|
|
 يا تمبس.. هاجر كباشى تلعلع فى المكتب!!!
|
أمبارح ولا الجمعة ما عارفة،
دخلت المنبر،
و لقيت بوست بتاع تمبس: هاجر كباشى،،
أنا طبيعى بقتل الصوت فى الجهاز للاخر،
و لما كنت فى البيت، أخدت راحتى،
و عليت الفوليوم،
قلت أتثقف شوية.....
نسيت الموضوع، و قفلت الجهاز عادى،
و شلتو الليلة و جيت المكتب،
و أول ما أفتح المنبر،
إذا بها هاجر كباشى تلعلع على الاخر،
و شنو،،
أحاول أقفل الصوت بالفانكشن كيز،
حلف ما يقفل!!!
|
|
 
|
|
|
|
|
|
|
 Re: يا تمبس.. هاجر كباشى تلعلع فى المكتب!!! (Re: Hala Hassan)
|
| Quote: بعدين كانت شغاله يا تو أغنية .. |
ياها ذااتها،،،،
لكن قاليك أنا لحقت أسمعها،
لأ و قال كنت ماخدة راحتى و بتكلم فى التلفون،
(مكالمة رسمية..)،
الساعة الرميت ليك البتاع (التلفون طبعا)،
و بقيت أكابس فى الجهاز بايدينى الإتنين،
والله الصوت حلف ما ينزل،،،
تقول فعلا كلمت ناس مايكروسوفت يظبطوا الشغلانة عشان ما تقفل....
| |
|
|
|
|
|
|
|
|
 Re: يا تمبس.. هاجر كباشى تلعلع فى المكتب!!! (Re: Hala Hassan)
|
Quote: لكن قاليك أنا لحقت أسمعها،
لأ و قال كنت ماخدة راحتى و بتكلم فى التلفون،
(مكالمة رسمية..)، |
مكالمة رسمية ..؟
المدير .. male واللا فيميل ..؟
كان ميل عندي اقتراح .. ولو فيميل عندي اقتراح تاني ..
لو بقى ميل اربعين .. ديل ناس الشي زاتو .. والله الحبة ما تجيك .. أحتمال كبير جدا يخصص ليكم ساعتين كل يوم (أحـد) .. للاستماع والاسترخـاء ..
يعني يا هاله تجو يوم الاحد الصباح تسمعوا .. وتعوا .. واحتمال كمان يكون فيها بدل برستيج ينزل ليكم آخـر الشهـر .. مع الاوفر تايم ..
المهم.. كدي جربي علي الصوت شوية ..
معاي واحد مهندس سوداني .. في الطابق التحتاني .. لما جيت داخل الشركة الصباح سامع هاجـر كباشي ..
أنا قلت الليلة ناس الشركة ديل عندهم صبحية واللا شنـو..؟ تقولي يل برستيج ..؟
يازولة افتحي الصوت البسالك ، أنا بكلم ليهو أوبـاما..
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
| Quote: بلاي يا هاله كدي افطري وختي الرحمن في قلبك .. وافتحي الاغنية دي تاني .. واسمعيها من زاوية تانية بي برستيج جديد .. ووريني الحصل شنو..؟ |
والله يا تمبس،،
البنية غناية زى ما قلت،،
لكن من الدخلتنى،
حلفت ما أعلى الصوت تانى،
و لا حتى بالسماعات،،،
غايتو باقى لى،
ممكن أتعلم أقرا الصورة أسهل....
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
أبراهيم،
Quote: الليلة يا هالة ،،،
غايتو البرستيج ما بيتعوض ... |
غايتو يا إبراهيم،
البت عاملة جادة و رصينة،
و فجاءة جهازها يلعلع،
حـــارة خــلاصــــ،،،
اللذيذة،
عملت فيها الموضوع ما هامانى،،
و أتصرفت عادى خالص،
و أنا من جوة دايرة أوقفهم صف،
و أقول ليهم السمع حاجة منو؟؟؟
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
هند محمد،
| Quote: سلامات يا هالة برستيجك ماراح هدر الاغنية تستاهل |
قلتى كدة؟؟
طمنتينى....
Quote: انا ماخلت فينى ركبة
برستيجى اتوفى وانا بطلبها
انزرعت.. من عندك ماطالعة |
يا هلا و مرحب بيكى،
كدة معناها نطلب من تمبس تغيير مجرى البوست حقو الأصلى لواحد تانى...
