|
|
|
 Re: وغاب الحزب الشيوعي عن ندوة لندن ... توجد صور للندوة!!! (Re: Mohammed Haroun)
|
كيف يغيب الحزب الشيوعي عن ندوة أمها جمع غفير كهذا!! لا بد أن هنالك خلل ما ...
في نهاية الندوة وأنا خارج رأيت الدكتورة آمال جبر الله واقفة متحيرة فبادرتها بالسلام ... إزيك يادكتورة .. كيف حالك يا دكتورة ؟؟
ردت علي بصوت كله حنية طمأنتني فيه بأنها بخير .... كنت أحسبها (نمرة) ضارية ... لكن وجدتها في قمة الوداعة ... وهرولت خارجاً أجري ... فقد كنت في عجلة من أمري ..
ليتني صبرت وسألتها فربما حلت لي اللغز ... قاتل الله العجلة ...
تحيات أخوكم ودهارون
| |
 
|
|
|
|
|
|
|
|
Re: وغاب الحزب الشيوعي عن ندوة لندن ... توجد صور للندوة!!! (Re: Mohammed Haroun)
|
السيد ياسر سعيد عرمان وهو يجلس في بداية الصف الأمامي من ناحية اليسار .... يستمع وينتظر دوره في الحديث ..
طبعاً الكل كان ينتظر حديث السيد ياسر عرمان ... وقد إختار مقدموا الندوة أن يكون هو المتحدث الأخير .... وبعده شتت الجميع ...
صورة جانبية أخرى للسيد ياسر عرمان ....
هذا البوست يتناول جوانب من الندوة مع التركيز على معرفة الأسباب التي أدت لغياب الحزب الشيوعي من هذه الندوة ...
كثير من أعضاء الحزب الشيوعي كانوا حاضرين ولكن لم يشارك منهم أحد في الحديث في الندوة ... سأحاول جاهداً الإتصال بأحد قادة الحزب لمعرفة الأسباب ...
تحياتي أخوكم ودهارون
| |
|
|
|
|
|
|
|
|
|
Re: وغاب الحزب الشيوعي عن ندوة لندن ... توجد صور للندوة!!! (Re: Tragie Mustafa)
|
Quote: ود هارون سلامات
وتتصل ليه يا حبيب ماهم كبار ضويته ببريطانيا
قاعدين معانا بجاي ولهم باس ويردات !!
فليردوا! |
يا تراجي سلامات
شكراً على المداخلة ... طبعاً إنت أكيد بتكوني سمعتي حاجة من مصادرك العديدة التي تأتيك بالأخبار وأنت جالسة في البلكونة بتاعتك في كندا ... إنتو مش عندكم بلكونات برضو؟؟
لو عندك معلومات بالله فتيها هنا بسرعة وريحي أخوك ودهارون ...
تحياتي
| |
|
|
|
|
|
|
|
|
|
Re: وغاب الحزب الشيوعي عن ندوة لندن ... توجد صور للندوة!!! (Re: Mohammed Haroun)
|
قال لي أحد الأصدقاء سبب عدم مشاركة الحزب الشيوعي في الندوة هو أنهم يريدون أن تكون الدعوة للندوة بإسم قوى تحالف الأحزاب ولكن نظراً لضيق وقت السيد ياسر عرمان رأى أعضاء الحركة الشعبية قطاع الشمال أن الموضوع سيكون أكثر تعقيداً ويحتاج إلى وقت ولذلك قاموا بالدعوة للندوة بإسم الحركة الشعبية ...
هذا قد يكون أحد الأسباب ... حاولت التحدث إلى بعض قادة الحزب الشيوعي ولكن جوالاتهم إما مشغولة أو لا يردون عليها ... ساواصل المحاولات ..
الأخوة نشطاء الحركة الشعبية في هذا المنبر بيكونوا عارفين الأسباب ... لكن طبعاً ضاربين طناش ...
تحياتي
| |
|
|
|
|
|
|
|
|
|
Re: وغاب الحزب الشيوعي عن ندوة لندن ... توجد صور للندوة!!! (Re: Mohammed Haroun)
|
سبب آخر أفادني به للتو أحد الأصدقاء وهو أن قادة الحزب الشيوعي قالوا لم توجه دعوة للحزب للمشاركة في التحدث في الندوة إلا أن صديقي يعتقد أن كل الأمر هو نتيجة لسوء تفاهم وصراع بين تحالف القوى السياسية في لندن وقادة الحركة الشعبية قطاع الشمال....
غايتو سأجمع لكم ما سمعته من إفادات ... وبعدين إنتو أحكموا ...
تحياتي
| |
|
|
|
|
|
|
|
|
|
Re: وغاب الحزب الشيوعي عن ندوة لندن ... توجد صور للندوة!!! (Re: Mohammed Haroun)
|
Quote: طيب مادام موضوع غياب الحزب الشيوعى مهم عندك كنت تسأل ناس
اللجنة المنظمة عن سبب غياب الحزب الشيوعى |
يا ناصر المحسي سلامات
يا أخي الحزب الشيوعي هو واحد من أحزاب المعارضة النشطة في مدينة لندن وتجاهله بهذه الطريقة الساذجة يعتبر خطأ فادح ... ناس اللجنة المنظمة ما شافوا البوست دا يعني ولا شنو!! ما كان يجو يردوا على طول ولا عاوزين عزومة؟؟
تحياتي
| |
|
|
|
|
|
|
|
|
|
Re: وغاب الحزب الشيوعي عن ندوة لندن ... توجد صور للندوة!!! (Re: Mohammed Haroun)
|
Quote: عموماً سأعطيك إفادة أخرى حصلت عليها هذا الصباح من بيت (كلاوي) الحزب الشيوعي.
|
وبالامارة اسال معاااك عبد الملك مصطفي العبيد او صدقي كبلو وكمان اما جبر الله
ديل اتنين كباااااار ( امال وصدقي ) وكبير اخر عبد الملك عن قول السيد نقد الاخير في الوان
والله المقصد ان الزول يعرف هل تغير الزمن ؟ وتغيرت وسائل النضال
لانو قال عن المجرم البشير وابليس السياسة السودانية عراااب النظام الترابي قول لا يمكن ان تصدقه ؟
والله الحزب فيه رجال ونساء الصدق جوه القلوب والعلم في العقول بس تقول شنو
محنة الله يزولها ..
عن الغياب والحضور اتمني الا تكون موجوده بين القوي السياسية فرقه او سوء اتفاق في الحد الادني
وهو اسقاط الطغاة في ما تبقي من وطن .... الحال لا يستحمل اكثر الفقر الاعتقالات والقتل
مستمر علي طول واهل الوطن اصبحوا \ن متعبين
| |
|
|
|
|
|
|
|
|
|
Re: وغاب الحزب الشيوعي عن ندوة لندن ... توجد صور للندوة!!! (Re: Sabri Elshareef)
|
الإفادة الثالثة التي حصلت عليها صباح هذا اليوم وهي على الأرجح تكون الرواية الحقيقية لأسباب الخلاف كالآتي:
قادة الحركة الشعبية قطاع الشمال إختاروا شخص محدد من الحزب الشيوعي للتحدث في الندوة ولم يقبل الحزب هذا التحديد لأن قيادته ترى أن الحزب يعتبر مؤسسة لها استقلاليتها وهي التي تقرر وتختار متحدثيها ولا تقبل أن يملي عليها أحد مثل هذه القرارات ... (خدوها مني كدا بدون ذكر أية أسماء).
وحسب الإفادة أيضاً التي سمعتها من صديقي هي : ان الحزب الشيوعي كان من المفترض أن يصدر بيان يوضح فيه ما حدث ولكنه صرف النظر عن ذلك تفادياً لتعميق الخلافات بين الرفاق.
تحياتي
| |
|
|
|
|
|
|
|
|
|
Re: وغاب الحزب الشيوعي عن ندوة لندن ... توجد صور للندوة!!! (Re: Mohammed Haroun)
|
Quote: وبالامارة اسال معاااك عبد الملك مصطفي العبيد او صدقي كبلو وكمان اما جبر الله
ديل اتنين كباااااار ( امال وصدقي ) وكبير اخر عبد الملك عن قول السيد نقد الاخير في الوان
|
يا صبري الشريف سلام
ومالو يا بيه ... أوامرك بس ... أسـألهم لك ونص ... بس أنا بالجد مش عارف الزعيم نقد قال ايه في ألوان ...
بس الحاجة العارفة إنو الزول دا قاعد في السودان وعارف الأمور أحسن مني ومنك ...
تحياتي
| |
|
|
|
|
|
|
|
|
 Between the Lioness and the Cat !! (Re: نبيل عبد الرحيم)
|
قال ود هارون، رضي الله عنه:
في نهاية الندوة وأنا خارج رأيت الدكتورة آمال جبر الله واقفة متحيرة فبادرتها بالسلام ...
إزيك يادكتورة ..
كيف حالك يا دكتورة ؟؟
ردت علي بصوت كله حنية طمأنتني فيه بأنها بخير ....
كنت أحسبها (نمرة) ضارية ...
لكن وجدتها في قمة الوداعة ...
وهرولت خارجاً أجري ...
فقد كنت في عجلة من أمري ..
ليتني صبرت وسألتها فربما حلت لي اللغز ...
قاتل الله العجلة ... ….
الاخ الحبيب ود هارون ...
اشكرك على فراستك وحكمة تقديرك فقد كانت أحس بالشعور نفسه ...
الحنية دي تأكيد على الانهزامية ...
ولكن يبدو انك عرفت الدكتورة مؤخراً... وطبعا العمر ليهو أثر ... وللا شنو؟
آمال منذ ان كانت في برلم الخرطوم كانت مصنفة بأعتبارها "لبوة" شرسة ...
لا تخاف ولا تتردد ... وتقف بكل قوة أمام أي خشخشة ومن أي جهة كانت...
طبعاُ هنا مع تماسيح لندن الكبار ديل ومع اصحاب الشعار السائد:
"أنا حقي ما بدي ... وحق الناس بقالع في" ...
تحولت الدكتورة منذ فترة – وبالتحديد 2007- الى "كديسة" أليفة ...
تجلس في الصفوف الخلفية .... وتتلفت يمين وشمال... ومن مستشفى للتاني...
ومن بيت عزاء للتاني ... ومن قطر للتاني ...
والحيرة النفسية والفكرية العايشاها ظاهرة للاعمى والمطرطش .. !!
للأسف يا ود هارون – وكما يقول الحكيم السوداني -:
"اللبوة كان كبرت الغنماية بتلحس ضنبها" ... وللا شنو ؟
طبعاً يوم السبت القادم (22 أكتوبر) هنالك احتفال بمناسبة "أكتوبر الأخضر"....
ودي مناسبة ممتازة لصاحبتنا لتثبت للجميع انها ما زالت "لبوة" كبيرة وشرسة...
وعشان يعرف الجميع إنها ما "كديسة"....
وذلك بتخريب الاستعدادات الجارية بواسطة الجبهة العريضة للاحتفاء بأكتوبر الاخضر....
وذلك برفع شعار "ما ح اسمح بأنو الحزب يهمش أو يعزل زي ما حصل مع ناس ياسر عرمان...
ولازم نؤكد للمجال انو منبرنا المستقل مهم ....
ولازم ما نخلي عملاء الإنقاذ ينفردوا بأكتوبر....
لازم نحتفل ولو يحضر احتفالنا زول واحد؛ ودا تبرع لحجز القاعة وبسرعة"...!!
ونـــحــــن فــــي الانـــتــــظــار
| |
|
|
|
|
|
|
|
|
Re: Between the Lioness and the Cat !! (Re: Dr Salah Al Bander)
|
Quote: الاخ الحبيب ود هارون ...
