي ايضا مارست وتمارس نفس هذا السلوك . لعنة الله عليهم جميعا
|
ولا ادري ماذا يقصد اخونا يحي سليمان بذكر (ثقافة تشادية)؟..و مالها الثقافة التشادية يا اخي؟..وهل نحن في امسودان عشان نمارس استمناء فكري لتأكيد ذاتنا لازم نسئ للآخرين؟..
و انا بدوري اسأل يحي سليمان هذا: البطاحين هم ولاد عم الجعليين..و الجعليين بيقولوا ليك نحن عباسيين..و التشادين فيهم ناس بتقول ليك (مملكة وداي الإسلامية العباسية)..فهل العباس بتاع الجعلين يختلف عن العباس بتاع التشاديين ناس ممكلة وداي؟..ولا يا هو العباس الواحد ده؟..
ثقافات تشاد يا صديقي ليس فيها انتهاك عروض..ولو نحن ناس امسودان زعلانين أو مغيوظين من بعضنا البعض.. فحقو ما نفكها في الناس التانيين ساكت كده سمبلا..!!
قرأت كثير من اراء بعض المعلقين من الفيس بووك..ولاحظت كلما يكون الواحد فيهم زعلان من بريمة طوالي يركب ليهو حكاية تشادي دي.. كأنما هي اخر ما توصلوا له من قواميس الإستحقار..و ظنوا ان ذلك يخيف الرجل أ و يغيظه.. البقارة متواجدين في امسودان، و شرقا جيبوتي والصومال واثيوبيا ، وغربا تشاد والنيجر والكاميرون و مالي و نيجيريا...و ان كانت عقلية امسودان القديمة كانت تستحقر القادمين من غرب افريقيا.. فهذه العقلية انتهت اليوم ولا مكان لها.. بريمة لا يستعر من امتدادات اهله سواءا كانوا في تشاد أو تونس الخضراء..و من يظن انه بحكاية ذكر تشاد انه يسئ للرجل ويجيب اخرو فهو واهم..وانا لا اقول هذا عشان الناس توقف حكاية وصف بريمة بالتشادي..وانما اقوله من باب حقو يا اهلنا نوقف حكاية الإستحقار بتشاد..وهي دولة فيها تنوع اثني كبير كما السودان وتعتد بقيمها وثقافاتها وتحترمها جميعا بخيرها وشرها.. لأنها تسعى لإقامة مجتمع التنوع الثقافي الذي يسع الجميع..!!!
عشان كده يا ابوي..الله يرضك عليك تاني ما تحتقر تشاد وتعاير بيها التانيين.. لأنها دولة جميلة و ماشة لي قدام..و بتحاول تتخلص من قيم الإستحقار والإستهزاء بالناس والشعوب..!!!
امسودان كانت بمثابة الأخ الأكبر لكل ألأفارقة.. يعتقدون فيه اعتقاد راسخ..لكن امسودان اليومين دي بقت امرها عجيب خلاص..!!
ولعموم اهلنا.. من يعاير تشاد بشوية الخلق القاعدين تشوفوهم في الخليج.. فتلك نسبة قليلة وضئيلة لا تعكس تنوع المجتمع التشادي وثقافاته المتعددة.. بالعكس ناس تشاد الأصليين قاعدين يستغربوا من الخلق البتهج وتقوم تعمل حاجات شينة وفي النهاية كلها تنسب لتشاد..تماما مثل اهلنا في جبال نوبة..و القاعدين يضحكوا من اهلهم المشت البنادر..و بقت عنوان لخلق عديدة من غير ما الخلق دي يكون عندها رأي في الحاصل..!!
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
Quote:
ولا ادري ماذا يقصد اخونا يحي سليمان بذكر (ثقافة تشادية)؟..و مالها الثقافة التشادية يا اخي؟..وهل نحن في امسودان عشان نمارس استمناء فكري لتأكيد ذاتنا لازم نسئ للآخرين؟.. |
| Quote: و انا بدوري اسأل يحي سليمان هذا: البطاحين هم ولاد عم الجعليين..و الجعليين بيقولوا ليك نحن عباسيين..و التشادين فيهم ناس بتقول ليك (مملكة وداي الإسلامية العباسية)..فهل العباس بتاع الجعلين يختلف عن العباس بتاع التشاديين ناس ممكلة وداي؟..ولا يا هو العباس الواحد ده؟.. |
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Abu Baker Ahmed Abdel Rahman)
|
بريمة
انت بتلف وبتدور في الفاضي ، مرة فحول ومرة ما غلطانين فهموهم غلط ؟؟ اثبت على حاجة فحول ولا فهموهم غلط ؟
في مناطق الوسط والشمال لا يعرف الناس بيت العزبة بكسر العين او بفتحها ، والعزبة او العزباء تعني المرأة المتوفي زوجها فقط لا المطلقة ولا البكر ، فقط الارملة ، لا تستخدم كلمة "عزبة " للشتم مطلقا وهي فقط تشير لحالة اجتماعية لسيدة توفي زوجها وليس لها اي مدلول سلبي كون الموت لا يوجد فيه ما يعيب.
الافراد الذين تصدوا للجنجويد قطعا لا يعرفون معنى بيت العزبة ، ولو صح ان الجنجويد طلبوا منهم ارشادهم لبيت عزبة ، قطعا لن يفهموا السؤال من الوهلة الاولى ولابد انهم طلبوا تفسيرا ثم عرفوا المعنى المراد يا بريمة و جوقة المدافعين والماسكين العصا من النص. يعني لا يوجد احتمال لسوء تفاهم ابدا .. الناس ديل قرويين بسطاء على سجيتهم . شخصيا لم اسمع بهذا "البيت" الا هنا في هذا المنبر وقد سافرت وتجولت وتعرفت على الكثير من ابناء غرب السودان وهو ليس معروفا في الشمال والوسط حتى يفهمه اهل حطاب من الوهلة الاولى.
الشيء الثاني ، منذ متى يلجأ العساكر الى القرى ليستضافوا فيها ومعسكرهم على مرمى حجر ؟ حصل وين ده يابريمة ؟
اذا كان ألموضوع نهب فلن يغير من الامر شيئا وقد نالوا ما يستحقون..
الزميل كبر :
بقيت تمسك العصا من النص " مدفوعا بغزية ارشد " او اي شي آخر لا نعلمه ، عليك الله الكلام الكتير الرشيتو هنا ده لزومو شنو ؟ يا كبر حالة نهب او اعتداء على مواطنين عزل ايا كان نوعه ، تجي تقول لي عطاوة و بتاع ..
يعني نحن نجي نوقفهم صف نفرز العطاوة من الما عطاوة ، يا كبر ديل مجرمين لو كانوا عطاوة ولا غيرهم .. مجرمين عديل ، لا يمكنك الجزم باستقامة جميع العطاوة او غيرهم just like that .. لا يهم الى اي القبائل ينتمون ..
تحياتي
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
عبد الله شم إن شاء الله طيب
Quote: غلب المشاركات ناسا ماسكة ضنب الككو
بريمه ومحمد عمر الفكي
وكلهم
احداث حطاب لا علاقة لها بعزبا ولا عِزبة ولا هم يحزنون
مافي راجل بمشي لناس حلة يقول ليهم وين بيت العزباء عشان امشي ليهو
لا في حطاب ولا عند البطاحين ولا في دارفور ولا في كردفان
القضية قضية نهب وتسلط باسم الجيش او السلاح رفضه البطاحين وسيرفضه غيرهم |
عن نفسي بناقش في بريمة في تلاعبه بلفظة (عزبا) و(عزبة) واللي هو بفترض انو الشباب ديل جو سألو من بيت (العزبة) اللي هي المضيفة، ما كان قصدهم بيت (العزبا)، وأنو البطاحين فهمو غلط، يعني نقاشي محدد في نقطتين:
1. مافي استخدام لكلمة (عزبة) عندنا في السودان بتعني المضيفة أو الديوان.
2. إنو في فهم في الثقافة الشعبية السودانية وخاصة في الوسط والشمال يتعلق ببيت (العزبا) بفهم لا أخلاقي - بغض النظر عن صحة المفهوم ووجود الثقافة دي من عدمها - في فهم شعبي راسخ للمسألة.
عليه :
إن صحت الرواية إنهم بسألو من بيت (العزبة) (الضيافة) والبطاحين فهموها بيت (العزبا) واللي تعني مسألة تخص الشرف يبقى البطاحين غير مخطئين.
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: يوسف الطيب احمد إدريس)
|
ول ابا يوسف..حبابك يا صديقي
كتر خيرك على المطايبة..
وكويس انك يا صديقي مشيت الفلوات هناك وشفت الناس على طبيعتها..وهم قطع شك ليس فقط كبر وبريمة وغيرهم..
