|
Re: التغيرات في الوطن العربي ستتوقف عند ليبيا ...... (Re: ود الباوقة)
|
Quote: لست محللا سياسياولا ارجم بالغيب ولكن ارى انه بنهاية كنس القذافي
الى مزبلة التاريخ ستتوقف مسيرات التغيير بالنسبة
للانظمة العربية
سيسدل الستار باذن الله بعد ان يلحق المجنون بالفرعون
انتهى .. |
ود الباوقة كيف حالك... ده تحليل ولا امنية ؟؟ طبعا انت تتمني انو الثورة تقيف علي القذافي،، علي فكرة يا عمر ،، في دلالات كثيرة ظهرت في مؤتمر القمة العربية اللي انعقد في سرت،،، نحكيها ليك: 1- نجههم اخونا سيف النصر في اليوم داك بي بوست طويل عريض قدر ما فتشت ليهو هسع ما لقيتو .. في البوست داك قلنا ليهو يا سيف كده مكشاشة واحدة تكفي ، قام سيف رفض وقال كل واحد يكنسو شعبو بي مقشاشة براه،، المهم انو بعد بوست سيف داك كلهم ما قالوا احي يالعافية .. 2- الصف الاول في الصورة التذكارية كان فيهو4 رؤساء، مبارك وبعده القذافي، وبعده بن علي ، وفي الطرف علي عبد الله صالح،، المهم يا سيد عمك قام القذافي ضغط ليك مبارك وبن علي بيدينو عل اك########م، وعينك ما تشوف الا النور، اصحابك المضغوطين ديل نزلو من الكرسي طوالي، وصاحب الضغطة بقي يكورك، اها يا صاحبي من المقدمة في علي عبد الله صالح في الطريق.. 3- اخوانا بتاعين الصفوف الخلفية طبعا ما في مشكلة معاهم خفاف الوزن، يعني هبة نسيم تطيرهم ليك... اها يا الحبيب ما تبقي حاسد كمان وتحرم الناس الباقيين من نعمة التغيير،، خليك ديمقراطي يوم ليك ويوم عليك .. سلامي
| |
|
|
|
|
|
|
Re: التغيرات في الوطن العربي ستتوقف عند ليبيا ...... (Re: جمال المنصوري)
|
Quote: ارى ان كل العكننة في العالم العربي هي من
الفرعون والمجنون فبذهابهما
|
بالله يعني غضب الشعب اليمني على رئيسه سببه مبارك و القذافي ؟ و ثورة السوريين على حزب البعث سببها مبارك و القذافي ؟ وكل هذه الثورات هي مجرد عكننه ؟
انت يا ود الباوقة مقرش وله شنو ؟ ما سمعت انو الشعوب العربية تثور لأجل حريتها ؟
| |
|
|
|
|
|
|
Re: التغيرات في الوطن العربي ستتوقف عند ليبيا ...... (Re: جمال المنصوري)
|
عزيزى ود الباوقة, التحية
Quote: لست محللا سياسياولا ارجم بالغيب |
إذن على أى شئ بنيت إفتراضك هذا طالما أنك غير محلل سياسى, ولا بترجم بالغيب؟؟ وما تقول لى مجرد حدس يا باوقة!!!! طيب خليك من ده كلو, ما هى الدوافع, المسببات, والأسباب من وراء إندلاع تلك الثورات؟؟ ثم ما هو الفرق بينها وبين الأسباب والدوافع الكامنة فى الحالة السودلنية مثلاً؟؟ وهل يا ترى تتوفر نفس تلك الدوافع التى صنعت التغيير فى بعض الدول عندنا, أم أننا فى براءٍ منها, ونحيا فى نعيم لا نود من بعده شيئاً؟؟ معقول يا ود الباوقة إنت ما قادر, ولا ما داير تشوف وتقرا الحاجات والواقع الحوالينك؟؟
كل الود يا رجل
| |
|
|
|
|
|
|
Re: التغيرات في الوطن العربي ستتوقف عند ليبيا ...... (Re: محمد أبوالعزائم أبوالريش)
|
تحياتي ياعمر تقول (يعني اي رئيس ماقدم انجازات لي شعبو)
