حقو الزول يرد ليك رد ( طبارك ) الذي ليس بيده شئ لمورتن الفنان :
انت قاعد وين!؟ .. كل المواسم [ قضايا الجندر ]! .. الا الايام الجاية .. دي موسم [ نيفاشا 2 ] ... و العهدة على الهندي عز الدين
لووووووول
البوستات الجبتها ما بينها شبه - غير اسم مفترعها - تاني الا من حيث جندر الاسماء بس! كل واحد قضيتو مختلفة .. و ان تداخلت بعضها، في بعض اوجه.. يلا البوست دا عندو علاقة ببتاع أميرة في قضية لا علاقة لها بالجندر ابداً .. ح افتها في حينها لمن ابقى عليها ...
اسي خليني اكمل ما بدات في انزال " ندوة دينفر "
تحياتي و شرفتنا كتير بالطلة دي
وين صاحبك الكاتب ( المشهور ) امين نوتة بالمناسبة؟ الاجابة بتديك اندكيتر للقصدتو فوق .. و بينفي تهمة الجندرة
07-03-2011, 11:51 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
مناهل تواصل المسير النضالي الجميل وتتواصل فيها ثورة التغيير لا تحدها المسافات ولا الزمن.. من يومين كنا نحاول لكن تنزيل الفيديوهات كان معطلا.. وفرحت جدا الآن وانا أرى الفيديوهات قد وصلت.. التحية لك وللاخت الجسورة / مناهل ابراهيم..
مودتي
07-04-2011, 02:47 PM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 22961
Quote: التجلة لمناهل ولكل المناضلات من اجل غد مشرق
هي كذلك
و رفاقها - رفاق الشهداء - كذا كانوا :
أي المشارق لم نغازل شمسها ... ونميط عن زيف الغموض خمارها أي المشانق لم نزلزل بالثبات وقارها أي الأناشيد السماويات لم نشدد لأعراس الجديد بشاشةً أوتارها ؟
تشكرات افندم تشكرات كميات
07-05-2011, 00:27 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: مناهل تواصل المسير النضالي الجميل وتتواصل فيها ثورة التغيير لا تحدها المسافات ولا الزمن.. من يومين كنا نحاول لكن تنزيل الفيديوهات كان معطلا.. وفرحت جدا الآن وانا أرى الفيديوهات قد وصلت.. التحية لك وللاخت الجسورة / مناهل ابراهيم..
حبيبنا عبد العزيز كيفك ياخ
و لك بأجمل مما حييت
بالمناسبة Part 3 ما قدرت الم فيو .. جاري البحث
يا ريت لو قدرت تلقاهو و تنزلو
انا نزلت 4 و هو الاخير بالنسبة لمشاركة الجميلة مناهل ..
يا سلام ياخ .. نهتها بكلمات شاعر الشعب - شففاه الله و عافاه و حفظه للشعب الذي احب :
حنبنيهو.. البنحلم بيهو يوماتى وطن حدّادى مدّادى ما بنبنيهو فرّادى ولا بالضجه فى الرادى ولا الخطب الحماسيّه وطن بالفيهو نتساوى نحلم .. نقرا .. نتداوى مساكن .. كهربا .. ومويه تحتنا الظلمه تتهاوى نختّ الفجرِ طاقيّه وتطلع شمس مقهوره بخط الشعب ممهوره تخلي الدنيا مبهوره إراده وحده شعبيّه
تحياتي
07-04-2011, 10:21 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
اديني سمعك في الاخير انا عمري ما فاضل كتير شالوهو مني الامنيات .. الضائعة في الوهم الكبير و الدنيا ما تمت هنا.. لسه فاضل ... ناس تعاشر و ناس تضوق طعم الهناء بكرة أجمل من ظروفنا و لسة جايات المنى
Quote: يا محمد عثمان شكلك ما بتدخن، وإلا كنت إتذكرت كم مرة لاقتك في مصر عبارة "ملو الولاعة بنص جنيه" جات على قيقا المسكين دا!
لكن يا اشرف ناس الولاعات بيكتبوا (ملو) بتاعتهم ديك والناس تمشي ليهم في محلهم... قيقراوي يكتب (تملائك) بتاعتو دي ويجينا بيها في محلنا، شفت الفرق؟ قيقراوي تحياتي
07-05-2011, 02:37 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
مناهل منوره شمال امريكا وان شاء الله يا مناهل تنقلي الحس الثوري ده للناس الحسهم النضالي اتدنى في واشنطون.
