|
|
 الخرطوم خرطومنا
|
بوضع اليد ..
والحمدلله الذي جعلني حفيدا للمحسي أرباب العقائد والرفاعية وقوما بنت علي ود اقيرب
يتبع .....
|
|
 
|
|
|
|
|
|
|
|
Re: الخرطوم خرطومنا (Re: طلحة عبدالله)
|
شنو حكاية اخلوا لينا الخرطوم دي ..
الوالي الفي عايز يخلوا ليهو الخرطوم
بتاع العدل والمساواة عايز يخلوا ليهو الخرطوم
منو كدا ما عارف قال شنو كدا ما عارف ..
هو شنو وفي شنو ذاتو برضو ما عارف..
يتبع....
| |
|
|
|
|
|
|
|
|
|
Re: الخرطوم خرطومنا (Re: طلحة عبدالله)
|
وبالمناسبة السعيدة دي وطالما جابت ليها دور طرد ولعامة وكلام من دا فأنا (طلحة عبدالله)
واعتبارا من تاريخو ساطالب بحقي في أية حاجة ومصيبة زمان قامت في خرطوم جدي دي ..
عايز حقي في أية بقالة وسوبر ماركت وأجزخانة وصينية وكشك سجاير وليمون وإستديو
وأستريو ومحلات ملابس جاهزة وغير جاهزة وأقمشة جلاليب وعراريق ومحلات جزم وشباشب
وتياب وعطور نسائية ورجالية وغيرا ...
عايز حفي في المريخ والهلال العاملين لينا زوبعة ديل ( ناس الأهلي والنيل والتحرير..الخ خليتم ليكم)
عايز حقي في أكاديمية الكرة وفي الاتحاد العام والاتحاد المحلي وإستاد الخرطوم
وميدان المولد وميدان سبق الخيول وما جاور واتصل وشابه ..
عايز حقي في جامعة الخرطوم والجامعات المجاورة والمدارس والمستشفيات والوزارات ..
عايز حقي في برندات السوق العربي وشارع الجمهورية وما فيهما من
عمارات ومحلات ومكتبات عامة وخاصة .....
عايز حقي في قاعة الصداقة خصوصاأنو دي أكتر حتى مسببة إزعاج لأهلي في توتي
وحامياهم المقيل بالنهار والنوم بالليل(شىء مؤتمرات كواريك، وشىء مهرجانات صخب وضجيج،
وشىء سينماأفلام هندية وكابويات،وشي وشويات).
عايز حقي في السوق الشعبي والسوق المحلي والسوق المركزي وما جاورهم..
عايز حقي في الإذاعة والتلفزيون والجرايد والمجلات والمطابع وما يتصل بهم
ومعرض الخرطوم الدولي ..
عايز حقي في أية حاجة في الخرطوم حقتنا دي .
عشان ساكتين ليكم يعني واللا شنو ؟؟؟؟؟؟؟؟؟؟
يتبع ......
| |
|
|
|
|
|
|
|
|
|
Re: الخرطوم خرطومنا (Re: طلحة عبدالله)
|
ولمعلومية جماعة كدا ( عارفم أنا) ..
وبما اني سيد جلد ورأس كوني من (البشاقرة غرب) وكون أنها تقع (حسب جغرافيةالحناكيش)
ضمن خطوط طول وعرض (أهل العوض) فعايز بس أقول ليكم أنو نحن لما نفوت ليكم الخرطوم
دي في العطلات الرسمية والاعياد والإجازات فعايزين نمش نرتاح شوية من أزعاجكم وكضبكم وسلبطتكم
بتاعت أنا ود خرطوم وأنا ود راحات دي ..(استثنى أهلي في بري المحس وجزيرة توتي) ..
الباقين قوموا لفوا بلا الله أداني معاكم.
يتبع ...
| |
|
|
|
|
|
|
|
|
 Re: الخرطوم خرطومنا (Re: Hussein Mallasi)
|
| Quote: ودفن بها وله ضريح يزار. جدده الشيخ محمد مالك القاضي. |
رحم الله جدي القاضي
وكت انت محسي الجابك الخرطوم شنو ؟!! تفتش عن شغل ؟!!! ولا جيت تسجل في سودانيز لووووووووووووووووول
| |
|
|
|
|
|
|
|
|
Re: الخرطوم خرطومنا (Re: فايزودالقاضي)
|
جرجير كالعادة أول المصطادين في الموية العكر ..أذهبوا فأنتم الطلقاء
ود الصايم أظني بتكلم عن محس وإتا بتتكلم عن محس تانين ( ما أظنك عندك علاقة بينا)
ملاسي يا كايدم سلامات وود كتير يا ضجة
ود القاضي إتا برلوم وكيشة ؟ أقول ليك الخرطوم خرطومنا تقول لي الجابك شنو .. ؟
| |
|
|
|
|
|
|
|
|
|
Re: الخرطوم خرطومنا (Re: طلحة عبدالله)
|
طلحة ود عبدالله ...
