الف شكر العزيز معاويه وانت تضع صورة أمير عموم شعراء الوادى العبادى الذى فرهد فى كل اركان البلاد ... الف شكر ... العزيز محمد عثمان اتمنا أن تكون بالف خير خبرك شنو؟ تحياتى
05-14-2008, 06:59 PM
أحمد طراوه أحمد طراوه
تاريخ التسجيل: 12-25-2006
مجموع المشاركات: 4206
تمتد الندوة تخرج الى الافاق الارحب تتعولم تا خذ من كل التجارب رى شارلس قال استفاد من نقر تلك الطبول الافريقية ... نتابع مع د / طراوة كيف خرجت تلك الطبول ؟ كيف عبرت الاطلسى ؟ نتابع مادار وما يدور ..
05-14-2008, 08:33 PM
أحمد طراوه أحمد طراوه
تاريخ التسجيل: 12-25-2006
مجموع المشاركات: 4206
ودموسى سلااام زمام الأمر في يدك ويد الدكتور ونحن سايرين معكما أعني مسار البوست لكن تراني اننا لم ننحى من المسار لأن كلمات هذه الأغنية اقتبس منها اللحو المقطعين الأولين من مسرحية المك نمر وهي من تأليف الشاعر العبادي واضاف لها المقطع الأخير من تأليفه
يا ود المنسى عمك زول مويس على ابراهيم قال جانى زول وبعد ما تب عرض وصقر فوقى جانى تانى وقال لى يا على ابراهيم انا ولد العريس ده العريس الشايفو ده انا ولدو .. وبعد اسبوعين داير اعرس انا زاتى دحين دايرك تغنى لى متل غناك ده __ العريس يا ود المنسى جزار معروف فى شندى ___ الف شكر على اغنية المك نمر تحياتى
05-14-2008, 10:39 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: و عقدة الدم بالعصا دي يا ود المنسى .. عاوزة تلفون حالا لحبوبة الوليد في ساردية .. فهمنا ليها ! إن كان إنت إن كان نآذر
عقد الدم بي العصا يقال يا طراوة زمان شيوخ وعمد البلد كانت ليهم الكلمة والرأي الصائب وحلالين شبك وأخوان بنات .. وبين إيديهم تهون القاسية. الواحد لو استعصت المشكلة تلقى ماسك عصاتو ويشخت في الواطا .. فجاءة كدي يديك الرأي الصائب وبي عاصتو يخطط بها يحل المرقوب ويعفو عنه أهل الميت راضين ويكون عقد ودم كان ممكن يسيل ( ثأر ).
وقال لي مرة خالي وهو محب لي لأغاني التراث. عقد الدم بي العصا كناية عن انو ود شيوخ ود أولياء صالحين والله أعلم في المعنيين
05-14-2008, 10:35 PM
أحمد طراوه أحمد طراوه
تاريخ التسجيل: 12-25-2006
مجموع المشاركات: 4206
Quote: واصل يا ود المنسي .. دا بوستا زي قدح النبي .. زي قش البطانة الخريفو بلاقي .. بوستا متعدد المسارب .. بوست تاريخ الغنا في كافة مصادرو و جهاتو الاربعة
.. دا بوست كلام الكابلي البقول :
ما بنخاصمك بنجاري طبعك يا جميل .. فدى إبن اخي نفسي و نسلي و ماليا
طراوة الأديب تسلم يا العميد أب راياً سديد مو خايب متروس عقلك بالحكم مابتميل تسوي العايب ياطراوة مشطوطين خلاس بندور حديث الغايب العبادي ونمو فوق البنات ليهو غارز نايب
وتشهد دار جعل ... يوم حريقة الباشا وتشهد كل الدنيا أنو كل الحديث العذب قد خرج من هنا كل الكلام الصالح قد خرج من هنا من ضفاف هذا النهر قما قال نجم النجوم الشاعر المسرحى عمر الطيب الدوش .
05-14-2008, 11:47 PM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3777
نسعى لانتاج معرفة ذات منهج سوسيو - ثقافي و نعيد مقاربة تلك الوقائع وذاك التاريخ في وثيق ارتباطو بتلك التشكيلات الاقتصادية - الاجتماعية لقوى الاقطاع القبلي السوداني خلال عهود الدولة السنارية ودولة الاتراك و سودان الكوندومنيوم بتاع النصف الاول للقرن العشرين
Quote: والله يا ناس بوست الغناء و الموسيقى الفيكم اتعرفت يا جمااعة نحن ما قاعدين فى ام درمان و كنا فى قلب الاحداث..و الرصاص والله العظيم دخل جوه بيوتنا
و الله لكن اتلومنا
يا زول حمدا لله علي سلامتك و سلامة جميع ناس أم در
أنا كان عندي خبر انك في كندا
أجدع لينا تلفونك في المسنجر عشان نناضمك
ربنا يسلم الجميع
05-15-2008, 12:51 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
العزيز محمد عثمان الرجل الذى بحث عن الغناء تحت مطر الدانات .. سلامتك يا نمر ... على بالحلف يا محمد عثمان تلفونك ما بجى عرفت انك بالبلاد .. اخبارك شنو ؟ الف سلامه .. تحياتى
البركة فيكم جميعا رحم الله الأستاذ الشاعر محى الدين فارس شاعر السودان الكبير فارس امدرمان الأول الشاعر الذى امتشق البروق رحل محى الدين رحلت ايقاعات الشعر الصادق له الرحمه ...
