|
Re: واجب عزاء ،،، ناس الزقازيق،،،، (Re: ياسر نجيلة)
|
نجيلة ... يانجيلة كيفك ياحبيب وييييينك؟
ياسامي ... هاك الهدية الجميلة دي من الصباح إتصل على قبل قليل الاخ/ منتصر ابراهيم خريج آداب الزقازيق 1982 وهو مقيم عندكم في الجبيل (نائب رئيس الجالية) رسلت ليك تلفونو في الماسنجر بالله اتصل عليه (عاوز اكون ليك رابطة الشرقية) روعة التواصل بين خريجي الزقازيق عبر الازمان
| |
|
|
|
|
|
|
سيد الحوش يتفقد الرعية (Re: جلال عثمان)
|
سعدت كثيرا بالمكالمة التى تلقيتها قبل قليل من سيد الحوش ذاتو الله يديك العافية ياعصام ويجعلوا عامر
ياشباب والله سيد الحوش بيسلم عليكم جميعا وهو في غاية المشغولية مابين المكتب والمحاكم وسفر الوالدة للسودان هذه الايام
يديك العافية يادهب
| |
|
|
|
|
|
|
Re: سيد الحوش يتفقد الرعية (Re: طارق جبريل)
|
Quote: طبعا أنا الليلة في راحة مرضية... الكبر حصل |
سلامات يا سامي وما تشوفش وحش بس مسالة الكبر دي لسه بدري عليك يا باشا،،،،،،،،،،،،، سلامتك وإنشاء الله تاكل سماية ميار آميييييين،،،،،،،،،،،
================ ألف لا بأس عليك
| |
|
|
|
|
|
|
Re: سيد الحوش يتفقد الرعية (Re: ميسرة سيد أحمد)
|
Quote: ابو ميار عايزين العضة بتاعة السماية تصلنا لحدي الرباط
|
أبشر ياولدنا وحاتك نص خروف (منجض) كمان نرسلوا ليك لا عندك - وكان ماخايفين اللحم يخرب كنا رسلنالك عجل عديل.. تستاهل يالحبيب
| |
|
|
|
|
|
|
Re: سيد الحوش يتفقد الرعية (Re: جلال عثمان)
|
الاستعدادات تجري على قدم وساق استعدادا ليوم غدا الخميس موعد لقاء زقازيقاب الرياض - استراحة اللؤلؤة وهنالك الكثير من المفاجاءات سوف تعلن في حينها وهنالك سوف يلتقي الاحباب من كل الدفعات من كل الكليات وسوف تتمتزج حرارة الشوق بحنين اللقيا نلتقي غدا إن شاءالله وآخر الاستعدادات
| |
|
|
|
|
|
|
Re: سيد الحوش يتفقد الرعية (Re: ياسر نجيلة)
|
أخونا سامي سلامتك والبلد كلها كرامتك ، وإنشاء الله تقوم بالسلامة والعافية. أبو ميار شايفك فتحت ليك شباك تعويض لي ناس الرياض اللي ما حيحضروا عرسنا الليلة بالبلابل ، يعني مافي منطقة أحسن من منطقة إلا بتقوى المجهودات الفردية في خلق فرص التواصل واللمة أحلى... الليلة يا أهلي الحلوين عرسنا ولمتنا الحلوة بي بلابلنا الحلوات وزي ما قالوا سمح الغنا في خشيم سيدو ، أنا شخصيا أتمنى تكون حفلة جميلة لأني ما كنت متوقع حضورها نسبة للسفر لكن الحمد لله إتأجل السفر وإنشاء الله حنكون حاضرين يا ربي دايما حاضرين وسالمين وتامين آمين ، رغم حضوري لعدد 3 حفلات للبلابل لكن اليوم الوضع مختلف تمامالأنه دا يوم الزقازيق ولقاء الأحبة ربنا يجعله دايما عامر.
