|
Re: اليوم الحار ومابنداريوم الهندسة والمعمار (Re: khaleel)
|
ايريا... سلامات
Quote: الأخ العزيز حبيبكم الكوتش توجد مفاجاة عجيبة وغريبة في القصة التي كتبها علاء الدين محمد بابكر هي تشبه الفصل الأول في رواية أومبرتو إيكو the mysterious Flame of queen launa ولابد أن المنبر والكلية بها عباقرة ضلو الطريق مثل الباشمهندس علاء الدين الذي لم يغير الشيب ملامحه القديمة وتحية له وقصتك يا حبيبكم الكوتش باأمانة كدة ممتازة لو جينا للمجاملات لكن في الحقيقة هي مجوبكة بحيث تبدو كعمل فني وهي ليست كذلك ولاينخدع في العادة بها سوي كاتبها وجزء قليل من المتثاقفين ودعوة للجميع لقراءة الرواية الجميلة للكاتب الإيطالي أومبرتو إكو Umberto Eco
The Mysterious Flame of Queen Loana By Umberto Eco, Geoffrey Brock Buy this book Amazon.com Barnes&Noble.com - $27.00 Books-A-Million BookSense.com Google Product Search Borrow this book Find this book in a library
To recall his memories, Yambo withdraws to the family home where he searches old newspapers, comics, records, photo albums, and diaries to relive the story of his generation: Mussolini, Catholic education and guilt, Josephine Baker, Flash Gordon, and Fred Astaire.
اخيكم محمد الطيب سليم |
منتظرين ايريا على الدوام فى المداخلات و التعليق ...
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
خالد التوم ... سلامات
Quote: Salam ya shabab, I'm trying to coordinate with you regarding some of our efforts to provide support to Engineering Faculty. I have been in touch with some students from the Engineering Association and they provided me with a list of projects that they would like us to support. One of the projects is the engineering reference books for the various engineering branchs. I hoping that we do not duplicate our efforts and coordinate this help. Please respond to this email for confirmation. I have sent emails to Tarig some month ago and got no response, probably it went to his junk email. To introduce my self; I'm class of 83 and was known as Khalid Tewfig or Eltom. My class included Hassan Action, Khalid Elshaheer, Hisham Civil, Zafir Abdo, etc................ We were twince Hisham and Khalid (mechanical and Civil). Hope every thing is alright on your side, Regards, Khalid (eltom) |
الف شكر ... و مرحب بيك اخونا خالد التوم ... ونرجو المواصله لمزيد من التنسيق
| |
|
|
|
|
|
|
Re: اليوم الحار ومابنداريوم الهندسة والمعمار (Re: طارق الكوتش)
|
يا كوشت ،،، سلام ،،،
Quote: اها الحراميه رجعوا لممارسة هواياتهم ! |
وش مطير عيونو ...
ياخي على رأي هالة ،، البوست ده فيه شئ ما طبيعي !!!!!
هو في نفس يعني للدرجة دي عشان نرجع تاااني لأرقام مميزة وبدايات صفحات ... ياخي الكتابة في تلتلة .. الإجتهادات دي نخليها للدماء الحارة ... (ناس فوزي) ..
والله ما عارف المداخلة دي جات هنا كيف !!!
برضو لقيت مداخلة في الصفحة السابقة مكررة .. وفي أوقات متباعدة !!! ....
