|
Re: ناس الزقازيق ... أجدع ناس .. (Re: عبد الدائم سيد أحمد)
|
مع إطلالة الميل 96 ،، نهدي هذه المداخلة القديمة لسيد الحوش بالداخل ،، اخونا زهير الزناتي:-
لا تتحسس رأسك..
حين يُذكر الحـــزن أمامك..
وتظن أنك وحدك المقصود بالحديـــث..
فغيرك كثيــــر..
ولو لمحت مساحة الحزن والألم في داخلهم..
لأيقنت أنك أفضلهم..
وأتفههم ألماً..
بالسلامة يغادرنا يوم غداً النضيف متوجهاً للعاصمة السودانية وذلك لزيارة الأهل والأحباب والزقازيقاب ،، وكذلك للتأكد من تصريحات سلفا كير
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
عاجل وكامل الشفاء إن شاء الله لاخوانا /علي عبد المعروف ومحمد عبد العزيز
تلفون الأخ عبد الغني محمد زين/0592409234
نشكر أخونا عصام دهب على الفكرة الرائعة التي هيأت لنا بوست ناس الزقازيق أجدع ناس معبرا عن ذلك العهد الجميل والكوكبة النييرة التي به أمثال الريس ميسرة والزناتي وعبد الدائم والرشيد وطارق جبريل وجلال ونجيلة وسامي وعثمان الجيلي ثم محمد صديق وموسى عيسى والفنان المبدع محمد عيد وجلا الرهيب ومنصور الشفيف ثم عفاف ومدثر وزينب التجاني وحاتم جبارة وعبد الحفيظ وكل الأخوان المتداخلين والمتاوقين الذين لم أذكرهم. بدأ هذا البوست يعطينا جرعات طبية صحية يومية أزالت عناكثير من الضغوط النفسية وضغوط القربة
وعجيب أمر هذه (الإلفة) السحرية للزقازيقاب، عندما إحتفلنا بالرياض كانت قلوب كثيرة من البعد عاشت معنا بأحاسيسها وخيالها وماكتب بهذا البوست دليل على ذلك ، هذا المشهد كأنه يعبر عن حديث الرسول(ص) (مثل المؤمنون في توادهم وتراحمهم كمثل الجسد الواحد إذا إشتكى منه عضو تداعى له سائر الجسد بالسهر والحمى) ولموقعنا هذا فوائد كثيرة ، ممكن يكون مرجع إذا اضيفت له جامعة الزقازيق لأنك بواستطته ممكن تتحصل على أي معلومة تخص الفترة 80 ــ 1992م لذلك أمنيتي يأتي أحد الزقازيقاب يحضر لدراسات عليا إجتماعية يتناول حقبة الزقازيقاب في بحثه
بالنسبة للجمعية العامة للزقازيقاب مهمة جدالانها تعمل
التواصل المباشر والتعاون توفر الإستقرار للزقازيقاب بالداخل ولناس الخارج إذا دخلوا خلق جمعية إستثمارية إيجاد مشاريع إسكانية إيجاد فرص تعليمية لابناء الزقازيقاب بالإضافة إلى توفر الداخليات لهم الملاذ الأخير لأرباب المعاشات من الزقازيقاب توفير الحماية لعضويتها
أخيرا نختم بالنكتة التي قالها ولد/أحمد السني في حفل الرياض
جمل تزوج بفارة ورزيقا بمولود وإختلفا في تسمية المولود
الجمل قال بسميه جميل الفارة قالت يسموه فوفو
ولم يتفقا في الآخر إحتكموا للثعلب، الثعلب قال ليهم بسيطة أحسن تسموه
( جمال فرفور)
| |
|
|
|
|
|
|
Re: ناس الزقازيق ... أجدع ناس .. (Re: أحمد إسماعيل)
|
متابعة مع انشغال استمتاع نص نص احسن الله عزاكم اخونا عبد الغنى محمد زين واعذرنا للأنشغال سلامات لزميلنا على عبد المعروف نوصيكم بى عبد الدائم زهير , كلمة حزين ازعجتنى زهجان ممكن , مدبرس بنفهم حزين كتيرة الأيقاع البطىء للبوست جاى معاى فى السلك يا الرشيد , للأنشغال طبعا ولكن اذا اسرع , ورجع الى سرعته المعهودة حانكون برضو مبسوطين يا ريس ويا محمد عيد بطة , اسفرت ونورت , انا المعنوياتى ارتفعت يوم كلمناك من اليوم داك , ما قادر انزلها زينب التيجانى عمر رجع ولا شنو ؟؟ حاتم جبارة , انا ياتو فيهم ؟؟ زهير رغم حزنك الأمس , رجع لينا صالح ده بسرعة نحن نفتقده بشدة كمال الشادى ’ارسل لى مداخلة شحمانة ولكنها مؤجلة باعتبارها من فعاليات الأحتفال بالمئوية احجزوا ليها حتة يا ناس اللجنة قابلت ليكم قيس جمال الدين فى المعرض امبارح التحايا النضرات ومية مسا , ع الناس الكويسة القاكم
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
إزيك يا كبير
ما أحزنني البارحة أمر شخص عزيز ... ولكن سرعان ما تجازوته ... هي سنة الله في أرضه وأقداره ... ما بين الفرح والحزن .. الحزن نفسه سلوك إنساني جميل ، لا بد منه حتي يتوازن الإنسان حضرت اليوم بكامل لياقتي النفسية لم أجد أحد ... سأضطر للمغادرة الآن علي أن اعود لاحقاً ...
