ناس الزقازيق ... أجدع ناس ..

Quote: طارق جبريل والله بت الخضر قطعت مصارينا بالضحك الله يديها العافية

Quote: مرحب بعود بالأخ عثمان الجيلي احسن الله عزاءكم وإن شاء الله تكون آخر أحزانكم ------------------------------------- عاد الود جلا وعاد صوت بنات الشيخ للحوش يا جماعة بنات الشيخ الثلاثة البتكلم عنهم جلا ديل قطع شك ما سودانيات ، ديل بكونن (بنات جون)،لأن بنات الشيخ حقاتنا كان ركبن القطر ما بدخلن الحمام ------------------------------------------------------ محمد صديق والريس ( صاحب الإمتياز) في موضوع ابتسامة بت الشيخ رجعونا تاني للموضوع انا غايتو بت الشيخ بتاعتي كان ابتسمت بطش شبكة -------------------------------------------------- كلام موجه للناطق الرسمي بإسم منظمة دعم بنات الشيخ - جلا يقولون ان بت الشيخ إذا ابتسمت فهنالك كارثة قادمة وإذا ضحكت فتأكد بأن الكارثة قد وقعت ما رأيك؟

Quote: والبوست أليل الزقازيق دة ان بقيت باريتو بيودرك هههههههههههه

Quote: محمد حصل حضرت سبيس تون مع العيال...سمعت بالرابط العجيب...الرابط العجيب أن توجد رابط بين شيئين ليس بينهم علاقة...و على نفس النهج فالرابط بين الحمامين...الحمام الأول به ثلاثة رجال...الحمام الثاني يدخلة الجميع...في الحمام الأول الرجال بلهاء...الحمام الثاني عندما يدخلة الجميع يبدون كأنهم بلهاء...اذن الرابط العجيب...البلاهة... طبعا خذلتك...انت عارفني أنا لاعب كورة قديم...و من أساسيات الكورة...ماأي كورة مقشرة بشوتوها... يا كيشة...

Quote: إبتسامة صفراء لبت الشيخ معناها يا الريس ميسرة و منصور وجلال آى عارفين الدهب لونو أصفر لكن ما بشبه حق ناس بت الشيخ بتاعت ياسر نجيلة

Quote: قف ود جبريل يا جماعة أخير ليكم أمسكوا الزول دا شايفو عايز يسحب منكم الناس السادة و المشلخة ومركز على جيفارا

Quote: الرشيد أوع تقول لي يخرب مطنك في المداخلة الفاتت

Quote: وجينيفر لوبيز

Quote: دي يا الرشيد قاعدي تجيبلي الصاقعي موش الكتاحي مع بت الشيخ هههههههههههههههههههههههههههه

Quote: عادل يسلم كلية الزراعة 89 يسكن دائماً مع ناس علوم شغال تجارة مفروشات في بورسودان

Quote: الرشيد عمره ما كان اتحاد اشتراكى , ولا كمان اتحادى ديمقراطى الزول ده حزب امة جناح الصادق

(عدل بواسطة الرشيد بابكر on 06-23-2009, 07:14 AM)

Quote: تكون جهزت نفسك ماشي الشغل وقاشر تمام وديل ناس جلا و البادي النور و عصام دهب بت الشيخ تبتسم و تقول ليك ما تكتر الريحة

(عدل بواسطة عصام دهب on 06-23-2009, 10:06 AM)

