نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 سودانيز وفن الكتابة باللغة المحكية **
|
يا جماعة والله في بالي من بدري افتح بوست بالعنوان دا عن لغتنا المحكية ..
بطبيعة الحال اللغة المحكية هي لغة التواصل اليومي المحببة بين الناس في مجتمع ما ..
بالصفة دي تبقى هي ما حكر على السودانيين ..
ولا قاصرة على المتحدثين بالعربي ..
وبنلقى لغة محكية مختلفة عن اللسان الفصيح في كل لغات العالم ..
.
.
|
|
 
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
نحن كسودانيين عندنا عاميتنا بأصوات متعددة تعدد الكيانات البشرية ..
معروفة في الوسط الثقافي باللغة العامية أو الدارجة السودانية ..
يقولون إنها أقرب للفصحى ..
ولكن ربما كانت لغة الوسط بين كافة الألسن هي الأوسع انتشاراً والأيسر للفهم ..
لسببين في ظني :
الأول ـ تكدس مؤسسات التعليم في المراحل العليا في المدن الكبرى ..
والتاني ـ البرامج الإذاعية والتلفزيونية ، كلام المسرحيات ، أشعار ألاغاني ..
.
.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
في ظني موقع سودانيز اون لاين ومواقع أخرى ..
فتحوا مجال واسع للكتابة بالعامية..
وربما امتلك عدد مقدر من الكتاب ..
القدرة على تطويع رسم الحروف..
لتأتي مطابقة أو قريبة من نطقها العامي ..
أنا شخصيا استفدت كتير من كتاب هذا الموقع ..
كنت بواجه صعوبة كبيرة في الكتابة بالعامية قبل الاشتراك (معاكم) هنا..
ولسه في طور التعلم ..
اللغة المحكية فوق إنها قريبة للنفس في النقاشات ..
لاحظت إنها تملك قدرة فائقة على الإمتاع والترويح على النفس ..
وقادرة على الإقناع و الإثارة أو التهدئة ..
.
.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: الطيب شيقوق)
|
شخصيا شايف في عمل كبير بيحصل ..
ربما يلتفت ليهو في يوم من الأيام أهل الاختصاص في علوم اللغة ..
(لكين لحد الوكت داك) ..
رايكم شنو نحاول نوثق للكتابة بالعامية ..
بكتابة الألفاظ ورسم حروفها حسب نطقها العامي ..
ربما نلنا قصب السبق في بناء قاموس لرسم حروف لغتنا المحكية ..
أمثلة :
بها ـ بيها ..
لما ـ لامن ..
عندما ـ لماَ ..
لكن ـ لكين ..
جدا ـ جدن ..
ولَ ـ البعض يكتبها هكذا والبعض يكتبها ـ واللا ـ دايرين اتفاق ..
قلبها ـ قلبا ، وأغلب الكلمات المنتهية بهاء طالعه تحزف الهاء..
الاعداد ـ واحد ـ اتنين ـ تلاته الخ..
ضربه ـ ضربو ـ (وكل أو أغلب الكلمات المنتهية بهاء تكتب بالواو بدلا من الهاء) ..
إلى حد ـ لحد ..
الخ الخ ..
دي هي فكرة البوست ..
كنت وعدت بيها الأخ قيقراوي من الربع القبل الفات ..
العشم تسهمو فيهو كلكم بمعلوماتكم.
| |
|
|
|
|
|
|
|
|
 Re: سودانيز وفن الكتابة باللغة المحكية ** (Re: محمد على طه الملك)
|
Quote: شخصيا شايف في عمل كبير بيحصل ..
ربما يلتفت ليهو في يوم من الأيام أهل الاختصاص في علوم اللغة ..
(لكين لحد الوكت داك) ..
رايكم شنو نحاول نوثق للكتابة بالعامية ..
بكتابة الألفاظ ورسم حروفها حسب نطقها العامي ..
ربما نلنا قصب السبق في بناء قاموس لرسم حروف لغتنا المحكية ..
أمثلة :
بها ـ بيها ..
لما ـ لامن ..
عندما ـ لماَ ..
لكن ـ لكين ..
جدا ـ جدن ..
ولَ ـ البعض يكتبها هكذا والبعض يكتبها ـ واللا ـ دايرين اتفاق ..
قلبها ـ قلبا ، وأغلب الكلمات المنتهية بهاء طالعه تحزف الهاء..
الاعداد ـ واحد ـ اتنين ـ تلاته الخ..
ضربه ـ ضربو ـ (وكل أو أغلب الكلمات المنتهية بهاء تكتب بالواو بدلا من الهاء) ..
إلى حد ـ لحد ..
الخ الخ ..
دي هي فكرة البوست ..
كنت وعدت بيها الأخ قيقراوي من الربع القبل الفات ..
العشم تسهمو فيهو كلكم بمعلوماتكم. |
الأكرم : محمد
تحية طيبة
كتب البروفيسور " سيد حامد حريز " كتاباً حول منهاج كتابة اللغة العامية ،
وهو خير دليل ، وقد كتبه قبل أكثر من عقد من الزمان .
وفيه كل شيء . لا توجد لدي نسخة الآن .
تحياتي
| |
|
|
|
|
|
|
|
|
Re: سودانيز وفن الكتابة باللغة المحكية ** (Re: عبدالله الشقليني)
|
الاحباب/ محمد طه الملك وضيوفه
زمان الانجليز عملو كتاب للدارجية السودانية، اسمه (sudanese colloquial arabic ) المؤلفين هم ( احمد حسين،اندرو بيرسون، وجانيت بيرسون ) والدي الله يطول في عمرو عندو واحد منو، كتاب ممتع ورائع.. فيهو قصص من التراث..ان شاء الله اذا لقيت النسخة ح ارفعها ليكم في البوست ده..
محبتي
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: امينة عيسى)
|
كلمتك يا ود الملك انك مرات كتيرة بتكون كاتبي المفضل؟
الا انك مُقل مما يجعلني اشمك واشخت ليك عادي
------
الاخ ابو الحسين ابو كبتال ليتر عنده طريقة لطيفة في كتابة الدارجية
بكتبها زي ما بيقولها لدرجة اني مرات بسمعوا وانا بقرأ ليهو
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد المرتضى حامد)
|
| Quote: ضربه ـ ضربو ـ (وكل أو أغلب الكلمات المنتهية بهاء تكتب بالواو بدلا من الهاء) .. |
للتمييز نزيد الالف في حال كانت الواو واو جماعة ... كدي معليش يا ملك انتا اقدر مني في شرح الحتة بتاعت الواو والالف دي وبالمرة ياريت لو عرّجتا على التاء المربوطة اللي انا فتحتها في كلمة (بتاعت)
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد المرتضى حامد)
|
الملك سلامات وكيفك وكيف كيفك يا عزيزي ..
وفى بالى أن طريقة كتابتى قد أصابها التغيير بالمشاركة فى هذا المنبر ..
وهذا المنبر اكتر حته انا كتبت فيها اطلاقا ..
ياخى وبالعودة للكم الهائل من المداخلات كثيرا ما يصيبنى الذهول ..
ولاكن للموضوع اشياء سالبة ..
بينى وبينك زمان لمن اكتب بالمزاج بكتب احسن كتير من هسع ..
يعنى كنت بقعد الكلام لامن اتكيف ويتكيف هو ذاتو ..
هسع واضح جدا انو الواحد كتابتو فكت !!
..
هون عليك يا ود البشري
هون عليك آ زول ..
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد حيدر المشرف)
|
Quote: البوست دا وحات ضومتى شكلو كدا
حيبقى مرجع وقاموس لكلماتنا ولغتنا الجميلة
آدى قعدة |
تسلمي يا امينة ..
شوفي هسه إنت افتتحتي قاموس البوست بى كم لفظ ..
وحياة ـ وحات ..
هكذا ـ كدا
ذمتي ـ ضومتي ..
شكله ـ شكلو ..
يصير ـ حيبقى ..
شكرا ليك وبرضو عشمان في الزيادة .
| |
|
|
|
|
|
|
|
|
 Re: سودانيز وفن الكتابة باللغة المحكية ** (Re: محمد على طه الملك)
|
ود الملك،
نعلّك طيّب ؟؟؟
آ زول كمان بقيت بتاع قواميس !!!؟
والله لكين بالحيل قرحتَ.
(آ) كما يحلو لود المشرف أن يمد حرف النداء.
| Quote: ياريت لو عرّجتا على التاء المربوطة اللي انا فتحتها في كلمة (بتاعت) |
سلآمات يا مهدي.
التاء وردت مبسوطة في سبع مواضع في القرآن الكريم.
دحين لا تِتحسس، سولك ختمة وبتمر عليهِن وفد خترة
ما تنسانا من الدعاء.
(أَهُمْ يَقْسِمُونَ رَحْمَتَ رَبِّكَ ۚ نَحْنُ قَسَمْنَا بَيْنَهُمْ مَعِيشَتَهُمْ فِي
الْحَيَاةِ الدُّنْيَا ۚ وَرَفَعْنَا بَعْضَهُمْ فَوْقَ بَعْضٍ دَرَجَاتٍ لِيَتَّخِذَ
بَعْضُهُمْ بَعْضًا سُخْرِيًّا ۗ وَرَحْمَتُ رَبِّكَ خَيْرٌ مِمَّا يَجْمَعُونَ )
بوست مميز.
والله صحي...
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: معاوية المدير)
|
سلامات يا زول .. وتسلم
بوست سمح بالحيل .. وعاميتنا السودانية زاتا سمحة .. والكتابة بيها مريحه اقلو تريحك من انك تشيل هم انك ممكن تغلط فى قواعد اللغه العربية
وناس البورض قاعدين يزعلو شديد من الغلط فى الاملاء والقواعد ..و العربى دا صعب يخوانا ..وصعب شديد و زى ال (قفت) كدا يعنى يا بتعرف ..يا ما بتعرف ..ما بنفع تتعلمو..
نساهم فى القاموس ..فى حركه ظريفه و هى التنوين بحرف النون :
جداً : جدن
فعلاً : فعلن
شكراً : شوكرن
الآن : هسه او هسع
امس : امبارح
كمان الكتابة بلهجة المناطق السودانية المختلفة جميلة ، رحم الله المطرطش حتى كيبوردو كان شايقى اصيل
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: سارة عيسى أحمد)
|
سلام يا كرام ... الغريبة الصباح دة كنت بقرأ عن الموضوع دة - ذات نفسو - لكن باللغة الإنجليزية، لأحدهم يشير لإستخدام الأستاذ محمود محمد طه للغة المحكية (للأستاذ محمود مئات الساعات من الأشرطة المسجلة بلغة الكلام فضلا عن عدة كتب مطبوعة أشهرها: الإسلام برسالته الأولى لا يصلح لإنسانية القرن العشرين) ... يقول الأستاذ بضرورة تعليم النشء بلغة الأم - وهي عندنا اللغة المحكية - ثم لاحقا يمكن تدريبهم على لغات أخرى
فيما قرأت هذا الصباح مشيرا لنفس المسألة:
To disseminate his “dauntingly intellectual message” (Thomas, 2010, p 174), Taha used broad Sudanese dialect in the corners of the streets and public yards. (Howard, 1988).
يمكن مطالعة نماذج كثيرة لما يحكي الأستاذ (باللغة المحكية) هنا:
الأستاذ محمود محمد طه: الى سبانا الشريف: سيروا الى الله عرج ومكاسير!!
| |
|
|
|
|
|
|
|
|
 Re: سودانيز وفن الكتابة باللغة المحكية ** (Re: Kabar)
|
.