ما عندك مشكلة يا يوسف.. استخدم العبارة طوالي..وكتر خير شبيبة كتيرة في المنبر استخدمت العبارة..بعضهم يذكرنا بالخير..والبعض يذكرها ..ولو ماهي حاجة سمحة..ماكانت الناس حرصت على ترديدها..و برغم انو البعض بيتضجر من حال المنبر..لكن نحن بنقول لسع ممكن يكون فسحة لخلق ثقافات فرعية محببة..فالموضوع خلق ثقافة..والثقافة لا تحيا الإ بالتفاعل..مافي مشكلة تب يا قريبي..
ودمت..
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
ول ابا البينو..حبابك يا صديق
يا اخوي الزول بتمنى منى ساكت..يعني حتى المنى بقى حرام؟..وبقت هناك سلطة اخلاقية بتصادر احلام الناس ولا شنو؟..
كبر يا صديقي زول نضيف بالله واحد..ولم يكن مطلقا مثل عيال ابا بيتر قديت..الجنرال بول مالونق..والجنرال فاولينو ماتيب..وديل انتا عارفهم كويس عملوا شنو في اهلهم في جمهورية جنوب السودان (سواءا قبل الإستقلال أو بعد الإستقلال )..!!
ثم تانية يا ول ابا..انتا نسيت ولا شنو؟..اخونا حماد بتمنى امنيات في امسودان التي هي عاصمتها الخرطوم محل الطيارة بتقوم والرئيس بنوم..وما جاب سيرة جوبا نوهائي..فليه حارق رزقك قدر ده؟..
البتسوي فيهو يا البينو ..ومعاك جماهير تانية (دورت زي ما العالم دي اتدورت)..هو الإصطياد في الماء العكر.. وموضوع السليت ما عندو علاقة بعوين ولا عروض ولا غيرو..كلما في الأمر شوية مجندين جعانين (والجوع كافر) قاموا اتعدوا ليهم على دكان مواطن مسكين ساكت..ولأنك قلت غير الناطقين باللغة العربية..فشنو يا قريبي..الدكان نهائي ليس في معنى من معانيه عوين ولا بيت عوين..الدكان ده يا قريبي بيت الحلاوة والطحنية والرغيف..يعني مريسة ساكت مافي في الدكان..لأنو ديك عندها دكانها الخاص..وحتى الآن لم نجد افادة بانو البحث كان عن بيت/ دكان المريسة..!!
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
ول ابا عبد الله شم..حبابك يا صديقي..
اها يا عبد الله ، وقعت ليك مفاتيح تدويرة دينق ولا لسع؟..
ويا دينق.. كويس انك بلعت الطعم الصغنوني ده..اديك واحدة تانية: شفت عشة البصيري..دي شغالة عدييل للحيكومة في امسودان..والإ اسأل نفسك براحة: عشة فتت اليوناميد بصورة دقيقة للغاية في ابريل 2014..الناشطين بلعوا ليك الطعم..و قاموا عييك وعااااك..العميان شايل المكسر..عشان يدقوا راسهم في الحيطة..ويقوم عمر البشير(في نوفمبر 2014) بكل اطمئنان يقول ليك اليوناميد لازم تمرق من امسودان؟..وقعت ليك الشغلانة ولا اشرح ليك اكتر!!!
وانتا اقعد لي في كبر يدافع عن بريمة وشنو كده ما عارف..!!..ليه الدفاع عن بريمة عيبو شنو؟..من الليلة يا قريبي..دفاع عن بريمة سرا وجهرا..وشفتا تراجي علفت مننا كتير..و العندنا اظرط من العند تراجي.. وبنمرقوا يا عمك..ونشوف بعد داك ناس دمعي الإتشتت وغلب اللقاط..!!!
كتر خيرك يا عبد الله..ومعليش خطيناك هنا حجاب ..لأنو العالمين دي ما بتختشي كلو كلو..!!
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
الأستاذ كبر
سلام عليكم
شايفك اتهمتني ولا أعرف السبب بانني صاحب بروباجندا سياسية كانت السبب في ان انقل ان المشكلة سببها السؤال عن بيت العزباء.
اول حاجة
انا حزبي الاتحادي الديمقراطي وياريت اعرف منك الفائدة اللي نمكن يجنيها الحزب من نقلي للخبر.
ثانياً
فتش المنبر دا وانا صاحب وجعة في الموضوع دا، لو لقيتني فاتح بوست عن المشكلة تعال بعد داك قول لبرةباجندا سياسية!!!
انا قاعد في السعودية ولي سنة ما مشيت السودان وزي ما ذكرت في بوست مجاور لاخونا ود الباوقة انه المشكلة مش مع فرع من القبيلة بل مع ناس هم اعمامي وجدودي واخوالي بصورة مباشرة وهم من كانت المشكلة معهم وانا لم انقل عنهم بل لقيت الخبر في الفضاء الواسع ولما سالتهم كانت رةايتهم هي ماذكرت.
اما ان كان الموضوع هو تصفية حسابات واستجرار للماضي المهدوي وخلافته فقبل فترة بريمة دا كان شغال في البطاحين شغل من لايخشي العيب وهرار ورائحة وما ادراك فكانت مناسبة كبيرة بالنسبة لي لارد له صاعه صاعين ومع ذلك برضو ما فتحت بوست لاني بصراحة أعتقد ان بريمة دا ما بنفع معاهو اي نقاش وعنصريته تطفح في هذا المنبر واول مداخلة لي معه كانت لطلب سحب البوست
تحياتي يا أستاذ وارجو الا تحكم على الناس بما ليس في ضمائرهم.
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: محمد عمر الفكي)
|
| Quote: ان كان في الجنجويد عطاوة.. وأي واحد منهم عطوي.. امو بت عم ابوهو.. ما بيعمل شغلة فارغة زي دي |
كبر الله يصبحو بالخير زعلان من تعميم اهل الشمال في موضوع العذباء وفي نفس التوقيت بجزم انو مافي عطوي ممكن يغتصب كده صره في خيت طالما اقتنعت انو التعميم مخل وبعض الامور لايمكن رجمها بحجر واحد المفروض ماتجي تكبا لينا تناقض في الموضوع نفس اللحظة غايتو شاطر في التلاعب بالالفاظ مامحامي
خلينا من ده كلو بريمه ده جلابي غرباوي وعامل زي ود المويه يزنقو بي جاي يزوغ بي جاي وبوستاتو من بتاع الدولارات داك قاعده تشهد على سوء فهمو وماتوسخ ايديك بيو
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: حامد بدري)
|
ولد ابا كبر!!
ذي ما انت قلت اني من غير الناطقين بها والحمدلله!!
بس يا خوي كترتها شوية!! يعني انت شايف نفسك وبريمة علي حق والله بس عايزين تاكلوا الناس حنك؟!!
واجيك بالباب نلونق اوان دا قريبي وعبدالباقي ايي اكول دا عمي لزم( والله العظيم ذي ما قال د. قرنق)
بس ذي انتو العرب قلتو اختلاف الاراء لا يفسد للود قضية. بس عندنا هنا قاعدة انصر اخاك ظالما او مظلوما دي ما عندنا!! والحق عندنا بيقولوا
في عين الله والله ما ظالم..
فارفع رجل من الابنظ شوية واهبش الكلتش وما تدوس الفرملة عشان اخوك ما لابس السيت بيلت!!
ياخي انت خليتني اعرد عديل!!
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: حامد بدري)
|
كتب عبد الله ادريس:
Quote:
بقيت تمسك العصا من النص " مدفوعا بغزية ارشد " او اي شي آخر لا نعلمه ، عليك الله الكلام الكتير الرشيتو هنا ده لزومو شنو ؟ يا كبر حالة نهب او اعتداء على مواطنين عزل ايا كان نوعه ، تجي تقول لي عطاوة و بتاع ..
يعني نحن نجي نوقفهم صف نفرز العطاوة من الما عطاوة ، يا كبر ديل مجرمين لو كانوا عطاوة ولا غيرهم .. مجرمين عديل ، لا يمكنك الجزم باستقامة جميع العطاوة او غيرهم just like that .. لا يهم الى اي القبائل ينتمون ..
تحياتي
|
ول ابا عبد الله ادريس..حبابك يا صديقي..
شكلك منفعل للغاية وما قريت كويس يا عبد الله..وعشان نوقع ليك الحكاية ..كبر قدامك اهو كتب وقال :
Quote:
وانما كان نهب لدكان مواطن وحرق الدكان عشان كده الأهالي مرقت واستنفرت بعضها البعض..وموقفها سليم للغاية..خصوصا في زمن باتت فيهو الحكومة لا تهتم بأمن المواطن..ولو كنت قريب من ناس السليت والسمرة وحطاب..كنت شلت ضقلي و مرقت معاهم..لأنو البتسوي فيهو الحكومة غلـــط كبير..و تجويع مجنديها فضيحة كبيرة..!!
|
اها ياقريبي..نص العصاية دي وين بالضبط؟..زول بيقول ليك لو كنت قريب منهم كان شلت عكازي ومشيت معاهم..يعني لا بنتظر قانون ولا انصاف من دولة ما بتعرف العدل مطلقا؟..
