نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: ناس الزقازيق ... أجدع ناس (5) (Re: أحمد إسماعيل)
|
مساء الخير ،،، يا وجوه الخير
موقع جديد وسهل وسريع يجعل كل ناس الزقازيق
بعد سودانيز أون لاين والفيس بوك بإسم
ناس الزقازيق أجدع ناس
على الهواتف الذكية مع برنامج WhatsApp
وقد تم تسجيل مجموعة كبيرة يوم أمس الجمعة
الرجاء إرسال رقم جوالك إلى هاتف عصام دهب
وهو سوف يقوم بإضافتك إلى قريب - ناس الزقازيق أجدع ناس-
تعيش التكنلوجيا
| |
 
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
بيوت السكن الشعبي العامر غشة -- بيوت السكن الوطني الفاخر غشة
ومكشوشين في الدين البيّن كشة
ومغشوشين حروب وسلام -- ومغشوشين خدمات إلزام
وجهـادكـم أكبر غشة --- ومغشوشين جامعات أوهام
قارين الطب في خلوة شيخ -- لا معمل لا مرجع لا تشريح
وبكرة الواحد دكتور وعيادة ونفشة -- وأمسك أقطع كبدة وكرشة
وفي زمن الركشة -- لا حاسين بالنار بتبق لاهم ضايقين التشة
لا شايلين هم لي بلد إتفرتق --- لا شايفـين بترول بتدفـق
مشغولين -- ركشات ،والتي شيرتات ، والديجيتالات
ومهللين برصيد وشرايح -- والموبايلات -- والمسكولات
وبالتشكسـات --- والكافيتريات --- والمنتجعات
والنسكافيه -- والنت كافيه ومسلسلات -- وباشا وبيه
ومكتولين ومكتولات وشريعة --- وهم ساكتين تمكين
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
انتظر حاتم جبارة لحدى ما يقرب يسافر
يمكن تطلع ليك بواحد ذكى ...
وبعدين فصول التقوية مكانها الفيس بوك
ممكن تجينا نقبلك مســــتمع ....
مش فى قبول فى الجامعات اسمو ( الناضجين )
خليك نجيض والحق WhatsApp
| |
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
يا شباب الأرشفة يوم 28 ديسمبر
لو ما عينتوا ليكم رئيس جديد للبوست ده
يقوم واحد ليهو ميول عسكرية ويعمل إنقلاب عسكري
وتسمع المارشات العسكرية تضرب
ولا تقوم السلطة تحلى في عين الرئيس الحالي
ويقوم ليكم قراراتكم دي ما دستورية
يلا يا النضيف وين وصلت نهاية التصويت!
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
12\12\2012
تـــــــــاريخ ممــــــــيز لــــــــــــن يتــــــــكرر فــــــــــي حــــــــــــــــياتنا*:
اللــــــــــهم إجعــــــــــــــــــل بهذا التــــــــــاريخ بـــــــــــــــــداية ســــــــــــــــعيدة لـــــــــــحياتنا
اللـــــــــــــــــهم اســــــــــــعد قـــــــــــــــلوبنا بــــــــــــــخير تـــــــدمع لــه اعــــيننا فــرحا
اللــــــــــهم فــــــــرج هــــــمنا واكــــــشف غــــــمنا وأســــــتر عـــــــــيبنا
وضــــــــــــــــــــــاعف أجــــــــــــــــــــــــــــــــــــــــــــــــــرنا
برضــــــــاك ماتـــــقر به اعــــيننا وترضي بـه أنفـــــسنا
إجعـــل الجنة مســتقرا لنـا كمـا جعلت الـدنيا مـمرا لـها
اللــــــــــــــــــــهم أمـــــــــــــــــــــــين.....
صبــــــــــــــــــــــاحكم يــــــــــــــوم ممـــــــــــــــــــــــــيز
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
السلام عليك يا ريسنا ويافارسنا والبوست حارسه وحارسنا
نكمل زمن الركشة بالنهاية ، مافيش حد أحسن من حد قبل كدة نجيلة عملها
في أحلام ظلوط 3 حلقات وإنتهى
الناس الفوق بانيين أدوار عاملين أسوار -- طالعين أحرار نازلين أحرار
خالين الشارع للفايرين زي نمل السكر -- للحايمين زي ك ل ب الحـر
لو ماشين كل الدنيا كراعين ماشـة -- ولو راكبين بتشوف الشارع ورشة
الأمجاد تتراجف زي القشة -- والحافلات في حفر الموية قرينتي وقرشة
وتلقى أمجاد تتنى وناسية قسط البنك الخشة --الطيبين راكبين خازوق --
لاهم لاحقين الناس الفوق ولاهم بالدخل الشهري الممحوق
تامين أقساط البنك الدشّ
بفتاوي شيوخ السوق شيء مضاربة ومرة مشاركة والشيكات تتطاير طاشة
مافيا السوق تتمكن سرقة ولطشة -- آه يازمن الركشة وما أدراك ما الركشة
الركشة تطير وترك محل ما تدور -- في رأس بيت -- أو في أقرب خور
سايطة الشارع زي الكمشة -- والسواق بس كابتن طيارة مهندم وآخر حشة
الطبلون مرصوص --- بالند وسيديهات وفتايل ريحة وفرشة
العجلات تتراقش ركشة -- وكرسي الركاب بس أودة نوم في أحسن فرشة
وتنزل فاطمة وتركب عاشة -- ماشين وين الله عليم -- قروش من وين الله كريم
لا زول سائل --- لا زول مسئول --- لا دهشة تدريب ولا دوشة
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
دعاء الكرب
عن بن عباس ، أن نبي الله ، صلى الله عليه وسلم ، كان يقول عند الكرب
( لا إله إلا الله العظيم الحليم ، لا إله إلا الله رب العرش العظيم ، لا إله إلا الله
رب السماوات ورب الأرض ورب العرش الكريم ) رواه مسلم
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
الريـــس و الزول الكويس
معتصم سلمان و احمد الحاج
واحد ريس شركة ناس الزقازيق
والتانى مؤسس قروب ناس الزقازيق
قياده ورياده ... والاتنين بحراويين
عاشت بحرى ست الطراوة
كل سنة وانتما بألف خير وعافية
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد عيد)
|
كل سنة والحلوين ديل بالف خير
حبوبتي نفيسي بت بغداد جات لقتلها نسوان يكسروا في الطلح..
قالتلهن: الله لا كسبكن...
قالنلها: في شنو يا نفيسي...
قالتلهن: توقدوا في الخرابة دة والرجال الصباح حيضان البرسيم ألاتن تضبلن وماهن قادرين يسقوها
ومبارين الضللة ألات التمُر وصاقعين: واااي يا ركبي واحي يا مخروقتي
جمعة مباركة
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
بسم الله الرحمن الرحيم
أصبحنا وأصبح الملك لله رب العالمين ربنا آتنا في الدنيا
حسنة وفي الآخرة حسنة وقنا عذاب النار
ربنا عافنا وأعف عنا إنك أنت السميع العليم ، وتب علينا
انك أنت التواب الرحيم
ياجماعة الحكاية شنو البوست فاقد السكر ، والملح والبهارات
وين الطاعمين راحوا ، الرشيد بابكر وياسر نجيلة ومحمد صديق
ومنصور عبد الرازق وعمر نملة والنضيف ، إن شاء الله
تجوا عايدين مبتكرين ومتفلسفين وعامرين ومدونيين
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
سلامات يا ناس
Quote: ياجماعة الحكاية شنو البوست فاقد السكر ، والملح والبهارات
وين الطاعمين راحوا ، الرشيد بابكر وياسر نجيلة ومحمد صديق
ومنصور عبد الرازق وعمر نملة والنضيف ، إن شاء الله
تجوا عايدين مبتكرين ومتفلسفين وعامرين ومدونيين |
يا ابو عمر ...سلام
أصحابك ديل قاعدين يفتشوا فى القطرات.
