|
Re: ناس الزقازيق ... أجدع ناس .. (Re: محمد عيد)
|
يا جماعة المنبر المنفصل بكل تأكيد سيكون إضافة لنا وأري أن الناس كلها موافقة علي ذلك ومن الأفضل ان تكون بيدي لا بيد عمرو ، ولنعمل من أجل أن نحقق العديد من المكاسب ، وغداً سوف نرسل لبكري موافقتنا علي المنبر الجديد ، وبعد أن نصل الميل مية نفتح البوست الجديد والمنبر الجديد ، ويا سامي من الآن جهز قائمتك حتي تكون في بوست منفصل ... كقاعدة بيانات نستفيد منها ، ولديك مني العشرات ... ولنعمر ذاك المنبر ونجلعه يضج بالحياة ...
وين ناس الليل لغاية الآن لم يظهروا .....
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
ابو الزوز ...
كويســشان مارك كبير ...
وين أخونا عبد الحفيظ ... لعل اخباره زين
***8
اتفق معك فى ضرورة التجهيز للرحول للبيت الجديد
وكما ذكر الرشيد حقو نبتدى نصب الاعمدة من هســـه ...
يعنى نفتح الباب لآراء الناس ومقترحاتهم .. واكيد الخوف المسك الناس ده حيتبدد
خاصة انو مفاتيح الابداع عندنا كتيرة
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
يا محمد عيد لنبدأ في تجهيز أنفسنا ... نحشد القوات الزقازيقية و كل من لديه الرغبة في الإنضمام ما عليه سوي إرسال إيميله علي إيميلي التالي : [email protected] لدي مجموعة من ناس الزقازيق :
1/ عبد السميع دفع الله . 2/ عرفة محمد سعيد . 3/ كمال الشادي . 4/ حنان مجمر . 5/ نزار الشقليني . 6/ إخلاص محمد أحمد . 7/ نجاة حوفي . 8/ مني يونس .
وكل من لديه الرغبة في الإنضمام لهذه الكومبة نتنمني أن يرسل لنا علي الإيميل أعلاه ,,,
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلامات يا ناس
Quote: ,,, ما أحلى الحبّ وما أبهاهْ!
كونٌ مكتملٌ ومعافى
لم يتشظَّ ولم يتمزَّقْ
|
عيد يا حبيب ...سلام
دائمآ بتجيب من بيت الكلاوى
حأنزل ليك ولكل الناس قصيدة عنو..هذا الكون المعافى
الغريبة القصيدة الناوى عليها دى طلبا زول مننا زهير
عارفو منو ...وانا قاعد اقول ليهو ما جات مناسبة ..اها
انت الليلة جبت المناسبة.
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
أتصلت قبل قليل بالأخ عبد الحفيظ ووجدته لا يزال يعاني من آثار الملاريا الخبيثة التي ألزمته فراش المرض منذ أسبوعين . وهو الآن يتعافي رويداً رويداً .. ولكن الأطباء منعوه من نشاك حتي يستعيد عافيته كما أن حقن الكينين لها تأثيرها القوي علي الجسم ، نتمني لعبد الحفيظ كامل الشفاء وأن يعود معافي بأسرع ما يمكن ...
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
==========================
لو انها نوافذ السماء ...أرسلت
لارضى الشديدة الولوع
جداولآ من الغيوم والمطر...
لما ارتويت
لو انها منابت الحقول ...أخرجت
لعينى الكثيرة الدموع
منازلا من الكروم والعنب
عرائشآ من الورود والزهر
تضوع بالعطور والشذى ..
لما اكتفيت
لو أننى خُيرت يا حبيبتى :
لكنت قد سألت..
ان اكون قرب من اُحبْ
لاننى ومنذ عام
اُصبت يا حبيبتى بداء رؤية الاحباب
لو اننى حبيبتى :
ملكت قول من تشربوا المواجد
قول من براهم الهيام
والتوجد الصعب
لكنت قد نسجت من حروفهم :
مقاطعآ تنثال بهجة وروعة وحب
تضج بالصلاة والعبير والشذى
لاجل من اُحبْ
لو كنت يا حبيبتى ملكت قولهم :
لكنت قد نسجت من حروفهم ..
ستارة تلفنى وانت والمساء
ولا احد
لو اننى حبيبتى خُيرت فى المساء :
لكنت قد رقيت للسماء
أمسكت بالنجوم نجمة فنجمة ..
الُمها ..الُمها لتستدير حول معصميك
أُخيط من ضيائها ...
عباءة لمنكبيك
اخط فوق صدرها كلمتين ..ثم قلب
لأجل من أُحبْ
لكنها حبيبتى ...
مسالكى جميعها ..
مصابةٌ بداء لو .
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: العزيز / زناتي تحياتي ليك و للأسره الكريمه و لكل زقازيقي من حولك فكره تزكيه الزقازيقاب للمشاركه في البوست الجديد هي فكره جيده تعطي الفرصه للكثيرين للمشاركه في إجترار الذكريات و ثقل المعرفه و تبادل الخبرات كل في مجاله و ذلك لتشتتنا في مختلف التخصصات و بقاع الرض نتمني التوفيق لكل الزقازيقاب في حياتهم الخاصه و العامه و يصبحوا غدوه يحتذي بها لأتمني ضمي لقائمه الإشتراك قيس جمال الدين |
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
وردية الليل تشكو من قلــة الفرسان ...
اين انت يا رشيد .. واين انت يا جبارة
بل اين زوبة واين الريس واين جلجل ... وووويينك يا ابو الزوز ..