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
بدا الناس يتجمعون يوم النتيجة لا اتزكر السنة ولكن المهم انها كانت نتيجة السمستر التانى يعني حياة او موت وتاخرت النتيجة وامتلات الكافتريا والونسه شغاله وبدات الكافتيريا تهدا كلما زاد التاخير جات الساعة 2 ثم 3 والناس بتراقب مكان الاجتماع وكان مجلس الكلية مجتمع في معمار والوقت يمر ودخلو ليهم الغداء اثناء الاجتماع وهدات الكافتريا تماما وباظت الاعصاب وبدا كل زول يفكر ويحسب وايقن الجميع ان هنالك مشكلة في النتيجة بعد تاخير الي ما بعد الساعة الخامسة واصبح الخوف واضحا في وجه الجميع بدون فرز وعندها سال احدهم -لا اتذكر من هو- في صوت خافت هم الجماعة ديل اتاخرو مالم وسمعه عمر حسين فرد بسرعة لم يتخيلها احد في هذا الموقف رد قائلا وبصوت مرتفع قال له الدكاترة مختلفين جزء كبير منهم بقول لازم يحولو الكوتش مركز التدريب المهني بعد تكراره احراز GPA متواضع وعندها ضحك الجميع بصوت عال وعاد للكافتريا هرجها ومرجها
التحيه لعمر حسين الذي ظل يضحك الناس حتى في اصعب الاوقات التحية للكوتش الزي اكمل تعليمه بكليه الهندسه والمعمار وصار من كبار المهندسين بدوله الامارات التحيةله وهو ظل يتقبل شغل عمر حسين بروح رياضية
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: وعندها سال احدهم -لا اتذكر من هو- في صوت خافت هم الجماعة ديل اتاخرو مالم وسمعه عمر حسين فرد بسرعة لم يتخيلها احد في هذا الموقف رد قائلا وبصوت مرتفع قال له الدكاترة مختلفين جزء كبير منهم بقول لازم يحولو الكوتش مركز التدريب المهني بعد تكراره احراز GPA متواضع وعندها ضحك الجميع بصوت عال وعاد للكافتريا هرجها ومرجها |
انت عارف يا فوفو انت كارثه اكتر من عمر حسين عمر حسين ذاكرته تعبانا ... بس المشكله انت
تخريمه
تلقى ايريا انفقع بالضحك ....
ــــــــــــــــــــــــــــــــــــ
انت عارف القصه ده ذكرتنى مدثر الرشيد
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
ابراهيم كتب :
Quote: هو في نفس يعني للدرجة دي عشان نرجع تاااني لأرقام مميزة وبدايات صفحات ... ياخي الكتابة في تلتلة ..
|
فوزى رد على القرود :
Quote: التصوير حايكون يوم 12\12 يم العرس انشاء الله يعني الناس الجايين السودان فى عيد الضحيه حايتصورو |
وده رد ابراهيم على مداخلة فوزى
Quote: ليون ،، كوشت ،،
بختكم ... حا تتصوروا |
وقناة الكوتش استنتجت بان ابراهيم ما اتوفق عشان يكون الضحيه فى السودان عشان كده كتابتو بتلتله ( تحليل لزول ذى ده يقولوا عليهو يتم تعليمو فى التدريب المهنى - فعلا بلد ما فيها هشام عبد العال يقدل فيها اللقيمات )
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
لا ياشباب مافي زول يكسل ولا يستسلم دايرين الشباب كلهم يجمعو في العيد في السودان عشان الصورة
صحي يا ابراهيم غيرت رايك فى الجيه والا نحول الكوتش مركز التدريب المهني
التحية للمساح الكبير هشام احمد عبد العال وهو يتجول بين ولايات السودان مشاركا في انشاء اكبر المشاريع بالسودان
وبمناسبة هشام دا زكرتني مرة عمر حسين سال هشام قال ليهو ياهشام انت ابلد زول في الكلية منو هشام قال ليهو دي عليك الله دايرة ليها سوال قام عمر قال ليهو اي والله ما دايره ليها سوال وضحكنا الثلاثة وذهبنا دون ان يسال احد منا الاخر
| |
|
|
|
|
|
|
Re: اليوم الحار ومابنداريوم الهندسة والمعمار (Re: فوزى عبد الفتاح)
|
صباح الخير يا هندسة ...
فوزي ،، كوشت ،، قبل ما نجي لموضوع تحويلك للتدريب المهني ،،
عندي تعليق على ألفية هالة ،، عشان ما يطير مني ...
Quote: Hala Hassan .
تاريخ التسجيل: 25-06-2008 مجموع المشاركات : 1015
|
إذن الألفية هي ألفية المشاركات ... صاح يا هالة؟ (وش لمااااااااح)
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
نرجع لموضوع مركز التدريب المهني ،،،
رد إبراهيم على مداخلة لفوزي:
Quote: ليون ،، كوشت ،، بختكم ... حا تتصوروا |
قام الكوشت ربط ذلك بكتابات إبراهيم الفي تلتلة .. وقال:
Quote: وقناة الكوتش استنتجت بان ابراهيم ما اتوفق عشان يكون الضحيه فى السودان عشان كده كتابتو بتلتله ( تحليل لزول ذى ده يقولوا عليهو يتم تعليمو فى التدريب المهنى - فعلا بلد ما فيها هشام عبد العال يقدل فيها اللقيمات ) |
فتساءل فوزي:
Quote: صحي يا ابراهيم غيرت رايك فى الجيه والا نحول الكوتش مركز التدريب المهني |
وبما إني أنا ما غيرت رأيى في الجية ،، وما زلت ضمن لستة (الضحية في السودان) ،،
عليه،، كده يا كوشت ختيت نفسك في حتة ضيقة .. والظاهر اللجنة المجتمعة حا تحسم الأمر .. وحا ينهوا الإجتماع .. ويعلقوا النتيجة ،،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: صديق أبو اللكس معاي على الخط ... وسمع أضاني ،، صوت هاجر كباشي يلعلع ...