.. يا ود عثمان لك محبتنا و كل العوافي مرسلات في نُضار من الحرير مُجللِ .. نحرق حولهو اطيب العودِ .. و ازكى الصندلِ
" إن سلمت فكل امدرمان .. فكل الناس قد سلموا "
.. نحلم بسلم وطيد ، و دولة قانون .. وحقوق مردودة لاهلها
و يكاد قول العبادي في جدي العزاز :
" الخِصرو هضيم .. لا جوع لا ضيم ! "
.. يكاد ان يكون من ابلغ و اوجز ما كُتب في شعر النسيب و الغزل السوداني ..
.. و يظل شعار بوستنا :
" لو جفانا ما بنحيد عنو .. الظريف وين الليلة دايرنو "
شغلا بالله يا معاوية .. باهداء خاص للفنان الاستاذ عبد الكريم الكابلي .. وروح صحبو الراحل محمد شعفوفة
يا ود المنسي : اسبر لينا غور ذلك الموقف النبيل المليان بالدلالات و المعاني .. موقف المك نمر لمن استجار بيهو طه الضرير .. آناء عهود تلك الصراعات الدامية عند سهل البطانة و ضفاف نهر عطبرة : صراع الشكرية و البطحانين
كسرة اولى :
ارسلت لنا حليفة الصون .. الشايلة هم البوست دا شمعة ضواية .. ارسلت لنا نجوى بت عكاشة رمية العبادي (البرنجي) اللي اسمها الجرحو نوسر بي !
.. و معاوية و رغم كونوا هو مسبار الفضاء الغنائي - الاسفيري ، ليهو كم يوم بقول لي : الزولة دي بتجيب الحاجات دى من و ين .. لمني فيها يا الحبيب ..
كسرة تانية :
ياها كسرة الكاشف البقت اغنية كاملة .. انتصار خط ابراهيم الكاشف و من بعدو ابراهيم عوض .. يوم ان تم كسر الرتابة ( المونوفونيا) و إنطلقت الغنائية السودانية ترمح في دروب التجديد .. الايقاع الراقص و الجملة اللحنية الجديدة .. مجهود مبكر بيعود فضلو للرجل جليل القدر : احمد المصطفى بركات
05-15-2008, 08:25 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
جاتك رمية العبادي البرنجي تزحف .. جاتك بروق في بروق و شُهب رجامة .. يجيك بمهل و ينسف الداير .. و كان ما الشي قِسم و انا عقلي مُداير .. ليش عاشق المُدلل بيهو شن داير ! جروحك نوسرت .. حالك ما بنفعو التطمين و لا فقراء كدباس البعرفو الدِين .. و يا دوب قلا نوم العين
.. ومنو دا : الفي لونو تِبر .. الفي صفاهو ما غِبر
يا قراء البوست بنقول ليكم قول العبادي :
" في منامنا و قيامنا .. ليكم مِليونات سلامنا " .. و و الله ما شفت تصريف نحوى اجمل و الطف من مُليونات هذه !!
جاتك رمية العبادي البرنجي تزحف .. جاتك بروق في بروق و شُهب رجامة .. يجيك بمهل و ينسف الداير .. و كان ما الشي قِسم و انا عقلي مُداير .. ليش عاشق المُدلل بيهو شن داير ! جروحك نوسرت .. حالك ما بنفعو التطمين و لا فقراء كدباس البعرفو الدِين .. و يا دوب قلا نوم العين
جرحو نوسر بي غوّر في الضمير فوق قلبي خلف الكي ياناس الله لي
أنا شن جابني ليكم والله ياطراوة بتجيب خبري في باقي الأيام الجاية دي .. ما كت مرتاح في إنجمامتي .. دا كلو من ود موسى قال لي جيب لينا صورة ودالنزيها يوماً ابيض وأسود الجابني ليكم .. أبيض سمعت وقريت وتهت في الجمال والمتعة دي والسواد يايابا أصلي متوّك وغار الجرح في الضمير وفوق قلبي خلف الكي ....
والله يا ود المنسى فرحتنا بيك كبيرة تب بوست صاحبك طراوة جراك جر من بنطون شندى من دار ناس عثمان الشفيع اها جيتك خلت عجاجت البوست دلوكة مكابراب .. الوجع اليقد عين العدو الف شكر يا ود المنسى تحياتى
05-16-2008, 03:05 AM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3777
Quote: اها جيتك خلت عجاجت البوست دلوكة مكابراب .. الوجع اليقد عين العدو الف شكر يا ود المنسى تحياتى
الحبيب عثمان موسى تعرف يعجبني فيك أنك ماسك الزمام تمام وبتعرف تضرب في الوتر الحي تمام
تعرف أهلك المكابراب ديل ناس عجبين خلاااااس قالوا المكابرابي لما يدور الشر بتمسح بزيت سمسم وأجر عنقريبو الهبابي وإختو في نص الطريق .. أها كان جيت بي جنبو أقوم عليك وإنشبك فيك إقول ليك كتحتني بالتراب.. وإن مشيت منو بي بعيد يلحقك أقول بتخلي لي الدرب مالي فوقي جزام ... هم زي ( بيضة أم كيكي ) كما قال الشاعر الجميل فضيلي جماع كان وقعت في عينك وشلتها أمك بتموت وكان خليتا أبوك بموت.
