|
|
 Re: من هو هذا الصلاح البندر؟؟!! (Re: الجيلى أحمد)
|
فاروق عثمان
تحياتي
"Quote: علي حسب ما سمعت ان اكبر قبيله في السودان قبل انفصاله هي الدينكا
ويبلغ تعداد افرادها سته مليون.
بعد انفصال الجنوب وذهاب عشره مليون نسمه هي ربع سكان السودان يصبح عدد سكان السودان الشمالي 30 مليون نسمه
لا اعتقد ان رقم سبعه مليون نسمه لقبيلة الفلاته صحيح لانهم بذلك يصبحون ربع سكان السودان الشمالي تقريبا,واذا استصحبنا
مجاميع قبيله لبعض القبائل كالفور والزغاوه والمساليت والبجه والنوبه بشقيهم نوبة الجبال ونوبة الشمال والفونج,هذا غير القبائل المستعربه
وبقية القبائل نجد ان هذا الرقم غير دقيق اطلاقا . |
"
بالعكس الرقم دا صغير و لا يعبر عن الحقيقة!
انا كان عندي كتاب كاتبه واحد قبطي سوداني اظن اسمه ادموند يعقوب لكني لست متاكد تماما, اسم الكتاب People and economics in the Sudan و للاسف سلفت الكتاب لواحد سوداني هنا في امريكا و رحل و ذهب بكتابي و لم يرجعه لي.
الكتاب تم اصداره من جامعة هارفارد هنا في الولايات المتحدة.
في الكتاب كان عدد سكان السودان يوم احتلاله بواسطة بريطانيا, مليون نسمة من نمولي لغاية حلفا و من الجنينة الي بورتسودان.
يعني كل قبائل السودان كان عدد افرادها مليون.و الكاتب يقول ان عدد سكان السودان عشية الاستقلال لا يمكن ان يكون ما كان, لو لا دخول الفلاتة السودان و بتشجيع من الانجليز.
وهو كان يعول على الروح العنصرية و الاقصائية, ليدفع حكومة السودان بعد الاستقلال, لاتخاذ اجراءات مضادة لسياسات الانجليز ة, باعادة تهجير الفلاتة قسرا الي غرب افريقيا, وهو ما يريد البندر الان ان يدعو له, بادعائه ان للفلاتة مليشيات تدعم الانقاذ لاذكاء روح العداء ضدهم. و البندر ابن عاق و عدائه لاهله ليس غريب, فقد قابلت هنا في امريكا, بعض اشد الناس عداء للمهاجرين لامريكا, من امريكا الجنوبية, هم من اللاتينو اي ابناء المهاجرين الذين اماء تزوجوا او اختلطوا بالبيض.
كاتب الكتاب هو اساسا زعلان من الانجليز لانهم رفضوا توطين الاقباط و المصريين في السودان, و شجعوا هجرة مجموعات القبائل التي تسمى الان فلاتة من غرب افريقيا.
الكاتب اثبت بالصور و الوثائق و الارقام, ان اغلب من يسمون بالجعليين الان في السودان, هم اصلا مهاجرين من غرب افريقيا. و كان دليله ان الجعليين الاصليين قد قضي الاتراك عليهم قتلا في حملات الدفتردار, و من بقى منهم حيا هرب الي اثيوبيا مع المك نمر. يعني الجزء ادني مناطق النوبة في الشمال, من عطبرة الي كوستي كان تغريبا خاليا من السكان ولا تنسى ايضا حملات المهدية في نفس المنطقة.
اتي الكاتب بصور, ولو ما خايف الكذب حتى الصورة اعلاه التي ادعى البندر انها لعشيرته التي يتهكم عليها, في الكتاب و اي فولاني-هنا اتحدث ليس عن الفلاتة وانما عن الفولاني- سيقول لك نعم هولاء فولاني.
وبعدين كثير من السودانيين حتي العرب ينتسبون لغرب افريقيا, و اذا سالتهم سيقولون انهم من "فاس", وهي في شمال غرب افريقيا. ونتيجة للاقصاء الثقافي و العرقي الذي واجهه المهاجرون من غرب افريقيا, فقد فضل اغلبهم الانتساب لقبائل اخرى في السودان وبصفة خاصة; الجعليين و البقارة.
كثيرين في امدرمان, قد يحدثونك عن الكثيرين "الان من بني العباس", هم اصلا من غرب افريقيا. و المناطق الممتدة من درافور الي كسلا و القضارف فيها اناس كثيرون من غرب افريقيا و حتى في الجنوب و النيل الازرق و جبال النوبة فيها اعداد كبيرة جدا من الفلاتة.
ودائما تذكر ان كلمة فلاتة تشمل عدد كبير جدا من القبائل; الذين قد تندهش اذا عرفت انهم فلاتة, خاصة بالصورة المرسومة للفلاتي في المخيلة الشعبية السودانية.
لو وجدت كتاب باسم الناس و الاقتصاد في السودان People and economics in Sudan بالله اشتريه و ادرسه كويس, و حاتشوف و برضو احجز لي نسخة ههههههه
| |
 
|
|
|
|
|
|
|
|
Re: من هو هذا الصلاح البندر؟؟!! (Re: بدر الدين احمد موسى)
|
اتفق مع الراي القائل بانه الفلاته اكبر قبائل السودان
ولكن لانهم الاكثر اختلاطا بكل قبائل السودان وكذلك الاكثر انكارا لانتمائهم
بحكم الظلم التاريخي و التنميط الذي عاشوهوا....لذا اكبر قبيله ولكن لن يتمكن احد من
من اثبات عدد هذه القبيله بالسودان!
ثانيا:
الصورة التي اوردها د.صلاح بندر ليست للبجا
بل هي للعبابده كما قال!واغلب قبائل الشمال
بذلك التاريخ كان هذا حال مساكنها ولبساهم وشكل قص شعرهم!
خاصه الرعاة منهم!
| |
|
|
|
|
|
|
|
|
Re: من هو هذا الصلاح البندر؟؟!! (Re: Tragie Mustafa)
|
يا سلام عليك يا د\زصلاح بندر
اصدق رجل للآن عبر بهذا المنبر!
(ههههههههههههه)
Quote: يعيش في بيت من الخشب ...
يتناول وجبة واحدة فقط في اليوم ...
وينوم 2 ساعة فقط في اليوم
الهوايات: المضاجعة وركوب الخيل وأفلام الرعب ...
شايت: نحو معارضة جديرة بتضحيات أهل السودان... |
اللقب ده امسك فيه قوي ما بنوزع القاب ساكت.
طيب نجيء للمضاجعه دي القلبتوا فيها الهوبه يا رجال البورد.
اولا الرجل قال هوايه!
ان تحب شيئا لا يعني هذا انك تجد له زمنا ولا مروه.
المهم هو كان صادق مع نفسه وقال البحبه فعلا!
اها الاستنكار في شنو ودق الطار في شنو؟!
في وضوحه ولا تصالحه مع ذاته ولا شجاعته في كتابة حقيقته ببساطه؟!
ورجع قال لكم المهم الكيفيه و ليس الكيميه!!
كلام يا عوض دكام!
اها يا د.صلاح يفترض هنا بالمناسبه تحفظ لي حقوق الملكيه!
(ههههههههه)
لاني كثير ما استخدمت هذا التعبير!
اها هنا اتخارج منكم بذكا عشان ما تشبكوا في العمر وغيره!
في متيغر حقيقي في حياته قد يكون اغلبكم لا يعرفونه وبعضكم قد لا يصدقه!
غايتو الزول ده لو تجاني بحق!فهو صادق!
يتحدث من يطب اذكار التجانيه عن قدرات خرافيه لهم مع زوجاتهم وفي معيشتهم!
وانه كثرة الذكر لله تقلل الحةجه للنوم وتمكن الانسان من انجاز الكثير!
قديما قال التراث لناس الف ليله وليله
او اساطير العرب الجنسيه ما معناهو تجنوا محبة العلماء
فان اغلب وقتهم لكتبهم وليس لنسائهم!
اها د.بندر ده عشان يوزن الرصه في حياته استعار قدرات خفيه من الطريقه التجانيه كما يبدو!
خطير لكن يا دكتور!
الكومبنيشن بتاع ة حي العرب ام درمان و حتى سواقة الدراجه كزول حريص على البيئه في شوارع كامبريدج!
انتهاء بالاقامه في بيت خشبي حديث انا متاكده انه فيه نواحي بيئيه ايضا وتوفير للطاقه الكهربائيه في التدفئه وغيره!
ويا د.صلاح بندر بالمناسبه بيتنا في بورتسودان كان هكذا.....هكذا نفذ الانجليز بيوت الحكومه في بورتسودان تحديدا
تجنبا للرطوبه وقد كانت رائعه بحق بارده صيفا ودافئه شتاء!
ويا صاحب البوست على فكره د.صلاح بندر عضو بمجلس مدينته منتخب!
واعتقد اول سوداني بريطاني يتم انتخابه لمنصب مثل هذا.
(قلت اعتقد اي ليس متاكده بانه اول سوداني)!
ومجلس المدينه دوما هو البدايه للانطلاق للبرلمان الولائي و بعدها القطري لبريطانيا العظمي!
اذا اذا رغب طبعا!
بعيدا عن موضع البوست
طبعا البيت جيمل يا د.صلاح وان شاء الله تتهنى فيه وشكلك زول مرتب وتهتم بالجمال!لمحة فازة الازهار!
ومظبظ العضه لاني لمحت طرف الشوايه!طبعا انتو سياد العضه وما بوصوكم عليها!
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Tragie Mustafa)
|
العبابدة الأصل قبيلة أردنية توجد نظارتها في صحراء سيناء (الاسم بيوضح ، العبابدة والروابدة الخ)
العبابدة ال في السودان هم خليط بين العبابدة الاصل وقبائل البشاريين والميرفاب والرباطاباب وقليل من الجعليين
وهم قوم قلقون وفي تفكير وسعي دائم لذلك فهم منتشرون على مجموعات صغيرة في مختلف أنحاء السودان مع تركيز
على منطقة أبو حمد وبربر والعبيدية حتى الحدود مع مصر
| |
|
|
|
|
|
|
|
|
|
Re: من هو هذا الصلاح البندر؟؟!! (Re: الجيلى أحمد)
|
الأخ صلاح
و الأخت تراجي
بخصوص ما أورده شوقي بدري عن تكوين جمعيه الصداقه السودانيه الاسرائيليه
أجد نفسي مقتنعا بما ذكرتماه ما لم يأتي شوقي بدري بمعلومه جديده مفيده
وللاخت تراجي لم أعتقد يوما أنك مراهقه سياسيه... و لكن حديث شوقي بدري كان يجب فهمه و توضيحه
و لعل هذه فائدتي الشخصيه من هذا البوست…
و عذري لكما الاثنان إن أصابكما رشاش ما كتبت و أوردت
| Quote: على الرغم من انني تخلصت من لبس "العمامة" منذ زمن بعيد |
لي ملاحظه أن شيوخ الصوفيه في السودان لا يلبسون العمامه.. و إنما يلبسون الطاقيه فقط.... (صور الشيخ عبدالباقي المكاشفي..الشيخ عبدالرحيم البرعي و كل شيوخ أم ضوبان بمل فيهم الخليفه الحالي الشيخ الطيب الجد العباس)
بخصوص صوره صلاح البندر بالعراقي و السروال... أنا شخصيا وجدت أن العراقي و السروال أكثر راحه في السفر من الجينز و غيره من الملابس
| |
|
|
|
|
|
|
|
|
|
Re: من هو هذا الصلاح البندر؟؟!! (Re: jini)
|
قريت كلام تراجى ..
جريت طوالى واتأكدت تماما أنو ..
ولا باحدى صدف التأريخ ..
ناسبنا أو تزوجنا من الأسر الكريمة التى ذكرتها ..
ولربما كان ذلك أحد أسباب شناتنا التأريخيه كزنوج مخلصين وجوهنا صوب الشناة!!
ولربما حاولنا ذلك ولم نفلح ..
واعنى زواجنا منهن ..
المهم ..
وما دام المسأله جابت ليها شفافيه ..
أنا لا أحب المضاجعه ..
وذلك لا ينقص من ممارستها شيء..
كما وأستغفر الله لى ولكم ..
ومع السلام عليكم ..
| |
|
|
|
|
|
|
|
|
|
Re: من هو هذا الصلاح البندر؟؟!! (Re: jini)
|
التحية للدكتور البندر وللأخ صاحب البوست لفتحه هذا البوست الذي أضاء لنا بعض جوانب شخصية هذا العبقري السوداني الذي سعدت ذات مرة بحضور محاضرة له هنا في تورنتو أعتبرها من أفضل ما استمعت إليه في تحليل الشأن السوداني.
ولي تساؤل جدده ما أوردته الأخت تراجي عن الطريقة التيجانية أعلاه، هل أنت متصوف يادكتور؟ وإلى أي طريقة صوفية تنتمي؟ أنا لا أستغرب أن يجمع البعض بين التصوف والشيوعية فهي حالة موجودة في مجتمعنا السوداني! السؤال ثار في ذهني أول مرة حين كنت أقرأ موضوعا عن البندر في صحيفة سودانية وقد تم وصفه فيه بأنه درويش، ولكن تبين لي لاحقا أن سبب الوصف يعود لطريقة تصفيف الشعر التي تشبه طريقة الدراويش ولكنها بالتأكيد لا تماثلها لمن دقق النظر فطريقة تصفيف أو قل عدم تصفيف شعر الدراويش تشبه طريقة بوب مارلي أو يسميه الكاريبيون الدريد لوكس، أما طريقة تصفيف البندر فهي الضفر! حقيقة سأندهش لو اتضح أنك فعلا درويش حقيقي أو تيجاني كما تساءلت الأخت تراجي!
| |
|
|
|
|
|
|
|
|
|
Re: من هو هذا الصلاح البندر؟؟!! (Re: jini)
|
يا جني نساء البورد يا عيني عليهم متين هنا اصلا في مساواة بيننا عشان عايز تطبقها في كلمة مضاجعه دي؟!