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
إنشاء الله ماشي تستقبل عبد الدائم أقول ليك حاجة...وريني لابس شنو؟؟؟؟ بعدين حلاقتك دي ما جايبها تمنها أوع تركب مواصلات تنزلك جنب المطار ...و عارف إنو الزول دا شيال حال لو كان موسى عيسى، منصور، أحمد إسماعيل، ...ممكن تمشي بأي حاجة خلاف كدا... خلي الريس معتصم يستقبلو أو مبارك جادين يستقبلو في صالة كبار الزوار.... غايتو النضافة الجات متأخرة لي ناس جادين ديل عندي فيها راي!!!! يا جماعة داير أحبكم من أول و جديد ينفع!!!!!!
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
يا سلام يا كوتش والله حكاية الإنشوطة دي عجيبة خلاص ... في بداية قرايتنا لماركيز دائماً ما تمر علي كلمة الانشوطة كانت عاجباني خلاص .. مع العلم إن ماركيز كثير الإستخدام لها لأنها سائدة في امريكا اللاتينية ، في البداية ما عرفتها شنو ، لكن في النهاية وقعت ... اها انا من ضمن الحاجات النفسي فيها الأنشوطة دي .... تعرف عندي مزاج أكون لابس كاب زي بتاع عمك توفيق الحكيم ومعاها كدوس ، وطبعاً الكدوس جاني هدية من عبد الحفيظ عباس ، بس فاضل لي موضوع الأنشوطة دا وتكون 90% من أحلامي في الدنيا إتحققت
الرشيد مشتاقين
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
النضيف جاي بكرة ,,, بس نعرف مواعيد الطيارة ... الراجل دا عندنا معاهو بناطيل الإسمها عجيب ديك ، الزول لو مشي بيها الصحافة ممكن يبيعها تعدل معاهو كويس ، عشان كده لازم نستلمها من المطار ....
حاتم جبارة يا ؟؟؟ ولا أقول ليك أخير بالتلفون
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
المداخلة دي خاصة بأخونا جلا
أنا ما فاهم قصتك شنو في البروفايل الأول كان في واحد مرتاح بعد رحلة صيد ونايم على المركب ،، ما عارف تكون إنت ولا صاحبك
البروفايل بتاع اليوم ده أمره عجيب أول مره اشوف لي قرمصيص يلبسوه لساقين عربية الكارو، وبعدين مين في الداخل .
وبعدين الهذلول ولا الهنبول ولا الهندول بيكون زي الهالوك - حلوه الهالوك دي - بيطلع شنو ،،، أها يا جلا بالدائم معاكم في الخرطوم لو قصرتوا معاهو يا هو حالكم بشيلو ليكم .
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
والله يا جلال لقيتك شفت ، جيت خاشي في الموضوع طوالي كأنك قاعد من قبيل ، يا زول إنت ليك كم يوم مسجل غياب إلا من بعض ياك أو ياكين ... قال لي أصبحتوا كيف ، قال لي والله اصبحنا ابونا ميت قوم إدينا الفاتحة ، اها نحن عندنا معاك كم سالف كده .....