عاطر تحياتي ودموسى
05-16-2008, 05:25 PM
أحمد طراوه أحمد طراوه
تاريخ التسجيل: 12-25-2006
مجموع المشاركات: 4206
[B]... اها بقينا في وكر الدود الوعر الدود القر قر للعقاب دراج اسد بيشا المُكرمت .. القمزاتو متطابقات الاسد المربعن فوق جبال قري .. نتراتو الفي بارا مسموعة في بُري اب رسوة البكر .. الحجر شراب ستيت
غنا الحماسة ، الشكرة و المناحة
اسد السودان القديم ! سودان المشيخات السنارية سودان الدواس و الحوبة و ام لبوس .. وهج التاريخ و لحظة انبثاق و تشكُل فئات البرجوازية التجارية في إحشاء علاقات الاقطاع - القبلي السوداني .. صراع التوسع في الاراضى و استحواذ الفائض الاقتصادى و الامساك بمعابر و مسارات تجارة سن الفيل ، ريش النعام ، و للاسف تجارة الرقيق !! شوفو كتاب ريتشارد هل عن ذاك السودان ترجمة عبد العظيم عكاشة .. شوفو كتاب نقد عن الرق
05-16-2008, 05:45 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
الليلة طراوة جاب ليكم الأسد زاتو أسد شبعان . ياهو الأسد أبو اضان مشرومه من الكتال .. عليكم الله فى أجمل من البلد دى ؟ بلد الأسد يعيش فيها فى امان والمزارع على جرف النيل لايحمل خلاف السلوكه والتيراب .. ده السودان من سنة 6 كل ما تضيق تفرج تانى وتفتح نفافيج التعافى والتصافى والتصالح ..
05-16-2008, 06:23 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: اها بقينا في وكر الدود الوعر الدود القر قر للعقاب دراج اسد بيشا المُكرمت .. القمزاتو متطابقات الاسد المربعن فوق جبال قري .. نتراتو الفي بارا مسموعة في بُري اب رسوة البكر .. الحجر شراب ستيت
الحبيبان طراوة وود موسى جيتكم الليلة بي عقابي أغاني التركية السابقة كما يحلو لاستاذ الأجيال الكابلي تسميتها. وأغاني الحقيبة نجد فيها الكم الهائل من مفردات ندر استخدامها في زمنا الحالي وأخرى صعبة .. سألت في مرة فنان من الشباب وأعرفه جيد ولي معه علاقة طيبة وإلا ما وجدت لذاك السؤال سبيلا يتغنى بأغنية الموز روى وقايم سوا ... عن بعض معاني مفردات الأغنية فرد علي والله ما بعرفها كلها .. ( يَطرب ويِطرب بها قلة يفهموها وغالبية معه في الهوى سواء ) فليتنا نتطرق يا طراوة وموسى لمعاني بعض المفردات ولأسماء التي اندثرت. حتى تفهم اجيال اليوم غناء أهلهم صاح ... وما بيع كسيت نانسي عجرم في السودان إلا بسبب شُح في الجديد وصعوبة فهم القديم ... فهلا توافقاني الرأي
الحق يازول الدود .. الدود يازول تب حجر الدرب .. الكابلى صوت الكابلى كما جبال حضرموت نازل طالع طالع نازل .. النزول والطلوع فى الغناء ده يا أستاذ الموصلى عندكم اسمو شنو ؟؟؟ الدلوكة لمان تتعتع بتسموها شنو؟؟ قنج الدلاليك فى الموسيقى عندكم اسمو شنو ؟ كابلى فى الدود قرقر هنا جاب دلوكة المكنية التقيلة .. يازول الدود قرقر ..
05-17-2008, 07:24 PM
أحمد طراوه أحمد طراوه
تاريخ التسجيل: 12-25-2006
مجموع المشاركات: 4206
ومن يوم بدأ اسماعيل سيد الربابة غناهو القديم الاول في القرن السادس عشر (قبل 500 سنة) ، من ذاك الحين جات حكومات و مشت ، تجاسرت قوى الشر و الجنون لكنها تلاشت و إنكشحت .. قامت حروب و محن لكن إنقشع و زال نحسها و جنونا
" كلوا مشى و قعد الغنا ، نما و فرهد و تطور و سار !
و إن كان الدراما ( إلياذة هوميروس ، و جحيم دانتي ) هي روح الاغاريق .. و إن كان نثر شكسبير هو روح السلت و الانجلو - ساكسون .. فإن روح شعب السودان هو :
" الغناء " !! ..
روح شعب السودان و حِراكو الاجتماعي - الاقتصادي اللي تمظهر تاريخيا هو الغناء
روح شعب السودان قاعدة في غنا احمد ود بعشوم القديم .. و غنا المدرسة الفنية الاولى و التانية
سعيدين بزيارة اميرة ، و نور الدين .. و تاني بقول ليك يا اميرة : اول مرة اسمع صوت سرور بوضوح : كان في شريط مسجل منسوخ لاسطوانات الفحم بتاعت اوديون و ميشان ، اداني ليهو ابو اولادك محمد سليمان في نهاية 1981
.. و حنعود لاغنية نور الدين التى تفيض رقة !
و لانزال في حوبة كابلي .. زرة اسد جبل موية الاسد اب رسوة النازل من هضبة الحبشة و حابس سقاية البهايم في بحر ستيت و عطبرة ..
