|
|
 Re: يا تمبس.. هاجر كباشى تلعلع فى المكتب!!! (Re: Hala Hassan)
|
| Quote: قيقراوي.......وين الحي بيك ابوي ولا ضارب همبريب الرواكيب...بالجد جد...ازيك . |
دا قولك
هو داب همبريب ؟ و معاهو دعاش و ريحة طمي
ما خليت راكوبة في خط موازي لبحر ابيض مع رحلة الاسكلا . . . بما فيها راكوبة الاستاذ بتاع كوستي *
كنت في السودان الشقيق و جيت لقيت الدنيا هكر و استقطاب مبدعين و مهمشين . . .
للضمان كدا كل عام و انتوا بالف بخير كان ما لاقيناكم في العيد الجاي
--------------------
اشهر محل سمك في المرسى . و ثبت في الاثر الكوستاوي الصحيح ان زيارة كوستي لا تصح الا بزيارته و الا استوجب تجاوز ميقاته الدم .
| |
 
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
حمور،
| Quote: ازمة البنزين انتهت .. صفوف العيش بقت مافي .. عباس دخل الجيش .. مروة جاها عريس لكن ابت قالت مرتبطه .. حسبو ود خالتي عواطف لقى شغل اخيرا .. سايق ركشه .. و اليو تيوب شغال |
طمنتنى على حسبو لكن،،،
حنينـ،
طيب المرة الجاية دى متين؟؟
طمنينا برضو،،
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: قيقراوي)
|
قيقراوى،
Quote: ما عشان غايظاني البت مروة قريبتو دي
كل مرة جايبة ليها مكنة
كمان قال مرتبطة قال ؟ |
أتاريك إنت الخطيب الرفضتوه؟؟
و أنا ألوم فييك؟؟؟
معليش أمسحها فى وش مروى،
و كان ما لقيتها،
حمور قاعد،،،،
| Quote: مع حسبو دا اللوم احسن يا زولة . . . وظيفتو على الركشة ما تأكلو صير مغلي ساي |
لكن يا قيقراوى ياخى،
دة براه و دة براه،
بارك ليهو بس،
ما قلنا ليك تصاحبوا،،،
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: قيقراوي)
|
Quote: لا دا ما انا . . . انا الاولاني بتاع دايرة تكمل تعليما داك
انا وقتها كنت مرتبط بحفلة في الحلة الجمبهم[/QUOTE ]
متعاون مع هاجر كباشى كمان؟؟؟
Quote: Quote: حمور قاعد،،،،
الحالة ؟؟؟؟
كان كيدا ما شاء الله على الطول |
هو حمور عامل نفسو ما سامع ولا شنو؟؟
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: حنين للبلد)
|
Quote: وانت بالف خير ياقيقراوي...لكن ماااااااااااااافاتك كتير ابوي....
خلي بس في سرك. |
الله عالم انتو الفاتكم كتير
ياخ السودان دا لذيذخلاس في العيد و في غير العيد ذاتو و ناسوا لذاذ . . . باسطة بس
اها شفت ليكم حمور و زيادة كمان . . . جهرةً من غير حجاب
المرة الفاتت قلتا ليك بدري بدري عشان كنت ماشي السودان . . .
اسي ماشي الحج
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: قيقراوي)
|
| Quote: ماشي اشتغل . . . اكل عيش ؤ كدا |
انا زاتي في شري قلت قيقراوي ده خلاص كمل....الذنوب وماشي يستغفر ..لسه صغير وجاهل
ياخي خلاص مادايراه معاك تاني... ماترد عشان انا لمن ترد لازم ارجع ارد..والايام دي انا مقلة وكدة مافاضية ليكم
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
Quote: قيقراوى،
أها وقت تصلوا عرفة،
يوم الدعاء،
ما برفع إيدك مع الناس؟؟ |
ما بنصل عرفة لكن حدنا منى بس
ما سألتنّي ماشي اشتغل شنو ؟
شيطان اركز للفليق بتاع الحجاج دا
غايتو فيهم ناس فنانين ( جداعين ) خلاص
و في ناس بتتمها نبذ بس من جنس : ( الله ياخدك اخدت قوزي " تعني بعلها المصون " )
Quote: حنين،
خليكى من قيقراوى دة،
رسلى لى أدعيتك بالإيميل،
بعمل ليها أتاتش،،، |
هالة ياخ ما تلخبتي التخسسات هنا