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
والله يا ناس الزقازيق تحيروا الزول ، الواحد عايز يعتذر عن غياب أمبارح يقوم يقول انا حزين ، والله جاتني تلفونات من مليون حتة ... يا زول مالك إنشاء الله خير والله الواحد الخلعة لمن الحزن زاتو طار ، يا جماعة الواحد ما يدلع نفسه شوية ... شكراً كل من أتصل ... هي لحظات مرت سريعاً وليس هنالك ما يقلق .. وبحمد الله انا أملك صحة نفسية لا مثيل لها ، يعني من الناحية دي نوموا قفاً .. لكن عجبتني حكايات التلفونات دي ... تاني الزول كل كم يوم يطلع لي ببدعة جديدة عشان الناس تدلعوا .. أها باقي الإسبوع دا حا أديكم إجازة والأسبوع الجاي أجي أقول ليكم عندي مرض حامد ...
| |
|
|
|
|
|
|
Re: ناس الزقازيق ... أجدع ناس .. (Re: ياسر شبيكة)
|
Quote: والله يا جلال لقيتك شفت ، جيت خاشي في الموضوع طوالي كأنك قاعد من قبيل ، يا زول إنت ليك كم يوم مسجل غياب إلا من بعض ياك أو ياكين ... قال لي أصبحتوا كيف ، قال لي والله اصبحنا ابونا ميت قوم إدينا الفاتحة ، اها نحن عندنا معاك كم سالف كده ..... |
ابوالزوز .... والله ما بتريحوا حالتي دي جاي "مضاري" واخوك الايام دي مزنوق زنقة "ترزي يوم الوقفة" "سوالفك" كلها مقضية ياخوي انت اشر بس ... اخوك بقا ما بجمع الايامات دي ----------
تحيات كميات دكتور شبيكة
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلامات يا ناس
Quote: قبيل قلنا تكون فى المحاضرة ..؟ هســــه ويييييين ؟ |
عيد يا حبيب ...مشتاقين والله
انا كنت فى التمرين والتلفون بره فى الصامت وما لاحظت للمكالمات لقيتا
كتيرة ويا دوبك بديت اراجع فيها ..
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلام أيها القوم
Quote: البروفايل بتاع اليوم ده أمره عجيب أول مره اشوف لي قرمصيص يلبسوه لساقين عربية الكارو، وبعدين مين في الداخل . |
يا ريس إنت عرفت الزول القاعد في المركب؟؟؟؟ إذا عرفتو...بتكون عرفت الطفل الراقد في الأنشوطة عفواً الراقد في الهندول
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: ابوالزوز .... والله ما بتريحوا حالتي دي جاي "مضاري" |
برضو يا جلال .... نقول ليك زي ما قال زهير في نكتتو بتاعة أصبحنا أبونا ميت قوم أدينا فاتحتنا انت لغاية هس ما قلت لينا أي حاجة و لا قلت أنا متكفل بي أي حاجة في الإحتفال بالميل 100 المهم قوم أدينا فاتحتنا!!!!
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: جلا ...سريعآ تجيب الكاب....كابات الدامر دى قالوا
كلام تانى |
الزول دا قال لي أوصيك أصلو ما تفتش أي كاب هنا في الدامر دي وزي ما إنت شايف ...الجواب يكفيك عنوانو... يعني لو أنا شلت الباقي...بكون حصلت طارق حبريل و حاتم جبارة
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
سلامات يا ناس
Quote: الزول دا قال لي أوصيك أصلو ما تفتش أي كاب هنا في الدامر دي وزي ما إنت شايف ...الجواب يكفيك عنوانو...
|
اول حاجة يا جلا انت الدامر دى خشيتا بى طريق البطرى؟؟ وطيب لما الزول الانا عارفو
ده ما لقى ليك كاب فى الدامر ..ليه ما وداك لى خالد محمد طه؟؟؟
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
من قبيل وانا عايز اشكر النضيف على الاغنية الجميلة
فهى اغنية تنسرب فيك عميقآ وتأخذك بعيدآ ..بعيدآ..
