|
|
|
 Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) (Re: راشد سيد أحمد الشيخ)
|
شيخ راشد
مــــــن بينهن تويمتي العـــــالية فــرع البانة إن عاينّ تصيدك من الـمقل جبخــــانة
دي البسامها فـرطق قلبي بي كــــم دانة ؤحـــاليّ كلامـها زيّ ريقَّ البِســــوُيّ النَانّة
Quote: كَــشّمَنّ وفَــــــاطِّرِنْ شَـــلَعّ البَرِّقْ هـــرّاجْ بالـــوِيِّحْ والـــوَنِيّنْ كَبْدِّي الـمَفَــــصْدّ وَاجّْ
قِصِّيبْةِ الـجَـنْكّـبُو وشِّـــربَ التّقَانِّتْ وهَاجّْ مِنُوسّـربِي الـمَبْنّتْ التِحّتَّ الـمَقّــــلمْ مَـاجّْ
|
والله دا راشد اخوي باااااااااااااااااااااااااااالغ بالله تصور عمق خيال العربي دا - قصيبة الجنكبو ( السكبوهو يعني لكن خلوا القعرية غازة في تربتها فاقدة ليها رشيشة بموية عشان تتجنن وتفتق تاني )
هههههههههههههههههههههههههههههههها شنو يا راشد المنوسر بي زولك دا ؟ على الطلاق اكان بكري ناقش كلامو دا كان قبيل كشح البوست في الخور
عليك الله يا راشد امشى القيد حرن كية على المابينا
هههههههها قال المبنت تحت المقلم ماج عييييييييييييييييييييييييييييييييييييك
| |
  
|
|
|
|
|
|
|
|
Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) (Re: الطيب شيقوق)
|
ههههههههه يا الطيب أخوي أنا ما بفسر ... وإتا ما تقصر ..... وقعلك آ ضراع؟
تعرف يا الطيب المرابيع ديل كانن قطع أخدر في بوست العبيد الزمان داك،
أتاريني لميتن كلهن في ملف واحد، ويومداك بقلب كان ألقاهن ليك ولقيت موضوع البوست مناسب أدفهن هنا
وكان لي بكري داك تلقاهو يتكشم متل نار القصب وعامل فيها رايح من المبنت والتاني الفي علبو لامن يجي طلبو هههههههه
يا خي الشعر البوافي عفو الخاطر ده ما بتحركو إلا اللمات والبوش ووجود الناس السمحين الفي البكان دا.
أقعدو عافي لامن اللّيد تنطلق والخواجة أبعيون خدر ده يدينا خاطرو.
| |
|
|
|
|
|
|
|
|
|
Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) (Re: راشد سيد أحمد الشيخ)
|
.
كشمن فاطِرِن شلع البرِق هَرّاج
بالويح والونين كبدي المَفَصَّد واج
قِصيبة الجنكبو وشِرب التقانِت وهاج
مِنوسِر بي المنبَّت التِحت المقلَّم ماج
من بينهِن تِويمتي العاليه فرع البانه
إن عايَنْ تصيدك من المُقل جبخانه
دي البسّامها فرطق قلبي بي كم دانه
وحالي كلامها زي ريق البِسوّي النانه
تلَّت مِعصما وبوبح وريدا النادي
والديس المخمَّر ينده للفراشه ينادي
تمشي القيد حرن مِتْلَ القيَّدا الحدادي
يا شيقوق اخوي زِح من كهارِبا غادي
لأن كلام ود الشيخ طاعم لا يقاوم ، ولأن الماجده بت عمسيب
لا يُرد لها طلب ، فإن أحلى الكلام لا يُمل ، وإن تكرر ..
