Quote: صهيب اعتمد نظرية الحزام السوداني عشان يموض (إسلاموعروبيته) داخل السودان ويفرزها من إسلامو عروبية الشمال، لأنو وجودو في المشروع الحالي للدولة السودانية هو وجود يشبه وجود الموالي في الدولة العربية ست الإسم.
انتا مصر يا الصادق على اللعبة الملتوية دي..
مافي حاجة اسمها اسلاموعربية هنا , في حزام واحد سوداني ..
ومسالة عرب دي ناتجة من وهم بشاشا انو ما في حاجة اسمها عرب هنا ..
وان بقول انو في دماء عربية خشت وتمازجت اثرت وتاثرت..
Quote: الغشكاليات بتعات الحزام دا ما بالسهولة دي.
ومين قال يا الصادق ..
في صعوبات اكيدة بس بنقدر نتجاوزا ولا لا ..
ولو ما كان في صعوبات الحنك بنطق من قبيل فوق كم !!؟.
بجيك صادي
07-27-2012, 09:02 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
Quote: انتا مصر يا الصادق على اللعبة الملتوية دي..
مافي حاجة اسمها اسلاموعربية هنا , في حزام واحد سوداني ..
صهيب
ما في أي إلتواء، لمن نقول اسلاموعروبية مقصودة تماماً، لأنك في الحزام السوداني دا تمثل الجانب الاسلاموي عروبي الذي قدم واختلط بمكوناته الاصلية (الافريقية).
07-27-2012, 10:24 PM
فارس موسى فارس موسى
تاريخ التسجيل: 12-01-2004
مجموع المشاركات: 1357
Quote: انا بطلب كتير لو قلتا ليكم حاكموني بالادوات الشغالين بيها من قبيل ، من قبل تعرفوا انو انا كنت كوز
يا صهيب أنا كلامي كلو لما اصل الحتة القاصدة إنت دي بقول ( خوفي ـ أخشى ) ودي مفردات بتفرق مش كده.. بعدين ما من حقي أبدا احاكم قناعاتك الفكرية المشكلة لوعيك.. ما دامت في حدود حريتك وحقوقك الشخصية .. بس لما تطرحها علينا ضمن مجمل الدراسات والبحوث المعروضة لحل أي من إشكالياتنا .. سوى كانت اجتماعية ،ة سياسية ، اقتصادية .. يصبح من حق الآخرين مناقشتها ومحاكمتها والبحث عن مرجعيتها .. لإنو أي خطاب ، رؤية ، فكرة ، تطرح على الرأي العام .. بتكون حاملة بذرة مرجعيتها .. أنا شخصيا يا صهيب ما بعتمد على أقوال أو معلومات الآخرين للوصول إلي مرجعيتك.. أنا بستخلص المرجعية من مجمل كتاباتك وأفكارك المطروحة .. أها ـ لما أكتب ( أخشى إنك ... أو خوفي إنك .. الخ).. دا يعني أن خطوك أفكارك المعروضة بتشير لطرق وطريقة تفكير دعاة الإسلام السياسي .. على الرغم من محاولتك الخادعة الإيحاء للقارئ بأنك منطلق من مرجعية صوفية .. أنت على النقيض من منهجها التسامحي من جهة .. وعلى النقيض من توجهاتها البعيدة عن المكاسب السياسية بوجه جلي.. فالحزام الذي تبشر به بأهدافه الدنيوية يبتعد تماما عن المرجعية الصوفية ـ وبلاش خم .. الصوفية (بتدارق ) بيها لأنك عارف مرجعية أهل الإسلام السياسي (ما بتقسم ) مع الفئات المستهدفة في أطروحتك دي.. والطريقة دي بتشبة أساليب جماعة الإسلام السياسي.. حزامك دا يا صهيب هو نسخة أخرى من الكتاب الأسود النسف النسيج الاجتماعي في دارفور.. والهدف منو نسف النسيج الاجتماعي في وسط السودان.. ولست في حاجة للتذكير من أي المرجعيات إنطلق دعاة وواضعوا الكتاب الأسود.. وفي الذاكرة اعتراف موثق للرئيس البشير.. . . أقولك قول : ابقى على نصيحة أخونا فارس دي .. نصيحتو دي ما بتلقاها إلا من زول بحبك وصاحب وجعة متلك. أكيد تقديري.
استميح الاخ فارس عذرا ارد اولا على محمد علي الملك..
قال الملك..
Quote: .. الخ).. دا يعني أن خطوك أفكارك المعروضة بتشير لطرق وطريقة تفكير دعاة الإسلام السياسي
والله يا استاذ محمد علي دي قدر ما طقيت اخماس في اسداس ما قدرتا افهما..
يعني دعاة الاسلام السياسي ديل علاقتم بميشال فوكو شنو ، ولا بي جاك دريدا ولا استراوس شنو ..
ولا علاقتم ب فأنسان مونتاي شنو ..
ديل بيعرفو حسن البنا والهضيبي وسعيد حوى والمودودي ، ودي مرحلة انا اتجاوزتها قبل عشرين سنة من اولى جامعة يا اخينا..
Quote: على الرغم من محاولتك الخادعة الإيحاء للقارئ بأنك منطلق من مرجعية صوفية .. أنت على النقيض من منهجها التسامحي من جهة
برضو دي حيرتني فيها يا الملك ..
ياخ انا باحث ، او قول مثقف بشتشرف في مشاكل اهلو او قول بقرا فيها وبيديم النظر فيها..
يعني داير اعرف من هم اهلي ..
ولو اهلي صوفية ، ما ضروري اكون صوفي ..بس حأقول انهم صوفية حتى لو انا جدلا ملحد عدييييييييييييييييل..
يعني الفرق شنو ، ما دام بستخدم ادوات بحث وبحفر في الاتجاه الصاح ..
بل الانسب انك تكون محايد صوب موضوع بحثك ..
اما مسالة متسامح دي قصتها زي قصة المقص قصة وبس ..
يا زول انحنا في معمل ابحاث ،فحكمك دا ما بهمني ولا بهم القارئ ..
البهم هل النتائج منسجمة مع المقدمات ولا لا ..
لو بقت منسجمة بعد دا لو بقيت نيرون ما مشكلة..
ولو بقت ما منسجمة لو بقيت المسيح ذاتو ما بحلني (شفتا كيف!؟)..
ياخ خليك موضوعي واطلع من الاحكام الذاتية الماعندها علاقة بالموضوع..
Quote: الصوفية (بتدارق ) بيها لأنك عارف مرجعية أهل الإسلام السياسي (ما بتقسم ) مع الفئات المستهدفة في أطروحتك دي.. والطريقة دي بتشبة أساليب جماعة الإسلام السياسي
انتا خلي طق الحنك وشيل قلمك وتعال اثبت بادوات نقاشك العلمي انو انا مرجعيتي مرجعية اسلام سياسي ..
المسالة وما فيها وبعد الموضوع غلبكم وعرفتو انو كانت عندي علاقة بالاسلاميين جايين تدارقوها بالاتهام ،دا ما بحل يا زول يس شيل قلمك وتعال اثبت
ذلك بعيدا عن الذاتية يا مان ، ياخ معقولة بس داير تقفل الملف بمقولة انو دي مرجعية اسلام سياسي وانا كلامي عن البنيوية والاحزمة الثقافية..
ياخ الكلام دا هناك كفر كفووووووووووووووووور عديييييييييييييييييييييل كدا ..
Quote: .. حزامك دا يا صهيب هو نسخة أخرى من الكتاب الأسود النسف النسيج الاجتماعي في دارفور
انتا عارف يا محمد علي وكت بشاشا رحب بيك وعاملك برفق اتخيلتا انك من المساندين لناس الهامش ،بس انا عارف بشاشا مجنون وطاير ليهو ساكت..
اها يا محمد علي الكتاب الاسود مالو ..
اولا انتا قريتو !!؟.
الكتاب الاسود دا عبارة عن احصائية متفق عليها لتداول السلطة من وزراء لرؤساء لرؤساء مجالس تشريعية لرؤساء وزراء ولمدراء عامين ولرجال
اعمال في سودانك دا منذ الاستقلال ولي الليلة دي ،واتوضح فيهو مبلغ المفارقة في التمثيل السياسي في هذا السودان منذ الاستقلال..
الكتاب الاسود دا عبارة عن احصائية متفق عليها لتوزيع الموارد منذ الاستقلال حيث تبين ايضا مبلغ اللا توازن العجيب في توزيع هذه الموارد..
شفتا الكتاب الاسود دا يا محمد علي هو احسن حاجة اتعملت عشان الموازين تستعدل في البلد دي..
عموما يبدو انك ما عندك احساس باشكاليات هذا الهامش..
Quote: ابقى على نصيحة أخونا فارس دي .. نصيحتو دي ما بتلقاها إلا من زول بحبك وصاحب وجعة متلك. أكيد تقديري
ما عارف ناس فارس ديل شايتين وين بس يبدو انهم بعبروا عن ناس البحر اكتر من ناس المراحات..
الله يكذب الشينة..
تحياتي
07-28-2012, 04:23 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
Quote: فلقد سألت بشاشا عن معني الكلام الذي كتبه عيزانا ملك اكسوم في مسلته التاريخية بعد انتصاره على مروي بانه قد هزم النوبة الحمر والنوبة السود !!؟...
حصل إطلعت على مذكرات القس جوليان ، الذى إبتعثته الملكة ثيودورا إلى بلاد النوبة .. ومذكرات القس لونجينيس الذى توغل جنوبا ؟ وما كتبه المؤرخ سترابو .
لو كنت إطلعت على هذه المذكرات ( التى ليست بحوزتى الان للأسف ) ، لكنت عرفت ما معنى النوبة الحمر والنوبة السود أو الزرق .
ودى حكاية طويلة جدا ، تؤرخ لجزء مهم جدا من تاريخ السودان المنسي . توضح حقيقة العلاقة بين نوبة الجبال ونوبة الشمال ، وبينهم وبين البلميين (البجا ) . وبين الأثيوبيين ، وكذلك القبائل النيلية .
والذين كلهم ينتمون إلى أصل واحد ، خاصة النوبة السود والحمر ...
فمع الغزوات المتكررة للرومان وما قبلهم من غزاة ، لجأت بعض الحاشية الملكية والطبقة الغنية إلى أماكن بعيدة ووعرة (جبال النوبة ) .. وتركوا بقية الشعب ليواجه الغزاة .
واللون الأحمر المقصود ، لم يكن بياضا كما تظن ، ولكنه أقل سوادا فقط ( نفس الفرق فى اللون الان بين نوبة الشمال ونوبة الجبال ) .
أما تسمية هؤلاء بنوبا والأخرين نوبيا ، فهذه تسميات تعود إلى عصور قريبة وإلى ترجمات إستعمارية .
وهؤلاء كلهم كانوا يعبدون إله واحد ( آمون ) ..وهو الإله الرئيسي ، ثم تفرقت بعد ذلك الآلهه والمعتقدات . .............
ومن القصص الطريفة فى مذكرات القس جوليان ، إن البلميين البجا كانت بينهم صراعات وحروب مع أبناء عمومتهم نوبة الشمال وكان خلافهم الرئيسي يتمحور حول زعم كل فريق منهم بأحقيته فى الإحتفاظ بتمثال إلههم المعبود .
فكانت معظم حروبهم تدور هذا التمثال ،
فكان النوبة ينتصرون تارة فيأخذونه إلى مروي ثم يعود البلميون وينتصرون ثم ياخذوا تمثال الإله المبجل إلى هجر عاصمة مملكتهم . وهكذا دواليك .
..............
والبجا يزعمون إن جدهم هو كوش بن حام ين نوح . وكانوا فى حالة حروب دائمة مع فراعنة مصر ، والرومان ومع النوبة من ناحية ، والأحباش من ناحية أخرى
لدرجة إنهم هجموا على ممكلة إكسوم القديمة ، وإستولوا عليها فى القرن الثاني الهجري وأقاموا هناك عاصمتهم (بقمدر ) التى تعنى أرض البجا ...وهى ما زالت موجودة حتى اليوم فى أثيوبيا الحالية .
ومالك البجا القديمة كانت خمس ممالك ..
سأعو للحديث عنها بالتفصيل الممللللللللل
07-28-2012, 04:33 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
وإلى أن أعود أهدى هذه القصيدة للأميرات البلميات الكوشيات .....................:)
(من كلمات الشاعر توفيق خالد السراج )
إختاروك أحلى رسالة للبجا ... في حضارة كوش ... مقرك مرتع الإبل العزيزة الغرة... مستودع جمال الغوش ... أصولك من بني العامر ... شرافة وعزة خيل وجيوش ... عمومتك من رباط أهل السعن والأرتي ... ناس السترة سطوة وحوش ... ومن سهل البطانة العالي ... مصدر عزنا المنفوش ... وفيني وفي سواد العين ... وحاتك بانية ليك عروش ... مأصلة من جدودك نجمة ... محفور الجمال منقوش ... وحاتك يا سواد العين ... جمالك في القمر مرشوش ... وأصلك سامغ أعلى مكانة ... لو كان السهيل مهبوش ... ولو كان الحضارة شرافة ... إنتي حضارة لي ناس كوش ... كفاية يكون في نهر النيل ... قمر جاهم هدية وأوش ... وبخت الفيك لقت مرضاها ... تسكني فيها ... ترتعــي فيها ... تحلمي فيها ... تقري معالما وترفيها ... تسكني شندي دار العزة ... تشربي من دلالا وتـيها ... تبقى العزة فيها معـــزة ... وكتين تمشي بين واديها ... إنتي العزة من مـــــرباها ... إنتي معالما وتوجيها ... خصاك الإله بي إنو ... حسنك لامي سترة وجيها ... زيك من خلق ما شفت ... قمرة ملانة جبرة وجيهة ...
+
07-28-2012, 05:51 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
وطبعا البجا مع إنهم قوم يعشقون العزلة ، إلا إنهم يعرفون تاريخهم جيدا وسجلوه فى قصائدهم التى يتناقلونها عبر الأزمان ، ولكن حاجز اللغة ، والحواجز الطبيعية من جبال وغفار ، جعلت باقى السودانيين يجهلون عنهم الكثير ، مع إن المفارقة تكمن فى إن البجا يعرفون الكثير عن تاريخ ( السودان الحقيقي ) .
فمثلا هم يعرفون جيدا العلاقة بينهم وبين النوبة ( شمال وجبال ) والجعليين والشوايقة والأنقسنا والزغاوة وغيرهم من القبائل والشعوب السودانية .
ومن الباحثين البجاويين المعاصرين أستاذنا جعفر بامكار ، وهو يبذل جهودا عظيمة فى تسجيل تاريخ البجا غير المدون ، والتواصل مع الباحثين السودانيين الآخرين ، فى سبيل إعادة تدوين تاريخ السودان الحقيقي .
لقد تلقيت مع كثير من الشكر والامتنان مؤلفين عن النوبة اهداء من مؤلفيهما للاطلاع والتعليق والمؤلفان هما : 1. مسودة كتاب للمؤلف الخير ابنعوف بعنوان : اللغة النوبية والحضارات القديمة .. 2. المؤلف الثانى للكاتب / مختار عبد السلام وهو كتاب باسم " السودان وطن الانبياء " الكتابان يدوران حول منطقة النوبة فى اربع محاور هى اللغة - الجغرافيا – الدين والتاريخ وسيغتصر حديثى عن محوري اللغة والجغرافيا وسأتحدث عن محور الدين والتاريخ فى مقال لاحق وسيكون حديثى عن ما هو مشترك بين البجا والنوبة فى اللغة والجغرافيا وسابدا مقالى عن ما ورد بمسودة كتاب الخير ابنعوف " اللغة النوبية والحضارات القديمة ثم من بعده كتاب مختار عبد السلام ( السودان ارض الانبياء ) 1/ يقول المؤلف ابنعوف اسم يوسف يتكون من مقطعين يو وتعنى الام بالنوبية سف و سف اصلها شف وهى قطعة كبيرة من الحلى دائرى الشكل تستخدم بواسطتة النساء فى العنق التعليق :- الشف له نفس المعنى عند البجا كما هو عند النوبيين يقول المؤلف :- 2/ ا سم اسماعيل هو شمويل بالعبرية كما ان سميل يعنى الشيخ بالنوبية وهو ايضاً لقب جامع الضرائب تعليق :- كثير من البجا لاينطقون اسم اسماعيل وابراهيم كما ينطق فى اللغة العربية بل تنطق اسمعيل وابرهيم اوابريم . 3/ يقول المؤلف ورد فى التوراة " قال الله لابرام سارى امرأتك لاتدع اسمها سارى بل سارة" سارى يعنى الطيبة بالنوبية الدنقلاوية والى اليوم يستعمل فى التحية " سارينا قمى
التعليق :- سارى فى اللغة البجاوية تعنى الساحر او الشخص الخبيث ولذلك امر الله بتغيير اسمها ولو كانت سارى تعنى الطيبة لما امر الله بتغيير الاسم فى التوراة اما سارينا ااقمى فهى قد تعنى كفاك الله شر السحره والعين والخبئثاء واقمى واقم وتقماك وهى مفردات بجاوية دخلت فى العامية السودانية مثل التقماك اقماها بمعنى التى تتجاهلك تجاهلها وفلان ما متقمى بمعنى شخص مهم غير مجهول المقام . 4/ يقول المؤلف :- ورد فى التوراة ان النبى موسى عليه السلام وجماعته عندما عبروا البحر الى الشرق واغرق الله فرعون وجيشه ضربت مريم ابنة عمران الدف فرحاً بالنجاة والنصر على فرعون والحقيقة الماثلة اليوم ان المنطقة التى تقع على الجهة المقابلة لعبرى تسمى مريم بوت وتعنى بالنوبية ارض مريم او منطقة مريم . التعليق :- كلمة " بوت " بمعنى ارض بالنوبية تحمل نفس المعنى 100% فى اللغة البجاوية. 5/ ورد فى التوراه –سفر عد – اسحاق 33 آية "5 " ارتحلوا من ماره واتوا الى ايليم وكان فى ايليم اثنا عشرة عين ماء وسبعون نخله فنزلوا هناك ثم ارتحلوا من ايليم ونزلوا على بحر سوف . التعليق :- كلمة ايليم كلمة بجاوية مكونة من مقطعين هما ايلا بمعنى ابيض ويم بمعنى الماء الصافى وفى اللغة العبرية القديمة يم تعنى البحر سواء كان مالحاً او عذباً لذلك فان ايليم تعنى الماء الابيض او الماء العذب الصافى 5/ يقول المؤلف اصل كلمة سنار السودانية مكون من سين وتعنى السرة بالنوبية اما " آر فتعنى البرية والارض وتوجد مناطق نوبية كثيرة شبيهة مثل :- كمنار – ارض الجمل وتمنار ارض البطيخ .
التعليق :- كلمة كمنار مكونة من مقطعين وهما كم بمعنى جمل وآر بمعنى ارض وعند البجا كام هو الجمل وكم للمجموع اي الجمال وهو نفس المعنى فى اللغة النوبية اما مفرده آر فهى كثيرة فى اللغة البجاوية مثل آر – بعات مصدر مياه مدينة بورتسودان وغيرها وقد تحمل نفس المعنى فى اللغة النوبية 6/ يقول المؤلف " اور " تعنى الملك بالنوبية التعليق :- كلمة اور فى اللغة البجاوية تعنى الابن او الولد وجمع اور اى ابناء او اولاد هى كلمة " آر " مثل امارار او حسن ار او على ار والبجا دائماً يقدمون اسم الفاعل على الفعل او الصفة لذلك فكلمة اور سليم " لايمكن ان تكون بجاوية الا ان تكون سليم اور ولا اعرف قواعد اللغة النوبية هل يقدمون الفاعل على الفعل مثل البجا ام ماذا ؟ 7/ يقول المؤلف :- بعد وفاة مؤسس الاسرة النوبية فى مصر تولى شقيقه شابكا المسمى نفر كا رع التعليق :- اسم الشقيق شابكا لا يمكن ان يتسمى باسم آخر ولكن قد يلقب بلقب ملكى مناسب ومفرده نفر بفتح النون او كسرها مفرده بجاوية بفتحها تعنى الحسن والحلاوة واللطافة وهى تطلق على النساء مثل نفرتيتى وبكسر النون ينقلب المعنى للعكس تماماً فتعنى القبح والفظاظة والوحشية والغلظة وبعض الناس يحبون هذه المعانى لاخافة الناس 8/ يقول المؤلف :- فى اللغة النوبية " ارو " تعنى البحر او النهر تعليق :- " ارو " فى اللغة البجاوية تعنى السفن الشراعية او السمبوك وهو معنى مرتبط بالبحر 9/ يقول المؤلف :- جبل التاكا فى مدينة كسلا – دكا – يعنى السطح الذى يمكن الجلوس عليه وتوتى يعنى الفعل يصعق او يرمى ارضاً اويرفس .