يا زول أول حاجة كل عام وانت طيب وربنا يحقق الأماني ..
Quote: عايز حقي في أية بقالة وسوبر ماركت وأجزخانة وصينية وكشك سجاير وليمون وإستديو
وأستريو ومحلات ملابس جاهزة وغير جاهزة وأقمشة جلاليب وعراريق ومحلات جزم وشباشب
وتياب وعطور نسائية ورجالية وغيرا ...
عايز حفي في المريخ والهلال العاملين لينا زوبعة ديل ( ناس الأهلي والنيل والتحرير..الخ خليتم ليكم)
عايز حقي في أكاديمية الكرة وفي الاتحاد العام والاتحاد المحلي وإستاد الخرطوم
وميدان المولد وميدان سبق الخيول وما جاور واتصل وشابه ..
عايز حقي في جامعة الخرطوم والجامعات المجاورة والمدارس والمستشفيات والوزارات ..
عايز حقي في برندات السوق العربي وشارع الجمهورية وما فيهما من
عمارات ومحلات ومكتبات عامة وخاصة .....
عايز حقي في قاعة الصداقة خصوصاأنو دي أكتر حتى مسببة إزعاج لأهلي في توتي
وحامياهم المقيل بالنهار والنوم بالليل(شىء مؤتمرات كواريك، وشىء مهرجانات صخب وضجيج،
وشىء سينماأفلام هندية وكابويات،وشي وشويات).
عايز حقي في السوق الشعبي والسوق المحلي والسوق المركزي وما جاورهم..
عايز حقي في الإذاعة والتلفزيون والجرايد والمجلات والمطابع وما يتصل بهم
ومعرض الخرطوم الدولي ..
عايز حقي في أية حاجة في الخرطوم حقتنا دي .
|
الكترااااابه يا زول أنا من هسي ده حااااجز ( مدير أعمالك ) ...
ونخلي (العين) دار الزين ونقبل على (الخرتوم) ..
| |
|
|
|
|
|
|
|
|
|
Re: الخرطوم خرطومنا (Re: Dr. Ahmed Amin)
|
| Quote: عايز حفي في المريخ والهلال العاملين لينا زوبعة ديل ( ناس الأهلي والنيل والتحرير..الخ خليتم ليكم) |
مرحب طلحة
ديل ما عندكم بيهن علاقة
ديل حقات امدرمان ما حقات الخرطوم
النيل والاهلي ياهن الحقاتكم
التحرير ذاتو ما حقكم
| |
|
|
|
|
|
|
|
|
|
Re: الخرطوم خرطومنا (Re: Dr. Ahmed Amin)
|
| Quote: أحد أولياء المحس المشهورين يتصل نسبه بالصحابي الجليل أبي بن كعب الخزرجي الأنصاري |
اخونا في الخرطوم طلحة
غايتو الجملة الفوق دي ابت تزبط معاي كلو كلو محسي من احفاد ابي بن كعب الانصاري ياخي دي وسعتها شوية
انا شخصيا بعتقد انو النوبيون ماعندهم علاقة مع الانصارااوالاتحادي الاصل لوووووووووولز
تحياتي
زاتووووو
| |
|
|
|
|
|
|
|
|
|
Re: الخرطوم خرطومنا (Re: ALZOLZATOO)
|
رغم أنو التهديد بمهاجمة الخرطوم وإخلائه جعجه وكلام فارغ ساي إلا إنه بغيظ والبغيظ اكتر منه كلام الوالي إن صح
غايتو كلام الوالي دا كان صحي مع الأسف الخرطوم إتولى أمرها زول قصير النظر ما يقدر يشوف ابعد من نهاية شارع بيتهم في كسلا وما أظن والي الخرطوم عرف الخرطوم وفهمها وفهم أهلها ولو فضل سادر في غيه دا حا يجي اليوم اليكون زي زين العابدين بن على وأقسم بالله يوم شفت بعيني وسمعت بي أضاني معتمد للخرطوم (الفاتح عابدون) كان بترجى في المواطنين في مظاهرة طلعت ضده وحاصروه في المعتمدية ايام الديمقراطية ، التسلط وقصر النظر ياهو الحاجيب حكومة المؤتمر الوطني دا الواطه والخرطوم دا شالت اكتر من حاكم ورغم أنو الناس بتمد في حبال الصبر وبتتحمل لكن بجي اليوم البحسموا الأمور