رغما عن كل ذلك
ستبقين يا رايتنا فى العلالى دائما
( من قائل العبارة اعلاه ؟؟ )
صاحب الاجابة الصحيحة جائزته اول بوست فى الموقع الجديد
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
سلام يا ناس
لا زلنا في صدمة المحاكمة الحكم بتاع ((اغلاق مقر الجريدة بشكل نهائي)) حُكم ملغوم جدا لا هو بيعني انه الجريدة منعت بشكل نهائي ولا انها كمان ما منعت عشان كدة بكرة حا نصدر عدد لو الامور مشت معناها نبدل المقر ونشوف حالنا ولو ما خلونا نطبع معناها شربنا الزيت
بس دعواتكم معنا
لسة عند رأيي انه البوست دة حتى لو اتأرشف نعمل واحد زيه ونستمر في هذا الألق لانه ناس اليوم الحار والله اتشحموا لمن فصلوهم براهم وبقى منبرهم مسيييييييييييييييييييييييييييخ وانا متفق مع كلام الرايس ميسرة الاخير في الموضوع خلوا بكري يأرشف المائوية دي وخلونا نبدأ مائوية جديدة بس لازم ندعم الزقازيقاب بالدخول للمنبر ليكونوا اعضاء زي اخونا سامي والله يا حبيب لا عندنا شلل لا حاجة هسي انا البيجمعني في شلة واحدة مع الزناتي دة شنو ياخي الراجل دة تشوف شنبه مستحيل تقول دة دفعتي انا وحاتم وصالح وابتر بعدين يا الزناتي انا والله بقت عندي واسطة عند بكري اقوى من حقتك يمين علي املأ ليك البوست دة لكوووووظ
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
يا ود جبريل بقت عليك حكاية غلبتو مرته أدب حماته ... عصركم مولاي عايزين تهرشوا هناي ... دا مثل جديد هسه الزناتي المسكين دا ما متضامن مع جريدتكم دي رغم إنه إسمها أخبار اليوم والله الإسم دا طوالي قاعد يجيب لي الكاروشة ويذكرني الدار وما عارف منو داك ... المهم يا حبيب البوست مستمر في محله وحا يكون عندنا منبر منفصل عشان ناخد راحتنا فيهو ونجيب فيهو سيرة الفلانية ديك براحتنا ...
المهم حا نتابع معاكم موضوع العدد بتاع بكره ، عليك الله لمن يصدر رسل لينا منه نسخة ، أكيد حا تكونوا مكسرين فيهو تلج صاح ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
وحات الله يا زهير العدد رئيس التحرير عمل فيه افتتاحية يا حا تودينا السجن يا حا تودينا كوبر
غايتو بس الله يستر
ياخي نسيت اشكر الاحباء مبارك جادين ومنصور على تليفونات الاطمئنان الله يعدلها عليكم شقيش تقبلو
تليشة: يا صالح البرلوم عليك الله تعال راجع لي ناسك واهلك نحن ما بنبقى بلاك ياخي تعال حتى لو تكبس لي ذاته
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
الليلة رجعت للتليش معناها معنوياتك مرتفعة بالتوفيق ياحبيب صالح دا ما تشيل همه قاعد .. ما مشي حته ...
إنت أبقي داب رقبتك ورئس تحريركم دا الظاهر عليهو ما الناشر أوما مساهم في الشركة عشان كده شغال بنظرية جلداً ما جلدك جر فوقه الشوك ... وإذا كان صاحب حق كمان يبقي زول متهور وزول زي دا أحسن تشوف ليكم صرفه من بدري بدري ما يقوم يوديك في داهية في بلد الغربة ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
المشكلة يا ابو الزوز رئيس التحرير عنده ستين في المائة من اسهم الشركة زول زي ابو الدقيق لكن كلس شديد
تليشة تانية: صالح وحات الملح والعيش الاتعشيناهو سواء في المطعم بتاع الجكس داك تعال هابشنا ونهابشك
يلا تصبحوا علي خير بكرة عندي معركة السواد واللواد
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: وحات الله يا زهير العدد رئيس التحرير عمل فيه افتتاحية يا حا تودينا السجن يا حا تودينا كوبر |
ود جبرين ..
ياخوى زولك ده اختا دربو عديل كده
قاعد يناطح فى مولاى وسيدى ديل باكر يلقى روحه فى قوانتانامو ولا ابو غريب ما بعرف ...
غايتو اقعد بعيد منو ومن الشليق التانى البيرسم الكاركتيرات ده ...
الله يقويك ..
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
بركه الجيتنا طيب يابيجو..
أها قصه بطه و الاتجاه المعاكس.. احتفالا بي جبريلا..
"حاتم.. عليك الله قوم أرح.. محاضره البايوكيمستري حتفوتنا.." "محاضره شنو يا طارق.. أمشي أقعد للببغانات ديل يسمعوا فينا.. عليك الله فحط خليني أنوم.." "لا لا ياخ.. رئيس القسم يوسف شحاته بيدرس الجزء دا من الكتاب.. شرحه سمح خلاص.. بعدين الزول دا سأل وقال ليه السودانيين ما بيحضروا.." وافقت علي مضض.. ومشينا المحاضره.. وقعدنا شله من السودانيين في نص المدرج.. حوالي الصف الخامس أو السادس.. وبدأت المحاضره.. حقيقه.. يوسف شحاته شرحه كان سمح.. لكن زي نص المحاضره كدا.. زهجت.. التفت جهه اليسار.. لقيت جبريلا منهمك.. شاغلتو.. ما هببو لي.. ثم التفت يمينا.. وجدت أختنا بطه.. الشهيره بي ياسمين.. سألتها.. فردت.. بديت الونسه.. وجرت.. خففت دمي علي الاخر.. بطه بدت تضحك وعامله حريفه ما يشوفوها.. لكنها لمن تضحك عندها هزه كتافين كدا.. العميان يشوفها.. وفجأه.. "الأخت السودانيه اللي غرقانه في الضحك.. بتضحكي علي ايه.." بطه اتضهبت و الضحك طار ليها.. "انتي اللي لابسه بلوزه حمرا.. قومي أوقفي.." "أنا يا دكتور.." زي عايز تعمل فيها بريئه والكلام لا يعنيها.. "أيوه انتي.. أوقفي.." وقفت.. والعيون بدت ترقرق.. ميته القلب مصيبه.. مش أسكت.. الضحك غلبني.. دنقرت راسي أتم الضحكه.. "والأخ السوداني اللي بيضحك جنبها.. أوم أوئف انت راخر.." قربت أقول ليهو "أنا يا دكتور.." لكن قلت أخزي الشيطان وما أزودها.. "بتضحكوا علي ايه.. انتو بتعملو ايه.." "لا يا دكتور مفيش.." دا أنا طبعا لأنو بطه غلبها الكلام.. "مفيش دا ايه.. دي قله أدب.. اتفضلوا بره.." لملمك لملمك.. شلنا ورقنا و اتخارجنا.. المدرج كلو يعاين لينا.. طلعتنا من الباب.. بطه بدت النحيب.. شده ما بكت غلبها المشي.. "واي يا حاتم.. الليله حنسوي شنو.." "ياسمين.. اتخاراجاكي من الحته دي.. الزول دا ما يشوفنا تاني.." كلمتي ما تميتها.. جا يوسف شحاته جاري لاحقنا.. "ورايا عالمكتب.." نعم يا خوي.. خليت محاضرتك وجيتنا.. المهم زولكم التقول عندو مسدس في المكتب.. جاكي جك.. وأنا بقيت مجهجه.. لا عارف أجري أحصلو ولا أتأخر لي بطه الغالبا المشي دي.. "ياسمين أسرعي.. عليك الله.." مع البكا.. "ما قادره.." وصلنا المكتب.. "انتي بتعيطي ليه ياختي.. ما انتي كنت مش قادره تبطلي ضحك.." ما زال الكلام غالبا.. "وانت.. كنت بتقول لها ايه.." "أبدا يا دكتور مفيش.. احنا متأسفين أوي.." "متأسفين دا ايه ياخوي.. بقول لكو ايه ألبايو دي انسوها.." "ننساها ازاي يا دكتور.." "زي ما بقول لكو كدا.. ما تذاكروهاش خالص.. انسوها.." "يا دكتور دي أكتر ماده بنحبها.." "اتفضلوا بره.." "طب يا دكتور.." "قلتلكو اتفضلوا بره.." مرقنا.. أنا بي اتجاه.. و بطه بالمعاكس..
