Quote: حمور .. ممكن تتذاكي علي الاغبياء وتسخر زي ما عاوز .. ولكن محاولة تبرير الكذب واستباق القدر وكتل الحي والمشي في جنازته، بأنك تحاول توحي بأن الناس لا تعبأ بالإعتقال والتعذيب هي محاولة بائسة .. ولو كنت مبدئي لعلمت أن طالما الأهداف نبيلة فيجب أن تكون الوسائل إليها نبيلة ونظيفة !! .. وإلاّ فما الفرق بين حاكم عنيف وبدلاء كضّابين يؤيدهم مدلِّسون ؟؟ .. ما الفرق بين قاضٍ ظالم ومحامين كضابين يدافعون عن القضايا بالكضب وبالتزوير .. ؟؟ .. وبعد إنكشاف الكضب كمان بدون خجلة العين لسة قوية !!! ..
يا منير .. حسيت انك اتضايقت و اخدت تعليقي على كلامك شخصي .. انا ما كنت بسخر منك و لا اعتبرت كلامك الانا علقت عليو قبول للتعذيب. ممكن تراجع تعليقي على خالد عبيد او عمر عشاري حتلقاني برضو رديت عليهم بنفس منهجية البوست الرديت بيها على كل الناس الا القلةالقليلة جدا زي سالم احمد سالم و محمد فرح .
ــــــــــــــ حاكم عنيف ؟ ده كلو بس اسمو عنف يا منير ؟ دي اظنها محتاجة مراجعة منك.
06-09-2010, 12:51 PM
حمور زيادة حمور زيادة
تاريخ التسجيل: 03-28-2007
مجموع المشاركات: 12116
اهلين يا ابو عبيدة البصاص .. رغم انو انت اقتبست تعليق سبق الرد عليو لكن ده ما يمنع اني اقول ليك اني حتى هذه اللحظة لم اهتم بتبرير الكذب او التقليل منه. بل البوست بطوله هو هجوم على الكذب.
06-09-2010, 12:57 PM
حمور زيادة حمور زيادة
تاريخ التسجيل: 03-28-2007
مجموع المشاركات: 12116
الحبشي ده بعد ما كان لسنوات بيكورك بانو رواية محسن خالد تيموليت فاحشة و بذيئة طلع ما قراها .. و بكل صفاقة بيهدد زميلة في المنبر انو محتفظ ليها بأخطاء و ممكن يفضحا. ما انصحك ترد عليو و لا تتداخل معاو. البيعمل فيو هسه ده حراق روح. اظنها دي الغرغرة.
06-09-2010, 01:05 PM
حمور زيادة حمور زيادة
تاريخ التسجيل: 03-28-2007
مجموع المشاركات: 12116
ــــــــــــ متفق معاك يا تمبس في حاجات من كلامك ده .. لكن مختلف معاك في انو خبر موت د. الهادي لم يبدأ من سودانيز اون لاين. انا سمعت هذا الكلام يتردد في مراسلات و تلفونات من عصر ذلك اليوم. و لولا اني لا احب نقل مثل هذه الاخبار لفتحت به بوست. تماما كما عرفت خبر اقتحام منزل د. ناهد بعد دقائق من حدوثه لكني لم ارغب في توزيع الخبر.
عموما مازلت يا تمبس اظن انك توجه خطابك دائما لمناضلي البورد و ليس للمواقف السياسية خارج البورد.
06-09-2010, 01:18 PM
حمور زيادة حمور زيادة
تاريخ التسجيل: 03-28-2007
مجموع المشاركات: 12116
بتصدقني يا وليد لو قلت ليك اني ما قريت بوست امجد الا بعد ما قريت كلامو مع تمبس هنا خلال التلت ساعة الفاتت دي بس ؟ و لم اكن اعرف انو امجد هو من يتحمل عبء ايراد الخبر هنا .. قريت الحبشي قال كده لكن ما اشتغلت بيو كتير .. قلت ده يكون زي حكمو على رواية تيموليت من غير ما يقراها .. يكون بس كراهية فيني عايز يشيل أمجد الحكاية. لكن بعد مداخلات تمبس و امجد مشيت اشوف البوست. اناالخبر عرفتو من بره المنبر و من بدري جدا. المهم .. خلينا نرجع للبوست ده الانت اختزلتو في دوافع الصداقة و قبلها اختزلت بوستي عن الحبشي في نفس الحاجة و قبلها حميدة اختزل بوستي عن الاطباء برضو في صداقتي لأمجد ( حافكر اقاطع اصحابي كلهم عشان تاني مافي زول يقول لي كاتب عشان صاحبك ) .. انا يا وليد هنا لا بدافع عن الكضب لا ببرر فيو ( ممكن نجي نختلف الحصل ده كضب وله لأ .. لكن انا ما مهموم بده ) .. خلينا نقول أمجد ده كضااااب .. و الخبر ده اتفبرك في المركز العام للحزب الشيوعي و ما كان تفكير خوف من اصحاب الزول الما لامين فيو و ما عارفين شي عن حالتو الصحية .. خلينا نقول كده .. اها الناس دي كضبت و اتقبضت .. شي كعب و لازم يدان مافيها اتنين تلاتة .. و لو انا قلت غير كده اكون منافق و فعلا بتاع صحوبيات ما بتاع حقايق .. لكن يا وليد ما ده الانا بتكلم عنو .. انا بتكم عن الاخلاق الحميدة و المشاعر الرقيقة الانفعلت بالموضوع لدرجة انو وش المنبر كلو اتملى حبوب تقول كضابين كضابين. طيب الشيوعيين كضابن لكن مش في زول معتقل لسه ؟ مش في زول بيتعذب و في غيبوبة و يا الله الله اهلو لقو خبرو ؟ الزول ده اعتقالو و تعذيبو عادي شديد للدرجة دي ؟ لدرجة انو ما يستفزنا و ما يزعلنا ؟ انا ما عايز اكون ###### و اضرب مثل جحا بتاع تعال في الهايفة واتصدر.. لأ .. حاقول بس انو كضب الشيوعيين ده هل لازم ينسينا اعتقال و عذاب د. الهادي ؟ ليه ما ندي الشيوعيين شلوت لكضبهم و د. الهاد دعوة طيبة ربنا يفك أسرو ؟ ليه ما نغضب لاعتقالو كما نغضب للكذب في حياتو. ثم الاسوأ ( و انا قلتو فوق يا وليد لكنك قريت البوست بعين حمور و صاحبو ) .. لو فعلا الشيوعيين الافاكين ديل نجروا الاشاعة دي من نافوخم عشان يعملو ثورة شعبية فدي مصيبة في حقنا .. اننا وصلنا مرحلة لا يهزنا فيها اعتقال ( عادي ) و لا تعذيب ( طبيعي ) فمحتاجين شهيد عشان نتحرك. عليك الله دي ما حاجة تخجل ؟ انا قعدت عاينت كدي ده و فكرت لو فعلا د. الهادي توفى .. شوف المنبر ده كان حيتلمي كم بوست يكورك انو دم الهادي ما حيروح و انو دي نهاية الانقاذ .. طيب اعتقالو حيروح هدر ؟ اها و التعذي ما بيخليك تنهي الانقاذ ؟
انا هنا ما في جانب .. الا جانب المعتقل
06-09-2010, 01:47 PM
بشير أحمد بشير أحمد
تاريخ التسجيل: 03-21-2008
مجموع المشاركات: 10017
الجماعة بني اسرائيل قاموا عملوا حصار علي غزة ؛الشعوب العربية والغير عربية جاطت وهاك ياكواريك (فِكوا الحصار عن غزة وعوووك وعاك ) وقافلة الحريه وصلت وقافلة الحرية ضربوها؛؛؛
وبي دي الناس نست القضية الاساسية وهي الارض ؛
________ بنفس الفهم جهاز الامن فكّ الإشاعة دي وخلي ليك السادة الدكاترة والمناضلين يكوركو .....ندين ونشجب وهاك يا امم متحدة ومنظمات الشخص الواحد
ونسوا قصة الإضراب ومطالبوا ... الزول الجاب الكلام ده(قصة الاغتيال) الا يكون عندو طاقية الاخفاء)وشاف الدكتور ده في الرمق الاخير
والجماعة بي هناك شغالين فرتقة للبتاع ده اللي هو الاضراب
يا حمور بحولك لي مداخلة في بوست تاني كتبتها لي امجد قبل ما تكتب مداخلت دي راجعها وشوفها
Quote: ما سالت نفسك لي رجحت معلومات عن انه مات من داخل الجهاز يعني ناس الجهاز المعتقلنه هامين للدرجة دي انهم يوصلوا ليكم تعزية خبر موته ؟؟؟
المعلومات الوارده من داخل الجهاز الذي اعتقل الدكتور لابد من تمحيصها وتفتشها قبل نشرها .. تعلم يا امجد تماما مقدار التعاطف الذي كانت ستجده القضية لو فعلا كان دكتور الهادي مات .. اها الان شغلكم الجهاز بموته فاصبح سقف الطموحات عدم موت معتقل .. والباقي هين .. مع انه ما هين ولا حاجتين
ثم واصل الجهاز اعتقال البقية بعد ان اصبح امر الاعتقال هين قياسا بالموت المحتمل .. ولا ينفعل به بنفس الدرجة
الاشاعة فن يا امجد احد اسبابها المدروسة ... تهيئة الرائ العام لاحتمال اكبر تتقاصر دونه الوقائع وهذا ما حدث هسع بوستاتك حقت اعتقال البقية .. لن تجد لها سوق في نفس هذا المنبر الذي قلت عنه : و دي وظيفة المنبر في خلق رأي عام مؤثر
قبل اشاعة موت د. الهادي كان الانفعال مع الاعتقلات على اشده هسع انت رافع بوست اعتقال الانفعال بيه هل كان في مستوى الانفعال ببوستات الاعتقال قبل خبر الموت ؟!
اعتقال الدكتور احمد عبد الله ... عضو لجنة الاضراب
المداخلات 6 المشاهدات 233 ما سالت نفسك ليه ؟
يا حمور موضوع الاشاعة والترويج ليها ما هايف اها الاشاعة دي هيفة قضية الاطباء وبقت الناس بتفتش عن الموت ونست الاعتقال
06-09-2010, 03:26 PM
حمور زيادة حمور زيادة
تاريخ التسجيل: 03-28-2007
مجموع المشاركات: 12116
بتفق معاك تماما يا د. بشير .. القضية بقت هسه انو د. الهادي ما يموت .. اعتقالو و تعذيبو بقى حاجة ثانوية . و المهم بقى انو ناهد ترجع بيتا بالسلامة و انو الابوابي يفكوهو .. القضية زاتك ضاعت خلاص . و دي مصيبة .. مصيبة من اجهزة الدولة انها تتعامل مع المطلبية بالشكل ده .. انو د. الهادي العندو مطالب يعتقل و يتعذب لحدي ما يدخل في غيوبة و يبقى هم الناس سلامتو و بس. ومصيبة من المتعاطفين انو ما يحركم الا موتو.
