مشكلة الحوار الديمقراطي يا قيقا انو في معظم الوكت -مش بس وكت الفراغ- بيدور بين اشخاص بينتمو لابعاد مختلفة زي ما في افلام الخيال العلمي لما يكون في مجموعة جايين من احد ابعاد الكون و مجموعة تانية جايين من بعد آخر تخيل انت شكل الحوار حيكون كيف..يا خي اعضاء الحس ذاتها بتكون مختلفة بيناتم ديل بيسمعوا باضنينهم و التانيين عبر قرون استشعار وللا حاجة زي كده.
المهم يا قول الأخ تبارك شيخ الظهر.
05-25-2010, 04:12 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
د. سيف ازيك ( دي آخر مرة ح نستخدم القاب علمية فيها فما تتعود عليها . . سمح )
هنا كلو صابون . . ما ديمقراطيين ياخ . . شايف كيف
تعرف يا ابو السيوف ديمقراطيتي المقترحا ليكم دي انسب شي لشعب المليون ميل مربع ابو 40 مليون ميل و مزاج دا عاملة ماتشنغ مع سيماتو : الكسل . . عدم الالتزام بفكرة . . الثبات و الاتساق . . الشمولية بالميلاد و المتجذرة فيهو . . و نحن و نحن الشرف الباذخ . . الخ
لما لقيتي لي فرقة في زمن فارغ حاولت افكر ليكم فكرة احسن . . لكن قارئة فنجاني قالت لي : طريقك مسدودٌ . . مسدودٌ . . مسدودٌ اريتو " السد " كان جات علي شملة كنيزة الهي تلاتية و قدها رباعي . . لكن جلى و جا في طريقي انا دا
يا زول هذا او الطوفان عديل
05-25-2010, 10:10 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
قيقا يا شفق المغارب الضارب في قلوب الكون كهارب ، السلام عليكم ! يا شيخنا نحن كمواطنين في السودان الشقيق ده ما عندنا كبير غرض بالديمقراطيه : لا في أوقات الفراغ ولا لمن نكون مشغولين !! الشغله بتاعت الراي و الراي الأخر دي بنسمع بيها سماع لكن ما عندنا بيها كبير غرض ، عشان كده أي خلاف في الراي بيؤدي إلي خلاف شخصي و العلاقات الشخصيه هي البتحكم أراء الناس إلا ما رحم ربي .
---------- بجيك تاني كان الله للزمن ادانا و من الموت خلانا عشان احلل ليك جدليه العلاقه بين الديمقراطيه و الشعب السوداني الشقيق حيث لا علاقه هناك !!!
05-26-2010, 00:11 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: قيقا يا شفق المغارب الضارب في قلوب الكون كهارب ، السلام عليكم !
و عليكم السلااام و رحمتو الله تعالى و بركاتهو حبيبنا و الله مشتاغون رسمي
Quote: يا شيخنا نحن كمواطنين في السودان الشقيق ده ما عندنا كبير غرض بالديمقراطيه : لا في أوقات الفراغ ولا لمن نكون مشغولين !! الشغله بتاعت الراي و الراي الأخر دي بنسمع بيها سماع لكن ما عندنا بيها كبير غرض ، عشان كده أي خلاف في الراي بيؤدي إلي خلاف شخصي و العلاقات الشخصيه هي البتحكم أراء الناس إلا ما رحم ربي .
---------- بجيك تاني كان الله للزمن ادانا و من الموت خلانا عشان احلل ليك جدليه العلاقه بين الديمقراطيه و الشعب السوداني الشقيق حيث لا علاقه هناك !!!
تعرف كدا كتلت لي البوست دا ؟ بالضبط دى زبدة البوست . . سامعني يا وليد يا شفت ؟ ياخ دايرين حاجات بسيطة زي دي بس ديمقراطية شنو ؟ و الناس جعانة وبتموت بالجهل و الفقر و الجوع و المرض ؟ الافضل ما نرهق البسطاء باحلام اكبر كاهل احتمالم
كدي عاين هنا :
عادي ياخ . . سلحفاة سلحفاة . . فارقة كتير ؟! يلموا فيها المسغفين اسي تبقى بشتنة و رقاد واطة ! و هاك يا غلاط : لولههم بالاسامي الاجنبية يجي واحد يقول ليك استيف اوستن قال : " البباري الجداد بوديهو الكوشة " اسي كدا المفهوم بكون ما فيهو اتساق لانو بعد السياق الجات فيهو جدادة في نسق قفص السلحفاة دي ببقى البباري الجداد ما بوديهو أي محل ! . . و دا مفهوم متناقض مع ذاتو " ياخ ما تقوموا تلفوا بالله
-----------
ياخ مبسوط منك بالجد و من معاييرك ان شاء الله ربنا يسهلا عليك بفضاوة زمن نملأ بيهاالفراغ دا
05-25-2010, 11:41 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: للحلم الأمريكي أكثر من صورة لكنَّ أجلّها تلك التي كانت محور خطبة مارتن لوثر كنج بأطلانطا في الرابع من يوليو عام 1965 وهي الصورة الواردة بـ"إعلان الاستقلال الأمريكي" والتي أعملتُ جهدي في ترجمتها إلى: "إنّنا نعتبر هذه الحقائق بديهية، أنّ كلَّ الناس قد خُلقوا سواسية وأنّ الخالق قد وهبهم حقوقاً أصيلة لا جدال فيها وأنّ من ضمن هذه الحقوق الحق في الحياة والحق في الحريّة والحق في السعي إلى تحقيق السعادة"
Quote: إذا حضرت "الآيدولوجيا" بطلت الأحلام.
Quote: إن الحلم الأمريكي المذكور في أعلاه ظل مكتوباً على جناح جبريل "الآيديولوجيا"، تلك النسخة من الآيديولوجيا التي تعني تصوراً للنظام الاجتماعي المرغوب فيه، فهو إذن لا يعدو كونه حلماً طوباوياً.
Quote: ...حلم الجعان السوداني...
...حلمٌ مكتوبٌ على جناح جبريل آيديولوجيا أخرى هي وثيقة الحقوق التي تشكِّل الباب الثاني من دستور السودان الانتقالي للعام 2005 وهو، للأسف، ليس أفضل حالاً من أخيه الأمريكي!
Quote: "...لكل إنسان حق أصيل في الحياة والكرامة والسلامة الشخصية...لكل شخص الحق في الحرية والأمان، . . .
Quote: والمسألة ما محتاجة إلى الكثير من البحث. لا، ولا إلى انتظار البعث بحيث يخرج إلينا مارتن لوثر كنج ليخبرنا أنّ أغلب عناصر هذا الحلم السوداني تبدّدت قبل أن يجف الحبر الذي كُتِبت به. حسبُك أن تنظر حولك في مواضيع هذا المنبر والمنابر (الاسفيرية وغير الاسفيرية) الأخرى لتعلم أن حلم الجعان السوداني وثيقة حقوق كهذه يموصها ويشرب مويتها لعلّها تسدُّ رمقه وهيهات!
و اضاف القطب الغوث سيدي البدوي نفعنا الله بعلمه ومدنابمدٍمنه متصل . . . في سفره العظيم سـودنةُ الحـلمُ الأمـريكي ... ونواصل في هذا الإنشاء، إن شاء الله وموضوعنا التالي: مارتن لوثر كنج قال ليكم "يس" ساعدوها بي "جكّة" يلا ورونا جكتكم : همبيرغر ام هم المبيت ؟
05-26-2010, 00:40 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
في السودان الشغيغ حتى الركشات عندها حلم يا سيدي البدوي
ربنا يحقق الاماني يا اخت ركشة ياخ . . بس ابعدي من الايدولوجيا او كما وردت برواية قيقا عن سيدي البدوي : هواء الدباغة اذا دخلت الايديولوجيا من الشباك خرجت الاحلام من الباب . . او كما قال
خذوا الحكمة من نسافات العربات و خصوصاً الكبيرة - اللواري و انت طالع - و الما عندو كبير يشتري ليهو كبير
قال لا عجب قال
وين ياااااااااااا . . و دا شنو ؟
لعناية المفتش وليد اسي دي ما صورة مقلوبة اخير منها حقتك ديك ؟
05-26-2010, 07:32 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: يا قيقا ياخي الحاصل شنو البوست اتملا سلاحف و ركشات و كيسه ؟!! القصه دي بتصعب لي مهمتي كمفكر لانو ما بقدر اشتغل في البيئه دي !!!
يا زول ركز معانا ما دي عدة الشغل ذاتو ياخ !! لازم نحدث فرق و ( تفكيرنا ) ما يتجاوز بيئة الركشات و السلاحف و الكيسة و المفتش الشفت دا ذاتو
انت قايل ( المفكرين ) التانين ديلاك قاعدين يفكروا جد جد و لا شنو ؟ لا ياخ !!؟ ديلاك بس بنقلوا كلام المفكرين ( الاجانب ) و بجوا يتغالطوا بيهو هنا و صلى الله و بارك و دا فهم استعماري كرسوا ليهو الانقليز رحم الله المفكر الجد جد استاذ/ الخاتم عدلان ، إذ دفع تهمة ( مفكر ) عن نفسه تواضعاً، بأنها ما مفروض تكون حكر على زول . . الكل قاعد يفكر . . او كيفما كانت عبارته
---------- نخليك مع مريد البرغوثي طيب إمكن يشحذ خلايا التفكير فيك او ينسيك صور الباهت الفوق . . او امكن تنسى الحلم و تقلع عن الافكار و التفكير كلو كلو
أتلمس أحوالي...لا مشكلة لدي شكلي مقبول، ولبعض الفتيات أبدو بالشعر الأبيض جذابا نظاراتي متقنة حرارة جسمي سبع وثلاثون تماما قميصي مكوي وحذائي لايؤلمني لا مشكلة لديّ ********* كفاي بلا قيد ولساني لم يسكت بعد لم يصدر ضدي حكم حتى الآن ولم أطرد من عملي مسموح لي بزيارة من سجنوهم من أهلي وزيارة بعض مقابرهم في بعض البلدان لا مشكلة لديّ ********* لا يدهشني أن صديقي أنبت قرنا في رأسه وأحب براعته في إخفاء الذيل الواضح تحت ملابسه وهدوء مخلبه يعجبني قد يفتك بي، لكني سوف أسامحه فهو صديقي وله أن يؤذيني أحيانا لا مشكلة لديّ ********* ما عادت بسمات مذيع التليفزيون تسبب لي أمراضا وتعودت على توقيف الكاكيين لألواني ليلا ونهارا ولهذا أحمل أوراقي الشخصية في المسبح لا مشكلة لديّ ********* أحلامي ركبت أمس قطار الليل ولم أعرف كيف أودعها وأتتني أنباء تدهوره في واد ليس بذي زرع ونجا سائقه من بين الركاب جميعا فحمدت الله، ولم أبك كثيرا فلدي كوابيس صغرى سأطورها إن شاء الله إلى أحلام كبرى لا مشكلة لديّ
* عندي ( فكرة ) ح تحل معضلة " وحدة الشعب السوداني " الجننتكم دي . . نعمل شنو ؟ . . بعد القى لي وكت فراغ ح اقوم افكها ليكم هنا ببلاش و يعوضنا الله . . بس ماتتعودا على الملح دا كتير . . . سمح ؟ بالمناسبة الفكرة دي حقوقها الفكرية محفوظة و محمية القانون . . . لكن انت صاحبي ممكن تستخدما عادي كان قسمت معاك عادي ياخ . . الصحبة دي هي كيف ؟
05-27-2010, 06:41 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: يا زول ركز معانا ما دي عدة الشغل ذاتو ياخ !! لازم نحدث فرق و ( تفكيرنا ) ما يتجاوز بيئة الركشات و السلاحف و الكيسة و المفتش الشفت دا ذاتو
عشان كده إنت ما مفكر و كان ما غيرت طريقة تفكيرك دي عمرك ما حا تبقي مفكر !!! المفكر يا قيقا لازم ينفصل عن الناس و قضاياهم عشان يقدر يحللها ، لازم يكون ساكن في برج عاجي يعاين للناس دي من فوق و أهم حاجه إنو يستوسخ الناس دي عشان ما كمان أي زول يفتكر إنو مفكر زيو و القضيه تجوط !! التعالي يا قيقا واحده من أهم أدوات التفكير في سوداننا الشقيق !! لو ما رفعت القزاز بفتكروك سايق رقشه !!
----------- في بلاد يموت من الجوع إنسانها ، هل الحديث عن الديمقراطيه ترف ؟!! سؤال لوجه الله !!
05-27-2010, 07:05 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: في بلاد يموت من الجوع إنسانها ، هل الحديث عن الديمقراطيه ترف ؟!! سؤال لوجه الله !!
النبي ؟!
فكونا من قراية الاضنين . . اسي جاتنا القراية بالنيات
ايو كدا أي مداخلة الزول لازم ينهيها بقسم غليظ ، لحدي بكري ما يعمل لينا أيقونة نعمل بيها " اب لود" لنياتنا اتاتشمنت مع كل مداخلة . . هذا او الطوفان دا ما ح يقيف قريب كلو كلو
شفت البرين استرومينغ دا مفيد كيف ؟ اهو اسي طلعنا لينا بـ " فكرة " تحل مشكلة النوايا دي
------------
الليلة شكلك فاضي و ما رسلوك !؟
05-27-2010, 07:17 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
ما رسلوني لاني شغال الساعه يا دوبا واحده ضهر ! عندي كلام كتير جدا حول الديمقراطيه ، المعيار ، قراية الأضنين ، كيف تصبح مفكرا في سودانيزاونلاين و أشياء أخري لكن ما عندي أي رغبه في الكتابه ما عارف ليه !!!
05-27-2010, 07:28 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: عندي كلام كتير جدا حول الديمقراطيه ، المعيار ، قراية الأضنين ، كيف تصبح مفكرا في سودانيزاونلاين و أشياء أخري لكن ما عندي أي رغبه في الكتابه ما عارف ليه !!!
كان فارغة كبها ساي الفارغة يملاها الله
----------
نحن ح نقسم البوست دا لسكشنين كالتالي :
- قسم الكلام ( الفارغ ) - قسم الكلام ( المليان ) كلام فارغ
اي حاجة عاملة ماتشنغ مع الاتنين كب كلامك ساي . . و زي ما يكون
05-27-2010, 07:35 PM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
Quote: عندي كلام كتير جدا حول الديمقراطيه ، المعيار ، قراية الأضنين ، كيف تصبح مفكرا في سودانيزاونلاين و أشياء أخري لكن ما عندي أي رغبه في الكتابه ما عارف ليه !!!
أحسن ..
05-27-2010, 07:52 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
يا تيسير يا بتي* جاء في الأثر أنه ليس بالكركبات الاسفيريه وحدها يحيا الانسان !!!
--------- * قبل كم يوم واحد من الأعضاء المحترمين جدا و اللي ما حصل تداخلنا مع بعض رسل لي ماسنجر و تحت كاتب لي ابنك /فلان الفلاني : إغتال شبابي بنقرة كيبورد ، غفر الله لنا و له !!!