قال ليك هم هسع مشغلنها ورابنها للطيش ... وفي المكتب .. والهنود بي برة آخر هجيج ..
فقال ليك ما تشيلي هم ،، برستيجك ما بقع واطة ... |
طب إنتوا الله أداكم هنود يفهموا و يهججوا، إحنا ناس الفرانكوفنية ديل، إلا نجيب ليهم الان ديلون عشان نقابل مزاجهم، نعمل ليهم شنو؟؟؟
_____________________________ قلت لى هاجر كباشى ملعلعة فى المكاتب كلها؟؟ قطع شك دى عمايل أخونا تمبسكو....
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
ماذا قال بروفيسر ابوبكر عبد الوهاب عن خريجي الكلية
بعض الطلاب سألوا بروف ابوبكر عبد الوهاب عن انو التدريب في الكلية بسيط جدا وماكافي للمهندس وانو الهندسة كلية عمليه بالدرجة الاولي فرد البروف قائلا الدراسة محكومه بوقت معين احتمال التدريب يكون ما كافي لكن الحاجة الانا متاكد منها انو اي طالب يجتاز المنهج دا بنجاح لمن يشتغل بس 6 شهور وتاني ما في حاجة بتغلبو في شغلو كمهندس
والله صدقت يا بروف
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
رسالة من الأخ .. الباشمهندس كمال أبوبكر (كهرباء 86) ..
Quote: alsalam wa-laikom brother Ibrahim this is kamal abubaker ( kamal kahrapa ) , do you know me ? this is long time . I am in KSA jeddah before , but unforturently ,I did not meet you . hope to be fine , and your family too , really your are nice man , all my peace to your family , by the way I am in contact with eng. Abdulraheem Omar I am living now in Sweden with my family , I have one boy his is Ahmed one daughter her name is Sarah ( al-hamdi alla ) . I get your e-mail from sundaneseonline ( al-youm al-har ) thank you eng. Ibrahim , and hope to be contact , and if your have kamak |
شكرا جزيلا أخي كمال .. وحلوة (do you know me) دي ...
وحقيقة أسفت جدا لعدم مقابلتك في جدة .. عبد الرحيم ، وبدر الدين على تواصل معاي ..
وسعيد بمتابعتك لليوم الحار .. يا ريت تدينا من ذكرياتكم حاجة ...
تحياتي لك وللأسرة ...
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
نظر الي مصدر الصوت فوجده ولد في مقتبل العمر ... عمك منو يا ولد ..انت انا عمك... ثم دخل في نوبة ضحك طويله ....... تصدق انا لحدي قبل شويه كنت غلطان زيك كده . . خرج الولد من الغرفه وهو يتمتم الله يشفيك يا عمي...الله يشفيك ..... .. ياولد الله يشفيك إنت ..عالم وهم انا ما عارف الواحد حيقعد لمتين ما لامي في نفسو.
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: تاه و لما رجعت له ذاكرته كتب جمله واحده بعد عراك بين عيونه و الماء الاسود : خرج و لم يعد
Quote: وعندها أدخل يده داخل عينه..قبض علي كتلة الماء الأسود..فأبعدها جانبا وتلصص علي ما كتب ..
فوجد أنه قد كتب (رجع ولم يخرج)..فلعن اليوم الذي قد فقد فيه ذاكرته..وتذكر أنه قدنسيه..
