|
|
|
 Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: قصي مجدي سليم)
|
هامش 1 المقالة التي حذفت من بوست (هل الاحتفاء بذكرى الشهيد محمود محمد طه أيضاَ ثرثرة؟)
(لأستاذ عبدالله
تحية وإحترام..
أفهم تماما إقامة موقف نقدي لرأي صدر من شخص.. وتقييم الراي يتم بطرق مختلفة وبادوات تحليل متعددة.. ولكن مما لحظته داخل هذه الزوبعة التي برع أصحاب لنا في إثارة مثيلاتها، أقول، ما لحظته أن اداة التحليل كان يشوبها شيء من (سوء الظن)!! وهو أمر مقبول من مراهقي الفكر، واطفال التحليل الخطابي، كما أنه (وبمجاجة) قد صار ديدناً لتنظيمات سياسية وطوائف حزبية بعينها(يمينا ويسارا).. أنت تقصد كذا وكذا، او أنك لا تنطلق سوى من عقلية تآمرية لديها غرض محدد وهو نسف الثورة، أو انك ضد الحراك الثوري في وجه اليمين القمعي الى آخر التصنيفات التي لا تصل الى نتيجة بعينها سوى (ضغينة) مكبوتة تجاه موقف فكري! وهنا يصير النقد مجرد (غرض) أو تصفية حسابات..
من جهتي لا أرفض إطلاقا أن توجه سؤالك اعلاه، ولا أرى في معيارك النقدي بالمقارنة المثلية(إن صحت) أي تطفيف من جهتك، ولكني رأيتك وفي سياق حديثك الموازي لسؤالك، الذي لم تتم الإجابة عليه بعد، قد اتيت أمرا إدا فقلت:
والخشبة في عين الناقدين لـ ( ثرثرة ) إحياء ذكرى الشهيد محمد عبد السلام، تحولت منذ زمن إلى الشجرة التي حجبت الغابة، غابة النماذج والأمثلة الكثييييرة التي يمكن اقتناصها لتمرير تلك الرسالة الخبيثة المسمومة من خلالها
وأنت هنا تشير..لا .. أنت لا تشير، بل تصرح بأن كاتبا فنانا مثل مازن، له إسهامه الفكري، وله تجاربه الفكرية العميقة (هنا بالذات) لا ينطلق من كتابته الا من واقع (خبيث) (مسموم)!!.. ودعني الآن من مأمون فربما كان لصداقتنا ما يجرح شهادتي فيه، ولنذهب الى نموذج ثالث اخترته أنت لتوجه له رسالتك اعلاه وهو الأستاذ (ابراهيم جعفر ).. هكذا فقط دون أن أزيد سوى قولك (جارك بالحيطة في كوستي).
ما ندمت في حياتي على شيء مثل ندمي على توجيه مثل هكذا خطابات في مناسبات-رغم قلتها- الا أنها قد آلمتني حقا، خصوصا وبعد ردود أصحابها معاتبين أو غاضبين. في ردي على الأستاذ (الخال) محمد عبدالخالق في شأن معاوية، غضبت من إقحامه لأمر الأستاذ محمود مع ضباط ثورة يوليو إقحاما لم تبرر له غضبتي سوى "ضغينة" الخال على الأستاذ!! الأمر الذي أغضب الخال فرد علي بقسوة أشعرتني بالخجل.
هذا النموذج سقته اليك كي تعتبر من خطئي أو قل خطيئتي فهي أبلغ.
عموما فإني لم اعجب باللغة التي تم تداولها في مناقشة أمر المرتبة، ناهيك عن مناقشة أمر محمد عبدالسلام ودمائه الطاهرة، لم أعجب ولكني أتفهم وأعرف من أي منطلق جاءت الكلمةوتحت اي مبرر وفي أي حالة ذهنية ونفسية.. ولقد كتبنا ما يقاربه في شهيدنا الدارفوري بحر.. ولقد قلنا أن الأسف والشعور بالذنب يهتصر قلوبنا وكأننا قد أجرمنا كلنا في حق تلك الدماء.. ومن يحس بالجرم حقيقة لا يقف كل عام لكي يؤبن ويحتفل ولا زالت الدماء تنادي من تحت الأرض .. هذا دم أخيك يصرخ .. ماذا فعلت يا قابيل!
اذا كان أمر المتذمرين من الإحتفال هو تعبيرهم عن رفضهم لحالة الإحتفال نفسها فكيف تطالبهم بإقامة إحتفالهم الموازي! هم في حقيقة أمرهم لا يريدون الإحتفال من أصله، لا لأمر سوى شعورهم بعدم جدواه، ولهذا فهم يتضجرون منه. هذا امر مقبول بالنسبة لي.. حتى في الإحتفالات التي تتم لإحياء ذكرى الأستاذ محمود محمد طه فكثير منها تضجرك وتبعث في نفسك السام والملالة لسخافة محتواها.. ولكني لم ولن أطالب بإيقافها حتى اتأكد من ان محمودا وفكرته قد وصلا لأذهان الناس.. هذا دافعي من الإحتفال بذكرى محمود.. ولكن خير من الإحتفال به- أو قل إن خير إحتفال به من وجهة نظري أن أتبعه بحق لا أن ادعي ذلك. )
| |
 
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: Hussein Mallasi)
|
قصي يا حبيبنا : السلام عليكم و رمصان كريم
يشهد الله انك من من نحب في هذا المكان ، فبالله ما تدي كلامي الجاي ده أي بعد بتاع مساخه أو رزاله لانو ده ما القصد والله :
ياخي نحن والله فترنا من الناس البطردوهم من فوراول و يجو يشتكو لينا هنا ده !!!
كان مفهوم تماما لمن أول نفر نفرين طردوهم من هناك إنو يجو يشتكو ، لانها كانت صدمه لمن ظن أن قبة الفوراول الديمقراطيه تحتها فولتير !! لكن بقي ما مفهوم بعد أن إتضح إنو ادارتهم - قدس الله سرها - عباره عن حكومة الانقاذ بالفرنسي .
أحب كتابات حسن موسي حد الموت ، الراجل كتاب رسام و عندو sense of humor قل أن يجود الزمان بمثله : لكنو في الأخر سوداني !! دكتاتور زيو و زي أعضاء مجلس قيادة أي إنقلاب ما بستحمل - لا هو لا نجاة - النقد أو التصويب ولا حتي إختلاف الراي ، و كلو باسم الديمقراطيه و تنظيف المكان و الحنك العاضي ده و سئيلي الله كان ما الخجله كانو عملو ليكم رقابه قبليه !!
الكلام ده معروف و معلوم ليك يا قصي و لكل الناس البكتبو هناك : فلم التباكي إذن ؟! و كنت متوقع شنو غير كده و إنت ما اتعظت بدماء عصام جبر الله و محسن خالد و طارق أبو عبيده التي سالت حتي صار لون منبرنا هذا أحمرا !!!
فيا قصي يا حبيب (العاقل من اتعظ بغيره) لكن يبدو إنو مافي زول عاقل بكتب في فور أول !!!!
| |
|
|
|
|
|
|
|
|
|
Re: الشافع الجواط نهرنا (Re: خدر)
|
Quote: طبعاً يا حسن موسي دا ما خيط أو بوست جديد!
دي مداخلة مفروض تنزل في بوست عبدالله حسين!
دي مداخلة ذات غرضين.
الأول إنك تحرق البوست داك وتذهل القراء عن الحق ولا خصاك!
التاني هو التنكير وتضييع الشخصية وهو أسوأ من إغتيالها.
مشكلتك في المداخلة دي إنو في مسائل أولية غايبة عليك.
عندك مشاكل في القراءة وفي استيعاب الميتافور! 
تصور!
عشان كدا قونك مكشوف وشكلك so vulnerable
لكن أنا ما ح أشوت. شفتا كيف؟
ياحسن ياخي من وين تجيك الثقة إنو الناس ح تكون مبسوطة من الكتابة المغرضة
دي؟ ولماذا يتخبطك الحنق ويزيّن لك أن تسخر وتنكر وتشوّه الناس والسيّر؟
مصطفى متدثر
أو مصطفى صديق (فلان ود فلان)!
وحتى مصطفى صديق (مبتدأ وخبر) عبارة غير صحيحة فأنا ما صديقك ولا حاجة
بل وما شفتك في حياتي غير مرة واحدة وفي بيت ناس كمال الجزولي في الثورة.
..
مرة واحدة يا رجل فماذا يفهم القارئ من قولك إني صديق أو ربما صدّيق؟
كونفيوشن بس!
أو هي محاولة تحييدي عشان ما أرد؟
كلو دا ديزاين والناس تعاين. إنت قايلهم ما ناقشين مقاصدك؟ تجعلهم زي ما قال
بوب مارلي كونفيوسد باي كونفيوشن وبئس الغرض!
من التنوير إلى التنكير وما خساك! |
اليوم العالمي للإحراج
| |
|
|
|
|
|
|
|
|
|
Re: الشافع الجواط نهرنا (Re: خدر)
|
نذير يا حبيبنا كيفك و رمضانك كريم و لعلك سعيد ياخي ...
ياخي يبدو إنو أنا ما صغت كلامي كويس أو إنت ما فهمتني كويس أو الاتنين معا ، لانو أنا قطعا ما قاصد أحط من شان أي من يكتب في الفوراول ، الغالبيه الغالبه ممن يكتب هناك ناس محترمه و فاهمه و عارفه بتكتب في شنو زيهم و زي الناس أي منبر تاني و يمكن بالزياده كمان باعتبار إنو منبر صفوي يتم التدقيق في منتسبيه .
أنا انتقدت الأداره و انتقدت الناس البطردوها من هناك و تجي تقول لينا الناس ديل كعبين و دكتاتوريين و ..... و كانو القصه دي ما وقعت ليهم إلا لمن جات في عضمم . Quote: والله العظيم لقيت إدارة سودان فوور أوول أحسن إدارة
وصبورين وبعدين تفاتيح جداً وبعرفوا يقروا الزول كويس، وبحترموا الناس، وفي البداية كنت بشعر إني غريب بيناتهم لكنهم بالجد عكس ما يقال عنهم هنا، وبعدين يا أمين ناس فوور أوول وصفتهم بوصف جائر بأنهم غير عاقلين، يا أمين إنت عايش في دولة غربية ومفروض تعرف إنو الناس لازم تحترم القانون، وهذا هو مربط الفرس، وأنا عضو بسودان فوور أوول وبعتبر نفسي عاقل، وعندي لوائح وقوانين لازم احترمها وهذا ما أفعله في حياتي في المنابر أو في الحياة الطبيعية، احترم القوانين وأمشي عدل، أو زي ما بقولوا أهلنا "أمشي عِدل يتحير عدوك"
|
والله ما عندي شك في صدق كلامك و في حسن تقديرك و قرايتك للامور ، لكني بختلف معاك تماما في كلامك ده يا نذير : إنت شايف الأداره دي أحسن اداره لانهم ما سالوك و هم ما سالوك لانك ما اختلفت معاهم في راي ، لكن كدي أمشي إختلف معاهم في راي ولا جادلهم و أكتر من جدالهم بعداك لمن يجيبوك لينا هنا في الزبطيه : بوستك بتاع الجرسه بفتحو ليك أنا !!! 
أرجع و شوف الناس دي طردت عصام جبر الله و طارق ابوعبيده و محسن خالد و غيرهم كتااار ليه ، خليك من ديل هسي قصي حبيبنا ده ذاتو عمل شنو و ياتو قوانيين خرقها عشان يطردوه ؟!
أنا عندي فهم إنو نحن كشعب ما ديمقراطيين كلو كلو و ما مربيين علي أدب الأختلاف و تقبل الراي الأخر لا يختلف هذا الأمر عند من تخرج من الكليه الحربيه ولا من حصل علي الدكتوراه من فرنسا : و ده سبب بلاوينا كلها !!!
| |
|
|
|
|
|
|
|
|
|
Re: الشافع الجواط نهرنا (Re: أمين محمد سليمان)
|
| Quote: أنا عندي فهم إنو نحن كشعب ما ديمقراطيين كلو كلو و ما مربيين علي أدب الأختلاف و تقبل الراي الأخر لا يختلف هذا الأمر عند من تخرج من الكليه الحربيه ولا من حصل علي الدكتوراه من فرنسا : و ده سبب بلاوينا كلها !!! |
اضف الي ذلك اننا من شعب يكره الجمال عندما يزين وجوها غير وجوهنا
و اننا من شعب يكره النجاح للاخرين
اننا من شعب يضحك للغيبة ( القطيعة بالدارجي) اكثر من ضحكه علي النكات
نحن من شعب منكود و الدليل علي ذلك اننا مواطني دولة فاشلة في القرن الواحد و العشرين
أسف يا سيد امين محمد سليمان علي الاقتباس من مساهمتكم دون استئذان، لكم شكري
و اقول هذه حياتنا علينا القاءها في اقرب سلة مهملات لانها لا تستحق العناء
طه
| |
|
|
|
|
|
|
|
|
|
Re: الشافع الجواط نهرنا (Re: طه جعفر)
|
Quote: اضف الي ذلك اننا من شعب يكره الجمال عندما يزين وجوها غير وجوهنا
و اننا من شعب يكره النجاح للاخرين
اننا من شعب يضحك للغيبة ( القطيعة بالدارجي) اكثر من ضحكه علي النكات
نحن من شعب منكود و الدليل علي ذلك اننا مواطني دولة فاشلة في القرن الواحد و العشرين
|
والله يا طه يا حبيبنا ما خليت للشعب السوداني الشقيق جنبه يرقد عليها .
| |
|
|
|
|
|
|
|
|
|
Re: الشافع الجواط نهرنا (Re: أمين محمد سليمان)
|
السؤال موجه لود الصائم دون غيره
يعني افهم من كدة هم برفدوا الزول وبعدين بعملوا ليه زفة؟
والله ده موقع خمسة نجوم علي فكرة
علي كدة كان عملوا ليك فيديو كليب بكااااتك دي بس شعبولا السوداني بكاروشتك
....
دكتور امين: بإعتباري عضو وبكتب معاك هنا،ياخي ممكن نكلفك انا ومعاي كم نفر تمشي تعمل لينا جولة استطلاعية وتجينا بالمفيد في حكاية الرفديات دي لانو ناس مولانا ديل زي ناس الصالح العام وهمهم تغيير النظام ما المطالبة بالحقوق، خاصة انو كلامك لاقي قبول زي ما شايف،انت بس ما تطلب تسجيل عشان ما يسكوك زي ما سكوا تبيدي هنا انت امشي مكلف وتعال راجع،وما تجيب سيرة انك دكتور وبتاع،باقي الناس ديل قالوا اجازة الشهادات من العمادة بتاعة السوربون وفوق..
| |
|
|
|
|
|
|
|
|
|
Re: الشافع الجواط نهرنا (Re: محمد عبد الماجد الصايم)
|
قمرنا المنير | Quote: دكتور امين: بإعتباري عضو وبكتب معاك هنا،ياخي ممكن نكلفك انا ومعاي كم نفر تمشي تعمل لينا جولة استطلاعية وتجينا بالمفيد في حكاية الرفديات دي لانو ناس مولانا ديل زي ناس الصالح العام وهمهم تغيير النظام ما المطالبة بالحقوق، خاصة انو كلامك لاقي قبول زي ما شايف،انت بس ما تطلب تسجيل عشان ما يسكوك زي ما سكوا تبيدي هنا انت امشي مكلف وتعال راجع،وما تجيب سيرة انك دكتور وبتاع،باقي الناس ديل قالوا اجازة الشهادات من العمادة بتاعة السوربون وفوق.. |
جاء في الأثر أن سعيدا الحلبي كان جالسا في المسجد مادا رجله ، فدخل السلطان عليه فما رد رجله ، فأعطاه مالاً ، فقال سعيد : إن الذي يمد رجله لا يمد يده !!!
فاعلم يا قمرنا انا منذ مددنا رجلنا ما مددنا يدنا لباسورد : اعطونا أو منعونا !!
و أيم الله لو علم أهل الفور أول بقدرنا لارسلو لنا الباسويردات في ورق السولفان ، لكنهم جهلو بقدرنا فسلط الله عليهم من لم يعلم قدرهم !!!
| |
|
|
|
|
|
|
|
|
|
Re: الشافع الجواط نهرنا (Re: أمين محمد سليمان)
|
| Quote: بس كنت خايف من التصاوير لووول، |
النذير حجازي
السويتو في نفسك في بوست الوزة، لا يجعل منك مادة مناسبة لرسومات حسن موسى
أصلا حسن موسى يستخدم رسوماته للنيل من الآخرين الذين خرجوا عن بيت طاعته الالكترونية
لكن انت مالك ما حلااااتك انبطحت لامن ظلّطت بطنك ...
| |
|
|
|
|
|
|
|
|
 Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: قصي مجدي سليم)
|
Quote: Quote: بس كنت خايف من التصاوير لووول،
النذير حجازي
السويتو في نفسك في بوست الوزة، لا يجعل منك مادة مناسبة لرسومات حسن موسى
أصلا حسن موسى يستخدم رسوماته للنيل من الآخرين الذين خرجوا عن بيت طاعته الالكترونية
لكن انت مالك ما حلااااتك انبطحت لامن ظلّطت بطنك ... |
سلام يا عم وهبة، تعرف يا وهبة دا الفهم الغلط زاتو، في فرق بين إني احترم زول وبين إني أخاف منو
ودا الفهم الخاطيء لسودان فور أول، والفهم الخاطيء لنا كسودانيين، وأنا في بوست الوزرة صاح إنبرشتا لووول، لكن والله ما خوف، بس لأني تداخلت مع عضو جديد وهو ضيف يجب احترامه وأيضاً لاحترامي للإدارة، وكتابة رندوك الشباب رايته غير لائق، تعرف يا وهبة ألخص ليك ما يحدث في فوور أوول، هو إنو بعض الأقلام الشبابية تحاول أن تظهر (يعني بتاعين شو) شوفوني أنا درشت ليكم د. حسن موسى ملك التصاوير، ودا عيب عندنا من زمان في المدارس ومعروف إنو الناس بتشاكل الألفة بدون سبب، بس شوفوني أنا بهرش ليكم الألفة، والنوع المحترم نفسه وبحترم الناس، الناس بتفسرها غلط إنو إنبطاحة، عليك الله يا وهبة في بوست الوزرة أشاكل في شنو؟ وعلشان شنو؟ ولي شنو؟
وكمان ما تنسى إنو في نفس يوم واقعة الوزة كان إغتيال الشهيد محمد موسى، والناس بتتكلم عن طيز وزرة؟! دا كلام دا، والمداخلات والقراءات لبوست الوزة أكتر من المداخلات في بوست الشهيد، وفي ناس ما جات عزت في بوست الشهيد محمد موسى، وتداخلت في بوست طيز الوزة، وزي ما قال العزيز طه جعفر، إننا شعب بنهتم بالتوافه.