05-27-2010, 07:58 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: * قبل كم يوم واحد من الأعضاء المحترمين جدا و اللي ما حصل تداخلنا مع بعض رسل لي ماسنجر و تحت كاتب لي ابنك /فلان الفلاني : إغتال شبابي بنقرة كيبورد ، غفر الله لنا و له !!!
05-27-2010, 08:00 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
سؤالك التبس علي يا صديقي خصوصاً حالة كونه المشهد الجندري يعاني حالة التواث اليومين ديل لكن انقر شنو ؟
نحن اصلاً جينا هنا عشان الاسئلة الشايكة دي . . و ان شاء الله البوست دا ح يكون فتح رحماني للشعب السوداني دا
ح اتناول السؤال على كم مستوى ( لغوي / مفاهيمي / ديني ) ، و انت عارف انو اللغة مخاتلة جداً
لو فهمنا مفردة ( قضاء ) كسلطة - و خلينا ( العين و الالف المقصورة في " على " ) سايلنت - فمن الناحية الدينية ما في فرقة كلو كلو . . حرام سخت ، إلا عند القبيح الرملي فإنه جوز إمامة المرأة راسا عديل . . دا من جهة سيادة حكم القانون
اما اذا جينا للقضاء و القدر . . تواتر في الاثر : " الحكومة( في حالتنا السودانية المأزومة الانحنا فيها دي ) و المرأة ما ممكن تغيرم بطريقة سلمية مهما ارتكبوا من كوارث " العنف هو الحل . . لكن لازم الناس تستخدم تكيكات بديلة . . ح اديك هنت و اللبيبو . . . الخ ورد في سيرة احدهم ، انه ذهب لعزاء صديق في السيدة حرمه ، حيث يحكى ، ان ثوراً - مش ثورة - قد نطحها و قضى عليها ، و اندهش صاحبنا من كثرة المعزيين ! . . لما استفسر عن الامر و استجلى كنهه ، اكتشف ألا معزيين هناك . . و انهم لم يأتوا لعزاء . . لكنهم جاؤوا شارين لصديقنا ( الثور ) . .
تحذير رسمي : لا تجربوا هذا في المنازل . . دا تنصل رسميييييي من المسئولية و نطة برا زانة ذاتو
05-28-2010, 10:38 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: عشان كده إنت ما مفكر و كان ما غيرت طريقة تفكيرك دي عمرك ما حا تبقي مفكر !!!
كيف ما مفكر ياخ ؟ و الله لي زمن انا " مفكر " اعمل نايم . . لكن تقول شنو ؟
Quote: قبل كم يوم واحد من الأعضاء المحترمين جدا و اللي ما حصل تداخلنا مع بعض رسل لي ماسنجر و تحت كاتب لي ابنك /فلان الفلاني : إغتال شبابي بنقرة كيبورد ، غفر الله لنا و له !!!
الا قاتل الله العجلة ياخ ! . . ما لحقت استمتع بالشماتة في نواحك على ( شبابك ) الراح شمار في مرقة طقة كيبورد ( صريح ) بالمناسبة . . بي صلعتك دي اس ما كويس انو ما قال ليك يا جدو
و منبع غبطتي و سروري يا سيدي العزيز انو روّّح عليك آخر أمل في لقب ( المفكر الشاب ) الرفيع دا اكتر حاجة غايظاني الاضافات البرا لازمة ، و الما عندها نكهة و لا طعم دي !! . . لا تضيف الى النشيد سوى النشاز . . النشااااااااااز !! زي شغلة " الملحدين العرب " و اشباهها !؟ هم عرب و ملحدين ، و ألا ملحدين و عرب ساااي !؟ . . او كما تسآل شيخنا حسن موسى قدس الله سره
------------
Quote: عندي كلام كتير جدا حول الديمقراطيه ، المعيار ، قراية الأضنين ، كيف تصبح مفكرا في سودانيزاونلاين و أشياء أخري لكن ما عندي أي رغبه في الكتابه ما عارف ليه !!!
النبي !؟!
ما هو عشان كدي انا " مفكر " اعمل ييييييع نهائي و لنفس السبب الانت عارفو و انا عارفو و الله عارفو اهو اثبت ليك ( مرتين ) اني ( مفكر ) . . تاني اوع تقول لي جنس كلامك ادناه . . بخسرك يا زول تاني كان قلت لي :
Quote: عشان كده إنت ما مفكر !!!
05-28-2010, 01:44 PM
ممدوح أبارو ممدوح أبارو
تاريخ التسجيل: 02-27-2008
مجموع المشاركات: 3162
بالله يا قيقا و ممدوح ما تحرفو موضوع المراه ده و تعملو لينا كركبات من مافي ، أنا سالت سؤال عن إمكانية وقوع مسالة ما ، الاجابه تكون ممكن أو غير ممكن : تعكير المياه - الأصلها معكره - بغرض الصيد لا تخدم قضيه : فبالله خليكم جادين !!
05-28-2010, 06:12 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
عن بوست المعيار ، أقول و بالله التوفيق : البوست بدا بدايه ممتازه و كان في نقاش حقيقي في الأول و الناس بعد صفحتين تلاته قلبت القصه لشخصنه و تصفية حسابات و كلام كتير لم يصب في مصلحة أي زول ... مافي ولا ممكن يكون في معيار واحد لامي الناس دي كلها و ده لانو الناس دي ال backgrounds حقتها مختلفه ، و فهمها للحياه و الحياء و الأخلاق و كل قيم الخير و الشر فهم مختلف ، يعني الممكن أشوفو أنا عادي زول تاني ممكن يشوفو كفر مخرج من المله . في نفس الوقت كل زول عندو الحق يكتب الدايرو بمعيارو و الباقيين عندهم حق نقد الكتابه دي بمعيارهم لكن ما في طرف عندو حق اقصاء الطرف الاخر . تبقت نقطتين علي علاقه بالموضوع يا قيقا : - وحده من أكبر مشاكل النقاش في البوست ده عموما و في كل نقاشاتنا تقريبا إنو نحن ما بننتقد الراي ، بنتقد سيدو و قد يكون ده واحد من أهم أسباب شخصنة الحوار : كونو الزول عندو راي غير محترم مثلا في موضوع ما ، لا يعني إنو الزول في عضمو غير محترم . - معظمنا - إلا ما رحم ربي - بنقول راينا و في بالنا شخص الزول ما المبدا ، و ده بخلينا نبدو متناقضين و ما منطقيين و نقدنا شخصي أكتر مما هو مبدئي .
--------------- لا استثني نفسي من أي اشارة سالبه ذكرت أعلاه .
05-28-2010, 06:23 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
بالنسبه لموضوع الديمقراطيه و علاقتنا بيها ، الكلام ده أنا كتبتو أول ما جيت المحله دي : نحن شعب غير ديمقراطي بكل ما تحمله الكلمه من معني ، يتم تربيتنا علي نبذ كل قيم الديمقراطيه و اولها حقك في الاختيار ! نمط التربيه العاديه في البيت السوداني عموما يقوم علي الطاعه ما علي المفاكره و علي راي الأب في زمنا ، وراي الأم في الزمن ده : فاولاد ناس هناي ديك صعاليك ما تمشي معاهم و الكليه الفلانيه أحسن من العلانيه و في معظم الأحيان ما يعفو ليك كان ما عرست بت عمك ! و إحتمال تكون اول مره شاوروك في أمر ذي قيمه لمن إتخرجت من الجامعه ! فاهلك هم من يختارو أصحابك و الجامعه و ياتو كليه ومرتك الحا تعرسا !!! و يتم تسويق كل هذه الأمور تحت شعار إنت ما عارف مصلحتك !!! فتنشأ حقيقه ما عارف مصلحتك و دي ما المشكله الأكبر ، المشكله الأكبر إنك بتنشأ بنظره ما فيها إحترام و لا حتي إعتراف بالاخر المختلف في نفس بيئتك و محيطك الاجتماعي :فالحايم مع اولاد ناس هناي ديك صعلوق و الجامعات التانيه ما كويسه و الما عرس بت عمو ما راجل !! أما الناس الخارج بيئتك و محيطك الاجتماعي فديل أصلا ما بشر . نحن كشعب ما مربين علي الاعتراف بالاخر المختلف ، أيا كان نوع الاختلاف ! ما مربين علي التسامح مع المختلف معانا في رايو ولا علي أن يعذر بعضنا بعضاً فيما اختلفنا عليه ، و ده - في تقديري -أكبر سبب من أسباب فشل الديمقراطيه في السودان : إنو نحن في عضمتنا ما ديمقراطيين !!
05-28-2010, 06:24 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
أكتر من تسعين في الميه من مشاكل البورد ده و اللي بيمثل سودانا الشقيق في أبهي صورو - باعتبار إنو كل أعضاءو علي الأقل بيعرفو يقرو و يكتبو - جل إن لم يكن كل مشاكل البورد ده نابعه أصلا من عدم الاعتراف بالاخر ! يكفي أن تكتب راي مغاير لغير ما إعتاده الناس حتي يتم تصنيفك تصنيف يحيرك و يحير أي زول بعرفك ! الغريب في الأمر إنو أكتر الناس البتنادي بالديمقراطيه هم أقلهم تقبلا للرأي الاخر ، أقلهم تسامحا مع من يختلف معهم في راي ، أسرعهم لتصنيفك و إغتيال شخصيتك !!
05-28-2010, 06:25 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
لو نحن جادين كشعب في إنو يوما ما يكون عندنا وطن خير ديمقراطي ، لابد من إشراك أولادنا و بناتنا في كل القرارات اللي بتخص حاضرهم و مستقبلهم لابد من تعليمهم قيم الديمقراطيه و معاني الشوري و التسامح و تقبل الرأي ألاخر . الوطن الخير الديمقراطي بيتبني من البيت و ليس العكس !!!
05-28-2010, 06:29 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
السؤال يا قيقا : نحن ليه مصريين علي موضوع الديمقراطيه ده إذا كان نحنا كثقافه و ك culture ما ديمقراطيين أبدا ! هل في إحتمال إنو موضوع الديمقراطيه ده نحن بنردد فيهو ساي محاكاه لشعوب و دول تانيه الديمقراطيه جزء أصيل من ثقافتها ؟!!!
05-28-2010, 06:38 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: الغريب في الأمر إنو أكتر الناس البتنادي بالديمقراطيه هم أقلهم تقبلا للرأي الاخر ، أقلهم تسامحا مع من يختلف معهم في راي ، أسرعهم لتصنيفك و إغتيال شخصيتك !!
ما دا المجنن بوبي ذاتو !!؟؟
---------------
اميننا يا عمك شنو داير تحرف البوست
ما هو عشان دا ذاتو ، ما اتينا لحوار هنا
و عليه مصير مداخلاتك الفوق ديل
التجاهل التجاهل التجاهل
نرجع لموضوع المراة مالا ؟ و قضاء كيف ؟
Quote: أنا سالت سؤال عن إمكانية وقوع مسالة ما ، الاجابه تكون ممكن أو غير ممكن
اي شئ ممكن لكن هل في ثبران على قدر الجماعة ؟ قد فرغ جراب قيقاحاوي من أي حيلة . . . تعال نجرب نقنعم يرجعوا كوكبم الجن منو !؟
Quote: السؤال يا قيقا : نحن ليه مصريين علي موضوع الديمقراطيه ده إذا كان نحنا كثقافه و كـ culture ما ديمقراطيين أبدا ! هل في إحتمال إنو موضوع الديمقراطيه ده نحن بنردد فيهو ساي محاكاه لشعوب و دول تانيه الديمقراطيه جزء أصيل من ثقافتها ؟!!!
هو ما احتمال و دا ما بنفي ( احتمال ) الذهول . . و الجمل الما بشوف عوجة رقبتو ، و لا بتحمل يقولوا ليهو رقبتك معووجة ، مع انو ما عيب كلو كلو ، و كان قبل كلام الناس دا ممكن ينظر في امرها و " يفكر " كان عوجتا دي ضروري و مالو ، و ان بقت بتضروا يفتش في طريقة يعدلا بيها و كلو أجر و لي مصلحة نفسو . . المحاكاة و نقل المسطرة هي آفتنا . . الافكار الانسانية الكبيرة كبيرة زي العلمانية ، الديمقراطية و حتى الماركسية ( المافي شنو !؟ ) و المؤسسية و شنو ما بعرفو داك. . الخ الكلام دا كلو بس استورد و ادفس في السودان الشغيغ دا التقول نحنا ما عندنا ذاكرة و لا تراث ، من غير بذل ادنى جهد لتبيئة الافكار دي قبل غرسها . . عشان كدا ما قاعد تبارح اوهام او قول الاحلام المسرطنة المعششة و بتتمدد في رؤؤس النخب فقط لا غير !! . . دي نشافة راس ساي او كما قال كاتبي المفضل ع. ع. ابراهيم عشان كدا فرزت كتابي من بدرررررررررري اي زول يقنب يجتر لينا في محفوظات ( اجنبية ) و قولات مفكرين لم يزوروا السودان الشغيغ ، أي زول يقطع مع التراث نقطع معاهو ناشف طوالي ، خوة فرّتق . . اسي هنا دا بالله عليك تأمل في جزالة الافكار الزي دي عند ( صاحبي ) محسن خالد و فسالتها عند غيرو .
------------
يا زول هي مالك علينا
ما اتيت لحوار هنا بالله فكنا من السيرة دي و حاول تاني تعالي لي في مزاج كحلي المزاج الرمادي دا بجيب الهواء
05-28-2010, 08:16 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: لو نحن جادين كشعب في إنو يوما ما يكون عندنا وطن خير ديمقراطي ، لابد من إشراك أولادنا و بناتنا في كل القرارات اللي بتخص حاضرهم و مستقبلهم لابد من تعليمهم قيم الديمقراطيه و معاني الشوري و التسامح و تقبل الرأي ألاخر . الوطن الخير الديمقراطي بيتبني من البيت و ليس العكس !!!
جبت المفيد نحن فات فينا الفوات . . و جا استحقاق الاعتراف بإننا جيل فاشل بإمتياز . . جيل ( انتقالي ) فاشل دي الفاتت علينا دهور . . و في ناس لسه فايتة عليهم . . . نتيجة افراطنا في الوهم دا . . كانت تفريط في ( الوحدة ) - قزازة السمن او قول ( راسمالنا ) - و كان نتيجة الاطماع الضيقة و الاختلافات العنيف تاريخ دموي و انكسرت القزاز و اندلق الفيها . . راجين أيه ما تقوموا تروحوا بالجد خجلانين من الاولادنا و الاجيال الجاية . . كيف ح نقدر نواجهم بتفريطنا في آخر ما ادخر الاجداد لهم من المليون ميل الاستلمناها كاملة . . هل ثمة كذبة جديدة تستر عري الخذلان دا ؟
بتي الكبيرة سميتا " وعد " . . كان الوعد اخضر " وحدة . . ديمقراطية . . عـدالة " * الترتيب دا اعتقد اصح مش ؟ . . الوحدة ، و ألا الديمقراطية ؟
وحدة الشعب السوداني ممكنة . . لكن بطريقة واحدة فقط . . و ( رياضية ) بحتة !! قول لي كيف ؟ د. عادل سجيمان كتب عن ( فكرة ) لحل مشكلة الرئاسة - فتشت البوست سماء ارض ما عرفت خفس وين ؟ - ايام الانتخابات ( المخجوجة ) ديك فكرتو ( رئاسة دورية ) ، و انو الاطناشر مرشح ما في داعي يسو في البسو فيهو دا من نبيشة و شيل حال . . كلهم يبقوا رئيس و خلاس !
