|
|
 في متحف الفنون 2
|
الخيط الأول في يونيو الماضي ذهب مع الريح
كان الغرض هو أن أتابع نشر دراهمي فيه
حتى يسهل على ملهمتي الرجوع إليها فيما
لو استعصى عليها فهم الأمر.
في متحف الفنون
تمشى في البهو، عابرا.
لا تلتفت، لا تندلق.
بعض إحتقان يا رفيق
بعض إحتقان قد يليق.
فهي مثلك جابها حب
الفنون أو حمى المتاحف
أوَ لسنا في بدايات إندلاع
الصيف؟
والناس خرجت من تلافيف
الشتاء
يهدر نبضها بدم الرغائبِ
فوق ضوضاء المساء؟
فأعبر إذأ متن الغمامْ
وتخثرات دم الهيامْ
أو…
ما تسوٌل ريشهم للناظرينَ
ولا تقل هل غادر الشعراء
من متردمي
هم يفعلون ذلك كلَ عام
وأنت تدري كيف ذاك وتعلمي
فالنمنمات التستبيك
فقف لديها، وامتنع عما يليك
فإنها هي في دلال
تستعين بعطرها أو بالفيرامون(1)
كي تخرج الأوهامَ من أسر الإطارْ
اعبر و لا ترقب، إذا، خطواتها،
كفْ...ردْ...فانِ
كفْ..ردْ...فانِ
كفْ...ردْ...فانْ
كفٌ أم هما القرطان يهويان؟
طبلٌ، أم هما طبلان يشتجران؟
اعبر، فللإيقاع إيقاعُ
وأنت ومن عليها فان
واترك تمحكها الطويلَ
أمام تحنانٍ موَشى
باللظى الشبقيِ
في رسم يضج بعنفوان اللونْ
انج بجلدك
من وخز الهوى المجنونْ
واجلس قصيا، قانتاَ، متسبحأ
سبحان، يا سبحان، يا سبحان.
وبمتحف الفنون
لكل هذا متسع.
دع اخر اللوحات،
منتبذآ بها رسامها
من شر ما هو قد كسد،
دعها تعب بريقها وضجيجها
من زيغ بصرك وإنشطار الذائقة
تدرأ عنك فورات الجسدْ.
ولقد يعينك أن تواري سوءةً
في خاطرك، وراء تمثالٍ
تدب على أعضائه المبذولةِ
أخيلَةُ الرهقْ
عن نظرة أولى
عن ثغر يحاور كالشفقْ
عن تصويبة يعيد بها كيوبيدُ
مكانه في مشهد
ما بعد حداثة الشبقْ.
ولكل هذا،
في متحف الفنون، متسع.
(1)الفيرمون: ما يشتم من رائحة، متخيلة غالبأ، تدعوك
لنفس ما تفكر فيه إمرأة ما والله أعلم. ما ريحة كعبة.
اطمئن/ي!!
********
شجر الهمس
أحلم أني أعيش
سعيدا
كما في الاحاجي
على ضفة نهر
من عطاياك الشهية
ويكفيني نداؤك
خافتاٌ
قطفة أو قطفتين
من شجر الهمس
كي أصحو
ولكي أنام
( إذا ما
هدني وهن)
وأن
غناءك
مرقدي في الهدءة
وهو نفسه
موقظ حسي
*
وأحلم أني أزامل
برق عيونك في الزهو
حين تناسل من قلمي
حروف ببأس ونبض وجرس
جرس وبأس وعرس،
وأحلم أني عصي
على الصحو
حريص على حلمي
ما عنت الوعي
وبالأغنيات
حفي وصي.
_________
نواصل
[B/]
|
|
  
|
|
|
|
|
|
|
|
Re: في متحف الفنون 2 (Re: mustafa mudathir)
|
حنين
راكب غزير المطر
يا متوه الليل
في سراك
ومضوي بي حزنك
لياليك العجاف
وما سائل،
ولا بتقيف ولا بتخاف.
قصدك تخلي
الألم للرياح
والدموع للرزاز
لو يرش الزوايا
العليها الجفاف
والحنين
للسنين
المضن
والرعاف بالشجن
للأمل لو يرتب طقوس
الخروج من هزيم
الرعود الملازم شقاك
من عذاب الليالي الصراح
وقصدك تخلي
الألم للرياح
والرزاز للزوايا
العليها الجفاف
والحنين.
وقصدك..
| |
|
|
|
|
|
|
|
|
|
Re: في متحف الفنون 2 (Re: mustafa mudathir)
|
Quote: قصدك تخلي
الألم للرياح
والدموع للرزاز
لو يرش الزوايا
العليها الجفاف
والحنين
للسنين
المضن |
تهاني وأماني ..
بمناسبة النزوج إلى فضاءات العامية ..
من تخوم الفصحى!
ورمضانك أكرم يا مصطفى
| |
|
|
|
|
|
|
|
|
|
Re: في متحف الفنون 2 (Re: حسن الجزولي)
|
سلام يا أبوعلى
ياخي روحنا انسلت!
يللا!!!
عارف كلو ما جايب مريسة
تام زينو!
فصيح، فسيخ، عامي، لامي،
قصة قصيرة، رواية.
ما قادر أكتب...من كترة الشغل.
لكن التواصل غريزة يا صاح.
مشتاقين وأين كتابك عن فوز.