ثم ثانيا يا عبد الله.. انا عشت ايام في المعسكر ده ابان ادائي للخدمة الإلزامية..و قبالي عشرات.. بل مئات .. الآف من اهل امسودان مروا بالمعسكر ده..هل حصلت مشكلة قبل كده؟..هل حصل واحد مشى اتبلى على المواطنين ديل؟..اذا لم يحدث ، تفتكر ليه؟..
نعم يا قريبي العطاوة خلق كتير..وفيهم النطيحة والموقوذة وما اكل السبع..لكن لو الناس افترضت انو الناس ديل كلهم اهل بريمة.. فانا بقول: اهل بريمة مافيهم زول بتعدى الحدود..خصوصا لو كان الأمر متعلق بانتهكات عروض الغير.. الكلام ده يا عبد الله ما عندنا تب..والبيعملو..قبال الحيكومة توصل بنسيح دمو..وبندفع الدية للحكومة..!!
نعم العساكر عساكر يا صديقي..لكن عسكري مارق من عندنا ما بعتدي على عروض الناس..سواءا غالب او مغلوب..!!
فرية الدفاع عن بريمة فكاها دينق..ودينق عارف هو قاعد يسوي في شنو..لأنو الجابوا مش الدفاع عن بريمة..لكن كلامنا بانو الحصل في دارفور من ادعاءات اغتصابات ..من مدرسة طويلة 2004 ولغاية احداث تابت 2014..انو ده شغل بروباقندا والكضب فيهو كبير للغاية..فهل انتا برضك عندك اعتراض على مزعم زي ده؟..
المهم..كتر خيرك يا عبد الله..وقريت كلامك في بوست صديقنا ابو جهينة..واتفقت معاهو كتير..لأنو فيهو افق نفس الأفق الشغالين بيهو هنا: انو السودانيين دايما عندهم استعداد فطري للمحاكمة من غير حيثيات..
ودمت يا صديقي..
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
عمر محمد الفكي..حبابك يا صديق
كتر خيرك على المطايبة هنا..ويا اخوي قبال ما تمشي لي قدام..شغلك مع المهدية وشنو كده عارف..ده ما عندنا بيهو شغلة.. لأن المهدية برضك عندنا فيها رأي..فما تخلط الكيمان ساكت..ما كل البقارة مهدية ياعمر يا قريبي..
ما ح اشكك في الدار بينك وبين اعمامك شنو.. لكن يا صديقي..سؤال سألتو لأخونا عبد الله ادريس: المعسكر ده ليهو كم سنة في المنطقة؟..وهل حصلت قبل كده مشكلة مشابهة للحدث؟..
كلام بيوت العزبات ده شين يا عمر..والناس الهناك ناس ريف وحاجات زي دي ما عندهم..ولمن تقوم انتا تتبنى كلام زي ده..ممكن واحد خبيث يسألك ويقول ليك المجندين ديل جابوا الكلام ده من وين؟..شفت كيف القصة دي ح تجرجر..؟..
ديل مجندين جيش..ونحن هنا لا ندافع عن الجيش مطلقا..ولكن مليشيا الجنجويد..والجيش السوداني..دايما عندهم تعالي على المواطنين..وممكن يتعدوا عليهم باعتبار ظنهم بانهم سلطة تقوم وتقعد على كيفها..لكن حكاية تعدي على عروض دي صعب ابتلاعها..
صاح انت اتحادي (والمعلومة ما جديدة علي)..ولو داير تحسبها بالصورة دي ..مالو..شغلك يا قريبي ..لأنو عندك مشكلة مع الحيكومة..بتقوم تعمل اي حاجة تخدم المشروع ده..وده الشغل الشغالين بيهو اغلب الناشطين.. ركزوا على حكايات الإغتصابات والمتاجرة بعروض البسطاء..ولغاية الليلة مافي جديد حصل غير الخسران المبين..!!
الناس الهناك يا عمر..في السليت والسمرة والشلعاب وحطاب..ناس طيبين ومساكين ومظلومين وعينهم طالعة..والدفاع عنهم نوهائي ما بيحتاج بروباقندا..!!
ودمت..
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
كتب حامد بدري:
Quote:
كبر الله يصبحو بالخير زعلان من تعميم اهل الشمال في موضوع العذباء وفي نفس التوقيت بجزم انو مافي عطوي ممكن يغتصب كده صره في خيت طالما اقتنعت انو التعميم مخل وبعض الامور لايمكن رجمها بحجر واحد المفروض ماتجي تكبا لينا تناقض في الموضوع نفس اللحظة غايتو شاطر في التلاعب بالالفاظ مامحامي
خلينا من ده كلو بريمه ده جلابي غرباوي وعامل زي ود المويه يزنقو بي جاي يزوغ بي جاي وبوستاتو من بتاع الدولارات داك قاعده تشهد على سوء فهمو وماتوسخ ايديك بيو
|
ول ابا حامد..حبابك يا صديقي
الزعل مرفوع ياعم..وما حبابو تب..لكن ممكن توضح لي الزعل ده وين بالضبط؟..
وتعميم ناس الشمال ده وين بالضبط؟..وكبر اتعرض ليهو في ياتو نقطة بالضبط؟..ولا الموضوع ونسة ساكت؟..
مالك يا حامد بقيت زي دينق؟.. دينق عندو غرض مستديم..وكل المنتظرو..انو يرجى كبر عشان يقول بغم..ويجي يفك الإكليشهات بتاعتو الثابتة دي؟..هل كبر هنا يا حامد اتكلم عن مفهوم عزبة ولا غيرو؟..الفاتح موسى تحت عمم وقال عشت في الغرب وقال ما قال..ورديت عليهو بكل هدوء وجبت ليهو حكاية الشهداء وسعد قشرة (ديوم بحري)..يعني الناس زعلانة من كلام زي ده؟..وليه الناس ما قالت للزول الجاب الكلام انقرع؟..
دينق يا قريبي جاي هنا يبخس الرأي..لأنو الكلام هبشوا وهبش منظومة بحالها اسمها منظومة الناشطين..فهل انت برضك داير تقنعنا انك جزء من المنظومة دي وبتخاف الرصة تتخرب؟..
الناس يا ابوي ما بتعرف بعضها البعض في امسودان..عشان كده بتكون مصرة على انها تحاكم الأخر بتصوراتها الخاصة..حكاية العطاوة ليه الناس بتتحسس منها؟..ديل ناس انا بعرفهم زي جوع بطني..ولو جنبك واحد منهم اسألو: مافي حاجة اسمها زول يتعدى على عروض الغير بسبب أو بدون سبب..وقيم الشجاعة هناك..وهي قيم الفراسة القاديكم بيها بريمة كل دقيقة والتانية..فيها قانون اسمو قانون العيب..عشان كده الناس دي ما بتعمل العيب..مش خوفا من الآخر..لكن خوفا من الناس المارقين منهم..عشان كده يا ابوي شغلة اغتصابات وشنو كده ما عارف ده شغل بنية الوعي التناسلي الحايمة في عقول ناس البندر في امسودان..وعرفوا انو سوقها سالك وبتقوم تتاجر بيها..!!
وهسع ياهي ديك احداث دارفور ليها اكثر من عشرة سنة..خلي زولة واحدة..واحدة فقط تجي تقول فلان الفلاني عمل كده ولا كده..ولو طلع عطوي..نقطع راسو قبال القانون..!!
اها يا قريبي ..انا بقع فوق بريمة تب..!!
ومن الليلة دي يا دينق وبقية الجماهير..دفاع عن بريمة سرا وجهرا..فيها مشكلة يعني؟..
الداير الحقيقة بيعرف كيف يشوفها..والماداير برضك بيعرف كيف يفطها..!!
وجيب لي الشواهد يا حامد..جيب لي حكاية الزعل من تعميم ناس الشمال؟..ولا جيب لي بالضبط وين طريت ناس الشمال كن بخير ولا بي شر..
ودمت..
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: بريمة محمد)
|
ول ابا كبر مساء الخيرات عليك
ماعايزين نمشي بعيد من موضوع البوست ممكن توضح اشارتك لموضوع بيوت بحري وعشرة بيوت القصد منها شنو
موضوع العطاوه نقوليك كلامك ده كان زمان لامن كان زولك المتكي في عصايتو قراراتو مطاعه هسسسة في ناس راقدين القش مع الحكومة وعيال عمهم بي غادي مع الثوار حميدتي وال عقار في الصعيد والبخش مع ناس المؤتمر العفني ديل ايو شئ وارد منهم ومافي زول بعرف ظاتو ده منو ممكن يدو بطاقة بي اسم لي عيلة تانيه من قبيله مختلفه
اشارتك لوقوفك مع بريمه ظالما او مظلوما شان يخصك
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Elmoiz Abunura)
|
ول ابا بريمة..حبابك يا صديقي
ابدا يا صديقي..ما تشيل دقلك على اخونا محمد عمر الفكي..والرجل صحيح قد تكون البينة عندو سماعية..لكن طريقة توظيفها جابت هوا بارد..لأنو بدون ما يشعر قام باذية اهلو (وهم برضك اهلنا وما بنرضى فيهم تب)..
