|
|
 استنساخ البوستات!!
|
حاجة ما حلوة ياخ ... والله صحي
..
..
__
للضمان كدا دا كلام عام ما مقصود بيهو زول معين
والله على ما اقول شهيد
|
|
  
|
|
|
|
|
|
|
|
Re: استنساخ البوستات!! (Re: الامين موسى البشاري)
|
سواء كان استنساخ عناوين البوستات
او متنها
فهو تكرار غير محبب وممجوج وممل جداً
..
..
__
البوستات المستنسخة تفتقد لعامل الدهشه والروعة
لأن البوست الأول يكون قد استنفد كل اغراضه
ويبقى الثاني تابع يدور في فلك الاول
ويفقد الكثير من قيمته المعلوماتية ويصبح مجرد انتاج
للبوست الاول ولا يختلف عنه كثيراً
| |
|
|
|
|
|
|
|
|
|
Re: استنساخ البوستات!! (Re: الامين موسى البشاري)
|
أسباب الاستنساخ في رأي المتواضع:
- الغيرة
- الاستعلاء الثقافي (البوست دا كاتبه فلان وأنا ما بنزل نفسي واتداخل معها)
- الاستقطاب الحزبي والطائفي
البوست دا كاتبه شيوعي ولا كوز وانا لو دخلته سأصنف ضمن ما يدعو له
- اهدار الباندوديث عملاً بالمثل باندوديث ما خسران فيهو حاجة
أهدره والبي بلاش كتر منو 
| |
|
|
|
|
|
|
|
|
|
Re: استنساخ البوستات!! (Re: الامين موسى البشاري)
|
ومن اضطر غير باغ ولا عاد على الاستنساخ
فلا أقل من أن يغير عنوان البوست التايواني
وسيكون ذلكـ اقرب للابداع والابتداع ومحاولة الامتاع
..
..
__
في ظل غياب الطرح المتجدد والدهشة سينظر لكـ الناس
بأنك مجرد مقلد لا غير
| |
|
|
|
|
|
|
|
|
|
Re: استنساخ البوستات!! (Re: rummana)
|
| Quote: مشاتر دي مش معناها مختلف..؟! |
الله!
هم غيروا معناها ولا شنو يا رمانة؟
| Quote: يعني الكتابة في البورد بتكون بغرض المنافسة؟ |
هكذا يظن اصحاب البوستات المستنسخة في البورد
الكتابة يا رمانة مفروض بغرض الحوار وايصال فكره
والفكرة يوصلها بوست واحد ولا تحتاج كل هذا الكم من البوستات
والله صحي
بعدين تعبنا من المساسقة ياخ
كوني بخير
| |
|
|
|
|
|
|
|
|
 Re: استنساخ البوستات!! (Re: الامين موسى البشاري)
|
Quote: من كان له رأي فليكتبه في ذات البوست
دون الحاجة الى فتح بوست آخر اقل منه في المقدار
ومشاتر له في الطرح
..
|
مشاتر فى الطرح يعني الخلايا الجنينة للبوست زاااااتو بتكون مشاترة ، غايتو بعملوا عملية النعجة ( دوللَي ) زااتها تكون إحتارت والله صحي
اللمين إزيييييك
| |
|
|
|
|
|
|
|
|
|
Re: استنساخ البوستات!! (Re: مها عبد الله)
|
كان هذا  واضح وصريح
فما هو رأيكم دام فضلكم?
..
..