بين شد و شد تضيع القضايا.
06-09-2010, 03:32 PM
حمور زيادة حمور زيادة
تاريخ التسجيل: 03-28-2007
مجموع المشاركات: 12116
بتفق مع كلامك في المداخلة المنقولةدي ياوليد. لكن انت متناول الموضوع من جانب و انا متناولو من جانب تاني. اظنو وقع ليك.
ــــــــــــــ ما عافي ليك .. مسخت لي البوست بعد خليتني اقعد اشرحو ليك. تعرف ف زول كده رسل لي خمسة ايميلات من الصباح .. و الله نبذني بنذ .. اني مأفون و أبله و أمنجي و ######## و منحط الخ الخ و اخر ايميل لمن ما رديت عيلو كتب لي : يا ######## ######## ########. اسعد صباحي جدا الزول ده .. كان زعلان كيف اقول انو اعتقال الهادي و تعذيبو شي عادي. كأنو دي ما حقيقة الاشياء.
06-09-2010, 03:29 PM
الفاتح سليمان الفاتح سليمان
تاريخ التسجيل: 09-14-2009
مجموع المشاركات: 1735
مرات كتيرة جدا تسربت معلومات عن معتقلين دون علم الامن وبدون قصد منه
في احدي المرات اعتقل احد الطلاب من جامعتنا وهو في طريق عودته الي الخرطوم في القطينة
استطاع عند ترحيله كتابة ورقة وتسريبها لاحد الشياب الكانوا موجودين بعد نقله الي كوستي
ومنها علم كل الناس بمكان اعتقاله الي تم ترحيله الي مينة الابيض
خبر الاغماء وما حدث من تعذيب
لا وليس للامن مصلحة الا اذا حاولنا تحويل الامر بطوله وخيال خصب لذلك ولن ينجح حتي كوادر الامن نفسهم في تحوير الامر فقصة انو الامن قاصد
الامن ما قاصد تسرب الخبر من المستشفي والما عارف يكلم العارف من الامنجية وبمصادفة بحته
واجبر الامن بعد ذلك للاستجابة وتوضيح وضع الهادي والذي كان كل هم الاطباء ان يكون حيا اولا وثانيا الا تتدهور حالته الصحية
هس قضية ابوزر دي مش فيها تسريب صور والامن يعني قاصد كدا انو يوري الناس انو بعذب الناس
دا فهم معليش لكن متوهم حبتين
الامر التاني والمهم انو يطلع حي ويبقي الخبر غلط برضوا مكسب والكان عايز انو الهادي لمن يموت حتي الناس تتكلم غلطان
ولو وضعت الاتنين مع بعض قصة المصداقية المراد وجودها هنا وحياة الهادي فلا مقارنة يجب الضغط وبكل الوسائل وحتي الكذب لضمان حياة الهادي
يعني هس لو الامر استدعي انو انت تكذب والهادي يطلع حي ويجبر الجهاز علي توضيح حالته ممكن تتعمل وما في اي حاجة بتمنع الكلام دا
لا اخلاقيا ولا دينيا واي حاجة بتمنع
انقذ حياة انسان ولو كذبا
وهنا ما في كذب في معلومة مرقت وكانت اكثر من 70% صحيحة لانو في كل حالات التعذيب التمت كان المعتقل في حالات غيبوبة دون علاج من التعذيب الي ان استشهد وهنا قصة علي فضل وعبدالمنعم رحمة ومحمدعبدالسلام وكل المعتقلين .......وبالمناسبة كلهم زملاء بالحزب الشيوعي لهم الرحمةو المغفرة وتفاعل اي موسسة مبني علي تجربة كما حدث في السابق .......اذا كان الامر تفاعل حزب اذا قصد من ذلك بعض المداخلات
شكر حمور
بالمناسبة موضوع الاضراب لسة زي ماهو وانضم اليه الطلاب واحتمال انضمام فئات اخري وارد جدا
معلومة وحقيقة تانية الاطباء ما ح يرجعوا الي العمل لا في الطواري او غيروا مالم يخرج المعتقلين كلهم من السجن
كلهم واحياء طبعا
شكرا امجد فريد شكرا حمور وشكرا كل المناقشين بضمير برغم اختلاف رويتهم للامر ونحن نعلم حسن نيتهم واخص بهم وليد محمد المبارك " target="_blank">
06-09-2010, 03:42 PM
الفاتح سليمان الفاتح سليمان
تاريخ التسجيل: 09-14-2009
مجموع المشاركات: 1735
اها يا سيد الميلودراما الانتا اتكلمتا عنها اتخيل انها واقع قاعدين نعيشو في سوداننا دا كلو يوم الاولى بالادانة هو من ختاهو في اطار الممكن و الواقعي و المحتمل بالاساس و بعداك النسألك انا مالي بسوات و ان كان لو انتا قريت بوست سوات حتلقاها بتتكلم عن نفس الانباء الانا جبتها و الاتفضل زملاء كتار و وضحو انهم كانت مالية الخرطوم (might have been killed)
انتا مختلف معاي في شنو في انو الهادي تم تعذيبو أكد كدا حين اللقاء بيها و لو ما على لساننا نحنا الكعبين ديل على لسان زوجتو انو فقد الوعي و نقل للمستشفى و منع اكمال علاجو برضو اكد كدا و اكدوهو الناس السربو المعلومة بالاساس الاخبار المنتشرة عن وفاتو طيب نرجع بدون اسلوب التنقيب في النوايا التي مارستو دا في افتراض انو انا عندي نية غير الكلام الانا كتبتو انا كتبتا انو في اخبار بتردد عن وفاتو و بنطلب من اي زول بيقدر يتحرك يتحرك عشان يطمنا عليها و اتحركت جهات مشكوة و نفعتنا و طمنتنا عليهو لحدي اللحظة ديك انتا كنتا دايرينا نتظروا يموت و بعداك نجي نفتح بوست عزاء يعني ياخ لا واجهة لا ما واجهة و لو شايف حنكة في صياغة الخبر باشكرك على ثناءك على حنكتي ياخ شوفتا يا تمبس اسوأ شي انو الزول يتوهم و يصدق وهمو و يحاول بعداك يدافع عنو بيكون بيخلق بكدا واقع موازي بيحاول يعيش فيهو و دي زيها زي نقطة عندك الشجاعة الكافية عشان تثبت ولا ما تثبت دي شوف نحنا ما متطالعين الخلا مثلا و النقاش بيتم فيهو الاثبات بالدلائل و المنطق مش بالشجاعة و الاقدام مثلاً و دي تعرف لو بتعرفني بتعرف برضو انها ما ناقصاني لكن برضو دي ما محلتها فما بينفع لا النقاش و لا الاثبات تأكيد وجودها او انعدامها عندي
06-10-2010, 11:24 PM
Amjed Amjed
تاريخ التسجيل: 11-04-2002
مجموع المشاركات: 4430
اها يا تمبس موضوع انو انا و جهاز الامن بنتشاطر المسئولية فيما يصيب الهادي دي كدي وقعها لي تاني لانو انا و الهادي دا في معسكر واحد في صراع بيضم معسكرات كتيرة بينهم من يصلون مع علي و يأكلون مع معاوية و بينهم من قاعدين في بيوتهم ساي متعففيين الصراع و بينهم من حاسمين حاجاتهم مع روحهم بالدرب عديل اما مسألة السبق الصحفي دي فتصدق انو انا و الزول المعتقل المهدد انو يموت في اي لحظة دا (باعتبار الانعكاس الشرطي دا) بتلمنا حاجات كتيرة بتخلينا اتعامل مع مسألة حياتو موتو اكتر شوية من كونها سبق صحفي ، و بالاساس انا اصلاً ما صحفي و موت الهادي بالنسبة لي حدث على ارض الواقع مش على منبر نقاش افتراضي او مجرد خبر قصة الكيان الجمعي المسيطرة على ردود افعالك دي انتا بتثبت فيها براك يا تمبس فانتا اما بتفرض انو في هيئة حزبية بتضم زملاء الحزب القاعدين في المنبر دا و ديل بيتوحدوا في عداءتهم و مواقفهم و بالتالي موقفك الشخصي بيشملهم كلهم و دي انا شخصياً بانفيها ليك و باقول ليك زي ما قلنا قبلي كدا انو نحنا هنا بصفتنا الشخصية و بينفيها ليك اختلاف الاراء و المواقف البتلقاها قاعدة و و موثقة في المنبر دا قديما و موخراً او بتفترض انو الناس هنا قاعدة بصفاتها الحزبية دا و بخليك تفكر في انو اي علاقة ليك باحد افراد المؤتم الوطني هي مشاركة مباشرة في افعاله و منها تبرير اعتقال الاطباء الحالي او تعذيب الهادي او اغتيال محمد عبد السلام و علي فضل و عبد المنعم رحمة و طلاب العيلفون و ... الخ القائمة طويلة و زي ما قلتا ليك المنبر دا ساحة تفاعلية افتراضية بالنسبة لي في حياة حقيقية انا قاعد فيها و متفاعل معاها بالنسبة لموضوع الاخدر السلاخي الانا ملونك بيهو دا فيا سيدي منبر اخونا بكري دا بيديك خاصية التلوين بلونين اخضر و احمر في الايقونات فوق خانة كتابة الرد دي و انتا ملوني بالاحمر قمتا انا لونتك بالاخضر اها تحب تبدل ... مع اني اظن انو عندك ما وائيات اخرى في التلوين بالاحمر اها يا سيدي لو دي بتريحك انا ما عندي اي ما ورائيات في تلوينك بالاخضر لونتني قمتا لونتك ... و العاقبة عندكم في علبة الالوان
اها كلامك الاخير يا تمبس ياهو الانا منطلق منو انتا لو منطلق فعلا من مواقع الحيادية و المنطق و اقصر الطرق للعكس حاول تقراني زي ما انا كاتب ما زي ما انتا بتفترض انو انا قاصد غير انو مافي انتماء لا حزبي لا غيرو بيسلب الناس تجاه مشاعر معينة لامام المتقين علي ابن ابي طالب مقولة وردت في الاثر الحقيقي عن انو اعرف الحق يعرفك رجاله ... و بالتأكيد العكس خطأ مقنن
شوف الانا كاتبو شنو و قاصد بيهو شنو بالدرب عديل بعدين عن افتراضاتك الانتا خاتيها عن الكيان الجمعي يمكن تلقى الدرب
06-12-2010, 11:09 AM
tmbis tmbis
تاريخ التسجيل: 10-19-2002
مجموع المشاركات: 24862
الشيوعي الخطير أمجد .. ياخ إنت ما طلعت بتاعت سبوقات صحفية .. إنت طلعت بتاع مطالعات ميدانية وحاجات كتيرة جدا كمان .. دا بالاضافة لي بعض خفة الدم القريته بين سطورك وعلمك بي الالوان .. إلخ على العموم الليلة شغال كورة انا .. ودا بي جانب من اهتماماتي الأخرى في الماكن دا.. لكن حبيت اوريك إني قاعد .. وحسب الوهمه البتوهمه انا وبصدقة زي ما جا في معرب حديثك عن الوهم والتوهم .. إلخ فأ اسمح لي عن اذنك يعني .. عشان انا عندي وهم كدا مسيطر علي بيقول مجرد إني ما جيت رديت عليك .. في كلامك (الدائري) والمكرر دا .. بيعني إنك وصلتني مرحلة إني اقبل كلامك وبالتالي .. انفي عنك تهمة الكضب .. والسبق الصحفي .. فانت ما ذلت في نظري زي ما قليك مجرد مكدور يل اشاعة ظبطت بي احكام لغرض محدد .. خليني انتهي من موضوع الكورة دا .. ونجي نشوف اللوانك دي وصلت وين وملاقاتك بره وجوه دي فهمه شنو.. يبدو انها جابت ليها مواعيد سراب .ز زي ما قال واحد من المثقفاتية
06-15-2010, 07:30 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: أمجد و تمبس بالله ما تتشاكلو لي هنا. ــــــــــــ متفق معاك يا تمبس في حاجات من كلامك ده .. لكن مختلف معاك في انو خبر موت د. الهادي لم يبدأ من سودانيز اون لاين. انا سمعت هذا الكلام يتردد في مراسلات و تلفونات من عصر ذلك اليوم. ولولا اني لا احب نقل مثل هذه الاخبار لفتحت به بوست. تماما كما عرفت خبر اقتحام منزل د. ناهد بعد دقائق من حدوثه لكني لم ارغب في توزيع الخبر. عموما مازلت يا تمبس اظن انك توجه خطابك دائما لمناضلي البورد و ليس للمواقف السياسية خارج البورد.