دي ، الخرطوم بقت زي الحامية العسكرية عساكر متسلطين في اي مكان ، فساد في الأراضي ونهب للميادين والأمكان المخصصة للمرافق جبايات عالية تحصل بطريق مستفزة ومقرفه (موظفين المحليات شالين طبل ما تدفع يقفلوا محلك ومعاهم عسكري تعترض يودوك السجن ما تطلع إلا تدفع) بعد دا كله والي الخرطوم عاوز يطرد الناس منها هو مفتكر الخرطوم زي كسلا ، ودي مشكلة ناس الحكومة الحاكمه هسع كان كيزان ولا مؤتمر وطني ولا شنو ما عارف يدوروا ليهم في ناس معينين من مكان لي مكان ويعني الواحد فيهم لو نجح في مكان ما بالضرورة يكون ناجح في مكان تاني وهم زاتهم أي واحد فيهم عامل فيها رئيس الجمهورية وشغال ويصرح ويقرر وينفذ على مزاجه في نشاز غريب ما أظن في ولاية الخرطوم يكون في قسم للتخطيط ولا في مخططين بس خبط عشواء زي ما بقولوا كل واحد تطلع ليه فكرة في راسه يعملها وكل واحد يشوف ليه حاجه ما تعجبه يمنعها غير المحاباه والفساد البقى واضح
بعدين أنتو الوالي دا مش جاي بي الانتخاب وياهم ناس الخرطوم العاوزهم يتخارجو منها دي هم الانتخبوه ولا خلاص واثق من انو حا ينتخبوا ولا حا يخجها
بالنسبة لي ناس الحركات وخصوصا ناس العدل والمساواة ديل هسع عاين البصرح منو محجوب حسين ياأخي دا لسه باقي أهله واسرته في تشاد ناس عاوزين يهاجموا الخرطوم ويحكموها هم ما بعرفوا شوارعها ومعالمها وطشوا المره الفاتت الخرطوم أهلها بحموها لو حسو الحكومة مقصرة وهسع أظن ثقتهم في الحكومه ما ياها فأحسن الحركات تبطل الكلام الفارغ دا لانو بضر ناس مساكين في الخرطوم من أبناء دارفور وهم برضه من أهل الخرطوم وأبناءها – وليكم في احداث قرنق عظه احسن- بعدها ما قامت للجنوبيين في الخرطوم قومه وأصبحوا كالاشباح على ظهورها حتى الأنفصال
بحس بي الزول البهدد الناس في الخرطوم زي البهددني في بيتي بل غرفة نومي كمان
النظام الحاكم حا يمشي كان بي انقلاب ولا انتخاب ولا الموت زاتو لكن تفضل الخرطوم وأبناءها
| |
|
|
|
|
|
|
|
|
|
Re: الخرطوم خرطومنا (Re: عبدالعزيز حسين عبدالرحيم)
|
عبدالعزيز حسين المايكرفون عندك فلا تأخذنك بهم رأفة
يا عمدة سلامات والزارعنا غير الله وأجدادنا اللى يجيء يقلعنا
جرجير إني أراك من اللايصين والهايصين أطلع منها
ياعمران صالح قول للحنكوش دا إتا مجرد ضيف عندنا
دكتور أحمد أمين سلامات ومشتاقين ما عندك مشكلة فإتا مننا وفينا
وليد المبارك امدرمان وبحري برضو تبع الخرطوم وبالتالي الحاجات الفيهن
زاتووووو طيب أها الجملة الواسعة دي جليها باقي الكلام عندك عليهو اعتراض ؟
تحياتي للجميع ..
يتبع ......
| |
|
|
|
|
|
|
|
|
|
Re: الخرطوم خرطومنا (Re: طلحة عبدالله)
|
Quote: محمد حيدر المشرف متسلبط آخر في خرطوم جدي.
|
لا حولااااا
يا طلحة انت مش جدك استدعوه فى سنار وسافر وفى الطريق اتزوج وجابكم فى البشاقره وواصلتو فيها !!
أها أنا جدى ما استدعوه كلو كلو و .. يا قاعدين !
| |
|
|
|
|
|
|
|
|
|
Re: الخرطوم خرطومنا (Re: محمد حيدر المشرف)
|
Quote: يا طلحة انت مش جدك استدعوه فى سنار وسافر وفى الطريق اتزوج وجابكم فى البشاقره وواصلتو فيها !!
