|
|
|
|
 Re: خلاص خلينا تغيير النظام لكن غيروا لينا الزول دا (Re: Ashraf el-Halabi)
|
يا ابو الشوش
عاوز يغيروا ليك " بندق "
فادي ولدي سألني قال لي بابا انت " بندق " دا مالو!؟
قلت ليهو و الله دا المحيرني من ن ن ن زمني الكنت قدرك كدا!
يفكوهو من دي يجيب واحد اكبر منها
سمعت - و العهدة على الراوي - انو في الدامر لقى ليهو نظرية تفسر غلاء الاسعار و انعدام السكر من الاسواق بانو - و يا للهول في البدء و في المنتهى - " انو ياخ الناس قاعد تشرب بارد كلللللللل يوم!! "
بالغت يا شعبنا !؟ ... بالغت شديد جدن خالص اوي !!!
الريس .. يريد ... تغيير الشعب
لازم نستورد لينا شعب ما يشرب بارد كلو كلو لا بعد الاكل لا قبلو ... الا عند اللزوم و حالات الفوفاية الشديدة!!
لا الاعجب - حتى شكيت في ذمة محدثي* - انو قال البنزين بكمل يا اخوانا لانو الناس بتعبي فللللللل !!
عيب ياخ يا شعبنا !!؟
كيف تعبوا فلللللل ... كدا ما بتمحقوا لينا البنزين دا ساي!
تقول لي قانون و نيوتن و فيزيا مررررة واحدة !!
احيي يا فؤادي الجبتك معاك
--------------
* غايتو لو صدقت دي، الزول دا ترسلوا لينا هنا نشوف ليهو عقد عمل في محطة بنزين عشان يثبت نظريتو دي ..
اهو نكون ساهمنا في البحث العلمي برضو ... امكن نفوت نيوتن ذاتو ... المافي شنو!؟
| |
 
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: قيقراوي)
|
| Quote: كيف تعبوا فلللللل ... كدا ما بتمحقوا لينا البنزين دا ساي! |
كويس ما طلعنا بنشمو كمان!
بعدين لو رسلناو ليكم حينشف بترول السعودية ذاتا
ياخ الزول دا كراعو حارة
قول لفادي عمك الحلبي زعلان منك وقال ليك
كيف تشبه بندق المسالم بسعادتو؟
أي نعم بندق ديك عدة لكن كمان ما للدرجة دي
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: Ashraf el-Halabi)
|
Quote:
قول لفادي عمك الحلبي زعلان منك وقال ليك
كيف تشبه بندق المسالم بسعادتو؟
أي نعم بندق ديك عدة لكن كمان ما للدرجة دي
|
يا ابو الشوش فادي برئ من التشبيه ... انا الشبهت
فادي كان بسأل عن بندقة بندق سيد اللسم ذاتو
صدقت و انا من الخاطئين .. و زولي دا من الكاذبين عديل!!
ياخ " الببسي " و قيل " البستي كولا " دا دواء عديل في البلد هناك!!
يلقوك في الدكان بتشرب ليك في بيبسي يقوليك : ها آزول سلامات نعل ماك مقبوض!؟*
ياخ نقول بقوا يشربوا كل يوم؟ سوو وط!!؟
و لّ الحكومة ما فاضية توفر " السكر " و المعينات الحيوية دي للشعب .. متفرغة بس للسياسات العليا و الدقيقة!؟
النظام .. يريد اسقاط الشعب
ياخ ما ياها حبيبة السكر البجغموها مع الشاي او البارد هي الصالبة طول " الشعب " دا ... حاسدنو عليهاًً؟ .. دايرين تسقطوهو من طولو مش!!؟؟
--------
* يا زول في بلدنا هناك، المرض يا ( قبضة ) يا ( وردة ) واحدة علاجا البستي دا و التانية قرض بس
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: قيقراوي)
|
يا ابو الشوش معليش ياخ لو خرمت جاي و لّ جاي ..
انت عارف اخوك خرماج ...
بعدين حكاية البارد دي انا معشعشة لي على اساس انها " بيبسي كولا " و اخواتها بواقع تجربة علمية و عملية ... كرعينا دي حفت في " سوق المياه الغازية " ... بيعاً و ترويجاً* ... و تسويق و بحوث تسويق
لذا لزم التنويه
سم سانين - و احب اطمنكم ياها النقطة التانية ذااااااتا المرة دي.. ما جليت - حكاية البندقة دي ما اقتئات مني ... دي شهد عليها شاهدٌ من اهلها دغري .. شوفوا براكم :
Quote: أخي الرئيس أتابع أحاديثك بدقة شديدة في كل المناسبات العامة وأحرص على كتابة نقاط منها أثناء الحديث وأبدأ في تحليلها مباشرة بعد انتهاء الخطاب وأغوص في مدلولاتها وآثارها على السامعين في القرية الكونية جمعاء، وليس على الحشد الجماهيري الماثل أمام المنصة، وأجد نفسي في مرات كثيرة محتاراً كيف أفلتت بعض تلك العبارات من الرئيس، ولماذا لم يؤطر حديثه في نقاط محددة بواسطة الخبراء وطوابير المستشارين اذا لم يكن الخطاب مكتوباً بتفاصيل دقيقة، وهذا هو الأوجب، وقد سمعت حديثك عن الشريعة في القضارف وبدأت أكتب هذه الأيام مقالاً بعنوان (أمر الشريعة بين ارض البعثة النبوية والقرية الكونية اليوم). أطرح في هذا المقال أفكاراً جديدة لإعادة النظر لفهم السعي لتطبيق الشريعة والدعوة للاسلام التي هي من أوجب الواجبات علينا بعد رحيل الرسول الى الرفيق الأعلى وانقطاع الوحي، فالعالم اليوم يمثل قرية صغيرة أو حوش واحد لأسرة واحدة من حيث امكانات التواصل بين أطرافه، وهو بذلك أصغر من أحياء مكة التي كانت تحيط بالكعبة المشرفة أيام البعثة المحمدية، والتي قضى رسول الله صلى الله عليه وسلم فيها ثلاثة عشر عاماً مبشراً ونذيراً، ويطوف بالكعبة وبها ثلاثمئة وستين صنماً دون أن يقدم على كسرها، لأن في مكة أبو جهل وأبو لهب وأمية والوليد وشيبة..... وهؤلاء جميعاً يسكنون معنا اليوم في الحوش الكوني الصغير أو القرية الصغيرة إن شئت، حيث يوجد أبو جهل في بيت أبيض في غربها ويوجد أبو لهب في بيت أحمر في شمالها ويوجد الوليد في بيت أزرق في وسطها ويوجد أمية في بيت أصفر في شرقها...... هكذا يجب أن تكون نظرتنا لعالم اليوم وهكذا يجب أن يكون تعاملنا مع أمر الشرع دعوة بالحسنى وحديثاً عن بضاعة سمحة نسوقها داخل القرية الكونية بالتي هي أحسن، ونتعايش مع الآخر القريب والبعيد جغرافياً منا ولكنه بيننا في واقع الحال الآن، فكل ما يقال يسمع ويرى وكل ما يفعل مراقب داخل الحوش الكوني، وهذه فرصة نادرة لنبيع مبادئ الاسلام بالحسنى وأن نرفع شعار لا إكراه في الدين، وأن نجسد الأنموذج في القيم والمثل......... نواصل
|
الداير يواصل من هنا المقال7 للدكتور مصطفي أدريس المدير السابق لجامعة الخرطوم
---------
* الكملة دي شينة خلاس!! .. مخدرات مخدرات مش!؟
الحقيقة - المرة - كان وظيفتنا في الكوكا كولا " مروج " عديل! ... ودي رقونا ليها بعد كنا " جامع معلومات بحث " او " ماسح سوق " ساي ! .. ودي قريبة ماسح جوخ بالرضاعة
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: Ashraf el-Halabi)
|
Quote:
بالميت بتمرق ليك بملحق ثقافي
|
ما لقيت لي غير ( السغافة ) دي
الكلمة دي بقت بتعمل لي بهق في المصران الاعور ... و انا صاحب عيا بعيد عنك و السامعين
انا مستعد اشتغل معاه - فور فري ي ي خدمة للانسانية بس - في وظيفة واحدة بس : " شيال "
كان شيال حال كان شيال بتاع اوبريت ان شاء الله الشيال البشيلوا مع الفنانين الشعبيين ديلاك. اقيف وراه في كل خطاب، و من يبدا البندقة اقول ليو : اخرصصصصصصص فقد طينتها يا ريس!!
