|
Re: مشاهد و مشاهدات من السودان الشقيق !! (Re: أمين محمد سليمان)
|
الغلاء و التضخم ياكلون الانسان السوداني كما تاكل النار الحطب و ليس ثمة من مفر، لا يوجد ضوء في أخر النفق و لا في أي مكان اخر :
- ياخي والله البلد بقت غالية غلاء .. ما عارفين نحن ذاتنا عايشين كيف !! - طيب ياخي ما تطلعو تتظاهرو !! - نطلع نتظاهر و يعتقلونا و يكتلونا عشان يجو اولاد الصادق و الميرغني يحكمو ؟!!
ردا علي هذا الكلام البائس ... أول يومين كنت بدي محاضرات عن فزاعة البديل و عن حتي لو الديمقراطية جابت الصادق و الميرغني و اولادهم أول مره لو ما حققو العايزنو الناس تاني مرة ما بجيبوهم ... محاضرات عن التداول السلمي للسلطة و حق الناس في إبداء رايها بدون ما يترفعو في بكاسي الأمن و بدون ما يتعذبو في المعتقلات .... عن الشفافية البتكتل الفساد و سيف المحاسبة المسلط علي راس المفسدين ... عن دولة راشدة يتساوي فيها المواطنين في الحقوق و الواجبات ... بعد يومين لقيت إني بكرر في الكلام ده و إني بقيت زول بيضة جدا و زول داير يتكلم معاي في السياسة مافي .... اثرت الصمت و ركزت مع الشباب علي بالاتولي و لو بعد أداءو في بطولة أوروبا ح يقعد في ستي ولا ح يمشي مكان تاني !!!
| |
|
|
|
|
|
|
Re: مشاهد و مشاهدات من السودان الشقيق !! (Re: أمين محمد سليمان)
|
صليت جمعة شذاذ الأفاق في مسجد السيد عبد الرحمن و كنت شاهدا علي مظاهرتين في جامعة الخرطوم ... حقيقة فؤجئت بجسارة الشباب و عدم خوفهم من البوليس و الأمنجية ... أولاد و بنات يسدو عين الشمس حقيقة لا مجاز ... فؤجئت أكثر بعدم مبالاة الناس ... كمية المتفرجين تكاد تساوي كمية الشباب البتظاهر !! في اعتقادي مثلما الانقاذ ما عندها حل لفشل سياستها الأقتصادية غير جيوب المواطنين، الناس ما عندها حل غير الشارع ... عاجلا أم أجلا !!
| |
|
|
|
|
|
|
Re: مشاهد و مشاهدات من السودان الشقيق !! (Re: محمد المسلمي)
|
يبدو أن الاحباط إغتال في الناس رغبة التغيير و جدوي التغيير ... و أري أن الربيع العربي قد جاء علينا بنتائج عكسية تماما، انشغل الشباب بمحاكاة الثورات الأخري و تسمية المظاهرات و رجال الأمن و أصبحت المظاهرات أسبوعية و نسو أن الشعب السوداني عندما إنتفض علي جلادية كانت شعوب العالم العربي تسبح بحمد جلاديها .... و رغم أن الاسباب الموضوعية لقيام الثورة في السودان أكثر مما هي عليه في البلدان الاخري فان الثورة في السودان تبدو و كانها نسخة مما يحدث في الدول الاخري !!
| |
|
|
|
|
|
|
Re: مشاهد و مشاهدات من السودان الشقيق !! (Re: أمين محمد سليمان)
|
المسلمي يا حبيبنا .... نحن بالاكتر ياخي و رمضانك كريم إنت و المعاك في ديار ياجوج و ماجوج !!
----------------- متاسف ... شكرا ... علي إذنك .... لو سمحت .... هي الفرق بين الانسان و الحيوان ... تري لماذا صار الشعب السوداني الشقيق بهذه الجلافة ؟!!
| |
|
|
|
|
|
|
Re: مشاهد و مشاهدات من السودان الشقيق !! (Re: أمين محمد سليمان)
|
من بين كل إحباطات السودان تظل أربع ساعات علي النيل - جهة توتي - قضيتها مع محسن خالد و محمد قرشي عباس من أجمل و أعمق ما قضيت من أوقات... ليس علي مستوي الزيارة فحسب بل علي مستوي سنين العمر الممتد... الكل يعرف محسن ككاتب مجيد لكن في هذا البوست من سودانيات إنتقل الرجل إلي منطقة أخري : http://sudanyat.org/vb/showthread.php?t=18715 بالله الما اطلع علي "زهرة الغرق" يقرأ البوست ده ما لانو أهم بوست فتح في الاسافير و بس... لكن لانو أهم كلام يتقال علي مستوي السودان الشقيق ... و لو كنا في بلد تحترم نفسها لفرغ محسن بميزانية مفتوحة لاكمال بحثه ... الرجل عالم و مفكر و أتاه الله علما من عنده عديل كده ... الموضوع ده داير ليه بوست براه !!
| |
|
|
|
|
|
|
Re: مشاهد و مشاهدات من السودان الشقيق !! (Re: أمين محمد سليمان)
|
Quote: و نسو أن الشعب السوداني عندما إنتفض علي جلادية كانت شعوب العالم العربي تسبح بحمد جلاديها |
هذه الإفادة غير صحيحة يا نوته، شعوب الربيع العربي لها تأريخ نضالي وثوري حقيقي ظهر في ثياب مختلفة وباساليب مختلفة ، كثير ممن كتب أننا ثرنا في 1964 و1985 وسبقنا غيرنا يعزي النفس ويبحث عن حجة التخلف عن الركب، تلك الإفادة يا أمين جاءت كردة فعل عن مقولة تم تداولها في الأوساط العربية فحواها (لماذا تأخر السودان في اللحاق بالربيع) ..
مثلك يا أمين ، كلما أمشي إجازة وأقعد أنظر وأنظِّر وأنظِّر وفي النهاية يكون رد من حولي: بتاكل شطه وللا الفول نخلي شطتو برَّه؟؟ ثم : يا حماده خالك ده ألحقو بشامبيون بااارد..