ود الملك
صباحك زين ,,,
ده بوست مهم لاني واحد من الناس لما أراجع مداخلاتي القديمة
في المنبر العام وهي مكتوبه بالفصيح بتخيل لى كأني بقراء لواحد من (( جزر القمر))
-------
لو الحته تأكيد أنو الواحد مثقف ومجّيد (( للعربية ))
شخصيا ما عندي مشكلة لغة عربية إطلاقا وايام التلمذة كانت من موادي المحببة جدا
وفي الشهادة السودانية بتذكر جايب في العربي 85 من 100
وزمان كنت بقعد أقراء وأزعل شديد لعدم التفريق بين ( ذ / ز ) والاخطاء الإملائية والنحوية
ووووووووو ....... حاليا بزعل شديد لما أشوف وأحد معّاط بوجه الناس في الحاجات دي
لسبب بسيط حاليا اللهجة المحلية لاى دولة بقت جزء من هويته الثقافية
وخصوص الكتابة في النت
ككتابات شعبية كل واحد فيها بوصل وجهه نظر بتعبر عنو هو شخصيا
وده يستلزم كتابته بعيد عن أي تعقيدات ممكن تحكموا في الكتابات الرسمية
زي البستخدمه في شغلوا ( المخاطبات الإدارية ....الخ )
وحتى دي حيث أنا غالبا بتكتب باللغة الانجليزية لانو غالبا من يهمهم الامر
فيهم ناس اساسا ما بقروا لغة عربية ولا بتكلموها
يبقي نكتب لغتنا ((البنتكلمه))
----------------
مرحب شديد بموضوع بوستك باعتبار دارجيتنا جزء من ثقافتنا
والكتابة بيها هنا كلغة تواصل مهمه شديد إننا نكتب لغتنا البنتكلمة
تحياتي ,,,
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: عبد الناصر الخطيب)
|
استاذي و صديقي محمد على طه الملك..حبابك
كتر خيرك على هذه المبادرة..
نفسي اعرف اللحظة الإتخلقت فيها لغة المحكي اليومي في السودان..و زي ما ا نتا قلتا هي لغة بندر اكتر لأنو البندر فيهو السلطة بكل معانيها (الدولة ، الة الإعلام.. السياسات.. التخطيط..و هكذا).. دي نقطة..
النقطة التانية..واحدة من ميزات لغة المحكي اليومي السوداني.. انها عندها طريقة نسب فريدة..و هي استخدام الألف و الباء..حسناب.. جيمعاب..شيخناب..الخ..و هذه الطريقة هي الطريقة الوحيدة التي تتم فيها عملية النسب الى اسم الله.. كقولنا (عبد اللاب).. دي نقطة تانية..!
النقطة التالتة..ملاحظة طريفة انو لغة المحكي اليومي قاموسها في البذاءة قليل جدا جدا (تلاتة مفردات بس..!!!)
لغة المحكي اليومي حميمة..و الزول/ة ممكن يعبر فيها عن الذات بسهولة و يسر..
ادوات الإشارة:
ده: هذا
دي: هذه..
ياهوندي: هاهي..
ياهوندا: هاهو..
ياهونداك: هو داك
ياهونديل: هاهم
ياهنديل: ها هن..
هداك: هو ذاك..
اهي ديك: هي ذيك/تلك
فوقاني: فوق/اعلا
تحتاني: تحت/اسفل
وسطاني: اوسط
طرفاني: على الأطراف..
صبحاني: شرقي
غرباني: غربي
ريحاني: شمالي
صعداني: جنوبي
قدامي: امامي
وراني: خلفي
افعال النظر/ الرؤية.. و العجيبة في لغة المحكي اليومي السوداني.. الحكاية دي مربوطة مباشرة بالعين..و ما عارف النظر دي مربوطة بي شنو بالضبط..
اعاين: انظر
عاينتا: نظرت
عاينت: نظرت
عاينو: نظروا
عاينن: نظرن
عاين: انظر
عايني : انظري
و برضك يجوز فيها صيغة الرجاء ..مثلا( ما تعايني/رجاءا انظري)..او (ما تعاين/رجاءا انظر)..و هكذا..
شوف: نظر..
أشوف: انظر
شوفني: انظرنا
شافت: نظرت
شافو: نظر اليه
شافا: نظرت اليها
شافت: نظرت
شافتو: نظرت اليه
ملاحظة صغيرة.. في مناطق البقارة بدل يقول ليك شوف.. بيقول ليك : شيف..و بدل شوفي..شيفي..
الزمن:
بعدين: بعد حين
وكت: وقت/حينما
وكتين: حينما
هسع: ها الساعة
التعبير عن الذهاب:
ارح: فلنذهب
ارحكاكي: فلتذهبي معي
ارحكاكا: فلتذهب معي
ارحكاكم: فلنذهب معا..
ارحكاكن: فلتذهبن معنا..
الإستفسار:
شنو: و دي الإ ندخلها في جملة.. ده شنو: ما هذا؟,,دي شني: ما هذه؟..
الغضب:
زعل: غضب
زعلان: غضبان
زعلانة: غضبانة
زعلانات: غضبانات
زعلانين: غضبانين
زعلنا: غضبنا..
و نشوفكم تاني..
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: Kabar)
|
kabar:
Quote: صبحاني: شرقي
غرباني: غربي
ريحاني: شمالي
صعداني: جنوبي
قدامي: امامي
وراني: خلفي |
هيا زول دي برضو من الدارجة السودانية؟
أكان كدة أنقول وجهة نظري:
إنو لغتنا أو لغاتنا الدارجة تفاعلت مع اللغة الفصحى،
فكان الناتج هو اللغة السائدة في أواسط السودان بالذات!
بعدين: في أغراض لا يمكن أصلاً تناولها بالدارجة الدارجة!
زائد إنو أنا ملاحظ إنو لغتنا الدارجة المحكية،
تقترب يوماً بعد يوم من اللغة العربية (الفصحى)
يعني في مصطلحات كتيرة فصحى دخلت للغتنا المحكية،
زي واحد يقول ليك: (أنا شخصياً ..)!
أو (على العموم ...)
...
مع تحياتي ليك وللملك وضيوفه الكرام
| |
|
|
|
|
|
|
|
|
 Re: سودانيز وفن الكتابة باللغة المحكية ** (Re: عبد الناصر الخطيب)
|
نسانا حبيبنا وعارف ريدنا هولو
بالله عليك شوف لي حتة للكلام دا نختو فيها
عا########ي شديد كلمة هولو
وعاجبني المعنى كله
لما زول
dedicate his love.. his soul.. his life to his lover
ماتقول لي دا كله جبتيهو من وين وهو قال (ريدنا ) بس هولو؟
... ماعارفة المعنى مليان وغني شديد وأداني الاحساس دا وأكتر
____
بمناسبة اللغة المحلية دي كل ما أسمع صاحباتي العراقيات بيتكلموا بتذكر حبوبتي الاتولدت وعاشت وماتت في المحمية
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: عبد الناصر الخطيب)
|
الاغراق في استخدام العامية ممكن يخلق صعوبة في فهم المعنى المقصود ، في حتات لازم ما نجاري التغيير الذي طال الكلمة الاصلية ، في تقديري احسن نكتبا كماهي في الفصحى ومن خلال السياق اللسان تلقائي كدة حيقراها بالعامية
نقطة اخرى: نحنا عايزين لهجة جامعة يتواضع عليها الناس لتكون هي اللهجة البيضاء السودانية (اللهجة البيضا هي خليط يجمع لهجات عربية مختلفة مع مسحة خفيفة جدا من الفصحى ظهرت اولا في ما يسمى بالاغاني الشبابية وبعد كدة ظهرت في الفضائيات)
هل هناك امكانية لوضع قواعد للهجتنا البيضا ام ان التوغل في استخدام العامية السودانية بمختلف لكناتها في الكتابة سيكرّس المناطقية والجهوية ونحنا(أصلن )ماناقصين تفرقة
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: عبد الناصر الخطيب)
|
بوست أتوقع استمراره ردحاً من الزمن.
خليني أبدا ليك من دي: | Quote: ولَ ـ البعض يكتبها هكذا والبعض يكتبها ـ واللا ـ دايرين اتفاق .. |
حكاية الإتّفاق دي صعبة وفي أمثلة تانية عليها، يعني في ناس في صيغة إستنكارية يكتبوا (بالله .... أصلو ما معقول) ... وفي ناس يكتبوها (باللاي .... ياخ ما معقول) ... أظن الإتنين بيدوا الغرض.
بس أنا في حاجة تانية أصلو ما واقعة لي، وهي بعض الأعضاء أثناء الكتابة يورد جملة زي (إقولوا ليهو تور إقول أحلبو) ..... إحساسي بالألف في (إقولوا) و(إقول) مفروض تكون ياء ... يعني (يقولوا ليهو تور يقول أحلبو)
ليك التحية
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد أبوالعزائم أبوالريش)
|
اساسي يا ss ..
كويس إنك جيت ..
كتا محتار ( اساسه ) دي تتوثق في قاموس العامة ولَ مع الما عامة ؟..
Quote: الاخ ابو الحسين ابو كبتال ليتر عنده طريقة لطيفة في كتابة الدارجية
بكتبها زي ما بيقولها لدرجة اني مرات بسمعوا وانا بقرأ ليهو |
دي شهادة على كدا ..
باين ناس النيل الابيض بستخمو الألف محل الياء( يعملو كدا ـ إعملو كدا) ..
لاحظتها عند ابوحسين وود هباني ..
ياريت يجي يساهم معانا هنا ..
بالمناسبة صاحبك اللدود تمبس من أروع من يجيدون الكتابة باللغة المحكية..
| Quote: الا انك مُقل مما يجعلني اشمك واشخت ليك عادي |
في دي ليك حق..
.
ختتك شوية ..
بطل غتاتة وجيب.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: اسماعيل عبد الله محمد)
|
| Quote: بكتبها زي ما بيقولها لدرجة اني مرات بسمعوا وانا بقرأ ليهو |
الإقتباس الفوق دا من مداخلة لود البشري
يا ود البشري موضوع مرات بتكون سامع الزول قالوا عنها في البورد إنك بتقرا بأضنينك
لكن شايفها ما نقد سلبي بل إيجابي
كونك بتكون بتقرا لزول وكأنك سامعو دي حاجة كويسة
معناها خلاك تعيش مع الحكي بتاعو
_________________
لقيتني كيف ؟
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: اساسي)
|
| Quote: اقتباس الفوق دا من مداخلة لي اساسي وليس ود البشرى , بطل القراية باضنينك |
يمكن أكون بقرأ لأساسي وسامع ود البشري
مجاخلتك يا أساسي لو شافها تمبس
بيجي يقول لي أنا بقيت إلا أقلب هوبة قدام اليكبورد حتن أعرف إنك قاصد شنو ؟
لكن دي موباااالغة
الواحد بقى عنده زهيمر ولا شنو ما عارف يا أساسي دا حالتوا لسه نحنا في عمر التمور
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: Asim Fageary)
|
| Quote: ما قلتو عرب ؟؟؟؟؟؟؟!!!!!!!!!! |
نحنا جماعة : ما قلتوا نوبة ... الضنقالة
الغريبة (دنقلا ) دي تنطق ضاد وكأقوى ما يكون الضاد لكن تُكتب بالدال واللي حيطيّر برج من نفوخي الالف الاخيرة بدلا عن التاء المربوطة
Quote: التاء وردت مبسوطة في سبع مواضع في القرآن الكريم.