عارفه يا مناهل اياك ونقة المثقفين يا ريتك تنقلي نفس ثقافة اركان النقاش وتجمعات قرفنا.....وبالله كل يوم جمعه كده اعملي لك ركن نقاش قدام السفاره السودانيه وقولي لهم سقطت..زسقطت يا كيزان!!
حيريحك الاحساس ده وحتتفشي فيهم انك بتيجهم في مكانهم وبتهتفي ليهم وما بيكون مسموح لهم هنا يحرشوا ك ل ا ب هم فيك ينهشوك.
لعنة الله عليهم. والمجد لك.
07-05-2011, 02:51 AM
Rawia Rawia
تاريخ التسجيل: 11-23-2002
مجموع المشاركات: 8396
زارت مناهل قرفنا دول الجوار الافريقي في الشهر الماضي.. وزيارة الآخر تتيح لك الفرصة لمعرفة مكانك من الاقليم ووجودك في هذا العالم.. دبلوماسية الفطرة للجيل القادم بقوة لقيادة الوطن..
لك التحية في خطوات ثوريتك المتوثبة.......
07-05-2011, 08:43 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: مناهل ابراهيم .. مناضله ومصادمه ,, قريبه من قضايا الشعب وخاصة اولئك الذين يعيشون في قاع الهامش .. تخاطبهم في الاسواق
وفي الشوارع تنيش معاناتهم وتفضح زيف الحكام .. تقدم الوعي للبسطاء ما استطاعت .. تحيات يا مناهل . ودائما منحازه وسند لضهر الغبش ..
آسرة جداً كلمات* شاعر الشعب الختمت بيها الندوة ..
حنبنيهو.. البنحلم بيهو يوماتى وطن حدّادى مدّادى ما بنبنيهو فرّادى ولا بالضجه فى الرادى ولا الخطب الحماسيّه وطن بالفيهو نتساوى نحلم .. نقرا .. نتداوى مساكن .. كهربا .. ومويه تحتنا الظلمه تتهاوى نختّ الفجرِ طاقيّه وتطلع شمس مقهوره بخط الشعب ممهوره تخلي الدنيا مبهوره إراده وحده شعبيّه
--------
يا محمد عثماننا
لووووووب اها ود الصايم طقشنا بعينو الحارة دي شابكنا ناشط .. نشاط و حيوية التقول شامبو! فااا اهو ح نتلاشى ذاتو اليومين الجاية دي يا جلابة و مجولبين و ما بينهما ( خاتف لونين ) ... ومعاكم ناس الهامش ذاتم .. المافي شنو!؟ تنفسوا الصعداء قيقراوي كسح
يا حلبلب انتو في اشاعة - طلعت من واري - زول قاليكم اني عربي؟ تلصقوا ساي انتو؟ .. يا زول انا عندي احساس قوي جداً انو اصولي فرنسية يا هسبانيك .. بالميت كدا حبشي ما تلفقوا لينا ساي بالله
* يا ريت يا تراجي .. يا ريت ... كل القلتيهو لمناهل اتمنى في انها تستمر تردد ليهم :
وطن حدّادى مدّادى ما بنبنيهو فرّادى ولا بالضجه فى الرادى ولا الخطب الحماسيّه و لا بي بوست في سودانيز اون لاين ضط كوم تراب دي
اعتذاري للجميلين المروا من هنا اسف يا شباب ما بقدر ارد عليكم نفر نفر فتقبولوا محبتي البوست للجميع .. و هاناذا اعلنه ملكية مشاعة للجسورة مناهل الياسمين .. و للوطن الفأل و للناس المسرة بها و السلام للوطن الحبيب
شكراً محمد عثماننا .. شكراً ود الصايم .. مع خالص الشكر للباشمهندس بكري على تصحيح العنوان .. اسي فيها شنو كان رفو لينا فوق؟
محبة للجميع
07-05-2011, 09:13 AM
مدثر صديق مدثر صديق
تاريخ التسجيل: 04-30-2010
مجموع المشاركات: 3896
Quote: مفروض ناس امريكايشرحوا لمناهل شوية عن النظام الامريكي هل هو اشتراكي؟؟؟؟ و هل المراة الامريكية ماشة لى قدام ؟؟؟
حسب ما فهمتو انا للجزء دا [ ما ديمقراطي ما علماني مااشتراكي ] انو في تخيير بدون ( أو ) .. ببساطة الساقني لي كدا انو الفهم الوصلك - و وصلني انا ذاتي للوهلة الاولى - شمولي و بصادر الحقيقة قد يمثل قناعة للاشتراكيين .. لكن الآخرين كيف؟ ما اعتقد انو العزيزة مناهل بالشمولية دي .. و لا ممكن تنتقص من حق غيرا
برضو يا ريت الشباب يشرحوا ليها و لينا نحن ديل ذاتو عن النظام الامريكي ..
