|
|
|
 Re: (التحاكي) ؛ أو ( محاولة إستنساخ محمد عبدالماجد الصايم ) (!) (Re: محمد عبد الماجد الصايم)
|
Quote: نرجو من السيد (تمبس) عدم الضحكـ في الصور الجاية!!
عشان الضحكـ ما يشرطكـ كما هو حالكـ في هذا البوست!! |
والله يا معلم .. انا الزول المنزل الصورة دي ما عرفتو راشيني واللا راشي الحوش بتاع الجيران .. لكن قلته عملا بي حسن النية الواحد يدخل .. مع الاخذ في الاعتبار انو ما يضحك قدام العدسة ..
يعني بي صورة اوضح:
تاني لما تجي تتصور تعمل حساب انك احتمال كبير تنزل في سودانيزاونلاين نسختين .. واحدة ضاحك والتانية توصي بيها لي الناس الضحك شارطم ..
شايف في واحد عامل رسالة من تحت الماء ببعر عن شعورو ..
انا ما عارف .. لكن الواحد لما يرش ليهو واحد من ناس المحيط الهادي ديل .. ضميرو بيانبو ..
الواحد ترشو .. بعد شوية يتضح ليك انك احتمال تكون رشيت نفسك .. 
واكان رديت لي النوعية دي .. يمشي يشبك ليك ناس الفيس بوك .. والبوردات التي يتم تتويج الواحد فيها بي عضو ذهبي .. وعضو شايل مفك .. ويشبكم ليك والله الليلة رشيت ليك تمبس جنس رش ..
طبعا بعدما يكتب ليهم .. والله انا قاعد اكتب في الانترنت مع ناس تمبس لاحظ ما قاليهم بكتب في سودانيزاونلاين .. قاليهم بكتب في الانترنت جدعه كدا جدعه بس ..
طبعا هذا لا ينطبق مع بعض الذين يحترمون انفسهم .. ويحترمون العضوية .. ويتداخلون بما يجلب الاحترام لهم بصفة شخصية ..
..
إلا بالمناسبة يا عبد اللطيف انت وجهة نظرك شنـو .. والله حسع دي اكان ما ود الصايم دا اخوك بقى قاااعد ساكت هنا دا ما ناقش ابو النوم ..
اها اديني النجيضة بتاعت البوست دا .. عشان الواحد تاني يعرف الشطف القرد منو وكدا ..
| |
  
|
|
|
|
|
|
|
|
Re: (التحاكي) ؛ أو ( محاولة إستنساخ محمد عبدالماجد الصايم ) (!) (Re: tmbis)
|
يعني تاني الواحد يفتح بوست .
وينزل يكتب من المحيط الهاددي واللا البرنامج شنـو ..؟
بعدين انت لسـة يا العشاء بي لبـن زعــلان مني للرجة التصورني فيها بضحك وببكي وببكي وبضحك .. حتى يجي يلم فيني واحد من سكان مثلث برمودا ويحكي عن شعورو حتى من غير ما نسالو ..؟
انتو يا جماعة الواحد لييه بجيب لي نفسو الكلام الشيــن ..؟
حسع دي يعني الزول البكتب من المحيط الهادي دا الجا شداها لي في صمة خشمي ومكا عاجبو ضحكي ولا شتيمتي للناس ديل ..
اهـا
حسع دي اكان شتمتو .. لمـن قفل نخرينو .. بستفيد شنـو ..؟
يا سيد البوستي .. انت بتجيب الشتيمة للناس ساااكت في صمة خشمـه .. ؟
اشتم ليك صاحبك دا قبال تجي واللا الراي شنـو ..؟
والله بي حركتك ال########ه دي . ظنيتك انت ذاتك الزول بتاع مثلث برمودا دا ..
يعني معقولة بس يكون حاوي لي الدرجـة القبال ما يفتح فيها البوست عشان يقراهو يخطر على بالووو انو صورة تمبس وود الصايم والمقارنة بيناتم
غايتو .. دي مبالغة المبالغة ..