الْلّهم ارزق كل منهم قطرة بحسب اجتهاده.
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
صباح الخير ،،، يا وجوه الخير
دعاء اليوم:
ربنا آتنا في الدنيا حسنة
وفي الآخرة حسنة ،،،
وقنا عذاب النار
++++++++++++++++++
الريـــس و الزول الكويس
معتصم سلمان و احمد الحاج
التحية للريس الكبير معتصم
والريس أحمد الحاج
كل سنة وأنتم بألف خير
وعقبال مائة شمعة.
تنور بيوتكم وأولادكم
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
أصبحنا وأصبح الملك لله الواحد الأحد
عن أبي هريرة قال : قال رسول الله صلى الله عليه وسلم
( كلمتان خفيفتان على اللسان ، ثقيلتان في الميزان ،
حبيبتان للرحمن ، سبحان الله وبحمده ، سبحان الله العظيم)
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
صباحكم خير
التحيه الصباحيه لابو عمروالريس ميسره
والسؤال عن صباحيات الرشيد ( فاتت عليك بشرى).
ياسر نجيله مسجل غيابات خميسيه.
مازال الكوتش يعد في حبيبات المطر واخر مره شفت زول
بعد في القطرات كان رضا ابو رداء(وين الراجل دا) .
منصورمتابع اخبار البورصه ومستبشر بانفراج الازمه الاقتصاديه
في 2013.
طارق جبريل حصاحصو وصل وجع المخروقه( ساتر)
حاتم جباره بقى زي مصطفى سعيد بين السودان والحج وامريكا
النضيف مابين الافران والجزارات بنديه هديه تورتة كراميلا
جلا من طلوعه في المظاهرات ما سمعنا ليه خبر( حالته صاحبه بوليص)
الثريات بعدن اكتر وبقن مريخاب.
زهير الزناتي بين النفافيج خايف يطلع في زقلونا.
ود المهدي قطع الدوبيت والويب سايت.
جادين داخل مفاوضات مع الكوتش في اديس
ووييين البقيه
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
لما تغيب ... مدة
الدخلة بتبقي ... سهلة وحلوة ...
و لما تقرأ المداخلات الفاتتك ...
بتفرح لما تلقي واحدين ... بسألو عليك ...
او لو واحد ضرب تلفون ... يتفقدك ...
فرحان لسؤالكم عني ...
ومبسوط للقائكم ...
==============
والجملة المعهوده على لسان العائدين بعد غيبة ...
" التهاني لكل من له مناسبة سعيدة ... مبروك للناجحين ...
وعيد سعيد للعجايز المولودين في أيام ... غيابنا ..."
================================
بمناسبة قصيدة ابو عمر ...
"طبعا عجبتني قصة الـــ O.K
سواق ركشة قاعد في المطعم طالب ليهو
سمك وفراخ ...
وجنبو سواق تاكسي بياكل في فول سادة ...
سواق التاكسي اتلفت لسواق الركشة وقال ليهو ..
بقيتو تأكلونا فول سادة ساي ...
بتاع الركشة قال ليهو ...
والله لو يفتحو الكباري دي ...
مويه فول ماتلمو فيها ؟!!!! هاهههههههاها
جايكم .... تاني
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
صبحكم الله بالخير
يسأل عليكم الخير جميعا...
كتبت كلام طويل ..لكن لما قريتو مسحتو كلو...
لقيت نفسي نقلت المود بتاعي في كلامي...
قلت الناس ديل ذنبهم شنو تورمهم الورم ده...
لكن ما حبيت أطلع من هنا بدون أن ترك أي آثار...
الى لقاء قريب ان شاء الله...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
الزقازيقاب الحلوين لكم الاشواق تترى بعد طول غياب
نعود عودت القماري لديارها هاشه فالتحية للجميع
و الشكر والتقدير لزقازيقاب الداخل الذين نعجز عن
شكرهم بقيادة الريس معتصم جعفر والكوتش محمد صديق
و الزعيم صالح عبدالرحمن صالح و رجل الاعمال الوسيم
طبعا ما حاذكر اسمه علشان الدراب ما يصلكم بجاي ...!!!!
و الجميل نادر فاروق و الراقيين دوما الدكتور عاطف علي
وجمال علي و الصديق الهادي الكتير بله و الحاق رفعت
العزيز النذير و قاد الاسطول جلا و المعذرة لمن خانتني
الذاكرة فلهم و لكم احبتي عاطر التحايا والاشواق .
و تقبل تحيات زملاء اعزاء انضموا الينا في الرياض اخيرا
1- عبدالرازق سيد احمد و محمود محمد احمد ابوعضل و حلمي
احمد رغم وسوف اقوم بانزال ارقام هواتفهم بعد الصلاة الظهر
انشاء الله
و لكم حبي
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: موسي عيسي)
|
مئة جرام من الزبدة تحتوي على طاقة تعادل ثلاثة أمثال
الطاقة الموجودة في مئة جرام من اللحم .
لعمل الكرواسه من نضيف 600 جرام زبده لكل كيلو دقيق
(دا ما خروف ضحيه عديل كدا) تقول لي جزاره خليك حلوي
يارشيد نقول ليك بشري والله كل انشاف بس اتهلل( ما ليها اي
دخل بالتشجيع) والله منصور وسعيد وانا اشهد اهتمامك 100%
خاصه بالمكالمات التلفونيه.
استبشر خير وما ضاع عسر بين يسرين
ميسي عيسى مرحب بالعوده والعود فانيليا من موريشص
غريبه النضيف ما سال عن اي وصفه يكون بعمل تونا وبيض وفول
سلام كتير لابو رزقه ولكل اللي كانوا شباب
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عمر نملة)
|
العزيز عمر ليك وحشة والله و التحايا للعيال
و الوصفة الفوق دي مسوح و لا شراب !!!!