أها أنا جدى ما استدعوه كلو كلو و .. يا قاعدين !
|
دليل تاني أكبرمن الأولاني على أنك متسلبط ..
هسع أنا لو عندي بيت ملك في فجة ما وقمت رحلت منو وجيت إتا سكنت فيهو بالإيجار واللا
ملح ساي كهبة مني فهل معني كدا أنو بقي حقك خلاص ..؟؟؟؟؟
وبعدين ياخ اتا جدك منو وكان قاعد وين ذاتو ؟ عشان بس نعرف إن كان عندو معانا طوبة
واللا ما عندو؟
| |
|
|
|
|
|
|
|
|
|
Re: الخرطوم خرطومنا (Re: عماد حسين)
|
سلامات يا عماد حسين
في كتابه تاريخ الخرطوم قال محمد إبراهيم أبو سليم :
"وقد ظلت الخرطوم نفسها منطقة غير مأهولة تغطيها الغابات وتأتيها مياه الفيضان فتغرق أجزاء كبيرة منها وكان يأتيها المسافرون ليعبروا عندها النيل ويرتادها صيادو السمك في مواسم الصيد يقضون حاجتهم ثم يعودون أدراجهم بما اصطادوا وفي حوالي عام 1691 ترك الفقيه أرباب العقائد جزيرة توتي التي اشتهر فيها وعبر النهر لينشأ في هذا المكان أول قرية مأهولة وكان من عادة الفقيه الذي يشتهر أمره وينشد الاستقلال أن يبحث له عن مكان جديد يبدأ فيه حياته الدينية ويجد فرص الاستقلال والشهرة المتاحة"
وعليه أقدم أثر دا شنو يا عماد وكان سنة كم ؟
| |
|
|
|
|
|
|
|
|
|
Re: الخرطوم خرطومنا (Re: عماد حسين)
|
ياعمدة
ما بتكلم عن أقدمية عمر ..
جيب لينا فذلكة،رواية تاريخيه، شاهد عصر، مدونات، أية حاجة تثبت أنو جد الجموعية
هو مؤسس الخرطوم قبل جدي أرباب العقائد ..
| |
|
|
|
|
|
|
|
|
|
Re: الخرطوم خرطومنا (Re: طلحة عبدالله)
|
Quote: ياعمدة
ما بتكلم عن أقدمية عمر ..
جيب لينا فذلكة،رواية تاريخيه، شاهد عصر، مدونات، أية حاجة تثبت أنو جد الجموعية
هو مؤسس الخرطوم قبل جدي أرباب العقائد .. |
الله يرحم جدك يا طلحة.. قول آمين
فكرة البوست حقتك ليست التأسيس، وإنما الأحقية والتملك والأقدمية
والجموعية كانوا موجودين قبل جميع المحس
توتي كانت محل زراعة ورعي لفرع (الفتيحاب الجموعية)
يعني أنتو جيتو ضيوف عند الجموعية يا طلحة
أول حاجة خلينا نخلص من الحتة المتعلقة بالأقدمية
بعد كدة لن نخالفك في تأسيس البقعة المسماة بالخرطوم
| |
|
|
|
|
|
|
|
|
|
Re: الخرطوم خرطومنا (Re: عماد حسين)
|
يا عمدة ما جلبته لم يثبت غير حقيقة أن جدي أرباب العقائد يتصل نسبه بالملك
جامع وهذا لا يلغي حقيقة أنو أرباب العقائد هو مؤسس الخرطوم سواء كان يتصل
نسبه بالجموعية أم لا .