نساء البورد ديل لعلمك بيكتبوا كل كلمه بحساب لانه في مليون صعليك متخصص فيهن!
Quote: هل يمكن لإحدى نساء البورد ان تقلب الهوبة وتكون صادقة مع نفسها وتقول البنحبة!
وتقيف وسط المنبر وتدق صدرها وتقول ا ن هوايتها المضاجعة!
هذه اساءة لكل البورد نساءا ورجالا وكان الاولى استنكارها فالكل يعلم ان الافصاح عنها
تم لاول مرة فى هذا البوست كرد عاضب!!!
جنى |
يا جني الاساءه لو لقيتك متصدي ليها هنا كان صدقتك
هذا بوست موضوعي تثقيفي قلبه بعض سفهاء البورد لبوست وخادش للحياء!
ولاحظ تعليقات الاخوات.
ثقافة جنسية: حقائق عن الرعشة الجنسية للإناث - مترجم
اها سفهاء البورد الفوق ديل ما سالتوهم بس صلاح بندر ده تنطوا ليه في حلقه
لدرجة تحسبوا ليه سنين عمره وعدد وجباته وساعات نومه؟!وتقارنوها بهواياته؟
يا جني البورد ده لا معيار له كله شلتي وشلتك!!
| |
|
|
|
|
|
|
|
|
|
Re: من هو هذا الصلاح البندر؟؟!! (Re: محمد حيدر المشرف)
|
كتبت السيده تراجى مصطفى ..
Quote: الناس دي كلها جيل جيلين لوراء كانوا زنوج خلص!
من بديريتهم لجعليهم لشايقيتهم لمحسهم لسكوتهم ...الخ!
الا ان اختلطوا بالاتراك و الارناؤط و الشركس وغيرهم
اتحداك يا بدر الدين
تجيب لي صور اي من قبل جيلين من السوراب و الهاشماب و ...الخ من سكان ام درمان
قبال مناسبتهم لآل غندور وآل قباني وآل ملاسي وآل السراج و آل عتباني و آل رشدي......و الخ من حلبة ام درمان!
|
فرددت عليه بعفويه ..
وواقع الأمر يا أستاذه تراجى ..
أنى تعاملت مع الموضوع بخفة شديده وإن كانت مناسبه تماما والمقام..
عموما وبأخذ كلامى حرفيا وتماشيا مع الحال كذلك أو من باب إلقاء أحمال السماء على الارض ..
نحن أسرة أمدرمانيه معروفة فى حدودها الجغرافية نواحى حى البوسته ونواحى ودارو والقلعه
ومعرفه فى إطارها الإجتماعى ب آل المشرف مختار الشكيري ..
وفى حدود علمى لم تختلط هذه الاسرة فى الفترة التى أشرت إليها مع الأسر الكريمة التى عينتها بالاسم أو بغيرها من الأسر ذوات اللون الفاتح ..
وبأخذ كلامى حرفيا أرجعت ملامحى الزنجيه لإجتهادك هذا ..
ما الخطأ فى كلامى ؟!!
ما الخطأ بالتحديد ؟!
فى إنتظار الاجابه ..
| |
|
|
|
|
|
|
|
|
|
Re: من هو هذا الصلاح البندر؟؟!! (Re: محمد حيدر المشرف)
|
Quote: يا جني الاساءه لو لقيتك متصدي ليها هنا كان صدقتك
هذا بوست موضوعي تثقيفي قلبه بعض سفهاء البورد لبوست وخادش للحياء!
ولاحظ تعليقات الاخوات.
ثقافة جنسية: حقائق عن الرعشة الجنسية للإناث - مترجم
اها سفهاء البورد الفوق ديل ما سالتوهم بس صلاح بندر ده تنطوا ليه في حلقه
لدرجة تحسبوا ليه سنين عمره وعدد وجباته وساعات نومه؟!وتقارنوها بهواياته؟
يا جني البورد ده لا معيار له كله شلتي وشلتك!! |
الاخت تراجى
انا تصديت كثيرا للغة العنيفة تجاه الجنس اللطيف واستنكرت الاساءات وقلت انه اسلوب يضع صاحبه فى درجة اقل من الحيوانات لان الحيوان له مبرره بانه لا يعقل ولا يعرف سترا للسوءة!
بل قلت ان الفتاة السودانية لا تمثل نفسها فقط بل تمثل ابيها واخوتها واسرتها ومعارفها وان الاساءة اليها هو اساءة الي كل من يمت لها بصلة وانه منتهى الجبن والخور ان تسئ اليه من خلف كيبورد لمجرد انك بمناى عن رد فعل اقاربها وفوق كل ذلك انها انسان ذو مشاعر مرهفة وحساس كلمة طيبة ترفعه بين طيات السحاب وكلمة جارحة تهبط بمعنوياتها الي الحضيض!
وقلت اننا يجب ان نكون افضل من الافرنجة الجنتلمان فى استوصاءنا بالقوارير!
انا هذا البوست لم ادخله ولم اقراه
جنى
| |
|
|
|
|
|
|
|
|
 Re: من هو هذا الصلاح البندر؟؟!! (Re: jini)
|
مدينة كيمبردج هي مقر الجامعة المعروفة، وعدد سكانها حوالي 125 ألف مواطن...
وتعتبر واحدة من أغنى مدن بريطانيا ..... ومدينة سياحية من الدرجة الاولى ...
العام الماضي زارنا أكثر من 4 مليون سائح !!...
http://www.cambridge.gov.uk/ccm/portal/
وحيث يقدر ناتج النشاط الاقتصادي السنوي فيها بحوالي 30 مليار دولار ....
وتأمل اذا عرفت ان الناتج الاقتصادي السنوي للسودان يقدر بحوالي 40 مليار دولار !
وكيمبردج هي مدينة الاختراعات ...
والملكية الفكرية خاصة في مجالات الاتصالات والكمبيوتر وتقنية المعلومات والادوية والطب ....
وبها أكبر عدد من حاملي جائزة نوبل في العالم يتحاومون بعجلاتهم في طرقاتها بعفوية مدهشة....
أو يمشون في طرقاتها في بساطة لا يمكن تصورها ....
على مستوى المدينة: عضو (نظام الانتخاب المباشر) في مجلس حكومة كيمبردج ....
http://www.cambridge.gov.uk/democracy/mgMemberIndex.aspx?bcr=1
وهو مجلس عريق للحكم المحلي .... وله تقاليد راسخة .... لو تصدقوا عمره 900 عام ...
يعني منظري كدا وسط الناس ديل زي (الضبانة في كباية اللبن) كما علق احد الخبثاء ...
أول سوداني يتم انتخابه في ادارة الحكم المحلي على مستوى بريطانيا وايرلندا ....
وأنا العضو (الأسود) أو(المسلم) - أو كما تشاء - الوحيد على مستوى الولاية (Cambridgeshire)...!
والحزب الذي انتمي إليه (الليبرالي الديمقراطي) هو الحزب الحاكم للمدينة منذ 11 سنة ...
وندير خدمات مختلفة ينفذها أكثر من ألف موظف...
وعضو فاعل في لجنة الخدمات الاجتماعية ولجنة الاستراتيجية والموارد ولجنة مراقبة المساواة (Equalities).
كما على المستوى التنظيمي نائب رئيس (Deputy Chairman) المجموعة الحاكمة للمجلس ....
وعضو لجنة البرنامج الحزبي والسياسات (Manifesto)....
يعني بالعربي كدا ... الواحد كمان بدافر عشان يكون مساهم بشكل مباشر في صنع السياسات .....
واتخاذ القرارعلى مستوى العمل القيادي....
والفضل هنا والتقدير والعرفان للمدرسة (الحزب الشيوعي السوداني) الذي كان هو ساحة التدريب ...
للمعلومية الميزانية السنوية للمجلس 340 مليون دولار (بالدولار حتى تسهل المقارنة للقارئ) ...
وندير أصول واستثمارات تبلغ أزيد من بليون و600 مليون دولار (منازل ومركز خدمات ...الخ)...
وفقط للمقارنة ... مجلس مدينة مدني يا عصومي ميزانيتو كم بالدولار؟ وعدد سكانها كم ؟
أو مجلس ولاية الخرطوم ميزانيتو كم ؟ وعدد سكان الولاية كم ؟
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Dr Salah Al Bander)
|
*
..
فيما يخص البوست ..
يسعدنى جدا قراءة النجاحات التى حققها د. البندر فى فترة إغترابه عن وطنه الأم
وبقراءتها بمعزل عن مواطن خلافاته الاسفيريه ..
أرى أنها تجربه انسانيه مهمه فى سياق الشتات السودانى ..
..
مواصلتى فى هذا البوست لغرض مناقشة ما أوردته عنى الاستاذه تراجى مصطفى ..
و هذا ما يعنينى هنا بخلاف ما ذكرته بعاليه ..
محمدالحسن حيدر
| |
|
|
|
|
|
|
|
|
|
Re: من هو هذا الصلاح البندر؟؟!! (Re: محمد حيدر المشرف)
|
وقضايا حماية المجتمع وأمان أفراده من أولوياتي على مستوى بريطانيا ....
لذلك تم تكليفي بقرار من وزير العدل كنيث كلارك عضو مجلس أمناء للهيئة الولائية ....
المختصة بالسجون ومتابعة شؤون رعاية المسجونين وتأهيلهم للعودة الى المجتمع والاندماج فيه...
والتنسيق مع السلطات الأمنية والشرطية والاجتماعية في الدولة .....
http://www.cambridgeshireprobation.org.uk/
والمنطقة التي أشرف عليها بها 14 مسجوناُ سودانياُ و390 من أصول عربية واسلامية .....
منهم 39 بعقوبات تتعلق بمكافحة الارهاب ....
وبالمناسبة يوجد في كل بريطانيا 57 مسجونا سودانياُ ....
تتراوح عقوبتهم بين 5 سنوات سجناُ ومدي الحياة ... وتتنوع جرائمهم من القتل العمد الى تهريب المخدرات ...
اعمل ما استطيع لتخفيف الوعثاء عليهم وعلى أسرهم ...
وحث الادارات المختلفة للاستجابة لمطالبهم من مراعاة لاختلافات ثقافية ودينية ونفسية ...الخ في تقديم الخدمات وتصميم برامج اعادة التأهيل ...
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Dr Salah Al Bander)
|
Quote:
فيما يخص البوست ..
يسعدنى جدا قراءة النجاحات التى حققها د. البندر فى فترة إغترابه عن وطنه الأم
وبقراءتها بمعزل عن مواطن خلافاته الاسفيريه ..
أرى أنها تجربه انسانيه مهمه فى سياق الشتات السودانى .. |
يا ود المشرف
صلاح البندر زول ما ساهل من حيث المقدرات
ولكن أصابته مصيبة أطلقت عليها أسم (لعنة إنجلترا) ... أو (شيطان إنجلترا)
حاول إتحصل علي فيديو ندوته التي قدمها لجالية واشنطون
لتتعرف أكثر علي إمكانيات هذا الرجل .... (قد تجدها في موقع الجالية)
* طبعاً أختلف معه كلية في طريقته التي يُدير بها خلافاته في المنابر الإسفيرية
وأعتقد بأنه بذلك قد ظلم نفسه كثيراً ....
| |
|
|
|
|
|
|
|
|
|
Re: من هو هذا الصلاح البندر؟؟!! (Re: عاطف مكاوى)
|
من بعض ما أملك في هذه الدنيا الفانية هو مطعم "نون" للفول والطعمية وسمك البلطي ....الخ
مطعم متواضع من دورين كمان ....
وشعاره: A Place to Eat and Meet
واقضي من وقت لآخر فيه ساعات وساعات دون زهج أو رهق ....
وأنا سعيد جداُ أنو أصبح مركز للتواعد بين الصحاب ....
والاستمتاع بتذوق الوجبات الخفيفة والثقيلة والشاي الظريف... تحت أشراف شباب سوداني
ومكان للاجتماعات التنسيقية لمعدي فعاليات لندن المختلفة ...
وللقاء العابر بين أهل السودان في بريطانيا أو الزائرين لمنطقة "شبردبوش" ....
..........
.....
أي واحد عاوز يعيش تجربة مختلفة في زيارته للندن ... مرحباُ به ...
واوعدكم اذا قدم هذه الدعوة .....
وذكر بأنه من طرف "سودانيزأونلآين" ستكون وجبته "مجاناً" ...
... وحتى ولو كان "عصومي" أو "فتوة ح ش نبيلو" أو "ناصر المحسي" ...
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Dr Salah Al Bander)
|
من بعض ما أملك في هذه الدنيا الفانية هو مطعم "نون" للفول والطعمية وسمك البلطي في شمال مدينة لندن ...
مطعم متواضع من دورين كمان .... ويعمل به شباب سوداني زي الورد ...
واقضي من وقت لآخر فيه ساعات وساعات دون زهج أو رهق ....
وأنا سعيد جداُ أنو أصبح مركز للتواعد بين الصحاب .... والاستمتاع بتذوق الطعام السوداني ...
ومكان للاجتماعات التنسيقية لمعدي فعاليات لندن المختلفة ...
وللقاء العابر بين أهل السودان في بريطانيا أو الزائرين لمنطقة "شبردبوش" ....
..........
.....
أي واحد عاوز يعيش تجربة مختلفة في زيارته القادمة للندن ... مرحباُ به ...
