|
Re: صور افطار بورداب الدوحة ( نجوم المنبر ) (Re: احمد الزبير)
|
Quote: اخي مامون احمد ابراهيم سلام ليك كتير والشرف لنا بمعرفتك فلا تحرمنا وجودك فليس بينك وهارون شيء والرجل حسب علمي ذو نيه صافيه وقد عاتبناه قبلك عتاب الاخوان الاحبه ولم ناخذ في الامر حبه فاعرض عن هذاودمت اخا اكبر ومعرفتك اضافه لنا وبوركت يارجل |
الله عليك يا أحمد ! .. كم فرحت بك ! وياسلام على الكلام !
هذه هي الصورة الحقيقية التي أعتز بها !
تسلم تسلم تسلم ، أخي أحمد الزبير
تحياتي وسلامي للأمورات الحلوات
ويا سلام .
| |
|
|
|
|
|
|
Re: صور افطار بورداب الدوحة ( نجوم المنبر ) (Re: مامون أحمد إبراهيم)
|
اخى الاكبر ممو
قال المسيح من ضربك على خدك الايمن فادر له خدك الايسر
تسامح ما بعده تساح الا فى اخلاق الاستاذ
لقد ابنت وجهه نظرك وكنت انتظر منك ان تدير خدك الايسر بعدها
لك الود يا جميل المحيا والاخلاق
ولا اطيل فقد ابنت وجه نظرى لك اعتقد !؟
اخى هارون من يتصدى للعمل العام يمد حبل الصبر وخير الصمت ابلغ من كلمه تخسر بها حبيب او تترك اثر فى قريب دم بخير
| |
|
|
|
|
|
|
Re: صور افطار بورداب الدوحة ( نجوم المنبر ) (Re: haroon diyab)
|
حاجة جميلة وناس اجمل...دوماً ملمومين في خير ان شاء الله .. شكراً اخي هاروب والشلة الحلوة .. كده اقدر اقول لقينا وصيف لبورداب جدة ...وتستاهلوا المركز التاني بجدارة .. طلب :
في الصورة اخونا هاشم محمد سيد - البعاين للكاميرا - من ابناء الشرق الجميلين واخ وصديق عزيز تتلوموا لو ماشفناه ضمن كوكبة سودانيزاونلاين واعضاءه ...جد هو مكسب لينا فياريت نسعى وتسعوا لأن يكون بيننا ...فهل لنا ذلك اخي هارون وبقية بودراب قطر ؟!!!
| |
|
|
|
|
|
|
Re: صور افطار بورداب الدوحة ( نجوم المنبر ) (Re: فايزودالقاضي)
|
Quote: اخى الاكبر ممو
قال المسيح من ضربك على خدك الايمن فادر له خدك الايسر
تسامح ما بعده تساح الا فى اخلاق الاستاذ
لقد ابنت وجهه نظرك وكنت انتظر منك ان تدير خدك الايسر بعدها
لك الود .. |
الحبيب عمرسعد ، وأدر له كأس المودة والرقة والرفق والحِلم والعشق اللا متناهي ! ..... يازول إنت هارون ده قايلو هين ؟! واللا فاكرني خلاص أنا زعلان منو ؟!!! ... والله لو تجاهل أو تجافا من هنا للقرن البعد الجاي ، ده ما يشكل مثقال ذرة من بغض أو كُره أو عداوة مني تجاهو !! يازول الزول ده أخوي عديل .. وبحبو زي ضل الشمش والدنيا صيف ! وعشان أثبت ليك كلامي ده ، تأمل معي هذه الحكاية :
كدي إتخيل لو إنت ياعمر سعد فجأة لقيت نفسك عايش في الصين الشعبية ! وفي مكان بعيد ،،، لا فيهو محمد لا فيهو أحمد ! ولا فاطنة ولا عشة ! .... وخلوق كتيرة حايمة حولك كل يوم .. ولا جنس زول أخدر مافيهم ! عالم كلو أصفر أصفر أصفر ! ... حتى الطير من حولك بزقزق أصفر ! ولا حتة دوبيتة في غناهو مافي ! وفجأة كده وإنت وسط الخلق الغريبة دي ، وماشي براك ومسهي وبالك بعيد من الوحشة الضارباك دي : وإنت لافي بى زقاق كده ، يظهر ليك في وشك هارون دياب ده !!!!!!! عليك الله شعورك بكون شنو ؟!!!!