مشتاقون يا نوته..
| |
|
|
|
|
|
|
Re: مشاهد و مشاهدات من السودان الشقيق !! (Re: أمين محمد سليمان)
|
Quote: ياخي والله البلد بقت غالية غلاء .. ما عارفين نحن ذاتنا عايشين كيف !! - طيب ياخي ما تطلعو تتظاهرو !! - نطلع نتظاهر و يعتقلونا و يكتلونا عشان يجو اولاد الصادق و الميرغني يحكمو ؟!! |
وبرضو هم محظوظين يقولوا كلامهم دا بالصوت العالي وما خايفين حتى من البروف أمين المعلوف بأمباز الإمبريالية العالمية يمين الله الكلام دا لو جو قالوهو في منبر سيدنا بكري دا إلا يطلعوهم مخذلين وكــلاب السرة وشنو وشنو دا كان ما طلعوهم كيزان وأمنجية
____________________
حمداً لله بالسلامة يا حبيبنا
| |
|
|
|
|
|
|
Re: مشاهد و مشاهدات من السودان الشقيق !! (Re: أمين محمد سليمان)
|
Quote: ردا علي هذا الكلام البائس ... أول يومين كنت بدي محاضرات عن فزاعة البديل و عن حتي لو الديمقراطية جابت الصادق و الميرغني و اولادهم أول مره لو ما حققو العايزنو الناس تاني مرة ما بجيبوهم ... محاضرات عن التداول السلمي للسلطة و حق الناس في إبداء رايها بدون ما يترفعو في بكاسي الأمن و بدون ما يتعذبو في المعتقلات .... عن الشفافية البتكتل الفساد و سيف المحاسبة المسلط علي راس المفسدين ... عن دولة راشدة يتساوي فيها المواطنين في الحقوق و الواجبات ... بعد يومين لقيت إني بكرر في الكلام ده و إني بقيت زول بيضة جدا و زول داير يتكلم معاي في السياسة مافي .. |
يحول إلى حبيبنا حمور شخصياً
________________________
قد نرى تقلب أوجه الجماهير في الفضاء السياسي بحثاً عن رمز يجسد أشواقها وأمانيها يلهمها ويهون عليها أى تضحية
| |
|
|
|
|
|
|
Re: مشاهد و مشاهدات من السودان الشقيق !! (Re: أمين محمد سليمان)
|
البروف البلال BB
Quote:
من بين كل إحباطات السودان تظل أربع ساعات علي النيل - جهة توتي - قضيتها مع محسن خالد و محمد قرشي عباس من أجمل و أعمق ما قضيت من أوقات... ليس علي مستوي الزيارة فحسب بل علي مستوي سنين العمر الممتد... |
قدمت لي الدعوة لاكون مع هذه الرفقة ولكن بلاد الله البعيدة حالت دون اللقيا
تحياتي لك ولقرشينا الاول
| |
|
|
|
|
|
|
Re: مشاهد و مشاهدات من السودان الشقيق !! (Re: عاطف عمر)
|
Quote: نطلع نتظاهر و يعتقلونا و يكتلونا عشان يجو اولاد الصادق و الميرغني يحكمو ؟!! |
امين يا حبيب سلام
هذه كلمات بائسة يحاول من يقولها اخفاء عجزه و جبنه و خواره و هوانه: ترى ما هو الخازوق الذى ابقته الانقاذ ليتسنى لاولاد السادة تجريبه فى شعبنا هناك خلل ما اصاب الشخصية السودانية فتحول الشعب المتوهج الى كتل من الخانعين مثل بعض شعوب افريقيا و امريكا اللاتينية (انا اقصد من هم فوق الاربعين فى المدن الكبيرة و العاصمة) و انكفا الناس على ذةاتهم و احزانهم و دفع الياس البعض لارتكاب انواع عجيبة من الجرائم مثل قتل الاباء و (زنا المحارم) و اغتصاب اطفال دون الخامسة بل و فى شارع معلوم يتزين و يتعطر ذكور فى عنفوان قوتهم لتقديم خدمات (حميمة) لمن يدفع طبعا اكثر اهل الهوامش اخدوها من قصيرا و حملوا بندقية (سنينة) سوف تضمن لهم بعض من حقوقهم فى مستقبل قريب الانقاذ وصلت ميس الفشل المستدام لكنها مثل منساة سليمان الحكيم صامدة فقط بسوف خوف الناس من هز المنساءة الخيار الان للاسف ليس بين الانقاذ و اولاد السادة: الخيار بين الانقاذ و بين زوال قيم مجتمعنا (عابرة الانظمة) التى طالما حمت مجتمعنا من الاهتراء و التفتت
| |
|
|
|
|
|
|
Re: مشاهد و مشاهدات من السودان الشقيق !! (Re: عوض محمد احمد)
|
سلام يادكتور ورمضان كريم
Quote: صليت جمعة شذاذ الأفاق في مسجد السيد عبد الرحمن و كنت شاهدا علي مظاهرتين في جامعة الخرطوم ... حقيقة فؤجئت بجسارة الشباب و عدم خوفهم من البوليس و الأمنجية ... أولاد و بنات يسدو عين الشمس حقيقة لا مجاز ... فؤجئت أكثر بعدم مبالاة الناس ... كمية المتفرجين تكاد تساوي كمية الشباب البتظاهر !! في اعتقادي مثلما الانقاذ ما عندها حل لفشل سياستها الأقتصادية غير جيوب المواطنين، الناس ما عندها حل غير الشارع ... عاجلا أم أجلا !! |
ويبقى هؤلاء الشباب هم الأمل فى غد أجمل
أما أولاد السادة فقد سجل لهم التاريخ مواقفهم المخزية هم واباؤهم سواء
تحياتى
| |
|
|
|
|
|
|
Re: مشاهد و مشاهدات من السودان الشقيق !! (Re: حافظ انقابو)
|
سلامات يا امين وحمد لله علي السلامه حاولت الحصول علي تلفونك في السودان وفشلت فشلا ذريعا حتي ظننت. انك جيفارا الثوره السودانيه وان. عدم حصولي علي تلفونك هو تمويه عالي المستوي ورقدت قفا مطمئنا علي نجاح الثوره السودانيه حتي اتاني اليقين من العوض المسلمي. بانك عددت لقواعدك سالما فايقنت ان موضوع الثوره لسه مشوارو طويل تعرف يا امين. هناك تنظير كتير جدا حول مسار والات هذه المظاهرات ويمكن ان يندلق حبر كتير حول هذا الامر لكن في ظني الاكييد انو الناس طلعت. وتاني ما راجعه وعاجلا ام اجلا ان هذا. النظام الي زوال خاصه وانه لا يملك اي حلول كما تفضلت الا جيب المواطن
| |
|
|
|
|
|
|
Re: مشاهد و مشاهدات من السودان الشقيق !! (Re: Omar Bob)
|
البوست يحكى عن الواقع تماماً و الاختلاف بين رؤية الانترنت و الرؤيه على الطبيعة
اما الجملة أدناه هى الاجابه على كل ما ورد و سيرد على هذا البوست
Quote: تعرف يا امين. هناك تنظير كتير جدا حول مسار والات هذه المظاهرات ويمكن ان يندلق حبر كتير حول هذا الامر لكن في ظني الاكييد انو الناس طلعت. وتاني ما راجعه وعاجلا ام اجلا ان هذا. النظام الي زوال خاصه وانه لا يملك اي حلول كما تفضلت الا جيب المواطن |
| |
|
|
|
|
|
|
Re: مشاهد و مشاهدات من السودان الشقيق !! (Re: Omar Bob)
|
Quote: الغلاء و التضخم ياكلون الانسان السوداني كما تاكل النار الحطب و ليس ثمة من مفر، لا يوجد ضوء في أخر النفق و لا في أي مكان اخر :
- ياخي والله البلد بقت غالية غلاء .. ما عارفين نحن ذاتنا عايشين كيف !! - طيب ياخي ما تطلعو تتظاهرو !! - نطلع نتظاهر و يعتقلونا و يكتلونا عشان يجو اولاد الصادق و الميرغني يحكمو ؟!!
