الأستاذ محمود محمد طه: هذا مغتسلٌ باردٌ وشراب

Quote: هل للكتابة رنين يسمع أم هي تتراءى للعين ولماذا ليس: يتردد في داخلي، عقلي، فكري يا زول أنا أحسه يعزف في قلبي

وأي عاشق لو تغنى قلت لازم شاف عينيك

ما كنت بحب ملاح الأسود... جيتو لقيتو بيأكلو ... حبيتو ... مرة في الكلية جاتني ملاريا .. باقر* بجيب لي لبن من السفرة... بعد أيام قلت ليهو والله اشتهيت لي ملاح أسود وكسرة.. قال لي: هاااا تلقاها وين؟! قوم قوم يلا السفرة للفاصوليا وكتين بقيت تشتهي ... مرقنا ... نسيت الموضوع .. محاسن* لاقتنا قالت الحمدلله اللقيتكم .. ما فيكم زول يمشي معاي بيت الأستاذ.. ترترب ركبت معاها التاكسي... دخلت عليهو... سلم علي شدييييد وعاين لي في وشي شديد.. قال: قالو لي الملاريا دعتك شدييييد... أتلمو أخوان كتار وجو ناس أركان الجامعة نقلو حركة الأركان ... أستأذنوا للذهاب فأستأذنت ... من دون الناس قال لي: عبدالله أنت أقعد عصام دة ماشي مدني جايبين ليهو غداء اتغدى معاهو ... قعدت ... جابو الأسود والكسرة.... تلقاها وين قال لي باقر!!... تلقاها وين؟!
بتصرف من ذكريات عبدالله عثمان
باقر*: د. الباقر العفيف مختار (ود قريش) نشأ بالحوش ودرس بكلية التربية جامعة الخرطوم وبريطانيا
* محاسن محمد خير من المنشدات الجمهوريات المعروفات وكوادر الأركان .. نشأت بكسلا ودرست بكلية التربية جامعة الخرطوم وأمريكا ... تقيم الآن بأمريكا
* بروفسير عصام عبدالرحمن البوشي نشأ بود مدني درس بجامعة الخرطوم وبريطانيا ... من مؤسسي ومدير جامعة ود مدني الأهلية

Quote: قعدت ... جابو الأسود والكسرة.... تلقاها وين قال لي باقر!!... تلقاها وين؟!

Quote: تلقاها وين قال لي باقر!!... تلقاها وين؟!

Quote: عبدالله الشحتاف

Quote: الاخ هاشم فتح الرحمن حكي تجربة بسيطة، ولطيفة، قال هو في رمضان بياخد معلقة بدري بدري لأنها قد تنقص .. قال مرة ناقشت نفسي أنو كدة ما مناسب... قررت ترك العادة دي... جلست في صينية مرة ، واتحركت نفسى لاخذ الملعقة ، فكبت الرغبة ، وانتظرت لحدى كل الملاعق خلصت ، ومديت ايدي آكل .. شعرت بمتعة شديدة .. بعد فترة الاستاذ ذكر الأبيات: وجددوا انفسكم تنأى بكم عن الثرى وايقظوا عقولكم وعودوها النظرا وما استطعتم فاقرأوا هذا الكتاب الاكبرا ثم قال مين عندو تجربة في تطبيق القيمة الفي البيت دا ، ويرى انها ايقظت عقله ، ونأت بنفسه عن الثرى او كما قال .. هاشم قال اتذكرت تجربتي مع الملاعق ، لكن شعرت انها تجربة عادية، وبسيطة، وما بتستحق ان احكيها في ذلك المجلس، لكن لم يبادر احد، وطال الصمت، كرر الاستاذ البيت، وهو يحث الناس للكلام، وبعد فترة قال هاشم اتوكلت، وحكيت تجربتي مع الملاعق، قال الاستاذ احتفى بيها بصورة كبيرة، وقال اهو هاشم اداكم تجربة حية، في كيفية الناي بالنفس عن الثرى

Quote: يا الله .... على هذا الجمال الباذخ...