و في ساعات الذهول الشديد من جنس : يا اخوانا الاسرة بتتكون من شنو!؟ .. عارفين الاسرة بتتكون من شنو؟
لا ما عارفين ... اتحفنا عليك الله؟
فيصيح الديك الفصيح ان وجدتها وجدتها : بتتكون من مرا و راجل
الله اكبر
و يواصل - و ليته سكت - لكن في الغرب هناك الاسرة بتتكون من مرا و مرا، و راجل و راجل!!
انتو الشعب البشرب البارد كوللللللللو يوم، و بعبي عرباتو فلللللل دا ما عندو تلفزيون!!؟ .. ما بقرأ جرايد؟ .. مافي حلاوة انترنت!؟
و الله العظيم ثلاثاً حيرت الحيرة إتسلف يا ريس!!!
كامل تضامني مع البروف ( المدير السابق لجامعة الخرطوم )
الجاتك في انـ gangs ـكـ و ذهول " بندقها " عن العصر و الاوان، سامحتك برضو
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: Ashraf el-Halabi)
|
يا ابو الشوش لازم تتمسك اكتر بالتغيير
الليلة احسن من بكرة ...
الكدوبة دي كل ما تطول .. كلو ما كان حكها صعب ...
زولنا - و العهدة على البروف - قالوا كان كويس و بسمع الكلام ... اسي دخل مرحلة الجنون المطلق
ما شفت صدام حسين؟ .. لحدي ما شنقوه ما كان مصدق انو الشعب العراقي ما قادر يفهم ( الجمائل ) القدما ليهم!!؟؟
قذافي اسي بكون متاكد مية مية انو إله عديل ..
نيرون حرق روما قال ايه!؟ .. عاوز يبنيها من اول و جديد بشكل كويس ..
احسن نلحق نيرونا قب ما يجيب عاليها واطيها يا فردة .. بدري بدري احسن ..!؟
------
ندى ازيك ياخ
و الله مشتاقين
ما رديتي علي بهناك ( زي الناس )
وكت بتعرفي تكتبي كتابة سمحااااااااااااء كدا .. المقعدك مع الوهم ناس انحنا و الخال امين و شر اولئك رفيقاً شنو؟
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: معاوية المدير)
|
| Quote: يا وسـخـانـيـن يا مقملين بتاعت العقيد |
يا مدير "الما بتدورو خاف الله فوقو"
ياخ أنا كست الفيديو الفيهو الكلام دا ما لقيتو
في السريع تجدع لينا رابط يا تعتذر لعمك الأخ العقيد
الإتنين وأربعين سنة ديل عمك دا ياهو دا لفظه؟
كان كدا بعدين الجنة حتكون مليانة لعينا ليبيين وليبيات
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: Ashraf el-Halabi)
|
Quote:
كان ما أخاف الكضب الكلمة دي سمعتها آخر مرة في الابتدائي
|
الم تسمع قول حميد :
شكراً جزيلاً يا بحر ..
رغم الكساد بحت لنا العفن المكرن في الزمن من عهد عاد
في ي ي ذمتك اسي ( جزيلن ) دي ما عجبتك
---------
ندى يا بدون
الرابطة ما قايمة هي!! .. لاننا ما بنقدر نحصر العضوية عشان كدا اعتمدنا نفس فكرة حزبنا : ديمقراطيون وكت الفراغ . . حزب سوداني جديد
اي زول معانا .. الا من ابى .. و دا يقدم لينا استقالتو سريع .. و مال بدون كيف!؟
طلبنا من المفكر الشاب الدخلوه ضمن الكتاب - عملوا ليهو مكتبة .. لشنو ما عارف!؟ بذار ساي بس! - طلبنا منو من زماااان يقسم لينا حقنا برانا other لا شمال لا جنوب .. لكنه ابى ..
انا بحملو المسئولية كاملة في الانفصال -البيروقراطي - للجنوب ..
يا ندى الانفصال حالة كونو بيروقراطي - اداري ورقي ساي - هو خطوة مهمة و اساسية للوحدة المستدامة او هكذا اراها من موقع البدون الانا فيهو دا
كيف نقسم التاريخ .. ثقافي /اجتماعي ..
كيف نقسم الارث النضالي؟
الموية و البترول و الحدود ... اللخ اللخ بقية الجغرافيا ساهلة
لكن التاريخ و المصير واحد صحيح لا يقبل القسمة على اكتر من ( قلب واحد ) .. و حب كبييييييير
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: قيقراوي)
|
يا ابو الشوش
ياخ خليت البوست دا ليه؟
زولك دا لعبة ثورة ثورة ما واقعة ليهو كلو كلو!!
حيرنا ذاتو بشوف الظلم في الغير و عماه عن شوف ظلمو هو
بس زي شجرة الدليب خيرا كلو لي برا!!
حيرنا ذاتو ..
يا سعادة العميد ( بالمناسبة حنث باليمين بوقفك هنا دا بس ) .. و بالمناسبة التانية العقيد طلع ما عقيد و لا حاجة، طلع فاكيها فينا ساي .. و العهدة على احد المعارضين الاسلاميين - غلبني القط اسمو - شابكو ليك " الملازم القذافي " قال انو رقى نفسو لعقيد براو بعد انقلاب 1969.. شفت المحن دي!؟
المهم نرجع لزولنا ...
هيا بنا نلعب ...
لحدي اسي لعبة " ثورة .. ثورة " متوفر منها تلاتة نسخ في الاسواق :
- ثورة الياسمين و الصبار ... دي تونسية و لطيفة، ابو القاسم ( الشابي ) .. و زين الهاربين.. جدة
- ثورة اللوتس .. مصرية .. شبابية .. ميدان التحرير .. تنح تنح تنح .. حتى تتنحى بالبركة .. الصورة ضبابية لكن احتمالات جدة برضو واردة ( العرض اليومين ديل كالآتي : استقبل رئيس مخلوع، و احصل على التاني مجاناً ) .