ردا علي هذا الكلام البائس ... أول يومين كنت بدي محاضرات عن فزاعة البديل و عن حتي لو الديمقراطية جابت الصادق و الميرغني و اولادهم أول مره لو ما حققو العايزنو الناس تاني مرة ما بجيبوهم ... محاضرات عن التداول السلمي للسلطة و حق الناس في إبداء رايها بدون ما يترفعو في بكاسي الأمن و بدون ما يتعذبو في المعتقلات .... عن الشفافية البتكتل الفساد و سيف المحاسبة المسلط علي راس المفسدين ... عن دولة راشدة يتساوي فيها المواطنين في الحقوق و الواجبات ... بعد يومين لقيت إني بكرر في الكلام ده و إني بقيت زول بيضة جدا و زول داير يتكلم معاي في السياسة مافي .... اثرت الصمت و ركزت مع الشباب علي بالاتولي و لو بعد أداءو في بطولة أوروبا ح يقعد في ستي ولا ح يمشي مكان تاني !!! |
اذا ما تجاوزنا الاخطاء اللغوية والاملائية ألا ترى الاستعلاء في مفرداتك قد تجاوز مدى المعقولية يعني الشعب قال البديل منو اعتباطاً وقام سعادة البروف امين ادى محاضرات في الديمقراطية وضد الفزاعات ... حقيقي كلام متعالي يا سموك وكأنما الشعب السوداني كان في انتظارك ومفردة بيضة تتناسب والطرح اذاً لا غبار عليها في وضع سموك.
Quote: صليت جمعة شذاذ الأفاق في مسجد السيد عبد الرحمن و كنت شاهدا علي مظاهرتين في جامعة الخرطوم ... حقيقة فؤجئت بجسارة الشباب و عدم خوفهم من البوليس و الأمنجية ... أولاد و بنات يسدو عين الشمس حقيقة لا مجاز ... فؤجئت أكثر بعدم مبالاة الناس ... كمية المتفرجين تكاد تساوي كمية الشباب البتظاهر !! في اعتقادي مثلما الانقاذ ما عندها حل لفشل سياستها الأقتصادية غير جيوب المواطنين، الناس ما عندها حل غير الشارع ... عاجلا أم أجلا !! |
ثم دلف سمو البروف عن كمية لا عدد ولعل استخدام الكم للبشر يتنافى والناس تحسب العدد عدد كذا نسمة ولو تجاوزنا وما هو الحل غير جيوب الجماهير المغلوبة على امرها والتي تحدث باسمها من ليس منها وفي لج همها ؟؟؟؟؟
Quote: يبدو أن الاحباط إغتال في الناس رغبة التغيير و جدوي التغيير ... و أري أن الربيع العربي قد جاء علينا بنتائج عكسية تماما، انشغل الشباب بمحاكاة الثورات الأخري و تسمية المظاهرات و رجال الأمن و أصبحت المظاهرات أسبوعية و نسو أن الشعب السوداني عندما إنتفض علي جلادية كانت شعوب العالم العربي تسبح بحمد جلاديها .... و رغم أن الاسباب الموضوعية لقيام الثورة في السودان أكثر مما هي عليه في البلدان الاخري فان الثورة في السودان تبدو و كانها نسخة مما يحدث في الدول الاخري !! |
يا سلام على عبقرية التحليل واكتفي بقول الاستاذ محمد المرتضى في هذا المنحى فالجماهير تقود ولا تنقاذ والتاريح يؤكد ذلك
Quote: من بين كل إحباطات السودان تظل أربع ساعات علي النيل - جهة توتي - قضيتها مع محسن خالد و محمد قرشي عباس من أجمل و أعمق ما قضيت من أوقات... ليس علي مستوي الزيارة فحسب بل علي مستوي سنين العمر الممتد... الكل يعرف محسن ككاتب مجيد لكن في هذا البوست من سودانيات إنتقل الرجل إلي منطقة أخري : http://sudanyat.org/vb/showthread.php?t=18715 بالله الما اطلع علي "زهرة الغرق" يقرأ البوست ده ما لانو أهم بوست فتح في الاسافير و بس... لكن لانو أهم كلام يتقال علي مستوي السودان الشقيق ... و لو كنا في بلد تحترم نفسها لفرغ محسن بميزانية مفتوحة لاكمال بحثه ... الرجل عالم و مفكر و أتاه الله علما من عنده عديل كده ... الموضوع ده داير ليه بوست براه !!
|
في الاغنية الاسمها الظاؤوس تلقى الرد فأي ملخص للقارئ لهذا الهرف يتأكد بما لا يدع مجال للشك بأن جوهر الطرح هاهنا فيي لقاء جمعك بأحد ادباء بلادي الشباب الطود محسن خالد ليته يسترسل , ولم تتعمق انت برغم الوعد بعمق لك عن اللقاء في بوست ننتظره لنرى العمق السابع عشر
وعينا ما في الجانب السياسي ومدى تناولك المبسط بلا اعماق فلننتظر الجانب الادبي لسمو البروف امين محمد سليمان .