شكرآ يا نضيف
دايمآ حاجاتك نضيفة
ان شا الله نضافتك تدوم عليك
===================================
انتو الرشيد وعيد وسامى وين ؟؟؟
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: ليه ما وداك لى خالد محمد طه؟؟؟ |
يا جورج ...الزول دا صاحب جمال فارح؟؟؟؟؟ في و نسة جمال فارح قال ليهو أسمع القصيدة دي....وبعد القراءة جمال قال ليهو رأيك شنو؟؟؟ طبعاً الزول دا قالو مليان شعر ويكتب بإحترافية كبيرة المهم رد لي جمال فارح قال ليهو وينو الشعر؟؟؟؟ إذا كان دا الزول المقصود...أنا زاتي حا إتضارى و أقول ليهو جنابو بيسلم عليك وبس الزول الفي الصورة ما قصر...وداني لي ود البيه في محلو ...ود البيه للحلويات و الباسطة لكن للأسف لم نجد صاحب المحل...وقالو بيجي الساعة 10 يشيل الإيراد
و الله حكم
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: أنا خلاص وصلت الحد و تاني ما جاي زاتو...شوفو ليكم زول يساهر معاكم تاني... أنا من الليلة حأصلي العشاء و أنوم بدل سهركم الطلع روحنا ده... شاحد الله الكريم ما تلقوا ليكم زول يساهر معاكم تاني |
يا جماعة داير أساهر معاكم ...و ما داير أنوم بعد العشاء الزول دا دعوة جد جد كداو لا شنو؟؟؟؟؟ الله يخرب مطنو ..كان الناس نامت و ماجات يا الرشيد داير أسألك...إنت الزول الإسمو عمر... الجاكم بضع سويعات في أبو ظبي.. رجع السودان و لا قاعد؟؟؟؟
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
النضيف مرحب بيك ومن بكره الله معاك000 انشاالله تكون اول غيث للزقازيقاب العائدين ================================================ منصور ازيك 00محمد عبدالرزاق اخوك؟؟ ============================================
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
حسبما تواتر لنا من أخبار فهو بخير وصحة جيدة بس قالوا عنده مشغوليات ، ما عرفنا المشغوليات البتحمي السلام دي .. بس انا حرنة الرشيد بعرفها هنالك ما يقلق باله .. عادة ما بيزوغ أيام السبت والأحد لمتابعة الكور الأوربية مع قليل من المتاوقة سأحاول الإتصال به صباح الغد لنطمئن عليه ..
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: عيد بيكون بيحمر لينا خايف نقلب ليهو الصفحه.. |
Quote: يازول إتونس ونستك الجماعة في آخر نومه ضربه الرز بلبن قبيل وأتكله بس لمن يقرب آذان الصبح إضاير يا ولدنا ... |
يا اولاد امشوا نوموا ساكت ...
انتو ما عنكم مدرسة الصباح ولا داكيين ..
وحاتم ده مش الدكتور طردوا الاسبوع الفات ..
داير يشيل ليهو مادة تانية ؟؟
وانت يا زهير وين الايميل ؟؟
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
تعرف يا محمد عيد انا بحب حكاوي الحبوبات جدا بحس انهم ملح الارض عديييييييييل كدة تجربة انسانية كاملة ممكن تكون في حكاوي الحبوبات ديل كنت لمن امشي البركل بقعد يومي كله معاهن وطبعا عندنا ظاهرة في منطقة الشايقية منتشرة بشدة انه الحبوبات ديل ما بيتحرجن في الحديث عشان كدة بيفتن اي حاجة وقدام الناس الحتة دي اتناقشت فيها كتير خلاص مع شيخ الطيب صالح رحمه الله وحكيت ليه حكاوي حبوباتي ديل كان بيضحك شديد خلاص ويقول لي: تعرف الكلام دة لو نسقته شوية بتاع حبوباتك ديل يمين تعمل مليون رواية عشان كدة بجد متعة كبيرة في سرد ما سمعته مباشرة منهن ومتعتي الكبيرة في سرده بنفس اللهجة الشايقية حقتنا ياخي انا عندي عمتي بتخال ابوي الله يديها الصحة اسمها حواء بت الخضر ود كنيش كتبت قبل كدة عنها زولة مسلطة شديد والله عندها جنس درر لو الله كتب لينا عمر واتقابلنا في الخرطوم بوديك ليها يوم زوجها مات رحمة الله عليه جيت قلت ليها - الرسول يا عمتي كنتي بتريديه - انت يا طارق يا ولدي باقيلي جنيت كيفن آآبريدو مو ياهو ابو وليداتي - يعني حبيتيه قبل تعرسيه - ايي حباك برص انا شفته وين لامن احبه.. جوا وعقدوا علي وعرسته - اصلك لا شفتيه لا شافك قبل العرس - بري يخربني - واتعافيتي معاه قبل يموت - اي والله قبل يومين قلتلو: مكاوي الرسول تعفا مني - وعفا منك - ايي يا ولدي الله يرحمه بس نسيت اقولي شي - نسيتو شنو يا خرابة - نسيت اقوله يعفيني من الحد دة.. قاطع اللهجي وانا جني وجن القفلة دي
| |
|
|
|
|
|
|
Re: ناس الزقازيق ... أجدع ناس .. (Re: ياسر شبيكة)
|
صباح الخير يا وجوه الخير ،،،
كنا اليوم في المطار لتوديع النضيف وفارقناهو بالسلامة ،، الباقي على ناس السودان يكملوا الباقي من إستقبال وقندهار وإحتمال يجيكم حاتم ود جبارة في العيد وعثمان الجيلي ،،،،
أنحنا عملنا العلينا الباقي عليكم يا ناس زهير والريس معتصم وجنابو وجلا وزينب وعموم ناس السودان.