شغل الفقارة الالكترونية دا تخسسنا. . . بالله ما تأملوا شغب ياخ
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: قيقراوي)
|
Quote: ما بنصل عرفة لكن حدنا منى بس
ما سألتنّي ماشي اشتغل شنو ؟
شيطان اركز للفليق بتاع الحجاج دا
غايتو فيهم ناس فنانين ( جداعين ) خلاص
و في ناس بتتمها نبذ بس من جنس : ( الله ياخدك اخدت قوزي " تعني بعلها المصون " ) |
قيقراوى،
لا ياخ،
الشغلة دى ما بنرضاها ليك،،،
أقول ليك أحسن شى،
إنت أمشى لم ليهم الشباشب (ولا مؤاخذة)،
بعد الرمى،
بكونوا محتاجينها بعد الزعلة تفوت،،،
Quote: هالة ياخ ما تلخبتي التخسسات هنا
شغل الفقارة الالكترونية دا تخسسنا. . . بالله ما تأملوا شغب ياخ |
قيقا،
الإختساس بتاع الدعاوى الإلكترونية دة،
حقنا من زمان،
إنت اللخبت،،،،
خليك فى الحاجات التانية ديك،،
لغاية حسه ما شفنا منكم شى،،،
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
Quote: قيقراوى،
لا ياخ،
الشغلة دى ما بنرضاها ليك،،،
أقول ليك أحسن شى،
إنت أمشى لم ليهم الشباشب (ولا مؤاخذة)،
بعد الرمى،
بكونوا محتاجينها بعد الزعلة تفوت،،، |
بالجد قاعدين نمشي نبيع صكوك الغفران للحجاج
سمعتن بالهدي و الفدية ؟
اها دي الحاج ما عليهو الا يستلم ورقة ( كوبون ) انو خالص الدمغة و الضريبة . . . دم مافي
المؤاخذات هينة الكلام في البقع منو حجر بتمها سب دين للشيطان !!!؟
دا نرجعوا ليهو كيف ؟ نسب ليهو ؟
Quote: قيقا،
الإختساس بتاع الدعاوى الإلكترونية دة،
حقنا من زمان،
إنت اللخبت،،،،
خليك فى الحاجات التانية ديك،،
لغاية حسه ما شفنا منكم شى،،، |
ديك ياتو ؟ برضو الجندر لاحقنا هنا ؟
لا ياختي ما تسلبطي ساي نحنا دايرين الجدادة انتي قالوك مصطلح " بياض " دا جاء من وين ؟
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: سناء عبد السيد)
|
سناء عبد السيد،
سلامات،
Quote: اسة اتخيلي كان يكون النور الجيلاني و تكون الاغنية اغنية vivi
و الله ما كنتي فقدتي البريستيج بس و الله كان فقدتي الوظيفة زاااتا |
والله كان كدى،
البرستيج هين،
مافى زول مشاركنى فيه،
و أهو ناس بيناوى و قيقراوى قالوا بجيبوا لى واحد تانى،
لكن الوظيفة،
تانى وين نلقاه؟؟؟
شكرا ليكى يا سناء نبهتينى،،،
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
Quote: ااي بالله ياهالة ماتلخبتي التخسسات
قيقراوي ده..تخسسنا
قلت لي اخصائي فقر وباطنية وتحجيم واتصالات ورمي جمرات........... |
اي و الله يا حنين . . . سبع صنائع و البخت ضائع
شغلة الجمرات دي قالو المصريين لقوا نفسهم اكتر الحجاج - و دي حقيقة - قالو لحسني مبارك نعمل الحج دا عندنا في مصر المهم ما اقتنع بكلامهم و بقى يرمي ليهم في الاسئلة الصعبة الطواف ح يكون وين ؟ و هم يقترحوا في الحلول . . و هو يصعب فيها لما رمى ليهم السؤال الكان بفتكر انو ح يهزمهم بيه : طيب الشيطان ح نقيبوا منينننننن ؟؟
قالوا ليه : معليش سعادتك في دي استحملنا شوية . . . اهي كلها كم يوم و تعدي على خير ان شاء الله
| |
|
|
|
|
|
|
|
|
 Re: يا تمبس.. هاجر كباشى تلعلع فى المكتب!!! (Re: tmbis)
|
Quote: مع خالص تقديرنا لك و لهاجر ( حلوه ده)
وبرضو كل التقدير لا خونا تمبس |
| Quote: لكن ناس تمبس ديل ما عرفنا لونهم شنو ! |
.. سلامات يا كوتش ..
نحن لونـا أزرق بي ابيض .. وعندنا حساسية مع اي لون احمر بطيخ ما قاعدين ناكلو ..
اصحى للون يا كوتش .. أصحى للون.
