سلامات للجميع واشكر لكم مساهمتكم في البوست إتفاقاً أو إختلافاً... هل مات أحد الآن بسبب إختلافنا في الرأي؟ إذاً لماذا يتم إعتقال الناس وتعذيبهم وضربهم وشتمهم في السودان؟
بعض الناس يدعونا لأن نكون ديموقراطيين على الطريقة الأمريكية...وينسى أنو في أمريكا مؤسسات راسخة عكس دولة الرجل الواحد والحزب الواحد وأحزاب الحزب الواحد السودانية الآن...
هل وافق أعضاء حزب الأمة على إتفاق التراضي الوطني؟ هل وافق أعضاء الحزب الشيوعي على دخول البرلمان؟ ماذا أحدث هؤلاء من تغيير عند دخولهم في شراكات مع المؤتمر الوطني؟
لا شئ...لماذا؟ لأنه لا يؤمن بالديموقراطية من الاساس....وكذلك هم في نظري!
وغيره وغيره مما لا يتسع المجال لذكره...
____ أكرر هذه المداخلة لعلها تكون معيناً للكثيرين هنا...
الأخ الحبيب سيف... لقد كفيتني شرّ كثير...وأهديتني زمن وفهم وتعبير كنت في أمسّ الحاجة له... أشكرك بشدة يا صديقي...ولنعمل معاً من أجل مواجهة الكيزان بكل أشكالهم... ونتفق أنت وأنا على أنو في من هم أسوأ من الكيزان...وهم من يوفرون الغطاء للكيزان للممارسة ألاعيبهم وتشدقهم بما لا يعرفون: الديموقراطية... زول إنقلب عليها قبل 20 سنة...جاي يحاضرنا فيها الآن! عجبي!
Quote: الأخ أنور سلامات أتفق تماما مع كل من يدعو إلى إخراس كل من يدعم أستمرار بلاء الأنقاذ.. يجب طردهم ومطاردتهم فى كل مكان فى الدنيا... الموضوع مبدئى والإلتزام بالحق واحد... أعجب من جرأة من يعلن أنتماءه للمؤتمر الوطنى مستخدما منبر يصدر من أمريكا المكان الذى لا يملك فيه جرزانهم الجرأة بإعلان أنتماءهم . أصبت بالقرف خلال الأيام الماضية من أستغلالهم هذا المنبر كأداة أعلامية عملية لبربقاندا المؤتمر الوطنى... وعلى الجميع تقييم ما حدث هنا... التشدق بدعوى الحوار معهم هو سذاجة ومثالية أربأ بهذا المنبر أن يكون مكانها.. الصراع مع الكيزان ومن يدعمهم صراع مع مجرمين دماء أصدقاءنا وأهلنا ما زالت معلقة برقبتهم وحتى تتم محاسبة المجرمين لا يجب أفساح اى مجال لهم سوى مايصب فى محاسبتهم .. يتساوى فى ذلك كل من ساهم فى جرائمهم حتى وأن تسلق ركب المعارضة أو النضال... الجرائم لا تسقط ولا يجب التسامح مع مرتكبيها ... وسنظل ملتزمين أنشاء الله عمليا بمطاردتهم وتعريتهم على أرض الواقع.. ولن تستهوينا دعاوى رفاق الأمس ،ومن يشاركون هذا النظام بؤسه، بأمكانية الحوار معهم.. أذا أسترخصت الأحزاب أرواح من ماتوا ومعاناة عشرين سنة فلن نفعلها كأفراد خاصة وقد تركنا لهم البلاد بطولها وعرضها.. الغرور الذى أصابهم بسبب نيفاشا أو مشاركة الأحزاب يجب ألا ينسيهم أن هذه الأحزاب وأن علا صوتها هى أبعد ما تكون عن واقع وأمكانيات ملايين الأفراد داخل السودان وخارجه... وزمان الأحزاب والمعارضة بى أساليبهم البسووا فيها دى زاتو انتهى.. فايدة المسيرات شنو لو تانى يوم بتمشى تقعد معاهم فى البرلمان؟؟؟؟ تجاوزوا الوهم دا وطاردوا الكيزان كافراد فى أى حتة تلقوهم فيها حتى يخجلوا أو يخافوا يقولوا أنهم كيزان.., لاتسامح معهم حتى يسددوا ما عليهم وهذا ما علينا حتى نقابل ربنا يوم الحساب... وأقولها صريحة للأخ بكرى لن نسمح بأن يتحول منبر تصدره شركة أمريكية ألى مطية تخدم حكومة مقاطعة من امريكيا... أذا أستمر الحال مثل ما رأينا هذا الأسبوع .. سنغادر هذا المنبر ولن نسكت... ودى ما ساهل نقولها للأخ بكرى اللى مافى زول بينكر فضله... لكن عليه ترتيب حوشه وكل زول يعرف حدوده بعيدا عن دعاوى الديمقراطية والحوار الساذجة... ودى ياها نفس السذاجة البنصارع فيها كل يوم مع المخمومين فى أمريكا... لك تحياتى يا أخ أنور وتشكر على وضوح رؤيتك بخصوص موضوع يرفض محترفى السياسة أن يواجهوه ألا متستريين بفركة خجلهم من مشاركتهم هذا النظام... تجاوزوهم فلقد تجاوز الواقع أساليبهم البائسة..دعكم من أدوات سياستهم الصدئة وأبتدعوا أدواتكم الخاصة فى مطاردة مجرمى الأنقاذ فى كل العالم حتى تطيق بهم الوسيعة التى ضيقوها على الملايين من أهلكم... تسلم ولك ودى سيف مصطفى
______ عذراً إن لم أرد على الجميع...البوست بوستكم جميعاً... والرد على البعض هنا سيكون تضييعاً للزمن كما تعلمون!
12-08-2009, 05:19 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
Quote: هذه طيبة وغشامة التي تسمح للذئب والغنم أن يرعوا معاً...
يا خي والله لا طيبة ولا شئ لكن لا أريد أن تنجح مخطط الدكتاتوريين و تحويلنا إلي طريقهم و التعامل بمبادئهم.
فكلامهم عندي مُّر شديد و ما بتبلع نهائياً، منذ أن كنت في الجامعة، والحمدلله الذي أبعدني من السياسة و أحزابها. لكن الشئ الوحيدة التي بؤمن بها هي حرية الفكر و الرأى و السياسة. و أكره أرفض فرض الرأي و الإرادة بالقوة أياً كانت ووقت ماكانت.
Quote: في ناس دايرين يحاضرونا هنا عن الإحترام والخ... وبالطبع لو في زول منهم ممكن يعدد لي 5 من أهلو تم قتلهم
Quote: يبقى مستعد أسمعوا...
بس يحسب لي 5 من أهلو قاعدين الآن في معسكر نازحين أو لاجئين... ممكن أسمعوا...
اللهم لا تجعلنا من المحاضرين، بل أجعلنا إخوة يتفاكرون في قضاياهم.