ما دام ما واصلت ياكوتش أواصل ليك انا:
حاول ان يحدد اليوم الذي قد فقد فيه ذاكرته..فبدأ يرجع الي الخلف بظهره..تخطي باب الغرفة وتلفت يمنة ويسري وتساءل:هل هذا هو اليوم؟ رجع مرة اخري الي الخلف وفتح باب الشارع بحثا عن اليوم الذي قد فقد فيه ذاكرته..وسمع اصوات الأطفال يصرخون من خلفه..المجنون أهو..المجنون أهو..فعرف ان هذا ليس هو اليوم الذي يبحث عنه..لأن هذا الهتاف يتذكره جيدا... بعد ذلك دخل المنزل وجلس يتذكر ... . . وفجأه تذكر شيئا واحدا اراحه تماما تذكر انه ليس هو. أخذ مرآة في يده وبدأ ينظرالي صورته ويتذكر.. انه قد كان له شنب أسود كبير..وهذا الشخص الذي يراه لاشنب له.. وقد كان له يداية (صلعة) وهذا الشخص شعره أشقر طويل.. وهو شكله رجولي..أما هذا الذي ليس أنا يشبه الأنثي.. عندها سمع شخصا من خلفه يقول له: يا عمو صورة البت الفي ضهر المراية دي عجبتك ولا شنو؟؟؟ |
Quote: نظر الي مصدر الصوت فوجده ولد في مقتبل العمر ... عمك منو يا ولد ..انت انا عمك... ثم دخل في نوبة ضحك طويله ....... تصدق انا لحدي قبل شويه كنت غلطان زيك كده . . خرج الولد من الغرفه وهو يتمتم الله يشفيك يا عمي...الله يشفيك ..... .. ياولد الله يشفيك إنت ..عالم وهم انا ما عارف الواحد حيقعد لمتين ما لامي في نفسو.
|
قال (عمو) قال.. العمي الياخدك انت وابوك الأنت شبهو..
يالمخلقن..يالمبشتن..يالمعولق..عمك؟؟
بس كيفن أبقي عمك وابوك الإسمو أبوك شايلني في كتفو وكتين طهروني عند (خادم الله الطهارة!!)...
سكت قليلا وسأل نفسه..لكن خادم الله دي طهارة اولاد ولا بنات؟؟
وصحي أبوه اليوم داك كان شايلني ولا شايل( بتي)؟؟؟!!!
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
يا اخوانا عندي سوال صريح شوية انتو الناس فعلا بطنها طامه من الحصل للبوست والا الناس عملتها سبب عشان ترتاح شويه لانو البوست قبل التهكير كان ماشى بسرعة فلكية والناس كانت بتتعب عشان تتابع وتكتب
اذا كان الموضوع فعلا كده حقو الناس تستغفر وترجع ومافي داعي للجري الشديد اذا كان بنقطع مهما كان السبب وافتكر قليل مستمر خير من كثير منقطع
كلامي دا كلو لا لسبب الا لاحساسي باهمية استمرار المنبر كرابط لكل المهندسين
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
فوزى
Quote: كلامي دا كلو لا لسبب الا لاحساسي باهمية استمرار المنبر كرابط لكل المهندسين |
انشاء الله بكره بيكون احلى ( ده على حسب التلفونات الكانت مع جزء كبير من الاعضاء )
بس عليك بالصبر وقصص عمر حسين
ــــــــــــــــــــــــــــــــــــــــــــــــــــ
اكد لى الاخ طارق بمبو ان مواده التى اعدها فى تكريمى بروف سمير و دكتور معتصم موجوده وسوف يقوم بانزالها بس هو مشغول شويه مع الشركه الجديده
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
فوزي ،،
Quote: اذا كان الموضوع فعلا كده حقو الناس تستغفر وترجع ومافي داعي للجري الشديد اذا كان بنقطع مهما كان السبب وافتكر قليل مستمر خير من كثيرمنقطع
كلامي دا كلو لا لسبب الا لاحساسي باهمية استمرار المنبر كرابط لكل المهندسين |
كلامك 100 100 وطبعا في البداية كلنا أصبنا بإحباط وطمة بطن لما حدث ،، والواحد كان متخيل نفسو حا يكون متفرج بس بعد كده ..
لكن ،،، ولنفس الأسباب الجذبتنا للبوست منذ البداية وللروح الطيبة الرجعتنا لناس وذكريات جميلة .. للتواصل والترابط الحصل بين الناس وهم في أشتات الدنيا .. ولما طرحناه من مشاريع (منها ما تم تنفيذه .. ومنها ما سيتم بإذن الله) لكل ذلك .. وأكثر الواحد لقى نفسو مجبر يرجع ..
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
تعرفو المشكلة حا تكون في الفترة الجاية
ناس ماشين (الضحية في السودان) .. - كوشت ، ليون ، إبراهيم .. طيعا الواحد برنامجو بيكون مليان وجري شديد .. والدخول للبوست ما حا يكون بنفس القدر ..