جلوس عازف الكمان الموهوب محمدية وعازف الأكورديون ودالحاوي والملحن المعروف ومطرب صوته شجي الصف الأول وقوف الأعلامي والوزير السابق علي شمو عازف الكمان عليه رحمة من الله علي ميرغني الفنان العملاق أبوعفان عثمان حسين السنجك الرئيس أسماعيل الأزهري عليه رحمة الله ماعرفتو الفنان القامة محمد وردي اعتقد البعدو ولا اقول احسن ما اشرع ساااكت الباقين والله ماعرفت فيهم ولا زول
05-17-2008, 10:31 PM
أحمد طراوه أحمد طراوه
تاريخ التسجيل: 12-25-2006
مجموع المشاركات: 4206
و معاوية و معاهو ود عثمان ياهم الوافر ضراعو .. أمنتو الرسول ، و امانة بوست الغنا كمان
.. زخم صور و موتيفات من ذلك الماضي النير الجميل .. كلها مداخل لرصد تاريخنا الغنائي و مواصلة الحكي ..
بادي حبيبنا علي خط غنا الحماسة سيرة ود حبوبة .. في غنا رُقية اختو
و عمر البنا .. اخو آمنة يوم عركة تمساح العشاري في بحر ازرق .. قصة عود الكليت القربت تجيب خبروا .. و مع ذلك قال عمر البنا : بتعرفني ام خدود و انا بعرف الفيها .. النار ولعت بأيدي بطفيها
.. ودا زول امدرمان ماركة ناس علي المك و الهادي نصر الدين .. دا محجوب خال العيال .. خليفة السيد علي .. و ملك رواية الغنا و المجتمع الامدرماني .. حيكون معانا من الليلة علي مِحور قصص التنقاري و عشة الفلاتية ، قصص عمر البنا و عبد الرحمن الريح .. ذكريات شارع الشوام و القِصيرية في سوق امدرمان القديم .. قصة الغنا الاول
.. و لازال كابلي يحلحل و يفكفك او ثقتنا ، و يداوي جراحنا بذاك الرحيق الكسلاوي .. يوم إشراق شموس الوجد و جمال الصُحبة .. شكرا محمد عثمان علي اغنية : نضر الله وجه ذاك الساقي
05-18-2008, 03:50 AM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3777
العزيز جدا معاويه سلام من زمان الصور دى داسيها لى شنو ؟ الف شكر عليك الله حاول وضع صور رحلات الفنانيين لمصر ولبنان .. كل الصور العندك ضرورى وكل صور الشعراء تحياتى
05-18-2008, 05:32 PM
أحمد طراوه أحمد طراوه
تاريخ التسجيل: 12-25-2006
مجموع المشاركات: 4206
البِنية زهرة السوسن (يا سوسنة كلِك سنا) شكرا يا ود عثمان .. هدية من إيدك مقبولة النغم الجاي من عاصمة الجزيرة الخضراء ثنائي الجزيرة علي درب الكاشف ، و محجوب عثمان .. ذاك الميلودي الجميل : حنا علينا و انعم لما لقانا سلم !
.. الكابلي علي خط الحماسة و المناحات القديمة .. عمر البنا بمدفعوا الرزام و نيرانو المولعة
فكها يا معاوية .. و النار و لعا
05-18-2008, 06:15 PM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3777
.. المجموعة الغنائية الاولى بتاعت سرور في نهاية العشرينات من القرن الماضى كانت بتضم ناس فضلهم كبير علي مسار و تطور الغناء السوداني .. ناس سجلوا إسمهم باحرف من نور في صفحات تاريخ السودان :
* عطا محمد المشهور بسنجر .. كان طنباري و واصل مع سرور علي درب الغنا الجديد
* احمد حسن محمد ، و عبد الرؤوف عطية .. و عبد الرؤوف ضمن الناس المشوا مع سرور مصر لتسجيل اسطوانة 1932 الاولى و دي نفس الرحلة اللي رافق فيها سرور كل من كرومة و الامين برهان
* و ضمن فرقة سرور كان في بشير سليمان ، و عبد العزيز المامون ، اخو ميرغني المامون .. و دا كان في بداية العشرينات ذو نجومية عالية ، كان فنان امدرمان الاول قبل سرور .. لكن سرور كان صاعد بسرعة 7 ماخ
* سرور جاب معاهو مبكرا وهبة محمد سعيد (والد بشرى وهبة) علي الاكورديون و جاب السر عبد الله عازف الكمان السوداني الاول .. وديل واضحين في الصورة
للحق يا معاوية .. و انصافا للتاريخ و الناس الكرام ديك ما بنقدر نقول هل دا عبد العزيز ام عبد الرؤوف ام سنجر ، لانو نحنا ما شفناهم ! و غالبا الاتنين التانين هم ليسوا كرومة ولا الامين برهان .. بس لاحقا بنقدر نفرز الصورة دي علي نحو صاح
ُمُدفع الرزام .. وهي بالاساس بعض من ابيات ملحمة الحماسة The Fervor Epic الشهيرة (اخوان آمنة) .. شعر عمر البنا
عمر البنا فارس ، و زول بادية ، و ثيق الصلة ببيئة و تاريخ البطانة .. و متشرب تقاليد قبيلتو ( الشكرية ) .. مهم جدا تسجيل اثر تاريخ المعارك و وطأة الدواس الخاضوهو الشكرية في سبيل الا نعتاق من قبضة المركز السناري و هيمنة سلاطين الفونج و وزرائهم من العنج ..