التعليق :- كلمة جبل التاكا وتوتيل كلمتين بجاويتين اصليتين فشجرة الدوم فى اللغة البجاوية تسمى اكا وثمرة شجرة الدوم تسمى تاكا اما توتيل فمعناها الماء المتدفق تدريجياً ولا يفيض فيضاناً 10/ يقول المؤلف :- " اكد" وهى تعنى الغلام الذى لم يبلغ سن الرشد . تعليق :- اسم اكد اسم شائع وسط البجا وقد يعنى نفس المعنى فى اللغة النوبية ولكن لست متاكدا من ذلك 11/ يقول المؤلف :- " كا " تعنى البيت . أنكا تعنى بيتنا . إنكا تعنى بيتكم . مانكا تعنى ذلك البيت . بنكا تعنى بيت الرب . التعليق :- بنكا والتى تعنى بيت الرب قريبه من الناحية الصوتية من مفرده " مكه " بشكل لافت . البيت عند البجا قو او ماكواك وماكواك ايضاً قريبة من مفردة " مكة " او بكه وقو البجاوية فى اللغة النوبية تعنى الارض 11/ يقول المؤلف :- الرقم عشرة فى اللغة النوبية يسمى " ديمين " تعليق :- فى اللغة البجاوية الرقم عشرة " تيمين " والتشابه واضح فى المفردتين والمفردة " تيمين " البجاوية تشير للاصابع العشرة فى الكفين التى يمكن ان يتم تناول الطعام بواسطتهما والرقم خمسة عند البجا " اي" اي الكف الواحدة التى لها خمسة اصابع 12/ يقول المؤلف :- درو doro تعنى عجوز كبير السن فى اللغة الدنقلاوية وعند الميدوب دورى dory تعليق :- فى اللغة البجاوية العم او الخال والرجل العجوز كبير السن دورا dora والواضح ان اصل الكلمة واحد
12 يقول المؤلف :- ودق تعنى الشحم بالدنقلاوية ونفس المعنى عند الميدوب تعليق :- ودق تحمل نفس المعنى فى اللغة البجاوية 13/ يقول المؤلف :- اوندى تعنى نوع الذكر بالدنقلاوية وبالمبدوبية اوندى . تعليق :- فى البجاوية إندا تعنى نوع الذكر والواضح ان اصل الكلمة واحد . 14/ يقول المؤلف :- تونكس تعنى آخر الابناء بالدنقلاوية وبالميدوبية توقندى تعنى آخر البطن " آخر العنقود " تعليق :- توقندى تحمل نفس المعنى بالبجاوية بالاضافة لآخر اربعاء بالشهر العربى وويتشائمون منها ولا يبدأون السفر فيها 15/ يقول المؤلف :- " إندو " تعنى هنا بالميدوبيه . نفس المعنى بالدنقلاوية تعليق :- فى اللغة البجاوية " إانتون" تعنى هنا 16/ يقول المؤلف :- " ارى " المطر بالميدوبية " ارو " المطر بالدنقلاوية " تعليق :- " ارو نيوت " بالبجاوية السحاب الذى يجلب المطر . 17/ يقول المؤلف :- " اسلو " ولع النار شديد بالميدوبية " اولى " بالدنقلاوية . تعليق :- " اسلا " او " سليا " بالبجاوية ولع النار شديد ومشهور سلات البجا وهى لحم مشوية على حجارة حامية .
18/ يقول المؤلف :- اعجمى اصلها بالنوبية " اقمى agums " وتعنى غير واضح او مبهم . تعليق :- فى البجاوية " إقم " تعنى لم يفهم " اقمنا " لم يفهموا " نقم " لم نفهم وهكذا 19 يقول المؤلف :- عزرائيل اصلها بالنوبية " ادرائيل " وتعنى المشل للحركة . تعليق :- فى اللغة البجاوية " ادر " تعنى قتل و " مدر " عملية القتل و " مدور " القاتل 20/ يقول المؤلف :- ايلوم فى النوبية تعنى التمساح تعليق :- فى البجاوية " ليما " هو التمساح والواضح ان اصل الكلمة واحد تعليق على كتاب السودان وطن الانبياء 1/يقول المؤلف :- " الاموريون هم سكان وادى امور الذى يتجمع من مرتفعات البحر الاحمر " الاوليب " ليصب فى النيل شمال الشريك الحالية " تعليق :- تنقسم منطقة البجا لمناطق مشهورة وهى من الشمال للجنوب كالاتى بدون تفصيل لها 1. بشاره 2. عيتباي 3. القنب 4. هاقنب او معدام 5. الاوليب 6. تمارا 7. بركه 8. القاش 9. بيلول 10. قاش داى وأهم الخيران من الشمال للجنوب 1. الدئيب 2. اوكو 3. هييت 4. آمور 5. خور عرب 6. لنقيب 7. بركه 8. القاش معظم خيران منطقة البجا تصب فى البحر الاحمر ماعدا وادى آمور وهو الاخطر من الناحية التاريخية والعسكرية والغزوات والهجرات فهو يصب مباشرة فى النيل . فى اوقات الخريف عندما تكون الظروف مناسبة وتتوفر به المياه فهوتاريخيا طريق الغزاة البجا لوادى النيل . لذلك فقد عبره جبابرة العنج والبلو البجا وغيرهم من قبل عبر التاريخ .لذلك نجد القلاع والحصون والاستحكمات العسكرية بالضفة الشرقية للنيل فقط وخصوصا عند مصب وادى امور ولا نجد اي آثار عسكرية لصد الغزاة بالضفة الغربية للنيل . كما ان امور قديماً كان طريق الهجرات البشرية من الكوشيين من الشرق لكردفان ودارفور وماورئهما . " يقول المؤلف " جاء فى سفر حزقيال " قال السيد الرب لاورشليم مخرجك ومدخلك من ارض كنعان ابوك امورى وامك حثية " وكما نعلم فان كنعان هو الاب المبجل لكوش العظيم 16 يقول المؤلف :- سيدنا الخضر والبعض يسميه ايلياء وايلياء تعنى العابد . تعليق :- البجا يحولون الهمزة على السطر الى باء فمثلاً مفرده " فناء " يحولها البجا الى فناب " والتى تعنى القتال وكلمة " شقاء " يحولها البجا الى " شقاب " التى تعنى العمل الشاق وكلمة " هراء " الى " هراب " والتى تعنى الكذب وكذلك " ايلياء " يحولها البجا الى " الياب " التى تعنى الغالى او النفيس
3/ يقول المؤلف :- كوش – يرجع هذا الاسم الى كوش بن كنعان بن حام بن نوح عليهما السلام ويطلق على كل المنطقة جنوب مصر من البحر الاحمر ومن الشلال الاول وحتى بحر العرب والسوباط ويشمل الارض حتى سفح الهضبة الاثيوبية الغربية .
تعليق :- للاسف معظم سكان المنطقة قد استعربوا وفقدوا لغتهم وحضارتهم الكوشية ولم تعد هناك لغة تسمى باللغة الكوشية ما عدا اللغة البجاوية واستطاع البجا ان يحتفظوا بثقافتهم الكوشية بسبب العزلة التى فرضت عليهم بسبب طبيعة منطقتهم واعتقد انهم ايضاً سوف يسيرون فى درب الاخرين لو لم تبذل جهود للمحافظة على هذه اللغة والثقافة التاريخية الاصيلة 4/ يقول المؤلف :- فى سفر اخبار الملوك جاء ما يلى حينئذ ذهب سليمان الى عصيون جابر ومدينة ايلا على شاطئ البحر فى ارض ادوم وارسل حوارم بيد عبيده سفناً وعبيداً يعرفون البحر فاتوا مع عبيد سليمان الى اوفير واخذوا من هناك اربعمائة وخمسين وزنه ذهب واتوا بها للملك سليمان . تعليق :- فى هذا المقطع الذى يدل على اخذ ذهب من ارض المعدن بمنطقة البجا نجد المفردات البجاوية ايله او ايلات والتى تعنى الارض البيضاء وكذلك مفرده اوفير التى استعملت فيها اداه التعريف او البجاوية والتى تعنى " ال " وكذلك مفرده ادوم التى تعنى عند اليهود الادميين من غير اليهود بما فيهم البجا طبعاً . 5/ يقول المؤلف :- يقول سفر التكوين " ص/14 " حدث ايام امراقل ملك شنعار واريوك ملك الاسار وكدر لعومر ملك عيلام وتدعال ملك جوييم انهم حاربوا بارنج ملك سدوم وبرشاع ملك عموره وشناب ملك ادمه تعليق :- فى الاسماء الواردة اعلاه لاسماء الملوك لفت نظرى اسم شناب وهو اسم شائع وسط البجا .ان اسماء البجا رجالا ونساء تتكرر بشكل يدعو للعجب فى الكتب القديمة الامراللذى لم اجد له تفسيرا مناسبا حتى الان 6/ يقول المؤلف :- نجد فى اللغة البجاوية وهى لغة كوشية اصيلة المقطع " او " وهو اداة التعريف مثل اوشيك " اونور " اولباب اودروس الخ . كما ان اور تعنى ابن او ولد عند البجا كما نجد فى اللغات النوبية الكثير من الالفاظ الشبيهة مثل " اوشى ، اورتشى اوربى ، اورتارتى ، الخ ولاشك ان سيادة اللغة العربية قد ادى لاندثار معظم مفردات اللغات المحلية القديمة يقول المؤلف تزوج عيسو ابن اسحاق عليه السلام من يهوديت ابنه بيرى الحثى ومن بسمه ابنه ايلون الحثى كما تزوج محله ابنه عمه اسماعيل عليه السلام .
تعليق :- فى الكلام اعلاه ثلاث اسماء بجاوية وهى هوديت واسم محله وهوديت على وزن بداويت وهى لغة البجا . لقد لفت نظرى وحيرنى كثيراً وجود اسماء بجاوية فى الكتب الدينية القديمة وفى التوراة والانجيل والمزامير والاسفار .من لديه تفسير معقول لهذا اللغز؟ 7/يقول المؤلف :- ان اسماء مثل جعل وركاب ورباط وشايق الخ... اسماء عريقة وليست وافدة . ان عشائر شايق ورباط وركاب عشائر مرتبطة بمنطقة محددة جغرافياً منذ القدم ولو اخذنا الاسم شايق كمثال نجده يعنى القوه والشدة ويرتبط بمعنى السلطة وربما يفسر ذلك موقع المنطقة التاريخية التى قطنوها . شايق اسم قديم جداً كوشي المنشأ ولايبخس من ذلك جهل مصدره اللغوى بل يؤكد عراقته . كما ان اسماء ابناء شايق الاثنى عشر نجد ان منها تسعة اسماء كوشية الاصل وهم كادينقار – مريس – حواش – سالم – باعوض – شلوف – سوار – شرنكو . تعليق :- العشائر الكوشية تتفق فى الغالب فى اسماء الحيوانات المستانسة كما اتفق البجا والنوبيون حول اسم الجمل " كم " كذلك تتفق هذه العشائر حول اسم البقر والغنم والكلاب و الذئاب والثعالب والاسود والنمور خصوصاً العشائر التى تحترف الرعى فمثلاً الكثير من هذه العشائر تسمى البقره ( شا )" او قد تسمى النعجة ( شا) . فى كل الاحوال لا تغيب هذه المسميات ولكن قد تتبدل من حيوان لآخر. عند العشائر الكوشية التى تحترف الرعى اهم شخصية هو الراعى ولذلك صفة هذا الراعى تتكرر فمثلاً راعى الابل او الجمال فى اللغة البجاوية يسمى ( كم – تيقا) وكم تعنى الجمال وتيقا تعنى الراعى او السائق للجمال – كذلك الذى يرعى الغنم فى البجاوية يسمى ( يا-تيقا ويا تعنى الغنم وتيقا تعنى الراعى . اذاً ماذا يسمى راعى البقر ؟ يسمى شاييقا وشا تعنى البقر وييقا تعنى الراعى. اليس من المحتمل ان اسم شايقى هو تحريف بسيط لشاييقا ؟ اليس من المعروف تاريخياً ان قسما كبيرا من الشايقية كانوا رعاة ولفترات طويلة من التاريخ قبل ان يستقر عدد منهم على ضفاف النيل ويحترفون الزراعة ؟ 8/ يقول المؤلف :- وابناء اسماعيل عليه السلام هم :- نابت - ميشا – قيدار – ادبائيل – ميشام – مشماع –– هدد – تيما – يطور – نفيس – قيدمان .
تعليق :- من ضمن هذه الاسماء لفت نظرى اسم نابت واسم ميشا وهما اسمان بجاويان يستعملان حتى الان وسط البجا بل هناك قبيلة بجاوية كبيرة وهامة تسمى النابتاب وهم ال دقلل ناظر عموم قبيلة البني عامر البجاوية وكذالك هناك قبيله بجاوية أخرى كبيرة وهامة تسمى ميشاب ينتمى اليها الشيخ الجليل ابو على مجذوب ابو على والى ولاية البحر الاحمر الاسبق ورئيس هيئة شورى المؤتمر الوطنى .اما بقية اسماء ابناء اسماعيل عليه السلام ففى نفسى منهم شئ من حتى ولن اقول شيئا عن اسمائهم حتى اتاكد تساؤلات اخيرة لماذا نجد هذه المفردات اللغوية الكثيرةالمشتركة بين لغة الدناقلة الانداندى ولغة الميدوب فى اقصى غرب السودان ؟ هل الميدوب دناقلة ام بجا ؟ هل لغة الدناقلة اقرب للغة البجا والميدوب ام اقرب للغات النوبية الاخرى ؟ سوف ادلى براى فى الموضوع وهو مجرد راى اجتهادى اولى قابل للنقاش اللغة الدنقلاوية متاثرة بلغة الكنوز تاثرا كبيرا وعميقا اكثر من اى لغة اخرى .ومن هم الكنوز .انهم بقايا قبيلة ربيعة العربية التى كانت تسكن بوادى العيلاقى وبارض المعدن وسط البجا .ان اكثر من تسعين فى المائة من قبيلة ربيعة العربية اصبحوا بجا وفقدوا لسانهم العربى .اذا الكنوز المتاثرون باللسان البجاوى هم حلقة الاتصال بين اللغة البجاوية ولغة الدناقلة اولغة الانداندى اما بالنسبة للميدوب فاعتقد انهم بجا هاجروا لتلك المنطقة مثلهم متل العنج البجا والكوشيون بطبيعتهم يتوغلون فى البرارى اخر مدى كما يتوغل الاوربيون فى البحر لاخر مدى .
07-28-2012, 08:43 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
Quote: البهم هل النتائج منسجمة مع المقدمات ولا لا .. لو بقت منسجمة بعد دا لو بقيت نيرون ما مشكلة.. ولو بقت ما منسجمة لو بقيت المسيح ذاتو ما بحلني (شفتا كيف!؟)..
والله يا صهيب أنا ما عارف هل إنت مستوعب ومدرك لاجاباتك البتقدمها عن فكرة حزامك ولَ بتكب تأملات عاطفية؟ هو اصلا النتائج لو منسجمة مع المقدمات يا صاحي اللامينا عليك شنو؟ بعدين وينا المقدمات دي قبال نتحسس منسجَمة ولَ مسجَمة !.. إنت كل القلتو عن الحزام من حيث الإتجاه (غرب وشرق ).. وفي تعقيبك على الأستاذعادل قلت:
Quote: الحزام السوداني دا حزام منتظم ، منطقا وفي اطار خطوطو الجغرافية والسوسيولوجية يشمل كل المنطقة من دارفور والى البحر الاحمر يعني دارفور ،كردفان ، الجزيرة(مديرية النيل الازرق القديم )،الشرق .. وهو ما اسماهو ناس العدل المساواة بالغرب الاجتماعي (يعني ما ضروري يكون غرب جهوي فقط).
فرضية حزام منتظم (منطقا) مفردة منطقا دي ما عرفتك قاصد بيها منطق أم مناطق ؟ والسؤال عشان نحن بصدد صحة فرضيات بحث ما عنده علاقة بالمنطق والفلسفة .. بقدر علاقتو وحاجتو لاستبيانات من واقع الحال على الأرض .. ودراسات ميدانية عن الكيانات المتساكنة وانشطتها الاجتماعية والاقتصادية والثقافية وتسميتها .. وابراز مواطن التلاقي والتنافر بينها .. والروابط والعلاقات وشكل وطبيعة العمليات الانتاجية .. التى تغلب فرضيات التعايش السلمي بين كيانات الحزام وحفظ الحقوق .. يعني ببساطة الشغلانه لا محتاجة فوكو ولا دريدا.. واصلا ما سمعت زول دعى لتأسيس كيان إجتماعي من منطلقات فلسفية .. الجنوب مثلا يا صهيب رغم الاختلاف القبلي واللغوي بين كياناتو .. كان التقارب الثقافي واساليب كسب العيش والعقيدة عوامل مساعدة لفرضية التلاحم .. طبعا بالاضافة للدراسات الأنثروبولوجية التي تصنفهم كمجموعة نيلية واحدة..
Quote: يعني دارفور ،كردفان ، الجزيرة(مديرية النيل الازرق القديم )،الشرق..
مش دا دا تعريفك الجغرافي للحزام ؟ عليك الله يا صهيب بي جدك كدة إنت ما بتضحك علينا؟ ويييين الانسجام السوسيولوجي بين الكيانات المتساكنة على طول الحزام الشاذ افقي دا.. يارااااجل.. إنت كده صالح بينهم في بورد بكرى دا!
Quote: انتا خلي طق الحنك وشيل قلمك وتعال اثبت بادوات نقاشك العلمي انو انا مرجعيتي مرجعية اسلام سياسي
ما قلت ليك؟! .. يوم متين أنا طقيت حنك معاك بدون ادوات.. أنا قبال اعلق على حزامك سألتك .. جاوبتني باجابات فندتها ليك وقلت ليك كلها ما مقنعة وضعيفة .. وأقول تاني سياقاتها لا تصلح (دكة ) مش حزام ..
Quote: وتعال اثبت بادوات نقاشك العلمي انو انا مرجعيتي مرجعية اسلام سياسي
هي المرجعية دي لافتة بشيلوها .. دي ايديولوجية لافنها بى توب الاسلام.. يا صهيب أنا كتبت ليك فوق:
Quote: أنا شخصيا يا صهيب ما بعتمد على أقوال أو معلومات الآخرين للوصول إلي مرجعيتك.. أنا بستخلص المرجعية من مجمل كتاباتك وأفكارك المطروحة .. أها ـ لما أكتب ( أخشى إنك ... أو خوفي إنك .. الخ).. دا يعني أن خطوك أفكارك المعروضة بتشير لطرق وطريقة تفكير دعاة الإسلام السياسي
الجماعة ديل مما حلو على البلد اشتغلوا بسياسة فرق تسد.. وهم انجح من تلاعب بقيم وتقاليد السودانيين المتسامحة وتدميير النسيج الاجتماعي.. بدو وحضر ، مدن وارياف.. . . اسع يا صهيب أهلنا الرشايدة وضعهم كيف في حزامك ؟ الله هونيني .
07-28-2012, 09:17 PM
فارس موسى فارس موسى
تاريخ التسجيل: 12-01-2004
مجموع المشاركات: 1357
Quote: دار بأشراط ابا قرنق ولا دور على قومة الفور لتحرير حواكير السلطان الوهبا للنازحين! الدموم القبل الهبه (صراعات العرب مع الفور)عرب قدام وعرب جداد لنج جابم حزامك القلت ودود ومتفاعل! الدواس الدور هناك والمرارات والأسيه والنتائج والإفرازات شايفا بعيونك التتين وأوعك تجيب لى سيرة المركز ، إن جبت سيرة المركز تانى ما بنزل قلمى من ضهرك بكلمة كوز فأركز بحزامك وألتزم بتماسكو الإدعيتو
طيب يا فارس..
كيف ما اجيب سيرة المركز يا فارس ، ما الجاب العرب الجداد لنج دا منو ، ما جو بمحفزات دفعا هذا المركز للتغول على واقع غيرم !!!..
هي بسم الله الرحمن الرحيم..
والمسألة دي شغالة من الثمانينات يا صديق لما حصل الجفاف والتصحر وبدا الصراع بين الرعاة والمزاعين الاتطور للنهب المسلح..
ما انا عارف وانتا عارف انو حزب الامة والجبهة الاسلامية وقفوا الى جانب تسليح العرب والاتحاديين الى جانب الزرقة ..
ككيف الكلام دا يا ول ابا فارس!!..
انتا بييييي خشمك انو في مراحل تاريخية كان الفور او الاخرين يمنحلون الرحل من العرب الحواكير...
طيب وكت دخل المركز لصالح هؤلاء الرحل وبقويهم حيتدخل اخرين من اعداء المركز الى جانب الفور وغيرهم وهكذا يصير هؤلاء محرقة لتصفية
حسابات اخيرين لا ناقة لهم فيها ولا جمل ..
شوف يا فارس وقبل الصراع الكبير في هذا السودان الكان المركز جزء اساسي فيهو كان برضو في صراع ولكن صراع يدور في اطار جدل محلي
ويحل بواسطة اليات السلام الاجتماعي الداخلي لهذه المجتمعات..
المجتمعات المحلية دي حريصة حرص كبير على اشاعة السلام بينها ، ولكن حين تقحتم الاجندة الخارجية والمركزية هذه الكيانات هنا بصبح الرهانات
مختلفة والحل ليس في يد هذه المجتمعات المحلية بل في يد القوى الكبيرة البتملك المال والسلاح والعتاد والايديولوجيات..
ولي سؤال بسيط يا فارس ، والان وعلى جميع الاصعدة هل تخلو القوى المسلحة الدارفورية من وجود كبير للعرب!!؟.
لا يا فارس هناك قوى كبيرة وكاسحة من المسيرية والرزيقات والهبانية والبني هلبة والمعاليا وهلم جرا سواء الى جانب هذا الفصيل او ذاك من الحركات
الدارفورية المسلحة ، انا لي عديد الاصدقاء والمعارف والاهل من القبائل العربية هناك وليس من دارفور فحسب بل من كردفان ايضا..