اما ( فكرتي ) انا . . انو الرئاسة ما تكون مقصورة على المرشحين الاطناشر بس . . لا ياخ ! . . لازمن نبني الديمقراطية صاح ، و الكرسي الرئاسي دا لازم يتعود على مؤخرات كل الشعب . . دي الديمقراطية الحقة و المساواة في الحقوق الدستورية على اساس المواطنة ؟ اها افتراضات عشاني و عشان " النظرية " - 40 مليون - كشششش - هو العدد الكلي لسكان السودان نسوان و رجال بما فيهم المجانين و السغار و الكبار و الرضع و اللسة قبل الخلق و التكوين ذاتم . . المافي شنو ؟! - اي بلد ( في الكيس استدي دا " السودان " ) = حكومة + شعب لتوسيع دايرة المشاركة و مد الظل الديمقراطي ليتمتع كل مواطن بحقو الدستوري في الرئاسة ، ح نقوم نعمل مؤسسة رئاسة مكونة من 39,999,999 مواطنة لي مواطن - حكاية " ليدز فريست " دي ما حاكو حاكو للخواجات يا عمك ، انها الكترة، الكترة بس ! . . الكترة الغلبت الشجاعة - اها هم يتبادول الوظيفة الرئاسية . . آي ياخ الرئاسة وظيفة . . و مؤقتة كمان ! انت قايل شنو ؟ . . و الباقين توزعوا من مستشار ، لي وزير اتحادي ، لي وزير دولة اتحادي ، لوزير ولائي و الي . . الخ من البدع الانقاذية الكتيرة و مسخة دي !! اها يا عمك كدا حسمنا موضوع الحكومة . . لكن على قول عادل إمام ، لابد للحكومة من شعب تحكمه لكي تشكمه . . مش ؟ يلا من الـ 40 مليون بعد ما طلعنا منهم الحكام . . اها الشعب السوداني بقى كم ؟ الشعب السوداني بقى ( واحد ) ** . . ياخ !! و هو المطلوب
----------
* الحقوق محفوظة لصاحب مرايا سودانية ( " وعد " حزب الوحدة ، الديمقراطية ، العدالة . . حزب في عالم افتراض ) أيمن حاج
ا- يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب.
ودستور:
ا- يمنع منعاً باتاً التدخل في شؤون الحكومة . و للحكومة كامل الصلاحية في حذف , تعديل , نقل أو إغلاق أي بيت /أوضة أو إيقاف صلاحية أى مواطن دون ذكر الأسباب.
قيقا وأمين ياخواناالعايزين ديمقراطية يعملوا صف والعايزين لجوء يعملوا صف موازى ويقبلوا على بعض ويورونا الفرق بيناتم شنو؟
الحمد لله بعد مافقدنا وطن دستوره ملخص فى الفقرة التانية (أخضر) ربنا ادانا وطن دستوره ملخص فى الفقرة الأولى (أحمر) .. بالله فى نعمة أكتر من كدا؟ مافى, بس مشكلتنا بنتبطر على النعمة!
05-28-2010, 09:47 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
ا- يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب. و دستور:
ا- يمنع منعاً باتاً التدخل في شؤون الحكومة . و للحكومة كامل الصلاحية في حذف , تعديل , نقل أو إغلاق أي بيت /أوضة أو إيقاف صلاحية أى مواطن دون ذكر الأسباب. قيقا وأمين ياخواناالعايزين ديمقراطية يعملوا صف والعايزين لجوء يعملوا صف موازى ويقبلوا على بعض ويورونا الفرق بيناتم شنو؟
الحمد لله بعد مافقدنا وطن دستوره ملخص فى الفقرة التانية (أخضر) ربنا ادانا وطن دستوره ملخص فى الفقرة الأولى (أحمر) .. بالله فى نعمة أكتر من كدا؟ مافى, بس مشكلتنا بنتبطر على النعمة!
صدقت دا بطر مننا ساي !! مفروض نحمد الله على النفس الطالع و نازل دا ساي . . و دي اقصى حقوق ذاتو دايرين شنو نحن اكتر من كدا ؟! مفروض نفصّل لينا ( أحلام ) قدّر ظروفك ؤ كدا
قيل في شأن اختلال الموازين في الدستور الاخضر - دستوركم يا اولاد ماما . . ما قاصدكم بنتونس ساي ياخ - قيل انه بيت ساكننو اتنين ، و للتفريق وضحوا الثيمة الفارقة بينه و بين بيت العزابة ، بأنو الغريبة البدفع الايجار واحد بس ، و كل شهر كمان . . و الغريبة انو البستمتع بحق ( الطرد ) لأي مواطن منو ، هو الطرف الما بدفع كلو كلو . . فتأمل !!؟
ازيك يا د. بله ياخ
05-28-2010, 08:31 PM
جعفر محي الدين جعفر محي الدين
تاريخ التسجيل: 11-12-2008
مجموع المشاركات: 3649
الأخوة الديمقراطيون ليمتد السلام عليكم ورحمة الله وبركاته والله يا قيقا كنت عايز أرشح أمين لسكرتارية هذا الحزب لولا أنه تساءل هذا التساؤل الغريب
Quote: السؤال يا قيقا : نحن ليه مصريين علي موضوع الديمقراطيه ده إذا كان نحنا كثقافه و ك culture ما ديمقراطيين أبدا ! هل في إحتمال إنو موضوع الديمقراطيه ده نحن بنردد فيهو ساي محاكاه لشعوب و دول تانيه الديمقراطيه جزء أصيل من ثقافتها ؟!!!
وأظنه هنا ناوي يخلي الناس يقولوا علينا نحن ما ديمقراطيين يعني نحن يا أمين ناقصين شنو من الناس البتتمشدق بالديمقراطية دي ما كلهم بينادوا بيها ليهم ولغيرهم ولمن يشوفها جاية براحة بدفروا الباب بكرعينهم تصور بستخسروا فيها دفرة الباب باليدين
يا أمين اليائين في مصريين ذكرتني الياسمين
05-29-2010, 09:07 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: الأخوة الديمقراطيون ليمتد السلام عليكم ورحمة الله وبركاته والله يا قيقا كنت عايز أرشح أمين لسكرتارية هذا الحزب لولا أنه تساءل هذا التساؤل الغريب
Quote: السؤال يا قيقا : نحن ليه مصريين علي موضوع الديمقراطيه ده إذا كان نحنا كثقافه و ك culture ما ديمقراطيين أبدا ! هل في إحتمال إنو موضوع الديمقراطيه ده نحن بنردد فيهو ساي محاكاه لشعوب و دول تانيه الديمقراطيه جزء أصيل من ثقافتها ؟!!!
الرفيق جعفر تحية ديمقراطية ( محدودة بالفراغ ) يا عزيز الترشيح و الترشح دا في انساق الديمقراطية الكلاسيكية ياخ 1 في ديمقراطيتنا ( دق اب جلفة )* دي ، مافي رأي و رأي آخر ياخ ، الحق ما اريكم اياه . . و سكرتيركم أمين ياسمين و لو ما عجب العجب ذاتو . . هذا او الطوفان . الفرق الحاسم في الديموقراطية دق اب جلفة هو انو ما فيها طلب انضمام و ترشيح و ترشح ، هي اصلاً مفصّلة ظبط على ( مزاج 40 مليون ميل ) الا من أبى . . و على المعترضين تقديم طلب لاستثنائهم من عضوية الحزب . . تنظر فيه المركزية الهي انا و أمين و كل من أمين مع نفسو و ما قاعد يغالط واقع حالو . . شفت كيف ؟ . . و أهو القوس مفتوح للشايف نفسو ديمقراطي ( كلاسيكي ) ينحني و يطلع من تحته عادي او يطفر من فوق . . المافي شنو !؟ . . تحسبوا لعب و لا كيف . . ما قلنا ليكم ديمقراطيون ليمتد ياخ !
Quote: وأظنه هنا ناوي يخلي الناس يقولوا علينا نحن ما ديمقراطيين يعني نحن يا أمين ناقصين شنو من الناس البتتمشدق بالديمقراطية دي ما كلهم بينادوا بيها ليهم ولغيرهم ولمن يشوفها جاية براحة بدفروا الباب بكرعينهم تصور بستخسروا فيها دفرة الباب باليدين
ما اقدر اوافقك في استيتمينت اكتر من موافقتي ليك في اعلاه يا رفيق ماشين في السكة نمد . . و سكة حديد تهز و ترز
Quote: يا أمين اليائين في مصريين ذكرتني الياسمين
ذكيرة أمين ليك ذكرتني ليك ( إتحاد علي بابكر ) . . و ما ادراك ما اتحاد علي بابكر ؟ هو فريق كورة في ( ليق ) كوستي ، و سر ارتباط اسم الفريق بعمنا علي بابكر ( مساعد طبي المركز الصحي بحي النصر ) ، هو انو عمنا علي بابكر هو المؤسس ، و المدرب ، و المدير الفني ، و رئيس النادي . . و كولووووووو تجي معوق في المركز ، يسألك بتلعب كورة ؟ . . قبل اجابتك بتلقى نفسك ( لاعب ) - ليق طبعاً - في اتحاد علي بابكر عمر الفريق ما طلع من الدرجة التالتة و لن !! . . و ما مهم ياخ كلو كلو . . فارقة هي قليك !؟ الشاهد ، يوم عمنا علي بابكر إتأخر في الشغل ، و كان الاتحاد لاعب ماتش ، اول ما وصل خط التماس سأل الجناح - جناحو - النتيجة كم ؟ . . قال ليهو مغلوبين 3/0 . . قال ليهم : ما بطال ! . . حافظو على النتيجة دي . . قرّضوا على كدا
احيك على الروح الثورية يا رفيق و قيلوا طيبين
--------
و الله دي سرقتها من زمن الشغل . . و المسألة دي بتعمل بهق في ضميري المهني فالى حين فراغ نتم باقي الفارغة دي
العزيز قيقراوى تحياتى بوست دمو خفيف ...شطرا امين سليمان كلامو سمح الامل مهم فى امكانية الاصلاح وكلامكم ده دليل على القدرة على التشخيص وهى بدايات استئصال الداء
05-30-2010, 07:36 AM
ندى عثمان حسن ندى عثمان حسن
تاريخ التسجيل: 11-20-2009
مجموع المشاركات: 875
قيقارواى , كلام فى مِحلو وزى العجب, وحمانا الله وأياكم شر ناس اللت والعجن.
زى ماقال مفكرنا الماشاب لافض الله فوه, نحن أبعد مانكون عن اى فعل أو سلوك ديمقراطى فى شتى مناحى حياتنا, إبتداء من البيت .
* عمو أمين أستلم الحزب زى العجب, وبكرة تلاقيهو مسجلو بأسمو فى مسجل التنظيمات السياسية, اما فيما يخص القضاء علينا, مش صعبتها شوية؟ حسة أنت اكتر 2 إستحملوك فى الفانية دى منو؟ّ!؟
الجناح النسائى فى : ديمكراتيون وقت الفراغ , المسكو منو؟
عشان عايزة أسجل, وأشارك فى صياغة دستور جناح المرأة فى الحزب (آى دستورنا برانا, مش ديمكراتية ولاكيف؟!)
05-30-2010, 08:10 AM
جعفر محي الدين جعفر محي الدين
تاريخ التسجيل: 11-12-2008
مجموع المشاركات: 3649
السيد رئيس الديمقراطيين قيقراوي اللي غنى عليه العطبراوي
Quote: في ديمقراطيتنا ( دق اب جلفة )* دي ، مافي رأي و رأي آخر ياخ ، الحق ما اريكم اياه . . و سكرتيركم أمين ياسمين و لو ما عجب العجب ذاتو . . هذا او الطوفان .
خلاص ما في مشكلة باركوا لي سكرتارية الإعلام الحكاية مش بالحجز ولا شنو ؟ إنت عارف قصة الحزب دا ذكرتني قصة عمنا الكان شغال في مشروع الجزيرة شيخ غفر وتمددت سني خدمته طويلا دون أن ينال أي ترقية وتساءل عن سبب غياب الترقيات فجاءه الرد من أحد المفتشين يا عمنا المشروع دا ما فيه ترقية إلا يموت واحد بعدين يترقوا الناس التحتو وعمك حفظ هذا الكلام عن ظهر قلب أو ظهر غيب وكان في أن سمع في أنباء الثامنة مساء أن السيد مدير المشروع الخواجة مين مش عارف قد عاجلته المنية وفارق هذه الدنيا الفانية فما كان من عمنا ومن دغش الرحمان إلا أن تهيأ بأحسن زينة وملبس وذهب معزيا للمفتش وبعد اكتمال مراسم العزاء سأل المفتش أها الترقية متين ؟ فاندهش المفتش ورد السؤال بسؤال : ترقية شنو ، إنت عايزنا نشغلك مدير بطل الخواجة المات دا ولا شنو ؟ فرد عمك : لا لا اتجارروها*
ـــــ اتجارروها لغير عرب الجزيرة تعني أن يتقدم كل إلى الوظيفة التي تسبقه أو يجر كل واحد منهم طرف التوب الأقرب إليه ويتدثر به.
05-31-2010, 00:50 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: اتجارروها * لغير عرب الجزيرة تعني أن يتقدم كل إلى الوظيفة التي تسبقه أو يجر كل واحد منهم طرف التوب الأقرب إليه ويتدثر به.
* وردت في رواية قيقا راوي هكذا ( ما قلنا ليكم رقوني مفتش راسو عديل ! . . لكن ما تتجاردوا ؤ كدا ! )
و الكلمة شايعة في ادبيات المتصوفة . . و السودان غالبيته المسلمة متصوفة
ما سمعت " ود البجرد الالفية " ؟
اها الزول دا قاصد جرد السبحة دا ذاتو . . يعني كل واحد يحل محل القدامو بعد ما يزح . . زي حبات السبحة بالضبط
--------------
قال ليك واحد " فاكي الخط " تب ، و قاعد عاطل . . اها قريبو في وزارة الزراعة في الخرطوم بجاي بجاي دبر ليهو وظيفة سغيرة كدا في المشروع ، صراحة أقل من امكانياتو . . المهم ( المفتش ) لاحظ انو شغلوا دا نضيف جداً و مختلف من غيروا في نفس الوظيفة . . و اطلعو على الكلام دا . . صاحبنا قال ليهو : لكن يا سعادة المفتش تعيين الوزارة زي تعيين ابو عشرين** !!؟
** يقصد تعيين محلي . . و ابو عشرين معروف و لا شنو ؟
05-31-2010, 00:27 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
مالك يا " ست النفر " * ؟ كدا بتطردي لينا اولاد ماما ياخ !؟
لووووووووول
قليك عزابي الشواطين كل يوم يتعشوا معاهو ، يوم قاموا - الشواطين - زهجو من عشاهو الواحد ( الآسف ) دا ، قاموا ختوها ليهو واضحة كدا : يا زول يا نوّع ، يا كمان تاني تقول بسم الله . . ياخ قديتنا بالفول . . . لوووووووول
Quote: اما فيما يخص القضاء علينا, مش صعبتها شوية؟ حسة أنت اكتر 2 إستحملوك فى الفانية دى منو؟ّ!؟
امي آمنة . . و امي التومة دقستي . . و ابشرك . . لسه باقي ماما عشة و الجد شعبان كمان لوووووووول
Quote: الجناح النسائى فى : ديمكراتيون وقت الفراغ , المسكو منو؟
عشان عايزة أسجل, وأشارك فى صياغة دستور جناح المرأة فى الحزب (آى دستورنا برانا, مش ديمكراتية ولاكيف؟!)