..................................................................................................................................................................حجر.
| |
|
|
|
|
|
|
Re: مشاهد و مشاهدات من السودان الشقيق !! (Re: Omar Bob)
|
أمين "البروف" سلامات
أتابع سردك هنا مع المتابعين والمشاركين بإمعان. لا بد أن هناك شيء مهم!.
وما عارف أقول في الحالة دي شنو "حمدآ بسلامة العودة إلى منفاك القسري" أم نقول كفارة "؟!"... قصة عجيبة!.
المهم في تصوري الخاص أن قصة التحولات في طريقة تفكير الزول السوداني دي مسألة سعت لها الإنقاذ منذ يومها الأول بل حتى في مرحلة ما قبل ذلك أيام الجبهة الإسلامية"التنظيم" قبل أن تصبح دولة. آذن لي لطفآ أن أشاركك برؤية صغيرة كتبتها قبل عدة سنوات بسودانفوروول في بوست الدولة والمجتمع المدني "وواصل سردك الآن دون أن تعيرها كثير إهتمام، عايزين نعرف تجربتك في الزيارة الأخيرة دي، ولقدام نناقش الأفكار":
دا المقطع المعني:
Quote: 2-إعادة صياغة الفرد و المجتمع المدني:
هناك مؤشرات عديدة تدلل على أن الإنقاذ نظرت إلى المجتمع ككل "بقيمه السائدة وهياكله وأحداثه الناشبة" كعدو يستحق الفناء وفي إطاره لا يكون الفرد شيئآ سوى عنصر فاسد وجب تعريضه للنار بهدف تطهيره وتطويعه وترويده ثم عجنه وإعاده صياغته في صورة جديدة تناسب مسلكه المفترض في خضم "المشروع الحضاري". وقد استخدمت الإنقاذ كل الوسائل الممكنة قديمها وحديثها في عملية إعادة صياغة المجتمع والفرد. إبتداءآ بإعلان حالة الطوارئ وحظر التجوال لعدة سنوات متتالية وهي عملية تضمنت صلاحيات واسعة ومطلقة للسلطة التنفيذية بحيث تكون "الحكومة" هي الخصم والحكم. بل كان قانون الطوارئ هو دستور البلاد. تبع ذلك سن قوانين تناسب الخط "التمكيني" الإستراتيجي للإنقاذ. وبناءآ عليه فقد تم منع جميع الأشكال المدنية الهيكلية وغير الهيكلية من الفعل الموجب وتمثل ذلك عمليآ في حل جميع الأحزاب السياسية والمنظمات والجمعيات والنقابات الخ. مع إستثناءات محسوبة، كما منعت التجمعات والمواكب والتظاهرات وتم وقف الصحف وجميع وسائل الإعلام المسموعة والمرئية والمقروءة، ما عدا تلك التي تتبع لعناصر السلطة. وكانت تلك الفترة ما بين العامين 1989 و 1999 حيث صحبتها بطريقة متعمدة موجة قمع "عنف" صاخبة Shock and awe بغرص التسبب في صدمة شاملة للفرد وثقته في نفسه ومن ثم شل مقدرته على التفكير والتدبير كما هدف ذلك بالطبع إلى زلزلة وزعزعة وعطب لمعظم البنيات المدنية الفاعلة بما يفتح الطريق في نهاية المطاف أمام تخلق إنسان جديد ومن ثمة مجتمع مدني جديد يواكب مرحلة الإنقاذ كثورة ودولة. جاء كل ذلك لعلم الإنقاذ المسبق بأن بقاءها يستند إلى نجاحها في إنشاء مجتمع مدني جديد بشكل كلي يستند إلى قيم جديدة تقوم الإنقاذ نفسها بصناعتها في معامل آيدولوجيتها الخاصة وقد تم إستخدام كل الوسائل الممكنة وبشكل مطلق في سبيل إنجاز تلك العملية المعقدة بداية بالعنف بجميع أشكاله والإبعاد والنفي مرورآ بالدين والإعلام وتغيير المناهج المدرسية وتحرير الإقتصاد نهاية بسن قوانين ملزمة تحقق الهدف بشكل أكثر ديمومة ونظاما. وكان جوهر تلك العملية الدامية تمحور حول محاولة إجراء تغيير جذري في منظومة القيم الإجتماعية السائدة بما يواكب المشروع التمكيني للإنقاذ.
في مداخلة الأربعاء الاربعاء يونيو 17, 2009 من هذا الخيط، كتبت:
اقتباس: - (4-رأيت حوجة ملحة لمحاولة النظر في البنية الداخلية للهيكل المدني. لنرى إن كنا سنتعرف على بعض الإختلافات الجوهرية بين البنيات "التمظهرات" المدنية المختلفة ونستطيع بالتالى معرفة وظائف وأدوار كل واحدة منهم كما طريقة نشوءهم وإضمحلالهم وموتهم. وتوصلت بملاحظاتي إلى التالي:
في كل الأحوال والأمكنة والأزمنة وفي جميع الظروف هدف التمظهر المدني الاصيل يبقى واحد هو التالي في كلياته: (البقاء والمعاش والأمن والرفاهية). كل التمظهرات الإجتماعية أيآ كان نوعها لا تقوم إلا لأجل تحقيق كل أو جزءآ من ذاك الهدف، سواءآ كانت قبيلة أو نقابة أو طائفة أو "أحداث" لا يهم. ولكن الهدف وحده غير كافي لتخلق الشكل الإجتماعي. لا بد أن يتحقق معآ في نفس الوقت شرطان آخران وهما 1- منظومة قيم و2- لائحة. وقلنا أن اللائحة أيضآ لا تختلف من شكل إلى آخر جوهريا. ولكن منظومة القيم إسقاطاتها المختلفة (انظر ادناه 5). (أخشى أن لن يفهمني القاري العزيز بالكامل ما لم يتعرف على فكرتي كاملة عن ماهية المجتمع المدني ومعناه كما جدليته مع الدولة)!.