تحياتي
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: النذير حجازي)
|
Quote: والله ما عندي شك في صدق كلامك و في حسن تقديرك و قرايتك للامور ، لكني بختلف معاك تماما في كلامك ده يا نذير : إنت شايف الأداره دي أحسن اداره لانهم ما سالوك و هم ما سالوك لانك ما اختلفت معاهم في راي ، لكن كدي أمشي إختلف معاهم في راي ولا جادلهم و أكتر من جدالهم بعداك لمن يجيبوك لينا هنا في الزبطيه : بوستك بتاع الجرسه بفتحو ليك أنا !!!
أرجع و شوف الناس دي طردت عصام جبر الله و طارق ابوعبيده و محسن خالد و غيرهم كتااار ليه ، خليك من ديل هسي قصي حبيبنا ده ذاتو عمل شنو و ياتو قوانيين خرقها عشان يطردوه ؟!
أنا عندي فهم إنو نحن كشعب ما ديمقراطيين كلو كلو و ما مربيين علي أدب الأختلاف و تقبل الراي الأخر لا يختلف هذا الأمر عند من تخرج من الكليه الحربيه ولا من حصل علي الدكتوراه من فرنسا : و ده سبب بلاوينا كلها !!! |
الاخ امين
واللة بعد مرات بقول اطبع مداخلاتك دي وابروزها لما فيها من فهم عميق لازماتنا المزمنة.
ربما الكثيرون هنا لم يتعرفوا علي هذه العصبة الا عبر الاسافير ولم يتاح لهم الاحتكاك البومي بها في مناحي اخري غير قضابا المثاقفة وبعض امور التنظبر.
اما في الواقع فالمسائل ابشع واشرس من ذلك بكثير...مايتم ممارستة في ادارة سودان فورول تمت ممارستة في زمن مضي علي فرع التجمع الوطني في باريس وعلي المنظمة السوداتية لحقوق الانسان وحتي علي كيان الجالية السودانية هنا..وصدقني لو كنت مسؤلا في نظام الانقاذ لمنحت هذه ال نجاة وسام الانجاز ...فالشراسة والفجور في الخصومة والممارسة اقعدت بكل الناشطين في منازلهم وحيدتهم تماما من العمل العام ..احباطا او خوفا في بعض الاحايين.
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: النذير حجازي)
|
Quote: كتب المدعو أسامة عبد الله:
|
فضل اللة ....ياراجل
انا لااعرف اكتب وانت لاتعرف القراءة..المهم ماكتبته هنا سيوكده لك اية ناشط في باريس ..وستوكده انت نفسك ان نَمت لك يوما شخصية مستقلة واستطعت ان تري الاشياء كما هي ..فانت الان مستلب تماما واجد لك العذر الي حين...
ثانيا باريس دي فيها شنو الواحد ينتهزو..لمن تقول ليك كلام حاول توزنو شوية...
المصيبة الكبري انك كمان بتوزع القاب...يعني مثلا مكن توريني نجاة دي استاذه في شنو وكبيرة كمان....
دة سوال جادي جداً؟
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: osama fadlalla)
|
هناك مشكلة في المنابر السودانية .هذه حقيقة يدور رحاها في ذهني وفي أذهان لكثيرين غيري . لكن المشكلة ليست في المنابر وحدها بل في الاذهان أيضاً. قرات مداخلات الجميع هنا ورأيت أن القول الفصل الذي يمكن لحجته الدامغة أن تجبر الجميع أن يبصموا عليه ومن بعد ينطلقون لك لحال سبيله لم يتم إنجازه على الرغم من الحقائق المنصفة المتانثرة هنا وهناك في كتابات الكثيرن هنا في البوست.وهذا القول الفصل في حقيقة الأمر مستحيل فلا يمكن إنجازه قط هذه قناعتي.عشان ما أجي أعمل فيها إنو أنا ابو عرّام العارف المخرج من هذا المأزق.
وهو مأزق لأن قصي كاتب وحسن موسى كاتب ومصطفى مدّثر كاتب ونجاة كاتبة. وإذا كانوا كلهم كتّاباً فلماذا يتداوسون؟ يتداوسون لأنه تحسبهم جميعاً وقلوبهم شتى. ولماذا قلوبهم شتى؟الايعازات والايحاءات والمجاملات والصداقات وعشرة العمر وإيغار الصدور والشلليات وأوصاب الجيلنة وعامل السنّ و غير ذلك مما يمكن أن يصنفه علماء متخصصون بأفضل مما قلت هنا.فضلاص عن ذلك فهناك سبب آخر هو أوصاب الكتابة.وما هي أوصاب الكتابة؟وماهي أوصاب الكتابة؟ إنها تشبه غيرة الفقرا التي وردت في كتاب الطبقاتوتزيد : المنافسة بها والتسلح بها والظهور بها والشعور بالضيم من عدم افساح المجال لها بينما يفسح لكل (من هبّ ودب)، والاستماع فقط للصوت الداخلي أو صوت الأصدقاء أو صوت الشلّة ، والرغبة في سحق الآخر ، الضيق من كتابة الآخر لدى الشعور بان كتابتي متجاوزة وهو يضايق في المنابر حيث يتداخل معه كثيرون ، النظر للعدّاد أو المبيعات في حالة الكتب ، والرغبة في سحق الآخر عندما يقف ضد فكرة لي ، أو ينتقدني، الكتابة من أجل الإبهار وغير ذلك مما يعرفه النقاد بأفضل مني.
دعني اناقشك هنا يا دكين : بالمناسبة أنا أقرا لك ويعجبني الكثير من شعركز هذا القول ليس مجاملة فأنت شاعر راسخ. هب أن أحدهم تلفن لك وأوغر صدرك ضدي او هب أنني غضضت الطرف عن بعض كتاباتك أو لم اتداخل معك.هناك أحد أمرين إما أن تمضي قوافلك الشعرية فلا تلتفت لما يقال حتى تتاكد مني مباشرة وإما إنها (توحل) جمالك في رمال إيغار الصدر فيؤدي ذلك لما يسمم الحياة الأدبية التي نحن مساهمون فيها فلا نتكلم مع بعضنا البعض عبر زفير الهواء الفاسد او نصمت.
أنا لا زلت عند رأيي الذي أطلقته في سودان فور اوول القائل بأن المنابر كلها واحد وأن الكتابة في فور اوول وفي سودانيز اون لاين كلها واحد. المهم الكتابة نفسها .المنابر مواعين.س. اونلاين كما كتبت قبل سنوات هنا يشبه سفينة تسير في الزمكان وهي مثل وطننا نفسه تعج بكافة الأشكال والألوان وبكافة أنواع الأداء وفي كتابة أخرى هنا وهناك قلت إن المنابر تشبه مثلاً حياً من أحياء المدن ولنقل انه حي الشهداء بأم درمان في القديم به بيت أزهري وبيت كل رموز الحركة الوطنية ، سكن عبدالخالق محجوب والمحجوب والمرضي لكن به أيضاً البيوت إياها تتخللها بيوت تتوق لان تفرز نفسها فترفع راية مكتوب عليها بيت أحرار وقد تجد قرب الكبري من يلعبون ملوص وبه ميدان كرة ومدارس إلى آخر التنويعات.هو حي يعج بكل هذه المتناقضات والأشتات المجتمعات ومع ذلك فهو حي محترم ورموزه يقدمون الوعي للسودان كله.بالطبع لا يقوم بالاستنارة فيه من يستل سكيناً في ذلك الحي ويطعن من تسبب في خسارته في مقامرة ملوص.
لماذا تبحث أيها الشاعر دكين وهذا الكلام موجه إليك وإلى الكل :عن الكتابة المنقاة التي لا تشوبها شائبة في كل البوستات انت عندما تكتب بوستاً به كتابة ابداعيةاو أي بوست كل القراء المتابعين لك يتعرفون على قافلتك يقولون انها وصلت ويقبلون عليها فلماذا تابه مثلاً لمن يكتبون كتابة مثل التي وصفتها أنت هنا إن جرت في بوست مجاور لماذا لا تتغاضى عنهم بالصمت والمرور بجوار بيتهم كما تفعل في مثال الحي الامدرماني.ومن ناحية اخرى هناك انشطة لا حصر لها غير الكتابة في المنابر هناك الاخبار والغناء والموسيقى والرياضة والأنس والنكات. فليقبل كل لما هو اهل له. لماذا نسيء مثلاً لبوستات جاء بها أصحابها للأنس
ففي همبريب النييل قرب الشاطيء ربما التقى مثقفون من ذلك الحي وتحدثا في ساس بسوس وحرب البسوس ونيران المجوس وخمر باخوس وعذابات جز الرؤوس بينما بالقرب منهم جماعة أخرى تتحدث عن الهلاريخ وبالقرب من تينك جماعة أخرى في مؤانسة وجماعة رابعة حديثها شين وخامسة تتنابذ. فما شانك يا دكين لو كنت انت من الجماعة الاولى او جماعة الموسيقى والفنون؟المنبر هذا واسع وهو يتسع لكل لكل السودانيين بمختلف اعمارهم وسحناتهم بعضهم يعلم وبعضهم يتعلم بعضهم في الجو وبعضهم يتجوجو.انت لماذ تحجر على الجميع التفتح بعد حين ربما يحلق من كان يتجوجو يهوي من كان في الجو.
النابر كلها واحد. المشكلة كلها مع الشتائم البذيئة والإهانات وهذه كانت نصيحتي لصاحب المنبر ان يقوم بفصل من يبادرون بها حتى لا يختلط الحابل بالنابل فلا نعرف من بدأ ومن ردّ على من بدأ. وحتى لا يفهم من كلامي تناقض ما فأنا ضد البذاءات والإساءة إلى العقائد ولو كنت صاحب منبر لاوقفت كل من يسبء إلى الآخر حتى يعتذر عن مثل هذه الممارسة فيعود.
شخصي أحد من كتبوا في المنبرين ولا زلت اتمتع بالعضوية هنا.هنالك مظنّة يظنها الكثيرون ممن تعرفوا على كتاباتي هنا وهناك بأنني أحابي
أصدقائي هناك. هؤلاء ينسون أن لي أصدقاء هنا كذلك.
ويا قصي أنت طبعا كاتب وما كان يجب فصلك مهما قلتزهذا موقفيزما كان يجب فصلك مهما قلت .هذا موقفي كررته لأن هناك في هذا المنبر من يتهمونني ظلماً بانني انصر اصحابي هناك ظالمين أو مظلومين وهذا غير صحيح إطلاقاً انت كنت متابع لما كتبته هناك حين فصلوا طارق أبوعبيدة خدر وما قلته عن سودانيز اونلاين في التصدي لهجوم حسن موسى لها.هجوم حسن موسى ينطلق من قناعته بضرورة أن تكون هناك منابر منقاة ومغسولة ومكوية .وردي عليه بأن المنابر كلها واحدة هي أوعية مثل الخادوم في ترجمات الشوام له ينقل عبر الحاسوب كل شيء كل شيء الذهب وترابه التبر والتراب وترابه الهباب.
تامل معي عزيزي قصي فيما كتبته أنت هنا:
(ما جعلني الجأ لكتابة هذه الرسالة هنا هو أمر بسيط ومنطقي وهو (ايقاف عضويتي بمنبر الحوار الديموقراطي).. ولست مهموما بهذا الأمر إطلاقا إذ أن إيقاف عضويتي كان أمرا متوقعاً,, ولقد كتب لي صديق مشارك بالمنبر فقال لي أن ساعتي قد أزفت وأراك تسير الى حتفك.. وشيعني كما شيع عبدالله بن عمر سيدي الحسين فأجزل. وله الشكر ساخرا وجادا)
إيقونة الاقتباس تعطلت فجأة
وإليك هذه الاسئلة: طالما ( وبالمناسبة يا دكين طالما هذه صحيحة) على عكس ما نادى به بوست اصلاح الكتابة . طالما انت غير مهموم يا قصي فلماذا هذا البوست؟ لماذا تفسح المجال للبعض ممن يرغبون في التشفي من نجاة مثل الأخ حسين ملاسي بان يتعلقوا باهداب هذا البوست ؟
الا ترى أن هذه الكتابة مشابهة لكتابة الموسيقيين حين اختلفوا؟ هل يقود ذلك لشيء أي شيء؟ هذه الاسئلة ما كان يمكن توجيهها لاي من الخصمين انت وحسن لو كان احدكما في الشاطيء الذي به غول الكارثة السودانية مناصراً للغول السعالي المجاورة زلكنكما في الشاطيء الآخر الذي نعتقد انه ديمقراطي سواء أتحزبتم أو لم تتحزبوا و(تمنبرتم فورولياً أو لم تتمنبروا.)
سأعود
ويا أخ اسامة لابد أن نسمع منك ومنهم ومن السودانيين بباريس ممن اشرت إليهم : ما الذي جرى؟
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: النذير حجازي)
|
إلى الأخ أسامة فضل الله
أنت غير محق حين وجهت هذا السؤال للأخ النذير حجازي:
Quote: المصيبة الكبري إنك كمان بتوزع ألقاب...يعني مثلا مكن توريني نجاة دي أستاذة في شنو وكبيرة كمان....
دة سوال جادي جداً؟ |
أولا أنت اقحمت موضوع الجالية والتجمع في باريس اقحاماً في هذا البوست الخاص بمشكلة قصي مع حسن موسى.ما دخل نجاة هنا؟ ثانياً نجاة أستاذة ويمكنها ان تدرس في أي من الجامعات في منطقتنا كلها في اللغة الفرنسية وآدابها والترجمة .منبر سودانيز أون لاين هذا قبل أن تخرج منه برغبتها شهد ترجماتها التي قدمتها للقراء في الشعر الفرنسي وغيره وتفاعلوا معها . هي استاذة ولديها شهادات عليا من الجامعات الفرنسية تؤهلها لذلك .هي أستاذة حقاً لا مجازاً ولو انها اكتفت بتأسيس منبر سودان فور اوول وحده مع نفر قليل من مؤسسيه الآخرين لكفاها ذلك عطاءً مما ستحفظه لها الأجيال الرجاء حذف كلامك عن نجاة من هنا لعدم صلته بما حدث مع قصي أولاً ولعدم صحته ثانياً أما فيما يتعلق بالجالية في باريس والتجمع وغيره من الموضوعات فمن حقك ان تطرح قضيتك التي تشكو منها وأن نسمع منك ومن الأطراف الأخرى حتى تستبين الحقيقة. قصدي من كلامي الأول هنا أنه لا يمكن أن تبين الحقيقة من معلومات طرف واحد فقط.
انا شخصياً ليست لدي معلومات عن مشكلتك مع هذه المنظمات ونجاة ولو سألت الأستاذة نجاة لسمعت منها كلاماً مغايراً لما تقول.لكن هذا البوست ليس مكانه.انشر شكواك من العمل معها في مكان آخر لو كانت هناك شكوى واسمع ردود المعنيين بها ومن الناس في باريس ولا أعني بهم كل الناس بلاعني المنشغلين بالعمل العام ضمن هذه المنظمات ويقتطعون لها من وقتهم وجهدهم الكثير .كلامك هذا هنا هاهو قد ايقظ شماتة حسين ملاسي القديمة المعهودة ضد الأستاذة نجاة وهو يفعل ذلك دائماً كلما ذكر اسم نجاة دون مبررات واضحة.
نجاة صديقة واعلم ان كلامي هنا يكون قد أغضبها للغاية فهي سترى أنني أجحفت حين ساويت بينكما ووجهة نظرها ضدك ستكون بنفس حدة وجهة نظرك ضدها لكنني أتحرى الحقيقة.لكن فضلاً فلتكن في غير هذا البوست.
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: Bushra Elfadil)
|
الاستاذ بشرى الفاضل
تحية طيبة...
انا اصلا لم اطرح موضوع الجالية او التجمع في باريس كقضية للنقاش هنا انما اتى ذكرها لتاكيد ان العقلية التي تسير سودان فوراول هي نفسها خارج الاسافير ..تصديقا لتحليل الاخ امين باننا وبمختلف مستوياتنا التعليمية والثقافية نفتقد للروح الديمقراطية في تعامانا...يعني القصة ليست لوائح وقوانين وانما تلك العقلية التي تفسرها وتطبقها.
وموضوع الاخ قصي في صلب هذه الاشكالية ...فليس حسن موسي هو من قام بفصله.. ليس مباشرة علي الاقل.
قد تري انت في نجاة من حيث اهتماماتك ما لا اراه انا ..الا ان الاشياء لاتتجزاء ..ويقيني دوما ان العلم والمعرفة يسموان بالانسان درجات وبالتالي لا ارجو فائدة من من شخص لم يرفعه علمه (بالمناسبة الترابي معاه دكتوراه من السوربون..ولم يشفع له ذلك في شئ).
ليس هنالك اية شكل من اشكال العمل العام الان في باريس يستحق ان نفتح له بوست فكما ذكرت اعلاه لقد تمت تصفيته من زمان.....
..ودمت
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: Bushra Elfadil)
|
| Quote: لماتبحث عن الكتابة المنقاة التي لا تشوبها شائبة.. |
ببساطة لانها الاولى بودار الزمن حقنا ده
على اي حال ده سؤال غريب يا استاذ بشرى
غريب شديد ..تماما زي البقول ليك ليه عايزة الشي السمح من دون الشي الكعب؟
ليه عايز بطيخ احمر وماعايز ابيض؟
نبحث عن الكتابة الجادة لانها الاولى بالقراءة ..لانها الاولى بان تودر زمنك فيها..
لان الغث لايفيد..
الكتابة الساي تظل هرجلة لامعنى لها ولامعنى لان تطلع عليها..
ده غير انو الكتابة الساي بتفسد الذوق العام للقاري ..
الذين ادمنوا قرايات الكلام الساي والهرجلة مالبثوا ان صاروا من كترة اطلاعهم عليها مهرجين..
يابُنيَّ جالسِ العلماء وشنو كده ماعارف..وقس على ذلك..
ده ما مقام حلة فيها بيوت عوائل وبيوت ناس من طبقات اخرى كما وانه ليس شاطي ابروف المفتوح للجميع سطلجية واولاد حلة وعشاق، فيصح تشبيهك..
ده مكان مبذول لي الكتابة..وطالما هو كذلك فمن باب اولى تكون جادة عندها معنى او على الاقل كتابة اقل ضررا على الذوق العام ان لم تكن ذات معنى...
حتى في الحلة المتابينة في قاطنيها الانتا سقتها كمثال، بكون عادة في اشكالات في التواصل بين هؤلاء المتباينين.
والنيل القتو كمثال مبذول للغاشي والماغاشي.. واغلب الناس فيه جاؤوا للباك قرواند (يعني يكونوا طرف النيل ويكون المشهد الجمالي للنيل في خلفيه المشهد او امامه ولا ياتو ليكونوا جزءً منه النيل)..
اها في منابر بذلها اصحابها للتعبير ..يجب ان يكتفي الماعندو رقبة لى الكتابة بالمشاهدة والاطلاع..فان ابت نفسه إلإ المشاركة فلا يجب ان يفسدوا كتابات الغير بالمداخلات التي لامعنى ولاظل لها كما قال مصطفى..
بعدين يا استاذ بشرى ياخي حتى الانس الذي قلته..ثمة انس ُيمتع القاري ..
