|
|
|
 Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: وليد محمد المبارك)
|
الأخ محمد
شكرا ليك على طولة البال. ربما أكون قد أسأت التعبير أو لم أكن واضحا بما يكفي... ما أود التأكيد عليه أنني لم أقصد أبدا أن أخص منسوبي الحزب الشيوعي بشيئ... مالك يا محمد عايز تعمل لي زي علي و فاطمة (أبنائي) إذا قلت واحد شاطر التاني ينط يعني أنا ما شاطر؟ (مزحة نخفف بيها شوية). لما أتساءل ليه بعض الشيوعيين بيعملو كدا دا أبدا ما معناه في تقديري إنهم الوحيدين البعملو كدا.
قلت يا محمد:
| Quote: وكذلك الحال مع تساؤلك الاول ( لماذا يسكت الشيوعيون عندما يسقط أعضائهم ... الخ) |
فحسبت أنني أتحامل على الشيوعيين... صدقني لا ألومك في ظنك لو كنت فعلا قد قلت ما أوردته. لكن يبدو أنك تعجلت القراءة يا عزيزي فقد قلت:
| Quote: لماذا يسكت كثير من شيوعيي المنبر عندما يسقط بعض أعضائهم في مثل هذه التصرفات؟ و لماذا يلجأ بعض الشيوعيين لمثل هذه الأساليب؟ |
لم أقرأ كلامك الذي حذفته لكن أشكرك على حذفه على كل حال و إن كنت أثق من خلال قراءتي لك أنه لن يكون شيئا يستحق الحذف و لكنك نظرت له بعين حساسيتك العالية فساءك فحذفته فلك الشكر.
| |
 
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: Elawad)
|
Quote: وأقف بقوه مع حق الاستاذه منال فى انتزاع حقها القانونى ضد الاتهامات التى طالتها فى صفحات هذا المنبر .. وبديهيا أحفظ لوائل طه كامل الحق فى الدفاع عن نفسه ..
|
عزيزي محمد المشرف ..
يبقى عليك هنا ان تدين تستر وائل على محمد ناصر الذي يمنع منال من انتزاع حقها القانوني بحجة ان وائل لا يشي باصحابه.
معليش يا محمد الموضوع اخد شكل الابتزاز للشيوعيين فعلا في كل مداخلة. لكن لعل السبب هو غياب ادانة فعل وائل هذا بغض النظر عن كون محمد ناصر شخص حقيقي او لا.
فلو سلمنا ان ناصر هذا بني ادم حقيقي و لا يعرفه في الكوكب الا وائل فان امتناعه عن الارشاد اليه او التستر عليه يصبح جريمة.
بغير هذا تصبح الادانات كلها عائمة مطاطة.
( هناك موقف كان شاهدا عليه بكري ابوبكر التزم فيه وائل باحضار محمد ناصر لمنال في مكتب بكري .. ثم تنصل في اليوم الاخر )
ـــــــــــــ
بخصوص اصدقاء وائل كمنعم بيجو و اقاربه كزينب و غيرهم فانا افهم ان يدافعو عنه بقوة لأنهم يصدقون كل كلمة يقولها و هذا حق الاقربين.
بخصوص كلام اماني الامين عن نضال وائل فانا لم اكن طالبا بجامعة الخرطوم لكني سمعت عن وائل من طلبة لا شأن لهم بالسياسة عن نضال وائل في الجامعة.
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: د.نجاة محمود)
|
وليد يا فرده ..
قطعا أعنى بعد يوليو 71 .. فما تشيل هم الدبابات يا صديق ..
عزيزي حمور زياده ..
سلامات وكيف الاحوال ..
جيهو لى ادانه مناسبه وحأوقع طوالى ..
كما أسلفت يا عزيزي ..
يغلب ظنى الشخصى أنا البعيد فى البلاد المالحه دى تأكل مفاصلى الرطوبه ونقرات الكى بورد.. أن الامر قريب من مما ذكرته من رفض الوشايه بصديق حسب معطيات متوافره بهذا المنبر الاسفيري وبمقاربه شخصيه للموضوع .. وما كنت لاكتب هذا الرأى الشخصى الا لتبيان ما يقال ومالا يقال .. وللاجابه على هذا السؤال
وهل يرتقى ظنى الشخصى هذا لبناء إدانه وموقف
والتحرك به فى محيط الاسفير ؟!
أعتقد لا ..
ولكن متى ما تأكد ذلك, سأدينه .. وقد أسجل ذلك فى صفحات البورد ..
الجدير بالذكر انى سبق وسجلت إدانتى للحسابات الوهميه فى هذه القضيه فى بوست التهنئه لزميل المنبر وائل طه بمناسبة شطب القضيه والبوست لم يستوى عوده بعد, ويغلب عليه طابع التهنئه من اصدقاء الرجل ..
حاكمت المسأله .. وأدنت
وارجو ما يكونوا زعلانين منى اذ لم اقدم التهنئه ..
كما وأنى أراقب تطورات الاحداث هنا.. تحت القسم الغليظ للاخ علاء صالح واجتهادات الاخ العزيز العوض ..
وقد اقتنع بأن وائل طه = محمد الناصر وأدين من واقع نختلف .. وقد أسجل ادانتى هنا..
والحمدلله يا عزيزي ان لاحظ غيرى محاولات الابتزاز الجاريه على قدم تجيير القضيه والانتهاز ..
الجماعه شبكونى مافى زول جاب سيرة البحر ..
وقاعدين قصادو وقدااامن ..
شكرا يا عزيزي وكل الود ..
الاخ العزيز العوض ..
أعرف تماما كل ما ذكرته .. ويقينى التام أنك لم تعنى تنميطا مؤذيا
وانما كتبت ما كتبت, لاؤلئك العابرين من هنا .. مخافة القراءه الخاطئه
تحياتى للجميع ..
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: د.نجاة محمود)
|
| Quote: سمعت عن وائل من طلبة لا شأن لهم بالسياسة عن نضال وائل في الجامعة. |
حمور سلامات
من سمع ليس كمن رأى
اماني شافت ما قالو ليها..
النضال دا شنو البلا مبادئ ولا قيم دا؟
شنو يعني لو الزول عمل ركن نقاش كل يوم وكسر ليه كم كوز وربما قتل ليه كم كوز؟
وانت لا تتواني في الكذب والتخبيث؟
النضال من اجل الاوطان حاجة ساااااااامية جدا جدا
لا تحتمل ابدا الانحطاط والتفاهة البنتهجها البعض..
وائل لو بقى موندبلا ذات نفسو لا يحق له ولا يشرع له ما حدث
قال نضال قال موش ياهو نضال الجامعة المابمرق من السور وينتهي بمجرد التخرج والعرس والولادة؟
هل دا بخلينا نستر لينا على زول مجرم فقط لانه كان مهرجل كبير في الجامعة
وقعد مليون سنة مهدرا المال العام عشان عزة ومهرها الغالي؟
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: د.نجاة محمود)
|
ازيك يا دكتورة ..
انا ما كذبت أماني .. انا كده سمعت من أماني قالت ما شافت ليو نضال و سمعت من غير أماني قالو شافو ليو نضال.
ففي الحالتين انا سامع.
أماني عليها بالشافتو .. أصلو ما عليها تغير رأيها عشان سمعي او حتى لوسمعت مباشر من زول تاني.
لكن بالنسبةلي انا بين السمعين فالشاف ليو نضال ( محدد بقصصو و حكاويهو بتاعة المشاهدة ) مقدم عندي على الما شاف ربما لظروف.
يعني مثلا أحد الذين يحكون عن وائل طه في الجامعة بيحكو عن ثباتو قدام دخول قوات البوليس الجامعة. شافوهو شوف العين في الشارع في نص الأحداث. هل أماني في اليوم ده كانت هناك ؟ كانت في نفس الشارع مع الناس ديل ؟
يلا قصة انو وائل في الجامعة شنو ده ما موضوع نقاشنا.
