سودانيز وفن الكتابة باللغة المحكية **

Quote: أراحكاكم نمشي..

Quote: أها قولنا كده بسم الله.. نزلت من حمارتي .. (أراحكاكم) نتونس.. اولا (بالتبادي) سلام (يغشاكم) واحد واحد.. وياها دي محل الجبنه.إن (درتو) تقعدو فوق "ال وا طة" مرحب (تراها مقشوشة) ومرشوشة.. (والداير) يقعد في البنابر اليقعد..والداير (البرش) برضه ياهو ده مفرش.. .......... .......... القهوه وشيخ سليمان وآل بيتاي كلهم أهلنا الكريمين أهل الخلاوي وأصحابها في هامشكوريب محل الجبال ونخل الدوم.. تشرب البن عندهم وعند كل أهل الشرق تاني تحردوا في أي مكان تاني.. تقوم الفجر انت والمؤذن والديك والحمار (والزولة البتسوي) الجبنه وأدان الفجر الأول.. تسمع صوت دقات الفنادق في كل بيت بإيقاع مختلف والدنيا لسة (ضلومة) تشم البن وهو بيتقلي..(تعاين) لكل الطقوس والفنجان البكري يشهيك القعادأكتر.. جنزبيل ولا فلفل أسود؟! ....... ....... وإنتا بي صحك دايرتجيبلهم قهوه في سيرموس؟؟ والله أنا دي ما أقبلها خليك من ناس شيخ بيتاي أهلها (بالصح) (كدي عاين) شوف زولتنا الحلوة دي في أديس وقعدة قهوتها(الما خمج.).

Quote: لغة المسرح عندنا هي لغة او لهجة أهل وسط السودان ماعارف ... هل هي وسيط كاف لتوصيل اي عمل درامي / مسرحي لعموم اهل هذ البلد ؟

Quote: ارحكم

Quote: عامنول : العام الماضي. دحين : هذا الحين. زي اوّل لي دحين : كما كانت أو كما كان في السابق. نعمِنّك : نعم إنّكَ. نعمِنّك ما بتجينا.. نعم إنّك لا تأتي لنا. العجبولك : العجب لك. سِت اللمنتي ليك : يا سيدي لك الأمان.

Quote: ود المدير بطل حركات وتعال فضي مخلاتك ـ ـ وإن بقيت تسوى كده بمشي بخمش من القصائد ديك ـ ـ سجن سجن غرامة غرامة .

Quote: لغه النساء ومسطلحاتهم ما عندها علاقه بعزله المرأه

Quote: سلام يا كرام الأستاذ اقبال المرضي تحياتي كثير من اعلماء يرى أن لعزلة النساء - في كل المجتمعات - أثر على نشوء وتطور مصطلحات خاصة بهن وليس الأمر وقفا على النساء بل يتعداه لكل مجتمع مغلق أو منعزل على نفسه، مثل مجتمع الرياضة له لغة خاصة ومن يتعاطون الحشيش الخ الخ أقتبس هنا جزء من رسالة دكتوراة عن اللهجة السودانية بحثت، متوكاة على آراء عدد من العلماء، في هذا الأمر: in Sudan, for a long time, there has been a dichotomy between males and females. Each has his/ her own domain where they develop, among several other things, their own dialect that you may not find in the mainstream SAD. This phenomenon prevails in several other countries, but in Sudan for sure it has some dimensions that exist nowhere else. It is a taboo that neither males nor females could approach; no domain could speak the other’s domain dialect. Period. This is just an example and you could still find some other examples in religious domains up to the jargon of the football fans, a domain that witnesses a growing popularity in Sudan. (Ibrahim, 1987; McHugh, 1994; Pauwels, 1998

Quote: فاطمة __ فاطنة عائشـــة __ عشــه خديجة __ خجيجه أسمــاء __ اسما رقيـة __ رغيه أم كلثوم __ كلتوم .... في حروف ما بتستعمل عند العامة حـرف الثاء _ والذال _ تنطق الثاء _ سين أو تاء ... زي الثعلب ...( السعلب) .. والثالثة ...( التالتة) والذال _ زاي .. الذنب ( الزنب ) ..... ودي أدوات .. نشـــــــوف : أجي ! ___ معقول نـان ___ لكن هيلك ___ هو لك هديييييك ___ هي تلك فدّ مرة ___ مرة واحدة ســواتك دي __ اعمالك يـاهو كدي ___ وهو كذلك