حقو بدل دارفوز تشيل النقطة
وتضمن توزيع عادل لكتابك.
التلفون ياخي
| |
|
|
|
|
|
|
|
|
|
Re: في متحف الفنون 2 (Re: mustafa mudathir)
|
لقيت قصيدة كانت ضائعة مني لسنوات.
لقد عانيت من هذا النوع من التأليف
الشعري. بينه وبين الإفتعال شعرة.
كل ما يمكن أن أفعله لدرء تهمة
الإفتعال في هذه القصيدة هو أن أشهد
ببساطة أنني لم أكن مفتعلأ ولكن
منفعلا لأن اللغة حرام أن تقول عني
اللغة ما لا يصفني. ولكنه، خؤون، اللغة.
القصيدة أسمها يليني وستلي ما أكتب الآن.
| |
|
|
|
|
|
|
|
|
|
Re: في متحف الفنون 2 (Re: tmbis)
|
باسلام زبايني الحلوين
أهلا جوني
والله أنا قايلكم نسيتوني
ت تمبس
خ خليل
أ أسامة
ت خ أ، تخا، ورخا أن شاء الله
ناس روق وذوق
ح أنشر واحدة لأول مرة ياتمبس
خليكم معاي
| |
|
|
|
|
|
|
|
|
|
Re: في متحف الفنون 2 (Re: mustafa mudathir)
|
يليني/ يليك
تليك صفرة أنايّ
وتنده ليك دواخلي جراح
وسدرة منتهى الأحلام
تحت الفيها من أفراح
تليك قيامة الأحزان
ومستقبل من الأتراح
تليك سطوة أسف ماهل
وميلاد تاني للتبريح
يليك الليل وعصف الريح
يليني عدم..
يليك ضارب جذور ألمه
حزن فارش مداخل الروح
وناثر بينو والاصباح
صقيع في ليل هواك حزين
يليني عدم..
وبعدك...
وانت مارق من صهيل النجمة
خالّي وراك نحيب أفلاك
وداخل في مسافة العتمة
بين شهقة بلاي ومعاك
سكت جواي هسيس أشعاري
ضاع مني الكلام الزين
وضل المعنى فات بالمعنى
والغنيات بكن نايحات
سالتك بالمدى الودّاك
تعال يا أجمل الفاتو
وأنضر صيغة للجايين
يراجعني اندهاش وقّاد
ويرجع بي دروب اضمّخت بغناي
تعال وحّد صدايا و همسة الانشاد
تعال يا أول النسمة..
وآخر رقة يا بسمة!
واصخب من بريق اعياد!
تعال..
ليل الفراق لو ساد
يليني عدم
تليك صفرة أنايّ
قيامة الاحزان
ومستقبل من الاتراح!
اوتاو شتاء 1999
| |
|
|
|
|
|
|
|
|
|
Re: في متحف الفنون 2 (Re: mustafa mudathir)
|
Quote: يليني/ يليك
تليك صفرة أنايّ
وتنده ليك دواخلي جراح
وسدرة منتهى الأحلام
تحت الفيها من أفراح
تليك قيامة الأحزان
ومستقبل من الأتراح
تليك سطوة أسف ماهل
وميلاد تاني للتبريح
يليك الليل وعصف الريح
يليني عدم..
يليك ضارب جذور ألمه
حزن فارش مداخل الروح
وناثر بينو والاصباح
صقيع في ليل هواك حزين
يليني عدم..
وبعدك...
وانت مارق من صهيل النجمة
خالّي وراك نحيب أفلاك
وداخل في مسافة العتمة
بين شهقة بلاي ومعاك
سكت جواي هسيس أشعاري
ضاع مني الكلام الزين
وضل المعنى فات بالمعنى
والغنيات بكن نايحات
سالتك بالمدى الودّاك
تعال يا أجمل الفاتو
وأنضر صيغة للجايين
يراجعني اندهاش وقّاد
ويرجع بي دروب اضمّخت بغناي
تعال وحّد صدايا و همسة الانشاد
تعال يا أول النسمة..
وآخر رقة يا بسمة!
واصخب من بريق اعياد!
تعال..
ليل الفراق لو ساد
يليني عدم
تليك صفرة أنايّ
قيامة الاحزان
ومستقبل من الاتراح!
اوتاو شتاء 1999 |
يادكتور مصطفى
تسمح لي أرسل هذا النص لصديقي الملحن ضياء ميرغني؟؟
(ضل المعنى فات بالمعنى والغنيات بكن نايحات)
أصابتني بقشعريرة الدوش الله يعلم..
الله يديك الفي مرادك ويرجع ليك الرايحة كلها يا مصطفى يا ود مدثر.
| |
|
|
|
|
|
|
|
|
|
Re: في متحف الفنون 2 (Re: أسامة عبد الجليل)
|
| Quote: تسمح لي أرسل هذا النص لصديقي الملحن ضياء ميرغني؟؟ |
الأخ أسامة عبد الجليل ..(الجندر!)
والله العظيم ختفتها من خشمي..
القصيدة محتشدة بغنائيتها ..
ولونيتها تشبة دوزنة صديقنا العزيز ضياء..
بس لمن الغناء؟! ..