دورو في الجامعة انو بيثبت في الاحداث و لما يتقبض بيستحمل التعذيب ده جميل لكن ده ما مكان نقاشو.و في نفس الوكت كمان ما مكان نفيو و غمطو هذا الحق.
نحن بنتكلم عن وائل في سودانيز اون لاين.
انو نجح في امتحان النضال في الجامعة حيث النضال اتحاد و مظاهرات و احداث و ضرب و اضراب و ثبات ما معناها ينجح في امتحان النضال في سودانيز اون لاين.
وسقوطو هنا ما معناها سقوطو هناك.
دي حاجة و دي حاجة.
فأنا بالنسبة لي البيحاول يبرئ وائل هنا عشان هو وائل المناضل في الجامعة بيخلط الكيمان زي البيحاول يجرد وائل من العلمو في الجامعة عشان سقط هنا.
زوجة مانديلا مناضلة لا تقل عنو .. لكنها في استغلال السلطة فشلت و اتهمت بالقتل. مش ؟
ده ما بيلغي رصيدا النضالي .. و لا رصيدا النضالي بيبرئ ساحتا من الجريمة.
فخلونا في محمد ناصر و وائل طه.
محمد ناصر الذي لم يظهر بني آدم في الكوكب حتى اليو يقول انه يعرفه.
و وائل طه الذي يعرف محمد ناصر و لا يدل منال المظلومة (باجماع لا اظن أحد يخالف فيه ) عليه كي تأخذ حقها منه.
اضافة الى ذلك اجتهادات علاء و العوض التحليلية المنطقية هنا.
كل هذا يجعلني أطلب من العزيز المشرف أن يدين وائل على الأقل في تستره على محمد ناصر .. إذا لم يقتنع انه هو محمد ناصر.
و التستر لا اظن احد يختلف عليه .
الان و بعد حصول وائل على براءة المحكمة لعدم كفاية الادلة انه هو محمد ناصر اظن الواجب على كل من سانده و قال انه مظلوم عليه ان يسأله بعد زوال التهديد : من هو محمد ناصر يا وائل و لماذا لم تساعد امرأة طعن في مهنيتها و سمعتها الوظيفية في الوصول الى صديقك الذي لم يره غيرك ؟
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: حمور زيادة)
|
Quote: فخلونا في محمد ناصر و وائل طه.
محمد ناصر الذي لم يظهر بني آدم في الكوكب حتى اليو يقول انه يعرفه.
و وائل طه الذي يعرف محمد ناصر و لا يدل منال المظلومة (باجماع لا اظن أحد يخالف فيه ) عليه كي تأخذ حقها منه.
اضافة الى ذلك اجتهادات علاء و العوض التحليلية المنطقية هنا.
كل هذا يجعلني أطلب من العزيز المشرف أن يدين وائل على الأقل في تستره على محمد ناصر .. إذا لم يقتنع انه هو محمد ناصر.
و التستر لا اظن احد يختلف عليه .
الان و بعد حصول وائل على براءة المحكمة لعدم كفاية الادلة انه هو محمد ناصر اظن الواجب على كل من سانده و قال انه مظلوم عليه ان يسأله بعد زوال التهديد : من هو محمد ناصر يا وائل و لماذا لم تساعد امرأة طعن في مهنيتها و سمعتها الوظيفية في الوصول الى صديقك الذي لم يره غيرك ؟ |
حمور
سلامات
أنت وضعت يدك على لب الموضوع، لكن صدقني برضو الحكاية حتلف وتدور في نفس الدائرة المفرغة، لأنو قصة إنو منال تاخد حقها دي زريعة للبعض لأخد ثاراتهم وقصص أخرى، وفي النهاية كل زول يعمل بوجهة نظروا، أنا بالنسبة لي أؤيد وجهة نظرك دي وأهو نعمل على تكبير كومنا بمتابعة القضية على الأساس الإنت ذكرتوا وفي ناس كتار من المتداخلين موافقين عليهو، وفي النهاية أعتقد إننا حنساهم إما في رد الحق لمنال أو على الأقل نحاول منع الناس العندهم حسابات وهمية إنهم ما يستعملوها للإساءة للناس.
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: Amany Elamin)
|
حمور و الصادق احسبوني معاكم
و على وائل تحمل مسئوليتو الاخلاقية كاملة
النجاة من القانون ما بتنجي من الضمير . . . إن وجد
و يا محمد حيدر الاستفزاز في القضية دي من طرف وائل و من يتشدد لو. و الدليل آلو لو . . . او القلتو انت دا ذاتك !!
شنو يعني بوست تهنئة و الحكم ما ( براءة ) - و يا للهول !!؟ كان تبقى مصيبة رسمي - نقص ادلة ، عدم كفايتا ما بتعني انو مافي دليل !؟ . . و لما اعيدت القضية في مرتا السابقة ، وزعوا بيبسي عدييييييل . . . تصدق ؟
في استفزاز اكتر من كدا ؟ . . . في جهل اكتر من كدا ؟ . . محامي الدفاع ، دفع بعدم اختصاص المحكمة . ما اثبت براءة المتهم ( وائل طه ) !؟
دا عبثية انا غايتو ما بتخش ذمتي بنكلة
هو ذاتو منو دا الراجي انصاف من القانون ؟ القانون اخلاق السلطة الحاكمة ( السائدة ) في أي زمكان - ودي بي جازا في الزمن الغيهب العلينا دا - اخلاق الناس محاكما الضمائر يا امة . . . و هنا الدلائل ، الشواهد و القرائن كافية لمن بي غادي ذاتو !!!
----------
اماني كلامك عاطفي ساي و نظرة غارقة في الذاتية .
عرفناك زعلانة ، لكن كدا انت دي في رقبتك فير ؟
كان تسمعي لنصيحة حمور الموزون و متوازن دا
لا يجرمنكم شنآن قوم الا تعدلوا . . .
العدل يا صديقة . . . ما تبخسي الناس اشياءهم
العدل
و للجميع
بيني و بينك انا كان لاقيت وائل دا كان طقطقتو عديل
و دا رائي السياسي الرسمي 
بعدين ليه ما زعلك إغتيال الشخصية السووهو لي هنا دا
ياخ 20 سوم بلياليها غايب . دخلتي و من أول ما داخلة قبقبوني و عصروني ليك في الزاوية و ليه ما ادنت ليه ما ادنت
و انا طول قعادي هنا شغال اشجب و ادين و العن . . . . . ، مرات مرات بتضامن 
ياخ الخروف لما يجو يضبحوه ، بسقوه موية
علي بالحلال انا ما شهلوني ذاتو !!؟ طوالي تكوني للضبح ( المعنوي ) اسفيرياً !!
دا ابتزاز ساي يا شباب
رأي انا بقولو وكت عاوز اقولو و في المكان العاوز اقولو فيهو و باللغة العاوزا انا دا
متحرر من كل القيود ، بما فيها قواعد اللغة دي إتسلف
إت ما حدثوك و لا شنو ؟ . . . كبير الجمل !!
و كان دايرن رأيي : شغلة ادين و اتضامن دي عوارة ساي من عوارات سودانيز الجن دي " بورد من لا بوردي لهو "
كان دايرني اجاملكم بجي امسح كلامي الفوق دا . . . كان دايرين النصيحة اها اكتووا بجمرها
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: Amany Elamin)
|
Quote: قيقا ,
سيد الحوش قال الاَراء في البورد ده بتعبر عن أصحابها ويوزرنيماتها,
وعليه أنا أماني الأمين الاسمي ظاهر يمين الشاشه دي كتبت رايي في وائل طه محي الدين,
كزوله عاصرتو في الجامعه وعلي سبيل المثال حاضره المشكله (السكه) بتاعة وائل طه (حق) وللا (ج.د) كمثال,,
أرجي الزول الشاف وائل وحكي لحمور المتوازن وموزون مثلا؟ |
يا اماني سيد الحوش يقول اليقولو هوو كيرس !؟
لكن انت لما تقولي و في شأن قدر دا يا اماني الناس بتتوقع كلام موضوعي . . . على الاقل الناس البعرفوك
و لّ شنو يا الركاب ؟
عمر العدالة ما كانت بربرية و سحل . . .