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
في حاجة غريبة بتحصل لي في اليومين اللي فاتو ... مرة ألاقي نفسي ضيف على البوست .. ومرة ألاقي نفسي عضو ... في شنو يا جماعة ... أكيد أبو الزوز حاقد علي وعايز يشفرني ... ولو أنا مهكر (بدا إتنكر وما بتذكر) غايتو الله يشفينا ويحمينا ...
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
ناس الزقازيق صباح الخير
في الأيام القادمة سنبلغ الميل مائة ، وبعدها الأرشفة وعهد جديد .. يلا يا مني وميسرة ومحمد عيد حضروا الشعار ويا منصور وجلال عليكم مسئولية الإحتفالات وتجهيز المكان ، البادي مسئول من الترحيل من وإلي ، محمد صديق مسئول من الأمن والطمأنينة وتصديق الحفلة ، نجاة حوفي وإبتهاج ، عشاء الفانين ، الرشيد مسئول من الفنانين ، حاتم جبارة وصالح مسئولين من الشيرنق ، سامي ومدثر تبليغ الدعوات ، جلا تقديم الحفلة معاهو زينب التجاني ، طارق جبريل إعداد البرنامج وإطلاق التصريحات الصحفية الفشنك زي رئيس التحرير بتاعهم ... أوعي أكون نسيت زول ...
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
يا البادي ما تشفق نحن يا دوبك في البيت الأبيض ، لسه ما جينا علي القطاع الإقتصادي ، إنت قائل جنرال موتورز دي الحا يحل مشكلتها منو ... يا سيدي كنا عايزين نحسنك تكون المدير التنفيذي للمجموعة وعليك الله ما تخذلنا وأقبل بالمنصب دا بس عشان خاطر الود حاتم جبارة ما تحرجه مع الأمريكان ديل ...
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
القصة حلوة جدا يا حاتم يا البادي انت عارف الزناتي بخاف من منافستك ليهو انت ونادر فاروق عشان كدة ما كتبكم في قائمة البيت الابيض وشف اداني البرتكول في امريكا يعني نشتغل هنا برتكول ونمشي امريكا برضو برتكول الخزانة الامريكية دي مالها عيبيها لي .ثم تانيا لاحظ اده اصحابه وشلته وزوجته مناصب حساسة وخلانا في الطرف اللهم عليهم ونزلنا اللهم امركهم وسودننا اللهم انفخهم وفسينا (كما قال الزعيم عادل امام)
ولا نامت اعين الجبناء (مقتبس من الامبريالي الزناتي )
| |
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
يا جماعة والله إنتو حنباكين ساكت هسه انا يا يا دوبك حتة عمدة في بلدة صغيرة كتر خيره حاتم رقاني لمدينة ، بس المشوار طويل يعني من أقصي الغرب لأقصي الجنوب الشرقي ، بس قريبها من عمك كاسترو ، والله ميامي دي بتذكرني طوالي بتوتي ما عارف ليه .. خلاص يا بنج ما تزعل عليك بي نكلم ليك الود الرئيس يمسكك منصب حساس وهام وما يكون فيهو مدافرة شديدة عشان عامل السن وكده ، في إجتماع أمبارح إقترحنا علي الرئيس تعيينكم ممسكاً بكل الملفات الحساسة في العالم ، خاصة ملف جماعتنا ديلك طبعا ما عايزين نجيب سيرتهم عشان الرشيد قال ما تتكلموا في السياسة ، أها قلنا الملفات دي متعبة وعايزه سفر طوالي ، وعارفين مشاكل القضروف ما بينفع معاهو ركوب الطيارات ، فيا جماعة الإعلان النهائي للتعيينات حا تكون فيهو بعض التعديلات بس خليكم قراب ، ودي مجرد ترشيحات ...
لا لا للشللية لا لا للمحسوبية
شفافية شفافية امريكية
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
ابو الزوز ... وزع الاستمارات دى على الأعضاء وكل واحد يملأ الاستمارة عشان لجنة زهير حتحدد موقعه بالظبط والناس الحلمانين بالدخول فى قائمة البيت الأبيض أحسن ليهم ما يباروا ترشيحات زهير .. لأن الرئيس المرتقب : حاتم جبارة حالف ينفذ للجميع سياسة لحس الكوع وبدأ فى الاستعانة بأفكار الخبير حووصة الشهير بمزمل &&&&&&&&&
عمرك بين ال18 و الستين؟ سوداني او مولود لأب سوداني داخل او خارج السودان؟ يجب ان تخضع للجنة الاختيار العامة و بعد ذلك للجنات فرعية متخصصة و التصنيف سيكون كالاتي عندك شهادات و واسطة: حبابك ألف ماعندك شهادات وعندك واسطة: برضو حبابك ألف عندك شهادات و خبرة و ماعندك واسطة: سيب رقم تلفونك في الاستقبال و اكيد حاتسمع مننا ماعندك شهادات و لا واسطة: امشي انتحر
شين و صوتك حلو: تبقى فنان شين و صوتك ماحلو: برضو فنان سمج و دمك يلطش و تجيد فن مصمصة الشلاليف و غرويد العيون و الأاااااأآآآآآت: اذن انت مذيع سوداني سمحة و غبية:- نوعين الاول سمحة و نحيييفة: مذيعة في النيل الازرق التاني سمحة و سمينة: هارموني او الشروق شينة و سمينة: تلفزيون السودان شينة و مسيخة: مضيفة جوية شينة و قليلة ادب: طالبة جامعة
عدم احساس جلد تمساح: ناس سودانير قنعان من روحك و عايز تدعم المنتج المحلي: تركب سودانير
سبع صنايع و البخت ضايع: موظف حكومة، مدرس، سواق تكسي سبع صنايع و البخت الرائع: موظف اتصالات امك داعية ليك: ياخدوك في دال رجل المستحيل: كستمر كير المستحيل بي عينو: خدمة سودانية ترقى لمستوى لا بأس عزيز قوم ذل: طبيب مصاص دماء: تشتغل في جهاز المغتربين سياسي عمرك فوق المية (ديناصور): معارضة خالي مؤهلات و مستهبل: سفير للسودان بالخارج خالي مؤهلات و أهبل: مسؤول كترتا و مسختا: مستشار عايز تشتهر: اخترع ليك حركة خزعبلاوية لتحرير السودان حمار شغل: الفئة دي مافي عندنا مدهوك معجون معفوص ممغوس موجع مقطع مرقع جيعان وسخان قرفان تلفان سجمان رمدان غالبك التسوي: مبروك انت مواطن سوداني !!!