- ثورة ابو دم ابو من غير وردو كلو كلو .. من الصحراء الى الصحراء .. دار- دار .. بيت-بيت .. زنقة - زنقة .. شبر - شبر ... ودي عوارة من ( العقيد ) ساي .. مش؟ انت اعقل من كدا صاح؟
و لّ ما صاح؟
الله يستر بس! .. اذا كان دا العقيد عمل كدا .. العميد كيف!؟
اها على قول ود بادي :
نحن اولاد قدامي لاعبين حرت حراني
واحدين اليبقوا العسكر .. واحدين اليبقوا حرامي
بس عشان نلعب زي ( الناس ): ما تتشبح لينا بين الشعب و النظام ..يا شعب يا نظام .. اختار البناسب شعرك؟
اها حرّت!؟
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: مني التجاني)
|
العزيزة منى التجاني
Quote:
فرقت عـلي ياخ الله يفرق جميع كربك.
|
و الله كان بلقى لي دعوة زي دي كل يوم ياني الحاتل هنا عدييييييييييل في هذا لبنبر الجائر اهله دا
يديك العافية و الله
امس مؤشر النفسيات هبط لما دون الاحمر .. و بتكوني عارفة انو دا خطر رسمي
بالجد مداخلتك دي واحدة من الحاجات الرجعتني - سريع، ما تكلمي زول انا هنا سمعتي بايظة و معروف بقول ما راجع و برجع افاجام ليك تاني - لكن بالجد شكرن ليك.
تحيات كميات
------
رسلت ليك رسالة - بأسمك عديل - في البوست دا:
اعتذار - عله يليق - للجسورة مواهب ابراهيم و للاحباء عمر عشاري و حمور زيادة
و هي تعليق على تعليقك في بوست " طبارك " الذي ليس بيده أي حاجة! .. شفتيها؟
خليك قريبة ح نجي نلعب من ابو عمير دا ثورة ثورة .. و نجرب كل " النكهات " المتوفرة في الاسواق حالياً.
يطيب لنا ان ننوه انو اندر بروقرس كم فليفر جديد .. يمني، جزائري، موريتاني، ايراني، بحريني، عماني،اردني ..
الجودة ليست صدفة .. و الشعوب تصنع الجودة
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: قيقراوي)
|
| Quote: استقبل رئيس مخلوع، و احصل على التاني مجاناً ) |
قلت لي سوقهم كسد!!
بعدين أنا ما سبت البوست، لكن قهمني بندق آخر ،بتاع شرط الولاية ولا شنو كدا ما عارف، بندقنا جنبو ميكي!
الظاهر المفروض نرجع لمطلبنا الأول بتغيير النظام كلو
ياخ دا كل يوم بطلع تصريح بخصوص الفارسة صفية!
ــــــــــــ
منورة يا منى التجاني
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: Ashraf el-Halabi)
|
Quote: رسلت ليك رسالة - بأسمك عديل - في البوست دا:
اعتذار - عله يليق - للجسورة مواهب ابراهيم و للاحباء عمر عشاري و حمور زيادة
و هي تعليق على تعليقك في بوست " طبارك " الذي ليس بيده أي حاجة! .. شفتيها؟
|
يخـربني كان لقيتها..
البوست المعني كشا يا قيقا يا أخوي ...
أظني .. وبعـد الظن إسـم... إستخـدام إسـم تبارك ( صـديقي بالغصـب ) بإدخال حرف ال طا إنستيت اوف حـرف ال تاء تسبب في إدغام عدد من المداخلات أدت الي كششان البوست.ـ
الـزول لاحـق يا قيقا ياخ فلا تجعلنه يترك ما يفعل ويقبل علينا...
البوست شحمان جـدآ ولكني هـذه الأيام لا أستطع لي كتابات أستاذ / كمال عـباس طولا....
فالله الحمد من قبل ومن بعد...
قـد بدأ إستيج جـديد في العمل ... وعينك ما تشوف الإ النور.
عمـوما ولفك بعض الغاز التوادد ها هنا .... فانا تربيت قرابة الثلاث عشر عاما في عطبرة
درست الإبتدائي بالغربيه بنات و الثانوي العام بمدرسة الخدمات
وبعـدها حـدثت الإنتكاسه ... نقلنا الي خرطوم الجن
بجيكم تاني
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: مني التجاني)
|
Quote:
الـزول لاحـق يا قيقا ياخ فلا تجعلنه يترك ما يفعل ويقبل علينا...
|
لوووول
اوع يكون الزول المقصود اعلاه دا زولي الاخدر ( طبارك ) همسلف؟
قلنا ليك ليس بيده شئ
كان بتخافي من طبارك، طيب كيف الحال مع آية الله العظمى حسن الموسوي قدس الله سره همسلف؟
همسلف دي ماركة تجارية مسجلة ليهو رسمي ي ي ي ي
Quote:
[ حسني مبارك همسلف ]*
---
* دا النص الاصلي كما ورد على كيبورد حبيب ألبي حسن موسى بسودان الجميع ( واخدة بال سعادتك استاذة / منى التجاني ... ما تخربي بيتي ياخ! .. ( همسلف ) دي علامة مسجلة لحسن موسى همسلف .. الزول دا ما بعرف هزار اسي يقوم يرسمنا ياخ!؟ )
|
---------
علاقتي بعطبرة علاقة رووتس ؤ كدا .. قيقرنا في اعالي النيل الشقيق - دي من الشق/ الانشقاق - ما شايفة الفردة ندى عثمان شمتانة فيني فوق .. انت قايلة ( بدون ) دي شنو؟ .. اخوك لا لامي شمال لا جنوب .. كاتوقوري براو ( other ) ساي
نعمل ليك سي سي من ردي للعطبراوي عيدروس .. برضو كان قايلا قيقر عطبرة .. القيقرات ما كتيرة ياخ!