الساقية دي ح تظل مدورة كدا الى يوم يبعثون
و لا عدالة
ما ترجي اي زول يا زولة
ما في زول طلب منك كدا
و كلامي داك اديهو البحر وكت بقى ليك زي ضنب الكــلب . . .
مالك متضايقة ما دا رأيي السيد الحوش - قدس الله سرة - انعم علي باطلاقو ساي هنا دا
مالكم كيف تحكمون ؟
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: قيقراوي)
|
Quote: ماتسميه رفض الوشايه بصديق !
نسميه تستر علي متهم مطلوب قانونيا !
|
الاخت العزيزه أمانى ..
تحيه طيبه ..
اعلم أن رفض الوشايه بصديق من وجهة نظر وائل الافتراضيه بتاعتى
تسمى تستر على متهم مطلوب قانونيا من وجهة نظر قانونيه ..
فالمسأله ليست ما أسميه وحدى وما تسموه جميعكم ..
المساله من أى منظور يتم توصيف الفعل ..
وكنت دقيقا جدا فى هذا
أما عن جوهر الاشاره ..
فهو غير صحيح .. لم اتعمد التقليل من حجم المسأله
تحياتى ..
قيقراوى ..
وهذا البلد المسكون انا ادنت الواقعه ..
كيفك وكيف كيفك يا صاحب !
انشاءالله تمام..
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: عاطف عمر)
|
كامل التضامن مع الأخت منال عوض خوجلي
فمن حقها أن تعرف من هو هذا الكائن الإسفيري - محمد ناصر - الذي وجه لها اتهامات كاذبة،
ثم اختفى
ومن حقها أن تلاحق كل خيط وكل شخص يؤدي إليه
ورغم صدور حكم المحكمة
ورغم أن كل الخطوط تتشابك ضد الأخ وائل طه
لكننا نحسن الظن بالأخ وائل، بسبب غيابه عن المنبر
ونقول له
من واجبك الأخلاقي أن
تتقدم
وتوضح لنا - على الأقل كزملاء منبر - من هو هذا ال
محمد ناصر
وأن تتبرأ من أفعاله تجاه الأخت منال
أو يا أخي:
اعتذر بشجاعة
| |
|
|
|
|
|
|
|
|
 Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: محمد حيدر المشرف)
|
Quote: الاخوات العزيزات منال وماجده ومنى خوجلى ..
سلامات وكيف الاحوال ؟!
احب اولا أن أثبت ادانتى التامه للحسابات المنبريه الوهميه وهى تطال الشرفاء والشريفات
بالاتهامات الكاذبه .. وقد اثبتها فى غير هذا المكان .. وغير ذات مره
وكذلك إدانتى التامه للحسابات المنبريه المجانيه غير الوهميه.. وهى تمارس ذات الفعل ..
وأود ان الفت إنتباهكن لمحاولات الحسابات المنبريه للكيزان وعضويه المؤتمر الوطنى فى هذا المنبر .. وهى تتهافت لتعزيز قضيتكم العادله ..
وأعرف أنكن لستن بحاجه لهذا الغثاء ..
واعرف تماما رفضكن لهذا ..
وأعنى رفضكن المبدئي والاخلاقى لتلقى هذا الدعم الزائف ممن يقف فى صف من قتلوا وعذبوا وسحلوا وسرقوا
الشعب السودانى ..
القضيه قضية حقوق تم الاعتداء عليها ..
حق العزيزه منال فى ان تحفظ نزاهتها وما تتمتع به من معايير اخلاقيه ومهنيه عاليه..
وقد أثبتت حقها قضائيا .. وقبل ذلك أدبيا فى نفوس الناس حولها ..
ولها أن تمشى ما تشاء فى ملاحقة المعتدى ..
مثل هذا الحق لا يعززه القتله ومن والوهم
وزمر السارقين باسم الله ..
سارقى قوت الشعب السودانى وأشباههم..
هو أسمى من ذلك بكثير ..
ويخضع لمعايير اخلاقيه اعلى من ذلك بكثير ..
تحياتى لكن ولصاحب البوست .. |
الاخ الكريم محمد المشرف تحياتى لك
فى الاول عايز ااكد ليك على حاجه فى نظرى انها مهمه جدا وهى انى بعتبرك من ضمن عدد كبير من اخوات واخوان فى الوطن الاسفيرى
ده بكن ليهم كتير جدا من الاحترام والتقدير ... وبرضو فى القليل جدا من بعض المابيستحقو مننا اى احترام وبالتاكيد برضو التقدير
ومن المنطلق ده هيكون كل كلامى ليك ... وعايزه برضو ااكد ليك انو تعاملنا هنا ابدا مابيتم على اساس الانتماء البينتمى ليهو العضو
تعاملنا هنا بيتم بالانسان كقيمة تقدر بمايفعله اويقوم به هنا داخل هذا الحوش (حوش بكرى ) ومابيتعدى الحوش الا من امتدت علاقتنا بيهم خارج اسوار حوشنا ...اما الاخريينماعندنا ولا لينا ولاتهمناابدا خيارتو
بالنسبه لينا على المستوى الشخصى ماعندنا ابدا اى مشكله مع الحزب الشيوعى ولا مع الشيوعين ... بالعكس عندنا علاقات قويه جدا بتربطنا ببعض عضويته كان قرابه من الدرجه الاولى او علاقات اجتماعية وصداقه او ارتباطات عمل عام فى المملكة المتحدة ... نختلف سياسيا فى الرؤى وهو امر طبيعى .. لكننا حافظنا على مابيننا من احترام وتقدير ومااتجاوز الخلاف بيننا الحدود ابدا ... لكن برضو عندنا رائ انه بيوجد فى عضويته من نرى انه غير جدير بالاحترام وفاقد لاى قيم من قيم الاخلاق ... علشان كده طيله فترات الخلاف البدات واتطورت بعد قضية مركز الخرطوم لحقوق الانسان على الاطلاق مااقحمنا الحزب فى الموضوع ده بالرغم من انو كل الاطراف كانت من جهه واحدة لكن احنا قادريين نفرز تمام الكيمان
والسبب ذى ماقلت ليك العضويه المحترمه الاحنا بنتحرمها ... لكن بطيبعه الحال راينا ده مابنقدر نفرضو على اى انسان لانو كل انسان وعندو تجربتو الخاصه البتحدد ليهو منطلقاتو علشان كده بيبقى التقدير هنا مختلف كتير ..