أشهى المأكولات ... فلافل ... فول ... سمك ... مشويات ... مقبلات ... الخ
وأي واحد داير يقابل شخص في لندن ممكن يديهو العنوان التالي:
Noon Resturant, Suite number S45
New Shepherd's Bush Market
London W12 7JA
Mobile: 07956876347
وهو مطمئن أنو سيجد الترحيب الحار .....
فشعارنا هو : A Place to Eat and Meet
واوعدكم اذا قدم هذه الدعوة أو قال أنو جاي من طرف "سودانيزأونلآين" ....
ستكون وجبته "مجاناً" ...
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Dr Salah Al Bander)
|
الصديق عاطف مكاوى ..
تحياتى ..
نعم يا عزيزي ..
وفى يقينى أنه لا توجد شخصيه فاعله بدون قدرات شخصيه متميزه ..
فقط يختلف الناس فى تقدير الفاعليه سلبا وايجابا ..
هذا أولا ..
ثانيا .. وبالرغم من علاقتى السيئه جدا .. بدكتور البندر ..
وأذكر أنى كتبت يوما بوستا بعنوان "بندر تاه"
الا أن اطلاق الاحكام على الناس دوتما معرفه حقيقيه يعتوره القصور الشديد ..
والأهم من ذلك عدم وجود مسأله شخصيه نهائيا فى سوق الكتابه الهنا ..
نتفق ونختلف وفى نهاية الامر يلمنا ذاك الانتماء ..
والاخير - اى الانتماء - يجعلنى سعيدا باى انجازات متميزة لاى سودانى ..
اها وبي سيرة الاشياء الشخصيه , وتقاطعها مع العام
أنا فى انتظار السيده تراجى مصطفى
والمنقه رايقه جدا ..
تحياتى آ عاطف
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Dr Salah Al Bander)
|
الدكتور صلاح البندر موسوعة تمشى على قدمين.
عرفته خلال لقاءات متعددة رجلا هميم بوطنه الام ومواطنيه فرغم الدرجات العليا التي حققها بكده الا انه لم ينس - مثل الكثيرين - انه من رحم مهيرة.
الكثير من الشخصيات التي تعيش في بريطانيا وهولندا وبعض الدول الاوروبية يعمل على تسهيل امورها وخدمتها بدون من ولا ازى.
اما في جانب منظمات الجتمع المدني فالرجل تجده في مقدمة الركب بجهده وماله ومعارفه.
هذا وغيره الكثير الذي يمكن ان يقال عن هذا الرجل الذي لاستنكف عن الحديث عن اوجاع بلاده برؤية خاصة تحمل الخبرة والتجارب.
واذكر دوما حديثه عن من يعادونه ثم يتحولون بعد لقاءه الى اصدقاء مقربين... والتقيت بالفعل باحدهم وحدثني عن هذا الرجل اللغز لمن لايعرفونه.
--------------
اخي صلاح اعفي لي ياخي كشف بعض الجوانب في شخصك الكريم فالبوست يحمل عنوان (من هو هذا الصلاح البندر؟؟!!)
| |
|
|
|
|
|
|
|
|
|
Re: من هو هذا الصلاح البندر؟؟!! (Re: كمال ادريس)
|
على المستوى الاكاديمي اعمل في كيمبردج على تأسيس هذا المركز ....
ويتكون من 3 طوابق ... و4 قاعات كبيرة ....
تم – والحمد لله- الترخيص له كمؤسسة "بحثية وتعليمية" ...
وأسخر له شبكة علاقاتي في كيمبردج والخليج وحول العالم ...
المركز يهتم بتاريخ وواقع الافارقة-العرب .... كمسترقين وأحرار ...
ومساهماتهم في الحضارة العربية-الاسلامية ... وفي كل المجالات وليس فقط في الرياضة والفن ..!!
تاريخياً منذ ما قبل عنترة بن شداد الى الأمير بندر بن سلطان ....
وعلى طول التداخل الافريقي-العربي من الصومال شرقا الى موريتانيا غربا ....
ويهتم بالدراسة والتوثيق للعلاقات العربية-الافريقية ...
ويدرب القيادات السياسية الواعدة من الاصول الافريقية ... يعني مدرسة كادر عديل كدا ...
وهو ينقسم لى قسمين: أكاديمي بحت يختص بالابحاث ....
ومتحف ... يوثق للحياة اليومية للتجارب التي عاشها هؤلاء ....
تحت مظلة الاسترقاق والعبودية والحرية ...
أنتهينا من دراسة الجدوى الاقتصادية والفنية ... بعد 3 سنوات من التعب ...
التكلفة: 20 مليون دولار (نعم عشرون مليونا من الدولارات) ....
تم في يناير 2011 توقيع عقد مع شركة متخصصة للبدء في جمع التبرعات ...
وما ح اكشف كم قدرنا نجمع الى الآن....
ووعود الجهات المانحة بما فيها "اليونسكو" ...
وقولوا ياباسط ...
أركز على تجنيد الجيل الأول من أبناء وبنات الجالية السودانية ببريطانيا ...
للعمل في انطلاقة هذا المشروع الكبير ....
لما له من ارتباط بقضايا الهوية والتجربة المتميزة للأمة السودانية .....
وأهتم بالتبشير به في أوساط الجاليات الافريقية الأخرى ....
للعمل في هذا المشروع الكبير والحساس بكل المقاييس ....
لقد استغرق البحث والتوثيق لهذا العمل الجبار 15 عاما من الجهد والعمل ....
وفي سرية تامة في كل دول الخليج ....
لأن الموضوع ما يزال يثير حساسيات وردود افعال لا أول لها ولا آخر...
مثلاُ ... نقلت الصهيونية "الفلاشا" الى اسرائيل حتى تجد مداخل للتعاون مع أفارقة أمريكا ....
في الوقت وهم يزحفون نحو مراكز صنع واتخاذ القرار الامريكي ... اقتصاديا وسياسيا واجتماعيا ...
هذا المشروع يجد حماسا ودعما مدهشا من دوائر نفوذ وتأثير الأمريكان من أصل أفريقي ...
وتصدقوا أو ما تصدقوا "أوبرا وينفري" واحدة منهم ....
ويجد الدعم من أميرة سعودية أمها من أصول صومالية .....
وشيخة كويتية جدتها عبدة لأسرة الصباح من أصول "دنقلاوية"
ومن عدد من الحكومات الافريقية وعلى رأسها "جنوب أفريقيا" و"تنزانيا" و"غانا"...
دعواتكم ياشباب ...
وتبرعاتكم ... كمان خاصة وأن هذا العام كان عام الناس من أصول أفريقية ....
احتفل به الناس في كل انحاء العالم ما عدا السودان !!
| |
|
|
|
|
|
|
|
|
 Re: من هو هذا الصلاح البندر؟؟!! (Re: Dr Salah Al Bander)
|
Quote: أي واحد عاوز يعيش تجربة مختلفة في زيارته القادمة للندن ... مرحباُ به ...
أشهى المأكولات ... فلافل ... فول ... سمك ... مشويات ... مقبلات ... الخ
وأي واحد داير يقابل شخص في لندن ممكن يديهو العنوان التالي:
Noon Resturant, Suite number S45
New Shepherd's Bush Market
London W12 7JA
Mobile: 07956876347
وهو مطمئن أنو سيجد الترحيب الحار .....
فشعارنا هو : A Place to Eat and Meet
واوعدكم اذا قدم هذه الدعوة أو قال أنو جاي من طرف "سودانيزأونلآين" ....
ستكون وجبته "مجاناً" ... |
| |
|
|
|
|
|
|
|
|
|
Re: من هو هذا الصلاح البندر؟؟!! (Re: كمال ادريس)
|
Quote: أي واحد عاوز يعيش تجربة مختلفة في زيارته للندن ... مرحباُ به ...
واوعدكم اذا قدم هذه الدعوة .....
وذكر بأنه من طرف "سودانيزأونلآين" ستكون وجبته "مجاناً" ...
... وحتى ولو كان "عصومي" أو "فتوة ح ش نبيلو" أو "ناصر المحسي" ... |
ياابن بندر
انا مش فتوة الحزب الشيوعى انا تصديت للاساءات الشخصية التى قلتها والعبارات القبيحة مثل لبوه التى قلتها فى حق سيده محترمة ولاتملك حساب هنا تستطيع ان تدافع عن نفسها لمجرد ان بينكم خلاف شخصى بسب المنظمة
من حقك ان تنقد الحزب و ليس من حقك ان تشتم وتشخصن خاصة للنساء.
وتشكر على الدعوة انشاء الله نزورك قريب جدا وياريت تكون موجود لتقابل ضيوفك.
كما ذكرت لك من قبل وقالته تراجى مره اخرى وهو انه من المفترض ان عدونا واحد وكفانا اهدارا لطاقتنا فى خلافات شخصية وكان يجب ان تكون معنا فى خندق واحد ولكن للاسف تغيرت توجهاتك واصبح خطابك قريب للكيزان الذى استغلك واستخدمك لمهمة واحده وهى اغتيال شخصيات وطنيه بهدف تكسيرالمعارضة
| |
|
|
|
|
|
|
|
|
 Re: من هو هذا الصلاح البندر؟؟!! (Re: Ridhaa)
|
الاخ الكريم رضا ...
أولاد وبنات عمومتي كتار في المنبر دا بالمناسبة ... من حسن مكاوي شرقا والى الصاوي غرباً...
وبعضهم أصدقاء حميمين وحلفاء عقائديين وانصار اجتماعيين لعدد من الشخصيات التي مسها بعض "رشراش" المطروح في سودانيزأونلآين...
شوية من هنا .... وشوية من هناك ....
لكن بنحاول ان لا نستند للعصبيات العرقية والعائلية والجهوية ... أو ندمجها في معاركنا ...
ولا خلافا شخصيا مع أحد من أصحابهم على الرغم من القذائف الصاروخية هنا ... وهناك ... واللا شنو يا "عصومي" ؟
الخلاف حول مناهج عمل .... على الرغم من اختلاط العام والخاص ...
هذه صورة تذكارية لـ"نبيلو" -الفتوة بتاع ح ش - مع ابن خالتي الكوماندر هاشم بدر الدين ....
نهديه إليها كان يقدر يقنع "المحسي" بأنوا داخل "شمال" علينا ساي دون حساب للعواقب ...
وعلى كل حال أنا مـتأكد بعد "المحسي" ما يضوق "الطعمية" أو "سمك البلطي" بتاع "نون" ح يغيير رايو في "ص. ب"...
| |
|
|
|
|
|
|
|
|
 Re: من هو هذا الصلاح البندر؟؟!! (Re: نبيل عبد الرحيم)
|
ودي كمان هدية عشان خاطرك ... مع الدكتورة حنينة (مؤسسة موقع سودان ري)... ولكوماندر
وفيها حلاقة "العقرب"... منتهي "الرعب" يا واد ...
دا أنت خطير بشكل يا واد ... وبتاع "كمال أجسام" برضو!! حلوة دي ...!
من فين تعلمت "اللالاطـة" دي كلها يا جدع ؟...
المشكلة أنو يا نبيلو أنا لا أنتمي ولا أجد نفسي في الخندق الذي يقبع به بعض الطحالب التي التصقت بجسد ح ش ...
انا مستحيل اصنف نفسي أكون معاك في خندق واحد .... ولا مع الكديسة الكبيرة ولا مع الضباع المتشيعة بتاعة الاسافير ...
ولا اعضاء الحزب الشسوعي الذين تاجروا بمعاناة أهلنا ... وسمسروا بقضاينا .....
ديل هم الكارثة .... لمواجهة المعركة مع "الانقاذ" لا بد من تنظيف المجاري والخنادق من أمثالها .... في الوقت نفسه الذي نواصل فيهو المعارك
مع "الأنقاذ" ... اذا عاوزني أكون معاك في خندق واحد لازم تخلي الدور - بالوكالة - الذي تقوم بيهو ....
وتكشف للقراء الناس البتداخلو هنا بالباسويرد بتاعك ....
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Dr Salah Al Bander)
|
شغل نضيف يا الحاوى
| Quote: التكلفة: 20 مليون دولار (نعم عشرون مليونا من الدولارات) |
و الواحد قادر يتخيل في كم "رياله" سالت
خلاص انتقلت من مرحلة الوعود و الأوهام الصغيره و المحدوده للأفراد لدغدغة الطمع الجماعى بالملايين؟
أها و الوهمتهم بي إذاعه دوليه و قناه فضائيه و وظائف فيها بل و بوظائف في منظمات و هيئات الأمم المتحده عملت ليهم شنو؟ و الوعدتهم بالماجستير و الدكتوراه؟
ياخى انت الكم مية جنيه لحفلة تطرشق بيها احتفال حتفالية الجبهة السودانية للتغير زغت منها , الجماعه الغشيتهم انك انضميت ليهم و "اتدينت" منهم و بعض ما قبضت القروش نطيت من الانضمام رجعت ليهم "الدين" و لا لسه؟
تعرف أحرف ما فيك و في ذات الوقت أحطه شنو؟ أنك تعرف بالضبط نقاط ضعف كثيرين و كثيرات و تشتغل عليها , من يريد المال تغريه به, من يريد الجاه و السمعه توهمه بهما, من يتوهم أصلآ أنه خطير و مناضل و مقددا تنفخو للآخر , و هو أو هى ينفخك و تقعدو تتنافخو و تتبوبرو
| |
|
|
|
|
|
|
|
|
|
Re: من هو هذا الصلاح البندر؟؟!! (Re: esam gabralla)
|
| Quote: في الوقت نفسه الذي نواصل فيهو المعارك مع "الأنقاذ" |
سنه يا الكلس هيييع , مواصلا في مطعمك؟ وين سوات؟
مواصلا و انت بتقود حمله على ياسر عرمان و عبره ضد قطاع الشمال متزامنه مع حملة الانتباهة عليه ( و ياسر عرمان ليس فوق النقد بل يجب نقده مثله مثل كل عناصر و مكونات السياسه السودانيه) , كدى ورينا معاركك مع الانقاذ دى وين و كيف و انت بتسلم الانقاذ واحد من المنظمات الساهمت في التوثيق و التنبيه و الاعلام عن جرائم الحرب في دارفور و دعمت ضحاياها مباشرة حتى في المعسكرات ... سوات و مركز الخرطوم ... يا حاوى
| |
|
|
|
|
|
|
|
|
|
Re: من هو هذا الصلاح البندر؟؟!! (Re: esam gabralla)
|
قبل ما تطالب اى زول بي حاجه انت اللى لازم تخلي الدور - بالوكالة - الذي تقوم بيهو ....وتكشف للقراء الناس منو البتشتغل ليهم الشغل العلنى ال###### و هم قاعدين نضاف و سمحين ... أيوووه , الشله إياها بتاعت الدكاتره و توابعهم و تابعاتهم ...
