صور افطار بورداب الدوحة ( نجوم المنبر )

Quote: و بعد دا كلو طلع من النوع البيقول شعر في إفطارات رمضان .. فتأمل!

Quote: شكراً يا خليل ماشاء الله وتبارك الله -- وبعدين كيكي دا مالو ياخ بتوقع في رمضان الفات - انشاءالله خير

Quote: الجالية المصرية في افطارهم الرمضاني ديل داخلين معانا في المنافسة? شعب وادي النيل و كدا

Quote: شاركت شركة المساكن للتنظيفات والخدمات مشاركه فعاله وكانت سببا اساسيا في انجاح الفعاليه ولعامين متتاليين واكثر من اثني عشر صوره لصاحبات الرداء الاصفر ولاتعليق عمال النظافه صفر واحمد الزبير كذلك ؟؟؟؟؟؟؟؟؟؟

بالمناسبة اتذكرته اخونا الغالي

والذي فارقنا فراقا حزينا( ضحية الحريكة )

كان يادوب نفتح البوست وننزل اول صورة يجيك

ناطي جوز ويكتب ليك ( الخيل تجقلب زي الشرة في القندول )

Quote: ربنا يثبت الاجر يا اخونا منتصر

(عدل بواسطة احمد الزبير on 08-18-2011, 03:23 PM)

(عدل بواسطة مامون أحمد إبراهيم on 08-17-2011, 09:13 PM)

Quote: بهذا أعلن إنسحابي من بورداب الدوحة ! مع إحتفاظي بحق عضويتي بسودانيز أون لاين ! لأكون ضمن قائمة بورداب العالم الأعزاء .. على الأقل لتأخذ عضويتي طابع إنساني عالمي ! فمن الآن وصاعداً ،، أنا من ( بورداب العالم ! ) أنتمي فقط للسودانيين وليس لبورداب الدوحة! ولكنني أتساءل يا هذا : ليه إنت مضادينا كده ؟! يازول أنا غلطت في حقك يوم ؟! إذا غلطت قول هنا قدام الملأ .. وأنا أعتذر ليك .. دي المرة المليون أجي مناسباتكم ، وأكون قاعد في نص الناس وتتخطاني كمراتكم الفنانة اللماحة ! ولا بتشير حتى مجرد إشارة ( للغنماية القاعدة وسط الخلق دي ! ) ... والله عجيبة ! حتى الصورة الوحيدة الأنا ( مدنقر ) فيها دي ، ورا أبوساندرا وبهاء ! أبيت تتكرم على الناس ، وتشير للمخلوق القاعد ده ، مجرد إشارة ؟! ...... يازول إنت مش بتصور في بورداب الدوحة ؟!! وبورداب الدوحة ديل أنا ما منهم ؟!! يعني رفدتني إنت بي كاميرتك دي واللا شنو ؟! تصوِّر في ( العصيدة ) و ( التقلية ) ! طيب ياخي ما تعتبرني عصيدة أو ملاح ويكة وتوري العالم ده فنك وإمكانياتك المبهرة في فن التصوير ! ........ أها العصيدة دي أهم من الوجوه التي أكلت معاك الملح والملاح ! .... هذه الوجوه أودع الله فيها سره يا هذا ، فهى لا تُسفه ولا تُتخطى هكذا ! وإلا يكون إجتماعكم وإحتفالكم ده كلو فاقد الروح والمعنى أما إذا كنت إنت غير مدرك لحساسية هذه الكاميرا التي تحملها ! ولأهميتها في هذا الزمان والمكان ! قيبقى عذرك معاك ! ... ولكن نصيحة غالية مني ليك ، تخلي المهمة دي لى زول عيونو سخية وهدية ورضية ومنصفة ومحايدة ! عشان لأنو لأنو الكاميرا دي أمانة كبيرة ! في هذا العصر العجيب ! ... وفي عنق حاملها يارجل ! فأرجو المعذرة من الجميع ،، فأنا أنسحب من بورداب الدوحة ! .... لهذا السبب الهايف البسيط ....و لما فعلته الكاميرا ! .... ولكن لإحساسي العميق بخللٍ ما في شخصي الكريم ! .. متأملاً أن العيب في أنا ! وحتماً سأعود ريثما يصلح الله حالي وشأني ! ولكن أرجو أن تسمحوا لي أن أتساءل من قبل هذا الرحيل المرير : ياتُرى أى ذنب إغترفت في حق هؤلاء البورداب الأصحاب ؟! .. وماذا حصل بالضبط ؟! هل هي زلة لسان أم زلة قدم ، أم زلة فٍكر ، وفلتان خواطر ؟! ............. هل هو كيد ؟! هل هي وشاية ؟! أم كراهية لله في لله ؟! واللا آآآآآآآآآآآ إمكن بوست الكورة داك ( والمسخ المشوه ) وهلا مريخ وكده ؟!! لوكان على دي ! ما أظن أنا أغير رأي في كورة السودان الآن ( الما بتشبهنا دي ) وحأظل أكتب عن هذا الموضوع ما حييت بما أرى ! حتى نعود كما كنا كباراً في هذا العالم ... أها كمان كان في موضوع تاني حقو سيدو يقولو هنا ! ولكن في ظني أنني لم أفعل إلا خيرا ً ... إلا إذا كنت واهم ! فأسأل الله الهدى ؟! أرجع أقول أن العيب لابد ، في أنا ! ... وياله من عيب كبير وتقصير شديد ! وهذا عقاب الديان الواحد الأحد ! أنا قلت اللفي قلبي ..... و آسف كتير فسامحوني . شكراً لكم جميعاً ودمتم بألف خير وسلام . مامون