وصف شاعر الحماسة ، الشكري يوسف ود عبشبيش تلك البطانة المتوترة و مشحونة بوقائع الدواس قائلا:
و عمر البنا ايضا علي نهج ابناء عمومتو من ذلك الرعيل الشكري ( ود قلبوس و معاهو ود حسوب الطرقابي ) طلائع حوبات الحماسة و دولات ام لبوس و الكر و الفر .. تلك الحروب اللي إنتهت بامساك و تملك الشيخ عوض الكريم ابو سن للبطانة وفقا للوثيقة الصادرة من بادي ود دكين في 1206
قال ود حسوب في وصف أب علي فارس الشكرية يوم النزال و العركة :
حسع شفتو فوق ضهر الحصان بتلتت و لصفي الدم علي دقنو المليحة اتشتت جبل الموسم الفوقو القبائل ختت اكان ماهو حضر قوم ناس خميس ما انسكت
.. حقا يا شيخنا عمر : من زمنا قديم صوت النحاس قحا .. الفارس برز و الخايف اتنحي
بنلاقيكم يا ود المنسي نواحي ريرة ,, مانا قاعدين فراجا ... شوقنا ، هجعتنا و رجعتنا لناس زندو و عاجا
شكرا يا محمد عثمان .. بالحيل سمح تسجيل اللحو التاني !
.. يا ود المنسي .. بوست تاريخ الغنا دا خيلو دفرن و جقلبن و حلفن يقيفن ميس ,, و دحين كيف المخارجة من حوبة و عركة دار جعل ؟ !
يا معاوية : وينا صورة الزول البريد اللطام ؟ الزول عقِد الحديد للحلبي - الخواجة ما بنفك .. الشقا الجِسر و حارس مشارع الحق .. صورة ود حبوبة قبل الشنق .. شنقة اب كريك في السوق !
شغلا يا معاوية : بتريد اللطام اسد الكدادة الزام
05-19-2008, 10:44 AM
أحمد طراوه أحمد طراوه
تاريخ التسجيل: 12-25-2006
مجموع المشاركات: 4206
و في وسط معمعان و هزيم الحماسة و الدواس .. في قلب وطيس و نيران الحرب ام لبوس بنقيف ! نستدعي ، و نطرى و نسترق السمع لذاك الصوت الشجي ، وذاك النقرزان القديم الضارب في شغاف القلب
قمرنا البيهو متآنسون .. عظيم كالمال حلو كالبنون !
.. كان سيد عبد العزيز بليغا بحق .. صورتو الشعرية فريدة .. و تعابيرو شديدة الجزالة !
الحان كرومة .. بنهديها الي ذاك النفر الكريم من جماعة العارفين بدقائق و تفاصيل الغناء .. فمنهم توفرت لنا خيوط المعلومة و مداخل المعرفة .. الي :
* المهندس العريق : مختار التجاني علي * الدكتور الموثق : الحاج سالم مصطفي * المهندس الصفي الحبيب : حسن عبد الرحمن العوض
مودتنا لكم تجري مجري البسفور .. عسي ان نلتقيكم في في تلك الديار اللتي تعرفنا و نعرفها .. عبرك يا مختار سلامنا يعبر و يصل دولة الامارات لصديقك موسوعة الغناء المهندس الرفيع : مامون عبد الله عثمان .. لكم العوافي و ما تبقي من خير السودان .. انتم يا جيل الستينات الزاهية تلك
" اسمعوا بالله : غنى القمري علي الغصون "
الزول البطران مما نُشي .. وجه القمرة يشبه و شيّ .. فريد عصرو الما متلو شي !!
05-19-2008, 12:04 PM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3777
.. لو جات بالمُراد و اليمين مطلوق .. .. ما كان اب كريك بتشنق في السوق ..
.. ما كان محجوب خال العيال بمرق من بيت المال من جوف و عمق امدرمان و بنجدع فيما وراء بلاد فاس الما بعدها ناس .. رمية ما وراء الاطلنطي .. في فيرجينا دار اليانكي
.. و نبدأ نشر كلام محجوب خال العيال ، بكل ما فبهو من رشاقة و معاني و جماليات .. هوى بيت المال و امدرمان الما إنفشا .. اذكرونا ولو بقشة ..
نبدا ببيت المال .. و نصل لقصص التنقاري و عمر البنا و الرحمة مكي ، و عشة الفلاتية و عبد العليم اخو زوجة عبد الرحمن الريح .. شارع الشوام و مِحن موسى ود نفاش .. إنها للحق (مدينة من تراب) كما رسمها علي المك في خيالو الفسيح الناهض بالذكاء و الالمعية
05-19-2008, 10:16 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يا سلام يا يا طراوة رسالة محجوب خال العيال هاجت الذكريات أياماً قضينها بين ربوع ودالبنا وبيت المال
ولا يفوتني أن أذكر النعيم بكراوي .. دكاكين الطاهر .. جمال خال العيال .. حبيب الله محمد .. جاد السيد ..
لك التحية محجوب خال العيال ونحن الانتظار لسماع أخبار أهل ذاك الحي الرائع والتنقاري و عمر البنا و الرحمة مكي ، و عشة الفلاتية و عبد العليم اخو زوجة عبد الرحمن الريح .. شارع الشوام و مِحن موسى ود نفاش ..
05-20-2008, 01:59 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
( ياود المنسى شنق اب كريق فى السوق ) شنق وانطلقت عاصفة غناء الحماسه .. من هناك .. لك المجد يا اب كريق لك المجد يا نمر لك المجد يا أبوجديرى لك المجد يا جدى موسى أحمد ضو
05-20-2008, 02:15 AM
أحمد طراوه أحمد طراوه
تاريخ التسجيل: 12-25-2006
مجموع المشاركات: 4206
كتب عبد المنعم عبد الحي تلك الغنائية الشجية النشوانة .. كتبا تحت تاثير سحر وجمال شاطىء توتي النيلي - الرملي ..