فكر مع مصطفى وضياءQuote: Quote: يليني/ يليك
تليك صفرة أنايّ
وتنده ليك دواخلي جراح
وسدرة منتهى الأحلام
تحت الفيها من أفراح
تليك قيامة الأحزان
ومستقبل من الأتراح
تليك سطوة أسف ماهل
وميلاد تاني للتبريح
يليك الليل وعصف الريح
يليني عدم..
يليك ضارب جذور ألمه
حزن فارش مداخل الروح
وناثر بينو والاصباح
صقيع في ليل هواك حزين
يليني عدم..
وبعدك...
وانت مارق من صهيل النجمة
خالّي وراك نحيب أفلاك
وداخل في مسافة العتمة
بين شهقة بلاي ومعاك
سكت جواي هسيس أشعاري
ضاع مني الكلام الزين
وضل المعنى فات بالمعنى
والغنيات بكن نايحات
سالتك بالمدى الودّاك
تعال يا أجمل الفاتو
وأنضر صيغة للجايين
يراجعني اندهاش وقّاد
ويرجع بي دروب اضمّخت بغناي
تعال وحّد صدايا و همسة الانشاد
تعال يا أول النسمة..
وآخر رقة يا بسمة!
واصخب من بريق اعياد!
تعال..
ليل الفراق لو ساد
يليني عدم
تليك صفرة أنايّ
قيامة الاحزان
ومستقبل من الاتراح!
اوتاو شتاء 1999 |
ويامصطفى نستطيع أن نقول آخيراً لامست العامية
مناطق ( الغنا الطول جواك).
تعامل الشاعر مصطفى سند مع القصيدة الفصحى زمناً ،
ثم وبتحريض من أصدقاء إنتقل لتجريب العامية في شعره..
فكانت النتيجة أجمل الأغنيات ، على الرغم من قلتها!
| |
|
|
|
|
|
|
|
|
|
Re: في متحف الفنون 2 (Re: حسن الجزولي)
|
سلام يا أبوعلي
Quote:
ويامصطفى نستطيع أن نقول آخيراً لامست العامية
مناطق ( الغنا الطول جواك). |
الغنا طوّل وطال. أين أنا من سند.
كم سنة شعرية بننا؟
| |
|
|
|
|
|
|
|
|
|
Re: في متحف الفنون 2 (Re: أسامة عبد الجليل)
|
العزيز أسامة ع الجليل
سلام يا رجل وكيف ناس أياوا سيتي.
يا حليلهم
صحيح هناك تذكر للدوش وتذكر الدوش
وحده يعبر عن جزء صغير من حبنا له.
فليهنأ في أبديتهالهانئة.
أما بخصوص إعطاء القصيدة لضياء
فهو يشرفني وأنا مقتنع بمقدراته
تمامآ فافعل بنا خيرآ.
| |
|
|
|
|
|
|
|
|
 Re: في متحف الفنون 2 (Re: mustafa mudathir)
|
طلةُ قمر
القلب يحتال طريقهْ
القلب يختار حريقهْ
الورد يحسو من حناياه
رحيقهْ
النسمة الحبلى
بضوع العطرِ
تشهق في النفس
حديقةْ
الطلة الوثقى
لقمر قاد..
بالزهو لياليه
تنادمني....
..طليقةْ
الشهوة الفضلى!
تقويس ظهرِ الحسن
أمام مرآّة الشبق
الشهوة الفضلى
مدادُ الروح
ما انكتبت به
ابتلاءات الجسد
ها أنت
ضمخك اللقاءُُ بفوحه
واستعجلت منك
القدوم نوازعُ
والمهرجانُ تهيأت
أغراضُه و خواصُه
لكنه يختار
- هذا القلبُ –
يختار طريقهْْ
هذا القلبُ
يحتال حريقهْْ
أتاوا 2001
| |
|
|
|
|
|
|
|
|
|
Re: في متحف الفنون 2 (Re: خضر حسين خليل)
|
أهلا بيك ياخضر
وشرفت البوست.
وعارفك بتشير لشنو
بعبارة قوّمت نفسنا!!
معليش سخنت مع الدكتور
أو هكذا صّور لي النصري.
مرات "الإحتقان" بطرشق
أتوماتيك براهو كدا!
أنا بقرا مداخلاتك في
بوستات مختلفة وأشيد
بكتابتك وحماسك.
وشكرا على الطله.
| |
|
|
|
|
|
|
|
|
|
Re: في متحف الفنون 2 (Re: خضر حسين خليل)
|
هذا الذي يعتريك
هذا الذي يعتريك
يسمونه
الحزنَ
ويبدو عليهْ!
وذاك دليل حصارك
يلمع في إطار
سيارة عابرةْ
وشيكك، للمناسبة، لا يغطيه رصيدْ
وأماالشراشف
فهي للحمامْ.
فاجدع
لنا سهرة*
ليلة السبت هذي
وإن كنت على عزم البكاء
فدونك مزهريةٌ
تغرق وردها بالدمع
مثلما أغرقته
ب"العزف"** دوما!
--------
هذا يسمونه حزنآ
وتلك أيامُه والى الابدْ
يخرج من صلبِ الاحدْ
هابطآ
ترائبَ الاربعاءْْ
والنزقَ الذي يُضئ ليلة الخميسْ
ليلتقي بويضة إنتظارك التعيسْ
في رحمِِ
الموجدةِِ
ِِِْ الصماءْ
ولا تسلني ما يلدْ!