بالمناسبه المسابقه منتظراك و الجوائز زى ما اعلنت
| |
|
|
|
|
|
|
|
|
|
Re: من هو هذا الصلاح البندر؟؟!! (Re: esam gabralla)
|
الجائزة الأولى : الفلم المصري "قيادة التغيير في السرير"
الجائزة التانيه: المرجع الطبي "دقيق و ليمونة لى ك ل ب الطاحونه"
الجائزه الثالثه : المجموعة الكاملة لأغانى المطربة المخضرمه عوضيه ضرعات
| |
|
|
|
|
|
|
|
|
|
Re: من هو هذا الصلاح البندر؟؟!! (Re: esam gabralla)
|
الجوائز الزايغ منها البعض
انت طبعآ لا بتحس لا بتختشي لا عندك أخلاق لا ضمير, أها اصحابك و صاحباتك السريين ديل و البينكروك خشب لما يتسألو حيقعدوا يتضايرو لى متين؟ خجلانين و خايفين اسمهم يجى مقرون بإسمك؟ زى ما قلنا ليك الضرب حيكون في الفيل مش فيك يا ظل, طول عمرك كنت أداه , أجير, مأمور و حتظل كده , تنفذ لمن يدفع أكتر ... ماديآ أو "معنويآ" و الأفضل الاتنين ... يا ظل
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Dr Salah Al Bander)
|
Quote: ودي كمان هدية عشان خاطرك ... مع الدكتورة حنينة (مؤسسة موقع سودان ري)... ولكوماندر
وفيها حلاقة "العقرب"... منتهي "الرعب" يا واد ...
دا أنت خطير بشكل يا واد ... وبتاع "كمال أجسام" برضو!! حلوة دي ...!
من فين تعلمت "اللالاطـة" دي كلها يا جدع ؟...
المشكلة أنو يا نبيلو أنا لا أنتمي ولا أجد نفسي في الخندق الذي يقبع به بعض الطحالب التي التصقت بجسد ح ش ...
انا مستحيل اصنف نفسي أكون معاك في خندق واحد .... ولا مع الكديسة الكبيرة ولا مع الضباع المتشيعة بتاعة الاسافير ...
ولا اعضاء الحزب الشسوعي الذين تاجروا بمعاناة أهلنا ... وسمسروا بقضاينا .....
ديل هم الكارثة .... لمواجهة المعركة مع "الانقاذ" لا بد من تنظيف المجاري والخنادق من أمثالها .... في الوقت نفسه الذي نواصل فيهو المعارك
مع "الأنقاذ" ... اذا عاوزني أكون معاك في خندق واحد لازم تخلي الدور - بالوكالة - الذي تقوم بيهو ....
وتكشف للقراء الناس البتداخلو هنا بالباسويرد بتاعك .... |
سوف ابدا من حيث ما انتهيت
ياابن بندر انا لا اخلاقى ولامبادئ تتسمح لى ان يتداخل احد هنا باسمى ولاتعتقد ماتفعله مع ولى نعمتك الجداد يفعله غيرك.
واقسم لك ان الشيوعين هنا والديمقراطين يطلبون منى ان اتجاهلك ولا اضيع وقتى مع شخص له غرض مشبوه
فكيف اعطيهم ان يكتبوا عنى بالوكالة وهم لا يشتغلوا بك شغلة .
ثانيا انا قلت من المفترض ان تكون معنا اذا كنت تصنف نفسك حقوقى ولكن للاسف ماتقوم به لا يخدم الا جهه واحده هى الانقاذ وهو ما يثير اكثر من علامة استفهام من موقفك انت خلافك شخصى وانا احترمت عادل عبد العاطى لانه رغم خلافه الفكرى مع الشيوعين لم يمنعه ان يعترض على اساءاتك ضد دامال لانه لم يشخصن الخلاف
المبادئ مواقف ياابن بندر وليس شعارات
من حقك ان تنتقد خط الحزب ولكن ليس من حقك ان تشتم وتطاعن اشخاص .
ولو بتتكلم عن القانون الذى هددتنى انك بلغت الجهات المسؤلة انى اهددك
انت ماتقوم به من اشانة السمعة يعرضك ايضا للمساءلة القانونية
| |
|
|
|
|
|
|
|
|
|
Re: من هو هذا الصلاح البندر؟؟!! (Re: نبيل عبد الرحيم)
|
البوست دا حاولت ان أقدم فيه اجابة للسؤال: من هو هذ الصلاح البندر؟ ...
المشكلة أنو بتاع "الأمن وكمال الأجسام" نبيلو - فتوة فرع ح ش بالمملكة المتحدة وأيرلندا...
وتابعه "عصومي" ما قادرين يقدموا العندهم ...
فقط مجرد كلمات وأوصاف ....
لوووزر. (looosers) ... !
يا عصومي ... أنا عارف أنو "حرقك" ...
وحرقك شدييييد كمان .....
وحالة "الجلع" الآنتا فيها دي دليل على أنو البوست ماشي في الاتجاه الصاح ...
بلاهي عليك ادخل في الموضوع طوالي وأضع "النقاط على الحروووف" ....
حكاية "اللولوه" دي ما مفيدة ...
......
.....
....
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Dr Salah Al Bander)
|
أعصابك يا دكتور ما "تغمر" ...
البلد فيها حبة كركبه , الرئيس حاتى حت شديد و مؤتمر البجا انضم لتحالف الجبهة الثورية الفي قيادته ياسر "غمران" و البنزين و الجازولين سعرهم طار السما و تم فرض ضرائب غير معلنه و عبدالرحيم محمد حسين أضافوه لقائمة لاهاى و مامون حميده بقي وزير صحه, بتعرف عمل شنو؟... أتسلى شويه بدراسة الجدوى بتاعتك و بي بروفايلى و التلصص في الفيسبوك ... نشوف الأمور "الفارغه" الفوق دى و نجيك بالراحه لو الزمن سمح ... يا خبير يا بتاع "الخدمات"
عصومى فوفو بتاع دردق أبو حاله سجمانه و رمدانه و كمان نقط نقط
| |
|
|
|
|
|
|
|
|
|
Re: من هو هذا الصلاح البندر؟؟!! (Re: esam gabralla)
|
بسم الله الرؤوف الرحيم والصلاة والسلام على الخاتم الأمين وعلى آله الطاهرين وصحبه الكرام
بيان إلى لكل من يهمه أمر السودان لا صلة لي بحركة تحرير السودان الكبرى
** إلتزامي الصارم، بالمشاركة مع الالآف، في العمل على تحقيق السلام والديمقراطية والعدالة الاجتماعية في بلادي
هو الدافع الوحيد لأن أضع معرفتي المتخصصة وتجربتي وشبكة علاقاتي المتواضعة في خدمة كافة أهل السودان دون تخصيص
أو انحياز جهوي أو عرقي أو عقائدي.
** لقد ساهمت ما أستطعت مع المئات من أبناء وبنات السودان في تقديم المشورة وإبداء الرأي من موقع المسؤولية الوطنية لعدد
من الهيئات والمؤسسات السودانية والاجنبية والتنظيمات والحركات السياسية؛ لا بحثاً عن وظيفة أو طلباً لمقابل أو مغانم.
وسأستمر في ذلك دون مزايدات أو مراهنات أو انحيازات جهوية أو عرقية أو عقائدية خدمة للسودان كوطن ولأهلنا الصابرين
ومساهمة مع الجميع دون تمييز أو تفريط في ان يتحقق طموحنا في بلد ديمقراطي وشعب سعيد.
** اؤكد لكل من يهمه الأمر ان لا صلة ولا علاقة لي من قريب أو بعيد بصورة مباشرة أو غير مباشرة بما نشرته حركة تحرير
السودان الكبرى من إنتمائي إليها في صفة "مستشار للشؤون السياسية".كما اؤكد في الوقت نفسه اني لا املك اي حق اخلاقي في
ان احدد لاي مجموعة كانت اي وسائل او طرق تراها مشروعة لنيل حقوقها.
** هذا ما لزم للتوضيح حفاظاً على ما إلتزمنا به من اخلاقيات العمل الوطني وإثباتاً للحقيقة وتأكيداً ، مرة أخرى،
لإلتزامنا بقضايا الوطن والمواطن في إطار مصالح السودان الحيوية وأمنه الوطني وسيادته ، طبقاً للمعايير والمواثيق الاقليمية والدولية.
كيمبردج ، المملكة المتحدة. 17 فبراير 2007
هذا هو بياني للناس ...
يا عصومي ...
ممكن توري الناس أي معلومات عن موضوع الفلوس التي ذكرتها ...
سلمى التجاني ... زوجة محجوب حسين نفسها خارجت رقبتها من الموضوع دون ان تذكر
السبب ... طبعاً انت عندك الخبر "اليقين" ما تخلي الأمور "مجهجه" ...
عندك معلومات اذكرها...
لمعلوماتك: تربطني بـ"حركة تحرير السودان" علاقات نضالية متينة ....
| |
|
|
|
|
|
|
|
|
|
Re: من هو هذا الصلاح البندر؟؟!! (Re: محمد حيدر المشرف)
|
يا صلاح البندر
و بما أن هذا البوست تحول للتعريف بك... و بأفكارك...
السؤال الاول : أنت أشرت لساره و هدي حفظمها الله... و يبدو أنهن بنتيك....
لم تشر لنصفك الأخر.... هل أنت ممن يصفونهن ب"ناس البيت" و "الجماعه" و "الاولاد".... ؟
السؤال الثاني ... ما هو رأيك لو ترجمنا ما كتبته هنا لبنتيك ؟
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Mohamad Shamseldin)
|
لم تشر لنصفك الأخر....
هل أنت ممن يصفونهن ب"ناس البيت" و "الجماعه" و "الاولاد".... ؟
السؤال الثاني ... ما هو رأيك لو ترجمنا ما كتبته هنا لبنتيك ؟
طبعا يا أخونا محمد أنا من أنصار أنو الانصاف الآخرى دي تندرج تحت
بند "ناس البيت" و "الجماعه" و "الاولاد".... الخ...
... ربنا يحفظهم من عوادي الزمن ... ويقدرنا على جزاهم واسعادهم ...
ويديهم العافية وطولة العمر ... آمين يا رب العالمين ...
بخصوص السؤال الثاني ... أكون شاكر ومقدر لو ترجمت الكلام دا وتوزيعه لكل من يهمه الأمر ...
ولكن لمعلوماتك أنا مكلف من مؤسسة مهتمة بأوضاع السودان واتجاهات الرأي العام بترجمة ملخص أسبوعي
لمحتويات (Contents Review and Analysis) كل من (سودانيزأونلآين+ سودانايل+سودانفور أل) والراكوبة لآحقاُ .... منذ العام 2008....
وأطمئن برضو - على مستوى الأسرة - أقدم تنوير يومي شامل عن "الوضع الراهن" لأسرتي .... وذلك بالتدرج التالي:
كيمبردج- لندن - بريطانيا- السودان ... ومحاور التنوير (تنظيمي+ سياسي+ اجتماعي+ ثقافي) ....
وعندنا أجتماع "قيادة" في نهاية كل شهر لتقديم "استعراض لبرامج الشهر القادم" ....
وعندنا اجتماع لمناقشة "الاوضاع المالية" كل 3 شهور ...
وتصدق أو لا تصدق ... بنتي "هدى" تكتب محضر هذه الاجتماعات منذ ان كانت في العاشرة من عمرها ...
وهي الأن "السكرتير المالي" للأسرة الذي يشرف على تنفيذ ومتابعة الالتزامات المالية الثابتة و"الكبيرة"... وتوثيق حركة الاستثمارات...
أنا لا أترك "اسرتي" الصغيرة أو "الكبيرة" خلفي أبداً .... دائماً هم في الصورة ....
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Dr Salah Al Bander)
|
ما نزال في انتظار "عصومي" ومعلوماتو "الخطيرة" عن أموال "حركة تحرير السودان" ...
....
....
سأقوم أذا فشل "أخو البنات" في مواصلة إيراد معلومات في بتقديم اجابات عن السؤال: من هو هذا الصلاح البندر؟
وبالتسلسل التالي:
ما أحب من النغم والبغم ... وشهواتي (السرية والعلنية)...
ومتفرقات من هنا وهناك تقدم جوانب مختلفة من شخصيتي (الشريرة والخيرة في آن واحد)...
وسرد مختصر عن مؤسسة المجتمع المدني (مواطن) ....
ومركز الخليج لتنمية الديمقراطية (مواطن) ...ومرتكزات ما يتعلق بفضيحة BANDERGATE !!
والمنظمة السودانية لمناهضة التعذيب (SOAT) ...