اسمعي لو وافقنا انك تستلمي بتوقعي معانا اتفاقية انو نصوص ( الدستور ) تكون مفخخة و ملغومة لانفجار حتمي يفضى لوحدة جاذبة على كوكب الارض دا . . يا انفصال كمان ، و كل قرد يرجع كوكبو الجا منو مش قالوا الرجال من المريخ و النساء من الزهرة او نحو ذلك ، و لا عكس نحو ذلك دي ذاتا ما عارف ؟! اها اتفقنا . . نقوم نوقع اتفاق اطاري بالاحرف الاولى ؟
ازيك يا ندى حيرناكم ما بين البركنة لي القضاء الزؤام مش ؟ عشان كدا احسن ليكن ترجعن كوكبكن الجيتن منو ساي هذا أو الطوفان . . و لأ شنو يا أمين ؟ اهو دا حل سلمي اوع تاني تشكك في اني ( مفكر )
05-31-2010, 07:50 AM
ندى عثمان حسن ندى عثمان حسن
تاريخ التسجيل: 11-20-2009
مجموع المشاركات: 875
Quote: العزيز قيقراوى تحياتى بوست دمو خفيف ...شطرا امين سليمان كلامو سمح الامل مهم فى امكانية الاصلاح وكلامكم ده دليل على القدرة على التشخيص وهى بدايات استئصال الداء
استاذ طلعت شخصياً ؟ شرفت و الله
تعرف ؟ . . .
Quote: - اي بلد ( في الكيس اصطدي بتاعنا هنا " السودان الشغيغ " ) = حكومة + شعب
المعارضة أُسقطت عمداً من المعادلة دي ، لانها ما رقم مؤثر خالص خالص . . وجودها زي عدمها . . قول صفر راسو عديل . . المافي شنو !؟ في داعي اضيف لي صفر !؟ . . لشنو ؟ هي المعادلات ( صعوبيتا) بقيسوها - تقرأ " هو المعيار الرايح للناس دا ! " - بالمتر ؟ زي المعادلات دي تقرأ وفق ما اسماه استاذ / الخاتم - متهكماً على ما اعتقد - ( الرياضيات السياسية العليا والدقيقة )
Quote: ولم تدخر الإنقاذ وسعا في تدشين حروبها على كل هذه المستويات، وفي نفس الوقت. وإذا تأملنا هذا المشروع * بمنطق العقل، لقلنا أن القائمين عليه مجموعة فقدت رشدها، ولكننا إذا قلنا ذلك، وقد قلناه، فإن الرد علينا، من قبلهم، سهل وميسور، وهو أننا لا نفهم في الرياضيات السياسية العليا والدقيقة،
Quote: ولم ترد عبارة جعل الوحدة خيارا جذابا، إلا لأن أهل الجنوب لن يقبلوا الوحدة، بأية حال، إذا استمر النهج القديم، نهج الإنقاذ، كصيغة وحيدة للتعامل معهم من قبل الشماليين. ولا يكفي هنا أن يقول الشماليون أن الإنقاذ لا تمثلنا، بل هم مطالبون بأن يطرحوا بصورة إيجابية مثالا آخر للتعامل بين الشمال والجنوب. وهم مدعوون إلى ذلك بكل تنظيماتهم السياسية والاهلية ومنظمات مجتمعهم المدني. وعليهم أن يبدأوا في ذلك اليوم قبل الغد. وأن يكشفوا عن هذه الروح الجديدة في التعامل مع ملايين الجنوبيين الذين يعيشون الآن في الشمال. ولا ننسى أن الشباب، باستعدادهم الخير لقبول التوجهات الجديدة والتعبير عنها، يمكنهم أن يلعبوا دورا رائدا في هذا المجال.
Quote: ليس سرا كذلك أن قيادة الحركة الشعبية نفسها، يمكن أن تختار الإنفصال، إذا استمرت المعادلات والعقليات القديمة، عقليات الإستعلاء والإقصاء والتحـقـير والقمع، على ما كانت عليه قبل التوقيع على اتفاقات نيفاشا.
----------------
Quote: قال ليك ( قسم كامل للدينكا فى رنك مختلط تماما و لكن كونهم جنوبين شئ لا احد يجرؤ على التفكير فيه) عشان كده في قصة شمالي و جنوبي دي مافي سكه لـ others
Quote: ورغم نواقصها المعروفة، فإن إمكانيات تخطي هذه المؤسسة لذاتها تظهر بوادره بصورة لا تخطئها العين في الجيل الثاني من ابناء التجار، الذين ينتمون انتماء كاملا لهذه المدينة التي لا يعرفون لهم وطنا سواها. ولولا الانقطاعات الدموية لمسيرة التفاعل الإجتماعي في السودان لكان الحال غير الحال.
من قراءة للاستاذ / الخاتم عدلان لرواية " مندكورو برق و هلال - د. مروان حامد الرشيد "
* المشروع هو طبعاً :
Quote: المسمى بالمشروع الحضاري، في سخرية جارحة من المشاريع والحضارات،
تأمل في الحتة دي :
Quote: ومنهم من يمنى النفس بالبقاء عن طريق صفقة مع الحركة الشعبية تزور فيها الإنتخابات ويقهر فيها الخصوم،
رحم الله الخاتم عدلان . . و بحق : أي عقل انطفأت جذوته . . و أي قلب توقف عن الخفقان !؟
شكرن استاذنا طلعت . . و منتظرين قرايتك للحال المايل دا . . و الله انا ما شايف أي بصيص ضوء في نهاية النفق دا 8 مليون قاعدين برة و ينظروا ساي . . و آيات المنافق في وجوه الكلام . . شغلتنا اموالنا و اهلونا . . الخ اها واحد من سكتين يا ديمقراطية طق حنك زي حقتنا دي . . يأ استلهموا تاريخ ابطالنا الافذاذ من تهارقا و بعانخي . . لشهداء الرأي و الحق ، و ياهو طريق الثورة هدى الاحرار ح احاول انزل هنا محاولة " خالد مونيكا " لاستنهاض المك نمر " المك الماسك حبل الحيل . . يرفع في الارض افعالوا الصعبة . . حلابن وأنا ح آكل الويل مسيتكم في صدور الريل صابحوني فوق ضهر الخيل اعععععععععقل يا مك آسف مش قادر اقفل باب الشريان قربوا ابعد حتة متمة وابروا مدافن السيل دايرين اللي شان ألمي الزرقا يلوا ضراعي ويلوا ضراع النيل
يمكن تستاء القلابات !؟ يمكن تشرع في تكيف الحال بالدم و الرقص الشعبي . . . امكن تحتمل الثورية الفذة !؟ الجرح المقروء عليه تحاصين الدعوات
احمتال !؟ . . احتمالات . . كلو وارد
05-30-2010, 11:10 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: المحاكاة و نقل المسطرة هي آفتنا . . الافكار الانسانية الكبيرة كبيرة زي العلمانية ، الديمقراطية و حتى الماركسية ( المافي شنو !؟ ) و المؤسسية و شنو ما بعرفو داك. . الخ الكلام دا كلو بس استورد و ادفس في السودان الشغيغ دا التقول نحنا ما عندنا ذاكرة و لا تراث ، من غير بذل ادنى جهد لتبيئة الافكار دي قبل غرسها . . عشان كدا ما قاعد تبارح اوهام او قول الاحلام المسرطنة المعششة و بتتمدد في رؤؤس النخب فقط لا غير !! . . دي نشافة راس ساي او كما قال كاتبي المفضل ع. ع. ابراهيم
في بوست المعيار يا قيقا أسماء رجال بِيض ذوي عيون ملونه - من نفس نوعية الرجال البِيض ذوي العيون الملونه الأنا متجدع في بلدهم دي ، أو من نوعيات مشابهه - يحدثوننا عنهم و عن رؤاهم باقتباسات و بغير اقتباسات ، شي ليبراليين ساي و شي ليبرالين بالحداثه ، شي بالمايونيز و شيتات كتيرات ما فرزتهم : تخيل يا قيقا ديل عندهم حلول لمشاكل التومه بت عجبين و أدم كاكي و ود النوراني و أكتر من أربعين مليون تانيين : فسبحان الذي وضع جل أسراره في الرجل الأبيض !!!!
05-31-2010, 01:05 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
الأخوان بله ، جعفر و طلعت شكرا لمروركم علي بوستي الفاتحو قيقراوي ده ، و شكرا لكل من أوصي بشخصنا ( الثمين ) أمينا عاما للحزب . و الحقيقه أنا ما عارف الفرق شنو بين الرئيس و الأمين العام للحزب ، العارفو إنو أنا مفروض أكون أكبر حاجه في الحزب ده : مقرراته أهوائي و رؤية الحزب رؤاي ، ينتهي راي الحزب عندي و ما لأحد عندنا من راي يجزى !!! لا أسال عن ارائي و تصريحاتي و تصرفاتي و هم يسالون !!! تعقد لي راية الحزب فلا يحلها إلا ملك الموت !!! و من ثم تعقد لاحمد ابني - ذو العام الواحد - لانه الوحيد الواحد الذي يحمل (جيناتي) المقدسه !!! باسم الديمقراطيه و عشان يجيب ليكم الديمقراطيه لمن أموت جاييكم أحمد ولدي : أقولها ليكم صادق و من جوه قلبي : أحسن ليكم تدعو لي بطول العمر !!!
05-31-2010, 01:22 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
يا ندي ، حزبنا ده واضح و صريح : المرا مكانها البيت لحدي ما نشوف لينا طريقه ديمقراطيه للقضاء عليها !!! ولا أقول ليك كلام ؟! تعالو نديكم 20-25% من مقاعد الحزب تقعدو فيها عشان نفشر لخلق الله الباقيين إنو حزبنا واقف و مؤيد لحقوق المراه !!!
05-31-2010, 01:41 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب.
بكري حبيبنا ده والله حاول بشتي السبل يكون ديمقراطي ، و بتذكر في فتره عمل اداره عديل من الاعضاء يسحبو و يوقفو علي كيفهم ، بعداك بكون اتوصل لانو الشعب السوداني الشقيق ده ما بتاع ديمقراطيه ، فكتب مرسومو أعلاه و بصم عليه بدمه الشريف !!!
05-31-2010, 01:51 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: يعني نحن يا أمين ناقصين شنو من الناس البتتمشدق بالديمقراطية دي ما كلهم بينادوا بيها ليهم ولغيرهم ولمن يشوفها جاية براحة بدفروا الباب بكرعينهم تصور بستخسروا فيها دفرة الباب باليدين
السؤال كده مقلوب يا جعفر ، في الأول : الديموقراطيه دي مناسبانا و بتحل لينا مشاكلنا ولا لا ؟ لو طلعت مناسبانا و بتحل لينا مشاكلنا نبقي نشوف نجيبها و نطبقها كيف ؟ كدي عليك الله يا جعفر عاين لكل الناس البتنادي بالديمقراطيه في بورد بكري ده و عاين لسلوكهم عند الاختلاف معاهم : والله ما تفرزهم من الانقاذ إلا بالدبابه !!!
05-31-2010, 02:00 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: و الله انا ما شايف أي بصيص ضوء في نهاية النفق دا
أنا شايف حل واحد ما عندو أخو : يعدم كل سوداني عاقل بالغ و نخلي المفكرين الزيي ديل بس ، نربي الأطفال علي الديمقراطيه الحقه !! غير كده يا قيقا ح تعيشو في الدائره الخبيثه بتاعت ديمقراطيه سنتين تلاته و دكتاتوريه عشرين تلتين سنه !!!
05-31-2010, 02:23 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
عزيزى قيقراوى اتفق مع العديد من الملاحظات التى وردت فى البوست حول بؤس الحال واجزم بمصداقية النبرة التشاؤمية التى تطل على القارئة وتقطر مرارة لكن بقولوا ان القضايا الاجتماعية والثقافية والسياسية يتم اصلاحها كاصلاح المراكب فى عرض البحر (لتيق) مسمار مسمار، اذ لا مجال للاصلاح الجذرى لانها فى عرض البحر ومهب الريح الاصلاح الجذرى يتم على الشواطىء فقط وهو شىء غير متاح لان الحياة فى ديناميكية دائمة!!
05-31-2010, 07:26 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: أنا ما عارف الفرق شنو بين الرئيس و الأمين العام للحزب
ما تتواضع ساي يا طويل العمر
كان انت ما عرفت الداير يعرف منو ؟ معناها الحزب دا كلو الحمد له مافي زول عارف الفرق دا
غايتو نقول بعد الحمد لله و الصلاة و السلام على رسوله النعمة المهداة : الفرق هو ذاته الفرق بين أحمد و حاج أحمد و بين مولانا و مولّانا . . و هو فرق يقاس بطول السبحة او عرض المصلاية
------------
يا امين . . يا سعادة الأمين العام و القائد الاعلى لقوات حزبنا المشلحة . . بطل اسئلة فلسفية غميس هذا ما اهلك الاحزاب من قبلنا . . فانتبه . . و عوس ساي برا طايوق ان شاء الله و رئيسكم مين ؟ أمين . . أمين . . أمين
السودان مصري و الرئيس أمين
اها كدا جمعت بين الحسنيين بدون اي حرج شرعي ، و القاضي دشين ما يقدر يقول بغم !!
ياخ صراحة كملتو لي ( تفاكيري ) الفي راسي كلها . . الباقي دا نخليهو للامتحان القدامنا دا
05-31-2010, 09:36 AM
نصر الدين عثمان نصر الدين عثمان
تاريخ التسجيل: 03-24-2008
مجموع المشاركات: 3920
أهواك .. رغم تخاصم الأفراح في الزمن النزيفْ . أهواك .. رغم الحزن .. رغم الجراح .. رغم الـ .... آهِ يا محبوبتى .. يا أنتِ يا موبوءة بالصد في كل المراحلْ . ألقاك .. تندلقين مثل الضوء .. تنتشرين عطراً عابقاً .. في الروح .. في بوح المداخلْ . (أزهري الحاج شرشاب)
أمين يا رئة الحزب التي يتنفس بها وقلبه النابض ما تقول لي عايز ألقاب ، فوالله بحثت عن أي لقب غير مشغول ما وجدته أول حاجة حزبنا دا لازم يتجرد كل منسوبيه من أي ألقاب يعني حكاية مفكر وأديب وخال القاص دي شوف ليها سحارة من سحارات حبوب ست النفر وخزنها فيها تاني فكرة أي زول عامل فيها ديمقراطي يلتزم لينا بيوم (24 ساعة بالتمام والكمال) من أجل الديمقراطية يعمل أي حاجة تساعد في نمو الديمقراطية (يوزع مناشير، يلقي خطب عصماء أو غير عصماء، يكتب على حيط الزمان المائل، يعلف الديمقراطية ذات روحها بأي نوع من الأعلاف غير ضار بالصحة ).