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
يا تمبس،
Quote: مكالمة رسمية ..؟
المدير .. male واللا فيميل ..؟ |
أريتو كان المدير،
دة زول من برة خالص،،،
و بعدين إحنا مدرائنا ديل كان بفهموا جنس دة،
ما كان بقى دة حالهم،،،
ديل ناس فرانكفونية ساكت،،،
يعنى إلا ترطن معاهم فرنساوى، حتى يعتبروك زولهم،،،
كان جيت للجد،
إلا نكلم ليهم أوباما فعلا،،،
Quote: معاي واحد مهندس سوداني .. في الطابق التحتاني .. لما جيت داخل الشركة الصباح سامع هاجـر كباشي ..
أنا قلت الليلة ناس الشركة ديل عندهم صبحية واللا شنـو..؟ تقولي يل برستيج ..؟ |
يا زول، إنت متأكد ما كان فاتح البوست حقك ذااتو،
و حسه بفتش على برستيجو؟؟؟
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
ناهد بشير،
Quote: البرستيج ده خلاص اعملى ليه ماتم ....وارفعى الفراش تالت يوم بهاجر
وعلى الصوت على الاخر .....كان ما الفرنسيين المعاك يكابروك ....
ايينك ده بس تشوف ..... |
غايتو محاولين نلملموا حتة حتة،
و الليلة صريناها زيادة،
يعنى لعل و عسى،،،
إنتو بس أسألوا مننا،
عشان تتطمنوا بس،،
________________________
تسلمى يا اصيلة،،
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
هالة حسن اختنا الطيبة الحنينة الراقية
سلامي الاكيد واحترامي وتقديري وامتناني
سعيد بمواصلتك مرة اخري بعد انتهاء مرحلة الهكر
ونرجوا المواصلة في بوستاتك الجميلة
واكيد ناس المكتب ما بزعلوا طالما الغنية لهاجر
والحصل ده طبعا بيحصل في ارقي المكاتب
فما تشيلي هم فعادي زي زبادي اوكامبو ولا كابو!!!
فتك بالف عافية..اخوكي دايما..اشرف مصطفي
تخريمة لتمبس الجميل:
| Quote: أموت وبعد الموت يصلبوني صلب |
بلاي يا تمبس لو لقيت لي فيديو لغنية علي دي نزلها لي
وانشاء الله تكون في ميزان اغنياتك!!!!!!!!!!!!!
| |
|
|
|
|
|
|
|
|
 Re: يا تمبس.. هاجر كباشى تلعلع فى المكتب!!! (Re: Hala Hassan)
|
سلامات هاله والرائع تمبس
اتخيلى صالة التحرير بكل الهدؤ المشوب بالضجر والتركيز والمدير يبعد عنى زراع او يقل.. ولى يومين ماخد اجازة من بت عجاج ورافع صوت بت كباشى ,وكلو ما يعاين لى اذيد التون درجة, يفصل ارجعو يعاين لى اذيد...و .. تقولى برستيج رايح وقبل شوية بدا الجميع ينطرب ويلولح ,, حمرة عين كده يسمعو طربنا وبى سلمنا الخماسى كمان.. اها رايكو شنو!!
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
ود عكر،
سلام،،،،
| Quote: اتخيلى صالة التحرير بكل الهدؤ المشوب بالضجر والتركيز والمدير يبعد عنى زراع او يقل.. ولى يومين ماخد اجازة من بت عجاج ورافع صوت بت كباشى ,وكلو ما يعاين لى اذيد التون درجة, يفصل ارجعو يعاين لى اذيد...و .. تقولى برستيج رايح وقبل شوية بدا الجميع ينطرب ويلولح ,, حمرة عين كده يسمعو طربنا وبى سلمنا الخماسى كمان.. اها رايكو شنو!! |
و دى دايرة ليها رأى؟؟؟
طبعا عجبتنى حمرة عينكم،،،
قلتى لى الموضوع دة وين؟؟
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: الطيب شيقوق)
|
Quote: لأ و قال كنت ماخدة راحتى و بتكلم فى التلفون،
(مكالمة رسمية..)،
|
كا كدى يا هالة ياختى ألحقى صاحبينى سريع..
تمبس..إزيك
والله يا تمبس يا أخوى كان شفت روحك لما تكون
رايق وبعيد من المشاكل بتكون ظريف كيف..
ما أظنك كلو كلو تتور نفسك أو تعمل ليك مشكلة
مع زول أو تكتب وإنت زعلان..
لك محبتى وربنا يديم الهداوة...والمحبة
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: ابراهيم محمد الحسن)
|
| Quote: خلي خالد حبة يجيب لينا هاجر كباشي في الحنة |
والله تأمروا بس يا هندسة..