______________
شروح:
* تعبير مترجم من العامية الانجليزية في كندا
** العزف هو اسك مصطلح للقئ بسبب شرب الخمر
[B/]
| |
|
|
|
|
|
|
|
|
|
Re: في متحف الفنون 2 (Re: mustafa mudathir)
|
مشكاة
على البحر الحزين
تنسرب اليك منها
قهقهات المهربين،
وانعتاقات الملح
من شبق الرطوبة.
تهرب النوارس
من رائحة القهوة الرديئة
التي وضعت جسدك قبالتها!
.....
........
أين منك عبق البن
تحمله اللواري من مهبط الشمس
عبر دروب المحل!
الوساوس تستبيك بقوة الامكان!
فما أدراك، لربما لم تعد الشمس تعدو من دار صباح لدار غرب
و لا السافل يبتغي سر الصعيد.....
غيبوبة قصيرة واعود
| |
|
|
|
|
|
|
|
|
|
Re: في متحف الفنون 2 (Re: mustafa mudathir)
|
Quote: العزيز محمد الجزولي
سوري على الQ
تصدّق أنا ختيتها وأنا شبه
نايم قلت أرفع البوست
وبعدين نواصل!
كل سنة وانت طيب
وملموم على الباقين
وأيامك حرير |
دي بكم مليم ؟!!!
ــ
انا عارف نفسي لا بتاع حيث ولا هكذا .. {زول ساكت لكن حَقاني وده المفقود} ..
وشكراً للإنتباهة ..
| |
|
|
|
|
|
|
|
|
|
Re: في متحف الفنون 2 (Re: mustafa mudathir)
|
Quote: ياربي بكري ابوبكر عارفك سويت
شنو يا زوربا؟ دا ما أختراق عديل.
ولا شنو؟
لكن اهنيك على شطارتك، أنا كنت
قايل نفسي "شفت" كمبيوتر! |
الله يديك العافية يا مصطفى ويكفيك شر الشفوت
وانت عمرك ممامكن تكون شفت او متشفتن
وكلنا تربية اب شنب
مابنسرق ولا بنخون ولا بتبلا
الحقيقة فاتني شئ
واتمنى أن يتقبل بكري اعتذراي
كل الذي فعلته أني ارسلت لبكري رسالة وطلبت منه
فك الحظر على متحف الفنون
وأن يربطه بهذا البوست
واستجاب بكري لم الشكر على ذلك
بالباقي عليك
اكتب بس
ونحن مستعدين
للاستمتاع
زوربا
| |
|
|
|
|
|
|
|
|
 Re: في متحف الفنون 2 (Re: محمد الجزولي)
|
كتب محمد الجزولي:
انت عارف اسعارنا ثابتة
ياهو نفس سعر السنة الفاتت
"وجه ضاحك"
وكمان كتب:
Quote:
انا عارف نفسي لا بتاع حيث ولا هكذا ..
|
تصدق "حيث" و"هكذا" الاثنين
ما موجودات في النصوص الفوق دي؟
يعني ممكن تكتب بدونهم!
ح اجي راجع عشان أشوف الاسترالابي
التاني دا عملها كيف
| |
|
|
|
|
|
|
|
|
|
Re: في متحف الفنون 2 (Re: DKEEN)
|
Quote: واجلس قصيا، قانتاَ، متسبحأ
سبحان، يا سبحان، يا سبحان
M.M.
|
حكمته بالغه ..
كلام جميل
رحاب كرار
----
قلنا كتلوك ولا جوك جوك :)
| |
|
|
|
|
|
|
|
|
|
Re: في متحف الفنون 2 (Re: mustafa mudathir)
|
الاستاذة الصديقة
رحاب خليفة
شكرا على أيام من
الهوية الضائعة
عندي
طبعا أخوك بيحب الكدينق
شديد
لكن كلو شيئ ليهو حدو
متابع لكتاباتك ومهتم بها
كجزء من اعجابي بكتابات
سودانيات في هذا المنبر.
وكل الشكر لتذوقك لجزء من
قصيدتي في مدح المرأة كجسد
وياريت لو تناقشي معاي
باقي
الروح.
الدعوة في دي للجميع
| |
|
|
|
|
|
|
|
|
|
Re: في متحف الفنون 2 (Re: mustafa mudathir)
|
ابيض الرخام
حمام
وطرق على النافذة
سلاسل من حفيف
الرماد
تلفك يا قلب نازفة
وينهض منك الوجيب
عويل
وندب و....
وخام.
وطرق على النافذة.
رعشة الضوء
صهيل اللغة العهر
على جدر الظلام.
ما الذي ينجيك من
الحلم......
هل نكمل ما بدأناه
قبل ان يكملنا من
بدأنا؟
| |
|
|
|
|
|
|
|
|
|
Re: في متحف الفنون 2 (Re: mustafa mudathir)
|
يامصطفى
محجوب في ( يا صبية الريح ورايا)
وفي( حنتقدم ).. أتسائل..
ألا تعتقد بأن قصائد روز بتجدع في نفس (الحفرة) بتاعت الناس البغنو للناس؟!..
عشان (نردم) الهوة إياها..
ولا إنت شايف شنو؟!