سلام يا حمور .. ماف مشكلة مع امجد بقدر ما انو .. في محاولات إخراج هذا الشيوعي من تقليدية الاساطير الحزبية القديمة والتي اكل الدهر عليها وشرب .. إخراجه إلى حيث الواقع .. نعم خبر موت لم يبدأ في البورد .. وانا اتفق معك في ذلك .. ومسالة عدم حبك لنقل مثل هذه الأخبار .. يشترك فيها الكثيرين وانا معهم .. فما كل ما يتسمع يجب الركض به إلى حيث اضواء البورد لخلق سبق صحفي واحتفالية حزبية صغيرة وشعارات براقة .. وهتافات .. في الوقت الذي .. كل ذلك يؤدي إلى نتائج عكسية ويساهم في نشر ثقافة (الاستجهال) والجهللة وتمرير اي نظريات وتامرات .. توزيع الخبر بهذه السرعة حيث يمكن أن يقراءه الكثير في غضون ثواني .. يضعف من المساهمة في تقوية الكثير من القضايا المصيرية .. وقضية الاطباء عموما التي (تسلقتها) للاسف بعض الاحزاب .. وحاولت بعض الجهات بناء امجاد وبطولات من خلالها .. سرعان ما تظهر الأيام وتكشف عن حقيقتهم .. لا لي علم بدكتورة ناهد وماذا تقوم به ..أو ما هذا الذي تفعله وإلى اي تجاه تسوق هذه القضية الهامة .. هذا شان آخــر .. في حديث آخـــر .. شكرا لقراءتك لخطابي بالشكل الجيد .. خاصة ما يتعلق بي نسف المناضلين الاسفيريين .. والتحريض على ذلك .. لانه باعتقادي انهم اس البلاء في هذا المكان .. حيث بالخارج لا تاثير لهم .
06-15-2010, 08:17 AM
حمور زيادة حمور زيادة
تاريخ التسجيل: 03-28-2007
مجموع المشاركات: 12116
سلامات يا تمبس .. معليش رد سريع كده عشان مزحوم حبه هسه .. في ظني فرق أمجد منك و مني هو انك بتخاطبو بالشيوعي دي .. انو هو زول سياسي منظمو مساهماتو و تفكيرو و مشاركتو في الاحداث العامة دي مشاركة السياسي المخلص. بينما انا و انت شعب ساي و متلقين. عشان كده انا لو جيت جاري بخبر شائعة موت د. الهادي بيكون سببي و تعاملي معاها اكيد مختلف عن أمجد الشيوعي المنظم. عموما انا لمن قريت بوست امجد ما حسيت بالحاجات الانت بتثيرا دي .. يمكن لأني قريتو بعد ما الاشاعة طلعت اشاعة فقريتو بهدوء .. و يمكن لأنو أمجد صاحبي فحملت الحاجات على المحمل الحسن .. و يمكن لأنو الحاجات دي ما كانت موجودة اساسا في الكلام الكتبو أمجد. كلها احتمالات واردة. انا لقيت امجد عارض الخبر على انو غير مؤكد و بيطلب التحرك للتأكد من صحة و سلامة د. الهادي. قد يكون ده لفظو او ما فهمتو انا من البوست. فاظن في ظروف انو د. الهادي مافي زول عارف عنو حاجة و السلطات بتكذب بدون سبب بشأن انو اهلو شافوهو التعامل القلق و الجاد مع الاشاعة دي كان ضروري .. و ده جاب نتيجة كويسة بانوبعد داك سمحوا للناس تشوفو و تتاكد انو على قيد الحياة و الحمد لله.
انا ما داير اخش في تقسيمات السياسيين حقت الاشاعة الايجابية و الاشاعة التحريضية و الكلام الفارغ ده .. بس بعاين للموضوع انو الظن بموت د. الهادي متأثرا بما اصابه كان طبيعي في ظل المعطيات المعلنة حتى الان. و انو انفعال الناس بهذا الظن قاد للاطمئنان على د. الهادي. لكن لو في اي جهة تعمدت انها تطلق خبر زي ده لأجل مكاسب خاصة و لاثارة الناس و شعللة الموضوع فده شي قبيح و لا يمكن ان يقره انسان.
ــــــــــــــــ انا معاك شديدفي انو المواقف الهتافية الغير متزنة المعتمدة على المقدرة على اضغط على الكيبورد مشكلة .. لأنها غير مبنية على مواقف على ارض الواقع وما بتراعي ظروف الناس على ارض الواقع. هسه ممكن د. الابوابي يمرق مسلم رايات و مطيع و منكسر .. لكن انا في مصر اقعد اهتف انو الابوابي لن ينكسر و لن يصمت و لن و لن .. دون ان اراعي ما مر او يمر به. او حتى انو القضية تنتهي باجابة الحكومة لمطالب الاطباء بينماانت في رياضك دي متمني انو الموضوع ده يسقط النظام. اتفق معاك بشدة انها دي حاجات غير مسئولة. بس المشكلة يا الحبيب انو في ناس معانا في بورد بكري ده مواقفم على ارض الواقع اكثر وجودا و تأثيرا من بورد بكري .. منهم صاحبي أمجد فريد ده. و ناس تانين. البيكتبوهو في البورد هو بعض من نشاطم السياسي الحقيقي على ارض الواقع و ليس كل مساهمتهم السياسة زيي و زيك و زي ناس تانين.
سلام و الى لقاء قريب.
06-15-2010, 08:34 AM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
Quote: في ظني فرق أمجد منك و مني هو انك بتخاطبو بالشيوعي دي عشان كده انا لو جيت جاري بخبر شائعة موت د. الهادي بيكون سببي و تعاملي معاها اكيد مختلف عن أمجد الشيوعي المنظم. .. انو هو زول سياسي منظمو مساهماتو و تفكيرو و مشاركتو في الاحداث العامة دي مشاركة السياسي المخلص. بينما انا و انت شعب ساي و متلقين.
سلام يا حمــور .. بالضبط .. ودا بيثبت كلامي فيما يتعلق بي اصحاب الايدلوجيات الواحدة .. واصحاب الهتافات الجماهيرية .. وتسييس القضية ومحاولة تبني جهات محددة المطالب العادلة خصما على قضيتهم وارواح الأبرياء التي راحت في دوامة تسلق بعض الاحزاب في هذه القضية المصيرية العادلة .. في مداخلة ما مع أحدهم .. رفض بشدة حديثي عن محاولة تسييس قضية الاطباء فذكر لي أنهم لا علاقة لهم بالسياسة مطلاقا .. فهل هذا ينسجم مع ما كتبته ومع أمجد الشيوعي وبعض شلة الشيوعيين بنماذجهم المختلفة ابتداء من (قائمة عصام جبر الله التي وصلته عبر الايميل) انتهاء بي تمرير اشاعة الشيوعي الآخر أمجد ..؟
Quote: عموما انا لمن قريت بوست امجد ما حسيت بالحاجات الانت بتثيرا دي .. يمكن لأني قريتو بعد ما الاشاعة طلعت اشاعة فقريتو بهدوء
دا الفرق .. اضف ليهو تجربة قديمة مع أمجد الشيوعي فيما يتعلق بي اعتقال نجلاء سيد أحمد .. تشابهت فيها نفس الفكرة .. عندي مقابل نفس التبريرات عند الكوز أمجد.
Quote: لأنو أمجد صاحبي فحملت الحاجات على المحمل الحسن
هنا زاوية الشوف اختلفت طبعا .. لكن يظل عندي امجد هنا هو الشيوعي أمجد .. وحسب معرفتي ببعض الشيوعيين في البورد من خلال فترة المعايشة هنا بي امكانهم أن يفعلوا ما يتوافق معهم تارة بتبادل الحسابات .. بالاسماء المضروبة .. بالاشاعة .. بالشتيمة الشديدة جدا لكل من يخالفهم الرأي ..
Quote: انا لقيت امجد عارض الخبر على انو غير مؤكد و بيطلب التحرك للتأكد من صحة و سلامة د. الهادي. قد يكون ده لفظو او ما فهمتو انا من البوست.
.. لك حرية الفهم في ذلك .. بالقدر التي هي متاحة لي .. لكن حسب معطيات سابقة يمكنني قراءة الخبر بأنه استمرارية لمسلك متبع يتعلق بي ادبيات حزبية ليست جديدة في الاستعمال في لعبة السياسة القذرة المعروفة ..
Quote: و ده جاب نتيجة كويسة بانو بعد داك سمحوا للناس تشوفو و تتاكد انو على قيد الحياة و الحمد لله.