هو ياخى عرس لينا بى ساهل ولا عرس لينا بى ساهل..
يمين قربنا نفتح فيهو بلاغ..
الله يبارك فيك..وإنشاء ربنا يديم الأفراح..
ونتمنى أن نلتقيكم كلكلم فى العرس
والذى من المؤمل أن يكون على آخر ديسمبر إنشاء الله
وهذه بمثابة دعوة للجميع والحاضر يكلم الغائب..
طبعاً يا هالة زى ما قال أخونا أبراهيم
الموضوع ما محتاج إعتذار..
عشان كلو هندسة فى هندسة..
أصلو أخونا المهندس/خالد محمد عوض الكريم عقد يوم الجمعة
بمدينة العين حيث يقيم أهل العروس..
| |
|
|
|
|
|
|
|
|
 Re: يا تمبس.. هاجر كباشى تلعلع فى المكتب!!! (Re: azhary awad elkareem)
|
Quote: تمبس..إزيك
والله يا تمبس يا أخوى كان شفت روحك لما تكون
رايق وبعيد من المشاكل بتكون ظريف كيف..
ما أظنك كلو كلو تتور نفسك أو تعمل ليك مشكلة
مع زول أو تكتب وإنت زعلان..
لك محبتى وربنا يديم الهداوة...والمحبة |
.. والله يا ابو الزهور احييك على المعلومات دي ..
الايامات دي الرياض الجو فيها ماطر وفيهو شوية بتاعت جو ربيعي ومرات كدا .. بتجيب ليها برودة .. اها نحن الظاهر لي الواحد مع الموية وزيادة البحـر حاجاتو بتتصلح ..
والله مسالة اعمل لي مشكلة دي وتوير النفس .. خالص ما في برنامجي ..
ياخ ان اكتر من مرة صرحت أنو الجماعة ديل انا قاعد اكتب ليهم بي يدي الشمال بس وبي اصبعين اتنين .. ولسه ما ختيت يدي اليمين في الكيبورد لكن ما عارف ليه ما عايزيين تصدقوني انو نفسي ما بتووور ولا حاجة ..
الله يديك العافية يا ازهري ويديم المحبة .. والواحد يكون بالو رايق أو حتى لو ما رايق يتشاف انو رايق ..
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
Quote: أصلو أخونا المهندس/خالد محمد عوض الكريم عقد يوم الجمعة
بمدينة العين حيث يقيم أهل العروس.. |
طبعا يا أزهري الخبر ده معلن في بوست الهندسة (راجع منبر الهندسة)
وقد اتصلنا بخالد وباركنا ليه ..
Quote: ونتمنى أن نلتقيكم كلكلم فى العرس
والذى من المؤمل أن يكون على آخر ديسمبر إنشاء الله
وهذه بمثابة دعوة للجميع والحاضر يكلم الغائب.. |
أنشاء الله ..
بس انا اتفقت مع العريس يظبط اليوم قبل رجعتي ..
لأني أنا مفروض أرجع آخر ديسمبر ..
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
إبراهيم،
Quote: طبعا بتعرفي إشراقة الطريفي ...
أها ..
دي أخت أزهري عدييييييل ... |
أقول ليهو خالد يقول لى إشراقة!!
يا عم إبراهيم،
أزهرى دة حقنا عديل كدة،
و طبعا صاحبنا،،،
ولا شنو يا أزهرى؟؟
منتظرة الدفع القانونى عشان تخارجنا من ورطة تمبس دى ..
و ما تقول لى حق شنو و بتاع شنو...
| Quote: تحياتنا لإشراقة يا أزهري ... |
و أنا كمان،،،
و مبروك عرس ولدنا و ولدكم....
| |
|
|
|
|
|
|
|
|
 Re: يا تمبس.. هاجر كباشى تلعلع فى المكتب!!! (Re: Hala Hassan)
|
| Quote: أقول ليهو خالد يقول لى إشراقة!! يا عم إبراهيم، |
| Quote: أزهرى دة حقنا عديل كدة، و طبعا صاحبنا،،، |
| Quote: و أنا كمان،،، ومبروك عرس ولدنا و ولدكم.... |
| Quote: أزهري الطريفي عوض الكريم .. و خالـد محمــد عوض الكريم .. |
والله ما وقع ليك يا ابراهيم ..
يا هاله ويا ازهري ويا ابراهيم .. عاينو والله انا كنت ماشي معاكم كويس .. ومتابع .. لحدت نص البوست دا (صدنلي) بقيتو تلخبتو .. خالد وازهري واشراقة .. وأحمد.. وعم إبراهيم
يعني بكري ادى الشباب ديل باصووردات واللا الحاصل شنـو..؟
خلونا معاكم في البرستيج..