5- منظومة القيم.. هي الشرط الأولي بعد الهدف الكلي أو الجزئي للتمظهر المدني الأصيل. (وقد حاولت أن أعطي منظومة القيم هذه أكبر مساحة ممكنة هنا بالشرح والتفصيل وضرب الأمثال. ولا أدري إن كنت وفقت أم لا). وعلى كل حال فقد توصلت الى الخلاصات الأولية التالية حول منظومة القيم التي أعني:
(تتلخص قيم القبيلة في الفروسية وهي قيم "الدنيا" والأصح قيم "الجسدانية" (أي إعمال طاقة الجسد) في سبيل سيطرتها على العقل والروح في مواجهة الطبيعة والآخر. وأهم قيم "الجسدانية" هي: الرجولة والشجاعة والأمانة والكرامة والشرف والمروءة والشهامة والكرم. وهي قيم "نحن". وجسدها تمظهر هيكلي أس عضويته من الفرسان (أولى القربى). ورمز مكانها المادي هو "السرج" ورمز فعلها هو "السيف". وأسمى معانيها "التضحية" وأسوأ مثالبها "الإنحيازية العمياء".
وتكون قيم الصوفية "الطائفة و الطريقة" في "الروحانية" (أي إعمال طاقة الروح) في سبيل سيطرتها على الجسد والعقل في مواجهة الطبيعة والآخر. والهدف في المرتين واحد: (معاش وبقاء وأمن ورفاهية الجماعة). وكل له حيلته. ومن أهم قيم الروحانية: الزهد والتواضع والإتكال. وهي بدورها قيم "نحن". وجسدها تمظهر هيكلي أس عضويته من الدراويش (الحيران والمريدين). ورمز مكانها المادي هو "السجادة" ورمز فعلها هو "الفزعة" بالمعنى الغيبي للكلمة. وأسمى معانيها "النزاهة" وأسوأ مثالبها "العبثية" (كما الإتكالية).
بينما تكون قيم النقابة في "العقلانية" (أي إعمال طاقة العقل) في سبيل سيطرتها على الروح والجسد في مواجهة الطبيعة والآخر. والهدف دائمآ واحد: (معاش وبقاء وأمن ورفاهية الجماعة). وكل له حيلته . ومن ضمن قيم "العقلانية": الموضوعية والإستنارة، والإنسانية والنظافة والنظام والإدخار. وهي قيم "أنا". وجسدها تمظهر هيكلي أس عضويته من الأفندية "الوطنيين" والمثقفين والمتعلمين بالمعنى الحديث للكلمة. ورمز مكانها المادي هو "المكتب" ورمز فعلها هو "القلم"). وأسمى معانيها "الموضوعية" وأسوأ مثالبها "الإستغلالية" (كما الأنانية).
وهذا التقسيم النظري الصارم الهدف منه إيضاح الصورة في أسها. مع كامل الوضع في الإعتبار التداخلات والتشابكات والتقاطعات العملية بين منظومات القيم الثلاثة وتمظهراتهن في أرض الواقع. وهذا ما حاولت تمثيله عند فرضياتي التي إستهللت بها هذا الخيط).
ولا يعني هذا أن هناك قيم أشرف من أخرى أو أهم. بل القيم قيم في كل الأوقات والأماكن، لا فرق بينها في الأفضلية. كل قيمة خلقت في مقابل هدفها. وهدف كل الجماعات واحد. فلا تفضيل ولا تفاضل في الهدف. ولكل سلبياته بقدر متساو في السوء. فسلبيات قيم "الجسدانية" تتمثل في "الإنحيازية العمياء" وسلبيات قيم "الروحانية" تتمثل في "العبثية، كما الإتكالية" وسلبيات قيم "العقلانية" تتمثل في "الإستغلالية، كما الأنانية".
وعندي أن "القيمة" تقوم من جسد الجماعة بمثابة الشفرة الجينية DNA من جسد الفرد. هي محور إالتقاء "تلاحم" الجماعة وإعادة إنتاج نسخها كل مرة مع جعلها متمايزة عن الجماعات الأخرى ك"وحدة إجتماعية واحدة ذات خصائص متفردة". كما أن "القيم" هي القوة الخفية الدافعة الى الفعل الموجب في سبيل تحقيق الهدف الكلي والنهائي للجماعة وهو على الدوام (البقاء والمعاش والأمن والرفاهية) وبهذا المعني تمثل القيمة أيضآ معيار الجماعة للتفريق بين ما هو خير وما هو شر بالإحالة الى نجاعة الفعل من عدمه في نزوعه الى تحقيق "الهدف") .
وإذا جاز لي أن أتصور أن الإنقاذ سعت إلى خنق المجتمع المدني القائم من واقع ضرورة "التمكين" لديها فأن الدولة لا تقوم إلا في مقابل مجتمع مدني والعكس صحيح. لهذا عمدت الإنقاذ إلى عملية أقرب ما تكون إلى الإستحالة وهو أن الدولة تقتل المجتمع المدني بقيمه السائدة لتبعث على انقاضه آخر يناسبها. وقد سعت الإنقاذ سعيآ حثيثآ من أجل إنجاز تلك المهمة الخطيرة فصنعت تجليات مدنية تشبه في طبيعتها "نبات اللبلاب" أو أي نوع آخر لنبات طفيلي متسلق، إذ يعتمد "مدني" الإنقاذ على جذوع وفروع شجرة المجتمع المدني السائدة في الوقت الذي تعمل فيه على حبس الماء والأوكسجين من تلك الشجرة الراسخة التي يتسلق فوقها ذاك اللبلاب، في ذات الوقت تعمل على سقاية لبلابها بطريقة روتينية كي يخضر وينمو فوق جذوع وفروع أصيلة أريد لها أن تتيبس.
وعندي أن الإنقاذ سعت بكلما بوسها إلى هتك القيم الإجتماعية الموجبة في سبيل بروز وصعود القيم السالبة بما يؤدي إلى تخلق أشكال مدنية سالبة وإنسان خانع وخائف وراضي بكل الأحوال ومطياع أمام الأوامر. فتكون قيم المجتمع المدني في العبثية والإتكالية والأنانية والإستغلالية والإنحيازية العمياء، ويأتي الإنسان عبثي وإتكالي وأناني ومستغل ومطياع للدولة وللجماعة ذات الشوكة في كل الأحوال وفي جميع الظروف. وعندي زعم حين النظر إلى الحياة اليومية في السودان أن الإنقاذ نجحت بقدر ما ولو ضئيل فهو خطير في صناعة ذاك الكائن البشري المنطوي على تلك القيم السالبة، وبالطبع لم يكن بقدر أمنياتها التي تمنت لحظة البداية، فلقي ذاك المشروع الإنقاذي الطموح مقاومة شرسة من جبهات وإتجاهات مختلفة وكان صدامآ داميآ ومدمرآ عم جميع أركان البلاد حيث ارتطمت الإنقاذ كدولة ارتطامآ عنيفآ بمعظم التجليات المدنية الأصيلة والفوقية في السودان سواءآ كانت هيكلية أو لا هيكلية.