الاشكال ليس في انو الناس بتتونس ..الاشكال انو التداخل الساذج الساي بخرب على القاري لذه الاستمتاع بالنص دون تشوه..
التعبير بواسطة الكتابة مخرج لفكرو او لازمة او مشاعر او ماشابه.. وهو جانب من جوانب تعبير عديدة ..
ربنا ده منح البعض قدرة التعبير عبر الكتابة ولبعض عبر الرسم وللبعض عبر التشكيل الحر وللبعض عبر الغنا ..الخ
وهكذا تتنوع وسائل التعبير الممنوحة للعباد..
وحتى في التعبير عبر الكتابة تتفاوت القدرة في التعبير بالكتابة من شخص الى اخر فبعض الناس بليغ في مايسوقه عبر كلماته وبعضهم اقل وثم الاقل..
افإن كانت القراية مسالة سهلة فقاموا قروا .. ايعني ذلك انه الكتابة اسهلها؟!!
صحي القراية والكتابة دي يتعلمها البني ادم كجزء من دورة حياتو.. بس لايعني انو انتا بتعرف تقرا وعجبتك مسالة الكتابة دي انك تقوم تنط عشان تجي تكتب وتلخم الناس بي (زوائد كتابية وعبارات لاظل لها)
ناس (اللاظل لهم) ديل بكتبوا في المنابر دي وبتعبر لانو دراسة الموسيقى والرسم والتمثيل مثلا ليست جزء من دورة حياة البني ادم..ربما لو كان الامر كذلك لاتيح للكثيرين من ناس (اللاظل لهم) التعبير عبر هذه الوسائل..لكن بس لانو الكتابة دي مسالة لاتحتاج الى كثير اجتهاد(كي بورد وذاكرة) وطاخ طيخ الناس بتمرق لينا الكتابات المموجة المكررة في قوالب ثابتة مملة.
واليك مقتطف من كلام قديم اتساق في هذا المكان في شان هذا استخدام الذاكرة فقط دون أي شي اخر في الكتابة:
قال متوكل توم:
الفرق الكبير بين اللغة الاسهل انتشاراً واللغة البتمرق من الواقع، زي الفرق بين الكتابة عن الربيع وعن عم ربيع الكحيان. الكتابة بقت منظر يا صاحبي، تتعلق في صالات الكلام ربيع ومراكب غيوم واحلام مجانية. يعني الكتابة عن الحافلة بتاعتك شايلة الجداد والحجاج أجمل من مركب سابح، هائم في الغمام وسط الموج البنفسجي، لكن الافضل ركوب المركب المافي، يعني المثل الجنوب افريقي البقول عصفورين في الشجرة داك، داب في المثل السوداني البقول شمار في مرقة..
قبل فترة كت بقول لي واحد من اولاد الزمن ده وبي خبث انو مصطفي سيد احمد افضل من هاني شاكر، وضغطت عليهو اكتر وقت ليو ومن عبد الحليم حافظ ذاتو..
ما لقي حاجة غير يمدّ لي اصبعو!!:
ومداخلة اخرى في نفس الهم سقتها في ردي على متوكل توم جبر الله كسرة في بوسته المفتوح مؤخرا والذي يجتهد فيه لكي يظل سليما معافى من التضريس الناتج من الإطلاع على (الكتابات الساي) واحسبني كثيرا ما ضرست الرجل لعُجمة فيني ناتجة من مسالة المظر طنك:
هل نحنا هنا بنكتب لانو وسائل التعبير ضاقت فما وجدت سوى الكتابة مخرجا..
ولا الكتابة هي مجرد وسيلة تعبير في وجود وسائل تعبير اخرى؟؟
يعني قصدي هل منتوج الكتابة في وسط ازمة وسائل التعبير الاخرى هي نفس منتوج الكتابة في وسط متاحة فيهو اشكال التعبير الاخرى ..
الكلام ..الرسم ..الونسة ..الشعر..الاشارات.. الصراخ ..العويل.. البكا..الخ..
لطالما ظننت ان الصبر على ازمة ما يولد في نهاية الامر انفجار بياخد شكل تعبيري محدد بليغ جدا في دلالته..
هذه البلاغات قد تتخذ اشكال تعبيرية عدة..
تكون -هذه الاشكال التعبيرية - بعد داك منفذ ستاندر لي مخارجة ازماتو الجوانية ..
فبعضنا تضيق به ازمة ما فينفجر معبرا عن ازمته في لوحة ..
تتفاوت بلاغتها ودلالتها حسب الازمة وحسب براعته في التعبير من خلالها عن ازمته..
وبعضهم يجد مخرجا لازمته في التعبير عن طريق الخُطب او الكتابة او ماشئت من وسائل..
قصدي اقول انو البلاغة في التعبير عن طريق وسيلة معينة لاتأتي لمجرد رغبتنا في التعبير عبر تلكم الوسيلة..يعني لايعني انو كون الواحد بعرف يقرا معناتا انو بعرف يكتب لانو الكتابة بتاعة زول تاني عجبتو..
وكذلك لايعني انو الواحد لامن يشوف ليهو لوحة سمحة وحركت فيهو شي معناتا انو ممكن يعبر بنفس طريقة الرسم العبر بيها الفنان ويقوم يجي يصج عيونا بي الوان لامعنى لها..
فان لم تكن ثمة موهبة في الرسم فانه مهما كانت ازمتي في الحياة فلن استطيع التعبير عن دواخلي في لوحة او شخبطة..
وزي ماقال اخونا متوكل توم قبل كده، استخدام اللغة الاسهل انتشارا لايمكن ان يخلق شيئا بديعا اذا لم تكن تلك اللغة تعبيرا عن واقع يمكن تحسسه..
وسقتُ في ذلك بعض الامثلة عن الكتابات (الساي) الممجوجة والمكررة...
إذ ليس من المعقول ان اتخيل مثلا نجما يركض مبتعدا في ليلة صيف..
التعبير ده فعلا كان مجازي جميل حين تم استخدامه في النجرة الاولى ..
خارج اطار الاستخدام المفاجي الاول ببقى شي منسوخ ليس إلا.. قس على ذلك .("خصل ذهبية" على "رمال فضية في شواطى الحبيبة." و "وظلمات في الدواخل تشرق بالحياة"
بازدياد عدد الكاتبين بهذه الطريقة مرقت لينا قوالب جاهزة اصبحت تتكرر..
مثلا "الاهات الحرى" يعني مع الاهات دي 99% في المية تجي معاها "الحرى"
"الاحرف الندية"
"الواقع المرير" مثال اخر..99% مع الواقع تلقى كلمة" مرير"
والخصل الذهبية
لازم الاحرف ندية دايما ولازم الخصل الذهبية ..مع خصل
ولازم تجي مع كلمة عبق كلمة الماضي
فتصير "عبق الماضي"
وقوالب اخرى درج الناس على استخدامها ..
فور اطلالة الكلمة الاولى تتبعها الرادفة المتلازمة..
وكثير من المتلازمات يضيق بها النص المكتوب والمبذول بقصد التعبير..
اظنو الناس دي لامن تكتب شي تجتر دون ان تشعر اخر الكتابات الجميلة المحفذة اصلا للكتابة ..
محمود درويش كتب ذات يوم في معرض سؤاله عن اوقات كتابته للشعر
فقال: اتجنب دوما ان اكتب شعرا بعد ان اقرا لاي كاتب اخر او شعر شخص اخر ..
خوفا من ان يلتبس ما اكتبه بما قرات ويسلبني ذلك عالمي الخاص..او كما قال.
العايز اقولوا يامتوكل انو مافي انسان في الدنيا دي مابليغ
كل العالمين دي عندها سنسر بالغ الحساسية تجاه الاشياء وسنسر تعبير عن هذه الاشياء برضو بليغ جدا في قدرته على توصيل الفكرة..
الازمة هي في كيف تعبر عن ازمتك الداخلية او الحالة التي (تركبك)..ان تتلمس الطريق الانجع لمخارجات الداخل ..
الخلايق دي كلها ربنا قاسم ليها بالفطرة مخرج ما..
بس للاسف مواهب التعبير دي في ظل التوجيهات الغير راشدة والتربيات الرتيبة المتشابهة في طفولات باكرة وحالات التسيير الكتيرة والتعليم النمطي والجبري ُيفقد الانسان - في كل هذه التراكمات – السبيل اليها..
الرسام مثلا لامن يجي ينقل فكرتو عن طريق الكتابة بتكون الكتابة اقل بلاغة في التعبير عندو من رسمة بتمرق من وجدانه بصورة سهلة وسلسة..
وكذلك الكاتب غالبا ما تكون محاولته للتعبير عن طريق الرسم مُهتزة وتفتقر الى البلاغة والإبداع
خذ مثالا حياً لذلك :
والدتي حفظها الله واطال في عمرها المديد..
امي دي نشأت في اقاصي الشمال في بيئة ُتديرها ثقافة نوبية خالصة..
وجودها في الخرطوم اجبرها على التعامل مع انماط الثقافات الأخرى الموجودة..
امي دي في معرض نقاش أي موضوع لامن تجي توصل لينا فكرة معينة باللغة العربية بتكون الفكرة ركيكة ومهترئة وفقيرة وبالتالي غير مقنعة ولايمكن الركون اليها..
نفس الفكرة دي امي لامن تجي تسوقها لينا بي المتوكي (اللغة النوبية) بتكون غاية في البلاغة وباهرة وواضحة المعالم ومدعمة بي امثال نوبية بالغة في دلالاتها على قصد الفكرة..
بنقتنع بلا ادنى ردود..
ابلغ دلالة يا متوكل على عجز وسائل التعبير غير الـمُدركة بالفطرة
هي الاشواق بتاعتي التي سقتها عبر هذا المنبر في فارغة ودراش كلام وانماط غير محترمة في نظر الكثيرين ..
ماهي إلا تخبطات الانسان الطاشي في ايجاد وسيلة التعبير الانجع لأزماته ..
ولإعتقادي الجازم في فشلي في إستحضار الكتابة لتكون حلا لازماتي كثيرا ما ظننت انو انا ربما اكون مدخورا لي وسيلة تعبير اكثر ايضاحا ...
التعبير عن الدواخل عقب قعدة سكر مثلا..
او الصراخ داخل جردل ملي بالماء..
او الرسم على قزاز..او النحت..
وانا ماجربتا نص الحاجات القتها دي ..
بس اتبعت -في كسل وتقليد - مثل الاغلبية- الوسلية الاسهل شيوعا..(على حد تعبيرك البليغ)
الكتابة
لذلك يراني الكثرين مجرد مشاغب وصعلوك ..
يامتوكل
إدراك وسيلة التعبير المناسبة لكل شخص هي مفتاح بلاغة التعبير عند ذلك الشخص..
ومادون ذلك قد يخلق شي وقد يكون جميل بيد انه مكرر وربما يعوزه الصدق ..
بل واكثر من ذلك بتبقى ليك في كثير من الاحيان زي مدة الاصبع بتاع صاحبك بتاع هاني شاكر ..
العالمين دي لايخلو احد منها من منفذ تعبيري بديع..
بس الازمة في كيف تلقى منفذك في دنيا متقلبة عجولة مُـرتبة سلفا لسحبك الى جهاتها الاكثر شيوعاً.
(انتهى كلامي لي اخونا متوكل توم)
فيه بعض التصرف لتصحيح بعض الاخطاء التي املتها العجلة تلك الايام مع اضافات طفيفة..
سقتها اليك يا استاذ بشرى لانها ذات صلة بما نبذله من ونسة هنا..ولعلاقتها بكلامك القتو حول جدوى القراية للكلام الساي..
وانو الذين لايجيدون هذه الوسيلة عليهم بالميل نحو اكتشاف ذواتهم لمعرفة الافضل والابلغ لهم..
بالمناسبة انا ماشاعر ولا كاتب ولا حصل ادعيت مثل هذا الادعاء انا ماعارف من وين جبتا قصة الشاعر دكين دي ويبدو انو اختلط عليك اسمي مع اسم زول تاني..
انا بعرف اعبر كتابةً عن بعض مشاكلي والباقي بتمو كواريك وضرب على الارض واشارات باليد لانو الكتابة لاتغني عن مالي ومابيَّ..
انا ماعارف انتا قريت لي شعر في ياتو حتة وعجبك ..اللهم إلا قصيدتي البليغة المهداة لـ محسن خالد ونهال كرار (ماجرى به الغبار) تجربة شعرية غامزة وحيدة وغير مبراة من الاغراض غير النبيلة.
| |
|
|
|
|
|
|
|
|
.
اخيرا ما اوردته هنا لايكفي للتدليل علي استاذية القامة نجاة ..ولكن هذه المساله فيها شيء من النسبية فهنالك اناس يدهشهم كل شيء...عارفهم ديل منو ؟
(عدل بواسطة osama fadlalla on 08-29-2010, 12:03 PM)
(عدل بواسطة osama fadlalla on 08-29-2010, 12:04 PM)
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: Bushra Elfadil)
|
| Quote: الا ترى أن هذه الكتابة مشابهة لكتابة الموسيقيين حين اختلفوا؟ هل يقود ذلك لشيء أي شيء؟ هذه الاسئلة ما كان يمكن توجيهها لاي من الخصمين انت وحسن لو كان احدكما في الشاطيء الذي به غول الكارثة السودانية مناصراً للغول السعالي المجاورة زلكنكما في الشاطيء الآخر الذي نعتقد انه ديمقراطي سواء أتحزبتم أو لم تتحزبوا و(تمنبرتم فورولياً أو لم تتمنبروا.) |
عزيزي الاديب بشرى
لم يناقشك الموسيقيون في الامر ذاك
لان
الضفة والموج كانا في قتال مرير
ولم نحبذ الحوار معك حينها اذ ان البوست نفسه قد انحرف
بفعل فاعل
لسنا بمضرب للامثال
تحياتي ياقصي
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: Elmosley)
|
إلى جميع المتداخلين سلام..
سوف أعود غدا الأحدبالتفصيل الممل والشكر والتقدير والتعقيب والتعديل والتصحيف الخ..
ولكن إسمحوا لي بأن أرحب بالأستاذ بشرى الفاضل، وبالأخ دكين..
وأسمحوا لي أن أرحب الأخ الفنان الموصلي..
----------
الأستاذ بشرى: ولأني على عجلة إذ أن ميعاد الإفطار قد أزف ونحن الليلة محتفلين بتماضر شيخ الدين بصحيفة الأخبار عشان كده حأقول كلامي في سطرين..
أنا لم أقحم موضوع الفصل، بل هو في سياق الموضوع الأساس.. الغرض من البوست هو الرد على (الملا حسن نصر الله وزة) ولأن الموضوع قد بدأ في سودان فور أول -ولقد كتبت له بالفعل أن مداخلاتي له ستحذف وهذا ما حدث من الإدارة ولم تخيب ظني- لهذا وجدت لزاما علي أن أشير لذلك حتى يفهم نقلي للمعركة الى هنا... الى الخلاء الإلكتروني.
--------------
الى العزيز أسامة..
فيما يخصني انا فإني لا أحب أن يقال أي شيء عن العزيزة نجاة.. ولكن -ومع هذا- فإن من حقك أن تقدم ما تشاء من نقد- وليس من حقك الإتهام دون أدلة موضوعية.. أما عن أستاذية نجاة فهي -وإن إختلفت معها في كثير من الأمور إلا أن لها اسهاما في مجالات متعددة أكاديمية وثقافية، ولا أحب لك أن تبخس للناس بضاعتهم.
-------
سأعود بالتفصيل الممل لكل المتداخلين.. ولمواصلة أصل الموضوع:
إحراج حسن وزة من قبل المدثر بصمت المعرفة:
(انا ما صاحبك ولا شيتين.. بعدين لا قيتني وين... مرة ما مرتين.. )
قرب إقول ليهو يا دين.. :) :) :)
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: النذير حجازي)
|
سلامات يا قصي وضيوفك ورمضان كريم...
أتابع البوست باهتمام...
النذير يا حبيب...والله مداخلاتك مشخصنة وبتخصم شديد...عليك الله أوقفها...
____
العزيز أسامة فضل الله، سلامات ورمضان كريم...أرجوكم إيقاف الون تو ... البوست ماشي يناقش مسائل مهمة ولعلنا نستفيد منكم جميعاً
لفت نظري قولك أنو مافي نشاط في باريس أو شئ من هذا القبيل، يا ريت شوية إيضاح وأكون لك من الشاكرين
___
دكتور بشرى الفاضل، سلامات ورمضان كريم...
ده تلخيص ممتاز لأمراضنا المستعصية على الحل في الأسافير السودانية عامة (ليس فقط بين الكُتّاب)، أشكرك عليه بشدة:
Quote: الشعور بالضيم من عدم افساح المجال لها بينما يفسح لكل (من هبّ ودب)، والاستماع فقط للصوت الداخلي أو صوت الأصدقاء أو صوت الشلّة ، والرغبة في سحق الآخر ، الضيق من كتابة الآخر لدى الشعور بان كتابتي متجاوزة وهو يضايق في المنابر حيث يتداخل معه كثيرون ، النظر للعدّاد أو المبيعات في حالة الكتب ، والرغبة في سحق الآخر عندما يقف ضد فكرة لي ، أو ينتقدني، الكتابة من أجل الإبهار وغير ذلك مما يعرفه النقاد بأفضل مني.
|
بوست له علاقة بالأمر حول الكاتب الإسفيري وغير الإسفيري، الأخوين الأساتذة (أسامة الخواض وعبد المنعم عجب الفيا):
ظاهرة إنترنتية:و ما المشكلة فى ذلك يا أستاذ إسامة الخواض؟
نتابع
| |
|
|
|
|
|
|
|
|
 Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: النذير حجازي)
|
شكراً يا النذير وسأقوم بسحب مداخلتي السابقة لمداخلة الحبيب محسن (تأخرت في إرسالها فوجدت مداخلة محسن المجوّدة
والتي بالفعل نبّهت لشئ مهم فله الشكر)...
أعتقد أن النقاش حول المنابر السودانية عموماً وأمراضها يحتاج لمزيد من الجهد ، هناك قصور شديد من ناحية دراسة
السلوك السوداني عموماً على الإنترنت... ويوجد ضعف بيّن في تطوّر المواقع نفسها لا أعرف هل هو إنعكاس للواقع ، أم هو عدم
إدراك للامكانيات الهائلة التي تدعم وترعى الإبداع عموماً على الإنترنت؟!
لنأخذ المدونات على سبيل المثال...
أي زول\ة عندو بريد إلكتروني في قوقل GMAIL بأمكانو في لحظات إنشاء مدونة إلكترونية...لكن الواقع أنو حتى الآن، لا توجد
مدونات سودانية ذات صيت وسمعة تعكس حجم وحقيقة الكتّاب والمدونين السودانيين.
لنأخذ على سبيل المثال (2)...
كم شخص في هذا البوست مثلاً، لديهم مواقعهم الإلكترونية الخاصة؟
أعرف الإجابة سلفاً: والله فكرتا أعمل لي موقع، أو الموقع قيد الإنشاء، أو والله فلان وعدني لكن لحد الآن لم يوف بوعده!!!