يا اما عبد الحليم حافظ دا يكون هو نفسو عبد الحليم حافظ .. يا كمان تمبس دا بقى مشهور بالدرجة التي حتى فارة زي دا من الفيس بوك يجي يفتي ليك في ضحكـة تمبس وابتسامتو ومن ثم نفسياتو وكدا دا ..
بعثيين وحات اسم الله بعثيين لا بنلعب باسم الله .. ولا شنو كدا ما عارف ..
وفي النهاية ما قبل يد السفاح بدر الدين ..
غايتو
| |
|
|
|
|
|
|
|
|
|
Re: (التحاكي) ؛ أو ( محاولة إستنساخ محمد عبدالماجد الصايم ) (!) (Re: tmbis)
|
بعدين من ضمن الاشياء العجيبة والمستغرب ليهـا ..
وهي اني كنت مفتكر انو بعض الشيوعيين .. يجيدون فـن القطع واللذق في موقع بكري ابوبكري .. وذلك لخواء فكرهم وراسهم حيث يعتمد بعضهم على نسخ ولصق الافكار ..
لكـن ..
البعثي دا موضوعو شنو..؟
يا قاطع يا لاصق .. يا ناقل ..
الليلة حركة الصورة دي عملتها كيف يا ميشيل عفلق ..؟
يعني اخيرا بديت تفهم ..؟
| |
|
|
|
|
|
|
|
|
|
Re: (التحاكي) ؛ أو ( محاولة إستنساخ محمد عبدالماجد الصايم ) (!) (Re: محمد عبد الماجد الصايم)
|
Quote: يا تنقا .. خليكـ من سيد البوست وركّز في الناس التحت!
شايف أمس كان في واحد راشيكـ رشة جريئة عديل!! |
يا معلم ..
ناس المحيط الهادي ورسالة من تحت الماء ديل .. انا اكان رديت عليهم الله بدخلني النار .. بالذات النوعية الانصرافية البتجي شايله خشمـة .. عشان تفتح ليها موضوع معاك وتشتمك في صمة خشمك .. يا كمان تبدي رايها ووجهة نظره بي شي من اللزوجيــة .. ياخ هو عليك الله اللزجيــن المعانا صحي صحي في البورد قادرين نرد عليهم .. لما نجي نرد لي لزجين المتجمد الشمالي ..؟
..
إلا بالمناسبة يا معلم:
ما عندك فكرة الاردب بتاع ثمرة الحــب في المزرعـة السعيدة عمل كــم ..؟
الواحد يخلي ليك زراعتـو .. وتسميد ثمار الجيران .. وجز الحشائش والعشب ويجي يلم فيك دا نخرتو كبيرة ودا عندو صلعـة ..
..
وووين ميشيل عفلــق دا .. الواحد يجيب في صور الناس عشان يجو يتلمو فوقو ناس المزرعة السعيدة يتغزلو في نفسياتو وكرم ضيافتو .. بينما هو .. ما معروف صورتو وشكلو عامل كيف بيضحك واللا ابكـم اطرش واللا اضنينو مقطعات ..