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
Quote: ااي والله يا هـاله .. لكن مالك نسيتي سلطة الدكـــوة
في سمك بياكلوهو بدون سلطة دكــوة ..؟ |
سلطة الدكوة و الشطة الخضراء كمان و جميع أنواع الشطوط،
لكن يا تمبس الناس الاكالين صحى،
السمك ده،
عيش ما بياكلوه معاه،
كدة لزوم، مافى طعم يلخبط عليهو،،،
ناس خبرات،،،
| |
|
|
|
|
|
|
|
|
 Re: يا تمبس.. هاجر كباشى تلعلع فى المكتب!!! (Re: Hala Hassan)
|
Quote: السمك ده،
عيش ما بياكلوه معاه، |
..  عايني
إنت فتحتي موضوع السمك دا براك ..
حسع خايف اقوم اشرح (واسترســل) قيقراوي دا تخنقو شوكــة نبقى حسع دي في اجرو الحوادث .. ويلاكم القصر العيني ..
الدنيا صباح يا هالة ما تجيبي سيرة البحــر .. نحن ناس قاعدين على الهبشة .. نقوم نغرق ليكم ساكت ..
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: tmbis)
|
Quote: إنت فتحتي موضوع السمك دا براك ..
حسع خايف اقوم اشرح (واسترســل) قيقراوي دا تخنقو شوكــة نبقى حسع دي في اجرو الحوادث .. ويلاكم القصر العيني ..
الدنيا صباح يا هالة ما تجيبي سيرة البحــر .. نحن ناس قاعدين على الهبشة .. نقوم نغرق ليكم ساكت |
تمبس،
إنتو الغربة خلتكم تبقوا مساكين و لا شنو؟؟
السمك دة كمان د\اير ليهو صباح و لا مساء؟؟
حسه لو كنت هنا،
شغال فى (أى) مكتب ح....،
أو فى عيادة عامة،
أو حتى محكمة!!،
كان قعدت بالساعتين و التلاتة،
تاكل فى السمك (فى الصباح داك)،
و تمصمص فى الشوك،،،
و بعدين قيقراوى دة ما فاضى لينا،
كمل سمك كوستى كلو،
و حسه قالوا ليهو فى مكة فى سمك حايم،
(ما عارفة كيف)،
لكن منتظرنو يجى يكلمنا،،،،
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
السادة اصحاب البريستيج سلام ...
انا حالعلع باسر رجعى ....
لانو لى كم بشوف البوست دا ويدى محرقانى بس الله غالب ..
هالة وتمبس وحنين وبقية المجانين ازيكم
قيقراوى ..
حمدالله على السلامة بالشوفة وبركة الرجعت لكيبوردك سالما
اها الخميس الفات وعلى بعد خطوتين من محل شغلى هاجر كباشى
كانت بتلعلع وعلى الهواء مباشرة .. قال ليك الاعمى شايل المكسر
يعنى كان الخواجة ادانى فرصة كان فركة كعب
باخد لى زوغة امتع اضانى وعينى واجى راجعة لكن تقولو شنو هنامافى اى طريقة
لاى حاجة ومابتقدر تقول لى الخواجة حبوبتى ماتت ولا جيرانا رفع الفراش حق خالتهم
كان مات ابوك زاتو هنا الناس بتقول سورى فور سيز (سورى دى لليلة ماقادرة ابلعها فى مسالة الموت دى)
المهم وعلى ذمة الرواى صاحب البريستج قال لى كانت مبالغة وهاجر كباشى دى
غنت جنس غنا..
مش قلت ليكم انا حالعلع باثر رجعى؟؟
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
Quote: .. سلامات يا كوتش ..
نحن لونـا أزرق بي ابيض .. وعندنا حساسية مع اي لون احمر بطيخ ما قاعدين ناكلو ..
اصحى للون يا كوتش .. أصحى للون. |
يا تمبس،
أهو لونكم دة بلفق مع ناس الكوتش تمام،
أساسا،
ما بفهموا أى لون تانى،،،
شكلكم كدة أتصاحبتوا،،،
لينا الاجر والله،،
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
بت الشيخ،
وينك إنت يا زولة،
بركة الهاجر كباشى مرقتك (من عزلتك)،
Quote: اها الخميس الفات وعلى بعد خطوتين من محل شغلى هاجر كباشى
كانت بتلعلع وعلى الهواء مباشرة .. قال ليك الاعمى شايل المكسر |
قلت لى لايف،
و ما مشيتى حتيتى برستيجك،،
والله زعلتينى زعل،،
حسه ناس تمبس ديل،
يكون موقفهم شنو فى الأمم المتحدة،،
لأ كدة،
تووو متش،
تووو متش،،
الله يكون فى عونك يا زولة،
أهى دى،
تستاهل يتفتح ليها بوست براهو،،
و الناس تجى و تتشاور،
لازم الية خطط الطوارئ تكون مفهومة و معروفة للكل عند التعامل مع أولاد جون و سام ديل،،
دعوة للنقاش،،،
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
Quote: لازم الية خطط الطوارئ تكون مفهومة و معروفة للكل عند التعامل مع أولاد جون و سام ديل،،
|
هالة الله يطمنك ....