المثال الناصع على هذا هو بوست حسين ملاسي المتسائل عن إبداع تماضر شيخ الدين... ضمن كل الشهادات والكلامات التي بذلت
في ذلك البوست، لم يفتح الله لأحد إيراد موقع لتماضر شيخ الدين فيهو سيرتها الذاتية وإنجازاتها وإبداعها والخ...
ولا موقع لله لفرقة عرائس النيل مثلاً!!!
لنأخذ على سبيل المثال (3)...
كم من الكُتّاب والمبدعين هنا في هذا البوست لديهم صفحة على الفيس بوك؟ (صفحة وليس بروفايل)؟
يتحلق حولها المعجبين ويتابعون أخباره، يطالعون جديده وتلزمه بطريقة ما زيادة إنتاجه الإبداعي (الجمهور ينتظر) والخ...؟
لنأخذ على سبيل المثال (4)...
كم من المشاركين في هذا البوست لديه صفحة تعريفية بأعماله في الويكي بيديا الأوسع إنتشاراً على الإنترنت قاطبة؟
لنأخذ على سبيل المثال (5)...
كم من المشاركين في هذا البوست لديه أسمه في موقع تويتر؟ وكم من الناس يتابعونه؟
لنأخذ على سبيل المثال (6)...
كم من المشاركين في هذا البوست لديه قناته على اليوتيوب، لينشر عبرها أشعاره وقصائده لتُقرأ حسب ما أراد؟
أرجو أن تعين هذه الأسئلة في وضع حجر أساس لتقييم كلٌ منا لنفسه وحجم إنتشاره والخ...فالكاتب والمبدع يحتاج للإعلام والإنتشار و
التواصل مع جمهور مستهلكي إنتاجه الإبداعي...وهذا ما أصبح متاح تماماً في هذا العصر...فلم المعارك في حوشين أو ثلاثة (سودانيزأونلاين،
سودان فور أوول، وغيرهم)...
على العموم أرجو من الجميع البحث في أرجاء الإنترنت عن مثل هذه الآليات التي تتيح لهم تفجير طاقاتهم بدلاً عن المعارك في غير معترك.
__________
http://www.blogger.com/
http://www.facebook.com
http://www.wikipedia.org/
http://www.twitter.com/
http://www.youtube.com/
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: AnwarKing)
|
Quote: كم شخص في هذا البوست مثلاً، لديهم مواقعهم الإلكترونية الخاصة؟
أعرف الإجابة سلفاً: والله فكرتا أعمل لي موقع، أو الموقع قيد الإنشاء، أو والله فلان وعدني لكن لحد الآن لم يوف بوعده!!!
أنور دفع الله |
كلامك يا أنور صحيح مائة بالمائة، وقد كنتُ أتناقش بالأمس مع صديقي الكاتب موسى حسن البشير، وهو كاتب خلاء، اعتزل عالم الناس هذا منذ زمن، ويعمل معلماً بإحدى المدارس الثانوية في ريف ناءٍ وبعيد. تحادثنا عن عالم ما قبل الإنترنت وعالم ما بعد الإنترنت، كما قسّمتُ له الدنيا، وأعتقد أنَّ الكثير من المبدعين والمفكرين السودانيين بحاجة لأن تصنع لهم مواقع على شبكة الإنترنت، عن نفسي، فلي موقع منذ زمن طويل، ولكنني لم أروِّج له، كما لي صفحة على الفيس بوك وبلوقر وماي سبيس.
هنا موقعي:
www.muhsinkhalid.org
my page on the face book here:
http://www.facebook.com/people/Muhsin-Khalid/705995991
here my space:
http://www.myspace.com/muhsinkhalid/friends
Blogger:
http://www.blogger.com/profile/16191265675728065659
وعلى اليو تيوب أيضاً لي صفحة وسأسعى إلى تصميمها على نحو جيد من خلال محترفين، لماذا لا تساعدني في ذلك يا أنور؟
مثلك أؤمن بعصر التكنولوجيا والتقدم التقني، لدرجة أنني تحمست وقلتُ لصديقي موسى، ما عاد من داعٍ للكتب بشكلها الكلاسيك، الدنيا تغيّرت بالفعل، وكذلك شكل الكتاب وماهيّته.
تحياتي للأخ النذير حجازي وشكراً جزيلاً على الاستجابة
-----------
الأخ خالد بحر تحياتي
كلامك صحيح مائة بالمائة، ولقد سبقتني لكتابة هذه المداخلة الانتباهة، كنتُ أنوي التعليق على ذلك.
ولكن أرجو إسقاط اسم مازن مصطفى، هو لا يستوي بالآخرين، ولا يتهيب مناجزة حسن موسى مطلقاً إن كنتَ متابعاً.
ضع بدلاً عن اسمه اسم الشاعر والناقد والمخرج السينمائي (حافظ خير) مع تأكيد ثانٍ على الكاتب مأمون التلب أيضاً.
فحافظ خير، عن نفسي، لم أره في رأي بخصوص عسف تلك الإدارة مطلقاً، يا ترى هو ومأمون، في هذا البوست، هل سيسألان عن مشاركهما في البوست قصي سليم، الذي اختفى، أم لا؟
هنا
http://sudaneseonline.com/forum/viewtopic.php?t=4994&sid=...985888f5310d10a1d6b3
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: AnwarKing)
|
Quote: أعتقد أن النقاش حول المنابر السودانية عموماً وأمراضها يحتاج لمزيد من الجهد ، هناك قصور شديد من ناحية دراسة
السلوك السوداني عموماً على الإنترنت... ويوجد ضعف بيّن في تطوّر المواقع نفسها لا أعرف هل هو إنعكاس للواقع ، أم هو عدم
إدراك للامكانيات الهائلة التي تدعم وترعى الإبداع عموماً على الإنترنت؟!
لنأخذ المدونات على سبيل المثال...
أي زول\ة عندو بريد إلكتروني في قوقل GMAIL بأمكانو في لحظات إنشاء مدونة إلكترونية...لكن الواقع أنو حتى الآن، لا توجد
مدونات سودانية ذات صيت وسمعة تعكس حجم وحقيقة الكتّاب والمدونين السودانيين.
لنأخذ على سبيل المثال (2)...
كم شخص في هذا البوست مثلاً، لديهم مواقعهم الإلكترونية الخاصة؟
أعرف الإجابة سلفاً: والله فكرتا أعمل لي موقع، أو الموقع قيد الإنشاء، أو والله فلان وعدني لكن لحد الآن لم يوف بوعده!!!
المثال الناصع على هذا هو بوست حسين ملاسي المتسائل عن إبداع تماضر شيخ الدين... ضمن كل الشهادات والكلامات التي بذلت
في ذلك البوست، لم يفتح الله لأحد إيراد موقع لتماضر شيخ الدين فيهو سيرتها الذاتية وإنجازاتها وإبداعها والخ...
ولا موقع لله لفرقة عرائس النيل مثلاً!!!
لنأخذ على سبيل المثال (3)...
كم من الكُتّاب والمبدعين هنا في هذا البوست لديهم صفحة على الفيس بوك؟ (صفحة وليس بروفايل)؟
يتحلق حولها المعجبين ويتابعون أخباره، يطالعون جديده وتلزمه بطريقة ما زيادة إنتاجه الإبداعي (الجمهور ينتظر) والخ...؟
لنأخذ على سبيل المثال (4)...
كم من المشاركين في هذا البوست لديه صفحة تعريفية بأعماله في الويكي بيديا الأوسع إنتشاراً على الإنترنت قاطبة؟
لنأخذ على سبيل المثال (5)...
كم من المشاركين في هذا البوست لديه أسمه في موقع تويتر؟ وكم من الناس يتابعونه؟
لنأخذ على سبيل المثال (6)...
كم من المشاركين في هذا البوست لديه قناته على اليوتيوب، لينشر عبرها أشعاره وقصائده لتُقرأ حسب ما أراد؟
أرجو أن تعين هذه الأسئلة في وضع حجر أساس لتقييم كلٌ منا لنفسه وحجم إنتشاره والخ...فالكاتب والمبدع يحتاج للإعلام والإنتشار و
التواصل مع جمهور مستهلكي إنتاجه الإبداعي...وهذا ما أصبح متاح تماماً في هذا العصر...فلم المعارك في حوشين أو ثلاثة (سودانيزأونلاين،
سودان فور أوول، وغيرهم)...
على العموم أرجو من الجميع البحث في أرجاء الإنترنت عن مثل هذه الآليات التي تتيح لهم تفجير طاقاتهم بدلاً عن المعارك في غير معترك.
|
أنور تحياتي واتمناك طيب
ما عارف مداخلتك دي ومداخلتي الحالية هم عندهم علاقة بموضوع البوست ولا لأ
لانو صعب جدا الزول يقدر يفهم الحاصل من المنقول من الفور اوول لهنا وانا ما متابع ودخولي في البوست انك تطلع بمعلومة فالزول بقرا علي خفيف وبتخارج الا كلامك وقفت عنده لانو فهمته تماما
المهم يا أنور كلامك ده كلام شخص حادب علي مصلحة الكتاب والمبدعين في المقام الاول،ثانيا يساهم في رسم دور واضح ومسئول للكاتب او المبدع في الانترنت بعيدا عن تفاعلات منابر النقاش حيث يكون المستفيد الاول هو القارئ.
خلاصته ما كتبته هنا ينفع مادة لورشة عمل اسفيرية المفروض تضم الكتاب والمبدعين ومختصي المواقع(مصممين ومطورين) والصحفيين العندهم علاقة واختصاص بمسألة النشر الالكتروني ودي الاطراف التلاتة الممكن تطلع برؤية واضحة حول مستقبل الانتاج المفيد علي الانترنت.
شخصيا من انصار انو الناس تقوم تفتح ليها ورشة عمل وتناقش فيها المسألة دي وممكن نرشح مختصين في التصميم والمحتوي والكتاب والصحفيين.
بالمناسبة موقع الاخ محسن من المواقع الممكن تقول عليهاخطوة في الاتجاه الصحيح-وبعد السهيل لا مطرة نيل- يعني بعد الموقع الشخصي لا داعي للمدونات المجانية واشكال النشر العامة،حيث ان الابداع السوداني له خصوصية جميلة يمكن تمييزها في المواقع الخاصة اكثر،واعتقد ان موقع الاخ محسن قام بوضع اللمسة التصميمية فيه الفنان احمد المبدع احمد المرضي،اتمني انهم يكملوا المشروع بتركيب بعض التوولز الداعمة من مدونة عربية تتيح التفاعل مع الكاتب واصلاح الوصلات وما الي ذلك،مع العلم ان المواقع الشخصية للمبدعين لها القبول الكبير ونسب تصفح عالية،ويمكن أن تقود مبادرات كبيره علي المستةي الثقافي والاجتماعي وغيره.
_
تصحيح خفيف يا انور:انا ما مصمم لكن خارج اوقات الوظيفة بشتغل تطوير محتوي وبتعاون مع مصميين
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: GamarBoBa)
|
Quote: وكذلك تحياتي للأخ أسامة فضل الله، الذي أتمنى عليه شطب عباراته التي تؤمن على كون المذكورين مواد شتم، لذا بادل النذير الشتم بهم
|
الاكرم محسن خالد تحية وتقدير...اعتذر ان مسك منا مايخدش, ولا يخفي عليك ان ان هذا التوصيف لشخص يتمتع بنعمتي البصر والسمع انما للتدليل علي تعطل قدرات اخري لديه ..وبكل تاكيد ليست للحط من قدر المحرومين من هذه النعم.
_________________________________________
Quote: العزيز أسامة فضل الله، سلامات ورمضان كريم...أرجوكم إيقاف الون تو ... البوست ماشي يناقش مسائل مهمة ولعلنا نستفيد منكم جميعاً
لفت نظري قولك أنو مافي نشاط في باريس أو شئ من هذا القبيل، يا ريت شوية إيضاح وأكون لك من الشاكر |
العزيز انور كنغ
اوافقك الراي..فليست لي اية نية اشتت كورة الاخ قصي الذي اجتهد بفتحة لهذا البوست وبالتاكيد له من وراءه مقصد.
الحديث عن العمل العام في كل مناحية في باريس قد يتطلب بوست منفرد واعدك بانزال شيء عنه هنا..مبدئيا اكرر ماقلته سابقاً بانعدام النشاط الا من بعض حفلات تقيمها الجالية بين الحين و الاخر..
اعجبني ما اوردته عن كسل بعض المبدعين حقيقة وخاصة الذين لديهم انتاج قد يساعد في اخراجنا من هذه الحفره.
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: AnwarKing)
|
Quote: ...لن يقال إن حسن موسى (بتاع الوزة) طرد قصى مجدى سليم
ولكن سيقال فى التأريخ المنظور لماذا سكت مثل راشد مصطفى بخيت
وعمر التيجانى ومامون التلب ومازن مصطفى ومنعم الجزولى وغيرهم
على هذا الهراء .....تانى حاجة: فى ما يبدو أن حسن موسى عامل فيها(كرستيان رونالدو)
بتاع المنبر (داك)....ونجاة يعجبها دور المدرب(مورينهو)...المهم |
خالد بحر
Quote:
الأخ خالد بحر تحياتي
كلامك صحيح مائة بالمائة، ولقد سبقتني لكتابة هذه المداخلة الانتباهة، كنتُ أنوي التعليق على ذلك.
ولكن أرجو إسقاط اسم مازن مصطفى، هو لا يستوي بالآخرين، ولا يتهيب مناجزة حسن موسى مطلقاً إن كنتَ متابعاً.
ضع بدلاً عن اسمه اسم الشاعر والناقد والمخرج السينمائي (حافظ خير) مع تأكيد ثانٍ على الكاتب مأمون التلب أيضاً.
فحافظ خير، عن نفسي، لم أره في رأي بخصوص عسف تلك الإدارة مطلقاً، يا ترى هو ومأمون، في هذا البوست، هل سيسألان عن مشاركهما في البوست قصي سليم، الذي اختفى، أم لا؟
هنا
http://sudaneseonline.com/forum/viewtopic.php?t=4994&sid=...985888f5310d10a1d6b3 |
محسن خالد
Quote: والأستاذة نجاة أم وأخت وعمة وخالة، هل ترضيكما
هذه الشتائم المشخصنة في حقها؟! أو في حق أي أخت؟ |
النذير
| Quote: الجاتك في موضوع بوستك سامحتك ياقصي.. |
(والله يا دكين انا فكرت أقطع راس البوست ده وأعملو جامع) :) :)
:D
------------------------------
السلام والمحبة لكل المتداخلين:
أخص بالسلام الصديق الاسفيري أنور دفع الله، والأخ الجميل الأديب (محسن خالد) (ثنائي الفصل القديم)..
كما قلت من قبل فإني غير مستعد (الآن) لمناقشة أمر الإيقاف الذي تم في منبرسودان فور أول (دي عشانك يا تبارك...المهم) ولكن إيقافي لن يكبلني عن الكتابة في أي مكان كان، ومن حجج الإيقاف عباراتي المسيئة للسيد حسن وزة.. وبمناسبة الحديث فإن وزة يا أنور ترجع للمرافعة البتراء التي قام بها السيد حسن موسى في بوست الوزة بعد أن أفحمه (صديقنا) ود حسبو وقام ليرافع ويدافع عن الوزة قائلاً ببعد مؤخرتها وما جاء به محسن خالد مدفوعاً بنياته "السريات"!!!!! فصار حامل لقب الوزة كما حمّلنا الطلاشة لقباً... ومن الطلاشة أن يظن ظنان أن إيقافنا سيغير من أمر يقين ما عنده الى ظن ما عند الناس.. وما إيقاف النور بممكن، ولا ايقاف (المد الثوري لجماهير شعبنا) :) :) :)
ولقد نبهت السيد حسن الى أنني لا أريد الخوض في حديث معه وذلك -ببساطة- لأن الإدارة ستحذف كل ما أكتب بحجج واهية كتلك التي حذفت بها كلامي من بوست (الثرثرة في احتفاليات الأستاذ محمود).. ومن الثرثرة أن يجمع الناس على أمر وترى الإدارة عكسه ثم أنها تقول عن نفسها كإدارة بأنها:
(هذا المنبر ليس مثل غيره من المنابر الأخرى، فأعضاء إدارته التزموا دائماً بالنقاش مع الأعضاء، وبإستفاضة، في مختلف الحالات التي تمّ فيها حذف لعبارة أو لموضوع.)
وهذا أمر عجيب من إدارة تضرب عرض الحائط بكلالمشاركين بالبوست http://sudaneseonline.com/forum/viewtopic.php?t=4969&star...161a3a2da15a00abe2bd وإعتراضاتهم المتكررة على سحب عباراتي التي لم يرو فيها أي إسائة، بل أنهم ذهبوا لتأويلها بغير ما أولتها الإدارة، ولكن سبحانها، وسبحان حسن موسى إذ دخل بعد عمر مديد ليواري سوء ما اجترحه كإدارة من سلوك فقال وأرغى وأزبد، حتى يصير ويحقق أنه نشاذ في أوركسترا ديموقراطية تفاكرت بوضوح وخلصت بأوضح من التفاكر الى رأي ضربت به الإدارة عرض الحائط. حينها كتب(نا) له ما كتب (نا) (النون دي يا اخوانا بتحرق حسن عشان كده بنكتبها طوالي) وقلنا له أن (يطالعنا) للخلاء الإلكتروني إذا أرادنا.. أي في مكان لا تحذف فيه العبارات لصالح (نفسه) المتضخمة المتفخمة... والغريب حقاً أنه رمانا بداءه وقال عني:
| Quote: و تسأل "نفسك" يا قصي مجدي سليم " المقعدني هنا شنو؟" و نتساءل معك كلنا " المقعدك هنا شنو؟ و تجيب من علياء أناك المتورمة بكونك صابر على " التحرش الممعن" لأن عندك مهمة لم تنجز بعد |
علياء أناك المتورمة
وحسن يرى أناي المتورمة (كشيخ طريقة) يريد إصلاح نفسي التي أعجزت شيوخا (أرسخ منه قدما) وهو يناصحني بهذا... وما أبينا نصيحة منتصح في حياتنا، بل نوافق حسن على ما قال بأن لنا نفسا (تستاهل الكسر) والمرمغة في تراب الله حتى ترجع منكسرة ذليلة، ولكن نحن نرى ذلك من قبل أن ندخل الى منبره، وجاهدنا في هذا ما ساعدنا الله على الجهاد. فما فعل هو في هذا الأمر؟!!
إزداد إستطالة على خلق الله، وأخذ يضرب وكأنه مجنون- أو قل لمصلحة "الصياغ"- درويش يترجم في حلبة ذكر..وما نحن جلّاس لمجاذيب العقل إذ أن العقل الحاضر غايتنا، وما كنا في يوم من الأيام من مصاحبي أهل الجلافة، وحتى حسن، فإني -ما استطعت- تجنبته في كافة المنابر، بما فيها منبره، وكنت أغض عنه وأتناساه (عنية) ولا أتداخل معه ولاأرد عليه ولا اسائله منذ العام 2006 تقريبا.. لأني وببساطة لم أحب أسلوبه المتعالي، ولاطريقته المنتفخة.. فمن العجب أن يرميني بداءه ولا ينسل بل يقبع ليعدي من حوله.. (قلة الذوق يا اخوي فضلة خيرك)...
