|
|
 Re: ناس الزقازيق ... أجدع ناس (4) .. (Re: الرشيد بابكر)
|
في البدء التعازي لكل من فقد عزيز لديه، وربنا يشفي مرضانا. والتبريكات لكل صاحب جديد، وكل سنه وانتم بخير وصحه جيده .
تسلموا على الترحيب بالعوده. ومتعارف من وين ابدء من سفري الي مصر المستلبه ببلطجيها لاجراءات زوجتي ولا عن رؤيتي
لاسرة منصور الباسمه دائمه ولاعن السباقات التي وصلت في فيها الي سرعه 18 كم في الساعه والتي كان اخرها سباق نصف المارثون
ولاعن الاتصالات بيني وبينكم التي تحمل في مضمونها النكته والمزحه والاهتمام ولا زي ماقالت العروس اللجناء لحبتوا....
| |
 
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
Quote:
تسلموا على الترحيب بالعوده. ومتعارف من وين ابدء من سفري الي مصر المستلبه ببلطجيها لاجراءات زوجتي ولا عن رؤيتي
لاسرة منصور الباسمه دائمه ولاعن السباقات التي وصلت في فيها الي سرعه 18 كم في الساعه والتي كان اخرها سباق نصف المارثون
ولاعن الاتصالات بيني وبينكم التي تحمل في مضمونها النكته والمزحه والاهتمام ولا زي ماقالت العروس اللجناء لحبتوا... |
اقول ليك حاجة , ابدا لى من بتاع الويفر الجنب بيتكم اللى على بحر الشمال داك
وانتهى فى اى حتة , ان شاء الله فى محطة knock الأخيرة بتاعت المترو زاتو
ولو نزلت فى النص وخشيت الأيرث اكسبلورر ,تكون قدمت لى خدمة كبيرة خلاث
انت وين يا زول ؟؟؟؟مشتاقين
| |
|
|
|
|
|
|
|
|
Re: ناس الزقازيق ... أجدع ناس (4) .. (Re: منصور عبد الرازق)
|
واندهاشات البنى آدم , قد تبدا من اليوسفى
ولكنها لا تنتهى عنده , هذا مؤكد
فاليوسفى قد يصل الى الكيوى , والكمثرى , والخوخ كمان
ولو مرت بيك على رمان , فببساطة انت قادر على اقحامه مكان القضيم , اللى اتربى معاك , وفى حضنك كمان
ولكن عودة الود النملة التى هى بحجم (فيل ) واقع الأمر والحال
تشغل ليك شريطك الأندهاشى , لدرجة انك ممكن تلقى نفسك محتاج لى صديق تخصصه اشرطه وسى ديهات
عشان يجرى شريط الدهشة قدام عيونك , حتى انها لاتعرف تضحك ولا تبكى
فتقوم طوالى تستعير وجه كاريكاتورى خاطف لونين
لون الضحكة , المخلوط بى دميعات طعمها طالع من نكهة قلنا ما ممكن تسافر , انحنا حالفين بالمشاعر
مش السفر ملحوق يا امة , ومش كمان انت لازم تجبر بالخواطر
تقوم تضطر طوالى , اقل حاجة , تخلى سفرك , حتى لو اسبوع اقله
والما بيقدر على كده , يكون عارف , انو شعار المرحلة حا يبقى
انحنا بعدك , للصباح دائما نساهر
تساهر للصباح , ولا ترجاه مع خيوطه الأولى , مسهدا مغبونا , حا تلقى طوالى نتائجك واضحة وقدامك
دهشة اليوسفى الزماااان , اتحولت لى دهشة الآيسكريم الساخن
يمين بالله آيسكريم ساخن
شفتوا ناس عمر نملوز ديل
شالوا الست الفكهانية الفلاحة , التى ادهشتنا مرة , ببرتكانها الصغير القايم دوبو
اللى لا فيهو بذر , ولا بيستحى يقلع هدومو قدام خلايق الله
ويديك عصير من (امه ) , ترضعه , وتتمتع بيهو , وتمارسك (فطامك التانى )
بى لذة خليط بين لذة البيان بالعمل , ولذة اعلى جديدة عليك , اسمها لذة العمل بالبيان
اها الفلاحة دى , الكانت قاعدة ومحكرة لينا فى تقاطع القومية مع (المحافظة )
تسقينا دهشة (عمر الزهور والتسعتاشر سنة )
اتحولت فجاة , لى بنى آدم , شعره بنى فى الأمسيات , واصفر يسر الناظرين فى الصباح الباكر
الضباب القداما , ما تعرفوا بدا بيها , ولا هو انتهى عندها
المهم انك انت قادر على ان تشوفوا , ابتداءا من اول بحر شعرها الأصفر السلسال
لغاية اطراف بحر شمال الجغرافيا , الممتد قدام محلها , اللى ليهو اول
ما ليهو آخر
لكنها تمارس عليك ومعك وفيك , فرص دهشة متواترة ومتنوعة
مابين عصائرها المنوعة , كان كنت حران وقاعد فى نص هدومك , زيهم
ولا كمان مع مثلوجاتها الشايلا من الوان الطيف , تماوجات القوس قزح
ولا كمان باقتراحها ليك , نوع من الآيسكريم الحار , ايوا والله , بسكويتة ويفر طالعة بى دخانا
تخت فيها شيكولااتاتك البوخها يقول يا ليل , او كمان تشكيلة مانغا صفراء , اقل صفارا من شعر البائعة البتتمختر جوة (رداها )
ولا كمان فراولات ما انزل الله بها من سلطان , او توت يحاكى الطبيعة , او فانيليا صفارها يزاول بياضها , او كمان تديك خيار انك
تشيل الكل , تعب منه عبا , وتملأ به دنك , خليط الوان مع خليط اطعمة , رينبو قوس القزح
اختلاط الساخن مع البارد , دهشة اخرى وصلناها , او وصلت الينا لا ادرى
فكان طعمها , كطعم فينيسيا , فى فم على محمود طه المهندس , وعلى لسانه ايضا
اين من عينيا هاتيك المجالى , يا عروس البحر يا حلم الخيال
* مر بى مستضحكا فى قرب ساق
يمزج الراح باقداح رقاق
قد الفناه على غير اتفاق
فضحكنا وابتسمنا للتلاقى
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
اجدع ناس لكم كل الموده والاحترام
الجميع ماشاء الله في الفورمه والابداع
يلقي بظلاله باكورد من منصور ودبل كيك من طارق
وتنطيقه من الريس وثرو باص من جلو الطاعم ودودي
في السنتر والكوتش على الخط ورشيدنا ولا العبيدي وبقيه العقد الفريد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر المهدى)
|
مساكم الله بالخير ،،،
منصور عبدالرزاق نضميك بقى كبير علينا
خت الكورة دي في الواطه خلينا نفهم معاك
أكثر حلقة من حلقاتك يا ود بت أبو ديه أثرت في
بصراحة كانت حنينه شديد وصادقة شديد وكادت دموعنا تمطر معاك
نملوووووز حبابك عشرة بلا كشرة وعودتكم قويه نحبها
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
| Quote: الفقر والحُب ضدان.. أو هكذا كنت أظن حينها.. |
هذه العبارة ذكرتني بمقولة شهيرة للشاعر الراحل الجميل أبو آمنة حامد...