والله يا أنور أهلي الموجودين في معسكر أبوشوك الذين أتوا من مناطق تبعد حوالي 60 كلم من الفاشر كثر لا أستطيع حصرهم، فهم من مناطق لم تتمرد أصلاً بل شملتهم الكشة. و لأنك من الشرق تفاصيل المناطق و غيرها ليست لها جدوى.
الشئ المهم الحمدلله، بالرغم من إرتباط ظروفي المعيشية و التعليمية بأن أكون خارج السودان بفترة ليست قصيرة. إلا أني أكرمني الله بزيارتهم. فزرتهم بمعسكر أبوشوك و واسيتهم في فقدهم و مصيبتهم. و ليس كزيارة بعض الذين ذهبوا لأغراض في نفسهم و مروا على الجمع و هم في بصاتهم و أتوا هنا يفاصحون. الموضوع ليس العدد هو مصدرلإقناعك، و إلا آتيناك بها من طرف.
يا حبيب نواصل نقاشنا هل ننزل لمستواهم أم نصبر و نكافح إلي أن يرتقوا لمستوانا
12-08-2009, 09:21 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
الأخ فيصل الرشيد...طالبني إعتذار على وصفك بالكوز...والله خلطتا بينك وبين الكوز عبود عبد الرحيم... هذا إعتذار مني واضح وصريح وأرجو أن تتقبله على هذه النقطة تحديداً... باقي كلامك وردي عليه خليهو...
12-09-2009, 04:04 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
أرجو أن يسمح لي الأخوة والأخوات هنا بشوية شخصنة مع صديقي وأخي حميدة... وليسمح لي حميدة نفسه بمنادته بلقب أعتقد أنه يستحقه...."تالتن"...
وتالتن لمن لا يعرفون...هو شخص تربى وسط بنات...وقد يكون أرجل من بقية الرجال في كثير من النواحي، إلا أن الثقافة التي نشأنا فيها... تظل تنظر له بإستمرار على أنه ناقص رجولة...بالطبع رجولة هنا تعني فعل الرجال في المواقف التي تتطلب "رجالة"، كما فعلت لبنى مثلاً في قولة الحق في وجه سطان جائر...وبهذا طابقت ما بين كلام الرجال (أسم عمودها)، وفعل الرجال=الموقف!
أخي وصديقي حميدة...تالتن دي تسمى حالياً بالحنكوش كما تعلم...ويا أخي أرجو أن تترك الحنكشة شوية، وساو سدرك مع سدري يا أخوي!
قبل فترة أرسلت لنا رسالة خاصة يفترض أنها (فيديو بلوغ) على الفيس بوك... وقد شكرتك على ذلك، وكنت أمني النفس أن تواصل في فعل الرجال وتصدح ولو بالقليل من الحق عبر هذه الوسيلة التي تعرفها جيداً...كما وضح من ذلك الفيديو...إلا أنك أفصحت عن ما تريده منا...وهو إستخدامه في "الونسة"؟!
ياخي بلدنا إحتمال تبقى بلدين...وسيناريوهات كتيرة متلتلة ياخي و80% من شعبنا تحت خط الفقر...وفساد ومحسوبية وديكتاتورية وأجزء من أراضينا في السودان محتلة بواسطة أجانب...ودايرني أبادلك الفيديوهات بالونسة؟
ده هنا لازم أسميهو "تالتن"...أو حنكشة ناس شهادة عربية ساي...! وحاشا لله أن أقلل من شأن الشهادة العربية على الإطلاق...والله فيهم ناس زاملناهم عبر الجامعات...ياكلوا الظلط...وعينهم حمراء وشرارة... لكنك يا صديقي ظللت تكرر أفعال "تالتن" ومُصرّ بطريقة مدهشة على تسفيه أي أمر ذا شأن...
يا حميدة يا صديقي، نعم أنت وأنا من نفس الفئة العمرية...ونفس الجيل، ومررنا بكلية واحدة لفترة من الزمن...لكن أرجو منك وضع إعتبار تطوّر الشمبانزي في حساباتك!
أقول لك يا صديقي ويا "تالتن"...لا يوجد أي تلميح جنسي في هذا الأمر...فكما أسلفت...زاملني العديد ممن يُطلق عليهم "تالتن"، هم أرجل من رأيت في المواقف الرجولية...
قرأت كلامك هذا:
Quote: دا دليل عملي يا انور .. انك زول كذاب و مدعي و لا تعرف شي ابعد من طرف انفك .. دا منو الكوز .. ان شاء الله تكون قاصد فيصل الرشيد .
وجد أستغربتا شديد على أنك تضمر لي أنني زول كذاب ومدعي...وبس منتظر دليل؟!!!
كذاب...دي ما بتلقاها هنا...لسبب وحيد أنو مافي شئ بيستحق الكذب... ومدعي دي...ما بتلقاها هنا...لسبب وحيد...أنو عادة أستصحب البيان بالعمل... وأتربيت على قولة الحق...حتى لو على نفسي يا حميدة...عشان كدة بتراجع لو لقيت حاجة غلط...وبعترف بيها وبعتذر وأحاول رد المظالم...
لو عندك شئ تاني...أسألني مباشرة...أحتفظ لك بحق الصداقة والمزاملة والخ... فبالله أرعى بقيدك...وفكّر في حتة تالتن والحنكشة دي كويس... لأنو سودان اليوم وبلدنا اليوم ده...محتاج ليهو مواقف رجولية بما يكفي...عشان يتبني...
أخليك تكمّل البرياني بتاعك...تاكل السم ...
المهم...
12-09-2009, 04:07 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
نبهني أحد الاصدقاء الي أن (اسمي مكتوب) في مداخلة لصاحب هذا البوست فدهشت وقلت انني اساساً لا أطالع ما يكتب ومع اصراره علي ضرورة دخول البوست ... فعلت ووجدت هذه المداخلة :
Quote: الأخ فيصل الرشيد...طالبني إعتذار على وصفك بالكوز...والله خلطتا بينك وبين الكوز عبود عبد الرحيم...هذا إعتذار مني واضح وصريح وأرجو أن تتقبله على هذه النقطة تحديداً... باقي كلامك وردي عليه خليهو...
فكان طبيعيا أن (اكلف نفسي) بقراءة كلمات صاحب البوست في حق الزميل الاستاذ فيصل ووجدت هذه المداخلة:
Quote: وجاء الكوز يتبختر!!!! لووولز
فيصل الرشيد ... منو القال ليك أنا ما منضم لكوكبة الشرفاء؟ لكن يا كيزان فعلاً عندكم حاجات عجيبة...منها مثلاً أنو كونو الزول في السودان بس...تعتبر رجالة...ود إعتراف ضمني منكم، بأنكم جعلتم الحياة في السودان صعبة/مستحيلة لمن يخالفكم جوقتكم.... ومنها المضحك المبكي هذه الأيام وهي : السودان تتوعد بملاحقة أوكامبو بتهمة "العهر السياسي" http://www.sudaneseonline.com/ar1/publish/article_2837.shtml
فهذه التهمة أعتقد أنها تناسب الكيزان تماماً...بما فعلوه ويفعلوه ضد الشعب السوداني ككل!