قوى العدل والمساواة العاملة ما بين كردفان ودارفور اليوم جزء اساسي ان لم يكن الاغلبية من المسيرية والحوازمة والحمر والكبابيش وغيرهم..
اذن فرضيتك يا فارس ان هؤلاء مخدوعين وسوف ياكلو نيم بعد الفتح !!؟.
دا ما بهمني وممكن في ناس اقلية يكون بفكروا بنظرية تآمرية زي دي (بشاشا وامنة مختار الرزيقية الانكرت دمها ضمة) ..
بس دي ما طريقة تفكرينا انحنا ناس دغريين وبسيطين والطعن من الخلف ما حقنا (دا حق الجلابة)..
Quote: المثال التانى يا ولد ابوك جبال النوبه: قطع شك سمعت عيال النوبه فى مؤتمر كاودا الاولانى قالو لابا قرنق شنو؟ جاهم عشان يشوف مطالبموهو ماشى يقعد مع كبير المرافعين على عثمان محمد طه ،أنقر عيال النوبه طالبو عمك بشنو؟ قالو ليهو ما دايرين عربى فى الجبال الكلام دا موثق يا صهيب انا ما نجرتو !! خلينا من عمك قال ليهم شنو والقصه إنتهت على شنو. لكن اقول ليك كلام عشان الاجيال الاصغر مننا تعرف عمك قال ليهم إتس اوكى لكن إنتو جيبو لى أى نوباوى من بورسدان لحدود نيالا الجبال انا بلزم على مرفعين بترحيل ناس بريمه وكبر
اولا ولعلمك يا فارس ان الكتمة الاخيرة قبل عام كان الى جانب عبد العزيز الحلو الكثير من القبائل العربية ومن هؤلاء المعاليا ابناء تلك المناطق (تابعين
لامارة دار حامد لكن مقيمين بجنوب كردفان) ولقد اتصلوا بنا بانهم جزء مما حدث ولكننا اوضحنا لهم موقفنا فيما يتعلق برفع السلاح..
ولعلمك يا فارس ان العرب البقارة جزء اساسي من قوات الجبهة الثورية ،بل ان المعلومات الاكيدة انهم كانوا قوة اساسية في احتلال هجليج ..
صحيح ان المركز يتلاعب بجزء اخر منهم ويضعهم في صفه باساليبه ،دي ما فيها شك..
طيب..
انو النوبة بالحركة الشعبية يكون عندهم موقف من بعض العرب الذين يلونهم في الوكت داك (حوازمة مسيرية وغيره)، اكيد كلام ممكن يحصل في ظل
تجييش المركز لقوات الدفاع الشعبي من القبائل العربية ومنحهم الحوافز لفعل ذلك..
عشان كدا انا بقول انو المركز بشكلو التقليدي دا يجب ان يتم تفكيكه وتغيير عقليتو وابدالها بعقلية اخرى..
يجب ازاحة هذا المركز وابداله بدولة الاغلبية يا فارس ..
وبكدا نرجع عقلية شراتي الفور المتسامحة الذين منحوا النازحين الحواكير..
Quote: حصل إطلعت على مذكرات القس جوليان ، الذى إبتعثته الملكة ثيودورا إلى بلاد النوبة ..ومذكرات القس لونجينيس الذى توغل جنوبا ؟وما كتبه المؤرخ سترابو .لو كنت إطلعت على هذه المذكرات ( التى ليست بحوزتى الان للأسف ) ، لكنت عرفت ما معنى النوبة الحمر والنوبة السود أو الزرق .
بالمناسبة دي ان كلا الرحلتين ،رحلة الاب يوليان والاب لونجينيس لا توجدان في مذكرات منفصلة (لو عندك ادينا) ولكنها ذكرت بالتفصيل في كتاب
التاريخ الكنسي لكاتبه يوحنا الافسي ..
بس في اشكال في تقبل هذا التاريخ لانو مؤرخ لصالح الكنيسة المصرية ( التي كانت تناصرها الامبراطورة ثيودورا)..
نفس التاريخ يتناوله يوحنا البكلري وهو ملكاني المذهب حيث يعكس في سفره الاحداث التي وردت في التاريخ الكنسي ليوحنا الافسي كي يضع الاحداث
وفق المنظر الكنسي الملكاني..
بس لدي سؤال مهم فكلا الكتابين مكتوب وفق مركزية بيزنطية رومانية فهل يقبل بنتائجه بشاشا وبله الاخت الكوشية من اصول رزيقية!!؟.
ما بشاشا عندو حدود ومعايير صارمة لمصادر التاريخ عن هذه المنطقة بالذات في الحقبة الكوشية او بعدها ..
سؤال مهم ..
Quote: واللون الأحمر المقصود ، لم يكن بياضا كما تظن ، ولكنه أقل سوادا فقط ( نفس الفرق فى اللون الان بين نوبة الشمال ونوبة الجبال ) .
دا اسمو نجر اخضر يا اختي ، فبعثة يوليان ولوجنييس كانت بعد ثلاثمائة عام من سقوط مروي وكتابة تاريخ يوليان في كتاب التاريخ الكنسي بواسطة
يوحنا الافسي كانت بعد مائة عام من ذلك فكيف تحديد الالوان ونسبتها بعد ان تشتت الرصاص!!!!!.
وبعدين الكلام دا ما مذكور في التاريخ الكنسي ..
ومنو البحدد درجة هذه الالوان دي انا ولا انتي !!.
لا لا دا نجر اخضر من مصادر مشكوك فيها ما مني انا بل من بشاشا ذاتو ..
وخلي يجي يا كوشيتنا المدعاة نسالوا من رايو في :
يوليان
لوجينيس
يوحنا الافستي العراقي الاصل البيزنطي التعليم المصري الكنيسة (!!!!!!)..
ونسألوا برضو من المؤرخ ستراااااااااااااااااااااااااااابوووووووووووووووووووووو!!.
انشا الله يجينا
..
Quote: ومن القصص الطريفة فى مذكرات القس جوليان ، إن البلميين البجا كانت بينهم صراعات وحروب مع أبناء عمومتهم نوبة الشمال وكان خلافهم الرئيسي يتمحور حول زعم كل فريق منهم بأحقيته فى الإحتفاظ بتمثال إلههم المعبود .فكانت معظم حروبهم تدور هذا التمثال ،
و الاخت تخصصا تاريخ!!!!!!..
طبعا الكلام الفوق دا اسمو خفة معرفة بالتاريخ فضلا عن انو ما مذكور في المصادر البتقولا ضمة (التاريخ الكنسي نقلا عن يوليان ولوجينيس)..
ياخ ديل كان بهاجموا لييييي فيلة وفرس مننننننننننننننننن الصحراء الشرقية عشان يشيلوا ليهم قطعة خزفية ويجوا راجعين !!!!!!؟؟؟.
ياخ البليميين ديل في هذا التاريخ كانوا يحتلون خمسة مدن علي النيل اعلى مروي (تقولي لي يخطفوا تمثال)..
ديل كانت عندهم اطماع اطماععععععع يا اخت لدرجة انو الامبراطور دقلديانوس كان يمنحهم اتاوة سنوية من اجل عدم الاغارة على فيلة ..
ياخ صنم شنوا؟. يا اخت البليميين ديل هم ياهم ذاتم الوصلوا لونجنينيس الى علوة عبر اراضيهم لاتاوة دفعها لهم ملك نوباتيا مخافة اجتيازه المسافة عبر
المغرة لخلاف بين ملك نوباتيا والمغرة حيث اوصله البليميون حتى الشلال الرابع ليسلمه لرسول ملك علوة ..
يا اخت انتي ما مصدقة انو اهلك ديل كانوا قوة اساسية في المنطقة دي انطلاقا من الصحراء الشرقية ولم يتماهوا لا في النوبة ولا في الكوشيين ولا في
اكسوم..كانوا خمسة ممالك تنقسم وتتوحد على مر التاريخ ..
والله العظيم توحدك في كوش بتاعت بشاشا دي لا بفيدك ولا بفيد قضيتك بل يضرها بانو تجوا كاريكم بشاشا زي الترلة ..
بجي صادي لمسالة اللغات دي..
----- بشاشا ما بجي ما دام المسالة فيها سؤال عن المنهج.. لو ما شفتا شهادة الماجستير بتاعتك العين للعين والله ما اصدق عندك ماجستير .. اخير بكالوريوسنا العام دا..
07-29-2012, 09:09 PM
فارس موسى فارس موسى
تاريخ التسجيل: 12-01-2004
مجموع المشاركات: 1357
Quote: يا الصادق عرفتا انو الحفر البنيوي هو انسب الية في التتحليل دا لييه~؟.
صهيب
بالنسبة لي ما عندي اعتراض على استخدام لأي منهج مادام المُستَخدِم ملتزم بالصرام المنهجية للمنهج في عضمو.
عشان كدي قصة الحزام السوداني وتكونو (دا لو سَلَّمنا إجرائياً بوجوده كبنية) الحفر الاساسي مفروض يكون في التكوين بتاعو، والأدوات التمَّ استعمالها في لحظة البناء والتكون والتركيز على مؤسسات الحزام.
كدي شوف المركزية الاسلاموعروبية الهسه دي الإنتا دايرا تتراجع دي، ولاحظ فيما يخص السودان (سنار وعمارة دنقس وعبد الله جماع والحلفايا)،
ونشوء مركزية جديدة داخل الحزام ذات نفسو مسلحة ب (السلطة والثروة) لإعادة إنتاج مركزها الخاص.
قبيل انا قلتا (اسلامو عروبية صهيب) وإنتا ما فهمتا صح، لكن انا بتكلم عن مركزية الحزام نفسو في ظل الصعود العنيف لـ (جنجويده الجدد) القبيل سميتم ليك ناس شباب المجاهدين في الهندي وناس شباب السنة في الاطلنطي.
وانتا هذا بترمي شذرات ونتائج وقلتا عندك كتاب عشان كدى لمن يطلع الكتاب حيكون واضح جداً بالنسبة لي اتساق المنهج مع نتائجه.
07-30-2012, 06:13 AM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
اصهيب عايز أقول ليك حاجة.. كيتا في تبارك البقول لينا إنتو ماكم نصاح ـ هههه..
الناس البتناقشك هنا ما نايمة على اضانها..
يا صحبي .. مما الناس صحت على حاجة اسمها ( ايديولوجيا ـ Ideology ).. فهمت إنو أي مشروع أيديولوجي يطرح نفسو .. لازم يكون عنده بجانب الحلول البعرضها للمشكل .. مشروع ناقد يركَز بنسبة 75% على أقوى مشروع ايديولوجي مقابل له في الساحة.. بمعنى أن من التكتيكات الضرورية لإحلال المشروع الجديد .. إنو يكون في صنم قدامو يستمر يرجم فيهو ويعريهو عشان يحل محلو .. دي هي ديناميكا ظهور وممات الأيديولوجيات والحركات السياسية.. يعني الفكر الماركسي لما ظهر .. كانت تختتو الاقطاع وعلاقات الانتاج الرأسمالية والكنيسة بأفكارها الراديكالية الداعمة للرأسمالية .. الكلام دا بقولو ليه ؟ لإنو الوعي التلقائي لأي قارئ للبوسب .. بفهم إنو غرضك من فتح البوست .. هو الترويج لفكرة هذا الحزام .. ولكن .. بما أن مثل هذا العمل .. يتطلب منك البحث عن تختة أو صنم ترجمه استكمالا لديناميكا الفكرة العايز تسوقها .. اتلفت وصنقعت ودنقرت .. ما لقيت في الساحة غير التفسيرات التاريخية لفكرة كوشية الحضارة الأفريقية البسوق ليها بشاشا.. فصحت .. وجدتها وجدتها .. وجيت جاري بي نفس واحد تكورك .. بشاشا يا بشاشا .. دعني أكمل معك حوار يروقني .. وبديت تشوت ليهو في كلام وتزرع أفكار بعيدة كل البعد عن فكرة السيرة التاريخية لكوشية الحضارة الأفريقية .. طبعا لإنك كايس صنم محلي وموضوع بشاشا فكرتو قارية .. كان لازمك تفرغو من قاريتو .. وتحصره في شريط نيلي محلي ضيق من وادي حلفا إلى امدرمان وإن لزم الأمر توصلوا المتوسط .. عشان تنجح تلبيسة الفكرة .. ويبقى دا الصنم المفروض تنيش فوقو.. بس للأسف اسلوب اختلاق جهة أو كيان بشري أو ثقافة تدعي تقاطعها مع مشروعك .. لم يكن جديدا على القراء .. بوجه خاص قراء وكتاب هذا الموقع .. دخلوا الفلم دا وحفظوا ابطالو.. بل تجاوزه الآن واقع النضال على الأرض.. عشان كدا طرحك ما لقى القبول المطلوب أو على الأقل ما كنت تأمله .. مش لأنو مفارق للعلمية وبس .. بل لإنو ملان ثقوب وتناقضات لاتخطؤها العين .. منها على سبيل المثال لا الحصر .. مشروعك ينتقد الثقافة العربواسلامية .. بينما أنت في ذات نفسك أصيل في الثقافة دي .. قول كيف ؟ أبسط شيء إنت لا تتحدث لغة سودانية بجانب العربية.. بمعنى أن اللغة العربية هي ... your mother tongue ولا تملك دين آخر غير الاسلام .. ديل براهن كافيات لتعرية فكرتك شفت كيف.. عشان كده البنيوية الاعتمدتها كمنهج يؤطر لمشروع الحزام .. كانت منفسه من الأول.. حتى البخرات الجابا ليك أستاذ عادل .. ما قدرت تستفيد منها ! بنيويتك إذا نظرت ليها من زاوية اللغة وحدها .. ستجد محيط المفارقات أوسع من الثقب الأسود.. . . على كل حال: مهما يكن بيننا من اختلاف .. تجدني مقدر للفرصة التي أتحتها لي في مناقرتك والروح الحلوة التي ابديتها.. ويبقى بيننا الود .
صهيب..حبابك يا صديق رمضان كريم..و كل سنة و الجميع بخير.. و حباب الصديقات و الأصدقاء هنا.. و بعد..
اتابع هذا البوست.. لغاية ما دخل امجمادي..و حاول البعض اعادته الى مساره.. و ابدأ تضامنا مع استاذي و صديقي محمد على طه الملك.. في توقفه امام فكرة (الحزام السوداني)..
بعيدا عن تجليات المثقفات و المثقفين من اهل السودان..و مفاهيم الإبتسمولوجيا..و البنيوية..اقول..هل جربت ان تختبر ادوات اخرى و مباشرة لكي تساعدك في المقاربات بصورة ادق و منها تخرج بخلاصات واقعية من غير حاجة لميشيل فوكو مثلا؟.. من حسنات ثورة التواصل انها منحتنا ادوات جديدة و بسيطة للغاية و فعالة..و قبل شرح الأدوات دي..عندي سؤال ناتج عن تعريفك (و تعريف ناس العدل و المساواة) لفكرة الحزام السوداني..فالتسمية هي اساسا ارث استعماري.. يعني هو المستعمر الأوربي من اطلق هذه التسمية..و معروف اداريا كانت في حاجة اسمها السودان الفرنسي..و هو اسم اطلق جورا على ممالك افريقية موغلة في القدم منها صونغي و تبمكتو..و غيرها من الممالك و السلطانات..ففكرة (الحزام السوداني) كما قلت انت بها هل تستطيع ان تفسر فكرة السودان الفرنسي؟..
انا اهتم بهذا الحزام..و يشكل عندي رغبة معرفية كبيرة اتابعها باهتمام..فمثلا لو اخذت الثقافة و طريقة معاش الناس..و الغناء و الرقص (كلها ادواة مشروعة في للمقاربة و سهلة و متيسرة)..فمثلا نلاحظ أن الحزام ده اصلا ممتد من المحيط الأطلسي غربا.. لغاية البحر الأحمر شرقا (يشمل دول مثل موريتانيا ، مالي ، النيجر.. تشاد.. السودان ، اثيوبيا ، اريتريا ، الصومال.. جيبوتي)..العالم دي كلها مثلا متشابهة في طريقة اللبس.. الرقص.. طرائق المعاش..العادات.. التقاليد..و التشابه الكبير ده اكيد بيكون راجع الى صلة واحدة في ماضي موغل في القدم..!
طيب يا صديقي .. انت قلت انك كردفاني من دار حامد..اكيد بتعرف ثقافة (الرتب)..بكسر التاء..و هي ثقافة الجلد العادية (ناس بتجلد بعض بالسياط)..اها العادة موجودة في النيجر ، مالي ، تشاد (و كلها خارج تحديدك للحزام).. اضافة لوجوده في مناطق الأبالة في كردفان..و موجودة في النواحي الجنوبية من جبال النوبة (بعد رمضان ذكرني اجيب ليك مادة مسجلة عن فتيات من جبال النوبة شغالات جلد نضيف)..فهل يمكن تفسيرها وفقا لتعريفك و تحديدك للحزام المعني؟..
الرقص و الموسيقى..نفس طريقة الرقص الموجودة في دارفور و كردفان مثلا (حكاية التركيز على النصف الأعلا من الجسد).. موجودة في اقصى مناطق الشمال..في جمهورية السودان ..و موجودة في تشاد ، النيجر ، مالي ، اثيوبيا ، ارتريا ، الصومال ، و جيبوتي..و هي عكس لمناطق خارج الحزام.. مثلا الكنغو ، كاميرون ، افريقيا الوسطي.. انغولا..يوغندا.. حيث يتم التركيز على استخدام النصف الأسفل من الجسد في الرقص.. ! اضافة لإستخدام الصفقة في الريتم..! فهل هذه الملاحظات ممكن نلقى ليها مباصرة ضمن مفهوم الحزام (السوداني) الذي قلت عنه؟..
استاذي و صديقي محمد على طه الملك..حبابك رمضان كريم..و كل سنة و انت طيب.. اها تم الباقي لغاية ما نرجع.. ظاهرة الشلوخ.. و صهيب ممكن نوقعها ليهو (النقرابي درب الطير يا صهيب)..ليه ناس الحزام ده (من المحيط لغاية بحر احمر) بيستخدموا التاتو بالتركيز على الوجه و بقية افريقيا و العالم بيركز على اجزاء تانية؟..نقرابي في دار حامد.. دار النوبا الشمالية.. في دار البرنو.. في النيجر.. في الصومال.. في الحبشة ، في تشاد ،، و في كرنقو عبد الله.. مش الحكاية دي محتاجة مباصرة؟.. ظاهرة المسكن..و انا شخصيا انحاز لفكرة القطية..مخروط اشبه بالهرم..ليه الهرم في مناطق النوبة (شمال السودان و جبال النوبة)..و في نفس الوكت موجودة في مالي و النيجر و تشاد..الكاميرون..!
و اتفق مع عادل و فارس .. ختو الكورة واتا يا اهلنا.. يا صهيب .. رجا اعتذر لبت ابا امنة مختار..بقول ليك الكلام ده و صدفة اكتشفت حاجات بتلمني بيك بصورة مدهشة.. خليك من كردفان..من الآخر انا وول ابا احمد تقد لسان جعبتين في سروال (و انا ما كوز و لن اكون)..اعتذر لبت ابا يا صهيب..ولا ح اشكيك لحكامة تشيل بيك الليل جراري..وقتها ح تعرف حاجات يا ول ابا..!!!! معيار الحكامات ، ياول ابا خياس..و اربأ بك من هذا (الموضوع ده ما عندو اي علاقة بالجندر و الذي منو)..! غايتو دي نصيحتي..و اهلنا بيقولوا.. العديل رأي..و الأعوج راي..!
و دمتم جميعا.. كبر
07-30-2012, 10:00 AM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
Quote: بسم الله الرحمن الرحيم اتحاد الكتاب السودانيين نداء لإنقاذ آثار تمبوكتو يتابع اتحاد الكتاب السودانيين، بحسرة وقلق عميقين، ومن موقع اهتمامه الطبيعي بحضارة وثقافة "" كله، الأحداث المؤسفة التي تجري على أيدي إسلامويي من يُسمَّون بـ "مجموعة أنصار الدين" المسلحة المسيطرة على شمال جمهوريَّة مالي، وإحدى أخطر تفاعلاتها التدمير الوحشي الذي تتعرّض له مدينة "تمبوكتو" وآثارها الإسلاميّة التي ظلَّت على مدى قرون طالحزام السودانيوال منارةً يهتدي بها الدارسون وطلاب العلم والمعرفة، بوصفها رمزاً من رموز النهضة الإسلامية والتراث الإسلامي الخالد في قلب القارة الإفريقيّة. والاتحاد، إذ يُدين الهوس الديني عموماً، والاستهداف العدواني المؤسف لآثار "تمبوكتو" خصوصاً، ويُعبِّر عن أقصى درجات الاستنكار له، يُهيب بجميع الحادبين على صيانة التراث الإسلامي والتراث العالمي، من مفكرين وكُتّاب وشعراء وفنانين، بأن يسارعوا للمشاركة في تنظيم حملةٍ عالميّةٍ لإنقاذ تراث مدينة "تمبوكتو" وصيانته من الضياع. كما يهيب بالمجتمع الدولي والإقليمي والقاري؛ وعلى رأسه منظمة اليونسكو، ومنظمة الدول الإسلامية للتربية والعلوم والثقافة، والمنظمة العربية للتربية والعلوم والثقافة، والاتحاد الإفريقي، أن يهبوا لتحمّل مسئوليّتهم عن إنقاذ "تمبوكتو" وآثارها الإسلاميّة الخالدة، فقد دُمِّرت، إلى الآن، ستة أضرحة لشخصيات دينية بارزة، فضلاً عن أحد أبواب أكثر المساجد أهميَّةً من الناحية المعماريَّة. اللجنة التنفيذية 25 يوليو 2012م
07-30-2012, 10:21 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
سلامات أستاذ كبر .. رمضان كريم ومستور بساعاتو البتسل الروح دي.. والله ياصديق اتمنى معاك يكون اجتهاد أخونا صهيب منطلق من منظور ابستملوجي تنويري.. يوفر للقارئ فرصة التعرف على القواسم المشتركة.. بين المتساكنين على طول الشريط القارى مابين ضفتي قارتنا المغيبة عن الوعي بذاتها.. وزي ما إنت قلته .. الشغلانه بسيطة وما دايرالها (هبل) نمرقو من بطن كعبة السودان.. ونعيد المجرب.. صهيب مرق باطنو الايديولوجي بلا يشعر .. راجع تعقيبو على أخونا فارس .. وقارن الدلالة المعرفية بين ( آبا وأبوك) في نضم فارس.. و( آبا دول) في نضم بشاشا.. و(ول أبا) في نضمك.. و(ولض أمي ) في نضم صهيب.. هو التفكيك الابستملوجي دا كيفنو؟ . شكرا للإضاءة وأتمناك عافية وضهر لإنسانيتنا المنكوبة .