دحين لا تِتحسس، سولك ختمة وبتمر عليهِن وفد خترة
ما تنسانا من الدعاء. |
بعد كلام المدير مافي كلام ... دي قاعدة حنمشي عليها بعد دا
فد خترة دي شنو ... زي (ملح وفجاة شطة )يعني ولّ كيف ... يا اخوانا خذوا في الاعتبار الجماعة الناطقين بغيرها
في حال تم استخدام لغة ممعنة في المحكية ما سافهمه ربما لن يتعدى ما تفهمونه من بيت الشعر الجاهلي:
هَـصَـرْتُ بِفَـوْدَيْ رَأْسِـهَـا فَـتَـمَـايَـلَـتْ. عَـلـيَّ هَـضِـيْـمَ الـكَـشْـحِ رَيَّا المُخَلْخَـلِ
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: مهدي صلاح)
|
Quote: في لقاء تلفزيوني إستضاف فيه مذيع عماني يسمى ناصر اليحمدي الراحل الطيب صالح وكان لقاءا ممتعا
، قال ناصر للطيب : ثروت أباظه علق على رواياتك بأنها محلية لأنك أمعنت في استخدام الدارجة
السودانية فما قولك؟
الطيب قدم يومها درسا في اللسانيات كتبت عنه الملاحق الثقافية العمانية ، وبإيجاز (مخل) أقول
لك أن فحوى رد الطيب أن اللغة الفصحى في أصلها مجموع مصطلحات كانت دارجة ، ليس ذلك وحسب ، بل
إن الكثير من الكلمات الموهطه في قاموس الفصحى أجنبية المنشأ وهذا حال كل اللغات الحية..
في ظني أن الدارجة السودانية فيها الكثير الممتع والمعبر .. |
نهارك الأسعد يا مولاناـ ـ
غايتو دي غيرة ساكت من ثروت أباظة ـ ـ
مع إنو ثروت سليل أسرة أدبية شهيرة ـ ـ
و أعمالو متميزة في مختلف فنون الأدب المصري قصص ، روايات ، مسرحيات ـ ـ
بس دقس في دي والطيب ما فوتا ليهو قعدو في السهلة ـ ـ
| Quote: هسه بالله كلمة ( بريدك ) دي مفعولها مش بيفوت سحر هاروت بي غادي؟ |
آمنت بالله ..
بريك زي وهاج العين ـ ـ وما برضا البجيب زعلك ـ ـ
مع حبيبنا الموصلي مش حتقدر تغمض عينك ـ ـ
( بريك ) مفردة لها دفؤها ووقعها الخاص في عاميتنا ـ ـ
عندما تهبش طبلة أذنك تفعل بوجيب قلبك الأفاعيل ـ
.
ماتبتعد.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
قصه ظريفه يا المك
صديقي وزميلي بالشركه لمن كنا بالسودان في شركة الحبوب الزيتيه
قبل ما يكشونا الجماعه ديل
ركب ليهو نسوان من بانت
في اثناء الونسه قالن ليهو انت حزبك شنو قال ليهن انا انصاري
قالن لو احلف
قام قال ليهن وحياة المهدي
علي طول ردن انت كضاب
لانو لو انصاري كان قلت وحاة المهدي مش وحياة المهدي
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: الشامي الحبر عبدالوهاب)
|
الدارجي البنتكلم بيهو في النهايه بتفدر تفك طلاسمه
لكن تعال للكلمات الما عربيه واصبحت مصطلح شائع وتتكتب بحروف عربية
انا (nick -name) جهجهتني فترة طويله طبعاالجزء بتاع (نيم)غير شدر النيم اصلو ما فهمتو حاجة تانيه وكده طبعا الجزءالاول اتجهجه تماما واتذكر المداخله
سيدها بيخاطب تاني
(انت ال(nick-name بالعربي) بتاعك ده.......)
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: walid shingrai)
|
Quote: للتمييز نزيد الالف في حال كانت الواو واو جماعة ... كدي معليش يا ملك انتا اقدر مني في شرح الحتة بتاعت الواو والالف دي وبالمرة ياريت لو عرّجتا على التاء المربوطة اللي انا فتحتها في كلمة (بتاعت)
اقتراحك نجيهو لما نبدا في ترتيب الكلمات وتصريفاتها ـ ـ |
مهدي الله ـ ـ
(بتاعت) لا يفتى وود المير في البورد ـ ـ
معليش ـ عفوا
إنتا أو إتا ـ أنت
الحته ـ معناها يأتي حسب سياقها في الجملة
أحيانا بمعنى جزئية واحيانا بمعنى جهة ( حتتهم الساكنين فيها) ـ ـ
بتاعي/بتاعت ، حقي /حقت ، اللَت ـ من الالفاظ الدالة على الملكية ، تقابلها في المصرية / تبعي ، تبعه ـ ـ
ياريت ـ ياليت ـ ـ
اللي ـ التي ـ ـ
ديل محولات للقاموس ـ ـ
.
.
خليك مواصل.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
في حدود ما اعلم العامية المفروض ما تحاسب بقونين وقواعد العامية لكن اذا كان الحديث بالفصحى لازم نتفادى الاخطاء وننتبه بشكل خاص للاخطاء الشائعة زي الغاف والقين ديل
برضو الدال ... نحنا بنخليها حاجة كدة لا هي الدال المعروفة ولا هي التاء وكتير بنقلب التاء طا زي مختار ... واحدين يقولوا ليك مخطار
واجمعنا نحن معشر السودانيين على كسر فاء (فترة) ما عارف ليه واجمعنا علي شيء اخر وهو ان بطيخ تكون بتيخ ... بتيخ دي عامية ممكن ان تلعب بها
وببنزلق لقلب السين صاد
هسي دي جايبين واحدة في نجوم الغد شابكانا : بلادي ياسنا الفجر وينبوع الشظى العطر
التحية لكم جميعا
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: walid shingrai)
|
هيا فقيري ود (البشري) تطير عيشتو - عيشتو ولاّ عيشته يا مولانا
و بالنسبة لـ (ولاّ) افتكر الأصح كتابتها بتشديد اللام لكن عند وضع الشدة في مكانها الصحيح منظرها بكون ما سياحي (ولّـا) فعشان كدا بضع الشدة على الألف و أهو الموضوع ماشي
يا عبد الناصر معليش ياخي ماعطك اظنّي في موضوع التنبيه لأخطاء الكتابة دا اعفي لي ياخي
لكن بيني وبينك انا من عيوب قرايتي بقرأ و بنطق في سري
فبتوتر جدا لما انطق حرف الجر (في) كدا (فا) لأن ود / بت حلال بدّل الياء بالألف المقصورة
ثم موضوع الذال و الزين قول زكريات و اعتزار بننطقهن كدا
لكن نهائي في دارجيتنا ما بنطلع لسانا ولا بننطق الذال يبقى السبب شنو البخلينا نكتب (مذيد) و (عذيذ)
يا ود المشرف زي ما قال مولانا في الجحيم بني آدم اتأقلم فا جدا بهوّنها علي
لكن كان لقيت زي فرقة مولانا ود الملك الأتاحها بنفش لي شوية :)
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد البشرى الخضر)
|
Quote: فى بالى أن طريقة كتابتى قد أصابها التغيير بالمشاركة فى هذا المنبر ..
وهذا المنبر اكتر حته انا كتبت فيها اطلاقا ..
ياخى وبالعودة للكم الهائل من المداخلات كثيرا ما يصيبنى الذهول ..
ولاكن للموضوع اشياء سالبة ..
بينى وبينك زمان لمن اكتب بالمزاج بكتب احسن كتير من هسع ..
يعنى كنت بقعد الكلام لامن اتكيف ويتكيف هو ذاتو ..
هسع واضح جدا انو الواحد كتابتو فكت ! |
يا دوك الكتابة على قول عمر الفاروق ( توفيق ) ـ ـ
هسه أساسي غيرة ساي كدا يجي يقول لي ( كمان !)
قلمك لسه سنين ياخي ـ ـ
الركة على الفكرة البتعبَر عنها بالكتابة ـ ـ
ذهنك لازال ولود بحمد الله ـ ـ
احساسك دا في حد ذاتو دليل على الرغبة في التجويد ـ ـ
.
.
طلتك دي ما بلت شوقنا
لاكن ، لاكين ـ لكن
بقعد الكلام ـ أجيده
إتكيف ـ يعتدل مزاجي
هسع ، هسه ، أسع ـ الآن ، في التو
الواحد ـ تعني الشخص
كتابتو ـ كتابته
فكت ـ بمعنى ضاعت أو لم تعد جيدة
محولات للقاموس.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
سلام يا محمد علي..أحوالك
بالإضافة لكثير مما قيل..
لغة الحكي بتطلع الزول من ورطات القواعد!
والله انا أظني إتسخطت..بقيت بلخبط كثير في قواعد اللغة العربية..
الحكي بينا باللغة السودانية العادية ظريف وخفيف ومرات فعلا بيوصل الكلام بشكل أعمق..
نقرا معاكم..
سلام للجميع..
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: Muna Khugali)
|
يا جماعة ود المدير طلع شاعر ختري ـ ـ
تراها الصلعة جايبا حقها ـ ـ
| Quote: كمان بقيت بتاع قواميس !!!؟ |
تصدق !
مش الـ لفندي بنزلو الأرشيف بعد يقدم ؟ أُون طيب ؟
Quote: نعلّك طيّب ؟؟
آ زول
والله لكين بالحيل قرحتَ. |
يطيب خاترك ـ ـ
.
نعلك ـ لعلك
كمان ـ أيضا
آ ـ حرف نداء ( يا )
بس ( قرحت ) دي موغلة في الفصحى ـ ـ
( قرَح / بفتح القاف والحاء وتشديد الراء : خرجت رؤوس ورق الشجر/ قاموس المعاني) ـ ـ
.
.
إلا ما باصيت ـ ـ
عارف مخلاتك تريانة وإيدك مي بخيلة..
تسلم.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
Quote: بس ( قرحت ) دي موغلة في الفصحى ـ ـ
( قرَح / بفتح القاف والحاء وتشديد الراء : خرجت رؤوس ورق الشجر/ قاموس المعاني) ـ ـ |
بالحيل يا ملك مُوغلة في الفُصحى، وإستخدام أهلنا ليها في مِحِلُو.
أها، عارف الصبي وكت يِطاول علي الناس الكُبار يقولُولك:
الجنا دا قرح،،،، يعني شاف نفسو خلآس كتفو إساوى مع كتفوهم.
ودا إستعمالها في العربية الذي إعتمد عليه أهلنا:
Quote: وقد قَرَحَ الفرسُ يَقْرَحُ قُرُوحاً، وقَرِحَ قَرَحاً إِذا انتهت أَسنانه، وإِنما تنتهي
في خمس سنين لأَنه في السنة الأُولى حَوْلِيّ، ثم جَذَعٌ ثم ثَنِيّ ثم رَباعٌ ثم قارح، وقيل:
هو في الثانية فِلْوٌ، وفي الثالثة جَذَع. يقال: أَجْذَع المُهْرُ وأَثْنَى وأَرْبَعَ وقَرَِحَ، هذه وحدها بغير أَلف.