| |
|
|
|
|
|
|
Re: سيد الحوش يتفقد الرعية (Re: البادي النور)
|
بمزيد من الحزن والاسى ينعي خريجي الزقازيق بالرياض إبن شقيقة الأخ/ محجوب حسن ربيع - تربية والفقيد ابن الدكتور/ حامد محمدين رئيس قسم الانف والاذن والحنجرة بمستشفى دلة بالرياض اللهم اغفر له وارحمه واجعل الجنة مثواه صادق التعازي للاخ محجوب ودكتور حامد
تلفون محجوب 0557770038
| |
|
|
|
|
|
|
Re: واجب عزاء ،،،، ناس الزقازيق (Re: ميسرة سيد أحمد)
|
خالص التعازى للاخ والزميل محجوب حسن ربيع وللزميلة سميرة عبدالرحمن فى وفاة ابن شقيقته ، نسأل الله العلى القدير ان يلهمهم الصبر وحسن العزاء
محجوب وسميرة اولاد دفعتى قسم طبيعة وكيمياء اكبر دفعة مرت على تربية كنا نسعد جدا" بوجود تلك الدفعة يوم مواد التربوى فى مبنى الكلية لانهم دائما" ما يكونوا فى مبنى علوم محجوب ود بحرى الشعبية كان بتاع مقالب ، كان عندو حركة غريبة بيعملها بيكون قاعد جمبك وينادى ليك باسمك بصوت غريب كانو فى زول بنادى ليك من بره ولا مكان بعيد ، انت تقعد تتلفت شمال ويمين وبعدو تسأل يا اخوانا انا سامع فى زول بنادى ليا ، اصاحبو ناس محى الدين اسحق وعبدالوهاب واوسي وراشد يتوهوك يقولوا ليك ما سمعنا اى حاجة ، وهو يواصل معاك لحدى ما فى الاخير يكشوفو ليك السر . سميرة عبدالرحمن اكتر واحدة بتخاف ايام النتائج رغم انها بتكون ضامنة النتيجة اذكر ونحن برالمة فى حلقات التعارف الكتيرة ديك ، بنقيف فى شكل دائرة وكل واحد يعرف نفسو ، سعاد عبدالرحمن القضارف ، فتحية بشير القطينة ، سميرة عبدالرحمن القطينة ، نوقف التعارف ونضحك شوية يا اخوانا مافى ولا واحدة شهادة عربية ولا من نمرة 2 ولا مدينة النيل تضحك سميرة وتقول انا من القطينة لكييييين ساكنة ام درمان
التحية لناس طبيعة وكيمياء وناس رياضيات وبيولوجى
والمساكن الما زالت ساكنة فى قلوبنا
محجوب وسميرة
| |
|
|
|
|
|
|
Re: واجب عزاء ،،،، ناس الزقازيق (Re: ياسر نجيلة)
|
التحية للاخ عبدالدائم النضيف علي شحذ الذاكرة وصادق التعازي مرة اخرى للاخ محجوب وحرمه الاخت سميرة
وياناس الرياض ما تنسو موعدنا اليوم بعد صلاة المغرب إن شاءالله وللاخوة الذين يودون المشاركة ولم نستطع التواصل معهم يمكنهم الاتصال (لمعرفة مكان الاستراحة)
أحمد اسماعيل 0501960947 محمود محمد آدم 0508925899 مكي عباس (جاكسون) 0506449056 عثمان الخير 0563495969 جلال عثمان 0505779464
| |
|
|
|
|
|
|
Re: اليوم هو يوم الزقازيق ،،، أجدع ناس (Re: جلال عثمان)
|
من المتوقع أن يكون اليوم هو يوم ناس الزقازيق أجدع ناس بالسودان وبالرياض وهو يوم سوف يظل خالداً في الذاكرة الزقايقية،،،،،،،،
لا تنسوانا بالصور الجميلة وبشرط معاها ألأسماء ويا حبذا كمان لو صورتوا لينا الوليدات ============================= التحية لكل زقازيقي أينما كان
| |
|
|
|
|
|
|
Re: اليوم هو يوم الزقازيق ،،، أجدع ناس (Re: جلال عثمان)
|
أول الواصلين:من اليمين عثمان الخير-تربية أحمد عوض - آداب محمود محمد آدم - تربية
وتربية ياروعة (كوسة) عثمان الخير - عبدالرازق نجم - احمد عوض - محمود محمد آدم
من اليمين : مكي عباس (جاكسون)- تجارة / عبدالرازق نجم - تربية/ عبد رب الرسول - اداب/ عماد عثمان - تجارة
| |
|
|
|
|
|
|
Re: اليوم هو يوم الزقازيق ،،، أجدع ناس (Re: جلال عثمان)
|
وفي عز هذا التواصل الحميم وصلتني الرسالة التالية (عبر الموبايل) من الاخ العزيز أسامة عثمان ابتر