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
| Quote: يا هاله ويا ازهري ويا ابراهيم .. عاينو والله انا كنت ماشي معاكم كويس .. ومتابع .. لحدت نص البوست دا (صدنلي) بقيتو تلخبتو .. خالد وازهري واشراقة .. وأحمد.. وعم إبراهيم |
شفت كيف يا تمبس؟
الواحد يكون قاعد فى بيتو، لا بيهو و لا عليهو،،
فجاءة يجوهو ناس إبراهيم ديل،
يلخبتو عليهو المسائل،
لكن ولا يهمك،
إحنا (صدنلى)،
بنرجع للبرستيج تانى،
و غايتو عزاؤنا:
واحد: ناس أزهرى ديل لو وقفوا معانا ممكن يلاقوا لينا مخرج،
إتنين: ناس إبراهيم و أزهرى ديل ممكن يقنعوا لينا ناس خالد العريس يجيب بت كباشى للعرس،
وفى الحالة دى، إنت طبعا فى أول قائمة المعازيم،،
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
إشارة للبند اتنين اعـــلاه يا هاله ..
ما يقنعوهو ولا حاجة خالد دا ..المسالة ما بتحتاج .
تسوقي معاك ناس ازهري .. وتجيبو هاجــر .. وشوفي بعداك البرستيج ببقى كيفن ؟
انا غايتو مركز على الحتة بتاعت البرستيج دي في مناسباتنا السودانية مكن قيدومة .. إلخ
دا بنفع مشروع تخرج مش كدا.. ؟
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
العزيزة روزمين،
نشكركم لمؤازرتكم لنا،،
Quote: هههة أتخيلت منظرك يا هالة وأنت مخلوعة
يا ستى كفارة لبرستيجكم , علشان تانى ما تعملوا فيها جادين |
اللذيذة يا روز، البت عاملة فيها كوول (على رأى العيال)،
و أقع ليكى فى الجهاز بايدينى الإتنين،،،
لكن ولا يهمك،
بعد كدة،
تانى ركبت ليكى وش،
ولا كأنوا حصل حاجة..
يعنى، إحنا ولا يهمنا برضو!!
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
| Quote: تسوقي معاك ناس ازهري .. وتجيبو هاجــر .. وشوفي بعداك البرستيج ببقى كيفن ؟ |
فى الحالة دى يا تمبس،
ندى كل إختساس لزولو،
ولا شنو؟؟
و إختساس هاجر فى حنة العريس دة، حق إبراهيم محمد الحسن،،
إذن يا إبراهيم،
الموضوع أتحسم خلاص،
ولا على كيف العريس بعد كدة،،،
Quote: انا غايتو مركز على الحتة بتاعت البرستيج دي في مناسباتنا السودانية مكن قيدومة .. إلخ
دا بنفع مشروع تخرج مش كدا.. ؟ |
أنا معاك، بالنسبة لمشروع التخرج دة،
فى رأيى الطالب ح يكون محظوظ،
لأنو ما ح يحتاج بحث كتير،،
من أول مناسبة، النظرية بتتأكد،،،
حظوظ،
ناس تتخرج ببحوث زى دى،
و ناس يقولو ليها، تجيب الديب من ديلو!!
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
طبعا يا تمبس عاااااااااااااااااااااااااااااااااااااااااااااااااااااااااااااا
ااااااااااااااااااااااااااااااااااااااااااااااااجز عن الشكر.
انت عارف انا عندي الغنية دي مسجلة في شريط فيديو و هاجر كانت لابسة توب وكانت الغنية بصوت اجمل من كده .. واي زول يزورني خاصة جاي من السودان بفتح ليهو الشريط وبعيدو كم مرة..انا شخصيا شفت الاغنية دي لما يقارب من مائة مرة.
كان نفسي اشوفها في الكومبيوتر واشغلها دايما وقلبت اليو تيوب قلب وما لقيتها لكن الان فرحتني جدا لمن جبتها لي.
برضه من الاغاني العاجباني جدا ولقيتها قريب في اليو تيوب لعابدة الشيخ...بي وبي باقي.
وعندي شريط كاسيت جميل لمصطفي مضوي ارجوا ان تكون سمعته فيه: الوليد الضيف ردتنوا كيف..., منديلي ضاع مني...اذا ما عندك ارجوا شرائه من السودان لانه في غاية الروعة.