___
قيل في الاثر: النصيحة بتعدم الصاحب
وأتمنى أن لا تعدمني صحبة صاحب ياخ
وما كان هذا ليحدث لولا أن ابصلعة عمل هذا البورد
والله صحي ( )
| |
|
|
|
|
|
|
|
|
|
Re: استنساخ البوستات!! (Re: مها عبد الله)
|
ياللمين اخوي انا ما بفهم الا بالامثلة
يعني لو ماجابو لي النعجة دوللي ما كان فهمت
يلا جيب مثال حي يعتمد على بوست وبوست مستنسخ
واطح مسابقى العشرة فروقات بين البوستين ( جمع بوست وليس بوسة .. التوضيح لاصحاب مرتادي سعد قشرة )
| |
|
|
|
|
|
|
|
|
|
Re: استنساخ البوستات!! (Re: مها عبد الله)
|
| Quote: مشاتر فى الطرح يعني الخلايا الجنينة للبوست زاااااتو بتكون مشاترة |
يا مها أنت كمان ما تصعبيها للدرجة دي
قد تكون هناكـ جينات متشابهة
ومعلوم ان الشحنات المتشابهة تتنافر فيحدث الشتر
بفعل تشابه جينات عناوين البوستات ومتنها
| Quote: غايتو بعملوا عملية النعجة ( دوللَي ) زااتها تكون إحتارت والله صحي |
علماء دوللي ممكن يجوا يأخدوا ليهم نقلة من هنا زاااتو
وبعدها احتمال يستنسخوا ليهم سخلة
تحاياي
| |
|
|
|
|
|
|
|
|
|
Re: استنساخ البوستات!! (Re: الامين موسى البشاري)
|
بالعكس يا الأمين ..
Quote: على مدى التاريخ الممتد لسودانيزاونلاين
لم يتفوق بوست مستنسخ على البوست الاصلي
|
كتير جدا البوست المستنسخ بيتفوق لأسباب كتيرة أهمها :
عدم اختيار صاحب البوست للعنوان المناسب الواضح في حين صاحب البوست المستنسخ بيختار عنوان واضح وجاذب وبالتالي إذدياد القراء والمشاركين ..
يعني زول يكتب بوست عنوانو (خبر عاجل من بيت المال) وبعد كم ساعة يجي واحد يكتب بوست يسميو (أعمال شغب ببيت المال لأسباب دينية) .. تفتكر أنت شخصيا حا تخش ياتو بوست ..!!
الشي المهم التاني إنو بالجد الكتير من ناس المنبر ما بيقرو لي بعض وما بيستعينو بي محرك البحث عشان يعرفوا لو في زول نزل موضوع زي موضوعم .. اخد مثلا ضربة البرادو في بورتسودان .. في خلال ساعة نزل كم بوست بي الخبر دا .. وكمان بعد تلاتة ساعات جا واحد نزل نفس الخبر وكمان معاهو إيقونة عاجل ؟!!
مثال جديد : قبل كم يوم نزل خبر بإغتيال قادة في النظام السوري وتم نفي الخبر .. تاني يوم أو تالت يوم في واحد منزل بوست بالخبر دون النفي ..!! انا شخصيا افتكرت حصل إغتيال بالجد المرة دي فتحت قنوات الأخبار ما لقيت أثر لي الخبر دا ..!!
المشكلة بإختصار إنو مفروض الناس تقرا لي بعض قبل تكتب ..!!
صنفرة :
لا يفوتني هنا تحية زميلتنا أم رشيرش اكبر مستنسخة ومستمسخة للبوستات ، حيث أنني أزعم انها هي من إبتدرت هذه البتاعة ..!!
| |
|
|
|
|
|
|
|
|
|
Re: استنساخ البوستات!! (Re: ناذر محمد الخليفة)
|
ناذر الخليفة
كيف حالكـ ياخ
| Quote: المشكلة بإختصار إنو مفروض الناس تقرا لي بعض قبل تكتب ..!! |
جبت النجيضة والله صحي
الناس دس كلها بكتب عشان الحوار فيما بينها
وفي ناس كتار لا يقرأون ما يكتب
Quote: كتير جدا البوست المستنسخ بيتفوق لأسباب كتيرة أهمها :
عدم اختيار صاحب البوست للعنوان المناسب الواضح في حين صاحب البوست المستنسخ بيختار عنوان واضح وجاذب وبالتالي إذدياد القراء والمشاركين ..