كان يقول ان الأغنياء يتزوجون من الفتيات الجميلات و الفقراء يتزوجون من الشينات...
قال سيأتي يوم سيكون (الغنى و الجمال في حتة...و الفقر و الشنا في حتة)...
أبو آمنة حامد رحمة الله هنالك شيء ما يجعلني أرتبط به...
هل ذلك بسب النسيمات و الخصل التي هي في عناق و في غزل...
أم لأنه وشوشنى العبير فانتشيت وساقنى الهوى فما أبيت...
و لا كمان لأن...
جدائل الليل على كتفيها تهدّلت حولى فما أهتديت
أجمل منها ما احتوى فؤادى فالعبق الصادح مااحتويت
كلما ما كتبه أبو آمنة حامد تحس فيه جمال و رقة كسلا...
و قوة و تمرد و اندفاع القاش...
هو خليط بين كل هذا و ذاك...
و كمان بيشبه الكوتش محمد صديق في حاجات كتيرة....
و بيختلف معاهو في رفاعة...
هوي يا أبو صلعة...
مناديل الورق ديل بيصرفوها لينا علبة كل يومين...
أها كان علبتي دي كملت أعمل شنو..
Quote: اما الاتصال التاني بديت ازيك يابسمه يافنان. مش معقول عمر. ايوه عمر والله ياعيد صوتك شباب. ليه انت قايلني زي العجايز منصور والرشيد؟ لا والله انا قايل منصور والرشيد
شباب لكن من اليوم حااقول ليه يااووم دي طبعا ياعمو بالهولندي.
|
يا عمر ما تصدق محمد عيد ده...
هو الأووم و ستين أووم كمان...
أختف رجلك لحدي الفيس بوك و شوف صورة محمد عيد هناك...
دي الصورة الحقيقية من غير بدكير و منكير و...ما عرفتها الأخيرة دي غلبتني تب..
خلي محمد عيد يجي يورينا ليها...
تعرف يا عمر مرة في الاجازة مشيت زرت والدة محمد عيد الله يديها الصحة و العافية...
قلت ليها يا خاله انتي محمد ده مولود بتين...
لقيتها ليك ما متذكرة زاتو...لكن بعد مجهود كده قالت لي غايتو في أواخر الخمسينات كده...
تاريخ الميلاد المكتوب في الشهادة ده تاريخ دخوله المدرسة...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
| Quote: احمد اسماعيل والله تجيك هسي سناء الصباغ تطلعك سفيه أمثلة |
المثل بقول الجات في مالك سامحتك
وأنت يا ود جبرين الجات في حكاويك الجميلة والشيقة بعيدة من أفعالك خير وبركة
تعليق سنيرتك الدكتورة سناء الصباغ فقط من طرف اللسان
المهم والأهم ما احتوته الضمائر
ومطلبنا الشعبي للدكتورة عدم الغياب عشان نقطع لسان منصور ونشوف أنواره الساطعة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
تهربت كثيراً من قراءة طارق جبريل هذه المرة لا أدري لماذا .؟ هل لأنه يتوقف هكذا عن الكتابة ويجعلك في منتصف المتعة ... أم لسبب آخر وهو هذا الحنين الدفاق الذي يجعلك تعيش حالة من الحزن والنوستالوجيا ... أم كنت أريد أن أقرأه علي مهل في مثل هذه الكتابات لا تفيد معها قراءة المنتديات العجلي .... في كل الأحوال لم تنفع محاصرته لي هنا وهناك لأقراءه ... لأجد نفسي اليوم في مزاج صاف قررت معه أن أسوح في هذا الجمال رغماً عني حتي يعادل هذا الصباح الفرح الحزن النبيل في كتابات طارق ... إلا إنه لم يفلح فقد نزلت دموعي ثلاث مرات ... في المقطع الأخير وحده ... شكراً لك أيها الوغد ...زهير الزناتي تحدث معي طارق قبل أن يكتب ...ياخي عايز اكتب بس ما قادر ... قلت له .. اكتب يا طارق فإن الكتابة هي متعة مثل القراءة تماماُ ...تفرغ فيها كل شحنات النفس ... لم أكن أدري أن كتابته ستكون مثقلة بهذه الشحنات الحزينة ... الآن أعلم تماماً بأنه أفرغ الكثير منها ... وأصبح أكثر توازناً ... شكراً للكتابة التي تمنحنا هذا الألق الجميل ... من يقرأ الطيب صالح أو ماركيز أو بصيغة أخري من يؤمن بهذين الكاتبين فهو بلا بشك إنسان جميل ... لا يكتب طارق إلا ويأتي علي ذكر هاتين الأسطورتين ... أعتقد أن الطيب صالح ظلم (بضم الظاء) لأنه سوداني ... وتربيتنا الصوفية جبلت علي التواضع ... لولا ذلك لكن الطيب نبياً لهذا القرن مثلما هو ماركيز ....مثل هذه الكتابات لا يمكن التعامل معها بتقريرية ... اي مناقشة ما جاء فيها من مواضيع حيث يجرفها ذلك إلي اليومي والإعتيادي ... بل يجب قراءتها في إطارها الفني والإبداع الجمالي ... من أنس جميل ... ووصف بديع ... وإلتقاطها لتفاصيل صغيرة لا يراها إلا المبدعون لينقلوها لن بتلك اللغة الجميلة الآسرة ... وهذا هو الفرق ما بين الشخص العادي والكاتب المبدع ... أي أن الإبداع لا يحاكم إلا بأدوات النقد الجمالي ... وبعضاً مما جاء فيها مما يراه البعض تجاوزات جاءت في صياغها تماماُ ولم تحشر ولم تخل بالصياغ الأدبي ...
** كتبت هذه المداخلة في قروب ناس الزقازيق أولاً وتم نقلها عن (كوبي بست) وهذا ما لزم التنويه ...(قال ليك كسر ليهو الدش)
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
| Quote: ** كتبت هذه المداخلة في قروب ناس الزقازيق أولاً وتم نقلها عن (كوبي بست) وهذا ما لزم التنويه ...(قال ليك كسر ليهو الدش) |
يا أبو الزوز انت بس تجي ياخي و بي أي طريقة...
المره دي لو كان خليتها كنت عديتها ليك...
لأني ما متابع بي هناك...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
سلامات يا ناس
جميعاً : سلام
خاص :لنملوز
| Quote: سعيد بأن يكون في دفعتي بالزقازيق أمثال طارق جبريل وعمر نملة وأكثر سعادة بأني ليس دفعة موسي عيسي وجلا وبقية عقد المشاغبين |
زهير ده دايماً جارى للناس (السُغار) ....
لو أصر على الكلام ده ...انا حأجيهو بالوثائق...
او يتصل يحيينى ويكسّر تلج.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
| Quote: ومابين دهشة سناء الرضي من صوتي |
الرضي
كمال الشادي
حركتك دي ########ة لكن بفوتها ليك عشان صوتك السمح دا.