Quote: صباح الخير يا ناس الحوش صباح الخير يا جلجل ( ودا اسم الدلع لجلا) ويارشيد القوم جلا مش ضارب همبريب بورسودان وبس وكمان مرتاح من غسيل العده والمراسيل ومتفرغ لإبتسامات بت الشيخ يا جلا انت ما سمعت ود اللمين بقول وراء البسمات كتمت دموع وبكيت من غير تحس بي وبالمناسبة دي ورغم انو نحن ناس بتاعين كورة ساكت الأ ان ربة الشعرابت إلا ان تزورني في نص النهار والجو كان حار والرطوبة عالية جدا وكنت بقرأ في مداخلة جلا بتاعت ابتسمات بت الشيخ فقلت جاءت بت الشيخ تخفي بسمة في شفتيها تحمل لستة تسوق وقلم بين يديها رمتني بنظرة وبدت حمرة في عينيها تحسست محفظتي وكانت خاوية فقذفت بها اليها وقالت يلا يا شباب اكملوا بقية القصيدة ويا محمد صديق انا طالبك بيتين في قصيدة محمد عيد بتاعت الكباية ويا منصور انت تدخل بعد محمد صديق جلا انت لك الخاتمة رشيد القوم ومحمد عيد وجلي وطارق جبريل والريس وكل من لم يرد ذكره كل واحد يدينا بيتين ياسر نجيلة منتظرك في رصيف الوحشة زي مليون سنة -------------------------------------------------------- جلال والله مشتاقين اكتر منك كيفك وكيف الخبراء الأجانب ان شاء مرتاحين ومبسوطين تحياتنا لهم وياخي ما تذكرنا مباراة تربية الفريق الوحيد اللي غلبنا وكم؟ اربعة ذي السهم لسع ما قادرين ننساها الله يسامحكم يا السني ومحمد صديق والشغلة يا جلال ما بقت دايرة فاول علي النعمة بتي الصغيرة بقت تقلعها مني وتحاورني وتبضها لي كمان لكن برضو احسن من صاحب موسى عيسى تاج الدين

Quote: محمد يوسف موسى عندما كتب (كلمة) كلمتى المست غرورك وفرقتنا يا حبيبى مش خلاص كفرت عنها بى تسهدى وبى نحيبى بالليالى المرة عشتها وحدى فى نارى ولهيبى هذا استقطاع موجز من الأغنية هذه الجميلة , ولكن السؤال ماهى هذه الكلمة التى اثارت كل هذا الغبار

Quote: اها بعد يديك ليها انت حتعمل شنو؟؟؟

Quote: انا عايز انقل الناس الى حاجة مهمة واعتقد انو تأثيرها كبير الامر ليس هو ان تبتسم بت الشيخ ...ان تبتسم بت الشيخ لهو امر سابق وكان مهمآ....فلولا انها ابتسمت فى يوم ما لما صارت بت الشيخ!!!!!

Quote: كان اول يوم لهما فيما يسمى بشهر العسل وهما يدخلان باب الفندق كادت ان تنزلق بفعل السجاده افتعل المشكلات من أجلها وصاح باعلى صوته اهذا مكان توضع عليه تلك الاشياء لكي يصاب الناس بعد ثلاث ليالي وهم يهمون بالخروج حدث نفس الموقف حينها التفت اليها وقال عميانه ما بتشوفي..!

Quote: يا جلال التاج قال ليك براهو الانا كنت عايز اقولو...بدون تعب حيديك ليها اها بعد يديك ليها انت حتعمل شنو؟؟؟

Quote: كلمتى المست غرورك وفرقتنا يا حبيبى مش خلاص كفرت عنها بى تسهدى وبى نحيبى بالليالى المرة عشتها وحدى فى نارى ولهيبى هذا استقطاع موجز من الأغنية هذه الجميلة , ولكن السؤال ماهى هذه الكلمة التى اثارت كل هذا الغبار