05-31-2010, 10:58 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: إسمحوا لى أن أعود بكم قليلآ إلى الماضى . والسبب فى العودة إلى الماضى ماهو إلا محاولة منا فى البحث عن تفسير أو مبررات لأحداث مرت ولكنها تركت علامات إستفهام لازالت تبحث عن إجابة . سنحاول هنا ربط الماضى بالحاضر لنتمعن فى أصل المصيبة التى مر ويمر بها السودان ! الماضى الذى أنا بصدده هنا ليس هو الماضى السحيق الذى ربما غطته جحافل خيول المهدية أو مدافع المستعمر فى زحفه إلى الخرطوم وبقية أنحاء البلاد . الماضى هو بداية السبعينيات من القرن الماضى والمكان هو جبال النوبا فى منطقة غرب السودان جنوب ما كان يعرف بمديرية كردفان . عندما قام الإنقلاب العسكرى بقيادة جعفر نميرى فى 25 مايو 1969 وبدأ رجالات الثورة "الإنقلاب " فى تنفيذ برامجهم التنموية تحت شعار " أبنى وعمر " ، وكان الهدف أن يشارك الجميع فى عمليات البناء والتعمير . ولكى يتم التلاحم بين رجالات الثورة وبقية الشعب السودانى، بدأ النميرى وصحبه فى القيام بزيارات ميدانية لبعض مناطق السودان ، نال غرب السودان القسط الأوفر منها . أشار الكاتب المصرى يوسف الشريف فى كتابه " السودان . وأهل السودان .. أسرار السياسة وخفايا المجتمع " الذى صدر فى عام 1996 عن دار الهلال ، إلى مصاحبته للرئيس نميرى فى شتاء عام 1970 فى جولة إلى غرب السودان كتب " كانت عتمة الليل قد أسدلت ستائرها ونحن جلوس فى خيمة نميرى نشرب الشاى والقهوة السودانية المغلية فى دوارق صغيرة من الفخار قبل أن ننصرف إلى النوم فى الخيام التى أعدت للضيوف .. حين وقف شيخ القبيلة موجهاً حديثه إلى قائلآ : قم يامصرى الليلة ليلة عرسك !؟ ولم أفهم فى البداية معنى ولا مغزى عبارته .. لكننى فوجئت بالرئيس نميرى وأعضاء مجلس الثورة يضحكون ويستحثوننى على الإستجابة للدعوة الكريمة .. وعندئذ بدأ شيخ القبيلة يشرح الأمر قائلآ : لقد سمعتك تسأل عن تقاليد الزواج فى قبيلتنا ... انظر – مشيراً بسبابته بعيداً – هناك فى هذه الخيمة تنتظرك فتاة جميلة عمرها 17 عاماً .. اذهب إليها فإذا نالت لديك القبول زوجناها لك الآن .. لانطلب منك مهراً ولا فراشاً .. المأزون جاهز لعقد قرانك وشاهدى العقد الرئيس نميرى وأى رجل آخر تختاره ... قررت الإعتذار لشيخ قبيلة (..... ) ..شاكراً له حسن ثقته وهذا التكريم الذى إختصنى به ...لكن نميرى لم ينس لى هذا الموقف الذى إعتبره ماساً بكرامته الشخصية كونى خذلته ...وراح يحكى فى جلساته الخاصة بإعتبارى جـبان .. " ص 57 ،58 . أسوق ما سبق كدلالة على عبقريات من حكم السودان 16 عاما وأضيف أن فى تجوال نميرى فى منطقة جبال النوبا فى بداية السبعينيات زار ومن معه منطقة الكاونارو ( مكونة من جبال ثلاث هى : كاو – نارو – فنجر ) . سكانها يسيرون عراة كما ولدتهم إمهاتهم وحتى بدون قطعة قماش لستر ما نسميه نحن بالعورة . المهم فى الأمر هو أن صادف وصولى وفريق البحث المرافق إلى مدينة كادوقلى اليوم الثالث لمغادرة نميرى وصحبه تلك المدينة . كان الهدف من زيارتنا للمدينة هو جزء من خطة العمل المقصود منها إجراء مسح إجتماعى وإقتصادى لمنطقة جبال النوبا . فى اليوم التالى لوصولنا المدينة جاءنى من يخبرنى بأن سيادة المحافظ يطلب مقابلتى . وبالفعل ذهبت إلى مكتب المحافظ محمود حسيب "رحمه الله " الذى قابلنى بترحاب قائلآ : كيفكم ياناس الخرطوم ؟ وفى أثناء تناولنا للشاى قال : لقد تسلمت إشاره من مكتب سيادة الرئيس جعفرنميرى يطلب فيها " تململ فى جلسته " أن نرسل ملابس لكسوة قبيلة الكاونارو .. واردف قائلآ : يظهر أنه فى رحلته الأخيرة قد شاهدهم عراة . قلت : لكن سعاتك بحكم معرفتى بالمنطقة وسكانها ، أن الكاونارو عراة لأنهم يرغبون فى ذلك .. هذا هو أسلوب حياتهم ولايمكن تغيير ذلك بإرسال ملابس لهم ! رد قائلآ : يا أخى أنا عارف لكن خلينا ننفذ الأوامر وبعدين لبسوا وله مالبسوا على كيفهم !! إستفسرت عما هو مطلوب منى !؟ سأ ل : عندكم كام عربه ؟ أجبته : ثلاثة .. كومر وإثنين لاندروفر . قال : خلاص نضيف ليهم كومر تانى نملأهم قماش دموريه . قلت : سيادتك الكاونارو يحتاجون إلى دراسة متأنية معها يمكن خلق حاجة لهم تماماً كما حدث فى أبوجبيهه " مدينة لاتبعد كثيراً عن منطقة الكاونارو " تساءل: ماذا حدث فى أبوجبيهه !؟ قلت : فى أبو جبيهة أصدرت السلطات المحلية قانوناً يحرم دخول العراة إلى المدينة وبالطبع لحاجة الكاونارو للبيع والشراء فى سوق مدينة أبوجبيهة كان القادم إلى السوق منهم يرتدى سروالآ وبعد أن يخرج من المدينة يخلعه ويضعه على رأسه ويذهب إلى أهله عارياً . قال المحافظ : أعلم ذلك ولكن علينا تنفيذ ماطلبه سيادة الرئيس ! أخبرته بأننا سنفرغ من مسح مدينة كالدوقلى وماجاورها فى خلال بضعة أيام بعدها سنتوجه إلى منطقة الجبال الشرقية ، عندها سنأخذ معنا الأقمشة ! قال : سنجهزها إنشاء الله فى خلال يومين . خرجت من مكتب سيادة المحافظ أحمل علامات إستفهام كبرى حول رئيس الدولة الذى يمر موكبه بمنطقة ما فيفسر الظواهر حسب هواه أو هوى من يفكر نيابة عنه ويرفع له بالتوصيات ! كل العذر للأجنبى الذى يحل ببلد ما ويفسر الظواهر حسب خلفيته الثقافية التى تشرب منها ، أما إذا كان من يفسر الظاهرة مثل مافى حالة الكاونارو أحد أبناء السودان فهذه مصيبة ، ولكن أن يأتى ذلك من رئيس الجمهورية فالمصيبة أعظم ! بعد أن فرغنا من إجراء المسح على كادوقلى وضواحيها والمناطق المجاورة مثل ميرى جوه وميرى بره ودلامى وعبرى ، حملنا العربات بكميات من قماش الدمورية وتوجهنا إلى منطقة الكاونارو . عندما وصلنا إلى مشارف القرية ظن البعض أن الحكومة قادمة إليهم مرة آخرى . خرج أهل المنطقة مستقبلين والأطفال يسابقون السيارات والكبار من نساء ورجال ينظرون وينتظرون لمعرفة هوية القادمين إليهم . توقفنا نسأل عن المسئول أو شيخ القرية . تقدم أحدهم وهو على مايبدو فى العقد الثالث من العمر و فى لغة عربية سليمة قال : أهلآ وسهلآ.. إتفضلوا فى الخلوة " مكان الضيافة " . تقدمنا إلى أن وصلنا للخلوة وهى عبارة عن أعمدة بسقف من القش فى شكل مستطيل وهناك مقاعد من خشب الدليب . المكان نظيف جدأ . أشاروا علينا بالجلوس فجلسنا وسرعان ما مرروا علينا أوانى مملوءة بالماء فشربنا " تقديم الماء هو نوع من كرم الضيافة" وبعد قليل جاؤا بأوانى المريسة فشرب منها البعض . لعلمى المسبق بأن رفض مايقدم لك يعتبر نوعأ من الإهانة والتقليل من الشأن مررت بسرعة إناء المريسة " كورة المريسة" إلى الجالس بجوارى محاولأ إيهام الشخص على أننى منهمك فى الحديث ولا أرغب قطع الحديث بشرب المريسة . فطن إلى ذلك محدثى فإبتسم وهو يقول : كتير من الجلابه مابشربوا المريسه . إبتسمت وواصلت الحديث . مايلفت النظر حقأ أن جميع ممن همو أقل من الخمسين من العمر لايرتدون أى نوع من الملابس ، عراة تمامأ ، حتى النساء إلا كبار السن . هذا العرى من ورائه فلسفة تقول بأن الخالق الذى منح هذا البدن من جمال فى الصنع لابد أن تكون من وراء ذلك حكمة لايجب إخفاؤها ، فهذا الجسم الأبنوسى ماخلق إلا للتباهى به . عندما عرف محدثى ماجئنا من أجله ضحك وضحك إلى أن ترقرق الدمع فى عينيه ، ثم قال: جايبين لينا دموريه عشان نلبس !؟ قهقه واردف قائلأ : يا أخى أنا القدامك ده ما شايفنى عريان كيف .. أنا كنت بشتغل عند باباكوستا " مخبز فى شارع الجمهورية " فى الخرطوم وكنت باخد ماهيه خمستاشر جنيه وكان عندى عجله جديده ، خليت كل ده عشان عيشتكم ماعجبتنى " ضرب كفاً بكف " .. خلينالكم اللبس هناك جيتم لاحقننا هنا عشان تلبسونا !؟ "أضاف " إنتو ناس البحر ديل لاترتاحو ولاتريحو ! لمن لم يحضر زمن باباكوستا . كان باباكوستا هو المخبز الوحيد المتخصص فى صناعة الخبز الفرنسى الذى كانت تتهافت عليه الجموع أثناء ساعات النهار وبلغ صيته معظم أرجاء السودان وكان يضرب به المثل حيث أن كانت الفتاة الجميلة الرشيقة القوام يمثلونها بقولهم " رشيقه وسمحه وتشبه رغيف باباكوستا " . إلتفت الشاب إلى من إجتمع حولنا من أهل القرية وخاطبهم باللهجة المحلية ، شارحاً الهدف الذى جئنا من أجله . كان الشاب يقاطع من الحاضرين بالضحك والتعليقات . أخيراً وهو يغالب الضحك قال : نزلوا الدمورية .. الليله الحلة كلها تصفى مريسه ! وبها ، ان قماش الدموريه الذى زودنا به محافظ مديرية جنوب كردفان لن يستخدم فى ستر عورة الكاونارو بل سيستخدم فى تصفية المريسة . وبهذا يكون رئيس الجمهورية جعفر نميرى قد برهن على عشوائية قراره وقصر نظر فى تفسيره للظواهر !