نجى لحته ناس المؤتمر الوطنى والاغتيالات ... الحصل هنا وفى الحوش الكبير ده ومن بعض ادعياء النضال فى نظرى لايقل ابدا عن ماقام بيه المؤتمر الوطنى ... الفرق شنو بين الاغتيال برصاصه وبين الاغتيال بتلفيق الاتهامات واشانه السمعه ووصمك بالمافيك ..ودى كلها تمت لينا هنا فى الحوش ده ... برضو فى ناس محسوبه على المعارضه جات واتفشت وصفت حسابات معانا هنا اتهمنا اننا عديمى الاصل وتم اتهامنا اننا نعبد الدولار وتم اتهامنا اننا على علاقه بجهاز الامن .. اكتر من كده اتهمونا بان قاضينا المفضل هو القاضى مدثر ... لم يتقدم الينا اى من عضوية المؤتمر الوطنى فى المنبر باى نوع من هذا الاتهامات المجانيه وللحقيقة ماحصل انو اى من العضوية المعروفه باانتمائها لاى من التنظيمات السياسيه الموجودة انو حاول يلفق ويدبر ليهو تهمه لاى انسان اخلتف معاهو .. فى رائ ان كل من تداخل هنا فى هذا البوست او الذى سبقه وقال كلمة الحق يستحق منا الاحترام والتقدير على وقوفه مع الحق ضد الباطل ولايحق محاسبه الجميع بماقام به البعض وده كلامك انت برضو مش كده انو الناس ماتاخد الحزب كلو بجريرة البعض .. وان كان فى اختلاف بسيط هنا وهو اننا مابناخد البعض بجريرة افعال حزبهم
صحيح الاتهام شطب الاتهام ضد وائل طه لعدم كفاية الادلة ... لكن ده مابيعنى انو وائل طه ماهو محمد ناصر ...
فى احد مدخلاتك كتبت انو الهاجس الامنى لكثير من النشطاء بيخليهم يلجو الى اسامى حركية ... ممكن اكون مخطئه واحتمال انى اكون على صواب برضو واردة ذى الهنا فى محاوله لتبرير عدم وجود اسم المذكور بين طلاب جامعة الخرطوم وايجاد مخرج فى النقطة دى ..اذا اتفقنا انو فعلا فى بعض الناشطين بيستعملو اسامى حركة للهاجس الامنى مش غريبة انو عمرنا ماسمعنا فى ناشط سياسى ولاى كان نوع النشاط البيخليهو يتخفى خلف اسم وهمى ابدا ... وانو ماحاول يقوم باى نشاط غير ضد النظام انما نشاطه كله كان منحصر فى محاوله تدمير سمعه الاخريين وتلفيق التهم لهم ...
الشى الوحيد الانا متاكده منو تمام انو مافى شخصيه حقيقة اسمها محمدناصر وانا مسئوله من كلامى ده ...محمدناصر شخصيه تم اختراعها لتقوم بدور محدد لها ومنال شاء الحظ ان تكون الاولى على اللسته ...
ولك منى كامل التقدير تسلم يارب ...
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: ماجدة عوض خوجلى)
|
الأخت ماجدة عوض خوجلى
| Quote: علشان كده طيله فترات الخلاف البدات واتطورت بعد قضية مركز الخرطوم لحقوق الانسان على الاطلاق مااقحمنا الحزب فى الموضوع ده بالرغم من انو كل الاطراف كانت من جهه واحدة لكن احنا قادريين نفرز تمام الكيمان |
كنت قد فتحت بوستاً بخصوص المنظمة السودانية لضحايا التعذيب لكن الهكر الله لا غزا فيهو بركة ما خلاني اكملوا وحقيقة الواحد ما كان عندوا الوكت عشان يكتب ويجي يعيد الكتبوا على العموم دة الرابط
المنظمة السودانية لمناهضة التعذيب: الحساب ولد
وانشاء الله في الأيام الجاية حا أحاول تاني أفتحوا لأنو موضوع مهم، لكن الأهم انو مافي حزب عندو علاقة بالبحصل هنا، عشان كدي أرجو انكم تركزوا في قضيتكم الأساسية، ومن البوست المعني كنت كتبت
| Quote: كما أننا لن نتهم أحدا بالفساد وقد قلنا سابقا أن أغبى فاسد يمكن أن لا تطاله المحاكمة الجنائية، ولكن نحن نعلم أن للعدالة أوجه أخرى، |
ومع تقديري لكل الاجتهادات من الأخوة المتداخلين ولكني أرى أن كلام ود الصايم هو النجيضة أو كما قال
| |
|
|
|
|
|
|
|
|
 Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: بشرى محمد حامد الفكي)
|
| Quote: ومع تقديري لكل الاجتهادات من الأخوة المتداخلين ولكني أرى أن كلام ود الصايم هو النجيضة أو كما قال |
الاخ بشرى الفكى تحياتى
رايت وتابعت هذا البوست واتمنى ان تعيدالكتابه فيه من جديد ...
عندى قناعه تامة ويقين بان العدل له اوجه اخرى كما قلت .. لكل ظالم نهاية بالتاكيد لن تكون فى صالحه والحقيقة مهما تاخر
ظهورها لابد من ظهورها يوما .. من صفات الرحمن سبحانه وتعالى العدل وباذنه تعالى سوف ينصر منال لانها صاحبه حق وتم ظلمها...
تاكد ان الحقيقة قد قاربت على الظهور وباذن الله الايام القليلة الجايه كل شى بيتضح وبتتحل كتير من الالغاز ..
والنجيضه الذى حقت ودالصايم .. البعمل كده لابيجى ولابيعرف يتحمل نتائج عملو اساسا هو لو كان او كانو من البشيلو الشيله وعندهم المقدرة دى ماكان او كانو بيدسو ورا شبح ا
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: وليد محمد المبارك)
|
كتب امجد ابراهيم عن نــــوائلــــــــــاسر
Quote:
الطالب وائل طه كان غواصة للجبهة الديمقراطية في تنظيم (حق) في نهاية التسعينات، و قد افتضح امره بعد أن تابعه اعضاء حق متابعة لصيقة، بعدها استقال في ركن جماهيري من حركة (حق) اكال فيه السباب و الشتم لحركة (حق) التي كان لوقت طويل عضوا فيها.
الجبهة الديمقراطية حينها و استباقا للحادث نشرت فصل للطالب وائل طه بأثر رجعي كي لا تتهم بتغويص عضويتها في تنظيم آخر.
اليوم الطالب وائل طه يأتي في هذا البورد متدثرا برداء الوقار و البحث عن الحقيقة و تاريخه يدل على دور بائس في الحركة الطلابية دور خيانه و تجسس ضد الزملاء في نفس التنظيم، شهادة الطالب وائل طه في مكان آخر من هذا البورد حول ما جرى داخل اتحاد جامعة الخرطوم شهادة مليئة بالثقوب و انصاف الحقائق.. و كما قال احد اعضاء هذا البورد يوما هل نرجو للقمح عدالة من محكمة كل قضاتها من الدجاج، للاسف انقاد الكثيرين لبوست وائل طه المغرض و كأنه رسول الحقيقة و مسيحها الذي لا يأتيه الباطل من ورائه و لا من خلفه،[/B |
]
Quote:
افادة الاخ الهادي ناصر
كان سلوك الاخ وائل طه مريبا لعضوية حق و عندما تكاثفت الشكوك على سلوكه تابعه بعض اعضاء حق متابعة لصيقة لعدة ايام و ضبط و هو يرمي بيانات لحق كان يفترض ان يوزعها في شارع النيل و قد حوصر ابان ذلك و اعترف بمسألة انتمائه للجبهة الديمقراطية حينها و بعد ذلك قدم استقالة علنية من حركة (حق) في ركن نقاش، قامت الجبهة الديمقراطية بعيد استقالة وائل طه من حق ابانها و لابعاد تهمة التغويص عنها بنشر فصل لوائل طه بتاريخ قديم استباقا لاي مساءلات قد تطالها في هذا الموضوع. |
Quote:
الواقع اننا يجب ان لا نكون شعبا ذاكرته في اذنه يسمع فقط آخر ما قيل، و علاقة الاخ وائل طه بحركة (حق) علاقة فيها الكثير من المؤامرات و هذا يقدح في افاداته كلها، لانه ببساطة رجل غير مشهود له بالامانة لا في الممارسة الديمقراطية و لا في التعامل الانساني، رجل ديدنه الغدر و التجسس و وضع العراقيل يجب ان لا يصنع منه الناس هنا بطلا اسفيريا دون الرجوع الى ماضيه الواضح، |
Quote: المهم في هذا الامر اننا يجب ان نتأكد من التواريخ النضالية المزعومة للكل، و لقد صور البعض في هذا البورد الطالب وائل طه كبطل اسطوري كأخيل الذي فتح طروادة، و بأنه رجل موثوق الكلمة عف اليد و اللسان و هذا راح في شربة مية لان الرجل ابعد من ذلك بالاف الفراسخ انا جاز لنا استخدام تعبير رواية جويلس فيرن الرائعة (عشرون الف فرسخ تحت البحر).