تشكر يا تمبس يا حبوب وانشاء الله ما نتحرم منك.
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: ASHRAF MUSTAFA)
|
أشرف مصطفى،
صباحاتك طيبة،،
| Quote: كان نفسي اشوفها في الكومبيوتر واشغلها دايما وقلبت اليو تيوب قلب وما لقيتها لكن الان فرحتني جدا لمن جبتها لي. |
بختك يا عم،،،
و بعدين الأغانى المميزة و الأفلام المميزة،
شكلك ذواقة كبير،
أنا بقيت نفسى أعرف مكتبتك دى فيها شنو بالتحديد،،
(شكلنا لو فى يوم أتجاورنا،
ح نستلف منك وان واى (بس))،،،
تحياتى،،
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
إبراهيم،
وين الليلة؟؟
مالكم؟؟
خير...
Quote: أيوة الموضوع اتحسم خلاص ...
والعريس قال ما عندكم مشكلة ..
بجيب هاجر كباشي .. |
شفتوا يا جماعة؟؟
و كدة جات الأكيدة،،
شكرا يا عريس،
شكرا يا إبراهيم،،
تمبس، الدعوة وصلت؟؟
أشرف مصطفى،
إنت كمان معزوم،،
تانى منو؟
تانى منو؟
هند محمد، نجيب ليك كرت، و لا كدة الدعوة واصلة،،،
والقائمة تطول...
إبراهيم أقول ليك،
أنا ح اجيب تفويض مفتوح من العريس،
و بعدين أواصل...
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: ابراهيم محمد الحسن)
|
هالة يا ملكة تحياتي
بالنسبة للزوق لو شفتي مكتبتي ما حا تصدقي
عندي حاجات حتي في السودان ما موجودة
هاكي امثلة:
حنان النيل...اول شريط بتاع قم يا ضرير الشباب وصباح النور
عماد احمد الطيب...جنوبية و يا جارة يا جارة
بعدين عندي ديل كمان
مصطفي مضوي...الوليد الضيف ردتنو كيف وا سواد امه الاهله في الجريف
حيدر بورتسودان...عروس البحر
النور الجيلاني...خواطر فيل
حسين شندي...يا جميل يا راقي احساسك
اللحو...المك نمر
سلين ديون
حنان (مصرية) اغنية بسمة
سميرة سعيد...مش حا اتنازل عنك ابدا مهما يكون
عمرو دياب...ميال
كابوريا
الفيس بريسلي
و........................
الاف من الاغاني الجميلة التي لا تقاوم
دي بس تصبيرة لكن حاجيكي راجع بالمزيد
بعدين كونك تستلفي باتجاه واحد دي تستاهليها وفوقها هدية
مكتبتي كلها تحت امرك
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: حنين للبلد)
|
حنين للبلد
تحياتي
Quote: النبي فيك
غير الصورة بتاعت بروفايلك دي.... |
اولا مرحب بكي لانو لي فترة ما قابلتك وانا اول ما شفت اسمك اخر مداخلة فرحت جدا وقلت احيكي عبر هذا
البوست.
لكن بصراحة زعلت جدا انك حلفتيني بالنبي
انا ما بحب زول يحلفني بالنبي (ص) ولكن طالما ده حصل حاضر اشيل الصورة
يعني دخلت البوست فرحان من كل قلبي بوجودك ولقيت رسالة لي؟؟؟
طيب ما كان تحلفي!!!بعدين كان تشرحي السبب
وانا طبعا بعزك جدا جدا لكن ما عارف شنو المزعلك من الصورة؟؟؟
علي كل حال عشان انا بعز النبي (ص) مسحت الصورة.
ومرحب بيكي مرة اخري يا اختي العزيزة
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
أشرف مصطفى،
| Quote: دي بس تصبيرة لكن حاجيكي راجع بالمزيد |
مش قلت ليك،
أنا كنت واثقة من الكوليكشن بتاعتك،
ح تكون حاجة تمام،،
Quote: بعدين كونك تستلفي باتجاه واحد دي تستاهليها وفوقها هدية
مكتبتي كلها تحت امرك |
تسلم يا راجل يا رائع،
كلك ذوق،،،
مودتى و تقديرى و إحترامى،
(ولا على كيف ود البشرى..)