أذكرك أنو التذاكر بتاعة مؤتمر الإعلاميين السودانيين دي مدفوعة القيمة من خزينة الشعب السوداني...وليس خزائن المتعافي أو قصور الكودة وعوض الجاز وما أكل السبع والخ...
الغريبة عندكم قوة عين غريبة حتى أنكم ستدهشون إبليس نفسه... سأحرص على أن يكون رد المظالم كما ينبغي له أن يكون... فمشكلتي ليست من يحكم...بل كيف يحكم... وليس إتفاقات سلام...بل سلام حقيقي... لابد من السودان وإن طال السفر... المهم...
وبما أن صاحب البوست خاطب الاخ الزميل فيصل الرشيد باسمه فلا مجال هنا الي (اختلاط) الامر أما اذا كان صاحب البوست يظل (يهلوس) بالكوز عبود عبد الرحيم .. فذلك أمر آخر ويحتاج الي دراسة !!
غايتو جنس غايتو
12-09-2009, 05:04 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
Quote: عبود ليس امينا واعرفه منذ ان كان موظف فى شركة اقرا وبعد ان تحول الى موظف توزيع فى اخبار اليوم هو قد شهد الموقف كاملا وكل ما دار الا انه يطمع ان يستفيد من هذا البوست على طريقته الخاصة التى تشبه الذين اصبحوا صحفيين بقدرة قادر.
أنا عندي سؤال فقهي وشرعي لهيئة علماء السودان ...التي يبدو أنهم متعطلين ومتبطلين فقط للفارغة والمقدودة، ويحمشون نيران الفتنة بحشرهم للدين في عفانات المؤتمر الوطني...
الحجة: ميزانية الدولة تعتبر مال عام...وفي هذه الميزانية تكون مرتبات العاملين في الحكومة... في ناس في الحكومة دي مرتباتهم تصل الى 7 مليون ... ولو قسمناها على أيام الشهر يبقى الزول منهم المفروض يعمل على الأقل 22 يوم (بإستثناء الجمعة والسبت كعطلات رسمية في البلاد)..
في ال 22 يوم ديل...المفروض يعمل عدد من الساعات...كل ساعة عندها حساباتها...وده ربنا بيسأل منو الناس يوم القيامة، لقوله صلعم، من أخذ الأجر، حاسبه الله بالعمل...
السؤال: قامت حكومة المؤتمر الوطني يوم الأثنين السابع من ديسمبر لعام 2009، بإبتداع إجازة رسمية في البلاد لشأن حزبي خاص... مما عطّل أعمال وشئون البلاد والعباد... وهذا اليوم مدفوع القيمة من ميزانية الشعب السوداني كله.... ولن يُخصم من مرتبات اللصوص والحرامية في الحكومة ولا غيرها...
هل ترى هيئة علماء السودان هذا الأمر على أنه فساد؟ أم لديهم تخريج فقهي وإسلامي للأمر؟
الفساد والسرقة في هذا الزمن ليست سرقة شنطة أو نهب خزينة يا هيئة العلماء...الفساد هو ما يحصل الآن...بالضبط... أنتظر منكم توضيحاً...وارجو ممن لديه إتصال بهم أن يوصل لهم هذه المسألة الفقهية الواضحة للعيان...النشوف عندهم شئ يتقال عن السلطان...ولا الأمر كله موجّه لمساعدة السلطان؟ النسخة الأصلية لبيان هيئة علماء السودان: تكفير كل من يقوم بمسيرات سلمية!!!
انور كنج .. سبحان الله يا انور جاي تنبز و تقل ادبك .. انا ردك ما شفته ألا الآن .. جدا يا انور .. انا بوريك تطور القرد كيف .. و حركات الارقوز البتعمل فيها دي .. تاني من هنا و لقدام .. يا راجل .. يا معارض .. بتلقاني قدامك ..
كدي تعال في الاول ورينا انت كوريا دي مشيتها كيف .. و قابلت رئيس الجمهورية قال ليك شنو .. و قصتك شنو مع خالد الحاج .. غير القصة طبعا الفاكيها في الناس .. و الحصل شنو في جمعية المطورين السودانيين .. و ليه موقعك المن سنة حفروا البحر ما مشى لقدام .. و علاقتك شنو مع كباروس .. و احكي لينا شوية عن ايامك في الاكاديمية ..
.. ..
يا انور .. حقه تناضل بعيد عني .. و تحاول تنال رضا خالتك تراجي .. و بلاش قلة ادب
12-10-2009, 02:04 PM
عبود عبد الرحيم عبود عبد الرحيم
تاريخ التسجيل: 03-14-2008
مجموع المشاركات: 5434
Quote: عبود ليس امينا واعرفه منذ ان كان موظف فى شركة اقرا وبعد ان تحول الى موظف توزيع فى اخبار اليوم هو قد شهد الموقف كاملا وكل ما دار الا انه يطمع ان يستفيد من هذا البوست على طريقته الخاصة التى تشبه الذين اصبحوا صحفيين بقدرة قادر. -- هذا الباهت الهزيل لا لون له ولا رائحة ولا طعم وهو جبان سيكون لى شان معه .
عبود .. مالك بتشيل كلامي .. ما عندك كلام تقوله .. انا عندي مشكلة مع انور حقتي انا براي .. ما ليك الحق تستفيد منها .. يلا عدل مداخلتك .. و تاني ما تقتبس مني حاجة ..
.. ..
12-10-2009, 02:15 PM
Faisal Elrasheed Faisal Elrasheed
تاريخ التسجيل: 07-02-2008
مجموع المشاركات: 4713
Quote: كدي تعال في الاول ورينا انت كوريا دي مشيتها كيف .. و قابلت رئيس الجمهورية قال ليك شنو .. و قصتك شنو مع خالد الحاج .. غير القصة طبعا الفاكيها في الناس .. و الحصل شنو في جمعية المطورين السودانيين .. و ليه موقعك المن سنة حفروا البحر ما مشى لقدام .. و علاقتك شنو مع كباروس .. و احكي لينا شوية عن ايامك في الاكاديمية ..
حميده ابقي قابلني لو جا جاوب هنا تاني وكان جا راجع ابقي ركز ليه بالله علي موضوع الاكاديمية ده وجمعية المطورين وموضوع تطوير المناهج الرفضته الحكومة وكان عنده امل يغني من وراهو مما جعله يواصل في الدراسه وقعاد الداخليات للان
12-10-2009, 02:17 PM
Faisal Elrasheed Faisal Elrasheed
تاريخ التسجيل: 07-02-2008
مجموع المشاركات: 4713
Quote: كدي تعال في الاول ورينا انت كوريا دي مشيتها كيف .. و قابلت رئيس الجمهورية قال ليك شنو .. و قصتك شنو مع خالد الحاج .. غير القصة طبعا الفاكيها في الناس .. و الحصل شنو في جمعية المطورين السودانيين .. و ليه موقعك المن سنة حفروا البحر ما مشى لقدام .. و علاقتك شنو مع كباروس .. و احكي لينا شوية عن ايامك في الاكاديمية ..