----------
* التقسيم من عندياتي . . عارف الناس بتمل . . لكن نسوي ليكم شنو ؟ لسه العلم دا ما وصل لكبسولات معرفة نجيبا ليكم تبلعوها . . اها سكة واحدة بس للتعرف على السودان الشغيغ دا . . مضنية و عسيرة جداً
الرقيب الالكتروني عذبنا ذاتو يشخت ساااي . . رجعت كلمة " جـبان " كما بالنص الاصلي
(عدل بواسطة قيقراوي on 05-31-2010, 11:05 PM) (عدل بواسطة قيقراوي on 05-31-2010, 11:16 PM)
05-31-2010, 11:16 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: ان السودان الذى تبلغ مساحته المليون ميل مربع تقطنه قبائل متعددة ، منها الرئيسي ومنها الفرعي وهى تختلف فى عاداتها وتقاليدها . وبالرغم من أنه من السهل تقسيم السودان إلى عرب وزنج ونتاج ما إختلط منهما ، إلا أن التقسيم الثقافى يتعدد . يقترب ويتباعد بإقتراب وتباعد الحيز الجغرافى لكل منها . وتعدد الثقافات فيه ، إذا كان قد استغل الإستغلال الأمثل من قبل القائمين على أمر الحكم فيه منذ فجر الإستقلال فى عام 1956 ، كان يمكن ان يكون هذا التعدد الثقافى مصدرأ للقوة والمنعة . ولكنهم ولا أستثنى منهم أحدا عملوا على طمس أو محاولة طمس ماهو متأصل ومتعمق فى مجتمعات السودان بحجة التحد يث الذى يتمثل فى إحلال اللغة العربية محل القائم من اللغات معتقدين أن وحدة اللغة هى المكون والضمان للوحدة الجغرافية ! وبطل ماكانوا يظنون! فلغة النوبة فى الشمال ولغة الدينكا والنوير والشلك فى الجنوب ولغة أبناء النوبا فى كردفان ولهجات أبناء الغرب وأبناء الشرق ، هذا الكم الهائل من الموزييك كان من الممكن أن يكون عامل ربط وقوة ، وبالتالى عامل تلاحم للجزئيات ليصبح محركاً لتسخير الإمكانات البشرية والطبيعية لخدمة الصالح العام . ربما يتساءل البعض ، مال البعض يسير عرياً فى زمن الصواريخ والأقمار الصناعية والساتلايت !؟ ونتساءل بدورنا : هل التكنولوجيا حطت على الدول الصناعية من كوكب آخر !؟ هل تهيأ لها البشر أم جاءت من فراغ !؟ ثم أين حق الفرد فى مجتمعاتنا .. أين حقه فى الحياة الكريمة !؟ لن أسأل عن الديمقراطية لأن الحكام فى الدول النامية يعتبرونها مقرونة بنداء " تسقط الحكومة " . علينا أن نتساءل عن مقومات التغيير ، وهل هى متوفرة فى بلد مثل السودان !؟ وهل من الممكن أن يتم التغيير بقرار !؟ إذا كان علماء الإجتماع والأنثروبولوجيا وعلم النفس والإقتصاد وكل العلوم يجيبون بالنفى ، لماذا إذاً حكام العالم الثالث يسارعون فى إتخاذ القرار تلو الآخر وبدون سابق دراسة فى أمور تهم الفرد والجماعة والمجتمع !؟ ولماذا لاتتاح للفرد فى المجتمع المعين فرص المشاركة فى صنع القرار الذى يهمه ، إذا كان هوالمعنى والمستفيد الأول والأخير !؟ قبل أن تأخذنا متاهات الديمقراطية وحق الفرد ، نواصل ماقطعناه عن الكاونارو . بعد الظهيرة فى ذلك اليوم طلب من الجميع إخلاء المكان لتبدأ مراسم الرقص حيث هذا هو النشاط اليومىبعد موسم الحصاد . وبالفعل إخلى المكان وجاء الشباب إلى الحلبة وكل منهم قد طلى ساقه اليمنى وظهره ووجهه باللون الأبيض وكل يحمل حربة بيد وبالأخرى إناء فيه ألوان . جلسوا على شكل دائرة، كل فى حضن الآخر والساق اليمنى ممدة إلى الأمام ، وفى داخل الدائرة وضعت أوانى المريسة . سرعان مابدأ كل شاب برسم صور لحيوانات مختلفة على ظهر الشاب المقابل له . وفى أثناء ذلك كانوا يتسامرون وبين الفينة والأخرى يتناولون المريسة . وبعد أن إكتمل الرسم على الظهر والساق ، هبوا لجمع الأوانى ووضعوها جانباً ثم حمل كل منهم حربته وجلس على ألواح خشبية مثبتة على قوائم . الحراب كانت جميعها فى وضع رأسى. وصل إلى المكان رجل كبير السن وجىء بطبل ضخم وضع أمامه فى ركن من الحلبة . بدأ الرجل فى قرع الطبل والغناء بصوت عال . أخذنى الشاب الذى كان يشرح لى ما يحدث بعد أن خلعت عنى قميصى فأصبحت أنا الوحيد الذى يجلس ونصفه الأعلى فقط عار بخلاف البقية الذين كانوا كما ولدتهم أمهاتهم . فجأة تغير صوت المغنى وتغير الإيقاع وحدث مالم أكن أتصوره . دخل إلى الحلبة فوج مصطف من الفتيات مابين الثانية عشر وأقل من العشرين من العمرعاريات تماماً يتمايلن مع دقات الطبل وكل تحمل فى يدها سوطاً "كرباج" . أخذن يرقصن فى رشاقة متناهية .. كل منهن طلت جسدها بلون واحد منه الأحمر والأصفر والبرونزى والأزرق والأخضر من قمة الرأس إلى أخمص القدمين والجسد كله مدهون بالزيت فتكونت لوحة يعجز أن يصورها فنان .. الخالق فقط هو الذى منح لتلك الأجساد روعتها ورونقها وكمالها وجمالها ، وهو الذى له القول الأول والآخر! تضاربت عدة أسئلة فى رأسى ، من أين كل تلك الألوان وكيف أن تلك الأجساد المتمايله فى تيه ودلال لاتثير الجالس من الشباب !؟ إنقطع حبل أفكارى مع توقف القرع على الطبل وهرولت الفتيات فى مجموعات نحو الشباب من الجالسين ، فى مجموعات يقفن أمام شاب من الشباب كل على قدم واحدة وترفع الساق الأخرى وتضعها على كتف الشاب وبكلتا يديها تمسك بالسوط وتقذف بذراعيها إلى أعلى خلف رأسها . تفحصت الشباب لأرى ردة الفعل لربما أحدهم يرتكب حماقة تحت وقع الإثارة الجنسية ! عجباً ، ما كان من كل واحد منهم إلا وأن غض الطرف ! ومع نقرة معينة من الطبل يهرولن راجعات إلى منتصف الحلبة . ويتوقف الغناء . كل شاب حاز على إعجاب العدد الأكبر من الفتيات يقف ثم يتقدم قليلاً إلى داخل الحلبة ويبدأ فى الصياح مقلداً ملك الغابة ثم يعود إلى مكانه . أما الشاب الذى تكون حصيلته أقل فيخرج من الحلبة مكسور الخاطر . ويبدأ قرع الطبل والغناء مرة أخرى وتعاود الفتيات الكرة ويتكرر الحدث إلى أن يتبقى فى الحلبة شاب واحد تجتمع من حوله كل الفتيات فيصبح هو فارس ذلك اليوم . الجدير بالذكر هو أنه فى إحدى المرات هرولت مجموعة من الفتيات نحوى، وقبل أن أنعم بوضع سيقانهن على كتفى غير الرجل إيقاع الطبل وعلى إثر ذلك هرولن راجعات إلى منتصف الدائرة الشىء الذى جعلنى أصب اللعنات خفية على الرجل هادم اللذات ! وتعجبت من فهم الفتيات للغة الطبل ورمزية السكون ! توقف أيقاع الطبل مع مغيب الشمس وذهب ذلك الشاب فارس يومه يرقص فى منتصف دائرة الفتيات فى موكب هو الجمال بعينه . أسرعت إلى قارع الطبل " هادم اللذات " كى أعاتبه على فعلته وقبل أن أفتح فمى رفع كفه نحوى وكأنه يقول لى لاتفتح فمك بكلمة وبادرنى قائلاً : يا ولدى الزيك ده كان إنجلد وضحكت عليه العالمين . سألته على عجل ، لماذا !؟ وكان أن أجاب قائلآً : يا ولدى شفت السيطان الفى إيدين البنوت دى كلها كان وقعت فيك ضرب . وجدنى أنظر إليه منتظراً إجابة أوضح فأردف قائلاً : ياولدى .. نحنا ماعندنا زول بعاين ل "..." بنيه ، السوط الشايلاهو كل واحده منهن عشان تضرب بيهو البعاين .. وعشان كدى ياولدى كل واحد من وليداتنا لمن تقرب منو بنيه بدنقر راسو .. الإحترام واجب ياولدى . وواصل قائلآً : أنى كنت بعاين ليك قوى وشايف عويناتك كانت ماشيه وين فشان كدى وقفتهن قبل مايلحقوك ! جمدت فى مكانى وأنا أستمع لما قاله .. لقد غير إيقاع الطبل خشية أن يطالنى سوط كل واحدة منهن وأنا الذى لم يكن يجد تفسيراً لما يفعله الشباب عندما يضعن الفتيات بسيقانهن على أكتافـهم ! يالعظمة التقاليد .. هذا البعد من الإدراك لم يتوصل إليه سكان المدن . نحن نفسر الظواهر حسب المفهوم الثقافى للفرد منا وبذلك نحكم على الظواهر سلباً أو ايجابا حسب محصلة تجاربنا وذلك ما يوقعنا فى دائرة الخطأ . عندما تجولت بالمنطقة لاحظت الكثير من الحفر وعلى فوهة كل حفرة كومة من أغصان الشجر الشوكية وتساءلت عن لماذا يخزنون العيش " الذره " تحت الأرض !؟ وكانت المفاجأة أن جاءنى الرد : هذا ليس عيش ولكنها قبور موتانا ، نحن لاندفن الموتىكما يدفن الجلابه ، حيث أن الجلابه يحفرون للميت ثم يحفرون حفرة جانبية " ود الأحد " ثم يضعون الحجارة لإحكام الحفرة الجانبية ثم يهيلون التراب عليه ، نحن ندلى الميت فى الحفرة واقف على قدميه ثم نضع الشوك كى لايأكله المرفعين ، وعند الآخرة " يوم القيامة " لامن الجلابى يحفر ويمرق من حفرتو يكون زولنا قطع مسافه ! ياله من تفسير يتماشى مع العقل ! تعلمت من يومى ذاك مالم اتعلمه من كل المطبوعات التى قرأتها ولا كل دور العلم التى إلتحقت بها. عندما يصبح العرى قيمة ، عندها تتكسر كل التعليمات والتوجيهات حتى وإن كانت صادرة عن رئيس الجمهورية . فى ذات يوم ، فى بداية التسعينيات من القرن الماضى ،عندها كنت فى مدينة هيوستن بولاية تكساس جاءنى أحد الأصدقاء فرحاً قائلاً : الرئيس البشير غير إسم قريتنا . قلت متسائلاً غيرها لأى إسم !؟ قال : من "عد الغنم " إلى " عد الفرسان". سألته : أليس العد هو مشرب للبهائم !؟ صمت ولم أسمع منه حتى تاريحه ! عندما يشطح الرئيس ، هل يقف من وراء ذلك نفر من الجن ، أم أبالسة من البشر " المستشارين " يزينون له الباطل مؤكدين له انه الحق !؟ وهل فى الإمكان معرفة أولئك الأبالسة من الذين أوقعوا الرؤساء فى شر أعمالهم !؟ وهل لنا أن نحصى اليوم كم عدد أولئك الأبالسة !؟ .. أعينونى يرحمكم الله .
انتهى النقل
06-03-2010, 11:43 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
جالك الفرج يا " حرامي " * لو اعتمدنا الحلفية " معيار " ياها الشربانة زيت و جايبة نفاخ
رايك شنو في اثبات ؟ حاجة آمنة بت السيمت امي البيولوجية . . و قصة التعب و التحمل هنا ما دايرة ليها درس عصر ، و مثبتة في القرآن الكريم " وهناً على وهن . . " التومة بت سليمان - عمتي في الحسبة - و هي الربتني و ح اقول ليك رجزتها لي بدون شرح - عشان ما نفسد جمال النص ؤ كدا - و في المسألة دي يُراجع الاديب أمين ياسمين ، و يا ريت ينزل لينا بنوتة حول الموضوع دا مشهد ليلي على ضفاف النيل . . النيل الابيض ، من الجهة الشرقية نص : " ود ام بريرة وا تومي . . الناس نايمين و انا في لومي " انتهى
ازيك يا ندى قال ليك الراجل جاهو تلغراف : توفت حرمكم اليوم . . ندفن و لا نحرق رد بتلغراف : احرقوا و بعدين ادفنوا ردو ليهو : يا فير يا لفلي . . دا شنو اسي ؟ قال ليهم : احرقوا الجثة ، و بعدين ادفنوا الرماد لووووووووول صدقيني تعبتي معانا
-----------
* في بعض الروايات المغرضة لغير الثقات وردت هكذا " قيقراوي " . . و منها رواية قيقا راوي
06-04-2010, 10:32 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
نصرد الدين يا قريبك الجكس دا وين البرقع بتاعا ؟! مشكور يا حبيب . . و ربنا يخلي الامور/ة الفي البروفايل . . ( في معكوس نص خالد مونيكا " العجايز ما بحتاجو تمييز " . . اها الشفع ذاااتم ) قبل يومين مشينا سوق الندى ( سوق الدهب ) في البلد ، اها شركتنا في نص السوق دا ، قمت شلت " الآنسة شلوفة " او في رواية سارة جداً " وجن " و دخلت بيها الشركة . . ياخ أي زول سلم علي كرر نفس الجملة المملة : ما شاء الله - و معاها بوسة و لا خمشة جضم - ربنا يحفظ . . ولد و لا بت !؟ . . يا اخوانا في اكتر من الحلق في اضانا دا . . اها دايرني اكتب ليكم عليها بت و لا كيف ؟ . . احراج شديد
يا أمين خليك تفتيحة و وافقوا لينا على تصنيف الـ others ، عشان لما ناس " ام بلينة " ديل يتفضلن يكسحن كوكبن ، نحن نتمسك بي ناس وعد و يسر ديل ، و بالمرة نكون خلصنا من أحمد و فادي - و ما ادراك ما فادي . . دا كتاب معط براهو !؟ - و بي حجر " اتفاقية " واحدة . . و جوز لا يخسر في البلي دا