_________________________
خواطر فيل دى،
كنت ح أفتح ليها بوست عديل،،
ممكن لو سمحت بوست الحفظ،
ممنونة،،،
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
قيقراوى،
| Quote: البجيب الرااايحة في . . . ادفعي البياض بس و ساعدين باوصاف الفقيد |
طويل، شعرو أصفر، عيونو زرقا،،
| Quote: عموماً كان ما اتلقى . . . الجاتك في برستدجك سامحتك . . . |
ما أتلقى كيف يعنى،
تجينى تقول لى بنلقاه،
و بعدين ترجع فى كلامك؟؟
أقول ليك حاجة،
الليلة أصلو ما بخليك،،
أها...
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
Quote:
الليلة أصلو ما بخليك،، |
الليلة وووب او كما قالت
| Quote: و بعدين ترجع فى كلامك؟؟ |
دا ما كلام رجال . . .
البرستيج دا شغل ديغتل الفكي بتاعنا ما ادوهم ليهو في الخلوة
الشغلة دي عاوزة ليها سيرفر ذاكرتو كم ( قيقا ) كدا . . . واحد ما بقضاها ليك . . . نانو شنو ؟ البرستيج دا عويص خلاس . . . تحسبوا لعب ساي ؟
كنا بنرسل ليك المحاية الاسفيرية مسنجر تعملي ليها برنت أوت ( تحوليها لشكل هارد كوبي )* و تبليها و تشربي مويتا . . . لكن نعمل شنو للهكر ؟
ما دا الخلا عمك وردي يردد ( جواباتي البوديها تقول لا بتمشي لا حاجة ؟!! ) . . . اصحى يا بريش !!! . . . دي شغلة دايرة ليها قوالة ؟ . . . انت اتهكرت و ما جايب خبر بس
------------
* عملية الترانسفورمينغ دي مفصلية في شغلتنا دي . . . نانو شنو ؟ شغلتنا دي ما روحية - مادية . . . تراثية ( مكدّبة ) - عصرية ( ديغيتل )
و مع انو البرستيج احساس داخلي ( نفسي - اجتماعي ) متعلق بتحقيق الذات . . . بمعنى تاني البرستيج ذات نفسو في صحته بحوي مرض ( نقص البرستيج المكتسب )* او ( هدر البرستيج المكتسب )* و دي مرحلة متأخرة جداً من المرض . و دي خارج نطاق تخصصنا. دا شغل حكماء ، و شراب محاية ساي ما بجيب نتيجة و قيل الدواء ذاتو ما بعالجا . . . دي الا يمزوا ليها المُر و يشرع للرجال اطلاق اللحى و اعفاء الشوارب - ما كفاية هم شاربين ؟ - تأسياً بالمشوكشين من العرب كما تواتر من اخبار جاهليتهم في مضارب الحبيبات ( ليلى - و سلمى - و بثينة - عزة . . . )
يا شباب عليكم النبي ( زي ما قالت حنين ) واحد يعمل لي الابريفييشن بتاع مرضيني ديل بحروف لاتينية
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
Quote: اولا مرحب بكي لانو لي فترة ما قابلتك وانا اول ما شفت اسمك اخر مداخلة فرحت جدا وقلت احيكي عبر هذا
البوست.
لكن بصراحة زعلت جدا انك حلفتيني بالنبي
انا ما بحب زول يحلفني بالنبي (ص) ولكن طالما ده حصل حاضر اشيل الصورة
يعني دخلت البوست فرحان من كل قلبي بوجودك ولقيت رسالة لي؟؟؟
طيب ما كان تحلفي!!!بعدين كان تشرحي السبب
وانا طبعا بعزك جدا جدا لكن ما عارف شنو المزعلك من الصورة؟؟؟
علي كل حال عشان انا بعز النبي (ص) مسحت الصورة.
ومرحب بيكي مرة اخري يا اختي العزيزة |
اشرف مصطفى ياتحسس
والله ضحكتني الليلة قلت لي كنت مرتبط شديدبالصورة...طيب عاد لو عاجباك قدر ده ختها تاني عفيناك من الحليفة، لكن بيني وبينك ماعارفة ليه ابدا ماعجبتني وبحس بيها ماعندها علاقة بيك ...وامكن كمان ادتني ايحاء انه اي شيء بالعضل حتى الاختلاف عشان كده كل ما اقول ادخل ارد ليك في اي بوست القى ليك اخونا ده بستعرض لي في عضلاته اغير رايي
بخصوص الحليفة، عاد تعبت معاي ابوي لاني حليييييييييييييييييييييييييييييييفة
بالمناسبة عامل كيف، والله انت زول رضي لكن شلة الانصرافيين اصحابي ديلاك ساكت مستقصدنك
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
هالة صحبتي "صحبتي دي بتذكرن اجمل سنين العمر لمن كنت صغيرة"
النبدا اول شيء بت امي بالفيس بوك ده...تصدقي زميلاتي وزملائي في المكتب مجننا بالفيس بوك ده انا عاد مكجناه جن العدو، تعرفي اولا لانهم هم الكرهوني فيه تفتحي الصفحة بتاعة الواحدة تلقيها كلها، الليلة قمت مزاجي معكر لا الليلة مزاجي صحو، سمعت اغنية لي فلتكان العلتكاني ، نزلت كم باوند مشيت سهرت مع صحباتي وين ماعارفة ، زوجي الليلة عزمني شنو ماتفهم..وكلو طبعا بالصور.....كرهونا العيشة والفسفسة....