والفرس قارحٌ، والجمع قُرَّحٌ وقُرحٌ، والإِناثُ قَوارِح، وفي الأَسْنان بعد الثَّنايا والرَّباعِيات أَربعةٌ
قَوارِحُ. قال الأَزهري: ومن أَسنان الفرس القارحانِ، وهما خَلْفَ رَباعِيَتَيْهِ العُلْيَيَيْنِ، وقارِحانِ خلف
رَباعِيَتَيْه السُّفْلَيَيْن، وكل ذي حافر يَقْرَحُ.
وفي الحديث: وعليهم السالغُ والقارحُ أَي الفرسُ القارح، وكل ذي خُفٍّ يَبْزُلُ وكل ذي ظِلْف يَصْلَغُ.
وحكى اللحياني: أَقْرَحَ، قال: وهي لغة رَدِيَّة.
وقارِحُه: سنُّه التي قد صار بها قارحاً؛ وقيل: قُرُوحه انتهاء سنه؛ وقيل: إِذا أَلقى الفرسُ أَقصى أَسنانه
فقد قَرَحَ، وقُرُوحُه وقوعُ السِّنّ التي تلي الرَّباعِيَةَ، وليس قُرُوحه بنباتها، وله أَربع أَسنان يتحَوَّل من
بعضها إِلى بعض: يكون جَذَعاً ثم ثَنِيّاً رَباعِياً ثم قارِحاً؛ وقد قَرَِحَ نابُه. الأَزهري: ابن الأَعرابي:
إِذا سقطت رَباعِيَةُ الفرس ونبتَ مكانَها سِنٌّ، فهو رَباعٌٍ، وذلك إِذا استتم الرابعة، فإِذا حان قُروحه سقطت
السِّن التي تلي رَباعِيَتَه ونَبَت مكانَها نابُه، وهو قارِحُه، وليس بعد القُرُوح سقوط سِنّ ولا نَباتُ سِنّ. قال:
وإِذا دخل الفرس في السادسة واستتم الخامسة فقد قَرِحَ. الأَزهري: القُرْحةُ الغُرَّة في وَسَطِ الجَبْهة. |
أها، عارف، الفرس هنا قرح أي بمعنى وصل مرحلة الفتوّة وأصبح
صليب، ولتيّت، ويمكن أن يُعتمد عليه بعد التطييع.
بعدين يا ود الملك نحن عاميتنا متروسة فُصحى.
والله صحي.
هسّع إنت كان سعلتني قلت لي حسن وين ؟؟؟
وأنا قُتلك (خليّتو) في السوق. اي بمعنى (تركته)، فالكلمة فصيحة
وتُستعمل بنفس معناها الذي عندنا في الدارجة.
هاك القاموس:
| Quote: خليته بِفالقَةِ الوَرِكِةِ: وهي رملة، وفي التهذيب: خليته بفَالِق الوَرْكاءِ وهي رملة. |
| Quote: سَوَّمْتُ غُلامي: خَلّيته وما يُريد. |
| Quote: تَركْتُ الشيء تَرْكاً: خلّيته. |
أها، هنا ممكن تسعلني من الصعوط، أقولك خليتو.
برضو ممكن أقولك فلآن دا خليهو وفهمو.
| Quote: وكمنَعْتُه: خَلَّيْتُه مع رأْيِهِ، |
والكلآم كتير يا ود الملك. بس الناس اليخلونا من حكاية أفريقي وعربي دي،
فالمجال مجال لغة مشتركة بين أهل السودان ليست بالعربية الفصيحة ولا هي
بالنوبيّة الخالصة، إنما خليط بسبب المصاهرة وهذا بالضبط ما حدث للغة
العربية الفُصحي، فسيدنا إبراهيم كنعاني، وهاجر قبطيّة، وقبيلة جُرهُم عربية
عاربة. كان لا بُدّ علي سيدنا إبراهيم أن يستعمل بعض الكلمات من قبطية
هاجر، كما عليها هي أيضاً أن تستعمل كلمات من سريانية سيدنا إبراهيم،
وكلمات من عربية جُرهُم كي يخلقو لغة مشتركة للتفاهم، ثمّ حصلت المُصاهرة
لتخرج من رحمها لغة العرب المستعربة، وكذلك نحنُ تمازُج نوبي عربي
أهدانا لغة جميلة نحادث بها بعضنا البعض.
ايّ والله جميلة يا ود الملك.
كدي هسّع عاين لكلمة (حِليل) دي!!! يا اخي قسم أكان جمعت الكلآم كلو
عشان تعبر بيهو عما تجيش به نفسك من الحنين ما أوفاك كامل التعبير.
لكن كلمة حِليل دي وحّدا تكفيك. كدي عاين للأُم تكون في عِزّ ونستا
اوآت تطرا ولدا الفي الغربة، تقول يا حليل فلآن ولدي، ودِميعاتا طوالي
رُب، رُب يشتتن فوق شلوخا.
جني جِن الكتابة الكتيرة يا ود الملك.
المِكثار كحاطب ليل.
والله صحي...
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
مرحبتين يا سارة عيسى ـ ـ
Quote:
بوست سمح بالحيل .. وعاميتنا السودانية زاتا سمحة .. والكتابة بيها مريحه اقلو تريحك من انك تشيل هم انك ممكن تغلط فى قواعد اللغه العربية
وناس البورض قاعدين يزعلو شديد من الغلط فى الاملاء والقواعد ..و العربى دا صعب يخوانا ..وصعب شديد و زى ال (قفت) كدا يعنى يا بتعرف ..يا ما بتعرف ..ما بنفع تتعلمو..
نساهم فى القاموس ..فى حركه ظريفه و هى التنوين بحرف النون :
جداً : جدن
فعلاً : فعلن
شكراً : شوكرن
الآن : هسه او هسع
امس : امبارح |
ختتك ذاتا سمحة ـ ـ
فعلا لاحظت البعض ابتدع التنوين {بالنون} بدل الحركات ـ ـ
لو ما غلتان اشتهر بيها حبيب نورة ـ ـ
برضو قيقراوي وأحيانا راوية ـ ـ
وكت طرينا الجوز الله يجيبم ـ ـ
بالمناسبة الابتداعات دي كانت ورا فكرة البوست ـ ـ
.
سمح : تفهم حسب سياق الجملة إما بمعنى جميل أو بمعنى الاستجابة في مقام حاضر ـ ـ
سمح بالحيل : جميل جداًـ ـ
زاتا : ذاتها ـ ـ
اقلو : على الأقل / وكم هي حنينة حين تتسرب متهادية بين حلقات حنجرة ود الامين الماسية ـ ـ
( أقل حاجة تخلي سفرك حتى لو أسبوع أقلو ) ـ ـ
تشيل : حسب السياق بمعنى يحمل ـ ـ
ياخوانا : يا اخواننا ـ ـ
يزعلو : يغضبوا ـ ـ
برضهن ديلا مضافات لى لستتك الفوق ـ ـ
تشكراتي.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
| Quote: (للأستاذ محمود مئات الساعات من الأشرطة المسجلة بلغة الكلام فضلا عن عدة كتب مطبوعة أشهرها: الإسلام برسالته الأولى لا يصلح لإنسانية القرن العشرين) ... يقول الأستاذ بضرورة تعليم النشء بلغة الأم - وهي عندنا اللغة المحكية - ثم لاحقا يمكن تدريبهم على لغات أخرى |
الأستاذ عبد الله عثمان ـ ـ
تحياتي وشكراً على الإضافات ـ ـ
أفكار الأستاذ محمود كانت تستبطن الواقع وهي تنظر إلي السماء ـ ـ
قرأت العديد من كتيباته ـ ـ
وكنت في كثير من الأحيان على أيام الحياة الطلابية ـ ـ
أصادف حلقات نقاشاتهم في الأسواق فأقف عندها ـ ـ
من الصدف بعد تخرجي والتحاقي بالقضاء ـ ـ
عملت في السنوات الأولى بمحكمة جنايات الخرطوم وسط ـ ـ
وفي ذات يوم عرض على بلاغ ضد مجموعة منهم ـ ـ
قيل لي بأنهم كانوا يعقدون حلقة نقاش بساحة السوق العربي ( موقف بصات السجانة آنذاك ) ـ ـ
سألت المتحري هل أحدثوا شغبا أو تعدوا على احد؟
قال لا ـ ـ
فلم أتردد لحظة في الأمر بشطب البلاغ وإطلاق سراح المحتجزين ـ ـ
بلا شك أدرك الأستاذ سحر وفعالية لغتنا المحكية فاستخدمها في محاضراته ـ ـ
في حين استهجنها وترفع عنها كثر من مثقفي جيله ـ ـ
لك كل الشكر.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
Quote: وزمان كنت بقعد أقراء وأزعل شديد لعدم التفريق بين ( ذ / ز ) والاخطاء الإملائية والنحوية
ووووووووو ....... حاليا بزعل شديد لما أشوف وأحد معّاط بوجه الناس في الحاجات دي
لسبب بسيط حاليا اللهجة المحلية لاى دولة بقت جزء من هويته الثقافية
وخصوص الكتابة في النت
ككتابات شعبية كل واحد فيها بوصل وجهه نظر بتعبر عنو هو شخصيا
وده يستلزم كتابته بعيد عن أي تعقيدات ممكن تحكموا في الكتابات الرسمية
زي البستخدمه في شغلوا ( المخاطبات الإدارية ....الخ )
وحتى دي حيث أنا غالبا بتكتب باللغة الانجليزية لانو غالبا من يهمهم الامر
فيهم ناس اساسا ما بقروا لغة عربية ولا بتكلموها |
سلامات أخي عبد الناصر ـ ـ
رؤيتك سليمة فاللغة المحكية أصلا صناعة شعبية خالصة ـ ـ
والحكومات البتعتني بهوية شعوبها ـ ـ
بتعمل بعلمية ومنهجية على تطور اللغة وتبنيها رسميا ـ ـ
شوف ايران مليزيا تركيا حتى في أوربا اللغة الهولندية والبلجيكية وغيرهم ـ ـ
كلها لغات مطورة من اللغات المحكية ـ ـ
لو الشعوب العربية مستمسكة باللغة الفصحى كهوية ـ ـ
على الرغم من تجاوز محكيات شعوبهم لها في الواقع ـ ـ
فشعوب السودانية أحوج ما تكون لتطوير محكياتها وتبنيها كهوية ـ ـ
شكراً على المداخلة المحفزة.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
انا غايتو ما مع قلب التنوين لنون ... اصلا الهدف هو وضع اسس لإستخدام المحكية في الكتابة والتنوين هو في كلمات من الفصحى فما العبرة في تنوين كلمة فصيحة بالنون اللهم الا اذا كان الهدف هو تكسير قواعد اللغة العربية والسلام
شايقية بتسأل: ابوحمد دا منو كمان (نظام تريقة وكدا) فردت عليها مجاورتها الرباطابية : ابوحمد راجلن لي كريمة ...حكينا النكتة دي لييييييييييه : عشان دي الحتة برأيي الممكن نستعيض فيها بالنون عن التنوين ... عملوها الخليجيين في الشعر النبطي وسار بينهم ان يكتبوا (نون التنوين) هذه بين قوسين :
كل ما نسنس من الغربي هبوب حمّـل النسمـه سـلام
و إن لمحت سهيل في عرض الجنوب عانق رموز الغرام
لـك حبيـب(ن) مـا نسـى .. كلمتـه دايـم عـسـى
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
Quote: نفسي اعرف اللحظة الإتخلقت فيها لغة المحكي اليومي في السودان..و زي ما ا نتا قلتا هي لغة بندر اكتر لأنو البندر فيهو السلطة بكل معانيها (الدولة ، الة الإعلام.. السياسات.. التخطيط..و هكذا).. دي نقطة..