Quote: كنت ح تلتزم بالمواعيد - كنت ح تدفع فاتورة المحامي او الطبيب قريبك - كنت قاضيت المهندس اللي خرب ليك بيتك - كنت عملت مشروعك بنفسك دون محاكاة - كنت بدأت دوامك في الموعد المحدد - كنت حتنطق حرف ال (ق) و ال) غ) كما ينبغي وما كنت حا تقول للتسعة تزعة - كنت بطلت تسف ساعوط - كنت صرت متخصص وعالم في مجالك - كنت حتلبس شيك جدا عند خروجك أمام التلفاز وأجهزة الاعلام - كنت تتحدث بطلاقة وإنسيابية بدون أ أ أ أ أ أ– ولو ما كنت سودانى كنت عرفت ان باللدقيقة 60 ثانية وبالساعة 60 دقيقة وباليوم 24 ساعة وفي اليوم ممكن تعمل كذا وتنجز كذا وكنت خططت لحياتك ومستقبلك و كنت اخترت المساق التعليمي بنفسك و درست الجامعة بالكلية اللي تناسب مقدراتك ومواهبك ورغباتك المستقبلية مش عشان ود جيرانكم اختار الكلية دى بالزات يعنى اخنق فطس.. كنت ح تتصل بالتلفون قبل زيارة أحد في منزله بدري شويه, مش و أنت في خشم الباب ده طبعا لو اتصلت وما جيت داخل زي قدر الله بدون حتي ماتدق الباب وتدقو ليه؟؟مش في سلك تجرو وتدخل!!بدون مراعاة لحرمة البيت ولو ما كنت سوداني...كنت انتظرت دورك في الصف وخلصت معاملتك بنظام بدل الململة البتعملوها وكنت ح تنهر أولادك لما يبهدلوا ليهم بيت زول ويعيثوا فيهو فسادا وحضرتك قاعد تضحك ومتعوجب لي اولادك ورافع لي ناس البيت الضغط والسكري....كنت حا تتوقع بحصل شنو لما ترقد طفلك الصغير بدون بامبرز في سرير في بيت ناس!!واولادك الاكبر شوية بعملو شنو في نباتات وازهار الناس التعبانين عليها وزارعنها وراوينها بي دم قلبهم ..والطامة الكبري لو كان عندهم حوض سمك ... و كنت ح تتردد في أخذهم معاك المرة الجاية لنفس البيت, علشان يبهدلوه مرة تانية...كنت ح تتردد في إعطاء رقم تلفون أو عنوان شخص ما.. دون إذنه او حتي سؤاله اذا كان عندو رغبة يتواصل مع الناس ديل أو مفهمم انو ما عندوا تلفون من اصلو بدل تورطو وتحرجو كدة!!!.وكنت امتنعت عن السماح بجلوس طفلك الرضيع في المقعد الأمامي على حجر والده او والدته ولمن يحصل حادث الحبيب ياكلها لا لذنب جناهو سوي انو اهلو سودانين!!...كنت ح تترد في زيارة شخص ما.. أنصاص الليالي و صابح تاني يوم مدارس و عمل وتساهر بالناس وتطلع روحهم تشرب العصير والشاي ويعملو ليك العشاء علي امل انك تمشي وتخليهم ينومو وانت برضو قاعد تبرأ فيهم وما تحس الإ قبل آذان الفجر بشوية وتقوم تنكشح بعد ما الديك قرب يعوعي!!!ولو ما كنت سوداني ...كنت ح تخلي الصغار في البيت عندما تكون المناسبةمناسبة كبار..-كنت اتونست بصوت معقول, خصوصا' عندما يكون الطرف الأخر قاعد جنبك في نفس الكنبة.. و يا حبذا عندما يكون الطرف الاخر ساكت...كنت امتنعت عن التدخين في منزل شخص اخر, او على الاقل استأذنت قبل ما تولع...كنت ترددت في ارسال حاجات وزنها خمسة كيلو و ما فوق مع كل من تسمع بأنه ماشي السودان...كنت رجعت القروش الاستلفتها في وقتها, أو في الحقيقة رجعتها و بس..كنت امتنعت عن زيارة احدهم في مكتبه , للونسه او مناقشة امور لا صله لها بالعمل كنت خجلت من عدد المسكولات التي تعملها, مش كمان تقول 'شنو يا فردة, خمسه مسكولات ما ترد عليها؟ و الله الفيك اتعرفت'.....كنت حا تقعد فى صالون الناس بدل تلوص فى البيت كلو..كنت حا تبطل التحشر فى خصوصيات الناس وتعمل الحالة واحدة وتدى نفسك الحق تسأل اى سؤال يخطر فى مخك( لو كان فى يعنى) ..كنت ما حا تمشي مستشفى الولادة وتقعد تحقن النسوان الفى العنبر كلهم واللللللللللله عيب كبير يا سودانيين اصلا ما شفت غيركم بتحاوم فى عنابر الولادة وكمان معاها هرجلة وإزعاج ..اصلا انتو البوديكم شنو مستشفي الولادة؟؟ عشان تودو نسوانكم اوكي آمنا بالله طيب اقعدوا في الاستقبال لزومو شنو الحوامة في العنابر يعني حبكت تباركو للام استنو لمن تطلع في البيت أما لو كانت اختك او زوجة اخوك يا ريت الزيارة تكون من طرف الاوضة وتتوكل علي الله ... ولو ما كنت سودانى كنت بطلت تطلع بالعراقى والسروال والسفنجة وراسك مكشوف وصوتك يجيب الطاش..لو ما كنت سودانى ما كنت اكلت ميراث اخوانك الصغار واستوليت على بيت ابوك لى يوم يبعثون عشان بس انت الكبير!!ولو ما كنت سودانى كنت إبتكرت فى خريطة بيتك بدل تشف حقت صاحبك بالكربون وكنت استثمرت فى حاجة غير الركشة !! ومحلات الاتصالات !!لو ما كنت سودااااااااااانى ما كنت سوقت معاك كتيبة وانت ماشى المطار وما كنت عملت الضوضاء والغوغاء العجيبة البتعملوها فى المطارات ولابسين الجلاليب والبراطيش وراسكم كاشف وفي احسن الاحوال لابسين طاقية ويوم تحبو تقشرو تلبسو مركوب نمر يقزز .. ونسوانكم معنكشين بى دهب البيت كلو ولابسين الاحمر والاخضر والترتر وزفة الوان ما شوفناها حتي في اعتي صحن سلطة ده غير شباشب الظار البرتقالي والليموني وهلمجرا وشفعكم يكوركو ويتساككو ده غير التحنيس والدناءة عشان يمشو ليك الوزن !!! ولو ما كنتو سودانين كنت قعدتو محترمين فى الطيارة وما قرفتو المضيفات بي الطلبات والاصوات والمشية والجية والهمجية وبكاء الشفع والشنط والكراتين والصفايح الداخلين بيها الطيارة والاصوات العالية والجلاليب الشربانة وما كان نسوانكم غيرو التياب فى الطيارة وما كنتو فكيتو الاحزمة ووقفتو قبل الطيارة تنزل..لو ما كنت سودانى ما كان ممكن تدخل فى زول شمال وتقول ليهو راتبك كم؟؟؟؟ولو ما كنت سودانى ما كان ممكن تفكر انك تمشى عرس بتاع ناس وتقيف بكل بجاحة تصور العروس بى موبايلك وانت ما بتقرب للعروس ولا حتى بى حواء وآدم بدون ما تسأل نفسك منو الاداك الحق ده في إختراق خصوصيات الناس ومنو السمح ليك تدخل وتتعشي وتصور!!!! ..ولو ما كنت سودانى ما كنت طلعت من شغللك ولمدة تلاتة ايام وسبت المراجعين يتبهدلو عشان حبوبة جار جاركم ماتت عن عمر يناهز المية وشوية والبكا جاى خبر من الشمالية.. والمراجعين برضو لو ما كانو سودانيين ما كان سكتو عن حقهم وكل يوم يمشو ويجو المؤسسة عشان موضوع ######## ما بياخد اكتر من عشرة دقايق!!! لو ما كنت سودانى كنت استفدت من غربتك وامنت مستقبل اولادك وقدمت استقالتك ورجعت بلدك بي كرعينك مش بالصندوق..لو ما كنت سودانى ما كان كل يوم جاييك تلفون رسل وجيب وحول عشان هم يقعدوا ياكلو فى حقك لا شغل لا مشغلة ويشتغلو ليه؟؟كفاية عندهم سودانى مغفل زيهم يرسل بدون تفكير ..ولو ما كنت سودانى مستحيييييييييييييييل تدى اخوك يبنى ليك بيتك وترجع بعد خمسة سنين تلقاو لسة ما حفر الساس ولو سألتو عن القروش الحولتها طول السنين دي يزعل منك ويخاصمك ويعملها حكاية طويلة وعريضة ولو ما كانو اهلك زااااتهم سودانييين ما كان غلطوك وطلعوك انت الكعب!!وجبروك تسكت عن حقك وطلعت من الموضوع بي ازمة نفسية!! صدقنى لو ما كنت سودانى كانت حياتك مشت بى اريحية ونظام ورااااااااحة كانت مجاملاتك حا تكون حلوة وفى حدود المعقول بدل كل يوم جاري ولاهث من بيت لي بيت في الفارغة والمليانة!!..كنت نمت لما تحب وتصحى لمن تحب..كنت انت القررت مشروع زواجك بمن تحب بدل القبيلة كلها تقرر معاك..ويجزمو بأغلظ الإيمان انو فلانة هي البتناسبك !!!عرفو احتياجاتك كيف؟؟ميولك كيف؟؟طلبك كيف؟؟ انا ما عارف!!!!!. كنت سميت اولادك الاسماء البتحبها مش البختاروها ليك عمك وجدك ونسيبك وتقوم الدنيا وما تقعد لو ما سميت ليهم الاسم الدايرنو ويسلبوك ويسلبو الام ابسط الحقوق انها تسمي الكائن الكانت شايلاو تسعة شهور وتعبانة فيهو ده!!! .كنت استمتعت باجازتك وبى وقتك وحياتك بدل كل واحد يديك الفتوي الفى دماغو..لو ما كنت سودانى كنت حا تكون سييييييييييد نفسك وووووووووووووو.
----------
دا ايميل وردني على بريدي الخاص . . . بالمناسبة الصور برضو مصدرها ايميل عشان تشوف المد الثوري لحزبنا واصل وين ؟
06-04-2010, 12:55 PM
ممدوح أبارو ممدوح أبارو
تاريخ التسجيل: 02-27-2008
مجموع المشاركات: 3162
منتظرين الاستفتاء على تقرير المصير يا وحدة جاذبة . . يا كمان يتفضلن يرجعن كوكبن الجن منو لكن بالشايفو دا ما في أي لغة مشتركة للحوار ذاتن ما اتن . . و كان اتن ، فما اتن لحوار كلو كلو
Quote: أمين أخو البدري المعروف بواسطة أبن أخته حمور : بطل تحريف للبوست
الريس كان جابلو رخوة من الحل ( الثوري ) . . بنتعامل معاهو بالحسم ( الثوري ) الاحزاب التقليدية كلها عندها خط سياسي واحد . . لحزبنا خطين سياسيين بتلاقو في ( الثورية ) دي بس الحل ( الثوري ) هو الحل لجدلية النص دا ( الحيكومة و ( الحكومة ) لا يمكن تغييرهن بأي طريقة سلمية مهما ارتكبن من كوارث ) فخطينا السياسيين متوازيين و متلازمين .
Quote: نهايتو...... في إنتظارك نفتت عضم النضم علي شرف عشوة سمك عند أولاد جادالله والدفع بالدموغراطية (انقلش بوكت)
لكن انا سغافتي ( روسي ) ياخ ! . . الانقلش بوكت مفهوم امبريالي كرس ليهو المستعمر ( الانقليزي )
06-06-2010, 06:11 AM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
الأخ الكريم قيقراوي السلام عليكم ورحمة الله . لم أقرأ من خيطك هذا غير عنوانه جئت هنا بغرض محدد.
كتبت
Quote: يا كيكي تتذكر لما كنت مقبقبو بتهمة ( الكذب ) كانت مراقتو شنو ؟ مش رجعك لمداخلتي ( الشرك ) ؟ دي كانت دقسة ( الشاطر ) بقى لانو نفس الفرمان الشرف بيهو كمال عباس و شيخنا وهبة دا كان قاطعو لاخوك ( برضو لضيق الزمن ، او تثمين زمنو على ضياعو في " هراء اخوك " ) . . تصدق !؟ فاذا به يستشهد بي ( فارغة ) كاتبا العبد لله عشان يتخارج من تهمة ( كذب ) . . فتأمل !؟ الفارة دقس و اتلحس كش يا ملك اللولوة
طيب أين كذبت أنا ؟ أرجو أن تحدد لي موضع كذبي موثقا حتى أعتذر عنه .
06-06-2010, 08:58 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: الأخ الكريم قيقراوي السلام عليكم ورحمة الله . لم أقرأ من خيطك هذا غير عنوانه جئت هنا بغرض محدد.
وعليكم السلام و رحمة الله و بركاته اخونا - ولا هي اخانا - محمد الحسن نفعنا الله بعلمه و كفانا شر لولوتو كرفست مشاعري ياخ !! اسي لما شفت اسمك منور البوست قلت يكون ربنا هداك و جاي تقرقر معانا شوية الشئ شنو اصلو ؟ انت ما بتعرف تهظر كلو كلو ؟ . . بس كلو لولوة .. لولوة .. لولوة ؟! ساعةٌ فساعة يا حبيب . . النفس دي بتصدأ هي ذااااااتا !! قال ليك مرة دبيب سِكر مشى عدييييييل لوووووووووول
Quote: كتبت
ما انا بكاتب !! لووول هل انا كاتب ؟ هل ادعيتا يوم ؟ . . و رايك انت فيما اكتب شنو ؟
Quote:
Quote: يا كيكي تتذكر لما كنت مقبقبو بتهمة ( الكذب ) كانت مراقتو شنو ؟ مش رجعك لمداخلتي ( الشرك ) ؟ دي كانت دقسة ( الشاطر ) بقى لانو نفس الفرمان الشرف بيهو كمال عباس و شيخنا وهبة دا كان قاطعو لاخوك ( برضو لضيق الزمن ، او تثمين زمنو على ضياعو في " هراء اخوك " ) . . تصدق !؟ فاذا به يستشهد بي ( فارغة ) كاتبا العبد لله عشان يتخارج من تهمة ( كذب ) . . فتأمل !؟ الفارة دقس و اتلحس كش يا ملك اللولوة
طيب أين كذبت أنا ؟ أرجو أن تحدد لي موضع كذبي موثقا حتى أعتذر عنه .
اولن : شوف المخاطب منو في ما " كتبت " ؟ هو المدعي و كان بثبت في البينة . . انت عملت لينا شنو في اليمين ؟ هل انت تنكر أمر فرمانك في حق ما اكتب ، و ضيق زمنك ، و ضيق صدرك عديل بما اكتب . . و اقرارك حقي في القراءة ليك لأني لما اشوف ما تخط بخدر و عيوني بنملن و ما بقدر اتوقف عن القراءة ليك ؟ دا كلو موثق و تدلل بس ما دام شرفتنا بزيارتك دي ( مع اني كنت افضلها في شرح الكربتلوجيا و لا اسما شنو قصة ( التعمية و التشفير ) لاني ممكن افيدك فيها و انت ممكن تفيدينا بعلمك فيها - تتذكر في سؤالك عن كيف تسنى لحمور تبديل فاء " ولغ " بلامها - تتذكر قلت ليك في كودينغ سيستم عند الشماشة زي دا ؟ نديك مثال " تعمية " من بوست المعيار انا وجهت رسالة لتيسير في شأن يخصك " عماك عماي يا درفة " اهاكربت و كربت و فك لينا الشفرة دي عليك الله ؟! * سوم سانين - و كان في نقطته التالتة : انا مالي و مال كذبك مع التانين ؟!!! . . انا اعتذاري وينو ؟ منور ياخ و عليك الله ما تتقل دم البوست دا ، دي مساحة للفارغة لكتاب فارغين في وقت فراغ . . سمح
-----------
ود الصايم اوعك تغشش . . من غشنا ليس منا
06-06-2010, 09:41 AM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
قيقراوي كلامي واضح جدا من قبل وضعتني محل اتهام بقصد الوقيعة بين أختين كريمتين بدون أي برهان أو دليل ثم تراجعت واعتذرت وقبلت عذرك . أنت وضعتني محل اتهام بالكذب الآن إما أن تبين لي موضع الكذب وإما تعتذر عنه في موضع الاتهام نفسه . باقي كلامك لا يهمني . من غير لولوة .
06-06-2010, 09:50 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: هل انت تنكر أمر فرمانك في حق ما اكتب ، و ضيق زمنك ، و ضيق صدرك عديل بما اكتب . . و اقرارك حقي في القراءة ليك لأني
ما زلت أحتفظ لنفسي بحق انتقاء ما أقرأ في البورد. إن كنت تريدني أن أقرأ لك وأنت تناقشني حول الهراء النقدي الذي يكتبه عبد الكريم الأمين فأنت واهم . هذه بداية احتكاكنا في المنبر وبالتحديد بوست حباب السراويل والكمنجات وصهيل الكتابة وكلام خارم بارم كتبه عبد الكريم الأمين وموجود في مكتبته .
06-06-2010, 10:19 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: ما زلت أحتفظ لنفسي بحق انتقاء ما أقرأ في البورد. إن كنت تريدني أن أقرأ لك وأنت تناقشني حول الهراء النقدي الذي يكتبه عبد الكريم الأمين فأنت واهم . هذه بداية احتكاكنا في المنبر وبالتحديد بوست حباب السراويل والكمنجات وصهيل الكتابة وكلام خارم بارم كتبه عبد الكريم الأمين وموجود في مكتبته .
اللغم ضرب
06-06-2010, 10:29 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: أنت وضعتني محل اتهام بالكذب الآن إما أن تبين لي موضع الكذب وإما تعتذر عنه في موضع الاتهام نفسه . باقي كلامك لا يهمني . من غير لولوة .
يا محمد انت عسل و الله يعني اسي عاوز تقرب فهم لقراءك النواكي انو انا البتلولو !؟ حيرتا الحيرة ذااااااااااتا !!!!!!!
ياخ انت شايفني بتلولو لانو الكتابة دي عديلة و انت البتللولو . . عشان كدا انت شايف اللولة !! فما ترمي كلامك ساي يا حبيب . . كان قريت عديل بتعرف انو انا حصرت مطلبي في اعتذار او توضيح عن ما اراه تناقضك في انو ما عندك زمن لهرائي و اقوم اكتشف انك بتقرأ هرائ الكتبتو بإعتقاد انك ما قاعد تقراهو . . كدا ما حلو يا محمد ياخ !؟ . . تغشنى ليه ياخ ؟!
فاذا عندك تفسير يحل لي ( التناقض ) الشايفو دا . . عليك الله كبو و خليني اشيل الفكرة دي من راسي كلو كلو و صدقني ح تنتهي هنا دا . . .