حميده ابقي قابلني لو جا جاوب هنا تاني وكان جا راجع ابقي ركز ليه بالله علي موضوع الاكاديمية ده وجمعية المطورين وموضوع تطوير المناهج الرفضته الحكومة وكان عنده امل يغني من وراهو مما جعله يواصل في الدراسه وقعاد الداخليات للان
12-10-2009, 02:26 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
Quote: حميده ابقي قابلني لو جا جاوب هنا تاني وكان جا راجع ابقي ركز ليه بالله علي موضوع الاكاديمية ده وجمعية المطورين وموضوع تطوير المناهج الرفضته الحكومة وكان عنده امل يغني من وراهو مما جعله يواصل في الدراسه وقعاد الداخليات للان
منو القال ليك أنا قاعد في داخلية؟ ومنو القال ليك كان عندي مشروع لتطوير المناهج وكنتا داير أغنى من وراهو؟ ومنو القال ليك أصلاً أنا فقير مادياً عشان أغنى؟ جمعية المطورين السودانيين مالها؟ صراحة كدة مستغرب في خيابة الاسئلة دي؟
شوفو ليكم طريقة تانية أفضل...مثلاً إتهام بالشذوذ الجنسي، كما هو حاصل في كثير من الأضابير... لكن مضحك جداً أن تتساءلوا عن أشياء نجحت بالفعل في تحقيق أهداف في أرض الواقع !
حاجة عجيبة فعلاً!
12-10-2009, 02:21 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
عشان كدة بفهم تماماً دواعي زعلك وغيرتك يا عزيزي...
صدقني لا أحمل تجاهك أي مشاعر سلبية...فأرجو أن تبحث في قوقل عني وستجد ما يفيدك في أسئلتك التي قتلت بحثاً... المهم في الأمر...أنت لا تعرفني بما يكفي لتهدد...ولست في خانة أعدائي حتى أفرد لك وقتاً في اللت والعجن...الفارغ، لأن دائرة إهتماماتنا مختلفة...وكذلك ما نأكله ونشربه ونفعله...
هذا الرد هو الأخير في رأيي...ولا أحتاج للمزيد...أكرر لك لست ضمن أعدائي فلا تصنف نفسك في تلك الخانة!
المهم...
12-10-2009, 02:35 PM
عبود عبد الرحيم عبود عبد الرحيم
تاريخ التسجيل: 03-14-2008
مجموع المشاركات: 5434
Quote: Quote: عبود ليس امينا واعرفه منذ ان كان موظف فى شركة اقرا وبعد ان تحول الى موظف توزيع فى اخبار اليوم هو قد شهد الموقف كاملا وكل ما دار الا انه يطمع ان يستفيد من هذا البوست على طريقته الخاصة التى تشبه الذين اصبحوا صحفيين بقدرة قادر. -- هذا الباهت الهزيل لا لون له ولا رائحة ولا طعم وهو جبان سيكون لى شان معه .
12-10-2009, 02:37 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
Quote: على النقيض من محاولتك للصيد في مياة عكرة...في مكان آخر...لشخص صديق عزيز، لكنه لا يعرف عني الكثير...وأعتقد أن الكثيرين كذلك أيضاً... ولهذا أقوم بتوضيح بعض المعلومات...لأنو الأمور بعض الأحيان معقدة شديد، وتحتاج لتوضيح...
12-10-2009, 02:50 PM
humida humida
تاريخ التسجيل: 11-06-2003
مجموع المشاركات: 9806
يا انور .. منو القال ليك بقيت صغير .. ليه انت بتحاسبنا بمناظرك انت للامور .. الكلام الانا داير اقوله بجي اقوله و بعرف اثره شنو و توقيته شنو .. يا انور انت احسن زول بتستفيد من غياب المعلومة لدى الناس و بتجي تحاول تقشر بيها .. و بتحاول كل مرة تعمل ليك حركة بهلوانية للفت نظر الجمهور .. انا ما بفهم يا انور ليه انت بتهدر طاقتك دايما في قضايا خسرانة ( و ما بتكلم هنا عن سياسة ) .. لكن عن الامور الفارغة الانت ساكيها .. صدقني لو كانت علي الصعيد الشخصي ما كان عندنا شغلة معاك .. لكن يا انور انت مدخلنا في دوامة معاك ودايرنا نحتفى بالامور الفارغة بتاعتك دي و ألا اصبحنا نحن ناس حاقدين علي سيادتك الحاجة البتعمل فيها دي يا انور عندنا دستة بتاعت ناس بتعمل فيها .. ما تستغل يا انور حكاية كوريا و كم مؤتمر في برندات سيول تجي تفلق بيها راس الناس هنا .. نحن شباب و في مجال واحد و بنعرف الحاجات دي بتجي كيف .. و كيف الناس بتسافر بره عشان تجي راجعة تقول انا مثلت السودان و الحركات بتاعت الجمعيات الثقافية دي .. ياخي انت بتحب الحاجات دي ما مشكلة .. بس ما تجي تفرضها علينا .. لانه في النهاية انت عارف ذي جوع بطنك انها حاجات فارغة .. و خليك من المطبلاتية هنا ديل الما ناقشين ابو النوم .. و ما تضلل الناس دي بسبب غياب المعلومة لديهم .. و تستغل جهلهم يا اوباما السودان القادم .. اغلب الشباب الهنا بينهم عهد كدا ما مكتوب و لا متفق عليه .. انه كل واحد يدي التاني راحته .. لكن انت بقيت تضغط علي الناس زيادة عن اللزوم و فكتك دي بقت من الصعب انها الزول يتجاوزا .. عملت ليك كم فيديو كدا و قلت فيها و الله و الله و الله يا انور كلام غنماية بت عم جيرانا بتقول احسن منه و داير الناس تصفق ليك كل دقيقة و تقول ليك يا مناضل و تعمل زيك .. شابكنا حلايب سودانية و عامل ليك قروب في الفيس بوك و متشنج .. و الغاية الناس تجي تصفق لانور دفع الله حامي حمى حلايب .. مشيت موقع تيد .. جننت الترجمة و كل يوم قادينا باللنكات و انا ترجمت و انا اتمعطت .. وانا يا انا .. ياخي اذا ما بتخجل اخجل ليك انا .. موقع تيد دا انت عرفته متين .. و من منو ..؟!!! كونه ياخي عندك فراغ لانك طالب لسع .. و عندك وكت تعمل حاجة كويسة .. راعي انه الناس التانية ما عندها وكت تصفق ليك ..