Quote: "ياجلجل سلام وكل حب واحترام ليك زقازيقي في بلاد السلام ولسامي الف كفارة وسلام احمد والنضيف وسيد الحوش دهب بدون كلام" اسامة ابتر |
الف تحية ليك ياكمندان ونتمنى ان نلتقي في ساعة خير قريبا
-------------- روعة يا أهل الزقازيق ..... فاصل ونواصل
| |
|
|
|
|
|
|
Re: اليوم هو يوم الزقازيق ،،، أجدع ناس (Re: جلال عثمان)
|
محمد عثمان عبدالرحيم(زراعة) - عبدالله بشير (تجارة) - مدثر ابايزيد (حقوق) قولوا ماشاءالله - شباب يعلم الله العجايز والاستايلات جاية وراء يا طارق جبريل
من اليمين عبدالمنعم محمد عبدالله و حامد ادم صاغة
من اليمين: شقيق عبدالرازق نجم - آدم محمد عبدالله
كمال الشادي و منصور عبدالرازق (لن ننسي اياما مضت)
------- يالنضيف هاك الشوشة دي لسة باقي 170 صورة وحوالي 40 شخص من ناس الزقازيق المفاجاءات تتواصل
| |
|
|
|
|
|
|
Re: اليوم هو يوم الزقازيق ،،، أجدع ناس (Re: جلال عثمان)
|
تجارة يا شطارة (من اليمين) احمد محمد اسماعيل - مكي عباس
كمال الشادي /احمد عوض /منصور عبدالرازق
من اليمين: عبدالله بشير - عصام جلى - عثمان الخير - موسى عيسى
من اليمين: محمد عثمان - عاطف القوز - عبدالمحسن دفعة
| |
|
|
|
|
|
|
Re: اليوم هو يوم الزقازيق ،،، أجدع ناس (Re: جلال عثمان)
|
يا جلال لكن ما روعة شديدة ، وحقيقي ديناصورات من الزمن الجميل.. أحمد عوض لكن ما نضافة لمن طفى كمال الشادي زاته ناس حلوة جد جد... عبدالمنعم لم أعاصره في الزقازيق لكن قابلته في الرياض عن طريق أخونا التاج أبوكساوي قبل أكثر من 5 سنوات وقضينا فترة جميلة جدا مع بعض في الرياض ، وكانت هنالك زيارات بيتوتية كثيرة لهم التحية جميعا. كمال الشادي قابلته في الرياض حوالي 2002 وكان وقتها شغال في مستشفى دلة. ونحن في إنتظار باقي الصور ، ما تخلينا نقعد نغني صورتك الخايف عليها...
| |
|
|
|
|
|
|
Re: اليوم هو يوم الزقازيق ،،، أجدع ناس (Re: البادي النور)
|
ناس الرياض أجدع ناس،،،،،،، صورة جميلة وروعة ،،،،،،، في ناس كانوا مقرشين،،زي العربية المقرشة ،زي أخونا كمال الشادي وأخونا موسى عيسى وآخرون،،،، وفي ناس أنا ما كنت حأعرفهم زي أخونا أحمد محمد إسماعيل كلية التجارة على الرغم بأني تواصلت معهم بالهاتف خلال الفترة السابقة،،،، وفي ناس تغيريت ولكن الشكل القديم موجود ،، أحمد عوض منصور عبدالرازق جاكسون وآخرين علشان كده الصورة الحديثة مطلوبة جداً ،،،،،، المطلوب يا جلال تحاول تكمل لينا بقية العقد الزقازيقي الفريد ،، علشان تفصل ما بين صورة الرياض وصور حفلة البلابل ،،، أنا ما قلت ليكم ده مولد بس صاحبه حاضر ،،،،،
============= شكراً لأجدع ناس
| |
|
|
|
|
|
|
Re: اليوم هو يوم الزقازيق ،،، أجدع ناس (Re: ميسرة سيد أحمد)
|
شكراً لأجدع ناس .. و شكراً لكل هذه العلائق الطيبة و الصلات النبيلة ..
شكراً و حمداً للذي جمعنا على صعد المحبة و الخير و كنا نظن أن بعد تشتتنا لا تلاقيا ..
فالحمد و الشكر لله تعالى مبتدئاً و ختماً ..
ــ
أعود إليكم وكل شوق بعد هذا الإنقطاع القسري جداً ..
فقد تكالبت علي ظروف عديدة غيبتني و حالت دون تواصلي معكم ..
لكنكم أيها الزقازيقاب ـ و الله شاهد ـ لم تغيبوا عني ..
فصادق ى]ات التعازي و الدعوات لكل من فقد عزيزاً و نسأل الله أن يجعلها آخر الأحزان و يرزق الفقداء منازلاً في الجنان ..
و كفارة و أجر إن شاء الله لحبيبنا سامي ..
و حمداً لله على سلامة المدام و تهنئة كبيرة أوي أوي للعزيز جلال ..
ثم تحية و إنحناءة لزقازيقاب الداخل و الرياض و هم يجسرون تواصلهم النبيل ..