اليات دى شغل اصحاب البريستيج ناس هندسة تحديدا(وش خبييييييييييث)
شوفو لينا الية سريعة لانى انا متضايقة شديد ... لانو الدوحة دى هنا السودانيين طوالى رابنها
والله بس تقولى نحن وين مابعرف ....
هالة...
مسنجر زاتو مافى عشان الزول كان فى كلام محرقو داير يقولو..
| |
|
|
|
|
|
|
|
|
 Re: يا تمبس.. هاجر كباشى تلعلع فى المكتب!!! (Re: Amira Elsheikh)
|
Quote: حسه ناس تمبس ديل،
يكون موقفهم شنو فى الأمم المتحدة،، |
.. عادي والله يا هــالة .. كان المسالة فيها خيانات بنستعمل حق (الفيمتو) .. | Quote: وبعدين اقراء مداخلتى الفوق دى بهمك .. عشان تعرف انو فعلا بينا هاجر كباشى |
.. 
ايووووة عشان كدا .. خلاص اتفقنـا يللا رسلي لي الكلام السر دا في رسالة قصيرة .. إنت عارفاني التقنية بتاعت الايميل والحركات دي ما بعرف ليها ..
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: قيقراوي)
|
Quote: تكوني طولتي من الحتات دي مش ؟ اها قلتي لي حافظة الرحلة من الاسكلة لي ملكال ؟
|
هى داب طولة والله قرمانة قرم عديل للخلا داك والحلال المجدعة فيهو دى
| Quote: دي آخر شموس رمضان 1429 هـ في " الرقيق " بعد " الشوال " البعد " الكوة " |
دايما ياقيقا بتختنا فى حتات ضيقة من القيقر لى الرقيق
والرقيق دى فى ناس حيحروفها لحدى ما تبقى رقة عديل(اسي القا دى يقروها كيف)
وحاة الله ماكان محتاج تقول جنب الشوال ولا جنب اللعوج
وكان ماخايفة عليك الحرج كان وريتك المحل داااااااك بالضبط والبحصل
فيهو..
ياخ انا اكتر من 20سنة خدمة فى الشارع دا تجى تقول جنب الكوة ؟؟
والله همشتنى شديد...
_______________________________
والله فاقدنك شديدوبركة بالجية
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
Quote: وكان ماخايفة عليك الحرج كان وريتك المحل داااااااك بالضبط والبحصل
فيهو.. |
خليها بيناتنابس يا بت عمي . . .
بحر ابيض ؤ كدا
بالله بطلي نظرات بزاوية حرجة ياخ
خلي الناس تاخد راحتا
Quote: _______________________________
والله فاقدنك شديدوبركة بالجية |
يباركوا ليك السمح
الله يخليك يا اصيلة
| |
|
|
|
|
|
|
|
|
 Re: يا تمبس.. هاجر كباشى تلعلع فى المكتب!!! (Re: ابراهيم محمد الحسن)
|
Quote: كان كدي انت حارم نفسك من الفواكه عااامة
يا ربي في فاكهة لونها أزرق ? |
طبعا لا يا ابراهيم ..
أول حاجة أنا نباتي خالص وبتاع خضروات وسمك وشية.. ولونــا
دا لو احتاج لي فواكـه بيشربه عصير .. دي خبرة (خمسة سنوات ) على التوالي (عصر جــد)
يعني عادي جدا .. (البطيخ + المنقة) .. ( بنعصرم) لمن يكبو الزيت .. بس إنت جهز جردلك إنت لسه شفت ليك (عــصر)
يا هــاله نجيب ليك عصير برتقـال .. واللا كدا كويس ..؟
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: معاذ حسن)
|
| Quote: تمبس اليومين دي بقيت أشف من معتصم ذاتو. |
نكبر دماغنـا ما ينفع معاك يا معاذ ..
(نشــف) ما تريحونــا ..
ياخ إنت ما تصبر لي حبتين مش احتمال قاعـد (استشف ) فوق راي ..؟
لكن بيني وبنيك يا معاذ..