النقطة التانية..واحدة من ميزات لغة المحكي اليومي السوداني.. انها عندها طريقة نسب فريدة..و هي استخدام الألف و الباء..حسناب.. جيمعاب..شيخناب..الخ..و هذه الطريقة هي الطريقة الوحيدة التي تتم فيها عملية النسب الى اسم الله.. كقولنا (عبد اللاب).. دي نقطة تانية..!
النقطة التالتة..ملاحظة طريفة انو لغة المحكي اليومي قاموسها في البذاءة قليل جدا جدا (تلاتة مفردات بس..!!!)
لغة المحكي اليومي حميمة..و الزول/ة ممكن يعبر فيها عن الذات بسهولة و يسر..
ادوات الإشارة:
ده: هذا
دي: هذه..
ياهوندي: هاهي..
ياهوندا: هاهو..
ياهونداك: هو داك
ياهونديل: هاهم
ياهنديل: ها هن..
هداك: هو ذاك..
اهي ديك: هي ذيك/تلك
فوقاني: فوق/اعلا
تحتاني: تحت/اسفل
وسطاني: اوسط
طرفاني: على الأطراف..
صبحاني: شرقي
غرباني: غربي
ريحاني: شمالي
صعداني: جنوبي
قدامي: امامي
وراني: خلفي
افعال النظر/ الرؤية.. و العجيبة في لغة المحكي اليومي السوداني.. الحكاية دي مربوطة مباشرة بالعين..و ما عارف النظر دي مربوطة بي شنو بالضبط..
اعاين: انظر
عاينتا: نظرت
عاينت: نظرت
عاينو: نظروا
عاينن: نظرن
عاين: انظر
عايني : انظري
و برضك يجوز فيها صيغة الرجاء ..مثلا( ما تعايني/رجاءا انظري)..او (ما تعاين/رجاءا انظر)..و هكذا..
شوف: نظر..
أشوف: انظر
شوفني: انظرنا
شافت: نظرت
شافو: نظر اليه
شافا: نظرت اليها
شافت: نظرت
شافتو: نظرت اليه
ملاحظة صغيرة.. في مناطق البقارة بدل يقول ليك شوف.. بيقول ليك : شيف..و بدل شوفي..شيفي..
الزمن:
بعدين: بعد حين
وكت: وقت/حينما
وكتين: حينما
هسع: ها الساعة
التعبير عن الذهاب:
ارح: فلنذهب
ارحكاكي: فلتذهبي معي
ارحكاكا: فلتذهب معي
ارحكاكم: فلنذهب معا..
ارحكاكن: فلتذهبن معنا..
الإستفسار:
شنو: و دي الإ ندخلها في جملة.. ده شنو: ما هذا؟,,دي شني: ما هذه؟..
الغضب:
زعل: غضب
زعلان: غضبان
زعلانة: غضبانة
زعلانات: غضبانات
زعلانين: غضبانين
زعلنا: غضبنا.. |
كما عهدت يا أستاذ كبر تضع إصبعك على لب الموضوع دون حواش ـ ـ
و تأتي دائما بالمفيد ـ ـ
اتفق معك أن المتفوق بين اللغات المحكية في السودان هي لغة البنادر ـ ـ
أو بصورة دقيقة ما فرضه التداخل والتمازج بين شعوب السودان ـ ـ
على خلفية المناهج التعليمية والآليات الثقافية الرسمية الأخرى ـ ـ
في النهاية الواحد يقدر يقول ـ ـ
اللغة المحكية صاحبة الغلبة اليوم برضها صناعة شعبية ـ ـ
دراستها ومنهجتها وتعميمها لن تجد قوة المقاومة التي تجدها الفصحى ـ ـ
لأنها من المرونة بحيث بمقدورها التعايش والامتزاج مع اللغات المحلية الأخرى ـ ـ
شكرا مرة أخرى وأنت تبتدر التوصيف المنهجي للفكرة ـ ـ
فلتكن من عندها وعلى منولها تمضي الفكرة ـ ـ
.
.
مهم أن تواصل معنا فلعربية الغرب السوداني (اكسنت) مميز احبذ اصطحابه معنا ـ ـ
بعدين تعال هنا ـ ـ
مين بسيبك عشان تشوفنا تاني؟
معقول!
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
تحياتى يا ملكـ و ضيوفه..
* و فى هذا المقام لا مندوحة من التعريج للأغنية السودانية (كلماتها) و القابلية لإحتضان اللحن بحنو لايضاهى فى الفصحى..
× الأشعار السودانية و أخص الأب الروحى لهذا البلد (محجوب شريف) و رصفائه...
* المزج الحذر بين العربية و الفصيحة ( الكتيابى كمثال)..
فهلا سمعنا و قرأنا تفاكيركم فى هذه الأمور المحورية (للغة و الثقافة بوجه أعم)...
مودتى..
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: Abuzar Omer)
|
Quote: نسانا حبيبنا وعارف ريدنا هولو
بالله عليك شوف لي حتة للكلام دا نختو فيها
عا########ي شديد كلمة هولو
وعاجبني المعنى كله
لما زول
dedicate his love.. his soul.. his life to his lover
ماتقول لي دا كله جبتيهو من وين وهو قال (ريدنا ) بس هولو؟
... ماعارفة المعنى مليان وغني شديد وأداني الاحساس دا وأكتر |
من بيت الكلاوي يا راوية ـ ـ
يا سلام على إحساسك الشفيف ـ ـ
ريدنا هولو / ملكية مطلقة ـ ـ
حبستيها بـ ( بس ) هبة ابدية ـ ـ
عشانو ـ ـ
تمشي قلوبنا وراء رحيلو ـ ـ
يسافر بيها لى دارو ومقيلو ـ ـ
شفت كيف ؟
خترو ـ ـ
أما أنا ـ ـ
وحات الريدة ما بنسالو عشرة ـ ـ
.
.
شكرا راوية على الإنتباهة.
الريدة : الحب
هولو ، هولي : ملكه ، ملكي
شوف / ايضا عاين : انظر
نختو : نضعه
عاجبني : يعجبني
مليان : مليء
اداني : اعطاني
جبتا / جبتو : اتيت به احضرته
من وين : من أين
بس : هنا بمعنى فقط وفي سياق آخر كلفظ تأكيدي ( كفاية بس ) ـ
.
تعالي جيبي تاني .
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
سلامات يا مهدي الله ـ ـ
| Quote: الاغراق في استخدام العامية ممكن يخلق صعوبة في فهم المعنى المقصود ، في حتات لازم ما نجاري التغيير الذي طال الكلمة الاصلية ، في تقديري احسن نكتبا كماهي في الفصحى ومن خلال السياق اللسان تلقائي كدة حيقراها بالعامية |
ملحوظة جيدة بس ياريت لو دعمتها بامثلة ـ ـ
Quote: نقطة اخرى: نحنا عايزين لهجة جامعة يتواضع عليها الناس لتكون هي اللهجة البيضاء السودانية (اللهجة البيضا هي خليط يجمع لهجات عربية مختلفة مع مسحة خفيفة جدا من الفصحى ظهرت اولا في ما يسمى بالاغاني الشبابية وبعد كدة ظهرت في الفضائيات)
هل هناك امكانية لوضع قواعد للهجتنا البيضا ام ان التوغل في استخدام العامية السودانية بمختلف لكناتها في الكتابة سيكرّس المناطقية والجهوية ونحنا(أصلن )ماناقصين تفرقة |
برضو دا رأي سليم ـ ـ
وأمنية ياريت تتحقق ـ ـ
ونلقي شعوب السوان تواضعت على لغة يعبرو بيها عن ثقافتم كلغة رسمية ـ ـ
شرطا أن تترك اللغات المحلية الأخرى تواصل تغزيتها وتمازجها الطبيعي ـ ـ
شكرا على الملاحظات ـ ـ
.
.
عايز : اريد ارغب / عايزين للجمع ـ ـ
خليك مواصل معانا ـ
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
Quote: ...وببنزلق لقلب السين صاد
|
امس الجمعة وفي سهرة اذاعة امدرمان في برنامج (رحلة عمر) – شعار البرنامج هو استعراض رحلة المسرح من خلال رحلة مسرحي - ضيف البرنامج كان فتح الرحمن عبدالعزيز ، مقدم البرنامج عزالدين هلالي شابكنا المصرح ... المصرح
وقبل شوية في خبر في التلفزيون من كسلا عن قيام قوات شرطة مكافحة الطهريب في كسلا بإبادة سلع مهربة محظورة وفاسدة
ماعايز اتمادى في ضرب الامثلة عن اخطائنا الشائعة عشان الناس ما تفتكر دا نوع من التأفف والطبرم .. واحدين يلقوك قاعد تتكلم كدة يحاولوا يرشوك ويدوك على راسك (تُقرأ: على راصك)
داير ازعلك (اسالك) اون دي حقتنا ....بس خايفك تقول لي كندو
التحية لك الملك ولكل المتواجدين
معليش لو بقيت من الناطقين بغيرها بفسر ليك كلامي بالمحكية
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: مهدي صلاح)
|
الأستاذ المنصور ـ ـ
تحياتي ـ ـ
Quote: عامية اللغة العربية في الكلمات المألوفة مفهومة للكثير سودانيون وغيرهم
أما حروف الحركة فمفهومة للسودانيين فقط الأحسن الجمع بينهما |
ملاحظة جيدة ـ ـ
أطمع في مساهمتك بقوة فأنت من أهل الباع في الشؤون المعرفية ـ ـ
| Quote: لو قرأنا تاريخ الرسل والأنبياء والأئمة بالدارجي البيحصل شنو؟ |
عادي جداً فهذه السير تناولتها أشعار المدائح ودروس المشايخ بعاميتنا ـ ـ
وكتب الآباء سيرهم وتاريخ مشائخهم وسلاطينهم باللغة السائدة في زمانهم ـ ـ
(مخطوطات الطبقات ، مخطوطات تاريخ سلاطين الفونج والعبدلاب ) ـ ـ
.
.
وجودك معانا مهم.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
الأكرم صلاح عباس فقيري ـ ـ
تحياتي ـ ـ
عفوا أخي فالعتب على النظرـ ـ
Quote: لغتنا أو لغاتنا الدارجة تفاعلت مع اللغة الفصحى،
فكان الناتج هو اللغة السائدة في أواسط السودان بالذات!
بعدين: في أغراض لا يمكن أصلاً تناولها بالدارجة الدارجة
زائد إنو أنا ملاحظ إنو لغتنا الدارجة المحكية،
تقترب يوماً بعد يوم من اللغة العربية (الفصحى)
يعني في مصطلحات كتيرة فصحى دخلت للغتنا المحكية،
زي واحد يقول ليك: (أنا شخصياً ..)!