يعني زول يكتب بوست عنوانو (خبر عاجل من بيت المال) وبعد كم ساعة يجي واحد يكتب بوست يسميو (أعمال شغب ببيت المال لأسباب دينية) .. تفتكر أنت شخصيا حا تخش ياتو بوست ..!! |
يا ناذر الناس دي بتعاين لعنوان البوست
واسم كاتب البوست أهم من العنوان
يعني لو جاء واحد من الناس VIP او ال remarkable
وخت ليهو نقطتين ساااي تلاقي البعض
ورررررررررررررررر جوا جارين العميان شايل المكسر
وركوا في البوست زي ابو الزرزوووور في الشركـ
..
..
_____
وبعدين قيل في الاثر: البوستات القديمة تحلى ولو كانت وحلة
| |
|
|
|
|
|
|
|
|
|
Re: استنساخ البوستات!! (Re: سجيمان)
|
Quote: اللمين ازيك
انا حسي عندي بوست محرقص لي..اسمو( الكدايس ..و..(الحنان)...)
نضمك دا اكل لحمي وداير اخليهو...... |
اهلين يا دكتور ........
واسف جداً على هذا الرد المتأخر
قالوا بشوف القلب فلك العتبى حتى ترضى يا حبيب
افتح بوستك ساي يا دكتور
بس أنا خايف بكري يلحقوا ليك آمات طه
أكرر أسفي على التأخر في الرد
| |
|
|
|
|
|
|
|
|
 Re: استنساخ البوستات!! (Re: طارق جبريل)
|
مشاتر أكتر منك يا بشاري؟
بيدهشني أكتر من البوستات المستنسخة البورداب المستنسخين
وفي رواية "المستوسـخين" على رأي د. أمين نوتة بروف بارتايم عموم الأسافير
غايتو أكتر إستنساخ مشاتر عجبني على مر العصور البوست بتاع البوردابي كارل ماركس (فقر الفلسفة)
رداً على بوست البوردابي برودون (فلسفة الفقر)
إستنساخ بالطريقة الصاح
فات المستنسخ منه زاتو
ــــــ
ألا لا يجهلن أحد علينا فنجهل فوق جهل الجاهلينا
المستنسخ الجاهلي (عمرو بن كلثوم)
| |
|
|
|
|
|
|
|
|
|
Re: استنساخ البوستات!! (Re: عوض عبدالله طه)
|
Quote: غايتو اليومين الجايات ديل
ناوي افتح بوست
اسمو
دكتور سوداني يكتشف علاج نهائي لمرض السكري
...
عشان افقع لي عشرة عشرين مصران كدي |
مرحب يا دكتور عوض في حلتنا ياخ
يا زول افتح المهم تفقع المرارات وتداويها بعدين ياخ
حبابكـ ..
| |
|
|
|
|
|
|
|
|
|
Re: استنساخ البوستات!! (Re: تيسير عووضة)
|
Quote: مشاتر أكتر منك يا بشاري؟
بيدهشني أكتر من البوستات المستنسخة البورداب المستنسخين
وفي رواية "المستوسـخين" على رأي د. أمين نوتة بروف بارتايم عموم الأسافير
غايتو أكتر إستنساخ مشاتر عجبني على مر العصور البوست بتاع البوردابي كارل ماركس (فقر الفلسفة)
رداً على بوست البوردابي برودون (فلسفة الفقر)
إستنساخ بالطريقة الصاح
فات المستنسخ منه زاتو
ــــــ
ألا لا يجهلن أحد علينا فنجهل فوق جهل الجاهلينا
المستنسخ الجاهلي (عمرو بن كلثوم)
|
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: استنساخ البوستات!! (Re: الامين موسى البشاري)
|
Quote: البوستات المستنسخة تفتقد لعامل الدهشه والروعة
لأن البوست الأول يكون قد استنفد كل اغراضه
ويبقى الثاني تابع يدور في فلك الاول
ويفقد الكثير من قيمته المعلوماتية ويصبح مجرد انتاج
للبوست الاول ولا يختلف عنه كثيراً |
ايمنوف سلام
هو يا ريت لو بوستات بتحمل فكرة مفيدة معينة وعاوز صاحب البوست يوصلها ليستفيد منها القراء والاعضاء