| |
|
|
|
|
|
|
|
|
|
Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) (Re: راشد سيد أحمد الشيخ)
|
Quote: كشمن فاطِرِن شلع البرِق هَرّاج
بالويح والونين كبدي المَفَصَّد واج
قِصيبة الجنكبو وشِرب التقانِت وهاج
مِنوسِر بي المنبَّت التِحت المقلَّم ماج |
كَشَمَن فاطِرِن برق العِشِي الوجَّاج
ضمَّر خلقة كيف شوفت المِنِسِّم هاج
حِجول الفضّة رطَنَن ؤزرَّدَنُّو العاج
ؤطال شوق البريدِهن مانْلِقَالو علاج
راشد أخوي سلااااام ومعزة
القلوب شواهد أمس بسمع لي في كاسيت ولقيت المربوعة دي
يومنا القمنا نحن التسعة جندي معاكي
وودقدال خبيرِك بي العدل بــِقــَدَاكي
أعـَدْلي مَشيكي داكْ شارع الملوَّح جاكي
ؤطال شوقـِك علي القش القبيل في مناكى
طوالي أتذكرتك ومربوعتك القديمة العجيبة الفيها
"كسَّارة الحدود ماتغفري يا سكلابه"
محبتي
| |
|
|
|
|
|
|
|
|
|
Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) (Re: عبيد الطيب)
|
Quote: سماحة العشرة والنضـمي البلا تكليـف
مــع الناس العزاز اللـرويحتي حليــف
عاشقيين الجمال من غير كذب او زيف
ود البوش شرد يا ربي عامل كيييــف ؟
بت عمسيب .. |
هذه المربوعة ،كالديوان الذي يُضرب أمام خيام البادية، للضيف وعابر السبيل، فالديوان يدل علي الكرم ،
والمربوعة دي عنوان للسماحة والتواضع والطيبة وان صاحبها،نافلتو سمحة
وقديما قال أستاذنا ودالمر:
سماحة الزول عفيف ونضيف
يحفظ إيمانو لا بُدَّاني يبقي شريف
إنت يا أم فرَّا بريقات البجيب الزِّيف
أصلو الرادي مِن تحرق حجارو بقيف
معزتي
| |
|
|
|
|
|
|
|
|
|
Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) (Re: عبيد الطيب)
|
| Quote: كَــشّمَنّ وفَــــــاطِّرِنْ شَـــلَعّ البَرِّقْ هـــرّاجْ |
وفي يومٍ شفيف ، يا راشد أخوي
رزم قلبنا وحنَّ لصاحبة الفاطر الذي يحاكي نوَّار التَبَر فقلنا:
الحماني الهجعة ماغطَّن رموشي المايِقْ
فاطْرَن فرُّو كيف برق اُم رويق السَّايِقْ
الشِّعر النَّضمتو لقيتو دُون مُو لايِقْ
ومَمْحُوق قولي في نََفََل أُم عروض مُو حَايِقْ
************************
*"الفاطر هو الفم فرّ أي البسمة وأم رويق هي السَّارية التي يكون برقها فاجّا لعتمتها وظلامها
وهنا تشبيه لبسمتها بلمعان برق السّواري .....
والنَّفل هو سماحة النفس والخلق والخُلق وأُم عروض كناية عن كل فتاة عفيفة وجميلة الخلق والخُلق
لذا أجد كل شعري الذي نظمته في مدحك مقصرا ولا يوفي جمالك" مُو حايق"
تِقن في مَشيك تِتَاتٍي وحتّي بالك رايِِقْ
وفي تِنيَة نَداْيدك مِحتْ تضْحَك فايِقْ
غروز قلبك خََلِيْ ريدة وأنين مو ضََايِقْ
وقلبي مَعالقو جزّيتها ورسمتو بَنِايِقْ
والبنايق علامة حمراء صغيرة في شكل مثلث يخيطها أهل البادية في "الجلابية أو العراقي"
معزتي
| |
|
|
|
|
|
|
|
|
|
Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) (Re: عبيد الطيب)
|
| Quote: [Qلالالا.. هنا السرقة أو النظرة بتصبح حدية عديل كده، على الأقل في نظر ام عبدالله. |
نعم الفاتح ميرغني اخوي
إختلاس النظر سرقة ، تستوجب ما ذهبت إليه ، والزول دا قطّاع محافض
عديل كِده .. لا أمان له إن أصبح في مواجهة ذلك الصدر المتمرد على ( السِّدرانة ) ،
فهو قطعاً ضعيف أمام تلك النعمة النافِرة .. يسهل ضبطه رانياً إلى تلك المهلَكَه التي
لا تقاوم ! وإن تمثَّل البراءة بزعمه عدم إطلاق آهة أو تنهيدة مصحوبة بزفرة حرّى
تحكي عن احتراق الدواخل التي لا ينطفي لهيبها إلا بالتمعن في ذلك الجمال الرباني،
وهنا تستحق المسألة القطع من خلاف لأنها ستدخل في باب التحرش و ......... ياخ كفاه
أكاد اسمعه يهذي إذ يقول :
الزردت السِّدرانه واتلافت سِهامنا بإيده
زادت حراق الروح وفي قلبي شعلل ريده
فارق عيني المنام ما السمحه مُهره عنيده
وجفلت على الفريق صياد وناشِد صيده
| |
|
|
|
|
|
|
|
|
|
|
Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) (Re: عبيد الطيب)
|
يا ود شيقوق وحاتك أتاوق والآكولة في الأصابعين علا الخواجة (يباوع) متل المرضاعاهو البومة
أها يا سيدي الأمانتيليك، أقولو بدور بريك هسعيتي، وكف أفتحلك البوست. قربت أقولو (عشرة في تربة ... ولا ريال في طُلبة)
بس لزمتا الجابرة نعلت إبليس.