معليش الواحد جاي خارج الشبكه و كده
الهواتف للشباب سابقا حسب قولك :::
1- رزاق 0548075295
2- ابو عضل 053424472
3- حلمي 0592950581
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: موسي عيسي)
|
سلام للحلوين الزينين ناس الزقازيق
الدخول بقى قاسي وصعيب والأرشفة على الأبواب
وأقترح بعدم الطلب من الأخ/ بكري ابو بكر
نقل البوست للربع الجديد حتى يتم تحويل البوست الحالي
إلى منبر ناس الزقازيق ومن ثم يُتاح للرئيس الجديد أن يفتتح
البوست الجديد بمقدمة وإحتفالات من الجميع بالرئيس الجديد
وعيد الإستقلال ورأس السنة الميلادية والترحيب بالبرالمة الجدد
=================================================
شاعر الزقازيق حسين شنقراي في الفيس بوك
Hussein Shingrai
كل الود والإحترام للأستاذ هاشم صديق والتحية لنضالاته ضد الظلم
والعهود الديكتاتورية والتحية لحسن ظنه في الشعب السوداني الذي
كان معلماً للشعوب في أدب المقاومة منذ المهدي وعلي عبداللطيف وعبدالفضيل
الماظ والقرشي وغيرهم ممن كتبوا صفحات التاريخ بدمائهم الذكية ثم أتي من
بعدهم زرية ضعفاء أضاعوا كل أمجاد آبائهم وأجدادهم ورفعوا الراية بيضاء لهؤلاء
ولأمثالهم أهدي هذه الكلمات وليس تطاولاً علي القامة معلم الشعراء الأستاذ هاشم صديق.
نمرق وين ياهاشم
كلمات: حسين شنقراي
نمرق وين ياهاشم
الشعب إتبوم
وأصبح كاضم
ما ظني يحاجج
أو حتي يناضم
مهما يطعن
فيهو الحاكم
وعهد الردة
الطوًل ظالم
يمرقوا وين ياهاشم
-------
حليل إكتوبر
والناس الماتوا
حليل القرشي
القدم للحرية
حياتو
مهما الشعب
إتعذب وزادت
مأساتوا
خوفاً مابلعن
حاكم سراً
في صلاتو
ما الليل الحالك
طالت سنواتو
ولازال العهد
الغاشم
ويمرقوا وين يا هاشم
-------
مهما تموتو
ومهما يجيكم
وكلما تولع ناراً
فيكم
خوفكم دايماً
طافيكم
من وين الحرية
تجيكم
قنعان من
خيراً فيكم
شوفوا فكي
يداويكم
شان ما تصبحوا
إنتو الشعب
الخادم
ويمرقوا وين ياهاشم
-------
الناس الحاسين
الوجعة
وضايقين هما
الفجعة
ديل القاعدين بره
وكايسين الرجعة
الديمة بولعوا
للحرية الشمعة
وزادهم أصبح
بكية ودمعة
وآلام في
الجوف الكاتم
ويمرقوا وين ياهاشم
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
الزعيم ميسرة سيد أحمد وكل ناس الحوش الكبير (أجدع ناس)..
لكم التحية..
أعتذر عن طول الغياب لاسباب تتعلق بمسألة الزمن والارتباطات الغير مبرمجة فى وطن تهيص فيه حتى وأنت منفرداً..
حقاً لقد فقدنا فيه بوصلة كل الاشياء بما فيها الزمن الذى يتسرب من بين أصابعنا كقبضة الماء دون أن نشعر أننا نفعل ذلك..
عدت اليوم الى صفحة (10) أثرتنى الذكريات وتفاعل الناس معها (حتى البرالمة الما حضوا زمنا)..
أحسست بأهمية المواصلة وفتح أفاق لكل الاعضاء للاندياح وفتح ملفات ذلك الزمن الجميل..
خاصة وانه الاستاذ بكرى أبو بكر أعلن ارشفة المنبر العام الحالى الربع الرابع للعام 2012
سيكون من من الممتع أن نصطحب معنا تلك الذكريات والحكاوى ..
قلت شنو يا ريس ؟؟؟
تحياتى لك وللجميع
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح الخير ،،، يا وجوه الخير
اللهم أجعل صباحنا فلاح وآخره نجاح
====================================
قد نرحل كالغروب
وقد يلهينا الزمن عن كل حولنا
ولكن يبقى القلب لا ينسى ذكرياته
فيخفق لهم كلما عبر بالخاطر خيالهم
ويحن إليهم كلما بعدت المسافات وعز اللقاء
الأخت إحسان عبد العزيز كانت تمثل قوة ضبط وربط لشباب المؤتمر
والكل يعمل لها ألف حساب ونحن لا ندري ذلك وإليكم الواقعة!!!!
التحية والتقدير للمناضلة الكمردة إحساب عبدالعزيز عدت للصفحة رقم 10
ونقلت منها هذه المقدمة ،،،،
الفكرة تداول البوست على عدد من ناس الزقازيق هيه الفكرة المسيطرة
على تفكيرنا نحن المتابعون والمداومون على هذا البوست والأخ/ بكري
يرحل لنا جميع بوستاتنا على منبر ناس الزقازيق ومكتوب في أعلى هذه الصحفة
بإسم (ناس الزقازيق) جوار منبرالشعبية ومنبر اليوم الحار فأدخلوا هناك
تجدوا درر ويا قوت ما خطاه يراع هؤلاء الأفذاذ ناس الزقازيق
وفي حال نقل البوست إلى الربع الجديد في العام 2013 فلن يكون هناك
تغير في زعامة البوست والجميع يتوق إلى تداول السلطة والتعددية
وبالمناسبة نحن نقوم دائماً بعمل إحتفالية كبيرة من المداخلات والفوتوشوب
والدعوة للجميع للتجهيز لمهرجان الزقازيق .
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عبد الدائم سيد أحمد)
|
1- ارشح السيد / الرشيد بابكر سيداحمد
و السيد / منصور عبدالرازق
2- اضافة دماء جديدة للبوست بمخاطبة الاخ بكرى ابوبكر
لمنحناء عضوية جديدة لكل من يرغب من ابناء قبيلة الزقازيقاب .
3- الاخوة الاعزاء من الزقازيقاب لمن يرغب الانضمام الينا
ارجو مراسلتى على بريدى الالكترونى [email protected]
لكى يتم التنسيق مع الباشمهندس بكرى ابوبكر .
ولكم جزيل الشكر ،،،،
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عبد الدائم سيد أحمد)
|
سلاملت يانضيف
الأخ موسى عيسى أكل اللحم الكثير في السودان أتعبه شوية
مشى يكشف وجد عندوا سكر فبقى يخاف من البر يطلع ليهو
عمر نملة بالشيكولاتات والوصفات والذي منه ، عشان كدة
إرتعش وإتلخبط وزي ما أنت شايف الكتابة العوجة والكلام المامفهوم دة
والمسئولية تبقى على صاحبه بتاع المنظمات .
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
اكتر من كده يا النضيف ..
عاوز موسي عيس يشرح ليك ...
ما كلام واضح ... ومباشر
لا مكلوج لا حاجة ...
ولو كان عاوز خبرات خارجية ...
بالاضافة لناس الرياض ...
كان فزعنا ليه .... واديناهو نصايح في الصميم ...
ولكن أكيد ... الناس السكر الحواليه مابقصرو ...
با لشفا يا ولدنا ... وان شاء الله بارد عليك ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
صبحكم الله بالخير
اليوم يوم جميل...
الجو رائع..
أمطار خفيفة والشمس محتجبه...
قالوا الشمس غابت وينو القمر طيب...
و برودة منعشه...
خرجنا صباح اليوم أنا و ست بيتي متوجهين الى أعمالنا...
فتذكرت ذلك اليوم الذي التقيتها فيه لأول مره...
مساء ذات يوم ممطر على شارع القومية...
برلومة في عمر الزهور ترتدي نظارات بتاعت فلهمة ذات عدسات مستديرة...