ألامير / حسن عطية .. كان فتى الخرطوم المشرق و فارس العود ذاك الحين .. كانوا فوارس ، هو و (الهاوي) حسن سليمان ابو علي ، عمل جملة لحنية بعيدة المدى الجمالي و ذات تراكيب موسيقية غير عادية .. لكنها بالضبط ظلت جُملة المقام الخماسي السوداني
رونق اغنية الرملة بيضا بيكمن في ايقاع الرمبا ايقاع جاليات الخرطوم القديمة .. ابو علي و احمد المصطفي كانوا اساطين الرمبا .. ذاك الايقاع عالي التطريب
الهاوي .. هو اللي جاب لابوعلي كلمات تلك الكسرة اللي اسمها ( يا زول انا قلبي حباك ) و عملوا مع بعض اللحن علي شريعة اولاد الخرطوم القديمة .. و الاتنين اتعلموا العود علي يد عبد القادر سليمان ، اخو الهاوي الكبير ..
نجوى بت عكاشة لقت لينا ( كسرة ) اولاد الخرطوم :
اشعلت لي ناري .. جددتو تذكاري .. و انا ليك دوام طاري
Quote: رونق اغنية الرملة بيضا بيكمن في ايقاع الرمبا ايقاع جاليات الخرطوم القديمة .. ابو علي و احمد المصطفي كانوا اساطين الرمبا .. ذاك الايقاع عالي التطريب
رملتنا بيضا..ابو على
05-20-2008, 11:56 AM
أحمد طراوه أحمد طراوه
تاريخ التسجيل: 12-25-2006
مجموع المشاركات: 4206
كتبا حسن سليمان الهاوي الحان و غناء الامير/ حسن عطية تفانين اولاد الخرطوم القديمة عود خليل فرح ، و اولاد تميم و اولاد بني .. العود اللي ادوزن علي النهج الخماسي . . مجاهدات إنعتاق عود السودان من إسار التخت العربي
.. و برضو سرور شال كلمات عبيد عبد الرحمن (اسمعتو تغريدي ) لحنا بنفسو ، و اداها لحسن عطية
,, و برضو كابلي شال كلمات السر دوليب ( في الملامح عربي و في الجمال سوداني ) اداها لبشير عباس لحنا ، و قدموها معا هدية للامير / ابو علي
.. و كلما نسمع مقطوعة بشير عباس الفريدة ( يا تري ؟ ! ) بنصدق ، و نآمن بانو نفحات عود حسن عمر سوميت و اسماعيل عبد المعين لا تزال باقية تظلل مسار الالحان و الموسيقا السودانية .. انه سر العود القديم .. سر عجيب غلبنا نحلوا ( كما يقول اسماعيل عبد المعين في إغنيتو تلك ) .. يا معاوية بالله جيبا تاني ، رحلا في صفحة 18 هنا ..
.. و حنظل حافظين افضال بشير عباس .. و تأثيرو الكبير و بصماتو الواضحة في مسار مدرسة الغناء الاوركسترالي التانية .. سلامنا و مودتنا لبشير عباس و كل اطراف الاسرة الكريمة الكبيرة في الحلفاية ( سلام خاص لا سماء حمزة ست العود الاول القديم ) ، و الاهل في ود البنا و في المهجر الكندي .. دامت عليك العوافي يا بشير عباس
05-20-2008, 03:05 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
الطيب سمح بالحيل لا تيأس يا شعب السودان لا يستطيع هذا الظلام أن يحول دون طلوع الشمس .. الطيب سمح بالحيل قصائد تحمل الوعد والفرح والربيع وتطارد القحط ....
05-20-2008, 07:35 PM
أحمد طراوه أحمد طراوه
تاريخ التسجيل: 12-25-2006
مجموع المشاركات: 4206
رملتنا بيضا .. و بنسقي الحبايب كاس كاسين ! ودا اصلا هدف بوست تاريخ الغنا .. الإنجمامة و الهجة و مداواة انواء الزمن العصيب معتصمين بجمال ذاك التاريخ .. التاريخ المنو بنستمد الامل في باكر .. عودة سودان السعد .. دولة القانون و الحريات .. رد الحقوق و رفع المظالم في الجهات الاربعة
.. اغنيتك واضحة و سمحة يا محمد عثمان و كاسات ابو علي تلجها كشكشتو واضحة .. وزي ما بقولو : القوي دا من وين ؟!
من مُرسلات بت عكاشة الشايلة معاكم يا معاوية هم البوست ، و صلتنا مقطوعة (يا ترى) .. عود بشير عباس و صوت هادية طلسم .. ذاك الصوت الالطو الشايل نكهة فاطمة الحاج و مهلة العبادية
.. بشير عباس مدرسة خاصة في إبراز العلاقات الجوانية للاوتار الخمسة
.. حنواصل مع الخليفة الختمي النوراني : محجوب خال العيال بعد ما وصلنا منو المكتوب التاني .. و ليهو بنهدي اغنية فنانو الاثير المفضل : الراحل محمد احمد عوض
" إنت ما تغربتا مرة و لا قضيت الليل مُساهر ! "
05-20-2008, 08:16 PM
أحمد طراوه أحمد طراوه
تاريخ التسجيل: 12-25-2006
مجموع المشاركات: 4206
يا ود المنسى اها ده نوع الغناء البخلى الواحد يشوف اكبر عكاز سلم ويكسرو فوق كراعو قدام الناس .. مو عكاز طرور ساكت .. عكاز سلم .. هو عكاز السلم فى حضرة البشيل فوق الدبر يعنى كتير ؟؟؟ لا . والف لا ... أخوانى عليكم الله لو مته اوصيكم ببوست تاريخ الغناء أن لا يميل وأن يعلو وأن يساعد فى مسح القبيح وأن يكون مثل الطيب السمح بلحيل ... يشيل فوق الدبر الى أن ينصلح الحال ..