Quote: سر الختم

Quote: سألت دالي في أحد الأركان، وهو بالمناسبة أول وآخر سؤال: هل الأستاذ محمود يؤمن بتناسخ الأرواح؟ فدالي قال لي: تقصد شنو؟؟ فقلت له: يعني هل ممكن روح النبي عليه السلام تحل في زول حسع؟؟ دالي قال لي: ما عندي ليك إجابة! أهو داك الأستاذ محمود في المهدية الحارة الأولى!! بتعرف الدرب، أمش أسأله قول ليهو إنت بتؤمن بتناسخ الأرواح!! وعندما ذهبت لم أسأل هذا السؤال، ولكني اقتنعت بما رأيت، وسمعت!! ولا أعتقد أن للقناعة الفكرية، عن طريق الجدال والحوار، ثقل كبير في التزامي!! وبالطبع لا أنكر دور القراءة، والسماع، والحوار، ولكنه ليس الدور الحاسم، في نظري!! بل أعتقد أن رؤيتي الأستاذ حسيا، لها الدور الأكبر في قناعتي!!

Quote: أؤكدلكم إنو الأمر دة مافي غيرو

Quote: سألت دالي في أحد الأركان، وهو بالمناسبة أول وآخر سؤال: هل الأستاذ محمود يؤمن بتناسخ الأرواح؟ فدالي قال لي: تقصد شنو؟؟ فقلت له: يعني هل ممكن روح النبي عليه السلام تحل في زول حسع؟؟ دالي قال لي: ما عندي ليك إجابة! أهو داك الأستاذ محمود في المهدية الحارة الأولى!! بتعرف الدرب، أمش أسأله قول ليهو إنت بتؤمن بتناسخ الأرواح!! وعندما ذهبت لم أسأل هذا السؤال، ولكني اقتنعت بما رأيت، وسمعت!! ولا أعتقد أن للقناعة الفكرية، عن طريق الجدال والحوار، ثقل كبير في التزامي!! وبالطبع لا أنكر دور القراءة، والسماع، والحوار، ولكنه ليس الدور الحاسم، في نظري!! بل أعتقد أن رؤيتي الأستاذ حسيا، لها الدور الأكبر في قناعتي!!

Quote: زيارتك اللطيفة للسيد عبداللطيف

Quote: نجد ان العديد من اعضاء الفكر الجمهوري من استاذة الجامعات والقانونيين وحملة الدكتوراة والعلماء

Quote: كنا يا عبدالله بسيطيين .. عجيب امرنا معاهو كان .. حبيب الله أبو العباس دة من ناس الزيداب.. مجذووووووب.. يوم مشى بري الشريف قال لناس النادي الأستاذ يجي يقدم ليكم محاضرة عنوانها (الله)!! .. أتخيل!! أتفق مع ناس النادي على المحاضرة وعنوانها ومكانها وتاريخها ودة كلو الأستاذ ما عندو بيهو علم.. جا كلّم الأستاذ ... الأستاذ قال ليهو موافقين .. طلعت الجرايد بالبنط العريض (الأستاذ محمود محمد طه يقدّم محاضرة بعنوان "الله")!! ... الأعمى شايل المكسّر ... مشينا .. كانت عجيبة عجيييييييبة .. كتبت عنها ملخص لناس جلال قلت ليهو والله الأستاذ لما تلا الآيات بتاعت الله نور السموات والأرض ولا واحدة من الآيات الفيها النور دي نور حسي غمر كل المكان ... كانت عجيبة بالحيل!!