بل العكس بوستات فارغة وتعكس دواخل كاتبة من اخلاق تعبانة وفقيرة للفهم والاحترام
والواحد بفتكر نفسوا قاعد فى قعدة خاصة فى بيتوا
وناسى انوا دا منتدى والمفروض تكون عندوا رسالة واهداف معينة
وبدخلوا اسرة وعوائل وناس محترمة وبندهشوا لنوع هذه الاشكال
رجال كبار وماعندهم فهم والاحترام لى نفسن وناسين الموت
بالله عليك ما شى مخجل
ياخى ربنا بسال كل حد عن ما ختطت يمينوا يوم القيامة
يا ريت الواحد يعكس العلم والفهم الجواهو و الخير من خلال كتاباتوا
بدل شغل المشاطات والفهم العاجز ليستفيد الناس
فتك بعافية
| |
|
|
|
|
|
|
|
|
|
Re: استنساخ البوستات!! (Re: عبدالمجيد الكونت)
|
Quote:
هو يا ريت لو بوستات بتحمل فكرة مفيدة معينة وعاوز صاحب البوست يوصلها ليستفيد منها القراء والاعضاء
بل العكس بوستات فارغة وتعكس دواخل كاتبة من اخلاق تعبانة وفقيرة للفهم والاحترام
والواحد بفتكر نفسوا قاعد فى قعدة خاصة فى بيتوا
وناسى انوا دا منتدى والمفروض تكون عندوا رسالة واهداف معينة
وبدخلوا اسرة وعوائل وناس محترمة وبندهشوا لنوع هذه الاشكال
رجال كبار وماعندهم فهم والاحترام لى نفسن وناسين الموت
بالله عليك ما شى مخجل
ياخى ربنا بسال كل حد عن ما ختطت يمينوا يوم القيامة
يا ريت الواحد يعكس العلم والفهم الجواهو و الخير من خلال كتاباتوا
بدل شغل المشاطات والفهم العاجز ليستفيد الناس |
غايتو يا وضاحة ... الله يديكـ العافية و بيتين في الصافية .. قولي آآمين
شفت يالبشاري .. جبت لـ الناس النبذ طاااخ طراااخ .. الليلة خم وصر ... ^_____^
بابا ثخف بقى مشـــااااطة
| |
|
|
|
|
|
|
|
|
|
Re: استنساخ البوستات!! (Re: رشا احمد)
|
Quote: شفت يالبشاري .. جبت لـ الناس النبذ طاااخ طراااخ .. الليلة خم وصر ... ^_____^
بابا ثخف بقى مشـــااااطة |
ما تحرشــــي باللاي يا رشا
العفش في داخل البوكس على مسؤولية صاحبه
| |
|
|
|
|
|
|
|
|
|
Re: استنساخ البوستات!! (Re: وضاحة)
|
Quote: ايمنوف سلام
هو يا ريت لو بوستات بتحمل فكرة مفيدة معينة وعاوز صاحب البوست يوصلها ليستفيد منها القراء والاعضاء
بل العكس بوستات فارغة وتعكس دواخل كاتبة من اخلاق تعبانة وفقيرة للفهم والاحترام
والواحد بفتكر نفسوا قاعد فى قعدة خاصة فى بيتوا
وناسى انوا دا منتدى والمفروض تكون عندوا رسالة واهداف معينة
وبدخلوا اسرة وعوائل وناس محترمة وبندهشوا لنوع هذه الاشكال
رجال كبار وماعندهم فهم والاحترام لى نفسن وناسين الموت
بالله عليك ما شى مخجل
ياخى ربنا بسال كل حد عن ما ختطت يمينوا يوم القيامة
يا ريت الواحد يعكس العلم والفهم الجواهو و الخير من خلال كتاباتوا
بدل شغل المشاطات والفهم العاجز ليستفيد الناس
فتك بعافية |
ههههههههههههه وضاحة مالكـ اليومين دي؟
شغالة رش في الخلق؟
نقترب رويداً رويداً من مرحلة الردح
| |
|
|
|
|
|
|
|
|
|
Re: استنساخ البوستات!! (Re: الامين موسى البشاري)
|
لاحظ معاي يالبشاري عشان أاكد ليك نظرية ما بنقرا لي بعض :
جبيل لمن طلعت كان في بوست واحد بس بيتكلم عن إغتيال الشيخ الصابونابي .. هسي جيت بعد خمسة ساعات لقيت في بوستين تانيين بينشروا فيهو الخبر ..