مصطفى ياخوي .. ( روز ) قالت كلام رزين ورصين وصدحت بشأن جيلها في ما يخص جيلها:-
فما بأل جيلها الذي أصابته حمى زهايمر الولوغ في (هنويتي) و(شجونتي) و( فجوتي) .. وهكذا دوماً ودواليك .. ( ونحن العواليق)!
___________
( ربما أبحث عن دروب ، أقل بؤساً .. أو هي .. تبحث عني)!.
هذا ما أجابت عليه روز وهي في حالة محاورة حول أشعارها التي صدحت بها .. فيماذا تحاكم؟! .. وبهذه الجرأة في الطرح ؟!.. وهذا البهاء في الافصاح..
مصطفى يا خوي
أنا مع روز..
وإنت برضو معاها..مش؟!
على الأقل في هذا الطرح !..
الطرح الخلانا ننتبه لكتابتا هي.. من بين جميع كتابات ظلت تترى .. دون أن تفعل في الناس سوى ( مجاملات! ) .. لا أكثر ولا أقل!
كن بخير .. يا مصطفانا.. وهات تاني كمان وكمان من النوع دا..
أقصد نوع كتابابتك البتخلينا ننحاز ليها ونشيد بها
سلام يا زول يارايق.
حسن .. أخوك
| |
|
|
|
|
|
|
|
|
|
Re: في متحف الفنون 2 (Re: حسن الجزولي)
|
حسن الجزولي
الصديق الذي سألقاه بعد أيام
في الخرطوم، ام درمان، وما يجود
به أفق التذكر وأرتعاشات المشاريع
القديمة من كرام الفكر
وانساق الهوى، العشق الضرام
"أغدآ ألقاك؟
ياخوف فؤادي من غدي.
يا لخوفي واحتراقي
في انتظار الموعد"
هذا الكلام النذير البشير
قاله الهادي آدم من الهلالية
ولحنه العبقري ع الوهاب
وغنته الست ويكفيها لقب الست.
وللهواة فان هذا اللحن على
الجيتار اكوستك وفي سلم صول ميجور
وبأربيجات ساحرة يكفي لفهم
ما أراد الهادي آدم.
روزمين يا حسن فعلت بالضبط
ماإتفقنا عليه
خلعت من المدار قمر!
| |
|
|
|
|
|
|
|
|
|
Re: في متحف الفنون 2 (Re: mustafa mudathir)
|
يا مصطفى
الغنائية إحتشد بها البوست..
وكده بقن مشروعين للتلحين..
القصيدة الآخيرة ( سامح )
والأولانية الفوق ليها!
__________
Quote: حسن الجزولي
الصديق الذي سألقاه بعد أيام
في الخرطوم، ام درمان، وما يجود
به أفق التذكر وأرتعاشات المشاريع
القديمة من كرام الفكر
وانساق الهوى، العشق الضرام |
وقدلة يا مولاي
حافي حالق
في الطريق ........!
| |
|
|
|
|
|
|
|
|
|
Re: في متحف الفنون 2 (Re: حسن الجزولي)
|
يا حسن
إنت في الغنائية
ولا في روزمين الجات علقت شنطتها
ومشت؟
طبعا مشكورة يا استاذة على الطلة.
اما بخصوص القدلة ياحسن
في الطريق الشاقي الترام
فأنا لا أكاد اصبر.
الواحد عشان خاطر الوطن
يرضى من الغنيمة بالإياب.
مجرد الإياب!
| |
|
|
|
|
|
|
|
|
|
Re: في متحف الفنون 2 (Re: mustafa mudathir)
|
الناس الرايقين الصديق العزيز حسن الجزولي
والعزيز مدثر سآتى قريبا لمداخلاتكم الجميلة
أحتاج لأغسل عني بعض أدران المشاعر السالبة التي لا تفتأ سودانيز تحملنا اياها كلما دخلناها
___________
الى أن أعود اياك والعبث بمحتويات الشنطة يا مدثر
مع علمي أن العفش داخل متحف الفنون على مسؤلية صاحبه
| |
|
|
|
|
|
|
|
|
|
Re: في متحف الفنون 2 (Re: rosemen osman)
|
روزمين
الشنطة فتشتها زمااان
أول ما إتعلقت في بوست
تاج السر الملك عن اخته.
لقيت فيها بلاوي "!!" وملفوفات
من النوع دا:
لا يَهُمُّ الاِسْـمُ:
سَلْمَى أَوْ فَاطِمَةُ..
فَلا سَلْمَى بِسَلْمَى/
وَلا أَنَا.. أَنَا..
ذَلِكُمْ ظِلُّنَا،
الَّذي نُلاحِقُهُ حَيْثُمَا غَدَا..
وَلا يَقْتَفِي أثَرَنَا:
....
طال عهدي بتأمل الظل
واكتشاف سر ضياع التفاصيل فيه!
وظلك هذا لا يسقط منك لكنه ينوء
بوجودك فوقه فيهرب امامك حسيرا
كسيفا أو هكذا "اختاروا" له!!
| |
|
|
|
|
|
|
|
|
|
Re: في متحف الفنون 2 (Re: mustafa mudathir)
|
اكتشفت ان قصيدة "سامح"
لها تتمة
ولكنها مشخبطة شديد
وتحتاج لترميم.