12-10-2009, 03:10 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
Quote: يا انور .. منو القال ليك بقيت صغير .. ليه انت بتحاسبنا بمناظرك انت للامور .. الكلام الانا داير اقوله بجي اقوله و بعرف اثره شنو و توقيته شنو .. يا انور انت احسن زول بتستفيد من غياب المعلومة لدى الناس و بتجي تحاول تقشر بيها .. و بتحاول كل مرة تعمل ليك حركة بهلوانية للفت نظر الجمهور .. انا ما بفهم يا انور ليه انت بتهدر طاقتك دايما في قضايا خسرانة ( و ما بتكلم هنا عن سياسة ) .. لكن عن الامور الفارغة الانت ساكيها .. صدقني لو كانت علي الصعيد الشخصي ما كان عندنا شغلة معاك .. لكن يا انور انت مدخلنا في دوامة معاك ودايرنا نحتفى بالامور الفارغة بتاعتك دي و ألا اصبحنا نحن ناس حاقدين علي سيادتك الحاجة البتعمل فيها دي يا انور عندنا دستة بتاعت ناس بتعمل فيها .. ما تستغل يا انور حكاية كوريا و كم مؤتمر في برندات سيول تجي تفلق بيها راس الناس هنا .. نحن شباب و في مجال واحد و بنعرف الحاجات دي بتجي كيف .. و كيف الناس بتسافر بره عشان تجي راجعة تقول انا مثلت السودان و الحركات بتاعت الجمعيات الثقافية دي .. ياخي انت بتحب الحاجات دي ما مشكلة .. بس ما تجي تفرضها علينا .. لانه في النهاية انت عارف ذي جوع بطنك انها حاجات فارغة .. و خليك من المطبلاتية هنا ديل الما ناقشين ابو النوم .. و ما تضلل الناس دي بسبب غياب المعلومة لديهم .. و تستغل جهلهم يا اوباما السودان القادم .. اغلب الشباب الهنا بينهم عهد كدا ما مكتوب و لا متفق عليه .. انه كل واحد يدي التاني راحته .. لكن انت بقيت تضغط علي الناس زيادة عن اللزوم و فكتك دي بقت من الصعب انها الزول يتجاوزا .. عملت ليك كم فيديو كدا و قلت فيها و الله و الله و الله يا انور كلام غنماية بت عم جيرانا بتقول احسن منه و داير الناس تصفق ليك كل دقيقة و تقول ليك يا مناضل و تعمل زيك .. شابكنا حلايب سودانية و عامل ليك قروب في الفيس بوك و متشنج .. و الغاية الناس تجي تصفق لانور دفع الله حامي حمى حلايب .. مشيت موقع تيد .. جننت الترجمة و كل يوم قادينا باللنكات و انا ترجمت و انا اتمعطت .. وانا يا انا .. ياخي اذا ما بتخجل اخجل ليك انا .. موقع تيد دا انت عرفته متين .. و من منو ..؟!!! كونه ياخي عندك فراغ لانك طالب لسع .. و عندك وكت تعمل حاجة كويسة .. راعي انه الناس التانية ما عندها وكت تصفق ليك ..
يا حميدة كدي واحدة واحدة يا عزيزي... أولاً أنا ما قاعد أجبرك ولا أي زول بأنو يقراء أي حاجة بكتبها...أنت شكلك مركز معاي شديد ساي بس يا اخوي... ياخي أنا زول أخوك بقول ها انا ذا...وموش عندنا ناس هنا بعملو وبتركوا...بدل ما تشجعني، تقوم تحاول تحطمني؟ ليه كدة يا أخوي؟
بعدين ياخي موقع تيد ده ما بتاعي والله...أنا زول متطوع فيهو للترجمة العربية عشان أساعد ناس ما عندهم لغة كافية لمعرفة الجمال الفيهو ... شوف هنا يا حميدة: عشان يقع ليك الكلام واحدة واحدة... إيمانيول جال كان في مؤتمر تيد أوكسفورد 2009...وقدّم الحديث الجميل ده: http://www.ted.com/talks/lang/ara/emmanuel_jal_the_musi..._of_a_war_child.html وده أول سوداني يظهر بهناك في تيد...وده فخر كبير لينا...عشان كدة نتطوع لترجمتو للغة العربية وكدة... أها أخوك زاتو عملو معاهو لقاء خفيف كدة في تسليط الضوء على المترجمين المتطوعين هنا: http://blog.ted.com/2009/11/meet_anwar_dafa.php
Quote: شوفو ليكم طريقة تانية أفضل...مثلاً إتهام بالشذوذ الجنسي، كما هو حاصل في كثير من الأضابير... لكن مضحك جداً أن تتساءلوا عن أشياء نجحت بالفعل في تحقيق أهداف في أرض الواقع !
حاجة عجيبة فعلاً!
اقترح فتح بوست للتبرع بتذكرة سفر حتي يعود المناضل اليوتباوي ده من برد سيول القارس ومن ثم الالتحاق بالمسيرة القادمة انشاء الله تقبل التبرعات بكل انواعها
لا ازال عندي وعدي ساقوم بعمل لافته ومزيرة ومظله في اخر محطه الكلاكلات كما ساقوم بعمل اللازم لاستخراج تصديق مشتل لصالحه وتسميته باسمه هذا في حال عودته ودخوله المظاهرة وانشا الله يدوهو كف واحد ما رصاصه برضو حنسميه شهيد اها تاني عندك كلام
12-10-2009, 02:56 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
Quote: اقترح فتح بوست للتبرع بتذكرة سفر حتي يعود المناضل اليوتباوي ده من برد سيول القارس ومن ثم الالتحاق بالمسيرة القادمة انشاء الله تقبل التبرعات بكل انواعها
لا ازال عندي وعدي ساقوم بعمل لافته ومزيرة ومظله في اخر محطه الكلاكلات كما ساقوم بعمل اللازم لاستخراج تصديق مشتل لصالحه وتسميته باسمه هذا في حال عودته ودخوله المظاهرة وانشا الله يدوهو كف واحد ما رصاصه برضو حنسميه شهيد اها تاني عندك كلام
كان هناك إقتراح سابق من شخص محترم بشدة وهو الدكتور عباس مصطفى صادق (الصحفي السابق بصحيفة الصحافة، واستاذ الإعلام في جامعة الخرطوم) بتكريمي...هنا http://sudaniyat.org/archive1/viewtopic.php?t=261 وذلك بتاريخ 24-6-2004 أيام كنت عضو مؤسس في موقع سودانيات...
وقد قال الآتي:
Quote: سعدت بصورة العزيز انور ومعه سفير السودان ومسئولي المؤسسة التي يدرس فيها .. وانور فتح الرحمن شاب عظيم ..نعرف بعضنا قبل ان تولد هذه المنابر ,, وقلت له انت تعمل الى الامام ,, وهو مهموم ببلده اكثر من نفسه ,, يسعى للسودان اكثر من سعي وزارات الخارجية والاعلام ووو ,, ولدي اقتراح ارجو ان يتبناه المنتدى . هو لماذا لا نعمل سويا لدعم هذا الشاب الرائع لكي يواصل دراساته العليا لدراجات الماجستير والدكتوراة . اعرف انه درس باكاديمية الاسكندرية . ثم هاهو يواصل في كوريا الجنوبية وهو يسعى حثيثا نحو العمل والتدريب . ارجو ان اجد من يتبنى اقتراحي ويسعى له بجد وهذه هي بوادر اعمال المنتديات الايجابية وهكذا يمكن ان نسعى لوضع شبابنا في الطريق .