ثم اقدم استعراض للجوانب المسكوت عنها في الحملة الضارية - داخل المنبر وخارجه - التي يقوم بها كدايس وجريوات ح ش ضد ص. ب. ...
ولماذا كل هذا الفجور في الخصومة ...
والانحدار في مستويات التعبير.... والعنف اللفظي...
ومن المستفيد منها ؟
ما هو تصوراتي للمستقبل - اذا ربنا مدى في الاعمار - لشخصي وللوطن ...
الى أين؟ ....
ولماذا؟ .....
ومتى؟ ...
وكيف؟.....
ما ارجوه منكم هو الصبر ...
فلا يمكن تلخيص حياة عامرة بالحب والثورة في مجرد مداخلات سريعة...
-------------
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Dr Salah Al Bander)
|
بقدر ما ساءني تصدي بعض المتطوعين لتقمُّص شخصية البندر والنطق بلسانه وبأقذع الألفاظ بحق الآخرين المخالفين له في الرأي ..
بقدر ما أسعدني تصدي البندر نفسه للإفصاح عن نفسه دونما الحاجه لهؤلاء الرعاع من زمرة ( المعاكم معاكم وتمامة العدد)..
وبرغم ما في لغة البندر من النزق أو قل الشبق اللفظي غير المبرر مما لا يعجز عنه سوداني واحد أكل الويكه ولعب الدافوري.
برغم ذلك لا تملك إلا أن تحترم فيه إجتهاداته في مضمار العمل العام علي النحو الذي أورده ومشروعاته علي الصعيد الشخصي اللهم زيد وبارك وعين الحسود فيها (بربندي) ..
والبوست ما كان يرمي إلا لمعرفة من هو هذا الصلاح البندر الذي طفق يقذف أعضاء المنبر بأقذع الألفاظ في بوست سابق عن محمد محمد خير .. ومن حقنا أن نتساءل طالما الشخص شخصيه عامه ولا أدري لماذا يحنق البعض عندما نتساءل بهذه الصيغة من التساؤل الأستنكاري بغية الإستفسار نهاية الأمر .. الشاهد أنّ بعض عاجزي المنطق والحجه كذلك يلتقطون القفاز حتي قبل صاحب القضيه نفسه ويبقي هذا المتهور مثل ثور في مستودع خزف (يبرطع ورا وقدام) ويجعجع بلا منطق وبلا جملة مفيدة.
مثل هؤلاء الذين يهرفون بما لا يعرفون أرجو أن لا يفسدوا علينا حق التساؤل المشروع ويجرونا للتهاتر الذي لا يخدم قضية.
فمن كان يملك المفيد لإثراء النقاش فهو ما نصبو إليه وإلا فليبقي بعيداً شكر الله سعيه ولا داعي لسب الناس والتقليل من شأن الآخرين ..
واختلاف الرأي لا يفسد للود قضية.
ولكن..
رغم كل شيئ..
ذكر صلاح البندر مكاسبه ومشاريعه العامه والخاصه ذوات الخمسة نجوم .. من نون إلي كامبردج ومقترح مبني الثلاثة طوابق..
ولكن ما هي مشاركات البندر علي محيطنا المحلي ؟؟!!
هنا في السودان (أب عجاجه ده)..
| |
|
|
|
|
|
|
|
|
|
Re: من هو هذا الصلاح البندر؟؟!! (Re: محمد قسم الله محمد)
|
ولكن ما هي مشاركات البندر علي محيطنا المحلي ؟؟!!
هنا في السودان (أب عجاجه ده)..
يا شيخ محمد ما قلنا أصبر علينا شوية ....
خطوة ... خطوة ...
زنقة ... زنقة ...
فلسودان أبو عجاجة دا هو محور الخلاف والاختلاف في الرؤى ... والتصورات ...
عشان كدا ... من المهم التركيز عليه ...
صبراُ آل ياسر ...
| |
|
|
|
|
|
|
|
|
|
Re: من هو هذا الصلاح البندر؟؟!! (Re: محمد حيدر المشرف)
|
استمع للموسيقى الكلاسكية بصورة مستمرة ... ليل ونهار...
وهي تشكل بصورة شاملة "اللوحة الخلفية" لمكتبي ...
فجهاز "سي دي بلير" مرتبط بـ"الابجورة" Desk Lamp...
... فناني المفضل منذ ان عرفت معنى وطعم "الغناء السوداني" هو دون منازع "الجابري" بالعود ....
خاصة "من طرف الحبيب جات أجمل رسايل" ....
وجهاز الـMP3 بتاعي - تقريبا – به كل اغانيه ...
ولكن من أجمل ما سمعت خلال 20 عاماً الماضية هي "يا حنين"...
وهي كلمات الأستاذ الرقيق اسحق الحلنقي وغناء عافية حسن (ربنا يحقق امانيها)...
أهدي كلماتها لقبيلة "سودانيز أونلآين" والى الأحباب في كل مكان ...
ياحنين زي عش العصفور
مفروش بلور كلو محبة
يالشلتا حلاوة كل الحلوين
ما سبت وراك زول يتحبى
ياحنين
.........
ياحنين قلبي متين يرتاح
من بحر الريد وأمواجو
والدمعة معاك تصبح شمعة
والزهرة كمان تلبس تاجا
لو سبت العين تتأمل فيك
ما بتأخذ من حسنك حاجة
عينيك عينيك للريد فيني مبين
يا حنين بيك الليل ضوا
رقة وأحساس طيبة وخوه
لو تعرف أصل الريد هوه
لا سلطة تحجبوا ولا قوة
......
وآه آه منو الريد
لما يصيبك يتغلل في الأعماق جوه
.......
ياحنين
ياحنين لما تسيبني تروح ... تروح
تروح الدنيا وراك تصبح آهه
ياحنين تبقى الأيام غير الأيام
والبهجة بتفقد معناها
أنا بتقطر حنيه
بتتمنى بتسميتك اللقاها ...
اللقاها متين .... ما عارفة......
.........
........
.......
ولا حول ولا قوة إلا بالله ...
..........
..........
..........
-------------
واحد منكم ياشباب يجيبا لينا نغمات عافية "يا حنين" هنا من "اليوتيوب" ....
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Dr Salah Al Bander)
|
من أحب الفنانين لي هو "كاروري" ....
فهم وهضم مدهش للواقع السياسي السوداني ...
وتقريبا احتقظ بكل انتاجه الفني ....
وفي بعض المرات استمتع بكتابه تعليقات جديدة لرسومه القديمة...
هذه واحدة من رسومه القديمة-الجديدة ...
فالوجود المكثف للحركات الدارفورية حاليا في واشنطن هدفه تجميعهم في إطار الخطة الامريكية الجديدة/القديمة للتعامل مع الإنقاذ...
أكبر عدد من "الحركات" لجمع أكبرعدد من أوراق "التفاوض" مع الخرطوم ....
مع حصار تجمع "كاودا" والتقليل من دوره العسكري ... فجنابو عبد العزيز خالد كان أشطر ...
لن يختلف السيناريو عن توظيف "كاودا" فقط كـــ"خميرة عكننة" ... عنصر ضغط ولوي ضراع....
وفزاعة لدفع كافة الاطراف في النهاية لطاولة التفاوض ....
الحكومة الامريكية من أشد المتمسكين بالنظام الانقاذي كنظام للحكم .... وكمؤسسات سياسية...وكأنجازات......
وكأجهزة خدمة مدنية وأمنية وعسكرية ....
فقط المطلوب تغيير معادلة "القيادة" ... وليس تغيير "النظام"...
عكس ما فعلت في ليبيا ... والعراق ... وأفعانستان .... وتفعل في سوريا الآن...
وكفى "المؤمنين" شر القتال ....
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Balla Musa)
|
هاك ياصلاح الاغنيه
انا ذاتي مكسراني
شكراُ يا دكتور فاروق ...
أنا كنت قايل نفسي براي الركبو "مظلطة" ....
تراها في ناس معاي "ممكونة" عدددددديييييييييييييييييييييييل كدة ....
.........
..........
روعة لكن ....
| |
|
|
|
|
|
|
|
|
 هذا هـو صلاح ال بــنـــدر .... (Re: محمد حيدر المشرف)
|
صلاح العام 1965 .... الوزن الريشة ... لكن "الكروشة" من علامات "الفقر" ... و"المرض" .... وليس الراحة ...
وفي الصورة شقيقي مزمل، الذي يعيش الآن في مدينة "لندن"، ولاية أونتاريو الكنديـة ...
الصورة التقطها أبن عمتي الطيب يوسف الكريل (طيب القوم)، أمد الله في عمره ومتعه الله بالصحة والعافية...
وهو أول من امتلك كاميرا في عموم آل بندر وآل الكريل .....
ومن دون مبالغة في كل حي العرب ... وقد كانت زمنذاك من دلائل التحضر والرقي...
والموقع في منزلنا في "حوش الرجال" .... حي العرب منزل 334 حارة 5/2 .....
وللمعلومية كل "آل بندر" كانوا يعيشون في بيوت متجاورة في دائرة قطرها 2 كيلومتر مربع ......
وذلك من العام 1862 ميلادية حسب وثائق العائلة....
وذلك منذ نزوح "بندر الكبير" من دمر الكريل الى الرميلة ومنها لحي العرب وتأسيسه لـ"مسيد ود البندر" ...
بالمناسبة الصواني في الحيطة كانت "زريعة" استعدادا لموسم عواسة "الحلومر" ...
فـيـا لـهــا مــن أيــــام ....
| |
|
|
|
|
|
|
|
|
|
Re: هذا هـو صلاح ال بــنـــدر .... (Re: Ridhaa)
|
مشتاقين و الله لكم جميعا.
ويا د.صلاح بندر بتالغ ما اوردته عن عملك (اوضاع ارقاء العرب سابقا)
من صميم اهتماتي وبتبالغ يا اخي لابد بعمل مهم زي ده براك ليه؟!
كدي قول عوووووووك هنالك الكثير لاضيفه لك.
ايملاتك قالوا ما بترد عليها وكذلك تلفوناتك!
يعني الا يفتشوك ب(فكي) ولا شنو؟!(ههههههه)!
العزيز محمد حيدر
ياتو قصه دي يا حبيب...صدقني نسيتها
وبعدين انا بدخل هنا بتونس واقرقر شويه.....
Quote:
السيده تراجى ..
أرجو المرور من هنا ومناقشة ما تفضلت به عن شخصى .. |
يعني عايزني اتذكر شنو ولا متوقع اقرأ البوست ده كله حرف حرف؟!
يعني انا كنت مسافره
ومخيطه امريكا شرقها بغربها حامله للهم السوداني
وانت مرابط هنا راجيني ارجع لك؟! مبالغه لكن!
الدكتور بندر
دعني اختلف معك حول كاودا ولك علي الانقاذ و الامريكان
المتوطأئين يبعلوا ناشف بأذن الله!ووحات خوتك
مسحت بيهم الارض في عقر دارهم وأسال الشهود!
| |
|
|
|
|
|
|
|
|
|
Re: هذا هـو صلاح ال بــنـــدر .... (Re: Dr Salah Al Bander)
|
تحية.....وارفة الظلال...
يتضح من الصورة البراءة مقرونة بالدهشة عند التقاط الصورة في زمن كانت الصورة فيه من الجديد المستحب...
دعنا اذن نستعير تلك البراءة لنزين بها واقعنا الحاد الممطر احباطا عن وطن مازوم تصاعد فيه الاحتقان بين بني البشر الي درجة لا تطاق... وكاننا لم نعايش البراءة او التسامح يوما...حيث اصبح الحوار يقترن بالسباب والملاعنة كأننا لم ننهل من الفضائل تربية او سلوكا او استعارة لمجاراة الحياة في تمددها فينا او تمددنا فيها...
هل نطمع في ان ننقل تجاربنا المفيدة لنرتوي من ظلال التمني؟...فقط(ظلال) كاقل الامنيات ...عسانا نؤطر لحوار حضاري يكسبنا التفاعل الايجابي في تجلياته مع الناس والاشياء والظروف...
لك مودتي وللمتداخلين حبي.. واحترامي
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Dr Salah Al Bander)
|
مبالغه لكن يا ملاسي
لقيتك خطير:
Quote:
المشار إليها ب(الدكتورة حنينة مؤسسة موقع سودان ري)
بدت لي من هذه اللمحة شبيهة بزميلتنا – و دفعتنا -
في الاسكندرية نهلة عبد المنعم .. أتراها هي؟ |
Quote: نعم يا ملاسي ... يا ها ....
تلزم أي خدمة ؟ |
سبحان الله
بالله دي فعلا نهله؟!الاسكندرانيه فعلا؟!
يا حليلك يا نهله وربنا يديك العافيه.
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Tragie Mustafa)
|
السيده تراجى ...
أولاً شكرا على جبر الخاطر ..
الموضوع المرابط عشانو وبإختصار ..
أنى لا أسمح بتداول معلومات شخصية عنى فى هذا المنبر ..
ولا أسمح لنفسي بتداول ذلك عن الآخرين ..
فأرجو الابتعاد عن هذا الأمر ..
ولمشغولياتك الكثيرة ربما تكونى قد نسيت تناولك لمثل هذه الإمور عنى من قبل ..
وإدعاؤك عن مطاردتى للبنات من مطار لمطار .. وتحديدا المطارات الاوربيه ..
ورددت عليك آنذاك أنى على استعداد تام لنشر جميع صفحات جوازى التى تخلو تماما من أى زياره لدولة أوربيه آنذاك .. ولما لم تستطيعى الرد إكتفيت بذلك ..
وضربت صفحا عن ذلك باعتباره من صغائر الأمور ..