اشكرك على فراستك وحكمة تقديرك فقد كانت أحس بالشعور نفسه ...
الحنية دي تأكيد على الانهزامية ...
ولكن يبدو انك عرفت الدكتورة مؤخراً... وطبعا العمر ليهو أثر ... وللا شنو؟
آمال منذ ان كانت في برلم الخرطوم كانت مصنفة بأعتبارها "لبوة" شرسة ...
لا تخاف ولا تتردد ... وتقف بكل قوة أمام أي خشخشة ومن أي جهة كانت...
طبعاُ هنا مع تماسيح لندن الكبار ديل ومع اصحاب الشعار السائد:
"أنا حقي ما بدي ... وحق الناس بقالع في" ...
تحولت الدكتورة منذ فترة – وبالتحديد 2007- الى "كديسة" أليفة ...
تجلس في الصفوف الخلفية .... وتتلفت يمين وشمال... ومن مستشفى للتاني...
ومن بيت عزاء للتاني ... ومن قطر للتاني ...
والحيرة النفسية والفكرية العايشاها ظاهرة للاعمى والمطرطش .. !!
للأسف يا ود هارون – وكما يقول الحكيم السوداني -:
"اللبوة كان كبرت الغنماية بتلحس ضنبها" ... وللا شنو ؟
طبعاً يوم السبت القادم (22 أكتوبر) هنالك احتفال بمناسبة "أكتوبر الأخضر"....
ودي مناسبة ممتازة لصاحبتنا لتثبت للجميع انها ما زالت "لبوة" كبيرة وشرسة...
وعشان يعرف الجميع إنها ما "كديسة"....
وذلك بتخريب الاستعدادات الجارية بواسطة الجبهة العريضة للاحتفاء بأكتوبر الاخضر....
وذلك برفع شعار "ما ح اسمح بأنو الحزب يهمش أو يعزل زي ما حصل مع ناس ياسر عرمان...
ولازم نؤكد للمجال انو منبرنا المستقل مهم ....
ولازم ما نخلي عملاء الإنقاذ ينفردوا بأكتوبر....
لازم نحتفل ولو يحضر احتفالنا زول واحد؛ ودا تبرع لحجز القاعة وبسرعة"...!! |
كلام غاية في القبح
لا يشبه حاملي درجة الدكتوراة
وأمال جبرالله معروفة في كل السودان بأنها مناضلة بحق
ولا أظنها تحتاج لندافع عنها.
| |
|
|
|
|
|
|
|
|
|
Re: Between the Lioness and the Cat !! (Re: Dr Salah Al Bander)
|
كل إناء بما فيه ينضح وود البندر لا يستطع إلا إن ينضح بما فيه!!
تصيد كلمات ود هارون وتمترس خلفها ووجد فيها ضالته اللإساءة التى
تشبهه تماما وتشبه أخلاقه وأسلوبه,,
ظن أنه وجد فرصة ولم يستطع أن
يمنع نفسه من ممارسة هوايته..
ياها دى إستراتيجيتك يا مفكر!!!!
عيب عليك وعار أن تتصيد أخطاء غيرك لتضرب بها أخواتك...
وعيب ان تكون هذه طريقة تفكير من يطلق على نفسه مفكر
إستراتيجى...
| |
|
|
|
|
|
|
|
|
|
Re: Between the Lioness and the Cat !! (Re: Mohamed Elnaem)
|
سلام يا شباب بالله المدعو صلاح البندر(المريض )
فعلا يحمل شهادة دكتوراة
Quote: تحولت الدكتورة منذ فترة – وبالتحديد 2007- الى "كديسة" أليفة ...
تجلس في الصفوف الخلفية .... |
والله انت انسان ت ا فه وامال جبر الله بعشرة من امثالك
يا جاهل
ـــــــــــــــ
مع اعتذارى لصاحب البوست
| |
|
|
|
|
|
|
|
|
|
Re: Between the Lioness and the Cat !! (Re: ناصر المحسى)
|
الاح صاحب البوست
تحية طيبة
من الواضح ان هناك خلاف كبير بين فكرة العمل المسلح التى يتبناها قطاع الشمال للحركة الشعبية والحراك المدنى الذى يتبناه الحزب الشيوعى اذا اخذنا تصريحات الاستاذ يوسف حسين على انها الموقف الرسمى للحزب فيما يتعلق بنزع سلاح عقار ضمن ترتيبات معينة
كان من الافضل فى تقديرى ان يعمل الحزب على التبشير بموقفه والتعبئة فى اتجاه ذلك التقدير السليم بدلا عن التعلل بمسائل فنية مثل شكليات الدعوة الخ
اعتقد ان هذه مشكلة حقيقية موجودة فى المعارضة بشكل عام ويجب معالجتها!!
اسجل تقديرى واحترامى للاخت امال جبر الله رغم كلما قيل هنا واسجل ادانة وشجب لما قيل فى حقها واتمنى ان يعتذر الاخ صلاح
| |
|
|
|
|
|
|
|
|
|
Re: Between the Lioness and the Cat !! (Re: طلعت الطيب)
|
يا شباب شكراً على المداخلات الحامية التي شعللت نيران البوست
أولاً للحقيقة والتاريخ أقول أنني أول مرة في حياتي أسلم على الدكتورة آمال جبرالله وأتحدث إليها حديث عابر ... وغالباً تكون ما أنتبهت لي لأنها لا تعرفني أصلاً ...
وما أوردته عن وصف لها في تلك اللحظة لمن يكن ينطوي على سوء نية والله وإنما كان القصد مداعبة القراء ببعض الكلمات الطيبة التي لا أعتقد أنها قد تجرح بت جبر الله الحديدية ..
سأعود وأرد عليكم فرداً فردا
تحيات أخوكم المشكلجي ودهارون
| |
|
|
|
|
|
|
|
|
|
Re: Between the Lioness and the Cat !! (Re: Mohammed Haroun)
|
الاخ مجمد هارون
تحياتى مرة اخرى
دعنى اسجل خاطرة اخرى هنا رغم زحمة المشغوليات لاهمية خيطك هذا
موقف الحزب الشيوعى وفصائل المعارضة ينطبق عليها وصف الافندى فى مقاله الاخير حينما كتب محقا :ان واحدة من مشاكل احزابنا السياسية هى انها استلفت تقاليد موجودة فى المجتمع السودانى تقوم على الميل للتصالح والمساومات وهى صفات طيبة فى المجال الاجتماعى ولكنها مضرة فى العمل العام حيث نخلط هنا بين المبدئية والمرونة السياسية وهى شيئين مختلفين تماما
الميل الى المساومات فى العمل العام على حساب القضايا المبدئية ينطبق عليها المثل الشعبى القائل : ركاب سرجين كضاب
| |
|
|
|
|
|
|
|
|
|
Re: Between the Lioness and the Cat !! (Re: طلعت الطيب)
|
Quote: لاخ هارون
الحزب الشيوعى ضمن احزاب اخرى لم توجه له دعوى رسميه للمشاركه فى الندوة ٠
واتمنى ان توجه سؤالك للجنة المنظمه لان عندهم الاجابه
لك المودة |
يا أخ نبيل عبد الرحيم سلام
يا أخي بيني بينك أخوك ودهارون زاتوووو ما عارف من هم ناس اللجنة المنظمة ... يعني لو الناس المترصين في التربيزة الطويلة ديل هم ناس اللجنة المنظمة (عسكوري ، عمار ، نزار يوسف) كان الأحرى بهم أن يردوا في هذا البوست .. أنا ما عندي أرقام تلفوناتهم والبساط بيني وبينهم ما أحمدي ...
شكراً لك وأنت تتداخل معي لأول مرة ...
تحياتي
| |
|
|
|
|
|
|
|
|
|
Re: Between the Lioness and the Cat !! (Re: Mohammed Haroun)
|
طلعت تحياتي لك ولصاحب البوست
ركاب سرجين وقاع ؟ ومساك دربين ضهاب
فعلا لابد من الساسة التعامل بحزم تجاه قضايا الجماهير او قضايا العضوية للاحزاب
يعني تقدير جماهير حزبك (قاعدته) وتقدير جماهير شعبك
اتمني ان تتوحد القوي السياسية ضد الطاغوت الموجود في سلطة مغتصبه من 22 سنة
وحدة الحركة الجماهيرية تسقط هذا الكابوس
| |
|
|
|
|
|
|
|
|
|
Re: Between the Lioness and the Cat !! (Re: Mohammed Haroun)
|
| Quote: قال ود هارون، رضي الله عنه: |
يا دكتور صلاح البندر سلام ورضي الله عنك أنت أيضاً ... لكن ضحكتني والله ..
Quote: الاخ الحبيب ود هارون ...
اشكرك على فراستك وحكمة تقديرك فقد كنت أحس بالشعور نفسه ...
الحنية دي تأكيد على الانهزامية ...
ولكن يبدو انك عرفت الدكتورة مؤخراً... وطبعا العمر ليهو أثر ... وللا شنو؟ |
والله يا دكتور الحنية هي صفة تزين المرأة عموماً وتجملها وتجعلها كالزهرة الندية في كل الأوقات ... الإنهزامية هي نتيجة طبيعية للهيمنة الحزبية ... يعني فئة قليلة تهيمن هيمنة عمياء على عضوية الحزب ومقدراته ... ودي حاصلة في كل الأحزاب في لندن للأسف ....
والله يا دكتور أنا شخصياً ما عرفت الدكتورة آمال جبر الله لي يوم الليلة ... أما حكاية العمر دي هي لسه بدري عليها ويرجى منها الكثير ...
تخريمة:
يا أخوانا بصراحة أنا بحب الدكتور صلاح بندر لأني تعرفت عليه عن قرب واستغرب جداً حينما يتعامل الناس معه بالحساسية المفرطة دي ... غايتو في الكلام اللي كتبه فوق دا ما أساء لي أحد لكن أشار بطريقة أو اخرى للهيمنة الحزبية التي تقتل الإبداع والمبدعين ...
تحيات أخوكم ودهارون
| |
|
|
|
|
|
|
|
|
|
Re: Between the Lioness and the Cat !! (Re: Mohammed Haroun)
|
Quote: "أنا حقي ما بدي ... وحق الناس بقالع في" ...
تحولت الدكتورة منذ فترة – وبالتحديد 2007- الى "كديسة" أليفة ...
تجلس في الصفوف الخلفية .... وتتلفت يمين وشمال... ومن مستشفى للتاني...
ومن بيت عزاء للتاني ... ومن قطر للتاني ...
والحيرة النفسية والفكرية العايشاها ظاهرة للاعمى والمطرطش .. !! |
بندر هذا حديث غير لائق في شخص الدكتورة امال جبر الله
اذا كان لك اي مشاكل بينكما فاتمني الا تضعها هنا
والا يصبح بوست للسؤال عن غياب حزب من امسية سياسية لكتابة شتيمة في حق اي انسان
| |
|
|
|
|
|
|
|
|
|
Re: Between the Lioness and the Cat !! (Re: Sabri Elshareef)
|
Quote:
يا أخوانا بصراحة أنا بحب الدكتور صلاح بندر لأني تعرفت عليه عن قرب واستغرب جداً حينما يتعامل الناس معه بالحساسية المفرطة دي ...