اطرح هنا عطاء ومن يفوز
بعطاء الترميم
من العاشقين/ات فئة
"اقول إمكن أنا الماجيت"
عليه أن لا يتعدى
الموعد المضروب
وإلا تعرض للغرام ة.
| |
|
|
|
|
|
|
|
|
 Re: في متحف الفنون 2 (Re: mustafa mudathir)
|
الحبيب : دكتور مصطفى مدثر
لم نزل في صحوة أن نقرأ لك ، ومرّ زمان لم نقرأ .
أعدت لنا صحو الأيام المنسية يا باهر النغمات
يا فاتن المداخل ...
لِمَ كنت بخيلاً حتى تدلّت من جوانحك وحطّ طائرها هُنا ؟
أنتَ القاص والشاعر المكنوز بالود المبدع ،
والكتابة الباهرة ، التي تقول عن نفسها أن سيدي الذي يكْتُبني
لا يحفل بي ، يترُكني بين الدفاتر القديمة .
فها أنت تتزمل بالشعر المنضد ،
عافية وألقاً .
أنها نثيرك الشاعِر في وقت يُلاحقك
بالعاديات ،
لكم تمتعت بمزرعة بنانك ،
وهي تأتينا بالكتابة ( الأرومية )
aromatic
روائحها تأتي بالفراش آملاً .
أعلم أنك قريب مني ..وبعيد
نعمت أهلاً ، وما قرأت الملف إلا اليوم ،
وهنيئاً لنا بكَ ،
وسأعودكَ والوعد مني قطعة من لحمي .
لك من الشكر أجزله ...
******
| |
|
|
|
|
|
|
|
|
|
Re: في متحف الفنون 2 (Re: الجندرية)
|
Quote: يخسي عليكن المتحف فاااااااااااتح ولا في اي زول يكلمنا
اها ربك ما بينسى عبيدو وعترت فيهو برااااااااااي |
لستُ وحدي ، معي الفاضلة : الجندرية ،
وكما يقول " أولاد بمبه " : " لا حِس ولا خبر لَمّن عِتِرتَ " .
وكماتقول نُكتة الستينات " أيام التلفون والتلاجة والتلفزيون كانت عَظمة " !!! :
( عَتر لي سلك التلفون ، ولو ما مسكتَ في التلاجة كان كسرتَ التلفزيون )
" أهو عتّر لينا بوست ............... "
سلام تعظيم للحبايب جميعاً .
***
| |
|
|
|
|
|
|
|
|
|
Re: في متحف الفنون 2 (Re: عبدالله الشقليني)
|
كتب الأديب القاص
عبدالله محمد إبراهيم
"...أنها نثيرك الشاعِر
في وقت يُلاحقك
بالعاديات ،
لكم تمتعت بمزرعة بنانك ،
وهي تأتينا بالكتابة ( الأرومية )
aromatic
روائحها تأتي بالفراش آملاً ."
فهاجني صدى السنين الحاكي
وطربت{1}
أذكرك يا صديق كلما استمعت للست.
فطوبى لك إرتباطك بالغناء المسبوك!
وقال أيضآ:
"في وقت يلاحقك بالعاديات"
ياوصفك المتين
وهذه الاروما
تفوح، ليتها أبدآ، رغم أنف
بومبان العاديات.{2}
{1} طيف أحمد شوقي يراجع بياني.
{2} كلمات مفتاحية: أنف أروما بومبان
العزيزة الجندرية لو أن العرفان
يأتي كموج كهروميغناتيسي لما
انقطع إرسالي إليك.
| |
|
|
|
|
|
|
|
|
|
Re: في متحف الفنون 2 (Re: Amin Mahmoud Zorba)
|
كلك ذوق والله يا ظوربا
وكمان فاكرني
وجايب لي غنية بصوت
العميري الجميل؟
اقول ليك شنو؟
ح أهدي ليك جزء من قصيدة
في رثاء الراحل عمر الدوش
الإثنان حفرا وعميقا في
وجداننا و....ذهبا.
يالبخت الأكوان التي حلم بها
الدوش حين قال:
أنا بحلم إني في أكوان
بترحل من مرافيها
عصافير نبتت جنحات
وطارت للغيوم بيها
مسافر من فرح لي شوق
ونازل بحنان ليها
واغني على طيور جايات
وما بتلقى البلاقيها.
مرة في بوست كتبت شيئ عن الدوش
وهو أنه قال:
أنا بحلم إني في أكوان
بترحل من مرافيها
قبل أن نسمع بالقول العلمي بأن
الكون يتمدد، عمر لم يكن
له كبير غرض في الفلك او في العلوم
ولكن الشاعر الحق ينفذ ببصيرته
إلى ما وراء الحجب.
| |
|
|
|
|
|
|
|
|
|
Re: في متحف الفنون 2 (Re: mustafa mudathir)
|
التعديل اعلاه كان لرفع البوست.
لم اكن اعلم ان التعديل
لا يرفع البوست.
البوست ترفعه المداخلة ولو
كانت نقطة
بديهية. اليس كذلك؟
اذا عد الى المداخلة اعلاه
لتقرا القصيدة المهببة
كاملة وينوبك ثواب.