برلومنا ود جبريل انا ما قصدت حاجة بس مستغربة لاني لم اتعرف على هذا الجانب فيك وكمات نسيت انو محمد صديق
كان الفلات ميت بتاعك يعني بكون عارف الجوانب السرية بتاعتك والتي اصبحت علنية بعد امتهانك الكتابة.
طبعا كل زول بيكون عنده سفاهة في القول كدا بيمارسها مع اصحابه المقربين لكن يا طارق بعد تجويدك لفن السرد والحكي
خرجت بالسفاهة من دائرة الابتذال والبستها ثوبا فنيا قشيبا ولا اراها مقحمة في صياغ القص ( انا اليومين ديل مركبة لي مكنة ناقد)
احمد عباس اخد راحتك انا ما عندي اي كبك.
منص يا جميل واصل في التداعي وخليني احكي ليك جزء من الدهشة الاندهشناها في مصر المحروسة
اول حاجة انا مابريد البرتقال كله كله لاني ما بحب الحاجات الحامضة وطبعا البرتكان في السودان كله حامض
وكمان ما بنعرف اليوسفي اها انا اول ما مشيت مصر قدر ما شايفة الناس تاكل في اليوسفي دا اصلي مامشيت عليه
لاني متعقدة من البرتكان والحكاية دي اخدت مني زمن طويل عشان اقتنع انو اليوسفي فاكهة جميلة.
دهشتي التانية كانت من الفراولة والتي اشاهدها لاول مرة يازول عصرت ليك عليها شديد خاصة عصير الفراولة بتاع الشرقاوي.
تالت دهشة كانت البيتزا واول مرة اتذوقها كانت في القاهرة عزمتني وعرفتني عليها رجاء العباسي ومن اليوم داك علقت فيها.
السلام لزهير, ميسرة, عمر نملة واخوك سلامته, محمد عيد, رشيد القوم ونجاة, عمر المهدي وجلال وسلام كمان للناس الغايبين
زكفارة لشقيقة محمد المرتضى.
وكان الله هون بجيكم راجعة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: سناء الصباغ)
|
Quote: برلومنا ود جبريل انا ما قصدت حاجة بس مستغربة لاني لم اتعرف على هذا الجانب فيك وكمات نسيت انو محمد صديق
كان الفلات ميت بتاعك يعني بكون عارف الجوانب السرية بتاعتك والتي اصبحت علنية بعد امتهانك الكتابة.
طبعا كل زول بيكون عنده سفاهة في القول كدا بيمارسها مع اصحابه المقربين لكن يا طارق بعد تجويدك لفن السرد والحكي
خرجت بالسفاهة من دائرة الابتذال والبستها ثوبا فنيا قشيبا ولا اراها مقحمة في صياغ القص ( انا اليومين ديل مركبة لي مكنة ناقد)
|
يا دكتورة كيفنك
والله انا فهمتك من الأول قاصدة شنو
بعدين شنو فن السرد والحكي انت باقيلي قايلاني كاتب
يا سناء والله الواحد بيجي يفكها هنا مع الاحباب ديل من ضغوطات الحياة الكثيرة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
الف لا باس على الاخت
يا محمد المرتضى
وربنا ياخد بايدها
شهر يناير من العام 1985
(4)
الزعيم محمود الحوري
عندما فشل التجمع من تلبية طموحات الطلاب بالزقازيق
ولما كنا قد عرفنا الاتجاه الاسلامي سعينا لتكوين لستة من الطلاب
اطلقنا عليها اسم المعتدليين بقيادة الزعيم محمود سر الختم الحوري
هكذا تحول صديقي الحوري من افضل ثيردباك بالزقازيق الي زعيم سياسي
يتحدث في الاركان ويدعو الي لستة الطلاب المعتدلين فكان بنفس الحماس الذي
عهدته فيهو في المدرسة العسكريةحين يقول للمرحوم منير (زح لي خليني اكشو ليك )
فيفلت المهاجم من الكشة فيقول عبارته المشهورة (تجري احي انا ) هكذا الهب حماسنا هذا الحوري
فقد كان جاهز لاي فكرة متى ما اقتنع بها اصبح زعيمها وانطلق لا يلوي على شئ سوى تحقيق الفكرة
لذلك نجحنا في المعتدلين ونجحنا في فريق علوم بعد ان انفصلنا من فريق تربية وعلوم والذي لعبنا معاه
مبارتين (محي الدين عبد الستار الحوري والمرحوم منير وشخصي )وبعدها قرر محمود ان نصنع فريق علوم
ونستفيد من زخم دفعتنا التي ذكرتها فتحمسنا لحماس الزعيم الحوري واشركنا كل من يستطيع اللعب باشراف السكرتير
الرياضي (الاخت سوسن حسن بشارة ) فلعب عبد الحميد الطاهر وعادل عمر خليفةوالمرحوم الخلوق عاطف حسن الخضر
حتى الدكتور سعيد ابراهيم هارون كان حاضرا في التمارين ومشجعا في الميدان مع كوكبة اولاد وبنات علوم
والان اتذكر هتافات المشجعين والمشجعات بان يطرد الحكم واحد من لعيبة الخصم الذي حاول اصابة محي الدين عبدالستار
(اطردوا يا حكم اطردوا يا حكم وهي العبارة اضاف اليها الصديق مصطفى محمد الحسن كلمات حذفتها لتعرضها لمقص الرقيب ).
وعندما اتفق ان احد الفنانين تخلف من حفل استقبال الطلاب الجدد ابت نفس رئيس الاسرة محمود سر الختم الا ان يشارك
بفاصل غنائي نال رضاء الحاضرين وهي الحفلة التي كانت لاستقبال الطلاب الجدد اسامة خضر ومحمد ادريس موسى والشريف عباس الشريف
واسامة محمد عثمان ابتر وعمار رحمة الله وخالد سحلب ومجذوب حمد حينها .
واظن ان الذين شاركوا في رحلات علوم يتذكرون الكنبة الورا وكيف تؤدي اغنيات الجبجبه من حمادة دة حتى لقيته في الكبري
وايضا بقيادة الزعيم محمود الحوري.
اخر عهدي بصديقي ودفعتي في منزل الاخ عمار رحمة الله ونحن نحتفل معه بمنزله الجديد .
هذا رجل توق جيدي بجمايله ارجو ان يسعفني الزمن فارد بعضها فحتى كتابة هذه الكلمات لم نرسل احد اقربائنا او معارفنالمحمود
في مكاتب الشهادة السودانية حيث يعمل مساعدا لسكرتيرعام امتحانات السودان (وكما يقول اخونا عبدالله الزبير مصيره يكون السكرتير العام لامتحانات السودان انشاءالله ) لاستخراج شهادة اوالمشاركة في التصحيح او معرفةاي شي يتعلق بالشهادةالسودانية الا ساعده محمود يكفي انه مرسل مني او اي من ناس الزقازيق .
صديقي يقف كي بوردي هنا. ومن اراد المزيد فعليه مقابلتي في الماسنجر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: مبارك جادين)
|
جوبا مالك عليا تشيلي ود العباسية
السلام يغشاك في جوبا يا ود جادين
وباين غليها جوبا دي من زمان بتشيل الناس العزيزين
شنو الفكرة يا مبارك شغل ولا قطاع الشمال فرع الجنوب,
تليشة زي ما بيقول ود جبريل
والله انا زعلانة من سيلفا دا جدا
لانو ساعد الكرور ديل في الانفصال دا وقطع جزء مننا.