غايتو في الكلام اللي كتبه فوق دا ما أساء لي أحد لكن أشار بطريقة أو اخرى للهيمنة الحزبية التي تقتل الإبداع والمبدعين ... |
كنت أتوقع أن ترفض قول البندر الإيحائي القبيح من زميل عن زميلته في فرع حزب واحد حتي قبل سنوات قليلة .. ترك الحزب بمحض إرادته
علي حسب ما علمنا .... ولأنه تخرج من جامعة (الإسكندرية) فهو يعرف تماما إستخدامات كلمة (لبوة) التي إن قيلت لزوجته أو إحدى أخواته
لما قبلها .... وكمان شغل المطاعنات من رجل في عمره ومكانته العلمية غير مقبول .... وهل لا توجد إمرأة واحدة داخل أسرته الصغيرة والكبيرة
قد إنفصلت عن زوجها حتي يوحي بأن دكتورة آمال تعيش فراغاً ... هل هذه طريقة من يعتقدون في أنفسهم بأنهم من المفكرين وكمان متدينين
علي حسب (السبحة) الطويلة الملازمة له ... وخلواته المغاربية.
* كنت أعتقد يا ود هارون أنك قصدت بكلمة (نمرة) شراستها .... ولكن يا للأسف ها أنت ترى أن كلام البندر عادياً
سبق لي أن إفترعت بوستاً في هذا المنبر مدافعاً عن هذا البندر ولكن الظاهر أنني كنت مخطئاً حينها.
| |
|
|
|
|
|
|
|
|
 Re: Between the Lioness and the Cat !! (Re: عاطف مكاوى)
|
| Quote: يا أخوانا بصراحة أنا بحب الدكتور صلاح بندر لأني تعرفت عليه عن قرب واستغرب جداً حينما يتعامل الناس معه بالحساسية المفرطة دي ... غايتو في الكلام اللي كتبه فوق دا ما أساء لي أحد لكن أشار بطريقة أو اخرى للهيمنة الحزبية التي تقتل الإبداع والمبدعين ... |
محمد هارون
كنت قد تخاشنت معك فى بوست يتحدث عن ما كتبه دكتور معز عن السودانيين وجئت أنت تدافع عنه فى شخصه مدعما كلامك بأنه انسان طيب ومتواضع لأنه سلم عليك بحرارة فى المطار..
ولكن بعد أن قرأت ماكتبته فى الإقتباس أعلاه فى صلاح البندر( بعد كل ماسطره فى بوستك هذا), فلا يسعنى إلا أن أعتذر لك بشدة عن تلك المخاشنة!!
| |
|
|
|
|
|
|
|
|
|
Re: Between the Lioness and the Cat !! (Re: عاطف مكاوى)
|
الأخ د. صلاح
ياخي ما تفعله هنا غير لائق تماما. هل سمحت لك الدكتورة آمال باستعمال صورتها و من أين حصلت عليها؟ اسمح لي أن أقول لك إن استخدام كلمة تحتمل أن تكون استعملت ببراءة و تحتمل أقبح المعاني فيه جبن إن كنت تقصد هذا و إن لم تكن تقصده فعليك الاعتذار و التوضيح.
الأخ عاطف
تحياتي و سلامي
كلام دكتور البندر قبيح لأنه قيل في حق إنسان و ليس لأنه صادر من زميل في حق زميلته سابقا. أرجو أن يكون رفض الجميع نابعا من مبدأ و ليس فقط للعصبية الحزبية. المعلومة الشخصية التي أوردتها عن د. آمال ليس هذا مكانها و أرجو أن تحذفها.
| |
|
|
|
|
|
|
|
|
 Re: Between the Lioness and the Cat !! (Re: عاطف مكاوى)
|
يا أحباب ... الانفعالات طايرة...
المشكلة في امخاخكم "المعفنة" دي ... وتحويراتكم "ال######انة"...
نحنا قلنا ...
امسكوهنّ بإحسان
وعاملوهنّ بإحسان ...
ما قلنا ليكم اعتبرو الدكتورة آله ...
والما عاجبو كلامي يشرب من "بلاعة مطبخه" ...
منتهى المسخرة ....
شكرا للحبيب محمد هارون لانو فهم كلامي بالضبط وكما اقصده تماماُ.... حرفا حرفاً...
وأهم حاجة في الموضوع دا أنو الدكتورة آمال جبر الله فهمت ما اقصده تماما لذلك
أنا على قناعة انها ح هدي اللعب شوية وسيقبل "الرفاق" تأجيل احتفالهم بأكتوبر الاخضر الى
يوم السبت 29 أكتوبر القادم ....
وبالطبع هذا يؤكد لنا بأنها أصبحت "كديسة" بأمتياز .....
| |
|
|
|
|
|
|
|
|
|
Re: Between the Lioness and the Cat !! (Re: عاطف مكاوى)
|
| Quote: * كنت أعتقد يا ود هارون أنك قصدت بكلمة (نمرة) شراستها .... ولكن يا للأسف ها أنت ترى أن كلام البندر عادياً |
يا عاطف سلام
يا أخي والله أنا قاصد نشاطها القوي في الندوات والعمل السياسي الذي سمعت به من الناس ... صدقني حتى الآن لم استمع إليها وهي تتحدث في ندوة ...
لا أعتقد أن الدكتور صلاح البندر يقصد المعنى البعيد لكلمة (لبوة) ... تقريباً يقصد أنها (أسدة) في شراستها وعنفوانها ...
تحياتي
| |
|
|
|
|
|
|
|
|
|
Re: Between the Lioness and the Cat !! (Re: Mohammed Haroun)
|
Quote: الأخ عاطف
تحياتي و سلامي
كلام دكتور البندر قبيح لأنه قيل في حق إنسان و ليس لأنه صادر من زميل في حق زميلته سابقا. أرجو أن يكون رفض الجميع نابعا من مبدأ و ليس فقط للعصبية الحزبية. المعلومة الشخصية التي أوردتها عن د. آمال ليس هذا مكانها و أرجو أن تحذفها. |
الأخ العوض
تحياتي
كلامك عن الإنسان والإنسانية مفروغ عنه ... ولكني قصدت هذا التحديد.
وليس هنالك معلومات شخصية ... فدكتورة آمال شخصية عامة وعضو لجنة مركزية في حزبها
وناشطة معروفة لدى كل العاملين في المجال السياسي العام ... ولولا إشارات البندر القبيحة
لما تطرقنا لذلك ... وهذا أيضاً قصدته حتي يعلم القارئ كيف يُفكر هذا البندر.
شكراً يا سيدى.
| |
|
|
|
|
|
|
|
|
|
Re: Between the Lioness and the Cat !! (Re: عاطف مكاوى)
|
والله يا بندر قصة.... و قصة أكتر الناس الشايفا كلامو عادي و ما فيهو شئ ...
البندر يكرر في كلمة (لبوة) لمن لا يسوي ظفرها أدبا و اخلاقا و نضالا و سيرة عطرة و يأتي بفاحش الأمثال لوصف من هم في قامة امال جبرالله ... خليك من الأخلاق يا بندر ... يمين بالله كلامك ده رجالة ساي ما فيهو !!!
| |
|
|
|
|
|
|
|
|
|
Re: Between the Lioness and the Cat !! (Re: أمين محمد سليمان)
|
| Quote: ولكن بعد أن قرأت ماكتبته فى الإقتباس أعلاه فى صلاح البندر( بعد كل ماسطره فى بوستك هذا), فلا يسعنى إلا أن أعتذر لك بشدة عن تلك المخاشنة!! |
يا أخ بلة موسى سلام
يا أخي والله بالغت!! بالله في مخاشنة أكتر من كدة!! لأني أعرف الدكتور صلاح البندر وأعرف أخلاقه ولا يمكن أن يقصد الإساءة إلى الدكتورة أمال جبرالله على رؤوس الأشهاد هكذا ...
أنا شخصياً استخدمت كلمة (نمرة) لأنه ليس لها غير معنى واحد ...
تحياتي
| |
|
|
|
|
|
|
|
|
|
Re: Between the Lioness and the Cat !! (Re: Mohammed Haroun)
|
Quote: يا أحباب ... الانفعالات طايرة...
المشكلة في امخاخكم "المعفنة" دي ... |
يا دكتور صلاح ياخي صاح نحن ما دكاترة لكن عندنا شوية مخ بمشي لينا الحال و الحمد لله. في كلامي الفوق حاولت أقول إنه كلامك يحتمل إنك ما قاصد المعنى البعيد اللائق بأمخاخنا الماعارف شنو دي. لكن كان جينا للحق كلامك دا هو البقود الزول للتفسير البعيد. الأخ محمد قال إنه كان يظن أن الدكتورة أمال كالنمرة و لم تذهب العقول أي مذهب في تفسير كلامه. لكن إنت جيت و استبعدت الكلمة الاختارها ود هارون و اخترت لفظ لبوة و ختيتها بين قوسين كأنك تريد أن تذهب بأمخاخنا هذه كل مذهب. ياخي أنت رجل ما شاء الله مثقف و عالم لمن تجي تخاطب الطير الزينا ديل على الأقل خت في بالك إنه أمخاخنا دي ما نضيفة زي مخك و اعمل حسابك في الكلام.
سلام يا أخ محمد... معليش خشيت المرة الأولى من غير تحية.
| |
|
|
|
|
|
|
|
|
|
Re: Between the Lioness and the Cat !! (Re: ناصر المحسى)
|
الاخ محمد هارون
سلام
البندر يستغل البوست لتصفية خلافاته , وعاوز يعملك دروة يتضاري وراها,
ويمكنك الرجوع للارشيف فهو اعتاد علي الغمز واللمز ولايتحرج ابدا وله صولات
وجولات مع محمد الامين (اخو كيكي) والزميلة حنين البلد واخري طلبة عضوية في
المنبر للرد عليه، فاستنادا علي فقه استراتيجية الطعمية يمكنك ان تقول مابدا
لك لتشويه وشيطنة الاخر المختلف معك ,لذلك ابتعد عن تفسير او توضيح او تلطيف
ماقاله البندر لان له ارشيف استراتيجي ضخم ينسف اي محاولة لان تجعل من الفسيخ شربات
| |
|
|
|
|
|
|
|
|
|
Re: Between the Lioness and the Cat !! (Re: MAHJOOP ALI)
|
Quote: الاخ محمد هارون
سلام
البندر يستغل البوست لتصفية خلافاته , وعاوز يعملك دروة يتضاري وراها,
ويمكنك الرجوع للارشيف فهو اعتاد علي الغمز واللمز ولايتحرج ابدا وله صولات
وجولات مع محمد الامين (اخو كيكي) والزميلة حنين البلد واخري طلبة عضوية في
المنبر للرد عليه، فاستنادا علي فقه استراتيجية الطعمية يمكنك ان تقول مابدا
لك لتشويه وشيطنة الاخر المختلف معك ,لذلك ابتعد عن تفسير او توضيح او تلطيف
ماقاله البندر لان له ارشيف استراتيجي ضخم ينسف اي محاولة لان تجعل من الفسيخ شربات |
شكرا يا محجوب ....ده كلام سليم جدا ..
و يبدو إنو أخونا محمد هارون ما عندو فكرة عن وضاعة و إنحطاط بوستات البندر و لانو بعرفو و بلاقيه ... ما متخيل يكون إنو في زول سوي بال mentality الاتكتبت بيها مداخلتو الفوق دي ...