بعدين سيبك من تريس شابمان
خليها لي!
| |
|
|
|
|
|
|
|
|
|
Re: في متحف الفنون 2 (Re: mustafa mudathir)
|
سلام يا مصطفى
ليس وحده فعل الحب هو الذي يقوي العلاقة
ولكن فعل الوعي يزيد الترابط
لك ودي وسوف اعود
قصة غريبة جداً حدثت لي يا في قصيدة يا في شاعر ولكن رد فعلي كان قوياً
تحي خاصة بهذه المناسبة
للشاعر العملاق عبد الله الفاضل
وتحية للشاعر العميق خالد عبد الله
الذي صار اسمه في ما بعد( خالد نجي )
| |
|
|
|
|
|
|
|
|
|
Re: في متحف الفنون 2 (Re: mustafa mudathir)
|
بمناسبة هذه الايام النابضة
في تاريخ وطننا وهو ينفض
عنه ادران التسلط والفساد
ادعوكم لقراءة قصيدة
رسالة الى معتقل
بعد بسم الله واهلا
يا اعز القالو اصلا
ما بنخلي بلدنا نهبا
للفلول المستبدة
جبهة كانت ولا حزبا
بسآلك شاغلني حالك
بسآلك عن ناسنا
فردا ثم فردا
ثم فردا
وما بقول البيكا اسهل
من تباريح المنافي
ما بغالط
وببقى بتعاطى
الحقيقة بذهن صافي
انت في اسرك موطُن
وبرا سجنك شعب حافي
شعب جايع وجوعو كافر
ومنتظر يفرح بباكر
وباكر اتمحرك وزرقن
وياني في حضن المداين الباردة
ما بتعرف حبابك
او تلاقيك بالعوافي
اظنه يشبه حالي حالك
الا عفوا وخلي بالك
ماني مسترخص نضالك
اصلو في درب القضية
السجن اشرف
واحتمالو شرف اضافي
والصمود وسط الجماعه
وهي بتسكت جراحا
احلى من وقع الاشاعه
في اضان زولن مقريف
للخبارات السعيده
للبشاره المابعيده
وللفرح منضوم قوافي
وحقو تعرف يا مناضل
في سجون الجبهجية
وفي بيوت اشباح بتنزف
في الزنازين العتيدة
الشقاها عرق بيهّتّف
انو في غربة مداين
وفي الشوارع الاجنبية
بلاقي اسمك زاهي باين
في قزاز عربية ماره
ولا في واجهة عماره
وفي الشعور بالغربه
ياخي الغربة حاره
وفي العيون الما عشوره
بتترسم للعوده صوره
وليك
وللبلد المجيده
وبرضو في الايام بنطحن
لو تزول اسباب غيابنا
وللوطن ندخل نعاين
ما بقول البيك اهون
والفرق بيناتنا باين
وامكن احنا الحالنا احسن
بس شوية شوية احسن
والسلام ليك والموده
ولما نتقابل ح نبدا
في الغنا الما ليهو اخر
دول الشوية بتوعي في المنعطف دا.
قصيدة من زمن تلقينا اخبار
بيوت الاشباح ونحن في القاهرة.
| |
|
|
|
|
|
|
|
|
|
Re: في متفحف الفنون 2 (Re: mustafa mudathir)
|
Quote: الاستاذة الصديقة
رحاب خليفة
شكرا على أيام من
الهوية الضائعة
عندي
طبعا أخوك بيحب الكدينق
شديد
لكن كلو شيئ ليهو حدو
متابع لكتاباتك ومهتم بها
كجزء من اعجابي بكتابات
سودانيات في هذا المنبر.
وكل الشكر لتذوقك لجزء من
قصيدتي في مدح المرأة كجسد
وياريت لو تناقشي معاي
باقي
الروح.
الدعوة في دي للجميع
Mustafa |
سلامات يا مصطفي
حاولت القي لي مدخل اشاركك فيه من زمن زماان و بما انه اليومين ديل في نقاش جميل عن ماهية الاحتفاء بالجسد ابتدراه الاستاذ هاشم كرارو الدكتورة ناهد، ساهمو فيه مجموعه مقدره من الناس، حبيت اعرف رايك كشخص عبربطريقته الخاصه عن الاحتفاء بالجسد، ما هو مفهومك للاحتفاء بالجسد في مجتمعنا تحديدا؟ و لك ان تُعرف و تحدد حدود مجتمعنا بما تراه مناسبا
معليش لو منتظر زيادة مني في موضوع الروح و انا جيت اخد تاني
I will understand if the topic does not appeal to you
----
thanks for your kind words about what I write :)
| |
|
|
|
|
|
|
|
|
|
Re: في متفحف الفنون (Re: Rihab Khalifa)
|
شكرا رحاب
زارنا النبي ( ولا هي حرم النبي؟)
البوست واحد وثابت عشان ادارة الوقت
or the lack of it for that matter
بعدين كدا اكون حاضر لمن شاء يقرا شعري
وبعد شوية ح اعمل بوست لقصصي القصيرة
وناوي اعزم قصاصين اخر.
شكرا لقراءة القصيدة وبالمناسبة العامية
السودانية عندها سنتكس معقد مثلا لو كتبت
حنبنيه ممكن واحد ينطقها كما ينبغي
في اللغة واخر ينطقها حنبنيهو ويقوم
واحد من القراءتين يخل بموسيقى القصيدة
وكدا يكون في الحالة الواحدة انا الضايع.
مرة واحد كتب تحت قصيدة عامية لي انها
ماموزونة فسالته انت قريتها كيف وقمت
رسلتها ليهو في ملف صوتي بقراءتي انا
فاندهش وقال والله فعلا ما مكسورة
سو.... هل يمكن ان يكون عندنا عامية
استندردايزد؟ !
