و البوست الاخير لزميل الثورة البروف ! مشاهد و مشاهدات من السودان الشقيق !! --- وخيط البروف اكثر ما حفزني - والسبب هو اننا تزاملنا في بعض لحظات الثورة و الزيارة للوطن الشقيق لكن شعرت بان مشاهداته اختلف معها جدا ! وتساءلت : الي اي مدي يمكن للمشاهدات الشخصية ان تكون مصدرا "للحقيقة الموضوعية "!؟ علي كل كما يقول محمد جمال () فان الشاهد يؤثر في المشاهد ! و ربما المشاهدات (التي نحكيها ) تتاثر بوعينا وافكارنا المسبقة و رغبتنا الواعية وغير الواعية في ايصال فكرة مثيرة للاخر -كما هو معروف في ادب الرحلات !!:)
ونواصل
07-28-2012, 02:43 PM
مرتضى احمد عبد القادر مرتضى احمد عبد القادر
تاريخ التسجيل: 12-30-2009
مجموع المشاركات: 2484
بالسلامة يادوك ... تعرفنا على جانب مهم من ملاقاتك على الطبيعة لكن لسه حيرانين هل هو فى الديبت ولا الكريديت بتاعك ؟ لوووووووووووب لكن عموما كدا ... طالبنا زيارة ... واهلى المصريين بقولوا يا بخت من زار وخف ... ما افتكر انو فى جهة كان ممكن تستحملك اكتر من كدا ...
ــــــــــــــــــــــــ بعدين الشاى المقنن العزمتنا ليه كععععععععععب صاح ما بشربو لكن ريحتو كعبه .. ساى خجلنا منك .. لكن بعد مشيت ... احسن نكلمك ...
07-28-2012, 05:09 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
وردت المدن زمن الفوضى حين تفشى فيها الجوع وعم القحط وجئت الناس اوان الثورة زمن السخط فسخطت غضبت واياهم اعلنت الرفض وانكرت فساد الاحوال فى هذا الدرب، وعلى هذا المنوال قضيت الوقت الممنوح الى على ظهر الارض
ـــــــــــــــــــــ
اتيت طعامى بين معارك متصله ولاعوام كان رقادى بين القتلة لم اعبأ بالحب كثيرا لم انظر لجمال العالم حولى فى صبر او اجلال ابدا .... وعلى هذا المنوال قضيت الوقت الممنوح الى على ظهر الارض
ــــــــــــــــــــــ
كانت كل الطرقات فتقود الى المستنقع فى زمنى ، زمن الاحقاد ولغتنا كشفتنا امام الجلاد ما كان بوسعى ، فى مقدورى ، غير قليل لكن القتلة والاوغاد كانو ــــ لولاى ـــــــ فى حال افضل هذا املى وعلى هذا المنوال قضيت الوقت الممنوح الى على ظهر الارض
ــــــــــــــــــــــــــ
كنا ضعفاء ووراء الافق القاتم كان الهذف وراءه حقا كنا نعرفه ،نقصده ونراه لكن املى كان ضعيفا ان ادركه ان القاه ابدا .... وعلى هذا المنوال قضيت الزمن الممنوح الى على ظهر الارض
ــــــــــــــــــ
ياااا انتم يامن يعقب هذا الطوفان الطاغى والجارف منا الابدان رفقا ان شاهدتم فينا ضعفا وخوار رفقا لا تنسوا قسوة تلك الازمان ما دمتم فى الشط الاخر منها فى البر ...... الان !
07-28-2012, 05:23 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا هيثمنا كيفك حبيت الفت نظرك للبلة اليونيفرسال أدناه الفي بوست البروف it may fit فا أعمل حسابك منها وانت بتشاهد و بتنطبع :)
Quote: سلام يا برووف المشكله الحقيقيه التى تواجه الشعب السودانى قبال الحكومه وقبال جهاز الامن و الضائقه المعيشيه هم البجوا يحاولو يفهموا الحاله السودانيه فى اسبوعيين و يتمنوا ان ان تقوم المظاهرات و القيامه زاتا ،، عشان يتونسوا فى اسافير الله دى ،، و كيف هو قام بدور خالد سعيد ولا حسن شكولاته فى دعم الانتفاضه و تلقيين الناس حصص عن الديمقراطيه والعيشه الرغده.
: الواحد تقول ليه انت ليه ما ظاهرت ،،، يقول ليك ظاهرررت مع العلم ان بالمعتقلات الان ما يقارب 2000 مناضل واطى الجمره وما يزيد عن 5000 الف من اندلاع الاحتجاجات للان .
07-28-2012, 05:48 PM
حسين نوباتيا حسين نوباتيا
تاريخ التسجيل: 06-06-2008
مجموع المشاركات: 2473
Quote: يا هيثمنا كيفك حبيت الفت نظرك للبلة اليونيفرسال أدناه الفي بوست البروف it may fit فا أعمل حسابك منها وانت بتشاهد و بتنطبع :)
ود البشري يا حبيب سلامات شكرا للفت النظر :) صدقني الموضوع ما بلة - الحكاية كلها انك شاهدت وشاركت في حدث و تقدم تفسيرك للمشاهدة -- that is all !!1 اما كلام صاحب الاقتباس بالتأكيد دا رأيو و محل تقدير ولو جيت للجد انا نوع كلامو ( االمشكله الحقيقيهالتى تواجه الشعب السودانى قبال الحكومه وقبال جهاز الامن و الضائقه المعيشيه هم البجوا يحاولو يفهموا الحاله السودانيه فى اسبوعيين و يتمنوا ان ان تقوم المظاهرات و القيامه زاتا) دا شايفو كلام الاسافير الجد الجد !! ياخي الشعب السوداني ما عارف زاتو الحاصل شنو في الاسافير بل مشكلتو الحقيقية-في نظري- الظلم والقتل و الغلاء !! عموما دي ممكن تكون مشكلتو لكن ما ممكن تكون اصلا دي المشكلة الحقيقيةللشعب السوداني
لاحقا ح اقول مشاهداتي للجمعات ولبعض الاحداث وهل الانصار او حزب الامة هم الفاعلين الاساسيين للمظاهرات ديك كما هو متداول وكما تساءل اساسي وهل اصلا الشعب السوداني طلع ضد الغلاء !! ومنم الشرائح الطلعت و ليه خفت حدة المظاهرات كما تساءل طه جعفر واشياء اخري !!
07-28-2012, 07:17 PM
هيثم طه هيثم طه
تاريخ التسجيل: 08-30-2011
مجموع المشاركات: 1153
مشاهدة اولي : شخصية وليست حصرية بالطبع ! هناك عشرات الشباب السوداني دون الثلاثين قدموا من اوربا و امريكا عندما سمعوا بالثورة و كانوا فاعلين اساسيين في الثورة -بالكاد يعرفون العربية !! منهم من رأيت و منهم من سمعت عنهم شباب مليئون بالامل والتغيير - يسدوا عين الشمس بعض من هؤلاء الشباب عندما كنت اسألهم عن رأيهم عن السودان قبل سنين كانوا يقولون : سودان شنو ياخ - دي بلد دي - سخانة -دي بلد مافيها فائدة ماذا حدث لهم -حتي يتكون عندهم الوعي بالثورة والسودان ويقودوا الثورة !؟ حقيقة لست ادري - حتما هناك ثورة غير مرئية تسري هناك و بعضنا ما زال يناقش ازمة البديل !!
شباب لا يتحدثون عن ازمة البديل او ما شابه من مخلفات التعاطي السياسي اليومي المعروف شباب يريدون ان يعبروا عن رفضهم للواقع بوسائل سلمية لا يعرفون الصادق ولا يتحدثون عن مليشات مسلحة في الخرطوم ولا عن الفوضي !
كم عددهم وما تأثيرهم علي مسار الثورة ---
لاحقا !!
07-28-2012, 07:59 PM
rummana rummana
تاريخ التسجيل: 02-05-2002
مجموع المشاركات: 3537
الحبيب نوباتيا - دردم دردم ياخ ! ود الريح والجمري بقوا كولتي تعبانة ! انت قايل الحرب في دارفور ما اثرت في الخرطوم و "كيفها" !!
---- محمد جمال (المسجل غير المتوالي ! )
Quote: نأخد المشاهدات ونترك الإنطباعات!.
وهو كذلك ! كل منا يؤخذ من مشاهداته وترد الا صناع الثورة الحقيقيين ! وبالطبع كلما كثرت المشاهدات الشخصية كلما اقتربنا من اكتشاف "الحقيقة" ! --- رمانة كيفك --- زمن ! عملتي شنو مع البنمبان الايراني السام والركب !؟ شكرا علي المرور وكوني بخير
07-28-2012, 09:19 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
]كم سرنا فى حرب الطبقات الحرى غيرنا البلدان كثيرا ( اكثر من تغيير حذاء بحذاء ) وحزنا ، ارقنا الهم .. ان شاهدنا ظلما مرتاح البال او قهرا مستعرا ، دون نضال ..
ــــــــــــــــــــــ كم كنا ندرك كم كنا نعلم ان الحقد على الاجرام وان السخط على المجرم سيشوه حتما قسمات الوجه وان الغضب تجاه الظلم يبح الصوت اهــ اهـ .. ونحن نصوغ اساس الود لكل الناس قد اجبرنا زمن قاس ان لا نلقى هذا الود لكن انتم حين يجىء ذاك العهد عهد الود والانسان اخ الانسان عهد الصدق رودوا ذكرانا فى تحنان وخذوها فى رفق ...
07-28-2012, 09:19 PM
ibrahim alnimma ibrahim alnimma
تاريخ التسجيل: 03-28-2008
مجموع المشاركات: 5197
ازيك ياهيثم .........ابعد عن كشف الاسرار فنحن لا نطلب منك كتابتك مذاكراتك الثورية ........ فقط مشاهداتك وانطباعاتك ........ والله انت ومحمد جمال غايتو عشان نعرف مقاصدكم بتجرجرونا بطريقة عجيبة ياخي الله بغفر ليكم طبعاً انا بهظر ساكت
07-28-2012, 09:20 PM
هيثم طه هيثم طه
تاريخ التسجيل: 08-30-2011
مجموع المشاركات: 1153
العزيزة نجلاء سلامات وحمد لله علي السلامة أمام قاماتكم تنحني الكتابة والثورة ما نكتبه من مشاهدات آنية هي حياتكم الطبيعية واليومية انتم المشاهد نفسها و نحن الشهود الزائرين !
لك الانحناءة والتقدير يا أخية
07-28-2012, 10:02 PM
هيثم طه هيثم طه
تاريخ التسجيل: 08-30-2011
مجموع المشاركات: 1153
مشاهدة ثانية(اولية ) : عند وصول المطار تتفرس في الوجوه وموظف الاستقبال وشرطي الجواز لتتعرف عن حنين دفين يركز الشرطي عن صحة معلومات الجواز وتركز انت في لامبالاته باحاسيسك ثم ينتهي المشهد بختم مقلوب في الصفحة الخطأ في الجواز ! لا عليه ! فهو يقوم بالواجب الوطني الموكول اليه بدقة يتساوي مع راتبه !
تتحسس عن الوطن الذي تركته في الوجدان علك تجده وتختلط تصورات "الشاهد " بـ "المشاهد " !! تلتقي بالاهل -بالاصدقاء -بالصحاب -بالشوارع القديمة والذكريات عند الاهل غالبا تكثر احاديث الغلاءوصعوبة الحياة ولا حديث عن ثورة -ربما احيانا حكاوي عن الاحداث والمظاهرات ! عند الاصدقاء تكثر احاديث الثورة ورغبة التغيير وهنا تكثر الاراء التي تعبر عن الهزيمة والانتصار !
07-28-2012, 10:07 PM
Amani Al Ajab Amani Al Ajab
تاريخ التسجيل: 12-18-2009
مجموع المشاركات: 14883
حمد الله على السلامة يا شاب الظاهر تلفونك لسة مقفول! هشام قال ليك "وصل ليهو حاجات رمضان بتاعتو المرسلنا معاك قبل رمضان ما يخلص بعدين أعملها مشاهدات وبوستات"
07-28-2012, 11:20 PM
7abib_alkul 7abib_alkul
تاريخ التسجيل: 02-05-2002
مجموع المشاركات: 3757
Quote: ازيك ياهيثم .........ابعد عن كشف الاسرار فنحن لا نطلب منك كتابتك مذاكراتك الثورية ........فقط مشاهداتك وانطباعاتك ........