Quote: هذا البوست برعايتك إنت ياهارون وبإسم بورداب الدوحة ! وهو الآن في صفحته الرابعة أو أوشك أن يكون ! فلماذا لم تسألهم أنت من باقي صور الأعضاء ، حين تتبنى أنت شأن كهذا ؟! ثم أنو كمرتك دي ، لماذا هى خاوية هكذا لتستجدي الآخرين عن لمحات الآخرين الهامة ، في لحظات هامة من تأريخ هذه الحياة ! !!! يُفترض أن تُنشر وتبث للعالمين ، لكي يروا ويستمتعوا بالوجوه، التي تحوي سر الله ! وجمال هذا الكون ! وهل سؤالك هذا سيعفي الذين ذكرت من مسؤولية حمل الكاميرات ونثر جماليات هذه الأوجه على حيز الوجود ؟! الموضوع ليس شخصي ، ولن يكون شخصي ، ولكنه شأن عام وشامل ومسؤولية الجميع ! .... لو إفترضنا أننا في مركبة وهى تسير بنا في الطريق ،، وسقط منها أحدنا ،، أو فُقد ، فهل يعقل أن لانسأل عنه ؟! أو نقص أثره ؟!!! إذا كان الموضوع شخصي يا حبيب ، فما الداعي إذاً لإنسحابي من بوراب الدوحة ؟!! فهل أنت ( بورداب الدوحة ) لكي أنسحب منك ؟!!!

Quote: ام ان الموضوع شخصي.......؟

Quote: هذا البوست برعايتك إنت ياهارون وبإسم بورداب الدوحة ! وهو الآن في يومه الرابع أو أوشك أن يكون ! فلماذا لم تسألهم أنت من باقي صور الأعضاء ، حين تتبنى أنت شأن كهذا ؟! ثم أنو كمرتك دي ، لماذا هى خاوية هكذا لتستجدي الآخرين عن لمحات الآخرين الهامة ، في لحظات هامة من تأريخ هذه الحياة ! !!! يُفترض أن تُنشر وتبث للعالمين ، لكي يروا ويستمتعوا بالوجوه، التي تحوي سر الله ! وجمال هذا الكون ! وهل سؤالك هذا سيعفي الذين ذكرت من مسؤولية حمل الكاميرات ونثر جماليات هذه الأوجه على حيز الوجود ؟! الموضوع ليس شخصي ، ولن يكون شخصي ، ولكنه شأن عام وشامل ومسؤولية الجميع ! .... لو إفترضنا أننا في مركبة وهى تسير بنا في الطريق ،، وسقط منها أحدنا ،، أو فُقد ، فهل يعقل أن لانسأل عنه ؟! أو نقص أثره ؟!!! إذا كان الموضوع شخصي يا حبيب ، فما الداعي إذاً لإنسحابي من بوراب الدوحة ؟!! فهل أنت ( بورداب الدوحة ) لكي أنسحب منك ؟!!!