هذا بالطبع جزء يسير من كثير اذا اخذنا افادة الكثيرين هنا من واقعة الاعتداء الجسدي للاخ وائل طه لعضو قيادي في اتحاد جامعة الخرطوم و هي سابقة في العنف تكفي لفصل وائل طه من الاتحاد أو ايقافه على اقل تقدير، لكن كل ذلك لم يحدث، و يأتينا وائل طه هنا مبرأ من كل تلك الشرور، كي يحدثنا عن الاستقامة و العدل و الحكم بالقسطاس.
أعود بعد قليل لمواصلة الردود |
شكرا ايزابيلا على هذا البوست
هل كان وائل طه يوما ما عضوا في حركة (حق)؟ و هل لا زال ...لجبهة الديمقراطية!!!
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: عبدالوهاب علي الحاج)
|
الامتناع عن ابداء راى او تسجيل ادانة لما تعرضت له الاستاذة منال امر مؤسف ومؤلم بقدر ما فعله محمد ناصر او وائل
طه الذى تلاشت الشكوك شئيا فشيئا حول احتمالات براءته من انتحال شخصية محمد ناصر بعد افادات اعضاء حق وادلة
الاخوين علاء الدين والعوض وكذلك ضعف حيلة وحجج المهنئين لوائل والتى لم تتجاوز (زينة الشباب والمناضل الشرس و
.... الخ) ويقينا مثل هذه المؤازرات الخجولة ضررها اكثر من نفعها وكان خيرا لهم ولصديقهم التزام الصمت وعدم
فتح هذا الباب الذى جلب لهم ريحا قوية اضرت كثيرا بمصداقية كثير من الاقلام هنا كنا نحسب انها لا تتزحزح عن مبادئها
بحجج الانتماء الحزبى او الصداقة او القربى. ويمكننى هنا استعارة موقف امريكا العقلانى فى معظم القضايا ما عدا
اى شى يتعلق باسرائيل اذ تاتى افعالها وتصريحاتها فى منتهى الطيش والصبيانية وضعف الحجة
للفيفا قانون مجحف يتمثل فى معاقبة الفريق بالغرامة وفقدان نقاط المباراة اذا اثار مشجعوه شغبا كما حدث من مشجعى
صربيا ضد ايطاليا التى نالت نقاط المباراة وان تم النظر لهذا الامر من وجهة نظر القضاء فانه لن يستطيع ادانة
ال 11 لاعب او ادارة الفريق ولكن الفيفا ترى ان المشجعين جزء من الفريق
نتمنى ان نرى اجحافا مثل هذا يطبق على هذه القضية
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: عبدالوهاب علي الحاج)
|
عزيزتى ماجده ..
تحياتى واحترامى ..
كرهت نفسي الدخول هنا بعيدا عن طوفان المشاعر الحقيقيه والجميله التى أحاطكم بها اغلب العابرون هنا وهناك .. وكنت أعى وقوعى عرضة لسوء الظن وانماط التناول المتحفزة والنهمه جدا لاشباع رغبة كتابة الحقيقه المطلقه ..
وفى الخاطر تفاصيل ودوده جدا نحوكن .. منى ومنال وانعام وانعام وسمؤال ووهبه و .. وتلك اللقاءات العابره .. الا أن الاناقه الانسانيه لا تحتاج لكثير عناء لتدرك ..
دوما ما أذكر حديث كلام كمال على الزين أن ( منى خوجلى , بتتحبا )
بهذه الخلفيه, واليقين بحسن ادراككن والاصدقاء لدافعى الواضح والذى ساءنى جدا .. وهو اتخاذ هذه القضيه منصه للهجوم على الحزب الشيوعى السودانى ..
والحزب ليس مقدسا ليكون بمنأئ عن التناول .. وعضويته فيها من ذكرت وذكرت .. يقينى التام أنهم وكمجتمع انسانى سودانى فيه الكثير من الجمال الانسانى .. داخل وخارج اسوار هذا الموقع الالكترونى
ولكنهم غير مبراون من العيوب .. والخطأ الانسانى وارد .. والقبح الانسانى وارد .. تحديدا فى تفاصيل العمل العام, وفى مجابدات هذا الاسفير ..
ليدان وائل طه إن أخطأ.. وبقدر ما يستحق, وفى حدود ما ارتكب .. وأرفض - فى تقديري - ان تنصب له المشانق .. وأرفض الاغتيال المعنوي .. وأرفض مصادرة تأريخه فى العمل العام إن كان له مثل ذلك..
أرفض كل ذلك وأعلم أنه النمط الممارس هنا.. وأعلم أن ذا هو جلبت يداه .. وهو حصاد ما زرع .. ولكنى أعلم ايضا أن القسوه الانسانيه لا حدود لها .. والضغينه لا تنسي .. وشهوة السكاكين لاتمام عمليه الذبح المعلنه لن تنتهى ..
وذا شأنه .. شأنى أنا كتبته فى وضوح .. بدأته منفعلا بعض الشي, وكتر خير الصادق ووليد والعوض فى لجم انفعالى ..أعتذر لهم جميعا.. ويكفينى تمييزك للاشياء وأختلف فى بعض تفاصيل ما ذكرت .. ويكفينى أيضا وصول ما اريد لمن يريد .. وان ليس على الا واجب الاشاره للانتهاز السخيف الممارس هنا وهناك .. وقد فعلت .
نقطه أخيره يا عزيزتى ..
أنا لم أسعى ابدا لايجاد مخارجات من اى نوع لوائل .. كتبت إفتراضاتى التى أراها .. فإن كان فيها مخارجات ما فلتكون .. ولكنى لم أسعى اليها ولم تكن هدفا الهث وراءه..