لك ايضا حرية أن تعتقد في وجهة نظر أمجد والاقتناع الكامل بها .. مع إني ارى عكس ذلك .. في تسريب الاشاعة .. أو على الاقل بتفتح لي العديد من الخيارات خاصة في ظل ما ذكره أمجد عن تسريب الخبر من قبل جهاز الأمن .. فهل تعتقد أن لو كان حدث ما حدث عن وفاة دكتور الهادي في معتقل جهاز الأمن يقوم الجهاز بتسريب مثل هذا الخبر ..؟ وهل تعتقد أن تسريب الاشاعة وتصعيد الحزب الشيوعي لها في شخص امجد هو السبب الرئيسي للسماح لي اسرة دكتور الهادي لرؤيته ..؟ لا اعتقد..
Quote: بس بعاين للموضوع انو الظن بموت د. الهادي متأثرا بما اصابه كان طبيعي في ظل المعطيات المعلنة حتى الان. و انو انفعال الناس بهذا الظن قاد للاطمئنان على د. الهادي.
.. ياتو ناس ..؟ الاطباء أم ناس البورد ام ناس الشارع الما بيهمهم جهاز الأمن ولا اضراب الاطباء زي ما بتهمهم أرواح زويهم .. الممكن يفقدوها حال ما جو الحوادث في حادث حركة أو نزيف (حامل) أو ملاريا حادة؟؟
Quote: لكن لو في اي جهة تعمدت انها تطلق خبر زي ده لأجل مكاسب خاصة و لاثارة الناس و شعللة الموضوع فده شي قبيح و لا يمكن ان يقره انسان.
الافتراض دا بيرجعنا تاني لي لعبة السياسة القذرة والجهات التي تتحرك في الظل .. ليس من أجل حقوق اطباء ولا روح مواطن ..
Quote: انا معاك شديدفي انو المواقف الهتافية الغير متزنة المعتمدة على المقدرة على اضغط على الكيبورد مشكلة .. لأنها غير مبنية على مواقف على ارض الواقع وما بتراعي ظروف الناس على ارض الواقع. هسه ممكن د. الابوابي يمرق مسلم رايات و مطيع و منكسر .. لكن انا في مصر اقعد اهتف انو الابوابي لن ينكسر و لن يصمت و لن و لن .. دون ان اراعي ما مر او يمر به.
.. كلام سمح ..
Quote: او حتى انو القضية تنتهي باجابة الحكومة لمطالب الاطباء بينماانت في رياضك دي متمني انو الموضوع ده يسقط النظام. اتفق معاك بشدة انها دي حاجات غير مسئولة.
ودا كلام عين العقل لطالما اننا بنتحرك في مساحة أننا (فلوتر) ما بننقاد لي اي مظلة حزبية كثيران الساقية ..
Quote: بس المشكلة يا الحبيب انو في ناس معانا في بورد بكري ده مواقفم على ارض الواقع اكثر وجودا و تأثيرا من بورد بكري .. منهم صاحبي أمجد فريد ده. و ناس تانين. البيكتبوهو في البورد هو بعض من نشاطم السياسي الحقيقي على ارض الواقع و ليس كل مساهمتهم السياسة زيي و زيك و زي ناس تانين. سلام و الى لقاء قريب.
.. أعرف الكثيرين هنا ليست لهم نشاطات سياسية لكن لهم دورهم الفاعل في الحياة العامة من منظمات طوعية .. إلى افعال انسانية لا تحكمها اي مظلة .. جميعهم اكن لهم الكثير من الاحترام لطالما تحركوا من نداء انساني ربما ليس لنا المقدرة أن نقوم به على أرض الواقع .. لعدة عوامل .. أمجد لا اعرف عنه اكثر ما عرفته من خلال ما كتبه هنا عن حزبه .. وعن الخبر السابق .. والخبر موضوع النقاش وهذا يكفيني لمعرفة طريقة تفكيره السياسية الحزبية .. الاشياء الأخرى تتوقف طبعا على حسب معرفتك به .. بي شكل جيد .. تحياتي يا حمور ..
06-15-2010, 11:13 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: تمبس سلامات اها يا سيد الميلودراما الانتا اتكلمتا عنها اتخيل انها واقع قاعدين نعيشو في سوداننا دا كلو يوم الاولى بالادانة هو من ختاهو في اطار الممكن و الواقعي و المحتمل بالاساس وبعداك النسألك انا مالي بسوات و ان كان لو انتا قريت بوست سوات حتلقاها بتتكلم عن نفس الانباء الانا جبتها و الاتفضل زملاء كتار و وضحو انهم كانت مالية الخرطوم (might have been killed)
مرحب بالسيد أمجد الكوز .. لطالما الشيوعي دي ما نافعه معاك : أنا لا اتحدث عن ما تعيشه في سودانك بنظرتك .. دين كما ينبغى لك .. وهذا لا يعطيك الحق هنا في تمرير الاشاعات لجهات محددة .. سوات .. وإنت زي ما قلت ليك في سرج واحد .. بعدين ما كل مرة تشبكني لو قريت .. لو قريت .. أنا لو ما قريت حاجة وما عارفه ما بجي بفتي فيها زي الافتاء حقك دا .. ارجع تاني لي البوست .. ولي كلام الناس الفيهو .. ولي عنوانو الرئيسي سوت تدين اغتيال الدكتور الهادي بخيت النور وتطالب بالتحقيق العاجل ...
في الحقيقة أنا لا اعرف عن من هو المسئول عن أمر هذه المنظمة في هذا البورد وبي ايراد اخبارها .. ولو كانت منظمة مسؤولة وليست لها اجندتها الخاصة مثلك تماما .. لما جاءات بمثل ما جاءت به في هذا الظرف المتوتر .. البيقرا خبرك .. ويقرا خبر سوت .. تفتكر ممكن يصدق ما يكتب هنا دا ..؟
Quote: انتا مختلف معاي في شنو في انو الهادي تم تعذيبو أكد كدا حين اللقاء بيها و لو ما على لساننا نحنا الكعبين ديل على لسان زوجتو انو فقد الوعي و نقل للمستشفى و منع اكمال علاجو برضو اكد كدا واكدوهو الناس السربو المعلومة بالاساس الاخبار المنتشرة عن وفاتو
إنت عايز تصل لي شنـو .. بالضبط ؟؟ بعدين بالمناسبة شخص اعتقل .. بيكون عرضه لي اي شئ .. ودي حاجة ما ظنيتك جايبه جديدة في عالم السياسة والاعتقال .. وما اعتقد إنك بتقدر تستخلص مني معلومة إني اجي انفي ليك إنو تعرض لي تعذيب .. كلامك دا دائري جدا ومضحك .. بيذكرني كلامك الكتبتو عن اعتقال نجلاء سيد أحمد واقتيادها إلى مكان غير معروف .. بالضبط كدا .. ما بيهمني الناس السربت المعلومة ديل منو .. بقدرما بيهمني الجاب المعلومة المضروبة دي هنا منو وليه .. دا كلو فهمي في الحتة دي .. ويظهر إنو في الحزب مدنك تكليف بي ترويج الاشاعة في منبر سودانيزاونلاين .. وماسك مكتب الاعتقالات في شئون الحزب ..
Quote: طيب نرجع بدون اسلوب التنقيب في النوايا التي مارستو دا في افتراض انو انا عندي نية غير الكلام الانا كتبتو انا كتبتا انو في اخبار بتردد عن وفاتو و بنطلب من اي زول بيقدر يتحرك يتحرك عشان يطمنا عليها و اتحركت جهات مشكوة و نفعتنا و طمنتنا عليهو لحدي اللحظة ديك انتا كنتا دايرينا نتظروا يموت و بعداك نجي نفتح بوست عزاء يعني
التنقيب في النوايا بيحدث حال إني ما قريت ليك ما كتبت .. أوزن كلامك كويس .. انا بنيت كلامي وفق ما كتبت في البوستات السابقة ماف تنقيب في نوايا هنا .. في اثباتات على كلامك المكتوب بي خط ايدك .. لا يا بطل .. ما كنت منتظرو لحدت ما يموت طبعا .. بي طريقتك المضحكة دي .. أول حاجة مجريات الاحداث لا اعتقد انها في تجاه سير الاضرار بي اي شخص .. وغن كان مجرد الاعتقال هو الضرر الرئيسي .. محاولاتك لاثبات إنو توسيع دائرة الاشاعة هو نوع من العمل المنظم للضغط على جهات الاعتقال لتفرج عن المعتقلين دا في احلامك السياسية.. اعتقد انكم نجحتم بالقدر الكبير جدا أنو تسيسو القضية وتذهبو بها إلى جانب الاشخاص .. ودا ما يحسب لكم .. فالآن اصبحت المسالة تنحصر في شخوص بعينهم .. حسب انتماءهم السياسي والحزبي .. ودخلت مساومات ربما تنحصر على نطاق الأفراد .. وتلمع نجوم أخرى في الأفق .. اسمها ظهر بالسطح مؤخرا .. وفي انتظار مقتبل الأيام .. وبادر التفاصيل التي اصبحت تتضح من الأمس ..
Quote: ياخ لا واجهة لا ما واجهة و لو شايف حنكة في صياغة الخبر باشكرك على ثناءك على حنكتي ياخ
.. كنت بقدر اصفق ليك شديد .. لو كنت ما بتتبع لي اي جهة ليها علاقة بي الحبكة دي .. لكن احتفظ بعبارات الشكر .. ربما نحتاجها حال أن توفرت لك خيارات أخرى بديلة .. اقوليك حاجة..؟: احتمال تبقى امنجي وتجيب لينا الخبر بي نجيضتو من جوه بي صورو .. ما اشاعة ساااي يدردقوكم بيها .. ويبقى دا اكبر سبق صحفي في البورد ..