Quote:
تعرف لحدت اسي انا حصرت عدد ( واحد ) قرية، و موقعتين حربيتين، و تلاتة احياء( في مدن ) باسم " القيقر " دي .. صدق!؟
غير عطبرة في حي في الابيض و ربك اسمو القيقر
|
يا ستي ليك كل الود بي عطبرة و القيقر او بدونا
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: Ashraf el-Halabi)
|
سلامات د. عزان
| Quote: كنت في السنة الثانية بكلية الطب عندما خرج إلينا الرئيس ليلة قصف (الشفاء) ليخبر العالم كله أن الصورايخ التي ضربت المصنع كانت من طراز (مية وإلفن). أما عن العبارات السوقية و(الدراريب) فحدث ولكن بكثير من الحرج. فناس المحكمة الجنائية مثلا (سيبلعوا قرارهم ناشف) و (كديس ما بنسلموا لأكامبو) و (القرار موصوهو وأشربو مويتو) وغير ذلك كثير. ولعل السيد الرئيس لايدري أن العالم يتابع و يسجل ويحلل ويبني وجهات نظره علي مايراه ويسمعه من (حلايف) علي الهواء الطلق وقرارت أمام الغوغاء يتم التراجع عنها بعد حين، وكلام علي شاكلة (بعد أنفصال الجنوب مافي كلام خارم بارم بتاع تعددية ثقافية) أو شئ من هذا القبيل، وأراهن علي أن السيد الرئيس لا يفهم معني التعددية ولا يعي أن كلامه هذا سيجر علي البلاد فتن كقطع الليل المظلم |
ياخي صراحة الزول دا يكسف
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: ود الباوقة)
|
قيقا ومنى:
"أيها الشباب: خذوا راحتكم في أي مكان في البوست،
في الشوارع، في الميادين،
أورقصوا، غنوا،
أسهروا، عيشوا حياة العز،
عيشوا بالروح المعنوية العالية،
الحلبي ماهو إلا فرد منكم، واحد منكم..
أورقصوا.. أورقصوا وغنوا،
وأفرحوا وأمرحوا
(+ مؤونة عام من البلو كيسز)"
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: قيقراوي)
|
Quote:
الظاهر المفروض نرجع لمطلبنا الأول بتغيير النظام كلو
|
دا الكلام
يلا خلي ابو عمير يختار لينا عواز يفلسع بياتو طريقة..
اوع بس من طريقة العقيد و العملو في شعب عمر المختار !؟
ما قلنا ليكم دي عوارة ساي ياخ!؟
ياخ العقيد ما عرف ليها كلو كلو ..
الناس بيبدو بالبمبان .. من اول مظاهرة " سليمة " رشاهم بالطيارات!!؟
اصلو شنو هو!؟
خلونا نجرب الطريقة اللطيفة التونسية دي ياخ!؟
و دي السيناريو كالاتي :
نحن ( في دور الشعب ) ح نطلع مظاهراتنا في امان الله ( و ما تخاف في مليون واحد محتقن بهناك للبوعزيزي ذاتو. و نظامك الما ميمون دا ميل بختو، و طلع سمنو ذاتو مش زيتو بس.. اها في دي ارقد قفا. و للضمان كدا كان ما حصل بندبرا تب، و ممكن هنا نستعين بالمؤثرات البصرية).
انت كممثل لـ ( النظام ) تطلع علينا بنفس طريقتك البندقية ديك ذات - عشان تكون واقعية - و تقول لينا : " انا فهمتكم " .. ما بتكون فهمتنا و لا حاجتين .. بتغشنا ساي .. كان فهمتنا بتهرب عديل!
انقر شنو نحنا ذاتو ما بنتغش ليك بي الساهل! .. عارف ليه؟
لانو قنابيرنا بتكون ما معانا .. بنكون خليناها في البيوت .. خليك جادي ياخ .. نحن طالعين مظاهرة - مارقين للربا و التلاف - نجيب معانا قنابير؟
تاني يتكرر المشهد الفات باشد منو ..
و تالت - التالتة واقعة - تزيد الحبكة شوية .. المرة دي تقول لينا " الآن فهمتكم " .. اميه اميه يا ريس بنفس الطريقة ديك .. و المرة دي تعدد لينا انجازاتك و بطولاتك " الميل اربعين .. و البترول و تسألنا زي ما سالت قبل كدا : يا جماعة الدهب دا من زمان مش في!؟ .. ما عارف اجابتنا ح تكون كيف .. حسب النفسيات غايتو! .. اها انت افترض انها : ايوة .. واصل طوالي و ما تفاصل : طيب ليه ما طلعوهو من زمان .. بركاتك انت دا بس! .. بالمناسبة - ما حقت هشام آدم - ممكن تكضب ذاتو لاننا طول الخطاب دا بنكون مشغولين بانو نقارن الكلامك ( الساي ) دا بحجم الاذى الاتسببت فيهو انت دا يور سلف .. هل كل انجازاتك دي بتسوى روح واحدة ازهقت سمبلا كدا من أجل انك تستمر في كرسيك دا؟ .. و وكتها ما ح تلقى زول يتعاطف معاك .. صدقني طول خطابك دا انا شخصياً ح يكون صورة طارق زهري باشا في مقدمة الذاكرة .. بتعرف طارق محمد ابراهيم بالمناسبة؟ .. بتعرف فيورباخح طيب؟ .. طيب حاكمنا على شنو؟ .. طارق دا شاب نحيل و وسيم شال احلامو جا بيها الخرتوم محل انت بتنوم، عشان يرجع لامو دكتور. لكن اظنو عشان انت تنوم كويس كان لازم تنومو الى الابد ... مسخت علينا الموت ذاتو بعدو .. الله في .. يمهل و لا يهمل.
اها بعدين ما تجي تتعاور و تتباكى في المساجد و تقول ما كنت عارف! .. اسي انا كلمتك
اللهم فاشهد
احسن ليك تهرب من سجلك الاسود دا، و تجي جدة دي ساي و تتلم على رفيقك زين الهاربين. و تستغفر لذنوبك .. امكن ربنا يغفر ليك، وهو قابل التوب غفار الذنوب، و يقبل منك.. رحمتو واسعة يا عمر .. رحمتو واسعة.
و لّ شنو؟
----------
يا اب و الشوش ياخ و الله كيقتني بانك واحد ممننا دي
و لك ما اهديتنا يا حبيب
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: Ashraf el-Halabi)
|
يا اشرف ياخ
Quote:
شفت تصريح مين كدا الطاهر بتاع البرلمان أمس؟
|
ما عشان كدا سألناهو بيعرف فيورباخ بالمناسبة!؟
ما بعرف فيورباخ!
و ما بيفهم تقرير المراجع العام!**
و ما بلاحظ ساااااااي للثراء الحرام!؟
طيب راجي شنو؟
ما يقوم يروح يفكنا من شروا يدي فرصة للبفهموا !؟
البكاء بحلو قايل!
يا ويلك و سواد ليلك يوم الحساب
ويحك يا عمر ..
تآسى بسميك و سيدنا عمر الفاروق ياخ .. شيل اسمك
الجاهو واحد ، لكن كان على خلاف معه ايام الجاهلية.
فلما تيقن من هويته قال ليو ما معناه انو بكرهو .. فسألو هل دا بنقص من حقوقي في بيت مال المسلمين شيئاً .. فرد بحزم : لا و الله ابداً ...
اها يا بوعمير ( حب ) منك دا طرفنا منو .. ادينا حقوقنا .. و اطلب الله بالله
شكر الله سعيكم ( زي ما قالها الشيبة بعد خطابي مبارك و زين الهاربين " العدوها لينا من و أذى ديك " ) .. من هنا و لي قدام بندبر نفسنا برانا- زي ما قالت " توكل كرمان " بتعرفا؟و برا مناسبة المرة دي - و ما بتركبنا الحيرة و لا بننكص زي عهد الانكاص بتاعك دا! .. شفت كيف؟
تبس - من جنس التبش المفيد - عشان ما تقول ما كلموك
المراجع العام لمن يذكر في تقريرو انو في اربعة جهات ما فتحت دفاترا للمراجعة .. يعني في طق هنا .. و العود كان ما فيهو شق ما بقول طق..