الجنرال عمر علي حسن قال:
Quote: خلوني اتوحوح ساي .. اظن التوبه راحت في حق الله .. وبعد قربنا من جنة عدن جرّوها
من تحت ايدي ناس ود المقدم وشيقا والجنرال .. عنكوليبه ما ادوني .. |
أها دي زكرتني مربوعة سيتا في بوستينا القديم داك وفيها ذكر التوبة
الستين نعم شــــــــــــــارفنا لي واديها
إلا قلوبنا خدرا وريَّ الشباب سـاقيها
حـــــالف بي اليمين إن قربت قاصيها
أســوم الـروح يمين والتوبة مي طاريه
اQuote: كَشَمَن فاطِرِن برق العِشِي الوجَّاج
ضمَّر خلقة كيف شوفت المِنِسِّم هاج
حِجول الفضّة رطَنَن ؤزرَّدَنُّو العاج
ؤطال شوق البريدِهن مانْلِقَالو علاج |
Quote: كَشَمَن فاطِرِن برق العِشا الوجواج
هدر رعدو ونزل اب سِحاباً فاج
طِريت الطلق في جِسمِنا السهراج
مِنوسر بي المنبَّت التِحت المقلم ماج
|
عفيت منكم ودالمكي وود العبيد
يمين حج وعتق واسيتو المقال طااااب
قالو الكلام بجيب الكلام .... أُمال أيه.
| |
|
|
|
|
|
|
|
|
|
Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) (Re: وضاحة)
|
.
فيك دغمه مها العشنوق وفيك هديل
وفيك بسماً متل فجاج سحاب الليل
وفيك هضليم نعاماً زعزعنو الخيل
وفيك لون التليب الجف من السيل
أكيد بتستاهل
دا كلام قوي خلاص ، وأنا شايف شيقا يكتِب ويشرِّط !
ماسكاهو رجفيبه .. بفتش لي كلام قدر الجبتيهو دا .
الله يكون في عونك .. بس تعال مارِق .
أها دي مجرد محاوله ، لكن ما قدر الكلام الفوق :
عاليه عديله سمحه ومن وسِط مقسومه
إن مرقت تبهر القمرا وتحاحي غيومه
غزال الريـل المفروده ترتـع يومـه
حامياني المنـام القايله شُفت نجـومه
تسلمي لينا وضاحه
| |
|
|
|
|
|
|
|
|
|
Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) (Re: الطيب شيقوق)
|
Quote: فيك دغمه مها العشنوق وفيك هديل
وفيك بسماً متل فجاج سحاب الليل
وفيك هضليم نعاماً زعزعنو الخيل
وفيك لون التليب الجف من السيل
أكيد بتستاهل
دا كلام قوي خلاص ، وأنا شايف شيقا يكتِب ويشرِّط !
ماسكاهو رجفيبه .. بفتش لي كلام قدر الجبتيهو دا .
الله يكون في عونك .. بس تعال مارِق . |
يا جانبك شيقا ما بتحير هاك رسل ليها دا :
المضمر هافو زي طي الحجاب تمثيلو
في البدو والحضر دايماً عفافو دليلو
ردفولو الطلح ملص عقودو وتيلو
طبق البوخة قام عرقو الصفيح ما يشيلو
| |
|
|
|
|
|
|
|
|
|
Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) (Re: الطيب شيقوق)
|
يا جنرال لو قلنا رخام كنا نتاوق بس ونتوهدب ونتعجب ونعضي البنان ... حفففففففا
لكن تمثال العجو قالونا الكبار بستاكل وبنبلع زووومبط ،، والخشاف أريتو في حشا البريده
والبرتكان قال عليهو أبو صلاح الوصاف الما خمج:
نورتي يالخد الجُليّ
تخفي الجواهر و الحُلي
خبرني يا اب صدراً عُليّ
البرتكان ليك والا ليّ
ههههههااا
في ظمتك كان جدعتا التوب ده وملصتا منها الحدوقة ما بتنبلع بلا لوك؟
الله يمحنن المحننا وسمحن.
ود أختك شديع مقطع في كلاهو طااااب
غايتو يمرقو الشيخ فلاح من هادي المسرة.
| |
|
|
|
|
|
|
|
|
|
Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) (Re: الطيب شيقوق)
|
فعلاً عاصم البنا غناياً ماصع وحافض لوحو في الحقيبة الحقيبة طاااااب
لكن رمية الفاح لِيّ كبريته، خريدة ود الرضي تسمعا عِنْ مبارك حسن بركات كاملة.