نعم نظريتك يا صديقي كل يوم بتكون هناك شواهد في اثباتها.. صحيح شعوب امسودان لا بتعرف بعضها البعض..وصحيح المثقفاتية في امسودان عندهم حول فكرى في طريقة تحديد الأولويات..لكن يا صديقي..الحال سيظل هو الحال..!!
شفت الناس كلها خلت الحمار (قضية اهالي بتقاوم في ظلم الحيكومة) وتووشك شبت في البردعة..وهي نقاش الثقافات..يعني كان لو في ناس حرفا شوية يقولوا ليك كده اول حاجة نثبت موقف وننتصر للأهالي وبعدين نرجع لحكاية الفروقات الثقافية واختلاف معاني الكلمات..
النقطة التانية..السادة المثقفاتية..ده لو اعتبرنا المنبر ده دارهم ودار صراعهم الفكري والثقافي..السادة ديل يا صديقي فعلا ما بيقدروا على احداث التغيير..حتى الونسة ساكت الناس ما بتقدر تستفيد منها للتغيير..لكن ..واشهد انك ناجح للغاية في استفزاز الناس هنا..الناس هنا يا صديقي دايما عندها استعداد تنفعل..ولمن تنفعل بتقوم تعبر عن روحها وشعورها بكل تلقائية..والمسالة دي صاح هي مسالة كويسة عشان الناس تعرف بعضها البعض..لكنها في نفس الوكت بتوضح حجم البشاعة في الناس..
البعض هنا بتحسس من حكاية الإصطفاف القبلي والجهوي وشنو كده ما عارف(وطوالي عندهم احساس فطري يحسبوا الناس الذي يعتقدون مجرد اعتقاد انها واقفة في صف بريمة)..لكن مافي زول بيقدر يكلف ر وحو انو يعاين للكتابات والمداخلات بصورة موضوعية..وملاحظة التهيؤ والجاهزية للإصطفاف..يعني الجمل دايما ما بيشوف رقبتو عوجة..
حكاية بيوت العزبات في غرب السودان..ودي قالها اخونا الفاتح موسى من نافذة الفيس بووك..واقولها ليك وقدام الناس ديل..صديقنا الفاتح موسى من ناحية عمر ساكت..الغرب الذي زعم انو عاش فيهو مافيهو بيوت عزبات..اللهم الإ كن بيوت الدعارة في المدن..ودي ظاهرة موجودة في كل مدن امسودان..وزمان كانت منظمة..ودي ما المشكلة..
المشكلة حكاية الإدعاء الجازم بانو الواحد يقول ليك عشت في الغرب..غرب امسودان..ولو قمت بحت معاهو بيكون شاف ليهو حتة واحدة..لا تشكل نسبة تذكر في حجم اقليم عدد سكانو حداشر مليون..فهل يعقل حداشر مليون نحاكمهم بكلام زول قال زرت الغرب..
والحتة دي ضروري الناس تتكلم فيها بكل شفافية ووضوح..سواءا في الخيط ده أو خيط تاني..والأهم من كده حكاية التعميم المخل..فنفس الغرب البتحدث عنو الفاتح موسى فيهو كواهلة وكبابيش ودار حامد وشنابلة ومعاليا و بديرية وشويحات وجوامعة وجمع وحسانية وعطاوة (رزيقات ،مسيرية ، حوازمة ، تعايشة ، هبانية ، بني هلبة ، حوطية ، تعالبة ، وغيرهم كتر)..ده غير الأمم الأخرى في جبال النوبة (ومافيهم عادة زي دي)..وغير الأمم الأخرى في دارفور..ديل كلهم في غرب السودان..فلمن زول يجي بكل ثقة يقول ليك عشت في الغرب والشغلانة دي عندهم عرف..فهذا يعني انو المجموعات المذكورة دي كلها جوه الجك...
كتر خيرك يا ول ابا.
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
كتب حامد بدري:
Quote:
ماعايزين نمشي بعيد من موضوع البوست ممكن توضح اشارتك لموضوع بيوت بحري وعشرة بيوت القصد منها شنو
|
ول ابا حامد..حبابك يا صديق
الغريبة يا حامد انا ذكرت المبرر اكثر من مرة..لكن مافي مانع نجيب ليك مناسبة الكلام والقصد منو شنو..
كتب صديقنا الفاتح موسى من نافذة الفيس بووك يقول:
Quote:
بريمه لا تغالط ولا تكابر .... لقد عشـنا فى غرب السودان .... ومفهوم تماما ما هو بيت العزباء هناك ... كان إذا أتي زائر للقرية ليلآً يدلوه على بيت العزباء والتي تكون مستعدة لإستقبال الضويف ليلآ وكان هذا عرف سائد ... وهذا يؤكد أن من سأل هذا السؤال آتي من تلك المناطق .. أنت غلطان يا بريمه يا أخوي
|
لاحظ الرجل بكل ثقة بيقول ليك عشنا في الغرب..وبيقول ليك لو جا زاير للقرية ليلا يدلوه على بيت العزبة التي تكون مستعدة لإستقبال الضيوف ليلا..والسؤال هو ناس الغرب ديل منو بالتحديد؟..ومنو الناس العندها قرى؟..لاحظ الغرب ده يا حامد فيهو . نفس الغرب البتحدث عنو الفاتح موسى فيهو كواهلة وكبابيش ودار حامد وشنابلة ومعاليا و بديرية وشويحات وجوامعة وجمع وحسانية وعطاوة (رزيقات ،مسيرية ، حوازمة ، تعايشة ، هبانية ، بني هلبة ، حوطية ، تعالبة ، وغيرهم كتر)..ده غير الأمم الأخرى في جبال النوبة (ومافيهم عادة زي دي)..وغير الأمم الأخرى في دارفور..ديل كلهم في غرب السودان..فلمن زول يجي بكل ثقة يقول ليك عشت في الغرب والشغلانة دي عندهم عرف..فهذا يعني انو المجموعات المذكورة دي كلها جوه الجك...
عشان كده انا ذكرت حكاية بيوت سعد قشرة (ديوم بحري) وحي الشهدا في امدرمان (ونصيحة يا اخوي ما جبت سيرة عشرة بيوت).. وتساءلت مخاطبا الفاتح انو البيوت دي مالكي العقارات فيها ناس بتصوم وبتصلي وبتقيم الليل و بتدفع الزكاة..يعني ناس ملتزمة دينيا واخلاقيا واجتماعيا.. فهل وجود حاجة زي دي بيديني الحق انو اقول انا عشت في بحري وامدرمان وده عرف سايد هناك..بمعنى ادق انو كل الناس شغالة بيهو عادي من غير تحسس؟..
وقلت في ردي لبريمة..انو صديقنا الفاتح من ناحية عمر ساكت..الغرب العاش فيهو ما فيهو ظاهرة زي دي..واكتر من كده..انو ناس الغرب الرصينا ليك بعض من مجموعاتهم اعلاه كلهم عندهم عرف سايد اسمو عرف الدية..سواءا في الرقبة أو فيما دونها..الحداشر مليون العايشين في الغرب شغالين بالعرف ده.. وبالتالي لمن زول يجي يقول ليك انو عشنا في الغرب وعرف بيت العزبة موجود عندهم..وعندما تقارن الموضوع بموضوع عرف الدية.. مش ممكن تمرق بنتيجة أنو الحداشر مليون ديل كلهم شغالين بحكاية بيوت العزبة دي؟..
الفكرة يا صديقي..وذكرتها لأخونا يحي سليمان (بتاعة دي ثقافة تشادية)..انو الإنفعال والغيظ من موقف فرد لا يمنحنا الحق في انو نقوم نحاكم لينا امم بحالها..وانا يا صديقي بعرف امسودان كويس..ودايما بنثق في بعضنا البعض..فلمن زول زي صديقنا الفاتح..يجي يقول ليك (عشنا في الغرب)..فناس كتيرة ممكن تصدقوا من غير مساءلة..وبتقبل بحكمو العام..!!
ودمت..
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
كتب المعز ابو نورا:
Quote:
سلامات وكل عام وانتم بخير
اعود و العود احمد واقول ياصحاب ان ماحدث فى حطاب وفى شرق النيل ليس معركة بين البطاحين ضد عصابات الجنجويد, بل هى معركة قطاع مهم من شعبنا السودانى ضد سلطة الكيزان.
انتفاضة وعصيان اهلنا فى لقاوة, وانتفاضة اهلنا فى شرق النيل المهمش مؤشرات لعهد جديد للمقاومة الجماهيرية الواسعة.
|
ول ابا المعز ابونورا..حبابك يا صديقي
ماحدث في تلك القرى يا صديقي فعل مقاومة كبير..ونجح في تحقيق بعض من اهدافه..مثل اجبار الحكومة على ترحيل معسكر الإستخبارات من قرية السمرة ..وهي احد القرى التي دارت فيها الأحداث..ولكن..!!