شكرا علي التنبيه لكن تفتكر "نحن بنعرف اكتر من الحكومة" !! اتفهم كلامك لكن هي مجرد مشاهدات بالعين المجردة ! لا تخش يا عزيزي فانا قادم من هناك و كما قالت دينا : والانسان اخ الانسان عهد الصدق رودوا ذكرانا فى تحنان وخذوها فى رفق
شكرا يا صديق ----
Quote: متابعة لصيقة .. دمت بالف خير.
العزيزةأماني تحياتي العميقة وكوني كما ترغبين في هذا الزمن القاسي شكرا للمتابعة
07-29-2012, 00:16 AM
هيثم طه هيثم طه
تاريخ التسجيل: 08-30-2011
مجموع المشاركات: 1153
المشاهدة الثانية (تكملة ): (قابلة لممارسة البل لمن يرغب) ! تلتقي بالاصدقاء واحاديث الثورة وعن الوضع اذا كنت تعيس الحظ ستلتقي بالجيل المهزوم مثلنا ! من شاكلة مورتا و حسبو !! ويحدثونك بالامسيات حديث العارفين عن اسباب بطء الثورة وازمة البديل ! وعليك ان تحاول ان تلعب دور المستمع الجيد لكي لا تطلع (بيضة !) كما حدث للبروف !
حسنا : اذا كل الناس لا يرغبون بالصادق والميرغني - من المفترض ان يكون هذا دافعا قويا للثورة ! لانه من الطبيعي اذا كان كل هؤلاء الشباب لا يريدونه فهذا يعني انهما لن يفوزا !! اذا من الضمان ان القادم مختلف ان لم يكن اجمل ! هذا علي المستوي النظري ! علي المستوي العملي : غالبا حزب الامة قد يكون فقد كل دوائره المضمونة في غرب السودان ! بعد تحرر وعي الهامش من المركز وسيأتي انسان الهامش عموما هذه المرة ممتطيا جياده لا جياد الطائفية او "الاسلام السياسي" !! اما المركز سيكون صراعه طويلا مع "الوعي السلفي" المتصاعد !!
(عدل بواسطة هيثم طه on 07-29-2012, 00:31 AM) (عدل بواسطة هيثم طه on 07-29-2012, 00:38 AM)
07-29-2012, 00:38 AM
هيثم طه هيثم طه
تاريخ التسجيل: 08-30-2011
مجموع المشاركات: 1153
تكملة ومهما يقال احيانا عن عنصرية او قومية بعض خطاب الهامش لكن المؤكد ان "البرلمان" القادم مختلفا تماما - اذن القادم مختلف وحتما سيكون ممثلا للشعب اكثر - اذن لماذا خطاب البديل عند بعض الشباب !؟ أسررت في نفسي ان حتما من يتحدث عن ازمة البديل هو اما مهزوم مثلنا لا يريد التغيير حقيقة او مصاب بخطل الوعي السياسي الذي يعتقد بان الامامين قدر لا فكاك منه في الواقع السياسي ! حتما هذه الافكار تجول بخاطرك ولا تستطيع البوح به !! هل انت تعرف اكثر من "سيد الوجع" !
-- اما اذا كنت سعيد الحظ والتقيت بالشباب و"الجيل الحقيقي" للثورة -فلن تسمع شيئا عن ازمة البديل و انما عن حقهم في التعبير والحياة الكريمة والامل تذكرت للحظة (في حضرتهم ) مقولة الناشط المصري وائل غنيم (اننا لسنا سياسيين ولم نتوقع للحظة بسقوط الرئيس لكن كان علينا التعبير عن رفضنا كل يوم ) ! ما اشبه الأجيال الحقيقية للثورات !
ونواصل
07-29-2012, 02:44 AM
هيثم طه هيثم طه
تاريخ التسجيل: 08-30-2011
مجموع المشاركات: 1153
عارف الفهم قسمة ونصيب -خاصة البروف طلعكم من العوام :) ياخي الزول يجيكم ما يلقي الوطن يا يجي الوطن ما يلقاكم او كما تقول نكتة البيت المهجور الحكيتها لي قبل سنتين -هه
واكيد ح نتلاقي في وطن مقطع -لا حدادي لا مدادي الا في القصائد ! -------
Quote: الظاهر تلفونك لسة مقفول!
حلبي يا مصيبة كيفك ! الرجاء المحاولة لاحقا -ستجدني باذن الله صابرا ومحتسبا
الاشواق رمضانية ----
Quote: يا جماعة ادوا الزول دا فرصة
حبيب الكليا كل الحبيب اندرسكور ! اتخيل ابدا --حضور الناس بتديك البوصلة في الكلام وبعدين تقدر تعرف البل جاييك من ياتو اتجاه عشان تتحاشاهو لاحقا :) وبصراحة الفكرة ما جاهزة شديد
قاعد اتابع بوست البروف..و البوست ده برضك..و في حلقات كتيرة مفقودة (بسبب الغربة و كده) الواحد بيلقى ليها رؤوس تفاسير في مثل هذه المشاهدات..! ناس كتيرة حسيت انها مستعجلة للغاية..و الواقع اليومي بعيد منها شديد جدا..ديل ياهم البيخاف منهم من يكتب.. عسى ان يصنف مخذلا او مثبطا..و لو ما عرفنا الواقع الحقيقي ماشي وين..ما ح يكون في تغيير مرضي للجميع.. بالنسبة لي (قبال ما امشي السودان..و لو مشيت و جيت )..قصة التلاتة و عشرين سنة خلقت تشوهات كتيرة للغاية في نفوس الشعب السوداني..و الجبهة الإسلامية فترت تب.. لكن بتم الباقي موية (و دي قصة ظهور الهرطقات السلفية..التي يهمها ان تخوف الناس من ان القادم هو العلمانية و الجن الأحمر..و في نفس الوكت ما عندها نظر عقلاني و موضوعي للحرب المستمرة و القمع و القهر و الضوائق الإقتصادية..الخ)..! عندي عمة قالت مقولة ماثورة..رددتها هنا اكثر من خمسماية مرة.. الأنجض منك بيندرع ليك في حبل الله..و التيارات الدينية بقى همها انو تقول للناس البديل ح يسقط حجر حبل الله..! سنة لسان المؤتمر الوطني..هي مفيدة ليهم تكتيكيا... لكن المزعج ليهم حقيقة أنهم لمن عملوا ثورة التعليم العالي و اعادة صياغة الإنسان.. كان رامين لخلق جيل مدجن ما يقول بغم..و الليلة المزعج انو نفس الجيل هو البيمشي في الشوارع و بيهتف ضدهم..! لا نحتاج لثورة همها فقط اسقاط الحكم و نظامه..و انما الى ثورة نتحدى فيها انفسنا كشعب سوداني و نقوم مرة واحدة والى الأبد..ما ذكرته عن البرلمان القادم.. تصدق يا هيثم البرلمانات الموجودة (على علاتها) تجاوزت برلمانات السبعينات و الستينات و الخمسينات..بانها فتحت الباب للناس تشارك..طبعا المشاركة غطاءها المؤتمر الوطني..و ده الإحتكار المفترض ازالته..! المهم ما نقطع عليك حبل افكارك..و نتابع..
المشكلة ما خراب البلد (لأنو هين و ممكن الناس تاني تبني).. المشكلة خراب الذات السودانية..و دي الإ القيامة العصر..
كبر
07-29-2012, 10:52 AM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
هيثمكا يا أصلي واصل ياخ و أمتعنا انت عارف البلد دي مهما الناس شاهدت و استشهدت :) ما اظن تصل لانو النهايات المنطقية ممكن تكون شنو !! البلد دي جايطه, عاملة زي يومك الجاي من الحلفايا و انت بتتكلم مع "وهبة" في التلفون و هو بوصف ليك اطلع الكبري و انزل امدرمان و تعال الملازمين , و لمن تصل تتفاجأ بانك طول الزمن دا كنت بتتكلم مع مورتا :) :) بعدين ما تركز مع مورتا الحاقد دا, الزول دا اتبلّ شديد في البلد دي عشان كدا شغال يبل في الناس يمين في شمال :)
--- هاك المشاهدة دي قبل ساعة من هسة في ميدان جاكسون كشة رمضانية فاخرة من المحلية على النساء الفراشة في جاكسون
07-29-2012, 11:20 AM
مرتضى احمد عبد القادر مرتضى احمد عبد القادر
تاريخ التسجيل: 12-30-2009
مجموع المشاركات: 2484
مشاهدة ثالثة : ( مشاهدة صادمة عن ديناميكية الثورة !!)
ما هي الشرائح التي التي خرجت من الشعب !؟ لماذا خفت المظاهرات ؟ من مشاهداتي هذه الثورة ليست ثورة الجياع ! و الشرائح التي خرجت لم تخرج لانها جاعت كما تروج كثيرا !!اي سبب الغلاء
كيف الكلام دا !؟ في نظري هذه ثورة الـ(Middle Class ) اي الطبقة الوسطي في معظم الحالات - وبالرغم من صعوبة تحديد مفهوم الطبقة الوسطي في السودان - لكن مجازا نقول انني اعني بها (ميسوري الحال ومتعلمة ) بالطبع هناك شريحة الطلاب والخريجون الجدد ( من كل الشعب ) لكن يمكن للطلاب ان يتظاهروا لاسباب كتيرة لانهم في المرحلة العمرية التي تؤمن بالتغيير بقوة وكذلك هم لسان حال الشعب و ربما (roughly ) يمكنني القول ان 80% من قيادات الثورة من الطبقة الوسطي ولم تفكر بالثورة لانها جاعت بل لانها تؤمن بالتغيير !! وبالرغم من انتشار المظاهرات في احياء الخرطوم الا انها في معظمها شباب الثورة و ليست الاهالي التي جاعت وقررت الخروج ! و عموما يمكن القول بان هناك فرق كبير وكبير عندما تكون المظاهرات من ناس لهم وعي او رغبة للتغيير منذ زمن (مثال حركة قرفنا والشباب) و من ناس انضموا للثورة لانها جاعت ! و هنا اريد ان اقول : مثلا اذا دعوت شخصا للتظاهر و ليس لديه ما يأكله خلال هذا اليوم - قد لا يخرج في المظاهرات !! -- في جلسة ضمت اكثر من عشرة من الشباب "النصف ثورجية" (كانوا يؤكدون ان الشعب يحتاج المزيد من "العصر" للخروج !) وكنت اشكك في هذه "الحقيقة" ! و"الحقيقة" الاخري التي أؤمن بها ان الشعب سيفجر ثورته ولكن غالبا ليس بالطريقة التي نظنها !
عموما معظم من خرج للمظاهرات هم اما من شريحة الطبقي الوسطي (شباب وقيادات ) او طلاب وخريجون جدد لديهم وعي ثوري ورغبة في الخروج (يعني نية مبيتة ! )--- يمكن استثناء ثورتي الديم وودنوباوي ( سأاتي بالتفصيل لاحقا لهاتين وسبب اختلافهما النوعي عن كل المظاهرات )
ونظرة للمعتقلين الـ(2000) يمكن ان توضح نسبة شرائح الشعب فيها --
والسؤال هنا هناك شخص فكر في الخروج في المظاهرات نتيجة للغلاء !؟ لا اظن هذا بالطبع لا يعني ان الناس راضون بالغلاء ! الناس يموتون جوعا وغلاء -- ويتوقع بعض الناس "بثقة" ان الزيادات القادمة ستكون سببا في خروج الناس للشارع !! شخصيا ليست لدي هذه الثقة !! ولكن من قال ان الشعب يخرج اذا جاع !! وماذا يعني الخروج بالنسبة للمواطن المسكين ! سأوضح لاحقا عن ديمغرافية الحضور والمتظاهرين في جمعة الكنداكة في ودنوباوي مثالا !