07-30-2012, 05:45 PM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
شايفاك مشيت عملت هوم ويرك ما بطال.. وذاكرت عن تاريخ البجا كويييييس ...لكن برضه شكلك لسه ما عرفت حاجة ....... لأنو فى حاجات كتيرة ما بتتعرف من الكتب والتنظير وبس .....:)
خاصة من المنظراتية الهداهد /
Quote: دي اسمها اخلاق الفرسان يا تبارك!!.
هههههههههههههههههههههههههههههههههههههههههه
أسد علي ...وفى الحروب نعامة ........:)
حننتني والله .. لكن النبز والشتم الكبيتو دا .... بتطرشوا .... دا وعد ..ما وعيد :)
ولى عوداااات ..
.................. فرسان آآآآآل ..
07-31-2012, 03:52 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
----- كدي الاخت تجي تشرح لينا الصور دي عموما ديل بجا محاربين شرسين اخافوا جيوش الامبراطورية وما نوبة شمال حسب علمي.. اسع عليك الله يا كودي عثمان دقنة والفزي وزي بتاعينو ديل في زول بنكرم عشان يفتش عن اصل اخر مشكوك انو يكون قوقازي!!؟.
تقول حكامتنا الكوشية المتنصلة من اصول اهلها للالتحاق بفيلق بشاشا المنتصر..
Quote: شايفاك مشيت عملت هوم ويرك ما بطال.. وذاكرت عن تاريخ البجا كويييييس ...لكن برضه شكلك لسه ما عرفت حاجة ....... لأنو فى حاجات كتيرة ما بتتعرف من الكتب والتنظير وبس .....:)
شوفي دا ما المحك ، المحك انو الكلام صاح ولا غلط ..
ما ياكي مشيتي ذاكرتي ولقطتي ليك كلام وطلع بيش ،حتى ما عندك وش تدافعي عنو!!.
بالله لو الفرسان بيقولوا الحلة بصل (ما كلموني وما حدّثوني) ... فانا اخلي الفرسنة ليك انت ومحسن خالد ...
الغريبة داك نهى قلة أدبو بنفس منطق (اخلاق الفرسان) الأعوج ... انتو عندكم مدرسة عنصرية عروبية كنعانية بتدرسكم قلة الأدب دي على انها اخلاق فرسان؟
انت تبارك شيخ الدين ما لاقيتو ولا نازلتو ولا انتصرت عليهو لسة ... فما تستعجل لى قدرك ... باقى تبارك فهمو تقليدي لى منازلة الفرسان والإنتصار عليهم ... ومن هواة (صراع نوبة) ...
داير تشتم المرا في سيقانها وتجي تتكلم عن اخلاق الفرسان؟ وتقول تبارك شتم امي؟ امك بى أجنحة انا لو كنت داير اشتمها؟ أو كنت من النوع البيشتم المرأة في أنوثتها بمنطق ذكوري شوفيني مريض؟
ولاّ دا تعريفكم للفارس (العنصري الذكوري الشوفيني المريض)؟ نحن في امدرمان بنتشرف بى سواويق كارو، لم يشهدوا وأفراسهم الوغى، لهم من اخلاق الفرسان ما ليس لعينتك دي ... اسأل "فارس" موسى ود قلبا ....
قال اخلاق فرسان قال ... يعني كان عندك ردود على مداخلاتي وتمنعت؟
طيب ادينا ردك بخصوص السؤال للوالدة إن كنا مدينين ليها بالإعتذار أم لا ... فليس من اخلاق الفرسان أن تترك فارس يطلب الإنصاف ولا تنصفه ... خصوصًا لو كان مستعد للإعتذار ...
أم اعتقدت أنني من نوعيتك من "الفرسان"؟
يخسي على عينتك من "الفرسان" ...
... المهم .....
08-01-2012, 00:07 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
Quote: والله يا كودي انا متحير زيك !!!!!!!!!!!!!!!!.
----- كدي الاخت تجي تشرح لينا الصور دي عموما ديل بجا محاربين شرسين اخافوا جيوش الامبراطورية وما نوبة شمال حسب علمي.. اسع عليك الله يا كودي عثمان دقنة والفزي وزي بتاعينو ديل في زول بنكرم عشان يفتش عن اصل اخر مشكوك انو يكون قوقازي!!؟.
ما تستعجل على قدرك..
جاياك ...حا تروح مني وين يعني ...!!
أصل قوقازي فى عينك يا (زاهي حواس ) إنت .........:)
آمنة مختار انا من معجبيها لا أكثر ... وهي جديرة بالإعجاب غصبًا عن عينك ... لو كانت بتسمح ليّ اكون "البودي قارد" بتاعها كنت فرمتك ... أيه اللي عامل فيها شفت وبتتجنب مداخلاتي ومستضعفها هي وبترد عليها بى ردود استفزازية ....
وحركة انك تعمل فيها ما فشلت في الحوار دي غلطة آركيولوجية في الإبستيمي بتاعك يا حبة (بمعنى غلطة بنيوية في ... انت بتستعمل "ابستيمي" بمعنى شنو؟)
بعدين انا اكتشفت سبب تخبّطك الإصطلاحي ... الحيوان الإسمو "سالم يفوت" دا ... والله لو دي مصادر "الإبستمي" بتاعك ... عذرًا على القسوة ...
بس افهم انك ما طارح أي فكرة ... انت طارح تخبّط اصطلاحي وسوء فهم وعنصرية فقط ... عشان ما تملانا فقر ذهني ساكت ... شابكنا تفكيك آركيولوجي وسجم رماد ... بتاعين التفكيك الآركيولوجي ديل على ما أذكر عندهم دربكين سغيرووووني وفرشة (وبيلبسوا طاقية كاكي تـافـهة قادينا بيها زاهي مين داك المصري المستهبل) ... "زيريسيناي آلمسيقيد" (أسمين مسيحيين مركبين بالجيئيز "ذرى سيناء" و"عالم ساجد") الآركيولوجي الاكتشف جمجمة الطفلة "سلام" عمل ليها "تفكيك آركيولوجي" في عشرة سنوات عشان يفكك حبات الرملة من عضم الجمجمة ذرة رملة تلو الأخرى ... تربيزة ونضارة مكبرة ودربكين ... دي أدوات "التفكيك الآركيولوجي" بتاعو لى مدة عشرة سنوات ... ما كتب ولا حرف من الكلام الفارغ بتاع الحيوان الاسمو "سالم يفوت" دا!
جبنا ليك ما كتبه المؤرخ والباحث البجاوي جعفر بامكار ( ودي عينة صغيروووونة جدا من ما كتبه البجا عن تاريخهم الذي يعرفونه ويحفظونه جيدا أبا عن جدا ).. فلييييييييييييييييه عملت رايح منها ؟!
إنت قايل غالبني أملأ ليك بوستك بأبحاث ودراسات مقارنة عن تاريخ البجا ، كتبها بجا وغيرهم من البحاثة السودانيين والأجانب .. وتعتمد على مناهج بحث حقيقية ومش زلنطحية ....
...........
لكن زول ما منهجي ..يناقشوا كيف ؟!
هسه إختبار بسيط لمنهجيتك : وريني المنهج الذي إستخدمته أنا عشان أحلل كلام (الساقين ) بتاعك .....:) يا إبستيمي إنت ...
ردا على الاستاذ محمد علي الملك ( كنت متخيل انو انا ما محتاج ارد على كل كلامك نقطة بي نقطة لكن انتا مصر على الكلام نفسو عشان كدا فلنرد على كل نقطة من كلامك)..
Quote: تفتكر كلامك دا .. على ما فيهو من محاولة لترديد نفس كلام أهل الإسلام السياسي لتوزيع دم فعلتهم على من سبقوهم من جيل الإستقلال..
طيب يا محمد على انا فرضيتي انو هذا النظام منبثق من نفس ايديولوجية نفس النخبة من مؤتمر الخريجين وما قبلو ، يعني هذا النظام هو تجلي جديد
لنفس الايديولوجية ، لنفس النخبة الطلعت بيان بعد ثورة 24 وقالت انو امة متحضرة زي امتنا دي (قررررر) لا يمكن ان يقودها ابناء الشوارع كامثال علي
عبد اللطيف (بيان منشور بجريدة الحضارة )..
نفس النخبة التي خدعت الجنوبيين بانهم سوف يضمنون توحيد الكادر الوظيفي بين الشماليين والجنوبيين وتعيين الجنوبيين على قدم المساواة في الوظائف
الحكومية ما بعد الاستقلال حيث لم يوظف سوى ثمانية جنوبيين من جملة ثمانمائة وظيفة حكومية تسودنت عشية الاستقلال..
وشوف بالمسطرة هذه الحكومة رفضت استيعاب ابناء النوبة بالجيش الشعبي بعد الانفصال في 2011..
نفس النخبة التي وعدت الجنوبيين بالفدرالية ما بعد الاستقلال كي تنكص في اول اجتماع للجنة الدستور ما بعده ليندلع التمرد الاول..
نفس النخبة التي تداولت السلطة من نيلي الى نيلي من لدن اسماعيل الازهري (1954) والى عمر البشير..
نفس النخبة التي نكصت عن اتفاق اديس ابابا وادت للتمرد الثاني بقيادة جون قرنق..
نفس النخبة التي سارت على حذاء اسلافها فابعدت ناس دارفور فادى ذلك لتمرد 2003 بقيادة مني اركوي وعبد الواحد..
نفس النخبة التي نكصت عن اتفاق ابوجا كي يعود مناوي الى الغابة مرة اخرى ..
انظر الى احصائيات بروفسير محمد عمر بشير عن اعداد الطلاب المقبولين لكلية غردون ما بين 1937 -1950
95% منهم من الشمالية والخرطوم ..
وبله ملء الوظائف الحكومية انذاك حيث كان طالب كلية غردون يعتبر موظفا كامل الحقوق منذ اوائل سنته الاخيرة!!..
طيب لاحظ معاي خطاب كل النظم السياسية حيال قضية الجنوب (حتقول لي انو الانقاذ ادخلت الدين في هذا الخطاب واقول لك ان هذه الايديولوجية قد
ضمنت هذه الثيمة منذ البدء، وما طرد المنظمات التبشيرية وتعريب التعليم بالجنوب منذ الخمسينات الا تجلي لنفس الايديولوجية)..
شوف يا الملك ممكن نقول انو هذه النخبة هي اسوأ وجه لهذه الايديولوجية ولكنها تصدر منها كنخبة وكايديولوجية..
يعني بس لو هذا الوسط كان قبل بعلي عبد اللطيف كقائد ووقفت معه من الوكت داك لتغير مستقبل السودان الحديث !!..
اتخيل انها كنخبة شمالية قبلت بزين العابدين عبد التام الجنوبي لكن بعد ما اتماها في هذه النخبة واصبح اعدى اعداء مصالح الجنوبيين
في الجمعية التشريعية الامر الذي حدا بمنصور خالد ان يطلق عليه مقولة التركي ولا المتورك..
Quote: Quote: الخف الفونجاوي والفوراوي والعربي ووغيرها.. لقد كانت الصوفية كنظام فوق قبلي هي الرابط الذي اسهم في توطيد الروابط القومية بين القبائل Q
أها الجماعة ديل مرجعيتهم الثقافية ياها ذاتها ولَ ما ياها عشان نرفع عن رقابهم مسؤولية تاريخية؟ بلاش من حكاية تجارة الرق .. أهلك ديل قالوا بعضمة لسانهم عن سوبا .. إنهم خربوها وعدموها نفاخ النار
لا لا اقرأ التاريخ جيدا ، فالعبدلاب الخربو سوبا عضويا وثقافيا هم وسط نيلي ما عندهم علاقة بالحزام الانا بقصدو ولو ما مقتنع قول ما مقتتنع عشان نفتح
للمسالة دي صفحة كي نجلوها ليك..
Quote: Quote: لا تخلو دار قبيلة من فخذ من قبيلة اخرى تتعايش على نظام الاحلاف)
قولك دا بأكد إنو الرابطة تعاقدية بين كيانات الحزام.. والروابط التعاقدية لا تصنف ضمن الروابط الاجتماعية .. حتى عملية المصاهرة لا تعدل في جيلها الأول من الأمر شيء
ولا كلمتين بتفق معاك في دي ،بس دا بكون في البداية أي هذه العلاقة التعاقدية ولكن كلما ذهبنا الى الامام تنقلب هذه العلاقة الى رابطة اجتماعية بحكم
الروابط البتتخلق فيما بعد عبر التزاوج والتصاهر والاختلاط والتمازج ..
النوراب مهد بيت نظارة علي التوم مكمايكل بقول انهم اصلا من الشرق بجا..
مهد بيت نظارة الفكي زاكي الدين ليسو بديرية..
الهبابين مهد بيت نظارة تمساح امبدة يقال انهم ليسو دار حامد..
وهلم جرا..
Quote: الكلام دا ياخوي شيء طبيعي في الحراك الإجتماعي على مر الحقب .. فالأفراد والجماعات تهاجر من منطقة لأخرى .. تحت ضغط ظروف اجتماعية أو عقدية أو اقتصادية أو سياسية أو مناخية.. لذا لا يصلح هذا التبريركقاعدة تبرهن على ترابط الحزام بدليل هجرات العديد من جماعات هذه الرقعة الجغرافية إلى الجنوب والشمال..
في الحتة دي انت لم تضرب مثلا ، ولكن خليني اضرب ليك انا مثل. مثلا رحلات البقارة بابقارهم للجنوب ..
لكن دي يا محمد علي مقارنة متلشة لانو البقارة بسيرو بابقارهم التي يقودها الشبان الحديثين دون النساء والرجال كبار السن بل ودون القيادة الاساسية
للجماعة ، دي رحلة اقتصادية محدودة الهدف . نفس المسالة بعملوها الاحامدة والسليم (طبعا كلهم بقارة)..
لو عندك مثال عملي ادينا ليهو عشان نناقشك فيهو..
في حالة واحدة شاذة وهي انتقال دينكا نقوك NGOK في تبعيتهم من بحر الغزال الى كردفان ودي انا عندي فيها كلام كتير حاقولو ولكن ما هنا وقد فتحت
بوست في الموضوع دا كدي فتشو فيهو كلام كتييييير ما بتقال هنا غير انو برضو سبب المشكلة انفجرت في 1950 حين كان دينق مجوك ينوي النزول
مرشحا ودعم بابو نمر السيد عبد الله الفاضل نسيبه حيث كان هذا بابو نمر قد تزوج اخت الاخير وقد ظن دينق مجوك ان هذا الدعم ليس سوى مهر لهذا
الزواج ( المركز برضو)..
تحياتي
نواصل
08-02-2012, 00:31 AM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
Quote: أخشى إنك وقعت في فخ محاولات النظام الاسلاموي الحاكم ابتداع ثيمات فلسفية لخطاب يعيد القطاعات الهامشية الى مربعه..أو على الاقل التفريق بينها حتى لا تلتقي..
دي انا ما فهمتها كدي وقعا لي!!!!!!!!!!؟.
Quote: آمل الا يكون استدلالك بمقال عيزانا ملك أكسوم عن النوبة الحمر والسود يرمي في ذات الإتجاه
ودي برضو عايزا شرح..
بس دي حقيقة تاريخية من جدعناها لبشاشا لاسع ما رجع البوست!!..
جاء بعض المشجعين وقالوا كلام اخير منو هترشات بشاشا !!!!.
Quote: يا صحبي .. مما الناس صحت على حاجة اسمها ( ايديولوجيا ـ Ideology ).. فهمت إنو أي مشروع أيديولوجي يطرح نفسو .. لازم يكون عنده بجانب الحلول البعرضها للمشكل .. مشروع ناقد يركَز بنسبة 75% على أقوى مشروع ايديولوجي مقابل له في الساحة.. بمعنى أن من التكتيكات الضرورية لإحلال المشروع الجديد .. إنو يكون في صنم قدامو يستمر يرجم فيهو ويعريهو عشان يحل محلو .. دي هي ديناميكا ظهور وممات الأيديولوجيات والحركات السياسية.. يعني الفكر الماركسي لما ظهر .. كانت تختتو الاقطاع وعلاقات الانتاج الرأسمالية والكنيسة بأفكارها الراديكالية الداعمة للرأسمالية .. الكلام دا بقولو ليه ؟ لإنو الوعي التلقائي لأي قارئ للبوسب .. بفهم إنو غرضك من فتح البوست .. هو الترويج لفكرة هذا الحزام .. ولكن .. بما أن مثل هذا العمل .. يتطلب منك البحث عن تختة أو صنم ترجمه استكمالا لديناميكا الفكرة العايز تسوقها .. اتلفت وصنقعت ودنقرت .. ما لقيت في الساحة غير التفسيرات التاريخية لفكرة كوشية الحضارة الأفريقية البسوق ليها بشاشا.. فصحت .. وجدتها وجدتها .. وجيت جاري بي نفس واحد تكورك .. بشاشا يا بشاشا .. دعني أكمل معك حوار يروقني ..
اها دا ما كلام عادي ما بقدح في أي فكرة ،ما أي طرح فكري لمشروع بيحمل افتراضات كما يحمل قدر من الادلوجة ، كما
انه يحمل راي في المشروعات السابقة او القائمة سلبا ام ايجابا..
بس انا بعتقد انو المشروع المنافس اليوم لهذه الرؤية هو مشروع قائم (ثقافة الوسط) وليس اوهام مشروع كما يهترش بشاشا ..
Quote: وبديت تشوت ليهو في كلام وتزرع أفكار بعيدة كل البعد عن فكرة السيرة التاريخية لكوشية الحضارة الأفريقية .. طبعا لإنك كايس صنم محلي وموضوع بشاشا فكرتو قارية .. كان لازمك تفرغو من قاريتو .. وتحصره في شريط نيلي محلي ضيق من وادي حلفا إلى امدرمان وإن لزم الأمر توصلوا المتوسط .. عشان تنجح تلبيسة الفكرة .. ويبقى دا الصنم المفروض تنيش فوقو..
كدي خليني انا ، انتا رايك شنو ؟. هل هناك دليل على ادعاءات بشاشا في انو مشروعو الكوشي كان قائما سوى في هذا الوسط النيلي وجيب لغوي صغير
في ابو جنوك والكاشة وحولها !!؟. حفريات اكتشافات ،هل هناك وجود لدليل على مثل هذا الادعاءات البشاشاية في أي مكان اخر؟.
Quote: عشان كدا طرحك ما لقى القبول المطلوب أو على الأقل ما كنت تأمله .. مش لأنو مفارق للعلمية وبس .. بل لإنو ملان ثقوب وتناقضات لاتخطؤها العين .. منها على سبيل المثال لا الحصر .. مشروعك ينتقد الثقافة العربواسلامية .. بينما أنت في ذات نفسك أصيل في الثقافة دي .. قول كيف ؟ أبسط شيء إنت لا تتحدث لغة سودانية بجانب العربية.. بمعنى أن اللغة العربية هي ... your mother tongue ولا تملك دين آخر غير الاسلام .. ديل براهن كافيات لتعرية فكرتك شفت كيف..
لا دا كلام ما دقيق ، فادم سميت لم يتحدث سوى الانجليزية ولكن الراسمالية اليوم نظام عالمي..
ماركس وكت اجترح نمط الانتاج الاسيوي لم يتحدث سوى الالمانية والانجليزية ..
عفلق كان مسيحي ولكنو نظر لمسلمين ..
لا لا دا كلام اوف بوينت واقرب لهترشة بشاشا منها لاي كلام علمي!!..
وبعدين يا الملك منو القال ليك انو الكلام دا موجه لاصحاب المشاريع الجاهزة زيك وزي بشاشا ، لالا الكلام دا موجه للقارئ ..
وشوف قراء هذا البوست هم كم حتى الان (ما يتجاوز 5500 ) ولسع حارفعو لسنين ..