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: لو نعرف النضيف حيصل متين؟ |
على الخطوط السعودية الإقلاع الساعة 12:10 الوصول الساعة 13:40 الخروج حسب الظروف
حضور النضيف المدام عناب عزاري البنظالين الضاربه سيستم - طيحني - الكاب بتاع جنابو
بالمناسبة عبدالدائم طلب مقابلة جلا في المطار بس ما عارف السبب شنو؟
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
صبحكم الله بالخير
أبو الزوز و جبريلا يديكم ألف عافية...و شكرا على السؤال....
جبريلا شكرا على الكلمات الطيبات في حقي...و ده حالتي ما عملت حاجة و طيب لو عملت زي ما قال اسماعيل حسن... يبدوا الغير علي ذاتهم ، يقسموا اللقمة بيناتهم ، ويدوا الزاد ،حتى إن كان مصيرهم جوع ، يحبوا الدار ، يموتوا عشان حقوق الجار ، ويخوضوا النار عشان فد دمعة ،، وكيف الحال كان شافوها سايلة دموع ؟؟،،،،
صحي أنا زهجان من حالة التهدئة و لكنها ليست لوحدها وراء احتجابي...لكنني في غاية الانشغال هذه الأيام و حتى مساء الخميس ان شاء الله...يعني كان الله أراد بنجيكم يوم الجمعة برواقة و ان شاء الله تكون حالة التهدئة قد رفعت...
فافي....عليك الله وينه العوينات البشوفو بيها صورك الصغيرونة دي...انتي و الله رفعتي معنوياتنا باعتقادك اننا ممكن نشوفه ليك...حسة غايتو جابو لي عدسة زي الجماعة بتاعين العملة البفحصو بيها التزوير في العملة...و ان شاء الله بجيك راجع...
| |
|
|
|
|
|
|
Re: ناس الزقازيق ... أجدع ناس .. (Re: وليد عبد اللطيف)
|
الجميل (ميسرة سيد احمد ) ونساس الزقازيق الحلوين صراحه كل صفحة بشمعه وهي تشع وتنثر الدرر
=== كمل صبري وتعبت خلاص شغلني الريد اثر قلبي وما وجدت خلاص قولو لي امين.. امين ...امين ريده ليها سنين بورا السمحين تبقى مقصوده ومافي عندي خيار طال مالازهار اصلي رياده ===
يازول نحن ردناك وتعال نديك الجنسية الشعباوية
ومشكور مرورك عندنا
| |
|
|
|
|
|
|
Re: ناس الزقازيق ... أجدع ناس .. (Re: وليد عبد اللطيف)
|
طيب بعد دا مافي أي داعي للتهدئة .... مفروض لجنة الميل المئوي تشد حيلة شوية وتنجز برنامج الاحتفال اها بكري جهز ليكم الحوش .... يلا بالله خلونا نرحــل والله كان شفتوا الحوش الجديد مااااااااااااااااااااااااهل جنس مهلة لا وكمان مقشوش ومرشوش و "العناقريب" مفرشة
يلا ياشباب ..... اقلبوا الصفحات وطلعوا الخبايا ... خلوا الافراح تنطلق
-------------- ياوليد ازيك ياخ ..... أها انتو راحلين متين؟
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
فافي الصورة الأولى و بعد الاستعانة بعدسة مكبرة جدا...هم كالتالي...
وقوفا من اليمين.. ياسر...منصور...منى...؟...الراحلة نجاة خليفة...عبدالرحمن...عبدالحليم...محمد حسان...اخلاص...جمال...معاوية...عاطف مبارك...علي ميرغني..
جلوسا من اليمين...
نابغة...الراحلة سميرة سيد...حاج الركز...العاقب...خالد موسى
أها قصرت معاك...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
مــرحى ومرحبا بهذا الألــــق الجميل ..