و بصحبة برلومة أخرى هي الأخت محاسن و معهم الراحلة هويدا.محمود حافظ..
كانت امطار خفيفة و برودة منعشة...
رغم انني تذكرت اليوم الذي التقينا فيه لأول مرة...
الا انني اتبوبرت على ست بيتي و قلت ليها و كأني بالهايد بارك في لندن...
و نسيت انها كانت بصحبتي هناك و لا معنى للبوبار...
قالت لي يا سلام على الهايد بارك..
فتأكدت بأنني أبيع البوبار في حارة البوباريين...
و قلت يا ليتني قلت لها و كأني في شارع القومية حيث التقينا أول مرة...
لكنت تقدمت عليها بعشرة أهداف دفعة واحده للا شيء...
أعتقد أن للتقدم في السن دور كبير في معرفة الأولويات...
لقد كنت في مثل هكذا جو ترتفع فيه معدلات المزاج و تتحفز المشاعر و تبلغ ذروتها...
لكنت عبرت عن مشاعري بصورة أفضل و لخرجت الكلمات من فمي كمدفع سريع الطلقات...
و لكنني أصبحت مثل البندقية أبو عشرة التي تطلق طلقة ثم تعمر لتطلق الأخرى...
و ما بين التعمير و الأخرى تتغير أمور كثيرة...
تخريمة:........
أرشح الريس ميسرة لدورة ثانية...
أحمد اسماعيل....
فمنصور عبد الرازق....
عبد الدائم سيداحمد...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
سلامات يا ناس
Quote: لما تغيب ... مدة
الدخلة بتبقي ... سهلة وحلوة ...
و لما تقرأ المداخلات الفاتتك ...
بتفرح لما تلقي واحدين ... بسألو عليك ...
او لو واحد ضرب تلفون ... يتفقدك ...
فرحان لسؤالكم عني ...
ومبسوط للقائكم ... |
وتلقاها ساهلة تقلب الصفحة.
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
يعني نتيجة الأستفتاء راحت بين
منصور عبدالرزاق والرشيد بابكر
يلا يا جماعة واحد منكم يدق سدره
ويقول أنا !!!!!
يا محمد عيد
ويا طارق جبريل
ويا محسنة ميسرة
موكول ليكم البدء في ترتيبات الحفل
واحد يحجز النادي
وواحد يجب إذن ناس بطه
وواحد يسافر يجيب عماد شريف ويمشي شبين الكوم
يشوف بدر الدين وممكن كمان بدر الدين شبين
تلقوه في شقتنا اصلوا بحب الزقازيق كتير
زي العمدة عماد شريف ،،،،
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
صباح الخير ،،، يا وجوه الخير
دعاء الصباح :
لا إله إلا الله عدد ما كان
لا اله الا الله عدد ما يكون
لا اله الا الله عدد الحركات
والسكون
=======================
نحن نستمتع تماماً بهذه الأجواء الربيعية
التي تعيشها جدة منطقة مكة المكرمة
اللهم أدمها نعمة وأحفظها من الزوال
وكل ربيع وأنتم طيبين،،،،،
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
قناة النيل الأزرق
المذيعة للعريس:
شعورك شنو وأنت عريس
تجاوب العروس
وإنتي دايره بشعوره شنو؟؟؟؟
العريس مستدرك الأمر :
والله شعور ما بتوصف ومهما ما أقول ما بقدر
أعبر عن شعوري!!!!!
المذيعة : خلاص الفكرة وصلت
سؤال للعروسة
تحبي تقولي شنو لعريسك!!!
خلاص الأسئلة كملت
بقول ليهو ربنا يقدرني أسعدك!!!
العروس (تتلفت يمين يسار) ربنا يخلينا لبعض""
أهل العريس والعروس:
أنا بت خال العروس :وبتمنى ليهم بيت مال وعيال وبقول ليهم
"الجملة المكرره في كل المناسبات"تغلبها بالمال وتغلبك بالعيال
وبشكر قناة النيل الأزرق،،،
أنا أخت العريس : بهنئ العريس أخووي " يا بتنا ما قلتي أخت العريس"
خلاص بتعيدي تاني ليه العريس أخووي،،،،
أنا أخت العروس بتمنى لهيم بيت مال وعيال وتغلب ب....خلاص الفكرة وصلت
أنا المأذون: بتمنى ليهم بيت مال وعيال وبشكر قناة النيل الأزرق
وبهنئ الشعب السوداني بالزواج على أساس كان عيد وطني،،،،،،!!!!!!
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
أول شيء يفعله الإسبان ، عندما تدق دقات الساعة الثانية عشر في نهاية العام
لإبتداء عام جديد ، هو محاولة أكل اثنتي عشر حبة من العنب ، قبل ان تنتهي
الساعة من الدق ، فإذا تمكن أحدهم من ذلك ، يقال أنه سينعم بسنة جديدة ناجحة
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
سلامات يا ناس
Quote: المذيعة للعريس:
شعورك شنو وأنت عريس
تجاوب العروس
وإنتي دايره بشعوره شنو؟؟؟؟
العريس مستدرك الأمر :
والله شعور ما بتوصف ومهما ما أقول ما بقدر
أعبر عن شعوري!!!!! |
يا ريس أنا استغربت أنت قدرت تسمع الحوار ده كلو كيف
برنامج سخيف ورغم كده نسبة مشاهدتو عالية.
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
Quote: يا ريس أنا استغربت أنت قدرت تسمع الحوار ده كلو كيف
برنامج سخيف ورغم كده نسبة مشاهدتو عالية. |
برنامج فعلا ... سمج جدا ...
وما ممكن تطلع منو بجملة مفيدة ...
وحتي لو عاوز تستمتع باغنية ... بجيبو ليك الاغاني مقطعة ...
وصوت السماعات ... يضرس ...
اما نسبة مشاهدة عالية ...
السبب بسيط ياكوتش ...
لان كل واحد من المعازيم بتوقع يشوف نفسو في التلفزيون ...
وشوف في كم ضيف معزوم في الحفلة الواحدة .....
===============================
ابو عمرو ...
ممكن الواحد ياكل الـــ 12 حبة عنب ... في مرة واحدة ...
==================
وبكرة الخميس برضو ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
يا محمد صديق نحن لسع في اول الطريق
ما وصلنا للمرحلة ديك لكن يبدو قندهارات
و جولاتها قد تؤدي لاشياء لا تحمد عواقبها
و بدور بسعلكم من المدعو جلا الجلا وين
و التحايا للعزيز نجيلة وصحبك رزوق
دايس فرامل و مقرش كمان ربنا يكون عون
الشعب الفضل مع الدولار ابو 7 كلتشات دا
ابارك للمرشحين الرشيد والابنوسي و كليها
اهلا لذلك بس لو ختو المدعو جلا ما في عوجه طب.
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
بعد إذن ياسر نجيلة
أستاذ :-
ﻗﺎﻝ ﻟﻠطلبه ﺍﻱ ﺯﻭﻝ ﺣﺎﺳﻰ ﺑﻨﻔسه ﻏﺒﻰ ﻳﻘوم ﻓوق...