أحبكم جميعاً أيها الأوفياء الأنقياء الأصفياء .. أحب روح الزقازيق التي تسكنكم .. و معاً لماضي جميل و حاضر أجمل و غد رائع ..
| |
|
|
|
|
|
|
Re: اليوم هو يوم الزقازيق ،،، أجدع ناس (Re: عصام دهب)
|
يا ابو الجل الصور روعة جد واللمة حلوة جد وربنا يديم الأفراح والليالي الملاح وعشان كده حا نترك ليك المجال الليلة وبكرة عشان تنزل صور ناس الرياض وتاخد حظها من التعليق والنقاش في موضوع اللمة أكيد طلعتوا بمقررات وقرارات ونحن من علي البعد متابعين تحاتنا لكل الناس طرفكم ، وأترك تعليقي علي الصور فيما بعد بعد أكتمال الألبوم ....
| |
|
|
|
|
|
|
Re: اليوم هو يوم الزقازيق ،،، أجدع ناس (Re: زهير الزناتي)
|
يديك العافية يا جلال تلقيت مكالمه تلفونية من الأخ الصديق مجدي عبدالله و كلمني عن الملتقى بتاع الرياض فهرعت الى البوست لأجد الصور الجميله، فشكرا يا جلال على التوثيق، و طبعا انت سبقت منصور، لأني عرفت من منصور انو كان ناوي ياخد منك السبق الصحفي ويرسل لي الصور عبر الايميل، لكنه انشغل ولم يفعل. و الله يا ناس السعوديه الواحد بيحسدكم عديل كده على التجمعات الرائعة دي، انحن الواحد فينا دوام بيت دوام طاحونه مستمره بدون أي تغيير، المره الجايه تعالوا اتلموا عندنا في أبوظبي، كلها 10 ساعات من الرياض. التحيه لكل الذين كانو حضورا في هذا التجمع والتحية للموثق جلال و التحيه لمنصور و حاج الركز و عاطف القوز و كمال الشادي و لبقية الأخوه، ويا عاطف القوز اسمع صوتك ف التلفون و لا اراك في الصور، يا راجل مالك كملت من لحم الدنيا، في الأول كنت قايلك جمال مصطفى. أما حاج الركز فعيني بارده و الله الحاجه الوحيده الاتغيرت فيك مغطيها بالطاقيه (الصلعه) الظاهر المدام متوصيه بيك تمام.
و دمتم سالمين
| |
|
|
|
|
|
|
Re: اليوم هو يوم الزقازيق ،،، أجدع ناس (Re: الرشيد بابكر)
|
Quote: عبدالمنعم محمد عبدالله |
تحياتي لصديقي عبد المنعم تية
غايتو لولا تصاريف الزمن الاشتر ده كنت اكون متحكر مع الوجوه الطيبة دي
يا عبد الدائم منعم ده أكيد حضرتو
ماتعمل فيها برلوم
تحياتنا للجميع وشكرا ياجلال
___
قبل فترة تحدثت مع يوسف الزبير من ماليزيا يامنعم
| |
|
|
|
|
|
|
Re: اليوم هو يوم الزقازيق ،،، أجدع ناس (Re: ميسرة سيد أحمد)
|
معليش ياشباب طولت عليكم شوية بس ان شاء الله اليوم بالليل (الرياض) بنزل ليكم باقي الصور والله تحفة عديل كدة - ناس جميلة وطبعا المفردات تهرب لكن الزكريات الجميلة تظل محفورة في الذاكرة جاييكم: د/فاروق نصر - مجدي عبالله - ياسر محمد عبدالرحمن موسى الراجل - عوض الجيد - الصادق ابوسكين علي احمد يوسف - د/احمد الفيصل - صلاح السر ابراهيم الامين - محمد حسن جبر وكل باقي العقد الفريد
التحية لكم جميعا: زهير جاييك بالتفاصيل واللجنة التمهيدية التى تكونت عبدالدائم: مدثر ابايزيد بسلم عليك ميسرة - وحنين - والرشيد (في صورة خاصة هدية ليك) كلكم يديكم العافية عثمان الجيلي (كنت نايم لقيت تلفونك الحين)
المهم ... بجيكم راجع
| |
|
|
|
|
|
|
Re: اليوم هو يوم الزقازيق ،،، أجدع ناس (Re: جلال عثمان)
|
عبدالرازق نجم - عبد رب الرسول - عبدالمنعم عبدالله - عوض الجيد
احمد عوض - كمال الشادي - حامد الحبر - د/احمد الفيصل
علي احمد يوسف - عبدالمنعم - ابراهيم الامين - عبدالرازق نجم - ضيف - عبد رب الرسول - موسى عيسى
وما شاءالله على الاشبال
| |
|
|
|
|
|
|
Re: اليوم هو يوم الزقازيق ،،، أجدع ناس (Re: جلال عثمان)
|
صباح الخير يا وجوه الخير.. تلقيت مكالمة هاتفية مكوكية بالأمس من أخونا عمر النملة - هولندا - بعد سنين عجاف لم نلتقي مع بعض ولم نسمع صوت بعض حتى أنه إستغرب صوتي في التلفون المهم كانت مكالمة لطيفة جدا من زقازيقي لذيذ وحلو المعشر وزول قلبه أبيض من اللبن ، لك التحية يا النملة ودايما خليك على إتصال. بلغني من عمر النملة وفاة شقيق زميلنا / مالك محمد الأمين - معهد تجاري - فداسي الحليماب ، اللهم أرحمه وتقبله قبولا حسن ، اللهم إن كان محسنا فتقبل إحسانه وإن كان مسيئا فتجاوز عن سيئاته يا رب األعالمين آمين. يا جماعة المرحوم مات ميتة طيبة وهنية ، قبضت روحه الطاهرة وهو في السجود سبحان الله. اللهم نسألك حياة طيبة وميتة هنية اللهم آمين.