تحياتى وكل الود
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: احمد التجانى احمد)
|
Quote: بشرى ولا تزعل يا حبيبنا
نعيد الصياغة لتصبح
او كما اقتبس بشرى
للعدالة اوجه اخرى |
يعني يا وليد نضارتك السوداء خلتك تقرأ ملاحظتي على أساس الحقوق الأدبية وكدة
والأنا عايز أقولو انو المعادلة
الكيزان يساوي الشيوعيين
أو الكيزان يساوي المعارضة
ما صحيحة على الاطلاق
عشان كدة اي نتايج توصل من الفرضية دي ما سليمة وقلت ليك دة قبيل فوق وانت فطيتو
وانا قاصد نتيجة اخير لينا الكيزان دي
أوضح أكتر
أنا أدنت موقف وائل حتى ولو لم يكن هو محمد ناصر
ومن قبل وقفت موقف حول منظمة ضحايا التعذيب
وموضوع سرقة تروتسكي
لكن يا سيدي ما بقبل حشر المعارضة والحزب الشيوعي في اي سخف بتعمل في سودانيز اونلاين دي
الما معروف البوستات بتتفتح فيها كيف
وسوقها بيحر كيف
ومنو صاحب منو فيها
والكتب دة شخصية حقيقية ولا وهمية
بقيف هنا عشان ابلع حبوب الضغط
وتشكر على حفظ حقي الأدبي
ولك التحية والاجلال
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: بشرى محمد حامد الفكي)
|
تحياتى دكتورة أيزابيلا
Quote: انا لم اتحدث عن تشويه محمد ناصر للمناضل الحقيقي احمد شاكر ووصفه له بك ل ب الامن فى اطار قصته المفبركة عن والده المعتقل
فلهذه القصة تقاطعات مع بعض مما قلته فى الاعلى
ودي لكم جميعا |
ودى اقوال الشبح محمدناصر بهذا الخصوص
| Quote: 3 على علاقة إجتماعية بمدينتي حلفا وكسلا ، حيث كنت إزور والدي السجين بسجن حلفا – أيام شدة التسعنيات – ومن خلال ذهاب الأسرة بين سجن حلفا ومكتب الأمن وتعرفت علىبعض كلاب الأمن هناك من بينهم شاب يدعى (احمد ). |
| Quote: 4 ماأن دخلت الجامعه ، فتفاجات باشخص (الأمنجي ) الذى كنت أراه فى مكتب مدينة حلفا ووجدته امامي بالجامعة وطالبأ بكلية العلوم ، ويدعي ( احمد شاكر ). |
| Quote: 5 بعد سنه من تخرجه وتخرجي تفاجات بالشاب ( قيادى( فى حق )!!! |
| Quote: 6 ياجماعه الأمنجي ده بعرفه كويس وهو بيعرفنى تمام ؟ لكني مصدوم حتى الان ... |
| Quote: 7 أعتقد أن لامصلحه لي في (مهاجمة الغير ) وأني صادق فيما كتبت ومتاكد جدا. |
| Quote: 8 بالمناسبه تقدمت أسرتنا بشكوى للمجتمع الدولي فى حادثة تعذيب والدى وهى بطرف مكتب الاستاذ غازي سيلمان منذ (2000م) وبالشكوى تضمن المكتوب أسماء الأمنجية ( من بينهم ###### الأمن أحمد شاكر ) |
فى معلومه مهمة جدا بخصوص الفقرة 8 من اقوال الشبح بخصوص الشكوى التى قال ان اسرته تقدمت بها للمجتمع الدولى كان من ضمن الشهود الذين استمعت المحكمة لشهادتهم الاستاذ غازى سيلمان والذى ادعى الشبح ان الشكوى التى تخص تعذيب والده موجودة بمكتب الاستاذ غازى فنفى الاستاذ غازى نفيا قاطعا وجود هذة الشكوى كما نفى معرفته اوعلمه بوجود احد يدعى محمدناصر او اسرته ...
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: Amany Elamin)
|
سلام علي الجميع
لم اعد لهذا البوست لكتابة ادانة جديدة للاخ وائل طه ( يستحقها ) , فموقفي كان واضحا منذ ان كتبت البوست الاول الذي سالت فيه اخونا بكري عن الشبح محمد ناصر , وقد اعتبرني بعض الاصدقاء
متعسفا لانني انطلقت من فرضية وحيدة وهي : ان وائل طه مدان من وجهة نظري وقلت تحديدا اذا كان محمد ناصر هو وائل فهو مدان وان لم يكن فهو مدان ايضا بتسترة عليه .
الان اود الحديث عن محامي وائل الاستاذ كمال الجزولي محامي الحريات .... الرجل الذي قيل انفق وقتا عزيزا في الدفاع عن المظلومين ( حتي لو كانوا من معسكر السلطة التي اعتقلتة وعذبتة ) .
سؤالي لاصدقاء الاستاذ كمال الجزولي هو : ماالذي اقنعه ان هنالك شخصية حقيقية اسمها محمد ناصر ؟ لقد اعتمد الاستاذ كمال الجزولي علي ضعف التحري وعدم اهتمام القاضي بالقضية ليحصل
علي براءة (غير مقنعة لموكله ) .
كل الشواهد بتقول ان محمد ناصر شخصية وهمية استخدمها البعض لتصفية حسابات شخصية مع اخرين , وواضح ان كمال الجزولي كان خط دفاعة الاوحد هو وجود محمد ناصر بشحمو ولحمو ,
لذلك يجب علي الاستاذ كمال الجزولي ان يحاول اقناع قراء البورد بما اقتنع به ليسلب الاستاذة منال حقها في الدفاع عن نفسها , وبعدها ممكن نسمع عن بطولات وائل طه وعن انتظار المناضلين له
لتخليصهم من شرور اهل الانقاذ ( طبعا كل اعداء محمد ناصر نهمتهم الوحيدة هي التعامل بصورة ما مع اجهزة السلطة ).
قد اجد العذر لوائل في حمايتة للشبح محمد ناصر لانه ممكن ان يكون كما قال البعض رفض الوشاية به لانه حسب تصورة ان هذا فعل غير كريم , ولكن لاعذر لمحامي الحريات كمال الجزولي وهو يتستر
علي مجرم وزع اتهاماتة علي شرفاء ليس لهم ذنبا سوي خلافه السياسي معهم . لذلك اطلب من كل معارف كمال الجزولي بالبورد ان يسالوه نيابة عنا حتي نقتنع ببراءة وائل مثله ولنعتذر له عن مااصابه منا ,
وقد نناشد الاستاذة منال نفسها بضرورة الاعتذار لوائل .
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: السمؤال بدرالدين)
|
Quote: 23-03-2008, 11:37 ص
طلال عفيفي
.
تاريخ التسجيل: 20-06-2004
مجموع المشاركات: 3179
Re: الأمن السوداني يعتقل أثيوبي ، موظفة سودانية بالأمم المتحدة تتسبب في ذلك (Re: saif massad ali)
منذ مشكلة إعتصام الاثيوبيين أمام مفوضية اللاجئين ،
وإطلاعي المباشر على طريقة سير الأمور بهذا المبنى
ومكاتبه ، فقدت أي إحترام للمفوضية ؛
إنهم يتعاملون مع الناس بشكل غير مهني وغير أخلاقي . |
دى كانت مداخله طلال عفيفى فى بوست محمد ناصر وكانت ثالث مداخله فيهو وراجعه ليكم لتوضيح سبب وضعها فى هذا البوست
البوست اتفتح الساعة 11 وتمنطاشر دقيقة والمداخله التالته كانت فى الساعه 11 و22وعشرين دقيقة ...
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: أيزابيلا)
|
Quote: الموضوع الوحيد الشايفو انا دا ما اجمع عليه الناس الجادين هنا و هو معادلة - يعني ضمن تخصصي الدقيق - و هو المعادلة :
وائل طه = محمد ناصر
اي خرمجة برة الدارة دي - و بلا منهج ( علمي ) واضح - ما عندي ليها زمن و لا خلق و الله
و انت عارفة انو نحنا العلماء ديل ما بندور لخبتة الاختساسات !؟
|
انتحال حساب وهمي لتصفية حسابات وانتحال شعار سياسي لتصفية الحسابات برضو
الاتنين ديل بخشو فى نفس الكاتيقوري الاخلاقي يا قيقا ياصاحبنا
والتراتبية دي لو ما ارتقت قدام القانون الى مرتبة السابقة
فهي ليست اقل من سابقة امام فطنة القاريء - غير المؤدلج-
ـــــــــــــــ
فك معادلتك دي لعواملا الاولية يا باشمهندس
وخلينا نشوفك فى راس السنة فى الخرطوم
طالباكم شاي حسب اخر لقاء :)
__
لسة يا قيقراوي بتخش معارك خاسرة :)
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: أيزابيلا)
|
Quote: فك معادلتك دي لعواملا الاولية يا باشمهندس
وخلينا نشوفك فى راس السنة فى الخرطوم
طالباكم شاي حسب اخر لقاء
__
لسة يا قيقراوي بتخش معارك خاسرة |
و انت لسة بتطلعي باستناجات سائية ؟
يا دكتورة قلنا ليك دا تخصص نادر ياخ !؟
ما بتذكر اني عمدتك . . . تكوني اخدتيهو من الترابي ؟
بعدين ياخ ( مهندس ) دي بقت هنا نبزة رسمي بعد ( بوحرامي قيت )
العملو وائل طه مدان مدان - و اقصد الكيس اصتدي - بتاعنا هنا دا .