وأبقيت على مودة تجمعنى وإياك ومثلك وكجميع الاخوات هنا .. ولربما كان تقديري لك أكثر من العديدين
ولكن أن تأتى على ذكر زواجى وممن تزوجت وخلفياتها الاسريه وأصلها وفصلها ..
وأن تشيري لاولادى بأنهم هاف كاست وتدعو لهم بالتربية فى عز أمهم فى اشارة خبيثه ل"سماحتهم" التى تتصورين مصدرها ..
وكل ذلك مقروءا مع مداخلتك الاساسية والتى رددت أنا عليها بشيء من المزاح ..
فهذا ما لا يليق ولا أقبله ..
لهؤلاء الاطفال عوائل تسد عين الشمس ..
وشأنها ومكانتها أجل ممن ذكرتيهم هنا من أسر وعوائل بما لا يقارن ومع كامل الاحترام للجميع ..
عوائل يسعى اليها الناس ولا يسعون نحو أحد ..
وأسألى إن كنت جاهلة عمن هو المشرف مختار الشكيري فى الخرطوم وبري وأمدرمان ..
وأسألى عنى جيدا لتعرفى فى عز من سيتربى هؤلاء الأطفال ..
ثم ولا تأتى على ذكر أشيائي الشخصية مطلقا فى هذا البورد أو فى غيره ..
أتمنى أن نحتوى هذا الموضوع هنا وتحديدا مع تنامى أدوارك الوطنيه العظيمة ومشغولياتك الجسام ..
وأتمنى إحترام رغبتى أن تظل تفاصيلى الشخصيه فى المكان الذى يليق بها وأحدده بنفسي ولنفسي ..
تحياتى ..
| |
|
|
|
|
|
|
|
|
|
Re: من هو هذا الصلاح البندر؟؟!! (Re: محمد حيدر المشرف)
|
ولكن أن تأتى على ذكر زواجى وممن تزوجت وخلفياتها الاسريه وأصلها وفصلها ..
وأن تشيري لاولادى بأنهم هاف كاست ....
وتدعو لهم بالتربية فى عز أمهم فى اشارة خبيثه ل"سماحتهم" التى تتصورين مصدرها .. .....
لهؤلاء الاطفال عوائل تسد عين الشمس ..
وشأنها ومكانتها أجل ممن ذكرتيهم هنا من أسر وعوائل بما لا يقارن ومع كامل الاحترام للجميع ..
عوائل يسعى اليها الناس ولا يسعون نحو أحد ..
وأسألى إن كنت جاهلة عمن هو المشرف مختار الشكيري فى الخرطوم وبري وأمدرمان ..
وأسألى عنى جيدا لتعرفى فى عز من سيتربى هؤلاء الأطفال ..
أخونا الحسيب النسيب محمد حيدر المشرف....
لا تحتاج لتزكية فآل الشكيري يسدون عين الشمس...
ولا يفوتني هنا إلا بالرجوع الى رد خالي الجنرال مزمل سلمان غندور .....
عندما تسأل صحفي معروف عن من هو هذا المزمل غندور ؟...
أعتبر خالي مزمل تساؤل مصطفي البطل علامة من "علامات أقتراب الساعة" ...
ودليل على مقدمات ظهور "المسيح الدجال"....
ونذير شر مستطير ....
ولكن يا أيها الرفيق الحبيب التفاخر بالأنساب والأعراق والجهويات هو خصلة جاهلية ....
زميمة يبشر بها أهل الآنقاذ وسدنتها... واصبحت مجال للتطاول والاستخذاء ...
وللتاريخ وتوثيق الحادثة أنشر لك ما قاله سعادة الجنرال:
أولاد القبايل وأولاد الأسر والسودان...
أبدأ حديثي أولاً بحمد الله وشكره انني قد تجاوزت الثمانين ....
ولم أبلغها بجهدي بل بتوفيق من الله ولذا وجب علي الشكر ثم بعد الصلاة على المصطفى،
أتوجه الى حديث الأدبيب الصحفي المثقف جداً والذي لا أعرفه وصورته الفوتوغرافية
في الصحيفة لا يمكن أن تدلك عليه اذا قابلته في مأتم أو بيت عرس....
.....قبل الدخول الى الأمر الصغير الذي جعل منه الاستاذ مصطفى عبد العزيز البطل جعل منه امراً كبيراً دعاه الى الاتجاه غربا با تجاه الغرب
فاتصل بشيكاغو بالاستاذ فتحي الضو ثم بالبروفيسور بدر الدين حامد الهاشمي المقيم في لنكون ولاية نبراسكا كل ذلك الجهد بسبب المعاناة
التي ألمت بالأستاذ مصطفى من جراء موضوع قديم جداً قدم التاريخ سارت عليه الشعوب وغنت به القوافل وتناقله المؤرخون
ذلك الذي سماه الاستاذ مصطفى اولاد الأسر وأولاد......
وانتقل الى الحديث المباح قبل ان يدركني الصباح واصمت كما صمتت شهرزاد.
المصريون لديهم لهجة مليئة بكلمات المجاملة والذوق السليم والبعد عن فاحش القول
ولذا يستبدلون اي كلمة جارحة أو غير طيبة بكلمة إيه
واعتقد أن الأستاذ الكبير مصطفى عبد العزيز البطل استعملها في العنوان ولكنه رجع الى طريقة السودانيين "الفجة"
وقال أولاد الأسر وأولاد ال ك ل ب ثم أثنى على ال ك ل ب والحمار .....
وأنا شخصياً منذ صغري أحب ال ك لا ب والحمير واعتقد ان ال ك ل ب والحمار اكثر فطنة وذكاء من بعض البشر .....
فال ك ل ب يعرف صاحبه واصحاب صاحبه وجيران صاحبه ويميز بين العدو والصليح وقاصد الخير وقاصد الشر ومفرط في الوفاء بخلاف كثير من البشر....
اما الحمار رغم استسلامه لارادة الله الذي جعله خادماً للبشر يحملهم ويحمل امتعتهم لكنه لديه ذكاء استسلامه لا عن غباء ...
بل عن ذكاء خضوع لارادة الله. وأعرف عدداًَ من الحمير سرقت من حظائرها وغاب بهم اللصوص لعدة أيام أو أسابيع ....
وفجأة غفل عنها اللصوص فعادت الى مرابطها داخل بيوت أهلها دون تبليغ الشرطة أو متابعة الأثر.
ان ال ك ل ب والحمار من الحيوانات التي تدخل الجنة ك ك ل ب أهل الكهف وحمار عزير.....
ولذا مقابلة أولاد الأسر بأولاد ال ك ل ب هذا ظلم لأولاد الـ ك لا ب .....
ورحم الله الشاعر ابن الهجم وصل من البادية الى بلاط الخليفة وانشد قصيدته في مدح الخليفة:
أنت كالك ل ب في الحفاظ على الود ***
وكالتيس في قراع الخطوب
موضوع أولاد الأسر التي يجب ان يفكر فيها الاستاذ الكبير مصطفى عبد العزيز البطل هي ان الله سبحانه وتعالى "شخصياً" ظل يختار رسله وانبيائه من أولاد الأسر....
وهو الذي خلقهم ويعرفهم أكثر من أنفسهم وان الرسول محمد عليه أزكي الصلاة والتسليم كان يقول "أنا النبي لا عجب أنا ابن عبد المطلب" ....
وان قريش كانت تتباهى على بقية القبائل العرب وأن آل هاشم وآل حرب كانوا يتباهون على بقية قريش وان أهل البيت ظلوا إلى يومنا هذا يتباهون على بقية البشر.....
ولذلك نجد كثيراً من الدعاة بأنهم من أهل البيت لينالوا شرف التصدر لقيادة شعوبهم وقد يكونوا في الحقيقة غير ذلك ......
ويحضرني قول الفرزدق لجرير وهو القرشي وجرير غير ذلك....
أولئك آبائي فجئني بمثلهم اذا جمعتنا يا جرير المحافل
أما الانجليز عندما حضروا الى السودان وجدوا تقليداً عريقاً وقديماً بان السودان يحكمه أولاد الأسر في نظام قبلي لم يكن موجوداً في أي بلد من البلاد التي استعمروها.....
ولذا بدأوا أولاً باختيار أولاد الأسر البريطانية فقط لارسالهم الى حكم السودان مع تدريب خاص وتحذيرات كثيرة بأن الشعب السوداني يختلف عن بقية شعوب الامبراطورية البريطانية....
التي لم تكن الشمس تغيب عنها وحتى كانوا يقولون أن السودانيين يختلفون عن المصريين الذين يعتبرون جيراناً لهم منذ مئات القرون..
وأذكر عندنا في قوة دفاع السودان جاء بكباشي انجليزي ليعمل في بلوك السواري في مدينة نيالا وكان ابن لورد "تمبرل" واسمه بكباشي تمبرل ....
وكان والده يرسل له مائة جنيه استرليني كل شهر لتضاف الى مرتبه الشهري الذي كان خمسة وسبعون جنيهاً....
أما ما وجده الانجليز في السودان عن أولاد الأسر فقد وجدوا في غرب السودان أسرة علي التوم تحكم قبيلة الكبابيش .....
وأسرة عبد الله جاد الله تحكم قبيلة الكواهلة ......
وأسرة مادبو تحكم قبيلة الرزيقات ......
وأسرة نمر تحكم المسيرية ......
واسرة دقلل تحكم قبيلة البني عامر ......
واسرة عدلان تحكم الفونج ......
واسرة أب سن تحكم الشكرية ......
واسرة منصور تحكم حمر ......وكل قبائل السودان حكمها أولاد الأسر.....
فاذا انطلقنا الى الجنوب نجد أن اسرة ماجوك تحكم قطاعاً كبيراً من الدينكا ......
واسرة طمبرة تحكم الزاندي ......
واسرة لادو تحكم اللاتوكا .....
وأسرة داك تحكم الشلك .....
وكان معنا في السلطة إبان حكم مايو جيمس جوزيف طمبرة وأتون داك ودين ماجوك وبونا ملوال .....
والانجليز بعد القضاء على الخليفة عبد الله لم ينكلوا بابنائه ......
ومن أوائل من كانوا في السلطة وتسلموا الادارة من الانجليز أنفسهم أولاد الخليفة عبد الله ......
منهم السيد عبد السلام الخليفة والسيد عمر الخليفة والاميرلاي سلمان بك الخليفة ثم توالى ابنائهم في الادارة والقيادة....
فالمسألة في حقيقتها ليست مني ولا من المستعمر البغيض ولا من تصورات ابننا حمزة بلول ......
المسألة برمتها من فعل الله سبحانه وتعالى الذي لا يسأل عن ما يفعل وهم يسألون.....
وأواصل الحديث فالأستاذ مصطفى عبد العزيز البطل ركز على أولاد الأسر وأولاد ال ك ل ب .....
ولكن لم يذكر أن في السودان أولاد كثيرون.......
هناك أولاد الشوارع وأولاد الزقاقات، وأولاد الدبيبة وأولاد البرعي وأولاد حاج الماحي وأولاد الحلة وأولاد أم درمان .....
ولازال في السودان أولاد كثر يعف قلمي عن ذكرهم.....
وباشارة الأستاذ مصطفى لنقد كتبته قبل سنين لسلوك الفتيات فقد اصبح اليوم أمر النظر في موضوع جديد عن بنات الأسر وبنات الإيه....
وأترك البقية لفطنة الأستاذ الكبير مصطفى عبد العزيز البطل والقارئ.....
ويقول أهلنا "الكلام بجر الكلام" من أجل الترفيه عن القراء في رمضان وعلى نفس نمط الأستاذ مصطفى عبد العزيز البطل في طرافة الحديث وحلاوته .......
اتجه الى موضوع آخر قد يكون له صلة بأولاد الأسر قد تكون قريبة أو بعيدة ........
وهو موضوع قد ارتبط بالتطور الجاري في بلادنا والطفرة العمرانية والثقافية والتي تصاحب حكم المؤتمر الوطني والجبهة الشعبية ذلك هو أمر الآباء والأجداد....
عندما كنا في المدرسة الوسطى كنا نضحك على زميل لنا اسمه "سمير" ونقوله له تصور انك عندما تكبر وتشيخ يناديك احفادك "يا جدي سمير"....
وكان ذلك الأمر بالنسبة لنا يدعو إلى غاية الضحك.....
كانت الأسماء محصورة في أسماء الرسول عليه أزكى الصلاة والتسليم ......
واسماء الخلفاء الراشدين والصحابة وقادة المسلمين كما اسماء "الدين" مثل صلاح الدين وشمس الدين ......
وعلاء الدين وبدر الدين وجمال الدين ......
والطريف أني لم أعرف اي شخص اسمه "قمر الدين" لكن في رمضان نستعمل قمر الدين المستورد من سوريا.....
مع هذا الأسماء في كل العالم الاسلامي كان الناس يسيرون ......
ودرجت العادة ان يسمي الابن ابنه على والده أو جده أو والد زوجته وهكذا لكن مع تقدم السن بنا والمشيب ثم الشيخوخة ثم ربما أرزل العمر .......
ظهرت لنا اسماء جديدة لم نكن نعرفها أو نسميها في الماضي وأمل ان لا يغضب حديثي هذا اصحاب الاسماء فلا أقصد بها اي اساءة أو تحقير لهم ......
بل العكس هو الحقيقة مثل اسماء: الديمقراطي، النافع، المتعافي، والمتعارض، والبطل، والكرنكي، والبوني، وأتساءل.....
هل ينادي الاستاذ مصطفى عبد العزيز البطل جده يا جدي البطل.....
موضوع الاسماء والأسر في السودان قد يكون موضوعاً رائعاً كرسالة بحث للدكتوراة في علم الانسان أو في علم الانساب ......