يا جماعة مية مرة قلنـا ليكم .. الزول الما منزل صورتو هنـا دا .. ما يلعب بي مشاعر الناس سااااكت .. مالكم ما عايزين تصدقونا وتصدقوا مشاعرنـا .,,.؟
| |
|
|
|
|
|
|
|
|
 Re: (التحاكي) ؛ أو ( محاولة إستنساخ محمد عبدالماجد الصايم ) (!) (Re: tmbis)
|
كتب بشير عبدالله فى الفيس بوك
| Quote: شهد الله خمنت محتوي البوست قبل ان افتحه...صورة الصائم تتناسب مع مداخلاته وشخصيته لذلك اتت مميزة وعاملا ماتشينق...اما الصورة الاخري فهي غير مبلوعة ومشاترة جدا فصاحب الصورة لا يملك مثقال ذرة من خفة الدم ومداخلاته دائما مليئة بالسباب والشتائم اضافة الي ضحالة افكاره وضيق افقه فالصورة تماما مثل الضحك في بيت البكا... |
ده اخونا فى الله بشير
يعنى ما انا
| |
|
|
|
|
|
|
|
|
 Re: (التحاكي) ؛ أو ( محاولة إستنساخ محمد عبدالماجد الصايم ) (!) (Re: tmbis)
|
تحياتي للشباب تحت
بشير عبد الله
الفاتح عباس
ونزار الحسن
والأخير دا كوم براهو ..
يمين رشّا الجماهير كلها بمداخلة
| Quote: تمبس حبيبنا بقيت تحرق البوستات كحريق ود البشري لبوستات الحبشي كانك من تعبت في اختيار عنوان البوست خلينا نشوف التحاكي اخرو شنو عشان نعمل ونقارن ونطلع عشرة فروقات بين ضحكتك وضحكة ود الصايم :) عملا بان ضحكة ود الصايم تساوي عشرة امثال من ضحكة رشاد نميري فهل لك ان تضحك مثل هذه الضحكة ؟؟ |
لماهم بي صرّة المعلم!!
تاني تجو البورض؟
| |
|
|
|
|
|
|
|
|
|
Re: (التحاكي) ؛ أو ( محاولة إستنساخ محمد عبدالماجد الصايم ) (!) (Re: محمد عبد الماجد الصايم)
|
| Quote: يمين رشّا الجماهير كلها بمداخلة |
بالمناسبة يا ود الصايم كنت عايز اسرح معاك في الردود..
لكـن
البوست لسبب ما اصبح لــزج جدا ولا يحتمل .. وانت عارفني اللزاجـة والتحشر ما قاعد احبـو خاصة لما كيميتك تكون مع كيمية بشر تانيين ما بتتلاقى وانا جني وجـن التحشر ..
يعني معاك ممكن اتونس للطيش .. لكـن فجأة كدا تلقاني .. اتلزجتــه فجأة ..
شفته زي لما تكون بترقص .. وفجأة تلقى ليك اشتر جا قاعد يرقص قدامك ..
اهـا خليتك مع اولادك بتاعين المحيط الهـادي ديل .. اني اغرق اغرق .. بالاضافة لبعض اللـزوجـة في البوست الحسيت بيها الان وانا والله العظيم ووحيات ابتسامتك زول بيرقص قدامي بي شتارة .. ما بقدر ارقص ابدن .. ابدن ..
..
اهـا يا ميشيل عفلق عاجبك كــدا .. تخم لينا في الناس الخاميهم بكري وفرحانين .. من المزرعـة السعيدة ومن ناس بترقص قدام الفنان شترا ..
نقط نقط نقط شخيط معرفتك زاتووووووووو 
| |
|
|
|
|
|
|
|
|
|
Re: (التحاكي) ؛ أو ( محاولة إستنساخ محمد عبدالماجد الصايم ) (!) (Re: محمد البشرى الخضر)
|
..
طيب انت لو فرحان كدا مني ما تفتح ليك استديو لي ..؟
الحاجة العجيبة جدا انو الواحد يشوف صورتك يقعد يتغزل في شناتك .. واحدين كدا عاجبم لونك واحدين حلاقتك .. امبارح في واحد من ناس الفجر الجديد وعامل ماسك الملف بتاع تحسين لون البشرة .. والظاهر لي كمان عندو محل بتاع قدر ظروفك وابحاث طاقة.
المهم قال انا عــب راسي عديل ..
والواحد يجي يتكلم عن الخدم هنـا زي البعثي الوهم دا .. يجيب ليك صورة يقعد يغني ليك غضبك جميل زي بسمتك ..