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: في الأيام القادمة سنبلغ الميل مائة ، وبعدها الأرشفة وعهد جديد .. ، جلا تقديم الحفلة معاهو زينب التجاني ، |
بسم الله الرحمن الرحيم السيد المهندس بكري أبو بكر السيد ممثل بوست الشعبية السيد ممثل بوست بحري السادة الضيوف و ساكني حوش الزقازيق السادة الضهب و الجايين ساكت السلام عليكم جميعاً و رحمة الله و بركاته يطيب لي في هذا المقام أن أتقدم بوافر الشكر و التقدير لكم و انتم تحتفلو معنا ببلوغ الميل 100 وسيكون معي في تقديم هذا الحفل الجميل الأخت الأمجاد صديقة الأبناء و الأحفاد معليش هي الآن في مشوار إجتماعي (بيني بينكم أنا زاتي ما عارف....لكن أقول ليكم واحد في الأثنين يا بيت هناي أو بيت هناي) ومعاها البرانامج كامل ...وسنستعرضه في حينه تشكرات و حا نبدأ بعد شوية ما تمشو بعيد يازوبااااااااااااااااااااااااااااااااااااااااااااااااااااااااااااااااا
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
بى حسبة بسيطة كده لمن ينتهى المعرض الزراعى السعودى الحا يبتدى الليلة ويستمر لغاية الخميس الجاى ولا يخفى على (فطنة القارىء انو الخميس الجاى يبقى ود عم الخميس الفات واخوهو لزم ) حاتكونوا حضراتكم بى نوع سواقتكم الشايفها انا دى وصلتوا الميل مية بكل تأكيد وبما انو انا زول نهار ساكت والمعرض الزراعى بيبتدىء عصرا وينتهى عشرة (نص الليل) فانا مضطر اقسم نهارى بين الشغل والدوام والرجعة للبيت للغداء والتجهيز للزيارة اليومية للمعرض العاملينو فى آخر الدنيا ده يبقى انا فى الغالب الأعم حا ارفع راية المتابعة باستمتاع ولا بدون حا تتوقف على الظروف ده شنو المعرض الجابوهو لينا فى اللفة الأخيرة دى المشكلة انو مهم اعمل شنو انا هسة قال هذا وحاول كتم ضحكته الممحونة الا ان آثار الضحكة المكتومة تظهر فى هذه الأحوال فى شكل خجة وهزة ارتدادية مكانها الكتفين كما فعلت بطة الله يجازيك يا حاتم جبارة كان قومت علينا الدكاترة ورايا على المكتب وبوست الزقازيق ده من النهار ده , انسوهو ما تذاكرهوش ابدا برة
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
والله يا حاتم جبارة تكون طالبنى جنيه مصرى كامل على القصة اللطيفة البكت ياسمين دى تعبير مت من الضحك هو التعبير المناسب فانا دموعى جرت وانا اضحك واضحك اما انت يا محمد عيد من الليلة عيناك مديرا لهيئة المواصفات والمقاييس يا خى ما جننت المواصفات القياسية جن انسحاب تكتيكى مع وعد المتابعة اما الأستمتاع فهو فى علم الغيب
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
مساكم الله بالخير مساء البارحة عاود الموديوم حركتة البايخة......و فصل...في وقت كان من الصعب فيه الاستعانة بصديق...أنا أكتب من المكتب الآن في وقت خفت فيه الأرجل فاغتنمت هذه الفرصة لأطل عليكم...فوجدتكم ما زال يشغلكم التشكيل الوزاري لحكومة حاتم جبارة...و حددتم وجهة البوست...و كونتم لجان للاحتفال بالمئوية...و أسندتم الي ما أسندتم...سواء أن كان في حكومة حاتم أو في لجان التنظيم....
زهير انت قايلني سليمان محمد سليمان....عليك الله بعدين وديني سفير في سوريا...كمل الناقصة...
أنا ما حأقبل بأقل من الخارجية في حكومة حاتم....أما في اللجان فاتركوا لي الدعاية و لمحمد عيد الاعلان...و لو عايزين تعرفو الفرق أرجعوا لي البوست بتاع زهير الفتح لي فيهو داك...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
كتب زهير في حكومة حاتم جبارة
Quote: جلا متفرغ للحوامة مع الرئيس دون أعباء |
كتب حاتم جبارة
Quote: جلا متفرغ للحوامة مع الرئيس دون أعباء. أثني.. |
و الناس حنبكت من العايز و زير خزانة و العايزة و زارة الخارجية و العايز و العايز أنا لو داير أحنبك بتقومو جارين يا ود جبارة و لا كيف يا موسى عيسى...أخير أسكت ساكت!!!!! مسؤولين من الخير موسى عيسى مشى يجيب تلفون حافظ أبوعاقلة و لا شنو يا محمد عيد؟؟؟؟
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: 9440 97743 عصام دهب |
يا اخوانا بالله هــدّوا اللعب شــوية ..
المئوية قربت والتجهيزات كتيرة ودايرة شغل كتير ..
يعنى اللعب يكون تلعب باص وتفتح خانة ... تجيك الكورة تمسكها شوية
وما تشوت طوالى ... أخـّروا الزمن .. اتواقعوا .. مثـّلوا .. المهم ضيعوا الوقت
وما تخافوا من الزمن الاضافى .. بنرسل للحكام برجاس وصديق على صالح ...