05-21-2008, 10:26 AM
أحمد طراوه أحمد طراوه
تاريخ التسجيل: 12-25-2006
مجموع المشاركات: 4206
.. و بنهدي ليك يا المحجوب خال العيال ، إنت و معاك محمود صالح ، و ود الجاك ، و كل ناس دكاكين الطاهر خال العيال الكانو بتلموا في دكان الراحل محمد سينما .. بنهدي ليكم من عيون مدرسة الغناء الشعبي : تفانين زولكم و حبيبكم محمد احمد عوض : إنت ما إتغربت مرة و لا قضيت الليل مساهر !
.. محمد احمد عوض رِباية و سِقاية بيت المال ، و ابو روف , ودكاكين الطاهر .. كان جزار بسكينو و ضراعو في سوق ام سويقو .. سوق بيت المال الشعبي (ام سويقو) القام و إستمرا من زمن سيدي الامام المهدي
محمد احمد عوض مدرسة بابا فاتح في شارع الغنا عشان كدا ترباس بقول انا تعلمت الغنا وراء محمد احمد عوض و فلاح
.. و تتواصل موجات الحكي و الغناء الامدرماني صعودا و هبوطا و يا لسعادة بوست تاريخ الغنا بيك يا المحجوب
.. و صولك يا المحجوب .. حقق لنا الاحلام و يدوم بهاك للنيل .. و لعزة الاسلام
و ياهو زمن الربيع حلا .. و ازهارو فرهدت !
قلت لمحجوب في تواصل اثيري : إنت يا عابدين ، عبد العزيز قسم الله البمسك الدمبا وراء محمد احمد عوض و بشيل معاهو .. عبد العزيز دا من وين ؟!
قال لي : يا احمد ، عبد العزيز قسم الله ما خال ناس صلاح عبد الرجال ! إنت عارف امال عبد الرجال الاستاذة ، اخت صلاح زوجة منو ؟ ما زوجة امين زكي بتاع الهلال يا احمد .. !!
لله درك يا محجوب يا ود الخليفة محمد عبد القادر خال العيال ( صاحب القصة الشهيرة مع كرومة ) زي قصة الشيخ قريب الله
يا محجوب يا نوراني .. و الينا بتجليات سيدي الحسن الكبير راجل الجبل .. تجليات الحكي الامدرماني الاثير القديم
05-21-2008, 10:48 AM
أحمد طراوه أحمد طراوه
تاريخ التسجيل: 12-25-2006
مجموع المشاركات: 4206
و طالما كلام محجوب زولك جاب سيرة جليس و سوق السور ، و وزارة المالية بتاعت دولة المهدية ، فنحنا صار لزاما علينا نجيب ليهو (اللحو) علي ايقاع العشرة بلدي في غنية الست / فاطنة خميس :
.. يا بُر يا ابو البتول .. يا جليس يا الساكن السور " يا دمعي اللتشتت .. إتشتت و غلب اللقاط "
.. يا معاوية : ارفعا .. دورا و شغلا كان بالكهرباء كان بالجاز ...
05-21-2008, 04:26 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
ياود المنسى أولاد حلتك الفرسان ناس عثمان اسكينجو ناس د/ عبدالرحمن والفارس حسن ودالعمده ناس د / عبدالعزيز السنجك الناس ديل كل واحد ماسك عصاتو تحت حنكو ومنتظر الكو . دق يازول النعرض . وحاتك يازول متقريفيين للعرضة .. ... لهم التحيه لهم التحيه
05-21-2008, 07:21 PM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3777
قوموا خلو الضيق في المداين .. قوموا نادوا عنان و اتباعا وكل شلتو من ناس الاُنس و السمر ، و بالمرة قفلوا حوانيت الباعة .. و تعالوا شوفوا فانتازيا الطرب النضيف !!
" محمد احمد عوض .. و الطيب عبدو .. و عبد العزير قسم الله "
* شوفو ايقاع الدليب في بداية الاغنية * شوفو دخلة الرق في بداية الاغنية
الرق (التامبورين) في السودان .. جابو سرور من الطريقة الاحمدية .. لكن من يوم نزل الرق في ارض النقرزان السوداني ، لم يعد ذاك الرق المصري .. لم يعد ضمن معادلة التخت العربي .. بقى سلاح سوداني اصيل في يد كرومة و ناس محمد احمد عوص و ترباس
.. و الشيالين .. ديل مدرسة قايمة بذاتا .. دا ما شيل و بس .. دي تفانين و لزمات ، و دخلات ، و تقاطعات و غنا كامل
.. و ازيدكم في الحكي بيتين : قلت لمحجوب خال العيال : يا عابدين الزول البشيل مع محمد احمد عوض ، الزول اب شعر سبيبي الما بخت طاقية اصلوا ، الزول دا منم ؟ !