ثانيا ماعارفة لي بس من خلال تعاملهم مع الفيس بوك حسيت بي بتدخل في خصوصيات الناس ازيد مما يجب وانا جني وجن التحشر، لابحب اتحشر في خصوصيات زول ولا زول يتحشر في خصوصياتي...
نهايته...الفيس بوك السوداني المعدل ماشفتوا ققل كدة تصدقي جاهلة جهل العدو...
كدي بيني وبينك يعني عدم تعاملي مع الفيس بوك ده بأثر في برستيجي ولا كدة..عاد ياامي كلو ولا البرستيج...
هالة...والله الهكر قطع راسنا في ايميلك ..نقول شنو عاد..نسكت بس..
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: قيقراوي)
|
قيقراوي
ازيك يا راقي
Quote: اشرف و حنين كدي باركوها
امي بت السيمت كان خسموها بالنبي بتقول : النبي ليهو الطاعة و الشفاعة
اها يتبرأ منكم |
حنين دي اختي يا قيقراوي
انا ازعل من نفسي ولا ازعل منها
بعدين انا عملت فيها مقلب ختيت صورة شينة وهي علقت عليها وبعدين قاعدة تضحك
يعني ما ضحكت في صورة البروفايل الحالية دي
لكن يا حبوب انت ما تابعت الموقف
تسلم يا حبيب
اخوك اشرف
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: عبد الناصر الخطيب)
|
عبد الناصر الخطيب،
Quote: سمعي ... ممكن يضيع أتخت برستيج بس في المكتب أحسن ( الهد فون )
تندمج في شغلك وتحويلتك ما ترد ... لحدي ما يرسلوا اليشوفك قاعد ولا زغته
يلقوك قاعد بمزاج يحسدوك عليهوا ...
بس ما سمعته رنت التلفون ... لكين لما تبقي الحته ملحوظة في إجتماعك مع مديرك
يبقي أحسن تودي السماعات الهد فون البيت وتخلي السماعات تلعلع في المكتب ............... |
شكرا للنصيحة القيمة،
شكلها كدة،
أسأل مجرب،،،
بس ما فهمت أحسن الهيدفون ولا السماعات للبرستيج فى المكتب؟؟؟
عندى قصة تانية مع الهيدفون دة،
بجى بحكيها ليكم،،
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
حنين يا حنينة،،
كيف أصبحتى؟؟
(طبعا بأعتبار، ح تشوفى الرسالة دى بالصباح و كدة..)،
أما بشأن الفيسبوك،
فأعرفكم أختى،
أننى أشعر بذات (الشئ) عند التعامل معه،،
بالعربى كدة،
دايما بجينى إحساس،
داير ليهو زول فايق و رايق،
و أنا الحمدلله،،،،
لكن حقيقة لقيتو مفيد جدا، فى الربط بأصدقاء قدامى،
فقدنا الصلة معاهم،،،
حاشية:
غايتو ما بعرف،
أتصرفى،،
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
قيقراوى،
صباحاتك،،،
Quote: يا هالة ما حداكم تراب نجي نسفوا ليكم قدامكم عشان تآمنوا ؟ . . .
بعيد عنك هنا نوعية التراب و جودتو ما بتتناسب مع البرستيج بتاعي |
أولا،
أقبل الإعتذار مننا عشان التعليق،
و أسفين للمراجعة،،
لكن التعليق (بالنسبة لى )
كان بيخاطب حنين و اشرف أكتر من أى زول تانى،،
صحى جا باسمك،
لكن دة من عشمنا بس،،،
و عموما حصل خير،،،
مداخلتك الفوق دى،
ما ناسياها،
بس قاعدة أمرق فى كتب الفيزياء و الكيمياء و الميتافيزيا العندى،
عشان أحاول أربط،
و بجيك صادة،،،
____________________________
اشحن ليك تراب بحر،
ولا رملة ناعمة؟؟
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
كوتش،
(دفعة من وين؟؟؟
دة كلام شنو يا راجل؟؟)
Quote: بدل بوست اخونا تمبس كان مشيتى للبوست ده >
الفنان محمـــــد وردي ..