يتواصل "الإنقاذ" : قراءة في جدلية المدني والدولة |
--- إن شاء الله المداخلة ما تكون طويلة أكثر من اللازم بما قد يضير سير بوستك وانت سيدو وبتعرف حاجات سودانيزأونلاين أكتر مني... سأشطبها ما لزم!.
| |
|
|
|
|
|
|
Re: مشاهد و مشاهدات من السودان الشقيق !! (Re: أمجد الزين)
|
Quote: نتمنى مثل هذه الزيارة للاخ الشفيع |
امجد ازيك وحمدا لله على السلامة يا بروف انا لم انقطع عن زيارة السودان الشقيق يا امجد واهو المرة دي زرناهو بأعين وسمع البروف، واتفق مع مجمل كلامه
المشكلة في ناس (.....................حجر) ديل، البقنعهم منو؟ مع انو كان في السودان قبل شهر
| |
|
|
|
|
|
|
Re: مشاهد و مشاهدات من السودان الشقيق !! (Re: الشفيع وراق عبد الرحمن)
|
مرتضي يا حبيبنا ... سلام ياخي و رمضان كريم Quote: هذه الإفادة غير صحيحة يا نوته، شعوب الربيع العربي لها تأريخ نضالي وثوري حقيقي ظهر في ثياب مختلفة وباساليب مختلفة ، كثير ممن كتب أننا ثرنا في 1964 و1985 وسبقنا غيرنا يعزي النفس ويبحث عن حجة التخلف عن الركب، تلك الإفادة يا أمين جاءت كردة فعل عن مقولة تم تداولها في الأوساط العربية فحواها (لماذا تأخر السودان في اللحاق بالربيع) ..
مثلك يا أمين ، كلما أمشي إجازة وأقعد أنظر وأنظِّر وأنظِّر وفي النهاية يكون رد من حولي: بتاكل شطه وللا الفول نخلي شطتو برَّه؟؟ ثم : يا حماده خالك ده ألحقو بشامبيون بااارد..
مشتاقون يا نوته.. |
التاريخ النضالي و الثوري لشعوب الربيع العربي غير منكور، لكن من من هذه الشعوب طلعت في مظاهرات سلمية قبل خمسين سنة و أسقطت أنظمة دكتاتورية أو شبه دكتاتورية ؟ بالمناسبة لاقيت وليد حامد و الرشيد في عزاء والد تمبس .... بلد ضيقة مبالغة يا مولانا !!! ------------ عاطف يا حبيبنا .... سلام و رمضان كريم Quote: وبرضو هم محظوظين يقولوا كلامهم دا بالصوت العالي وما خايفين حتى من البروف أمين المعلوف بأمباز الإمبريالية العالمية يمين الله الكلام دا لو جو قالوهو في منبر سيدنا بكري دا إلا يطلعوهم مخذلين وكــلاب السرة وشنو وشنو دا كان ما طلعوهم كيزان وأمنجية
|
يا زول الناس البتكلم عنهم ديل ما عارفين إنو في حاجة اسمها سودانيزاونلاين و لا سمعو بيها سمع !!
Quote: قد نرى تقلب أوجه الجماهير في الفضاء السياسي بحثاً عن رمز يجسد أشواقها وأمانيها يلهمها ويهون عليها أى تضحية |
دي حاصلة يا عاطف لكن ما ليها سبب ... أي زول عندو مثقال حبة من وطنية و حبة خوف من الله أحسن من الحاكمننا ديل !!
| |
|
|
|
|
|
|
Re: مشاهد و مشاهدات من السودان الشقيق !! (Re: طارق جبريل)
|
سلام يا ولي و رمضان كريم Quote: قدمت لي الدعوة لاكون مع هذه الرفقة ولكن بلاد الله البعيدة حالت دون اللقيا
|
يا زول الدعوة دي قدمتها ليك أنا ذاتي ... قلت لمحمد قرشي نمشي لوليد التلب ... طلعت برة السودان ... المهم : الجايات - إن شاء الله - أكتر من الرايحات ----------- سلام يا دكتور عوض و رمضان كريم
Quote: هذه كلمات بائسة يحاول من يقولها اخفاء عجزه و جبنه و خواره و هوانه: ترى ما هو الخازوق الذى ابقته الانقاذ ليتسنى لاولاد السادة تجريبه فى شعبنا هناك خلل ما اصاب الشخصية السودانية فتحول الشعب المتوهج الى كتل من الخانعين مثل بعض شعوب افريقيا و امريكا اللاتينية (انا اقصد من هم فوق الاربعين فى المدن الكبيرة و العاصمة) و انكفا الناس على ذةاتهم و احزانهم و دفع الياس البعض لارتكاب انواع عجيبة من الجرائم مثل قتل الاباء و (زنا المحارم) و اغتصاب اطفال دون الخامسة بل و فى شارع معلوم يتزين و يتعطر ذكور فى عنفوان قوتهم لتقديم خدمات (حميمة) لمن يدفع طبعا اكثر اهل الهوامش اخدوها من قصيرا و حملوا بندقية (سنينة) سوف تضمن لهم بعض من حقوقهم فى مستقبل قريب الانقاذ وصلت ميس الفشل المستدام لكنها مثل منساة سليمان الحكيم صامدة فقط بسوف خوف الناس من هز المنساءة الخيار الان للاسف ليس بين الانقاذ و اولاد السادة: الخيار بين الانقاذ و بين زوال قيم مجتمعنا (عابرة الانظمة) التى طالما حمت مجتمعنا من الاهتراء و التفتت |
شكرا عن الكلام العميق يا دكتور ... المشكلة إنو حنك الكيزان ماشي في البلد أحسن مما تحب الانقاذ و تشتهي .... فزاعات البديل منو و عنصرية الحركات المسلحة أسباب حقيقية - فيما رايت و سمعت - تمنع الناس من الخروج علي الحكام ... و بمناسبة الخروج علي الحكام دي ... الجماعات السلفية - و ديل في إزدياد و بقو قوة منظمة لا يستهان بها - ضد خروج الناس علي الحاكم ... معارضي النظام افرادا و جماعات و منظمات بكل تشكيلاتهم لازم يعملو علي ازالة مخاوف الناس و يدحضو فزاعات الانقاذ لانو شكلها شغالة مع الناس و مانعاهم من أي عمل فعلي لازالة النظام رغم وجود كل أسباب و مسببات ازالة النظام !! الحاجة الشايفها ماشه في صالح الثورة غير إنو الحكومة بقي ما عندها ما تقدمه للناس ... قصة العنف المفرط و إعتقال الناس .... و تصريحات المسؤلين المستفزة و اللي بفتكرها واحدة من الدعائم الاساسية للثورة في السودان .