يازول تقول لي أدر ....... ده أنا مش أدر خدي وبس ... أدر الكأس على العشاق صفواً ومداما !
لك حبي وعظيم إمتناني .
مامون
| |
|
|
|
|
|
|
Re: صور افطار بورداب الدوحة ( نجوم المنبر ) (Re: مامون أحمد إبراهيم)
|
Quote: في الصورة اخونا هاشم محمد سيد |
الأخ فايز ود القاضي .... الأخ هاشم صديق شخصي .... وهو معروف في الدوحة بإسم (هاشم كسلا). حسب ما ذكر لي أنه كان يملك باسوورد في سودانيز وأضاعه منذ سنين عددا، قلت له يمكنه أن يرسل لبكري إيميل ليفعّل له حسابه، لكن للأسف هو لم يضيع الباسوورد فقط، بل لا يذكر الـ"نيكنيم" ولا البريد الإلكتروني الذي كان يستخدمه وقتها.
عندك ليهو حل مع أخونا بكري؟
| |
|
|
|
|
|
|
Re: صور افطار بورداب الدوحة ( نجوم المنبر ) (Re: Sidgi mattar)
|
مأمون :
Quote: حتى الصورة الوحيدة الأنا ( مدنقر ) فيها دي ، ورا أبوساندرا وبهاء ! أبيت تتكرم على الناس ، وتشير للمخلوق القاعد ده ، مجرد إشارة ؟! |
والله انا رأيت الصورة المشار اليها ، وقبل ما أنزل تحت وأشوف تعليق مأمون علقت : الداقس ده جاب صورة فيها 3 اشخاص أو شخصيات ، ليه يذكر اتنين ويجلي واحد
وبراااي كده جاوبت قلت : إمكن ماعرف أن ثالثنا في الصورة هو مأمون ، بعد النيو لوك والرأس المصبوغ بالأبيض
ثم ، مأمون ده مقل في الظهور ومقل في التصوير ولو كنت في مكان الحرفاء المصوراتية مثل هارون وصحافة30 والظمي القريش لكنت إترصدته وجهجهته بالفلاشات
يا مأمون لك العتبى حتى ترضى ويا هارون المرة الجاية العبه رأس
غايتو أولاد الرشيد ( مامون + هارون ) ح يجدوا طريقة للتفاهمات الذكية
| |
|
|
|
|
|
|
Re: صور افطار بورداب الدوحة ( نجوم المنبر ) (Re: haroon diyab)
|
Quote: والله انا رأيت الصورة المشار اليها ، وقبل ما أنزل تحت وأشوف تعليق مأمون علقت : الداقس ده جاب صورة فيها 3 اشخاص أو شخصيات ، ليه يذكر اتنين ويجلي واحد |
سلامات يابركات .... يا صاحي ياعميق يا لماح !
والمشكلة أنو ماعارف أنو نحن باقي لينا دقائق معدودات فيي هذه الدنيا الفانية البسيطة !
والله بعدين تفتشو لى ( شناتنا دي ) بالفتاشة ماتلقوها !
شكراً عزيزي هارون ..
على مجهودك الرائع .. الراقي ... وأتمنى من كل قلبي أن يكون في ميزان حسناتك وإبداعاتك .
أها نتلاقا يوم القيامة .
ودعتكم الله .
مامون
| |
|
|
|
|
|
|
|