عييييييييييييييييييييييييييييييييييك زي ما بقول بشاشا..
Quote: وقارن الدلالة المعرفية بين ( آبا وأبوك) في نضم فارس.. و( آبا دول) في نضم بشاشا.. و(ول أبا) في نضمك.. و(ولض أمي ) في نضم صهيب.. هو التفكيك الابستملوجي دا كيفنو
دي انا ما فهمتها وريني قاصد بيها شنو توووووووووووووووووش كدا ، كدا فككا لي ابستيميولوجيا !!..
ماذا تقول الحكامة الكوشية الهاربة من اصولها البجاوية!!!!!!!!!!!!!!!؟.
Quote: بعدين لو فاكر بشاشا زاغ منك ..تيقى مسكين وبتحنن والله .. بشاشا لقاك ما عندك موضوع ...ومشى يناقش ناس أهم منك ..(يعنى لقى صيدة أكبر منك ).........:)
يا غبيانة البوست دا فيما يتعلق ببشاشا خلاص اتقفل منذ ان رفع هذا الاخير الراية البيضاء ،هرب بعد ان عرف انو الاله واحد ..
واصبحت المقارنة واضحة ليس للمتداخلين بل للقارئ صاحب المصلحة الاولى ..
بس كتر خيركم انكم كل مرة بتجوا شغالين عتالة للبوست لفوق لمصلحة القارئ..
اصبحت اركان البوست ما محتاجة اضافة ،عدا مقارنات حول ثقافة الوسط (جنازة البحر الدايرا ليها زول يدفنا)..
إله معرفتي الذي أندم على جهلي وقلة عقلي أمامه: صهيب حامد ... أرجو أن تقبل اعتذاري عن الجهل الفادح بخصوص عبقريتك الفذة في صحيح كلامك الذي لا يأتيه الباطل من بين يديه ولا من خلفه ... فتتكرم على عقلي الفارغ ببعض الأجوبة (في الحقيقة إجابتين):
أيه العلاقة بين اليزابيث اياندي (أو اللندي حسب صهيب ومترجميه رغم انها بت رئيس شهيد ديموقراطية مشهور! سلفادور اياندي) الشيلية المعاصرة لامن جيلنا ظاطو وألبيرتو مورافيا الإيطالي المات زمان ودوماس الفرنسي الما حضر الاستعمار وماركيز الكولمبي الشيوعي الله يطول في عمرو وإرنست همنجواي الأمريكي الملحوس؟ (غير انهم خواجات ورواياتهم مترجمة؟ باعتبار انو اجاثا كريستي لحقت دكتور سوس وبقت كاتبة أطفال)
يعني أديني رابط منطقي يجمع هؤلاء الأدباء، كان لغة، كان مدرسة أدبية، كان اسلوب، كان حجم انتشار ومبيعات، كان فترة تاريخية ... أيّ حاجة ... غير تشدّقك بى حاجات اكبر من صنقورك دا ...
الإجابة التاني على سؤال بافتراض انو استخدامك لكلمة "ميتوس" صحيح مائة بالمائة:
أيه العلاقة بين الأسطورة "ميتوس" و [أيّاً كان مقصودك من:] "لوغوس"؟ (غير انو الكلمتين اغريقيات رغم أنني أكاد أجزم أن اغريقيًا واحدًا لم يستخدمهما في جملة مفيدة منذ هوميروس إلى أنجلوبولوس!)
أيه الرابط بين كلمة غير مستخدمة إلاّ في سياق قاموسي (مصدر "ميثولوجيا" كأن تقول "أيضًا" من "الأيض" وهو المسير والرجوع) مثل كلمة "ميتوس" وبين كلمة "لوغوس" (وهي "البلاغة" وليس مفهومًا فضفاضًا للغة، بل لحرفية اللغة المسماة "بلاغة" تحديدًا) ... لقد اعتقدت أنك استخدمت "ميتوس" خطأ ... ولكنك استخدمت كل شيء خطأ فلم تعد مفهومًا ...
هل في جمعك بين "ميتوس" و "لوغوس" - غير اللغوسة - في سياق فريد من نوعه؛ تجويز لاستخدام "الأيض" و "البيض" في سياق واحد؟
يا ابني انت لسة في خانة الآحاد كيف تلاقي الطرور مع السنين الحاد فكرك مضطرب ونوع اتجاهك حاد وفي نضمك خليط زي قرعة الشحّاد (كما قال ابراهيم العبادي!)
وإيدي بتضوقها في ما كسب قلمك يا صهيب .... الغريبة قبال اصل معاك مرحلة الإيد سألتك: هل تعطي الكلمة حقها؟ وهل تكون مسؤولاً عمّا تكتب؟
... المهم ...
08-02-2012, 03:11 AM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
سلامات يا صهيب .. كلو من البليمية دي .. همزتك واتذكرتني ـ هههه.. يازول أنا سبتك ومبروك عليك مشروعك يتربى في عزك.. بعدين بيني وبيك إنت صدقت فعلا في حكاية عدم التفصيل في الرد .. لإنو التفصيل لو ما قام بيهو حائك ماهر الشغل بطلع مهوطل.. قلت لي:
Quote: لا يمكن ان يقودها ابناء الشوارع كامثال علي عبد اللطيف
ما قلت ليك؟ دحين إنت شكرت ولّ أسئت؟ معقول يا صهيب تماثل قائد عسكري ( أد الدنيا ) على قول المصاورة بأولاد الشوارع!!! يا راااجل .. عليك دينك أولاد الشوارع ديل في لغتك الفصحى بتسموهم شنو؟ مش قلت ليك ما كان في داعى للتفصيل .. بالله يا صحبي ما تجي تناضمنا بمفاهيم العامة .. مش لأننا بنتعالى عليها .. أبدا .. بس لإنو عندها سياقات ومفهوم معرفي مختلف .. عن سياقات المفاهيم المعرفية النخبوية ( البنيوية ، الميتوس ، اللاغوس).. التي وددت مناقشتنا بها.. بعدين ياخي إنت ليه بتبتسر المعلومات التاريخية .. وكمان تفسرها باطروحات عنصرية ماكانت واردة بين أفراد المجموعة المؤسسة للجمعية؟ حركة اللواء الأبيض أصلا ترعرعت في حضن جمعية الاتحاد قبل أن تنفصل عنها .. ما ح اسألك مؤسسيها كانوا من وين .. لكن بس كده أرجع لأسماء قيادات اللواء الأبيض الذين تم إعدامهم عشان تعرف جايين من وين ؟ هاك من قريبك http://www.akhbaralyoumsd.net/modules.php?nam...ile=article&sid=7082 . . جايك.
08-02-2012, 03:59 AM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
Quote: انظر الى احصائيات بروفسير محمد عمر بشير عن اعداد الطلاب المقبولين لكلية غردون ما بين 1937 -1950 95% منهم من الشمالية والخرطوم ..
على الرغم من معرفتي إن الجايين فعلا من الشمالية (رحة الخدار فوق هديماتهم لبد ) على قول الشاعر كانو ثلاثة .. جدي الزبيرحمد الملك د . أمين السيد أمين التوم زيد عليهم أربعة أو خمسة اسرهم تنتمي لقبائل في الشمال إلا أنها هاجرت واستقرت في أقاليم أخرى.. مع ذلك شايف نسبة 95% كانت قليلة وظالمة .. قول لي ليه.. لأنو أصلا ما كانوا في ناس بدفعوا أولادهم لمدرسة ( المبشر ) غير ناس الشمالية .. لإنهم ما كانوا متزمتين وبصروا على حرمان أولادهم من التعليم النظامي زي الباقين.. أها يبقى ذنب التخلف البتحملوا منو؟
Quote: الروابط البتتخلق فيما بعد عبر التزاوج والتصاهر والاختلاط والتمازج .. النوراب مهد بيت نظارة علي التوم مكمايكل بقول انهم اصلا من الشرق بجا.. مهد بيت نظارة الفكي زاكي الدين ليسو بديرية.. الهبابين مهد بيت نظارة تمساح امبدة يقال انهم ليسو دار حامد.
أنا قلت ليك إنت براك بتهدم أركان مشروعك .. طيب وكت حزامك مطعم قدر دا .. البخلي منعزل شنو؟ اسع في ضمتك إستدلالاتك الواقعية دي مش بتثبت خطل فكرتك؟
Quote: في الحتة دي انت لم تضرب مثلا ، ولكن خليني اضرب ليك انا مثل. مثلا رحلات البقارة بابقارهم للجنوب ..
يازول إنت بي صحك؟ أمال مصطلح ( الجلابة ) كان بعني منو؟ بلاش.. خالد العبيد زميلنا في البورد أبناء عموتو جنوبيين .. أنا ذاتي عندي طرف من أسرتي هاجر وكان مقيم في الجنوب .. تقول لي الظعين !
Quote: بس انا بعتقد انو المشروع المنافس اليوم لهذه الرؤية هو مشروع قائم (ثقافة الوسط)
تاااني!!؟ يا صهيب يا صهيب عاين .. أهلك ناس دار حامد ربنا يحفظهم في نسيج السودان الفضل .. ح تدسهم في ياتو جبل بعيد من ثقافة الوسط؟ قول إنت يا ولض أمي.. لإني نوبي ما بقدر أقولك ول آبا .. وقع ليك؟
Quote: فالعبدلاب الخربو سوبا عضويا وثقافيا هم وسط نيلي
هاك ..
Quote: قبيلة دار حامد هى مجموعة عربية فزارية تُنسب إلى حامد بن نعيم رغم أن المؤرخ عون الشريف قاسم ذكر بأنها مجموعة جعلية, وذكر ماك مايكل نسبة دار حامد إستناداً على الصيغة التى أخذها من المرامرة والفراحنة وهى تنص الأتى: حامد بن نعيم بن سهل بن الحاج عوالى بن مازن بن صابر بن صارم بن سفيان بن دُهبان بن عبد الله الجهنى
والله ياجهنية بقيتو تنكروا زعيمكم عديييل؟ الله في..
ارقد عافيه.
08-02-2012, 08:51 AM
Kabar Kabar
تاريخ التسجيل: 11-26-2002
مجموع المشاركات: 18537
صهيب..حبابك يا صديقي كل سنة و انت طيب.. مرحب بيك في اي وكت يا عم.. عليك الله يا صهيب لو مشيت الخراطيم.. امشي السوق الشعبي و فتش ول ابا صديقي الجميل عبد الرحمن ابراهيم..و اقريهو السلام نيابة عني..!
و ما عندك مشكلة تب يا صهيب..لمن تعمل رندوك الكردافة بنجي نشرح الفيهو النصيب..
كبر
08-02-2012, 09:13 AM
Kabar Kabar
تاريخ التسجيل: 11-26-2002
مجموع المشاركات: 18537
كلام ما عندو علاقة كلو كلو بهذا الخيط.. في معرض حديثه ، ذكر صديقنا صهيب.. جيب صغير (ابوجنوك و الكاشة)... حسنا يا صديقي.. في اول يوم من رمضان (الشهر الفينا ده)..الكاشا ماتوا منهم اربعطاشر راجل.. و الأنتلجنيسا الحايمة في المنبر ده..دي بي طينة و دي بي عجينة..شفت العنصرية و ظلمها كيف يا حبيب؟..
في اقاصي جبال النوبة ..في الناحية الشمالية الغربية.. توجد جبال الكاركو..و الكاشا و الشفر..و هم عيال راجل واحد..و لمن يحصل الموت السوداني الأخ يكتل اخوه سبملا..فدي اكيد علامة من علامات يوم القيام..قبال ذلك باسبوع المسيرية و الرزيقات اندهجوا دهجة طحين ذرة في طاحونة..و مافي انتلجنيسيا سودانية قالت بغم..ولا بت الفكي عزبا..و مش مهم.. لم احزن للمسيرية و الرزيقات (و هم عيال الراجل الواحد) مثلما حزنت لموت الكاشا في مواجهة الكاركو..!
الأنتجلنسيا الوهم في سودانيز اونلاين..كدت ان اسالهم في بوست عريض حدادي مدادي (هل تعرفون الكاركو و الكاشا و الشفر؟).. لكن زغت لأن الموضوع ما بيستاهل..!
الكاركو جابت فراس مثل حماد الإحيمر(أي نقة عن يوليو 1971 بتمر بحماد ده صراحة أو ضمنا)..و ابن اخته عباس برشم..و الكاشا جابت عبقري القانون استاذنا دلدوم الختيم اشقر..و الجبلين عندهم اصرار عجيب مع الحياة.. يقعدوا ستين سنة..و يمرقوا بحاجة تدهش العالم..و من نافلة القول.. نفس الجبال الثلاثة مرقت منها زينب حسين (بت ابا مندي ناظر).. مش قلت ليك يا صهيب مرات في رطين هامش بيحتاج تفسير؟..
اما حكاية (جيب صغير)..ابدا يا صهيب..الكاركو و الكاشا و الشفر و الدلنج.. اليوم ده لو اتكلموا كبار السن منهم قدام أي دنقلاوي بيفهم الناس دي بتقول في شنو (بشاشا ما عندو أي معرفة بالفكرة دي)..و العكس صحيح..طيب وكتين الموضوع من اقصى الشمال لغاية جبال نوبة.. يبقى كيف هو جيب صغير؟..
بالنسبة للقراء و القارئات.. ابو جنوك هو اخر جبل من جبال نوبة في ناحية الغرب..يقع في المسافة ما بين مدينتي لقاوة و ابوزبد..و اهله اقرب الى الكاركو..و الكاركو اقرب الى الدلنج..و الدلنج اقرب الى دناقلة الشمال,..! و لناس سودانيز اونلاين.. الكاشا و الشفر و الكاركو الماتوا في اول رمضان..ديل اهل عضو المنبر ناصر الإحيمر..فيكم واحد (زول ولا زولة ) قال لناصر البركة فيك؟..!!!
المثاقفة ..نفاذة متل تربلول الحكامة..كن ما شميتو...برضك بتكون شميتو..!!! (اوعى..واحد/ة ..يغلط يسالني من التربلول..!!!؟)..
كبر
08-02-2012, 10:13 AM
aydaroos aydaroos
تاريخ التسجيل: 06-29-2005
مجموع المشاركات: 2965
Quote: المثاقفة ..نفاذة متل تربلول الحكامة..كن ما شميتو...برضك بتكون شميتو..!!! (اوعى..واحد/ة ..يغلط يسالني من التربلول..!!!؟)
يا كبر ... التربلول دا شنو؟! :)
______________________________________________ ويا صهيب عشان تطلع من الناس أجمل ما عندهم خاطبهم بأجمل ما عندك، وفي رأيي أولا" تعتذر للكوشية البجاوية آمنة مختار، وتاني ياخ إنتا موش قلتا إنتا زول أفكار وما بتاع سياسة؟ ليه طريقة نقاشك كلها نبذ وتعريض؟ ما تقول لي هم البدو القصة دي... خلي اي زول يتكلم بالعندو .. وإنت إتكلم بالعندك... جني وجن نبذ سودانيز دا البخلي الزول يكاجر الزول ويغالطو حتي لو متفق معاهو. عليك الله زي ما عاوز تجيب أفكار مختلفة ... وطن لينا طريقة نقاش مختلف
سلام لكل المتداخلين
08-02-2012, 04:23 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
Quote: ياخ ذاتو يا الصادق ما بوريك اي حاجة لا عن الرجلين ولا اليدين
الا تورينا الفي صورة بروفايلك دي منو اللابسا لبس المساجين دي..
صهيب
الزولة الفي صورة البروفايل دي من الزولات البقوا يخونا نخجل من متل كلامك القلتو في آمنة مختار ديز
وحق آمنة مختار دا ما بنخليهو ليك، أنا آمنة دي مختلف معاها أي نعم؟ لكنها الكلام القلتو في حقها والتبرير الضعيف الجيت قلتو دا أنا ما بخليهو، وحاتك الكلام دا ما عشان آمنة مختار (شديدة ولضيضة ما شاء الله عليها)، لكن الكلام دا عشان نعرف إنو المعرفة دي تمنها حار.
إنتا قايل أنا القدامك دا ما كنتا بقوا كلام زي وأسوا منو ذاتو، لكن أهو لم تتعلم وتعرف ببقي بعد يا تنكرب وتبقى (صاح9 يا كمان تختا الدرب وتمرق للربا والتلاف. وفي بوستك دا (كلنا آمنة مختار)، وكلام ود ابوك كبر الفوق داك أنا ما حأخلي كبر يرميهو واطة، ونخلى الحكامة تختك في علبك ونجي نتونس بي كلامها هنا.
08-02-2012, 04:33 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
يا زول ناس سودانيزاونلاين ديل أنا حيروني عديل وكنتا بدرس في حياتم مدة قبال ما اشترك فيها، لكن اليوم داك شفتا لي برنامج وثائقي عن (الحياة الثانية) وهو برنامج بتاع كمبيوتر بتيح ليك تتواصل مع الآخرين من خلال شخصية تختارها وبعد داك بتكون بتتحرك زي الشخصيات الالكترونية. فالناس البيلعبو اللعبة دي بيكونوا داخلين في شخصيات بعيدة عن الواقع.
هسه أنا بتناقش مع بشاشا بي هناك في بديهياتن بشاشا كل هدفوا طبعاً (هزيمتي) في سودانيزاونلاين دي، لكن هو نفسو ما مقتنع بالكلام البيقولوا، عشان كده هسه لو قلتا ليهو قصة (اللغة الواحدة مع الناس البهناك ديل) بجي ناطي فيك جوز.
أها ود ابوك صهيب دا داير يفرز عيشتو ويمشي مع الحاصل في نفس الوكت، لكن مشكلتو الحزام بقى مربوط في صلبو (وخايف كان مرقوا) البنطلون يقع، ودي في كتير من النقاشات بتاعتنا هنا في سودانيزاونلاين (إلا ما رحم ربي)، خوف الهزيمة (مقام من أخذته العزة بالإثم).
على العموم ما تغيب كتير لأنو فعلاً الناس عاوزة تنوير يومي بالواقع البهناك عشان ما يغرقوا في (حياتهم الثانية) ويفتكروها دي الواقع.
08-02-2012, 04:33 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
يا زول ناس سودانيزاونلاين ديل أنا حيروني عديل وكنتا بدرس في حياتم مدة قبال ما اشترك فيها، لكن اليوم داك شفتا لي برنامج وثائقي عن (الحياة الثانية) وهو برنامج بتاع كمبيوتر بتيح ليك تتواصل مع الآخرين من خلال شخصية تختارها وبعد داك بتكون بتتحرك زي الشخصيات الالكترونية. فالناس البيلعبو اللعبة دي بيكونوا داخلين في شخصيات بعيدة عن الواقع.
هسه أنا بتناقش مع بشاشا بي هناك في بديهياتن بشاشا كل هدفوا طبعاً (هزيمتي) في سودانيزاونلاين دي، لكن هو نفسو ما مقتنع بالكلام البيقولوا، عشان كده هسه لو قلتا ليهو قصة (اللغة الواحدة مع الناس البهناك ديل) بجي ناطي فيك جوز.
أها ود ابوك صهيب دا داير يفرز عيشتو ويمشي مع الحاصل في نفس الوكت، لكن مشكلتو الحزام بقى مربوط في صلبو (وخايف كان مرقوا) البنطلون يقع، ودي في كتير من النقاشات بتاعتنا هنا في سودانيزاونلاين (إلا ما رحم ربي)، خوف الهزيمة (مقام من أخذته العزة بالإثم).
على العموم ما تغيب كتير لأنو فعلاً الناس عاوزة تنوير يومي بالواقع البهناك عشان ما يغرقوا في (حياتهم الثانية) ويفتكروها دي الواقع.
08-02-2012, 09:46 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
وبعدين (الثورة ) دى هى شنو إنت قايلها ..ما ضد كل المفاهيم الذى دى الربوك ونشأوك عليها ناسك الإسلامويين .. وعليه ..يعتبر هذا البوست ظاااتو ..واحد من بوستات الثورة .
إنشاء الله إنت كمان تكون مشيت حلقت الدقن وإتجبجبت بالكلونيا وإنتعشت ومسحت ضفائرك بالجل وجيت ..
عشان المسخ اللا إنساني دا عايزنا نكون فى كامل بهائنا عشان نجى نناقشو نقاش فكري ومنهجي آآآل ..
والمنكير أنا ما بستعملوا ..خليتو ل(الفارس البطريركي ).. أب شعرا سبيبي ... وريحتو طير طير ..:)
Quote: بالله يا اخواننا "اخلاق الفرسان" دي اخلاق رجال؟
دى فروسية (مجاهدين ذوي عصابات حمراء ) أجارك الله .. إنتقائية .. تميز جندري ..ومطاعنات ....دا فهم أمثاله للفروسية .
لكن على مين ...... هو على أرض الواقع شاف المناظر بس ..وآمن لما بقى يهضرب .. لكن الفلم الحقيقي الزمن والظرف ما أتاح ليهو الفرصة يشوفوا كله .. عشان كدا بجلط جليطوا دا ...دون هدى أو كتاب منير .
يا زول شوارع شنو قلتها انا ..بتبالغ ياخ عدييييييييييييل !!!؟.