والمشكلة التلاتة بوستات تشتكي قلة الفئران والقراء والمداخلات ..!!
راجع الصفحة الأولى وخلي بعد شوية ناس أمريكا يصحو ... حا تلقى ليك نفرين تلاتة جايين منقشطين طوالي على إيقونة بوست جديد و أيقونة خبر عاجل ويكتبوا ليك (عاجل .. محاولة إغتيال الشيخ الصابونابي) قبل ما الواحد يفتح كويس ..!!
المستعجلنها في شنو ما عارف ..!!
| |
|
|
|
|
|
|
|
|
|
Re: استنساخ البوستات!! (Re: عبدالمجيد الكونت)
|
والله يا كونت بالغت فى اليوتيوب دا ياخى ههههههههههههههههههه
الله يسعدك ياخى ويبعدك من الصفائح والجرادل
ويديم عليك نعمة الأصالة السودانية الجميلة البنفتخر بيها دائماً
زى العمدة دا ياهو الراجل البملى العين وبقولوا عليه راجل ود رجال
والسودانى الاصيل البنفتخر بيه
والله عفيت منو هيييييع كع
مش زى الرجال الهبل الواحد ما يحترم سنو ولا شيبتوا عامل فيها لسة مراهق
وناسين يوم الحساب
| |
|
|
|
|
|
|
|
|
|
Re: استنساخ البوستات!! (Re: الامين موسى البشاري)
|
| Quote: والظاهرة اظنها بدأت مع بوست المعيار |
بدت قبل كدة بفترة واظن كتبت موضوع مشابه لموضوعك في بدايات ملاحظتي للمسالة لانها بصراحة بقت واحدة من اكتر الاشياء المزعجة في سودانيز اونلاين لانها ما بتقتصر علي المواضيع الكبيرة والبكون مقبول فيها تعدد البوستات لكن مجرد اخبار صغيرة جدا ومرات غير مهمة حتي تلقاها مكررة اكتر من مرة ... وبالتاكيد معظم المشتركين في سودانيز اونلاين بما فيهم نحن بنفتح مواضيع بناء علي مواضيع اخري وكل واحد باسبابه لكن لما السمالة تكون هي السمة الغالبة لمعظم البوستات فده يعني فعليا انو الناس لا تقرا ما يكتب او يهمها في الاساس الكتابة الشوفينية اكتر من المواضيع نفسها ... وده بيعني حتي انو البكتبو ما عندهم اي مقدرات علي الكتابة والخلق والابداع لكن مجرد (كتبة) وناسخين وعرضحالجية اكتر من انهم مفكرين والاسوا انهم كتاب دون (قراءة).
تحياتي وتمنياتي لسودانيز اونلاين بدوام الصحة والعافية
| |
|
|
|
|
|
|
|
|
|
Re: استنساخ البوستات!! (Re: Gafar Bashir)
|
Quote: بدت قبل كدة بفترة واظن كتبت موضوع مشابه لموضوعك في بدايات ملاحظتي للمسالة لانها بصراحة بقت واحدة من اكتر الاشياء المزعجة في سودانيز اونلاين لانها ما بتقتصر علي المواضيع الكبيرة والبكون مقبول فيها تعدد البوستات لكن مجرد اخبار صغيرة جدا ومرات غير مهمة حتي تلقاها مكررة اكتر من مرة ... وبالتاكيد معظم المشتركين في سودانيز اونلاين بما فيهم نحن بنفتح مواضيع بناء علي مواضيع اخري وكل واحد باسبابه لكن لما السمالة تكون هي السمة الغالبة لمعظم البوستات فده يعني فعليا انو الناس لا تقرا ما يكتب او يهمها في الاساس الكتابة الشوفينية اكتر من المواضيع نفسها ... وده بيعني حتي انو البكتبو ما عندهم اي مقدرات علي الكتابة والخلق والابداع لكن مجرد (كتبة) وناسخين وعرضحالجية اكتر من انهم مفكرين والاسوا انهم كتاب دون (قراءة).