ﻓﻰ واحد ﻣﺴطول
ﻗﺎﻋد ﻭﺭﻩ ﻗﺎﻡ ﻭﻗف ﺍﻻﺳﺘﺎﺫ ﻗﺎﻝ ﻟيه هو ﺍنت ﻏﺒﻰ ؟
المسطول قال ليهو لا
قال ليهو ؛ ﺧﻼﺹ ﻭاقف مالك
المسطول قال ليهو
ﺷﻔﺘﻬﺎ
ﺷﻴﻨﻪ ﺗﻜون واقف براك
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
صباح الخير وصباح النور
أصبحنا وأصبح الملك لله الواحد الأحد
الإنسان يفقد جزء من وزنه أثناء النوم في الليل
في انفسكم
العقل البشري يستطيع الإحتفاظ بمعلومات تعادل خمسة أمثال
ما في دائرة المعارف البريطانية
لرفع المعنويات
الأبحاث العلمية أثبتت أن لرائحة الورد مفعولا قويا ، يؤثر
على مزاج المرأة ، إلا ان التأثير يختلف في قوته بحسب
نوع الزهرة وإختلاف رائحتها .
من الحقائق
النساء في معظم البلدان ، يحاولن الإنتحار بنسبة أكبر من الرجال
لكن الرجال ينجحون في محاولاتهم أكثر من النساء
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
الحمد لله ياريس الصباح منور بنورك وحكمك وبركات السماء
مرحب بشهر (جانيوري) 2013 م ، المقبل بقوة
جاءت هذه التسمية لشهر (كانون الثاني) من " جانـوس " إله روماني
كان يصور بوجهين، يتجه الوجه الأول إلى جهة والوجه الثاني إلى الجهة المعاكسة
وهكذا جانيوري ينظر بوجه إلى العالم الماضي ، وينظر بالوجه الثاني إلى العام الجديد
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
صباح الخير ،،، يا وجوه الخير
دعاء الصباح :
ربنا ولا تحمـِّلنا ما لا طاقة لنا به واعفُ عنا واغفر لنا وارحمنا
يقول الشيطان عجبا من بني آدم ..
يحبون الله ويعصوه .. ويكرهوني ولا يعصوني ..
فاسأل الله الكريم أن يجعلنا ممن نحبه ولا نعصيه ..
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
Quote:
يقال أن نسبة الأكسجين في الجو هي 21% لو زادت إلى 22%
فلن يستطيع الإنسان السيطرة على الحرائق ، ولونقصت أدهى و أمر |
سبحان الذى خلق كل شىء بمقدار
مشتاق ليكم , والمود بتاعى مود قراية بس
ومحسن خالد جهجه باكاتى جهجة السنين
* انا لا اصلح البتة كى اكون متابعا مؤتمنا لهذا البوست
ببساطة عدتى ما كاملة
ايوا , يعنى المشكلة فى الأدوات يا جماعة
احمد اسماعيل او الرشيد او النضيف او ميسرة زاااتو
اى واحد فيهم , يغطى ويزيد
تحياتى
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
سلامات يا ناس
Quote:
* انا لا اصلح البتة كى اكون متابعا مؤتمنا لهذا البوست
ببساطة عدتى ما كاملة
ايوا , يعنى المشكلة فى الأدوات يا جماعة
احمد اسماعيل او الرشيد او النضيف او ميسرة زاااتو
اى واحد فيهم , يغطى ويزيد
تحياتى |
زوغة صباحية...
كمان بالدو.
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: منصور عبد الرازق)
|
ايوا , يعنى المشكلة فى الأدوات يا جماعة
احمد اسماعيل او الرشيد او النضيف او ميسرة زاااتو
اى واحد فيهم , يغطى ويزيد
====================================
منصور يقدم إعتذاره
نشوف ناس تانيين
يلا يا جماعة ترشيحات جديدة وعناصر جديده
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
حسب المتعارف عليو ... ياشباب
من المفترض ان يواصل الريس ميسرة الى انتهاء الألفية (100 صفحة) ...
او لحين ان ينقل المهندس بكري هذا البوست الى موقعنا الخاص بينا
وحينها سوف ينظر ... الى ريس جديد ....
وعليه (بعد اذنكم) ...
على الريس ميسرة ... طلب نقل البوست الحالي الى الربع الجديد ...
ومواصلة مهامه ... حتي تكتمل كوته هذا البوست ... ومن ثم الاحتفال بالألفية الجديدة ...
بشكر الريس ميسرة ... وتنصيب الريس الجديد ....
====================================
اي واحد .... بياكل سلطة اسود ...
وخاصة لو كانت بايادي حبشية ...
قد يكون منافس قوي ...
لتلسم الامور ... عند الألفية الجديدة ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صبحكم الله بالخير
أبدأ ليكم من وين...
من ترشيحي للرئاسة من قبلكم...
و لا من حالة البوست...
و لا من سلطة الأسود...
أمسكها ليكم واحده واحده...
في رأي المتواضع رئاسة البوست و الخروج من الحالة الراهنة للبوست حاجه واحده...
كيف؟
البوست يحتاج الى أمرين...
اما استمرار الريس ميسرة في رئاسته زي ما قال ولدنا ياسر نجيلة...
مع استمرار دعمه و استنفار الناس للخروج به من حالته...
أو تنصيب شخص يكون بديل مناسب يعمل على جذب الناس للبوست...
و أكيد مش أنا الشخص ده..و دي ما زوغه...
لكن بصراحة معظم الناس خاصة الشباب ما بيعرفوا منو الرشيد بابكر ده...
لكن كل الناس بتعرف الريس ميسره و زهير الزناتي و محمد صديق...الخ
لذلك أنا مع استمرار الريس ميسرة حتى المئوية...
أو تنصيب كل من زهير الزناتي أو محمد صديق أو أحمد اسماعيل أو ياسر نجيلة...
و بعدين نشوف حالة البوست دي نطلع منها كيف.....
و دي بتكون سهلة اذا كل واحد التزم بمجرد المرور و التحية...
أما سلطة الأسود فده موضوع طويل بجيبو ليكم من لغاليغو...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
Quote: ذلك أنا مع استمرار الريس ميسرة حتى المئوية...
أو تنصيب كل من زهير الزناتي أو محمد صديق أو ياسر نجيلة... |
انا مثني أن يستمر الريس للرئاسة الثالثة وبعدين الأخ الرشيد علم على رأسه ريشة
كيف تقول مامعروف ، الحق يقال أكثر إثنين مواظبين على هذا البوست الريس ميسرة
والأخ الرشيد و محمد صديق ثم البقية تأتي ، وكما قال الأخ الرشيد لو كل واحدمرة
مرور الكرام ، وأعطى البوست تحية الصباح أو دعاء الصباح او إن شاء الله
ماركة مسجلة بنقصد بذلك الفنانيين ناس الفوتوشوب يشوف لينا أي حاجة من
الإستديوهات تبعهم حتى لو خروف ضحية .
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: طارق جبريل)
|
... وتنفيذا لمبدأ ... تناوب فتح البوست من قبل أعضاء متعددين ...
وضرورة تطبيق هذا المبدأ المتفق عليه سابقا ....
فاني أرشح بقوة (حسب الترتيب) ...
1- أبو مهند ....
2- أبو اُمنية ...
3- رشا يا كحيل ...
4- رشيد القوم ...