| |
|
|
|
|
|
|
|
|
|
Re: الخرطوم خرطومنا (Re: عماد حسين)
|
| Quote: يا وليد كلام الاعتراض دا للزول زاتوووو ما اتا . |
ياطلحة ليس هنالك اعتراض في تاريخك الناصع
بس المشكلة الاهم هي اولاد الخرطوم ما ح يقتنعوا انو اسم طلحة اسم خرطومي 
والدليل نسيب جيرانا كان اسمو طلحة وكنا بنعتبروا من الفضاء الخارجي لحدي ما دخلنا المتوسطة عرفنا انو صحابي جليل
تحياتي
زاتوووو
| |
|
|
|
|
|
|
|
|
|
Re: الخرطوم خرطومنا (Re: عماد حسين)
|
| Quote: جد الجموعية: جموع بن منصور بن غانم تولى الملك سنة 1484م |
ختفتها من كيبورتي يا عماد
عشان كده انا قلت ليك يا طلحة امدرمان ما ليكم فيها
امدرمان حقت الجموعية والجميعاب
من السروراب لحدي جنوب جبل الاوليا
| |
|
|
|
|
|
|
|
|
|
Re: الخرطوم خرطومنا (Re: وليد محمد المبارك)
|
يا وليQuote: عشان كده انا قلت ليك يا طلحة امدرمان ما ليكم فيها
امدرمان حقت الجموعية والجميعاب
|
حتى من الناحية دي برضو لينا فيها هاك أها:| Quote: الشيخ أرباب العقائد الخشن المولود بتوتي عام 1609م والمتوفي عام 1695م، واسمه أحمد بن علي بن أرباب بن علي بن عون بن عامر بن صبح بن فلاح بن شرف الدين بن محمد (عجم) بن زايد بن محمد (محس) بن الملك سعد بن الملك جامع |
| |
|
|
|
|
|
|
|
|
|
Re: الخرطوم خرطومنا (Re: عمران حسن صالح)
|
يا عمران الحيب الرد على مزحتك الفوق دي أوردتها ضمن ردودي على بقية الزملاء (راجعا فوق)..
يا عمدة أحقيتي بالخرطوم قائمة على التأسيس ولا شىء غيره، ثم ياخ حسب المقال الذي جلبته
إتا فوق دا فأرباب العقائد يتصل نسبه بالجموعية.
| |
|
|
|
|
|
|
|
|
|
Re: الخرطوم خرطومنا (Re: طلحة عبدالله)
|
زاتووووو Quote: اولاد الخرطوم ما ح يقتنعوا انو اسم طلحة اسم خرطومي
|
يعني بعد اللى أولتو دا كلو وتؤلي اؤلت إيه يا زاتووووو ياخ .
هو فيه خرطوم تانية غير خرطومنا دي واللا شنو ؟
| |
|
|
|
|
|
|
|
|
|
Re: الخرطوم خرطومنا (Re: طلحة عبدالله)
|
ام درمان قفله حقت الجعليين الجموعيه .. من اراضي الزارعه لحدي اراضي السكن .. دي ما بتغالطوا فيها اتنين
اي زول جاء ام درمان بعدهم هم النزلوهو وسكنوهو بالهبه او الشراء
بعداك تعال للخرطوم الجموعيه في المقرن .. بري ( الشريف الهندي بنتمني للجموعيه من ناحية الام ) .. الجريف شرق وغرب
تاني الخرطوم دي فضل فيها شنو بالله
يا طلحه جدك الشيخ ارباب العقائد بقي خرطومي بنسبة للجموعيه هههههها
للامانه فأن المحس ايضا من اقدم من سكن الخرطوم
بوست ظريف ... بتقدر تاكل فيهو عايش كان ختيت الجموعيه وما جوك هنا ههههها
| |
|
|
|
|
|
|
|
|
|
Re: الخرطوم خرطومنا (Re: نوفل عبد الرحيم حسن)
|
يا جماعة البوست عنوانو الخرطوط خرطومنا
يبقي حقو تناقشوا الحتة دي عشان ما تطلعوني من الجنة وسقطا
يا نوفل إتا بتتكلم غلاط ساي واللا بناء على حقائق تاريخية؟
جدي أرباب العقائد مؤسس الخرطوم ودي حقيقة ثابتة تاريخيا
شنو هو البقي خرطومي بنسبة للجموعية؟؟؟
غايتو ناس البورد دا مرات كدا ياكلوا الزول حنك ساي .
| |
|
|
|
|
|
|
|
|
|
Re: الخرطوم خرطومنا (Re: طلحة عبدالله)
|
يا طلحه قلنا ليك حنك باقي الناس واختأ الجموعيه
الخرطوم دي بعد العصر الحجري الاتوجد في حتة مستشفي الخرطوم كانت غابات ساكت
جاء في وصف الخرطوم في حرب النهر .. الخرطوم قرية تقع جنوب الحلفايا
دحين يا اخوي الخرطوم دي قريب دا كانت غابات واسود ههههها
| |
|
|
|
|
|
|
|
|
|
Re: الخرطوم خرطومنا (Re: محمد البشرى الخضر)
|
| Quote: بري ( الشريف الهندي بنتمني للجموعيه من ناحية الام ) |
نوفل تحياتى ..
ما علاقة الشريف الهندى ببرى ؟!