Quote: شوفتا يا تمبس اسوأ شي انو الزول يتوهم و يصدق وهمو و يحاول بعداك يدافع عنو بيكون بيخلق بكدا واقع موازي بيحاول يعيش فيهو و دي زيها زي نقطة عندك الشجاعة الكافية عشان تثبت ولا ما تثبت دي
حديثك عن الوهم دا حديث العارفين .. بس انا ما عارف امكانياتك في علم تحضير الأرواح كيف .. عشان تقدر تستنسخ ليك روح من روحك دي .. وتختهم الاتنين في صحن واحد وتعاين ليهم من فوق وتكون إنت من غير روح .. يعني بي صورة أوضح تكون روحك موازية للروح التانية المستنسخة دي .. وبعداك انظر لي ايهما اشد وهما .. بالمناسبة انا ما عارف الوهم دا قاعد في الروح واللا قاعد في المخ .. واللا وين زاتو ما معروف .. مسالة الشجاعة الكافية البقصدة ليك يا (مــوهوم) ما هي مسالة انك بتخاف مني وبخاف منك وطالعني .. دا كلام عجيب طبعا ما مفترض يبدر من زول عاي في القرن بتاعنا دا .. وغلا بتكون بتفتش ليك في برنامج بتاع هتافات جماهيرية تانية .. ما قصدته لو قدرت تقراهو في صياغو .. الملون بالأحمر .. هو .. يا شيوعي غنت ما ليك اي امكانية توصمني بي اي توجه حزبي .. لانو الفرصة المتاحة كلها وامكانيات التخمين افسدوها عليك اخوانك في الحزب من فترة طويلة جدا .. ومعاهم بعض المناضلين في تكتلات تانية .. ودا طبعا اداني مساحة كويسة ادخل فيها الأمن .. ويدفعو لي كمان بدل مطارده لي نوعياتك دي .. وتفشيل اضراب اطباء في البورد .. إلخ .. إلخ .. إلخ .. بينما في مقدوري بي كل قوة أنو أدخل معاك في اضيف حته إنت وحزبك البيديك الاخبار المغلوطة دي وتجي (تغثنا) بيها هنا دا ..
Quote: شوف نحنا ما متطالعين الخلا مثلا و النقاش بيتم فيهو الاثبات بالدلائل والمنطق مش بالشجاعة و الاقدام مثلاً ودي تعرف لو بتعرفني بتعرف برضو انها ما ناقصاني لكن برضو دي ما محلتها فما بينفع لا النقاش و لا الاثبات تأكيد وجودها او انعدامها عندي
.. والله اخير كان نتطالع الخلاء عديل كدا .. كلامك دا اخير منو نمشي الخــلاء يا الاسد .. المهم احتفظ بي شجاعتك دي ربما تحتاج ليها..
06-15-2010, 11:25 AM
tmbis tmbis
تاريخ التسجيل: 10-19-2002
مجموع المشاركات: 24862
طيب سيد تمبس اولاً دمغتني ياخي بتهمة تسييس قضية الاطباء انتا باني افتراضك دا على شنو بالضبط . ممكن تكون بانيهو على احتمال انك ما عارف اني طبيب ... ممكن طيب يا سيدي انا طبيب و بالتالي القضية بتاعتي برضو ممكن تكون بانيهو على اساس انو انا سياسي و مين القال انو السياسيين ما عندهم الحق بالمشاركة في القضايا المطلبية اساساً هو المدخلنا السياسة غير القضايا المطلبية شنو كلامك عن اجندة حزبية و م ا شابه باعيدو ليك بنفس اليافطة و في نفس الحتة مين وين جاتك قدرة التنقيب في نوايا و معرفة دواخلهم و دوافعهم لدرجة انك بتفسر كلامهم بانو عندو معاني تانية غير الكاتبنها ثم انا حسي شيوعي ولا كوز ولا طبيب و لا أمجد في البورد دا انتا ما تحاول شوية تتعامل مع الافكارالمكتبوبة في الكلام بعيداً عن انطباعتك الشخصية و قراءتك المسبقة لما تفعله هذه الشلة او تلك امجد يظل عندك الشيوعي أمجد دي ما فيها مشكلة لأنو هو نفس الأمجد لكن المشكلة انك بتتعامل مع شخص بانطباعتك المكتسبة من ناس اخرين دا بيبقى هنا الوهم يا تمبس و من حقك انك تعتقد انو الضغط على الحكومة جاب اثر و ليك الحق في العكس برضو لكن الما من حقك انك تملي على الاخرين هم يعملو شنو بالاضافة لانو مافي حاجة لا في السياسة لا في غيرها بتحصل ساي دا برضو بيدخل في قائمة الاوهام المجانية الساي التحرك في اتجاه معين من اجل حقوق الاطباء دا انتا بتفسرو على اساس انو تحرك سياسي ليه و يعني شنو اساسا تحرك سياسي نحنا عندنا حقوق دايرنها و عندنا معتقلين دايرنهم يمرقو البيجيب لينا الحاجات دي اياً كان اتحاد اطباء، جمعية طبية ، احزاب سياسية ، غازي صلاح الدين أي زول ما عندنا معاهو مشكلة ببساطة لأنو ما عندنا غرض تاني و ما عندنا افتراضات مسبقة فقرتك الاخيرة في ردك على حمور و كلامك الكتبتهو فوق عن انو صياغتي انا قاصد بيها معنى تاني بتأكد على انو منهجك في قرايتك لكلامي كان مبني على منطق الرفض المسبق و دا نوع القراءة البيأدي لنقاش زي دا بالاساس
موضوع انو انا و سوات في سرج واحد حقو تراجع شوية ارشيف البورد طال ما انو معرفتك بي مبنية على قرايتك لما اكتب و حتلقى انو انا و سوات في سرجين مختلفين تماما لكن دا لا يمنع تلاقينا في تجتمع عليه المواقف المبدئية العادية زي القلق من انباء عن احتاملية موت مناضل حقيقي داخل المعتقل متأثراً بالتعذيب
و دا الكلام الكاتبهاو سوات في بيانها الانتا جايبو تحت و الكلام الكاتبو انا في البوست بتاعي برضو انا ما داير انفي على لسيانك ولا اثبتا ليك أي شي انا داير اوريك الظروف الجات فيها المعلومخة ديك و الادت لسعي انا و اخرين للتأكد من سلامة الهادي و دعوة الاخرين برضو لفعل المثل للاطمئنان عليهو ممكن طبعاً في أي لحظة تراجع كلامي عشان تشوف انا كاتب شنو طول ما انتا بتتكلم عن الاشاعة الانا نشرتها (حسب لفظك) التنقيب في النوايا دا ياهو الانتا قاعد تمارسو بالضبط لأنك بتفترض بصورة مباشرة و واضحة انو ما دام انا شيوعي معاها عندي نية غير الكلام الانا كاتبو و الانتا شايف صياغتهو كانت محنكة و مضبوطة و دا ممكن يكون عندو خلفيات صراعات اخرى بتاتك انتا و اخرين انا ما عندي بيها علاقة لكن الذي يبدو انك اعلنتا نفسك المقاتل رقم واحد لفضح اكاذيب الشيوعيين اسفيرياً تفسسيرك لقصة الشجاعة الانتا جابتها اصلاً دي مضحك شديد لانو تاني باعيد ليك انو اثبات او ما اثبات دا برضو ما بيتم بالشجاعة و غيرها بيتم بالمنطق و البراهين و اها قدرنا ان نقول و نكرر الواضح اصلاً و تاني حاجة انا متين اتهمتك بانك حاجة اصلاً عشان اثبتها و لا انفيها يعني بالعربي كدا حسي انا سألتك متين عشان اجي احاول اثبات اساساً و لا هو ساي
06-16-2010, 08:20 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: طيب سيد تمبس اولاً دمغتني ياخي بتهمة تسييس قضية الاطباء انتا باني افتراضك دا على شنو بالضبط . ممكن تكون بانيهو على احتمال انك ما عارف اني طبيب ... ممكن طيب يا سيدي انا طبيب و بالتالي القضية بتاعتي برضو
.. تخيل أول مرة اعرف إنك طبيب .. .. وشكرا جزيلا على المعلومة دي .. ومن هنا ولي قدام ح ابني على معلومة إنك طبيب .. وسياسي في آن واحد .. .. بعدين لو فرضنا جدلا إنو القضية دي بتاعتك براك كضبيب .. طيب ما تجتهد وتحلها براك .. مالك جاي شايل ليك اشاعة وكابيها هنا دا علشان الناس تفك ليك الاطباء المعتقلين من جهاز الأمن وتتضامن معاك ...؟ القضية دي ما حقتك إنت علشان تفتي فيها بي اي طريقة تعجبك القضية دي حقتي انا دا برضو محمد أحمد العادي البموت في النقاله عشان ضربتني عربية بتاعت طبيب زيك كدا دا جاي من اجتماع حزبو الكاتب ليهو اشاعة في ورقة عشان يكتبه في البورد دا .. يا مديهو قايمة طويلة عريضة لي زملاهو بيتهمم بالخيانة علشان ما اتلاقو معاهو في (الاتو) حقو..
Quote: ممكن تكون بانيهو على اساس انو انا سياسي و مين القال انو السياسيين ما عندهم الحق بالمشاركة في القضايا المطلبية اساساً هو المدخلنا السياسة غير القضايا المطلبية شنو كلامك عن اجندة حزبية و م ا شابه باعيدو ليك بنفس اليافطة و في نفس الحتة
بلاي دخلت السياسة برضو ..؟ دخلتها بي ياتو شباك ..؟ في فرق بين انك تكون سياسي وبين انك تكون منضوي لي جهة حزبية .. السياسة دي إنت قايله ساااي .. ما حسع دي انا ممكن من دربي دا .. اجي انضم لي حزبك دا .. هل دا بيعني إني سياسي ..؟ ما ممكن كمان اجي اكتب زي خرمجتك البتكتب فوقه دي عن اعتقال نجلاء سيد احمد .. هل برضو بعتبر إني سياسي ..؟ إنت القاليك إنك سياسي وركب ليك المسالة دي في راسك منو..؟ الحزب برضو..؟
Quote: مين وين جاتك قدرة التنقيب في نوايا و معرفة دواخلهم و دوافعهم لدرجة انك بتفسر كلامهم بانو عندو معاني تانية غير الكاتبنها ثم انا حسي شيوعي ولا كوز ولا طبيب و لا أمجد
والله اعادة تكرار الكلام ساهلة خلاص .. ممكن اعيد ليك كلامي دا من أول وجديد .. عادي جدا إنت قايله صعبة ..؟ لكن وقتها بحس إني قاعد اللف في الفاضي وادور وما عندي موضوع .. إنت يا سيدي الفاضل .. كوز .. وشيوعي .. وامجد .. دكتور أمجد دي طبعا يادوبك عرفتها منك الليلة الصباح دا .. بالنسبة لي كوز .. وشيوعي ديل عندي مبرراتم .. بي (وهمي وفهمي) الخاص .. أم مسالة إنك سياسي دي .. فحارة شوية بالنسبة لي إني اديك ليها كدا .. كنجيضة.. المهم إنت ما (تتوهم) زيي أهو زي ما شايف انا موفر ليك تلاتة خيارات .. كلما تجي ترد لي .. اللبس ليك واحد فوقم .. عادي جدا الأمور بتمشي معاي انا .. بالمناسبة:
Quote: طيب سيد تمبس
تمبس تكتب هكذا .. تمبس عشان كمان ما تعمل لي اغتيال شخصية .. حركات الشيوعيين دي ان ناقشة كويس .. لوني بالأخـدر الزرعي دا ..