Quote: انتحال حساب وهمي لتصفية حسابات وانتحال شعار سياسي لتصفية الحسابات برضو
الاتنين ديل بخشو فى نفس الكاتيقوري الاخلاقي يا قيقا ياصاحبنا |
اما اقحامك لموضوع السياسي و قسرك النتائج فدا من عملك وحدك لا شريك لك فيه
سؤال في التنك . . . في تنك دكتورة بيان الفل دا ابو 100% :
طيب استغلالك انت دي للمناسبة و تصفية حسابات سياسية ممكن اصنفو في نفس الكاتيقوري ؟
لو جاوبتي صاح تاخدي التعميد بتاعي " عالم رياضيات سياسية عاليا و دقيقة + الدكتورة المحترمة الجملية . . . المافي شنو !؟
----------------
سلامات يا شذى و مشتاقين و الله
و سنتنا الكالحة دي الله اعلم يكون ليها راس و لا قعر ذاتو !؟
خليها على الله بس
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: امير مصطفى احمد)
|
| Quote: فى معلومه مهمة جدا بخصوص الفقرة 8 من اقوال الشبح بخصوص الشكوى التى قال ان اسرته تقدمت بها للمجتمع الدولى كان من ضمن الشهود الذين استمعت المحكمة لشهادتهم الاستاذ غازى سيلمان والذى ادعى الشبح ان الشكوى التى تخص تعذيب والده موجودة بمكتب الاستاذ غازى فنفى الاستاذ غازى نفيا قاطعا وجود هذة الشكوى كما نفى معرفته اوعلمه بوجود احد يدعى محمدناصر او اسرته ... |
الاخت ماجدة سلام
هل تم سؤال الاستاذ غازي سليمان اذا كانت هنالك شكوي بنفس الحيثيات باسم اسرة وائل طه؟
| |
|
|
|
|
|
|
|
|
 Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: saif massad ali)
|
Quote: 26-03-2008, 01:32 م
saif massad ali
.
تاريخ التسجيل: 10-08-2004
مجموع المشاركات: 9542
Re: ليس دفاعاً عن منال (Re: Nabeil Adeeb)
الاخ المحامي العظيم والكاتب والصحفي المخضرم نبيل
ودمساعد ملم بالقانون جيد وافكر في كل كلمة اقولها
حسب رؤاية الاخوةمن حقوق الانسان ان منال سلمت الرجل للامن
لاناس الامن يقدر ينكرو ولايقدر يثبتو ذلك لانهم فاقدين المصداقية
مافي الامر هنالك جريمة حدثت وشوهدت منال بعربة الامم المتحدة امام دار
الرجل
ولو تصرفت منال بحكمة واتصلت بمحامي اخر لكان خيرا
اما العزيزة مني اقول لها انا لست مسترزق بعملي في مجال حقوق الانسان
بل ادفع من مال الخاص
وقلت الحق امام اكبر الشخصيات السودانية ولااخاف عند قول الحق
26-03-2008, 01:49 م
saif massad ali
.
تاريخ التسجيل: 10-08-2004
مجموع المشاركات: 9542
Re: ليس دفاعاً عن منال (Re: Muna Khugali)
اشكر لك الوفاء
ايها المحامي المخضرم
ولكن الجقلبة شنو
سوف اوافيك بالقول الفصل من منظمة حقوق الانسان الاثيوبية |
سيف مساعد ده مش كلامك انت
وين القول الفصل الوعدت بيهو قبل اكتر من سنتين ابقى قدر كلامك وجيبو
ماتفتكر الموضوع انتهى ابدا الموضوع بدا يادوب وحقنا الا رب العالمين ياخد امانتو ...
خلينا من الكلمتين الانت حافظم وتردد فيهم ديل ...
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: saif massad ali)
|
Quote: ماجدة
قولي بسم الله
انتي يا اختي سيف مساعد ده لو كان في السودان كان قلتي ياهو محمد ناصر بي ذاتو
طبعا اشانةالسمعة فشلتو فيها |
سيف مساعد انت التقول بسم الله
بتلف وتدور ليه ده مش كلامك الفوق وختيتو ليك انت التزمت وقلت كلام محدد تمشى تنفذ كلامك
وتجيب كلام المنظمة الاثيوبيه الانت قلت ماشى تجيبو ده
بعدين اساسا انت الزاكى الموضوع احنا واحد فينا شغال بيك مافى شوف انت كم مرة دخلت وكلمه واحدة مفيدة قلتها مافى
وبعدين كدى سؤال انت بتقرى وبتفهم البتقراه كويس قبل ماتكتب ولابس الناس كتبت انا لازم اعبر كمان ...
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: امير مصطفى احمد)
|
بعد الاحداث الكثيرة التى حدثت واستباح البعض هنا دمنا فكل اتهام طال منال طالنا فمن تولو تربيتها وتنشئتهاهم انفسهم
من تولو تربيتنا ... وصلت الى حد التشكيك فى اصلنا واطلق كل ماله غبينه وحقد عنان سبابه لنا ولم ينج منهم حتى من طلبو منهم التروى لمعرفه الحقيقة قبل التسرع باطلاق التهم من سبابهم .. ووصفهم بماليس فيهم
فى محادثه هاتفية بين الاستاذ نبيل اديب المحامى و طلال عفيفى ,,, والذى كان الاخير حينها متواجدا فى مركز الخرطوم لحقوق الانسان كما ذكر هو بنفسه للاستاذ نبيل ...
فقال ياطلال انت قلت عايز تعرف حقيقة ماحدث للاجئ عندى ليك اقتراح شيل الكميرا بتاعتك وامشى منزل اللاجئ وانت بتعرف مكانو وقابل زوجتو واسال واعرف منها الحصل وهى بتقول ليك الحصل كلو لزوجها ... وتعال بعد كده اكتب كل القالتو ليك ووضح الحقيقة للجميع ..
بعدها وبعد اقل من خمس دقائق من انتهاء المحادثه كتب محمدناصر مداخله فحواها انه تتم الان محاولات من جهه الموظفه المذكورة للصغط على زوجة اللاجئ لتقديم افادة غير حقيقة حتى تنشر هنا
جايكم تانى ...
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: ماجدة عوض خوجلى)
|
سلام عليكم يا قوم
والكركبة بجاي ليها ضل وامرها مدور بخيط رفيع يجب ان يفصل ما بين (الجريمة وقضية الراي العام)..
وان ذهب الامر بتاع محمد ناصر-وائل -منال الي قضية راي عام واستقطابات واستقطابات مضادة فان عشرين سنة ونيف ما بوقفن الموضوع ده لانو كلا سياتي من منصة نظرته واجتدته ومعسكره كون القضية في جزئية من جزئياتها تهابش تنظيمات سياسية وصراعات اسفيرية ودشمنات مقيمة في هذا المنبر ...
ولكن ان ذهب الامر الي خانة جريمة ومحكمة كما في المسار الذي وصل الي ما وصل فان في راي وبعد ظهور مقاربات لا يمكن اهمالها تقارب استايل ولغة ونمط كتابات وائل ومحمد ناصر فان الحل لا يزال في قاعة المحكمة والفحص الدقيق والصبور للجريمة واصدار حكم مبني علي وقائع وادلة ثابتة لاترتقي الي درجة الشك...فهذا الباب اعتقد بان لايزال مفتوح ويمكنه ان ينصر منال او يبرئي وائل اويلقي القبض علي محمد ناصر ان وجدت له احداثيات تكوين في هذا الكون..