------------
يلزمك إعتذار لاخونا أحمد الأمين ... بعدين ياخي أحمد الأمين ده زول عالم عديل كده ... كيكي شنو كمان البتعرفو بيه !! 
| |
|
|
|
|
|
|
|
|
|
Re: Between the Lioness and the Cat !! (Re: MAHJOOP ALI)
|
يا صلاح ماكتبته اعلاه شين فى حقك ويحمل معانى وتلميحات قذره
انت تعرف امال لا تملك حساب هنا ولاتستطيع ان ترد على اساءتك
وتعلم ايضا تاريخها النضالى
ليس من اللائق ان يكون هذا البوست لتصفية حسابات
وكنت اتوقع ان يقوم صاحب البوست بالتصدى لك اذا كان صادق النيه
من سؤاله لكن دفاعه عن صلاح يوحى ان قام بفتح البوست عن سوء نية
| |
|
|
|
|
|
|
|
|
|
Re: Between the Lioness and the Cat !! (Re: نبيل عبد الرحيم)
|
Quote: يا صلاح ماكتبته اعلاه شين فى حقك ويحمل معانى وتلميحات قذره
انت تعرف امال لا تملك حساب هنا ولاتستطيع ان ترد على اساءتك
وتعلم ايضا تاريخها النضالى
ليس من اللائق ان يكون هذا البوست لتصفية حسابات
وكنت اتوقع ان يقوم صاحب البوست بالتصدى لك اذا كان صادق النيه
من سؤاله لكن دفاعه عن صلاح يوحى ان قام بفتح البوست عن سوء نية |
| |
|
|
|
|
|
|
|
|
|
Re: Between the Lioness and the Cat !! (Re: ناصر المحسى)
|
الدكتورة آمال جبرالله حفرت الصخر بأظافرها لتكون (آمال جبرالله)
كانت سيرتها تصلنا ونحن طلاباً بالثانويات قبل أن نلتقيها لنعرف بأنها
سودانية أصيلة قبل أن تكون مناضلة حقيقية.
لم نسمع أنها تراجعت الي الوراء منذ أن سمعنا عنها والي يومنا هذا ..
مناضلة سلالة مناضلين ومناضلات .. تعرفها مدينة ودمدني كما تعرفها
شوارع الخرطوم وجامعاتها ومستشفياتها .. وعبر هذين الموقعين عرفتها
كل الأقاليم السودانية.
لذا من الصعب النيل منها أمام القراء حتي ولو بكلمات خارج السياق
المقبول ....
* فمن يريد الإساءة اليها (وجهاً لوجه) فهي متواجدة بالممكلة المتحدة كما
هو معلوم للجميع.
| |
|
|
|
|
|
|
|
|
|
Re: Between the Lioness and the Cat !! (Re: عاطف مكاوى)
|
ول هارون والذين معه تحياتي:
طبعا وكالعادة يبدو البوست بسودانيز اونلاين بموضوع رئيسي، ثم ينحرف به المنحرفون نحو مزالق بعيده، يعني البوست هنا عن لماذا غاب الحزب الشيوعي عن الندوة المعنية؟ اذن ناس الحركة الشعبية ناس نزار عمار عوض الخ حقوا يتواضعوا علينا شوية وينزلوا من برجهم وياتو ويجيبو علي السؤال بدلا من رفع انفسهم بالونش الي اعلي هكذا، طبعا هذا في حال انهم راو البوست وعملوا فيها رايحين او انهم خلاص اصبحوا من قيادات العمل السياسي بلندن وبالتالي محمد هارون شنو كمان البردّو عليهو؟.
المعارضة السودانية بلندن هم مجرد شلليات ومجموعات ونخب برجوازية محنّطة يجتمعون موسميا ويتفرقون موسميا كالمدّاحين كل واحد فيهم عامل نفسو عظيم ووحيد زمانو، عكس ابناء دارفور في الفترة الواقعة بين 2005-2009 كان لديهم نشاط محموم ومظاهرات ووجود فاعل علي الارض في برمنغهام خاصة ولندن وبعض المدن الاخري ثم هبط عليهم ضبان الخلافات الداخلية لكن كان لديهم نشاط مسح النخب السودانية اللندنية التي تزعم انهم معارضون او متعارضون، كان شيوعين كان حزب امة كان اتحاديين، تحسبهم جميعا وقلوبهم شتي.
ايضا اخ محمد عليك تدير بالك انو الشيوعين هنا ومن زمن لديهم تار اسفيري ان جاز استخدام هذه المفردة ضد الدكتور البندر، تجاه ملف منظمات حقوق الانسانا بالداخل ان لم تخني الذاكرة، فهم بالتالي ايضا وجدو البوست فرصة لنهش لحم البندر، والبندر ايضا يبدو وجدها فرصة لعض الفكر الشيوعي الصنمي المتهالك بلندن، لذلك اخي ول هارون دع الفخار يكسر بعضه بعضا، فقط لا تصفوا حساباتكم علي راس الدكتورة جبر الله وانا لا اعرفها ولا اعرف البندر او اي شيوعي اخر.
| |
|
|
|
|
|
|
|
|
|
Re: Between the Lioness and the Cat !! (Re: ناصر المحسى)
|
البوست ده طبيعي لانو الكيمان فيهو واضحة, صلاح البندر كالعادة بورينا كل يوم هو ياتو نوع من الناس بإصرارو علي التعريض و بدون إدني ذرة اخلاق بآخر مختلف معاهو (تستوي في ذلك دكتور امال جبرالله و آخرين) يشتركون جميعا في ذنب رئيس هو إختلافهم معه في قضايا العمل العام و يا لها من تهمة.
شكرا صلاح البندر انك كل يوم جديد بتورينا انت منو ( سلوك - اخلاق) بس ياخي ياريت لو ممكن يعني , تحاول تجذب الناس لمواضيعك في المنبر بدون ما تجيب سيرة دكتور امال جبرالله , افتكر واضح جدا من عدم إهتمامها بالرد عليك بعد هجومك المتكرر عليها بالمنبر انك شنو بالنسبة ليها مع انو بإمكانها الرد عليك عن طريق ايميل لي بكري مصحوب بوجهة نظرها فيما تكتب عنها. لكن من الواضح انك او ما تكتب هنا تحتلون ادني درجات إهتمامها. و اجزم انها محقه في تجاهلك لاننا (ناهيك عن دكتور امال) لم نجد حتي الان شيئا يمكن ان يرد عليه في كل كلامك عنها سوي شجب و إدانة مطاعناتك و غمزاتك الغير ذكية.
يا محمد هارون .. الغير طبيعي في البوست ده كلو تبريرك انت لسقوط صلاح البندر, كيف يعني لانو صلاح ودود معاك تقبل انو يسئي للاخرين و انت مستميت في الدفاع عنو لانك بتعرفو عن قرب او تلفون ؟ يعني اعضاء المنبر و القراء كلهم يتلفنوا البندر عشان يقدروا يبلعوا تلميحاتو الغير مهذبة و يتفهموا خلافو و زعلو من دكتور امال ؟
الحاجة التانية دكتور امال دي موش انت قلت انها سلمت عليك بود و كانت زول ودود معاك لمن سالمتها !! طيب ,التبرير لزول لطيف موش برضو بستوجب الدفاع عن لطيف آخر؟
| |
|
|
|
|
|
|
|
|
|
Re: Between the Lioness and the Cat !! (Re: خدر)
|
| Quote: ايضا اخ محمد عليك تدير بالك انو الشيوعين هنا ومن زمن لديهم تار اسفيري ان جاز استخدام هذه المفردة ضد الدكتور البندر، تجاه ملف منظمات حقوق الانسانا بالداخل ان لم تخني الذاكرة، فهم بالتالي ايضا وجدو البوست فرصة لنهش لحم البندر، |
سلامات يا دقم
منطقيا, و من البوست ده بس, منو العندو تار مع التاني ؟ البندر في البوست ده تحديدا دخل و هاجم شيوعية و الشيوعيين و غير الشيوعيين دخلوا و ادانوا سلوك البندر الما بمت للحساسية البشرية بصلة ناهيك عن الاخلاق .. كيف يكون الشيوعيين عندهم تار مع البندر ؟ ثم يا مولانا المقام مقام اخلاق هنا لا سياسة, فهل نقرأ لك يرحمكنا الله و يرحمك رأي حول شتم سودانيات ناشطات في العمل العام شتائم كما اعلاه ؟ الفُخار ملحوق يا مولانا.
____
بروف امين ده اكتر زول نفسو قايم في البوست ده رغم انو لا شيوعي ولا فُخار يحمد سيدو
| |
|
|
|
|
|
|
|
|
|
Re: Between the Lioness and the Cat !! (Re: خدر)
|
| Quote: فقط لا تصفوا حساباتكم علي راس الدكتورة جبر الله وانا لا اعرفها ولا اعرف البندر او اي شيوعي اخر. |
الاخ خدر، طيب ياخ ما تم الشهادة بالمرّة، لاني قلت ابعدو الدكتورة عن حساباتكم كما هو في المقتبس اعلاه، طبعا مع احترامي الكبير جدا للمراة السودانية الناشطة في العمل كان شيوعية، كان كوزة، كان ليبرالية، كان انصار سنة الخ.
نعم الشوعين هنا في هذا البوست تركو الموضوع الاصلي وهو الشيوعين مالم ما جاءوا الندوة؟ وعضو بانيابهم في الفارغة، وبما ان لندن تطفح بالشيوعيين او بريطانية فيها شيوعين اكثر من شيوعي السودان، فكان ياخي واحد ماركسي لينيني يجيء من البهلة الاولي يجيب علي السؤال ويكسر الدش في يد المسيكين ول هارون؟ ساعتئذ البندر براهو بقع في الارض وما بلقي البسمّي عليهو.
لكن الظاهر الكل متمترس خلف الدكتورة ومن ثم بيصوّب نبالوا في اتجاه الاخر، واحتراماتي الكبيرة للدكتورة جبرالله ولكل ناشطة سودانية شاب او سيشيب شعرها من اجل محمد احمد وعياله.
| |
|
|
|
|
|
|
|
|
|
Re: Between the Lioness and the Cat !! (Re: محمود الدقم)
|
| Quote: نعم الشوعين هنا في هذا البوست تركو الموضوع الاصلي وهو الشيوعين مالم ما جاءوا الندوة؟ |
يا محمود بوست كما قال الاخ نبيل فتح بتعليمات من البندر
لان صاحب البوست بيدافع عن صلاح البندر وكان بامكان صاحب
البوست سؤال منظمى الندوة عن اسباب غياب الحزب الشيوعى
كماقلت فى اول البوست
وليس كل من كتب هنا لادانة افعال المريض صلاح البندر
هو شيوعى
| |
|
|
|
|
|
|
|
|
|
Re: Between the Lioness and the Cat !! (Re: محمود الدقم)
|
قال أخلاق قال ....
مــــــــــــــحــــــــــــــــــــــــــــــن .... والله !!
من يتحدث هنا عن الاخلاق ...
العزابي محجوب ود علي
أمين نوتة
عبد الناصر تولا
صبري شريف
عمر فلاديلفيا
أبو لميس
ود العبيد الاسترالي
أيمن الطيب
الادروج محمد النعيم
مفتش الاغذية طلعت كالقري
بلة الامريكي
العوض الكندي
والغناي خدوري الهولندي ....
أخـتشـــــوا وخــلـــوا عــنـــدكــــم دم....
ما تخشوا بين "البصلة وقشرتها" ...
اللبوة الجسورة آمال بت جبر الله سيد أحمد الحسن (بت مدني) أنا ما عرفتها في بريطانيا ....
بعرفا إن آند آوت (in and out) من ما جات برلومة في الخرطوم وهي بت الـ19 ربيعاُ...
يعني قبل ما تتخرج (ربيع الانتفاضة) في العام 1985... بأكثر من 6 سنوات !!
وعشنا الدنيا منى وأحلام .....
وتابعت خطواتها منذ منتصف التسعينيات في لندن وهي تجابد يمين وشمال للحصول على شهادة التسجيل لممارسة المهنة ....
وعزمتني لي حفلة مجيهة في مايو 1998 بمناسبة حصولها على حق ممارسة المهنة على مستوى المملكة المتحدة...