جلا رجــّع الكورة لموسى عيسى ( القون ) .. موسى عيسى عليك الله سوى حركات قون مازيمبى
أحرف واحد فى التيم الرشــيد ... من امبارح يقول ليكم الموووووديم ..
ســووا زيو يا شباب ...!!!
الليلة وردية الليل اجاااااازة ..!! حنطفى النور ..
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
مساكم الله بالخير انتو يا جماعة طفو الأنوار زي ما عايزين...كل واحد قاعد في بيتهم و مع أولاده...أنا لو طفيت الأنوار هنا بيجيني اكتئاب...عشان كده حتلقوني مولع أنواري و مرحبا بكل الذين سوف ينضمون الينا...وبعدين عندنا مثل سوداني بقول كتلوك و لا جوك جوك...يعني ان لم نصل الميل المائة اليوم فسوف نصلة غدا فما الداعي للتأجيل... هل هو تشبث بالبوست الحالي و الاحتفاظ به لأطول فترة ممكنة؟؟؟؟ أم هنالك فعلا استعدادات جارية لحفل الختام؟؟؟, اذا كان هنالك استعدادات فما هو الوقت اللازم للانتهاء من اعداد الاحتفالية؟؟؟
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا كوتش أريد أن أعود الى قصتك الجميلة و التي أقرأ فيها....
1) رغبة دفينة في الظفر بالفتاة الجميلة ذات العيون الواسعة وتمثلت في...
Quote: دواخلى كانت تطير فرحآ حين قررتم المُضى فى الفكرة...رعم أننى فى بادىء الأمر كنت أتزعم المعارضين...ما هذا الشىء الذى يجعل قلبى يتقافز فرحآ؟؟؟ |
2)تحريض القارئ ضد صاحب الأسبقية و تشوية صورتة ربما للأحساس بالمنافسة أو لتبرير فعلتك...
Quote: بينما تجلس أنت وحدك بالمقعد الامامى جوار السائق بعجيزتك الضخمة وكرشك المتهدل امامك .... وضعآ اكسبك اهمية زائدة امام السائق والذى كان يظهر لك الكثير من الاحترام وانت تقدم اليه السيجارة تلو الاخرى.....وفى الاخير هو يعلم انك من سيقوم بدفع اجرة السفر...
|
3) محاسبة النفس ...و بداية الشعور بالندم..
Quote: غربتى لم تكن كغربتك ...كان صحبى فيها كثر ...وانت غير ذلك ....غربتى لم تمتد طويلآ ...وانت لم تزل تناطحها وتنطحك ....أحس بتعاطف معك عميق وانت تعانى غربة الروح والبدن |
4) ثم الندم... هذه الصورة تشبه الى حد بعيد نهايات أفلام الكاوبوي...حيث يجلس بطل الفلم خارج منزله الريفي وبيده اليمني سيجار وفي اليسرى كوب من القهوة تتصاعد منه الأبخره... و تصور ايضا أنه اذا دخل الفقر من الباب خرج الحب من الشباك..
Quote: اقص عليك كل هذا وانا جالسٌ أوان مساء بباحة المنزل وعلى حجرى ديوان شعر عتيق ....وعلى منضدتى كوب من القهوة السوداء اذبتُ بداخله لتوى ملعقة صغيرة من السكر الابيض ....واطفالى الثمانية يتقافزون ويتصايحون فى مرح لا ادرى له سببآ ....وغير بعيد منى تجلس والدتهم معتمدة كفيها بوجهها تحدق الى لا شىء |
5)القصة يمكن أن تختصر في سطر واحد و لكن تمكن الكوتش من أدواته حولتها الى مشاهد متكاملة وواضحة المعالم تجعلك تعيش كل مشهد بمشاعر مختلفة و يدفعك لتكمل الصورة بخيالك بعض أن يحقنك بالمحفزات..
6) عبارات كان بالامكان أن يستخدم أجمل منها... لا داعي لتحديدالمدي العمري للرجال...
Quote: شبابٌ ورجالٌ فى العقد الرابع |
كان بالامكان استخدام الحقول أو المزارع..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
ماله أيقظ الشجون فقاست وحشة الليل واستثار الخيالا ماله في مواكب الليل يمشي ويناجي أشباحه والظلالا هين تستخفه بسمة الطفل قوي يصارع الأجيـــــــــــــــالا حاسر الرأس عند كل جمال مستشف من كل شيء جمالا خُلقت طينة الأسى وغشتها نار وجد فأصبحت صلصالا ثم صاح القضاء كوني فكانت طينة الأسى شاعرا مثّالا يتغنى مع الرياح إذا غنت فيشجي خميله والتــــــــــــلالا صاغ من كل ربوة منبرا يسكن في سمعه الشجون الطوالا هو طفل شاد الرمال قصورا هي آماله ودك الرمـــــــــالا كالعود ينفخ العطر للناس ويفنى تحرقا واشتعــــــــــــــالا
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
أجري الأخ علي عبد المعروف (تربية) عملية كبري لإستئصال جزء من القولون وهو الآن يستشفي في منزلهم بالفتيحاب عاجل الشفاء للأخ علي عبد المعروف ، وسنقوم مساء الغد بزيارته هو والأخ محمد عبد العزيز والذي أجري قبل فترة عملية قسطرة في القلب بمصر .. وهو الآن بكامل عافيته ... علي الوفد الزقازيقي تجهيز نفسه ...
معتصم جعفر محمد صديق مبارك جادين عبد السميع جلا نادر فاروق زهير الزناتي وكل من يود الإنضمام للوفد عليه بالتنسيق مع أحد المذكورين أعلاه ....