وقد رديت حينئذ بالكيفية التي أرى بها تكريمي كالآتي:
Quote: العزيز جدا د .عباس مصطفى صادق... شكرا لك على الشعور النبيل يا سيدى... أرحب جداً بالفكرة... ولدّي مجموعة من الاقتراحات لموضوع التكريم دا.... أولها:- توفير فرصة دراسية "جامعية" لأحد أطفال النفاج....الحمد لله انو الواحد عندو شهادة جامعية الآن فغاية ما اتمنى تكريمى به هو إيجاد فرصة لأخ لى من النفاج....
ثانيها:- كفالة أحد أيتام حرب الجنوب.... لطالما حلمت بكفالة يتيم... ولدّي رغبة عارمة ان يكون هذا اليتيم من جنوب بلادنا الحبيب....
ثالثها:- شراء ماكينة غسيل كلى وأيداعها أحد مستشفيات السودان... عانت والدتى عليها رحمة الله ما عانت من جراء هذا المرض اللعين, حمانا الله وأياكم, وبحكم التجربة أعرف تماماً ما قيمة إيجاد هذه الماكينة....
وبكل صدق يا دكتور...انا أعتبر وجودى بينكم تكريم ما بعده...
الف شكر لك... وأتمنى ان لا يضيع موضوع تكريمى شمار فى مرقة.... ابنك وصديقك أنور فتح الرحمن أحمد دفع الله....
بالنسبة لأي كلام تاني... ربنا يصلح حالك يا أخوي...والله يساعدك !
مسكين قايل روحو عارف حاجة!
أنور
12-10-2009, 02:59 PM
humida humida
تاريخ التسجيل: 11-06-2003
مجموع المشاركات: 9806
ما ياهو يا حميدة...أي زول بيظهر تلاتة أربعة مرات في مكان ما...طوالي بيلاحقو ليك الإتهام بتاع الشذوذ الجنسي... أنتا ما متابع مع علي تاج الدين علي؟ ولا سهولة الإتهام في الوسط الفني والكروي والخ في السودان؟
أسهل حاجة ببترمي زي تفة السفة....هو الإتهام بالشذوذ الجنسي...شفتا كيف؟
عليك الله أقرا مداخلتي الأخيرة دي برواقة...وأكرر ليك...مافي شئ سلبي...
أنتظر الفيديو بتاعك القادم...وإن شاء الله يكون في موضوع مسخّن...
12-10-2009, 03:18 PM
humida humida
تاريخ التسجيل: 11-06-2003
مجموع المشاركات: 9806
تاني جاب اللنكات .. طيب .. ليه انت بتزعل آوي آوي لمن ما اترفع ليك بوست في اعلي المنبر .. و ليه عارضت راي المخالف ليك في هذا الامر .. وليه مشيت تتجارى ورا الجرايد عشان تنشر الموضوع دا .. دا برضو مش مرض ..
.. ..
اعمل و سيرى الله عملك و رسوله و المسلمين .. و لا ما كدا ..
12-10-2009, 03:22 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
قالوا واحد جعان شديد ومفلّس (زي أخونا الفوق ده)...ماشي في الشارع لقى ليهو فرن، الرغيف مردوم كوم كبير.. سأل الزول في الفرن: العيش ده بتاع منو؟ رد الزول: بتاعي أنا الأول: طيب ما تاكلوا...
دحين يا حميدة...
ياخي عيشك عندك يا معلم...وعيشنا عندنا...كل زول ياكلوا عيشوا...وكدة!
أنا داير أعرف...لو الحاجة دي بتريحني شخصياً....هل معناها بتضايقك أنت؟ وهل إذا بتضايقك أنت ولا غيرك...وبتريحني أنا...أقول أسيبها ليك مثلاً؟
أسع أنا مغيوظ من لبسك للنضارة دي...أها تقوم تقلعها؟ شئ عجيب ياخي..
بعدين عليك الله مرة أمشي ورا اللنكات بتاعتي دي واقراها...عشان ورا اللنك ده في شغل وإجتهاد كبير جداً أنتا ما قاعد تشوفو يا عزيزي
المهم...
12-10-2009, 03:25 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
Quote: وبما أن صاحب البوست خاطب الاخ الزميل فيصل الرشيد باسمه فلا مجال هنا الي (اختلاط) الامر أما اذا كان صاحب البوست يظل (يهلوس) بالكوز عبود عبد الرحيم .. فذلك أمر آخر ويحتاج الي دراسة !!
غايتو جنس غايتو
أنا شخصياً متضامن مع الأخ في الكوزنه عبود .. معقول يصدق الخلط بين إسمين مثل فيصل وعبود وكلٌ له صوره موضوعه هنا as profile .
أما الثوره ضد الكيزان فذاك .. فذلك يعني إنك ستبدأ بصاحب الموقع هذا ..
12-10-2009, 03:32 PM
humida humida
تاريخ التسجيل: 11-06-2003
مجموع المشاركات: 9806
كيزان شنو يا انور في السقط دا .. سياسة هلال مريخ .. و افرز دا و خت دا هي البتجيب ليك الهوا .. و ذي ما بقول اخونا عليش .. هو يعني البيكون كوز ما بشر .. و انت كانسان مثقف معلوماتي ليبرالي متحد .. مش عندك مسئولية تجاه الناس دي .. ما بتعتبر انه الناس ضللت في حاجات كتيرة .. و مسئوليتك انت و غيرك عودة هذا الحشد من ابناء الشعب السوداني الي جادة الصواب .. الانقاذ نجحت خلال العشرين سنة الماضية بشغل مرتب ذي شغل الترجمة بتاعك دا انها تجيب الناس دي في صفها .. و انت بتجي هسع دي بتدق فيهم زيادة .. و بتطرد فيهم .. الناس دي مفروض تنتحر يعني .. وين الوعاء الممكن يستوعب البشرية دي كلها و نطلق عليهو اسم السودان ..
.. ..
دا نقاش بعيدا عن باب المكاواة المفتوح ..
12-10-2009, 03:37 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
عزيزي محمد قور... سلامات ومرحباً بك في ثنايا البوست...
Quote: أنا شخصياً متضامن مع الأخ في الكوزنه عبود .. معقول يصدق الخلط بين إسمين مثل فيصل وعبود وكلٌ له صوره موضوعه هنا as profile .
صراحة حالتو بقت تحنن...بقى براهو يشيل ويعيد في كلام عمار ليهو ذات بوست!
غايتو أبو القدح فعلاً بعرف محل يعضي أخوه...وعضة عمار وهرشتو كانت صعبة حينئذ...