Quote: معقول يا صهيب تماثل قائد عسكري ( أد الدنيا ) على قول المصاورة بأولاد الشوارع!!!يا راااجل ..عليك دينك أولاد الشوارع ديل في لغتك الفصحى بتسموهم شنو؟
دا البيان الطلعو اعيان ام درمان ذاتممممممممممم هم القالوا انو ثورة 24 يقودها ابناء الشوارع امثال علي عبد اللطيف !!.,
يا زول متخلع كدا مالك ، انتا قايليني انا الوصفتت بطل تاريخي بحجم علي عبد اللطيف بانو ود شوارع ..بتبااااااااااااااااااااااالغ يا الملك!!.
ياخ ديل ناس اعيان ام درمان ،ام درماااااااااااااااااااان( فييي ذمتك كدي قوقل بيان اعيان ام درمان ضد ثورة 24 وحتشوف عجابا)..
تقول لي انا صهيب دا وصفت بطلنا التاريخي بانو ود شوارع!!؟؟.
Quote: حركة اللواء الأبيض أصلا ترعرعت في حضن جمعية الاتحاد قبل أن تنفصل عنها ..ما ح اسألك مؤسسيها كانوا من وين ..لكن بس كده أرجع لأسماء قيادات اللواء الأبيض الذين تم إعدامهم عشان تعرف جايين من وين ؟هاك من قريبك
ما دي الكنتا ذاااااتا يا قريبك ..
انشقت الاتحاد السوداني حين قرر بعض اعضائها الدخول العريض في العمل السياسي..
علي عبد اللطيف وعبيدحاج الامين وغيرهم اسسوا اللواء الابيض ..
الاخرين وعلى رأسهم سليمان كشة رفضوا ذلك ، بل ان هذا الاخير كان له اراء عنصرية في قيادة علي عبد اللطيف للواء الابيض (لو غالطتا نجيبا بنصها)..
قال جايين من وين آل..
--- جاييك في باقي كلامك بالتفصيل (عشان نعرف التفصيل حيفضح مييييييييييييييييييين يا عمك )..
08-03-2012, 09:34 PM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
البيان الاتشتموا فيهو قادة ثورة 24 بيان صادر عن من سمّوا أنفسهم "مشايخ القبايل وزعماء الطوائف الدينية" بعد فشل الثورة وهزيمة قادتها ... وعلى رأسهم الحوامدة ...
الخطاب المشهور بخطاب "أعيان امدرمان" كانت له علاقة بقرار الحكومة تأهيل (المولّدين: من ينتسبون بالدم للرقيق والمالك) في قوة دفاع السودان ضمن سياسات بريطانيا لتجريم الرق وامتلاك الرقيق ... والخطاب لا علاقة له بثورة 24 ... ما تجوا تمسحوا عنصريتكم وفضايحكم في أعيان امدرمان لو سمحتوا ...
وما ممكن سليمان كشة ابن امير راية امدرمان في كرري والمسمى على والده ... يمارس عنصرية على من ثاروا ضد قتلة أبوه ... عيب الكلام البتردد فيهو دا ... بس انت العيب بتاع "اخلاق الفرسان" ما فايتك ...
شابكنا تفصيل تفصيل ... ما تقول ما عارف وتريحنا ... معقولة نستناك لغاية ما تذاكر وتجي؟
Quote: ما ممكن سليمان كشة ابن امير راية امدرمان في كرري والمسمى على والده ... يمارس عنصرية على من ثاروا ضد قتلة أبوه ... عيب الكلام البتردد فيهو دا ...
يا زول يا زول قول بسم الله ...
دا تاريخ امشي اقرا كتاب د.يوشيكو كوريتا عن سيرة البطل علي عبد اللطيف (رسالة دكتوراة منشورة في كتاب قدم له د.محمد سعيد القدال)..
اختلف سليمان كشة مع عبيد حاج الامين بخصوص اللواء الابيض لتولي علي عبد اللطيف الرئاسة حيث ابان كشة ان هذا الاخير من ام دينكاوية
واب نوباوي (يا زول قبل ما تطق حنك بيش امشي اقرا)..
Quote: وعلى رأسهم الحوامدة ...
يا زول يا زول قول بسم الله ، ما تهترش في التاريخ زي بشاشا ..
ياخ مذكرة الاعيان دي وقع فيها 38 علم من اعلام ام درمان وياهم وريني الحوامدة وين في ديل:
عبد الرحمن المهدي ،الطيب هاشم ،اسماعيل الازهري الجد ،احمد الفيل،ابو القاسم احمد هاشم ،ابو شامة عبد المحمود ،عبد الرحمن العوض،عباس رحمة ،صادق عيسى سعد،محمد قمبور، محمد كرم الله،بابكر الحاج الشفيع ،حسين شريف ،حمد لبرقدار،الحجاز سليمان ،ابو قصيصة، علي المهدي،قريب الله صالح ،عثمان صالح،محمد المبارك عبد المحمود،عبد العزيز قباني ،ابو بكر عبد الله،محمد الامين القرشي،حاج كمير،بابكر بدري،علي المرضي،احمد دوليب، احمد ابراهيم،بابكر جميل،حامد عثمان ابراهيم ،محي الدين الامين،عبد القادر عمر، عثمان وني،احمد البدوي،بشير نصر،احمد حسن عبد المنعم ،صالح جبريل ،احمد سوار الدهب..
Quote: وما ممكن سليمان كشة ابن امير راية امدرمان في كرري والمسمى على والده ... يمارس عنصرية على من ثاروا ضد قتلة أبوه ... عيب الكلام البتردد فيهو دا
وقبل ما تقول كدا تاني تمشي يا دون فلورو تقرا كتاب يوشيكيو كوريتا وتجي ..سامع!!؟..
08-03-2012, 09:34 PM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
البيان الاتشتموا فيهو قادة ثورة 24 بيان صادر عن من سمّوا أنفسهم "مشايخ القبايل وزعماء الطوائف الدينية" بعد فشل الثورة وهزيمة قادتها ... وعلى رأسهم الحوامدة ...
الخطاب المشهور بخطاب "أعيان امدرمان" كانت له علاقة بقرار الحكومة تأهيل (المولّدين: من ينتسبون بالدم للرقيق والمالك) في قوة دفاع السودان ضمن سياسات بريطانيا لتجريم الرق وامتلاك الرقيق ... والخطاب لا علاقة له بثورة 24 ... ما تجوا تمسحوا عنصريتكم وفضايحكم في أعيان امدرمان لو سمحتوا ...
وما ممكن سليمان كشة ابن امير راية امدرمان في كرري والمسمى على والده ... يمارس عنصرية على من ثاروا ضد قتلة أبوه ... عيب الكلام البتردد فيهو دا ... بس انت العيب بتاع "اخلاق الفرسان" ما فايتك ...
شابكنا تفصيل تفصيل ... ما تقول ما عارف وتريحنا ... معقولة نستناك لغاية ما تذاكر وتجي؟
Quote: شايف نسبة 95% كانت قليلة وظالمة .. قول لي ليه.. مع لأنو أصلا ما كانوا في ناس بدفعوا أولادهم لمدرسة ( المبشر ) غير ناس الشمالية .. لإنهم ما كانوا متزمتين وبصروا على حرمان أولادهم من التعليم النظامي زي الباقين.. أها يبقى ذنب التخلف البتحملوا منو؟
طبعا السبب في انو ناس المناطق التانية غير الخرطوم والشمالية ما لقو فرصة في كلية غردون ليس خوفهم من مدرسة المبشر يا الملك..
السبب الاساسي هو ما ذكره تيم نبلوك في كتابه (صراع السلطة والثروة في السودان)..
السبب هو نقص المدارس الابتدائية مقارنة بتلك المناطق المحظوظة يا عمنا!!!!!!!!!!!.
يقول نبلوك:
(ومن هنا كان جهاز الدولة عشية الاستقلال يتكون بشكل رئيسي من ابناء المناطق النيلية والشمالية وكانت معظم الخدمات تتركز في تلك المناطق
اما المناطق الاخرى خاصة المديريات الجنوبية والغربية والشرقية فقد حرمت من خدمات الدولة وفرص الاستخدام في الوظائف الحكومية )
وكلام كتير تلقاهو يا محمد علي في صفحة 155 من الكتاب اعلاهو..
قال ذنب التخلف يتحملوا منو قال!!!!!!!!!!!!!!!!!!!!!!!!!!!!!!!!!!؟..
يتحملوا يا عمنا هذه النخبة المستحوذة على كل شئ ..يعني ما عارف يتحملوا منو!!!!!!!!!!!!!؟.
والله قصة عجيبة !!!!!!!!!!!!!.
Quote: Quote: في الحتة دي انت لم تضرب مثلا ، ولكن خليني اضرب ليك انا مثل. مثلا رحلات البقارة بابقارهم للجنوب .. يازول إنت بي صحك؟أمال مصطلح ( الجلابة ) كان بعني منو؟بلاش..خالد العبيد زميلنا في البورد أبناء عموتو جنوبيين .. أنا ذاتي عندي طرف من أسرتي هاجر وكان مقيم في الجنوب ..تقول لي الظعين !
ياخ بتبالغ يا محمد علي يعني التغيرات الاجتماعية الكبري بتصنعا هجرات الافراد للجنوب!!!!!!!!!؟.. انا بقول هجرات مجموعات عرقية واجتماعية كبرى تجيني ناطي تقول لي خالد العبيد عندو ابنا عمومة في الجنوب ، يا الملك هوي انتا البي صحك!!!؟. الجلابة الفي الجنوب ديل دي هجرات بتاعت افراد افراااااااااااااااااااااااااد .. كدي اضرب لي مثل بهجرات مجموعات كاااااااااااااااااملة شمالا وجنوبا من الحزام السوداني وما حتلقى غير حراك البقارة .. والله دي قصة !!!!!!!. ان هجرات الجلابة الفردية الى الجنوب لم تصنع سوى الاشكاليات ، وخلي في بالك ان المولدين هؤلاء هم الان الاكثر حقدا على الشمال لانو الاب اسرتو الاساسية هناك في ام دوم او شندي او الخرطوم كما ان طريقة تعامل الجلابة مع الجنوبيين كانت استغلالية واستنزافية ليس الا ..كان ما عارف اعرف!!!!!!!!!!!.
Quote: يا صهيب يا صهيب عاين .. أهلك ناس دار حامد ربنا يحفظهم في نسيج السودان الفضل .. ح تدسهم في ياتو جبل بعيد من ثقافة الوسط؟ قول إنت يا ولض أمي.. لإني نوبي ما بقدر أقولك ول آبا .. وقع ليك؟
Quote: فالعبدلاب الخربو سوبا عضويا وثقافيا هم وسط نيلي
هاك ..
Quote: قبيلة دار حامد هى مجموعة عربية فزارية تُنسب إلى حامد بن نعيم رغم أن المؤرخ عون الشريف قاسم ذكر بأنها مجموعة جعلية, وذكر ماك مايكل نسبة دار حامد إستناداً على الصيغة التى أخذها من المرامرة والفراحنة وهى تنص الأتى: حامد بن نعيم بن سهل بن الحاج عوالى بن مازن بن صابر بن صارم بن سفيان بن دُهبان بن عبد الله الجهنى
والله ياجهنية بقيتو تنكروا زعيمكم عديييل؟ الله في..
شوف يا محمد علي ان اكبر مجموعتين عربيتين دخلت السودان هما :
1/ عرب جهينة ..
2/ المجموعة الجعلية..
اما وضع دار حامد كمجموعة جعلية دي انا بسمعا لاول مرة ..
ديل عرب جهينة وفي جهينة هم فزارا زيهم زي الشنابلة وبني جرار والكبابيش والمعاليا (اصلا دار حامد)
بعدين جد دار حامد حامد دا اسمو حامد بن نعيم الفزاري الفزاااااااااااااااااااااااااري ..
اها وجدنا النكرناهو دا منو !!؟.
وفزارا ديل معظمهم الان في الغرب ومن دخلوا السودان عدا المسلمية فهم الان في الجزيرة وان كانوا بكردفان..
طيب العبدلاب ديل علاقتهم بالغرب شنو !!؟.
ديل مجموعات عاشت في النيل سواء جنوبا قليلا او شمالا الى قري وحلفايا الملوك..
يا محمد علي ما تجلط يا اخونا عليك الله فالقراء شايفين اي حاجة في البوست دا..
واصلا البوست دا بوست للقراء ،موجه اساسا للقراء وليس للاعضاء والقراء ديل افهم بكتييييييييييير من كثيرين هنا ..
عشان كدي حقو نحترمم ونجيب معلومات نجيضة..
تحياتي
08-04-2012, 00:45 AM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
يا صهيب يا خوي لسه ماشي تورط في روحك وتعلن عن تناقضاتك .. اسع لستة الأعيان الجبتها دي.. تقدر تفرز ثقافتها من ثقافتك إنت في عضمك كيف؟ والله إلا تجي تقول لالا ديل بلبسو قفطان وعمة وبسكنو البندر.. ونحن بنلبس سروال ومركوب وتوب وبنسكن البادية ـ هههه..
Quote: ديل عرب جهينة وفي جهينة هم فزارا زيهم زي الشنابلة وبني جرار والكبابيش والمعاليا (اصلا دار حامد)
أفهم من كدة إنو العبدلاب ما جهنية ومتلبطين ساكت؟ يمن إنت ما فقعت مرارة ماكمايكل براهو .. إنت فقعت مرارة بروفسير عون الشريف ويوسف فضل ومحمد صالح محي الدين وعييييييك على قول بشاشا.. ربنا يعوضهم في السنين الضيعوها في الحفر الابستملوجي يا ابستملوجي إنت.. اقولك قول : حزامك دا شايف كلما ترد .. بكرب وسطك أكتر .. ووكتين مابي نصائحنا بخاترك.. . مليتني نقة ياخي .. الله يرضى عليك.
08-04-2012, 04:01 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
التشكيل الأساسي لبنى المجتمعات في الفونج ودارفور والبيجا في القرن التلطاشر وسقوط حكم العرب في مصر بالشمال على أيدي المماليك هم الحاصروا سوبا المسيحية بمجموعة من الدويلات الإسلامية حولها ... هاجمها الملك عزانا ملك أكسوم واكتشف انها محاصرة ثقافيًا واتخارج منها ... جات احتلتها مملكة سنار 1405 ... عبدلاب مين يا عمك ... دا حكى شعبي وتاريخ مشافهة ما عندو قيمة تاريخية حقيقية ...
مملكة سنار احتلت صدارة الهيمنة الإقتصادية والسياسية في حوض النيل لغاية القرن التسعطاشر ... 1824 العثمانيين أسسوا الخرطوم في ضغطهم جنوبًا على المصدرين الأساسيين لثروة مملكة سنار: الذهب والرقيق ... والساعد العثمانيين أساسًا ظهور طبقة اقتصادية من الجلابة المهاجرين لمملكة سنار في القرن السبعطاشر وتكوينهم لرؤوس أموال منفصلة عن مك الفونج ... يعني سنار بدت تتدهور اقتصاديًا بانتقال ريعها الإقتصادي لطبقة الجلابا المهاجرين ... دا المكّن العثمانيين منها ... عالم كامل قاعد يتطوّر اقتصاديًا وسياسيًا ونحن قاعدين نتطوّر معاهو ككتلة بشرية بتتأثر بالشروط الموضوعية الحولها وتأثّر في غيرها وتتأثر بموازين القوى العالمية وبى وراثة الإمبريالية البريطانية لممتلكات الدولة العثمانية وتطوّر السلاح الناري وتوثيق المعرفة والتوحّد التدريجي لمنتوج العقل الإنساني ... انت جايي تمزّق النسيج التاريخي دا بى أحزمة العنصرية وإبستيمي الجهل وكرور المثاقفة والإستنكاح؟
ياخي قوم لف ... البيقول ليك جهينة والبيقول ليك جدنا العباس ... دي كلها معلومات لم تكن ذات قيمة وقت حدوثها ... وليست ذات قيمة الآن ... هذا بافتراض أنها صحيحة أصلاً ... علم السلالات بينفعنا بى شنو إذا كنا لازلنا متخلفين اقتصائيًا وسياسيًا كأن على رؤوسنا الطير؟
ياها جنس بنات صنقورك الفضي دي الجايبانا لى ورا ... ما فضل ليك إلاّ تقول لينا:
الإسلام هو الحل (قررررررررر .... ظوووووووط ... وهلم جرا من أدوات حوارك العاجز)
Quote: جات احتلتها مملكة سنار 1405 ... عبدلاب مين يا عمك ...
كدي قول بسم الله واستهدى بيهو..التاريخ هو 1505 ..
Quote: هاجمها الملك عزانا ملك أكسوم واكتشف انها محاصرة ثقافيًا واتخارج منها ...
والله يا تبارك دي نجرة تاريخية !!!!!!!!!.. يازول عيزانا دا جا الحتة دي سنة 350 م وبقا حايم هنا ليييييييي 356 بعد ما سقط مروي بتاعت ناس بشاشا ودي بتلقاها في نقوش النصب التذكاري لانتصارات عيزانا ملك اكسوم وحملاته على ممالك النوبة منحدرا اليها بجيوشه بوادي نهر عطبرة حتى وصل الكدرو على النيل، ثم اتجهت جيوشه شمالا حتى اقليم الشنقير(ابو حمد) مطاردا للنوبة الحمر فسلبت 9000 راس من الماشية واسرت 3000 اسير بينهم 6 ملوك( ص 25 كتاب علاقات الرق في المجتمع السوداني لكاتبه محمد ابراهيم نقد بتاع المطعم داك يا عمنا وكان ما بتصدقو نجيب مصدر تاني).. يا ربي النوبة الحمر ديل كانوا جارين ابو حمد يسووا شنو يا بشاشا (قرررررررر)...
يا دون فلورو اول عربي وصل اقرب نقطة لي سوبا دي كان سنة 868 م ، عرب ربيعة وجهينة ومضر بقيادة عبد الحميد بن عبد الله العمري حيث ابتعثهم احمد بن طولون لتاديب البجا وان كان الهدف الاساسي للعرب من الانخراط في الحملة هو البحث عن الذهب في العلاقي وان انساب بعدها العمري لاقليم الشنقير واقام على النيل (وادي الصنقير الحالي الفيهو التنقيب العشوائي عن الذهب).. اها الشنقير او الصنقير دي اقرب نقطة وصلها العرب لسوبا حتى 868 م.. ياخي اول وصول عربي لسوبا وحولها قبل سقوطها كان في القرن الرابع عشر وكان من عرب جهينة (خصوصا رفاعة وعرب القواسمة).. قبلهم بقرن حاصرها عرب خذام من الغرب بعد اسقاطهم لمملكة الزغاوة ولكن لم يسقطوها.. تجي تقول لي عيزانا لقاها محاصرة ثقافيا ، والله دي نجرة ابو لستك (بكون من الامساك يا دون فلورو)..
يا عوير دي جلطتها نامن اتفنقلتا على قفاك.. ياخ سنار دي في القرن السابع عشر دخلا الدولار الاسباني كوسيط تداول اضافة لاوقية ذهب السلطان وراس الرقيق.. من ديك الاتدهور هو السلطان وليس المجتمع (يعني سنار انفكت من احتكار السلطان كمجتمع وبذا انهار السلطان كقوة).. تقول لي سنار انهارت اقتصاديا عشان الجلابة المهاجرين!!!!!!!؟. لو بتعرف تقرا وعندك حس تاريخي كان عرفتا انو التجار الاجانب احدثوا الاختراق الاساسي في الاقتصاد السناري وطلعوهو من جبة ا لسلطان لجبة التاجر الصغير والوسيط الوطني واتوسعت قاعدة الاقتصاد السناري .. ما الاقتصاد دا كان عملتو التداولية هي اوقية الذهب البحدد قيمتها السلطان عبر احتكارو لسلعة الذهب فالكميات الكبيرة من الذهب المستخرج تؤول تلقائيا الى ملكية السلطان وبعض قليل جدا يذهب لكبار موظفي الدولة وكذلك الرقيق برضو بتحكم فيهو السلطان لان الغزوات بتم بفرمان منو.. اها السلطان بيتحكم في السوق كيييييييييييييف؟.. عبر التحكم في المتوفر في السوق ،لو داير الاسعار تزيد يحكم الضبة ولو داير الاسعار تنخفض يفك الضبة وكدا السلطان بكون براهو في السوق.. طيب جاء التجار الاجانب الى سنار ، ما الذي حدث ؟. جاؤوا بوسيط تداولي جديد عندو قيمة في العالم الخارجي وهو الدولار الاسباني السائد انذاك وبكدا السلطان مرق من السوق.. دا القوض اركان السلطان والدولة .. وازدهر الاقتصاد على مستوى المجتمع لانو يا عمنا ظهر صغار تجار ووسطاء وطنيون ما عندهم علاقة بالسلطان ولا دوواين الدولة .. ما القافلة كانت لما تجي السوق من القاهرة اولا بتتباع سلع السلطان وطبعا باسعار كبيرة ولما يبدا التجار الباقين يبيعوا بكون السوق اتملا والسلع سعرها ينزل ، طيب بعد ظهور الجلابة انتعش السوق لانو بقا في توازن جديد وتوسعت القاعدة الاقتصادية لكن على حساب السلطان.. يعني استقلال المجتمع وقوتو هي الاسقطت الدولة السنارية .. انا من زمان عندي احساس انك بتقرا سطر وبتفط سطر والسبب انك البتقراهو بتكون جاري جري عشان تكبو هنا!!.