قال لي : يا احمد ، دا ما الطيب عبدو ، الطيب اخو ابارو
و من طريف ما يحكيه محجوب خال العيال
إنو ابارو لمن بقي شيال مع ترباس .. حبوبتو قالت ليهو ، يا ولدي كيف تبقى شيال و تباري الحفلات .. قال ليها يعني الطيب اخوي كان بروفسير في الجامعة ولا كان لواء في الجيش
يا بت عكاشة : ناديناك بالخلفاء الاربعة .. بذات التجلي و شيوخ ام مرحي .. تجيبي لمحجوب اغنية محمد احمد عوض:
" يا فاتن .. حرام مالك مُعذبني ؟ "
05-21-2008, 08:50 PM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3777
كابلي .. مدرسة خاصة .. لموسقة الادب الشعبي و إعادة طرح ثقافة البوادي .. و الق المدخل الفني لتاريخ البلد بكل تنوعو و جمالو
.. و كمان علي المك : إنها فانتازيا الحكي .. مهنة الغوص في باطن الظواهر و عمق و اطراف الحياة الاجتماعية
قال علي المك في تذكر ابوداؤد :
حقا الكمونية اخت العذارى ! .. فقد كنا علي اطراف سوق الموردة .. قطع علينا الطريق قطيع من الخراف ، فاوقف ابو داؤد السيارة احتراما لهذه الكائنات .. و اعجبه خروف بني اللون فتسمرت عليه عيناه و تمعن في ذاك اللون وذاك الخروف .. و قال لي :
إنه خروف (كموش) يا علي !
شكرا يا معاوية علي صورة صاحب ذلك البرنامج الاذاعي الاثير :
" من اركان الدنيا .. علي المك .. سهير عثمان قوليب "
.. ومن بت عكاشة حنسمع كابلي و ابو داؤد .. لقاء السُحب
.. و باسم بوست تاريخ الغنا .. ناسو ، و قراؤا .. ليك مننا يا بت عكاشة الشكر الجزيل
05-21-2008, 09:34 PM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3777
.. وفى غنا السودان بنلقي الإنشراح و شفى القلوب بعد الإنجراح
ابو داؤد - كابلي .. اولاد بحري بلاك آند وايت .. و تلك الجلاليب اللتي إتقطعت طربا .. و راحت فدى الصحبة و الغنا الجميل
.. الي روح الراحل : توفيق صالح جاويش .. مدخلنا لابوداؤد !
و الي صديقه الصحفي / الشاعر فضل الله محمد .. و كل تلاميذهم علي درب الصحافة الحرة .. الصحافة المقاتلة في الصفوف الامامية لمعركة التحول الديمقراطي
.. كان توفيق جاويش : مدرسة الخبر الصحفي الواصل علي خفقة جناح الفراش مدرسة الحقيقة و الامانة في العمل الصحفي .. الحقيقة كما هي بسيطة و ناصعة .. مدرسة تمليك المعلومة للشعب
.. مثل توفيق جاويش إحدى اهم مداخلنا لفهم غنا السودان و تاريخ مجتمع ام درمان بل و السودان قاطبة ..
جزء من حلقات برنامج كتاب الفن الذي قدمه الاذاعي الراحل الأستاذ محمود أبو العزائم مع الفنان الراحل عبد العزيز محمد داؤود والموسيقار الراحل برعي محمد دفع الله.
هدية لروح الهرم الخالد الأستاذ أبو العزائم و لروح الأستاذين أبوداؤود و برعي
ربنا يتقبلهم و يجعل الجنة مثواهم و يكرمهم بقدر ما أثروا وجداننا باعماهم الخالدة
لهم الرحمة و المغفرة أجمعين
05-21-2008, 11:05 PM
أحمد طراوه أحمد طراوه
تاريخ التسجيل: 12-25-2006
مجموع المشاركات: 4206
يا محجوب .. يا خليفة : شاحدنك بسيدي الحسن الكبير .. و كمان بالحسن البصري .. و صُهيب الروم و ذا النون المصري ، ترسل لينا الورقة الرابعة سريعا
.. ود المنسي بقى في غربتو دي قاعد علي مِحاياتك و حِجباتك ..
و بت عكاشة لقت ليك اغنية محمد احمد عوض : يا فاتن حرام .. مالك معذبني ؟ ! واصلاك حالا
بت عكاشة برضو رسلت لينا تسجيل نادر : لمسرحية العبادي : المك نمر .. حنطرحا ضمن مقارباتنا لقصة الشعر القومي السوداني .. شعر حسان الحرك ، و شغبة و علي ود محلق .. شعر البوادي
شكرا يا معاوية : انت ، و ود عثمان .. جاتكم بت عكاشة .. و بقيتو لينا زي فيالق الميمنة في جيش المهدي يوم فتح الخرطوم .. في يمين النيل حيث سالك بوست الغنا بقى في اعراف السوابق
05-22-2008, 00:15 AM
Moawia Mohammed Moawia Mohammed
تاريخ التسجيل: 10-24-2006
مجموع المشاركات: 3777
جانا توجيه من مليكنا سليمان ، بوكالة الجان (شمهروش) بضرورة رفع الاغاني الاتية :
* الظروف يا حلوة دايما .. حمد الريح * الاماني العذبة ,, الراحل خليل اسماعيل .. كلام ابو قطاطي * سوات العاصفة في ساق الشتيل الني .. كلام ابو قطاطي * شالو الكلام .. زادوهو حبة جابوهو ليك .. حمد الريح * عشمتيني انا في حبك ليه .. شعر الكابلي .. غنا محمد احمد عوض با هداء خاص للخليفة النوراني : محجوب خال العيال
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman Musa
أحمد طراوه
خالد علي محجوب المنسي
Moawia Mohammed
Research In Motion BlackBerry 9300(1600x1200).JPG)
نورالدين بابكر بدري
فيس بوك
تويتر
انستقرام
يوتيوب
بنتيريست