Quote: حبيبنا ابو الرشد متعك الله بالصحة والعافية وشاحد ربي يرد غربتك في غربتك ويلمك مع بت الشيخ والعيال .. قول آآآآآآآآآآآآآمين التحية ليك وجيناك تاني بي خشم بيتك عدييل كده ومن غير استئذان .. شن قولك ؟؟؟؟؟؟ والتحية من خلالك لكل الحبايب والأخوان في فرقة الإمتاع والمؤانسة فقد أصبحتم بحق خير انيس وخير جليس وأضفتم لحياتنا معاني وذكريات إفتقدناها زمانا .... لكم جميعا حبي وتقديري .. أخونا البرلوم محمد عيد أو الباكستاني - كما يحلو لنا أن نسميه – اتصلت عليه قبل يومين ولم أعلن له عن اسمي وللحقيقة والتاريخ ودفعا لشبهات الزهايمر عنه فقد عرفني من اول كلمة ماشاء الله عليه بالرغم من طول الفترة ... مش قلت ليكم الراجل باكستاني !!!!! أتابع بامتياز كل ما تجود به علينا من درر وذكريات متعك الله بالعافية ... الزميل والأخ الأستاذ ميسرة سيد احمد إبن الرنك الجميلة الوادعة تلك المدينة الهادئة التي لا تعرف معنى الصخب ما زالت تحتضن بين شوارعها آثار من خطواتي والعزيز من ذكرياتي .. لك التحية أخي وأنت تجود علينا بمدادك الراقي وحكاويك الممتعة ( اللهم لا تجعل الدنيا أكبر همنا ولا مبلغ علمنا ) ... لك تحية خضراء خضرة ( قوز فامي ) الجميلة هل تذكرها يا ترى ؟؟؟؟؟؟ السنجك الرائع الذي ( شلخ حياتنا لا ورا ) أخونا طارق جبريل ... أمتعتنا يازول عديييييل كده ... رحلة بت الخضر أعادت للذاكرة صفحة عزيزة من حياتنا الماضية وطبعا حكاوي القطر من أمتع الحكاوي وبالمناسبة دي أذكر في إحدى رحلاتي بالقطر كنا مسافرين من كريمة للخرطوم والقطر زحمة ومليان مافي حتة تخت فيها رجلك والدنيا ليل وطبعا كالعادة مافي نور والناس راقدين في الممرات منهم المتوسد شنطتو ونايم ومنهم البيتونس مع صاجبو ومنهم السارح مع صوت عجلات القطر .. قامت واحدة من آخر العربية تفج في الناس وسايقة معاها طفل صغير ماشة الحمام والدنيا ظلام شديد ما تشوف يدك .. أها بت الشيخ دي جات جنب جماعة راقدين في الممر وعايزة تعدي واحد من أعمامنا شالته الهاشمية وحب يساعدها عشان تعدي ولدها مسك الولد من يده ورفعه من صلبه عشان يعديه من فوق الناس النايمة .. بعد ما نزل الولد حس بيده تقيلة ومرطبة ولع بطاريتو عشان يشوف الحاصل ... وصاح بأعل صوتو (( الولد خرب علينا داك يالخراب الله يقبحك يالمسنوحة ما تقولي الجنى موسخ .. يوسخ عملك يالشوم ))) وتعال شوف البطاريات اشتغلت شغل جد .. يا جنى كدي ضوي لي هنا .. يا جني جيب البطارية دي جاي شامي لي ريحة هنا .. وساد الهرج والمرج والناس إطاقشت كل واحد عايز يتأكد أنو الولد مر من جنبة بدون خسائر .... ونحن بي هناك ميتين من الضحك .... حكاوي عجيبة .. يظهر انو الولد كتر في البيض بتاع الجماعة .... الله يديك العافية أخونا طارق وزيدنا بالله .. التحية موصولة لأخونا محمد ادم النور جلا الراعي الرسمي لنقابة بت الشيخ الديموقراطية الرجل ذو القلم الذهبي أو فلنكن أكثر واقعية ذو الكيبورد الذهبي فقد خبرناه منذ أيام موقع زقازيقاب حيث كان يطل علينا من حين لآخر ويتحفنا بروائعه وها هو يتواصل عطاءه وإبداعه فله مني التحية والتقدير كما ارجو ان تتقبل عزائي في وفاة عمكم له الرحمة والمغفرة وأسأل الله ان يجعلها آخر الأحزان .. أراها فرصة طيبة لتعزية الأخ عثمان الجيلي الشيخ في وفاة شقيقه سائلا الله له الرحمة والمغفرة وأن يتقبله لديه قبولا حسنا وله حسن العزاء ومرحبا بعودنه مرة أحرى .... حكم والله الضيوف المتاوقين يرحبوا بي ناس البيت ... أخونا برلومنا المدير منصور ما تخاف أنا بقدر ليك على محمد عيد وحأنكت ليهو الصور القديمة وأركبها ليهو في حاجات عجيبة ونرسلها لبت الشيخ مباشرة عشان يآآآآآآآآآمن ...!!!! التحية لكل أفراد فرقة الإمتاع والمؤانسة فردا فردا فكلكم في الخاطر سواء فقط خشيت من الإطالة عليكم ليس إلا .... ابو الرشد خلي الباب فاتح برجع تاني ومعاي صور الديناصورات ..... عبد القادر بابكر الرياض – تلفون 0509835001 [email protected]

Quote: 50/ جلال عثمان(تربية) وزوجته ........