وهل حينما اقام فيها اقام مع اخواله الجموعية ؟!
ما أسماء أخواله فى برى ؟!
| |
|
|
|
|
|
|
|
|
|
Re: الخرطوم خرطومنا (Re: عماد حسين)
|
طلحه الجلابي
قلت لي الخرطوم خرطومك؟!
يا زول اشبع بيها!
نحن بس حفاظا علي حياتكم
ان كنتوا جموعيه ولا شلك ولا احفاد الارباب ولا جن احمر
ابعدوا من مناطق الحاميات و التجمعات العسكريه!
الكلام ده عربي ولا رطانه؟!
فهل ده كلام حقاره باملاكم ولا غيرها ولا حرصا عليكم؟!
لما نقول تهميش
تنطوا لينا في حلقنا
تقولوا نحن مهمشين و البشاقره غرب دي قريه تعبانه
و...و...الخ!
اها لما نقول الانقاذ حكم جلابه
تنطوا لينا في حلقنا تقولوا ابدا جابوها الغرابه!
وانتو سندها وساسها وراسها اها نحن اذا فعلا جبنا
(المسخ المشوه)ده خلونا نشيله....خرطومكم ما دايرنها ان شاء الله تخللوها!!
قال خرطومنا!!قال!!
خرطومك دي لما استباحوها الانجليز كنت وين؟!
ما حرورها لك أجداد ناس العدل و المساواة
ديل الحسه عايز تنكر حقهم؟!
اها انت وقت...متصالح مع الانقاذ ما تعمل
لينا فيها....موضوعك ملكيتك للخرطوم ولا غيرها!
قولها عديل انت انقاذي و السلام!
اها لعلمك نحن مواطنينا حتى لو ما بيملكوا اراضي
فتهمنا ارواحهم جيمع مواطنين الخرطوم الا الانتهازيه الانقاذيه
فهم قد اهدرونا دمهم!
| |
|
|
|
|
|
|
|
|
|
Re: الخرطوم خرطومنا (Re: عماد حسين)
|
Quote: دكتور أحمد أمين سلامات ومشتاقين ما عندك مشكلة فإتا مننا وفينا
|
طلحه الجلابي المستهبل ما قلت لي الخلا ود عمتي د.احمد امين منك وفيك شنو؟!
باقي البشاره
اللازم تعرفها لعلمك نحن عندنا ناس معانا من بشاقرتك دي ايه رايك؟!
قال البشاقره شرق والبشاقره غرب!!
| |
|
|
|
|
|
|
|
|
|
Re: الخرطوم خرطومنا (Re: محمد حيدر المشرف)
|
Quote: نوفل تحياتى ..
ما علاقة الشريف الهندى ببرى ؟!
وهل حينما اقام فيها اقام مع اخواله الجموعية ؟!
ما أسماء أخواله فى برى ؟! |
الأخ محمد المشرف
اسمح لي بالرد نيابة عن الأخ نوفل
لو صدقت معلومة نوفل فأتوقع أن أخوال الهندي سيكون من الفرع الذي سميت عليه
منطقة "بري الدرايسة".. وهولاء فرع من الجموعية، ينحدرون من نسل:
درياس، بن حريز، بن جموع، بن غانم...
مصدر المعلومة: كتب جدنا المؤرخ/ عثمان حمدالله، والد الرائد فاروق عثمان حمدالله (رحمة الله عليه)
وأتوقع أن اخوال الهندي لن يخرجوا عن هؤلاء*
___________________
* يشاء الله تعالى أن مكتبتي تعاني هذه الأيام من فوضى عارمة.. وإلا لاستطعت
العثور على المصدر، ولزودتك ببعض الأسماء.. لأنني أذكر أن جدنا المؤرخ/ عثمان
حمد الله، كتب المعلومة ومعها نسب من نقلها عنه من اهل بري الدرايسة
ربنا يهون القواسي
| |
|
|
|
|
|
|
|
|
|
Re: الخرطوم خرطومنا (Re: عماد حسين)
|
شكرا عماد ..
مسألة امتداد نسب ارباب العقائد للجموعية هى مسألة جديدة بالنسبة لى ..
وإن كان ارتباط الشيخ خوجلى مثلا بالجعليين فى حكم المؤكد عند عون الشريف وان أضاف رواية ضعيفة كما حكم هو عليها برجوع نسبه للبديرية الدهمشية .. كما ولا تربط الشيخ خوجلى بالمحس المشيرفاب الا علاقة النسب والاقامة بينهم فى توتى والمقرن .. وبالاستدلال يمكن أن تنسحب ذات الرواية التاريخية على الشيخ عقائد الارباب لعلاقة القربي التى تجمعهما..