Quote: فكرة تجميع الكلمات العامية وتوضيح معانيها بالفصحى، جميلة بلا شك ومفيدة وخادمة لأهداف كبيرة ونبيلة ..وجادة لأقصى حد... وأتمنى أن تتواصل الفكرة ، وتمظهرها في هذا المفترع ، وتتطور إلى موسوعة إلكترونية للهجات العامية السودانية ... وأتمنى أن يلتقط بكري خيط المبادرة ويخصص منبر قاموس اللهجات العامية السودانية ، ويضع له أيقونة دائمة على رأس المنبر ... وأتمنى أن يتم رفد المفردات المتعلقة بأسماء أشياء أو أدوات ، بصور فوتوغرافية وشرح وظيفي وما إلى ذلك من معلومات تفيد الدارسين والباحثين و وتبقى للأجيال القادمة .... وأتمنى ، أن تكون المادة المتوفرة بهذا المفترع هي ضربة البداية ...وأن يتنادى لها الجميع بالحدب والرعاية المتواصلة ... وأتمنى لو الناس إشتغلت أكتر في حتة التصنيف بصورة علمية ، وقد ذكرتم ذلك في بداية المفترع أستاذي الملك ، وأتمنى أن يتكرم الإخوة المتخصصين في علوم اللغات ويرفدوا الخيط بتصنيف على أسس علمية تدفع بمجمل الجهد المبذول هنا ، تجاه إنجاز قاموس إلكتروني رصين -- ويمكن أن يصبح نواة لموسوعة شاملة .. -- وربما يكون من المناسب إتباع طريقة تبويب القواميس الشهيرة ...أوالجمع بين عدة طرق للوصول إلى أنسب طريقة -- أتمنى ، وأمنياتي كتار خلاس ، أن يرفد أعضاء المنبر وقرائه بالمزيد من المفردات والتعابير ، كل بما توفر لديه من معارف..لتتم عملية التجسير الثقافي بما يخدم التفاهم والتعايش المشترك ..وما إلى ذلك من حنك سياسي ، شغال تش في كل الدنيا ، بس عندنا عاضي .... أخونا كبر قدم مشاركة جيدة ، ولكن أعتقد بأن لديه المزيد لرفد الخيط بمفردات اللهجة البقارية -- وبريمة ، لو فضى من موضوع كتابو ، ممكن يقدم الكتير في هذا الإتجاه ... كذلك اللهجات الدارفورية ...غنية ومليئة بحكم وأمثال جميلة ومعبرة للغاية وطريفة في نفس الوقت ...فمن منكم لم يضحك ويندهش لجمال تعبير مثل : جراداية في سروال ولا بيعضي إلا قعادو ولا حلو ... أو شنقلي طوباية تلقي دهباية ... الفي سروالو قد ولا بيفنقل هذه أمثال منقولة من الذاكرة وقد أكون مخطئا في صياغتها ، ولكن القصد أن هنالك مزيد من الكنوز الثقافية التي يمكن أن تثري فكرة هذا الخيط ... أما عن قاموس الشرق ، فشايفك أستاذي ود الملك ، تعلمت شراب القهوة هناك ، وممكن يكون عندك الكتير ....وبقية الأحباب من الشرق أعتقد يمكن أن يرفدو الخيط بمفردات لهجاتهم وحكمهم وأمثالهم ... وهكذا ...معليش على الإستطراد ، أهو الكلام بيجر بعضو .... شاكر صبركم .. وممكن أرجع أبراكم تانية كم برية كدة ...استحملوا ...

Quote: شنقل / فنقل

Quote: ود المدير فى البداية نسلم عليك واما بعد السلام والتحية احب اقول ليك ...الفيك اتعرفت ... وانت بس قول واحد..... برااااااك ابديت وبعدين منو القال ليك جدتى حبوبتى ... انا دى جدتى يمة ... وبعد اماكن يمة أبوى محمد طه عنك طيب وبخير ...