مودتي لكل ناس دولة الجنوب
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: سناء الصباغ)
|
صبحكم الله بالخير
| Quote: فيفلت المهاجم من الكشة فيقول عبارته المشهورة (تجري احي انا ) |
مبارك جادين يا سلام عليك و انت في اندياحك الجميل عن فريق المهدية (أولاد دفعتك)...
اريتني لو كنت من أولاد دفعتك...
كان لقيت لي زول يتكلم عني بهذا الجمال...
مبارك جادين (أحي أنا)...
يا سناء و الله سعيدين جدا بحضورك المتميز هذه الأيام...
يا سناء انتي كان ما لبستي الكبك...
كنتي الكوتش بتاع البنات الكانو بيلبسواالكبك...
و مرة مرة كده بتتذكري أيامك في الملاعب و بتلبسي الكبك...
و كمان بدون شراب حسب مصادرنا...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
الف سلامة لشقيقة الاخ محمد المرتضى
وتمنياتنا لها بالشفاء العاجل يا رب
يا جماعة شنو شابكين بت الصباغ كبك كبك
الزولة عاملة نيو لوووك فاتت فيهو رشا الرشيد بهناك
ما شايفين التـــوب وجدعتو العجيبة ....
يا بركة ود جادين
يعنى محمود الحورى من دعاة الانفصال ...
بس نسيت عبارة مهمة بجانب اطردو اطردو ياحكم ...
( رهييييييب يا حمدددي ) .....
ويحسب عليكم برضو السبق فى تعيين اول سكرتير رياضى
الزميلة سوسن حسن بشارة .... وبكده تكونو فتــو ناس النيل الازرق
وميرفت حسن ...
دى بعض الصور ولو لا الم الرقبة كنت اديتك المزيد
الحورى
تخريج علوم 87 م ويبدو السكرتير الرياضى بملابس التخرج
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عبد الدائم سيد أحمد)
|
تمنياتنا الاكيدة بشفاء شقيقة ود المرتضى
Quote: وهي الحفلة التي كانت لاستقبال الطلاب الجدد اسامة خضر ومحمد ادريس موسى والشريف عباس الشريف
واسامة محمد عثمان ابتر وعمار رحمة الله وخالد سحلب ومجذوب حمد حينها . |
انت يا ود جادين شنو التهميش دة
ديل ما دفعتي
غايتو لو ما كنت في جوبا كان جيت عضيتك في عنقرتك
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
| Quote: احمد عباس اخد راحتك انا ما عندي اي كبك. |
والله يا دكتورة عملتيها ظاهرة لكن ... يعني حركتك دي اسا ما جبـانـة
احمد عباس دا منو والى سنار ... صحيح انا من سنار لكن ما بشبه الزول الشين دا ياخ
على العموم وفي شأن الكبك خلينا نفتش ارشيف الصور ونشوف انتى ولا نجاة الكانت عاملة نيو لوك ياقول ديدو
خالص الامنيات بعاجل الشفاء وتمامه لاخت المرتضى
بركة يا بركة ... تحياتي من على البعد وبالله وصل لوم دكتورة سنا ده ل سلفاكير وختنى معاها
وشكرا للسيرة العطرة للزول السمح الحوري منذ ايام الزقازيق لم التقيه الا قبل سنتين بالرياض
ولقيتو ياهو زااااااااااتو الحوري
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
وانا من الصباح اقول احمد عباس .... احمد عباس ده منو ...
اتارى ياهو انتا يا جلال عثمان ....
فعلا" فى ( تشابك ) فى الاسم ....
ذكرتنى يوم حفلة تخريج كلية كده ( من غير ذكر اسماء )
عندهم واحدة نضضضضيفة جدا" كانت ماسكة اذاعة ربط الفقرات
اها فى اول ظهور ليها جاْت تقدم الفنان ....
الجمهور كورك وصفيق شديد ... قامت نست اسم الفنان ونست انها ماسكة المايك مفتوح ...
قالت للوراها هيييييي الفنان اسمو منو ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
يا الرشيد ده كان يكون شرف
كبير لفريق المهدية (اقصد كلية علوم ) ان تكون معانا
لكن هذا لايمنع ان نقول عنك انك كنت نجم في الزقازيق وانحنا مجرد برالمة مجهولين
وطبعا سعدنا بالسكن قرب شقتكم انت ومنصور ورفعت حمد زراعة
كنا حينها نسكن في شقة المحلج وانت شقتكم تسمى شقة الشبان المسلمين
تحتنا كانوا ناس نملوز عمه امين اولادمدني ونسيت معهم منو ؟؟؟؟
يادكتورة سناء زعلك انت وجلال (اقصد احمد عباس )
وصلنا للبنج سلفا
انا في جوبا بشكل نهائي
يعني ما قطاع الشمال ولا حاجة
لكن نزوح فرضته ارادة الشعب الجنوبي بالانفصال
لكن لايزال النيل يجمعنا
تحياتي للاسرة الكريمة
وما تطولي الغيبة ؟؟؟
يا جبريلا
العتبة لك حتى ترضى ديل دفعتك والدليل سكنك معاهمفي البرلمة قبل الانتقال الي لكوظ
وقد فاتني كتبة اسم الاخ ماهر شاهين فله اعتذاري .
ولقد انتظرتك في جوبا
ولا تزال الدعوة ليك مفتوحة
انت واي زقازيقي
شكرا يا ديدو على الصور
وذاكرتك لا تزال نضرة تتذكر (رهيب يا حمممممدي)
والصورة بتاعت ناس سوسن رهيييييييييييييبة
اين هؤلاء الناس الان لهم مني كل التحايا
طبعا في الصف الاول من اليمين سوزان فتحي
زميلتنا من الاسماعيلية
وجنبها طوالي دفعتك من مكتب القبول الدكتورة حنان علي
مرحب بنملوز
وجلال
وراجع ليك يا منصور
فقد ادخلتنا عالم من الدهشة الجميله
ده كله بسبب اليوسفي
يعني الواحد كان ذكر اسم فاكهتين تاني قصتنا حتطول
انا من المعجبين المدمنين لكتابتك
ارجو الاندياح
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: مبارك جادين)
|
Quote: والله يا دكتورة عملتيها ظاهرة لكن ... يعني حركتك دي اسا ما جبـانـة
احمد عباس دا منو والى سنار ... صحيح انا من سنار لكن ما بشبه الزول الشين دا ياخ
|
والله يا جلجل النصيحة حركتي ج ب ا ن ة شديد لكن دا كلو من الزهايمر والكبر
وكان قلت ليك العذر حتتأكد انو زهايمر وتعذرني
انا كنت قاصدة ارد على مداخلة اخونا احمد اسماعيل علي اساس انو هو الجاب سيرة الكبك
وفي الحقيقة هو ود جبريل القال لاحمد سناء حتجيك بكبكها لما احمد جاب سيرة الأندر ويرز.
اها دا تسميه شنو غير خرف.