تحياتى
| |
|
|
|
|
|
|
|
|
|
Re: الخرطوم خرطومنا (Re: عماد حسين)
|
* نوفل يا حبيب للأمانة كدا عذبتنا ياخ .. أقول ليك جدي مؤسس الخرطوم تقول لي
وصف الخرطوم أنها قرية صغيرة تقع وين ما عارف .. أها يعني دا بمنع أنو جدي
مؤسسا واللا كيف ؟
* جرجير مازلت هايص ولايص ..
* العمدة مشكور على أنك لم تنكر فضلنا في نشر القرآن فأرجو أن لا تنكر كذلك
فضلنا في تأسيس الخرطوم ..( متابع بشغف فذلكاتك التاريخية المشوقة.. واصل بالله)
* ود المشرف أما زلت متسلبطا فينا؟؟ ( واصل بالله مع الحبيب العمدة في حواركما)
| |
|
|
|
|
|
|
|
|
|
Re: الخرطوم خرطومنا (Re: طلحة عبدالله)
|
Quote: واعتبارا من تاريخو ساطالب بحقي في أية حاجة ومصيبة زمان قامت في خرطوم جدي دي ..
عايز حقي في أية بقالة وسوبر ماركت وأجزخانة وصينية وكشك سجاير وليمون وإستديو
وأستريو ومحلات ملابس جاهزة وغير جاهزة وأقمشة جلاليب وعراريق ومحلات جزم وشباشب
وتياب وعطور نسائية ورجالية وغيرا ...
|
يا زول جهز لينا حقنا معاك.
| Quote: ..(استثنى أهلي في بري المحس وجزيرة توتي) |
لو ما كنت لحقت روحك ... كنا أعلنا عليك الجهاد.
التوقيع:
واحد من أهل الجلد والراس
| |
|
|
|
|
|
|
|
|
|
Re: الخرطوم خرطومنا (Re: ود الخليفه)
|
أبو الريش إتا ياكا البيتكم في محطة أربعة مقابل بقالة عمنا عوض ياسين
واللا تشابه أسماء ساي ؟
ثم ياخ بري المحس الأساس والرأس زيها وزي البشاقرة وتوتي ..
تحياتي يازول .
.....
ود الخليفة السلام عليك ورحمة الله.
| |
|
|
|
|
|
|
|
|
|
Re: الخرطوم خرطومنا (Re: طلحة عبدالله)
|
عزيزي طلحة
السلام عليكم ورحمة الله
كويس انك ما فكرت تقطع الكبري وتجينا في امدرمان
ومحاولة وضع يدك على الخرطوم وتراثها تبين لي انك ممن ينتظرون كرامة العيدج *
ـــــــــــــــــــــــ
*العيدج مكرمة والبشاقرة مطرانه
ولا يفرق المثل بين شرق او غرب البشاقره
| |
|
|
|
|
|
|
|
|
|
Re: الخرطوم خرطومنا (Re: ود الخليفه)
|
ود الخليفة
أم درمان بت الخرطوم ولا شك عندي..
من جهة أخري البشاقرة تبعد من الخرطوم مسافة ساعة أو أقل
ناس البشاقرة بصلوا الخرطوم قبل ناس الثورات البعيدة وأطراف الكلاكلات .
| |
|
|
|
|
|
|
|
|
|
Re: الخرطوم خرطومنا (Re: طلحة عبدالله)
|
Quote: نوفل تحياتى ..
ما علاقة الشريف الهندى ببرى ؟!
وهل حينما اقام فيها اقام مع اخواله الجموعية ؟!