كان اترقيتى و بقيتى مدير عام . |
ما قلنا دايرين نتثقف،
وردى دة شايفنو و عارفنو،
لكن خبرات ناس تمبس دى،
نجيبها من وين؟؟؟
بعدين مدير عام دى،
بستحقها أأأآى،
لكن قالوا صغير شوية،،،
بنتظر،،
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
Quote: حنين .. ياخ انتي وين يا زوله؟؟؟
مالك الحاصل عليك ؟ |
حمور زيادة....قااااااااااااااعدة ابوي قاعدة اختاكم امشي وين انا.....بالمناسبة وحات خوتك امبارح عنونت بوست تحفة كده بي اسمك.....انا لي مدة طويلة من المنبر ده لكن امبارح بالذات لقيت لي مقطع فيديو في اليوتيوب تحفففففة كدة قمت فجأة كدة "امكن من تاثير متابعتي وقرايتي لي بوتاتك الايام دي" هفت لي اعنونه بي اسمك ..
والله بضحك في الرباط وفي العفوية الفيهو لي تلاتة شهور لي قدام كدة..المهم
فجاة اتذكرت انه انتوا في السودان مابتقدروا تشوفوا اليوتيوب...بعت الموضوع..المهم النية وصلت مش
بخصوص اشرف مصطفى....القصة كما يلي لغير المتابعين
حلفتوا يشيل بروفايل العضلات داك..
شالوا
شكرنا
خت لي صورة تانية غير الاسه دي اللي هي صورة مرعبة كدة...وغياظة في "آن واحد"
حلفنا
شالها
خت الصورة الاسه دي
"وكلام الله مابناباه لكن الفي اتعرفت"
هالة....والله ياهالة جيتي الجاية لي الخرطوم دايره ابرمج بيك عديل كدة...يااخي انتي زولة راقية عديل كدة..مرة تانية بوريك ليه.
قيقراوي.......وين الحي بيك ابوي ولا ضارب همبريب الرواكيب...بالجد جد...ازيك .
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: حنين للبلد)
|
حنونة وينك ياخ ..
شوق الشوق لامن فوق ..
بركة الاطمنا عليك| Quote: فجاة اتذكرت انه انتوا في السودان مابتقدروا تشوفوا اليوتيوب |
شكلك طولتي من البلد ..
ازمة البنزين انتهت .. صفوف العيش بقت مافي .. عباس دخل الجيش .. مروة جاها عريس لكن ابت قالت مرتبطه .. حسبو ود خالتي عواطف لقى شغل اخيرا .. سايق ركشه .. و اليو تيوب شغال
طمنينيا على ناس فتحيه بالله
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
قيقراوى،
Quote: أي حاجة من البحر بتكون كويسة و بتعمل ماتشينغ طوالي مع البرستيج بتاعي
و الله مسألة البرستيج دي حلوة خلاصة . . . و انا زمني كلو مضيعوا مع الناس الوهم ابو من غير برستيج |
قصدك لولى يعنى؟؟
(لؤلؤ)،،،
أسمع يا قيقراوى،
لغاية الرصيد و السمك،
إحنا معاكم،
لكن تجى تقول لى حاجات تانية،
لا أصحابى، لا بعرفكم،،،
الواحد ما يغلط بس،،،
حسه شوف عرفتنا الصغيرة دى، عملت ليك برستيج،
كان لقيت شنو من أصحابك الزمان؟؟
الطمع كعب يا قيقراوى،،،
Quote: عشم باكر ولا بتاع الساعة كم ؟
يا هالة اعتذار شنو ياخ
ما قلنا ليكم مكبرين الـ G و مروقين الـ D |
خلاص سحبناهو،
ولا تزعل،،
| Quote: لكن البت هاجر دي غناية البرستيج يطير و ما يرك بعدها |
بس إنت ما تخليهو يطير كلو،
اقول ليك حاجة،
مسكوا لزول،
بتحتاجوا تانى بعد ما هاجر تخلص و تلم العدة،،،
| |
|
|
|
|
|
|
| |
ابراهيم محمد الحسن
tmbis
Hussein Mallasi
هند محمد
محمد البشرى الخضر
ناهد بشير الطيب
ASHRAF MUSTAFA
الطيب شيقوق
rosemen osman
قيقراوي
حمور زيادة
فيس بوك
تويتر
انستقرام
يوتيوب
بنتيريست