ولولا اني اعتقد انه ليس لدي فسحة من العمر لاجري البحث واحصل على الدكتوراة مثل العديد من الدكتوراة التي ظهر في البلد ثم تحولت الى برفيسورات ......
ولكن أنا على يقين اني لن أجد الوقت ولذا أهيب بالشباب أن يبدأوا أمراً كهذا وقد يكون الأستاذ مصطفى عبد العزيز البطل من أنسب من يقومون بمثل هذا البحث....
وأود ان أسجل هنا بأنني قد لا أكون من أولاد الأسر فوالدي عربي ....
ولد وعاش في البادية ودخل أم درمان على ظهر جمل ليتزوج بنت عمه التي يكبرها بسنين....
ومات وتركني أنا اكبر الأولاد وانا في العاشرة لكني افتخر بانني من أولاد القبايل ......
فأن "عبادي" أباً وأماً والعبابدة عرفهم التاريخ بالشجاعة والذكاء والأمانة والصبر والجلد والصدق .......
وعندما وزع الخوف العبابدة كانوا غائبين .......
وحتى "البرق" الذي لا يكذب وتهطل بعده الأمطار يسمى "برق عبادي" ......
ويقول المغني "برق عبادي خاتي القول".
ولا حـــــول ولا قـــــوة إلا بــالـــلــــــــه...
| |
|
|
|
|
|
|
|
|
|
Re: من هو هذا الصلاح البندر؟؟!! (Re: Dr Salah Al Bander)
|
د. صلاح البندر
تحية طيبة ..
ولعلك ستعجب إن قلت لك أن والدى - وفى كل إجازة - يأخذنى لقبر سليمان غندور فى "البكرى" وقراءة الفاتحة .. ومرجع ذلك لوجود قبره قريبا من قبر جدتى الحاجه التومه القاسم محمد نور .. وبالتأكيد يعود ذلك للمعزة القويه التى يكنها والدى لسليمان غندور وللغنادير الكرام بصورة عامة ..
إلا أن الوضع هنا ما كان تفاخراً ولا ينبغى لى ذلك . وإن هو الا دفع للهوان الذى رميت به وأولادى فى هذا المنبر .. ولربما لم تعنى الإخت تراجى هذا المعنى بالتحديد ولكن وكما قلت هو درء للهوان الذى قد يتسلل للقراء من معانى كهذه ..
وبالاضافة لذلك وكما قلت أن لى مطلق الحق فى حفظ معلوماتى الشخصية بعيداً عن مجال لا ضرورة فيه لمعرفتهم ..
ويا دكتور البندر .. أمدرمان دى علمتنا انو الناس كلهم واحد ..
وقمنا فى حى البوسته وحولنا ناس الجزلى والجندى فكانوا بمثابة أعمام لنا وخالات نفخر بهم وبهن ..وقريبا منا ناس مساوى وشلقامى وعلى حميد والعتبانيه وغيرهم وجميعاً هم أصدقاء وأعمام لنا ونجلهم ونقدرهم.. يعرفون قدر الناس ويعرف الناس قدرهم ..
وأعتذر لهم جميعاً لما إعترانى من نعرة عصبية فى معرض غضبي الشديد هنا ..
وأعتذر لك عن هذا الازعاج البالغ والذى تسببت فيه بهذا البوست ..
وشكراً للتنبيه ..
| |
|
|
|
|
|
|
|
|
|
هذا هـو صلاح ال بــنـــدر .... (Re: محمد حيدر المشرف)
|
شكرا محمد المشرف آل الشكيري ...
وربنا يرحم موتانا ..... وموتى جميع الناس الخيرين ....
وهذه مناسبة لأن أؤكد مرة أخرى ان أمدرمان علمتنا انو ناس أمدرمان ناس عندهم مرجعيات ...
وعندما نجح البعض في موجات "التحريض" العاتية الى ان يندفع "العتالي السابق" أخونا "شوقي بدري"
للإفتاء عن خواصنا وخصائصنا لم ننفعل ونرد الصاع صاعين ...
بل قلنا ان "العين لا تعلو على الحاجب" ... وأنني التزم بمرجعية ... فأنا "ود أمدرمان" و"حي العرب" ...
التي يعرفها شوقي قبل الكثير من "نافخي الكير" و"أبناء السبيل" في هذا المنبر ...
وذكرت ان حتى "العاهرات" و"لاعبي الملوص" و"بائعي البنقو" في أم در ... لهم مرجعيات ...
فالمرجعيات (Code of Conducts) هي المهمة في حياتي ...
ويهون في سبيل الحفاظ عليها كل شئ ...
لذلك اشارك الاحباب هنا في واحد من هذه المرجعيات والتي نصح بها حكيم فرعوني أبنه قبل 4 آلاف سنة، منها:
"يا بُنيَّ .. لا تكن ساقط الهمَّة أوان الشِّدَّة، ولا توقد ناراً لا تستطيع إخمادها .....
ولا تجعل لنفسك صوتين، وافعل الخير وارم به وسط النهر ....
وإذا فعلت معروفاً في 500 وراعاه واحد فقط فحسبك أن بعضه لم يضِع ....
ولا تشاور عالِماً في أمر ########، ولا جاهلاً في أمر جلل ....
وفشلٌ كريمٌ خيرٌ من نصف نجاح، والموت خيرٌ من الحاجة ....
ومن سرق جهد غيره لا يُبارَك له فيه، وما يسرق اللص بالليل لا بد يكشفه النهار ....
واعلم أن رفيق الحصيف حصيف ....
ورفيق الغبيِّ غبيٌّ ....
ورفيق الجاهل جاهل"!
والحمد لله الذي ولدنا "أمدرمانيين" في الآول .......
والحمد لله الذي سيميتنا "امدرمانيين" في الآخر ...
والحمد لله كثيرا الذي لم يجعلنا من رهط "كيكي" و"عصومي" و"ابناء السبيل"...الخ ....
وأمثالهم ...
تخريمة
------
ياشيخ محمد عندنا ليك صور أجمل وجمل ... اللهم "زد وبارك" ....
| |
|
|
|
|
|
|
|
|
|
Re: هذا هـو صلاح ال بــنـــدر .... (Re: Hussein Mallasi)
|
جميعكم أشولنجية.
شكراُ ملاسي ....
فعلاً ... كلنا أشولنجية .....
ومعليش "عصومي" ... تعيش وتأخد غيرها ...
وفي كل عام نحتفل بمناسبة "اليوم العالمي للأشولنجية" ...
لماذا كل هذا الاهتمام بأصحاب "اليد اليسرى؟" ....
هل لأن بعضهم أثبتوا أنهم "عباقرة" و"متميزين" في مجالاتهم ...
أم لمجرد أنهم "مختلفون" عما هو سائد؟
أم لأن آخر النظريات الطبية تحذر من قصر حياة "الاشولنجية" .....
لكن قبل ذلك وهذا ما هو سر أستخدام اليد "اليسرى" ؟
| |
|
|
|
|
|
|
|
|
|
Re: هذا هـو صلاح ال بــنـــدر .... (Re: Dr Salah Al Bander)
|
هنالك العشرات من الشخصيات "الاشولنجية" ...من الفنان ليوناردو دافنشي...
شارلي شابلن .. المغني بول مكارني ....توم كروز ...مرجان معتوق (Morgan Freeman)...
مارلين مونرو .. ووبي جولدبيرج ... روبرتو دي نيرو ... أسماعيل يس ...
والمخرج اسبايك لي ... بوب قيلدوف ...جيمي هندريكس ... جون ماكنرو بطل التنس ....
العالم البرت انشتاين ... الأمير وليم (دوق كيمبردج) ود الحبيبة المرحومة ديانا...
الرئيس جورج بوش ... ريجان .. فيدل كاسترو ....
ولعل أخونا عبد الرحيم أبايزيد (بونا) والضكيرابي يعرفان ميزة "الضربة الخطافية" للأشول ...
بتعمل "دوشة" و"طمام بطن" ... وقد تؤدي الى حاجات تانية ...
الصورة دي في مظاهرة تضامنية أمام مجلس الوزراء البريطاني ...
ضربتين وحياتكم باليد الشمال ... قدت البرميل ...
وخليت ليك الخواجاية تصرخ ... "براحة عليها"... "الحكاية شنو .. في يدك في شيطان" !!
وللحقيقة ورثت جين "الاشولنجية" من خالي المرحوم عبد العظيم ...
وقد ارتبطت بسبب ذلك في ذهن الوالدة بـ"الشقاوة" ... و"العناد" ... وحب "المغامرة"
وهي صفات كانت تعتقد بأنها السبب في وفاة خالي غرقاً في ريعان شبابه ...
وكثيرا ما كانت تحاول تعليمي استخدام اليد اليمنى ....
ولكن الموضوع في "الجينات" الوراثية ...
وتواصل وجودهم في العائلة بشكل ملحوظ ....
فأغلب أخواني وأخواتي لهم أطفال "أشولنجية"...
ويعتقد العلماء ان "الاشولنجية" اعمارهم في المتوسط أقصر بحوالي 10 سنوات من "الايمنيين" !
ويرجعون السبب الى كثرة المتاعب ولمشاحنات التي يواجههونها .....
وذلك من أجل التعايش مع عالم "تحكمه اليد اليمنى" ...
وبصورة عامة يؤكد العلماء ان الاشولنجية يعنون من جهاز مناعة أضعف ...
ويؤكد علماء النفس انهم يتصفون بالخشونة وارتكاب حوادث السيارات ...
كما يتميز بأن الجزء الأيمن من المخ هو الذي يتحكم في شخصيته ...
وهو بالمناسبة الجزء من المخ المسؤول عن القدرة على تقدير العمق .....
وتقدير المسافات والتحكم في القدرة على الكلام ....
ومن تجربتي الشخصية كثير ما يختلف الناس في التعامل معي ... منهم من ينظر الى كحالة "غريبة" ...
ومنهم من ينظر الى بتعاطف وأحيانا بتشاؤوم ... خاصة في المجتمعات الخليجية ...
حيث من العيب ان تستخدم اليد اليسرى في أي شئ ... فالأيسر يمثل سوء الحظ والدنس ...
وعندما كنت مستشارا في البحرين كانت الحماية الطبيعية لى هي ان "الملك حمد" أشولنجيا ...
وقد استغليت ذلك في اغاظة عدد كبير من "الاعراب" واستفزازهم ...
دون ان يتمكنوا من أحراجي أو ابداء الانزعاج في حضرة من يخافون ويهابون حد الموت ...
وفي بريطانيا والى وقت قريب كان الاطفال الاشولنجية يعاقبون بالضرب لمنع استخدامهم لليد اليسرى ...
....
ومن جهة أخرى أنا وبنتي هدى اعضاء في جمعية "الاشولنجية" ...
وترسل لنا شهريا مجلة متخصصة في الموضوع ... تحدثنا عن احدث الاشياء والابحاث....
كما أزور "الدكان الكبير" في وسط لندن المختص ببيع كل شئ للاشولنجية...
ويسهل من حياتنا من شراء "مقص" الى "براية" أقلام ..الى مساطر ... أدوات المطبخ......الخ ....
وبصورة هامة ... أنا سعيد انني خلال حياتي شهدت ان "العالم يتحول تدريجيا نحو تفهم الاشولنجية" ...
وكيفية التعامل مع خصوصيتهم كأقلية ...
ولكنها أقلية تتميز بمواهب فنية راقية ....
وهوايات مختلفة !!
نداء ورجاء: على اعضاء قبيلة سودانيزأون لآين الاشولنجية كتابة اسماؤهم هنا .....
| |
|
|
|
|
|
|
|
|
|
Re: هذا هـو صلاح ال بــنـــدر .... (Re: Dr Salah Al Bander)
|
Quote:
نداء ورجاء
على اعضاء قبيلة سودانيزأون لآين الاشولنجية كتابة اسماؤهم هنا ..... |
تحية طيبة و سلام من الله عليك يا دكتور
و تحياتي لصاحب البوست .
و سجل عندك و احد اشولنجي تمام التمام
تعبته من الشغله دى و ادقيت فيها دق
العيش لحدي ما اتعلمته اشتغل بيدي
اليمين و نفس شغل اليد الشمال و امعان
في طرد الشيطان (كما يقال) لم يتوقف
الأمر علي اليد بل امتد حتى الرجل الشمال
لدرجة أني اصبحت استخدمها بنفس درجة
الشمال .
| |
|
|
|
|
|
|
|
|
|
Re: هذا هـو صلاح ال بــنـــدر .... (Re: سفيان بشير نابرى)
|
الآخ الكريم سفيان نابرى...
أهو في حاجة مشتركة بيني وبينك ...
أرجو ان تحكي لي ولقراء سودانيزأونلآين شوية عن تجربتك مع الأسرة ...
وخارج الأسرة ...
أنا شخصيا عانيت من مجهودات الوالدة ...
لكن في خلوة الفكي جبارة الله كانت فظيعة ...
ما زلت الى اليوم أحلم بكمية الضربات من سوطه "العنج" ...
ومعافبته لي بـ"الفلقة" ....
على الأقل اكون خلال فترة السنتين القضيتها فيها انضربت حوالي 4 ألف سوط ...
نعم والله اتذكرهم واحد ... واحد .... واحلم بهم من فترة لأخرى ...
وفي مدرسة (حي العرب الابتدائية) كانت تجربة مريرة جدا ...
خاصة من استاذ العربي "اسماعيل" ...
عمل لي عقد نفسية أعتقد أنها هي السبب في معاناة "عصومي" مني ....
اعتقد ذلك ....