تحياتي وتمنياتي لسودانيز اونلاين بدوام الصحة والعافية |
جعفر بشير تحياتي
ومشكور على الاضافة الثرة دي ياخ
| |
|
|
|
|
|
|
|
|
|
Re: استنساخ البوستات!! (Re: الامين موسى البشاري)
|
يا بشارينا سلام عليك
في البداية وقبل ما نساعدك بالنماذج يا ريت نقيف شوية في المصطلح "استنساخ البوستات" و المقصود منو شنو بالضبط
لأنو في التناول اعلاه في تلاتة اربعة معاني وتفاسير مختلفة يوحي بيها المصطلح
هل المقصود :
- تكرار البوست كما في حالة الأخبار أو النعي مثلا زي المثال الجابو ناذر
- أم بوست ولد من البوست الأول بفكرو مخالفة كما كتبت انت وعرفت في قانونك الأول للإستنساخ وزي المثال اللمحت ليه
- ام الخروج بفكرة بوست جديد بعبارة او حدث أو معلومة وردت/قيلت في البوست الأصلي كما تفعل تراجي و جادات
- ام تقليد نسق العنوان مع طرح مختلف إلى حد ما مثل كيتة "الفاعلون" في البورد
- ام شي آخر
ههههههههههههه شكلي اديتك نماذج قبل ما تضبط المصطلح
| |
|
|
|
|
|
|
|
|
|
Re: استنساخ البوستات!! (Re: محمد البشرى الخضر)
|
ود البشـــرى
سىلامي وتحياتي،،،
أولاً شكراً على النماذج الجبتها دي
Quote: - تكرار البوست كما في حالة الأخبار أو النعي مثلا زي المثال الجابو ناذر
- أم بوست ولد من البوست الأول بفكرو مخالفة كما كتبت انت وعرفت في قانونك الأول للإستنساخ وزي المثال اللمحت ليه
- ام الخروج بفكرة بوست جديد بعبارة او حدث أو معلومة وردت/قيلت في البوست الأصلي كما تفعل تراجي و جادات
- ام تقليد نسق العنوان مع طرح مختلف إلى حد ما مثل كيتة "الفاعلون" في البورد
- ام شي آخر |
كل ماذكر أعلاه صحيح :)
يا ود البشــرى الحاجة دي منتشــرة ويبدو انو الناس
يا ما قاعدة تقرأ لبعض أو أنها لاسباب أخرى ذكرتها فوق
وعشان ما تتداخل في البوست المعني تقوم تفتح بوست تاني
والحاجة الاكثر غرابة يا ود البشــرى تلاقي بوستين
يحملان نفس المضمون وربما عنوان متشابه تلاقي واحد
عدد المشاهدة والمشاركة فيه أعلى من التاني
وعشان ما تقول واحد طرحه بطريقة مختلفة وغطى كل الجوانب و... وو الخ
البوست ممكن يكون خبر والاثنين زي بعض
لكن في واحد من الجماعة اصحابه كتار او مشهور او
طيب البخلي الزول يفتح بوست تاني مع انو في بوست اساساً مفتوح شنو؟
راجع الصفحة الأولى بس شوف في كم بوست مفتوح بنفس المضمون؟
..
..
برضو ممكن واحد يفتح بوست جميل تلاقي الجماعة اخدتهم الغيرة
وقاموا بفتح بوست مشابه يناقش نفس الموضوع
وربما يحمل نفس العنوان ودي كتيرة برضو
..
..
من النماذج برضو في واحد يفتح بوست
وتنبثق من هذا البوست عدة بوستات تحمل نفس المضمون
..
..
