|
|
|
 Re: يا ربى هل هو "محمد ابراهيم الفكى" بتاع الاتجاه الاسلامى بجامعة الخرطوم فى 80 (صور (Re: بكرى ابوبكر)
|
في الغالب هو محمد ابراهيم الفكي "ود الفكي" طالب الإقتصاد بجامعة الخرطوم في منتصف الثمانينات،
ود الفكي جاء الإقتصاد محول من كلية الزراعة وكان من كوادر الإتجاه الإسلامي الخطابية من الذين يتكلمون
في القضايا السياسة وليس الدينية، يعني ممكن تحضر ليك ركن كامل لود الفكي وما تسمع ولا آية ولا حديث،
وللحقيقة اقول انه ود الفكي كان كوز ظريف وكان يقضي الساعات في غرفتنا في نقاشات حادة مع عبد اللطيف عثمان
وعصام جبر الله وحتى لغة نقاشه في غرفتنا كانت لغة داخليات ما لغة اركان ودائماً ما كنت اقول له هسه كلامك ده
بتقدر تقولو في ركن الكيزان وكان يضحك ويقول كلام الأركان براهو وكلام الداخليات براهو .. و في مكالمة هاتفية
مع ناهد جبر الله قبل حوالي اربعة او خمسة سنوات اخبرتني انه ود الفكي لاقاها ماشة في الشارع فأوقف لها سيارته
واصر اصراراً شديداً ان يوصلها لأي مكان تريده ..
واذكر انه الجبهة الديمقراطية كان عندها ندوة في ميدان كلية القانون وكان المتحدث فيها الأستاذ محمد ابراهيم نقد،
وبالفعل حضر الأستاذ نقد وجلس في منتصف الصف الأمامي ومعه بعض الزملاء قبل بداية الندوة، وكان الزملاء المكلفين بالحماية
منتشرين حول الميدان وفي النشاط وفي كل المداخل التي تؤدي لميدان القانون وفي نوافذ بعض القاعات المطلة على الميدان
وعلى جانبي المنصة وهم بكامل عتادهم وإستعدادهم لصد اي هجوم او شغب من كوادر الإتجاه الإسلامي، واذكر ان ودالفكي جاء داخل
ميدان القانون وماشي علي الأستاذ نقد عدييييل فاوقفه بعض الزملاء وقالوا له يازول حدك الصف الرابع ده اقعد هنا واحضر الندوة بي ادبك،
فقال ليهم انه ما قاصد شر وحلف انه من القطينة وانه نقد خاله وهو ماشي يسلم عليه، وبالفعل اصطحبه زميلين ومشى سلم على الأستاذ نقد
واتضح فعلاً ان هناك علاقة قرابة تربطه بالأستاذ نقد ..
| |
  
|
|
|
|
|
|
|
|
Re: يا ربى هل هو "محمد ابراهيم الفكى" بتاع الاتجاه الاسلامى بجامعة الخرطوم فى 80 (صور (Re: elsawi)
|
الاخ الصاوي
Quote:
فقال ليهم انه ما قاصد شر وحلف انه من القطينة وانه نقد خاله وهو ماشي يسلم عليه، وبالفعل اصطحبه زميلين ومشى سلم على الأستاذ نقد
واتضح فعلاً ان هناك علاقة قرابة تربطه بالأستاذ نقد |
كلام صحيح محمد ابراهيم نقد خاله
لكن هنالك فرع في الاسرة نفسها تابع لمن ادخل تنظيم الاخوان في السودان علي طالب الله
واتبع محمد ابراهيم الفكي عبد الاله حسن كوكو سكرتير اتحاد الجامعة ونانجي شريف
ناجي قادم ايضا من الزراعة لكلية الاقتصادوعلي طالب الله خالهم فكانو اقرب لشيخ حسن عبدالله
| |
|
|
|
|
|
|
|
|
|
Re: يا ربى هل هو "محمد ابراهيم الفكى" بتاع الاتجاه الاسلامى بجامعة الخرطوم فى 80 (صور (Re: saif massad ali)
|
إزيك يا بكري