فالجريمة وتفكيكها هي علما يدرس وصارت ادوات ومدارس هذا الامر متطورة وهي ليسسست عييييييك وعاااااك
وسنتابع
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: وليد محمد المبارك)
|
Quote: انت زعلت يا قيقا ؟
خليك واسع ما تضايق ياخ |
اتضايق من شنو ؟
هو المفروض يزعل انا و لّ انت !؟
و الله انا كنت خايفك انت التضايق !!
غايتو انت ما فاهمني ، و انا قطع شك ما فهمتك كان انت فاهم انو كلامك مفروض يضايقني !؟
لأني لا زعلان لا متضايق
--------
كويس انها جات منك . . . كوتناها غايتو . . . الظروف ما معروفة
بعدين واسع بالوا ؟ . . . من الوساع الجمب كوستي ديك و لّ كيف ؟
يا زول علي بالحلال ما زعلان
انا يا قريبك مكبر الـ G و مروق الـ D كاكي لي الصباح و بيض ذاتو . . . المافي شنو ؟
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: قيقراوي)
|
نرجع لموضوعنا الأصلي، وهو قصة إنتحال إسم إسفيري وإستعماله لإساءة عضوة في هذا المنبر، وبعبارات قيقا
وائل طه = محمد ناصر
طبعاً من حق أي شخص أن يكتب ما يشاء، ومن حق المهندسين أن يلحقو البوست (أمات بوكرامي)، ولن يستطيع أحد أن يحجر على أحد فيما يكتبه، فالذي يريد أن يصفي حساباته السياسية فسوف يفع.
سنتابع هنا مع إصرار كامل أن القضية هي موضوع إنتحال وائل لإسم محمد ناصر حسب وجهة نظرنا والذي لن نتازل عنه لحين ورود أدلة واضحة تفند ما ذهبنا إليه من وجهة نظر، وحينها نتحمل مسؤولية قراءتنا الخاطئة وما يترتب عليها من تداعيات مهما كانت.
ما تناسل من هذا القضية من تفريعات، على سبيل المثال لا الحصر (كمال الجزولي، حق، الحزب الشيوعي)، لا تهمنى هنا في هذا البوست تحديداً وليس عندي مانع أن أتداخل فيها إذا فُتِح لها بوست منفصل لكن هنا سوف أصر على مناقشة الإساءة التى تمت من قِبل محمد ناصر للأخت منال دون ربطها بإنتماء الإثنين السياسي ما لم يثبت لي أن لهذا الإنتماء دخل مباشر فيما حدث.
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: amir jabir)
|
| Quote: هنا الموضوع بسيط ومافيه ابواب مواربة , زكيت زول وقلت بعرفه قدام الناس , طيب جيبو |
ليس هذا فحسب يا ود البشرى بل أصريت على وجوده و على أنه شخصية حقيقية بعد كل ما حصل.
Quote: معركة بالوكالة الكيزان ضد الشيوعية
مناصري المنظمات والمقاتلين ضدها
عصاية شوك القضية كل يطعن بها الاخر |
والله يا سيف مساعد ما تتصور شكلك كيف و أنت لا هم لك غير تصفية حساباتك في البوست دا.
Quote: سلامات يا اخت ماجدة
هل نفهم من كلامك اعلاه أن عضو المنبر طلال عفيفي مشترك في المؤامرة التي حيكت ضد الاخت منال ؟؟ |
الأخ د. سيف ألا تتفق معي أنه ليس من العدل أن نطلب من الأخت ماجدة أن تحدد لنا ما نفهمه من الوقائع التي أوردتها؟
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: محمد البشرى الخضر)
|
Quote: و يا كيكي كلام المحاكم هناك في المحاكم حيث عدم كفاية الأدلة و ما شابه من حيل قانونية و تأجيل و تسويف و بلا بلا بلا
هنا الموضوع بسيط ومافيه ابواب مواربة , زكيت زول وقلت بعرفه قدام الناس , طيب جيبو
عجزت عن ذلك أو عن اثبات وجودو اصلا فمن الطبيعي أن تكون محل شك بل يقين أنك اختلقت شخصيته
ممكن يكون ما وائل فقط الاستخدم الحساب و كتب في موضوع اللاجئ لكن يبقى هو المسؤول عنه ما دام زكاه
شفت الموضوع بسيط كيف ؟ ومعاييره اخلاقية في المقام الأول قبل ما تكون قانونية |
هلا ياعمك
وبالتاكيد كلام المحكمة هناك في المحكمة واهمية المحكمة في هذه القضية هي انها قادرة علي القول الفصل وازاحة الستار عن هذه الجريمة عبر سكك مهنية وبتطلع الجاني... ده طبعا لو وجدت المحكمة او التحقيق في الجريمة حقها من الاجتهاد والصبر والمنهجية وشالت معاها كل النقاط المصاحبة لهذا الموضوع بما فيها الاي بي واستايل الكتابة ووقائع الاحوال وقرائنها... والباب ده ياعمك لسع مفتوح وبعد الحكم في استئناف وغيره من نقة اهل القانون....!!!
هنا طبعا بالتاكيد وبمقاييس الالتزام الاخلاقي هنالك نقاط عديدة وائل طه ملزم بان يرد عليها او يوضحها
لهذا المنبر كونها مربوطة به ولكن الالتزام الاخلاقي ده ياعمك هو زااااتو في روحو فيهو (نسبية) وممكن يطلع بحمد ويخش بخوجلي ودوافع عديدة قد تميع قضيته حسب تقدير الانسان الذي وجد نفس امام هذا الالتزام.. وده بالاضافة الي الكركبات ودريبات القضايا الذي دي والتي ممكن تخش في اجندة واولويات وتاخد ليها جالون جالونين من واقع المنبر الملان بالمطبات والكركبات التي هي قادرة علي احداث منطق يمكنه تذويب القضية ....
فعشان كده ياعمك انا اتكلمت عن المحكمة (كجيك بوينت) وحتة لو لقيت شغل نضيف ممكن تنهي هذا الملف بصورؤة لا ثتير نقاشات مثلما اثارته الان...
| |
|
|
|
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: عبدالكريم الامين احمد)
|
Quote: هنا طبعا بالتاكيد وبمقاييس الالتزام الاخلاقي هنالك نقاط عديدة وائل طه ملزم بان يرد عليها او يوضحها
لهذا المنبر كونها مربوطة به ولكن الالتزام الاخلاقي ده ياعمك هو زااااتو في روحو فيهو (نسبية) وممكن يطلع بحمد ويخش بخوجلي ودوافع عديدة قد تميع قضيته حسب تقدير الانسان الذي وجد نفس امام هذا الالتزام.. وده بالاضافة الي الكركبات ودريبات القضايا الذي دي والتي ممكن تخش في اجندة واولويات وتاخد ليها جالون جالونين من واقع المنبر الملان بالمطبات والكركبات التي هي قادرة علي احداث منطق يمكنه تذويب القضية ....
|
كيكي التفكيكي
طيب دا الموضوع يا كيكي والمهم فيهو هو وائل ومحمد ناصر ومنال وماحدث هنا فعلينا التركيز على ذلك
| |
|
|
|
|
|
|
| |
محمد حيدر المشرف
وليد محمد المبارك
Elawad
حمور زيادة
الصادق اسماعيل
محمد عبد الماجد الصايم
بشرى محمد حامد الفكي
Abdel Aati
قيقراوي
عبدالوهاب علي الحاج
عاطف عمر
علاء الدين صالح
ماجدة عوض خوجلى
أيزابيلا
saif massad ali
احمد التجانى احمد
amir jabir
بهاء بكري
Hussein Mallasi
السمؤال بدرالدين
امير مصطفى احمد
nabielo
tmbis
عبدالكريم الامين احمد
محمد البشرى الخضر
فيس بوك
تويتر
انستقرام
يوتيوب
بنتيريست