-- وهناك مفاهيم في ادبيات الثورات شائعة عندنا ان الغلاء يستتبعه الخروج للمظاهرات ! واذا افترضنا مجازا ان الثورة الحالية تدور او تستلهم الربيع العربي في الكثير من الحالات - من قال الربيع العربي كان الحراك له غلاء الاسعار المفاجيء !؟ وبالطبع غلاء الاسعار كمحفز للتظاهر يختلف قليلا من تراكم الظروف الاقتصادية المتردية والعطالة
وللحديث بقية
07-29-2012, 07:40 PM
فارس موسى فارس موسى
تاريخ التسجيل: 12-01-2004
مجموع المشاركات: 1357
علي المستوي العملي : غالبا حزب الامة قد يكون فقد كل دوائره المضمونة في غرب السودان ! بعد تحرر وعي الهامش من المركز وسيأتي انسان الهامش عموما هذه المرة ممتطيا جياده لا جياد الطائفية او "الاسلام السياسي" !! اما المركز سيكون صراعه طويلا مع "الوعي السلفي" المتصاعد !!
لسوء طالع الشبل بندر(الحركات المسلحه) رغم البراعه ! حزب اللمه ح ياخد دوايرو كامله وزياده !!قولى ككيف ؟ الجماهير هناك فاكرا إنو
حزب اللمه بفرق من حزب المؤطمر! دا اولا التبادى.
تتين/ الاحزاب المسلحه شغاله بهناك دورى نفض دا إسم الدلع الجديد (للقبليه)!! كويس معاك كدا؟
اخطر ما فى نخب الهامش يا حبه لسه أعداد مهوله منهم بفتكرو الوزاره ما بدوها إلا ال المهدى !!إنت قال ليك ابا الصادق ما داير يغير فى بنية
الحزب ليه؟؟ ومسلمو صره فى خيط لعيالو وبناتو ليه؟
لكن هدف بوستيك إتعرف .. داير تطلعنا انا وكبر ودينا خلاس ببح وزمنا فات وغنايينا مات!!
بسيطه بنقبلا منك.
انا راجى بقية المشاهدات خاصة مشاهداتك لناس اللجنه الماركسيه !
بالمناسبه يبدو لى الاجيال الإنت مركز عليهم ديل شكلهم خاتين اللجنه الماركسيه وأنصار البتاعه السلفيه فى لباس واحده ولا اناالثوره
دخلت لى فى العضم.
المهم طمنا وما طممنا.
ارقد شواف.
07-29-2012, 09:40 PM
Yassir Tayfour Yassir Tayfour
تاريخ التسجيل: 08-18-2005
مجموع المشاركات: 10899
المشاهدة الأهمّ هي مشاهدة دينا خالد، لو سمحت استرسل!
تباً لك وللبروف ودينا ___ خضر و مورتا وحسبو، خطوط حمراء، فأعمل حسابك بالله أنت بتتكلم مع مورتا في شكل وهبه، وتكون مشاهداتك ذات قيمة؟ ياخ انت والبروف وجهان لعملة إمبريالية بائدة، وتستحقان البل بما يبطل الوضوء..
07-29-2012, 09:46 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: بالنسبة لي (قبال ما امشي السودان..و لو مشيت و جيت )..قصة التلاتة و عشرين سنة خلقت تشوهات كتيرة للغاية في نفوس الشعب السوداني..و الجبهة الإسلامية فترت تب.. لكن بتم الباقي موية
شكرا للمفاكرة ومعذرة للاقتباس الجزئي تعرف المشكلة ما شايفها في الغياب بس -ولا الكيزان براهم - لكن العولمة والاتصالات والرأسمالية الاستهلاكية و حضور النظام في الظروف دي احدثت تغييرات لا يمكن ان يتصورها عقل !تغيير في منظومة القيم والاخلاق ونظرة الانسان- لا يعني بالضرورة للاسوأ - لكن تحولات "طبيعية " للتكيف الزول لو قاعد زاتو في السودان وعشان يستوعب الحاصل بكون داير مجهود تحولات لا خلت ريف ولا مدينة -- نيالا مثل الخرطوم -مثلها مثل اي قرية صغيرة --- الغريبة في بلاد الفرنجة والناس الغابت فترة طويلة - معظم اللاقيتهم --لقيتهم واقفين في نفس الحتة الطلعوا فيها ! ولسع بتكلموا عن بوكس 78 و كورونا جيش و كورلا 83 ! مجموعة كبيرة مننا لا بقت جزء من المجتمع الجديد وتتأثر بالقيم الايجابية لا قادرة تتواصل -- عايشين في الهامش !! والمنبر خير شاهد
تعال راجع في الخيط بملاحظاتك وللوطن لو أمكن !
07-30-2012, 00:51 AM
هيثم طه هيثم طه
تاريخ التسجيل: 08-30-2011
مجموع المشاركات: 1153
يا قولك مافي حل في المنبر تشفر البوست يجي يخربوهو ليك ناس مورتا تشفر النكتة بعملوا ليها(ديكودينق ) ناس طيفور ديل واحد فيهم ما بكون بدفع الاشتراك بتاع قنوات الرياضة !!
الله في ! --
Quote: هاك المشاهدة دي قبل ساعة من هسة في ميدان جاكسون كشة رمضانية فاخرة من المحلية على النساء الفراشة في جاكسون
حسبو يا حبيب كيفك دي علامات الدولة الظالمة و دلالة لهزيمتنا ونكوصنا عن الانسان المظلوم وكيف نقول ليهم تعال اتظاهر معانا !؟ الله يقدرنا علي الدفاع عنهم --- مورتا يا ود ابوي
Quote: يا حسبو الباعة الفارشين يبلوهم ويكشوهم والبفطرو في الساحة الخضراء يرقصوهم ويخدروهم !!
دي خليها من مشاهداتك من ارض الحرمين وما تنسي تأخد الاذن من الكفيل :)
هيثمكا بما إنك إستفزيتني من حيث لاتدري حأخش معاك حولية المشاهدات عسى ولعل شوفي يعينك تصل لحاجه
حسب شوفي معظم الطلعو في الإحتجات الأخيرة في (الخرطوم) كمثال من الطبقه المتوسطة مع إنو في ناس تحتهم مسحوقه تماما عايشه في اطراف الخرطوم تقات من فتاتها و رغم ذلك لم يحركو ساكن و حسب شوفي برضو الموضوع هنا موضوع وعي و حتى المنهم بمتلكو الوعي اليخليهم يفكرو في الخروج من اجل التغير عندهم إحساس بإنهم لا بواكي عليهم والحكومة كان طلعو ممكن تكتلتهم في الشوارع مافي زول حجيب ليهم خبر الاحساس دا جايهم من وين دا موضوع تاني و وعي الناس ديل بحقوقهم مسؤلية منو دا موضوع تالت بالنسة للطلعو من الطبقى الوسطى ذات نفسها ممكن نقسمهم لمجموعات عمرية شباب وعجايز (وبقصد بشباب من عمر طاشر لي تلتين) لو لاحظته حتلقى أغلبية الناس الطلعت من الشباب والفرق هناا ما فرق وعي بس فرق حماس و إيمان بقدرتهم على التغير و معظم الاتخطو المرحلة دي ومجازا نسميهم عجايز محبطين ومدجنين ومشغولين بالذاتي بتاعهم واستكانو للوضع العام لدرجة فقدو الإيمان بقدرتهم على التغير وتخلو عن مسؤليتهم في موضوع التغير ولو راجعت وفتشته الطلعو منهم حتلقى الأغلبية منهم يا سياسين يا ناشطين
كلامي دا ممكن يكون ما مرتب بس بثق في قدرتك على ترتيبو وعليك الله تاني ما تستفزني اقعد انظر واعمل وحركات الخواجات حقتكم دي جاتكو الأرف مليتو البورد
07-30-2012, 07:08 PM
هيثم طه هيثم طه
تاريخ التسجيل: 08-30-2011
مجموع المشاركات: 1153
Quote: لسوء طالع الشبل بندر(الحركات المسلحه) رغم البراعه ! حزب اللمه ح ياخد دوايرو كامله وزياده !!قولى ككيف ؟ الجماهير هناك فاكرا إنو حزب اللمه بفرق من حزب المؤطمر! دا اولا التبادى. اخطر ما فى نخب الهامش يا حبه لسه أعداد مهوله منهم بفتكرو الوزاره ما بدوها إلا ال المهدى !!إنت قال ليك ابا الصادق ما داير يغير فى بنية
فارس يا فردة - شرفت الخيط ياخ بالرغم من انو قياس ودراسة الرأي العام مهمة عشان نعرف صحة لكلامي الاول او كلامك لكن ما اظن نخب الهامش- خاصة دارفور لسع بفتكروا الوصول للوزارة عن طريق الصادق ! نخب الهوامش "المستنيرة " والمتجاوزة الطائفية كانت ما عندها خيار او وعاء يستوعبهم غير الانضمام للاحزاب الايدلوجية زي الشيوعية (زي اغلب نخب نوبة الشمال )او الاسلام السياسي (زي اغلب نخب دارفور ) وكان من الطبيعي النخب دي خاصة المنضمة للاسلام السياسي الاشتراك في مجاذر و جرائم الدولة وبغض النظر عن المسؤولية التاريخية للنخب لكن اغلبها ما عدا الانتهازية اتحررت من هيمنة المركز و كونت مواعينها الخاصة
بل -في ظني- حركة زي العدل والمساواة لو اتحولت لحزب سياسي في "الديمقراطية القادمة" ممكن تكون عندها مقاعد تضاهي مقاعد حزب الامة --و بالتالي ممكن يكونوا وزراء او رؤساء حكومات بحقهم وعرق جبينهم ! وفي الحالة دي درجة الاستلاب الحقيقي او الانتهازي بتقل في وجود طرق للوصول للسلطة والنتيجة دي ما عشان شتائم صاحبك بشاشا !! لا لا موازين القوي اختلت في الواقع -"ولا يمكن ان تخدع كل الناس كل الوقت" ودا كان كلامي عن تنوع "البرلمان القادم " يا فارس نخب دارفور اكتشفت امكانيات الصادق الحقيقية ! هو قاعد بتمحرك خلال عشرين سنة -طلع ليهو بي مستشار رئيس و ضابط أمن !!وفي نفس الوكت لو في نخب من دارفور او الهامش ودايرة وصول للوزارة - ممكن يعملوا حركة وهمية ويفاوضوا الحكومة ويبقوا وزراء !! الصادق بقي حاسدهم في وزاراتهم !! ههه
يعني في البرلمان القادم ممكن حزب عبد الواحد نور و (العدل والمساواة) و الحركة الشعبية يعملوا حكومة ائتلاف !! والصادق(مع الرأفة !) يدوهو وزارة العمل !!
مشاهدة رابعة : (جندرية !) اكاد اجزم بان هذه ليست مشاهدة شخصية ولكن اقرب للاحصائية ! ما عدا الجيل الجديد الثوري من الجنسين (المولود خلال النظام !) - اني اري الجيل القديم من الرجال (معظمهم)-جيل الهزيمة ! تماهوا اخلاقيا وقيميا(بوعي او دون وعي ) مع النظام او مع افرازات النظام والرأسمالية --!! هذه ليست مشاهدة فترة شهر ولكن قبلها لمدة اكثر من 15 عاما من عمر النظام (خلال معاصرتي للمشاهد امامي !!) لا اعرف سبب تأثر الرجال سلبيا (اكثر من النساء ) في المنظومة القيمية - لكن تلك ملاحظتي... مثلا في الكذب- الادعاء - البوبار - احلام الغني (overnight) -التدين الشكلي -افكار البسنيس اما النساء فهم اكثر "دكرنة"- اكثر وفاء "للقيم السودانية" القديمة -اكثر تماسكا وتصالحا مع الذات هذه المشاهدة ليست فقط من المظاهرات لكن عموما انكسر الرجال يا سادتي !
هل يا تري يمكننا تفسير الفرق في موقف بنات الصادق مع موقف ابنائه في ضوء هذه النظرية :)
مثال بسيط : في جمعة الكنداكة ودنوباي - حضور النساء فوق الستين والسبعين تساوي تقريبا مع عدد الشباب دون الثلاثين في الساعات المتأخرة والخطيرة من المظاهرة -- مجرد مثال وخاطبت الثوار امرأة فوق السبعين حين ارادوا اعلان النهاية للمظاهرة
فقط من اجل هذه الامرأة يجب ان يذهب النظام ايقنت فعلا انها "ثورة النساء"
07-30-2012, 09:00 PM
هيثم طه هيثم طه
تاريخ التسجيل: 08-30-2011
مجموع المشاركات: 1153
Quote: لكن هدف بوستيك إتعرف .. داير تطلعنا انا وكبر ودينا خلاس ببح وزمنا فات وغنايينا مات!!