أو (على العموم ...) |
كلام صحيح وهو أمر طبيعي فاللغة المحكية السائدة جذرها الفصحى ـ ـ
سواء في الوسط أو الأطراف ـ ـ
بل قد نجد في عامية الأطراف الفاظ أفصح من مقابلها في الوسط ـ ـ
واقتراب عامية الوسط من الفصحى أو باللأصح من لغة الثقافة العربية السائدة الآن ـ ـ
نتج بسبب المناهج التي فرضت ذلك بكل تعقيداتها القاعدية ـ ـ
والاقتراب والابتعاد كليهما خواص مرونة ودليل قدرة على تفاعل العامية مع محيطها ـ ـ
| Quote: بعدين: في أغراض لا يمكن أصلاً تناولها بالدارجة الدارجة |
ياريت تتوسع لينا أكتر في الحتة دي ـ ـ
شكرا لمساهمتك ـ ـ
وخليك مواصل .
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
الأستاذ محمد أبو العزائم ـ ـ
تحياتي ـ ـ
Quote: ولَ ـ البعض يكتبها هكذا والبعض يكتبها ـ واللا ـ دايرين اتفاق ..
حكاية الإتّفاق دي صعبة وفي أمثلة تانية عليها، يعني في ناس في صيغة إستنكارية يكتبوا (بالله .... أصلو ما معقول) ... وفي ناس يكتبوها (باللاي .... ياخ ما معقول) ... أظن الإتنين بيدوا الغرض. |
صحيح قد يصعب الاتفاق العام لأننا في الأصل لا نملك وسيلة لبلوغة ـ ـ
ولكن ربما في حدود نقاشاتنا هنا نصل لشيء ـ ـ
وإن عجزنا ليس ما يمنع تثبيت الطريقتين ـ ـ
| Quote: بس أنا في حاجة تانية أصلو ما واقعة لي، وهي بعض الأعضاء أثناء الكتابة يورد جملة زي (إقولوا ليهو تور إقول أحلبو) ..... إحساسي بالألف في (إقولوا) و(إقول) مفروض تكون ياء ... يعني (يقولوا ليهو تور يقول أحلبو |
ملاحظتك سليمة وأظنها عامية النيل الأبيض ـ ـ
حيث لاحظتها في كتابات بعض الإخوة هنا ـ ـ
قد تبدو غريبة للأذن عند البعض ـ ـ
ولكن مع احترامي لا ارى حرجا من تثبيتها ضمن طرق الكتابة ـ ـ
ما دامت سائدة بين شريحة مقدرة ـفضلا عن أن فهمها لن يشكل على الآخرين ـ ـ
يعني : بمعنى
بيدو/ بيدوا / يدو : يعطوا
أصلو / أصلا : أبداً
ما واقعه ليَ : بمعنى لم أتبينها
تور : ثور
احلبو : احلبه
.
.
شاكر ليك وطمعان في الزيادة.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
سلامات يا عاصم ـ ـ
Quote: يا ود البشري موضوع مرات بتكون سامع الزول قالوا عنها في البورد إنك بتقرا بأضنينك
لكن شايفها ما نقد سلبي بل إيجابي
كونك بتكون بتقرا لزول وكأنك سامعو دي حاجة كويسة
معناها خلاك تعيش مع الحكي بتاعو |
مافي شك مداخلتك بدون قصد أضفت على البوست الناشف دا ملحة ـ ـ
تقرا : تقرأ
إضنيك : اذنيك
سامعو : سمعته
حاجة كويسة / كويس : شيء حسن / حسن
خلاك: حسب السياق احيانا بمعنى جعلك/ وتأتي في سياق آخر بمعنى تركك
خطير بس بطل السهرـ ـ
مودتي لك .
| |
|
|
|
|
|
|
|
|
 Re: سودانيز وفن الكتابة باللغة المحكية ** (Re: محمد على طه الملك)
|
لقد أثار هذا الخيط أحاسيس الإعجاب والشجون في دواخلي الهشيمة، فجعلني اتطلّع لإثرائه بإضافاتٍ ربما كانت ذات نفعٍ لبعض المشاركاتِ والمشاركينَ في هذا المنبر الإسفيريّ الحافل بفلذات كبد الوطن الحبيب.
لقد عجبتُ لأمر بعض من كتبوا، يدّعونَ اتّفاقًا مسبّقًا مع القرّاء والكتبة، على طرقٍ محددةٍ لكلماتٍ شاعت ثم ماعت. فيا للهول
... لقد أَلْمُهِمُّ ....
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: جمال المنصوري)
|
الإخوة والأخوات الأكارم والكريمات ـ ـ
امسياتكم/ن طيبة ـ ـ
معليش مشاوير نهاية عطلة الأسبوع كانت طويلة ودي الرجعة ـ ـ
هسه الحيل مهدود ـ ـ
سوف أعود غدا بإذنه تعالى لتكملة الردود ـ ـ
ما ذلت اتوقع رؤيتكم وتصوراتكم حول طريقة تصنيف وتبويب طريقة الكتابة ـ ـ
ولم ترد استجابة بصورة عملية سوى من الأستاذ كبر له الشكر.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
| Quote: الغريبة (دنقلا ) دي تنطق ضاد وكأقوى ما يكون الضاد لكن تُكتب بالدال واللي حيطيّر برج من نفوخي الالف الاخيرة بدلا عن التاء المربوطة |
سلامات يا مهدي الله ـ ـ
كلامك صاح وكتابتها بالدال والهاء المربوطة اصح حاجة ـ ـ
ولكن زيما بقولو خطأ مشهور ولا صواب مجهول ـ ــ
كتابة أسماء المدن بالعربية كان لموظفي البوستة في الماضي القدح المعلى على إشهارها ـ
وكانوا من المصرين والشوام ويقومون بترجمتها عن الإنجليزية ـ
مدينة ارقو في الشمال كانت تكتب في الدوائر الحكومية (ارجو) ـ ـ
.
.
خاج النص : إر إساي دي ري ؟
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
Quote: الدارجي البنتكلم بيهو في النهايه بتفدر تفك طلاسمه
لكن تعال للكلمات الما عربيه واصبحت مصطلح شائع وتتكتب بحروف عربية |
سلامات وليد ـ ـ
ملاحظتك في محلها ـ ـ
زي الكلمات دي عندها مقابل ( كنية ) لكينها نادرا ما تستخدم في اللغة المحكية ـ ـ
أل شنقراي ديل من شرق السودان وياريت نسمع منك اكتر حول اللغة المحكية في الشرق ـ ـ
شكرا على المشاركة.
بتقدر : تستطيع
تعال : نداء للحضور
لكين تعال / لكن تعال شوف : تستخدم بمعنى تعال و أنظر
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: ماجدة عوض خوجلى)
|
الأستاذ الشقليني ـ ـ
أكرمك الله ـ ـ
Quote: كتب البروفيسور " سيد حامد حريز " كتاباً حول منهاج كتابة اللغة العامية ،
وهو خير دليل ، وقد كتبه قبل أكثر من عقد من الزمان .
وفيه كل شيء . لا توجد لدي نسخة الآن . |
شكرا على المعلومة ـ ـ
للأسف لم أطلع عليه ـ ـ
على زمان التلمذة شاهدت كتاب للبروف على ارفف مكتبة بك شوب ـ ـ
ربما كان هو الكتاب الذي تعني ـ ـ
للأسف لم اقتنيه ولا اطلعت علية فقد كانت اهتماماتي قصصية وتاريخية وفلسفية آنذاك ـ ـ
آمل أن يكون بحوزة احد العضوية او القراء فيمدنا بمعلوماته ومنهجه ـ ـ
وسوف يجدون بريدي الالكتروني ادنا ـ ـ
لك كل الثناء اطمع في المزيد منك .
[email protected]
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
سلامات يا منى ـ ـ
وحشة السنيين ـ ـ
تعالى هنا شنو نقرا معاكم دي!؟
بلأول انزلي من حمارك دا ـ ـ
قايلانا ما عندنا قهوة والَ ما عندنا عدَة؟
بمناسبة القهوة ـوعدَتا ـ
على أيام سنتي الأولى في كسلا ـ ـ
يوم من الصباح قبال البس واطلع الشغل ـ ـ
سمعت حركة عربية وقفت وزول دق الباب ـ ـ
طلعت فتحت الباب لقيت شيخ سليمان بيتاي ( طاب ذكره حيا كان أم ميتا) ـ ـ
- اتفضلو ـ ـ
وكعادتو بوكسيه بكون مستف بالحيران ـ ـ
دخلوا الصالون وقبال يقعدو شيخ سليمان قال ليَ لحقنا القوة ـ ـ
المفارقة لا أنا ولا المدام في الوكت داك بنشرب قهوة ـ ـ
قطعت المسافة بين الصالون والمطبخ ورجليي ما شايلاتني اتمتم براي ـ ـ
هسه الناس ديل اجيب ليهم قهوة من وين ؟
أنا ما حصل جبت بن ـ ـ
ولا في دكان قريب اختف رجلي اجيب بن ـ ـ
انق بى جو نفسي وداخل لحد ما لقيت المدام قدامي بتسألني :
في شنو مالك بتبرطم براك؟ والجو ديل منو؟
- سيبك من الجو هسع عندك بن ؟
أيوة ـ ـ
تصدقي حضنتها من الفرحة ـ ـ
يللا يا ستي الجماعة ديل دايرين قهوة سريع ـ ـ
اقل من ساعة زمن وكانت ترامسي ملانه دخلت بيها الصالون ـ ـ
الجماعة كل واحد شطف ليهو فنجان على السريع وقامو ـ ـ
أنا طبعا على غباي افتكرتهم مقدرين إني بعد شوية مفروض اطلع للشغل ـ ـ
عشان كدا استعجلوا القيام ـ ـ
بعد وقفوا شيخ سليمان قال لي :
تزقينا قهوة بايتة يا ملك؟
- أفو ـ ـ براي بي نفسي ـ ياربي الولية دي شيلتني قهوة ساواها من امبارح؟
نهايتو حلفت عليهم يقعدو ـ ـ
شلت ترامسي ودخلت عايز اطق من الزعل ـ ـ
كيييييف المره دي تسوي فوقي كده!!؟؟
ختيت الترامس وقلت ليها إنت جنيتي ؟ كيف تقدمي للناس قهوة بايتة !؟
الولية طيرت عيونا ـ ـ
كيف بايتة !؟
- انا عارف الناس الشربوها قالو كدا ـ ـ
صنت شوية وقالت لي خلاص أنا فهمت ـ ـ
_ فهمتي شنو!؟
خليك هسه ـ ـ ناولني الكانون من المخزن سريع ـ ـ
- حاضر ـ ـ
ربع ساعة تاني هبت الكانون وملت القلاية بن وقلبتو شوية وقالت لي شيل الكانون ودي ليهم ـ ـ
_ بي قلايتو !؟
أيوه ـ ـ
- كيف يعني معقول ! الجماعه ديل بحرقوا السجاد ؟
خلي الحجة ـ خت الكانون مع قلاية البن برة تحت الشجرة وخش كلمهم بطلعوا براهم ـ ـ
شلت كانوني وقلاية البن والشرقرق ـ ـ
ختيتم برة قدام الصالون وخشيت قلت ليهم البن برة ياجماعة ـ ـ
جو طالعين اول ما شافو العدة شيخ سليمان قال: أيوه كده يا ملك ـ ـ
طوالي واحد من الحيران مسك الشغل ـ ـ
دخان البن المحروق ملأ الحوش ـ ـ
من ديك بقيت اشرب القوة مرة مرة ـ ـ
اما المدام فاصبحت خبيرة ومن ديك ما سابت شراب القوة لحد صباح اليوم ـ ـ
.