ما أسماء أخواله فى برى ؟! |
هلا ود المشرف
لك التحايا
والدة الشريف الهندي شموم بت الارباب أحمد ود الزين جموعيه من السروراب
يتلقي نسبها بالشيخ أحمد الطيب ود البشير ( راجل امرحي ) بمنطقة الشيخ الطيب جوار السروراب
وهو من ادخل الطريقه الطيبيه السمانيه في السودان معلم الامام محمد احمد المهدي وقد درس علي يديه بالشيخ الطيب
وبالمناسبه دي ناخد استراحه في ظلال الادب والشعر
عندما يقول التجاني يوسف بشير ( وطريق طيبئ ) كان يقصد الطريقه السمانيه
اخليكم مع مدحة يا ليلي ليلك جن التي قيلت في العارف بالله الشيخ احمد الطيب البشير جد السيده شموم والدة العارف بالله الشرف الهندي
يا ليلى ليلك جنّ ** معشوقك أوّه وأنّ
أم مرحي فوقا جبلنا ** أصلو الإكسير معدنا
السر بالكوب والشنه ** كل الغشاهو تهنّا
مطر الفيوض ما ونى ** ونبعن سروف الجنه
تربالنا سامر وغنى ** علّج رقابو تحنّا
لي خدمتو إتشهلنا ** وخلفن دناقر الطنه
بي همة ما بطلنا ** كالرمشة ما تعطلنا
فرسانو حولو يدورو ** ناس ود علي المنبورو
يعقوب والمصري حبورو ** بله اب حجول والنورو
خدموهو لبسو شرايتو ** وكل زول فرش سرايتو
عدد السبعين مضرايتو ** صبروهو وعلو رايتو
هب وطلق نسّامو ** نبّه للأمة وسامو
وقف البصير قسامو ** والقرشي طابق اسهامو
التوم الفي عزازو ** بي إشارة من عزازو
وصلو وملك ميجازو ** مفتاح الشونة حازو
خلفن دناقر عزي ** يا قوم الطيب هزي
جاب لي البيهم عزي ** بشرى وشيخون الوزي
الطيب سيد من سادو ** كم أصلح الفسادو
الفي سلانج صلحلو فؤادو ** تت والدويحي أولادو
طيبا وسيلتي وكابي ** كدي مهما أقول في صوابي
النادر عودو نابي ** في أولادو الصابونابي
راجل القويز عبد الله ** نفسو وقرينو ذلّ
بي كاس الطيب علّ ** جاب الأسد في الحله
الشيكيتابي الفي غروبو ** والصليحابي المهيوبو
ود مكي والمجذوبو ** أسقاهم صافو كوبو
فيضك نزل هطّالو ** حسيب ود طه ابطالو
من كاسك السطّالو ** شربو بي طولك طالو
الشيخ مصطفي عركينا ** شوف قسمتو وتمكينا
من الرسول سيركينا ** ياتو البجي يحاكينا
الدايرنا والمابينا ** ثابت فضايلو ابينا
ذو قربى عن نبينا ** كفى نفلو الفي المدينه
قام من طبية منارة ** في اخميم دخل بي اشارة
ذكر القلل بي عبارة ** وعشر تالاف سكارا ** والعلما اندهشو حيارى
اتوجه مصر المعلومه ** وجاتو الخلوق بي علومه
في الأربعين عيزومه ** اتجزأ وفى لزوما
في مصر سوّ بيانو ** واتوجه لي سودانو
جوهو الخلوق بلدانو ** رووا من دنانو وزانو
في ام مرحي دق ساسو ** عم البلد انفاسو
احيا البقع بي كاسو ** جاحد الفضل شن باسو
شيخ النقل في زمانو ** بيعطي المدد لي الآن
والجاهو من عربانو ** حالا سقى القرآنو
جوهو الخلوق من درو ** لا تصمدو ولا فرو
للطيب في مقرو ** اسقاهم صافي درو
محمود لي قومو روّ ** اشرق لي ضحي ضوّ
فوق الأمانة اطوّ ** ابن البسوي وسوّ
الصلاه والسلام ما لاحا ** برق ونسيما فاحا
تلثم ضريح مصباحا ** يجد المكاوي رباحا
| |
|
|
|
|
|
|
|
|
|
Re: الخرطوم خرطومنا (Re: طلحة عبدالله)
|
نوفل وعماد صباح خرطومى جميل ..
يا اخوان الحقونى بى تفاصيل علاقة المحس الخوجلاب والمشيرفاب وعموم محس برى بالعركيين !!
وده كلام فوقو كلام كتير آ ناس ..
هذا فى حال تجاوز عماد عن سلفيته الوافده 
..
طلحه خليك قريب ..
بنحاول نشوف ليك مخارجة ونلمك علينا
احتمال تتطلع بى بنشر فى ميدان ابوجنزير
| |
|
|
|
|
|
|
| |
طلحة عبدالله
محمد البشرى الخضر
محمد عبد الماجد الصايم
Hussein Mallasi
فايزودالقاضي
Emad Mohamed
عمران حسن صالح
ALZOLZATOO
محمد حيدر المشرف
عماد حسين
نوفل عبد الرحيم حسن
Tragie Mustafa
محمد أبوالعزائم أبوالريش
ود الخليفه
فيس بوك
تويتر
انستقرام
يوتيوب
بنتيريست