وفرحنا معاها – مرة أخرى - عند بداية حصولها للتسجيل الخاص لممارسة المهنة بأحتراف عالي وتخصص في مطلع 2003....
لكن زي ما قلت ليكم بعد 2007 تحولت الى "كديسة" حنينة !!
هنا المشكلة ... لا علاقة لهذا البوست بأي موضوع آخر ...
جدلية التحول من لبوة الى كديسة دي محتاجة لمساهمة جادة: ما هي الظروف الموضوعية والذاتية التي خلت ناس
ح ش ق ش (حش قش = حركة الشعبية قطاع الشمال) يطلبوا من ح ش (حش= حزب شيوعي) ان تتحدث ممثلة للحزب؟
ولماذا أصر ح ش التمسك بحقه في ان يختار من يتحدث بأسمه !
وهو بالمناسبة موقف اقرظ فيه دور م س ح ش (عبد الملك مصطفى العبيد).....
لأنو يؤكد لي بأنه اصبح مقتنعا برأيي أن اللبوة الجسورة (عضوة ل م) أصبحت كديسة حنينة ...
ولا يمكن ان تجلس في المنبر وتمثل الحزب ولا حول ولا قوة إلا بالله ....
---------------------------------------------------------------------
نقطة نظام: الموضوع دا محتاج لمساهمة عاجلة من "أخو البنات" القابع في سفوح الألب (ونترثر)
أشرح لينا ياعصومي مسلسل التطور الجدلي والديالكتيكي لهذا التحول المدهش خلال أقل من 5 سنوات ....
كيف حدث ولماذا؟ ينوبك الأجر والثواب.....
| |
|
|
|
|
|
|
|
|
|
Re: Between the Lioness and the Cat !! (Re: خدر)
|
Quote: بروف امين ده اكتر زول نفسو قايم في البوست ده رغم انو لا شيوعي ولا فُخار يحمد سيدو
|
القال ليك منو ما شيوعي ؟ شيوعي و من مدني كمان !!
والله يا خدر قريت كلام الدقم حبيبنا ده و زعلني بنفس مستوي كلام البندر ... لكن واحده من الحاجات الكويسه الاتعلمتها هنا : إنو ما اكتب زعلان ... فقلت انتظر شويه و أجي أشوف كلام الدقم المرقنا شيوعيين و عندنا تارات بايته مع البندر ...
موضوع البوست لا يهمني في أي شئ ... كلام البندر ده بالنسبه لي أهم من إنو الحزب الشيوعي يشارك في ندوة ولا ما يشارك ... و لولا مداخلة البندر المنحطه دي ما كان كتبت حرف فيهو ... و حرف البوست عن مسارو بداهو البندر لانو سيرة دكتوره امال جابها صاحب البوست في سياق عادي و طبيعي باعتبارها من قيادات الحزب الشيوعي في بريطانيا مكان إنعقاد الندوة ... البندر جاء شايل تلال غباينو الممزوجه بانحطاط ليس له مثيل في هذا المكان و فرغها في شكل كلام ما بكتبو راجل سوي و بمطاعنه و الفاظ حقت زول ما عندو ذرة أخلاق ... الدقم ما شاف الكلام ده كلو و لا هز فيه شعره ... كل الشافو إنو الشيوعيين جو يخربو البوست و يصفو حساباتهم مع البندر ... و تعليقو علي كلام البندر إنو : ( فقط لا تصفوا حساباتكم علي راس الدكتورة جبر الله ) !!! ياخي الداير يصفي يصفي .. ما هو إنت ذاتك هسي بتصفي في حسابك مع الشيوعيين يا الدقم ... المشكله ما تصفية الحسابات ... المشكله في التصفيه دي تتم كيف !!
هسي يا الدقم أنا و إنت مختلفين في راي ..هل يحق لي أخش في عرضك باسلوب البندر ده ؟ شوف كلمة لبوة البين قوسين دي جابها كم مره في مداخلتو ... و شوف المثل بتاع الأسد لمن يعجز و باقي سخفو و إنحطاطو ده ... و لمن الناس ترد عليه .. إنت تجي تقول " خلي الفخار يكسر بعضو" ؟!!!
بعدين ما إنت براك... أنا ذاتي ما بعرف البندر و دكتورة امال و لم يحدث أن التقيت أو اتصلت باي منهم : أسمع عنهم الأثنين منذ زمن بعيد و لمن جيت المحل ده شفت إنحطاط البندر شوف عين... و كل ما تجي سيرة امال جبرالله بتجي مقرونه بطيب الكلام و سماحة الأفعال ... عشان كده لا شئ شخصي معهما الأثنين... لكن تشويه سمعة الناس بالباطل و التذاكي في الأساءة للناس و خاصة لمن بذلو ما بذلو من أجل وطننا المنكوب لن نسكت عليه !
-----------------------
يحتاج البندر لالاف السنين الضوئية من العمل المتواصل لتشويه سيره امال جبرالله و سيكون مصيره الفشل !!!
| |
|
|
|
|
|
|
|
|
|
Re: Between the Lioness and the Cat !! (Re: ناصر المحسى)
|
يا أستاذ الدقم
قبل مداخلة البندر العجيبة كانت هنالك مداخلة للأخ (نبيل عبدالرحيم) وأعتقد له علاقة ما بفرع الحزب الشيوعي بإنجلترا
وكان رده لصاحب البوست التالي :
Quote:
الاخ هارون
الحزب الشيوعى ضمن احزاب اخرى لم توجه له دعوى رسميه للمشاركه فى الندوة ٠
واتمنى ان توجه سؤالك للجنة المنظمه لان عندهم الاجابه
لك المودة |
أعتقد سؤال البوست الرئيس تمت الإجابة عليه بالمداخلة أعلاه ............. إنتهي.
ليأتي بعد ذلك الدكتور البندر......
نسيت ..... قبل ذلك وجه الزميل المحسي صاحب البوست بسؤال اللجنة المنظمة.
يعني الموضوع إنتهي لغاية كده ....
وكل المداخلات الأخرى جاءت لتنتقد ما كتبه البندر ... عدا أنت الذى تقدمت له بإنتقاد مغلف
بما يطغي علي الإنتقاد نفسه.
| |
|
|
|
|
|
|
|
|
|
Re: Between the Lioness and the Cat !! (Re: ناصر المحسى)
|
Quote: آمال منذ ان كانت في برلم الخرطوم كانت مصنفة بأعتبارها "لبوة" شرسة ...
لا تخاف ولا تتردد ... وتقف بكل قوة أمام أي خشخشة ومن أي جهة كانت...
طبعاُ هنا مع تماسيح لندن الكبار ديل ومع اصحاب الشعار السائد:
"أنا حقي ما بدي ... وحق الناس بقالع في" ...
تحولت الدكتورة منذ فترة – وبالتحديد 2007- الى "كديسة" أليفة ...
تجلس في الصفوف الخلفية .... وتتلفت يمين وشمال... ومن مستشفى للتاني...
ومن بيت عزاء للتاني ... ومن قطر للتاني ...
والحيرة النفسية والفكرية العايشاها ظاهرة للاعمى والمطرطش .. !!
للأسف يا ود هارون – وكما يقول الحكيم السوداني -:
"اللبوة كان كبرت الغنماية بتلحس ضنبها" ... وللا شنو ؟
طبعاً يوم السبت القادم (22 أكتوبر) هنالك احتفال بمناسبة "أكتوبر الأخضر"....
ودي مناسبة ممتازة لصاحبتنا لتثبت للجميع انها ما زالت "لبوة" كبيرة وشرسة...
وعشان يعرف الجميع إنها ما "كديسة".... |
كتابة منحطه وتنم عن نفسية مريضة وبائسة
لا يمكن أن تصدر إلا من امثالك يا بندر وللاسف
رغم الملطشه البتتلقاها هنا والتي لا تليق بعمرك
ودرجتك العلمية أبيت أن ترعوي فالخد المدرب
علي الصفع لا يتقيه!!!
| |
|
|
|
|
|
|
|
|
|
Re: Between the Lioness and the Cat !! (Re: أمين محمد سليمان)
|
دكتور امين ياخي لك العتبي حتي ترضي، وكما قلنا لمولانا خدر كان تكسروا الدش في نافوخ البندر منذ البداية وتوضحو لماذا لما يشارك الحزب في الندوة، وذلك قبل ان ياتي هذا البندر، ثم اين انا قلت ان الشيوعين جاءو كي يخلبطو او يخربوا بوست الفقير لرحمة مولاه محمد هارون؟ الذي قاله شخصي الضيعف اخ امين هو انكم كشيوعين تركتم القضية، ومرة اخري احترامي الكبير لكل ناشطة سودانية عاملة في العمل العام.
الاخ محسي سلام كلامك يرد عليه صاحب البوست مع عاصف الشكر
| |
|
|
|
|
|
|
|
|
|
Re: Between the Lioness and the Cat !! (Re: محمود الدقم)
|
(1)
Quote: الاخ خدر، طيب ياخ ما تم الشهادة بالمرّة، لاني قلت ابعدو الدكتورة عن حساباتكم كما هو في المقتبس اعلاه، طبعا مع احترامي الكبير جدا للمراة السودانية الناشطة في العمل كان شيوعية، كان كوزة، كان ليبرالية، كان انصار سنة الخ.
نعم الشوعين هنا في هذا البوست تركو الموضوع الاصلي وهو الشيوعين مالم ما جاءوا الندوة؟ وعضو بانيابهم في الفارغة، وبما ان لندن تطفح بالشيوعيين او بريطانية فيها شيوعين اكثر من شيوعي السودان، فكان ياخي واحد ماركسي لينيني يجيء من البهلة الاولي يجيب علي السؤال ويكسر الدش في يد المسيكين ول هارون؟ ساعتئذ البندر براهو بقع في الارض وما بلقي البسمّي عليهو. |
الدقم يااخوي .. محمد رسول الله
اها انا الشهادة تميتها انت البمرق ذمتك شنو و تخلي الحزب الشيوعي في حالو شوية و تقوم من كرسي الناصح لي محمد هارون و تقعد في كرسي الانسان الطبيعي بس و تقول لغة البندر دي ساقطة ؟ تتذكر نكتة الكديس القال للشيوعيين بتكتحوا مالكم في البحر ؟ ثم يا الدقم يا اخوي انا كان اندرعت فيك اسه و وقفت ليك في حلقك ده و قلت ليك كيف شتم إمرأة و سودانية و ناشطة عندك قضية فارغة !! حا تودي وشك وين ؟
(2)
البوست ده (لو انت قريتو فعلا) في تسلسلو ورد التالي:
Quote: Quote: كتب محمد هارون:
سبب آخر أفادني به للتو أحد الأصدقاء وهو أن قادة الحزب الشيوعي قالوا
لم توجه دعوة للحزب للمشاركة في التحدث في الندوة |
كتب ناصر المحسي :
طيب مادام موضوع غياب الحزب الشيوعى مهم عندك كنت تسأل ناس
اللجنة المنظمة عن سبب غياب الحزب الشيوعى |
Quote:
كتب محمد هارون:
الإفادة الثالثة التي حصلت عليها صباح هذا اليوم وهي على الأرجح تكون الرواية الحقيقية لأسباب الخلاف كالآتي:
قادة الحركة الشعبية قطاع الشمال إختاروا شخص محدد من الحزب الشيوعي للتحدث في الندوة ولم يقبل الحزب هذا التحديد لأن قيادته ترى أن الحزب يعتبر مؤسسة لها استقلاليتها وهي التي تقرر وتختار متحدثيها ولا تقبل أن يملي عليها أحد مثل هذه القرارات ... (خدوها مني كدا بدون ذكر أية أسماء).