الحقيقة لاقيت محمد إبراهيم الفكي في بداية التسعينات علي مقربة من عمارة الضرايب الجنب فندق الصفاء والراجل كان قاري وقتها مآلات تجربة جماعته قراية سليمة لأنه شاف إنه من زمن التجاني أبوجديري وعبدالله سليمان العوض وعلي عبدالله يعقوب الكانوا محتكين بعلاقات خارجية وتجربة دعم الأمير محمد الفيصل إنه الناس الشطار من عضوية التنظيم هم الإستفادوا من الإمتيازات التجارية الكانت بتتم بشكبل تجاري طفيلي وتحت غطاءات مختلفة المهم أدرك ود الفكي إنه ما حيغرق في شبر الموية و عرف إنه ما يمكن أن يجنيه تجارياً من سلطة الإخوة في الله يماثل أضعاف ما يجنيه عبر منصب فدخل سوق الله أكبر وإستفاد من التسهيلات وأظن أنه أصبح أحد أعضاء نادي القطط السمان
بمناسبة عبداللطيف عثمانيا أخوانا إنتوا الزول دا هسة وين يا الصاوي
| |
|
|
|
|
|
|
|
|
|
Re: يا ربى هل هو "محمد ابراهيم الفكى" بتاع الاتجاه الاسلامى بجامعة الخرطوم فى 80 (صور (Re: عاطف مكاوى)
|
سلام
| Quote: فحسب علمي المتواضع الرجل دقش السوق في بداية الإنقاذ وإستفاد من علاقاته التنظيمية القديمة وقفز بسرعة |
| Quote: في سنة 2002 كان عامل محل تجاري في السوق العربي لم يكن له علاقة بالبنوك |
| Quote: ناجي شريف كان مسؤلا عن شركة شل للشمال وسمعت عنه قبل فتره اختفي لانه مطلوب |
Quote: فدخل سوق الله أكبر وإستفاد من التسهيلات وأظن أنه أصبح أحد أعضاء نادي القطط السمان
|
انا لا اعرف الشخص الذى تتحدثون عنه ....و لكن ما ذكر اعلاه لايليق ....
| |
|
|
|
|
|
|
|
|
|
Re: يا ربى هل هو "محمد ابراهيم الفكى" بتاع الاتجاه الاسلامى بجامعة الخرطوم فى 80 (صور (Re: علي الكرار هاشم)
|
Quote:
بمناسبة عبداللطيف عثمانيا أخوانا إنتوا الزول دا هسة وين يا الصاوي |
غايتو عبد الطيف عثمان داك السودان سيظل موجوع فيه إلي مما لا نهاية يعلم الله الزول داك تختلف معاه تتفق فهو سمح أخلاق وشمايل.
بحيراوي
* يا أخوان محمد إبراهيم الفكي داك من حقنا نتبع أخباره فقد أخذ من زمنا الكثير حينما كان يشدنا في الأركان لأكثر من ساعتين . وكمان أخونا أحمد عثمان كادر الجبهة الديمقراطية وعضو المنبر وأخونا عبد اللطيف الله يطراه بالخير.
| |
|
|
|
|
|
|
|
|
|
Re: يا ربى هل هو "محمد ابراهيم الفكى" بتاع الاتجاه الاسلامى بجامعة الخرطوم فى 80 (صور (Re: بكرى ابوبكر)
|
| Quote: تحياتي - لا أظن أن الإسم المعني هو محمد إبراهيم الفكي بتاع الإقتصاد كادر الإتجاة الإسلامي داك .فحسب علمي المتواضع الرجل دقش السوق في بداية الإنقاذ . |
صدقت ياأخ بحيراوى فمحمد ابراهيم الفكى بتاع الأقتصاد . نعم , هو دقش السوق ولديه دكان لبيع الأدوات الكهربائية بعمارة الضرائب ويقود عربية بوكس موديل سنة حفرو البحر ويسكن فى منزل بالأيجار , وليس هو بتاع بنك السودان .
| Quote: وإستفاد من علاقاته التنظيمية القديمة وقفز بسرعة |
بدليل العربة الهكر ومنزل الأيجار .
اقول هذه المعلومة للأخوة المتداخلين حتى لا نأخذ الناس بالشبهات وتشابه الأسماء.
ودمتم.
| |
|
|
|
|
|
|
| |
بكرى ابوبكر
عبدالكريم الامين احمد
البحيراوي
احمد محمد بشير
elsawi
بدر الدين اسحاق احمد
saif massad ali
Sinnary
عاطف مكاوى
مدثر صديق
علي الكرار هاشم
قلقو
محمد فرح
فيس بوك
تويتر
انستقرام
يوتيوب
بنتيريست