يستحق الثورة ضده ؟ هكذا فهمت باقي الفهم قسم .. طيب نقول شنو ونخلي شنو؟ حروب الجنوب وإنفصاله . حروب الغرب وتشريد وسحل وقتل وحرق الآمنين. حروب الشرق وضحايا الكوارث والحروب والعنف الكيزاني في بورتسودان حروب النوبة في الشمال وذبحهم على الطريقة الكيزانية. حروب النيل الأبيض وذبح واعتقال العشرات لمجرد اعتراضهم على منح أراضيهم لمستمرين أجانب. فساد أهل الإنقاذ ليس إبتدأ بأهل الرئيس ولا إنتهاء بشيوخ المنسقيات والمعتمديات حتى ديوان الزكاة ومراكز غسيل الكلى - ومن كان لا يملك (حمار أبيض) اصبح يسافر مسافة 60 كيلو بطائرة خاصة ، ومن كان يعيش مع آخرين في غرفة (جالوص) يملك اليوم القصور الفاخرة في أبعد العواصم العالمية . فساد بيع المؤسسات الحكومية من سودانير ، والملاحة ، والسكك الحديد ، والمطاحن ، والمحالج ، وعقارات الدولة بسعر بخس أقل من العملات عشرات المرات. فساد وفضائح استيراد كامل المحاصيل الزراعية من الخارج بنسبة 100% فساد دمار وحرق المشاريع الزراعية وبيعها للغير بابخس الأسعار الجزيرة ، كنانة ، السوكي ، الرهد ، أبو نعامة فساد تجويع وترويع الآمنين حتى بالعاصمة ، فلا أحد يجزم بأن ينام للصباح دون مصيبة تحل عليه في فراشه. المزيد متوفر بس لغاية هنا ... هل ستكون حكومتكم في مأمن وسلام من غضب الثوار ؟ لك حق الإجابة أو الرفض .. الشفيع ابراهيم
| |
|
|
|
|
|
|
Re: التغيرات في الوطن العربي ستتوقف عند ليبيا ...... (Re: عبد المنعم ابراهيم الحاج)
|
أخى ود الباوقة
Quote: لست محللا سياسياولا ارجم بالغيب ولكن ارى انه بنهاية كنس القذافي
الى مزبلة التاريخ ستتوقف مسيرات التغيير بالنسبة
للانظمة العربية
سيسدل الستار باذن الله بعد ان يلحق المجنون بالفرعون
انتهى .. |
دعنى أهديك كلمات أحد أقطاب المعارضة اليمنية: لدى علِى عبد الله صالح خياران :الرئيس السابق أو الرئيس المعزول...
فأى الخياران سوف يرضى بإحداهما البشير ؟؟؟ أتمنى أن لا تقابل ربك وفى رقبتك بيعة أو تأييد لدكتاتور ظالم وصل الى الحكم بالبندقية.....
أخائى وتحياتى
| |
|
|
|
|
|
|
Re: التغيرات في الوطن العربي ستتوقف عند ليبيا ...... (Re: أسامة خلف الله مصطفى)
|
ربما كما تقول ستتوقف الثورات في العالم العربي عند الحد الليبي ونحمده تعالي بأننا ليسو عربا حتي لاتتوقف ثورة التغيير لدينا ...نحن الذين علمنا كل أؤلئك العرب معني الثورة والنصر ...ولكني أشك في مقولة بأن الثورة ستتوقف عربيا عند ليبيا فاليمن (العرب العاربة ) تتهاوي ومنها ستنتقل شمالا الي آل سعود لأن أمريكا ماعادت تهتم بأحد دعهم يذهبون الي (المزبلة كما تقول ) ولكنهم لن (يشفطوا ) كل البترول في أراضيهم فلدي أمريكا البترول الباقي هو الأهم ...فقد سمع أوباما كلاما توبيخيا شديد اللهجة من خادم الحرمين الشريفين لأنه لم يساند حلفاؤه في مصر وتونس لأن المرحلة التالية قد تطيح به من عرشه ..السودانيون لايتعاملون بردود الفعل ولايقلدون أحدا علي ثورة أبتكروها فهي سهلة جدا لأننا أولا نملك أرثا منها ثم أن التجربة الديمقراطية في السودان لاتحتاج الي أجتراح فهي موجودة ومتأصلة في الذات السودانية ... المهم أنتو حتروح وين عندما تقوم القائمة البشير مطلوب أصلا للعدالة الدولية والجاز لديه فلل ومشاريع عقارية ضخمة خارج السودان وعلي عثمان له مأرب أخري في تركيا وماليزيا كلها ستجمد في الحين الا تري أخونا القذافي كيف جمدت مدخراته ولم يبق له حتي حق (السيجائر )..والله والله الثورة قادمة خدها مني وصية وشيل شيلتك مع باقي الزبانية ...
| |
|
|
|
|
|
|
|