يا حليلك يا اللخو.. النسيج دا مزقتو دولتك المركزية القائمة دي من ما فاتت جابت العرب الجنجويد وسلحتهم واغرتهم يحاربوا ويكتلوا اخوانمم في الغرب.. ومن ما سلحت الحوازمة (الفيهم فرع اسمو اولاد نوبة) وعملتم دفاع شعبي عشان يقاتلوا اهلم النوبة.. انتا وين يا اللخو في نهر البوتوماك ولا شنو .. ما احلى طق الحنك على ضفاف البوتوماك..
Quote: ياخي قوم لف ... البيقول ليك جهينة والبيقول ليك جدنا العباس ... دي كلها معلومات لم تكن ذات قيمة وقت حدوثها ... وليست ذات قيمة الآن ... هذا بافتراض أنها صحيحة أصلاً
يا زول امسك امسك.. كيف معلومات ما ذات قيمة ات بصحك يا عمك!!!!!!!!!!!!!؟.. في ناس الان حاكمننا باسم جدهم العباس في ولا مافي؟. كدي قول مافي عشان اطرشك كلامك اسع قبل بكرة!!!. في البورد وفي البوست دا في نساء لاسع بعايرونهم بانهم ما بنات اصول ، عشان كدا مافي زول بشتغل بيهم كان جابوا العيب لاهلم ولا جابوا الجن الاحمر ذاتو..
--- الغريبة حكامتنا اسع تجي جارية عشان تدافع عن دون فلورها رغم انو بقول في كلام بناقض كل قناعاتا عن علاقة المركز والهامش.. ما عارف كيف تمارس العهر الفكري في الصقيعة وداير القارئ يحترمك ويتابعك!!!!!!!!!!!!!!!!!!!!.. وعاش التحالف بين التناقضات لتصفية الحسابات مع صهيب حامد..
الللله ..هذا الولد الاسمو محمد علي الملك سوف يميتني!!.
Quote: والله إلا تجي تقول لالا ديل بلبسو قفطان وعمة وبسكنو البندر.. ونحن بنلبس سروال ومركوب وتوب وبنسكن البادية ـ هههه..
هههههههه الصفراء دي ما بتحلك الليلة!!. يا زول الحزام المحاصرك دا الليلة ازردك بيهو نامن اطرشك باقي كلامك بعد ما طرشت مسالة منو النبذ علي عبد اللطيف ..نبذتو انا، هههه برضو !!؟. ابن الشوارع قال !!. وزي ما طرشتا انو الجلابة في الجنوب هجرة مجموعات اجتماعية شمال جنوب!!!. وزي ما طرشتا انو دار حامد مجموعة جعلية !!. وزي ما طرشتا انو 90% من خريجين كلية غردون من الوسط النيلي بسبب مدرسة المبشر نامن جبنا ليك كلام نبلوك(حليلك يا سلالة المبشرين)!!. اها وحتطرش باقي ههههه الصفراء بتاعتك دي ادناهو (نامن تقولو نوبة ، بس انشا الله تكونو كوشيين عشان تطفش زي نوبيك الكبير بشاشا)!!.
طيب في الكوت اعلاهو يا واد يا محمد علي ( خفة رأيك جابت ليك مسألة واد دي).. اولا الاجناس الاختلطنا بيهم في الغرب دي بتيجيب براها فرق الثقافة بينا وبينك يا حدق (الفور والزغاوة والنوبة دينكا نقوك وغيرهم من الاعراق الافريقية العظيمة)..شفتا كيف!!. الجمل الكنا راكبينو وسايحين في الفلوات ورا بهايمنا فوقو دا فرق ثقافة (بدل القعاد فييييييييييي وسط المبشرين في البحر) ،دا فرق كبيييييييييير يا واد!!. هو عليك الله يا غبيان مدرسة المبشر الابيناها انحنا دي متين عملوها في الحاج اللين ولا ام سعدون الناظر عشان ناباها ،مدرسة المبشر دي ما ياها الفي صنقور بكانك هناك فييييييييييييي البحر !!. جدك القلتا قرا كلية غردون وكت جدي كان يجول ممراحا بين العوينات و جبل راهب لللللللللللللللي جبل الحرازة وكاجا دا ما فرق ثقافة!!؟.. ياخ الفرق ساي بين اني وانا دا ما فرق ثقافة!!؟. الجن الكلكي اللابس ملكي ياخ!!. استخدامك للنقود من زمن حفرو البحر دا وكت كان اجدادي يبادلوا البضاعة بي تكك الدمور دي ما قايلا فرق ثقافي!!؟. سكن اهلي في بيت العرب (داير ليك حيوات اخرى عشان تعرف بيت العرب) وسكن اهلك في بيت الطين او الجالوص دا ما فرق ثقافة!!. الم اقل ليكم هذا الولد سوف يميتني !!؟. اكل جدي لام دفانة والموليتا في خلوات الله اكبر دي انتا يا واد يا ود ما قايلا ثقافة مقابل اجدادك الاكلو بالشوكة والسكين في غردون .. جراري اهلي ومردومم في خلوات الله اكبر ما فرق ثقافة من تمايلات اجدادك في غوردون ميوزك هول على مرمى حجر من مقرن النيلين ،انتا قايلا شنو يا الغشيم!!؟. الهنباتة ديل ات قايلهم شنو ، ديل عندهم ادب وثقافة ومروءة وشهامة بتختلف من تعريف ثقافتك ، اها الهنبتة دي عندك كانت حرابة وفي ثقافة الغرب كانت شهامة ورجولة ومروءة ..نشيل من القوي وندي الضعيف !!. ياخ خلي مسالة انو جدي كان راعي وجدك كان مامور يجي يقلع من جدي عشان يدي الانجليز ،دي ما فرق يا واد يا محمد علي!!.
واوريك يا محمد علي كمان الطامة الكبرى.. مش دا الفرق قبل مية عام ؟.. وهو كذلك الفرق الى اليوم !!. اها لييييييييييييييييييييي المية سنة دي ما ردمت الهوة ؟.. لانو دولتك الجلابية دي دايرا الفرق يكون بيني وبينك زي الفرق الكان بين جد جد جد جدي وجد جد جد جدك!!.. لي اسع اولاد عمي سايقين السعية ليييييييييييي العوينات !!.. ولي اسع ما عنهم مدرسة !!.. ولسع بياكلو في ام دفانة .. ولسع انتا وابن عمك عملاء لدولة البحر بس المرة دي بجو يسرقو السلكون من البشيري ويودوهو جياد يعالجوا ليباع الكيلو بثلاثين الف دولار في السوق العالمي!!. وتعملوا في الاسفلت من ام درمان لقنتي ومن قنتي لي مروي ومن قنتي لي دنقلا وحلفا ومن عطبرة لي مروي ومن عطبرة لي ابو حمد ومن كريمة لي دنقلا (اتخيل دي بس الطريق دا ما بتمر فيه عربتين في اليوم!!) وسدود ومطارات لا يطير عبرها احد ومستشفيات دولية ما بتعالج فيها في اليوم ما يعدو على اصابع اليد الواحدة وكباري في السليم ومروي والدبة لا تمر فوقها عشرة عربات في اليوم ، وبترول يخرج من الدبب ودفرة والتبون عشان يتبني بيها طرق من الخرطوم وفوق وسرايا في كافوري وحوش بانقا الجديدة.. وطريق بارا ام درمان الذي يخدم خمسة عشرة مليون نسمة ويخدم كل الغرب لا اعتمادات له !!..
وبرضو داير تقول ثقافتي وثقافتك واحدة عشان اكون في هامشك هكذا الى يوم ينفخ في الصور كما كان مصير جدي على هامش جدك!!!!!!!!!!!!!!!؟؟؟؟. لا لا يا حدق .. فانا ضحيتك انت وجدي ضحية جدك ، لذا فلن اترك ابني ان يكون ضحية ابنك يا واد يا محمد علي.. وجدك النبذ بطلنا الاوحد بعد المهدي علي عبد اللطيف ،قشيت فيني النبذة انا المسكين دا الكنت بندد بالممارسة دي يا حدق!!..
هووووووووووووووووووووووووووووووووي يا محمد علي .. اها عرفتا الكوز منو ولا اديك زيادة!!؟.
Quote: أفهم من كدة إنو العبدلاب ما جهنية ومتلبطين ساكت؟ يمن إنت ما فقعت مرارة ماكمايكل براهو ..
يا زول يا زول قول بسم الله!!.. انا غابيني انو اصول العبدلاب شنو !!؟.. ديل عرب قواسمة من جهينة .. بس زيهم وزي ابناء عمومتهم المسلمية الاختارو النيل وما نزحوا مع باقي سعيتهم غربا.. ات ماك نصيح يا واد ولا شنو !!!!!!!!!!!؟. ما انا لو وكت بعتقد زيك انو الاصل السلالي هو الحاسم في النقطة دي ما امشي مع بشاشا من البداية !!؟.. ما اطروحتي حول الحزام السوداني لو كانت قايمة على اساس سلالي اذن الطق والنضمي المن قبيل لازمتو شنو!!؟.. ديل سكنوا البحر واختاروا مصيرهم ثقافيا وسياسيا وغيرها.. و مكوثهم في النيل جعلهم يختلطوا مع قبائل النيل وبله التأثر بالثيمة الثقافية هناك ..
------- بعد شوية الواد محمد علي يجي شايل ليك فرمالة تانية يقول ليك حزامك انفرط.. شكلك ما ينفع معاك الا العملناهو مع دون فلورو .. شوف القراء في البوست دا هم رهاني الاوحد ،عشان كدا لا بتكتك لا بكذب وبحترم قارئي والما داير يحترم القارئ على كيفو.. والمفرمة شغالة..
Quote: عارفك ما عندك اجابة بس القارئ برضو يعرف!!..
هاهاها.. والله إنت الذَ زول.. طيب إنت من قصيرة ما تقول وروني المخرج ..
قلت لي مدرسة المبشر؟ طيب إنت وكت معترف بإنك يا دوووبك رفعت جهلك .. ما تشد حيلك شوية في المعرفة أم دق .. عشان ما تجي تنظر لينا قبال العلم ينقع في صنقورك.. إنت ياجنى قايل ناس فوكو وعفلق و تيم نبلوك ومش عارف مين .. الجيت متدارق بيهم هنا.. من الخلاوي! ما قلت ليك إنت كلما تفتح خشمك بتتبظ روحك .. يازول العلم دا في الأول تقراه.. بعد داك تستوعبو .. ثم تهضمو ويبقى جزء أصيل في مجرى تفكيرك بعد داك تجي تقعد وتفصل مشاريعك حسب المنهجية والمنطق الهضمتو قياسا بواقعك .. وإن ما سويت كدا أياك فاقع مرارة الناس .. بعدين شنو قصة القراء المتابعني المارق بيها علينا دي ؟ هم القراء ديل ما بقرو غير البتكتبو إنت !
Quote: القالوا اعيان ام درمان في اللستة الذكرناها اعلاهو في علي عبد اللطيف
القالوا الأعيان ياها ثقافتك ناطي منها وين ؟ .. إن داير قول ولاد ثقافة النيل .. اسمع عزه لخليل فرح رفيق على عبد اللطيف في الحركة .. لما رمز للوطن بعد فشل ثورتهم بعزة زوجة البطل على عبد اللطيف .. تعال كمان قول لي ما خابر.. اوعك .. فوتنا ليك بروفايل الصادق .. وجعلية حزامك .. بس دي لالا.. اتثقف اتثقف بختك ..
Quote: ديل عرب قواسمة من جهينة .. بس زيهم وزي ابناء عمومتهم المسلمية الاختارو النيل وما نزحوا مع باقي سعيتهم غربا
إنت مالك فازي من النيل .. يا صهيب سؤال : عرب جهينة لما دخلوا السودان نزلوا في الأول وين قبل يصلوا حزامك ده؟ قول إنت وإن داير بخرة .. هاك (العبر وديوان المبتدأ والخبرفي ايام العرب والعجم والبربر).. عشان يبقالك عبرة تعرف سبب خروج جدودك من وادي النيل.. أصلا أنا ما بديك فرصة تشتت الكلام بعيد من مشروعك الاقصائي دا.
08-04-2012, 02:47 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
وبدأ محمد علي في العجرفة الام درمانية المعتادة حيث يعتقد مثقفو هذه الاخيرة انهم ثلة من انصاف الالهة والانبياء (زي تبارك مثلا)..
ماذا يقول نصف الاله محمد علي الملك..
Quote: عشان تعرف العلة كانت في ثقافتك البدوية ولَ ثقافتنا الحضرية
ولكنه كان يقول من قبل حين كان يتذوق للناس ..
Quote: اسع لستة الأعيان الجبتها دي.. تقدر تفرز ثقافتها من ثقافتك إنت في عضمك كيف؟ والله إلا تجي تقول لالا ديل بلبسو قفطان وعمة وبسكنو البندر.. ونحن بنلبس سروال ومركوب وتوب وبنسكن البادية ـ هههه..
طيب ما قلتا فوق العلة في ثقافتنا البدوية ، شنو هنا بخليها ثقافة واحدة !!.. الكوت الاخير دا ياواد يا محمد هو ما يعبر عن العقل الباطن مش بتاعك بل بتاع ثقافتك النيلية دي كلها.. يعني ثقافة الواد المعطر المتانق الجدو قرا كلية غردون ورقص الجيرك وكيكينق هورس في الميوزك هول اكثر تطورا من ثقافتي البدوية !!.. صحيح دا تصنيف ثقافة وسطك ، بس انا تصنيفي انو انتا وجدك ديل همباتة راقين وسراق حذقين (شفتا كيف)!!..
وبعد ذلك يسترسل محمد في الاستهبال قائلا..
Quote: القالوا الأعيان ياها ثقافتك ناطي منها وين ؟ ..
ثقافتي وين يا محمد علي !!؟. ما انا ثقافتي بدوية وانتا ثقافتك حضرية ، ياخ انحنا في باديتنا ذاتو مافي شوارع عشان اصف لي رجل بحجم وطن انو ود شوارع .. الشوارع وابنائها ديل في بكان ثقافتكم الحضرية (عليك الله انت مثقف وقاري جامعة والله حرام ).. يا زول كلام زي دا بنط منو طوالي واخلي للزيك الما حيقدر ينط منو لانو قالوا جدو عديييل (جدك نبذ علي عبد اللطيف ياخ انت معقولة ما تنبذني انا ).. ثقافتك دي يا محمد علي من قامت انتو تسوو الشين وتجو تجلطوا فينا انحنا المساكين ديل .. والله يكرمك انتا قلتها بخشمك انو ثقافتك حضرية وثقافتي بدوية وانا داير افك الارتباط بيك عشان تاني تقبل جازك براااااك ..
وجاي كمان يكحلا بخليل فرح..
Quote: اسمع عزه لخليل فرح رفيق على عبد اللطيف في الحركة .. لما رمز للوطن بعد فشل ثورتهم بعزة زوجة البطل على عبد اللطيف ..
يا زول انتا ماك ناصح ولا زي تبارك رمضان زغلل ليك مخك.. انا بقول ليك مذكرة رفعا قاااااااادة المجتمع ،المعترف المجتمع بقيادتهم ليهو وبتوسل ليهم المحتل عشان يحسنو وجهو البغيض امام الشعب .. يعني ديل القيادات المعترف بيها المجتمع، تقول لي كلام الغناي (ومسالة غناي دي دا كلام المجتمع في الوكت داك)!!؟.. خليل فرح في الوكت داك ليس اكثر من غناي من وجهة نظر المجتمع ، حتى الاسر ما بتزوجو بناتا ..تقول لي خليل فرح قال!!؟.
دي ما بتخارجك يا عمك ..
Quote: إنت مالك فازي من النيل .. يا صهيب سؤال : عرب جهينة لما دخلوا السودان نزلوا في الأول وين قبل يصلوا حزامك ده؟ قول إنت وإن داير بخرة ..
انتا شكلك رايح ليك وانا اكتشفت مؤخرا انك مركب مكنة اكبر منك(صوت عالي وعزم او جرضعيف).. ات ماك ناصح !!؟.. عربي ديل استقروا في النيل دا بتين يا وليد؟. انسخفك في التاريخ يا عثل!!. المجموعات الجهنية الخشت السودان ثلاثة اصناف:
1/رفاعة ومعها اقربائها القواسمة والعركيين واللحويين والعوامرة والخوالدة والشكرية والحلاويين ،هؤلاء دخل اغلبهم عبر طريق النيل الصحراوي يعني بالشنقير.. 2/مجموعة فزارا (دار حامد الشنابلة المعاليا البزعة بني جرار الزيادية ) وديل الاستوطنو في شمال ووسط كردفان جاؤوا من مصر عبر طريق النيل الاوسط مرورا بدنقلا والنوبة وجنوبا حيث بدلا من الاستمرار مع المجرى النيلي اتجهوا غربا عبر وادي الملك والمقدم والى دارفور وكردفان.. 3/المجموعة الثالثة وهي البقارة والكبابيش والحمر والدويحية فديل منتشرون في كردفان ودارفور ودخلوا عبر الغرب..
اها انشا الله اتثقفتا وكان جابت غلاط السوط قريب..
08-04-2012, 06:44 PM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: طيب جاء التجار الاجانب الى سنار ، ما الذي حدث ؟. جاؤوا بوسيط تداولي جديد عندو قيمة في العالم الخارجي وهو الدولار الاسباني السائد انذاك وبكدا السلطان مرق من السوق..
مش قلنا ليك جوا الجلابا المهاجرين لحسوا الجمل بما حمل؟
انت قايل الجلابا ديل عرب جهينة وجدهم العباس ولاّ شنو؟
تكرر في الكلام بى "تجار اجانب" ... تجار اجانب يعني شنو؟
ولفظة جلابا دي اصلاً جات من وين؟ من البقيع؟
بالله شوف انت فاهم الموضوع بى طريقة عنصرية وتنم عن جهل واعتماد على مصادر ضعيفة (أو مترجمة غلط)
تيم نيبلوك مالوا ومال عروبة دارحامد؟
تيم نيبلوك بيكتب عن الـ Class and Power الثروة والسلطة البتجري ليهم كل ما عنصريتك وجهلك ينفضحوا ...
والتاريخ 1504 (مش 1405 الغلطة المطبعية ... ولا 1505 الجايي تنقز بيها) احتلال الفونج لمملكة علوة (سوبا) ... والتي وردت في تاريخ أكسوم باعتبارها دولة تابعة لها منذ 350 ... حيث اعتنقت المسيحية بدخول عزانا ومخارجتو سريع سريع ... [هو الفرتق مملكة مروي إلى ثلاث ممالك المغرة (بالعربي "المريس" وعاصمتها دنقلا) ونبتا (بالعربي "النبط" وعاصمتها مروي) وعلوة (سوبا) على الشريط النيلي على التوالي] ... رغم انها لم تحسب دولة مسيحية رسميًا - بسبب مخارجة الأكسوميين سريع سريع - إلاّ في القرن السادس (قبل الإسلام ظاطو!) ... الكلام دا بعد سقوط مملكة المغرة (دنقلا) التدريجي كنتيجة لمعاهدة البقط (عام 651 على يد عبدالله بن ابي السرح) ... فاندمجت بقايا دولة المغرة في دولة نبتا في مروي ... وسقطت مروي في 1272 على يد جيوش "الظاهر بيبرس" ... الذي هزم المغول في "عين جالوت" ... واستدار لتوسيع سلطان المماليك جنوبًا ومات في حربه ضد "السلاجقة" ... فتقهقرت نبتا واندمجت مع علوة في سوبا ... ثم وقع الهجوم على مملكة علوة (سوبا) في عهد "الأشرف قنصوة الغوري" (إسمه الحركي "عبدالله جمّاع" ... "عبدالله" نسبة لأبي السرح ... و "جمّاع" نسبةً لكثرة مجامعته لملك يمينه من خدم البقط ... حسب الأسطورة السودانية لأصل "العبدلاب" العلويين!) قبيل نهاية القرن الخامس عشر ... والذي غزته الدولة العثمانية التي نشأت 1453 وبدأت في الإنتشار جنوبًا ... وغزاه البرتقاليين من الجنوب الشرقي بعد أن اكتشف "فاسكو دي جاما" رأس الرجاء الصالح 1497 واستطاع الإلتفاف حول المماليك وإتيانهم من البحر الأحمر (حيث بدأ دخول الجلابا بالدولار الاسباني دولة الفونج ... وتوقف بهزيمة المماليك والعثمانيين لهم ... واستبدلوا بجلابة الدولة العثمانية ... من يهود وأرمن وحسين ملاسي ... الذي دخل السودان قبل هشام هباني الحساني المغربي ... بالله شوف انحطاط خطابنا السياسي وصل وين؟ ... جايي انت تمدرسنا باسم الحركة الإسلامية في دار حامد بن فزاري بن جهينة؟) ... بينما تقهقرت سوبا جنوبًا إلى أربجي الحدودية لمشيخة "قرّي" التابعة للفونج ... تحت ضغط المجازر التي ارتكبها المسلمين المماليك التابعين للغوري شمالاً ... وكان البيجا والفونج قد اعتنقوا الإسلام اصلاً في تلك الفترة ... وكانت دولة الفونج دولة مسلمة لا علاقة لها بالعرب والعروبة ... فاحتلت علوة من الجنوب في 1504 ... فتوقف المماليك في الشمال عن مجازرهم ... بسبب الهزائم التي أودت بدولتهم 1517 ... ليرثها السلطان العثماني (بما فيها "وكالة الغوري" في القاهرة والتي كان الفونج يتاجرون معها) ... وأرخوا ذلك التاريخ (1504) لتكوين مملكة سنار ودخول العرب السودان ... رغم أن مملكة الفونج كانت موجودة أصلاً ... والعبدلاب لم يكونوا عرب بل هم بقايا العلويين ... الذين وقعوا معاهدة الإستسلام وبيعة مك الفونج المعروفة بوثيقة حلف سنار ... العلويين (أو العبدلاب كما يروق لأمثالك من المتشدقين) دخلوا هذا الحلف لأنهم فضلوا الإستسلام للفونج ... بدلاً عن الإستسلام للمماليك (الغزاة الأجانب الذين هم أيضًا لم يكونوا عرب) الذين فقدوا مركزية دولتهم في مصر ... ولأن الفونج جار محلي يشتركون معه في اللغة والهوية ... التي ظهرت في "أخلاق الفرسان" في الحرب ... بينما المماليك غزاة أجانب ... يمارسون استعلاء عربي ومجازر واستنزاف اقتصادي ("أخلاق الفرسان" بتاعة عرب دار حامد والمركزية الثقافية لصحيفة ألوان) ... ولأن دولة الفونج تؤمن لهم البقاء اقتصاديًا بسبب علاقاتها التجارية ... (لو أمنوا لها تصدير البترول عبر أراضيها بواقع 15$ للبرميل ... فما أشبه الليلة بالبارحة) ... قال جهينة والعباس ... لو في حزام سوداني معناها حدودو ياها دي ... العنصرية ....