لكن حقك علي.
ديدو قلت لي رهيييب يا حمدي اقعد اتذكر لي في الحاجات العجيبة دي ودي ياها البتجيب وجع الرقبة
وشكرا علي حكاية رشا الرشيد دي لكن لو كانت دي المزيعة الشاوها يوم الزفاف ديك دا طرفي منها اخير لي الكبك.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: سناء الصباغ)
|
التحيه لهذا الحضور الجميل
التحيه الى من يملؤن الخاطر والوجدان
حتى صارتا ليست بهما قدر مساحة اخرى الا للزقازيقاب
تحيه خاصه جدا لشمعة محترقه حبا ووفاء للزقازيقاب
واقول لاخوى ودجبريل جورج ده خلو عشان خاطر العشره
القديمه والود الحاصل ادامه الله واكراما لتلك البقعه الطيبه
التى جمعتنا عبر السنين ومازالت.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: سناء الصباغ)
|
التحيه لهذا الحضور الجميل
التحيه الى من يملؤن الخاطر والوجدان
حتى صارتا ليست بهما قدر مساحة اخرى الا للزقازيقاب
تحيه خاصه جدا لشمعة محترقه حبا ووفاء للزقازيقاب
واقول لاخوى ودجبريل جورج ده خلو عشان خاطر العشره
القديمه والود الحاصل ادامه الله واكراما لتلك البقعه الطيبه
التى جمعتنا عبر السنين ومازالت.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
اللهم إنا نسألك بأسمائك الحسنى وبصفاتك العلا وبرحمتك التي وسعت كل شيء
أن تمن على اختنا منى بابكر بالشفاء العاجل وألا تدع فيها جرحا إلا داويته
ولا ألما إلا سكنته ولا مرضا إلا شفيته وألبسها ثوب الصحة والعافية عاجلا غير آجلا
و شافها وعافها واعف عنها واشملها بعطفك ومغفرتك وتولاها برحمتك يا أرحم الراحمين.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد عيد)
|
العزيزة الدكتورة سناء
كيفنك
وكيف قريبتنا محاسن ان شاء الله معاك اخبارها لها التحايا اكان شفتيها
الظاهر عليك يا سناء بقيتي تسمعي غناء هابط
والدليل آآآآآآآلوووولووو
حركتك ما عارف شنو كده
عموما
رجعي لي شرايطي القديمة العندك كلها !!!!!
دي على وزن الاغنية
انت رجع لي رسايلي والرسايل العندي شيلها
يا سناء على فكرة
ناس الصوت يعني الدارسين صوت في معهد الموسيقى بيقولو
الزول ما بيعرف صوتو الا لمن يسجلو ويقعد يسمعوا
انا والله ما عرفت صوتي ولا إمكانيات صوتي الا لمن بقيت اسمعو واقيمو
كأنو زول تاني
لو استغربتي صوتي هسي فده عادي
لانو الصوت في حفلات الزقازيق كان ملخبط بي حاجات كتيرة
** الساوند ما مظبوط
** وبيومي زعلان ( بيومي ده الزول الكنا بنأجر منو الساوند في الزقازيق ) لانو اديناهو قروشو ناقصا
** وإنتي الكعب العالي ما مظبوط معاك لان الجزمة جديدة
** وواحدة جنبك قاعدة تتكلم مع كيسها لانها متشاكلا معاهو
** وكمال الشادي قاعد يغني
****** حاتعرفي صوتي كيف مع الجوطة دي يا سناء
لك التحايات
رسلي لي ايميلك عشان ارسل ليك التسجيلات البعمل فيها الايام دي
على [email protected]
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: كمال الشادي)
|
اللهم إنا نسألك بأسمائك الحسنى
وبصفاتك العلا
وبرحمتك التي وسعت كل شيء
أن تمن على اختنا منى بابكر بالشفاء العاجل
وألا تدع فيها جرحا إلا داويته
ولا ألما إلا سكنته
ولا مرضا إلا شفيته
وألبسها ثوب الصحة والعافية عاجلا غير آجلا
و شافها وعافها واعف عنها
واشملها بعطفك ومغفرتك
وتولاها برحمتك يا أرحم الراحمين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: جلال عثمان)
|
يا رب , يا اله السموات والأرض وما بينهما
يا من بيده الشفاء , ويا من بيده المرض
اذهب عن منى بت بابكر السقم والمرض
وعجل لها بشفائك الذى لا يغادر سقما
امنحها القوة , والأحتمال , والصبر
اسبغ عليها ثوب العافية
واجعل لها فى كل دواء شفاء
وفى كل صبر واحتمال
طهورا وكفارة يا رب العباد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
اللهم إنا نسألك بأسمائك الحسنى
وبصفاتك العلا
وبرحمتك التي وسعت كل شيء
أن تمن على اختنا منى بابكر بالشفاء العاجل
وألا تدع فيها جرحا إلا داويته
ولا ألما إلا سكنته ولا مرضا إلا شفيته
وألبسها ثوب الصحة والعافية عاجلا غير آجلا
و شافها وعافها واعف عنها واشملها بعطفك ومغفرتك وتولاها برحمتك يا أرحم الراحمين.
"اللهم رب الناس أذهب البأس وأشف أنت الشافي
لا شفاء إلا شفاؤك شفاءً لا يُغادر سقماً "
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
اللهم إنا نسألك بأسمائك الحسنى
وبصفاتك العلا
وبرحمتك التي وسعت كل شيء
أن تمن على اختنا منى بابكر بالشفاء العاجل
وألا تدع فيها جرحا إلا داويته
ولا ألما إلا سكنته ولا مرضا إلا شفيته
وألبسها ثوب الصحة والعافية عاجلا غير آجلا
و شافها وعافها واعف عنها واشملها بعطفك ومغفرتك وتولاها برحمتك يا أرحم الراحمين.
"اللهم رب الناس أذهب البأس وأشف أنت الشافي
لا شفاء إلا شفاؤك شفاءً لا يُغادر سقماً "
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
صبحكم الله بالخير
ليقيني التام بأن الزقازيقاب كالجسد الواحد اذا اشتكى منه عضو تداعى له باقي الجسد بالسهر و الحمى..
وجدت نفسي ألجأ اليكم بعد الله سبحانه و تعالى طلبا للدعاء...
و كلي ثقة في أنكم ما أن قرأتم طلبي الا و رفعتم جميعكم أكفكم الى السماء ...
و تداعيتم طالبين من الله سبحانه و تعالى أن يشفي أختي منى قبل أن تمس أصابعكم الكي بورد..
و هذا كان عشمي و ما كنت أرنو اليه..أن تدعوا لها..
فأنتم و ان كنت لا ازكي على الله أحدا فكلكم صالحون...
و ربما يكون فيكم المسافرون ..و المعتمرون...
و هذه وددت أن أغتنمها و استغلها للدعاء لأختي...
و أعرف أيضا انكم حينما تداعيتم و كتبتم هنا كان من أجل المساندة أيضا و التخفيف علي....
فلكم مني فائق امتناني و تقديري...
و ما تقطعوا الدعاء....