بصراحة شديدة يا فارس والله العظيم تلاتة دا من الاهداف الرئيسية للخيط ! ياخي بقيت حاسي انو بقينا "فارقين زمن " شديد تعرف -مش انا وانت ودينا وكبر بس - قبل يومين كنت بقرا مقال رصين وموثق لكمال الجزولي Re: كمال الجزولي: المُعَارَضَةُ السُّودانيَّةُ: سَوَالِبُ الإِعْلانِ ا و قبليهو مقال ركيك -هرم- للكرونكي دخل القش وما قال كش وقبليهم مقال او قصة جميلة وفنانة لتاج السر السُودانيين ديل .. أساساً وبالرغم من اختلاف الثيمات في المواضيع التلاتة والنوازع الايدلوجية او الادبية لكن عندي احساس انو التلاتة مواضيع دي (conceptually) متحركين في "زمن فارق" ! بالتاكيد كلامي ما توجيه نقد محدد او التنويه لعدم اهمية تلك الكتابات -لكن الكتابات دي بتوحي لي انو نحن ما عندنا احساس انو في جيل اخر ممكن ما يفهم الكلام دا من اساسو لكن ممكن يفهم "موسم الهجرة الي الشمال" !!
........................." فارقين زمن" نحن يا فارس ! وبقينا فارقين ثورة ! شكلو الـ20 سنة من العولمة- عمر النظام- الغربة -الي اخره - كانت (too much) علي العقل السوداني الـ(stagnant) عشان يستوعب الحصل دا !!
07-30-2012, 10:19 PM
Amani Al Ajab Amani Al Ajab
تاريخ التسجيل: 12-18-2009
مجموع المشاركات: 14883
Quote: مشاهدة ثالثة : ( مشاهدة صادمة عن ديناميكية الثورة !!)
ما هي الشرائح التي التي خرجت من الشعب !؟ لماذا خفت المظاهرات ؟ من مشاهداتي هذه الثورة ليست ثورة الجياع ! و الشرائح التي خرجت لم تخرج لانها جاعت كما تروج كثيرا !!اي سبب الغلاء
كيف الكلام دا !؟ في نظري هذه ثورة الـ(Middle Class ) اي الطبقة الوسطي في معظم الحالات - وبالرغم من صعوبة تحديد مفهوم الطبقة الوسطي في السودان - لكن مجازا نقول انني اعني بها (ميسوري الحال ومتعلمة ) بالطبع هناك شريحة الطلاب والخريجون الجدد ( من كل الشعب ) لكن يمكن للطلاب ان يتظاهروا لاسباب كتيرة لانهم في المرحلة العمرية التي تؤمن بالتغيير بقوة وكذلك هم لسان حال الشعب و ربما (roughly ) يمكنني القول ان 80% من قيادات الثورة من الطبقة الوسطي ولم تفكر بالثورة لانها جاعت بل لانها تؤمن بالتغيير !! وبالرغم من انتشار المظاهرات في احياء الخرطوم الا انها في معظمها شباب الثورة و ليست الاهالي التي جاعت وقررت الخروج ! و عموما يمكن القول بان هناك فرق كبير وكبير عندما تكون المظاهرات من ناس لهم وعي او رغبة للتغيير منذ زمن (مثال حركة قرفنا والشباب) و من ناس انضموا للثورة لانها جاعت ! و هنا اريد ان اقول : مثلا اذا دعوت شخصا للتظاهر و ليس لديه ما يأكله خلال هذا اليوم - قد لا يخرج في المظاهرات !! -- في جلسة ضمت اكثر من عشرة من الشباب "النصف ثورجية" (كانوا يؤكدون ان الشعب يحتاج المزيد من "العصر" للخروج !) وكنت اشكك في هذه "الحقيقة" ! و"الحقيقة" الاخري التي أؤمن بها ان الشعب سيفجر ثورته ولكن غالبا ليس بالطريقة التي نظنها !
تسلم الأخ هيثم طه اتفق معك وأنا من على البعد من معايشتي اليومية في مجموعات ألفيس بوك.. هؤلاء الشباب الذين ترعرعوا في ظل هذا النظام جيل متحمس واعي يحلم بوطن متعدد يتساوي فيه الجميع وواثق من النصر .. دمت بالف خير ..
07-31-2012, 00:23 AM
هيثم طه هيثم طه
تاريخ التسجيل: 08-30-2011
مجموع المشاركات: 1153
المشاهدة الأهمّ هي مشاهدة دينا خالد، لو سمحت استرسل!
طيفور يا وغد كتلتني بالضحك والله وبعدين نحن استلمنا رمضانا مخربش جاهر -فعليك الله فك لينا الشفرة -انا ما متذكر تفاصيل النكتة -ههه ياخي تقتلون البراءة في عيون الاطفال :) وعليك الله انت خليت فيها خربشة بعد ما قعدت تأكد لود البشري !--- علي الاقل كان تضللوا ! قضّي ساي اياما اخر ! -- مشاهدة دينا دي حتكون بوست براهو بالصور والفيديو -- وعشان انت ما ترفع سقف التوقعات هي متوسطة الجمال ( طبعا مقارنة بالبروفايل :) ) ----
Quote: بالله شوف دا يعني كنتا بهناك و ما جيت علينا الفيك اتعرفت لكن
امجد يا حسيب و نسيب ! ياخي انا اتحاشيت الاقي ثورجية الصف الاول ! انت شبهة ياخي وانا داير اعيش
سلامي للبنية ----
Quote: والله يا دينا ياختى ما عارفة اقول ليك شنو بس شاى مقنن عند حلفاوى دى يطرشنى :)
المجمر يا اجمل نساء الارض جنوب الصحراء ! يشهد الله البت دي كضابة يا سهام ! قعدت تشرب وتطلب تاني و تشكر في الشاي وتجي تشنف هنا ساي ياخي فعلا الشعب السوداني انتهي !
07-30-2012, 11:54 PM
الفاتح سليمان الفاتح سليمان
تاريخ التسجيل: 09-14-2009
مجموع المشاركات: 1735
Quote: هذه ليست مشاهدة فترة شهر ولكن قبلها لمدة اكثر من 15 عاما من عمر النظام (خلال معاصرتي للمشاهد امامي !!) لا اعرف سبب تأثر الرجال سلبيا (اكثر من النساء ) في المنظومة القيمية - لكن تلك ملاحظتي... مثلا في الكذب- الادعاء - البوبار - احلام الغني (overnight) -التدين الشكلي -افكار البسنيس اما النساء فهم اكثر "دكرنة"- اكثر وفاء "للقيم السودانية" القديمة -اكثر تماسكا وتصالحا مع الذات هذه المشاهدة ليست فقط من المظاهرات لكن عموما انكسر الرجال يا سادتي !
هل يا تري يمكننا تفسير الفرق في موقف بنات الصادق مع موقف ابنائه في ضوء هذه النظرية :)
امس اتكلمنا في الكلام كتير انصر دينك يا هيثم ودين المراة السودانية ....
دي نقطة حاصلة وتحسها في كل مكان في البيت في الشارع في العمل في التظاهر في اي مكان
المراة السودانية فعلا لم يصبها التشوه الحاصل من اعادة صياغة الانسان السوداني ولم يفت عضمها القوي قانون النظام العام
ولا الة التجريم والتخوين ولا القهر ولا الاغتصاب والتهديد بيهو ولا المنابر الدينية التي تحاول كل يوم قهرها بخطب ابليس
عكس الرجل فهو سريع التاثر لا ادري ما السبب ,,,,
فتصوير المراة التي تتعب لتزرع حوضين برسيم ثم ياتي رجل سارق بعد جهدها ليسرقها ومن ثم محاولة تبرير السرقة
بانها قدر ثم رد المراة المفحم بانو دا حرامي
عاد يبقي الله بشر وعنده اتر ........
سلام يا عمك وعودا حميدا
....
07-31-2012, 00:04 AM
الفاتح سليمان الفاتح سليمان
تاريخ التسجيل: 09-14-2009
مجموع المشاركات: 1735
Quote: يا الزين انا اقول قول بت حمدين يوم لقت القش مسروق حوضين قالولا قدر يا حاجة اراد غامتلا حجر هاجت يا ولاد ايوة الله اراد نعم احن عباد لكن ده اتر يبقى الله بشر ؟
الله يرحمك يا حميد
07-31-2012, 01:27 PM
قصي مجدي سليم قصي مجدي سليم
تاريخ التسجيل: 03-09-2004
مجموع المشاركات: 1091
Quote: اني اري الجيل القديم من الرجال (معظمهم)-جيل الهزيمة ! تماهوا اخلاقيا وقيميا(بوعي او دون وعي ) مع النظام او مع افرازات النظام والرأسمالية --!! هذه ليست مشاهدة فترة شهر ولكن قبلها لمدة اكثر من 15 عاما من عمر النظام (خلال معاصرتي للمشاهد امامي !!) لا اعرف سبب تأثر الرجال سلبيا (اكثر من النساء ) في المنظومة القيمية - لكن تلك ملاحظتي... مثلا في الكذب- الادعاء - البوبار - احلام الغني (overnight) -التدين الشكلي -افكار البسنيس اما النساء فهم اكثر "دكرنة"- اكثر وفاء "للقيم السودانية" القديمة -اكثر تماسكا وتصالحا مع الذات هذه المشاهدة ليست فقط من المظاهرات لكن عموما انكسر الرجال يا سادتي !
ذروة سنام المشاهدات
ومعها:
Quote: هل يا تري يمكننا تفسير الفرق في موقف بنات الصادق مع موقف ابنائه في ضوء هذه النظرية :)
07-31-2012, 06:51 PM
هيثم طه هيثم طه
تاريخ التسجيل: 08-30-2011
مجموع المشاركات: 1153
مشاهدة خامسة : الخرطوم الجائعة لم تنتفض بعد ! والشعب ليس كالعسكر - اذا خرج لن يعود الي ثكناته !
اخطر واقوي المظاهرات التي كانت تعبر عن كافة قطاعات الشعب كانت مظاهرات الديم ! وايضا أكاد اجزم انها لم تكن للغلاء وحده و ان خرجت تحت غطاء الغلاء
وبالرغم من اهمية الخبز لا محالة لكن في شعار الثورة الاساسي "حرية سلام وعدالة" : يمكن قراءة مطالب الناس الحقيقية
الديم لمن لا يعرفها لديها مظالم لا تحصي ولا تعد خلال عمر النظام كله ففي وسطها توجد مراكز "نظام عام" و"امن المجتمع" و كان اهالي الديم من اكثر قطاعات الخرطوم التي تعرضت للظلم والبطش امام عيون الاسر تراكم الظلم والاحساس بالغبن والظلم عند الاهالي كان الدافع الاقوي-فيما تراءي لي- وسلكت المظاهرات في بدايتها نفس الشوارع التي انتفضت للانتقام من ظلم وبشاعة مقتل الشهيدة عوضية
وكالعادة اعتقل النظام كل الشباب الذين كانوا سندا للمظاهرات
واختفت دلائل الاحتجاجات في الشوارع لكن لم تختفي من القلوب --- وحتما ستنتفض ثانية
مشاهدة سادسة: نقد مقولات شائعة مثل الشعب لا مباليو"همه في الرغيف وداير يعيش" شاهدت تلك المقولات من افواه بعض الناس وفي بعض الكتابات نعم قد تشاهد ان هناك مظاهرات في شارع وفي الشارع الثالت اناس يشربون الشيشة ويتوانسون وكأن الامر لا يعنيهم او في شارع النيل الشباب يشربون الشاي بالامسيات --
وتأتي الخلاصة السريعة ان الشعب غير مبال!! وكأننا اكتشفنا السر !
هذه المقولات ليست مجحفة فقط في حق الشعب ولكن -في نظري- عدم معرفة بديناميكات الثورة و منطق الشعوب والثورات نعم قد تتماهي الشعوب او تستجيب لمنطق الحكومات لزمن طويل ولكن ليس هناك شعب لا مبال في التاريخ ! وفي تقديري ليس هناك ما يسمي بـ"الظروف الموضوعية للثورة !" كما نعتقدها انها موضوعية ونحددها نحن !