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
جينا انا وصاحبك الكوتش يا الرشيد من كورة الهلال وحي العرب أقل ما توصف به هذه المباراة بأنها ممكن تكون مباراة في أي شئ آخر عدا كرة القدم ، إنعدام الدافع لدي لاعبي الهلال جعلها وكأنك تشاهد إعادة بالحركة البطيئة للمباراة ، أهم حدث في المباراة مشاجرة وقعت بين جمهور مجاور لنا والمعز إبن أخت البادي النور ، بعد خروج الكرة في الأوت توجه المعز للحكم مسرعاً كأنه سيقوم بضربه والحكم يتراجع للخلف حتي كاد أن يصل لدائرة السنتر والمعز يورور له بأصبعه ، هاجت جماهير الهلال المجاورة لنا في المعز لسلوكه هذا فما كان من المعز إلا وأن إشتبك مع الجمهور فقام أحدهم بوصفه بالصعلوك ، ليأتي المعز أثناء المباراة نحو هذا المشجع ولولا السياج البلجيكي العالي لقفز وأدب هذا المتطاول ويبصق تجاه الجماهير بغضب ، ثم يعود مرة أخري لمرماه ، تحدث معه الجهاز الفني وعلاء الدين يوسف والذي أرتدي اليوم برمودا كأحدث نيولوك يظهر به لاعبي الهلال غير المشاركين في المباراة ، وبعد نهاية الشوط الأول توجه المعز ناحية الجماهير وتقدم لهم بإعتذار قبلته بصفقة حارة علي طريقة أهل السودان أجمعين عفا الله عما سلف ، ومر الموضوع كأنما لم يحدث شئ ...... البادي عليك الله ود أختك دا إتكلم معاهو ، موهبة كبيرة زي دي حرام يضيعها بمثل هذا السلوك العدواني ، وجماهير الهلال لن ترحمه لو كان في مستوي كاسياس ، هذه الجماهير شطبت عز الدين الحيش أحد أفضل اللاعبين في تاريخ الهلال الطويل والسودان علي الإطلاق .. لا زال أمامه الكثير ،
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
زهير...منيت النفس بمشاهدة تعوض علي أنوار البوست المطفأة هذه الليلة...فوجدت نفسي مجبرا أتفرج على مباراة في أي شئ الا كرة القدم...فكسرت الجمود بمشاوير من و الى التلاجة رغم أنفي ورغم مشروعي بانقاص وزني بما لا يقل عن العشرة كيلوجرامات...و لكني أجد نفسي أضيف اليهم كل يوم المزيد من الجرامات....
أخشى أن يتسبب هذا الذي يسمى بالدوري السوداني في الكثير من الأمراض لنا...
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
عاجل الشفاء وأن يبلغ تمام العافية كل من لأخوين علي عبد المعروف و محمد عبدالعزيز....
بتنا عفاف ... اول مرة اشوف لي واحد اصطاد "نجيلة" نحنا موجودين في كل مكان ... شوفي المساحات الخضراء دي ... ماكلها "نجيلة" ما محتاجين صيد ...
يحجب اليوم ... والأيام التالية ... اصدار اليوميات وذلك للظروف الامنية للجنة المنظمة استعدادا للميل 100
طارق جبريل ... لون ملابسك ماشي مع "الاستايل" بتاعك ... والله دعواتنا يوميا لكم بالفرج ... ياملك
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
صباح الخير يا وجوه الخير،،،،
نسأل الله أن يتم الشفاء وأن يبلغ تمام العافية كل من لأخوين علي عبد المعروف و محمد عبدالعزيز....
يا البادي ناس وردية الليل كلهم أحجموا عن الكتابة خوفاً من الوصول إلى الميل 100 أو الإستعداد للحفل وتجهيز الناس للنقلة الجديدة وهذا إحساسي برضو - حالة نفسية -
ما في حد بيتكلم في الإحتفالات بس براي بكلم نفسي :-
أضيف للمقترح بتاع يوم أمس :-
أن يوكل شخص بتجهيز فيديو الميل 100 وفيديو الإفتتاح الجديد
يوم إفتتاح البوست الجديد نطلب كلمة من الريس معتصم بعد كلمة عصام دهب
في أول الميل 100 يتم إنزال الشعار عن طريق الأخ/ محمد عيد الذي يكمل فيه المونتاج واللمسات الفنية الأخيرة.
يا شباب الكورال حيكون بكرة في المقرن والدعوة عامة
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
ازيكم 00 وصباحاتكم بيضاء
اها من الان انا في الكورال عايزة اداء فردي
والله فكرة الاحتفال دي راقت لي
يا منصور استراحة كيف؟ ولا ارض البرتقال بتاعتنا
دي عايزة ليها تلفون سريع لاماني000
خلاص ياجماعة خليت البيت الابيض ما بيشبهني وحاكون في لجنة الاحتفال بالميل 100
احب كل الزقازيق
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
الأمنيات القلبية بدوام الصحة والعافية نسوقها للأخ/علي عبدالمعروف ونسأل الله ان يتمم له الشفاء وأجر وعافية إن شاء الله . وكذلك خالص الأمنيات بالصحة والعافية للأخ/ محمد عبدالعزيز ونسأل الله أن يمن عليه بالشفاء العاجل
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
السلام عليكم ياأهل الخير
أخونا وزميلنا عبد الغني محمد زين خريج تجارة الزقازيق 1988م من الجزيرة حلة عمر
توفى أخوه نسأل الله له الرحمة والمغفرة
ولاخونا عبد الغني محمد زين والعائلة حسن العزاء والصبر والسلوان
وإنا لله وإنا إليه راجعون
اليوم الأثنين الموافق 2/11/2009 الساعة الثامنة بعد العشاء حيتحرك وفد العزاء لمنزلهم بحي العزيزية جنوب الرياض وهم مكي عباس وحامد ساقة وأحمد إسماعيل ومدثر ابا يزيد ومن تسمح ظروفه اللحاق بوفد العزاء
| |
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
أولا:
الأمنيات القلبية بدوام الصحة والعافية نسوقها للأخ/علي عبدالمعروف ونسأل الله ان يتمم له الشفاء وأجر وعافية إن شاء الله . وكذلك خالص الأمنيات بالصحة والعافية للأخ/ محمد عبدالعزيز ونسأل الله أن يمن عليه بالشفاء العاجل
ثانيا:
صادق التعازي للأخ عبد الغني محمد زين في وفاة شقيقه
اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
ماشاء الله ،،، نوم العوافي
مداخلة من الراجل السمح ولدنا كمال الشادي
===========================================
والله يخش الميل ال 100 وإشتراكي ما يتجدد يعني ما تشد حيلك مع بكري أبوبكر وزهير الزناتي أنا أدكها عندي زول صاحبي هندي شفت بتاع إنترنت أحرشو عليكم يهكرها ليكم يلخبطها ليكم فوق تحت وبس يا فيها يا نكفيها
كمال الشادي
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
مشاركة من الأخت و الصديقة الجميلة ياسمين حاج الطاهر....