حقو تعملو ليكم بوست خاص بطلب الدعاء...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
تحياتي أجدع ناس
وتحيات خاصة للعزيز مبارك جادين (والله مشتاقين)..
ندعو للأخت منى بابكر(شقيقة أخانا الرشيد) بالشفاء ،، ونتمنى لها الصحة والغافية.
وسلامي للدكتورة سناء الصباغ التي أظهرت موهبة في النقد لم نكن نعرفها عنها
التحايا للأخ جلا ونحمد الله على سلامة عودته من الدامر
وخالص الدعوات لشقيقة محمد المرتضى بالشفاء
مع تمنياتي للجميع بالتوفيق
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: عمر هواري)
|
(ربى إنى مسنى الضُر و أنت أرحم الراحمين )
اللهم اشف اختنا منى بابكر شفاءاً ليس بعده سقما ابدا
..اللهم خذ بيدها. اللهم احرسها بعينيك التى لا تنام .
و اكفها بركنك الذى لا يرام و احفظها بعزك الذى لا يُضام.
و اكلأها فى الليل و فى النهار .
وارحمها بقدرتك عليها ّ.أنت ثقتها و رجائها يا كاشف الهم .
يا مُفرج الكرب يا مُجيب دعوة المُضطرين .اللهم البسها ثوب
الصحة والعافية عاجلا غير اجلا ياأرحم الراحمين..
اللهم اشفاه اللهم اشفها اللهم اشفاه..اللهم امين.
و التحايا للحلوين و للظهور المميز للدكتوره سناء بس خايف عليك من
عيون ناس جلا الحارة عموما اقرا المعوذتين قبل ما تتدخلي و كمان اية
الكرسي بس ما تنسى تلبسي الكبك .
الجميل عمر نملوز ليك وحشة يا حبيب و طلعتك منورة البوست و التحايا
للاسرة جميعا و ربنا يكتب شفاء الاخ يا كريم .
عمر هواري مداخلتو بقت زي بيضة الديك في السنة مره و حتى المرة مختصرة !!!
زيدنا من دلك شويه يا عمر .....
طارق يا جبريلا ماركيز شنو و الله ما يجي جنبك بس تتدفق و انساب تلقانا كلنا منداحين ..
الابنوسي و احمد عباس ( و الله يا احمد اسم علي مسمي) و ابو عمر و باقي ناس الرياض
ما تشوف لينا لمة زقازيقية في العطلة دي و لو برضو صاحبنا كمال الشادي قام اعتزز
الليمون برضو ما في مشكلة نستعين بعمرو الشادي !!!! وينك يا جلا ....
الشاب الانيق ياسر نجيلة اشتقنا للضحك و المداخلات الحلوة ديك امل تواصلك حتى لو
تاخد اذن مسبق الدفع من بنت الشيخ ممهور بتوقيع الولد امين سر بنات الشيخ .
جنابو نحاول نلقى ليك عذر نحاول نلقيك عذر ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: موسي عيسي)
|
Quote: لا ازكي على الله أحدا فكلكم صالحون...
و ربما يكون فيكم المسافرون ..و المعتمرون... |
أنا غايتو كنت مسافر وجيت
ما عارف دي ممكن و لا لا !!!!
لكن أظن صحبي لا هو معتمر و لا مسافر
صالح دي!!!!
أديني فرصة للتدقيق و بعد ذلك ينظر و يفاد
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
صبحكم الله بالخير
Quote: أنا غايتو كنت مسافر وجيت
ما عارف دي ممكن و لا لا !!!!
لكن أظن صحبي لا هو معتمر و لا مسافر
صالح دي!!!!
أديني فرصة للتدقيق و بعد ذلك ينظر و يفاد |
بتعتمد على كنت مسافر وين يا جلا...
أدينا تفاصيل أكتر عشان نرد عليك....
و ان شاء الله تكون دققت فيما يخص صاحبك...
الرجاء افادتنا حال التوصل الى نتيجة...
يا ريس دعاء الصباح حقو تخصصه للبوست....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه الخير
دعاء الصباح :
اللهم أجعلني ممن يحبك
ويحب ملائكتك ، ويحب رسلك
وعبادك الصالحين ،،،
======================
يا ريس دعاء الصباح حقو تخصصه للبوست....
اللهم حبب إلينا هذا البوست
وأجعل أفئدة كثيرة تهوى إليه
وحبب إلينا أخواننا وأخواتنا
من قبيلة الزقازيق،،،
آمين ،،،،،
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
أقول ليكم الزول دا نجيلة
تقول لي عارفين
غايتو الفهم قسم!!!!!!
زول يبدأ المداخلة بي وردة و يختمها بي كبك!!!!!!
| Quote: عندما يكون الانسان مثل قطعه النقود بوجھين، فإنه يقضي كل عمره متنقلا بين جيوب الناس. |
شخصياً أحب أن أكون كالنقود بس أبعدوني من الفكة
شخصياً منتظر ما هو الرابط العجيب بين اليوسفي و الشنب و الكبك!!!!!!
الرشيد خلي منص يجيب الرابط دا بعد يجاوب عن فناء العالم
نجيلة عودتك ما نجيلة
هههههههههههههههههههههه
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: شخصياً منتظر ما هو الرابط العجيب بين اليوسفي و الشنب و الكبك!!!!!!
الرشيد خلي منص يجيب الرابط دا بعد يجاوب عن فناء العالم
|
الرابط بين الشال و الشنب و الشبورة ...
أما عصير اليوسفي ده كان مفروض يكون شويبس...
عشان القافية و كده...
بعد ما شفت ايجابيات المرأة النكدية..
اتمنيت انو ست بيتي تكون نكدية (وش بريء جدا)...
الفتانين و المرجفون يمتنعون...
حتى لا يحملوا الوش البريء محملا آخرا...
منصور يتعاون مع فرانشيسكو كوبولا هذه الأيام...
لاعداد فيلم آخر عن نهاية العالم الآن....
فرانشيسكو معجب جدا برؤى منصور عن الموضوع...
قال ليهو بس أبعدني من موضوع اليوسفي و البرتكان...
عشان الفلم ما يبقى طويل...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: طارق جبريل)
|
Quote: اتمنيت انو ست بيتي تكون نكدية (وش بريء جدا)...
الفتانين و المرجفون يمتنعون...
حتى لا يحملوا الوش البريء محملا آخرا... |
أنا من الذين بمتنعون و ليس المرجفون
قلت لي داير تسبح و تحمد و تستغفر
تكون مليان ذنوب و نحن ما عارفين
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد آدم النور)
|
Quote: أنا من الذين بمتنعون و ليس المرجفون
قلت لي داير تسبح و تحمد و تستغفر
تكون مليان ذنوب و نحن ما عارفين |
انت لما لاقيتني ما شفت الوش ده كان منور كيف من التقوى...
أوع تكون كنت قايل ده من كريم ديانا و لا فير أند لفلي....
أنا الحقيقة اتمنيتها تكون نكدية عشان أبقى رشيق....
وزني زايد شديد الأيام دي (وش تاني بريء)...