النماذج الكتيرة والواضحة بتدخلنا في حتات ضيقة يا رشاشة
مثال كم بوست اتفتح عن المعيار؟
الشاهد يا ود البشرى التكرار ما حلو ياخ :) وممل
تحاياي
| |
|
|
|
|
|
|
|
|
|
Re: استنساخ البوستات!! (Re: رشا احمد)
|
Quote: ياســـــــلام ...
مولد خبيرة اسفيرية جديدة .... أحييني بشده |
الاستثنائية خبرها شنو؟
غطستي حجرها ولا لسه؟
..
..
__
من ناحية خبيرة خبيرة .. صلاح غريبة أحسن منكـ في شنو؟
| |
|
|
|
|
|
|
|
|
|
Re: استنساخ البوستات!! (Re: الامين موسى البشاري)
|
Quote:
الاستثنائية خبرها شنو؟
غطستي حجرها ولا لسه؟
|
الاستثنائية لقيتها تقيلة عايزه أوزان بالأطنان عشان تغطس حجرها .. براي ما بقدر عليها ... وانتو هربتوا ^_^
وهي عملت ست البحر ...... سمكة كبيرة وكدا
شكلي ح أهرب خلاث
| |
|
|
|
|
|
|
|
|
|
Re: استنساخ البوستات!! (Re: الامين موسى البشاري)
|
الأمين سلام وشايفك عملت رايح وما علقت على البتاعة دي :
| Quote: لا يفوتني هنا تحية زميلتنا أم رشيرش اكبر مستنسخة ومستمسخة للبوستات ، حيث أنني أزعم انها هي من إبتدرت هذه البتاعة ..!! |
| |
|
|
|
|
|
|
|
|
|
Re: استنساخ البوستات!! (Re: ناذر محمد الخليفة)
|
| Quote: الأمين سلام وشايفك عملت رايح وما علقت على البتاعة دي |
ناذر الخليفة .... تحياتي
بالجد والله ام رشيرش دي منو ما عرفتها
وعشان كدا ما علقته عليها
وبعدين دوماً تجدني بعيداً عن الصراعات
كن بخير
| |
|
|
|
|
|
|
|
|
|
Re: استنساخ البوستات!! (Re: الامين موسى البشاري)
|
البشاري يا حبيب
تعرف في واحدين بكونو مستقصدين الاستنساخ ده
وواحدين تاني بتوعين بل الاكشن
وهي بوستات من شاكلة اب يغتصب شقيقته ولا شنو ما عارف وطالبه تجهض في داخليه الخرطوم بالليل
اها نوع ديل بكون مشي لفح القصه من موقع جريده ولا الراكوبه وداير يجي يلحق السوق
وما بكون كشف كويس في البورد لعامل الشفقه,لكن بكون في معلم تاني ختاها ليه في حنانو من دغشا بدري
وبي كده بل الاكشن يبقي دبل
| |
|
|
|
|
|
|
|
|
|
Re: استنساخ البوستات!! (Re: فاروق عثمان)
|
Quote: تعرف في واحدين بكونو مستقصدين الاستنساخ ده
وواحدين تاني بتوعين بل الاكشن
وهي بوستات من شاكلة اب يغتصب شقيقته ولا شنو ما عارف وطالبه تجهض في داخليه الخرطوم بالليل
اها نوع ديل بكون مشي لفح القصه من موقع جريده ولا الراكوبه وداير يجي يلحق السوق
وما بكون كشف كويس في البورد لعامل الشفقه,لكن بكون في معلم تاني ختاها ليه في حنانو من دغشا بدري
|
أنا افترع البوستات اذن أنا موجـــود
مش دي النظرية يا عمكـ?
| Quote: وبي كده بل الاكشن يبقي دبل |
| |
|
|
|
|
|
|
| |
الامين موسى البشاري
رشا احمد
rummana
مها عبد الله
د.محمد حسن
اساسي
ناذر محمد الخليفة
سجيمان
طارق جبريل
تيسير عووضة
عوض عبدالله طه
Abdlaziz Eisa
وضاحة
محمد البشرى الخضر
هويدا شرف الدين
فيس بوك
تويتر
انستقرام
يوتيوب
بنتيريست