لو عرفت درب نزيل الفيديوهات كان ختيتا ليك يا أفاكاتو هنا،
سئيلك الله شوف الوصيف ده:
Quote: راضية خداما ظاهرة مهدولةعالية أرداما
ست قديم وجديد
عزها مداما وستي خشم الحوش
يشتهي أقداما
فاح لي كبريته وكبدي كالبنزين
قادحة كبريتة
أصلو هالكاني
علّي ما نجيتا
ياجرح غوّر إنشا الله ما بريتا
الريدو عطشني جمّرو الصافي
فيك درعو الدشني
الحكاية شِنّي
إنتا شن إيدك أنا الله حنتشني
السرة سُريهن
قومي عومي
عليك الله وريهن
جمعي الحزاز ثم فريهن
ينضح الستة الخافي تبريهن |
الكترااااابة ال ...
| |
|
|
|
|
|
|
|
|
|
Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) (Re: الطيب شيقوق)
|
آ زول كمان بدور لي زولاً يوريني البردانة؟ عمك قوقل الويكبيديا
قالو البردانة أشهر من لاس فيغاس ذاتة، إت ماك خابر، أمال إيه؟
في الهُـويّ والشِرِقْ قالوا البُلُـودْ مَطـرانّة
من سَــدّرَ البَحَـرْ لا عِنّْ حِـــــدّا البَرّدَانّة
أمّ رِيقّانْ تقــلب بلا خِيْلَّ الضّرَى التَريّانّة
وقاطــّـعْ الجـرّة يحواهو السديرتو مـلآنة
يلاقْنّكْ بِي حَبَابْ متلّ التْقُول وَدْ خَالهِّنْ
وعِينْننّ في التُرابْ مَخْبُور عَفْـافْهِّنْ وحَالهِّنْ
مــِـــنْ كُتْرَ الحَيّا مِتْلّ التَكِنُو وأخَـــالهِّنْ
إِتْبَكْمّ لِسّـانْهِّنْ ونَطّقّـــنْ خَـلّخَالهِّـــنْ
| |
|
|
|
|
|
|
|
|
|
Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) (Re: الطيب شيقوق)
|
Quote: [B
جلت قدرته شــــوف كــــيف الخشــــيم مشقوق
تقول سحابك الشال منيل واتشحطنلو بروق
شايل طعـــم العسل و سمـــــرة كباد النوق
اســــــتر يا باريــــها و ترفق على المـخلوق |
ياجماعة الخير اخدت لي زوغه على البحرين 72 ساعة بس ،
والله جيت صاد لقيت الدار عامره عمار جد :
ودالشيخ وسعادته عمر ، يقصِّر الملح .
آآآآآآآآ زول أمانه ماظهروا ناس كبار خلاس ..ود الموج بي
جلالة قدرو .. جا وجاب معاه النضِم السمح دا.
ود شيقوق لابس السديري ومشنِّق طاقيتو وماسك عصاتو ، عفيت منك
مرحب واللهِ
| |
|
|
|
|
|
|
|
|
|
Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) (Re: راشد سيد أحمد الشيخ)
|
يا أفوكاتو
فعلاً عاصم البنا غناياً ماصع وحافض لوحو في الحقيبة الحقيبة طاااااب
لكن رمية الفاح لِيّ كبريته، خريدة ود الرضي تسمعا عِنْ مبارك حسن بركات كاملة.
لو عرفت درب نزيل الفيديوهات كان ختيتا ليك يا أفاكاتو هنا،
سئيلك الله شوف الوصيف ده:
Quote: راضية خداما ظاهرة مهدولةعالية أرداما
ست قديم وجديد
عزها مداما وستي خشم الحوش
يشتهي أقداما
فاح لي كبريته وكبدي كالبنزين
قادحة كبريتة
أصلو هالكاني
علّي ما نجيتا
ياجرح غوّر إنشا الله ما بريتا
الريدو عطشني جمّرو الصافي
فيك درعو الدشني
الحكاية شِنّي
إنتا شن إيدك أنا الله حنتشني
السرة سُريهن
قومي عومي
عليك الله وريهن
جمعي الحزاز ثم فريهن
ينضح الستة الخافي تبريهن
الكترااااابة ال ...
| |
|
|
|
|
|
|
|
مني عمسيب
راشد سيد أحمد الشيخ
الطيب شيقوق
محمد فضل الله المكى
عبيد الطيب
عادل ابراهيم احمد
Abdlaziz Eisa
mustafa mudathir
وضاحة
صديق الموج
عبد المنعم سيد احمد
فيس بوك
تويتر
انستقرام
يوتيوب
بنتيريست