يا مرجف...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ميسرة سيد أحمد)
|
سلامات يا ناس
وصباحات التفاؤل
اسأل الله الشفاء للاخت منى بابكر
++++++++++++++++++++++++++++++++++++
شكرا نجيلة على الابتسامة
شكرا ودالمهدى على الاغنية الطاعمة
| Quote: جنابو نحاول نلقى ليك عذر |
يا موسى سلام وكتر خيرك
صاحبك هاتفنى امس وهو وصل الخرطوم حنسلمو الامانة
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
Quote: قاصد :
ولا هذى ولا تلك
=
ملتقى النيلين فى الخرطوم يا سلمى |
الزول ده صاحبك و انت بتعرفو أكتر مننا...
أنا أعتمد تفسيرك...و أقبل بي تفسير جلا كمان...
انو زهير ما دق في نمرتي...
كده برضو يا أبو الزوز...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: Hatim Gubara)
|
ود المهدي ...
تشكر على رابط الاغنية ...
جبتها من اصلها ... مشكووووووووووووووووور
=========================
زهير الزناتي ...
الزول ده ياشباب عاوز يقول ليكم انو موجوووود ومتابع ...
والقحة ولا صمة الخشم ... حتي لو شارك بالاصفااااااااار
===============================
ود جبارة مرحب بيك ....
الكرت الصحي ... وما ادراك ما الكرت الصحي ...
بذكر كان يستخرج من الصحة بالقرب من سنما كولزيوم ... او ميدان الامم المتحدة ...
وفيهو زحمة ماعادية ... وشباك التقديم والاستلام صغير جدا ... وكل الابواب مقفولة ...
في واحد بتاع ورنيش ... تديهو خمسة جنية ... يجيبو ليك بعد خمسة دقائق مختم كلو ..
والغريبة برضو في الخارجية في واحد بتاع ورنيش .... بدخل اكبر مكتب
ويوثق ليك الشهادات قبل ما تكمل كباية الشاي ....
ايام والله ...
عندي شنطة قديمة من أيام الزقازيق ...
اشوفها وارجع ليك تاني ...
بتذكر الشنطة دي ياعبدالدايم ... لما زرتنا في الشارقة ...
سرقت منها كم صورة ؟!!!!!
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صبحكم الله بالخير
و الله يا أبو الزوز حيرتنا معاك...
شغال معانا بالشفرة الأيام دي...
ما عارف بتختبر في شنو فينا...
خليني أطمنك من ناحية الذكاء ما زلنا بخير...
من ناحية الشباب نحمممممد الله...
من ناحية الصبر ده الوحيد الكمل...
و انت الكملتو لينا...
حاتم جبارة...
أقر و أعترف انك كنت صغيييير و حلو...
بس كنت غير لائق للدراسة داخل القطر...
في زول يقدم شهادة تدينه يا حاتم...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
بالله يا حاتم انت من زمن اورنيك 82/8
تشطب الكلمات الغير مستعملة
الجملة دى معناتا شنو مكتوبة فى اخر الشهادة ....
فى التمنينيات القومسيون الطبى الخرطوم ممكن ست الشاى تعمل ليك
شهادة ميلاد وتسنين وتختم هى على ورقة الدكتور زاتــــو ...
Quote: بتذكر الشنطة دي ياعبدالدايم ... لما زرتنا في الشارقة ...
سرقت منها كم صورة ؟!!!!! |
شنطتك دى متين حتعرف درب ( الاسكنر ) يا نجيلة ....
قاعدة فوق الدولاب لمتين ، ياريت لو سرقتها كلها
ونزلتها هنا كان الناس استفادت ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
صباح الخير ،،، يا وجوه الخير
أصبحنا وأصبح الملك لله وحده
دعاء اليوم :
لا إله إلا أنت سبحانك
إني كنت من الظالمين،،،
========================
نطالب بطللات جديده يا ريس معتصم
مكانك شاغر هنا!!!!!!!!
ود جبارة مرحب بيك ومرحب بالأوراق الثبوتية الأثرية
ونحث الجميع بالبحث عن الأوراق القديمة علشان نشارك
في المسابقة إلى رايح يعملها عبدالدائم.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: زهير الزناتي)
|
تقرع الأجراس :
- للطلاب
- للمصلين في الكنائس
- للتحذير من مرور القطار
- لبيع الجاز أو الغاز
- خدعة عبدالله إبن ابي السرح لتفزع جمال السودانيين
- للمصانع
- للنائمين
- ؟؟؟؟؟؟؟؟؟؟؟؟؟؟؟؟؟؟
في شنو يا أبو الزوز؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: محمد صديق)
|
لمن تقرع الأجراس ....
المرة دي سؤال ولدنا زهير اوضح من الشمس ....
لمن تقرع الأجراس ... هي رواية لإرنست همنجواي (21 يوليو 1899—2 يوليو 1961) صدرت في عام 1948.
تحكي الرواية قصة روبرت جوردون الشاب الأمريكي المنتمي إلى الكتائب الدولية المرافقة لإحدى عصابات الحرب الشيوعية خلال الحرب الأهلية الإسبانية.
وعُين روبرت جوردون، بصفته خبير في استخدام المتفجرات، ليقوم بتفجير جسر خلال هجوم على مدينة شقوبية.
وتعتبر هذه الرواية في نطاق واسع من أعظم أعمال همنجواي بجوار ثم تشرق الشمس والشيخ والبحر ووداعا للسلاح.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
دعاء احببته ... ورددته كثيرا ...
تمنيت ان تشاركوني فيه ...
ليس امرا ولكن رجاء ...
قراءة متأنية للدعاء ... وتأمل في كلماته ...
دعاء فك الكرب
الهم انت عونى فى شدتى و مؤنسى فى وحدتى وحفظي في غربتى ودليلى فى حيرتى وملجئى اذا ضاقت على نفسى
اللهم انى اسألك بحق وجهك الكريم و سلطانك العظيم الامن و الامان يارب العالمين
اللهم لا تشمت اعدائى بدائى و اجعل القرأن العظيم دوائى وشفائى
انت ثقتى و رجائى واجعل حسن ظنى بك شفائى
الله ثبت على عقلى و دينى وبك يارب ثبت لى يقينى
وارزقنى رزقا حلالا يكفينى وابعد عنى شر من يؤذينى
ولا تحوجنى لطبيب يداوينى
اللهم استرنى على وجه الارض
اللهم ارحمنى فى بطن الارض
اللهم اغفر لى يوم العرض
بسم الله طريقى و الرحمن رفيقى والرحيم يحرسنى من اى شئ يلمسنى
اللهم انى اعوذ بك من شر النفاثات فى العقد و من شر حاسد اذا حسد
بفضل قل هوة الله احد الله الصمد لم يلد و لم يولد ولم يكن له كفوا احد
وصلي الله على سيدنا محمد وعلى آله وصحبه اجمعين ....
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
Quote: شنطتك دى متين حتعرف درب ( الاسكنر ) يا نجيلة ....
قاعدة فوق الدولاب لمتين ، ياريت لو سرقتها كلها
ونزلتها هنا كان الناس استفادت ... |
يعني بتعترف علنا ... انت سرقت جزء منها ...
اكتبي ياخديجة ....
عموما لما تجيني تاني ...
حننزلها كلها بالاسكنر ...