نكرر شكرنا وتقديرنا للمهندس / بكرى ابوبكر على ما قدمه لنا من جمال
ونعده بأن يكون منبرا ســاعدا قويا من سواعد هذه المنارة الشامخة
سودانيز اون لاين
ويطيب لنا فى هذا المقام التوجه بالتحية والعرفان لاخونا عصام دهب صاحب
المبادرة الكبيرة فى لم شمل هذا العقد الفريد ...
والتحية موصولة ايضا لاخونا الحبيب زهير الزناتى لجهوده الكبيرة فى تطوير وتدعيم
بقاء وتألق هذا البوست
وألف هـــلا بجميع سكان وزوار هذا الحوش الجميل ...
ومن اليوم ... ولــــّعوا الانوار كلها .. وأضيئوا الثريات واطلقوا البالونات
الفرحة فى سماء حوشنا العامر ...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
عبد الدائم ان شاء الله تكون وصلت بالسلامة اغنية الجابرى ابداع شديد وادتنى جو يوم الجمعة الصباح والأذاعة السودانية صورة حاج الركز برضو صورة عظيمة اجتهادى مقارب لأجتهاد الرشيد مكمل ليهو , ومختلف معاهو فى المرحومة نجاة خليفة مع انى ما قادر اتذكر الأسم للشخصية ولكنها ليست نجاة خليفة رجمها الله على اية حال من اليمين وقوفا ياسر يسن , منصور عبد الرازق , هشام , منى عبد الواحد, ما متذكر الأسم , صفاء عباس , عبده مضوى عبد الحليم عباس , محمد حسان سعد الدين , اخلاص محمد احمد , جمال مصطفى ابشر , معاوية يحى , عاطف مبارك على ميرغنى حمد دافورى جلوسا من اليمين, نابغة , سميرة سيد رحمها الله , حاج الركز (بس عنده شوية شعر ) , العاقب بلة , ابو السارة محمد عيد تعال صحح مبروك المنبر الجديد
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: ومن اليوم ... ولــــّعوا الانوار كلها .. وأضيئوا الثريات واطلقوا البالونات
الفرحة فى سماء حوشنا العامر ... |
هذا وقد أعلن الآن السيد/رئيس لجنة الإحتفال بالميل المئوي انطلاق الاحتفالات رسمياً
شكرا يا عيد ... وفي إنتظار الريس معتصم لقص شريط بدء الاحتفال والريس ميسرة لإعلان البرنامج
| |
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
Quote: الرشيد .... الناس القلتهم ديل في الصورة التانية ... اتصلح معانا بالله الرشيد بالله ماعندك أخبار من ولدنا ياسر ياسين ده .... زمن ياخ |
جلال صورة مليانة عزابا بس..قمت جليته...ممكن الصورة رقم زيرو..لكن واحد....مستحيل...
لم ألتق بياسر يس منذ زمن طويل و الله يا جلال...أتمنى أن يمدنا من يعرف أخبارة بأخبارة و تلفوناتة..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: انت جليت هشام عثمان وراء منصور ,, وصفاء عباس جوار عبده مضوى |
حمادة
هشام ده و بالرغم من استخدام العدسة ما عرفته...كنت عايز أقول هشام خفت تجي ناطي لي في حلقي قمت خليته...أما التي تقول عنها صفاء و أنا لا أعتقد ذلك لأني زي الشايف لي توب...و دي معناهاانها ما صفاء فقلت عنها الراحلة نجاة خليفة...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الريس معتصم مشتاقين ياخى لغاية ما انا طلعت من السودان ما كان عندى اخو اسمه محمد كدى اعمل لينا تحقيق فى الموضوع ده ينوبك ثواب
الصورة رقم صفر فيها عاطف مبارك , وزاهد ابشر , ومين خاطر , وحاج الركز طارق جبريل قول لى عمتك حواء بت كنيش الحد عفيناك منو علا الفيك اتعرفت
| |
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
Quote: لغاية ما انا طلعت من السودان ما كان عندى اخو اسمه محمد |
يا منص امكن الصادق أخوك اسمه مركب...محمد الصادق مثلا...زي محمد المرتضى...كدي أتأكد انت
بعدين يا منص القلت عليهو أبو السارة ده كان خالد موسى...أرسل ليك العدسة؟
كلو منك يا فافي...
| |
|
|
|
|
|
|
|