أصلاً مافي زول بيورد حقايق تاريخية عشان يغالتك فيها ... انت بيغالتوك في نظرتك للتاريخ ... اللي هي نظرة عنصرية فضيحة ومفضوحة ...
بعدين نحن هنا ما قاعدين في برنامج "فرسان في الميدان" ... اطرح فكرة (غير فكرة الحزام العنصرية دي) ... ما تطرح غلاتك الممجوج دا ...
... المهم ....
08-04-2012, 08:29 PM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: 1/رفاعة ومعها اقربائها القواسمة والعركيين واللحويين والعوامرة والخوالدة والشكرية والحلاويين ،هؤلاء دخل اغلبهم عبر طريق النيل الصحراوي يعني بالشنقير.. 2/مجموعة فزارا (دار حامد الشنابلة المعاليا البزعة بني جرار الزيادية ) وديل الاستوطنو في شمال ووسط كردفان جاؤوا من مصر عبر طريق النيل الاوسط مرورا بدنقلا والنوبة وجنوبا حيث بدلا من الاستمرار مع المجرى النيلي اتجهوا غربا عبر وادي الملك والمقدم والى دارفور وكردفان.. 3/المجموعة الثالثة وهي البقارة والكبابيش والحمر والدويحية فديل منتشرون في كردفان ودارفور ودخلوا عبر الغرب..
امك صحبك انبطح وبدأ يمارس عنصريتو الفجة .. طبعا دي حالة هذا المخلوق كلما يتغلب يقوم يفك اخرو بالطريقة دي ويتمرمق في التراب زي الشافع !!.. يا مان ما عندك حاجة تقولا هنا .. امشي شووووف ليك بوست بتاع بديل ديمقراطي ولا نجر اخضر.. انا حذرتك بي قصص اجاثا كريستي بس ممكن اعمل ليك شلل رعاشي.. يا بكري عليك الله نقالة البورد لي الزول دا لاقرب كلينيك..
انتا مالك يا دون فلورو الليلة كلامك كلو بيشششششششششششششششششششششششششش..
قال شنو !؟..
Quote: وسقطت مروي في 1272 على يد جيوش "الظاهر بيبرس" ...
يا زول !؟..
شفتا الظاهر بيبرس دا اقصى حتة وصلا في غزوو للنوبة ما فطا جنوب دنقلا قليلا في مطاردة الملك داؤود الذي كان يحارب الملك الذي نصبه بيبرس وهو شكندة!!.. تقول لي مروي !!؟. لو قاصد دنقلا سقطت في يد جيوش الظاهر بيبرس في التاريخ دا ممكن ..
الغريبة بتاريخك المجوبك دا بتنتقد في مصادري!!..
Quote: بالله شوف انت فاهم الموضوع بى طريقة عنصرية وتنم عن جهل واعتماد على مصادر ضعيفة (أو مترجمة غلط)
اها ماااا مشكلة مصادري ضعيفة ومترجمة غلط ، خليني انا كدي ،جيب مصادري دي وهي مبذولة وقاعد اذكرا باسمائها واسماء مؤلفيها وبرجعك لييييي رقم الصفحة ..اها امسك مراجعي دي واحد واحد وانقدا للقارئ لو فعلا انتا بتحترمو!!!؟. تحترم شنو يا عمك ، انتا المسألة عندك طق حنك ساي وفشخرة في الفاضي وقوة عين على الغلط!!..
Quote: فاندمجت بقايا دولة المغرة في دولة نبتا في مروي ... وسقطت مروي في 1272 على يد جيوش "الظاهر بيبرس" ... الذي هزم المغول في "عين جالوت" ... واستدار لتوسيع سلطان المماليك جنوبًا ومات في حربه ضد "السلاجقة" ... فتقهقرت نبتا واندمجت مع علوة في سوبا ... ثم وقع الهجوم على مملكة علوة (سوبا) في عهد "الأشرف قنصوة الغوري" (إسمه الحركي "عبدالله جمّاع" ... "عبدالله" نسبة لأبي السرح ... و "جمّاع" نسبةً لكثرة مجامعته لملك يمينه من خدم البقط ... حسب الأسطورة السودانية لأصل "العبدلاب" العلويين!) قبيل نهاية القرن الخامس عشر ... والذي غزته الدولة العثمانية التي نشأت 1453 وبدأت في الإنتشار جنوبًا ... وغزاه البرتقاليين من الجنوب الشرقي بعد أن اكتشف "فاسكو دي جاما" رأس الرجاء الصالح 1497 واستطاع الإلتفاف حول المماليك وإتيانهم من البحر الأحمر (حيث بدأ دخول الجلابا بالدولار الاسباني دولة الفونج ... وتوقف بهزيمة المماليك والعثمانيين لهم ... واستبدلوا بجلابة الدولة العثمانية ... من يهود وأرمن وحسين ملاسي ... الذي دخل السودان قبل هشام هباني الحساني المغربي ... بالله شوف انحطاط خطابنا السياسي وصل وين؟ ... جايي انت تمدرسنا باسم الحركة الإسلامية في دار حامد بن فزاري بن جهينة؟) ... بينما تقهقرت سوبا جنوبًا إلى أربجي الحدودية لمشيخة "قرّي" التابعة للفونج ... تحت ضغط المجازر التي ارتكبها المسلمين المماليك التابعين للغوري شمالاً ... وكان البيجا والفونج قد اعتنقوا الإسلام اصلاً في تلك الفترة ... وكانت دولة الفونج دولة مسلمة لا علاقة لها بالعرب والعروبة ... فاحتلت علوة من الجنوب في 1504 ... فتوقف المماليك في الشمال عن مجازرهم ... بسبب الهزائم التي أودت بدولتهم 1517 ... ليرثها السلطان العثماني (بما فيها "وكالة الغوري" في القاهرة والتي كان الفونج يتاجرون معها) ... وأرخوا ذلك التاريخ (1504) لتكوين مملكة سنار ودخول العرب السودان ... رغم أن مملكة الفونج كانت موجودة أصلاً ... والعبدلاب لم يكونوا عرب بل هم بقايا العلويين ... الذين وقعوا معاهدة الإستسلام وبيعة مك الفونج المعروفة بوثيقة حلف سنار ... العلويين (أو العبدلاب كما يروق لأمثالك من المتشدقين) دخلوا هذا الحلف لأنهم فضلوا الإستسلام للفونج ... بدلاً عن الإستسلام للمماليك (الغزاة الأجانب الذين هم أيضًا لم يكونوا عرب) الذين فقدوا مركزية دولتهم في مصر ... ولأن الفونج جار محلي يشتركون معه في اللغة والهوية ... التي ظهرت في "أخلاق الفرسان" في الحرب ... بينما المماليك غزاة أجانب ... يمارسون استعلاء عربي ومجازر واستنزاف اقتصادي ("أخلاق الفرسان" بتاعة عرب دار حامد والمركزية الثقافية لصحيفة ألوان) ... ولأن دولة الفونج تؤمن لهم البقاء اقتصاديًا بسبب علاقاتها التجارية ... (لو أمنوا لها تصدير البترول عبر أراضيها بواقع 15$ للبرميل ... فما أشبه الليلة بالبارحة) ... قال جهينة والعباس ... لو في حزام سوداني معناها حدودو ياها دي ... العنصرية ....
وطبعا الكلام اعلاهو دا كلو كلام بيشششششششششششششششش ولا يخفى الامر على فطنة القارئ ، ما محتاج نضيع فيهو زمننا ..
Quote: اطرح فكرة (غير فكرة الحزام العنصرية دي) ...
طبعا القارئ متابع وعارف انو تعريفي للحزام دا هو ناتج تمازج الاعراق السكنتو وبشاشا بيقول انو ما في لا تعدد لا تمازج ، وليس هناك سوى الاصل الزنجي المفروض ما يكون في غيرو في السودان دا!!. وجات مخدمتك الحكامة المستعارة كي تقف الى جانب بشاشا ان ليس ثمة سوى اصل زنجي في السودان باسم الحضارة الكوشية الزنجية تماهيا مع معلمها .. الحكامة من وجهة نظرك غير عنصرية وصاح مية في المية وانا البقول انو هذا الحزام هو نتاج تمازج الاعراق السكنتو اطلع عنصري !!.. انتو قايلين انو ما في ناس في هذا الفضاء كي تكذبوا كما تتنفسوا رجوعا لحالتكم المزاجية !!؟.. طبعا يا تبارك القارئ عارف حالتك المزاجية (معذور) ، اها الاخرين ديل يقولوا عليهم شنو ،قصة والله!!!!!!!!!!!!!!!!!؟
---- ياخ يا عمك انا البدعي الاصل العربي دا ما داير ثقافة الوسط العربية دي البتلمنا معاكم وداير اندمج مع زنوجي الفي الحزام ديل اكون عنصري!!!!!!!!؟.. وبعدين انا حذرتك انو موجة عدائك غير الموضوعية لشخصي دي حتعمل ليك شنو، وكلامك الفارغ دا كلو من الامساك الذي نفخك كطبل لا يردد سوى اصداء بييشششششششششششششششششششششششششششششششششششش!!..
08-05-2012, 02:57 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
لالا ياصهيب البطبطة ما معانا .. الردود تقرأ وتفسر في سياقاتها .. دي ما دايره درس عصر.. فبالله روق وأقرأ كويس بعدين رد.. الحوار الثقافي ما دش وصرف عربى في الفارغة .. إنت سألتني عن: القالوا اعيان ام درمان في اللستة الذكرناها اعلاهو في علي عبد اللطيف رديت عليك كده: القالوا الأعيان ياها ثقافتك ناطي منها وين ؟ مشيت نكت ردي التحت دا وجيت لاصقو ..
Quote: اسع لستة الأعيان الجبتها دي.. تقدر تفرز ثقافتها من ثقافتك إنت في عضمك كيف؟ والله إلا تجي تقول لالا ديل بلبسو قفطان وعمة وبسكنو البندر.. ونحن بنلبس سروال ومركوب وتوب وبنسكن البادية ـ هههه..
مع إنو دي كانت اجابة ليك لما جيت نزلت لسة الأعيان في الأول وقلت إنهم شتموا على عبد اللطيف .. مع ذلك إذا فاكر في تناقض بين أقوالي الفوق دي .. وإجابتي عن سوالك
Quote: اها لييييييييييييييييييييي المية سنة دي ما ردمت الهوة ؟
القلت ليك فيها :
Quote: إن ماك عارف لى هسع أسأل ابن خلدون الجبت ليك مرجعو فوق .. عشان تعرف العلة كانت في ثقافتك البدوية ولَ ثقافتنا الحضرية .
اذا فاهم ردودي دي متناقضة تبقى حالتك دي أحد أمرين : يا إما إنت بتغالط من باب الإنتصار للذات.. وبقولها للمرة الثانية ـ دي عادة ما حضارية .. أو محتاج فعلا تصنفر قدرتك في فهم واستيعاب وإدراك ما يكتب.. والدليل ردك دا:
Quote: طيب ما قلتا فوق العلة في ثقافتنا البدوية ، شنو هنا بخليها ثقافة واحدة !!.
قول لي كيف ؟.. ما فيها حاجة بوريك .. إنت قايلني أنا ما متصور إنك ممكن تجي تقول الكلام المكوت دا؟.. ابدا .. أنا عارفك بتجي تقول كدا .. وعشان كده قلت ليك بسخرية .. إلا تجي تقول لالا ديل بلبسو قفطان وعمة وبسكنو البندر.. ونحن بنلبس سروال ومركوب وتوب وبنسكن البادية ـ هههه وبرضو ذكاءك خانك وجيت وقعت في نفس الحفرة .. وكشفت ( للقرااااااااء ) .. إنك ما فاهم الثقافة ذاتها معناها شنو ولا الفرق بينها وبين الحضارة .. يا صهيب ياخوي قبيل الناس قالت ( القلم مابزيل بلم ) .. دحين شوف جنس البلم البقيت فيهو ! قلت لي شنو البخلي ثقافتكم واحدة ؟ طيب وريني بالدرب العديل إذا عنك ثقافة عربية مختلفة عن ثقافة الاعيان ديل ؟ أوع تجي تقول لي تااااني .. نحن ناس خلاء بناكل شنو وهم ناس مدن بياكلو بى شنو ؟.. بضحكوا عليك .. . . جاييك.
08-05-2012, 05:47 AM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
إنت قلت : ما انا ثقافتي بدوية وانتا ثقافتك حضرية مية مية أنا وعبيد حاج الامين وخليل فرح (الغناي) ذي ما وصفتو .. ثقافتنا حضرية لإنهم ريسو على عبد اللطيف عليهم .. وإنت وأعيان امدرمان ثقافتكم بدوية حتى لو لبسوا طربوش وإنت لبست سروال .. لإنكما معا على الرغم من اختلاف النمط المعاشي .. نمط تفكيركم واحد واقصائي .. وهذا النمط لا يصنف في المضمار الثقافي بأنه حضاري.. وقع ليك .
Quote: ومسالة غناي دي دا كلام المجتمع في الوكت داك)
طيب مالك خايف أنا قلت حاجة؟! . . لسه انت شفت حاجه.
08-05-2012, 05:56 AM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
Quote: انتا شكلك رايح ليك وانا اكتشفت مؤخرا انك مركب مكنة اكبر منك(صوت عالي وعزم او جرضعيف).. ات ماك ناصح !!؟.. عربي ديل استقروا في النيل دا بتين يا وليد؟. انسخفك في التاريخ يا عثل!!. المجموعات الجهنية الخشت السودان ثلاثة اصناف: مجموعة فزارا (دار حامد الشنابلة المعاليا البزعة بني جرار الزيادية ) وديل الاستوطنو في شمال ووسط كردفان جاؤوا من مصر عبر طريق النيل الاوسط مرورا بدنقلا والنوبة وجنوبا حيث بدلا من الاستمرار مع المجرى النيلي اتجهوا غربا عبر وادي الملك والمقدم والى دارفور وكردفان..
ياراااااجل ! يعنى أهلك جو دنقلا ادونا السلام ومشو؟ اوكي .. خلاص نشوف السوط الجيت براك تلولح بيهو بهري ضهر منو فينا .. اولا نسجل أعترافك بأنكم فرع من جهينة ونشوف المصادر قالت شنو..
Quote: قبيلة جهينة من قضاعة وهم من العرب القحطانية ـ المرجع القلقشندي ، نهاية الإرب ص 221..
ماتجرجر السوط عليك خليهو بينا في بكانو .. .
Quote: ( أما جهينة فقد نزحت إلى صعيد مصر في النص الأول من القرن التاسع الهجري وملكت فيه عدة جهات ( واخد بالك من ملكت دي ) وحاول بنو الكنز أن يردوهم وعجزوا ، فاضطروا آخر الأمر إلي مصاهرتهم وادى ذلك إلى استقرار عرب جهينة بين بني الكنز والاختلاط بهم ومصاهرتهم واستفادوا من نظام وراثة الملك عند النوبين وأصبح لأبنائهم الحق الشرعي في الحكم غير أن عرب جهينة لم يحسنوا سياسة الملك كما دبت الفرقة بينهم كما يقول ابن خلدون ( إن شاء الله متذكر مرجعه الجدعتو ليك فوق )..
قلت ليك سيب السوط في بكانو .. لسه كلام ابن خلدون ما خلص ..
08-05-2012, 06:18 AM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
Quote: ( فأصبحوا شيعا و أحزابا وعادوا إلى ما كانوا عليه من بداوة ولم يبقى لهم أي مظهر من مظاهر الملك وفضلوا الهجرة إلى سهول السودان )
قلت لي جدودي الخونة ابو يسو ليكم مدارس؟ ناولني السوط .. لالا ماتخاف وقت الجلد لسه .. نمشي لي قدام ..
Quote: في نهاية القرن الثامن وبداية القرن التاسع الهجري تسببت الضائقة الاقتصادية في مصر في زيادة الاضطرابات ، فارتفعت يد السلطة المملوكية عن جنوب البلاد، ودفع أعداد هائلة من قبائل هوارة وفزارة ( المرة دي بالاسم يا صهيب ) وجهينة الموجودة في شمال البلاد إلى الهجرة جنوبا إلى بلاد النوبة . وكانت حكومة بني الكنز في بلاد النوبة من الضعف بحيث أنها لم تستطع رد القبال النازحة أو التغلب عليها مما أدى الى سقوطها وانتقال الحكم الى يد هذه القبائل )
إنتهى تقول لي جينا دنقلا اديناهم السلام وفتنا !!
اوع تاني تكتب بعد العلم الفوق دا جنس هترشتك دي:
Quote: اكل جدي لام دفانة والموليتا في خلوات الله اكبر دي انتا يا واد يا ود ما قايلا ثقافة مقابل اجدادك الاكلو بالشوكة والسكين في غردون سكن اهلي في بيت العرب (داير ليك حيوات اخرى عشان تعرف بيت العرب) وسكن اهلك في بيت الطين او الجالوص
وعلى نفسها جنت براقش والشاهد ابن خلدون ..
Quote: ياخ خلي مسالة انو جدي كان راعي وجدك كان مامور يجي يقلع من جدي عشان يدي الانجليز
كمان جابت ليها كضب وتأليف .. جدي ياحدق ما اشتغل مامور ولا يوم .. جدي يا لكبرت بي جهلك اسأل عنو نظار قبيلتك .. بقولولك بالحيييل خابرنو .. كمين مرة جانا في مجلس صلح مع اهلك دينكانقوك واصهارك النوبه .. قوم املص وبطل بطبطة .. أركز ـ على قول ود الباوقا. . .
هاك المراجع كان ينفعوك : ابن خلدون ـ العبر. القلقشندي ـ صبح الأعشى ( شفت عنوان الكتاب دا سمح كيف ).. د. عطية القوصي ـ تاريخ دولة الكنوز. . . يازل دا كلو ما بحلك .. جيب من الآخر .. حزامك دا بعد تربطو في وسطك .. واقعبو وين ؟ أوع تقول لي بفصلو ؟ . المرة دي فقعت مرارتي ومرارة القراء معاي.
08-05-2012, 04:34 PM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: ياخ يا عمك انا البدعي الاصل العربي دا ما داير ثقافة الوسط العربية دي البتلمنا معاكم وداير اندمج مع زنوجي الفي الحزام ديل اكون عنصري!!!!!!!!؟..
لامن دولة علوة السودانية المسيحية تعقد معاهدة استسلام لدولة الفونج السودانية ... هربًا من ويلات الخطاب العربوسلاموي المحمول على سنابك خيل المماليك التركمانيين ... وانت تجي تمسح تاريخ "زنوجك" ديل عشان تدي مساحة تأصيل تاريخي لوجود "عربك" ... تاني زنوجك ديل بتندمج معاهم كيف؟
يعني عشان مصر عانت هيمنة الخطاب العربوسلاموي بدون وجود عرب فيها ... نحن برضو لازم نعاني هيمنة الخطاب العربوسلاموي بدون وجود عرب بيناتنا؟ (لو مصر على جدك جهينة دا ... اركب اقرب طيارة امشي اندفن جنب تربتو هناك في اليمن السعيد!)
تواريخ الهجرات العربية في السودان دي بتشبه لي تاريخ مصر بدون كوشيين ... أكذوبة تاريخية سينكرها مؤرخي السلطان لا محالة ... انتو ناسكم ديل في دار حامد جوا من البرابرة والمورو والامازيغ "الزنوووووج" لدرجة "الفضيحة" ... وقالوا عرب ... يعني اي زول - انت طبعًا بى صورتك دي ما معاهم - لونو فاتح وشعرو سبيبي عربي؟
(بمناسبة صورتك دي: انتو عندكم "عبيد محاميد"؟ يعني مثلاً يقولوا ليك فلان دا "عب شايقية"؛ انتو عندكم المسألة دي؟)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الصادق اسماعيل
فارس موسى
محمد على طه الملك
AMNA MUKHTAR
تبارك شيخ الدين جبريل
Kabar
Khalid Kodi
aydaroos
فيس بوك
تويتر
انستقرام
يوتيوب
بنتيريست