5- الزقازيقي الرائع زوج الزقازيقية الرائعة نجاة حوفي ....
واخيرا وليس اخيرا ...
.
.
.
.
6- الرشيد بابكر ...
يا خي يكفي تفانيك في كتاباتك التي تجعل هذا البوست ... جاذبا ....
=========================
أما أنا فاوعدكم أن أكون مرشحا للدورة 75 (اليوبيل الماسي) ...
لاني أصغركم سنا ... ووقتها سوف أكون وبحمد الله ...
مكتمل الأسنان .... والنظر ...
وحينها سوف يكون أيضا منافسي الشرس ... منص الأبنوسي ...
قد أكمل العدة .... 
واكتملت أدواته ...
بتعلمه كيفية رفع اللنك (LINK)
وطلب نقل البوست ... إلى الربع الجديد ...
مع ملاحظة أن كلمة – الربع – الواردة هنا ليس لها علاقة ...
بالنص ... ولا الزجاجة الكاملة ...
والربع هنا يساوي – كباية – وأربعة منها بملو قزازة كاملة من الخواجة بشارع الجلاء
ولو اخدت كباية كاملة – اسكتو – دفعة واحدة وبنفس واحد ....
وكنت على عجل لتلحق الحفلة في قاعة الشباب المسلمين ...
وعندنا تصل هناك ...
ويصل ولدنا الفنان عاطف على ... أغنية الأماني السندسية ...
تكون أنت وصلت بخيالك ...
أن القاعة عبارة عن زهرة فواحة ... تختال على سطح النهر ....
وان فلانه ... تجلس معاك جوه كافتيريا النهر ... زاتو ..
=======================================
وولدنا عصام دهب ... صاحب الفضل في هذا التلاقي
سوف نرشحه ... مرة اخري ...
بعد زواج ... تالا ويارا ...
يعني ممكن تكون الدورة الجاية أو البعدها بالكتير ...
أما النضيف ... وعدكم
بعد أن يتخلص (جدو) من البامبرز ...
ويبقي يعملها زي الناس ...
بعدها ح يجيكم ... وبالو رايق ...
ودي ممكن تكون بعد ...
خمسة سنوات على أحسن تقدير ...
أما المدعو زهير الزناتي ...
طول ما شنبو مغطي نص ... وشو
نظرو ح يكون ضعيف ...
ولا يري إلا كما يري الرجل من ... النفاج ...
=================================
متوقع أن يأتي ولدنا أبو عمر ...
ويقول ...
هل تعلم بان الأسنان لونها ... اسود ...
ولكن نسبة لضعف نظر البشرية ... فإنهم
يرونها حسب استخدامهم لمعاجين الأسنان ...
ولما كنا هناااااك ... في المساكن التعاونية ...
زارني زميل دارسة مصري ... من أرياف الزقازيق ..
وكالعادة قدمت ليهو شاي ...
الزول اعتدز ...
قلت ليهو ... طيب اعمل ليك عصير
( طبعا كنت ملبد قزازة تانج في دولابي من ناس عبد الدايم)
الزول قال لي ... لأ ... بحزم شديد ...
واضاف انا ما ح اشرب حاجة ...
قمت قلت ليهو باستغراب : ليه
قال لي : اصلي حاطي معجون أسنان ...؟؟؟؟؟؟!!!!!! 514
تعرف يا ابوعمر ...
معلومتك بتاعة أن النساء أكثر محاولة للانتحار ... والرجال هم البموتو
حيرتني ليك جنس حيرة ...
لأنها فعلا توافق قانون الطبيعة والبشرية ...
ومعلوماتك كلها مدهشة ... ومفيدة ... واصل ...
وهل تعلم بأنني سلمت حسابات 2012م ... بالأمس ...
ومنتظر المراجعين ...
وكمان فاضي ليكم ....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح الخير يا كرام
Quote: تعرف يا ابوعمر ...
معلومتك بتاعة أن النساء أكثر محاولة للانتحار ... والرجال هم البموتو
حيرتني ليك جنس حيرة ...
لأنها فعلا توافق قانون الطبيعة والبشرية ... |
يقال أن الانكليز في القرن السادس عشر ، كانوا يسمحون للرجال بضرب زوجاتهم
لكن فقط قبل بلوغ الساعة العاشرة مساءاً .
يا أبو فارس هذا هو الخبر الذي يحير ؟
ما المقصود بالضرب ، ولماذا الضرب ، وليه قبل العاشرة مساءاً ؟
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
طبعا قلنا نمر ونسلم .... علي الناس الحلوة ...
ونشوف اللوم قبل ما يجيبوا لين
وعليه ارشح نفسي لقيادة البوست في المية الجديدة ... حتي تكون المية الأخيرة هي مية ميسرة ولا آراكم الله مكروه في بوست عزيز عليكم
بالله الزول الرشحني لقيادة البوست في الفترة الجاية ما بيبالغ معقولة يكون زهجان من البوست للدرجة دي ...
تحياتي بلا استثناء
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: زهير الزناتي)
|
عموما انا بقترح بقفل باب الترشيخ فورا
و البدء في عملية الاقتراع السري الغير مباشر
و هو قبول الشخص الاكثر تزكية من قبل الاعضاء
لذلك اثني ترشيخ ابو دلوعتنا امينه الحوفي
و رفض ترشيح كل من يمتلك شوارب خارجة عن المالوف
و لا يقبل تصويت الذي يصوتون من حاضرة الفاشر حتى لو
تم تدخل كوفي عنان فالتصويت لديهم مرفوض جملة و تفصيلا.
الشي التاني انا مع التدوال السلمي للسلطة حتى نستطيع ان
ان نقيم من هو الرئيس الاكثر جاذبية !!!!!!!!!
و لكم مودتي و حبي ( مركب مكنة جلا سابقا ).
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: موسي عيسي)
|
إشارة التعجب (!) أصلها يوناني ، وبالتحديد من كلمة (io) وتعني ، أنا مستغرب
السماعة الطبية ، كانت من إختراع الطبيب الفرنسي (رينية لينك) ، وكان ذلك عام
1816 ، وكان دافعه لذلك هو حياؤهـ من النساء .
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: أحمد إسماعيل)
|
صباح الخير ،،، يا وجوه الخير
حصل تحديث في البوست من الصفحة 20 إلى الصفحة 39
براحه علينا يا ريس بكري ،،،،
يوم أمس قال أبو الزوز
بالله الزول الرشحني لقيادة البوست في الفترة الجاية ما بيبالغ
معقولة يكون زهجان من البوست للدرجة دي .
==============================
القصة شنو ما لو البوست ده بقي زي البت البايره كل واحد عايز يكمل قرايته
والله أولاد عمها في (عصام دهب وميسرة) بنعمل رئيس ونائب رئيس
يا شباب لازم واحد يتقدم الصفوف ويطلب يد البنيه وأنحنا موافقين
يا حليلك يا جلا فقدناك شوف صاحبك قال شنو (ان نقيم من هو الرئيس الاكثر جاذبية)
والله أنا كنت أرشح الزقازيقية القوية إحسان عبدالعزيز لو لا صعوبة المتابعة من السودان
شوف ناس جلا رقدوا سلطة وهي بتقاتل علشان تدخل البوست ؟؟؟؟؟؟
لازم يا شباب تخذ القرار في موعد أقصاه غداً قبل بدء الأرشفه
لانه في حالة عدم نقل البوست إلى الربع الجديد لازم يكون الرئيس القادم
جاهز يكتب الخطاب الرئاسي الجديد وكمان خلونا نجهز خطاب الدورة المنتهية
في الإنتظار !!!!!