Quote: سلام اجدع ناس متابعة و مستمتعة لكن قصة حاتم خلتنى اموت من الضحك ورجعتنى اصريت اكتب مداخلة رشا ومنصور تسلموا على تلفوناكم رفعت المعنويات زوبة نزلتى من الامجاد ولا لسة ناني حسمت موضوع العيد مع رشا عفاف و ابتهاج ليكم وحشة والله طارق النبى كان ما بطلت (دواس) مع صالح لو ما عرفت دواس اسال زوبة او عصام دهب بلدياتنا اسمعوا كلكم انا متزوجة لى واحد لابوردابى لا زقازيقى لا زميل لا دكتور بشرى هاهاها اوعكم تفتو لى حق الزقازيق كلو و تنشروا لى الغسيل عندى ولد بربى فيه التحايا ليكم كلكم بدون فرز بطة البراية الجديدة |
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
اووووووووووووووووه ياسمين بت الحاج الطاهر والله زمن ياخي يعني انت الا حاتم جبارة يجيبك طالعة بي حركاته دي
Quote: طارق النبى كان ما بطلت (دواس) مع صالح لو ما عرفت دواس اسال زوبة او عصام دهب بلدياتنا |
والله يا بطة لا في دواس لا حاجة وصالح دة زولي عدييييييييييييييييييل كدة الا براهو يتغابى الصحوبية اها يا ياسمين عبرك انا بقول ليه: يا صالح والله والله البيناتنا اكبر من اي شي في الكون دة والمعزة الفي القلب لا ينكرها الا زول منافق
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
رشيد يا حبيب ...سلام وشكرى وتقديرى للتشريح الواعى للقصة
Quote: .لا داعي لتحديدالمدي العمري للرجال...
Quote: شبابٌ ورجالٌ فى العقد الرابع
|
دى ليها علاقة بى :
Quote: ......يرفع الفتية عصيهم الغليظة لتبين عضلاتهم المفتولة ...ويهُزون بها على العريس والذى كان خفيفآ من الفرحة |
| |
|
|
|
|
|
|
Re: ناس الزقازيق ... أجدع ناس .. (Re: ياسر شبيكة)
|
مساكم الله بالخير
شكرا يا كوتش على التوضيح...قف...
يتخذ البوست اسلوبا تلغرافيا تضامنا مع لجنة الاحتفالات.....قف
نرجو من لجنة الاحتفالات مدنا بالبرنامج الزمني حتى نعرف متى سينتهي هذا الجمود...قف
اذا لم يبدأ برنامج الاحتفالات خسب البرنامج الزمني الموضوع...سنبدأ بفرض غرامات تأخير ثم سنوكل العمل الى مقاول بالباطن لتنفيذ الأعمال...قف....
يا ريس...محمد غيد...و حتى فافي التي انضمت أخيرا الى اللجنة...........روحنا طلعت
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: اذا لم يبدأ برنامج الاحتفالات خسب البرنامج الزمني الموضوع...سنبدأ بفرض غرامات تأخير ثم سنوكل العمل الى مقاول بالباطن لتنفيذ الأعمال...قف....
يا ريس...محمد غيد...و حتى فافي التي انضمت أخيرا الى اللجنة...........روحنا طلعت |
يا رشيد القوم سلا م أخونا محمد عيد بيوزع في في سيمفونية الأحتفال وبيتصل عن طريق الهاتف وبيوزع المهام ،،، الإحتفالات تبدأ بعد الإنتهاء من الميل 99 ودخول الميل 100 ولأنه لن يصد طويلاُ ونأمل أن يكون بعد يوم الأحد القادم علشان لو كان نهاية الإسبوع قد لا يستطيع كثير من الناس متابعته من منازلهم .
نأمل أن يكون كل واحد لديه إحتفال خاص بدون تكليف ويعمل على تجهيزه من الآن وهذا يثبت بأن الميل 100 زي الخسوف والكسوف نأمل أن يشاهدة الجميع في آن واحد
ربنا يخلي العائلة ويحفظها أخي مدثير أبا يزيد نرحب بأختنا ياسمين - بطه - وتقبلي سلام منى يونس وذكريات تنس الطاولة .
الزعيم أبو شنب وين اليوم مختفى ،،،
الريس معتصم حضوركم بالزي الرسمي يوم الإفتتاح
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
التكرار بيعلم الشطار..
ونستكم وبريكم كملو? وين ورديه الليل.. وين بنات الشيخ البرايات.. ووين اللي عامل فيها رئيسهم.. وين الكفيلو مزهجو.. تعال فك الدبرسه.. وين ناس الفوتوشوب.. وناس الايسكريم.. ووين ناس القصه راحت ليهم.. مع عجاج في السفر.. ووين ناس البروتوكولات.. كبار الزوار.. وين ناس كشمير.. وين ناس صباحكم خير.. ومع السلامه.. وين ناس اللجنه.. ووين ريسهم.. وين البرنس.. والكايسنو في البوردات بي بره.. وين ناس أكتوبر الأخضر.. ووين ناس تربيه الجيل الجديد.. وين المقطعينو في حنانهم.. ووين ناس نفتح بوست خاص.. وين ناس الدهب رخيص.. اشتروه.. ووين الدهب.. سيد الأسم..
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: موافقون .. وتســـرى هذه الغرامات ايضا عليك يا ابو مهند حيث ان مهامك سترسل لك صبيحة الغد ... شيل شيلتك وورينا ... |
من الذي أعلن التهدئة...من صوت عليها و من أجازها...من شكل اللجان و من قام بتوزيع الأدوار...هذه منتهى الدكتاتورية يا حمادة...و لا بشيل شيلتي و لا عايز مهام...أعلنوا لوحدكم...ترشحوا لوحدكم...و انتخبوا أنفسكم بأنفسكم...و في الآخر أحتفلوا لوحدكم ما شئتم...و بعد أن تنتهوا من احتفاليتكم كلمونا....أنا خلاص وصلت الحد و تاني ما جاي زاتو...شوفو ليكم زول يساهر معاكم تاني...أنا من الليلة حأصلي العشاء و أنوم بدل سهركم الطلع روحنا ده...شاحد الله الكريم ما تلقوا ليكم زول يساهر معاكم تاني...يخرب مطنكم و مطن احتفالكم زاتو...
أنا لم أنتخب أحدا... وما بايعت بعد محمد رجلا . ولا صفقت للزيـــف .. لماذا أعلنوا صوري؟ لماذا صادروا سيفي..؟ أنا ما قلت شيئا بعد حتى الآن .. حتى الآن أسلك أضعف الايمان..
| |
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
Quote: من الذي أعلن التهدئة...من صوت عليها و من أجازها...من شكل اللجان و من قام بتوزيع الأدوار...هذه منتهى الدكتاتورية يا حمادة...و لا بشيل شيلتي و لا عايز مهام...أعلنوا لوحدكم...ترشحوا لوحدكم...و انتخبوا أنفسكم بأنفسكم...و في الآخر أحتفلوا لوحدكم ما شئتم...و بعد أن تنتهوا من احتفاليتكم كلمونا....أنا خلاص وصلت الحد و تاني ما جاي زاتو...شوفو ليكم زول يساهر معاكم تاني...أنا من الليلة حأصلي العشاء و أنوم بدل سهركم الطلع روحنا ده...شاحد الله الكريم ما تلقوا ليكم زول يساهر معاكم تاني...يخرب مطنكم و مطن احتفالكم زاتو... |
خلاص يا سيلفا كير ... حنعمل الاحتفال فى كنيسة كتــور فى جوبا ..!!