| |
|
|
|
|
|
|
Re: مشاهد و مشاهدات من السودان الشقيق !! (Re: أمين محمد سليمان)
|
Quote: لا عليك يا عزيزى ... سيحدث التغيير عاجلا ام آجلا فقد وصلنا للـ dead end ...
|
والله يا أمير ما عندي شك في الكلام ده ... الحالة وصلت مراحل لا يمكن تخيلها و الحكومة بقت عاجزة تماما علي تقديم أي دعم حقيقي للناس !! -----------------
سلام يا دكتورة و رمضان كريم Quote: ويبقى هؤلاء الشباب هم الأمل فى غد أجمل
أما أولاد السادة فقد سجل لهم التاريخ مواقفهم المخزية هم واباؤهم سواء
|
و غايتو كان ما الشباب ديل كان قلنا مع سعد زغلول و دينا خالد : مافيش فايده !!
| |
|
|
|
|
|
|
Re: مشاهد و مشاهدات من السودان الشقيق !! (Re: أمين محمد سليمان)
|
سلام يا أمين و حمدا لله على سلامتك و سعدت جدا بمقابلتك. الكلام الداير أعلق عليه كتير لكن الظرف الحالي لا يسمح و سأعود بتوسع خلال أسبوعين إن شاء الله. الدخلني هنا كلمة للأخ حجر... يا حجر ياخي مداخلتك مفتولة شكلا و موضوعا. أما من ناحية الموضوع فيبدو واضحا أن هذا ما قسمه الله لك فيما يملك و لا تملك فلا تثريب عليك فيه. لكن الله يرضى عليك فتلة الشكل دي أنت تملك إصلاحها فلو تكرمت قلل عدد النقاط في سطرك الذي أضفته فقد فتل البوست على أصحاب الشاشات الصغيرة من أمثالنا.
| |
|
|
|
|
|
|
Re: مشاهد و مشاهدات من السودان الشقيق !! (Re: Elawad)
|
أنقا يا حبيبنا ...سلام و رمضان كريم Quote: كنا فرشنا السكة ورود لو كلمتنا كان بالجية
سلام يا عمو امين ورمضان كريم عيب والله تجي وما تكلمنا
قصرت |
شكرا علي طيب كلماتك و امسحها لينا في وشنا المره الجاية إن شاء الله نديك خبر بحضورنا الميمون ... ----------- سلام يا بوبنا و رمضان كريم Quote: سلامات يا امين وحمد لله علي السلامه حاولت الحصول علي تلفونك في السودان وفشلت فشلا ذريعا حتي ظننت. انك جيفارا الثوره السودانيه وان. عدم حصولي علي تلفونك هو تمويه عالي المستوي ورقدت قفا مطمئنا علي نجاح الثوره السودانيه حتي اتاني اليقين من العوض المسلمي. بانك عددت لقواعدك سالما فايقنت ان موضوع الثوره لسه مشوارو طويل تعرف يا امين. هناك تنظير كتير جدا حول مسار والات هذه المظاهرات ويمكن ان يندلق حبر كتير حول هذا الامر لكن في ظني الاكييد انو الناس طلعت. وتاني ما راجعه وعاجلا ام اجلا ان هذا. النظام الي زوال خاصه وانه لا يملك اي حلول كما تفضلت الا جيب المواطن |
ياخي كان تشوت لي ايميل كان رسلت ليك التلفون ... بعدين ياخي الثورة السودانية مشوارها ما طويل بس في عقبات لا بد من ازالتها عشان تسلك ..... و زي ما قال اخونا ناصر البطل سطرينك الأخيرات ديل هم إجابة علي كل ما ورد و سيرد في هذا البوست ...
| |
|
|
|
|
|
|
Re: مشاهد و مشاهدات من السودان الشقيق !! (Re: أمين محمد سليمان)
|
ناصر البطل ... سلام ياخي و رمضان كريم Quote: البوست يحكى عن الواقع تماماً و الاختلاف بين رؤية الانترنت و الرؤيه على الطبيعة
اما الجملة أدناه هى الاجابه على كل ما ورد و سيرد على هذا البوست
Quote: تعرف يا امين. هناك تنظير كتير جدا حول مسار والات هذه المظاهرات ويمكن ان يندلق حبر كتير حول هذا الامر لكن في ظني الاكييد انو الناس طلعت. وتاني ما راجعه وعاجلا ام اجلا ان هذا. النظام الي زوال خاصه وانه لا يملك اي حلول كما تفضلت الا جيب المواطن
|
شكرا علي الأتفاق و ليس من راي كمن سمع ... و كما اسلفت اتفق معك تماما بخصوص مداخلة عمر ... --------------- عمار يا حبيبنا ... سلام و رمضان كريم ياخي Quote: حمدا لله بالسلامة يا بروف
والبركة في الشوفه |
الله يسلمك و يديك الصحة و العافية ... سعدت جدا بلقاءك و باقي الشباب ... عن قصد لم أورد إسم أي من قابلت من ناس البورد ... في ناس ما بتحب توري انها في السودان ...بالذات بورداب الخارج ....
| |
|
|
|
|
|
|
Re: مشاهد و مشاهدات من السودان الشقيق !! (Re: عبدالعزيز حسين عبدالرحيم)
|
انت عارف يا عبدالعزيز حسين ان شغلة شايلا منك تقيل واللف والدوران دا ما في سكة ليهو معاي كلامي قلتو ولن يرد عليهو امين لانه يعلم علم اليقين انه من اصحاب الشلليات هنا وبيناقش في اطار البروفات او من زرعوا له انه بروف فقام صدق ومضى ليحاضر شباب الثورة عن الديمقراطية لذلك قلت كلامي ومضيت , فشغلتك الخايبة دي ياتالتن امشي بيها بعيد عني ولن تعلمني عن رمضان ليتك تستوفي شروط التكليف حتى اتناول معك بحقوق التداول السلمي للحوار مع مستوفي ومستوي .