وسببها تلك الفترة....ومحاولات إجباري على استخدام اليد اليمنى ..
| |
|
|
|
|
|
|
|
|
|
Re: هذا هـو صلاح ال بــنـــدر .... (Re: Dr Salah Al Bander)
|
صورة جماعية مع الخال الجنرال مزمل سلمان غندور ود آمنة بت حسن
وبالترقيم جرياُ على تقليد الأسرة في التسمية:
المفكر الدكتور محمد سليمان محمد، مدير مركز البديل الأفريقي: محمد ود آمنة بت حاج على غندور
الدكتور صلاح عباس بندر، خبير التخطيط الاستراتيجي، صلاح ود هدى بت سلمان غندور
الكابتن بحري أسامة بدر الدين محمد عبد الرحيم، أسامة ود نعمة بت سلمان غندور
الدكتور عادل عثمان سلمان غندور، جراح العظام، عادل ود علوية بت عبد اللطيف
المهندس سعد مزمل سلمان غندور، مستشار معماري، سعد ود فاطمة بت محجوب
الأستاذ بكري الياس سلمان غندور، مستشار قانوني، بكرى ود زينب بت اللواء (المقصود اللواء محمد أحمد التجاني).
دكتور عادل غندور في ضيافة صالون بلدنا كارديف. لباقة وعلم وتواضع
| |
|
|
|
|
|
|
|
|
|
Re: هذا هـو صلاح ال بــنـــدر .... (Re: Dr Salah Al Bander)
|
صلاح ود هدى غندور
مع هاشم ود نعمة غندور
مع سمية بت رقية غندور في رحلة الى نيويورك في 1995 .... مع نوارة آل البيلي
يا لها من رحلة بالبر (تبادلت سمية مع هاشم في السواقة) بدأت من أتوا (كندا) .. الى تورنتو ... الى لندن (أونتاريو) ....
ثم عبرنا الحدود الى ولاية منسوتا ... وعبر ولايات ويسكونسن .. اللينوي ... أنديانا ... أوهايو .. بنسلفانيا ...
الى واشنطن ... ومنها الى نيويورك ... ثم زيارة كيمبردج (الثانية) حيث جامعة هارفرد ... ومن هناك عبرنا الحدود مرة أخرى الى أتوا الكندية ...
....
.....
يا سلام ... يا لها من رحلة ...
| |
|
|
|
|
|
|
|
|
|
Re: هذا هـو صلاح ال بــنـــدر .... (Re: Dr Salah Al Bander)
|
صورة تجمعني مع ود عمتي المغفور لها ست النفر بت الحاج بندر الكبير (Bander the Senior)...
المكان كان مزرعته التي تسمى سابقا "بمزرعة زكي" ....
الأمير السر يوسف الكريل، رجل الاعمال المعروف وأحد القيادات الشعبية البارزة لمنطقة تمتد غرب النيل الأبيض من جنوب جبل الأولياء لى مدينة ربك ...
تستند على نفوذ أسس له جده أمير الفترة المهدوية على المنطقة...
ويستظل بمباركة عرفانية من الشيخ الياقوت ....
ولا يمكن لحزب الأمة أو المؤتمر الوطني ان يقوم بأي خطوة دون ان يستصحب فيها السر الكريل ...
وعلى يسار الصورة الحاج بندر الصغير (Bander the Junior)، شقيقي الوحيد الذي فضل البقاء في السودان ...
ويمارس دوره كأحد القيادات الميدانية لآل بندر ...
ويحافظ على اركان الامبراطورية البندرية بحي العرب ...
ويقوم بالنيابة عنا بكل واجبات الافراح والاتراح...
| |
|
|
|
|
|
|
|
|
|
Re: من هو هذا الصلاح البندر؟؟!! (Re: محمد حيدر المشرف)
|
يا محمد حيدر المشرف
الكلام ده انا كتبته عامل البخليك ترد علي بكده شنو؟!
Quote: قريت كلام تراجى ..
جريت طوالى واتأكدت تماما أنو ..
ولا باحدى صدف التأريخ ..
ناسبنا أو تزوجنا من الأسر الكريمة التى ذكرتها ..
ولربما كان ذلك أحد أسباب شناتنا التأريخيه
كزنوج مخلصين وجوهنا صوب الشناة!!
ولربما حاولنا ذلك ولم نفلح ..
واعنى زواجنا منهن ..
|
الخلاك تأخد الامر بشكل شخصي وتكتب لي الكلام ده شنو؟!
باختصار
انعام الشكيري زميلتي بالاسكندريه.(التحيه لها)
وظاهر الاختلاط بدمائكم,ان كان بمن ذكرت او غيرهم.
فالهضربه لزومها شنو؟!
و(هاف كاس) دي جقلبته منها ليه كل الشعب السوداني الشمالي (هاف كاس)!
يا محمد انا ما بسيء زول
انت قلت شناتنا وطبيعي بعدها ننقب حولك شخصيا عشان ثاني ما تتطوع باجابه زي دي
وتشوتها لينا مقنطره.
المهم لك العتبى .
| |
|
|
|
|
|
|
|
|
 Re: من هو هذا الصلاح البندر؟؟!! (Re: Dr Salah Al Bander)
|
يا له من اعتداء صبياني غاشم ذاك الذي تعرض له غندور!
يجب طرد غندور والطيب مصطفى وعبدالحى يوسف من دار الامه
عاجل: الشباب الثائر يطردون غندورمن دارحزب الامة ويهتفون غورغور ياغندور
اتوقع بيان اعتذار لغندور من حزب الامة
من المدهش ان الأخ محمد عبد الله عادل (طالب بالقاهرة، انصاري بالميلاد ومن مناصري مبارك الفاضل) كتب نداء .....
طلب فيه منعه وآخرين من المشاركة في الفعالية الساعة 2:23 بعد الظهر ....
وتتابعت الانباء عن الحدث بعد ذلك:
عمار عوض 7:16 (خبر الاعتداء)
ملاسي 8:52 (استنكار الحدث)
وتوقع الكونت الاعتذار 10:32
وطبعا يا محمد عادل غايتو شيل شيلتك ....
بكرة ناس الآنقاذ ح يقولوا الموضوع من "تخطيط وتمويل مبارك المهدي" ...
وانت كنت المشرف على "التحريض بالنشر وتحريك الشباب بالتلفونات"... وجماعتك نفذوا هناك .....
وكان قد تم الاعتداء على الدكتور ابراهيم غندور في ندوة تضامنية مع انتفاضة سوريا .....
يوم الثلاثاء 6 ديسمبر 2011 بدار حزب الامة القومي بام درمان....
وخاطبت مريم بت الصادق المهدي الحضور ....
موضحة ان هذا السلوك "لا يشبه حزب الامة القومي" ....
ووصفت ما جرى من احداث بالمؤسفة.....
الاعتداء على القيادي الدكتور إبراهيم غندور حفز احد الاصدقاء للاتصال والاستعلام عن علاقتي الأسرية به....
واقول ان البرفيسور ابراهيم هو أبن خالي أحمد عبد العزيز غندور ....
ووالدته من كنوز الدويم (النيل الأبيض) حيث ترعرع وقابل صديق عمره "المتعافي" ودخلوا ساحة العمل العام معاُ ...
وكان استاذا بكلية طب الأسنان جامعة الخرطوم قبل تفرغه للعمل السياسي خلال الانقاذ ...
وربنا يجيب العواقب سليمة ....
واعتقد كل الاحزاب - حفاظا على كوادرها - من ح ش الى ح ش ق ش ستصدر بيانات أدانة لهذا الاسلوب ...
ودونكم ما حدث بعد اعتداء ود خالتي هاشم ود نعمة على الترابي ...
........
فقد حذرنا مراراُ وتكرارا من هذه الاساليب في العمل السياسي ...
وقلنا ان الاحزاب لن تسلم من نار الانتقام واستهداف قياداتها لو سكتت عن هذه الممارسات ...
أو أيدتها ضمنياُ ....
وقلنا بأن ذلك سيرتد على صدر من يتبناه...
ودبابين المؤتمر الوطني وشبيحته لا يبحثون عن أسباب أضافية ...
ح يدوا ليك الصادق المهدي "علقة نضيفة" في أقرب مناسبة ...
أما السيد مبارك المهدي لا اعتقد سيستطيع الرجوع للسودان قريباُ...
.....
والحسيب النسيب بكون رسل السواق لحجز مقعد الى جدة أو القاهرة في أقرب فرصة ....
....
| |
|
|
|
|
|
|
|
|
|
هذا هو صلاح ال بندر؟؟!! (Re: عادل نجيلة)
|
الحبيب عادل نجيلة ...
العبابدة قبيلة حدودية بين مصر والسودان ...
واعتقد ان ذلك ما يسر لها صفة التحرك بين البلدين حسب الاحوال والارزاق ...
وبأعتبارهم قبيلة بدوية ترعى الأبل هم بالتالي لا يحبون "السلطات" في كلا البلدين ...
ويتعاملون معها وفق مصالحهم ... وهم ايضا قبيلة صغيرة "مهمشة" في كلا البلدين تاريخيا ...
ولكن تاريخيا ايضا المنطقة كانت "بلد واحدة" ...
هذا ما جعلهم احد القبائل التي يمكن الاعتماد عليها من قبل هذه السلطات من وقت لآخر....
ولعل في موقفهم المعادي للثورة المهدوية ما يعزز من ذلك ...
ولا تنسى انهم هم الذين اعتمد عليهم وينجت باشا في تهريب سلاطين باشا من تحت سرير الخليفة عبد الله ....
هذا بشكل عام ...
وبصورة خاصة ... "الولد خال" ....
لذلك تجدني اعتز بعلاقتي الخاصة بخالي مزمل ... واحاول ما استطعت ان يكون "قدوة حسنة" لي في حياتي...
وقد كنت دائما قريبا منه ... بل عملت معه بعد فصلي من الخدمة ......
ووالدي ووالدتي يحبونه بصورة متميزة الى الدرجة انهم - من دون كافة أخوانه واخواته - سمو عليه احد ابنائهم ...
وقد كانت أمنية الوالدة والوالد ان اتزوج ابنته "أمونة" صونا لرابطة الدم والمودة والرحمة ...
ولكن "أمونة" كانت أشطر وأصرت على رفض الزواج مني ....
والأصرار على الزواج من زميل دراستها واحد ابناء البادية الكردفانية الكرام ...
وكانت أكثر حظاُ ان يسعدها الله به من المغامرة من الزواج مني وأنا "المتمرد المحترف"...
صاحب الصفات الصعبة والهوايات الغريبة ...
وشاء القدر ان اتزوج "أم العيال" أبنة زميل الدراسة للخال مزمل والتي صبرت وصابرت وما تزال مع العبدلله ...
.....
....
أما سؤالك ... فالخال تم تعيينه وزيرا للداخلية بعد هزيمة انقلاب هاشم العطا وليس بعد "المصالحة الوطنية" ...
وله في حياته نجاحات واخفاقات .... يسأل هو منها ...
ولكن في تقديري أكبر أثرا على نفسي هو انه كان ممثل الاتهام خلال حكم عبود في محاكمة حركة "كبيدة" الانقلابية ...
واذكر انني كنت في صحبة الوالدة للتعزية في الموردة عندما تم طرد الوالدة من بيت العزاء ... وكان ذلك موقفا غريبا لطفل مثلي !!
لكن ما زلت اتذكره كأنه حدث أمس .....
وبخصوص ارتباط شخصيات من العبابدة بالدكتاتوريات ... مثلهم مثل كل اعراق السودان ....
ازيدك من الخير خيرين ... تأكيدا لملاحظتك ...
قد لا تعلم - والكثيرين - ان الخبير الأمني احمد عبد الرحمن محمد غندور هو خالي برابطة الدم ايضا ...
وهو اطول من تولى حقيبة وزارة الداخلية في تاريخ السودان ....
وان الأستاذ عبد الرحيم محمود حمدي (رئيس تحرير الميثاق، مؤسس بنك فيصل، وزير مالية الانقاذ وصاحب "مثلث حمدي") هو الآخر عبادي ...
وشاء القدر ان تكون "أم العيال" هي أبنة خاله ......
واعتقد أن السبب في ارتباط هؤلاء بأنظمة ديكتاتورية راجع الى ما ذكرت عاليه ...
...........
..........
ولكن هنالك العشرات بل المئات من يتحدرون من نسل العبابدة - على طول وادي النيل في مصر والسودان - من الدكتور خالد عبادي غندور شرقا ....
مرورا بشخصي الضعيف ..... والى الابنة النجيبة ولاء صلاح غربا ....
كلهم حسموا خيارهم ومواقفهم - دون تردد أو وجل - بالأنتماء الراسخ الى تيار الديمقراطية والسلام العادل والعدالة الاجتماعية ...
| |
|
|
|
|
|
|
|
|
|
Re: هذا هو صلاح ال بندر؟؟!! (Re: Dr Salah Al Bander)
|
الشريف حسين الطيب بندر وهو يحتفي ببنات شقيقته - المغفور لها بأذن الله - نعمات في آخر مناسبة عائلية 2011.
سلمى وسارة بنات شقيقي - المغفور له بأذن الله - مرتضى ود هدى ....
الشريف حسين متزوج من شقيقتي الصغرى نجاة بت هدى ....
بالعربي كدا ... "زيتنا في بيتنا" .....
| |
|
|
|
|
|
|
| |
بدر الدين احمد موسى
Tragie Mustafa
حمد عبد الغفار عمر
الجيلى أحمد
Mohamad Shamseldin
jini
محمد حيدر المشرف
Dr Salah Al Bander
عاطف مكاوى
كمال ادريس
Ridhaa
نبيل عبد الرحيم
Hussein Mallasi
احمد التجانى احمد
محمد قسم الله محمد
فاروق عثمان
سفيان بشير نابرى
فيس بوك
تويتر
انستقرام
يوتيوب
بنتيريست