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
سلام تحيه
العطاء لاهل العطاء ونحنا اولاد اليوم واستمرارية البوست كانت وفق جهد بزل ومازال
التحيه لدهب صاحب الفكره الاساسيه وللريس ميسره بماخلته اليوميه والرشيد الاكثر مثابره
وياس نجيله( ماعدا الخميس) والاكثر مداخله ابوعمر وظهر بوضوح في الربع الاخير
اما ناس السودان فظروف الحجب ادت لتدني قطراتهم. يعني الحكايه بقترح تكون عادله
عليه اوافقكم الراي في استمرار الريس ميسره المسيره حتى الربع الاخير. واقترح ان يتولى
الربع الاول من 2013 صاحب اكثر مداخله يعني ان نحكم بالعدل.
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد عيد)
|
بعد مداخلة ولدنا محمد عيد ...
ماعندنا كلام ... سوي التنفيذ ...
على الريس ميسرة نقل البوست الى الربع الجديد لسنة 2013
وعند اكتمال الميل الـ 50 كما هو متعارف عليهو ...
نكون جهزنا الرئيس الجديد ...
وعمل الاحتفالات المناسبة لوداع الريس ميسرة واستقبال الريس الجديد ... (الرشيد بابكر) ...
وبذلك ....
.... قطعت جهيزة قول كل خطيب ...
ماهي جهيزة ؟ وما قصتها ... وماهو المثل المرادف في منطقتكم يا ابو عمر ...
.... انتهي ....
وبكرة الخميس ....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ياسر نجيلة)
|
صباح الخير ،،، يا وجوه الخير
أصبحنا وأصبح الملك لله وحده،،،
ربنا لا تؤاخذنا إن نسينا أو أخطأنا
وقبل أن تقرأ منى يونس عقوبات ود عيد
فقد صدر القرار الرئاسي ويتم نقل البوست إلى الربع الجديد
مع تعهد قوة الهامش بتجهيز رئيسها القادم،،،
ودمتم ،،،
ذكرى زقازيقية طافت بخاطري أمس ليلاً
كنا بشارع القومية ومعي الزميل مجدي النعيم
وصادفنا الأخ/ إبراهيم هباني ، وكانت هناك ندوه ليلية
بدار الإتحاد يقيمها الإتجاه الإسلامي وكنا جلوساً في الصفوف الأمامية
وبدون أي مقدمات قال هباني:
والله المستلقين دي بقوا كذابين خلاص
علشان بقوا يمشوا مع الشوعين ويتابعوهم
حكاية كذابين دي أكلت معاي فبدأت أهاجم هباني
وأتحين الفرص حتى أتاح لي الله فرصة ذهبية بأن أدلى
بمعلومة غير حقيقية عن كلية الصيدلة وإنتهزتها فرصها
وكلت الكيل بمكيالين ،،،
وفي إحدى الليالي هاجمني مغص كلوي حاد وزملاء الشقة
ذهبوا بي إلى عيادة إحدى الأطباء وصادف أحدهم هباني في الشارع
فبلغه بذلك وحضر إلى العيادة ليلاً وإطمأن علي وشد من أذري إنها الزقازيق!!!!
الزقازيق ذكرى جميلة وعذبة وولدت صداقة وأخوة غريبة
لا تجدها في المجتمعات الأخرى ،،،
| |
|
|
|
|
|
|
|
|
 Re: ناس الزقازيق ... أجدع ناس (5) (Re: ميسرة سيد أحمد)
|
لو صحيتو الصباح لقيتو فجاتن بكرى ابو بكر
مــط ليكم عدد الصفحات و بقت (( خمسين صفحة الا مداخلتين ))
اها الرئيس الجديد يقوم يجرى يستحمى و يطلع المنصة ولا كيف 
،،،،،
جاييكم بســـنيرة كبيرة من 85 و لتحت ترقبوها ....
لو فضل الحال على الــ 8 انفار المواصلين الكتابة فى البوست
الحال حيكون كما هو ....
حتى عدد القراء بقى لا يزيد فى اليوم عن 15 .
،،،،
يا ريس ما تفلت فى الكلام الايامات دى كلو محسوب عليك ..
قلت شنو عن الصيادلة ؟؟
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عبد الدائم سيد أحمد)
|
مبروك الربع الجديد
وتسلم يا ريس على الاستجابة لمطالب الشعب
Quote:
اها الرئيس الجديد يقوم يجرى يستحمى و يطلع المنصة ولا كيف |
خليك مستحمى وجاهز يا ....
عندى فكرة .. ياخ ما تجوا نشوف طريقة نخلى بيها الترشح لرئاسة البوست مسألة جاذبة
بس مش زى الوحده الجاذبة الغشونا بيها ناس الانقاذ وصبحنا لقينا الجنوب فى خبر كان
بالجد فكروا كده فى تمييز يعطى لرئيس البوست لكى يضطلع بمسئولياته
وكمان نضمن انو نلقى قوائم ترشيحات كثيرة وبرامج انتخابية واركان نقاش ورشاوى للناخبين و ... و...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: زهير الزناتي)
|
مهداه للجميع خاصة ولدنا ياسر نجيلة بمناسبة بكره الخميس وكده يعنى
أراد رجل إحراج المتنبي فقال لـه : رأيتك من بعيد فـ ظننتك امرأة فقال المتنبي : وأنا رأيتك من بعيد فظننتك رجل
قال وزير بريطانيا السمين تشرشل لبرنارد شو النحيف : من يراك يظن بأن بريطانيا في أزمة غذاء! فقال : ومن يراك يعرف سبب الأزمة !!
أقبل جحا على قرية فرد عليه أحد أفرادها قائلاً: لم أعرفك يا جحا إلا بحمارك فقال جحا: الحمير تعرف بعضها!
رأى رجل امرأة فقال لها : كم أنتي جميله! فقالت له: ليتك جميل لأبادلك نفس الكلام! فقال لها: لا بأس اكذبي كما كذبت!
التقى الجاحظ بامرأة قبيحة في أحد حوانيت بغداد فقال : ” وإذا الوحوش حُشرت ” فنظرت إليه المرأة وقالت : ” وضرب لنا مثلاً ونسي خلقه “
كانت امرأة تسوق أربع حمير وإذا بشابين سائرين بجانبها.. قالا لها: صباح الخير يا أم الحمير أجابتهما على الفور: صباح النور يا أولادي
گان رجل مسن منحني الظهر يسير في الطريق قال شاب بسخرية : بگم القوس يا عم ؟ قال : إن أطال اللہ بعمرگ سيأتيگ بلا ثمن
أكل أعرابي عند أمير وكان شرهاً.. فقال الأمير : مالك تأكل الخروف كأن أمه نطحتك ؟ فرد الإعرابي : ومالك تشفق عليه كأن أمه أرضعتك
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد عيد)
|
صبحكم الله بالخير
أشكر كثيرا الذين رشحوني للرئاسة بعد خمسينية الريس...