Quote: برأيكم وخبراتكم المتراكمة كاولاد شيوخ الآن , وكمشاريع اولاد شيوخ زمان , ما هى هذه الكلمة التى دعت مثل محمد يوسشف موسى يقول عرفت الحب وفاء واخلاص حنان ووداد ورود وسلام وعشت معاك ليالى جميلة ليالى حنينة كالأنسام وتخاصمنى عشان بس كلمة وياما نظمت فيك كلام يلا , اتجلوا , انها كلمة ما بعد ابتسامة الريس , هل هى قبل عديل وزين حاجة امونة او بعدها ؟؟

Quote: عاد الينا حرف الذال , يمكنكم البدء فى محاسبتنا املائيا من الان فصاعدا

Quote: جاءت بت الشيخ تخفي بسمة في شفتيها تحمل لستة تسوق وقلم بين يديها رمتني بنظرة وبدت حمرة في عينيها تحسست محفظتي وكانت خاوية فقذفت بها اليها وقالت

Quote: كانت لي تجربة زقازيقية لو كتب الله لها النجاح لكنت الان رقم 50/ جلال عثمان(تربية) وزوجته ........ وكنت احد أعضاء حزب ناس الريس ميسرة ومحمد صديق وزهير الزناتي المهم هذه التجربة البنت شيخية لا يعلم عنها الا إمكن سامي ومحمد الهادي وعزام

اعمدة اخرى يفوق عددها الـ 500
يسموهم ( المشوكشين )
والاهم من قائمة المشوكشين قائمة ( الكيسات ) ودى لو بنات شيوخكم عرفوها على رابطتكم
دى الســــــلالالالالام

والقطر يا طارق جبريل وقدرة برضو فيهو حاجات سمحة

Quote: السنجك الرائع الذي ( شلخ حياتنا لا ورا ) أخونا طارق جبريل ... أمتعتنا يازول عديييييل كده ... رحلة بت الخضر أعادت للذاكرة صفحة عزيزة من حياتنا الماضية وطبعا حكاوي القطر من أمتع الحكاوي وبالمناسبة دي أذكر في إحدى رحلاتي بالقطر كنا مسافرين من كريمة للخرطوم والقطر زحمة ومليان مافي حتة تخت فيها رجلك والدنيا ليل وطبعا كالعادة مافي نور والناس راقدين في الممرات منهم المتوسد شنطتو ونايم ومنهم البيتونس مع صاجبو ومنهم السارح مع صوت عجلات القطر .. قامت واحدة من آخر العربية تفج في الناس وسايقة معاها طفل صغير ماشة الحمام والدنيا ظلام شديد ما تشوف يدك .. أها بت الشيخ دي جات جنب جماعة راقدين في الممر وعايزة تعدي واحد من أعمامنا شالته الهاشمية وحب يساعدها عشان تعدي ولدها مسك الولد من يده ورفعه من صلبه عشان يعديه من فوق الناس النايمة .. بعد ما نزل الولد حس بيده تقيلة ومرطبة ولع بطاريتو عشان يشوف الحاصل ... وصاح بأعل صوتو (( الولد خرب علينا داك يالخراب الله يقبحك يالمسنوحة ما تقولي الجنى موسخ .. يوسخ عملك يالشوم ))) وتعال شوف البطاريات اشتغلت شغل جد .. يا جنى كدي ضوي لي هنا .. يا جني جيب البطارية دي جاي شامي لي ريحة هنا .. وساد الهرج والمرج والناس إطاقشت كل واحد عايز يتأكد أنو الولد مر من جنبة بدون خسائر .... ونحن بي هناك ميتين من الضحك .... حكاوي عجيبة .. يظهر انو الولد كتر في البيض بتاع الجماعة .... الله يديك العافية أخونا طارق وزيدنا بالله