المراجع العام لمن يذكر انو نسبة الاعتداء على المال العام زايدة .. يعني الفساد ازكم الانوف..
المراجع العام لمن يكرر الكلام عن انو المسترد من المال العام المنهوب نسبتو قليلة، يعني انو ( النظام ) دا فاسد تماماً و يحمي المفسدين..
ما بحلك بكى يا عمر
في عدالة عليا .. حيث منتهى العدل .. و منتهى الرحمة
يا ويلك يومها لو صدقت [ الاقاويل ]
رئيس البرلمان: سمعت بأقاوايل حول ثراء (أخوان الرئيس) ..!!!
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: قيقراوي)
|
| Quote: زي ما قالت " توكل كرمان " بتعرفا؟ |
توكلت على العالم المحيط وقوقلتها طلعت بتاعة حريات ومناضلة كيبوردية ساي!
لكن عمك فيورباخ داك يطلع شنو؟
ـــــــــــ
يا قيقا ابن الخطاب لو قام بعاتي وجا في زمننا دا لوسمه الجماعة بالـ "العلماني المتفسخ"
أو كما قال مظفر النواب مخاطباً الإمام علي "أنبيك عليا: لو جئت اليوم لحاربك الداعون إليك وسموك شيوعيا"
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: Ashraf el-Halabi)
|
Quote:
توكلت على العالم المحيط وقوقلتها طلعت بتاعة حريات ومناضلة كيبوردية ساي!
لكن عمك فيورباخ داك يطلع شنو؟
|
يا ابو الشوش و الله عمك قوقل خذلني .. هو همسلف ما بعرف " توكل كرمان " .. ياخ دي بت زي الورد
توكل كرمان شابة يمنية حزب الاصلاح بتاع الزنداني .. كوزة ؤ كدا يعني.
عشان تعرف انو بتاع البرلمان - الما ناقش وظيفة البرلمان شنو ذاتو! - بتكلم ساااااااي
قال ثورات شعبية اسلامية قال ..
هو انت الاسلاميين ما بتعرفم .. داير تقنعني انو الكلام البيض دا مبنى على تحليل علمي ممنهج!؟
قوم لف يا مين كدا ( الطاهر ) و سوق معاك رفيقك البشير دا لفوا .. و في طريقكم كولكت اني بيبر تلقوها .. او كما قال حمودي العسل
---------
Quote:
لكن عمك فيورباخ داك يطلع شنو؟
|
يا ابو الشوش لا تسألوا عن اشياء ان تبدى لكم تسؤكم1
فيورباخ دا كدا عرفتوهو كلكم بتجوا تقولوا دايرن تبقوا رؤساء ؤ كدا..
في فلم كدا عمك حسن حسني ممثل دور عمدة ؤكدا، لقط ليك " اندر وير " حسب الاضان الصعيدية المتواطئة مع ضهاريهم " اندر ورور ) - و الورور هو الفجل و اللله ثم الصعايدة اعلم - اها بقى يحشرا في خطبه العصماء، لمن يليه من الرجرجة و الدهماء. يوم سألوه عن معنى " الاندر ورور " - طبعاص الورور عرفوهو لكن الجاب " الاندر لاب " شنو كمان !؟
انقر ردوا - و اخفاء الخيبة المعرفية - كان شنو؟
لا دي لو شرحتهالكم بأأ كلوكو ح تبؤا عمد بأأ!؟
اها من اجل صحتكم النفسية و سلامة قواكم العقلية .. و سلامتكم انتو ذاتكم ( لو وريتكم ليها ح اضطر اكتلكم كلكم ياخ ) .. و لي خير كدا خلوها سااي
( فيور ) ما عارفو صراحة! .. لكن ( باخ ) هو اسم دلع لزميل البورض بخاري عثمان الامين
بالجد :
دي وهمة فكا فينا هشام آدم ساي يا حبيب
عرفتو من قلتا فارقة هي!؟
جايي في الامتحان اصلو هو!؟
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: قيقراوي)
|
ذكر فان الذكرى تنفع ايه؟
المؤمنييييييييييين
يلا يا ابو عمير
Quote:
طارق دا شاب نحيل و وسيم شال احلامو جا بيها الخرتوم محل انت بتنوم، عشان يرجع لامو دكتور. لكن اظنو عشان انت تنوم كويس كان لازم تنومو الى الابد ... مسخت علينا الموت ذاتو بعدو .. الله في .. يمهل و لا يهمل.
اها بعدين ما تجي تتعاور و تتباكى في المساجد و تقول ما كنت عارف! .. اسي انا كلمتك
اللهم فاشهد
|
بتعرف حرقة حشا الامات؟
خليك من حناكيش البنادر ديل ياخ!. .النحدسك انا قيقا راعي دا - عارفك بتفهمني كويس - تعال نحدسك حديس الخلا، و كما قال انت دا الرفيق الفسل شنو يا ابو عمير البياكل براو بخنق ياخ!؟ خليك زي العقيد دا و ابهلا .. [ الزلابية للجميع ] ياخ!
حدثنى من لا اشك في صدق حديثه، و هو البدوي القح - صراحة القصة دي احترت فيها اكتر من تعريضا لمعيار صاح/غلت! ..
حكى لي انو كان في راعي أبل، بتعرف الابل كويس صاح؟ .. اها بتكون عارف انها عندها مشاعر و احاسيس زي زيك كدا .. رسمييي. بتفرح وتبكي و تحقد كمان .. المافي شنو!؟
اها يوم بركت ليك في صغير الراعي - و يا للهول!! - جابت اجلو! .. تعرف الراعي - صراحة هو قاسي القلب - اصر لانو فاهما ليك زيييييييين، ما زي فهم زين الهاربين لكن، فاهما كوييييس .. اصلو ما سأل " الناقة "* .. بس جاب ليك صغارها ما اصطلح عليه في لجتنا الرعوية بـ ( حاشي )، وعددهم اتنين ( حاشي) .. بدا يمارس طقس صحراوية جلف بالاستمتاع في تعذيبها و نحرها- دا بعد قيد الناقة الام- عشان ما اطول عليك ( صراحة الوضع فظيع ذاتو ) المهم تعرف بسقوط الحاشي الاخير، خرت الناقة صريعة و وجهها مبلل بدموعا!!
اتففت كبدها رسمي ..
يااااااااه يا عمر .. قادر تحسب كم ام حرقت حشاها؟
يا عمر قادر تشتعر حجم العذاب و الالم الاورثتو لناس بسطاء .. ما حصل ضروك بشئ
ويحك .. و يا ويلك
حتماً سيأتي يوم الحساب
و و الله اني لاشفق عليك مما تنوء به صحائفك
فوق كم كل الكلام دا؟
ما قلت هي لله .. بعت آخرتك بدنياك ليه طيب !؟
اعترف انها ما كانت الا لدنيا تصيبوها و تفسدوا فيها .. و ارحلـ/ـوا غير ماسوفٍ عليكـ/ـم
لو كانت صادق في ذرة من كلامك الكتير و مسيخ دا، خليك رباني و نزه الحق تعالى عما تدعون .. وهو الذي حرّم الظلم على نفسه.