| |
|
|
|
|
|
|
Re: اليوم هو يوم الزقازيق ،،، أجدع ناس (Re: البادي النور)
|
Quote: د/فاروق نصر - مجدي عبالله - ياسر محمد عبدالرحمن موسى الراجل - عوض الجيد - الصادق ابوسكين علي احمد يوسف - د/احمد الفيصل - صلاح السر ابراهيم الامين - محمد حسن جبر وكل باقي العقد الفريد |
بسم الله ما شاء الله ،،، عيني بارده يا شباب الرياض ونحكي عن التغير ،،، الصادق أبو سكين ما زال كما هو ،، بس على أحمد يوسف - كلية التجارة- صار عمنا ،،،وأخونا عوض الجيد وأحمد السني ود.فاروق تقدير مقبول ود.أحمد فيصل ما زال يحمل نفس الوجه القديم - بيبي فيس - أما أخونا حامد الحبر محافظ جداً بس الصلعة دي خربت كل حاجة والله مازلت أتذكر شكلك الزقازيقي ماثل أمامي الغريبه ما زلت حلبي - التحية لجميع ناس الرياض . وكمان جيل الثاني من الزقازيقاب الوليدات، آخر روعة وما شاء الله وربنا يحفظ .
================= كل الود لتجمع الرياض
| |
|
|
|
|
|
|
Re: اليوم هو يوم الزقازيق ،،، أجدع ناس (Re: ميسرة سيد أحمد)
|
أسال الله تعالى أن يتقبل شقيق زميلنا / مالك محمد الأمين بواسع رحمته و عظيم مغفرته و أن يدخله فسيح جناته و يجعل البركة في أهله و التعازي لزميلنا / مالك و نسأله تعالى أن ليهمهم الصبر و الأحتساب ..
ــ
سررت جداً يا جلال لهذا التجمع المدهش الرائع و هذا النفر الكريم من الزقازيقاب الذين تنادوا و ألتقوا على صعد المحبة و الخير و التواصل فبارك الله في جمعكم و أدام عليكم نعم المحبة و كونوا كما عهدناكم عوناً و عضداً و ذخرا و سندا لجمعيتكم الناهضة ، و لا نقول لكم يا جلال شكراً على ما أديتموه من واجب لكن يبقى الدعاء لله تعالى أن يحفظكم جميعاً و يحقق مقاصدكم النبيلة ..
ــ
سعدنا يا بادي بأخبار زميلنا الحبوب الرائع / عمر النملة الذي تواصل معنا في بواكير الجزء الأول هذا البوست ثم عاد و العود أحمد و نتمنى أن يستمر عمر معنا و عمر مخزن حكايات زقازيقي ننتظر منه الكثير ..
ــ صديقي الجميل د. طارق جبريل حمد لله على السلامة و معذرة إن جاءت متأخرة و تعلم أنني كنت غير متابع فلك العتبى و الدعوات بالصحة و العافية و خلينا نتقابل في السودان شهر سبعة و نمشي قندهار أنا و انت راس بس عشان الجماعة ما يقعدوا ( يحندكوا ) فينا بالصور ..
ــ ياسر نجيلة .. أفتقدنا إطلالتك و شعرك الجميل و ثقتنا أن مخزونك العامر بالمحبة لن ينضب ..
ـ يا نضيف الأن أدركت جيدا صحت مقولة صاحبي من قال ( تحمل المرة و يلدي الراجل ) .. الله يحلكم بالسلامة ياخي بس ما تغنج لينا بي ( الربة ) مع السماية زي غنجة ( زهير ) بصور ( البلابل ) ..
ـ يا ريس و النعمة أنتا كويس .. سعدت بمكالمتك أمس و نحن في إنتظار النضيف ..