يعني حسع دي .. كل سنة ح تقعد تنزل لي صورة جديدة ..؟
طيب انت ما تنسق مع الزول بتاع الحركات الثورية المناضل داك .. عشان تعملو ليكم شيرنق تشوفو لي طريقة لي شناتي دي اعالجـه وبالمرة وروني ساماحتكم دي ربانية واللا جبتوها حبوب وكريمات .. واللا الحاصل شنو يا قدعـان في البلد دي ؟؟
الجدير بالذكر ..انو الزول بتاع الحركات المصلحـة والفجر الجديد داك .. ارجل منك يا عبد اللطيف عارف كيف ..؟
لانو على الاقل ما داسيها .. وشكلو كدا دا اول ما يدخلو الخرتوم فاتحين ومنتصرين وبعدما يحرروها اول حاجة ح يمشي يوسع تجارتو بي معنى انو ح يلم ليك في المحلات بتاعت قدر ظروفك الفي الخرتوم كلها .. يكابسه ويضمها لي تجارتو .. اضف لذلك يلم ليك في الحبوب القاعده كلها يبلعـه .. يظرطه ليك حبه حبـه ..
قالو في حبـة كدا اسمها ايفوري .. والله دي يومين بس بتبيض بي الواحد .. حقو كمان تخليهو يشوف ليك معاهو حقنـة .. اي حقنـة ان شاء الله حقنـة شرجيـة .. انت دافع حاجة من جيب ابو اهلك ..؟
| |
|
|
|
|
|
|
|
|
 Re: (التحاكي) ؛ أو ( محاولة إستنساخ محمد عبدالماجد الصايم ) (!) (Re: tmbis)
|
احب الصورة دي لسببين
اولا لانها بتحسسني بالانتماء ليها او بالانتماء لي (اصلوا اهلنا العلياب بجا زعلانين )زي الهلالاب
ثانيا لانه اول لقاء لي بالاخ تمبس كان في المطار القديم بجدة بذات اللبسة
وطبعا اللبسة الشرقاوية ذات اللياقة الكبيرة نحن بنسميها ( ورسة ) .
هي لقطة الانطباع الاول ..
الصورة الاولى بتاعة البدلة فيها بدرة ومكياج كتير وكمان فتوشوب اخفت اللون الداكن ده غير الاسنان مكملة في الصورة 
تحياتي عبداللطيف والمتداخلين ..
| |
|
|
|
|
|
|
|
|
 Re: (التحاكي) ؛ أو ( محاولة إستنساخ محمد عبدالماجد الصايم ) (!) (Re: فايزودالقاضي)
|
Quote: احب الصورة دي لسببين
اولا لانها بتحسسني بالانتماء ليها او بالانتماء لي (اصلوا اهلنا العلياب بجا زعلانين )زي الهلالاب
ثانيا لانه اول لقاء لي بالاخ تمبس كان في المطار القديم بجدة بذات اللبسة
وطبعا اللبسة الشرقاوية ذات اللياقة الكبيرة نحن بنسميها ( ورسة ) .
هي لقطة الانطباع الاول ..
الصورة الاولى بتاعة البدلة فيها بدرة ومكياج كتير وكمان فتوشوب اخفت اللون الداكن ده غير الاسنان مكملة في الصورة |
دا شنو يا حبشي .. مفروض بعد كلامك دا تكتب الحتة بتاعت شهادتي مجروحة ومشروخة وإلخ إلخ .. هههه
والله يا فايز انا اللبسة دي بالذات لما اللبسة قاعد احس بي عزة كدا عجيبة جدا .. وبعدين فيها قدلة عجيبة .. يوم قمته اشتريت ليك تووب كبير جدا واتلفحته ليك بيهو بس اخوك في العمة قاعد في السهلة .. اللبسة دي مشيت بيها الشركة كان عندنا احتفال .. ياخ الناس دي عملت معاي حوارات صحفية كتيرة خلاص
بعدين القاليك منو العالياب بجا زعلانين ..؟؟ والله نحن النحاس العندنا كان جبناهو لي ناس قريعتي راحت ديل بفزو قبال ما ندقو .. بس انتو يا حبش لقيتوها انترنت ساااااي ..