ما الذي يجعل الكثيرين من الشعب الليبي يتماهي مع اخلاقيات نظام القذافي اكثر من 40 عاما في لجانه ومؤتمراته و يقتل في نفسه وما الذي يجعل امهات ضحايا مذبحة سجن ابوسالم( 1200 سجين ومعتقل سياسي قتلهم القذافي عام 96 للتخلص من احتجاجهم داخل السجن ) يصبرون علي ابنائهم اكثر من 15 عام وفي 2011 يحتجون ويتظاهرون لان النظام اعتقل محامي الشهداء –ثم تنطلق الثورة لتقدم ليبيا اكثر من 30 الف شهيد للتحرر من الطاغية ! هل كل هذا الظلم كان يحتاج لاعتقال محام ليتفجر !
وما الذي يجعل الشعب السوري يصبر اكثر من 40 عام تحت حكم بعثيي العلويين ويتماهي مع النظام ليأتي اطفال درعة النائية ليفجروا ثورة قدمت الي الان اكثر من 20 الف شهيد
وما الذي يجعل اهالي نيالا يصبرون علي الانقاذ و تماهي بعض اهلهم مع جرائم الانقاذ انتهاء بسوق المواسير وباقي المظالم ليأتي اطفال نيالا ليقدموا دمائهم من اجل الوطن بعد ان ظن النظام ان كل شئ انتهي باعتقال 2000 شخص في الخرطوم
الشعب يبالي لكن بطريقته الخاصة ومنطقه الخاص
رفقا بهذا الشعب !!
08-01-2012, 04:24 AM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
سلامات يا هيثم ورمضان كريم.. متابعك وما كنت عايز اقاطعك لكن إيدي أكلتني .. صحيح الشباب حماسهم وإرادتهم صادقة وقوية .. وما بقول ينقصهم الوعي بواقع الحال على الأرض أو دافعهم الجوع.. برضو الجماهير مدركة لسوء حالها.. ومدركة إنو النظام وصل بيهم لطريق مسدود ( جدجمنت ) بس في محله .. ما شاغلهم البديل.. ولكن.. قول واحد: من أهم بنود الصراع معرفة الخصم .. فهل يعرف الشعب السوداني خصمه؟ أظن الأمر مازال ملتبسا بين الناس .. لا بل أن طبيعة النظام الحاكم ووجهته .. ملتبسة حتى في إذهان النخبة قائدة الرأي .. هل هو نظام عسكري بصبغة شمولية مثله مثل نظم جمهوريات الربيع العربي العلمانية التي تهاوت؟ أم أنه نظام شمولي إسلامي يعبر عن أشواق وطموحات دعاة الاسلام السياسي محليا وإقليميا وعالميا ؟ أم أنه خليط من الإثنين ؟ أم أنه لا هذا ولا ذاك .. بل عسكريون هواة سلطة يلعبون في كل الاتجاهات .. يستخدمون كافة الوسائل مع جميع الكليات لاستمرار بقائهم في السلطة .. لا يضيرهم أن يجمعوا بين الاسلام ونقيضه.. وبين العلمانية ونقيضها.. وبين الخطاب الصادق والكاذب.. وبين المفسد والمصلح .. الأمين والكاذب.. البناء والهدم .. السلم والحرب.. الغني جدا والفقير المدقع.. الجاني والمجني عليه.. المدنيون المسلحون والجيش النظامي.. صحن سلطة باختصار.. قول إتنين : خطاب الاتجاهات المعارضة بمختلف درجاتها وتوجهاتها .. لا يعكس سوى دلالات الصراع على السلطة .. وخلق أرضية تقنن لوجودها السياسي في الساحة .. بمعنى أن الخطاب السياسي المقابل لخطاب النظام المجوبك.. فوق أنه غير موحد .. لايحمل موجهات بمعالم واضحة تلامس الوجدان الشعبي.. وتقرر حقوقه .. وترفع مظالمه.. وتبذر فيه الثقة بامكانية العبور لبر الأمان .. دون فوضى أو تدمير للنسيج الإجتماعي.. . . كفايه كده ياخي.
08-01-2012, 04:57 AM
طه جعفر طه جعفر
تاريخ التسجيل: 09-14-2009
مجموع المشاركات: 7328
Quote: الرجال (معظمهم)-جيل الهزيمة ! تماهوا اخلاقيا وقيميا(بوعي او دون وعي ) مع النظام او مع افرازات النظام والرأسمالية --!! هذه ليست مشاهدة فترة شهر ولكن قبلها لمدة اكثر من 15 عاما من عمر النظام (خلال معاصرتي للمشاهد امامي !!) لا اعرف سبب تأثر الرجال سلبيا (اكثر من النساء ) في المنظومة القيمية - لكن تلك ملاحظتي... مثلا في الكذب- الادعاء - البوبار - احلام الغني (overnight) -التدين الشكلي -افكار البسنيس اما النساء فهم اكثر "دكرنة"- اكثر وفاء "للقيم السودانية" القديمة -اكثر تماسكا وتصالحا مع الذات هذه المشاهدة ليست فقط من المظاهرات لكن عموما انكسر الرجال يا سادتي !
الاخ الاستاذ هيثم الرواي في كتاب ليون الافريقي للكاتب امين معلوف في مشهد خاطف يصف فيه مصير الخال الذي كان ركيزة للبيت في الاندلس مصيره في فاس بالمغرب قال" امام المصائب ينكسر الرجال و النساء ينحنين الي اوان انصراف المصائب"
اجمالا اتفق معك حول جنين الطبقة المتوسطة الذي يتشكل و استطيع ان اعطي امثلة محددة هنالك عدد من المهنيين في الخرطوم و حواضر الوطن الكبري مهنيين يعملون غالبا في شركات الاتصالات مراكز العلاج الخاص ،مهندسون في القطاع الخاص مختلف المهنيين ، محامون مهنيون في مجالات تدريس اللغات موظفي المنظمات الاجنبية موظفي الشركات الكبري شركات السيارات و البنوك شركات تحويل الاموال و البريد السريع تصنيع الاطعمة و المشروبات كنت منهم في السنوات 2009 و 2010 حيث كنت ادرس في مدرسة اليونتي و الاستاذ هناك يستطيع ان يركب سيارة جيدة و يسكن في بيت مؤثث بشكل جيد و يرتاد آفاق اجتماعية لحياة مرفهة نسبيا و الاهم بيكون فيهو طرف لأهلوا و نسابتو جميع المهنيين الذين يستلمون رواتب اقلها 3000 الف جنيه في الشهر في تلك السنوات كان يبدون كطبقة متوسطة ناشئة و سيكون لها دور. التزام المؤتمر الوطني الذي احب ان اصنفه كطفيلية ( رأسمالية) تعتاش علي جهاز الدولة بآليات الفساد التزامه بمبدأ تحرير السوق فتح الطريق امام هذه الطبقة الوسطي لتتكون بعيدا عن ضيق افق المؤتمر الوطني السياسي. يبحثون عن حياة مختلفة و يحلمون بواقع افضل اتفق معك و ربما تكون قد تمكنت من ملاحظة ذلك
طه جعفر
08-01-2012, 05:30 AM
طه جعفر طه جعفر
تاريخ التسجيل: 09-14-2009
مجموع المشاركات: 7328
تلك المظاهرة التي دعت لها احزاب قوي الاجماع الوطني كنت في مدرسة اليونتي بشارع القصر و نقطة التجمع في ميدان ابوجنزير أجيء في الصباح بشارع السيد عبد الرحمن و اغادر بشارع النيل مرورا بتقاطع شارعي القصر و البلدية عند ميدان ابو جنزير في الصباح الباكر لاحظ اكوام الانقاض مردومة في في ميدان ابوجنزير هذه الاكوام لم تكن موجودة في نهاية اليوم السابق للتجمع صبيحة يوم المظاهرة مررت بمنزل السيد مبارك الفاضل علي شارع السيد عبد الرحمن البيت كان كثكنة عسكرية فهاتفت معارفا و عرفت ان الحال نفسه امام بيوت قيادات المعارضة و تعرض منزل الاخ ياسر عرمان لنفس الاجراء تمت محاصرة بيته و تم منعه من المغادرة الاستاذ محمد ابراهيم نقد نجح في الحضور باختصار لانه امضي الليل في بيت لا يعرفه جهاز الامن!! باختصار تم افشال المظاهرة بمنع قيادات الاحزاب من الحضور. تكلمنا مع مديرة المدرسة من اجل الخروج. لم تمانع و قالت اريد لصفوف الطلاب الممتحنين ان لا يخسروا حصصهم. عرفنا بعدها العدد الذي سيشارك. كنت علي تنسيق مع مجموعة المحامين و الاطباء، انا شخصيا لم اشارك و شارك غيري فلم يجدوا غير الاستاذ محمد ابراهيم نقد تم اعتقال الاستاذة امل هباني باسلوب وحشي و العديد من الناشطات. تم ضرب المارة بصورة وحشية علي نية التجمع اجبر الاستاذ محمد ابراهيم نقد علي ركوب سيارة اخذته في النهاية الي بيته تم ذلك امام زملائي الذين تمكنوا من الانفلات من شراك الاعتقال التي كانت منصوبة من السكة حديد الي شارع النيل (شمال جنوب) و من شارع المك نمر الي شارع الحرية (شرق غرب) تم افشال المظاهرة بهذا الاسلوب. حكيت هذه السالفة في سودانيزاونلاين و في ذلك البوست تخاشنت مع الاخت دينا خالد التي سخرت من كلامي ! تعرف يا هيثم طه و بقية الاعضاء احيانا مبدأ ان تقول الحقيقة في سودانيزاونلاين هنا صعب. اعتذر عن السرد الطويل لكنه ضروري لكشف الفكرة التي احاول ايصالها مثلا تراجي مصطفي في كندا اكتفت بأن الاحزاب لم ترد الخروج و انتهينا و هي احزاب جلابة الي نهاية الموال و دينا خالد شككت في نواياي و لم تأخذني مأخذ الجد! هذه المظاهرة بالذات كان الاتفاق ان يخرج الجميع حتي ياسر عرمان لم يستطع لأن لم يكن بحذق الاستاذ محمد ابراهيم نقد ناهيك عن مبارك الفاضل. الدولة تديرها عصابة تعرف عن مفاتيح الثورة كثيرا و يعرفون كيف يفشلونها الجربانين هنا من انصار الكيزان في المنبر عبارة عن طير بالنسبة لهم لي معرفة شخصية بالاستاذ فاروق ابوعيسي ليس منه مباشرة عرفت جدية رغبة السيد مبارك الفاضل في الخروج السيد الصادق المهدي الاستاذ علي السيد الاستاذ حاتم السر ساطع محمد الذي نجح في المجيء و تم اجباره علي مغادرة المكان وفرنا ملاذا باليونتي للعديدين منهم عاصم الحزين مثلا
المدهش بالنسبة لي ان العديد من مرتادي سودانيزاونلاين صدقوا فكرة" حضرنا و لم نجدكم" تكلمت مع صحفيين و كانوا جميعا يعرفون انه خداع الفوتوشوب و تزييف الحقائق الممنهج لأنه كانوا في ميدان ابوجنزير اوان الحدث يا هيثم للآن العديد من اعضاء و قراء سودانيزاونلاين يعتقدون ان الاستاذ محمد ابراهيم نقد حمل ورقة و كتب عليها حضرنا و لم نجدكم! هذا لم يحدث لكن البشوف القلب ما العين لذلك احترم مشاهداتك لأنني اثق في قلبك! قبل ايام نشرت هنا مقابلة صحفية مع صلاح قوش و كذب فيها حين قال انه ذهب الي البيت الذي كان يختفي فيه الاستاذ محمد ابراهيم نقد! قوش و محمد عطا ذهبا الي بيت الاستاذة فايزة نقد( احد شقيقات الاستاذ محمد ابراهيم نقد) و الدكتور عوض حسن و لن يكون هذه البيت ابدا المخبأ الذي سيختفي فيه الاستاذ نقد كيف يختفي الاستاذ نقد في بيت أخته كيف؟ جرب مع ناس سودانيزاونلاين و لن تستطيع اقناعهم بغير الفكرة التي يريدون ان يحملوها. انا لاقيت شيوعيين بيفتكروا انو دي ضربة يجب محاسبة الحزب عليها!!!!!!؟ موش دية مشاهداتك فهناك من سيغالطك فيها يا اخوي دا قدرنا نعمل أيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وقيل ا، البعير كان حمل ضمن ما يحمل شوالات عيش وحديد خردة وبُخَس لبن وبعض حطب وسرج وسيف صدئ وكانون وحلة وسعن وخُرُج وقربة
وكان صاحب الجمل قد اكل لتوه لحماً وركب جمله فطلب من احدهم أن يناوله قشة لينخس اسنانه، فقصمت ظهر بعيره. ما علينا التغيير سيأتي لأان هناك تيار راغب في التغيير
ولأن قش الحكومة كتير فسيقصم ظهر البعير عاجلاً أم آجلاً.