عشان الحاجة البتضحك فيها شديد ... ما انزلها ...
كشف حال بعد العمر ده ... مابنقدر عليهو ...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: ياسر نجيلة)
|
صبحكم الله بالخير
أحتاج دوزنة ً
تفك حبالكم عني
وتربطني بكم
كيف التقيتم… خلفَ نافذتي
تجمهرتِ البنادقُ
ناصبتني الشعرَ
والخوفَ المسيجَ بالخمور
قرّبت بين النساء
وباعدت بين النساء وبيننا
- نادوا الوصيفات الشهود
وكل خدام البلاط
- هذا النكوص يخيفني….
سأدس باطنَ راحتي في صدرها
وأظل أعلن أنه - قد قٌد من دبر -
فكيف ترونني …
أحتاج دوزنة ً
وترًا جديدًا
لا يضيف إلى النشيد
سوى النشاز
ياسر نجيلة مبكر اليوم ما شاء الله...
شكلها كده الميزانية خلصت و البال ارتاح...
من تجربتي الشخصية...
اذا لم تكن ست بيتك زميلة دراسة...
فان الصور التي تترك هكذا في أي مكان...
راس دولاب...شنطة قديمة...كرتونة مفتوحة...
فهي حتما صور قد تم فرزها بعناية شديدة...
أما اذا كانت ست بيتك زميلة دراسة...
فسيتم فرز الصور بعناية أكثر...
نصحني صديق لي بتناول ما يقارب اللتر من الماء كل صباح...
و ذلك بغرض انقاص الوزن و تحسين الهضم...
صدقته و اتبعت نصيحته...
لكنني قضيت غالب وقت الدوام بعيدا عن مكتبي...
يا بلاد النور
وارهاص الخير
لابد يوم باكر يبقى خير
رقصت نخلاتك والغابات
والنيل يتفجر والغيمات
روح التاريخ..هبت نسمات
صدق الإحساس
في كل وليد
عشم الفنان
نبض الإنسان..وسنابل الخير
لابد يوم باكر يبقى خير
الحب هو
أن لا تخبر زوجتك أنك تقوم بانقاص وزن...
حتى لا تعتقد انك تنقص وزنك لسبب آخر غير الاهتمام بصحتك...
أما اذا قامت بالتخلص من بنطلوناتك بحجة انها أصبحت ضيقة و قديمة...
فتأكد انها قد عرفت بسرك الخطير...
ألا و هو الاهتمام بالصحة...
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: الرشيد بابكر)
|
بسم الله الرحمن الرحيم
( وينزل من القرآن ماهو شفاء )
(وإذا مرضت فهو يشفين) ( ويشفصدور قوم مؤمنين)
( قل هو للذين آمنواهدى وشفاء)
ببركة وفضل هذه الآيات أسأل الله العظيم رب العرش العظيم
أن يشفي ويعاقي منى بابكر أخت الرشيد
اللهم رب الناس أذهب البأس أشف أنت الشافي شفاء لايغادر سقما
بسم الله نعوذ بعزة الله وقدرته من كل مانجد ونحاذر
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
سلامات يا ناس
وصباحات التفاؤل
شكرا يا نجيلة على النبذة التوضيحية (لرواية لمن تقرع الاجراس)
وبرضو النشاط الواضح والذى يدل على عودة زول مكتمل الطايوق.
وفى انتظار محتويات الشنطة.... وخلى بالك من ملاحظات الرشيد.
برضو دايرين نعرف منو الحيقوم بقرع الاجراس...
انا ما بفرق معاى اى زول ممكن يقرعها ....بس ابعدوا منها جلا.
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
في إحدى رحلاتنا بقطار الهم (قطر نيالا ثلاثة أيام بلياليها حتى نصل الخرطوم)
إتلّحني واحد من غرب أفريقيايتكلم العربية الفصحى ، المشكلة ما في كلامه المشكلة
في كيفية الرد عليهو لانه لايفهم بالعامية السودانية لازم الفصحى الراجل قوم نفسي
بكلامه الكثير والأسئلة الكثيرة
اليومين ديل يتكرر معي نفس الموقف مع شاكر ولدي وشفق الأصغر منه لكن عرفت أن اللغة
العربية الفصحى للمخاطبة سهلة وبسيطة للذي يبدأها على أصولها فمثلا شاكر ينشف ريقي
بعبارات بسيطة مثلا
بابابا أريد أن أعلمك يعني اوريك ؟ فإذا كنت مشغولا عنه يقول بابا أنت لاتسمعني ؟
وعبارات أخرى ،لا أريد الطعام ، ماذا تقول ، وماذا قلت وكلمة حسنا ، وأصمت ، ما هذا
وهذا مقزز وهذا كذا وكذا ،خطأ بابا ، آسف بابا ، نعم بابا ، بابا أنا قلت لا تحدث أحد
الخلاصة أجد محور كلامو (لا ، نعم ، هذا ، ماذا)
أم عمر قالت لي من أول هذا الأسبوع شاهد شاكر في عرض أفلام الأربعاء بالتلفزيون
فلم لفأر صغير ينادي وير إذ بابا ووير إذ ماما ويبكي وهناك كديس يحاكي الفأر ويرعبه
شاكر هو الآخر بكى مع الفأر وأطلق على الفلم إسم الفأر الحزين وبقى شاكر مشغول
بفلم الفأر الحزين ومواعيد عرضه وحرصه الحضور حتى نزهة آخر الأسبوع يوم الأربعاء
رفض الذهاب وطالب الجميع أن يحضروا معه (فلم الفأر الحزين) ولم يكتفي بهذا طالب
بحضور الجيران وتوفير الشيبس والفشار والعصير وزعل علي لعدم حضور الفلم معهم
الأخ محمد آدم جلا اليوم ما جاك ابنشهيق ، أنا وجلي اليوم جبنا سيرتك الطيبة
تقبل سلام جلي
| |
|
|
|
|
|
|
|
|
|
Re: ناس الزقازيق ... أجدع ناس (4) .. (Re: أحمد إسماعيل)
|
لك الصحة و العافية
و كذلك عصام جلي
عليك الله مش بقيت زي ولدك
خايف أقول ليك أعرب ما تحته خط!!!!!
Quote: وبقى شاكر مشغول
بفلم الفأر الحزين ومواعيد عرضه وحرصه الحضور حتى نزهة آخر الأسبوع يوم الأربعاء
رفض الذهاب وطالب الجميع أن يحضروا معه (فلم الفأر الحزين) ولم يكتفي بهذا طالب بحضور الجيران وتوفير الشيبس والفشار والعصير وزعل علي لعدم حضور الفلم معهم |
| |
|
|
|
|
|
|
| |
عمر نملة
عبد الدائم سيد أحمد
منصور عبد الرازق
محمد صديق
طارق جبريل
عمر المهدى
ميسرة سيد أحمد
ياسر نجيلة
الرشيد بابكر
أحمد إسماعيل
زهير الزناتي
سناء الصباغ
جلال عثمان
محمد آدم النور
معتصم جعفر
محمد عيد
كمال الشادي
عمر هواري
موسي عيسي
Hatim Gubara
فيس بوك
تويتر
انستقرام
يوتيوب
بنتيريست