(عدل بواسطة عبد الحي علي موسى on 12-02-2014, 09:24 AM)

Quote: Polytechnic و في عجز الحديث سر عظيم , و ذلك حيث يقول : (( و لا تزال هذه الأئمه قائمه علي أمر الله لا يضرهم من خالفهم حتي يجي أمر الله)).. من كتاب تعلموا كيف تصلون ...و في حضره من تحب ... يا د. عبد الله خلينا في بالك

Quote: قال لي أنّ قد وجد كثير تعز، بعد ذلك، حينما ألتقته يوما أمنا بت الشول* وقالت له "والله يا عبداللطيف حلاة لبنا شربناهو الأيامات ديك من غنيماتك، لا قبالو لا بعدو ما شربنا متلو" ...

Quote: لا قبالو لا بعدو ما شربنا متلو

Quote: سعيد انا ان اذكر في حضرة عبداللطيف وحلقة الشرف

وأنا السعيد بذكرهم
وليذكر التاريخ أبطالا لنا عبداللطيف وصحبه

عبداللطيف ما فيهو حتة عفنة...

بتصرف مما كتب الأستاذ الباشمهندس جبريل محمد الحسن عن حديث للأستاذ عن عبداللطيف وبذله و"قداميته" وقد قال ايضا "عبداللطيف نحنا ما بنبدلو بأي جامعي"
ذكر جبريل هذه المعلومة في طوايا حديث عن رؤيا مشرقة من ىخر ما سمع الأستاذ من رؤى في كوبر ولعلها كات آخر زيارة سمح بها للأخوان قبيل 18 يناير
الرؤيا بأختصار كما سمعت الأستاذ جلال يحكي عنها - بتصرف -
كنا في كوبر زايرين الأستاذ بعد ما محكمة الإستئناف صادقت على الحكم ورفعتو للنميري ... كنا في حالة صعبة.. حاجة القسيمة دي جات داخلة والأستاذ أحتفل بيها أحتفال عظيم وقام ليهو من كرسيهو وقعّدها.. قالت ليهو يا أستاذ شفت رؤيا ... أنا في سري قلت هسّع دة وكت رؤى.. دة شنو دة؟! .. الأستاذ بجسمو كلو أقبل عليها وقال ليها نسمع الرؤيا .. قالت ليهو أشوف شافع شايل ليهو ظرف وجاري جري شديد لامن جاك أداك الظرف .. أنت شلت الظرف أديتو عبداللطيف .. الأستاذ تهلل جدا وقال ليها الحمد لله الحمد لله دي مكمّلة لرؤيتك الأولى ودة معناها موضوعنا تم .. موضوعنا تمّ ...
حكى لي الأستاذ جلال الدين الهادي الطيب ما كان من أمر تلكم الزيارة وتلك الرؤيا وقال لي ان قد حدث ما حدث بعد يوم أو يومين من تلك الزيارة وأضمر الأستاذ جلال في نفسه أن يلتقي الحاجة القسيمة ليسألها عن فحوى رؤياها الأولى .. يقول أن قد ألتقاها عدة مرات ولم تتح له فرصة أن يسألها الى أن ألتقاها فحكت له ما حكى لي - بتصرف - عن رؤياها الأولى
مرتين أشوف شافع شايل ليهو ظرف وجاري جري شديد عاني الأستاذ .. لما يصل الأستاذ ما يديهو الظرف.. دة كان في المرتين الأوائل .. أها الأخيرة الشفتها دي شفتو أداهو الظرف
الوالدة القسيمة بت حاج الصديق سبق أن تم التعريف بها وهي خالة لطائفة صالحة من الجمهوريين منهم الراحل متوكل المصطفى الحسين وأخوانه والباشمهندس عبدالحليم حسن العوض

(عدل بواسطة عبدالله عثمان on 12-03-2014, 11:55 AM)

Quote: وحكى لي شيئا عجيبا حصل سوف اعود له.... وقال انه يستغرب كيف يقومون باغتيال شخصية مثل هذه يفكر ويفسر ويجتهد ويكفرونه فقط لأسباب سياسية