المافي شنو؟
07-05-2011, 02:59 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: أستاذة مناهل حقا تستحق الاحترام، نضال سلمي حتي الموت، انحياز واعي وحقيقي وصادق للمهمشين، تستحق كل تقدير
و الشكر و التقدير ليك ..
شهوة لبلاد تطالب ابناءَها باقل من الموت جيلا فجيلا وفيها من الوقت وقتٌ نخصصه للخطايا الحميمه والغلط الادمى البسيط وزحزحةِ الافتراض البطوليِّ عنّا قليلا فمسكينةٌ أُمَّةٌ حين تحتاج كلَّ البطولات من كلِّ أبنائها وتعيش الحياةَ قتيلا قتيلاً شهوةٌ لبلاد تقل الاناشيد فيها وفيها نعود الى نمنمات احتياجاتنا العابرات بلا خجل او ندم
الشهوات - مريد البرغوثي
تحياتي
07-06-2011, 08:38 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
1. احسان فقيري 2. اسلام عبد الرحمن 3. النقية الوسيلة 4. امال علي 5. اماني ادريس 6. اماني جعفر 7. امل هباني 8. اميرة عثمان 9. اميمة احمد المصطفي 10. حاتم محمد فضل (لم نحدد انه حاتم ام هانم ) 11. حنان علي 12. خديجة ادم محمد 13. رباح الصادق المهدي 14. رشاء عوض 15. زينب الصاوي 16. زينب بدر الدين 17. سارة حسن 18. سارة حمد النيل 19. سارة عبد الرحمن 20. سارة محمد خالد 21. سلمي النور ابو سمرة 22. سمية علي اسحاق 23. سمية نوبة 24. شادية عبد المنعم 25. شادية علي 26. صديق عبد الجبار 27. طاهرة حمد مجذوب 28. عزيزة عوض 29. عفاف التجاني 30. علياء عبد الحليم 31. عمر عشاري 32. عواطف عبد القادر 33. غادة مكي 34. فتحية عبد المحمود 35. لدن مهدي 36. ماجدة المرضي 37. ماجدة عثمان 38. ماجدة ميرغني 39. محمد عادل 40. مريم عوض 41. منال خوجلي 42. مناهل ابراهيم (منال إبراهيم) 43. ناهد محمد الحسن 44. نجاة بشري 45. نجلاء سيد 46. نجلاء عبد الرحمن 47. هادية محمد حسب الله 48. ولاء صلاح الدين
07-11-2011, 03:08 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: إنها ثورة النساء ولو كره الكارهون، وهي ثورة حتى النصر، هي ثورة نساء بلادي الشامخات. التحية والشموخ لمناهل إبراهيم وشرفاء قـرفنـــا الشـوامخ/ إنها ثورة حتى النصر وحتى تذهب دكتاتورية القمع والقهر إلى مزبلة التاريخ مكانها الطبيعي:
Quote: اذا اي نظام ما ديمقراطي ما علماني مااشتراكي ما بكفل للنساء حقهم و ما بخليهم يمشوا لى قدام
مفروض ناس امريكايشرحوا لمناهل شوية عن النظام الامريكي هل هو اشتراكي؟؟؟؟ و هل المراة الامريكية ماشة لى قدام ؟؟؟
و قالت مناهل ايضاً : ممكن تقيس تقدم أي مجتمع بكيفية معاملته للنساء *
-------
* الملاحظة اصلاً لكارل ماركس ... و ماركس أقر بانو الراسمالية تشكيلة اقتصادية / اجتماعية متقدمة نقلت البشرية نقلة كبيرة نحو استكمال الانسانية .. لكن - و العهدة على عمك دا - هي ما النظام الح يحقق استكمال تحرر الانسان من ربقة الاغتراب و الاستلاب المراة في مجتمعنا بتعاني من استغلال مركب. في البيت الكبير، الصغير، المجتمع، الدولة ذاااتا. متمظهرة في مجموعة تشريعاتها و مؤسساتها البوليسية ( النظام العام نموذجاً ). و في الحروب .. و يا لهول جرائم الحروب .. و مجرميها!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
قيقراوي
محمد عبد الماجد الصايم
محمد عثمان ابراهيم
Ashraf el-Halabi
Deng
عبدالكريم الامين احمد
أبو ساندرا
Abdlaziz Eisa
بدر الدين الأمير
محمود الدقم
Tragie Mustafa
Rawia
مدثر صديق
فيس بوك
تويتر
انستقرام
يوتيوب
بنتيريست