انا ما تهمتك بكذب ابداً لكن قرايتي للوقائع السردتها دي بتقول انو في تناقض بين الخطاب و الواقع . . اها دا اسمو شنو ؟ لو رفع التناقض دا . . بتكون دحضت القراية من اساسها . . و يا دار ما دخلك شر مش ياهو دا النقاش العلمي البقولوا عليهو ؟ و لا غيروهو ؟
-----------
صدقني و الله انا اسي خاشي من الشغل . . و المسألة دي ما مقبولة بالنسبة لي - خاصة للمحاكات الزي دي - و ما عاوز اكترا اكتر من كدا . .
اكتب وجهة نظرك و ح اجيك بالليل نتمو اتفقنا ؟
06-06-2010, 10:50 AM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
صراع السلطة والثروة يعتبر صراع السلطة والثروة هو أساس الصراعات التي تأتي لاحقاً، فمن بيده الثروة مؤهل أكثر لأن تكون بيده السلطة وليس هنالك أوضح من مقولة (من لا يملك قوته لا يملك قراره) في هذا الخصوص، لذلك يسعى كل من شريكي المؤسسة الزوجية لإثبات أن الكلمة العليا كلمته وأنه فقط من لديه كامل الحق في التصرف في الثروة سواء كانت أصول ثابتة كالعقار المشترك أو السيارة أو حتى قطعة أرض درجة تالتة أو كانت أصول متداولة كالنقود الحية أو حلي الزوجة والتي تعرف إصطلاحاً بـ (دهب المرة) .. صراع الموارد يكون الصراع شديداً هنا نظراً لتعدد الأفراد وشح الموارد الإقتصادية (الماهية) خصوصاً في حالة الزوجة غير العاملة والتي نجدها تحاول بجميع السبل إثبات حقها في الإستفادة من أو إستغلال هذه الموارد بالشكل الذي تراه مناسباً رغم الإعتراضات المتكررة من الزوج الذي يرى أنه صاحب الحق في إستغلال هذه الموارد وإدارتها مبرراً لذلك بأن: في زول فيكم شغال الماهية دي معاي ! صراع الحضارات وينشأ غالباً بين الزوجين المتحدرين من مناطق جغرافية مختلفة أو حتى من قبائل مختلفة عندما يحاول كل من الزوج والزوجة أن يفرض رأيه ويبسط هيمنته الثقافية(من Culture وليس من Intellectuality) على الأسرة، وذلك بإعلاء قيمة ما إستقاه من بيئته قبل الزواج وبتبخيس وإنتقاد قيم ومصطحبات الآخر والحوار أدناه نموذج مختصر لذلك: الزوجة بغضب: ستين مرة قلت ليك ما تقول الكلمة دي قدام الأولاد إنت دايرهم يطلعوا زيك إنت وأهلك؟ الزوج بخلعة: يا مرة إنتي جنيتي؟ الكلمة دي من ما عرفتيني أنا بقولا هسي بقت كعبة؟ وبعدين ما لم أهلي؟ الزوجة بإستهزاء: مالم أهلك؟ أكبر مقلب أخدتو في حياتي الزوج مبتسماً تحت تحت: زي المقلب الأخدتو أنا فيك وفي اهلك الزوجة محذرة: أوووووعك تجيب سيرة أهلي على لسانك هسي أهلي سألوك (!!!!!!) إنتهاك الحريات ونجده متمثلاً بشكل واضح في منع حرية التعبير للزوجة والتي سرعان ما يتم دمغها بوصف (النقناقة) فقط لأنها تتكلم وتشتكي وتتذمر 25 ساعة في اليوم (بحسب معظم الأزواج) مما تعتبره الزوجة إنتهاكاً لحرية التعبير وتكميماً للأفواه. من جهة أخرى نجد الزوج يشتكي من المساس بحرية الإتصال والتنقل فما أن تلمح الزوجة أي علامة تدل على أنه بصدد الخروج من المنزل إلا وتبادره بالسؤال الخالد: ماشي وين؟ وقبل أن تسمع الإجابة تتبعه بـ : وحا تجي متين؟ لتختم الملاحقة بأن (يجيب معاهو عيش للعشا) ودا طبعاً تكنيك نسائي متّبع وشائع جداً تضمن به الزوجة عدم تأخر الزوج كثيراً بحجة أن ناس البيت مستنينو بي عيش العشا، دا كلو كوم و وحرية الإتصال كوم تاني حيث يجد الزوج نفسه مطالباً بتبرير أي إضاءة للموبايل سواء كانت مسكول أو رسالة أو مكالمة عديل أما الكارثة بحق فهي عندما لا تلاحظ الزوجة أي حركة لتلفون الزوج طيلة فترة مكوثه بالمنزل والذي يكون مغلقاً في تلك الأثناء منعاً للهوا واللبش .. حق تقرير المصير وهو ورقة الضغط التي يشهرها كل من الزوجين للآخر من وقت لوقت تذكيراً بالحقوق المهضومة أو إحتجاجاً على موقف معين (صغر أو كبر) أو أحياناً قرفة ساي كدا بس!. وعليه تتكرر حالات حردان الزوجة في بيت أهلها في خطوة أولية منها لتهديد الزوج بإمكانية ممارسة حقها في تقرير مصيرها أو أن يتطوع الزوج من نفسه بإرسالها لبيت أهلها مهددأ بممارسته لنفس الحق إن لم ترعوي وتمسك الدرب العديل متناسين هم الأثنين وحدة المصير المشترك وكلام جيراننا بأن: دخول (أي مكان) مش زي خروجو .. الحرب الباردة وهو ذلك النوع من الصراع بين الزوجين الذي لا يظهر للعلن في شكل كلمات مباشرة أو أفعال ملموسة ليستمر مدة زمنية طويلة متلفاً لأعصاب الطرفين والذي يأخذ عادة شكل أن تحرق الزوجة قميص زوجها الذي يفضله جداً بالمكوة عن قصد أو يقوم الزوج بإيقاظ الطفل الرضيع باكياً في الوقت الذي تكون أمه قد فرغت من (خت حنتها) للتو! وعادة ما يتطور الأمر ليمتد خارج حدود المؤسسة الزوجية متضمناً الأهل من الجانبين و لابد أن نشير إلى أن الحرب الباردة هنا قد تمتد لسنين طويلة تنتهي عادة بتفتت إحدى أطراف الصراع وتحرره من التكتل والهيمنة المحيطة .. التدخل العسكري هل تريدون تعريفاً له؟
Quote: يا كيكي تتذكر لما كنت مقبقبو بتهمة ( الكذب ) كانت مراقتو شنو ؟ مش رجعك لمداخلتي ( الشرك ) ؟ دي كانت دقسة ( الشاطر ) بقى لانو نفس الفرمان الشرف بيهو كمال عباس و شيخنا وهبة دا كان قاطعو لاخوك ( برضو لضيق الزمن ، او تثمين زمنو على ضياعو في " هراء اخوك " ) . . تصدق !؟ فاذا به يستشهد بي ( فارغة ) كاتبا العبد لله عشان يتخارج من تهمة ( كذب ) . . فتأمل !؟ الفارة دقس و اتلحس
فعلا كش يا ملك اللولوة. ------------- مافي أي تناقض كلامي عن امتناعي عن القراءة كان في بوست للرد على رسالة محسن خالد. شهادتك التي أتيت بها كانت في بوست كان عبد الكريم يجر قطيعه ويرميني بالكذب . لا أنت ولا عبد الكريم ولا باقي القطيع استطاعوا أن يثبتوا علي كذبا . وعبارتي التي كتبتها ما زلت مصرا عليه :(أنا لا أمارس التدريس في أي جامعة ) --------------------- أعطيتك أكثر مما تستحق من الوقت . والسلام عليكم ورحمة الله وبركاته
06-06-2010, 02:53 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: ونجده متمثلاً بشكل واضح في منع حرية التعبير للزوجة والتي سرعان ما يتم دمغها بوصف (النقناقة) فقط لأنها تتكلم وتشتكي وتتذمر 25 ساعة في اليوم (بحسب معظم الأزواج) مما تعتبره الزوجة إنتهاكاً لحرية التعبير وتكميماً للأفواه.
شكرن يا تيسير لاتاحة الفرصة لإعادة تدوير نكتة عصام كسر الله المؤودة في بويت المعيار : قال ليك الجماعة كل واحد يقول مرتي نقناقة او ( نقاققة ) - و على مواطنينا في البنادر مراعاة فروق السغافات - اها واحد لائذ بصمت مبجل ، و راكب فيلو في أمان الله - تقرأ مسطول - ما شارك معاهم كلو كلو ! . . قاموا سألوه : انت مرتك برضو من النوع النقاق ؟ فاجعهم - ما في خطأ طباعي هنا ! - فجعهم بالرد بسؤال : هو في نوع ما نقاق !؟
------------
وثيقة الزواج المُعدّلة .. وثيقة جيدة يا اخ / أخت تيسير - الفيفا لسه ما طلع قرارو ؟ عذبتونا . . عشان نفرز ؤ كدا ياخ - اقترح - بعد موافقة الريس طبعاً - إعتماد الوثيقة ضمن الوثائق الحزبية
ياخ دي منصة جيدة للإطلاق مواكبة للأحداث و الحراك العالمي . . ح ننزل مرسوم بخصوص كأس العالم . . فترقبوه مع خالص الشكر للناشط الحزبي و الحقوقي صديقنا سمير شيخ ادريس
06-06-2010, 02:59 PM
محمد كابيلا محمد كابيلا
تاريخ التسجيل: 11-15-2008
مجموع المشاركات: 3510
شكراً لاستعدالك البوست يا حبيب فعلن ناس البنادر دي ما خابرالنا شئ و الحيكومة ما خابرالنا شئ و رادي الدندهوب الغادي امدرمان ما خابرلنا شئ و ينادي : حبيبي آه . . و حبيبي وين و التساب غرقانة
الله في
-----------
تايسا يا انتهازية لقيتي قيادتنا مشغولة بي لولوة تانية . . جيتي تلولوي لا تلوي على شئ
صدقيني لم اقرأ مداخلتك فقط لضيق الزمن
06-07-2010, 09:54 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: مواكبة للأحداث و الحراك العالمي . . ح ننزل مرسوم بخصوص كأس العالم . . فترقبوه مع خالص الشكر للناشط الحزبي و الحقوقي صديقنا سمير شيخ ادريس
دستور الحزب ( بنين ) المرحلي لفترة كأس العالم ( يسري العمل به في الفترة من 11 يونيو الى 11 يوليو 2010 ) استثناء : كل تصنيفات الـ Others تيسير عووضة و دينا خالد مثالاً ، حتى يصدر قرار الـ " فيفا " بشأنهم/ن ، و بعض الحالات الخاصة زي أميرة الشيخ و أماني الامين . . فنجرية ساي من قيادة الحزب
Quote: 1-في الفترة ما بين 11 يونيو حتى 11 يوليو يجب عليكي أن تقرأي الصحافة الرياضية ومتابعة اخبار المونديال وبهذا يمكنك ان تشاركيني الحديث حول ما يحدث وان لم تفعلي هذا فلن يكون امامي خيار سوى ان اتجاهلك بشكل تام وهو الأمر الذي لن تحبيه. 2-خلال كأس العالم التلفاز يعتبر ملكا لي في كل أوقات اليوم بدون ابداء الاسباب واذا رأيتك تنظرين الى جهاز التحكم قد تفقدين عينيكي 3-اذا اردتي ان تمري امام التلفاز خلال المباراة أو قبلها أو بعدها فاني لا امانع أبدا طالما يتم ذلك زحفا على الأرض مثل رجال الكوماندوز في الحرب العالمية. 4-خلال المباريات يجب ان تعلمي انني لا أرى ولا اسمع ولا اتكلم, الا اذا احتجت منك طعاما أو شرابا, ولن اوافق على سماع جمل مثل: رد على الهاتف, احضر لنا طعاما من السوبر ماركت أو افتح الباب. 5-اذا قمتي بكل ما سبق فانني سوف اسمح لكي بمشاهدة التلفاز من الساعة 12 مساءًً حتى ال 6 صباحا. 6-أرجوكي ثم أرجوكي ثم أرجوكي الا تقولي لي "انها مجرد لعبة" أو"سيفوزون في المرة المقبلة" عندما ابدو حزينا لخسارة فريقي في المونديال, لأن هذا لا يساعدني انما يزيد من غضبي و كلماتك "التشجيعية" لن تجلعني اتحسن انما قد تؤدي الى مزيد من الغضب والنكد. 7-لن امانع ابدا في ان تشاهدي مباراة واحدة معي وسأسمح لك بالكلام خلال فترة الاستراحة بين الشوطين فقط اذا كانت نتيجة المباراة لصالح فريقي الذي اشجعه, أرجو وضع خط تحت كلمة مباراة واحدة فقط. 8-الاعادة التلفزيونية للأهداف مهمة جدا لي ولا اهتم اذا شاهدت الهدف 100 مرة فلا تظهري تذمرا. 9-قولي لأصحابك وأصدقائنا بشكل عام الا يقوموا بانجاب اطفال أو اقامة أي حفلات تتطلب تواجدي معهم لسبب بسيط هو انني لن أذهب . 10-تلغى النقطة السابقة في حالة واحدة وهي ان يدعونا احد اصدقائنا لمشاهدة المباراة. 11-خلال الملخص اليومي لكأس العالم يجب عليكي ألا تقولي "لقد شاهدت المباراة فلماذا تشاهدها مرة اخرى", لأن ردي سيكون "ارجعي للنقطة رقم 2". 12-في نهاية كأس العالم ارجو منكي الا تقولي "الحمد لله ان كأس العالم تأتي كل 4 سنوات" لأن لدي مناعة ضد مثل هذه الكلمات ولا تنسي ان بعد هذا سيأتي الدوري الانجليزي والدوري الأسباني والدوري الايطالي ودوري أبطال أوروبا وكأس اوروبا وكأس الاتحاد الانجليزي, وكأس أسبانيا .... الخ.
وشكرا لك يا عزيزتي على حسن تفهمك
---------
يا ممدوح اهو دستورنا . . خلينا نشوف دستور " بنات ماما " كيف ؟
06-08-2010, 04:23 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: أمين يا رئة الحزب التي يتنفس بها وقلبه النابض ما تقول لي عايز ألقاب ، فوالله بحثت عن أي لقب غير مشغول ما وجدته أول حاجة حزبنا دا لازم يتجرد كل منسوبيه من أي ألقاب
رئه واحده بس يا جعفر ؟ والله إتلومت !!! يا جعفر ياخي أنا زول الأنا حقتي متضخمه - لا تقل عن أساسي و ود الصايم مجتمعين - تقول لي رئه وحده ؟!!
06-08-2010, 05:15 AM
ندى عثمان حسن ندى عثمان حسن
تاريخ التسجيل: 11-20-2009
مجموع المشاركات: 875
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
قيقراوي
اساسي
ibrahim alnimma
وليد محمد المبارك
أمين محمد سليمان
ممدوح أبارو
جعفر محي الدين
طلعت الطيب
نصر الدين عثمان
Mohamed E. Seliaman
محمد عبد الماجد الصايم
محمد كابيلا
فيس بوك
تويتر
انستقرام
يوتيوب
بنتيريست