Quote: انتا ما تحاول شوية تتعامل مع الافكارالمكتبوبة في الكلام بعيداً عن انطباعتك الشخصية و قراءتك المسبقة لما تفعله هذه الشلة او تلك امجد يظل عندك الشيوعي أمجد دي ما فيها مشكلة لأنو هو نفس الأمجد لكن المشكلة انك بتتعامل مع شخص بانطباعتك المكتسبة من ناس اخرين
.. الأفكــار ..؟ اي أفكار يا زول ..؟ إنت سياسي واللا شنـو ..؟ .. انا بعرفك من متين في المكان دا .. من تاريخ تسجيلك .. وحتى لو ما بعرفك من تاريخ تسجيلك .. اسهل حاجة اجمع عنك فكرة في المكان دا في ادوات مساعدة كمحرك البحث الخاص بالموقع مثلا .. بكتب ليهو امجد بي كم طريقة كدا .. بجيب نجيتضك .. اكان دكتور اكان سياسي اكان لاعب كورة .. بتفكر كيف .. عايز توصل للناس إنك شنو..؟ قبل سنتين لي وراء اتعشيت بي شنو .. إلخ .. طيلة هذه الفترة شفتني ناقشت كلامك البتكتبو يا قلت ليك عينك في راسك .. طبعا لا .. لو بتعتبر إنو خبرك عن نجلاء سيد احمد واعتقالها المزعوم .. وعن خبرك موضوع البوست دا .. لو بتفتكر ديل افكار أو الكلام البتكتب فوقو دا افكار .. فاحسن ليك .. (طفـر) بي نفس الشباك الدخلت بيهو السياسة دا .. أنا اتعامل مع الشخص وفق ما ياتيني به هنـا .. وبكون حريص جدا إني ما اظلم لي زول .. وحريص بي صورة أكبر أن اكفل لكل شخص حقه في خياراته الحزبية .. بحرصي على حرية كل منا على أخد كامل حصته من الحرية .. وحق العيش الكريم .. (بالمناسبة) شايف الخطبة دي ..؟ بعد يومين لو كبرت معاي احتمال كبير أعمل لي حزب .. جهز حالك إذا بتريد ..
06-16-2010, 09:17 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: امجد يظل عندك الشيوعي أمجد دي ما فيها مشكلة لأنو هو نفس الأمجد لكن المشكلة انك بتتعامل مع شخص بانطباعتك المكتسبة من ناس اخرين دا بيبقى هنا الوهم يا تمبس
.. تمام يا زول دا وهم كبير جدا .. أول حاجة انطباعاتي دي ما مشيت اشتريته من السوق الشعبي .. وما ممكن اقوم اللقى لي زول حسع دي حايم اقوم اتوهم فوقو .. وما ممكن طبعا بخاري البجيب لي الشاي دا اقوم اتوهم فوقو بي إنو بيكتب في البورد دا معانـا .. لذلك .. يظل عندي أمجد الشيوعي دا شيوعي بيمارس كل التفاصيل الشيوعية بتاعتو هنا دا .. ودا طبعا من خلال ما يصلني من مما يكتبه هنا لحظة ان دخلت معاهو في جدل عن اي موضوع .. والحمد لله الجدل بدا من لحظته .. ومن اللحظة ديك ابتديت اتوهمك .. وبقيت موهوم بيك لي درجة إني بنوم بقوم نص الليل بهضرب .. أمجد .. امجد .. إلخ ... ايام البوست بتاع نجلاء .. اتوهمت بيك لحدت ما ودوني الدكتور .. وأهو حسع زي ما شايف متوهم بيك برضو في الاضراب دا .. وبي اضرابكم دا حسع دي لو ما كنت هنا دا .. كان احتمال كبير كان افط سطر .. يا اللقط .. اكياس في شارع المك نمر...
Quote: ومن حقك انك تعتقد انو الضغط على الحكومة جاب اثر و ليك الحق في العكس برضو لكن الما من حقك انك تملي على الاخرين هم يعملو شنو بالاضافة لانو مافي حاجة لا في السياسة لا في غيرها بتحصل ساي دا برضو بيدخل في قائمة الاوهام المجانية الساي
طبعا كلامك صاح مية في المية .. وبتفق معاك وابصم بالعشرين في حالة واحدة طبعا .. حال ان تتوفر فيك كل المقومات الكاملة في إنك الزول الممكن اعمل بي كلامك وانقاد لي رائك عميان .. واصدق كلامك حرف .. حرف.
Quote: التحرك في اتجاه معين من اجل حقوق الاطباء دا انتا بتفسرو على اساس انو تحرك سياسي ليه و يعني شنو اساسا تحرك سياسي نحنا عندنا حقوق دايرنها و عندنا معتقلين دايرنهم يمرقو البيجيب لينا الحاجات دي اياً كان اتحاد اطباء، جمعية طبية ، احزاب سياسية ، غازي صلاح الدين أي زول ما عندنا معاهو مشكلة ببساطة لأنو ما عندنا غرض تاني و ما عندنا افتراضات مسبقة
.. اساسا تحرك سياسي دي .. مقصود بيها تنحي قضية الاطباء العادلة .. وجرفهم إلى تمرير اجندة احزاب بي عينهم وندخل في دوامة أحكي ليك عن الحزب الجمهوري .. والحزب الشيوعي .. والحركة الشعبية .. إلخ .. ودي شغلانة طويلة ما ظنيتك تفهمه بي شكلك السياسي الحالي دا .. خليك في اشاعات .. فلان اعتقلوهو .. وفرتكان اعدم رميا بالرصاص من مسافة قريبة .. الحاجة الكويسة في الحزب الشيوعي إنو بيدرج الواحد .. كويس ... يعني حسع دي عاين نقد دا مدرجنو من متين .. لحدت الآن مكنكش هو وبقية الرفاق في المركزية .. .. بالمناسبة .. المركزية دي معناته شنو زاتو .. الواحد بقى يكتب ليهو في كلام خارم بارم ساااي ..
Quote: فقرتك الاخيرة في ردك على حمور و كلامك الكتبتهو فوق عن انو صياغتي انا قاصد بيها معنى تاني بتأكد على انو منهجك في قرايتك لكلامي كان مبني على منطق الرفض المسبق و دا نوع القراءة البيأدي لنقاش زي دا بالاساس
أيوة في رفض مسبق .. واتعمق بعد نقلك ما كتبته من اشاعة .. في وقت الناس مفترض تكون واعيه فيهو شديد .. على الاقل في المكان دا البقى عادي جدا الناس تنزل فوقو كلام فارغ يفقد ثقة الناس في القضايا ويخليهم يتعاطوها بي نوع من الاستهزاء .. حتى ولو كانت جات من اكبر مكان .. وفقدان القضايا لي اطارها الجاد في المكان دا بيقلل من حجم التعاطف معها على الاقل .. والمنابر الالكترونية دي اسرع منها ماف في توصيل الفكرة .. يعني مثلا حسع دي لو جيت لقيتك فاتح ليك موضوع بي اسمك .. لو دخلته .. لووو دخلته بكون شايل معاي احتمالية مليون في المية إنك جايب ليك خبر وهمي جدا .. كذبة لي ابريل حتى ولو كنا في اكتوبر واحد وعشرين .. حتى لو لقيتك كاتب ما كتبت .. ح تظل امجد .. بتاع الاشاعة اياها .. وبتاع بوست الاعتقال أبونقطـة .. لذلك انصحك بغتباع طريقة شيوعية قديمة .. اسمك دا بدلو بي علبة الوان شايف امكانياتك كويسة .. لما تجي تنزل ليك خبر .. شوف الشيوعيين العظماء هنا دا قاعدين يتصرفوا كيف .. وخليهم يدوك درس ..
06-16-2010, 10:42 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: موضوع انو انا وسوات في سرج واحد حقو تراجع شوية ارشيف البورد طال ما انو معرفتك بي مبنية على قرايتك لما اكتب و حتلقى انو انا و سوات في سرجين مختلفين تماما لكن دا لا يمنع تلاقينا في تجتمع عليه المواقف المبدئية العادية زي القلق من انباء عن احتاملية موت مناضل حقيقي داخل المعتقل متأثراً بالتعذيب
. والله ما بيهمني علاقتك بي سوت أو علاقتك بي فرتكان من الناس .. لكن يهمني فقط ا كتبته أنت وسوت في وقت واحد ودا كان سبب الربط بينك وبين سوت .. سوت كضبو بي شكل واضح وصريح .. عن إنو الطبيب اتقتل .. وإنت روجت لي اشاعة ليها نفس المضمون .. بي اختلاف الصياغة .. ولحدت الآن الاثر التركتو إنت أو سوت في الموضوع دا في البورد دا نتايجو ما بتسر ..
Quote: و دا الكلام الكاتبهاو سوات في بيانها الانتا جايبو تحت و الكلام الكاتبو انا في البوست بتاعي برضو انا ما داير انفي على لسيانك ولا اثبتا ليك أي شي انا داير اوريك الظروف الجات فيها المعلومخة ديك و الادت لسعي انا و اخرين للتأكد من سلامة الهادي و دعوة الاخرين برضو لفعل المثل للاطمئنان عليهو
إنت ما تنفي ولا تثبت .. الكلام موجود قدامي .. وقريتو وجبتو ليك .. زي ما كلامك موجود قدامي .. مسالة النفي والاثبات دي متروكه لي (الوهم) المسيطري علي حسب اعتقادك ..
Quote: ممكن طبعاً في أي لحظة تراجع كلامي عشان تشوف انا كاتب شنو طول ما انتا بتتكلم عن الاشاعة الانا نشرتها (حسب لفظك) التنقيب في النوايا دا ياهو الانتا قاعد تمارسو بالضبط
.. م كتبته سوت اشاعة .. وما كتبته أنت اشاعة .. وما كتبته عن نجلاء فيما سبق برضو اشاعة .. دا ما كلامي انا براي وما لفظي ممكن تراجع بقية المداخلات .. في البوستات المعنية .. ما عايز تراجع دي حاجة بترجع ليك .. لكن مسالة انك نقلت إشاعة دي ما عايزه ليها اتنين سياسيين زيك كدا ..