واحدة من اشكالات التعاطي يا صديقي هو سلوك المتكلمين المعوج.. فبدلا أن نتأمل هذا الفعل الثوري الناجح و نتفاعل معه..و نتبين نقاط القوة فيهو.. بنقوم نخلي ده كلو وننشغل بحاجات تانية للغاية.. وعندك هذا الخيط..لآ احد مطلقا تذكر ناس الوجعة..ووصلوا وين في مقاومتهم..وحققو شنو بالضبط..لأنو اولويات المثقف في امسودان دايما عندها طريقة تحديد غريبة للغاية..
نفس الأمر في لقاوة..ولأنو لقاوة مافيها نقة بتاعة بنية وعي تناسلي..عشان كده هي ساقطة من اهتمامات الغالبية..
ويبقى السؤال: هل نحن فعلا مؤهلين اخلاقيا وفكريا لإنجاز فعل التغيير؟..اشك في ذلك يا صديقي..
ناس الجبهة الإسلامية دايما يا صديقي عندهم مراقتهم..عشان يعملوا تجييش عاطفي للبسطاء.زفطوالي بتكون عندهم سيرة الشريعة..وناس الضفة الأخرى بقت عندهم حكاية استثارة الناس بحكاوي الإغتصابات..عشان كده ما فيش فايدة تب..!!
ودمت يا صديقي..
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
كتب عوض السيد من الفيس بووك:
Quote:
يا بريمة انت سايكوباتتي وبتاع فتن وجبان وبليد وما عارف روحك انك بليد فما تتذاكى على الناس
وجاء كبر المحسوب على المثقفين وزاول عمله باتقان وهو محاولة مخارجة بريمة من ورطاته الكثيرة شغل جهوية
وحماد الطاهر عايز يعمل كبر وزير ؟؟؟؟ !!!! على النعمة كبر ده يبقى وزير تحنوا لعهد ابو ريالة
الجنجويد قايلين كل الطير بتاكل لحمو ومشو هابشو الناس الآمنة في قراها وروهم نجوم القايلة
|
عوض السيد..حبابك يا صديق
غايتو شعوب امسودان مرات فيها ناس لو ما داير تضحك ..تقوم تخليك تضحك..
يعني يا عوض (ممكن تسمح لي اناديك بعوض ساكت كده؟!!)..داير تقنعني انو الناس ممكن تحن لعهد عبد الرحيم محمد حسين؟..يعني داير تقول انو في ناس بترضى بعهد الفساد يستمر؟..ولا انتا شايل الموضوع موضوع جهوية؟..
كويس انك الشباب ديل ما بتعرفهم كويس..ولا عايشتهم من قريب..عشان كده بتضري في عيشك ساكت وتفصح عن مكنون الذات فيك..
الحاجة الوحيدة يا عوض البقدر اساعدك بيها..انو اطلب من اخونا بريمة ما يقوم يطبق نظرية الفنقلة في اسمك..لأنو لو طبقها..بتبقى صغير قدر النملاية..!!
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: بريمة محمد)
|
Quote: لاحظ الرجل بكل ثقة بيقول ليك عشنا في الغرب..وبيقول ليك لو جا زاير للقرية ليلا يدلوه على بيت العزبة التي تكون مستعدة لإستقبال الضيوف ليلا..والسؤال هو ناس الغرب ديل منو بالتحديد؟..ومنو الناس العندها قرى؟..لاحظ الغرب ده يا حامد فيهو . نفس الغرب البتحدث عنو الفاتح موسى فيهو كواهلة وكبابيش ودار حامد وشنابلة ومعاليا و بديرية وشويحات وجوامعة وجمع وحسانية وعطاوة (رزيقات ،مسيرية ، حوازمة ، تعايشة ، هبانية ، بني هلبة ، حوطية ، تعالبة ، وغيرهم كتر)..ده غير الأمم الأخرى في جبال النوبة (ومافيهم عادة زي دي)..وغير الأمم الأخرى في دارفور..ديل كلهم في غرب السودان..فلمن زول يجي بكل ثقة يقول ليك عشت في الغرب والشغلانة دي عندهم عرف..فهذا يعني انو المجموعات المذكورة دي كلها جوه الجك...
|
العزيز كبر
تحياتى
ما قالها الفاتح موسى مافى حد بيقدر يجزم ويؤكد بانها موجودة عند كل مكونات الشعب السودانى فى دارفور وكردفان واصلا ده ما الموضوع .. الموضوع يا عزيزى محاولة بريمة اللعب بالمفردة وضرب مثل بيها من روسيا ومصر والخليج دون التركيز على معنى المفردة فى الداخل السودانى , لانو نحن سودانيين والمشكلة حصلت فى السودان ما فى روسيا ولا فى مصر وادعاءه بان المعنى فى مناطق الغرب غير المعنى المعروف فى مناطق السودان الاخرى ومافى زول من ابناء المنطقة بما فيهم انت اكد او نفى على كلام بريمة بصورة واضحة حتى الان !
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: بريمة محمد)
|
سال محمد بابكر عن مفهوم بنية الوعي التناسلي يعني شنو:
فكرة بنية الوعي التناسلي قال بها الباحث والمفكر السوداني الشيخ محمد الشيخ.زفي جزء من نظريته (التحليل الفاعلي)..ثم (الفاعلية)..في مقال له في صحيفة الحوار المتمدن..كتب مقال بعنوان (نحو نظرية جديدة للأدب)..وبدأ مشروعه سابقا في نشره لكتاب عند دار الوعد في الخرطوم في سنة 1989..وفيه تحليل لأعمال الروائي السوداني الطيب صالح..في مقاله المذكور توضيح لفكرة التحليل الفاعلي والأسس التي يقوم عليها..حيث يقول:
Quote:
تنبع أهمية التحليل الفاعلى من كونه يمهد السبيل لتجاوز مأزق بنية الثقافة الغربية ، انطلاقاَ من الفروض أو ا لمسلمات الآتية :
أ - تتحدد طبيعة الإنسان ووجوده بالفاعلية .
ب – العقل البشرى مركب ، يتكون من ثلاث بنيات .
ج – ا لمعرفة البشرية ناتج علاقة تركيب العقل بالوجود .
تسمح هذه المسلمات بالبرهنة على أن المادي والمثالي يتتامان ، وهى تتامية تشكل الأرضية التحتية لنظرية الإنسان ومن ثم لنظرية الأدب ، كما تؤسس لوعى التنوع والاختلاف
|
ثم يقول:
Quote:
سبق أن عرفنا الفاعلية بأنها القدرة على إنتاج وإثراء الحياة الإنسانية جمعاء ، بل الحياة جميعها. يتحقق الإنتاج والإثراء الشامل للحياة ( الفاعلية ) بيولوجياً من خلال تطور الشعبة ( تاريخ النوع ) . وتجسدت هذه الخاصية ( أو المبدأ ) ، نتيجة لتطور التاريخ الطبيعي ، من خلال النوع البشرى على مستوى تاريخ الفرد . بناء عليه تخضع الطبيعة الإنسانية لمبدأ زيادة الفاعلية كما تخضع لمبدأ زيادة الكفاءة التناسلية – Reproductive fitness. يسمح مفهوم الفاعلية – في هذا الإطار - بانبثاق بنيات العقل التى تنتج وتثرى الحياة الإنسانية وفقاَ لخصائصها التكوينية وبرامج عطائها . يقصد ببنية العقل النسق أو النواة التوليدية للوعى التى تحدد فكرة الإ نسان عن نفسه ومنحى استجابته وتفاعله مع العالم .
|
ثم يوضح البنيات المعنية بقوله:
Quote:
والبنيات هي :
- بنية عقل تناسلي : يعي الإنسان ،من خلالها ، ذ اته ككائن ( جنسي) وظيفته ودوره في الحياة التناسل .
- بنية عقل برجوازي : يعي الإنسان ، من خلالها ، ذاته ككائن ( اقتصادي ) وظيفته ودوره في الحياة إنتاج واستحواذ الخيرات المادية.
- بنية عقل خلاق : يعي الإنسان ، من خلالها ، ذ اته ككائن خلاق نشط وظيفته ودوره في الحياة الحب والإبداع والعطاء الشامل
|
ويوضح وظائف هذه البنيات في بناء الشخصية ويقول:
Quote:
كل فرد من أفراد المجتمع يحتاز البنيات الثلاث ، لكن أن تسود وتسيطر أحد البنيات ـ بمعنى أن تستدمجها غالبية أفراد المجتمع ـ فذلك يعتمد على البنية الأكثر والأسرع جاهزية تصدياَ للتحديات الاجتماعية والحضارية الكائنة . كل بنية من هذه البنيات تتحلى بخصائص تتعلق بالنمو والتشكل ، وتتحلى بآليات برمجة لأفراد المجتمع وفقاً لخصائصها التكوينية ( النفسية والفكرية والأخلاقية .. ) . كما تتحلى بآليات ضبط وسيطرة تحقيقاً لمهامها وأغراضها . تتنازع البنيات السيطرة إذا فشلت البنية السائدة في التصدي للتحديات ، وتتآزر البنيات إذا نجحت البنية السائدة أو الرائدة في التصدي للتحديات القائمة . يتمخض عن هذا النسيج لديناميكا واستاتيكا بنيات العقل ما يمكن تعريفه بعلاقات الفاعلية
|
اتمنى ان تكون هذه الإستشهادات اجابت سؤال صديقنا محمد بابكر..