ـ زهير .. شغلكم نضيف .. نضيف .. يلا ألحقونا بالسي دي هات .. و حق الجمعية واصل .. سيروا و عين الله ترعاكم و ربنا يجزيكم عن الزقازيقاب كل الخير ..
ـ الرشيد .. شكلك أخذت الباسوورد و غنجت على زميلتنا الرائعة .. تحية لكما و العيال و إن شاء الله كمان نشوف لمة لي ناس الأمارات زي ناس الرياض .. و يا ناس جدة .. أصحوا .. ـ مبارك جادين .. وين يا زول يا زين ؟؟ نعم المشغوليات كتيرة لكن ياااك دي برضو ما بتنفع معانا ..
ـ صلاح الأمين .. بالغت ياخي و أوتار القلوب إتقطعت من الشد ..
ـ سامي .. لو ناس الشرقية ما عملوا حاجة إلا نشوفك في الرياض مع أبو الجل .. دة الشغل ..
ــ
باقي الناس الرايعين .. جاييكم .. قنبو طولا .. و حبابكم ملايين .. و مقامكم زين ..
| |
|
|
|
|
|
|
Re: اليوم هو يوم الزقازيق ،،، أجدع ناس (Re: ياسر نجيلة)
|
تعازينا القلبيه للأخ مالك. يا عصام و الله ما غنجت، لكن المدام مشغولياتها كتيره و وبقت مسؤلياته كثيره جدا، خصوصا اني بشتغل بره أبوظبي وبجيهم في نهاية الأسبوع، يعني بقت شايله الشيله براها و الله، ان شاء الله ربنا يديها العافية و يقدرنا على جزاها.
| |
|
|
|
|
|
|
Re: اليوم هو يوم الزقازيق ،،، أجدع ناس (Re: عبد الدائم سيد أحمد)
|
صادق التعازي للأخ مالك في وفاة شقيقه
اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
| |
|
|
|
|
|
|
Re: اليوم هو يوم الزقازيق ،،، أجدع ناس (Re: سامي عبد الوهاب إدريس)
|
والله يا زقازيقاب الرياض... أجدع ناس
ولمتكم في منتهى الجمال
وشكلنا كدا حنحاول نشوف لينا طريقة شغل عندكم
وإن شاء الله المرة الجاية معاكم وطبعا المرة دي زي قلت قبل كدا المرض هو السبب... والله يجازي اللكان السبب..(وش ممغوس)
وما شاء الله الكل محافظ من آخر مرة شفناهم فيها
أما الأجيال الجديدة فنسأل الله أن يحفظهم جميعا وأن يجعلهم زخرا لوالدِيِهم ولوطنهم السودان
| |
|
|
|
|
|
|
Re: اليوم هو يوم الزقازيق ،،، أجدع ناس (Re: جلال عثمان)
|
وكذلك التعازي نسوقها للزميل خالد حسن أحمد (صيدلة) في وفاة المغفور لها بإذن الله والدته لها الرحمة والمغفرة "إنا لله وإنا إليه راجعون" الاخ خالد طبعا مقيم بمنطقة مكة المكرمة وقد غادر امس للسودان تلفون خالد 0505358193
| |
|
|
|
|
|
|
Re: اليوم هو يوم الزقازيق ،،، أجدع ناس (Re: ميسرة سيد أحمد)
|
بسم الله الرحمن الرحيم ( وبشر الصابرين الذين اذا اصابتهم مصيبة قالوا إنا لله وإنا اليه راجعون ) حار التعازي للاخوان / مالك محمد الامين في وفاة شقيقة ...وتعازينا موصولة لاسرته.. وكذا التعازي للاخ / خالد حسن ...في وفاة والدته ...وتعازينا موصولة للاسرة الكريمة
عثمان الجيلي
| |
|
|
|
|
|
|
Re: اليوم هو يوم الزقازيق ،،، أجدع ناس (Re: البادي النور)
|
خالص التعازى للاخ خالد حسن فى وفاة والدته
ولا حول ولا قوة الا بالله وانا لله وانا اليه راجعون
كما وصلتنى الرسالة التاليه من الاخ العزيز اسامة عثمان ابتر / علوم