وحسن، الذي لا يجامل، والذي يضرب تحت الحزام، أخذ يكتب عجباً ويحاول أن يحسن من لغته ولكن بالبهتان والكذب فقال لمصطفى (الصديق)!!!
والصديق هذه من البر الحسني إذ أن حسن "ما بتصادق" وهو يظن أن منحه لمصطفى لقب الصديق هو مجرد عطاء من "عطياته" التي يمنُ بها على خلق الله بين الفينة والأخرى.. مثل سؤاله لي "مع كلنا" التي لا أفهم هل "نجاة وبولا" مه هذه الكلنا أم لا.. وتساؤل حسن "كلنا" هو نوع جديد من "الطرد" إذ أنه لم يجد علي سبيلا من قبل (ولن يجد إن شاء الله) ثم أني لم أطلب من إدارة سودان للجميع أن تضمني لها، ثم أني لم أكتب شهرا أو سنة أو أربع.. فأنا أكتب وأكتب منذ أن استضافنا منبر حسن ونجاة وبولا، وما انقطعت، ولا شهد لي شاهد من أهلها ولا من حلتها بأني قد اسأت الأدب مع أحد قولا أو (رسما).. ولكن حسن قد فعل وفعل.. وهو يتسائل المقعدني معاهم شنو؟؟ هو إنتو دخلتوني لي شنو... المقعدني يا حسن كان درس ولقد نجحت فيه، درس أن تفهم جيدا بأنك إقصائي، وأن أناك متضخمة، وأنك لا تمت للديموقراطية، ولا للديكتاتورية بأي صلة.. فأنت مجرد حسن.. تكتب بلا روح، ولايحزنون من (أنفسك) التي تعبت في تأرجحها بين منازل الأمارة والإمارة والتأمُّر.
يداخلني حسن وهو يعلم أن إدارت(هم) ستحذف ما أرد به، يتهمني بقلة الذوق، وبالأنا المتضخمة، فلا ترى الإدارة في الأمر غير الوصف، نرد عليه بكليمات (يقمن أوده) فتحذف الإدارة ما نكتبه.. صورتي مع حسن في سودانه فور أوله كشخص مبتور اليدين تهره كلاب الحي فلا يجد لحجر سبيلا... وهو يريد أن يستعرض عضلاته فيبين وكأنه يجادلني وكأني عاجز عن الإبانة..
في فلم (آخر ملوك اسكتلاند) نزل عيدي أمين منحنيا على الأمريكي الأبيض وقال له:
-انا أبو هذه الأمة وإنت خنته أبوها يا ود ال###### يا معفن..
فرد الأبيض المسكين وسط "كلاب" عيدي أمين:
-عيدي.. أنت طفل.. وهذا هو ما يخيف فيك.
(إلى حسن موسى في أناه الترابية.. عسى أن يتذكر أو يخشى)
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: قصي مجدي سليم)
|
*عزيزي دكين
لم اقصد مفاضلة بين كتابة سمحة وأخرى شينة ولا اعتقد أن المنابر تهدر الوقت إن كنا انتقائيين.أنت مثلي فيما أظنّ ، انتقائي تقرا ما يعجبك وتترك ما لا يعجبك.مر بالقرب منه يا خي .لا تشتبك معه لأنك لا تستطيع أن تمنعه .ومنعه من الديكتاتورية.أنا عندي أن الحظر يجب أن يتم فقط للكتابات المسيئة وهذه يمكن أن تترك لتقديرات مدير الموقع ولتكن الأخطاء محصورة فقط في هذه التقديرات. أنت قلت كلام يستوجب مناقشته وحتى لا نحرف هذا البوست عن مساره تعال نفتح بوست مشترك لمناقشته نقطة نقطة. ورجاءً لو وافقت افتحه أنت.
*عزيزي قصي
على عكس ما يتصور كثيرون هنا أنا اعتقد أن فصلك من سودان فور أول كان خطأً، وأن كلامك هناك وقد قرأته عن التحليل ومراهقة الأطفال وخلافه كتب
في المنبر ما هو أغلظ منه .وحتى لو اعتبرته الإدارة عنفاً لفظياً كان يمكن مناقشته فقط بلطف مع عضو في المنبر هو أنت له مساهماته فيه المقدرة ومن ثم متابعة الحوار .كان يمكن الصمت فمع وجود الكي بورد وأطراف متحاورة غير منسجمة تظهر دائماً عبارات عنيفة اليوم وغداً إلى أن ينضج المثقفون السودانيون (الديمقراطيون غير الشموليين )فيديرون حواراتهم بهدف تكامل أفكارهم لا بطريقة سعي هذا الطرف أو ذاك لسحق الآخر بعبارات من نوع(يا النبي نوح بمعناها الاستفزازي لا المعلوم. ومن عجب أن هذه العبارة انتقلت من حسن موسى باعتباره جلاداً بها لضحيته محسن خالد حين اصبح جلاداً بها هنا في سودانيز أون لاين فسخر بها مني بغير اساس. وعبارات من نوع حسن وزة ة نفسها التي تقول بها أنت ) الديمقراطيون حين يتحاورون لا يجب إطلاقاً أن يتنابزوا وإلا فيحق لنا ان نقول أن هناك خللاً ما في الوعي بالديمقراطية نفسها وبمفهوم الرأي الآخر لدى هذا الطرف أو ذاك.
أنت قلت أنهم كما لو قطعوا أطرافك هناك وانتظروا دفاعاً منك بعد ان حذفوا كلامك من المنبر.ها أنت هنا تحذف وجودهم كله فتتكلم لنا وحدك.وهذا الطريق لا يؤدي .الصحيح أن تختم هذا البوست بعد أن أوضحت وجهة نظرك في بيانه الاول الشافي وتمارس حياتك في الكتابة هنا دون التطرق مرة أخرى لعبارات من نوع حسن وزة لأن في هذا شتائم أيضاً ليس إلا ، فالإنسان مطلق إنسان يلقب بما يحب . ورأيكم في -الوزة ومنفذ فضلاتها- قد طرحتموه هناك في مكانه الصحيح والناس لها عقول تقرأك وتقراهم وتقرر بينها وبين نفسها. فما الداعي للمشي به بين المنابر؟
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: Bushra Elfadil)
|
| Quote: أنت قلت أنهم كما لو قطعوا أطرافك هناك وانتظروا دفاعاً منك بعد ان حذفوا كلامك من المنبر.ها أنت هنا تحذف وجودهم كله فتتكلم لنا وحدك.وهذا الطريق لا يؤدي .الصحيح أن تختم هذا البوست بعد أن أوضحت وجهة نظرك في بيانه الاول الشافي وتمارس حياتك في الكتابة هنا دون التطرق مرة أخرى لعبارات من نوع حسن وزة لأن في هذا شتائم أيضاً ليس إلا ، فالإنسان مطلق إنسان يلقب بما يحب . ورأيكم في -الوزة ومنفذ فضلاتها- قد طرحتموه هناك في مكانه الصحيح والناس لها عقول تقرأك وتقراهم وتقرر بينها وبين نفسها. فما الداعي للمشي به بين المنابر؟ |
مساءك خير استاذ بشري و خليني في الاول اقول كلام مهم , مجهودك هنا و هناك في مواصلة النقاش في المنابر السوداانية و عدم تأففك من الرد علي الرائ الاخر المخالف ليك يجد مني كل التقدير و الإحترام و ده في تقديري هو دور المثقف الحقيقي المهموم بقضايا الديمقراطية و التنوير و المتصالح مع نفسو و النقطة دي هي مربط الفرس في صراع كل الشباب ديل مع إدارة فوراول , مافي زول يا استاذ بشري عندو مزاج في انو يشتم حسن موسي ساي طلقيت ولا عشان ده بروي عندو عطش لي شتم حسن موسي او إدارة فوراووول من باب دفس حمارو مع حمير الكتبة , فكرة حمار الكتبة دي فكرة صبيانية يتمتع بها اهل فوراوول بتصنيفهم لي نفسهم بأنهم صفوة و ان الاخرين سابلة او قطاع طرق للصفوة المابعدها صفوة , بعكس كل الشباب الإتوافدوا طواعية بعد ان دعتهم إدارة فوراول للحوار الديمقراطي , الشباب ده اتي لحوار لا لشتم , توافدوا ظنا منهم ان بالجُبة ديمقراطية لكنهم و للاسف إكتشفوا لاحقا ان ما في الجبة غير حسن موسي. الموضوع ده بإختصار هو جوهر مدحي ليك و إنتفاء ده عند الخصم و الحكم (إدارة فوراوول) اما ما يخص سير المفصولين بسيرة إدارة فوراوول فده يا استاذ بشري مشروع , كل واحد من الشباب ديل عندو تجربتو و مساهمتو في ضروب الفنون الابداعية , تجي إدارة فوراوول بي جرة قلم تمنعك حتي من إيصال موقفك بشكل متكامل عن طريق القص و التهديد بسيف البتر لمتابعين صراعك مع الادارة و تتجاسر بعدها و تفعل حتي لا يبقي من اثرك سوي حديث مسنسر و مصمصة شفايف من الناظرين تتوزع ما بين حسرة علي إختفائك الغريب او شماتة في فصاحتك و طولة لسانك. حق الرد هنا يا استاذ بشري مشروع و ما فيهو عزل لادارة فوراوول لانو كان القرار بيدها انها تخليك تكمل كلامك هناك لكنها إختارت القلم و كتبت علي روحها الشقاء بعدم توضيحها لماالتبس للقراء بقلم المغضوب عليهم. عليهم ان يتابعوا هنا ما جنته يداهم هناك ولا اخفي عليك انا اوافق حتي علي الشتم فيما يخص الصراع الدائر تلك إبجديات وضع قوانينها حسن موسي و صمتت الإدارة علي تلك القوانيين تواطئا ولا حق لنا بإيقافها فنحن حتي الان كسودانيين بعيدين ثقافيا عن عفا الله عما سلف ولا اظننا سنصلها قريبا في وجود من هم علي شاكلة حسن وِزة في محيطنا الذي نكتب و نتفاكر.
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: Bushra Elfadil)
|
دكين يخاطب (الدكتور) بشرى الفاضل
Quote: بالمناسبة أنا ما شاعر ولا كاتب ولا حصل ادعيت مثل هذا الادعاء أنا ما عارف من وين جبتا قصة الشاعر دكين دي ويبدو انو اختلط عليك اسمي مع اسم زول تاني..
أنا بعرف أعبر كتابةً عن بعض مشاكلي والباقي بتمو كواريك وضرب على الأرض وإشارات باليد لأنو الكتابة لا تغني عن ما لِيَ وما بِيَ..
(.. م. خالد).
أنا ماعارف انتا قريت لي شعر في ياتو حتة وعجبك ..اللهم إلا قصيدتي البليغة المهداة لـ محسن خالد ونهال كرار (ما جرى به الغبار) تجربة شعرية غامزة وحيدة وغير مبرأة من الاغراض غير النبيلة.
(.. م. خالد).
عزيز شلال |
Quote: على أي حال ده سؤال غريب يا أستاذ بشرى
غريب شديد(.. م. خالد). ..تماما زي البقول ليك ليه عايز الشي السمح من دون الشي الكعب؟
ليه عايز بطيخ أحمر وما عايز أبيض؟
نبحث عن الكتابة الجادة لانها الاولى بالقراءة ..لانها الاولى بان تودر زمنك فيها..
لان الغث لا يفيد..
عزيز شلال |
وورد (كذلك) في بوست الكوشرثيا
Quote: ويا تُرى ما هو {المقياس} عند الدكتور بشرى الفاضل، الذي سيفتينا في نشر تلك الأمثال السِّريَّة، وفي كيف نعرف، ما إذا كان الكلام بذيئاً أم بريئاً!؟ وكم متراً تبلغ حدود حُريّة التعبير، بحجم زنزانة أم أعرض!؟ أيمنح شخصي حق أن يكتب أم لا يمنح!؟
حقاً، و(Verily)، معالجة {المقياس} تلك، وأُخريات له سيأتين لاحقاً، مما اقترحه الدكتور من معالجات، أجِدُهُنَّ غريبات الأطوار والمنطق. و(Very eccentric). فقد دفع بهن كأدواتِ فصلٍ وفرزٍ مثل {الإلكتروليزا}، الأداة أو الطريقة التي تستخدم في الكيمياء لاستخلاص أو فصل بعض العناصر عن مُرَكّبَاتِها.
م. خالد |
يا عزيز، ياخي الدكتور دا جليهو، ينوبك ثواب. كل شيء فيه غريب.
زول يقول ليك محسن خالد ضحية لمقالة النبي نوح، مش عليك الله مفروض تكورك فيهو تاااني (يا النبي نوح القارئ لوح)، شيء غريب كما تقول يا صديقي دكين.
شوف شوف يا عزيز أخوي
Quote: يا النبي نوح بمعناها الاستفزازي لا المعلوم. ومن عجب أن هذه العبارة انتقلت من حسن موسى باعتباره جلاداً بها لضحيته محسن خالد حين اصبح جلاداً بها هنا في سودانيز أون لاين فسخر بها مني بغير اساس.
د. بشرى الفاضل |
العبارة انتقلت من حسن موسى لي أنا! فتأمَّل! ويا النبي نوح القارئ اللوح. ياخي حسن موسى دا أنا شفتو في الإنترنت الأول أمس دي، وأعرف كوشرثيا أكثر من ربه وربك ورب بولا نفسه، الذي هو أنجضكم في معرفة الكوشرثيا، والعبارة هذه بعرفها منذ كنتُ طفلاً، ويقولها الكبار للتعجب وأشد الاستنكار، ما فيها إساءة مطلقاً، فعلا إنت دكتور غريب وعجيب! ياخي دكتور شنو دا البسمع بـ(ساقطة النفس) مني أنا -لأوّل مرّة- الأصغر من أي واحد من أولاده، دا يقولوا فيه يا منو!؟
Quote:
حقاً و(Verily)
(Very eccentric)
م. خالد |
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: Bushra Elfadil)
|
| Quote: لا أخفي عليك أنا أوافق حتي علي الشتم فيما يخص الصراع الدائر تلك إبجديات وضع قوانينها حسن موسي و صمتت الإدارة علي تلك القوانيين تواطئا ولا حق لنا بإيقافها فنحن حتي الان كسودانيين بعيدين ثقافيا عن عفا الله عما سلف ولا أظننا سنصلها قريبا في وجود من هم علي شاكلة حسن وِزة في محيطنا الذي نكتب و نتفاكر. |
عزيزي طارق
أنت كنت أحد المطرودين من سودان فور أوول ، وشخصي كما تعلم كان هناك بعد الطرد مباشرة إذ غبت عن البورد أيام الطرد لكنني فتحت بوستاً أعارض فيه ذلك الطرد واستكتبت فيه غالبية عضوية سودان فورأوول فوقفوا ضد الطرد.الموقف الصحيح في نظري حتى لو كانت الأغلبية معه هو عدم الطرد فمثل هذه الامور لا تحسم بالأغلبيات فضلاً عن احتمال عدم حيدة الأغلبيات حين تكون متجانسة.في حالتنا هذه الأغلبية وقفت ضد معالجة الإدارة لتلك الأزمة بالطرد.إلى هنا والأمور مضت بخروجك من منبر إثنان من إدارته على الأقل هم أسياده للبحث عن فضاء آخر لأدائك الذي لا يقتصر على الكلام وحده فأنت في نظري فنان وتحتاج من أجل المزيد من التجويد في أدواتك، لأن تتواصل مع الآخرين في ظل غياب ورش الستينات وفترة ما بعد الانتفاضة وها هو الانترنيت يقوم بالواجب ، نقرشة من عودك سيسمعها سوداني ما بفضل الجن الجديد ولو في بلاد الاسكيمو إن رغب.
إن أنت حرمت يا طارق من الرد في فور اوول وفي لسانك كلام لم تتفوه به بعد فهل يمنعك أحد من قوله والتأكيد عليه دون شتم والمنابر كلها والصحف دونك مبذولة؟بالمناسبة يا طارق تتعلق المسالة بامزجتنا المختلفة لا غير فانا لست أنت ولست قصي .
وقد طلبت فيما مضى من أعضاء عديدين في س. أونلاين بأن يحذفوا عبارات الشتم في حق رموز الإنقاذأنفسهم لأن هذا الطريق لايؤدي .فإذا كان ذلك كذلك فكيف يجوز لي قبوله في حق من يقول لهم حسن موسى ياالنبي نوح أو لأمثال الدكتور حسن موسى نفسه وهو بالمناسبة شخص لديه اسهامات لا تنكرها في مجال الفنون التشكيلية -هو فنّان ضخم في هذا المجال وإن كنت أنتقده دائماً بأنه ينطلق في فهمه للعالم من مركزية التشكيل بما يجعل علاقته بالفنون الأخرى كالشعر مثلاً علاقة نفور وركل من خانة الفنون الابداعية مرة واحدة تارةً وقبول على مضض تارة أخرى..
وهو شخص قاتل لعقود الأنظمة الشمولية وقد عرفته وصديقه عبدالله بولا الذي هو أستاذه بكلية الفنون وأستاذي بحنتوب يكتبان منذ صفحة ألوان الفن في منتصف السبعينات إلى اليوم وما فتر لهما قلم ضد الاستبداد والظلم الخندق نفسه الذي تنطلق منه انت يا طارق وينطلق مننه ربما كل المطرودين من فور أوول وحسن بالاضافة إلى ذلك كاتب لديه قلم ينضح ابداعاً ولديه حس كثيف بالفكاهة.لكن حسناً لديه شيء أشبه بالمتلازمة (الدائمة) إن شئت في السخرية من محاوريه بحيث يختلط عليه حابل المحاورين ممن هم في نفس الخندق والخصوم .يمكنني أن اسخر يا طارق من فكرة تقولها وهذا على قسوته مقبول لكن السخرية من الشخص نفسه مال عدوها؟ ولأحيلك لأقرب مثال اقرأ مداخلة محسن العدوانية ضد شخصي هنا اعلاه . وقل لي ما هو رأيك فيها؟ - عن طريق الممايلة إن شئت.وبالمناسبة يا طارق تلفونك القديم لايرد ارسل واحد تاني .