قشة مصر كانت خالد سعيد وقشة ليبيا كانت محامي الشهداء وقشة سوريا كانت درعا وقشة ابريل كانت استفزاز ابعاج
08-01-2012, 07:03 PM
هيثم طه هيثم طه
تاريخ التسجيل: 08-30-2011
مجموع المشاركات: 1153
Quote: اتفق معك وأنا من على البعد من معايشتي اليومية في مجموعات ألفيس بوك.. هؤلاء الشباب الذين ترعرعوا في ظل هذا النظام جيل متحمس واعي يحلم بوطن متعدد يتساوي فيه الجميع وواثق من النصر
العزيزة اماني سلامات ومرحب بيك بملاحظاتك
في زحمة المآسي دي ياخي خليني احكي ليك مشاهدة منبرية خاصة !! ممكن ؟ تصدقي بفرح فرح طفولي لامن واحد يقتبس لي اقتباس طويل ! لانو اكيد بكون قرا المداخلة الطويلة بتاعتي ! وبالرغم من انو تخصصي في حتة علاقة الـ (audiences) بالميديا وهل هم (consumers ) ولة (citizens) وشبه معروف انو معظم الـ (audiences) اتحولوا لـ(consumers ) وبالتالي حقو الزول يفصل المنتج (المداخلة مثلا) حسب طلبهم - وما تكون اطول من خمسة سطور ! -- لكن انا "لقوة راس" قاعد اكتب مداخلة طويلة واصلا مهجس هل الناس قاعدة تقرأ !؟ وفوق هواجسي-- مسكوني البروف ووهبة في السودان وقالوا لي ياخي مافي زول قاعد يقرا ليك وما تتعب روحك ساي!! وقلت خلاص حقو الزول يقيف من المنبر -- تتخيلي
العزيز فاتح سليمان سلامات و مرحب بيك وبحضورك في الخيط
Quote: امس اتكلمنا في الكلام كتير انصر دينك يا هيثم ودين المراة السودانية .... دي نقطة حاصلة وتحسها في كل مكان في البيت في الشارع في العمل في التظاهر في اي مكان المراة السودانية فعلا لم يصبها التشوه الحاصل من اعادة صياغة الانسان السوداني ولم يفت عضمها القوي قانون النظام العام
تصدق يا فاتح وانا خايف كتبت المشاهدة ديك ! لانو كتابة المشاهدة بتتأثر كتير "بالذاتي" و برؤي الزول و نوازعو الايدلوجية واجندو الواعية وغير الواعية - علي الاقل بفتكر مشاهدة زي ديك حقو تتكتب بعد تفحص و معرفة بحركة المجتمع والا ممكن نكون (feeding the popular culture ) بتاعتنا بحقائق غير مكتملة اوغير صحيحة.. ودا ممكن يضر اكتر من ما ينفع كما يقول المنفيُّ في المنفي بكري الجاك !!
لكن أهو شكلنا بنتحلل من المسؤولية الاخلاقية بتاعت الكتابة و قد نساهم في الفوضي المعرفية الحاصلة !!
لكن تأكيدك للمشاهدة طمني شوية
الله يكون في "عون" الرجال و "حفظ" النساء من اجل عيون الاطفال الشهداء والقادمين
شكرا لمقاطع حميد ويا ريت تزور الخيط تاني
(عدل بواسطة هيثم طه on 08-01-2012, 07:33 PM) (عدل بواسطة هيثم طه on 08-01-2012, 07:41 PM)
08-01-2012, 07:56 PM
هيثم طه هيثم طه
تاريخ التسجيل: 08-30-2011
مجموع المشاركات: 1153
في زحمة المآسي دي ياخي خليني احكي ليك مشاهدة منبرية خاصة !! ممكن ؟ تصدقي بفرح فرح طفولي لامن واحد يقتبس لي اقتباس طويل ! لانو اكيد بكون قرا المداخلة الطويلة بتاعتي ! وبالرغم من انو تخصصي في حتة علاقة الـ (audiences) بالميديا وهل هم (consumers ) ولة (citizens) وشبه معروف انو معظم الـ (audiences) اتحولوا لـ(consumers ) وبالتالي حقو الزول يفصل المنتج (المداخلة مثلا) حسب طلبهم - وما تكون اطول من خمسة سطور ! -- لكن انا "لقوة راس" قاعد اكتب مداخلة طويلة واصلا مهجس هل الناس قاعدة تقرأ !؟ وفوق هواجسي-- مسكوني البروف ووهبة في السودان وقالوا لي ياخي مافي زول قاعد يقرا ليك وما تتعب روحك ساي!! وقلت خلاص حقو الزول يقيف من المنبر -- تتخيلي وحسع اقتباسك شال مني شوية هواجس ولازم اشكرك ياخي !! Haitham
سلامات يا هيثم و ان شاء الله تكون بخير ووصلت بالسلامة
متابعة المشاهد و الانطباعات الناس ممكن تتفق او تختلف معاك في تحليلك للمشاهدات، لكنها تفضل قرايتك انت لواقع شفته، و افضل ان اقرا و افهم الي ان تكتمل الصورة احسن عندي عن مفهومك للعايشته في السودان.
ان شاء الله تكون ما جادي شديد في قصة انه الناس ما قاعدة تقرا المداخلات الطويلة. لا يمكن ايضا ان تاخذ عدم اقتباس الناس او حتي عدم ردهم كدليل انه كلامك ما اتقرا، وما اتفهم و كمان ما وصل، لانه بالمنطق ده ما ختيت في اعتبارك القراء الخارج المنبر الصامتين او حتي داخل المنبر ممن يقرا و يفهم، بل و تغير القراية تفكيره او حتي سلوكه، من سكات. قارن عدد قراء البوست بعدد الردود فيه و انت تلاحظ انه الردود ليست دليل جيد علي المتابعة، الكلام ده ما اظنة جديد عليك و اثير في عدة مواقف في المنبر. ربط كتابتك و توقفك بعدم قراية الناس ليك ده مرتبط بسؤال لماذا نكتب، و اظنه طرق من ناس كتار في المنبر ده و المنابر المجاورة.
باختصار: اكتب بمزاجك و طريقتك و كل يقرا او لا يقرا بطريقته.
ـــــــــ بالمناسبة، في احد ردودي لوليد الشفت (اعتقد) و في احد البوستات، كتبت انه مداخلتي فاتت مداخلات هيثم طولا، و كان في بالي بوست سابق حصل فيه نقاش من بعض الاخوة بالهظار معاك علي الحاجة دي، كنت بهظر و ان لم تتقبل التعليق, فعذرا و حقك علي ما دام انت حساس كده ياخ :)
08-01-2012, 11:42 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
Quote: من أهم بنود الصراع معرفة الخصم .. فهل يعرف الشعب السوداني خصمه؟ أظن الأمر مازال ملتبسا بين الناس ..لا بل أن طبيعة النظام الحاكم ووجهته .. ملتبسة حتى في إذهان النخبة قائدة الرأي .
بالطبع معرفة الخصم مهمة لكن ايضا معها رفض الواقع اولا ! يكفي انه نظام ينهب ويسرق ويقتل معرفتنا للخصم يمكن ان يحررنا من التاريخ و تخيلاتنا لتكرار التاريخ وثورتي اكتوبر وابريل ولكي لا نتخيل ان تلك الادوات يمكن ان تحدث ثورة !
فالشعب الليبي مثلا لم يعرف انه سيقدم الاف الشهداء ولم يكن يعرف كم هو اخرق نظامه وخصمه ولكنه رفض الواقع اولا ثم اختار طرق مختلفة للثورة حسب المراحل وكذلك الثورة اليمنية والتي -حسب معرفتي -اطول ثورة سلمية في التاريخ ! استطاع الشباب اليمني باقتدار واعجوبة ادارة ثورتهم بطريقة سلمية اكثر من عام في بلد مليء بالتناقضات ومهيئات الحرب القبلية والاهلية -- تعلّم الشباب كل هذا اثناء الثورة ... شخصيا لا اعرف كيف استطاع الشباب اليمني اقناع شعب بسيط تتفشي فيه الامية والسلاح بالخروج كل هذه المدة ! كيف زرعوا الامل والايمان والثبات !؟ قد لا يكونوا اوصلوا الثورة للنهايات التي كانوا يريدونها لتدخل صفقات السياسين(قصيري النفس ) لكن يكفي انهم نجحوا في ادارة اطول ثورة سلمية في التاريخ
ويختار الشعب السوري الان مسارات مختلفة حسب مراحل ومتطلبات الثورة -- أري انه علينا التحرر اولا من ذاكرة ثورتي اكتوبروابريل الا من جانب الاستلهام فقط - وذلك لاختلاف ديناميكيات الثورة والانظمة الموضوع ليس انه لدينا الثورات وان الشعب السوداني لديه ارث ثوري ولا نحتاج الي الربيع العربي فالانظمة اصبحت تتشابه وتتبادل الخبرات والقيادات السياسية من المعارضة اصبحت تتشابه وتتبادل الخذلان !
ولا بديل سوي الشباب
(عدل بواسطة هيثم طه on 08-02-2012, 03:06 AM) (عدل بواسطة هيثم طه on 08-02-2012, 03:32 AM)
08-02-2012, 03:08 AM
هيثم طه هيثم طه
تاريخ التسجيل: 08-30-2011
مجموع المشاركات: 1153
ما زلنا نعلق الامال لنفس القيادات التي احدثت تلك الثورات باحداث ثورة جديدة ! الترابي -الصادق ومعظم القيادات مثلا في اكتوبر كانوا تقريبا دون الثلاثين او شابة - تماما مثل شباب اليوم .. الان معظمهم في حدود الثمانين ! هذه القيادات لا تستحق حتي توجيه النقد لها بانها مقصرة !!انها الان خارج التاريخ لكنها لا تدرك ذلك او لا تريد ان تعترف ! تركيز النقد عليهم يعني انهم قابعون لا في الحاضر بل في اذهاننا ! لان اذهاننا ما زالت في التاريخ ولا ندري ما يحدث في الحاضر او نصنع حاضرا جديد !! هذه القيادات غير قادرة لتحديد موقعها من "الرفض" او "القبول" للواقع ! فكيف نريد منهم صناعة ثورة ! لا يصنع الثورة الا من يرفض الواقع ! لا اظن انه يمكن لجيل واحد ان يحدث تلات ثورات في العالم !وان حدث فسيكون حدثا استثنائيا في تاريخ الثورات !! هذا اضافة لاختلاف طبيعة الانظمة و تطورها في وسائل القمع و تشبثها بالسلطة
هناك شباب يصعقون بالكهرباء في المعتقلات واطفال يقتلون و ما زالت تلك القيادات الهرمة تتحدث عن "وثيقة البديل الديمقراطي" !!وكأنهم احدثوا الثورة !! و اناس منهمكون في نقد تلك الوثيقة كما يفعل الاستاذ الجزولي !! لا اعني عدم تجهيز الوثيقة او عدم نقدها كممارسة لنقد للفكر السياسي لكن اعتبرها اشياء خارج التاريخ و الواقع الحقيقي للثورة ولشبابها.... شباب الثورة الحقيقيون -في نظري- لا يأبهون كثيرا للوثيقة او نقدها !
الشباب منهمكون في انجاز ثورتهم وكيفية انجاحها واستفادوا من تراكمات مظاهرات 30 يناير- العام الماضي
Quote: تركيز النقد عليهم يعني انهم قابعون لا في الحاضر بل في اذهاننا ! لان اذهاننا ما زالت في التاريخ ولا ندري ما يحدث في الحاضر او نصنع حاضرا جديد !!