Quote: يا استاذ النضيف تحياتى وان جاءت متأخرة ليك ولكل زقازيقى جديد وقديم هنا وهناك والتعازى من خلالك للاخوة محجوب حسن وسميرة وخالد حسن وعبد العزيز العمرانى ومالك الامين ولكل من فقد عزيز . ناس الرياض لكم التجلة والله الناس ديل وعلى رأسهم موسى عيسى وفهمى بيجتمعو من سنة 97 يعنى الشغلانة دى ما جديدة عليهم لهم الود والاحترام والصور عجيـبة وانا بعتزر بالكلمات دى ومن قبلها تقبل تحيات اختنا اقبال ابتر / اداب قالوا سلوت الاحبة والصحابا فقلت كيف اسلو من قفل القلب عليه كل بابا كيف اسلو الذى من عمر طفولتى والشبابا سكن القلب واحتل الالبابا لى فيك يادنيا وما فيك عجب عجابا لى فيك حبا وهوا رحابا فيا ربى حنانيك ولطفيك بالاهل والاحبابا واجزلهم يامولاى عنى حسن الثوابا كل احبتى وصحبى دفعتى ومن دلف البيت والقلب اليبابا يبابا الا من حبهم وان خلى منهم مات وخابا لكم منى الود الحب ! والشوق ملء الدفاتر والكتابا
|
| |
|
|
|
|
|
|
Re: اليوم هو يوم الزقازيق ،،، أجدع ناس (Re: جلال عثمان)
|
صادق التعازي للأخ خالد حسن في وفاة والدته
اللَّهُمَّ اغْفِرْ لَها وَارْحَمْها ، وَاعْفُ عَنْها وَعَافِها ، وَأَكْرِمْ نُزُلَها ، وَوَسِّعْ مُدْخَلَها ، وَاغْسِلْها بِمَاءٍ ، وَثَلْجٍ ، وَبَرَدٍ ، وَنَقِّها مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْها دَارًا خَيْرًا مِنْ دَارِها ، وَأَهْلًا خَيْرًا مِنْ أَهْلِها، وَقِها فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
إنا لله وإنا إليه راجعون
| |
|
|
|
|
|
|
Re: اليوم هو يوم الزقازيق ،،، أجدع ناس (Re: سامي عبد الوهاب إدريس)
|
التحية للأخ أسامه أبتر
ونرجو أن يداوم على الكتابة عبر أي واحد من الأخوان
ومن هنا دي مناشدة للأخ زهير إنو يحاول مرة أخرى مع بكري أبو بكر لإضافة المزيد من الجدعان لهذا الحوش ومنهم أخونا أسامه أبتر
---------
يا زهير ماااااااااااااا منتظرين أخبار حفلة البلابل والصور والذي منّو
| |
|
|
|
|
|
|
Re: اليوم هو يوم الزقازيق ،،، أجدع ناس (Re: سامي عبد الوهاب إدريس)
|
Quote: ومن هنا دي مناشدة للأخ زهير إنو يحاول مرة أخرى مع بكري أبو بكر لإضافة المزيد من الجدعان لهذا الحوش ومنهم أخونا أسامه أبتر |
التحية لأخونا أسامة أبتر ، ولهذا الشعر الجميل ونثني مقترح الأخ/ سامي ،،،،
============================= يلا مزيد من الجدعان والناس الحلوه
| |
|
|
|
|
|
|
Re: اليوم هو يوم الزقازيق ،،، أجدع ناس (Re: عبد الدائم سيد أحمد)
|
Quote: جلال عثمان فاتني أن أشكرك على الهدايا الرائعة، فلك مني الشكر الجزيل و منصور طلع بتاع حكي ساكت ما شفت منو حاجه لحدي الآن، وهو طبعا أصبح مدير كبير زي ما بيقول ولما يفضى لينا يكون وصلنا الصفحه رقم 30.و حقيقه أنا ما قادر أجزم هل هي مشغوليات ولا زهايمر؟؟ |
والله يا الرشيد منصور زقازيقي جميل مسكون بالابداع بس تعرف ممكن يكون فعلا مشغول - التانية دي بتعرفا براك مش الزول ده دفعتك. ماتجيب لينا هواء يالرشيد اخوي منصور لسة شباب
| |
|
|
|
|
|
|
Re: اليوم هو يوم الزقازيق ،،، أجدع ناس (Re: Samer Osman)
|
يا أخونا الهكر القصة شنو إنت عامل ون تو مع سئ الذكر أوكامبو ولا شنو ،،،،، : : : : : والله يا عبدالدائم مداخلتك الظريفة ديك الهكر لحسه وشربه ربنا يعوضك وقالوا الجاتك في رايك سامحتك،،،
ومعليش يا زهير ،،، حاول مره ثانية بس إتريس شوية علشان ممكن تطير تاني ،،،، أنحنا ح نصبر وإنت إتحملنا شويه
======= تحياتي لكل الأحبة
| |
|
|
|
|
|
|
Re: اليوم هو يوم الزقازيق ،،، أجدع ناس (Re: ميسرة سيد أحمد)
|
غايتو الهكر ده انقذ اخونا عبدالدائم من جنس حاجات كانت جايهو مني... وبما ان كلام اخونا عبدالدائم سحب عن طريق الهكر ... فنحن نقبل ذلك ... وخاصة تعليقة على اخر قصيدة واخونا أحمد السني ..