فلهم جميعا محبتي الصادقة و تقديري العظيم...
و لكنني أكرر اعتذاري مرة أخرى و أرجو أن تقبلوه بمحبة أيضا...
قعدت أعدد في الحاجات التي أتمنى أن أجدها في البوست حتى يجذبني لأبدأ به يومي...
فكتبت عدة أِشياء افترضت أنها ما سيجعل البوست جاذبا...
و لكني عندما انتهيت من حصرها وجدت انه يمكن تلخيصها في جملة واحدة...
ألا و هي أن يعود البوست كما كان في بداياته....
شكر خاص للحبيب ولدنا ياسر نجيلة على كلماته الطيبة في حقي...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: الرشيد بابكر)
|
ما شاء الله البوست اليومين دي عامر ، إن شاء الله دايما عامرين
و ذلك عن مقدم العام الجديد والربع الأخير من العام للبوست
وإختيار الريس الجديد و تعدي (الخمسين) جوة وبرة .
يقال أن النساء في جزيرة (دومينكا ) في المحيط الأطلسي
يتكلمن لغة تختلف عن اللغة التي يتحدث بها الرجال في هذه الجزيرة !
( ودي تجي إزاي )
أيام كنا برالمة في الزقازيق وزي ماقال موسى عيسى ناصحين
لأننا أحدثنا ضجة وتغير في الأجدع ناس
أحد الإخوة المصريين سألني : من الجنوب ولا من شمال السودان
قلت له من غرب السودان ، المصري قال : ودي تجي إزاي !
نحن نؤيد الرئيسين ( الرئيس المخلوع والرئيس الجديد )
وكل عام وأنتم بألف خير
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
لكن يا محمد عيد ما نكت في شكل حكم .... موبااااالغة ....
تسلم ....
=====================
رشيد القوم ...
زوغتك من رئاسة الدورة الجديدة ... غير مقبولة
وفي وقتها ... لكل حدث حديث ...
==================
او عمر ... يابتاع الحكم والمعلومات المدهشة ...
غايتو معلومة الدومنيكا ... ن
حنسأل حاتم جبارة ...
واكيد معلومتك صحيحة ...
بدليل ان نساءهم تاركين رجالم .... وواقعين زواج في رجال البلدان التانية ...
==================
الكوتش ابو قطرة ...
لسة مارجعت السودان ...
الخميس .... جاكم ...
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
خالص التعازى للاخت و الزميلة زينب التجانى فى وفاة والدتها
انا لله وانا اليه راجعون
آللهم أرحمها وأسكنها فسيح جناتك
آللهم باعد بينها وبين خطاياها كما باعدت بين المشرق والمغرب
اللهم نقها من الخطايا والذنوب كما ينقى الثوب الأبيض من الدنس
اللهم اغسلها بالثلج والماء والبرد
اللهم أبدلها داراً خيراً من دارها وأهلاً خيراً من أهلها
اللهم اجمعنا وإياها في مستقر رحمتك
اللهم انا نسالك بأسمك الاعظم ان توسع مدخلها
اللهم آنس في القبر وحشتها
اللهم ثبتها عند السؤال
اللهم باعد القبر عن جنباتها
اللهم اكفها فتنة القبر
اللهم اكفها ضمة القبر
اللهم اجعل قبرها روضة من رياض الجنة ولا تجعله حفرة من حفر النار
اللهم إن كانت محسنًة فزد في إحسانها وإن كانت مسيئًة فتجاوز عن سيئاتها
اللهم ألحقها بالشهداء
حزني عليك عظيم أمي محاسن والدة صديقتي زينب التجاني
بوست عزاء ....
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عبد الدائم سيد أحمد)
|
لا حول ولا قوة إلا بالله
اللهم أرحمها وأغفر لها وأجعل الجنة مثواها
اللهم أكرم نزلها ووسع مدخلها وأغسلها بالماء والثلج والبرد
ونقها من الذنوب والخطايا كما ينقي الثوب الأبيض من الدنس
التعازي موصولة للاخت زينب التجاني ولجميع افراد الاسرة الكريمة
إنا لله وإنا إليه راجعون
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
صباح الخير يا وجوه الخير
اللهم إني أعوذ بك من عذاب النار وفتنة النار،
وفتنة القبر وعذاب القبر، وشر فتنة الغنى،
وشر فتنة الفقر، ومن شر فتنة المسيح الدجال
===================================
ما زلنا في إنتظار الأخ/ بكري أبو بكر لإعادة البوست
إلى موقع الطبيعي وإلا سوف نكون مجبرين على فتح واحد جديد
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: ميسرة سيد أحمد)
|
سلامات يا ناس
Quote: ما زلنا في إنتظار الأخ/ بكري أبو بكر لإعادة البوست
إلى موقع الطبيعي وإلا سوف نكون مجبرين على فتح واحد جديد |
Quote: بدل نفتح بوست بى هناك ، ما تخلونا هنا...
يمكن الحال ينعدل. |
سُعَالْ : شنو البنستفيدو من بوست فى المنبر العام؟؟
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: محمد صديق)
|
خالص التعازى للاخت و الزميلة زينب التجانى فى وفاة والدتها
انا لله وانا اليه راجعون
آللهم أرحمها وأسكنها فسيح جناتك
آللهم باعد بينها وبين خطاياها كما باعدت بين المشرق والمغرب
اللهم نقها من الخطايا والذنوب كما ينقى الثوب الأبيض من الدنس
اللهم اغسلها بالثلج والماء والبرد
اللهم أبدلها داراً خيراً من دارها وأهلاً خيراً من أهلها
اللهم اجمعنا وإياها في مستقر رحمتك
اللهم انا نسالك بأسمك الاعظم ان توسع مدخلها
اللهم آنس في القبر وحشتها
اللهم ثبتها عند السؤال
اللهم باعد القبر عن جنباتها
اللهم اكفها فتنة القبر
اللهم اكفها ضمة القبر
اللهم اجعل قبرها روضة من رياض الجنة ولا تجعله حفرة من حفر النار
| |
|
|
|
|
|
|
|
|
|
Re: ناس الزقازيق ... أجدع ناس (5) (Re: عبد القادر بابكر)
|
سلامات يا ناس
Quote: خالص التعازى للاخت و الزميلة زينب التجانى فى وفاة والدتها
|
العزاء ببوست العزاء ..رجاء.
************************************
يا قدورة مشتاقين ياخ..يا حليلك.
****************************************
طارق جبرين وين؟؟
******************************************
وكذلك منص.
********************************************
وسامى عبد الوهاب وجلال ( المهجوم )...
وعصام دهب...
**********************************************
التهانىء للجميع بعيد الإستقلال والسنة الجديدة.
*********************************************
××
××
××
وما زال سُعالى قائم.
| |
|
|
|
|
|
|
| |
ميسرة سيد أحمد
أحمد إسماعيل
محمد صديق
عبد الدائم سيد أحمد
محمد عيد
طارق جبريل
عمر نملة
ياسر نجيلة
الرشيد بابكر
موسي عيسي
إحسان عبد العزيز
منصور عبد الرازق
زهير الزناتي
عمر المهدى
عبد القادر بابكر
فيس بوك
تويتر
انستقرام
يوتيوب
بنتيريست