نعم هذا هو القول (المشكة في اذهاننا) فنحن ننتظر منهم ان يكونوا معنا او ضدنا و بالتالي نريد منهم ان يعطونا مفاتيح الحل ان كانو معنا او يبعدو عن الابواب ان كانوا ضدنا لنكسرها .. ماذا لو ببساطة تذكرنا انهم لايحملون المفاتيح هم فقط واقفون بجانب الباب منذ وقت بعيد حتى ظننا ان علاقتهم بالابواب لازالت مستمرة ----------- تشخيص المشلكة نصف الحل شكرا هيثم طه انت و دينا من كتابي المفضلين في هذا المنبر لكن حتى الان لا استطيع ان اصدق انك قابلت دينا خالد- حتى موضوع الشاي المقنن (بغلاطه) موغل في الواقعية لدرجة الخيال لذا Give us another hint .
08-03-2012, 01:58 AM
هيثم طه هيثم طه
تاريخ التسجيل: 08-30-2011
مجموع المشاركات: 1153
Quote: يا هيثم للآن العديد من اعضاء و قراء سودانيزاونلاين يعتقدون ان الاستاذ محمد ابراهيم نقد حمل ورقة و كتب عليها حضرنا و لم نجدكم!
شخصيا لا اعتقد المشكلة انو في عقلية محددة في سودانيز - وانا حتي كتابة مداخلتك كنت ما متأكد هل الراحل نقد حمل الورقة ام لا ؟؟بل كنت اميْل انو دا الحصل ! واكاد اجزم انو في ناس ما عندها علاقة بسودانيز مصدقة القصة المشكلة من وين طيب ؟؟ سابقا الانظمة الديكتاتورية كانت عندها اليد الطولي في (shaping the narratives ) والـ(storytelling) وخلق قصص واقناعها للجمهور لانها كانت محتكرة كل وسائل الاتصال - حسع بقي الف منفذ ومنفذ لكسر الاحتكار دا بعد ظهور الانترنت والوسائل الاخري والسؤال ببقي : اذا النظام لغرض معين قدر يفبرك قصة زي دي ليه الجزب الشيوعي ما قدر يخلق (narratives ) مضادة او تصحيحية !؟ وزي ما انت قلت في القصة التانية او اكذوبة قوش عن معرفتو مكان نقد - وانو في شيوعيين مصدقين كلام قوش ! كيف ممكن ناس سودانيز او العاديين ما يصدقوا القصص اذا الحزب الشيوعي ما قادر يقنع جمهورو بانو كلام قوش كذب !!
النظام ما عندو غير تلفزيون (غير محضور شديد) وشوية جرائد --- وين نحن !؟
طه يا عزيزي قبل ما نلوم الناس العاديين او ناس سودانيز -بفتكر - لازم نفكر العقل بشتغل كيف في تلقف الاخبار والقصص ونستغل كل الوسائل المتاحة للوصول للناس --(and to shape our own narratives) هل الراحل نقد فكر يعمل فيديو في اليوتيوب مدتو تلاتة دقائق بس لتكذيب الخبر !؟ حسب علمي ما عمل.. واعرف كيف مثلا بعدم صحة القصة ؟
النظام السوري في بداية الثورة السورية بقت تكذّب الفيديوهات بتاعت الشباب في الفيسبوك وبتقول انها قديمة او من دول تانية و استغلت انو مافي مصادر تانية - و القنوات بقت مجهجة في نقل الفيديوهات من شبكات التواصل الاجتماعي .... وبقت في مماحكات كتيرة في القنوات التلفزيونية حول مصداقية المصادر بتاعت الشباب .... بعد فترة الحل كان بسيط باختراع الشباب : بقوا يكتبوا التاريخ في ورقة وزول يعلن ويقرا التاريخ والمكان في الفيديو -- وسقطت حجة النظام وقصصها و القنوات بقت تنقل بثقة شديدة --وهكذا في كل اكاذيب النظام
يا طه المعارضة السودانية كلها ما عندها قناة تسجيلية في اليوتويب المجاني دا عشان نسمع رأيهم عن الحاصل -عن الثورة -عن احوالهم وصحتهم !! ياسر عرمان او سيد احمد الحسين ما بنسمع بيهم الا يعمل ندوة كل سنة في واشنطون او في لندن !! الناس دي عايشة خارج التاريخ يا عزيزي !!
الشباب الصغار بقوا عندهم قنوات تسجيلية وبقوا ينافسوا الجزيرة -واخبار العربية كلها عن الثورة كانت من القنوان البسيطة والمجانية دي
تقديري
08-03-2012, 02:50 AM
هيثم طه هيثم طه
تاريخ التسجيل: 08-30-2011
مجموع المشاركات: 1153
Quote: قشة مصر كانت خالد سعيد وقشة ليبيا كانت محامي الشهداء وقشة سوريا كانت درعا وقشة ابريل كانت استفزاز ابعاج
ولتشابها في الغباء فان الانظمة لا تدري باي قشة تموت
لك المودة يا عزيزي --- رحاب -!!
Quote: لا يمكن ايضا ان تاخذ عدم اقتباس الناس او حتي عدم ردهم كدليل انه كلامك ما اتقرا، وما اتفهم و كمان ما وصل، لانه بالمنطق ده ما ختيت في اعتبارك القراء الخارج المنبر الصامتين او حتي داخل المنبر ممن يقرا و يفهم، بل و تغير القراية تفكيره او حتي سلوكه، من سكات.
ممكن الكلام دا نظريا معروف -لكن ما عرفت القلم ما بزيل بلم ليه ! هل لان الاسفير فضاء اجتماعي-ثقافي و حضورنا قاعد يكون بالذوات اكتر من العقول ومهما تكون شعارات الزول لكن ممكن تعرض الزول لحدث اجتماعي زي اساءة او فقد عزيز يخلي الواحد يغير قناعاتو ؟؟ ام لان الحاجات المقتنعين بيها ما قوية او ما قاعدة في لاوعية
ما عارف والله !
Quote: بالمناسبة، في احد ردودي لوليد الشفت (اعتقد) و في احد البوستات، كتبت انه مداخلتي فاتت مداخلات هيثم طولا، و كان في بالي بوست سابق حصل فيه نقاش من بعض الاخوة بالهظار معاك علي الحاجة دي، كنت بهظر و ان لم تتقبل التعليق, فعذرا و حقك علي ما دام انت حساس كده ياخ :)
غايتو يا رحاب لطف زي دا نتعامل معاهو كيف ما أدونا ليهو ! يا بت انتي متأكدة انك سودانية !؟
ان شاء الله ياخ !
---
بالمناسبة يا امير عثمان هل بقي ظاهر انو المشاهدات انتهت !!
08-03-2012, 02:48 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: تذكرت للحظة (في حضرتهم ) مقولة الناشط المصري وائل غنيم (اننا لسنا سياسيين ولم نتوقع للحظة بسقوط الرئيس لكن كان علينا التعبير عن رفضنا كل يوم ) ! ما اشبه الأجيال الحقيقية للثورات !
دا الكود -كود الربيع العربي- خلي ابتفة و ابو حتوت يجوا يفكوهو .. لو بقدروا
يقولوا ليهم (بيت مهجور) .. يقولوا ليك (خرابة)!
الخراااااااااااابل!!
اؤكد على مشاهدتك بالخصوص دا .. وتماماً شوف عين .. وقلب .. عياناً بياناً بالعمل المافي شنو .. وانا كنت هناك*
الما قالو غنيم وقالوهو (المفكرين) المخضرمين: انو الربيع العربي حقق (الوحدة) .. ذاك الطلب العزيز .. لكن في انصع تجلياتها .. المتجاوزة للقومية والعرقية .. بل حتى المذهبية و الايديولوجية .. لرحابه الوحدة (الوجدانية) كلنا كنا (الثورة) من القصبة وسيدي ابوزيد .. لميدان التحرير .. وساحة التغيير .. لبنغازي ومصراتة .. ودرعا وحلب .. ولم نتنهي بدمش الثورة مستمرة .. وستنتصر مادام حداتها و قادتها الشافتم عيني ديل
-------------
* كان ما تواضع ساي مفروض ادعي ساي اني مفترعها و مفجرها المافي شنو مع خفة اليد الثورية هو!؟
هيثم فكرت في انك تراجع متخصص بخصوص البارانوايا وحالة التوهان الانت فيو دا انت!؟ ياخ كل مرة القاك عامل ليك مداخلة طوييييلة نصها تبرير لطولة المداخلة .. اصلو شنو هو!؟ عذبتنا يا خلف الله!!
08-03-2012, 03:28 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
الأخ هيثم طه .. بصراحة مداخلاتك لا طويلة ولا حاجة ..فى ناس برايين أكتر منك بكتيييير ..
بس مشكلتك أول ما جيت فتحت ليك بوست طويل عريض حاولت فيه وضع معايير خاصة للنقاش ، ونصبت من نفسك حكما على البني آمين والبنات حواءات فى هذا( البنبر ) .........عشان كدا بقيت أسير للتبرير ..وفقدت الشجاعة (أعني حرية الكتابة ) ...وعلى نفسها جنت براقش .
كمان مشكلتك مصر تخلط لغتين مع بعض فى كتابتك ...والطريقة دى شخصيا بتغيظني ..وعندى حكم ما حا يعجبك حول مستخدميها ...:) (إنت قايل براك العندك رأى ناقد )
..............
ثم ثانيا /
Quote: بعد ان ظن النظام ان كل شئ انتهي باعتقال 2000 شخص في الخرطوم
لاحظتك تردد أكثر من مرة إن عدد المعتقلين والمعتقلات هم 2000 فقط ...وكمان فى الخرطوم .
فماهو دليلك إن هذا هو العدد الحقيقي للمعتقلين ؟ وما هو دليلك إن المعتقلين والمعتقلات هم فى الخرطوم بس ؟
لا أحد بوسعه تقدير العدد الحقيقي لا فى الخرطوم ولا باقي مدن ومناطق السودان ...فهناك ناس لم يعرف أهاليهم إنهم معتقلين إلا بعد سنوات ...أو شهور ..ولا زال هناك أناس فى عداد المفقودين ولا يعرف مصيرهم . وحصر المعتقلين ذاتو يتم فى أماكن معينة ...وما بيحصل حصر إلا لما يكون معاهم معتقل معروف أو ليهو ضهر . ______________
هذه المداخلة من باب (البل ) ...بقيت ملاوز من البل أهو حصل .. واللي يخاف من العفريت يطلعلو .......:)
08-03-2012, 05:24 AM
هيثم طه هيثم طه
تاريخ التسجيل: 08-30-2011
مجموع المشاركات: 1153
Quote: نعم هذا هو القول (المشكة في اذهاننا) فنحن ننتظر منهم ان يكونوا معنا او ضدنا و بالتالي نريد منهم ان يعطونا مفاتيح الحل ان كانو معنا او يبعدو عن الابواب ان كانوا ضدنا لنكسرها ..
وصم القيادات امثال الصادق-الترابي -نقد وغيرهم بانهم هم سبب ازمة السودان -في نظري- تبسيط للواقع السوداني وكأن هولاء ان لم يوجدوا لكان السودان بخير ! وبالتالي كأن ازاحة هؤلاء من امامنا هو مفتاح الحل
ان لم يكن هؤلاء بشخوصهم لكان صادق اخر و نقد اخر و اخرين موجودين لا يمكن ان نطلب من الصادق او غيره ان يعتزل السياسة - هذا يعني اعفاء انفسنا من المسؤولية وعجزنا عن ازاحتهم ! كيف تركنا لهم السودان ! وكيف تنازلت النخبة الاولي من الطبقة "المستنيرة" من مؤتمر الخريجين بعد الاستقلال وارتضت العمل تحت لواء الطائفية
نحن الذين صنعنا كل هذه الاصنام بايدينا ولولانا لما كانوا ! وكل ما كثرت المصائب فالمتهمون جاهزون --القيادات والان نطلب منهم ان يصنعوا لنا الثورة !
تحياتي والثورة مستمرة !
----
The request will be fulfilled !!1
08-03-2012, 11:21 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: كمان مشكلتك مصر تخلط لغتين مع بعض فى كتابتك ...والطريقة دى شخصيا بتغيظني ..وعندى حكم ما حا يعجبك حول مستخدميها ...:) (إنت قايل براك العندك رأى ناقد )
كلنا ذاك الرجل يا امونة
الفلهمة ما حبابا كلو كلو!! في منبر بالانقليزي لو الناس مجضمينو .. دا منبر عرب ساااااي
------------
تعرف يا هيثم الحزء البتضغط ليو (الط) ؤ (شفت) دا تعبان فيو سااااي ... صراحة من تتغير اللغة بنط طوالي لمحل القى نفس س س اللغة الاولانية وصراحة -بما اني عربي ساي- اي حاجة ما عربي ما قاعد اقراها في مطعم الباشا- القسم العربي دا
اسي دي ما فلهمة ساي منك؟
Quote: The request will be fulfilled !!