| |
|
|
|
|
|
|
|
|
|
Re: (التحاكي) ؛ أو ( محاولة إستنساخ محمد عبدالماجد الصايم ) (!) (Re: طارق جبريل)
|
| Quote: يومك بيكون باسطة ياخ |
باسطة شنو يا معلم بي راسك الفاضي دا
.. والله يا طارق الواحد من شدة ما مشهور بقو الجماعة لو بكري ابوبكري فاتح ليهو بوست بجو بكتبو لي بكري ويقولو ليهو عليك الله الرشة دي ارفعه لينا فوق لي تمبس نامن يجي
بعدين صورتك انت والانصرافي دا في بيت الفنون مش كدا ..؟ لكن والله مبالغة طبعا تكونو مليانين سمك والله كتلو للدين
غايتو الواحد يقول شنو اصحابو ومجبور عليكم
| |
|
|
|
|
|
|
|
|
|
Re: (التحاكي) ؛ أو ( محاولة إستنساخ محمد عبدالماجد الصايم ) (!) (Re: طارق جبريل)
|
| Quote: غايتو ياباش مهندس بكري ابوبكر الله يديك العافية بي المنبر حقك دا الناس نافشا ريشا وما سألا في دان براون ذاتو...ما لاقاني واحد من عضوية سودانيز فرحان بي بكونه عضو ذي تمبس دا ... يأخ دا فرحان ومنتشي عديل |
ههههههههههههههههه يا تمبس والله ناس المساطب الشعبية ديل أحلى ناس
عارف يا تمبس طيلة وجودي في السودان في الفترة من 92-2000
كان عندي بطاقة اكرامية لدخول الملاعب والاستادات الرياضية ملح ساااي
وكان اخوك بقعد جنب العمم الكبيرة في المقصورة .. آآآآي ورب الكعبه
البطاقة كانت لنادي درجة ثالثة كان اخوك برشهم ب 500 ألف كل سنة
نظام اخوك عضو شرف وكدا ...
بالرغم من انو مفروض اقعد في المساطب الجانبية او المقصورة
كنت بخش ببوابة المقصورة والمساطب الشعبية
ومن ما أخش الاستاد طواااالي بمشي ليك لحبايبنا ناس المساطب الشعبية
ناس اسحاق ابو قرن والجنيد والناس العسل دي ...
بهناك الكورة بتكون متعة بالجــد ياخ ...
داير قصب بتلقى .. داير شاي بتلقى .. دا غير التعليقات الظريفة البهناك
أها هســـي ناس الفيك بوس ديل والله متعوني فيك جنس متعة ياخ
ياخ الزول دا زاااتو مستنسخ عنوان البوست حقي دا استنساخ البوستات!!
فشـــنو تقوم ترشو طوااالي وتقول ليهو بطل استنساخ عناوين!
قلت لي ابو الزمل دا بضحك ساااي كدا ... غايتو كامل التضامن معاو
فكثرة الضحكـ تميت القلب .. وتُوســــع (الفنج)والاتوميزرات...
تحياتي
| |
|
|
|
|
|
|
|
|
|
Re: (التحاكي) ؛ أو ( محاولة إستنساخ محمد عبدالماجد الصايم ) (!) (Re: omer osman)
|
| Quote: كدي جرب لف أنت وخلي العمة ثابتة |
ياجستابو ..