الثورة ضد الكيزان موضوع طويل يا سيدي...وتحتاج لتغيير جذري في تركيبتنا الإجتماعية في نظري...
وكما قال تبارك شيخ الدين:
Quote: الكيزان أهلنا ... تكوزنوا وسطنا ... وهم يمثلون ردة فعل مباشرة لمخزوننا الثقافى والسياسى ... ونجاحاتهم نجاحاتنا ... وإخفاقاتهم إخفاقاتنا .... ولن نعالج أزمة وجود فكر دينى أصولى بيننا بالتصدّى لطريق السلام والديموقراطية إرضاءاً لغرور المعارضة الركيكة .... ورغم اختلافنا معهم ونقدنا لهم فإننا لن نصل حدّ ابتداع أساليب مميزة للتصدّى لـ "فظائعهم" ... كلما أرى كوز ... أحدّث نفسى بغياب مربّى أو غياب وعى فى ذهن مربّى ... هذا هو مجتمعنا ... وهؤلاء هم نحن ... لن نربّى أبناءنا وبناتنا على أنهم عضد العروبة والإسلام والكرامة والشرف الرفيع وقال الله وقال الرسول ... ثم ننكرهم ناضجين وقد تحوّلوا إلى كيزان ... سنتصدّى للفراغ المعرفى فى المجتمع السودانى - خصوصاً فى الشمال - إذ أنه الفراغ المسبب لتفريخهم أىّ نعم ... ولكننا لن نستعديهم لك ... ولن ننكر "كوزنة" ليست فينا أو ندّعيها ... فليس لدينا ما نتلوّن من أجله ... +++++ أسوأ من الكيزان - من هم؟
لأن هناك من هم أسوأ من الكيزان وسطنا...منتظرين الوقت المناسب فقط(السلطة) لأن يظهروا على كوزنتهم...
اشكرك على المرور وصاحب الموقع برئ مما ترمي به.. أنور
12-10-2009, 04:00 PM
عبود عبد الرحيم عبود عبد الرحيم
تاريخ التسجيل: 03-14-2008
مجموع المشاركات: 5434
Quote: Quote: منو القال ليك أنا ما منضم لكوكبة الشرفاء؟
Quote: والله ياخ حسب علمي وحسب كلام الناس الهنا العاملين فيها مناضلين ديل نكروك عدييييل وقالو انته متلصق فيهم واساسا انت زول جبان وغالباك العيشه في السوودان قمته زغته وعملته فيها مناضل سياسي يعني ودوك تقرا قمته عملته فيها معارض وقاعد متمتع بأموال المواطن الكوري اللي هو ما عارفك زاتو تبع شنو وما اظنهم عندهم زمن للكلام الفاضي البتعمل فيه ده ده حسب كلام اخوانك المعارضين اسياد الجلد والراس ...والكرعين
كوز لوووووز
12-10-2009, 04:24 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
أرسل لي أحد الأصدقاء رسالة خاصة مفادها أنو ما المفروض أكتب الآتي:
Quote: والله لو هريت هنا
وردي عليهو أنو الهُرار ده قبل كدة الكيزان أستوردوه عديل من اليونان عشان يدفنوه في السودان...وقد وثق ذلك الفنان عمر دفع الله هنا
وقد سكت الصحفيون من الكيزان يومئذ عن الأمر...وكأنه مكتوب علينا إستقبال كل بلاوي العالم بسبب الكيزان... وقصة تنقلاتهم ما بين المناصب أيضاً في ظل دفن مخلفات سامة في أمدرمان "المتعافي"!
Quote: إقالة والى الخرطوم.. وجهات سودانية تربط الأمر بدفن نفايات نفطية بالقرب من العاصمة السبـت 14 جمـادى الاولـى 1430 هـ 9 مايو 2009 العدد 11120 جريدة الشرق الاوسط Re: وداعا طاغية الخرطوم...كاريكاتير
12-10-2009, 04:52 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
هذه نصيحة ذهبية ...أدي الكوز طناش أو بالجزمة...وحا يستعدل ويمشي الأمور... لذلك نعيد عنوان البوست مجدداً هنا: دعوة لطرد الكيزان وأذنابهم من هذا المنبر الديموقراطي فوراً...
ومن باب العلم بالشئ ولا الجهل به...تم طرد الكوز محمد حامد جمعة بإستفتاء وتصويت ديموقراطي من منبر سودانيات من قبل... وقد تعاطفت معه شخصياً حينئذ...لكنني نادم الآن على ذلك...
فما يقوم به من دور خبيث تجاه الشعب السوداني، لا يستحق التعاطف بتاتاً إذا ما تم رميه خارج أي موقع...! لا هو ولا أي كوز تاني حايم هنا...
المهم...
12-10-2009, 05:36 PM
عبود عبد الرحيم عبود عبد الرحيم
تاريخ التسجيل: 03-14-2008
مجموع المشاركات: 5434
بالمناسبة يا بشير... حركة ذكية منك أن تتبنى الرد على باقان أموم وتعمل فيها جلابي وكدة...! الحقيقة الجلابة ديل طبقة لن تنال الإنتساب إليها بأخوي وأخوك...ديك الحلقات المقفولة للكيزان من أولاد المصارين البيض... وليس المغتربين يا عمك!
الشبكة التي يدور في فلكها قليلون للغاية....وكما قال العزيز محمد إي سليمان ذات بوست: السرج المُذّهب لا يجعل من الحمار حصاناً!
المهم..
12-12-2009, 11:55 AM
Faisal Elrasheed Faisal Elrasheed
تاريخ التسجيل: 07-02-2008
مجموع المشاركات: 4713
بالله يا انور ادينا من ده 4 كيلو ولفهم عليك الله ويالمناسبة السعيدة دي يا استاذ شنو اخر اعمالك في اليوتيوب انشا الله المره دي تكون اتكلمته لينا عن التلوث البيئي والاحتباس الحراري وعلاقته بالانتخابات واثره البيئ في ترحيل سوق اللفه واقامة اكشاك كتعويضات
12-12-2009, 12:14 PM
عبود عبد الرحيم عبود عبد الرحيم
تاريخ التسجيل: 03-14-2008
مجموع المشاركات: 5434
Quote: : Quote: عبود ليس امينا واعرفه منذ ان كان موظف فى شركة اقرا وبعد ان تحول الى موظف توزيع فى اخبار اليوم هو قد شهد الموقف كاملا وكل ما دار الا انه يطمع ان يستفيد من هذا البوست على طريقته الخاصة التى تشبه الذين اصبحوا صحفيين بقدرة قادر. -- هذا الباهت الهزيل لا لون له ولا رائحة ولا طعم وهو جبان سيكون لى شان معه
12-12-2009, 12:15 PM
محمد قور حامد محمد قور حامد
تاريخ التسجيل: 12-31-2006
مجموع المشاركات: 662
Quote: هذه دعوة لطردهم من هذا المنبر...واليمشوا المركز السوداني للخدمات الصحفية على الإنترنت، أو جريدة الإنتباهة أو غيرها من كهوف الخفافيش يكتبوا هناك...