أنا عامل نسخة احتياطي من معتصم .. أعلى مستوى شفافية وصل ليهو .. طبعا قبال التعديلات الأخيرة
قلت ليك راقد لي فوق راي لكن ما بتصدقني ..
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
| Quote: لأ،أنا مزاجى Tropical Blue |
المصيبة القلتيها دي اوعـه علبته تكون خضــرا وفوقـه نجمة حمراء يا هــاله ..؟
الله يقدرك تكسري ليها تلج .. وتتصوري جمبهــا ..
بالنسبة لي ناس الأحمر ديل .. لاقيني بكرة بالليل كان الله حيانا في البورد دا .. لكن لو عصرونا أووعك تسالي مني بخســرك ..
| |
|
|
|
|
|
|
|
|
 Re: يا تمبس.. هاجر كباشى تلعلع فى المكتب!!! (Re: tmbis)
|
Quote: المصيبة القلتيها دي اوعـه علبته تكون خضــرا وفوقـه نجمة حمراء يا هــاله ..؟
الله يقدرك تكسري ليها تلج .. وتتصوري جمبهــا ..
|
لا والله،
(وش برئ)،،،
دى بشربوها فى (كباية) فى الكافى عادى عندنا فى الخرتوم،
و كمان تاكل معاها قطعة جاتو.. بس،،
| Quote: بالنسبة لي ناس الأحمر ديل .. لاقيني بكرة بالليل كان الله حيانا في البورد دا .. لكن لو عصرونا أووعك تسالي مني بخســرك .. |
أوكى..
فهمت،،
________________________________
إنشالله يا تمبس و معاك ناس الكوتش تنومو بكرة مبسوطيبن،
و كان ما نمتو ذااتو، ما مشكلة يعنى،
ما دام فرحانين،
ناس أميرة الشيخ و إبراهيم ديل،
برضو ببقو أصحابنا،،،
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
أميرة الشيخ،
كلام أمبارح،
| Quote: اليات دى شغل اصحاب البريستيج ناس هندسة تحديدا(وش خبييييييييييث) |
الظاهر كدة،
ما متأكدة،،،،
كدة أسألى كيكى،،
Quote: شوفو لينا الية سريعة لانى انا متضايقة شديد ... لانو الدوحة دى هنا السودانيين طوالى رابنها
والله بس تقولى نحن وين مابعرف .... |
ما قلت ليكى،
الناس تجتمع و تبحث الموضوع من كل جوانبه،
و فى النهاية لازم تصل لنتايج مرضية و فعالة للمشاركات (بتاعة الربات و كدة ..)،
ناس تمبس و صحبه،
الظاهر ما فاضيين لينا اليومين ديل،،
نديهم فرصة شوية،،
و يا أميرة، عليكى الله ما فينا من زعل،،،
___________________________
غايتو (الله يستر..)،،
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: Hala Hassan)
|
Quote: قنقراوى،
البركة فى البوست دة،
|
قنقراوي بالغاء ؟ . . .
قنقر ؤ كدا يعني ؟ . . . عيش الريف ؟؟ ذرة شامية عديل كدا ؟؟؟
هييييييي و تاني هيي يا هندسة : قيقر ماشي الحال . . . رِقِيّق اهي في الدرب . . . ام رقيقة ( ام انثى معكوس قيقر ) ما بطال. . . معاك حتى قرقريبة اهي بتعمل الكسرة البتعمل ماتشينغ مع ام رقيقة ما قلنا حاجة . . . لكن تنسبونا لعيش الريف دي كدا بنرفع عليكم قضية ( نسب ) في " محكمة الكاوبويات " * في كوستي
Quote: البركة فى البوست دة،
|
لا حولتن الا بالله و البوست مات ليهو منو ؟
-------------------
* المحكمة الشعبية
| |
|
|
|
|
|
|
|
|
|
Re: يا تمبس.. هاجر كباشى تلعلع فى المكتب!!! (Re: قيقراوي)
|
قيقا،
أولا حظك كدة،
جهازى عامل فيها شغال براسو براااهو،
شى يسويه و شى يخليه،
إيه رايك،
والله والله أنا صححت الإسم بعد ما مشى،
الظاهر جا راجع تانى،
أكيد فى سر،،
حسه إنت ذاااتك بالغت،
أصححه ليك تانى كيف،
بعد ما أثبت الحالة كدة،،
الواحد ما يغلط أصلو،،
| |
|
|
|
|
|
|
|
| |
قيقراوي
سناء عبد السيد
tmbis
ASHRAF MUSTAFA
ابراهيم محمد الحسن
معاذ حسن
فيس بوك
تويتر
انستقرام
يوتيوب
بنتيريست