مرة مارق مع ابوي الله يرحمو .. بعدين نظام الود جاي مغترب وطالع مع ابوهو عشان يسلمو علي الناس
قمته اتلايقته ليك فوقو .. قلته ليهو الليلة العمة بس يا مام بترفع رجلك معاي من هنا دا .. الله يرحمو ويغفر ليهو زول حكمة ولطيف جدا .. قالي ياخ عليك الله انسى موضوع العمة دا وخليني من حركات المغتربين دي .. يازول اتلايقته فوقو بشكل عجيب .. اها فتح الدولاب طلع لي بي عمة تيترون خطيرة جدا ..
وبدا يلف لي في راسي .. وكل مرة راسي ماشي منمل .. يلف وراسي ماشي منمل .. المهم بعدما انتهى مرقنا ..
وصلنا اول الشارع .. وردلب العمة وقع منها جزو .. مشينا شوية تاني وقع بقيت كل شوية ارفع .. بعد شوية شعرته بي هوا بارد .. يازول بعد شوية فرتقك فرتقك فرتقته ليك العمة وكومتها ليهو في ايدو وجيت راجع البيت وخليتو ليك في راس الشارع واقف يضحك .. قلت ليهو يازول انت قايلني انا فاضي ليك ..؟
| |
|
|
|
|
|
|
|
|
|
Re: (التحاكي) ؛ أو ( محاولة إستنساخ محمد عبدالماجد الصايم ) (!) (Re: محمد عبد الماجد الصايم)
|
Quote: بسسسسسسسسسس ..
في الحتة الواجعاني عديل كـدا!!
دايرين واحد يعمل لينا كوووورس في لف العمّة!! |
يا عمك عايز نصيحة اخوك ..؟
انسى ..
تعرف انا آخر مرة حاولت اعمل الحركة دي متين .. سنة الفين واتنين وحياة ابتسامتك لحدت الان انا كلما اشوف لي زول لابس عمـة عيوني يزغللن
كان عندنا عرس صاحبنا هنا واخوك عامل فيها وكيل العريس والوزير .. قمت خشيت ليك في الجلابية .. وجيت طالع راسي فاضي .. قام الجماعة قالو لي يازول البتاعة دي وانت الوزير وبتاع لازم تلبس عمه ..
قامت المكنة مشت ليك فيني ..
جابو لي عمة من هنا لحدت السجانة .. واحد مسك من الاول والتاني من الآخر وزردوني ليك في النص .. هم زاتم ما ناقشين ابو النوم
وانا بالنسبة لي الحركة جديدة وقلت احتمال بلفوها كدا ..
اها الجماعة ديل بقو شغالين ام بررررمه واحد فجاة يقرب والتاني فجأة يبعد وهكذا ..
المهم بعد ساعة زمن تقريبا قدرو يصلو لي ارضية مشتركة
المهم قالو دا لف العمة كدا ..
تخيل مشيت يازول العقد ماسكاني ليك ام فريحانه عجيبة .. والناس تعاين لي وتضحك .. وانا من الرربطة الشديدة عامل دمااااغ عجيب بي تلاتة اربعة حجار من معسل محمد والجماعة فاكريني ماسك نار لانو عيوني محمرة جدا
عارف لما وصلته البيت وفكيت البتاعه دي جاتني ليك دوشة من النوع ابو كديس .. مرقته الشارع بقيت شايف ليك الحاجات كلها متكيه كدا زاوية .. وما قادر اعاين لي رجليني في الواطه .. وكلما امشي احس بي نفسي محتاج لي حيطة اسند فيها ..
انسى يا معلم البرنامج دا .. خليك في شيشتك دي دماغ العمة دا ما عندك ليهو راس
| |
|
|
|
|
|
|
| |
عبداللطيف خليل محمد على
بشير أحمد
tmbis
خالد عبد الله محمود
محمد عبد الماجد الصايم
ismeil abbas
نايف محمد حامد
بدرالدين الطائف
محمد البشرى الخضر
فايزودالقاضي
omer osman
طارق جبريل
الامين موسى البشاري
Omar Bob
فيس بوك
تويتر
انستقرام
يوتيوب
بنتيريست