دي مشكلة
قديتك مش؟
كتبت يا ام قلمن سمح.
Quote: كشخص عبربطريقته الخاصه عن
الاحتفاء بالجسد، ما هو مفهومك للاحتفاء
بالجسد في مجتمعنا تحديدا؟
و لك ان تُعرف و تحدد حدود مجتمعنا بما تراه مناسبا
|
الموضوع دا عندي فيهو الشوية بتوعي.
لكن ما جبت لي اللنك ليهو عشان ما اتوه
اعجني بوست اوكسيمرون والكاتب الشبح
او الظل الكاتب او كما قال.
| |
|
|
|
|
|
|
|
|
|
Re: في متفحف الفنون (Re: mustafa mudathir)
|
Quote: العامية
السودانية عندها سنتكس معقد مثلا لو كتبت
حنبنيه ممكن واحد ينطقها كما ينبغي
في اللغة واخر ينطقها حنبنيهو ويقوم
واحد من القراءتين يخل بموسيقى القصيدة
M.M. |
سلامات يا مصطفي
والله اديتني فكره ممتازه موز شديد: البوست الجامع :)
انا بالاضافة لمشكله ادارة الوكت، الزغلله
ابدا، ما قديتني - مستمتعه بما اقرا
في كم نوع عامية يا ربي في السودان؟ ولا العامية ما مرتبطة بالقبائل و اللهجات؟
حارسل لينك موضوع المقالات المعنية باسم الدكتور عبد المطلب صديق في الخاص, عشان مسار البوست
| |
|
|
|
|
|
|
|
|
|
Re: في متفحف الفنون (Re: Rihab Khalifa)
|
قالت نهال:
| Quote: والله اديتني فكره ممتازه موز شديد: البوست الجامع |
طبعا يا نهال فكرة سو بنانا!
Time is of essence
من الافضل نوع البوستات دا يكون
esoteric
وkind of resticted
لكنو طبعا مفتوح للجميع وانا احترم
كل من مر من هنا
و القادمين!
ساعود لحكاية فخليك مدوزنة!
| |
|
|
|
|
|
|
|
|
|
Re: في متفحف الفنون (Re: mustafa mudathir)
|
كريسماس
كان
من اعيادنا.
الان
اسمع عقرب الساعة
داويا
قبل اجابتي على السؤال:
دو يو سليبريت كريسماس؟
هل تحتفي باعياد الميلاد؟
هذي الثواني
قبل اجابتي بنعم
تنوء بثقل
عشرين عاما
من الزمن المغول
ومن نزيف الذاكرة
وتخرج من فمي
رغم جيشاني بها
غائمة
فاترة
ميلاد له اعياد
طيب متين
اعياد لها ميلاد؟
| |
|
|
|
|
|
|
|
|
|
Re: في متفحف الفنون (Re: mustafa mudathir)
|
سلام للمتابعين
هنالك جديد قادم!
ولكن هناك ايضا خبر مؤسف
وفاة ابن عمتي السفير الشاعر
الاستاذ عبدالمجيد حاج الامين!
وهو شاعر فذ ويعرفه الناس
بقصيدة هبت الخرطوم في جنح الدجى
التي تغنى بهاالفنان عبدالكريم الكابلي
ولقد نشر اخ من المقيمين بالسعودية
القصيدة التي كتبها صديق مدثر في
نعي توأم روحه الراحل عبدالمجيد حاج الامين
وذلك في بوست الاخ عادل نجيلة المشار اليه
في مداخلتي السابقة.
| |
|
|
|
|
|
|
|
|
|
Re: في متفحف الفنون (Re: mustafa mudathir)
|
عدا الشتا
ودبت في اوصال الزمن
اشواق ربيع!
طلعنا من صمت البيات
اولاد بنات
نسوان رجال
ودخلنا في موضوع
طويييييييل!
قصة علاقة مع الوطن!
أيوه الوطن
ومش البديل!
امكن مسافة السكة
ألفت القلوب
امكن عبير الذكرى
أو حس المكان
أمكن وقوفنا على السؤال
ح نخلي كيف وطن الجدود
بي غابتو
بي صحراهو
بي شعبو الودود
ونعيش انحنا بلا وطن؟
غيبوبة واعود
| |
|
|
|
|
|
|
|
|
|
Re: في متحف الفنون (Re: mustafa mudathir)
|
Quote: ولكن هناك ايضا خبر مؤسف
وفاة ابن عمتي السفير الشاعر
M.M. |
سلام يا مصطفي و البركة فيكم
و ربنا يتغمده برحمتة و يجعله من اصحاب اليمين
و يصبر اهله علي فراقة
---------
ما تطول في الغيبوبة :)
| |
|
|
|
|
|
|
| |
mustafa mudathir
حسن الجزولي
أسامة عبد الجليل
فيصل محمد خليل
tmbis
Abdlaziz Eisa
خضر حسين خليل
محمد الجزولي
Tagelsir Elmelik
Amin Mahmoud Zorba
Rihab Khalifa
rosemen osman
بله محمد الفاضل
عبدالله الشقليني
الجندرية
فيس بوك
تويتر
انستقرام
يوتيوب
بنتيريست