ودمتم..
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: بريمة محمد)
|
| Quote: يبدو عليك أكتفيت بالعنوان |
هذه هي مأساة هذا المكان لان معظم رواده يشعرون بوجودهم فقط من خلف كيبوردات كمبيوتراتهم وما عداها فإنهم Unknown
الاكثرية هنا ترد بناءاً علي العنوان.....
والبعض بناءاً علي شخص الكاتب.....
والبعض محاباة او معاداة.....
والبعض الاخر الكتابة من اجل الكتابة ولا شئ عداها.....
استغرب أن كل هذا الهجوم علي الاستاذ بريمة وهو لم يحدد المعني الذي يقصده من ايراده لكلمة (العزبة)!!!!
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Mohammed Al-Khalil)
|
شكرا يا كبر على ايراد ما قال به الدكتور الشيخ محمد الشيخ وان كنت قد فشلت فى الربط بين ما قاله وما يحدث فى لقاوه وما فتح لاجله بريمه هذا البوست واصدقك القول باننى وكشخص غير متخصص فى هذا المجال اجد صعوبة بالغه فى فهم كثير من المفاهيم بل والعبارات وان اقصى ما استوعبته هو هرم ماسلو للاحتياجات الانسانيه ولان بوست بريمه(المخستك) هذا لا يتسع لمثل هذا الحوار فاننى اشكرك مرة اخرى ودمتم....
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: بريمة محمد)
|
خالد حاكم،
| Quote: لانو نحن سودانيين والمشكلة حصلت فى السودان ما فى روسيا ولا فى مصر وادعاءه بان المعنى فى مناطق الغرب غير المعنى المعروف فى مناطق السودان الاخرى ومافى زول من ابناء المنطقة بما فيهم انت اكد او نفى على كلام بريمة بصورة واضحة حتى الان ! |
أين توجد ثقافة بيت العزباء .. التى تعادل بيت الدعارة فى السودان؟ أبدأ لينا من مناطق أهلك فى الشمالية: حلفا، دنقلا .. وأنت نازل حتى وصولاً الخرطوم .. ثم الجزيرة والشرق والغرب ..
أفضل ما تطلع به، أن الناس قالوا والناس قالوا .. مسألة قوالات ساكت .. وبسبب هذه القولات ماتوا ناس أبرياء ..
أنظر محمد عمر الفكى .. كذب على وضح النهار .. قال الجنجويد قالوا ؟
بريمة
| |
|
|
|
|
|
|
|
|
 Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: حامد بدري)
|
حبابكو عيال أبا كلكم..
جيتاكم زي وزين هجر الرهيد يوم جفا..
دي سلبطة ليها كوع.. دايرة ليها بقاري شانق الطاقية ومقيل في سوق أبو عقيفة..
وحات اسم الله يا عيال أبا شويطين باشا على قول ول تور شين الخليفة عبدالله التعايشي الدود الأصيفر الزاول الفرقان عليه الف رحمة تنزل عليه شآبيب الرحمة من كل حدبٍ وصوب.. في كتابا السيف والنار قال عرب النواحي أنفسهم بيقولوا ..
نار الغابة تلزمها الحريقة
قرأت بتمعن وخلصت إلى النتيجة ذاتها..
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: يوسف الطيب احمد إدريس)
|
| Quote: قريب من ناس السليت والسمرة وحطاب..كنت شلت ضقلي و مرقت معاهم..لأنو البتسوي فيهو الحكومة غلـــط كبير..و تجويع مجنديها فضيحة كبيرة |
سلام كبر
ده يا كبر مسك العصاية من النص ..
عايز تشيل ضقلك ضد الجنجويد و في نفس الوقت انت بتجرم الحكومة لانها جوعتهم ؟ يعني بتفتش ليهم مراقة ، ده ممكن عادي يتفهم على انو اصطفاف ..
اولا ما ادراك بأنهم جوعى؟ مش ممكن سجاير ؟ عصير الخ .. كويس انك خشيت معسكرات زينا كلنا ، ألم تتضور انت و رقتك يوميا من الجوع ؟ هذه معسكرات تدريب والجوع شيء اساسي فيها ، هلل سمعت بمجندي جيش نهبوا احدا لانهم جاعوا ؟
النهب والحرق شيء متأصل في ثقافة وسلوك الجنجويد يا كبر و كان من الاجدر بك الاعتراف بهذا بدل تحميل المسئولية للحكومة ، وبمناسبة المسئولية هنا ، على من تقع المسئولية الجنائية في هذه الحادثة ، المجندين ام الحكومة ؟ الحكومة يا كبر اخطائها اكبر و اعظم بكثير لكنها لم تحرق دكان البطحاني ولم تتحرش بإمراة whichever applicable وما قامت به الحكومة لا يصنف من الاخطاء وانما تسمى كوارث.
Quote: ثم ثانيا يا عبد الله.. انا عشت ايام في المعسكر ده ابان ادائي للخدمة الإلزامية..و قبالي عشرات.. بل مئات .. الآف من اهل امسودان مروا بالمعسكر ده..هل حصلت مشكلة قبل كده؟..هل حصل واحد مشى اتبلى على المواطنين ديل؟..اذا لم يحدث ، تفتكر ليه؟..
|
ببساطة لانو المعسكر ما كان فيهو جنجويد ، لم يكن مسخ فرانكنشتاين قد خلق بعد ..
تحياتي كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: محمد البشرى الخضر)
|
محمد البشرى،
سلام
| Quote: جاء بعض الجنجويد يسالون عن بيت العزباء في القرية |
السؤال دا سأله الكذاب محمد عمر الفكى .. و السؤال واضح كذب لأنه ما ممكن تسأل ناس فى الريف عن شيئ مثل هذا فى القرئ .. لذلك قلت رجالة وفحولة.
لعلمك كلمتى رجالة وفحولة تعنى نفس المعنى بالنسبة لنا نحن البقارة .. يعنى كأنما قلت رجالة رجالة ..
طبعاً عقلك ذهب لمعنى الفحولة المتداولة فى الوسط والشمال .. مثل هذا المعنى غير موجود فى ا لغرب.
ولمثل ذلك الشخص، لدينا مسميات أخرى كثيرة ولا يمكن كتابتها هنا ..
بريمة
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: بريمة محمد)
|
زماااااان كنت واحد الاصدقاء في السوق العربي ..
انا بشتري حاجه من دكان وصاحبي قاعد ساي ..
قام شاف ليهو زول ببيع جداد .. فقال ابرمج بيهو
اها ناداهو وقعد يفاوضو على سعر الجدادة ..
لا لا غالي ياخ ..
هو الجداد ده انت بتاكلو شنو ؟!!
الكلام ده بعيد ..
والبائع المسكين ما فاقد الامل وعاوز يبيع لغاية ما صاحبي سالو: هسع جدادك ده خالي من انفلونزا الطيور ؟!!
فما كان من البائع المسكين الا انو يعاين لي صاحبي شديييييد ويقول ليهو بزهج مبالغ فوقو: يشهد الله انك زول بتاع لوز ..قالها وانصرف لحال سبيله !!
هسع يشهد الله يا بريمة انك زول بتاع لوز وملاوزات ساكت ..
قلت لي بيت العزبه الروسي ..
ههههههههههههههههه ..
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: محمد حيدر المشرف)
|
الأخ ود المشرف،
سلامات ..
يا أخى والله أنا وددت لو حكاية بيت العزباء دى تكون حاصلة فى ا لسودان .. عشان الواحد تانى ما ينزل فى سفرية إلا فى بيت عزباء .. يا أخى حاجة زى دى بتتلقى وين؟ .. حاجة ذى دى أحسن من فندق خمسة نجوم .. سكن مجانى "وفل سيرفس" يمكن فيهو مساج ودلكة للمفاصل وكده ..
واصلوا فى التقصى عن يت العزباء .. وحددوا لينا المدن والأمكنة .. الموضوع دا بخصنى شديد .. لأنى أكثر الناس سفر فى داخل السودان.
بريمة
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: بريمة محمد)
|
وعليكم السلام بريمة Quote: السؤال دا سأله الكذاب محمد عمر الفكى .. و السؤال واضح كذب لأنه ما ممكن تسأل ناس فى الريف عن شيئ مثل هذا فى القرئ .. لذلك قلت رجالة وفحولة.