.................................................................................................................حجر.
| |
|
|
|
|
|
|
Re: مشاهد و مشاهدات من السودان الشقيق !! (Re: ABUHUSSEIN)
|
تقبل الله يا بروف
وتصوم وتفطر على خير
ونسأل الله ان يخفف عنكم
وطاة الرجل الأبيض
وعنّا وطاة العقال
وحمداً لله على سلامتكم
وكم كنت اتمنى حضور
جلسة فيها العبقريان
برالمتي (ود قرشي وود خالد)
وحضورك البهيّ
إن شاء الله بس يكون عندك غشوة
في الضحية فنفرح بلقائك
__________________
تحياتي ورمضان كريم على الجميع
| |
|
|
|
|
|
|
Re: مشاهد و مشاهدات من السودان الشقيق !! (Re: ابراهيم قناوي)
|
Quote: يا حجر مداخلت عدائية |
Quote: أخونا البروف أمين
حمداً لله على السلامة
و أهو بديت تتبلى من قولة تيت و بلاش تعالي على الناس ....
تحياتي و إحترامي |
Quote: حمد لله على السلامه يا بروف
الرفاعي دا ماله شايلها منك تقيلة كدا
|
ياسر و عادل و عبدالعزيز ... سلام و رمضان كريم أخونا الرفاعي مفتكرني جليتو في بوست أساسي و محمد حيدر رغم اني رديت عليهو .... دي القصة كلها !!! ---------------- حبيبنا محمد جمال ... سلام و رمضان كريم Quote: أمين "البروف" سلامات
أتابع سردك هنا مع المتابعين والمشاركين بإمعان. لا بد أن هناك شيء مهم!.
وما عارف أقول في الحالة دي شنو "حمدآ بسلامة العودة إلى منفاك القسري" أم نقول كفارة "؟!"... قصة عجيبة!.
|
يا زول قول كفارة .... الواحد عايز يرجع السودان نهائي ليهو مية سنة لكن كل يوم القصة بتصعب ... شكرا لرفد البوست بهذة الكتابة الدسمة و التي تستحق بوست كامل للنقاش حولها ...
| |
|
|
|
|
|
|
Re: مشاهد و مشاهدات من السودان الشقيق !! (Re: أمين محمد سليمان)
|
Quote: نتمنى مثل هذه الزيارة للاخ الشفيع
سلام يا امين |
و عليكم السلام يا أمجد ... إنت قايل الشفيع ما شايف ؟ المشكلة إنو الشوف الأصلي شوف القلب ما العين !! -------- الشفيع يا حبيبنا ... سلام و رمضان كريم Quote: امجد ازيك وحمدا لله على السلامة يا بروف انا لم انقطع عن زيارة السودان الشقيق يا امجد واهو المرة دي زرناهو بأعين وسمع البروف، واتفق مع مجمل كلامه
المشكلة في ناس (.....................حجر) ديل، البقنعهم منو؟ مع انو كان في السودان قبل شهر |
الناس كلها أو قول معظمها بتمشي السودان بصورة راتبة و منتظمة و كل زول بشوف شوفو ... لكن حقيقة بتبقي مسالة محيرة جدا لمن زول زيك يكون بمشي السودان و بيطلع علي الأوضاع و الأحوال المعيشية للناس و لسة بدافع عن الحكومة و سياساتها و الكلام هنا من ناحية اقتصادية بحتة خليك من مظالم الانقاذ الباقية !!
| |
|
|
|
|
|
|
Re: مشاهد و مشاهدات من السودان الشقيق !! (Re: أمين محمد سليمان)
|
طارق يا جبريل ... سلام ياخي و رمضان كريم -----------
Quote: سلام يا أمين و حمدا لله على سلامتك و سعدت جدا بمقابلتك. الكلام الداير أعلق عليه كتير لكن الظرف الحالي لا يسمح و سأعود بتوسع خلال أسبوعين إن شاء الله |
و عليكم السلام يا عم ياسر و والله انا الأسعد بلقائك و في إنتظار مشاهداتك من السودان الشقيق -----------
Quote: و الله لو ما رمضان دا كان فهمتك فهم !!! |
سوفي نابك ثواب ... سلام ياخي و الحمد لله الدنيا رمضان لانو الواحد ما عايز يفهم ذاتو !!
| |
|
|
|
|
|
|
Re: مشاهد و مشاهدات من السودان الشقيق !! (Re: أمين محمد سليمان)
|
Quote: نوتة قعد ليهو يومين و رجع عامل فيها معاك معلم و فهم الحاصل وكمان عايز يشرح للجماعه يانوته أهدا روق خضر حسين رجع نهائي سنة 2007 وحسبو عكاشه رجع نهائي سنة 2010 ولسه ما فهمو الحاصل |
مورتا يا وهم ... أنا كان ما فهمت بكون بسبب القعاد معاك إنت و حسبو ... بعدين ياخي لو خضر و حسبو دايرين ليهم 15 سنة عشان يفهمو فده قسمهم فيما لا يملكو ... ما عندهم سكة تانية ... بالجمبة كده : قريت البتاع الرسلتو لي ده و شهقت لي كم شهقة كده ... ياخي البلد دي أضيق من خرم الابره !!! ---------- دكتور قناوي يا حبيبنا ... رمضان كريم و تقبل الله منا و منكم ياخي Quote: تقبل الله يا بروف
وتصوم وتفطر على خير
ونسأل الله ان يخفف عنكم
وطاة الرجل الأبيض
وعنّا وطاة العقال
وحمداً لله على سلامتكم
وكم كنت اتمنى حضور
جلسة فيها العبقريان
برالمتي (ود قرشي وود خالد)
وحضورك البهيّ
إن شاء الله بس يكون عندك غشوة
في الضحية فنفرح بلقائك
__________________
تحياتي ورمضان كريم على الجميع |
غايتو برالمتك علماء عديل ... الواحد كان مكتف يدينو و بسمع و يسال بس ... لو ربنا مد في الاجال ح أفتح بوست للموضوع ده ...
ما أظن أجي في الضحية ...لكن الجايات أكتر من الرايحات و إن شاء الله نتقابل في ساعة خير يا دوك
| |
|
|
|
|
|
| |