Quote: كان السفر إلى مكة المكرمة بالنسبة لأهالي منطقة «نجد» وما حولها لأداء مناسك الحج بمثابة الدخول إلى عالم مجهول، وذلك قبل ظهور السيارات وقبل توحيد المملكة وكانت الراحلة التي تغذى جيداً قبل الرحيل بفترة لتقوى على قطع مهالك الطريق ...تزود الراحلة بالمزاود «العيبة» التي تعلق على جانبي الراحلة وهي عبارة عن أكياس مصنوعة من الصوف لحفظ المتاع البسيط ك«الطحين»، و«التمر»، و «الودك» وهو الزيت المذاب من شحوم الحيوانات

دي (العيبة) ... ماعارف مردافا شنو في العامية السودانية

Quote: ويعمد المسافرون الى أكل بعض الطعام كل على حدة مع أهل بيته وقد يكون هذا الطعام بضع تميرات مع مذقة ماء باردة من القرب المملوءة، وقد يعجن البعض من الموسرين الطحين «دقيق القمح» فيجمع بعض الحطب ويصنع «قرص جمر» يفركه ب«الودك» ويتبعه بشرب الماء

قرص هي القراصة

Quote: وبعد اتمام الحج يعمد الحجاج إلى تجفيف اللحوم المتبقية من لحوم الهدي، وذلك بتشريح اللحوم وإضافة الملح إليها ليبعد الماء ويسرع في تجفيفه، ويسمى اللحم المجفف «القفر»

«القفر» دا ما ياهو الشرموط .....انا خايف نظام الفلترة في المنبر يكون عندو اوامر عليا بمنع الكلمة الاخيرة دي من الظهور ... نحنا في السودان بنشُر اللحم بدون اضافة الملح

Quote: وقد روى أحد الحجاج قصة موت أحد مرافقيه في القافلة حيث إنّه بعد أن أتم مناسك الحج وعند عزم القافلة الرجوع إلى الديار رأى في السوق «قدوم» وهو أداة حفر فقال سوف أشتريه، فقال له رفاقه نحن على عجلة فاتركه فلا حاجة لنا به، فأصر على شرائه قائلاً لعلنا نحتاجه في طريق العودة، وبالفعل اشتراه وفي طريق العودة أصابه المرض فمات بالقرب من جبال «ركبة»، فحفر له رفاقه قبره بذلك «القدوم» الذي اشتراه -رحمه الله-، فقد سد حاجتهم في حفر قبر له وواروه الثرى وأكملوا طريق مسيرتهم.

في مناطقنا هناك في دنقلا زي مانت عارف يا ملك في تجمعات غير نوبية لناس اصولهم تقريبا من الكواهلة والبديرية لسانهم عربي ، هم طبعا تعايشوا مع سكان المنطقة من النوبة وبقوا جزء لا يتجزأ من النسيج الاجتماعي ، أها ديل بيستخدموا نفس الكلمة القدوم لأداة الحفر دي




التحية لك استاذ الملك ولكل المتواجدين
صلاح عثمان قريبنا وبلدياتنا ... عدّى فترة في السعودية وقبل كم سنة استقر به المقام في الخرطوم

Quote: بوست ممتع شديد ومفيد في نفس (الوكِت) لاحظته إنو بعض اللهجات لما يكون الحرف قاف بنطقوهو ق زي ال (g) الإنجليزيه مثلاً إسمي إقبال ناس البيت بقولو لي Igbal أو "قالو" ليك بال(g) لكن الغين بنطقوها غين..ولو حاولت تقلبها جي ما بتنقلب... زي أغرف ليك الأكل ولا غلطان ولا غلاط ولا غريبه من الغربه لكن قريبه المن القرب بتتنطق بالجي

Quote: دي (العيبة) ... ماعارف مردافا شنو في العامية السودانية

Quote: لاحظت فى الفترة الاخيرة انو اللغة المحكية بدت تتسلل للصحف فكتير جدا من كتاب الاعمدة وخصوصاً الرياضية ما عارف ليه ؟ لكن تفسيرى كان لانو معظمهم مجرد مشجعين ضلوا طريقهم للصحف بالتالى الواحد يكتب عمودو وكانو قاعد فى دار الرياضة وبتونس مع الجمبو ويقسقس فى التسالى .. ماعارف تفسيرى دا صاح ولا تكون اللغة المحكية دى محلها الصاح هناك فى اعمدة الصحف وربما قريباً جدا فى صدور البحوث والدراسات من فوق شيل يقسقس واضيف ليها النسب للهلال والمريخ (هلالابى - مريخابى )

(عدل بواسطة محمد على طه الملك on 10-18-2012, 08:14 PM)