ول قاصد تشفير يا عمك؟ اوع تدقس تاني
08-03-2012, 01:54 PM
هيثم طه هيثم طه
تاريخ التسجيل: 08-30-2011
مجموع المشاركات: 1153
Quote: لا أحد بوسعه تقدير العدد الحقيقي لا فى الخرطوم ولا باقي مدن ومناطق السودان ...فهناك ناس لم يعرف أهاليهم إنهم معتقلين إلا بعد سنوات ...أو شهور ..ولا زال هناك أناس فى عداد المفقودين ولا يعرف مصيرهم
امنة يا أخية بالتاكيد الكلام دا صحيح وبل بديهي - الحكومة زاتها ممكن ما تعرف العدد الحقيقي !! ولامن ذكرت العدد بالتاكيد ما قصدي انو دا العدد الصحيح او مافي معتقلين خارج الخرطوم -- اي فجة فيها معتقل يا امنة .. حسع القضارف او سنار - براه ممكن يكون فيها عشرات المعتقلين كلامي والعدد الذكرتو كان اشارة الي "احساس الحكومة" بإنها باعتقال الناشطين في الخرطوم خلاص الثورة خمدت -- بس .. باعتبار الخرطوم مركز الثقل - لكن جاتها الثورات من حيث لا تحتسب ! --
Quote: هذه المداخلة من باب (البل ) ...بقيت ملاوز من البل أهو حصل ..
ياخي أنْعم بها من بلْ !! تعرفي يا امنة انا لامن اقول "ياخوانا انا بخاف او ما بحب البل " - والله العظيم الفكرة كلها اني ما خايف اقول "انا خايف من البل " -هههه ودا احساسي الحقيقي ! ياخي البل عموما سخيف !! وبالجد مرات بستغرب من كمية ثقافة العنف الـ في دواخلنا
عموما شكلو كلنا بنجي المنبر وشايلين مشاكلنا وهواجسنا ومنغصاتنا بتاعت الحياة وبنحاول نشارك بيها الناس بالطريقة الغلط !!زي عن طريق البل ! -بس المشكلة لامن مرات نعتبر مشاكلنا الخاصة هي مشاكل الاخرين !! وبعتبر كتير من البل الـ في المنبر دا تعرية للذات قبل ما يكون اساءة للاخر ! عشان كدة كتير بكون بتعاطف مع "البال" وليس المبلول ! (عكس ما توحي بها كتاباتي احيانا ) !
Quote: Quote: نعم هذا هو القول (المشكة في اذهاننا) فنحن ننتظر منهم ان يكونوا معنا او ضدنا و بالتالي نريد منهم ان يعطونا مفاتيح الحل ان كانو معنا او يبعدو عن الابواب ان كانوا ضدنا لنكسرها .. وصم القيادات امثال الصادق-الترابي -نقد وغيرهم بانهم هم سبب ازمة السودان -في نظري- تبسيط للواقع السوداني وكأن هولاء ان لم يوجدوا لكان السودان بخير ! وبالتالي كأن ازاحة هؤلاء من امامنا هو مفتاح الحل
ان لم يكن هؤلاء بشخوصهم لكان صادق اخر و نقد اخر و اخرين موجودين لا يمكن ان نطلب من الصادق او غيره ان يعتزل السياسة - هذا يعني اعفاء انفسنا من المسؤولية وعجزنا عن ازاحتهم ! كيف تركنا لهم السودان ! وكيف تنازلت النخبة الاولي من الطبقة "المستنيرة" من مؤتمر الخريجين بعد الاستقلال وارتضت العمل تحت لواء الطائفية
نحن الذين صنعنا كل هذه الاصنام بايدينا ولولانا لما كانوا ! وكل ما كثرت المصائب فالمتهمون جاهزون --القيادات والان نطلب منهم ان يصنعوا لنا الثورة ! تحياتي والثورة مستمرة !
هيثم يا صاحب هذة الكلمات أعلاة يجب أن تدرس لكلمناضل ومعارض ومواطن وانسان
كلمات حكيمة وفي الصميم ومفروضتتتختا في كل جريدة وإزاعةوتلفزيون ياخي ريححتني بيها وجضمته الواقع بي منطق وأديت الشعب السوداني الخانع الساكت اللامبالي الراثي علي حالة Feeling sorry for himself blaming others and everyone else for his problems خلي آمنة تزعل لغتين أهههة النجيضة
شكرا يا هيثم وأكتب ياخ أكتب كتيرررررراللة يكتر من أمثالك ياخي
08-04-2012, 07:00 PM
هيثم طه هيثم طه
تاريخ التسجيل: 08-30-2011
مجموع المشاركات: 1153
وكذلك الشفرة النهائية للربيع العربي كان تعبير لنهاية الديكتاتور الاله ! وبتحسر لامن التحليلات التبسيطية تقول انو الربيع العربي أتي بالتيار الاسلامي للسلطة ! الربيع العربي ادي مهته علي أكمل وجه لقتل صورة (الزعيم -الدولة ) الظاهر في السطح الان في الساحة هو مخلفات الانظمة السابقة من تيارات اسلامية مكبوتة وغيرها
الناس مستعجلة يا قيقا ! -
Quote:
Quote: اسي دي ما فلهمة ساي منك؟
The request will be fulfilled !!
يا قيقا انت كنت أساسي في بوست الجدجمنت* !ما ممكن تاني تتكلم عن الفلهمة ! تعرف العقل الجدجمنتال زي حقنا دا ما بيتساءل كتير لانو الاجابات جاهزة عندو براهو ! ما ح تتخيل الزول بضيقو علي روحو بالجدجمنت كيف !وبختزل التجارب الانسانية للاخرين عموما الجملة دي كانت اجابة لطلب نازك الطيب عن الـ(hint) !
مشاهدات اخيرة : جمعة الكنداكة 13-7-2012 تتابع الاحداث ...والفرق بينها وبين الجمعات السابقة لها حضور قيادات الامة وغيابها ... حضور القيادات الشبابية من مختلف المناطق في العاصمة ... الكنداكات ... مصاعب نهايات المظاهرة والاعتقالات ... مفارقات التدخين والتمباك في الجمعات والتي اثارتها مبررات الامام أبو كتبرير للخذلان الاخير
استفدت جدا من سردك التفصيلي من الخطوط الامامية للثورة و صرت انظر لدوافع حركة الشباب بصورة مغايرة بعد قراءة بوستك هذا خاصة تشخيص الشباب الذي خاض الثورة
اتصلت ايضا بصديق في الثورة اثق في تحليلاته و هو قد جاب العالم لـ 20 سنة و عاد إلى السودان قبل بضعة سنوات، وذكر لي حقائق تشابه لحد بعيد تحليلاتك اعلاها
في رأيي انه حتى الاعتقالات العشوائية التي يقوم بها النظام ضد منظمي المظاهرات ستعود على النظام بصورة سلبية
مثلا في بولندا في ثمانينات القرن الماضي ادى سجن المتظاهرين ضد النظام الشيوعي آنذاك إلى عملية تثاقف كبيرة في ما بينهم و ضاعف من الروح النضالية بينهم، كما ادى الى تكوين قيادات جديدة و مسئولة خبرت بعضها في المعتقلات و السجون
حسب رأيي و على الرغم من خنق المظاهرات الاخيرة إلا ان هناك ماردا شبابيا عملاقا خرج من قمقمه، و سيقوم بتجاوز القيادات الموجودة، ليس للصعود إلى السلطة كما قال وائل غنيم بل إلى التغيير، و في خضم هذا التغيير ستصعد قيادات جديدة
و بالعودة لنموذج بولندا الذي ذكرته اعلاه فإن رئيس وزرائها الحالي دونالد توسك كان في منتصف العشرينيات في 1990 و 1991 وقد شهدته نائبا برلمانيا في 1994 و 1995 ابان دراستي هناك، و هو الآن من انجح السياسيين في اوروبا و بلاده هي الوحيدة التي افلتت من الركود الاقتصادي الذي ضرب كل اوروبا
يقيني ان شباب السودان سيخلقون قياداتهم التي ستغير وجه هذا البلد و إلى الابد، لكنهم تعوزهم الثقة في انفسهم و تحركاتهم الاخيرة دليل عافية و دليل على اكتشافهم لمكامن القوة داخلهم
وشكرا لك هيثم على الملاحظات القيمة اخوك امجد
08-06-2012, 09:04 PM
هيثم طه هيثم طه
تاريخ التسجيل: 08-30-2011
مجموع المشاركات: 1153
Quote: و بالعودة لنموذج بولندا الذي ذكرته اعلاه فإن رئيس وزرائها الحالي دونالد توسك كان في منتصف العشرينيات في 1990 و 1991 وقد شهدته نائبا برلمانيا في 1994 و 1995 ابان دراستي هناك، و هو الآن من انجح السياسيين في اوروبا و بلاده هي الوحيدة التي افلتت من الركود الاقتصادي الذي ضرب كل اوروبا
هذا بالضبط ما كنت أعنيه بالاستعجال لصديقي قيقا الجيل الذي صنع الربيع قد يختفي الي الظل الي حين و هذا لا يعني ان الثورة قد سرقت - لكن هذه طبيعة الاشياء هم لم يصنعوا الثورات ليحكموا ! ولكن سيأتي زمنهم لاحقا الديمقراطية كعملية طويلة لا تأتي عشية نهاية الديكتاتور -الاله كل النخب التي كانت تشارك الانظمة السابقة في صراعها حول السلطة والمستسلمة و كانوا جزءا من "النظام الكلي" السابق سيأتون ويتحدثون عن "تضحياتهم" لكن لا عن فشلهم او مساهمتهم في استمرارية الانظمة ولكن الجيل الذي تنسم الحرية حتما سيأتي و سيجني الربيع الذي صنعه بايديه
في حوار مع الزعيم التونسي غنوشي بعد الثورة -عندما سأله المذيع عن توقعه بحدوث ثورة و مجيئه للسلطة قال : و هو (يكذب بالطبع في ظني ) : كنت علي يقين ان ثورة ما ستحدث !! هو كان في المنفي اكثر من 20 سنة و ركن في ملجئه قانعا من التغيير وكاد ان ينساه التاريخ !!- لم يكن يحلم بان يزور بلده قبل الموت ناهيك ان يحكم و بدل من القول بصراحة وصدق بإن ما احدثه الشباب بدءا باحتجاج بوعزيزي و انتحاره واشتعال الثورة - وبانهم لم يتوقعوا الثورة و بدلا ان يشكر الشباب و يعترف بانهم (الجيل القديم ) استسلموا - جاء الغنوشي و(دون خجل ) ليقول بانه كان يتوقع حدوث ثورة !
مثل هؤلاء ليسوا من صنعوا الربيع ولكن سيبقون قليلا ليحدثونا عن تضحياتهم و استحقاقهم للسلطة !
وسيأتي حتما الجيل الحقيقي الذي صنع الثورة و أزال الدولة القمعية ما بعد الاستعمار
تحياتي وشكرا لاثراء الخيط
08-17-2012, 07:37 PM
هيثم طه هيثم طه
تاريخ التسجيل: 08-30-2011
مجموع المشاركات: 1153
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هيثم طه
مرتضى احمد عبد القادر
دينا خالد
محمد البشرى الخضر
حسين نوباتيا
محمد جمال الدين
rummana
نجلاء سيد أحمد
ibrahim alnimma
Amani Al Ajab
خضر حسين خليل
Ashraf el-Halabi
7abib_alkul
Kabar
حسبو عكاشة
فارس موسى
Yassir Tayfour
Amjed
Siham Elmugammar
الفاتح سليمان
قصي مجدي سليم
محمد على طه الملك
طه جعفر
الصادق اسماعيل
Rihab Khalifa
Nazik Eltayeb
قيقراوي
AMNA MUKHTAR
فيس بوك
تويتر
انستقرام
يوتيوب
بنتيريست