Quote: لأنك بتفترض بصورة مباشرة و واضحة انو ما دام انا شيوعي معاها عندي نية غير الكلام الانا كاتبو و الانتا شايف صياغتهو كانت محنكة و مضبوطة و دا ممكن يكون عندو خلفيات صراعات اخرى بتاتك انتا و اخرين انا ما عندي بيها علاقة لكن الذي يبدو انك اعلنتا نفسك المقاتل رقم واحد لفضح اكاذيب الشيوعيين اسفيرياً
.. عندي صراعات أخرى ايوة بالضبط .. مع كتيرين هنا دا شيوعيين وما من حسع دي .. من فترة طويلة جدا وهم عارفين كدا .. بعدين ما نمرة واحد بس يا شيوعي .. ممكن عديل كدا استنسخ مقاتلين من الرقم واحد دا .. وحسع واحد منهم اهو قدامك وابتدت معاك من يوم نجلاء سيد أحمد ما حقاره مني سااي .. لكن لي قناعة محددة عارفه انا وعلشان انا كنت في عمق الموضوع دا .. وحسع في بوست الاشاعة بتاعك وبسوت حمور دا(العار للذين اطلقوا و صدقوا شائعة موت د. الهادي .. يا لهم من أوغاد ) .. يعني ما جبت حاجة من عندي وما اخترت لي لفظ من عندي .. اهو صاحبك زاتو كتب الكلام دا .. مسالتي معاك مستمرة ما من كوني مثلا معجب بيك مناضل .. ولا مثلا من كوني متلقي حجج .. ولا مثلا من كوني عندي قدد مع الشيوعيين .. لا .. ممكن اصفق ليك لو كتبت كلام كويس .. عجبني .. لكن تجي شايل ليك اشاعة أو تكضب .. ما بقدر اصفق ليك خالص .. وطبعا ليك نفس الحرية دي في إنك تمارسه معاي لو حبيت ..
Quote: تفسسيرك لقصة الشجاعة الانتا جابتها اصلاً دي مضحك شديد لانو تاني باعيد ليك انو اثبات او ما اثبات دا برضو ما بيتم بالشجاعة و غيرها بيتم بالمنطق و البراهين و اها قدرنا ان نقول و نكرر الواضح اصلاً و تاني حاجة انا متين اتهمتك بانك حاجة اصلاً عشان اثبتها و لا انفيها يعني بالعربي كدا حسي انا سألتك متين عشان اجي احاول اثبات اساساً ولا هو ساي
تضححك طوالي وبي صوت عالي أو منخفض حسب الطريقة البتريحك .. ما ساي طبعا يا امجد .. كل حاجة بي نظام ..
بالمناسبة انا الأربعاء لمبتي بتولع .. بعد شوية .. تاني بشوفك يوم السبت كان الله حيانا حتى يوم السبت زاتو .. نص كم كدا .. يعني لما تجي تكتب حاجةن خت في بالك الاحتمالية دي .. لانو الحديث معاك كويس خاصة لما نكون الاتنين قاعدين مع بعض .. ونتبادل الحديث الاسفيري دا ..
06-16-2010, 11:00 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: انك اعلنتا نفسك المقاتل رقم واحد لفضح اكاذيب الشيوعيين اسفيرياً
أمجد الكوز: بالمناسبة: احتراما لشيوعي في هذا المكان اكن له التقدير ومنعا للتعميم المخل .. زي ما وجهني من قبل .. أرجو توضيح نقطة إنو ما كل الشيوعيين هنا دا العندي معاهم برنامج فضح اكاذيب ومداقره لي سلويكاتهم في قوايمهم وحفلات الشواء حقتم .. بعض الشيوعيين هنا اكن لهم الاحترام وفقا لما يطرحونه من تمسكهم بي مبادي الديمقراطية واحترام الآخـر .. وتجدني لذلك لا اتداخل معهم بنفس الطريقة التي اتداخل بها معك ومع من يسيرون معك في نفس الخط .. بتاعين الايدلوجيات الواحدة .. وهم كتار هنا دا .. دا بس علشان ما تخلط الزيت مع الموية. ما عشان رهبة من تكتل الشيوعيين .. ودا طبعا حق مكفول لينا كلنا اي زول يرى في التاني ما لا يحترم عقله .. يحق ليهو إنو يوقفو في حدو .. ودي ساحات الحوار المفتوحة ودا الغرض منها ..
06-19-2010, 00:05 AM
Amjed Amjed
تاريخ التسجيل: 11-04-2002
مجموع المشاركات: 4430
للاسف يا تمبس قناع الموضوعية البتحاول تلبسو لكلامك دا بيتناقض مع محتوى كلامك ذات نفسو و المشكلة هنا انو انا باوجه كلامي ليك انتا في النقاش دا و انتا بتوجه كلامك لاخرين في محاولة للبحث عن انتصار للاسف هو زائف طول ما كان مفارق للموضوعية اولاً لم اطرح و لم يطرح غيري كون القضية بتاع اطباء براهم او معاهم ناس تانيين لو انتا متذكر النقاش كويس انتا الاستنكرت على الاخرين المشاركة بفعالية في دعم القضية دي بالذات او وقوفهم مع الاضراب بل رميت باتهام مباشر في انو البعض بيعمل على حصر القضية في اشخاص معينين بحسب انتمائهم السياسي اما قصة تكنيكاللفظي البتستخدمو في الرد ما بيخدم النقاش قدر ما بيكشف بالجد عن هشاشة الفكرة البيعبر عنها و دي جزء منها التصوير النمطي البائس الابستخدمو في عكس فكرة لتصوير واقعيتها من خلال الاستخدام المتكرر تانياً بالنسبة لموضوع نجلاء افتكر انها و زوجها برضو اعضاء في المنبر دا و اكد كلاهما الرواية الانا قلتها في بوستي المذكور و اكد ليك بخاري برضو من خلال اتصالك المباشر معاهو و موقفي برضو وضحتو ليك فيها قبلي كدا استمرار النقاش في الموضوع دا محاولتك اصرارك على نتائجك الانتا مستخلصها مسبقا( ومخسبقاً دي برضو من كلامك) بيكون داخل في باب الجمود الفكري ليس اكثر و استمراري انا في النقاش بيدخل في باب الحرث في البحر ليس اكثر و لا اقل
ثالثاً بالنسبة لكوني سياسي او بمارس في السياسة اتخيل دي ما منتظر تقييم منك او من غيرك لكن السؤال البيطرح نفسو هنا انتا الاداك قلم احمر و مسكك دفاتر حياة الناس عشان تصحح ليهم و تعترف و ما تعترف اساسا منو محاولتك ارتداء هذا الزي سيجعلك في نهاية الامر كثل من طارد الريح و لن يقبض في نهاية الامر الا السراب
بالنسبة لموضوع اغتيال الشخصية دا بقى الحاجة الانتا بتمارس فيها بامتياز هنا مستعيناً بمهارات لا حد لها من العنف اللفظي و التنميط و اللف و الدوران حرصك المزعوم على انك تعرف الزول بافكارو دا و حسب ما يأتيك بيهو دا نسفتو في لحظة واحدة باعترافك بانك مكون عني اصلاً فكرة مسبقة باعتبار انتاءه المعين الهو بالمناسبة اصلاً غير مطلق على الاطلاق لكن من يطارد ريح وهمه يقبض السراب الذي يتوهمه و انتا بما انك بتفترض في روحك مسكة القلم الاحمر لكتابة التقييم المطلق للاخرين بتكون باني كدا برضو على صحة الافتراضات المطلقة في التوهمات دي برضو و دي لو داير تعاين ليها برضو بعين موضوعية حتلقاها في انك ما ترد على مضمون الكلام قدر ما بيهمك انك ترد على شكلو و زي ما قلت ليك فوق باقول ليك تاني الرد على اي زول بافتراضات مكتسبة من التعامل مع اخرين بيدخل في باب الوهم الكبير و السعي وراء انتصار بيكون متوهم في الاول و في الاخر ليس اكثر ولا اقل
بالنسبة لتوفر المقومات او عدمها في كلام شخص ما راجع حتتي لانو انتا بتناقش في الكلام ما في الشخص هل الكلام بتتوفر فيهو المقومات ولا لأ انشالله بعداك يكون قالو ابليس لانو تاني بارجع و باقول ليك ما عندك حق و لا غيرك انك تقيم شخص تاني طول ما هو ما طرح نفسو لتقييمك الذاتي دا تنحية قضية الاطباء العادلة دي لصالح اجندة احزاب بعينها ولله جملة بيظهر عليها من الاول شكل تماسك لغوي و بلاغي لكن لمن تجي تعاين ليها تاني بتلقاها خاوية الموضوع شوف يا سيد تمبس اجندة الاحزاب دي بتدعم قضية الاطباء العادلة دي حبابها عشرة و لو بتفك ليهم معتقليهم حبابها مليون اصلاً ما حنرفضها لانها جست اجندة احزاب سياسية تقييمها بيعتمد عليها هي ذاتا فيها شنو بالضبط ما عدا ذلك بيكون تقييم ذاتي برضو
لكن في دا كلو بارجع و بسألك تاني انتا بتتهمني بشنو بالضبط
طيب قصة الرفض المسبق دي بتاعتك انتا براك و برضو تقييم ذاتي غير مبني على حقائق في انباء عن انو في زول قاعد يموت او مات (أكد اكتر من مصدر انو في انباء زي دي حايمة قبال ما انا اجيب خبري دا) انا جيت كتبتا انو في انباء عن الحكاية دي اها انتا قمتا قريت الكلام دا و قررتا انو لا انا ما قاصد كدا انا كتبتا كدا لكن كنتا قاصد حاجة تانية عشان كدا قمتا كتبتا الصياغة دي بحنكة و حبكة و ما عارف شنو اها ولله العظيم بعد دا بيبقى فهمك انتا للحاجات اذا عامل كدا بتكون دي مشكلتك يا سيد لكن انا كتبتا الكلام الانا قاصدو اما اذا انتا عندك القدرة انك تكون عارف دواخل الناس اكتر منهم فانا اظن انو المرة دي غلطتا فيها يا سيد انتا مصر على شيئ لم يحدث لشيئ في دواخل نفسك يا تمبس (انو انا قلتا انو الهادي اتقتل ) و انا قلتا )انو في انباء عن وفاءة الهادي بالتعذيب) و تاني باقول ليك ارجع بباقي موضوعيتك دي و اقرأ بوستي في موضوع نجلاء الانتا كنتا في عمقو دا نجلاء جات هنا و حكت بلفظها تفاصيل اعتقالها و جاء بخاري برضو و اكد التفاصيل دي و من خلال وجودك في العمق دا برضو اتأكد ليك تفاصيل الكلام الانا كتبتو اصرارك بعد على وصف كلامي بالاشاعة بيخش برضو في اطار الذاتي ما الموضوعي و الذاتي البيحاول يتنكر في قناع الموضوعي من خلال اظهار حرصه على الحق و الحقيقة و بيعتمد على استراتيجية العنف اللفظي و اللعب بالالفاظ و الجمود على الفكرة باعتبار انو ترديدها ممكن يحولها لواقع وللاسف كل الاساليب ليست اكثر من عكس لبؤس الفكرة و عجزها ليس اكثر اما بالنسبة لقناعتك المعينة دي فكاف النسب دي بتخليها مسألة بتخصك انتا براك ما عندي ليك فيها حاجة اياً كانت