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: وليد محمد المبارك)
|
سلامات استاذ بشري
بالضبط انت هبشت الجزء البخصني , مشروعي لغناي يا استاذ بشري اكبر من فراغ ان اجلس في الظل لاصطاد سمك الفوراولاب (اخطاء - او شتم) و لعلك تعلم اني بعد مغادرتي للفوراوول انجزت كم و كيف جيد من الموسيقي طرحت هنا في سودانيزاونلاين و انجزت عدد مقدر من المشاريع الموسيقية لا اظن لو كان حسن وِزة او إدارة الفوراوول من ضمن همومي الحياتية اني كنت حا انجز واحد علي تسعة من العملتو. مافي احقاد يا استاذ بشري ما حدث قبل سنوات بالنسبة لي نقطة صعب جدا اني اشوف روحي جواها الليلة لكني في ذات الوقت اجيز لكل من يأنس في نفسة الكفاءه ان يشتم الفوراوولاب , ذلك شأن لا يخصني و قبولي به فقط لان حسن وِزة كعادته شاطر جدا في إجتذاب كراهية الاخرين و بالتالي عليه ان يخم و يصر.
| Quote: إلى أن ينضج المثقفون السودانيون (الديمقراطيون غير الشموليين )فيديرون حواراتهم بهدف تكامل أفكارهم لا بطريقة سعي هذا الطرف أو ذاك لسحق الآخر بعبارات من نوع(يا النبي نوح بمعناها الاستفزازي لا المعلوم. ومن عجب أن هذه العبارة انتقلت من حسن موسى باعتباره جلاداً بها لضحيته محسن خالد حين اصبح جلاداً بها هنا في سودانيز أون لاين فسخر بها مني بغير اساس |
Quote: يا عزيز، ياخي الدكتور دا جليهو، ينوبك ثواب. كل شيء فيه غريب.
زول يقول ليك محسن خالد ضحية لمقالة النبي نوح، مش عليك الله مفروض تكورك فيهو تاااني (يا النبي نوح القارئ لوح)، شيء غريب كما تقول يا صديقي دكين. |
لا يعجيني طبعا ما يحدث بينك و بين محسن خالد و لا اقر الشتم او السخرية بينكما لانكم عندي بشر خلاق و طبيعي هذا اولا و لانكما اصدقائي ثانيا. لا علم لي بخلافكما القديم الواضح وسط مداخلاتكما ,لكني لا اقر تحرش محسن الواضح بيك اعلاه و مندهش من عدم فهم محسن لكلامك جدا
1-أنت لم تقصد ان تسمي محسن بالضحية للتعريض بيهو ,
2- كلمة الضحية اتت في سياق كلامك حول المتوهم في ذهن حسن موسي - نموذج المثقف السوداني القدمتو - وتستهجن إستخدام حسن لتعبير النبي نوح لجلد خصومه و السخرية منهم (توهما)
3- تعرج بعد ذلك الي ان محسن خالد نفسه الذي تعرض لهذا الاسلوب المستهجن من قبلك مثله مثل آخرين إلا انه لا يتواني في إستخدامه معاك الان.
علي الاقل هذا فهمي لحديثك و لم المح انك تغمز محسن في ذلك علي العكس فهمتها في إطار اللوم لمحسن علي الملأ في تجنبه المتواصل عليك. ودي من بركات الفنان حسن وِزة بالمناسبة انو وسع دوائر الإحتقان و اسه نايم و عاااارف الحوت فاسي وين.
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: قصي مجدي سليم)
|
Quote: الدكتور حسن موسى نفسه وهو بالمناسبة شخص لديه اسهامات لا تنكرها في مجال الفنون التشكيلية -هو فنّان ضخم في هذا المجال وإن كنت أنتقده دائماً بأنه ينطلق في فهمه للعالم من مركزية التشكيل بما يجعل علاقته بالفنون الأخرى كالشعر مثلاً علاقة نفور وركل من خانة الفنون الابداعية مرة واحدة تارةً وقبول على مضض تارة أخرى..
د. بشرى الفاضل |
مركزية التشكيل؟
يا النبي نوح، القارئ اللوح! إنت بتلقى المصطلحات النقدية النادرة دي وين!؟
يعني إنت خلاص كتبت ليك أغنيتين وكتابين قصص، وبقيت فنان شامل واجبك إنو تورينا الناس التانين منطلقين من ياتو مركزيات!
هسّع إنت الكاتب العامل فيها من المفروض تنطلق من مركزية فنون شاملة دا، عندك إسهام كتابي قدر (التشكيلي) حسن موسى كان نوعياً كان كمياً!؟
وشغل حسن موسى مع الشعر وناس (الغاغا والصحرا) داك كلو ما شفتو! ومع أبكر والدوش! وحتى نشره لشعر ناس آخرين في بوستات مخصوصة (مع إنو شعر ضعيف)!؟ دا كلو ما وقع في عينك!؟
شايف ملاطشاتك لحسن كترت، ما عارفها دي شترتك (وغرابتك) الطبيعية، وألا {تحت السواهي دواهي}، كما تقول الكوشرثيا!
وحسن موسى مالو!؟
{علاقته بالفنون الأخرى كالشعر مثلاً علاقة نفور وركل من خانة الفنون الابداعية مرة واحدة تارةً وقبول على مضض تارة أخرى}.
يا النبي نوح القارئ اللوح.
هسّع حسن موسى دا لامن يشيل الباسويرد بتاعي ويخليك تكتب إنت وأصحابك البكتبوا في جنس كلامك دا!، هل حسن موسى دا نصيح!؟
وألا كمان حسن موسى دا فعلاً نصييييح من الجهة التانية!
وكمان تجي نجاة تتفاصح وتقول ليك دا محل صفوة، بالله عليك يا نجاة تعالي لمّي الصفوة بتوعك ديل من دار أم بلال دي، وبلاش كلام فارغ معاك. (أعتذر عن هذه الجملة لو كان بشرى الفاضل في مهمة رسمية، من نظير مهامه الكثيرة، والسابقة، هنا).
----
أحلى حاجة في المداخلة كلها حكاية {وهو بالمناسبة}، لتلي ذلك كلمة مديح باهتة وقطار طويييل من الغتاتة المبخِّسة والمألَّفة تأليفاً، ما كان يفعله معي بالضبط.
بالمناسبة؟ تقول والله يا دكتور؟
يا دكتور لو ما قاعد تهابشني براك، بصراحة ما شايف لي محل شيل وخت معاك، في أيتها حاجة. لكن ياهو قاعد تتونس ومرات بنونِّسك.
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: محسن خالد)
|
| Quote: بالضبط انت هبشت الجزء البخصني , مشروعي لغناي يا استاذ بشري اكبر من فراغ ان اجلس في الظل لاصطاد سمك الفوراولاب (اخطاء - او شتم) و لعلك تعلم اني بعد مغادرتي للفوراوول انجزت كم و كيف جيد من الموسيقي طرحت هنا في سودانيزاونلاين و انجزت عدد مقدر من المشاريع الموسيقية لا اظن لو كان حسن وِزة او إدارة الفوراوول من ضمن همومي الحياتية اني كنت حا انجز واحد علي تسعة من العملتو |
يا خدر لو ماكنت فاهم ان الناس دي افلست من زمان واصبح همها افلاس الاخرين تكون بالغت ....اما نجاة فلم تري الغِنى ابداً بل انتم من اوهمهما بذلك...المهم حمداً لله علي السلامة.
| |
|
|
|
|
|
|
|
|
 Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: محسن خالد)
|
Quote: Quote: الدكتور حسن موسى نفسه وهو بالمناسبة شخص لديه اسهامات لا تنكرها في مجال الفنون التشكيلية -هو فنّان ضخم في هذا المجال وإن كنت أنتقده دائماً بأنه ينطلق في فهمه للعالم من مركزية التشكيل بما يجعل علاقته بالفنون الأخرى كالشعر مثلاً علاقة نفور وركل من خانة الفنون الابداعية مرة واحدة تارةً وقبول على مضض تارة أخرى..
د. بشرى الفاضل
________________
كتب الكاتب : محسن خالد :
مركزية التشكيل؟
يا النبي نوح، القارئ اللوح! إنت بتلقى المصطلحات النقدية النادرة دي وين!؟
يعني إنت خلاص كتبت ليك أغنيتين وكتابين قصص، وبقيت فنان شامل واجبك إنو تورينا الناس التانين منطلقين من ياتو مركزيات!
هسّع إنت الكاتب العامل فيها من المفروض تنطلق من مركزية فنون شاملة دا، عندك إسهام كتابي قدر (التشكيلي) حسن موسى كان نوعياً كان كمياً!؟
وشغل حسن موسى مع الشعر وناس (الغاغا والصحرا) داك كلو ما شفتو! ومع أبكر والدوش! وحتى نشره لشعر ناس آخرين في بوستات مخصوصة (مع إنو شعر ضعيف)!؟ دا كلو ما وقع في عينك!؟
شايف ملاطشاتك لحسن كترت، ما عارفها دي شترتك (وغرابتك) الطبيعية، وألا {تحت السواهي دواهي}، كما تقول الكوشرثيا!
وحسن موسى مالو!؟
{علاقته بالفنون الأخرى كالشعر مثلاً علاقة نفور وركل من خانة الفنون الابداعية مرة واحدة تارةً وقبول على مضض تارة أخرى}.
يا النبي نوح القارئ اللوح.
هسّع حسن موسى دا لامن يشيل الباسويرد بتاعي ويخليك تكتب إنت وأصحابك البكتبوا في جنس كلامك دا!، هل حسن موسى دا نصيح!؟
وألا كمان حسن موسى دا فعلاً نصييييح من الجهة التانية!
وكمان تجي نجاة تتفاصح وتقول ليك دا محل صفوة، بالله عليك يا نجاة تعالي لمّي الصفوة بتوعك ديل من دار أم بلال دي، وبلاش كلام فارغ معاك. (أعتذر عن هذه الجملة لو كان بشرى الفاضل في مهمة رسمية، من نظير مهامه الكثيرة، والسابقة، هنا). |
الأكرم : الكاتب : محسن خالد
تحية طيبة ،،، وبعد ،،
قرأت ردك على دكتور بشرى الفاضل ، ودعني أختلف معك في تناول أعمال الدكتور بشرى الفاضل حسب النص الذي أورته ، والذي قرأت فيه انطباعاً عن كل إنتاج الدكتور ، حسب ما اقتطفنا :
مركزية التشكيل؟
يا النبي نوح، القارئ اللوح! إنت بتلقى المصطلحات النقدية النادرة دي وين!؟
يعني إنت خلاص كتبت ليك أغنيتين وكتابين قصص، وبقيت فنان شامل واجبك إنو تورينا الناس التانين منطلقين من ياتو مركزيات!
هسّع إنت الكاتب العامل فيها من المفروض تنطلق من مركزية فنون شاملة دا، عندك إسهام كتابي قدر (التشكيلي) حسن موسى كان نوعياً كان كمياً!؟
وكنتُ آملاً في تناول أعمال الدكتور بشرى الفاضل من منطلق النقد الموضوعي ،
ولكنك هزمت آمالاً معقودة ألا ننجر للخلاف الذي يجعلنا نُجافي منهج النقد المتوقع كتابته من كاتب في قامة : محسن خالد .
عُذراً أني اقتطعت ما يناسب تعليقي ،
وتقبل محبتي لك وللجميع هنا .
ولدينا آراء مختلفة يوجد منها هنا ، عندما نتذكر ونقرأ أو نشارك في سودان فور أول :
http://sudaneseonline.com/forum/viewtopic.php?t=1752&high...51fc920982b645b8e62a
وتحية خاصة لصاحب الملف : الأكرم قصي ولمشاركوه والمشاركات
*
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: Bushra Elfadil)
|
Quote: هناك مشكلة في المنابر السودانية .هذه حقيقة يدور رحاها في ذهني وفي أذهان لكثيرين غيري . لكن المشكلة ليست في المنابر وحدها بل في الاذهان أيضاً. قرات مداخلات الجميع هنا ورأيت أن القول الفصل الذي يمكن لحجته الدامغة أن تجبر الجميع أن يبصموا عليه ومن بعد ينطلقون لك لحال سبيله لم يتم إنجازه على الرغم من الحقائق المنصفة المتانثرة هنا وهناك في كتابات الكثيرن هنا في البوست.وهذا القول الفصل في حقيقة الأمر مستحيل فلا يمكن إنجازه قط هذه قناعتي.عشان ما أجي أعمل فيها إنو أنا ابو عرّام العارف المخرج من هذا المأزق.
وهو مأزق لأن قصي كاتب وحسن موسى كاتب ومصطفى مدّثر كاتب ونجاة كاتبة. وإذا كانوا كلهم كتّاباً فلماذا يتداوسون؟ يتداوسون لأنه تحسبهم جميعاً وقلوبهم شتى. ولماذا قلوبهم شتى؟الايعازات والايحاءات والمجاملات والصداقات وعشرة العمر وإيغار الصدور والشلليات وأوصاب الجيلنة وعامل السنّ و غير ذلك مما يمكن أن يصنفه علماء متخصصون بأفضل مما قلت هنا.فضلاص عن ذلك فهناك سبب آخر هو أوصاب الكتابة.وما هي أوصاب الكتابة؟وماهي أوصاب الكتابة؟ إنها تشبه غيرة الفقرا التي وردت في كتاب الطبقاتوتزيد : المنافسة بها والتسلح بها والظهور بها والشعور بالضيم من عدم افساح المجال لها بينما يفسح لكل (من هبّ ودب)، والاستماع فقط للصوت الداخلي أو صوت الأصدقاء أو صوت الشلّة ، والرغبة في سحق الآخر ، الضيق من كتابة الآخر لدى الشعور بان كتابتي متجاوزة وهو يضايق في المنابر حيث يتداخل معه كثيرون ، النظر للعدّاد أو المبيعات في حالة الكتب ، والرغبة في سحق الآخر عندما يقف ضد فكرة لي ، أو ينتقدني، الكتابة من أجل الإبهار وغير ذلك مما يعرفه النقاد بأفضل مني.
دعني اناقشك هنا يا دكين : بالمناسبة أنا أقرا لك ويعجبني الكثير من شعركز هذا القول ليس مجاملة فأنت شاعر راسخ. هب أن أحدهم تلفن لك وأوغر صدرك ضدي او هب أنني غضضت الطرف عن بعض كتاباتك أو لم اتداخل معك.هناك أحد أمرين إما أن تمضي قوافلك الشعرية فلا تلتفت لما يقال حتى تتاكد مني مباشرة وإما إنها (توحل) جمالك في رمال إيغار الصدر فيؤدي ذلك لما يسمم الحياة الأدبية التي نحن مساهمون فيها فلا نتكلم مع بعضنا البعض عبر زفير الهواء الفاسد او نصمت.
أنا لا زلت عند رأيي الذي أطلقته في سودان فور اوول القائل بأن المنابر كلها واحد وأن الكتابة في فور اوول وفي سودانيز اون لاين كلها واحد. المهم الكتابة نفسها .المنابر مواعين.س. اونلاين كما كتبت قبل سنوات هنا يشبه سفينة تسير في الزمكان وهي مثل وطننا نفسه تعج بكافة الأشكال والألوان وبكافة أنواع الأداء وفي كتابة أخرى هنا وهناك قلت إن المنابر تشبه مثلاً حياً من أحياء المدن ولنقل انه حي الشهداء بأم درمان في القديم به بيت أزهري وبيت كل رموز الحركة الوطنية ، سكن عبدالخالق محجوب والمحجوب والمرضي لكن به أيضاً البيوت إياها تتخللها بيوت تتوق لان تفرز نفسها فترفع راية مكتوب عليها بيت أحرار وقد تجد قرب الكبري من يلعبون ملوص وبه ميدان كرة ومدارس إلى آخر التنويعات.هو حي يعج بكل هذه المتناقضات والأشتات المجتمعات ومع ذلك فهو حي محترم ورموزه يقدمون الوعي للسودان كله.بالطبع لا يقوم بالاستنارة فيه من يستل سكيناً في ذلك الحي ويطعن من تسبب في خسارته في مقامرة ملوص.
لماذا تبحث أيها الشاعر دكين وهذا الكلام موجه إليك وإلى الكل :عن الكتابة المنقاة التي لا تشوبها شائبة في كل البوستات انت عندما تكتب بوستاً به كتابة ابداعيةاو أي بوست كل القراء المتابعين لك يتعرفون على قافلتك يقولون انها وصلت ويقبلون عليها فلماذا تابه مثلاً لمن يكتبون كتابة مثل التي وصفتها أنت هنا إن جرت في بوست مجاور لماذا لا تتغاضى عنهم بالصمت والمرور بجوار بيتهم كما تفعل في مثال الحي الامدرماني.ومن ناحية اخرى هناك انشطة لا حصر لها غير الكتابة في المنابر هناك الاخبار والغناء والموسيقى والرياضة والأنس والنكات. فليقبل كل لما هو اهل له. لماذا نسيء مثلاً لبوستات جاء بها أصحابها للأنس
ففي همبريب النييل قرب الشاطيء ربما التقى مثقفون من ذلك الحي وتحدثا في ساس بسوس وحرب البسوس ونيران المجوس وخمر باخوس وعذابات جز الرؤوس بينما بالقرب منهم جماعة أخرى تتحدث عن الهلاريخ وبالقرب من تينك جماعة أخرى في مؤانسة وجماعة رابعة حديثها شين وخامسة تتنابذ. فما شانك يا دكين لو كنت انت من الجماعة الاولى او جماعة الموسيقى والفنون؟المنبر هذا واسع وهو يتسع لكل لكل السودانيين بمختلف اعمارهم وسحناتهم بعضهم يعلم وبعضهم يتعلم بعضهم في الجو وبعضهم يتجوجو.انت لماذ تحجر على الجميع التفتح بعد حين ربما يحلق من كان يتجوجو يهوي من كان في الجو.
النابر كلها واحد. المشكلة كلها مع الشتائم البذيئة والإهانات وهذه كانت نصيحتي لصاحب المنبر ان يقوم بفصل من يبادرون بها حتى لا يختلط الحابل بالنابل فلا نعرف من بدأ ومن ردّ على من بدأ. وحتى لا يفهم من كلامي تناقض ما فأنا ضد البذاءات والإساءة إلى العقائد ولو كنت صاحب منبر لاوقفت كل من يسبء إلى الآخر حتى يعتذر عن مثل هذه الممارسة فيعود.
شخصي أحد من كتبوا في المنبرين ولا زلت اتمتع بالعضوية هنا.هنالك مظنّة يظنها الكثيرون ممن تعرفوا على كتاباتي هنا وهناك بأنني أحابي
أصدقائي هناك. هؤلاء ينسون أن لي أصدقاء هنا كذلك.
ويا قصي أنت طبعا كاتب وما كان يجب فصلك مهما قلتزهذا موقفيزما كان يجب فصلك مهما قلت .هذا موقفي كررته لأن هناك في هذا المنبر من يتهمونني ظلماً بانني انصر اصحابي هناك ظالمين أو مظلومين وهذا غير صحيح إطلاقاً انت كنت متابع لما كتبته هناك حين فصلوا طارق أبوعبيدة خدر وما قلته عن سودانيز اونلاين في التصدي لهجوم حسن موسى لها.هجوم حسن موسى ينطلق من قناعته بضرورة أن تكون هناك منابر منقاة ومغسولة ومكوية .وردي عليه بأن المنابر كلها واحدة هي أوعية مثل الخادوم في ترجمات الشوام له ينقل عبر الحاسوب كل شيء كل شيء الذهب وترابه التبر والتراب وترابه الهباب.