ولا شنو يا اخونا ميسرة ... موافق ... ولو عندك رأئ تاني ... عموماانا معاك ...
زهير الفرصة متروكة لك ... في الانتظار ...
هل ياتري تم قراءة آخر مداخلة لي قبل "التهكر" وانا اتوعد اخونا النحلة ...
| |
|
|
|
|
|
|
Re: اليوم هو يوم الزقازيق ،،، أجدع ناس (Re: ياسر نجيلة)
|
Quote: ولا شنو يا اخونا ميسرة ... موافق ... ولو عندك رأئ تاني ... عموماانا معاك ... |
يانجيلة يا شاعر البوست الكبير كان رضوا ولا ما عجبهم،،،،، وأنحنا شفنا تهديدكم له بالرد القوي ،،،،، والهكر دخل لصالح أخونا عبدالدائم معليش المسامح كريم،،، خليك إنت الكبير : : : : : =========== الله معاك يا سيدي
| |
|
|
|
|
|
|
Re: اليوم هو يوم الزقازيق ،،، أجدع ناس (Re: ميسرة سيد أحمد)
|
يا شباب أنا تايه ،،،، ما شفتوا لي بوست ناس الزقازيق ده راح ويييين؟؟؟؟؟؟؟؟؟؟
يا ناس الحوش ،،، وينكم الهكر ده خفتوا منوا ولا شنو
حتى الفيس بوك ،،، يشكو من قلة الأهل،،،،،
عايزين نشوفكم في الساحة وقلوبنا تتابع مرتاحة
========= في إنتظار السمحين
| |
|
|
|
|
|
|
Re: اليوم هو يوم الزقازيق ،،، أجدع ناس (Re: ميسرة سيد أحمد)
|
العزيز الغالي / ميسرة سيد احمد
منو ال قال انك براك في الصفحة دي؟؟؟ يا اخي نحن في الصفحة 18كتبنا وقلنا... لكن بقت علينا حكاية المصرية.. ( انت ال وعدتني بالحلقة وانا الخرمت ادنية... لا انت ال جبت الحلق ...ولا انا ال سلمت ادنية )
ونحن موعودين بالصور من السنة المضت من زهير الزناتي...ولم ....( توعدنا وتبخل بالصورة ) غايتو شايلين الصبر...ولو لحدي اخر الاسبوع مانزلت انا سوف ادعو الي إضراب... ولو مانزلت بعد هذا التهديد سوف انفذ الاضراب...
ليك تحياتي عثمان الجيلي
| |
|
|
|
|
|
|
Re: اليوم هو يوم الزقازيق ،،، أجدع ناس (Re: ميسرة سيد أحمد)
|
يا شباب سلام معليش الزول غاطس في عدة مشغوليات عشان كده ما قادر أنزل الصور ، بعد أن بدأت في إنزالها جا الهكر وشالها ... ساحاول إنزالها في الفيس بوك أولاً ومن ثم بهنا بعد أن تكون ثبتت ، معليش اليومين ديل في مليون حاجة الزول بيعمل فيها ، شيلوا الصبر شوية ، وخليكم معانا وقراب للجديد والمثير في قادم الايام .......
شكراً يا شباب علي السؤال ..........
| |
|
|
|
|
|
|
Re: اليوم هو يوم الزقازيق ،،، أجدع ناس (Re: زهير الزناتي)
|
تصبيرة يوجد فيديو لاغنية طيبة اهلنا لحفل البلابل باستاد ود نوباوى هنا عنوان الصحفة على موقع YOUTUBE اضغط هنا
http://www.youtube.com/watch?v=acThrCCHCXI
الحلنقى نلقى وين طيبه اهلنا ... أو وطن يشبه وطنا.. نحن والله ظلمنا روحنا لما هاجرنا ورحلنا ....
يا القمر يا الدمت ناير طلعتك فى الغربة سودة ... نحن مهما يطول بعادنا ... بكره لا بد لينا عودة ... ارضنا الواسعة الخضيرة وين تفوت تلحق حدوده ... يا حليل ام در بلادا" .... بعرفا بتاريخ صمودا .... لا رعت غير ريدنا ريده ... لا رضت فرسان بدلنا ...
اشتهيت جلسه عصاري فى الوطن وسط الحبايب .... منظر الطير الخداري مع السواقي الدايرة دايب .... يا قدر غربتنا مرة ... ياما وريتنا العجايب ... بس مصيرنا نعود ديارنا ... وتبقي يا خاطرنا طايب ... نمشي نروى عطش قلوبنا ... ومن شراب النيل عسلنا ....
| |
|
|
|
|
|
|
|