انت قايل الخطاب الديني قاسي هو!؟
---------
* الحناكيش في البنادر بستنوقوا " الجمل " عادي .. ما فارزين شي.
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: قيقراوي)
|
| Quote: الحناكيش في البنادر بستنوقوا " الجمل " عادي .. ما فارزين شي. |
ياخي دي هينة، ما الجمل والناقة ولاد عم
لكن عاين الكيزان بيستحمروا ابن آدم كيف:
| Quote: صرح خبير عسكري متقاعد طلب عدم ذكر اسمه ان الوثائق التي نشرتها الحركة الشعبية وادعت انها وثائق لاثبات زعزعة الامن بالجنوب هي وثا ئق مزورة بصورة واضحة.. (إلى آخر الترهة) |
"طلب عدم ذكر اسمه" دي يا قيقا حسب علمي بعملها الزول الخايف على سلامته أو منصبه
خبير الجن دا طال ما قاعد في الخرطوم ونفيه دا لصالح النظام خايف من شنو؟
يكون خايف على منصبه، يعني خايف يحيلوه للمعاش من شغلة التقاعد حقتو دي؟!
أظن دا نفس الشخص القبل فترة في موضوع صفية ولا وحدة من كببهم ديك فبرك ليهو مقال نفي باسم صحفي ما في زول سمع بيهو والمقال كله كان عبارة أخطاء إملائية!
الزول الماسك قسم النفي في الأمن دا يا قيقا يمين قعد ياخد مرتب في الفاضي ساي!
والله دا شغل حقارة عديل، يعني الكيزان مستخسرين فينا حتى نفاي أحسن من الخنيتة دا!!؟
غيروا لينا الزول دا برضوا بلاي
تقول لي استنواق!!
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: محمد مصطفي مجذوب)
|
Quote:
ياخي دي هينة، ما الجمل والناقة ولاد عم
|
يا ابو الشوش الفرق ما فرق ( مقدار ) بايولوجي او مرتبة احيائية ..
لا لا ياخ!؟
زي ما تقول كدا فرق ( نوع ) .. ما يعادل -عندكم في البنادر - يعني جندر ؤ كدا
( الناقة ) فضلة خيرك الجكس ؤ كدا ..
ما جاية مش؟ .. ( ناقة) و ( جيك)!!!!؟
سم سانين هي مشكلة لغة .. بتلاحظ دايمن في الحروب منذ " داحس و الغبراء " لحدي " ميدان التحرير"
تتكرر نفس عبارة ( ابن عباد )*.. " لا ناقة لي فيها و لا جمل " ..
لووولين تلاتة
اها انكربوا ساي عاد .. حسني مبارك ما ليو لا في العير و لا في النفير .. اها كيف حلكم مع راعينا دا!؟
تشوفوا ليكم جنس بلطجة .. داب بلطجة هو !!!
-------
بتعرفوا بالمناسبة؟ .. اها جنس ابن عباد ديل ياهم البحسموا المعركة .. كمصطلح حديث ( سيوفهم ) هي الـ " changing guns " جرجرتم الى ارض المعركة هي العلامة الفارقة لانتصار الثورة.
و ما احوج الثورة الليبية اليوم لـ changing guns
العقيد افترى عديل امس!!
لكن لسه في جنو و غباهو الاول .. لسه بينكر انو في " مظاهرات سلمية " ليه ما عارف!؟ غباء بس ..
و لسه بنكر القتلى .. و تاني يقوم يجيب سيرة البحر و يقول كلهم زي ميتين (200) بس .. ايش قتلى بالآف!؟
انقر شنو؟ .. الشعب الليبي ما اتسيك ؤ كدا!! .. طلع انو عامل الثورة دي ضد سلطتو هو ذاتو و العقيد منذ 1977 سلمم ليها لكن هم ما جايبين خبر بس! .. لمن في الاخر ثارو علي نفسهم المطاقيش!!
ياخ امس ما عرفت اضحك و لّ ابكي .. اتحدى ليك الغرب كلو في جزئية " سلطة الشعب " و خصوصاً فرنسا و بريطانيا انهم يدوا الشعب حريتو!؟ .. فرنسا اتسلف!؟ اتخيل .. عارفك ما قادر تتخيل!! .. القائدي الاممي الثوري ما سمع بالثورة الفرنسية كلو كلو!
ثورة .. ثورة .. و خبط بكامل قبضته على الطربيزة .. و لوح بكلتا يديه بحركة هيستيرية عقيدية بامتياز
كامل تضامني مع الطربيزة ذاتو
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: Ashraf el-Halabi)
|
Quote:
هوي يا قيقراوي ... ارع بي قيدك
|
لووووول
لسه ما ادوني ( قيد صحفي ) يا عمك!؟
خلي راعينا دا يكلم لي الجماعة .. بعدين بنبطل الرعي الجائر
----
Quote:
حركة لبع المنبر بتاعت العقيد دي أنا محتار فيها!
خصوصاً عملها بعد ما الخطاب إنتهى وقام ماشي!! |
انت لسه بتحتار يا ابو الشوش!؟
ما ( عقيد ) بس .. و ليس على العقيد حرج!
الزول دا لو دققت بتكلم ساب بس!
الحتة بتاعة [ غنوا و ارقصو و عيشوا المجد ] ديك نهايتا شنو ؟
[ و استعدوا ] !! يستعدوا لشنو!؟
حنجلة بس!
في ي ي ذمتك حتة [ انا مناضل .. انا ثائر .. من البادية .. من الخيمة ٍ] دي ما كيفتك في حنانك؟
اخر التقارير - من مصادرنا الخاصة " جابتو العصفورة " - قالت انو الخيمة دي دبابة ما بتخترقا .. الشغلة خوفة على الرويحة الحلوة دي ساي، ما قصة اصالة ؤ كدا!؟
نرجع لزولنا
Quote:
عمك الفارس بتاع "قربا مربط النعامة مني" دا بعرفوا ياخ
|
بسسسسس كتلتو كتل
كان بربط حواجبو الكثة بحبل عديل لانها بتقفل العيون.
اها فرسان زي ديل دايرنهم جوة الميدان.
هي معركة كرامة و حرية .. معركة شعب اراد الحياة
معركة الخير المحض ضد الشر المحض .. حيث لا حياد
يا عمر موعدنا 21 مارس .. و ميقاتنا المكاني الخرطوم
و التاريخ ليس مصادفة .. عيد الام
بتعرفو يا عميرة؟
ح تشتعل الخرطوم لاجل الشهداء .. لامهات الشهداء
نذكر الآن .. الآن جميع الشهداء ..
نذكر الآن .. الآن جميع الشرفاء
كل من خط على التاريخ سطراً بالدماء
علي فضل .. علي الماحي السخي .. عبد المنعم سلمان .. عبد المنعم رحمة
و شهداء الحركة الطلابية بشير الطيب، و سليم ، التاية ، طارق ، محمد عبد السلام ، ابو العاص ، سوميت، و بحر ...