وناس ماشين الحج .... (الحبر .. وآخرون)
وناس حا يكونوا تحت رقابة وزارة الداخلية مباشرة أيام العيد (عارفين نفسهم)
ربنا يستر بس ... ..
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
يا كوشت ،،
Quote: اكد لى الاخ طارق بمبو ان مواده التى اعدها فى تكريمى بروف سمير و دكتور معتصم موجوده وسوف يقوم بانزالها بس هو مشغول شويه مع الشركه الجديده |
منتظرين عودتك يا بمبو .. وحكايا وادي عبقر ..
أنا برضو عندي المادة بتاعت تكريم الحبر .. فكرت كم مرة أنزلها .. بس طبعا فاقدة المداخلات بتاعت الناس ..
تخريمة: هشام مجذوب شكلو جد جد دق عودو .. واتعلق في لستك العربية يا بمبو ...
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
سلام للجميع،
يا إبراهيم، كوتش، فوزى،
كلامكم صح، الإحباط الحصل كبير، لكن ما مفروض الناس تستسلم ليهو،،
لكن أنا مصرة، لازم نلقى لينا طريقو أخرى نوثق بيها (إبداعاتنا)،
المشكلة إنو، الحكاية ما بتتعرف إبداع، إلا بعد ما يكتمل،،
بمعنى، إنو كل المشاركات و المناكفات و القصص، بتكون غالبا وليدة الموقف، و صعب الحاجات دى ترجع تانى أو تتعوض،،
أنا ما زال رأيى، إنو البوست دة يظل حلقة الوصل لكل جديد،،،
و دايرين رأيكم،،،،
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم ابوسمرة)
|
إييييييييييييييييق أبوسمرة ،،، تحياتي ...
Quote: ازيكم والله مشتاقين الحقيقة انو الهكر ده ماضرب المواقع السودانية بس انحنا زاتنا مضروبين فسامحونا عشان انحنا رجعتنا دايرة وقت |
ما تعملوها في الهكر المسكين ده ساكت ... ياخي انت من متين مسجل غياب؟ نسينا زاتو ...
نتمنى رجعتكم - وآخرين - سريعا ...
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
أبسمرا، حمدالله على السلامة،،،
غيبة طويلة لكن، الموضوع زى ما قال إبراهيم، ما هكر بس!!
غايتو نقول ليك، الجابك يجيب الباقيين....
و لو إنو أنا عارفة الحكاية طلة كدة على الماشى،،، (وش عامل عارف...)،
إبراهيم، سريع تعال بهناك، جاوب لى على السؤال....
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
ده شبو برسل رساله عبر اليوم الحار للجماعه
Quote: الأخوة المريخاب
المشاهد المعروضة ليس لها أي صلة بأحداث حقيقية من مباراة الهلال والمريخ القادمة
وأي تشابه هو مجرد صدفة من اخر هدف في البطولة رقم 5
وما في داعي للجرسة
مع أمنياتنا بأحلام سعيدة
|
وده المشاهد المجرسه الجماعه
والله يا شبو ده مشاهد توقف القلب
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
ابراهيم
Quote: أنا برضو عندي المادة بتاعت تكريم الحبر .. فكرت كم مرة أنزلها .. بس طبعا فاقدة المداخلات بتاعت الناس .. |
نزل التكريم ياخى وفى بوست منفصل لو سمحت
وياريت اى زول عنده ماده من المواد المفقوده ينزلها واهو ذى ما بقولوا القحه و لا صمة الخشم
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
خليل
Quote: ادونا صور عقد قران طارق تبن يا كوتش
وصلت الصور وللا لسع |
وده رد فوزى ليك فى الصفحه السابقه
Quote: خليل
ما شايف زول شايل كاميرا في العقد احتمال عشان فى الجامع التصوير حايكون يوم 12\12 يم العرس انشاء الله يعني الناس الجايين السودان فى عيد الضحيه حايتصورو |
خليل تابع بوستك ده معانا او حنعلن الانفصال و نحمل السلاح ( هاله قاعده تكون فى فصائل عشان يلحسوك يافرده ... اصحى لللون )
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
وعدنا
يا اخوانا القصه دى تاريها كانت مختلطه بالدم (ما حبيبى المنقه والتفاح حبيبى عسل والناس مساخ) دى قصة اليوم الحار الواحد بذل مجهود كبير عشان يتخلص من الادمان وقربت ادخل مصحة كوبر بعد ما اصابنى الياس من رجوع المنبر لكن ... انشاء الله الامور تمشى وما تتعثر
لكم الاشواق
ومرحبا" بفوزى عبدالفتاح
| |
|
|
|
|
|
|
Re: اليوم الحار ومابنداريوم الهندسة والمعمار (Re: Hala Hassan)
|
هشام مجذوب ،،، أول حاجة ،، فعلا سعيدين إنك لسة فاكر ... تاني حاجة ،،
Quote: الواحد بذل مجهود كبير عشان يتخلص من الادمان وقربت ادخل مصحة كوبر بعد ما اصابنى الياس من رجوع المنبر |
لكن الإدمان ماا .. عندك ....