لعلمك كلمتى رجالة وفحولة تعنى نفس المعنى بالنسبة لنا نحن البقارة .. يعنى كأنما قلت رجالة رجالة .. |
مشكلتك يا بريمة فاكر الناس على نفس القدر من السذاجة الإنت عليه وممكن يتخموا بأي هراء تلقيه هنا بلا أدنى قدر من الحياء
لنقل أنك تعني بفحولة رجالة, ما هي الرجالة في السؤال عن المضيفة ؟
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
كتب بريمة:
Quote:
بالله وعليكم الله أنصفونى وحتى ليوم
|
ول ابا بريمة..حبابك يا صديقي
كل سنة وانت طيب يا ول ابا..
ينصفوك كيف يا بريمة..والناس في المنبر ده ساقطة في مادة الإنصاف؟..
اهو.. اول ما الزنقة تحصل.. يقوموا يفكوا فيك (دينقهم)..وهو سابعهم..ولا شنو كده ما عارف..ويقوم دينق ما يصدق ويبدأ النياصة..!
الفايدة الوحيدة من الخيط بتاعك ده انو دينق خانو الوعي..وانكشف المستور..وطلع هو ظاتو من المناطق ديك..ومش بعيد بعد شوية يدوهو قطعة ارض ويقولوا ليهو سوي ليك حلة وسميها دينقاب..ولمن الناس تكون عندها مشكلة في نطق الإسم يقوموا يسموها (ضيناب)..من ضنب..يعني حلة حثالة القوم وبغاث الطير وشنو كده..!
شرحوا: الرصة اتخربت لأنو الجماهير كانت ناوية تعمل غاغة من الشغلانة..و بعد شوية تقوم تدخل ثقافة النياصة بتاعة اغتصاب وشنو كده ما عارف في النضال..
الفكرة ما كان فيها بيت عزبة ولا سؤال عن بيت عزبة..لكن السادة المناتلين كانوا دايرين يعملوا بروباقندا..ويصنعوا من الفسيخ شربات..عشان كده ما في زول حريص على البسطاء في الأرض هناك بقدرما القصة هي حرص على منظر النضال..!
اها زي ما اخونا محمد عمر الفكي مسكك ضنب الككو..وانت قمت مسكت الجماهير كلها ضنب الككو..المنظر عجب دينق..و قام برضك مسك ناس واحدين ضنب الككو..فقام جاري صوف..وفتح النياصة في بوست خاص..والدايشين من دارفور يا مؤمن يا مصدق..تووشك قاموا على الردحي و النياصة العاضة..وفايت عليهم انو دينقهم اساسا اتعصر وقال اخير نشتت الكورة..!!
المحزن انو الناس دايما على استعداد انها تمسك ضنب الككو..خصوصا ناس دارفور..!!
ودمت
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
| Quote: المحزن انو الناس دايما على استعداد انها تمسك ضنب الككو..خصوصا ناس دارفور..!! |
ول أبا كبر
تحياتي
إلا التعميم. والله بعض أهل دارفور فهمها وهي طايرة قبل ما ترك، وشرحناها لكل من سولت له نفسه الأمارة بالسوء
ترجمة من ثورة (سوني)، وبولاد، ود. خليل... ثم ما لبثت الحركات تتكاثر وتتناثر، والتمرد لم يتغير ولم يربح
وقد أضر وسيضر أولا إنسان دارفور، اللهم إلا المتمردين الذين تصالحوا مع الحكومة فإستوزوا وإنتفخت أوداجهم و
فرية ( الجنجويد) وفرية الإغتصاب، لأنهما كانتا جزءا من ممارسات التمرد وحاولوا إلصاقها بالقبائل العربية التي
آوت نساءهم منذ سبعينيات القرن الماضي ولم يحدث ذلك ( الإغتصاب) إلا بعد عام 2003م فهل تغير عرب دارفور أم تغيرت
نساءهم أم هم الذين تغيروا؟ الشاهد في المسالة (الجنجويد) صنعة من التمرد والحكومة معا ولا علاقة لها بقبائل
دارفور العربية، وكل من يزعم غير ذلك عليه أن يراجع معرفته بقبائل دارفور ......
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: بريمة محمد)
|
معذرة .. نسيت أشرح كلمة الفرملة .
| Quote: وما تنسووا أنا كنت مندفس فى "الكدو" والرماد .. وجارى حفيان وسروالى وفرملتى واحدة حتى وصلت سن المدرسة .. |
الكدو .. هو الغبار
أما الفرملة: هى قميص من قماش الدمورية .. وليس له لياقة "ياقة" .. فتحته العلوية دائرية .. وفى بعض الأحيان مقطوع مثل جبة الأنصار على الله وهذه "على الله" لا يقطعوها لك حتى تصير زول ذو كينونة. والفرملة قصيرة حدها الأسفل لستك السروال ..
بريمة
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: بريمة محمد)
|
يقال أن ود الريف (الصعايدي أو المصري بشكل عام) كان يأتي للأسواق و ليس معه شي و لكن بشي من الفهلوة يكسب أكثر من اي ممن جاء إلى السوق في ذاك اليوم.
تقول القصة إنه أتي مرة إلى سوق أبو دكنة و كان من أكبر الاسواق في كردفان. نصب ود الريف خيمة و صار ينادي الزبائن بأعلى صوته " راس نائه --- راس نائه راس نائه.... شوف راس نائه بصاغ صاغ واحد صاغ راس نائه" و الصاغ هو القرش فيدفع القرويون قرشا و عندما يدخلوا إلى الخيمة يجدون راس ناقة ميته قديم. فيستعجبون و يقولون ياخي دا راس ناقة! فيقول لهم ود الريف "طب ما أولتلكم راس نائه"! يعني ما قلت ليكم راس ناقة.
ثم يقلب المناداه "صاغ تعالى شوف راس قمل راس قمل صاغ صاغ " و ينخدع قريون أخرون و عندما يدخلون تكون المفاجأة! فيقولون " ياخي دا راس جمل " فيقول لهم " ما أولتلكم راس قمل" . المهم اكتنز ود الريف ما شاء له أن يكتنز و إستمتع الجميع براس نائه أو قمل ما فرقش!
دي فرملتي معاك في البوست دا يا بريمة
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Omer Abdalla Omer)
|
Quote: قال أن ود الريف (الصعايدي أو المصري بشكل عام) كان يأتي للأسواق و ليس معه شي و لكن بشي من الفهلوة يكسب أكثر من اي ممن جاء إلى السوق في ذاك اليوم.
تقول القصة إنه أتي مرة إلى سوق أبو دكنة و كان من أكبر الاسواق في كردفان. نصب ود الريف خيمة و صار ينادي الزبائن بأعلى صوته " راس نائه --- راس نائه راس نائه.... شوف راس نائه بصاغ صاغ واحد صاغ راس نائه" و الصاغ هو القرش فيدفع القرويون قرشا و عندما يدخلوا إلى الخيمة يجدون راس ناقة ميته قديم. فيستعجبون و يقولون ياخي دا راس ناقة! فيقول لهم ود الريف "طب ما أولتلكم راس نائه"! يعني ما قلت ليكم راس ناقة.
ثم يقلب المناداه "صاغ تعالى شوف راس قمل راس قمل صاغ صاغ " و ينخدع قريون أخرون و عندما يدخلون تكون المفاجأة! فيقولون " ياخي دا راس جمل " فيقول لهم " ما أولتلكم راس قمل" . المهم اكتنز ود الريف ما شاء له أن يكتنز و إستمتع الجميع براس نائه أو قمل ما فرقش!
دي فرملتي معاك في البوست دا يا بريمة |
ههههههههههههههههههههاى ..
قصة تموت من الضحك .. لكن تصدق يا عمر أنت لخصت البوست بصورة تامة فى القصة دى ..
يا أخ ..
بريمة
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Deng)
|
فاطمة
سلامات ومرحب بيك فى المنبر ..
Quote: والله يا بريمة يا أخوي عجبني ذكاءك شديد، أنت ما لويت عنق الحقيقة بس أنت كسرت رقبتا كلوكلو.
وبعدين لهسي ما أقنعتني بمعني العزبة الحشرتها في الموضوع كان بالروسي كان بالمصري، والغريبة من الافلام المصرية نقدر نعرف معني العزبة شنو
خليك من المعاجم، وبالتأكيد ليس لها صلة ببيت ضيافة، وإنما صلتها بالإقطاعيين البهوات والبشوات بتوع مصر، فهي مزرعة كبيرة المساحة
يكون بها قصر الملك أو الباشا وتقوم حوليها بيوت المزارعين الذين يخدمون في هذه العزبة. أما أخوان الجنجويد فقد دخلوا يسألون عن بيت العزباء
وهي المرأة المتوفي عنها زوجها. وكما سمعت من البعض هناك مثل أو مقولة عند بعض القبايل " العزباء للضيف " فما صلة هذة المقولة بالمشكلة.
ومعليش لو عكيت شوية أنا جديدة.