سلاحك رصاص و سلاحنا دماءنا
ح [ نشتري المجد باغلى ثمن]
و[ على الحرية منو بوصينا؟]
بتعرف المك نمر بالمناسبة يا عمر؟
ما اظنك بتعرفو! .. اشك في ذلك
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: سفيان بشير نابرى)
|
Quote: الحتة بتاعة [ غنوا و ارقصو و عيشوا المجد ] ديك نهايتا شنو ؟
[ و استعدوا ] !! يستعدوا لشنو!؟ |
يستعدوا للـ "No fly zone"
وإنتا سيد العارفين يا مارشال، "نو فلاي زون" دي شاملة حتى الضبان
يعني ضبان باب العزيزية تاني من الحبيان ما تفرزه من النمل
عقيد الخيل دا يا قيقا بعد قلعوا منو جوكر الطيران يبقى خش الـzone من أوسع أبوابه
وحبة المحافظة ما عندو
تاني إلا يركب جمله أو ناقته أو أياً كان جندره
تفوق على عقيد خيل اليمن وفاز بلقب "ثالث المخاليع" وانتزع لليبيا الميدالية البرونز
حظ أوفر لأبو يمن في المرات القادمة (إف ايني)
إنتا عمر البتناديهو باسمو حاف دا أوعى يكون عقيد خيلنا!
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: Ashraf el-Halabi)
|
Quote:
يستعدوا للـ "No fly zone"
وإنتا سيد العارفين يا مارشال، "نو فلاي زون" دي شاملة حتى الضبان
يعني ضبان باب العزيزية تاني من الحبيان ما تفرزه من النمل
عقيد الخيل دا يا قيقا بعد قلعوا منو جوكر الطيران يبقى خش الـzone من أوسع أبوابه
وحبة المحافظة ما عندو
|
لوووووول يا حلبي
سيد العارفين شنو ياخ! ..
النو فلاي زون دا الح ينفذوا ليكم منو؟
ما " حلف شمال الضهرة " دا اتسلف ياخ! .. شايف شمال الاطلسي جايبلو رخية كدا!
عليك الله شفت ليك زول ما عندو ذمة و لا ضمير زيو؟
خليو يرجى الراجيو بس
امس الفارين من جحيم " اجدابيا" - بعد ما خلّاها خل!! - بحلفوا انو حتى لو مات ح يطلعوهو من قبرو و يحرقوه .. مش زنقة - زنقة .. حفرة - حفرة .. او كما قال "
يومو قرّّّّرررررررررب
اما راعينا دا ( الزول عميد ياخ! ) لا تبخسوا الناس اشياءهم ..
فنقول ليو : بتعرف رفاق الشهداء بالمناسبة يا عمر!؟
اها ديل نحن ديل .. عرفتا!؟
فاستعدوا
و جاينك يا عمر .. جاينك
شبر- شبر .. و زنقة- زنقة
--------------
نابري .. يا نابري
تعال نعينك نايب رئيس حلف شمال الضهرة
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: قيقراوي)
|
يا ناب
Quote:
انتو سمعتوا قصتوا مع سفير الدنمارك؟؟
اتشاوروا وتعالوا
|
لا ...
تحكيها لينا بس؟
انا ذاتي جاي احكي لعمر " قصة ثورة " او في رواية كجيدة " الملحمة "
اسمع - بالمناسبة - انتو الغنية الختيتا فوق دي بشتغل معاكم؟
انا لا!
بليز كونفيرم؟
ياخ طيب لو عندك ما تنزلا يا سفيان ياخ؟ " نحن رفاق الشهداء - وردي "
--------
حبيب البي اشرف
عمر المقصود هو عمر همسلف
ليه مستغرب؟
بعدين هو ما عقيد .. الا الخيل في
اما اذا كان وجه العجب في سؤالي عن " المك نمر " فلا عجب
ياخ نحن بندعوا لدولة مدنية حديثة ياخ! فاكيد ما قصدت شئ قبلي او وعي عشائري..
المك نمر تم اسطرته لايقونة سامية لإباء الضيم .. و رفض الحقارة
وياني رديف الموج
علي هايل الزرقة
وقصاب حيتان المالح
مشطور بي سيفي وملهوف
بين شهوة سيف ابن ادم
وبين غفلة ناقة صالح
مشدود كالزمن الكالح
الدلكة دميرة هذا العام
قراءة جديدة من تحت خيول الترك
من ظهر خيول المك
للدم السايل من قدح الدفتردار
نص :
غابت شمس الحق
طلع البدر علي نخل الاجساد
وبلال العبد الحبشي
إتوازى في صدرو العام بالخاص
غضبة مملوك ومقاتل
أحد أحد أحد
ينثر ريحان الاخلاص
شايل جسدو من عباد الشمس
معالم واضحة
والحر دافق في وشوا بحيرات افريقيا
ناده من تحت حوافر الخيل
ما تخاف ( مكنا ) قومي ..
سارقوا الدم في الروح والجتة
يطلع فارس درويش
يسارق الدم في الروح والجتة
يلبس علي شكل الارض مرقع
غابة وصحراء ونيل
يسارق الدم في الروح و الجتة
يملص درعو في كرري
يلبسو فارس بي كسكتة
ويخطط اوردة الجسد النّور
للنيل الوهج الازرق
شارعين ومحطة وغيم رحال
---
في سِفر الدم التاني
المك إتوكا النيل
ويمكن تستاء القلابات
امكن تشرع في تكييف الحال بالدم و الرقص الشعبي
امكن تحتمل الثورية الفذة
اللخ اللخ
لكن حتماً ...
يطلع مك من يات من حتة
تشرق شمس العرس الغابت
يمشي الحق ويخت الختّة
ما لاقيت من غير الصامد
ما لاقيت من غيروا البتة
يمرق حاضن الفعل السيد
شال نوار الثورة وحتّ
وحددوا ابعد حتة متمة
شفت كيف؟
دا من ضمن استدعاء الشرفاء الخطوا سطراً بالدماء في تاريخ امتنا العظيمة ..
ح ندعوهم جميعاً و نستلهمهم حتى مشرق شمس العرس الغابت .. من لدن ترهاقا و بعانخي .. و حتى شهداءنا في العهد الغيهب دا .. و حتى آخر قطر دم.
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: قيقراوي)
|
يا قيقا nap شكلو أداها نومة
مهما كان
حكاية العقيد مع سفير الدنمارك ما أظنها تبز تنظيمه في التمنينات مؤتمرين، صرف فيهن ملايين الدولارات من ثروة الشعب الليبي المسكين لـ "تحرير الهنود الحمر من الإمبريالية الأمريكية"
أما الليبيين الذين ينشدون التحرر من امبريالية الترللي فلا بواكي لهم!