المنبر رجع زمااااااان ...
الجابك يجيب الباقين ...
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
تهاني البير .. المريخابية العاقلة .. (طبعا المريخاب كلهم عاقلين) ...
Quote: يا كوتش رياضة ما معانا |
بس معليش .. طالما الجماعة جابوا سيرة البحر .. لازم نديهم من أمواجه شوية ..
يا كوشت ،،،
Quote: ده شبو برسل رساله عبر اليوم الحار للجماعه... |
Quote: الأخوة المريخاب المشاهد المعروضة ليس لها أي صلة بأحداث حقيقية من مباراة الهلال والمريخ القادمة وأي تشابه هو مجرد صدفة من اخر هدف في البطولة رقم 5 |
والجماعة... عبر اليوم الحار بيردوا الرسالة لشبو ...
(المشاهد المعروضة أدناه يس لها أي صلة بأحداث حقيقية من مباراة الهلال والمريخ القادمة وأي تشابه هو مجرد صدفة من اخر هزيمة ..) (1)
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
سارة الطيب،
ما تخافى من التمرد،
خليل ذااتو ح يشارك معانا فيه، و ح يكون عايز يقلبها لو عملناها،،
إحنا ديمقراطيين صحى، لكن بنحتفظ لكل زول بحقوقه العارفينها،، يعنى ما تشوفى خالك خليل دة نايم كدة،،
دة أصلا كان ليهو الفضل إنو الناس دى كلها جات و اتلمت من تانى، و أبتدت تعرف أخبار بعض،،
إحنا بس دايرنو يصحصح معانا شوية، و إلا........ (العين ديك العارفها إبراهيم..)،
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
ايريا المفقوع بالضحك
Quote: الود فوزي يتألق في المنبر وقصة التدريب المهني والكوتش فقعتنا بالضحك وبعد إتفقعت لقيتك قلت يكون أيريا إنفقع بالضحك والله تستحق يودوك التدريب المهني بتاع النقارين ومن نكات المهندسين قادمة من الأمارات قال ليك مهندس مسطول قالوا لي بفكوها بي شراب مقوي إسمو ريد بل مشي لي بتاع البقالة وقال لي لو سمحت أدينا يو تيوب وأجمل نكات الكلية الجميلة القديمة والتي لايفسدها الزمن بتاعت ادروب الشغال في الميناء وفتش ضهرية العربية الفلكسواجن قال لي :- سارق ليك مكنة وكمان مدورة وتحية لكل الأخوان |
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
علاء .......... ثم توقف عن التفكير
شعر بإعياء و إرهاق شديد إستلقي علي ظهره و دخل في نوم عميق . . . وفي الاحلام شاهد شخصا و اخذ ينظر اليه و بفرح شديد هجم عليه "ايوه دا انا...قبضتك.. أقصد انا قبضتني" و لكنه فضل ان يتراجع ولكن وجد الشخص يتابعه من مكان الي آخر كلما التفت وجده خلفه ولما تعب توقف و سأله "يا إبن العم إنت داير مني شنو" فأجابه متسائلا "انا الحلمان و للا إنت؟" "إنت...لا انا ....لو إنت انا يبقي حلمان إنت....لكن...." و إستيقظ مذعورا
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
سلام يا شباب،
إبراهيم، تصدق أنا لسه ما أتصلت عليهو، الرقم فى الصفحة دى و لا القبلها؟؟
كوتش، إنت برضو مشاركاتك قصرت،،، همتك معانا،،،
(الراجل دة ما داير تعدلو؟
راسى لفت ليهو..)
هشام مجذوب، فوزى، تحياتى،،،
خليل،،، نقول ليك زى ما قال إبراهيم؟ طيب، نتفاكر!!
سارة الطيب، شفتى إعلان التمرد جاب خالك خليل جارى كيف؟؟
| |
|
|
|
|
|
|
|