عشان كده عمرها الديمقراطية ما حتنجح في السودان
12-13-2009, 07:13 AM
AnwarKing AnwarKing
تاريخ التسجيل: 02-05-2003
مجموع المشاركات: 11481
انور صاحبي ازيك يامان كثيرين يمكنهم تفهم غضبتك و غضبة الكثيرين الى حد المطالبة بطرد الكيزان من المنبر...و لكن! ارى ان الدعوة غير عملية و غير قابلة للتطبيق للأتي: اولا: من الصعب التفريق بين قلم مأجور لديه مهمة تسويق سياسات الجبهة في المنابر الاسفيرية و بين (ناس حنبرة) الذين لايدرون اهو (فتريتة) ام (عيش سواقي)! - و ما اكثرهم بين الشعب السوداني بعد ما يزيد من عقدين من غسيل المخ المنظم!..يعني هسي لو عايزين نصنف الكوز و امنجي منو من المخموم (و الذي وجوده بالمنبر افيد له من خروجه منه) صعب جدا تحضير لستة بهذا التصنيف! ثانيا: عمليا بكري ابوبكر لا يمكنه فعل ذلك... بكري لا يملك جهاز استخبارات ليكشف له من هذا و من ذاك..هذا بخلاف المجاملات المعروفة في مجتمعنا! الاجدى في رأيي هو الوعي الكتابي لاعضاء المنبر...و الذي اصبح يمتلكه قلة قليلة للاسف..و الدليل كمية البذاءات و الشتائم و المساجلات الشخصية التي لا تفيد القاريء في شيء!!! الوعي الكتابي للمشاركين يمكنهم من تفريق ما ينفع من الزبد...البوستات المدفوع اجرها تهمل و تترك لتسقط للقاع!!..و هذا ينجح رسالة المنبر -ان كانت له رسالة- اكثر من : طرد فلان او علان! كثير من البوستات التي لا تسوى المداد التي كتبت به تصل عدد صفحاتها الى ثلاث و اربع و اغلبها ردود انفعالية على القلم المأجور الذي يسعده رؤية بوستات هامة و جادة تختفي وسط كوم من الجوغة الفاضية و الفوضى الصطنعة... حتقول لي عشان كدا بطالب بطردهم..بقول ليك مالم يخرق احد قوانين المنبر..تبقى حكاية اتهام انسان بالعمالة للكيزان و طرده غير عملية و غير ممكنة في ارض الواقع... بحاول ارجع..ما وعد لاكين
12-13-2009, 04:23 PM
سناء عبد السيد سناء عبد السيد
تاريخ التسجيل: 03-29-2008
مجموع المشاركات: 2093
ببساطة لأنك بالطريقة دي بتتبع نفس المنهج بتاع الأنقاذ , يعني لو يوم بقيت في مركز نفوذ حتكون زيك زي علي عثمان زيك زي نافع ......الى آخر واحد في العقد الإنقاذي الفريد و هنا في كتار ممن يدعوا انهم ديمقراطيين و يجوا بكل بساطة يتهموا حزب كامل بالعمالة و الانحطاط و غيرهم يدعوا الى طرد الكيزان وغيرم ...
لييه ما نخليهم يعبروا عن آرائم رغم بئسها و بئس طرحهم , لكن الإدعاء ساهل و التطبيق صعب
مدعي الديمقراطية الهنا ديل اخير منهم الكيزان , الناس ديل لمن جوا للسلطة جوا نزلوا في الشوارع و الجامعات بسياطم و سيخهم ما قالوا نحن ديمقراطيين
و للا بتاعيين حريات قالوا عديل الما معانا الله معاهو لكن الكلام في الماليين الدنيا زعيق في الفاضي باسم الديمقراطية ديل
مسكينة الديمقراطية البدعوها ناس ما بتفهم
12-22-2009, 07:27 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
Quote: ببساطة لأنك بالطريقة دي بتتبع نفس المنهج بتاع الأنقاذ , يعني لو يوم بقيت في مركز نفوذ حتكون زيك زي علي عثمان زيك زي نافع ......الى آخر واحد في العقد الإنقاذي الفريد و هنا في كتار ممن يدعوا انهم ديمقراطيين و يجوا بكل بساطة يتهموا حزب كامل بالعمالة و الانحطاط و غيرهم يدعوا الى طرد الكيزان وغيرم ...
لييه ما نخليهم يعبروا عن آرائم رغم بئسها و بئس طرحهم , لكن الإدعاء ساهل و التطبيق صعب
مدعي الديمقراطية الهنا ديل اخير منهم الكيزان , الناس ديل لمن جوا للسلطة جوا نزلوا في الشوارع و الجامعات بسياطم و سيخهم ما قالوا نحن ديمقراطيين
و للا بتاعيين حريات قالوا عديل الما معانا الله معاهو لكن الكلام في الماليين الدنيا زعيق في الفاضي باسم الديمقراطية ديل
مسكينة الديمقراطية البدعوها ناس ما بتفهم
الأخت سناء تحياتي مجدداً... يا دوب لاحظت للسطر الأخير من مداخلتك دي والله...
Quote: مسكينة الديمقراطية البدعوها ناس ما بتفهم
والغريبة يا سيدتي أنو لم أدعي الفهم من قبل...بل أحاول أن أبذل قصارى ما توصلت إليه وأتشاركه مع آخرين لأفهم..
لكن مالم أفهمه بتاتاً...هو أنك لم تقدمي حتى الآن أي توضيح حول إنقلاب الحزب الشيوعي بقيادة الشيوعي هاشم العطا مثلاً...هل كان عملاً "ديموقراطياً"؟!
الديموقراطية ليست كتاباً سماوياً يا أختي...فهوني على نفسك...ويجب علينا أن نفهم ونستوعب ما يناسبنا كسودانيين..وقد سألت لاحقاً هذا السؤال: هل الشيوعية مناسبة لحكم السودان؟
وفي تقديري -ولا أدعي الفهم مجدداً- أنها غير مناسبة لحكم السودان! وقد قدمت هذا الفيديو في مداخلة سابقة...حول الديموقراطية والإسلام كتكنلوجيات...للبروفيسور نوح فيلدمان:
Quote: يفترض نوح فيلدمان أن السياسة والدين- برغم الإختلافات-- عبارة عن تكنولوجيات متشابهة، صُممت لربط وإدارة مجموعة من الأشخاص بكفاءة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
AnwarKing
Tragie Mustafa
Faisal Elrasheed
وليد محمد المبارك
عبود عبد الرحيم
الجيلى أحمد
حامد بدوي بشير
Abdlaziz Eisa
humida
محمد قور حامد
بشير أحمد
سناء عبد السيد
زياد جعفر عبدالله
يوسف السماني يوسف
فيس بوك
تويتر
انستقرام
يوتيوب
بنتيريست