الحاجة النزلتها دي ما شغالة
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: Ashraf el-Halabi)
|
Quote:
الحاجة النزلتها دي ما شغالة |
خسارة و الله
هي " نحن رفاق الشهداء "
نبايع السودان سيداً
نبايع الشهداء والداً و ولداً
نبايع القرشي قائداً
Quote:
أخيراً فهمتك - أخي الرئيس! (د. محمد عبدالملك المتوكل)
24/1/2011 - الصحوة نت – صنعاء:
كنت أستغرب لماذا أصر الرئيس على أن يظل رئيساً, وبعد اثنين وثلاثين عاماً من الجلوس على كرسي من نار, مملوء بالثعابين والعقارب - كما قال هو- بدلاً من أن يترك غيره يتحمل هذا الهمّ، وقد أدى واجبه وأزيد خمسة وعشرون مرة!
أخيراً وبعد (32) عاماً فهمت كما فهم ابن علي ما يريد شعبه بعد(23) عاماً من حكم تونس, والفضل في فهمي المتأخر للقاء المشترك والذي بدأ يطرح تدوير رئاسته بعد أن اعتليتها ستة أشهر بالكمال والتمام. لم يهن الأمر عليّ، إذ كيف أنام مساءً وأنا رئيس وأصبح وإذا أنا عضو، والرئيس غيري.. إذا كان هذا قلقي وفجيعتي وأنا أرأس المعارضة التي لا مغنم في رئاستها سوى جزاء الله عن الغرم, فما بالك برئيس الدولة الذي تجيء إليه الأموال, وما فوق رأسه رأس, ولا جنب نخسه نخس, يأمر فيطاع, يلتفت فتدور الأعناق, يقتل فيهتف له "الخُبرة" بالنصر ويدعون له بالبقاء, يظلم فيشيدون بعدله في الورى, يفسِّح على الأولاد والأحفاد والأخوال والأعمام والأزلام والأقزام والمؤلفة قلوبهم, فيعجب الناس من كرمه ومن محبته لأهله وخبرته, ويسخرون ممن لا يُغنى في عهده ولو مات الشعب جوعاً من فقره! لاشك أن الرئيس محظوظ؛ فحين يقترب موعد رحيله دستورياً يتلقى الراعي والبركاني الغمزة، وإذا بهم ينادون بالويل والثبور وعظائم الأمور لو ترك الرئيس الملهم موقعه؛ فتهلّ التعديلات ويتسابق المصوتون, وتدق موسيقى فرقة (حسب الله).. غانم والرصَّاص في الوجود, وطارق واللوزي يحنّوا, وجمعية الحكمة تفتي, ولقب أمير المؤمنين مستخبي إلى وقت اللزوم؛ فلا الترابي أجدع منهم ولا النميري أحق باللقب من الرئيس علي.
حاولت أن أقلّد الرئيس دفاعاً عن رئاستي للمشترك دون جدوى, غمزت لأعضاء في الحزب الذي أنتمي إليه وإذا هم حنبليي لائحة, حاولت المغالطة في الموعد وإذا الكل مستعد بالمحضر, حاولت أطالب بالتمديد وأبرر أنه لمصلحة الوطن والمواطنين وإذا الجميع ينظرون إليَّ شزراً.. لم يكن أمامي إلا أن أفهم ما يريد المشترك وأرضى بما قسم الله. وما يزيد الطين بلّه أنه إذا كان رئيس الدولة سوف يحتفظ بلقبه "رئيس سابق" فإني لن أحتفظ سوى باسمي الذي تبرع به أبي مضافاً إليه لقب "دكتور" شقى جهدي.
أخي الرئيس, لقد فهمتك أخيراً.. فهل تحمد الله تعالى وتفهم ما يريد شعبك في وقت مبكر؟ سيأتي من يقول لك: أنت لست ابن علي, والشعب اليمني ليس شعب تونس, وهذا صحيح, لكن ذلك يعني أنك مسلح والشعب مسلح والحجر من القاع والدم من رأس القبيلي. الأمر أبسط من كل ذلك.. أعد السيف إلى جرابه والعسكري إلى ثكنته, وأعط الشعب ما يريده.. والجهل طول الزمان عيب!!!
نقلاً عن صحيفة (اليقين)
|
المجد لشهداء اليمن السعيد .. و على الشاويش علي الاستعداد لمواجهة غضب الشعوب .. و بئس المصير
------
انا ذاتي فهمت زولنا دا بعد تجربتي - غير الطويلة - في قيادة حلف شمال الضهرة
انا المجد .. من انتم!؟
اوع واحد فيكم يفكر ساي انو ينازعني في رئاستي يا جرذان ..
انا قائد اممي .. ثائر .. مناضل .. من الخيمة .. من البادية ...
لو كنت رئيس او ملك كان لوحت بالاستقالة في وجوهكم ... جراثيم
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: قيقراوي)
|
يا مارشال الظاهر الشغلة دي محلوجة والبنادق في كل مستوياتها!
شغل القطعة ما حيحوق في الناس ديل، عشان كدا نرجع لمطلبنا الأول "تغيير النظام من شروشه"
الشعب يقتل بندقاً والأرض تنبت ألف بندق
عان زي دا:
الراجـل فيكم خليهو يطلع للمسيرة !
يا بكري لو ممكن غير لينا صاحب* اللنك الفوق دا
هو يدعي إنو صحفي محترف
صحفي وما عارف إنو التظاهر حق دستوري (بت الكـلب يا الصحافة)!
فبالله غيرو لينا، إن شاء الله براس ماله
بأي حاجة ياخ
بفرد في عصابة
ببلطجي
بنشال
باتنين شمسون (سلسيونهم علي)
قطع شك أي واحد من القائمة الكريمة دي لغته حتكون أفضل منه
ــــــــــــ
* لو طلع مهكر له اعتذاري لكن غير لينا الهكر
| |
|
|
|
|
|
|
|
|
|
Re: خلاص خلينا تغيير النظام لكن غيروا لينا الزول دا (Re: Ashraf el-Halabi)
|
Quote:
صحفي وما عارف إنو التظاهر حق دستوري (بت الكـلب يا الصحافة)!
|
يا ابو الشوش الكدوبة، بالحك بس .. و من الجذور
الناس البتلغلغ برّة من راسا و برّة من ( الكراس ) ذاتو دي .. من لغاليغو بس!
ما في حل تاني!
الزول دا اديتوهو اكتر مما يستحق ( مهكوراً كان ام مخموراً .. او حتى كان زول عقيد ساي )
المارشال المطلوب مشغول حالياً
مشغول بقطيفة
مشغول بالنتائج ياخ
شوف ...
مبروك للشاويش علي جا ( التالت ) و منقول لجدة
عاوز خيارات يا شاويش علي ؟ .. نديك خيارات ما نحن - فضلة خيرك - ديموغراطيين ؤ كدا ..
نديك خيارات .. المافي شنو!؟
| |
|
|
|
|
|
|
|
| |
Ashraf el-Halabi
خضر عبدالغفور
ALazhary2
طارق جبريل
معاوية المدير
قيقراوي
حبيب نورة
ندى عثمان حسن
عزان سعيد
تبارك شيخ الدين جبريل
محمد مصطفي مجذوب
ممدوح أبارو
سفيان بشير نابرى
فيس بوك
تويتر
انستقرام
يوتيوب
بنتيريست