وحسب الإفادة أيضاً التي سمعتها من صديقي هي : ان الحزب الشيوعي كان من المفترض أن يصدر بيان يوضح فيه ما حدث ولكنه صرف النظر عن ذلك تفادياً لتعميق الخلافات بين الرفاق.
تحياتي |
بالسوداني .. كدي ارفض معانا لغة صلاح البندر ده في الاول موش عشان خاطر الشيوعيين , عشان خاطر الاخلاق كقيمة, عشان خاطر إنسجامك انت مع روحك دي .. الشيوعيين نبذهم ملحوق يا مولانا
| |
|
|
|
|
|
|
|
|
|
Re: Between the Lioness and the Cat !! (Re: خالد العبيد)
|
الدقم يا حبيبنا ...ياخي كتر خيرك علي حسن التفهم ... ما عندنا مشكلة شخصيه مع البندر و لا أعلم تفاصيل مشاكلو مع الشيوعيين، لكن ما يكتبه هذا البندر هنا يتخطي كل مراحل الأنحطاط و هي ليست أول مره و لن تكون الأخيره إذا ما تهاون معها الناس ... البندر يعمد إلي دس إنحطاطو بين السطور و يؤمل في مداخلات تساهم في تمييع القضيه و تصويرها كلام عادي و تصوير منتقديه بانهم جايين يصفو حسابات سياسيه معاهو ...
| |
|
|
|
|
|
|
|
|
|
Re: Between the Lioness and the Cat !! (Re: أمين محمد سليمان)
|
Quote:
قال أخلاق قال ....
مــــــــــــــحــــــــــــــــــــــــــــــن .... والله !!
من يتحدث هنا عن الاخلاق ...
العزابي محجوب ود علي
أمين نوتة
عبد الناصر تولا
صبري شريف
عمر فلاديلفيا
أبو لميس
ود العبيد الاسترالي
أيمن الطيب
الادروج محمد النعيم
مفتش الاغذية طلعت كالقري
بلة الامريكي
العوض الكندي
والغناي خدوري الهولندي ....
أخـتشـــــوا وخــلـــوا عــنـــدكــــم دم....
ما تخشوا بين "البصلة وقشرتها" ...
aj186.jpg
اللبوة الجسورة آمال بت جبر الله سيد أحمد الحسن (بت مدني) أنا ما عرفتها في بريطانيا ....
بعرفا إن آند آوت (in and out) من ما جات برلومة في الخرطوم وهي بت الـ19 ربيعاُ...
يعني قبل ما تتخرج (ربيع الانتفاضة) في العام 1985... بأكثر من 6 سنوات !!
وعشنا الدنيا منى وأحلام .....
وتابعت خطواتها منذ منتصف التسعينيات في لندن وهي تجابد يمين وشمال للحصول على شهادة التسجيل لممارسة المهنة ....
وعزمتني لي حفلة مجيهة في مايو 1998 بمناسبة حصولها على حق ممارسة المهنة على مستوى المملكة المتحدة...
وفرحنا معاها – مرة أخرى - عند بداية حصولها للتسجيل الخاص لممارسة المهنة بأحتراف عالي وتخصص في مطلع 2003....
لكن زي ما قلت ليكم بعد 2007 تحولت الى "كديسة" حنينة !!
هنا المشكلة ... لا علاقة لهذا البوست بأي موضوع آخر ...
جدلية التحول من لبوة الى كديسة دي محتاجة لمساهمة جادة: ما هي الظروف الموضوعية والذاتية التي خلت ناس
ح ش ق ش (حش قش = حركة الشعبية قطاع الشمال) يطلبوا من ح ش (حش= حزب شيوعي) ان تتحدث ممثلة للحزب؟
ولماذا أصر ح ش التمسك بحقه في ان يختار من يتحدث بأسمه !
وهو بالمناسبة موقف اقرظ فيه دور م س ح ش (عبد الملك مصطفى العبيد).....
لأنو يؤكد لي بأنه اصبح مقتنعا برأيي أن اللبوة الجسورة (عضوة ل م) أصبحت كديسة حنينة ...
ولا يمكن ان تجلس في المنبر وتمثل الحزب ولا حول ولا قوة إلا بالله ....
---------------------------------------------------------------------
نقطة نظام: الموضوع دا محتاج لمساهمة عاجلة من "أخو البنات" القابع في سفوح الألب (ونترثر)
أشرح لينا ياعصومي مسلسل التطور الجدلي والديالكتيكي لهذا التحول المدهش خلال أقل من 5 سنوات ....
كيف حدث ولماذا؟ ينوبك الأجر والثواب..... |
Quote:
ما تخشوا بين "البصلة وقشرتها" ... |
Quote:
العزابي محجوب ود علي |
Quote:
الادروج محمد النعيم |
Quote:
مفتش الاغذية طلعت كالقري |
Quote:
أخـتشـــــوا وخــلـــوا عــنـــدكــــم دم.... |
Quote:
اللبوة الجسورة آمال بت جبر الله سيد أحمد الحسن |
Quote:
وعشنا الدنيا منى وأحلام ..... |
Quote:
جدلية التحول من لبوة الى كديسة |
| |
|
|
|
|
|
|
|
|
|
Re: Between the Lioness and the Cat !! (Re: خدر)
|
Quote: كتب محمد هارون:
الإفادة الثالثة التي حصلت عليها صباح هذا اليوم وهي على الأرجح تكون الرواية الحقيقية لأسباب الخلاف كالآتي:
قادة الحركة الشعبية قطاع الشمال إختاروا شخص محدد من الحزب الشيوعي للتحدث في الندوة ولم يقبل الحزب هذا التحديد لأن قيادته ترى أن الحزب يعتبر مؤسسة لها استقلاليتها وهي التي تقرر وتختار متحدثيها ولا تقبل أن يملي عليها أحد مثل هذه القرارات ... (خدوها مني كدا بدون ذكر أية أسماء).
تحياتي |
Quote: كتب صلاح البندر:
جدلية التحول من لبوة الى كديسة دي محتاجة لمساهمة جادة: ما هي الظروف الموضوعية والذاتية التي خلت ناس
ح ش ق ش (حش قش = حركة الشعبية قطاع الشمال) يطلبوا من ح ش (حش= حزب شيوعي) ان تتحدث ممثلة للحزب ؟
ولماذا أصر ح ش التمسك بحقه في ان يختار من يتحدث بأسمه ! |
ليه انا قلبي بقول لي انو المصدر الموثوق لمحمد هارون هو صلاح البندر؟
هل من مطمئن لقلبي الوجل يا ناس ؟
| |
|
|
|
|
|
|
|
|
|
Re: Between the Lioness and the Cat !! (Re: خدر)
|
ارشوا يابروف امين ؟
باالله ياخدر بعد دا كلوا جاي تثبت كذب البندر؟
والله مفروض نحول لقب المطرطش ليك بدل اخونا محمد عبدالرحمن
علي الاقل لايحمل اي حمولة (اجتماعية) ثقيلة وفقاً للفقه الاستراتيجي للطعمية (الغناي)
اخوك العزابي
| |
|
|
|
|
|
|
|
|
|
Re: Between the Lioness and the Cat !! (Re: MAHJOOP ALI)
|
Quote: ارشوا يابروف امين ؟
باالله ياخدر بعد دا كلوا جاي تثبت كذب البندر؟
والله مفروض نحول لقب المطرطش ليك بدل اخونا محمد عبدالرحمن
علي الاقل لايحمل اي حمولة (اجتماعية) ثقيلة وفقاً للفقه الاستراتيجي للطعمية (الغناي)
اخوك العزابي |
والله ضحكت و قبلت كلامك ده كلو يا محجوب , لكن النصيحة زعلني انك تنادي البروف بدون القابو مُجتمعة (بروف - الدكتور - الشيوعي ) , الفساله عليك شنو ؟ ما شايف اخونا الدقم شابكو ليك يا دكتور و حزبكم الشيوعي ؟
زولنا ده اتضح انو مثقف ثوري عدييييل , دكتور و شيوعي و ضد الاسفاف
| |
|
|
|
|
|
|
|
|
|
Re: Between the Lioness and the Cat !! (Re: MAHJOOP ALI)
|
Quote: دكتور امين ياخي لك العتبي حتي ترضي، وكما قلنا لمولانا خدر كان تكسروا الدش في نافوخ البندر منذ البداية وتوضحو لماذا لما يشارك الحزب في الندوة، وذلك قبل ان ياتي هذا البندر، ثم اين انا قلت ان الشيوعين جاءو كي يخلبطو او يخربوا بوست الفقير لرحمة مولاه محمد هارون؟ الذي قاله شخصي الضيعف اخ امين هو انكم كشيوعين تركتم القضية، ومرة اخري احترامي الكبير لكل ناشطة سودانية عاملة في العمل العام.
الاخ محسي سلام كلامك يرد عليه صاحب البوست مع عاصف الشكر |
الاخ محمد الدقم
اعتقد انى اجبت على سؤال الاخ هارون لكن لان النية سيئه والغرض من البوست ليس له علاقه بالسؤال تجاهلت انى قمت بالرد على سؤال هارون
واكرر ردى
الاخ هارون
الحزب الشيوعى ضمن احزاب اخرى لم توجه له دعوى رسميه للمشاركه فى الندوة ٠
واتمنى ان توجه سؤالك للجنة المنظمه لان عندهم الاجابه
لك المودة
| |
|
|
|
|
|
|
|
|
|
Re: Between the Lioness and the Cat !! (Re: خدر)
|
سلام للجميع ..
و سلام خاص لصديقي ود هارون الزول السمح و نضيف ..
و كنت أتمنى لو أن البوست لم ينحرف عن مساره الموضوعي الذي أختطته كاتبه ..
لكن للأسف جاءت مداخلة د. صلاح مفعمة بإيحاءات و همزات غير مقبولة على الإطلاق و هو يشخصن موضوع البوست للحديث بصورة غير لائقة عن سيدة سودانية نجلها و نقدرها و إن إختلفنا معها جذرياً ..
فكلمة ( لبوة ) التي أستخدمها الدكتور هي في حديثنا الدارج مفردة إيحائية غير كريمة حتى و لو جاءت في مقام المدح و كذا كلمة ( كديسة ) ..
و يا دكتور مهما كانت علاقتك ودية و سمن على عسل مع الدكتور و مهما ( هججت في حفلتها ) و تابعت مسيرتها منذ الروضة فما صدر عنك أقل ما يمكن أن يوصف أنه ( صعلقة بس ) .. ربما تكون عبارتي قاسية لكن هذا الشعور هو ما منحتني له و أنا أقرأ مداخلتك مستصحباً معي موقفك تجاه إحدى الزميلات هنا حينما تداخلت بمداخلة سمجة و تافـــهة لا أذكر تفاصيلها لكني أذكر وقعها على الجميع ..
قد أرى الدكتورة و من يشايعها خصما و عدوا سياسيا لي لكني لن أسمح لنفسي بأن أخاطبها بمثل مفرداتك لأنها سيدة في المقام الأول .. و لأن ما من رجل ( عنقالي ساي ) يسمح لنفسه أن يطاعن النساء بمثل هكذا وضاعة ناهيك من أن يكون هذا الرجل ( طارح نفسه ) حاجة كبيرة خالص أو كما نتوهم ..
إن كان لديك أي خلاف شخصي و ربما شخصي جداً ـ كما أتخيله ـ فليس هنا مكان حسمه ..