.
تعالي يللا جيبي عدتك واحكي لينا.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
الأخ المنصوري ـ ـ
تحياتي ـ ـ
| Quote: زمان الانجليز عملو كتاب للدارجية السودانية، اسمه (sudanese colloquial arabic ) المؤلفين هم ( احمد حسين،اندرو بيرسون، وجانيت بيرسون ) والدي الله يطول في عمرو عندو واحد منو، كتاب ممتع ورائع.. فيهو قصص من التراث..ان شاء الله اذا لقيت النسخة ح ارفعها ليكم في البوست ده.. |
اطلعت على مداخلاتك ولك كل التقدير على المعلومة ـ ـ
اتمنى أن تثري البوست بمعلومات هذا الكتاب المكتوب بالأحرف اللاتينية ـ ـ
علمت أن اللغة النوبية مكتوبة أيضا بالحروف اللاتينية ـ ـ
ويوجد انجيل بالنوبية ذات الأحرف اللاتينية ـ ـ
يدك معانا لانو التصنيف والتصفيف يحتاج لمشاركتك .
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: معاوية المدير)
|
أبو ذر عمر ـ ـ
تحياتي ـ ـ
Quote: * و فى هذا المقام لا مندوحة من التعريج للأغنية السودانية (كلماتها) و القابلية لإحتضان اللحن بحنو لايضاهى فى الفصحى..
× الأشعار السودانية و أخص الأب الروحى لهذا البلد (محجوب شريف) و رصفائه...
* المزج الحذر بين العربية و الفصيحة ( الكتيابى كمثال)..
فهلا سمعنا و قرأنا تفاكيركم فى هذه الأمور المحورية (للغة و الثقافة بوجه أعم).. |
أشعار الأغاني بوجه خاص أغاني الحقيبة ـ ـ
وأشعار محجوب والكتيابي واسماعين ود حد الزين وغيرهم ـ ـ
هي قطع شك مراجع ثرية للغتنا المحكية ـ ـ
ذكرتي سنة 74 وغنية (الرحيل) على السنتنا ومثار نقاشاتنا كطلاب ـ ـ
كتبت مقال نشر وقتها بجريدة الصحافة كان بعنوان:
( جلسة فوق التراب مع اسماعيل حسن ووقفة مع التجاني سعيد بين مدرجات الجامعة )
أشرت فيهو للتطور الذي احدثته هذه القصيدة في انساق الشعر الغنائي السوداني ـ ـ
سواء من حيث بلاغة المضمون أو الأخيلة الشعرية أوالصورة المحكية ـ ـ
وأذكر في معنى ما كتبته :
( ـ ـ كثير من الاخيلة والتصورات التي كانت تزحم الشعر الغنائي
مثل الغزال فوق في السلم ـ كناية عن بعد وصعوبة لقاء الحبيب ـ
لم تعد جاذبة وفاتنة لجيل الشباب ، حيث تجاوزت انماط تهويماته حواجز الرمزية الكلاسيكية )ـ ـ
ـ
ـ
قلت أرحل ـ ـ
أسوق خطواتي من زولاً نسى الإلفة ـ ـ
أهوَم ليل ـ ـ
أساهر ليل ـ ـ
أتوه مِن مرفى لي مرفى ـ ـ
أبدل ريد بعد ريدك ـ ـ
عشان يمكن يكون أوفي ـ ـ
رحلت وجيت ـ ـ
في بعدك لقيت كل الأرض منفى ـ ـ
عيونك زي سحابة صيف ـ ـ
تجافي بِلاد وتسقي بِلاد ـ ـ
وزي فرحاً يشيل مني الشقا ويزداد ـ ـ
وزي كلمات بتتأوّه لمن يجي الميعاد ـ ـ
وزي عيداً غِشاني وفات عاد عمّ البلد أعياد ـ ـ
وزي فرح البعيد العاد ـ ـ
وزي وطناً وكت أشتاقلو برحل ليهو من غير زاد ـ ـ
بدون عينيك بصبح زول بدون ذكرى وبدون ميـــلاد ـ ـ
رحلت وجيت في بعدك لقيت كـــل الأرض منفى ـ ـ
زمان الفُرقة والتجريح ـ ـ
بسيبو عشان تشيلو الريح ـ ـ
بسيبو عشان صحيح الذكرى بتّوِّه عُمرنا صحيح ـ ـ
وانتِ معاي لا بندم ولا بقضي العمر تبريح ـ ـ
أصلو العُمر شوقاً كان ، حزناً كان ، وصبراً كان ، فسيح وفسيح ـ ـ
أصلو العمر درباً مشيتو كسيح ـ ـ
كان غرساً سقيتو بُكى وقبضت الريح ـ ـ
رحلت وجيت ـ ـ
في بعدك لقيت ـ ـ
كل الأرض منفى ـ ـ
.
.
قطع شك صدى صوت وردي لازال يتررد في اضانك ـ ـ
شكرا ليك .
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
تبارك صاحب الريشة ورياش المعاني ـ ـ
معزتي التي تعلم ( بس مزاجك ما مضمون ) ـ ـ
| Quote: لقد أثار هذا الخيط أحاسيس الإعجاب والشجون في دواخلي الهشيمة، فجعلني اتطلّع لإثرائه بإضافاتٍ ربما كانت ذات نفعٍ لبعض المشاركاتِ والمشاركينَ في هذا المنبر الإسفيريّ الحافل بفلذات كبد الوطن الحبيب. |
جيب من جوة ـ ـ
| Quote: لقد عجبتُ لأمر بعض من كتبوا، يدّعونَ اتّفاقًا مسبّقًا مع القرّاء والكتبة، على طرقٍ محددةٍ لكلماتٍ شاعت ثم ماعت. فيا للهول |
دي بداية عنكبة نقدية ـ ـ
الف مرحب ـ ـ
خلينا نريح ناس البوستات التانية من غزواتك الليلية الخطيرة.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
سلامات يا حيدر ـ ـ
Quote: صدق الشيخ محي الدين بن عربي حين قال "أليست الحروف أمة من الأمم"
وبالفعل يتجلى بهاء الحروف في عاميتنا الحلوة المتنوعة
شخصيا أرتاح للبوستات المكتوبة بلغة الحكي المريح مثل دراما تلفزيونية لا تشعرك بالملل |
كما تفضلت لغة الحكي في الدراما ـ ـ
هي التي تضفي على العمل ـ ـ
الطابع الذاتي المتفرد للثقافة السائدة في البلد ـ ـ
لعلك لا حظت الدراما المصرية ـ ـ
لم تغفل التنوع الثقافي في مجتمعاتهم ـ ـ
فعبرت بللغة الاسكندرانية ـ ـ
والصعيد الجواني على قدم المساواة مع اللغة القاهرية ـ ـ
ـ
شكرا للطلة وآمل تواصلك .
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
ماجدة الماجدة ـ ـ
بقيتي بالنسبة لقرائك زي هلال رمضان ..
تعطشيهم وترويهم وتهلي عليهم في الحول مرة ـ ـ
| Quote: السودان بلد زاخر بالغات المحكيه العجب عندنا فى مناطق الشايقية |
إلا نص نضمم رطانة ـ ـ
إماكي مصدقاني اسعلي ود المدير داـ ـ
.
.
أدينا من دهبك الصوفي ولو خمس جرام.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
Quote: لعلك لا حظت الدراما المصرية ـ ـ
لم تغفل التنوع الثقافي في مجتمعاتهم ـ ـ
فعبرت بللغة الاسكندرانية ـ ـ
والصعيد الجواني على قدم المساواة مع اللغة القاهرية ـ ـ |
سلامات تاني يامحمد
ما يتعلق بالدراما ولغتها
تلاحظ - على سبيل المثال - لغة المسرح عندنا هي لغة او لهجة أهل وسط السودان
ماعارف ... هل هي وسيط كاف لتوصيل اي عمل درامي / مسرحي لعموم اهل هذ البلد ؟
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: محمد على طه الملك)
|
بوست رائع ومهم ..
بالطبع الكتابة باللغة المحكية تقودنا للهجاتنا المحلية المتعددة والمتنوعة والمركبة ..
بالنسبة للتعدد في اللهجات وكون كل منطقة لديها لهجتها الخاصة او لكنتها الخاصة امر معروف ، لكن كون لهجاتنا مركبة واعنى على مستوى اللهجة الواحدة تجد ان هنالك "جيوب" لغوية ان صح التعبير ، مثلا في بيتنا حبوبتي بتتكلم لهجة ، ابوي وامي بتكلموا لهجة قريبة من لهجة امهاتهم لكنها مختلفة ، انا واشقائي نتكلم لهجة اخرى ، اعني هنالك الكثير من المسميات او الحروف ننطقها بطريقة مختلفة ، كما ان البنات ايضا يتكلمن بطريقة مختلفة ايضا ، وظاهرة اللهجات النسوية موجودة في المجتمعات التي تعاني فيها المرأة من نوع ما من انواع العزلة او الطوق الاجتماعي ، ولذا تطورت لهجات النساء فيها بمعزل عن اللهجة التي يتحدث بها الرجال ، ولذا في الارياف على وجه الخصوص تختلف لهجة النساء كثيرا عن الرجال .
لكن ما لاحظته منذ السبعينات والى اليوم هو الديناميكية العالية للهجات السوادنية حيث تجدد نفسها باستمرار وهذا ما أفرز وجود ثلاث لهجات في اسرة واحدة كما أسلفت ، الملاحظة الثانية هي ان ديناميكية اللهجات السودانية تسرع بها صوب امدرمان ، تتساقط مفردات كثيرة كل يوم في جهات مختلفة في السودان وتحل محلها مفردات امدرمانية ، اتذكر تماما كيف كان الناس يتكلمون في قريتي في السبعينات وادرك تماما مدى التغيير الذي حدث عندما اسمعهم يتلكمون اليوم .. ولذا يمكن الحديث / الوصول عن / ل لهجة جامعة تكون بمثابة لينغوافرانكا ..
تحياتي الملك والجميع
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: Abdullah Idrees)
|
الأخ طارق ميرغني ـ ـ
تحياتي ـ ـ
هذا اللفظ فعلا يستخدم بالطريقتين وحيات/وحات ـ ـ
لمن كنا / لما كنا : عندما كنا
يكشونا/ كشوهو : تستخدم بمعني الرفد من الخدمة / وأيضا كوصف لمن يتعرض للأخذ أو الحجز بواسطة حملات الشرطة في الأسواق وحملات النظام العام
ركبو ليهو : ركبوا معه
نسوان : نساء
قالن لو: قالن له
قام قال : بدأ القول
على طول : بمعنى مباشرة / أيضا بمعنى دائما / باستمرار( الشافع دا ببكي على طول )
كضاب : كذاب
مش : تستخدم بمعنى النفي (كان قلت وحاة المهدي مش وحياة المهدي) كما تستخدم في صيغة استفهامية ( مش قلت ليك ؟ )
ـ
ـ
شكرا على المشاركة الظريفه ـ ـ
خليك مواصل.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: معاوية المدير)
|
Quote: أُمي : يُمّة
أبي : أبوي
جدتي : حبوبتي.
أها، حبوبة دي جات من ووووين ؟؟؟ |
ود المدير فى البداية نسلم عليك
واما بعد السلام والتحية احب اقول ليك ...الفيك اتعرفت ... وانت بس قول واحد..... برااااااك ابديت
وبعدين منو القال ليك جدتى حبوبتى ... انا دى جدتى يمة ... وبعد اماكن يمة أبوى
محمد طه عنك طيب وبخير ...