... بكره يا حبيب ليك ســـلك طوييييييل حتى من غير المهام ...
ولك العتبى حتى ترضى ... ( تبـــرى انت .. ما زى جمال السنوسى )
حـــن شوية على حاتم جبارة الجاى قاطع المسافات الطويلة دى ..!!
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
بسم الله الرحمن الرحيم
( وبشر الصابرين الذين اذا اصابتهم مصيبة قالوا إنا لله وإنا اليه راجعون ) تعازينا الحارة للاخ / عبد الغني محمد زين في وقاة شقيقة..وونسأل الله ان يتفبله في الصالحين
الاحباب الشوق ليكم مطرة ...لكن ربنا اعلم بالحال ...مشغوليات لي النخاع بس دعواتكم لنا ...وانا بستعد هذه الايام لشد الرحال الي السودان ...
** كمال الشادي ...انت كمال الشادي ...ايش معني عايز تمثل دور ديك العدة...
الرشيد بابكر ...اشواقنا تتعطر تطير ...
ثاوث مول ...العزيز محمد مشتاقين وحاتك...
زهير الزناتي + مبارك جادين + تبلدينا+ اسامة ابتر = انا قريب بينا خطوة..
تحياتي للجميع
عثمان الجيلي
| |
|
|
|
|
|
|
Re: ناس الزقازيق ... أجدع ناس .. (Re: Hatim Gubara)
|
Quote: يا خوي ليك يومين مداخلاتك ما ياها.. بنسأل.. |
يسأل منك الخير يا حاتم...أنا بخير...
بس زهجان يا أخوي من حالة التهدئة دي...
أعتذر ان كانت المداخلات قد أوحت بشئ آخر...و لكني امازح اخوتي و يمازحونني..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
صباح الهناء والسرور ... الميل 95 إستعصى على العتاة والجبابرة ناس وردية الليل ... قالوا ريسين غرقوا المركب لكن ما مركب أخونا جلا ... نداء عاجل ..... الريسين معتصم وميسرة يا أخوانا ما تقلبوها....
| |
|
|
|
|
|
|
Re: ناس الزقازيق ... أجدع ناس .. (Re: البادي النور)
|
عاجل الشفاء لأخوانا علي عبد المعروف - محمد عبدالعزيز ... وربنا يمتعهم بالصحة والعافية ... عزاءنا لأخونا عبدالغني محمد زين في وفاة أخيه ، اللهم أرحمه وأكرم مثواه ... اللهم إن محسنا فزده إحسانا وإن كان مسيئا فتجاوز عن سيئاته ...
| |
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
Quote: بس زهجان يا أخوي من حالة التهدئة دي... |
صباح الخير يا وجوه الخير ،،،،،
نتضامن مع زهجة أخونا رشيد القوم ،، وندعوا لزيادة السرعة شوية - ولك العتبى حتى ترضا -
معليش يا شباب مارسنا شئ من المهام الخاصة بالرؤوساء فقد تم تعيين الأخ/ محمد عيد مشرفاً لإخراج صفحة الميل 100 وعلى الكل إنتظار التوجيهات من سعادتو .
صدر تحت مسؤوليتنا بقصر الرئاسة بمدينة جدة.
| |
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
البارحة لم أحضر فقد كنت حزيناً ... حزيناً جداً ...
لم أشاء أن أنقل لكم حزني ، فكل منا به من الأحزان ما يكفي ...مع إشراقة شمس الصباح تغسل أشعتها أحزاننا ... لنبدأ صباحات جديدة .... يملؤها الفرح والأمل ...
صباح الخير أيتها الأفراح ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلامات يا ناس
وصباحات التفاؤل
Quote: ((( جنسو )) يا طارق جبريل كان بقولا زميلنا الشايقى الصرف راشد عبدالله احمد .. مافى جنسو مخلوووق يجى هنا دخلت السكشن ما لقيت جنسو مخلوق كان بقيت صادى جيب لي معاك كوز مويه انا ما بدور الكوسة لكيين (( بتبن )) فى الدمعة ساكت |
زهير ...اغسل الحزن بالابتسامة....
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
مساء الأمس ونيابة عنكم وعن كل ناس الزقازيق قمنا بزيارة الأخ علي عبد المعروف بمنزله في الفتيحاب بعد أن من الله عليه بالعافية إثر العملية الجراحية التي أجريت له في الأردن الشقيق منذ رمضان السابق ... ويبلغ الجميع تحياته .. خاصة كل من إتصل به من خارج السودان ....
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
التعازى للاخ عبدالغنى محمد زين فى وفاة شقيقه
وسلامات لاخى وابن دفعتى على عبدالمعروف وللاخ محمد عبدالعزيز
ولابن احمد اسماعيل وقول ليهو .... كدكدايى ولا اب صلميتو هوووو ....
والتحايا لبطة بيطرة الزميلة ياسمين حاج الطاهر
ولسامى سنير علوم وسنة 84 نجن جينا فيها وانتو مشيتو بس مذكر الدفعات البعدكم
ويا زهير حزين مالك ياخى انا جاى بكره وممكن احل ليكم مشكلة الخانة بتاعت اسامة التعاون ...
ويا كوتش شايفك اتخصصت فينى ،،، تكون عامل لى ارشيف ولا الشى شن جنسـو
من بكره حاتابع واستمتع من بطن حوشنا واشيل لابتوبى واقعد فى نص العنقريب وابقى مع ناس الليل .... لكييييين ام درمان بعيد خلاس ... وانا ووووووين يا ناس
ياسر شبيكة حيسد الخانتين بالنهار لحدى ما ارجع
تليشة : عصام دهب جيب اضانك الاحدثك ،، ما بتعرف ليك حنانة سعرها رخيص شوية الحكاية بقت بالحجز وبالكروت واسعار مذهلللله ... وانت زول خبره
باى باى لا اقول وداعا" ولكن الى اللقاء
| |
|
|
|
|
|
|
|