ودمت |
أنت والله زولة فارسة عدييل .. قلتى لى العزباء للضيف ! .. دا الكلام الأنا بفتش فيهو .. أها جبت الحكوة دى من ياتو جهة فى السودان .. وتحديداً المكان والقبيلة؟
ألف مرحب بيك فى المنبر .. وإن شاء الله تكونى معنا دعماً للمحافظة عل تراث أهلنا السمح فى كل أريفاف السودان.
بريمة
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: بريمة محمد)
|
كتب حافظ الإمام من الفيس بووك:
Quote:
يا بريمه يا أخوي والله إنت زول كويس لكن كمان بتشطح مرات. تفسيرك لإستعمال كلمة عزبه كان ممكن يكون مقبول لكنك نسفته بمسألة فحوله و رجوله ديل. هسي عليك الله الرجوله وين؟ علي بالحلال تعليقك ده لو قلتو في مكان الحدث كان لحقوك أمات طه وكان بقينا في البطاحين أساءوا فهم المرحوم بريمه. يا أخوي ما تخلي زعلك من أخونا محمد عمر الفكي يعميك وتستفز مشاعر الناس لأنه دي مسائل عروض وشرف وبتطير فيها رقاب فما تلعب بالنار. وبالمناسبه أنا ما مقتنع بالروايه بتاعت عزبه دي لسبب واحد إنه الجنجويد ديل بالرغم ما قيل فيهم إلا إنهم فرسان والفارس ما بسوي العيبه. جرائم الإغتصاب البتتكلم عنها الناس دي مكايدات سياسيه وإذا حصلت في بعض الحالات فهي حالات فرديه لا علاقه لقبيله أو جنس بيها.
|
ول ابا حافظ..حبابك يا صديق
كتر خيرك على المطايبة..وكلامك سمح تب يا اخوي..
وفعلا الشغلانة ما عندها علاقة بعروض ولا يحزونون..لكن عندنا اصحابنا كده..دايرين يعملوا منظر نضال..وقامت الرصة اتخربت ليهم..المهم..
لفت انتباهي حكاية استنكارك لإستخدام بريمة لمفهوم (فحول)..ولأنو الناس دايرة تتكلم عن ثقافات وكده..فاقول..كلمة فحل في ثقافات البقارة بتعني الرجل الشجاع الكريم..ضي القبيلة..
وفي مجتمعات البقارة.. عادي الواحد يقول ليك فلان ده فحل..ودي بتعني انو شجاع ولا يعرف الخوف..
اها مرات بيكون في واحد زهجان من الموصوف فبيقوم يستفسر..زولك ده فحل رجال ولا فحل بقر ساكت..؟.. يعني في تمييز لأنو المفردة عندها اكتر من معنى (وده جزء من نظرية بريمة في النقاش هنا)..
التمييز البيقولو البقاري بتاع (زولك ده فحل رجال ولا فحل بقر)..موجود في الثقافة العربية..لمن الناس تقول فحول الشعراء..أو هذا شاعر فحل.. فهذا معنى مفهوم..ومعروف..والناس بتتعامل معاهو بدون تحسس..وان كان البعض بيفتكر استخدام بريمة كعب..يبقى يوضحوا لينا معنى فحول الشعراء دي شنو ؟..
وهل هي عبارة كعبة وتاني ما نستخدمها؟
ودمت..
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
كتب خالد حاكم:
Quote:
العزيز كبر
تحياتى
ما قالها الفاتح موسى مافى حد بيقدر يجزم ويؤكد بانها موجودة عند كل مكونات الشعب السودانى فى دارفور وكردفان واصلا ده ما الموضوع .. الموضوع يا عزيزى محاولة بريمة اللعب بالمفردة وضرب مثل بيها من روسيا ومصر والخليج دون التركيز على معنى المفردة فى الداخل السودانى , لانو نحن سودانيين والمشكلة حصلت فى السودان ما فى روسيا ولا فى مصر وادعاءه بان المعنى فى مناطق الغرب غير المعنى المعروف فى مناطق السودان الاخرى ومافى زول من ابناء المنطقة بما فيهم انت اكد او نفى على كلام بريمة بصورة واضحة حتى الان !
|
ول ابا خالد..حبابك
كل سنة وانت طيب..
مشكلة الفاتح قال (عشنا في الغرب)..والغرب في السودان من بحر ابيض لغاية أبشي (لأنو عندنا اهلنا في ابشى عندهم مملكة اسلامية عباسية..عباسية عديل لا فاطمية ولا ايوبية..)...والناس اتجاوزت كلام الفاتح..والسكوت في معرض الحاجة للإفصاح يعد رضا..يعني الناس قبلانة بكلام الفاتح وبتعبروا شهادة معتبرة صادرة من زول عندو خبرة وتجربة معايشة..عشان كده نحن اتوقفنا في الموضوع..وعندو صلة بنقاش الناس هنا..
بريمة ما اتلاعب بأي مفردة..انما حاول يستقصى اصولها جاية من وين..فهل هناك مشكلة؟
المحير يا خالد انو الناس بتتكلم عن حكاية بيت العزبة ..وفي نفس الوكت بتسكت عن حكاية بيت العزابة في البندر..ويبقى السؤال ليه حكاية بيت العزابة مبلوعة؟
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: Kabar)
|
كتب حماد الطاهر:
Quote:
ول أبا كبر
تحياتي
إلا التعميم. والله بعض أهل دارفور فهمها وهي طايرة قبل ما ترك، وشرحناها لكل من سولت له نفسه الأمارة بالسوء
ترجمة من ثورة (سوني)، وبولاد، ود. خليل... ثم ما لبثت الحركات تتكاثر وتتناثر، والتمرد لم يتغير ولم يربح
وقد أضر وسيضر أولا إنسان دارفور، اللهم إلا المتمردين الذين تصالحوا مع الحكومة فإستوزوا وإنتفخت أوداجهم و
فرية ( الجنجويد) وفرية الإغتصاب، لأنهما كانتا جزءا من ممارسات التمرد وحاولوا إلصاقها بالقبائل العربية التي
آوت نساءهم منذ سبعينيات القرن الماضي ولم يحدث ذلك ( الإغتصاب) إلا بعد عام 2003م فهل تغير عرب دارفور أم تغيرت
نساءهم أم هم الذين تغيروا؟ الشاهد في المسالة (الجنجويد) صنعة من التمرد والحكومة معا ولا علاقة لها بقبائل
دارفور العربية، وكل من يزعم غير ذلك عليه أن يراجع معرفته بقبائل دارفور ......
|
ول ابا حماد..حبابك
كل سنة وانت طيب..
نعتذر عن التعميم..وهو مفسدة في الجدل..وحجة بتاعة خم اكتر من كونها حجة قوية..اكرر اعتذاري..وفعلا هناك ناس من دارفور عرفوا البير وغطاها من بدري..لكن مشكلتهم طيبين وما عندهم حلاقيم كبيرة..عشان كده ناس الحلاقيم الكبيرة هي البتجوعر..وبتعمل منظر قدام المشهد العالمي..والواقع بيؤكد انو الصادقين من اهل دارفور ياهم الحاجاتهم ماشة ومؤثرة في الواقع..
كتر خيرك على هذه الشهادة..وآن الآوان انو الناس تتكلم اكتر واكتر..
كبر
| |
|
|
|
|
|
|
|
|
|
Re: الجنجويد يسألون عن بيت العزبة .. ما هى المشكلة يا محمد عمر الفكى؟ (Re: A.Razek Althalib)
|
بريمة سلام أراك عرفت معنى العزبة في بوست سابق ب
Quote: العزبه .. والتى تعنى عزباء .. المطلقة فى العامية السودانية .. كلمة تحبس لها الأنفاس عند البقارة .. لا يمكن أن يستعملها إنسان لمطلقة من نساء البقارة .. فقد سباها فى شرفها وقد تدخل معك فى عراك أو تحدث قومها .. بدلها يستعملون كلمة مطلقة.
بريمة
(عدل بواسطة بريمة محمد on 18-05-2009, 04:38 PM) |
المصدر http://www.sudaneseonline.com/cgi-bin/sdb/2bb.cgi
وجيت تفتش ليها هنا ،
| Quote: أنت والله زولة فارسة عدييل .. قلتى لى العزباء للضيف ! .. دا الكلام الأنا بفتش فيهو .. أها جبت الحكوة دى من ياتو جهة فى السودان .. وتحديداً المكان والقبيلة |
فتأمل............
| |
|
|
|
|
|
|
| |
يوسف الطيب احمد إدريس
Kabar
Abu Baker Ahmed Abdel Rahman
Deng
عبد الله شم
Albino Akoon Ibrahim Akoon
Abdullah Idrees
محمد عمر الفكي
حامد بدري
بريمة محمد
خالد حاكم
د.محمد بابكر
ناذر محمد الخليفة
Elmoiz Abunura
A.Razek Althalib
محمد البشرى الخضر
أحمد ابن عوف
Abuelgasim Mohamed
محمد حيدر المشرف
Omer Abdalla Omer
حسين ديقول
فيس بوك
تويتر
انستقرام
يوتيوب
بنتيريست