Quote: ما زمان قلنا ليك فك درب بنات معهد تجارى ديل سنة برلومة وسنة دبلومة ما بنتظروك ما سمعت كلامنا

Quote: لا يا جلا مرسل لك مع هذا الإيميل صورة بنتي رحيق ( سنتين) عشان تصدق وتآمن وتقتنع هذا لك والتالي مداخلة -------------------------------------------------- سلام يا ناس الحوش سلام مربع للعزيز ابو الياء ( ياسر نجليه) ما قصرت كفيت ووفيت واظنك ارضيت بنات الشيوخ وواولاد الشيوخ وطرحت خيارات، بس جلا اظنه مع المقاطع الأولى ويا جلا ياسر نجليه رد ليك على سؤالك واثبت ليك انو الشاعر يمكن ان يتغمص الشخصية -------------------------------------------- يا ديدو كيف حالك مفتقدين مداخلاتك الظريفة والصورة بتاعت القطر دي ( حسن طبلة) ما كان معاكم ولا شنو؟؟

Quote: صباحكم ونهاركم ومساؤكم وكل أوقاتكم خير ياأهل الخير ياجلا رحم الله عمكم الفقيد وأحسن الله عزاكم يالبادي حكاية تنسوا ليكم زول دي قالوا في واحد سطلنجي عجيب كلو كلو في يوم عرسه أصحابه السطلنجية قالوا اليوم مافي سطل خالص والعريس يكون تحت المراقبة لين ليلة عرسوا تعدي بخير بدأت الحفلة العريس هاديء ومالي هدومو ومغطي حفلتوا زي العجب أصحابه إطمأنوا عليه ورفعوا عنه الرقابة في آخر بصف ساعة من نهاية الحفلة صاحبنا ماصدق دخل اتسطل للآخر وماعارف عن الحفلة إلا الإزعاج والدوشة بعد شوية إنتهت الحفلة والناس فروا وعم الهدوء دخل العريس البيت شاف العروس جالسة ، قال والله أنا من قبيل قلت الناس ديل بجوتطهم دي حينسوا ليهم زول.؛؛؛

Quote: سلام لكل أهل الحوش والمتاوقين ولمتين كدة نحن والمتاوقة دي ياريس شنو ياجلا بتشرك وبتحاحي العفوص الكمندان محمد صديق قال دولاب قلنا ليهو ايضا شيء يؤكل أساسه التبلدي وحولنا الرد للأخ صالح تبلدينا وأنت تبقى لك(الفرندو والكاشيت والمندجي )؛ أما رشيد القوم قال عايز يسمع صوت المؤذن في الخليج ماشايف هالكنو كيف بناتو موزعات في كل طلب كبسة، اما في السودان بناتو عزيزات جدا مافي حد يهوب من ناحيتن بس الصقر مامريحو.؛ يقال ان هناك ديك له ثمانية عيال متّلحو ليك صقر أخذ إثنين من عيالو مشى لفكي زي فكي ناس جلا البتلفز الكورة في حوض الموية طلب منه أن يعمل حجبات لعياله من الصقر وإتفق مع الفكي بأن يرجع بكرة لإستلام الحجبات وهو ماشي ظهر ليه صقر كبير ياااالله نجى من هذا الصقر بعد أن دخل في شوك بتاع زريبة وعندما إستتب الأمن خرج يجري للفكي قال ليه حكاية عيالي ديك خليها أعمل حجاب لي انا ده ياتجتوج تربية غلبونا ثلاثة لواحد والذي غلبنا في تلك المباراة هو حارسنا الفاضل لأنه إما بايع تلك المباراة ونفاد في ذلك من الكمندان وإما حكايتو خوف من السني وفي هذه الحالة الإفادة من أخونا موسى عيسى لأنه أيضا من الجزيرة ابا ياخي ماممكن نقرش ليه الكورة في راس ستة حق المرمى يجي السني من النص يأخذ الكورة ويجيبها قون الله يطراه بالخير في حين عبد العظيم حارس تربية حرمنا من التسجيل في مرماه

Quote: انت يا الرشيد اقعد اضحك جوة المكتب لمن تجن بالجد