بموقفيك المخزيين هذين أسمح لي يا دكتور أن أقول لك ( الغلط راكبك .. راكبك ) ..
| |
|
|
|
|
|
|
|
|
|
Re: Between the Lioness and the Cat !! (Re: عصام دهب)
|
ماذا تعني اللبوة؟
هل هي أنثي الاسد؟
لكن المعنى المقصود والذى يرمز له الاسم هو صفه يعني بنت ما كويسة
واللبوة في لغة أسفل تعني العاهرة
...............................................................................
واحمل صاحب البوست الاخ هارون انحراف البوست عن مساره
واكرر ردى على سؤالك واعتقد انه كافى اذا صدقت النوايا رغم شكى فى ذلك
هو ان الحزب الشيوعى من ضمن احزاب اخرى لم توجه له الدعوى
ويمكنك الرجوع للجنة المنظمة
وليس هناك اى خلاف بين الحزب واللجنة المنظمة كما يريد بوستك ان ياخذنا لهذه المنطقة او ان تسمح ان يكون بوستك مجال لتصفيه حسابات شخصيه واذا فرضنا حسن النيه كنت اكتفيت بردى وانتقدت بندر بدلا ان تبرر له
| |
|
|
|
|
|
|
|
|
|
Re: Between the Lioness and the Cat !! (Re: عصام دهب)
|
Quote: بعرفا إن آند آوت (in and out) من ما جات برلومة في الخرطوم وهي بت الـ19 ربيعاُ...
يعني قبل ما تتخرج (ربيع الانتفاضة) في العام 1985... بأكثر من 6 سنوات !!
وعشنا الدنيا منى وأحلام .....!! |
| Quote: "اللبوة كان كبرت الغنماية بتلحس ضنبها" ... وللا شنو ؟ |
[red]المطاعنة ما بين السطور واضحة يا دكتور .. و ما محتاجة درس عصر..
و ما وضح أكثر إنك عامل شفت .. و هذا مقرف جداً ..
| |
|
|
|
|
|
|
|
|
|
Re: Between the Lioness and the Cat !! (Re: عصام دهب)
|
| Quote: زولنا ده اتضح انو مثقف ثوري عدييييل , دكتور و شيوعي و ضد الاسفاف |
والله كان ثوري التراب كال خشم الثورية !!!!
يااخي دا بزاحم الوهابي عماد في بوستات الشيعة
والشيعة من اكثر الفرق ثوريتاً في تاريخ الاسلام
غايتوا الا يكون ثوري علي الطريقة البندرية الاستراتيجية
| |
|
|
|
|
|
|
|
|
 Re: Between the Lioness and the Cat !! (Re: عاطف مكاوى)
|
ود العبيد الاسترالي ...
اللبوة بقت خط أحمر ... يا سلام ...
من متين الكلام دا ....
من استراليا البعيدة ديك ... يا خي خليك معقول...
واوعى تكون فاكر انو انا مولود في كيمبردج كمان ...
يا أخي اختشي على دمك !
ما قلت ليك اللبوة بقت كديسة ... عصام دهباية بتاع المؤتمر الوطني بقى معاها ...
سمعت نكتة "حييا عشان بعمل ككا" .... دي بقت عليك ...
| |
|
|
|
|
|
|
|
|
|
Re: Between the Lioness and the Cat !! (Re: Dr Salah Al Bander)
|
-يا سادة يا شيوعيين: مرة اخري ادين واستنكر واستهجن كل من يمس الدكتورة امال جبرالله او اي ناشطة سودانية بكلمة خرقاء او يحط من قدرها همزا او لمزا او لكزا.
- ويا اخ نبيل كيف لي اعرف انك شيوعي؟ وانك جئت لتوضيح موقف الشيوعي بانه لم يتلقي دعوة رسمية؟ ربما تكون ياخي مجرد معجب بالشيوعي؟ ولكن اهو بعد ان علمت يبقي موقف الشيوعي بقي واضح لي في امر الندوة.
-واضم صوتي لصوت الاستاذ عاطف مكاوي ان الدكتورة لا تحتاج لمن يدافع عنها فتاريخها النضالي يتحدث عنها، بناءا علي ذلك اقترح علي الجميع ان تتركوها في حالها، خروجي من هذا البوست بلا رجعة.
| |
|
|
|
|
|
|
|
|
|
Re: Between the Lioness and the Cat !! (Re: محمود الدقم)
|
Quote: ليه انا قلبي بقول لي انو المصدر الموثوق لمحمد هارون هو صلاح البندر؟
هل من مطمئن لقلبي الوجل يا ناس ؟ |
يا خدر سلام ... يا أخي إنت راجل فنان وكتاب وأنا بحب بوستاتك .. والله مصدري اللي أداني المعلومة صديق من الحزب الشيوعي .. وهو زاتوو ما كان عارف لما أنا كلمته وقال لي سأتصل بمسئول الحزب وأوافيك بالسبب وحينما إتصل بي وأخبرني بالسبب إتفقنا على عدم ذكر الأسماء ...
دكتور صلاح البندر إتصلت به تلفونياً ليلة البارحة بعد ما يزيد على خمسة أشهر من آخر لقاء لي به حينما أتى صديقنا الدكتور سمير من السودان ...
إذاً يا صديقي نظرية المؤامرة غير واردة تماماً ودكتور البندر ليس مصدري ... كل هذا البوست كان خبط عشواء والله صدقني ...
تحياتي
| |
|
|
|
|
|
|
|
|
|
Re: Between the Lioness and the Cat !! (Re: Mohammed Haroun)
|
سلام لكل البشر السوى في البوست ده أنا متابع للبوست من أول كتابته لحدس قوى أنه سيتحول لمسرح للبندر للتعريض بآخرين و أخريات , لمواصلة سقوطه و انحطاطه و لم يكذب حدسي. سأعود لاحقآ لتوضيح عدة أشياء ليس من بينها الرد على تفاهات البندر فهى واضحة - و دومآ كانت واضحه لمن يود أن يراها - لأى شخص سوى و يملك الحد الأدنى من الأخلاق و ليس من بينها الرد على السؤال الرئيسي المطروح هنا فهو قد تم الرد عليه و ان كانت هناك حوجه لتوضيح اضافي فلتتم مخاطبة الجهات المعنيه بهذا , و ليس لمناقشة قضية مهمه أثارها الأخ طلعت الطيب فليس هذا مكان مناقشتها ... و ليس للدفاع عن شقيقتى آمال تكفي الكلمات قلادات الشرف التى قيلت هنا في ذلك و شكرآ كثيرآ لكل من فعل ذلك ... برضو الشكر واجب لمن فعل ذلك و هو يعلم أنه لن يسلم من قاذورات البندر. لى بعدين. تحايا و تقدير لنفس الناس.
| |
|
|
|
|
|
|
|
|
 Re: Between the Lioness and the Cat !! (Re: esam gabralla)
|
يا "عصومي" تحياتي ليك وانت في جبال الألب...
شنو يعني التقل دا ...
في انتظار تحليلاتك للتحول الديالكتيكي دا ...
مهم جداً عشان الاجيال الجديدة تستفيد من "الخبرة المتراكمة" ...
البوست ولع واصبح متحرك ...
طبعاً التلفونات اللي اطاقشت دي برضو دليل ممتاز علي انو
في اهتمام جماهيري لمعرفة ظاهرة التحول من جسارة "اللبوة" الى وداعة "الكديسة" ...
ربنا ما يحرمنا من خيركم ... يا أولاد الهرمة !
| |
|
|
|
|
|
|
|
|
|
Re: Between the Lioness and the Cat !! (Re: Mohammed Haroun)
|
Quote: يا صلاح ماكتبته اعلاه شين فى حقك ويحمل معانى وتلميحات قذره
انت تعرف امال لا تملك حساب هنا ولاتستطيع ان ترد على اساءتك
وتعلم ايضا تاريخها النضالى
ليس من اللائق ان يكون هذا البوست لتصفية حسابات
وكنت اتوقع ان يقوم صاحب البوست بالتصدى لك اذا كان صادق النيه
من سؤاله لكن دفاعه عن صلاح يوحى ان قام بفتح البوست عن سوء نية |
يا أخ نبيل عبد الرحيم سلام
صدقني فتحت هذا البوست لأني أحسست بأن هنالك خلاف تحت السطح بين الحزب الشيوعي والحركة الشعبية قطاع الشمال ... كل الغرض هو معرفة طبيعة هذا الخلاف ... وصدقني لولا هذا البوست لما علم الكثيرون أن الحزب الشيوعي لم يتحدث في هذه الندوة الهامة ...
يا أخي والله ما في سوء نية ولا حاجة ... صحيح البوست إنحرف عن مساره بعد مداخلات دكتور صلاح البندر والتي لم أكن أتوقعها صراحة ... ولكن تأتي الرياح بما لا تشتهي السفن ... عموماً كلمة (لبوة) أنا شخصياً تفاديت إستخدامها لأني عارفها بتجيب لي مشاكل مع من أعرفهم ومن لا أعرفهم وهي كلمة استخدمها المصريون خطأً لمعنى لا يتفق مع طبيعه زوجة الأسد (ولو مكضبني كدي جرب قرب منها .. أي زوجة الأسد) ... وبصراحة أنا مستبعد حتى هذه اللحظة أن ينزل دكتور صلاح البندر إلى هذا المستوى ويصف ناشطة ومفكرة سودانية بوصف كهذا ..
أنا زول بقاري وأي بقاري تقول ليهو الأسداية جاتكم بشيل حرابه وبتشهود ..
يا أخي بالله رسل لي رقمك في الخاص ... أقلها نتعرف عليك ونتفاكر في الموضوع ..
تحيات أخوك ودهارون
| |
|
|
|
|
|
|
|
|
|
Re: Between the Lioness and the Cat !! (Re: ناصر المحسى)
|
غايتو يا جلابى الاون لاين ربنا يدينا خيركم.
قطعتوا مصارينا بالضحك جميعكم.
اولا:
كم هو محمد هارون؟؟
اها الشيوعين ديل زمان عاملين فيها مقطعين السمكه وديها وبعرفوا يرصدوا اي حاجه
اها ود هارون ديل زولا مسكين بوستاته كلها تحف,لا زول سياسيه ولا حاجه.
بختلف معاهو سياسيا للطيش ومتخندق في وهم عروبته الدارفوريه,لكنه زول طيب فعلا
ولا شيء أكثر.
عشان كده اي زول كتب انه البوست تم فتحه بامر صلاح بندر عليه سحب هذا الكلام في حق محمد هارون
هذه شهادتي اولا.
صلاح بندر زولكم وانتو بتعرفوا اكثر مننا نحن مهمشي السودان.
يختار بركه(جمع بركه) بمهاره(يحسد عليها) للممارسة هوايته في الصيد في الماء العكر.
الغريبه ينجح نجاح مبالغ فيه في تدوير الجماعه ويوصلهم لقمة (الغضب) وشكه بيضحك عليهم!
بس كمان يا صلاح بندر عارفنك شفت وتربية حي العرب ما كمبريدج اها يا ود البلد
عارفنك تقدمي و التقدمين بيعلموا فيها في اطار المساواى الجندريه لا فرق بين النساء و الرجال
بس صدقني حكاية كل مره متحرش لك بسيده وكمان تكون عارف ما عنده باس ورد صدقني دي ما اخلاقيه اطلاقا.
يا اخوي لو عايز تتحرش باخيها القاعد في الالب ما تتحرش علني بتشتبك في قيادات
سودانيه نسائيه فاعله اتفقنا او اختلفنا معهم ليه؟!وبالطريقيه دي؟!
صدقني يا صلاح بندر رغم عدم معرفتي العميقه بك ولكني احس انك رغم كل دعاويك بانك
انسان بسيط وبتجي تتونس ونسة عاديه في مكان ما عادي؟!اها معقوله بس كل يوم و الثاني
يا ود البلد انا فلانه بعرفها وعلانه اعرفها اكثر من جوع بطنها؟!