تامل معي عزيزي قصي فيما كتبته أنت هنا:
(ما جعلني الجأ لكتابة هذه الرسالة هنا هو أمر بسيط ومنطقي وهو (ايقاف عضويتي بمنبر الحوار الديموقراطي).. ولست مهموما بهذا الأمر إطلاقا إذ أن إيقاف عضويتي كان أمرا متوقعاً,, ولقد كتب لي صديق مشارك بالمنبر فقال لي أن ساعتي قد أزفت وأراك تسير الى حتفك.. وشيعني كما شيع عبدالله بن عمر سيدي الحسين فأجزل. وله الشكر ساخرا وجادا)
إيقونة الاقتباس تعطلت فجأة
وإليك هذه الاسئلة: طالما ( وبالمناسبة يا دكين طالما هذه صحيحة) على عكس ما نادى به بوست اصلاح الكتابة . طالما انت غير مهموم يا قصي فلماذا هذا البوست؟ لماذا تفسح المجال للبعض ممن يرغبون في التشفي من نجاة مثل الأخ حسين ملاسي بان يتعلقوا باهداب هذا البوست ؟
الا ترى أن هذه الكتابة مشابهة لكتابة الموسيقيين حين اختلفوا؟ هل يقود ذلك لشيء أي شيء؟ هذه الاسئلة ما كان يمكن توجيهها لاي من الخصمين انت وحسن لو كان احدكما في الشاطيء الذي به غول الكارثة السودانية مناصراً للغول السعالي المجاورة زلكنكما في الشاطيء الآخر الذي نعتقد انه ديمقراطي سواء أتحزبتم أو لم تتحزبوا و(تمنبرتم فورولياً أو لم تتمنبروا.)
سأعود
ويا أخ اسامة لابد أن نسمع منك ومنهم ومن السودانيين بباريس ممن اشرت إليهم : ما الذي جرى؟ |
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: سامي صلاح محمد)
|
Quote:
علي الاقل هذا فهمي لحديثك و لم المح انك تغمز محسن في ذلك علي العكس فهمتها في إطار اللوم لمحسن علي الملأ في تجنبه المتواصل عليك. ودي من بركات الفنان حسن وِزة بالمناسبة انو وسع دوائر الإحتقان و اسه نايم و عاااارف الحوت فاسي وين.
طارق أبو عبيدة |
يا النبي نوح القارئ اللوح.
أعتقد أن (تجنبه) المقصود بها (تجنيه)!؟ ياتو تجني يا صديقي العزيز طارق، إنت متابع وألا كلامك دا شهامة منّك ساااكت على حسابي أنا!؟
ادرس ما تود قوله يا فردة، عشان ما أجي أردمك، وأخلي عودك ريحتو نمل نمل لوووول.
هسّع في ذمتك، حسن موسى دخلو شنو في الحكاية دي!؟
عليك الله قصتي مع بشرى دي، حسن موسى دخلو فيها شنو!؟ لمّن يعرف الحوت فاسي وين وألا هارِّي كيف!؟
يا أخوي أنا بقيت أحسب لليوم الممكن أختلف معاكم فيه كرفاق، يعني زي كلامك دا ممكن يتقال عني عاادي بسبب بلا سبب. إنت وصاحبك بشرى دا، بتتونسوا ساكت، وممكن تقولوا أي كلام، مش!؟
زي ما قال الزول في نكتة إمام الجامع، حقو الواحد يحسب كلامو.
بتقول براك ما عارف البيناتنا، ما بتعرف!؟ كويس، بس زح ما تتحشّر وتحكم بيناتنا كمان، وتقول تجني متواصل! شايف جُملك دي بتقول في شنو وألا بتخبت ساكت!
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: محسن خالد)
|
أيقنتُ مثلى مثل غيرى عند ولوجى للبوست... أن "قصى مجدى سليم" قد تم إقصاءه وعادة ما يكون الإقصاء .... عند ملوكــ الطرف الآخر
مصحوباً ... بإثبات تجنيه على "اُستاذ حسن موسي" أو نجاة بولا ... أو كلاهما ...شئتم أم أبيتم يدور فلكــ ذلك الطرف الآخر حول هذه الأسماء
وذلك لمن يتابع ... حالات الإقصاء ... المتراكمة فى الطرف الآخر ...
لا أدرى ربما لم نكُن كتاباً... ونُحب أن نسير فى هذه العوالم الإفتراضية بعيدين كُل البُعد عن الكتابة ... وناس ونسة سااااى
لكن لا يمنع ذلكــ.... رثاءنا لحال العوالم التى يراها البعض فينا ... مثقفة وديموقراطية ....
أو التى يقولون عنها ذلكــ.... شريطة عدم "المساس" بشخصين أو ثلاثة ...
المصيبة البوست دا فى النُص عرّج ...لحاجة مهمة ... مفروض أنها تكون نواة لعمل صفحات لكُتاب سودانيين بعيداً عن تعنتات ما يسمى بالإدارات المثقفة المُنحرفة
ـــــــــــ
ويا قصى ... أخير ليكــ كدا .... صدقنى
:) :) :) يا جوااااط
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: محسن خالد)
|
ده شنو يا محسن البتقول فيهو ده ؟ مالك يا صاحب عاوز تبقينا صغار قدام الناس و نبقي في محسن ردم طارق و طارق ردم محسن ؟ كلامو اظنو واضح كان . انا لا علم لي بجذور خلافك مع بشري لكني قلت الشفتو في البوست ده حسب طلب بشري و شفت برضو كلام بشري في حسن موسي و شرحتو حسب فهي ليهو . انا ما مطالب يا محسن انو اتابع خلافاتك مع بشري ولا اتابع خلافات حسن زاتو مع بقية الخلوق دي انا مطالب بموقفي مما يحدث امامي و في ده يقول رأئي ليك كصاحب او كزميل منبر (اعتقد انو نقد موقف الصاحب كريديت ليهو موش ضدو).
يا محسن ما تحسب ساكت انا لو عندي خلاف معاك بقولوا ليك زي ده ما بقولو وراك و كان بعد ده داير تحسب احسب فوق عدلك , بشري زي ما هو صاحبي انت برضو صاحبي و نحن ناس كبار , كبار بحجم انو ما بنحابي بعض ولا بنتكلم فوق ضهر بعض لانو مافينا واحد كلنا بتنقصو الشجاعة انو يقول كلامو للتاني بشجاعة قدامو. كان عندك خلاف مع بشري تابعوهو لكن ما ترمي لي كلام ناشف زي الرميتو و مشيت ده انا بعرف الصحبة كويس و ما بعرف النفاق .
Quote: الدكتور حسن موسى نفسه وهو بالمناسبة شخص لديه اسهامات لا تنكرها في مجال الفنون التشكيلية -هو فنّان ضخم في هذا المجال وإن كنت أنتقده دائماً بأنه ينطلق في فهمه للعالم من مركزية التشكيل بما يجعل علاقته بالفنون الأخرى كالشعر مثلاً علاقة نفور وركل من خانة الفنون الابداعية مرة واحدة تارةً وقبول على مضض تارة أخرى..
|
بالمناسبة يا محسن كلام بشري اعلاه عن مركزية التشكيل عند حسن برضو انا فهمتو في سياق آخر (اظنك انتقدتها من باب خطاء مصطلح ), مركزية التشكيل الوصف بيها بشري حسن موسي تُفهم عندي في سياق جملتها انو حسن ينظر للعالم من منظار التشكيلي مثلما ينظر الموسيقي للعالم من منظار الموسيقي و المسرحي و الكاتب و القاص و الخ الخ , كل ينظر للعالم و يشكل مساهماته الإبداعية وفق منظارو ده و إن كنت أختلف مع بشري في علاقة النفور التي وصف بها علاقة حسن او المبدع في العموم بضروب الفنون الاخري , العلاقة في تقديري ليست نفور لكنها امر واقع انك تستند علي جناح إبداعي و لا تستند علي الاخر لعدم إلمامك التام بيهو (لا اريد ان اقول جهلك بيهو) او اي اساب اخري علي شاكلة الاهتمام او غيرو لكن في العموم وجدت ان بشري ادري بلحم حسنو فهما اصدقاء و يعلمه اكثر مني لذا آثرت الصمت علي التعليق.
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: Bushra Elfadil)
|
سلامات قصي و ضيوفك
ياخي اعفي لي انا و اصحابي محسن و بشري علي الضباب الغطي بوستك ليوم امس , زي ما عارف كلنا مرات نفسنا ببقي حار لسبب او لآخر , فيا اخوي امسحها لي انا في وشي الشين ده و خليني ابشرك و ابشر قراء بشري الفاضل و محسن خالد انو المناكفات اعلاه ستتوقف نهائيا, (حدث هذا بعد تلفونات مع الفنانيين ديل قبل شوية) و انا بكتب في الكلام ده اسه هنا عشان اشهدكم معاي عليهم.
اها شاهدين ؟
قولوا شاهدين عشان نرجع لي موضوع البوست الرئيس
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: خدر)
|
يعني خلاص؟!! أروح؟؟
(من شاهد ماشفش حاجة)
بس أنا خايف ابدأ أكتب يجي واحد يسألك إنت ولا بشرى ولا محسن وإقول:
هو البيه معاكو
:) :) :)
زي ما قلت لي دكين أنا بفكر جادي أقطع راس البوست وأعملو جامع.. لكن شايف ناجي قال لي كده أحسن ليك، وبراني بي جواط..
والحق أقول أنا سعدت -بعض الشيء- بهذا الإيقاف القسري ومعاهو up للبوست لأني مزنوق لي في شغل لما ما قادر أحك راسي..
وجاي بي رواقه للبوست.. ولي ناجي.. (وللنذير النزير) تحديداً.. ثم لكل المتداخلين بالتفصيل..
يا خدر ما تنسى التلفون
| |
|
|
|
|
|
|
|
|
|
Re: أيْ يا حكم..ضربني في الأنكل. إلى حسن موسى "بتاع الوزة"-يا خدر الشافع الجواط نهرنا (Re: Hussein Mallasi)
|
Quote: هذا بينما اتفق مع إدارة الموقع –و اختلف مع الراحل قصي سليم- في مسألة الحوار هنا مثلا مع المنتسبين للنظام، فهم من أذّنوا بالحرب و العداوة، و لست من أنصار شريعة الحوار من يصر على استكباره و ما اقترفت يداه فهذه بلاهة في نظري، ربّما اتفهّم الحوار مع حزب النظام كمؤسسة سياسيّة ضمن شرط سياسي ما.
والتفصيل لاحقاً |
في هذه النقطة اتفق مع محمد حسبو فيما عدا كلمة الراحل يا قصي، وبالتالي اتفق مع إدارة فور أوول إذ كيف تدعو للحوار مع المنتسبين للنظام واظن حسبو لطفها شوية فانت هناك تحدثت عن رموز النظام ووصلتها تاريخياً لحدي هتلر ذاتو.
---------
كلمة الراحل دلالتها لا تسمح باستخدامها هنا فقصي لم يغيبه الموت كما لم يرحل من تلقاء نفسه
| |
|
|
|
|
|
|
|
|
|
Re: الوقوع في الإفك الحسني.. أو إذا جاءكم فاسق بنبأ فتبينوا (Re: قصي مجدي سليم)
|
أخي الشديد قصي سليم
أرجو أن تجد لي العذر إن نسبت إليك موقفا غيرما صرّحت به، و بعد الاعتذار أوضح أنّ سبب الخلط ربّما كان حوارنا الشفهي الذي أشرت إليه أنت، ففي حدود عدم الاعتراض أنا شخصيّا لن اعترض لو قبلت إدارة أي موقع في عضويتها منتسباً للنظام، لكن لن أشارك معه في حوار و لن أظهر له مودّة، هذا ديدني على الأرض و حتى هنا و منذ سنوات و المكان فيه من الكيزان من فيه أنا لا أحاورهم في شيء و لا يجمعني معهم جامع، إذن ما أعيبه على الكثيرين هو مواددة عناصر المؤتمر الوطني و جهاز أمنه، حتى على مستوى مبادلتهم السلام و هذه غفلة و بلاهة و إغراء بالمزيد، لذا يحصل شعبنا أيضا على الحكومة التي يستحقها. مقاطعة هؤلاء بكل أشكال المقاطعة هو في رأيي واجب أخلاقي و كذلك هو سهم في إدانة النظام و عزلته، لو كان شعبنا يعي مثل هذه الأشياء بشيء من النضج لما عانينا كثير مما نعانيه.
أعرف رأيك بشأن الحوار، لذلك قلت إنني اختلف معك، و الاختلاف معك رحمة يا قصي كونه يضع المرء في موقع محاججة تدفعه لتجويد آرائه و تفضي فيها بشيء من علمك و سماحته، لكن أرجوك التمييز بين ما نقوله بشأن منتسبي المؤتمر الوطني كنظام عقيدته الإقصاء و التسلّط و الجور، و بين موقف الأستاذ محمود –الذي أيضاً رفض التقاضي أمام محكمة و قضاة وصفهم بالضعف الأخلاقي و خدمة النظام- في شأن حقّه الشخصي من موتور هاجمه، موقف الأستاذ في ظني ينسجم مع شخصيته و وعيه القيادي، الذي يؤهله للنظر في عاقبة الانجرار وراء غضبة تلاميذه و كذلك ليميّز عاقبة التسامي و التسمّح إزاء هذا الموتور، على الأقل ما دام العدوان على حقّه الشخصي، و لستُ أدرى منك بمراد الأستاذ بالطبع.
الحوار مع النظام، أو حزب النظام، كمؤسسة، له قياس مختلف و قد تحتمه ترتيبات سياسية لا يمكن معها أن تتخذ مؤسسة معارضة موقف المقاطع، و ذاك درب آخر..
تحياتي يا دكتور بشرى الفاضل
مفردة الراحل هنا من قبيل "روح الدعابة" لا أكثر، فلك العتبى إن كانت غير موفّقة، و اعتذر للأخ قصي.
.
| |
|
|
|
|
|
|
|
|
|
Re: الوقوع في الإفك الحسني.. أو إذا جاءكم فاسق بنبأ فتبينوا (Re: محمد حسبو)
|
أول حاجة يا حسبو..(ولاحظ إني فضيت الآن من الشغل، صرخت إميليا التلب رافعة يديها:آم دن.. أشرت لها بيدي ضاما إبهامي على بقي أصابعي أن إصبري.. كتبت آخر كلماتي ونططت معها صارخاً آم دن تو)..
اها يا حسبو ياخ البينا أكبر من الإعتذار.. وأخوك فهم موقفك تماماً وعشان كده كتبت فوق (الوقوع في الإفك الحسني) هو عليك الله منبر فيهو حسن مالو لو دخلوا فيهو "الطيب مصطفى"؟ ولا نافع؟ إنت قايل البعمل فيهو حسن (من جلافة، وتشويه، وديكتاتورية) بقل عن البعملوا أي بتاع أمن في الدنيا؟!!! غايتو لو ما شايفين حجم الكارثة الحسنية -أو زي ما قال صديقنا البرنس من قبل- قطار حسن المولول- فدي تبقى كارثة كبرى (إقرأ كبري)..
ولأني فهمت موقفك بديت (لو راجعت فوق) بي كلامك السمح بتاع إنك مختلف مع قرار فصلي الخ..مع إنو مكتوب آخيرا.. لكن مداخلة عزيزنا بشرى هي الأمرت بتعجيل المحتوم..
| Quote: أرجو أن تجد لي العذر إن نسبت إليك موقفا غيرما صرّحت به، |
نعم أجد ونص وخمسة.. لكني أختلف مع سبب الخلط:
| Quote: و بعد الاعتذار أوضح أنّ سبب الخلط ربّما كان حوارنا الشفهي الذي أشرت إليه أنت |
سبب الخلط هو التدجيل والإفك الحسني.. الذي من بؤسه يحمل (صليبه) (شأن ديجانقو في الفلم) ويخرجه لي في كل بوست.. من الوزة الى هنا..
(انت قلت وقلت وقلت وقلت.. والدليل أهو..) وأوووع يتقيأ لي خيطاً أبحت أعرفه بكل علامات ترقيمه.. خيط واحد بائس.. الظريف إنو آخر مرة طلّع ليهو خيط تاني.. ياللبؤس..هسي ده القدرت عليهو؟!! ياخ أنا أخدت لي غطسة صغيرة مرقت ليك بي عشرين خيط كلها تنضح بؤس وجلافة..
هذا التضليل الحسني هو ما ساقك للأمر.. وأنت تعلم رأيي، وأنا أعلم رأيك، ولكنا ما اختلفنا في حرية اعتناق اراءنا وحقنا في الإختلاف..
أنت تقول أنك لن تعترض على منح أي منبر عضويته لأي شخص، وهذا جوهر الديموقراطية، ولن يجبرك أصحاب المنبر على محاججته ومجادلته لا بالتي هي أحسن أو التي هي (حسن موسى).. هذا ما قلته أنا بالضبط.. قلت فيما يخصني أنا فإني غير ممتنع وغير معارض.. وزدت فيها بأن لي حقا ديموقراطيا في الا أمتنع عن مناقشتهم كما لك حق في الإمتناع..
هذا ما توافقنا عليه وفهمته أنت وقصدته انا.. ولكن..
حسن ماله؟!!
لقد استخدمت معه منهجا هداني له ربي فقال لي (خذ العفو وأمر بالعرف وأعرض عن أمثال حسن) فوجدته يدخل علي أول ما دخل بقطاره المولول وجلافته الناضحة فقلت في نفسي(إحترس)! وأحترسته ما وفقني ربي، ثم أراد لي له الإجلال والإكرام أن ادخل في التجربة، هذا بالرغم من دعائي المستمر (الهي لا تدخلني في التجربة، ولكن نجني من حسن موسى) الا أن له في خلقه شئون.. وشأنه معي أن أدخل في التجربة.. فدخلناها على أمل أن نلاقي جلفا صادقا، فوجدنا الأمر أكبر وأخطر.. والحق أني دهشت في البدء من عدم الصدق، وما توقعته من حسن!! أحسن يفعل مثل هذا!! آلحسن صاقعة النجم!! ويحك يا فتى، أما وجدت لي منفذا غير الكذب؟!! والإفك؟! والإدعاء؟!! ثم يسائلني: (درس شنو الانت جاي تعلموا لينا).. درس الصدق ياحسن، درس أن تمتحت ما تقوله عمليا، ودرس أن تفكر كما تشاء وتقول كما تفكر وتعمل كما تقول، درس أن تكون حراً لا عبداً، درس أن تتحمل نتيجة قولك وفعلك، ودرس الأمانة وتحري الدقة والنقل...
بالطبع فإني لم أعلق على ما كتبه وأفرده من بوست لمصطفى مدثر.. كان بين الخطل والتنطع الأعمى بإستعمال كلمات وحشية، وكأنه يريد أن يداري حمقه بظن الناس، ولقد قلت له من قبل ما قاله سيدي ابن عطاء الله السكندري في حكمه: (ما غادر من الجهل شيئا من ترك يقين ما عنده الى ظن ما عند الناس).. ورغم هذه الكلمات الرنانة التي تنتمي لما قبل العصر الجاهلي تراه يعجم عن فهم بيِّن القول، وعندما إرتد عليه المدثر (عافي منو) علموا ليك عربي ودين!! عربي بشرحه المستفيض لجملته نحوا وصرفا وبلاغة.. ودين بأمرين:
أولهما: القول الصمد في شرح سورة المسد
وثانيهما: الصدق يا حسن.. أنا ما صاحبك ولا حاجة، وانا ما لاقيتك غير مرة واحدة بس.. من وين ليك صاحبنا دي؟!!