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: ماجدة عوض خوجلى)
|
| Quote: مرفأ ... البيبقيها مرفى شنو؟ |
الاجابة: المحكية ... عشان تلفِـــق مع إلفة و منفى وباقي القافية
رجاءًا اعتبرني ما قتّا حاجة يا استاذ تبارك ... بعد ما كتبتا كلامي دا ازّكرتا انك وبحسب بروفايلك متلقي حجج بدرجة الاحترافية والتداخل معك قد يكون له مابعده
المهم
| Quote: مدينة ارقو في الشمال كانت تكتب في الدوائر الحكومية (ارجو) |
ارجو منكم ؟ ... اووو يكا
اسم قريتي سورتود في منطقة دنقلا برضو بيتغيّر عند الناطقين بغيرها .. والغريبة بيكسّروها ويلحنوا فيها بطريقة موحدة ... بيخلوها سارتود ...فتح ومد للسين مع انو نحنا بننطقا مضمومة من اولها لآخرها
===
أي سارتوندري... إر اساي دري
مناطقكم تقريبا هي ايماني والسير والحتات دي ولّ ماكدة ... (الملك) و(مهدي الله) يدعمان حدسي
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: مهدي صلاح)
|
الأكرم عبد الله إدريس ـ ـ
تحياتي ـ ـ
Quote: بالطبع الكتابة باللغة المحكية تقودنا للهجاتنا المحلية المتعددة والمتنوعة والمركبة ..
بالنسبة للتعدد في اللهجات وكون كل منطقة لديها لهجتها الخاصة او لكنتها الخاصة امر معروف ، لكن كون لهجاتنا مركبة واعنى على مستوى اللهجة الواحدة تجد ان هنالك "جيوب" لغوية ان صح التعبير ، مثلا في بيتنا حبوبتي بتتكلم لهجة ، ابوي وامي بتكلموا لهجة قريبة من لهجة امهاتهم لكنها مختلفة ، انا واشقائي نتكلم لهجة اخرى ، اعني هنالك الكثير من المسميات او الحروف ننطقها بطريقة مختلفة ، كما ان البنات ايضا يتكلمن بطريقة مختلفة ايضا ، وظاهرة اللهجات النسوية موجودة في المجتمعات التي تعاني فيها المرأة من نوع ما من انواع العزلة او الطوق الاجتماعي ، ولذا تطورت لهجات النساء فيها بمعزل عن اللهجة التي يتحدث بها الرجال ، ولذا في الارياف على وجه الخصوص تختلف لهجة النساء كثيرا عن الرجال .
لكن ما لاحظته منذ السبعينات والى اليوم هو الديناميكية العالية للهجات السوادنية حيث تجدد نفسها باستمرار وهذا ما أفرز وجود ثلاث لهجات في اسرة واحدة كما أسلفت ، الملاحظة الثانية هي ان ديناميكية اللهجات السودانية تسرع بها صوب امدرمان ، تتساقط مفردات كثيرة كل يوم في جهات مختلفة في السودان وتحل محلها مفردات امدرمانية ، اتذكر تماما كيف كان الناس يتكلمون في قريتي في السبعينات وادرك تماما مدى التغيير الذي حدث عندما اسمعهم يتلكمون اليوم .. ولذا يمكن الحديث / الوصول عن / ل لهجة جامعة تكون بمثابة لينغوافرانكا .. |
مداخلتك الملانه دي لخصت مضمون البوست ونتيجتو المأمولة في المستقبل ـ ـ
توثيق طريقة الكتابة يمكن يمهد الطريق لظهور لسان سوداني يتعامل به الغالبيةـ ـ
نعم قد تبدو هنالك صعوبة إن نظرنا إلي اللغة المحكية من زاوية طبيعتها الديناميكية ـ ـ
ولكن من زاوية أخرى تعتبر هذه الطبيعة الحركية ـخاصية ايجابية تسمح بالتمازج المطلوب ـ ـ
.
.
شكرا مرة أخرى وخلى سهمك معانا.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: مهدي صلاح)
|
مرحب بيك في سودانيز يا ولدنا ـ ـ
وإذا طلع صلاح عثمان أبوك تبقى حكاية ـ ـ
لإنو كان زميلي في دنقلا الأهلية الوسطى ـ ـ
مناطقكم تقريبا هي ايماني والسير والحتات دي ولّ ماكدة ... (الملك) و(مهدي الله) يدعمان حدسي
كلامك صاح الأسرة العريضة من حد لبب وشرقها مرورا بأرقو لحد كرمة ـ ـ
أما قريتي تحديدا فهي جزيرة بنا برضو بكتبوها في دوائر الحكومة بنة.
| |
|
|
|
|
|
|
|
|
|
Re: سودانيز وفن الكتابة باللغة المحكية ** (Re: الطيب شيقوق)
|
Quote: سلامات يا منى ـ ـ
وحشة السنيين ـ ـ
Quote: نقرا معاكم..
تعالى هنا شنو نقرا معاكم دي!؟
بلأول انزلي من حمارك دا ـ ـ
قايلانا ما عندنا قهوة والَ ما عندنا عدَة؟
بمناسبة القهوة ـوعدَتا ـ
على أيام سنتي الأولى في كسلا ـ ـ
يوم من الصباح قبال البس واطلع الشغل ـ ـ
سمعت حركة عربية وقفت وزول دق الباب ـ ـ
طلعت فتحت الباب لقيت شيخ سليمان بيتاي ( طاب ذكره حيا كان أم ميتا) ـ ـ
- اتفضلو ـ ـ
وكعادتو بوكسيه بكون مستف بالحيران ـ ـ
دخلوا الصالون وقبال يقعدو شيخ سليمان قال ليَ لحقنا القوة ـ ـ
المفارقة لا أنا ولا المدام في الوكت داك بنشرب قهوة ـ ـ
قطعت المسافة بين الصالون والمطبخ ورجليي ما شايلاتني اتمتم براي ـ ـ
هسه الناس ديل اجيب ليهم قهوة من وين ؟
أنا ما حصل جبت بن ـ ـ
ولا في دكان قريب اختف رجلي اجيب بن ـ ـ
انق بى جو نفسي وداخل لحد ما لقيت المدام قدامي بتسألني :
في شنو مالك بتبرطم براك؟ والجو ديل منو؟
- سيبك من الجو هسع عندك بن ؟
أيوة ـ ـ
تصدقي حضنتها من الفرحة ـ ـ
يللا يا ستي الجماعة ديل دايرين قهوة سريع ـ ـ
اقل من ساعة زمن وكانت ترامسي ملانه دخلت بيها الصالون ـ ـ
الجماعة كل واحد شطف ليهو فنجان على السريع وقامو ـ ـ
أنا طبعا على غباي افتكرتهم مقدرين إني بعد شوية مفروض اطلع للشغل ـ ـ
عشان كدا استعجلوا القيام ـ ـ
بعد وقفوا شيخ سليمان قال لي :
تزقينا قهوة بايتة يا ملك؟
- أفو ـ ـ براي بي نفسي ـ ياربي الولية دي شيلتني قهوة ساواها من امبارح؟
نهايتو حلفت عليهم يقعدو ـ ـ
شلت ترامسي ودخلت عايز اطق من الزعل ـ ـ
كيييييف المره دي تسوي فوقي كده!!؟؟
ختيت الترامس وقلت ليها إنت جنيتي ؟ كيف تقدمي للناس قهوة بايتة !؟
الولية طيرت عيونا ـ ـ
كيف بايتة !؟
- انا عارف الناس الشربوها قالو كدا ـ ـ
صنت شوية وقالت لي خلاص أنا فهمت ـ ـ
_ فهمتي شنو!؟
خليك هسه ـ ـ ناولني الكانون من المخزن سريع ـ ـ
- حاضر ـ ـ
ربع ساعة تاني هبت الكانون وملت القلاية بن وقلبتو شوية وقالت لي شيل الكانون ودي ليهم ـ ـ
_ بي قلايتو !؟
أيوه ـ ـ
- كيف يعني معقول ! الجماعه ديل بحرقوا السجاد ؟
خلي الحجة ـ خت الكانون مع قلاية البن برة تحت الشجرة وخش كلمهم بطلعوا براهم ـ ـ
شلت كانوني وقلاية البن والشرقرق ـ ـ
ختيتم برة قدام الصالون وخشيت قلت ليهم البن برة ياجماعة ـ ـ
جو طالعين اول ما شافو العدة شيخ سليمان قال: أيوه كده يا ملك ـ ـ
طوالي واحد من الحيران مسك الشغل ـ ـ
دخان البن المحروق ملأ الحوش ـ ـ
من ديك بقيت اشرب القوة مرة مرة ـ ـ
اما المدام فاصبحت خبيرة ومن ديك ما سابت شراب القوة لحد صباح اليوم ـ ـ
. |
.
تعالي يللا جيبي عدتك واحكي لينا.
____________________________________________
أها قولنا كده بسم الله..
نزلت من حمارتي .. (أراحكاكم) نتونس..
اولا (بالتبادي) سلام (يغشاكم) واحد واحد..
وياها دي محل الجبنه.إن (درتو) تقعدو فوق "ال وا طة" مرحب (تراها مقشوشة) ومرشوشة..
(والداير) يقعد في البنابر اليقعد..والداير (البرش) برضه ياهو ده مفرش..
..........
..........
القهوه وشيخ سليمان وآل بيتاي كلهم أهلنا الكريمين أهل الخلاوي وأصحابها في هامشكوريب محل الجبال ونخل الدوم..
تشرب البن عندهم وعند كل أهل الشرق تاني تحردوا في أي مكان تاني..
تقوم الفجر انت والمؤذن والديك والحمار (والزولة البتسوي) الجبنه وأدان الفجر الأول..
تسمع صوت دقات الفنادق في كل بيت بإيقاع مختلف والدنيا لسة (ضلومة)
تشم البن وهو بيتقلي..(تعاين) لكل الطقوس والفنجان البكري يشهيك القعادأكتر..
جنزبيل ولا فلفل أسود؟!
.......
.......
وإنتا بي صحك دايرتجيبلهم قهوه في سيرموس؟؟
والله أنا دي ما أقبلها خليك من ناس شيخ بيتاي أهلها (بالصح)
(كدي عاين) شوف زولتنا الحلوة دي في أديس وقعدة قهوتها(الما خمج.).
عليك الله ماحاجة تطول العمر؟؟
| |
|
|
|
|
|
|
| |
محمد على طه الملك
الطيب شيقوق
عبدالله الشقليني
جمال المنصوري
امينة عيسى
مهدي صلاح
محمد البشرى الخضر
محمد المرتضى حامد
محمد حيدر المشرف
معاوية المدير
سارة عيسى أحمد
عبدالله عثمان
Kabar
فيصل محمد خليل
Rawia
محمد أبوالعزائم أبوالريش
اسماعيل عبد الله محمد
Asim Fageary
حيدر حسن ميرغني
الشامي الحبر عبدالوهاب
walid shingrai
Muna Khugali
طارق جبريل
Abuzar Omer
تبارك شيخ الدين جبريل
ماجدة عوض خوجلى
Abdullah Idrees
حمد عبد الغفار عمر
فيس بوك
تويتر
انستقرام
يوتيوب
بنتيريست