البوست حوى امور كثيؤره تستحق النقاش
ولكن طبعا بسياقه هذا لا نقاش ولا يحزنون.
من الامور التي تستحق التوضيح على عجاله
سؤال ناصر المحسي
انه ماهي الجبهه السودانيه للتغير؟!
ومن الامور الحتخلينا نمشي نقبب(قبقه اخويه) زميلنا مجيد الجزولي من قميصه
هو المحاولات الواضحه لسيطرة الشيوعين على الجبهه السودانيه للتغير
حيث ساحتج شخصيا على دعوة خدر للغناء في احتفالايتهم(كيه في خدر)!!
| |
|
|
|
|
|
|
|
|
|
Re: Between the Lioness and the Cat !! (Re: ناصر المحسى)
|
| Quote: هذا فراق بيننا (شيوعيين و ديمقراطيين) و بينك يا صلاح البندر, ثم انى من بعد هذا انذرك فى هذه الدنيا نـــاراّ تـلظـــى . |
الأخ محمد النعيم ... يا صديقي ...
أولاً دعنا نتجاوز "هرجلة" السياسة التي جعلت الشيوعيين يعلنون حسرتهم على مآلات الدكتورة آمال جبرالله (رغم انها مآلات مدعاة فخر وليس حسرة ... نراها فنقول: أريتنا بى حالا ... اللهم "كدّسنا" جميعاً) جعلتهم يعلنون هذه الحسرة في صيغة عداء للدكتور صلاح البندر ... وتصويره كعادي معتدي من منطلقات منحطة أخلاقياً ... رغم أننا نقرأ ما كتب ونفهم ... فدعنا نتجاوز هذه الهرجلة ودعني استوضحك - إن جاز لي - حول تعبير (شيوعيين وديموقراطيين) الذي استخدمته ..
المعروف أن الشيوعيين يؤمنون بالنظام الإشتراكي الذي يملّك "أدوات الإنتاج" للدولة ... الأمر الذي يبدأ بالحد من حرية السوق ... ويسترون التغوّل على حرية السوق بستار اختيار مصالح الطبقة العاملة في الصراع الطبقي وبالتالي يصدرون "فرمان" أصحاب الوعي المطلق بدسائس الإنسان الطبقية أن لابد من اعلان الحرب على الرأسمالية ... يستخدمون "الديموقراطية المركزية" للإلتفاف حول حرية السوق بالتغوّل على حرية الملكية الخاصة وحرية التعبير والحريات الأخرى .... باختصار هم شموليون يؤمنون بأحادية الحزب في الحكم وأحادية منظور الدولة وموقفها من المسائل الإقتصادية والإنسانية ... مما يجعلهم أعداء موضوعيين للديموقراطية التقليدية بصورتها الليبرالية التي تستدعي ضرورة الرأسمالية وحرية السوق والفوارق الطبقية (التي ليست بالضرورة فوارق إنسانية بما أن الديموقراطية الليبرالية تتيح حد أدنى إنساني واقعي وممكن بعكس الشمولية) ...
فهل استخدمت هذا التعبير (شيوعيين وديموقراطيين) لتقول "الجميع" بما فيهم النقائض الموضوعيين (عن وعي بالعداء المطلق بين الشيوعية والديموقراطية)؟
أم استخدمته - أي تعبير (شيوعيين وديموقراطيين) آنف الذكر - للتعبير عن كتلة تقدّمية واحدة (بادّعاء ارضية مشتركة بينهما وهي غير موجودة) كما يفعل جهلة الحزب الشيوعي هنا عادةً؟
والى متى سيظل الشيوعيين يهوّمون في مساحة الجهل الضبابية التي يظللها مشروعهم السياسي المتناقض المهترئ متمثلاً في اللائحة والبرنامج والفذلقات التاريخية ومقررات المؤتمر الخامس؟
متى يصيرون مثل الدكتورة آمال جبرالله ... "كدايس" بعد "تنمّر"؟
بالمناسبة ممكن ما تجاوب لو السؤال ما عجبك ...
... المهم .....
| |
|
|
|
|
|
|
|
|
|
Re: Between the Lioness and the Cat !! (Re: ناصر المحسى)
|
اها يا ناصر المحسي برجع للتوضيح
الجبهه السودانيه للتغير
هي متكونه من الذين كونوا الجبهه العريضه سابقا
ولكنهم عزلوا علي محمود حسنين بعد ان رفض فصل الدين عن الدوله!
وتم نشر الخلاف وحيثياته كله هنا.
وعشان فعلا يبدو جليلا انتقائية ناس الحركه الشعبيه لمتحدثيهم بطريقه
غريبه ...غيب ممثلي الجبهه السودانيه للتغير واعطيت فرصه طويله لعلي محمود حسنين
تفوق بقية المتحدثين وكله مثبت بالتوقيت!!
عايز تفاصيل اكبر ابحث
بعتذر ما عندي زمن ارجع للبوست.
تعليق آخير
اضحكني ايضا
يا صلاح البندر يا اخي عزابي بقت شتيمه؟!
اها المحترم محجوب علي ليس بعزابي بل يحمد ربه هو اب فضال لهؤلاء
الصغار البتشوفهم في بروفايله!
واضحكتني جدا بلقب طلعت الطيب(ههههههههه)
(بشاغل فيك يا طلعت طبعا)
يا اخي انت مبالغه؟!رشهم بالله ناس حق ديل جناح
الباقر العفيف رش الجن؟يا اخي ده متجدع وفتح ليه فروع لمركز الخاتم عدلان بجوبا وكمبالا و القاهره؟!
وكله باسم الاستناره التطير عيشتها؟!وبلادنا تزداد ظلاميه!
ويا ريتك يا صلاح بندر تلقى لينا زمن وتنكش لينا ملفات معهد السلام الامريكي ده.
وضحكني خالد العبيد
لما قل ليه ان شاء الله يقطعوا رحطك في الهايد بارك(هههههههههههه)
مبالغه لكن!!(ههههههههههههه) شكلكم لذيذ خلاص يا جلابه!
يا اخي الجنوبين بكونوا زعلانين حسه انه كل المحن دي اختفت من تراثهم السياسي
(هههههههههههه)يا سلام على النضال السياسي للصفوة السودانيه في منابر الحوار؟!
الشيوعين مكومين هنا وساكتين او هاربين عن خرمجة نقد في البوست اياهو؟ّ!
ما قمة النضال بقى الرد على صلاح بندر؟!
| |
|
|
|
|
|
|
|
|
|
Re: Between the Lioness and the Cat !! (Re: عبد الخالق امن الله)
|
سلام للجميع ..
إنت زعلت يا دكتور صلاح !!
| Quote: ما قلت ليك اللبوة بقت كديسة ... عصام دهباية بتاع المؤتمر الوطني بقى معاها ... |
[
ومع ذلك يا دكتور سأتجاهل سقطتك و لن أنحدر إلى درك إنحطاطك ..
مع إن بإمكاني أن أفعل ما يلجم لسانك البذئ ..
دخلت إلى هنا و دافعي للرد كان هو ( قلة أدبك و بس ) يا دكتور ..
و دخلت إلى هنا و وقفت ضدك مجرداً من أي إنتماء أو تكتل مع إعتزازي بإنتمائي ..
و لو أنني دخلت إلى هنا متحيزاً إلى فئة لكان أولى أن أتحيز إليك يا دكتور لأنني على خلاف مع معظم من إنتقدك هنا ..
و لأنك فكريا أقرب إلينا من غيرك ..
و أول هؤلاء عصام جبر الله و خالد العبيد الذين سبق لي ان تخاشنت معهم في أكثر من مداخلة ..
و الشاهد أنني كنت قد أنحزت إلى جانبك صراحة في خلافك مع الشيوعيين بشأن المنظمة و فعلت ذلك لأنني رأيت أنك على حق .
و حين أقف ضدك اليوم فليس بالضرورة أنني أتخندق مع الشيوعيين أو ( أبقى معاهم ) لكن لأنك على باطل ..
و أنا أنصرك ظالما أو مظلوماً ..
أراك على حق أقول لك كويس ..
اراك على باطل و أرى منك قلة أدب بديك في حنانك ..
وقع ليك ؟؟
| |
|
|
|
|
|
|
|
|
|
Re: Between the Lioness and the Cat !! (Re: Mohammed Haroun)
|
| Quote: صحيح البوست إنحرف عن مساره بعد مداخلات دكتور صلاح البندر والتي لم أكن أتوقعها صراحة |
| Quote: عموماً كلمة (لبوة) أنا شخصياً تفاديت إستخدامها لأني عارفها بتجيب لي مشاكل |
Quote: وبصراحة أنا مستبعد حتى هذه اللحظة أن ينزل دكتور صلاح البندر
إلى هذا المستوى ويصف ناشطة ومفكرة سودانية بوصف كهذا . |
يا ود هارون كان المفروض تقول على لصلاح البندر عيب عليك
وتطلب سحب المداخلة بدل ماتقول هو ما بيقصد
لانو مافى حد بيحكم بالنية انما بالمكتوب
Quote: وصدقني لولا هذا البوست لما علم الكثيرون أن
الحزب الشيوعي لم يتحدث في هذه الندوة الهامة |
فى احزاب كتيرة ما شاركت والناس كلهم عارفين من قبل الندوة
الاحزاب المشاركة واسماء المتحدثين
| |
|
|
|
|
|
|
|
|
|
Re: Between the Lioness and the Cat !! (Re: ناصر المحسى)
|
يا دكتور صلاح ياخي ما عندك زول بنصحك أصلا؟ والله ما تتصور مقدار القرف و الاشمئزاز البشعر بيه أي إنسان لمن يقرا مداخلاتك دي. المشكلة كل ما تصل حضيض الواحد يفتكر مافي بعده تخذله و تنزل أكتر و المشكلة التانية إنك بتفتكر إنك أذكى من الناس و ترمي كلام شين و قبيح بطريقة تتيح ليك الادعاء بأنك ما قاصد المعنى البليق بأمخاخنا الما نضيفة دي. يعني شنو عصومي دي هسع و يعني شنو دهباية؟ ياخي الكلام الزي دا أظنه ناس الابتدائي بلغتنا و الأساس بلغة أجيال اليوم خلوه زمان لكن على الأقل قبل ما يخلوه كان عندهم الشجاعة الكلام الشين يقولوه بوضوح و ما كان بتلبدوا ورا الكلمات. ياخي إنت قايل هسع لمن تقول فلان العزابي و علان الغناي و منو ما بعرف مفتش الأغذية بتكون سكتهم؟ ياخي إنت راجل صاحب شهادات عليا و أكيد نلتها عن استحقاق و مقدرات عقلية و بحثية واسعة ليه دايما بتنصرف عن نقاش القضايا إلى نقاش الأشخاص و محاولة اغتيال شخصيات محاوريك؟ ياخي أفرض كلام الناس ديل قالته الحيطة هو صاح ولا غلط؟ والله الناس ما ناقصاك يا دكتور و الفيها مكفيها.
| |
|
|
|
|
|
|
| |
Mohammed Haroun
Tragie Mustafa
ناصر المحسى
نبيل عبد الرحيم
Dr Salah Al Bander
عمر ادريس محمد
عاطف مكاوى
خالد العبيد
أيمن الطيب
Mohamed Elnaem
طلعت الطيب
Balla Musa
Elawad
أمين محمد سليمان
MAHJOOP ALI
محمود الدقم
خدر
الصادق سلفاب
عبد الخالق امن الله
تبارك شيخ الدين جبريل
فيس بوك
تويتر
انستقرام
يوتيوب
بنتيريست