آآآآ؟؟؟ من وين يا حسن؟؟!
هل بعد ده يا حسبو ده زول يشيلو منو حديث.. ده حسب منهج البخاري (مجروووووووح)
جاااي تاني
| |
|
|
|
|
|
|
|
|
|
Re: الوقوع في الإفك الحسني.. أو إذا جاءكم فاسق بنبأ فتبينوا (Re: قصي مجدي سليم)
|
نواصل مع أخينا النذير:
| Quote: أنا عضو بسودان فوور أوول وبعتبر نفسي عاقل، وعندي لوائح وقوانين لازم احترمها وهذا ما أفعله في حياتي في المنابر أو في الحياة الطبيعية، احترم القوانين وأمشي عدل، أو زي ما بقولوا أهلنا "أمشي عِدل يتحير عدوك" |
وهنا يطرأ سؤال بسيط.. هل إقترف "قصي" ما يخرق قوانين "منبر سودان فور حسن".. هل كلمات "قصي" من القسوة بحيث تتضائل أمامها شتائم "حسن"..(والحق فإني أنصح بمراجعة بوست ملاسي المعنون بهيهات، وهو بأرشيف سودانيز أونلاين لكي تتعرف بحق على ما لا تعرفه عن حسن جلافته وسوء خلقه وكلماته)..
والسؤال الحق هو: هل حقاً ما يحدث في فور أول إحترام للقانون، أم خوف من سلطة أفراد يديرون القانون!! اللهم إني وفي ما يخصني أحترم قانون أي منبر، حتى إني على إستعداد لمفارقة هذا المنبر لمجرد شعوري بأني لا أحترم قانونه بوجودي، ولقد فعلتها في "خير منابر العالم" (حسب تصنيفي الشخصي) ومستعد لعلها ثانية وللأبد، ولكني لن أتهاون في أمرين (في الدفاع عن حقي، وفي الدفاع عن الآخرين)... في الأعوام التي أقيل فيها أنور، ثم محسن، كنت بعيدا عن مدخل للإنترنت، ولظروفي الخاصة في تلك الفترة فإني مما استطعت التداخل الا لمرات قليلة كما هو واضح (من عتالة حسن موسى المستمرة لمداخلتي) وبعدها سافرت الى مدينة الأبيض وانقطعت عن النت لفترة، وعندما عدت وجدت الحملة (المكارثية) قد إنتهت ولم اشأ أن أشوش على الناس بنبش الماضي، ولكن في أول سانحة تم فيها فتح الموضوع (موضوع الوزة) ففإني ما قصرت في كشف زيف ما ذهب اليه (حسن) وما قاله وما فعله..
هذا هو ديدن المنابر.. وهي وسيلة للتواصل والتعبير الحرين، وإذا فقد المنبر ميزة الحرية فهو لن يرقى لخلق التواصل بين الناس ونشر المعرفة والثقافة الحقة..
إن الإدارة لا تضيق بخرق القانون، إنها تضيق بمبدأ الديموقراطية.. وأتحدى أي شخص يخرج لي كلاما غير مسموح به في أهون ديموقراطيات العالم، فما نشأنا منذ أن أخرجتنا أمهاتنا على رمي الكلام جزافا، ولا على الهروب من مسئولية القول حتى نلقيه على عهوانه، ولا على فقد الأخ والأب والصديق الناقد حتى لا نجد من يقوم ويهذب سلوكنا..
إنه لمن البؤس أن يعنينا قاصد (بسوء الخطاب، أو سوء الخلق الكتابي) وإنه لمن البؤس أن تمر هذه الفرية على عباد الله فيصمتوا عنها...........
التحية والسلام والإجلال لمصطفى مدثر.. من سلّم على (فاغري الأفواه دهشة، ومفغروها)... ومن ضرب في الأنكل ضربة موجعة كشفت الزيف والتمسح الحسني.. الذي ظنناه يحب فقط الجلافة، فصار في آخر أيامه يحب (المداهنة).
| |
|
|
|
|
|
|
|
|
|
Re: الوقوع في الإفك الحسني.. أو إذا جاءكم فاسق بنبأ فتبينوا (Re: قصي مجدي سليم)
|
الأخ العزيز قصي
تحية المودة والتقدير
| Quote: ما يزعج في كتابة الأخ النذير هو أنها لا تفصح عن موقفه بالتحديد ولا تبين إتجاهه الذي يريد أن يذهب!! هي كتابة مزعجة، شأنها شأن صمت الصامتين في منبر "سودان فور حسن"، ذلك الصمت الذي لا تستطيع أن تتبين في أي الإتجاهات يضرب (الخوف، الموافقة، الرفض، الصبر)؟!!!! |
أشكرك على التريث في الرد، وأشكرك جداً على هذا الرد الراقي المرتب، وآسف والله على إزعاجكم بمداخلاتي، وفي هذه الخيارات التى أوردتها، لم أجد خياراً واحداً يمثل موقفي الحقيقي ولكنه للرفض أقرب، والذي سأبينه: فأنت والأخوين خالد بحر ومحسن خالد، تريدون استبياناً، عن مواقف أعضاء منبر سودان للجميع من توقيفك، ولكن يا قصي البوست الذي فُتح بخصوص توقيف عضويتك، فهو بوست إعتراضي للإدارة، وليس بوست للاستبيان، وإذا ما فُتح كاستبيان مثل "استبيان: هل توافق أو لا توافق على توقيف عضوية قصي مجدي؟" فستجدني أول من يقول لا أوافق، وكذلك ستجد عدم موافقة معظم أعضاء منبر سودان للجميع تترى. أما بخصوص الإزعاج في مداخلتي، بصراحة قد علمت بالصدفة من الفيسبوك بنبأ توقيفك، وقرأت بعض مداخلات أصدقائك، واخترت منها الإبتسام، وأأسف إن كانت قد أزعجتك.
| Quote: والسؤال الحق هو: هل حقاً ما يحدث في فور أول إحترام للقانون، أم خوف من سلطة أفراد يديرون القانون!! |
يا قصي ما تنسى أيضاً عامل الاحترام والتوقير، وأنا مثلاً أكن لإدراة منبر سودان للجميع كل التقدير والاحترام، وبالأخص الأستاذة نجاة محمد علي، فهي تتعامل مع أعضاء المنبر بكل احترام ورقي، إن لم يكن في العام ففي الخاص، وأعتبرها صديقة، وعني شخصياً ليس من السهل لي أن أخسر أصدقائي بسهولة، فكما تعلم بأننا كسودانيين لا نرَ أبداً عيوب أصدقائنا - إن وُجِدت. فلي أصداقاء كُثر أعرفهم عن طريق النت لأكثر من عشرة أعوام (من منتدايات البالتوك الصوتية)، وما زلت وما زالوا على عهدي بهم على الرغم من إختلاف الرؤى.
| Quote: إن الإدارة لا تضيق بخرق القانون، إنها تضيق بمبدأ الديموقراطية.. وأتحدى أي شخص يخرج لي كلاما غير مسموح به في أهون ديموقراطيات العالم |
يا قصي في الديمقراطيات يجب عليك أيضاً احترام رجل القانون، من أصغر عسكري إلى رئيس الهيئة القضائية، فعلى المرء بجانب احترام القانون عليه أيضاً احترام رجل القانون. حاول يا قصي أن تفتح غرفة على البالتوك أو منبر كتابي وأن تكون آدمناً فيه، وعش تجربة أنك آدمن، وعليك الله شوف مقدار الأذى الذي يلحق بك من قبل الأعضاء، فقط لأنك آدمن، لا غير.
تقبل فائق تقديري
وكل احترامي
| |
|
|
|
|
|
|
|
|
|
Re: الوقوع في الإفك الحسني.. أو إذا جاءكم فاسق بنبأ فتبينوا (Re: النذير حجازي)
|
| Quote: يا قصي ما تنسى أيضاً عامل الاحترام والتوقير، وأنا مثلاً أكن لإدراة منبر سودان للجميع كل التقدير والاحترام، وبالأخص الأستاذة نجاة محمد علي، فهي تتعامل مع أعضاء المنبر بكل احترام ورقي، إن لم يكن في العام ففي الخاص، وأعتبرها صديقة، وعني شخصياً ليس من السهل لي أن أخسر أصدقائي بسهولة، فكما تعلم بأننا كسودانيين لا نرَ أبداً عيوب أصدقائنا - إن وُجِدت |
منطقك غريب يا نذير ما قادر افهمو
قصدك انو الإختلاف مع احدهم يعني عدم إحترامك ليهو؟
برضو شامي في كلامك ريحة انو انت اصلا مختلف لكن تأدبا ما عاوز تصرح بإختلافك
منطق غريب
| |
|
|
|
|
|
|
|
|
|
Re: الوقوع في الإفك الحسني.. أو إذا جاءكم فاسق بنبأ فتبينوا (Re: خدر)
|
Quote: منطقك غريب يا نذير ما قادر افهمو
قصدك انو الإختلاف مع احدهم يعني عدم إحترامك ليهو؟
برضو شامي في كلامك ريحة انو انت اصلا مختلف لكن تأدبا ما عاوز تصرح بإختلافك
منطق غريب |
العزيز الفنان طارق أبوعبيدة
تحية طيبة
ياخي إنتو خاتني في كرسي الاعترافات وللأ شنو
لأ أبداً بالطبع لا أقصد الإختلاف يعني عدم الاحترام، ولكن عليك نور
والله كلمة تأدباً دي وقعت معاي في جرح، وبفتش لكلمة زي دي وما لاقيها
وبمناسبة الإختلاف، لازم أكون ملم بكل التفاصيل المختلف ليها، ثم تكوين
رأي عنها، ثم بعد ذلك أحدد موقفي أمتفق أم مختلف؟ بصراحة طبيعة عملي
وزمني لا يسمحان لي بالإلمام بكل التفاصيل، ولذلك أفضل النأي عن الصراعات
مع إدارة سودان للجميع.
تحياتي ليك يا ملك
| |
|
|
|
|
|
|
|
|
|
Re: الوقوع في الإفك الحسني.. أو إذا جاءكم فاسق بنبأ فتبينوا (Re: النذير حجازي)
|
سلامات يا نذير
انا ممكن اكون فاهم موقفك مع اني مختلف معاهو , لكن خليني اسألك , طالما انت ما عندك زمن ولا جهد كافي عشان تتابع ما يحدث , اعتقد يا نذير انو من غير اللائق إستخدام كلمات علي شاكلة (اي زول برفدوهو من فوراوول يجي يولول هنا ) و بالمقابل تحتفي بأهل فور اوول خوفا من ريشة حسن وزة !!! إحترم من تشاء , ذلك خيارك ولا راد لامر الله لكن لا تسخر مما يحدث هنا فسخريتك تلك هي عنف لقظي يتساوي عندي و عنف إدارة فوراوول في سنسرة كتابات او فصل عضويتها لإختلافها معهم. فالاحترام يا صديقي ليس لكبار السن فقط ,الاحترام و التأدب سلوك كامل.
ولا شنو يا فنان ؟
مودتي
| |
|
|
|
|
|
|
|
|
|
Re: الوقوع في الإفك الحسني.. أو إذا جاءكم فاسق بنبأ فتبينوا (Re: النذير حجازي)
|
Quote: سلامات يا نذير
انا ممكن اكون فاهم موقفك مع اني مختلف معاهو , لكن خليني اسألك , طالما انت ما عندك زمن ولا جهد كافي عشان تتابع ما يحدث , اعتقد يا نذير انو من غير اللائق إستخدام كلمات علي شاكلة (اي زول برفدوهو من فوراوول يجي يولول هنا ) و بالمقابل تحتفي بأهل فور اوول خوفا من ريشة حسن وزة !!! إحترم من تشاء , ذلك خيارك ولا راد لامر الله لكن لا تسخر مما يحدث هنا فسخريتك تلك هي عنف لقظي يتساوي عندي و عنف إدارة فوراوول في سنسرة كتابات او فصل عضويتها لإختلافها معهم. فالاحترام يا صديقي ليس لكبار السن فقط ,الاحترام و التأدب سلوك كامل.
ولا شنو يا فنان ؟
مودتي |
سلام يا طارق يا فنان
أولاً يا طارق كلام إني خايف من ريشة الدكتور حسن موسى، دا كان إنطباع أولي، ولا وجود له الآن، وبعدين الواحد
جلدو خشن من كترة المهاترات هناوبقى ما شغال بالفارغة كتير. وبعدين يا طارق حكاية يولول الزعلتك دي، أمين محمد سليمان
برضو كتبهابصيغة أخرى وأظنه قال التباكي، فهو ليس رأي نفرين فقط فأظنه رأي السواد الأعظم من القراء، وأيضاً معظم القراء ليس لديهم
زمن لمتابعة كل الأمور التى تدور في منبر آخر، وهذا ما أعتقد بأن الأستاذ قصي مجدي سليم قد أنتبه له وحاول أن يحيط القارىء بخلفية
كاملة عن الصراع، وأظنه قد نجح في ذلك. وآسف على كلمة "يولول" إذا ما شفت فيها عدم احترام.
تقبل فائق تقديري
وكل احترامي
| |
|
|
|
|
|
|
|
|
|
Re: الوقوع في الإفك الحسني.. أو إذا جاءكم فاسق بنبأ فتبينوا (Re: Hussein Mallasi)
|
أعتقد أن هذه عبارة ذهبية من الدكتور بشرى الفاضل في حديثه عن الحبيب محسن...
| Quote: .اعتقد الآن انه يبدد مواهبه وطاقاته الابداعية في طراد لي ولغيري لا طائل منه |
وممكن إضافة أسم محمد الحسن سليمان مثلاً ما بين لي وقبل لام لغيري!
بارك الله في من أهدى إليّ عيوبي...
_____________
والله يا النذير يا أخوي، بمنطقك ده كان سيدنا إبراهيم مع أبوه في لظى!
في رسالة حايمة في الإيميلات عن غلام كدة بيغالط الحجاج بن يوسف، ما مرّ عليك؟
| |
|
|
|
|
|
|
|
|
|
Re: الوقوع في الإفك الحسني.. أو إذا جاءكم فاسق بنبأ فتبينوا (Re: AnwarKing)
|
Quote: والله يا النذير يا أخوي، بمنطقك ده كان سيدنا إبراهيم مع أبوه في لظى!
في رسالة حايمة في الإيميلات عن غلام كدة بيغالط الحجاج بن يوسف، ما مرّ عليك؟ |
العزيز أنور تحياتي، يا أنور سيدنا إبراهيم عليه السلام، كان بحاجج أبيه بالكلام المباشر
وليس بالكتابة، الكتابة دائماً قاصرة، وليس كل الناس تعرف أن تعبر عنها، فخذ مثال لما
حصل في هذا البوست مابين الفنان طارق أبوعبيدة ومحسن خالد و د. بشرى الفاضل، فقد إختلف
بعضهم على بعض بسبب الكتابة، وحلوا المشكلة بواسطة التلفون، فأنا أختلف مع أصدقائي في
الخاص أو التلفون وليس في العام.
تحياتي
| |
|
|
|
|
|
|
|
|
|
Re: الوقوع في الإفك الحسني.. أو إذا جاءكم فاسق بنبأ فتبينوا (Re: النذير حجازي)
|
Quote:
العزيز أنور تحياتي، يا أنور سيدنا إبراهيم عليه السلام، كان بحاجج أبيه بالكلام المباشر
وليس بالكتابة، الكتابة دائماً قاصرة، وليس كل الناس تعرف أن تعبر عنها، فخذ مثال لما
حصل في هذا البوست مابين الفنان طارق أبوعبيدة ومحسن خالد و د. بشرى الفاضل، فقد إختلف
بعضهم على بعض بسبب الكتابة، وحلوا المشكلة بواسطة التلفون، فأنا أختلف مع أصدقائي في
الخاص أو التلفون وليس في العام.
تحياتي
|
والله يا النذير يا أخوي، ممكن أعتذر أو أتعذّر بأنو كتابتي قاصرة عن إيصال المعنى المقصود في لحظة ما أو موقف ما،
لكن ما بخلي التلفون هو الوسيلة لتوضيح ما خطّه كي بوردي هنا...وإلا فيجب علي إسقاط أحد الوسيليتين من حسابتي (كي بورد أو تلفون)،
أو في الحالة الثالثة بيكون كلام أستاذ مصطفى مدّثر وافق مكانه في الشخص المعني....وما أجمله من تعبير والله...وماله إذا كتب؟!
المهم يا عزيزي النذير تصريحك السابق بخوفك من التصاوير بتاعة د.حسن موسى...يضعك في خانة الخائف من المجد...أليست التصاوير
بأحفظ لما تكربه من البشر؟
على وزن قول نجيب سرور في الحجر!
لا أخفي عليك خلعتي حينئذ...إلا أنني بدأت أفهم بعدها بقليل...أنو التصاوير ليست كلها شرّ طالما تزاوغ د.حسن موسى من الحديث
عنها عند زيارته السودان...أحيّ أنا!
| |
|
|
|
|
|
|
|
|
|
Re: الوقوع في الإفك الحسني.. أو إذا جاءكم فاسق بنبأ فتبينوا (Re: AnwarKing)
|
Quote: العزيز أنور تحياتي، يا أنور سيدنا إبراهيم عليه السلام، كان بحاجج أبيه بالكلام المباشر
وليس بالكتابة، الكتابة دائماً قاصرة، وليس كل الناس تعرف أن تعبر عنها، فخذ مثال لما
حصل في هذا البوست مابين الفنان طارق أبوعبيدة ومحسن خالد و د. بشرى الفاضل، فقد إختلف
بعضهم على بعض بسبب الكتابة، وحلوا المشكلة بواسطة التلفون، فأنا أختلف مع أصدقائي في
الخاص أو التلفون وليس في العام.
|
وان لم يستطيعوا التعبير في التلفون فيجب ان نهيء لهم لقاء ربما في لاهاي..تصور يا انور الناس ديل انا كنت قائل شغلتهم الكتابة...النزير ده بفهم بي وين.
| |
|
|
|
|
|
|
|
قصي مجدي سليم
قاسم المهداوى
Hussein Mallasi
)
الفاتح علي التوم
أمين محمد سليمان
النذير حجازي
خدر
طه جعفر
محمد عبد الماجد الصايم
تبارك شيخ الدين جبريل
GamarBoBa
Rawia
عبدالوهاب علي الحاج
osama fadlalla
Bushra Elfadil
Elmosley
محسن خالد
AnwarKing
خالد خليل محمد بحر
وليد محمد المبارك
عبدالله الشقليني
احمد ضحية
الملك
محمد حسبو
فيس بوك
تويتر
انستقرام
يوتيوب
بنتيريست