الخط بتاع الايدلوجية الواحدة دا حقو انتا تفسرو لينا انتا قاصد بيهو شنو بالضبط لانو لو قاصد بيهو اعتناق ايدلوجي بالاساس باقول ليك عفواً يا سيدي اساسا انتا داقي الجرس الغلط دا الباب الجنبنا ما بابنا أخر حاجة بارجع و اقولها ليك يا تمبس انو لا انتا و لا غيرك عندكم قلم استاذين تصححو بيهو للاخرين دا نقاش و اي رأي بيطرح في نقاش طول ما النقاش دا مستمر بيكون شايل احتمالية الصواب و الخطأ لكن الانطلاق من مواقف مسبقة او اراء مبنية على تجارب سابقة فدا بيكون مناقرة ديوك ساي
و دي في البلد دي وقت ليها ذاتو ماف
06-20-2010, 11:50 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: للاسف يا تمبس قناع الموضوعية البتحاول تلبسو لكلامك دا بيتناقض مع محتوى كلامك ذات نفسو و المشكلة هنا انو انا باوجه كلامي ليك انتا في النقاش دا وانتا بتوجه كلامك لاخرين في محاولة للبحث عن انتصار للاسف هو زائف طول ما كان مفارق للموضوعية
.. قناع موضوعية شنو .. (ووش) حقيقة شنـو يا أمجــد بيه ..؟ أن ما قاعد اللبس اي حاجة في اي حاجة .. شفتني قاعد اكتب ليك اشاعات هنـا دا في البوست دا ..؟ بعدين منو في رايك البيكون بتاع تلبيسات .. زول باحث عن حقيقة .. واللا شخص موجه ليهو اتهام مباشر إنو بتاع اشاعات .. وبتاع هتافات .. واخبار مضروبة ..؟ كنت عايز اسالك السؤال التقليدي بتاع إنت بتقرا بي اضنينك لكن يبدو إنو الاضنين ذاته ح تزعل مني .. اي آخرين القاعد اوجه ليهم كلامي ..؟ ياخ كلامي دا دغري جدا موجه ليك .. مرة قلت ليك يا امجد بالأحمر .. ما اكلتك .. مرة قلت ليك يا أمجد يا كوز .. برضو ما راضية تشيل فيك .. والله ما باقي ليك إلا اقوليك يا جنابو أمجد يا البتجيب لينا الاشاعات من المحاضر غير الرسمية بتاعت جهاز الأمن .. إن عارف زي نوعيتك دي بيسموها شنـو ..؟ كإصطلاح شيوعي كدا ..؟ خايف اقوله ليك .. يجيني الرفاعي عبد العاطي حجر .. يدخلني اليسار ويطلع مولانـا أحمد موسى راس حربة صريح .. لكن امشي للجماعة بتاعنك وقوليهم تمبس قال لي كلام غريب شوية ما فهمتو .. بس مفترض إنك تمشي لي جماعة ناس كم وتلتين سنة كنكشة .. ما تمشي لي الجنيات الجداد ديل .. ديل ما ناقشين أبو النوم .. وأهو إنت جزاك الله خير ما مقصر . خلينا نجي نشوف اولا .. وتانيا وتالتا ديل عاملين كيف .. بداية الاسبوع دي مملة خلاص .. وناسكم ديل ما عايزين يجيبو لينا كمبيوتر عشان الواحد يقعد يصاقركم هنا .. فاتحين ليكم الميزانيات ساي .. وقافلنها لينا
06-20-2010, 01:33 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: اولاً لم اطرح و لم يطرح غيري كون القضية بتاع اطباء براهم او معاهم ناس تانيين لو انتا متذكر النقاش كويس انتا الاستنكرت على الاخرين المشاركة بفعالية في دعم القضية دي بالذات او وقوفهم مع الاضراب بل رميت باتهام مباشر في انو البعض بيعمل على حصر القضية في اشخاص معينين بحسب انتمائهم السياسي اما قصة تكنيك اللفظي البتستخدمو في الرد ما بيخدم النقاش قدر ما بيكشف بالجد عن هشاشة الفكرة البيعبر عنها و دي جزء منها التصوير النمطي البائس الابستخدمو في عكس فكرة لتصوير واقعيتها من خلال الاستخدام المتكرر
.. أولا يا أمجد تقوم تمشي من هنا طوالي تجيب لي الكلام الاستنكرت فوقو على الاخرين المشاركة بفاعلية في دعم اي قضية كانت هنـا .. خليك من القضية موضوع النقاش .. يعني تديني النص الكتبت فوقو الكلام دا بي اقتباس واضح جدا .. عشان كمان ما تقول كلام ساكت اصلك بتاع اشاعات وما فارقه معاك المسالة كتير .. تطلع فينا اشاعة يقوموا الجماعة يصدقوها سااي ويجيك واحد شيوعي بي اشاعتك دي يشيعه لينا سااكت كدا ودي تبقى مشكلة .. لحدت الآن انا مصر على إنو في مجموعة بتحاول تحصر المسالة دي في مجموعة محددة .. حسب انتمائهم السياسي .. ولحدت الآن بقول ليك القضية دي عادلة لكن بي زجها في الإطار السياسي للبعض بدت تفقد معدلات القوة الفيها .. حسع عندك انا دا .. القدامك دا .. البنقاش فيك هنا دا .. من اشاعتك دي اهو زي ما شايف كل يوم اربعاء بجي بديك النجيضة وعلى كامل الاستعداد ادي غيرك النجيضة .. ولا بيهمني اي تصنيف .. بينما في حتة تانية بقيف بي كل قوة مع اي طبيب بيبحث عن حقو .. ومع اي طبيب معتقل .. ومع اي طبيب واقف الآن في لحظة كتابتي للاسطر دي .. في مكان طوارئ وفي مكان بيحتاج ليهو المواطن العادي الما ليهو حول ولاقوة ولا بيعرف في السياسة ولا بيعرف الحزب الشيوعي من الحزب الجمهوري .. من حزب الأمة من المؤتمر الوطني .. الكلام دا ما شعار طبعا ولا ديباجة .. دا بي اعتبارو مرجع عشان في واحدين كدا أول ما يلقى كلامك دا ما بيقع ليهو في الاتو حقو .. عادي جدا يكتب ليك : (تبا لك .. أين تضامنك مع الأطباء .. أين كتبت ما يدعم قضيتهم .. اين تضامنك معهم اين توقيعك .. اين كنت أمس الساعة تمنية ونص بالليل .. إلخ)..
Quote: تكنيك اللفظي البتستخدمو في الرد ما بيخدم النقاش قدر ما بيكشف بالجد عن هشاشة الفكرة البيعبر عنها و دي جزء منها التصوير النمطي البائس الابستخدمو في عكس فكرة لتصوير واقعيتها من خلال الاستخدام المتكرر
.. التصوير النمطي البائس ؟؟ دي بت عم الفاقد التربوي بتاعت مولانـا حجر ..؟ اول حاجة يا أمجد اشاعة .. إنت زول حقار .. مفترض التكنيك اللفظي دا تحفظ لي فوقو حقي زي ما المرة الفاتت اديتك حقك بالكامل وقلت ليك حبكته المسالة دي .. وشايفك قلبته هوبا عديل كدا وقلت لي شكرا .. طيب ياخ ما تخلي عندك شوية دم .. إنت فصيلتك شنو بالمناسبة دي ؟؟ .. لانو عندي مريضة في حالة ولادة عايزه ليها عملية نقل دم مستعجلة .. بتقدر تمشي تديها حسسع دي ..؟ واللا مضرب برضو ؟؟ الشاهد في الأمر .. مفترض تديني حقي فيما يتعلق بالتكنيك اللفظي .. بدل ما تديني حقي .. وتختني مع (واسيهو الأعرج) تطلعني بتاع تصوير نمطي بائس ..؟ إنت يازول الكلام دا انا عندي مصنع بجيبو منو ..؟ الكلام دا قاعد عندك في الشارع .. ياخ حتى الشماشة الما عندهم بيوت عندهم أجمل لغة تواصل بتخدم المجتمع وليهم حق في العيش بي لغتم دي .. والله يرحمك يا محجوب عبد الحفيظ حالتك لا دكتور ولا حاجة .. فبقى هنا يا امجد اشاعة .. تبطل حركات الاقطاعيين دي .. والسادة النبلاء الفي فيلم سبارتاكوس لابسين ملايات كدا لونه بيجي .. عامله زي (اللوو) حق الشلك .. أوعك تتعامل بي نبلانيه مع اللغة .. ودنقر راسك دا لي تحت شوية وخليك في ترويج اشاعاتك دي .. ملحوظة:
Quote: انو انا باوجه كلامي ليك انتا في النقاش دا وانتا بتوجه كلامك لاخرين في محاولة للبحث عن انتصار
لعلك بتقصد بي آخرين .. حجر ..؟ حجر ما آخرين يا زول هوووي .. حجر دا عادي جدا .. وأنا جبتو هنا دا لانو لو رجعته لي بوست الايدلوجيات الواحدة ح تلقاهو عامل حفلة هناك .. وح تلقاهو اكتر من مرة عامل جلكسات الكلام دا في بوست نجلاء سيد أحمد وهو برضو موضوع نقاش .. أما عصام جبر الله .. فهو زميل ليك وكتب برضو في موضوع الاطباء وجاب ليهو قائمة ما وقعت لي في راسي .. والاتنين ديل ح تلقاني معاهم لانو عصام دا برضو جا افتى في البوست بتاع نجلاء سيد أحمد في الايدلوجيات الواحدة .. اها الاتنين ديل عندي معاهم قدد شديدة زي ما عندي معاك حسع دي قدة هنا دا .. والاتنين ما بينفصلو من البوست دا ومرحب بيهم في اي لحظة في بوست اخونا حمور دا لو سمح لينا حمور يعني .. أما بالنسبة لي الناس التانيين بتاعين الحزب لو بتقصد .. فدا برضو جزو اصيل جدا حسب المقولة الشيوعية المعروفة .. الحزب .. حزب . ومع كل ذلك .. ليك مطلق الحرية تجي داخل هنا وتجيب معاك ناسك ومرحب بي ضيوفك الكرام .. بنكرمم ليك حتى وإن كنت مافيش
06-20-2010, 03:19 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: تانياً بالنسبة لموضوع نجلاء افتكر انها و زوجها برضو اعضاء في المنبر دا و اكد كلاهما الرواية الانا قلتها في بوستي المذكور واكد ليك بخاري برضو من خلال اتصالك المباشر معاهو و موقفي برضو وضحتو ليك فيها قبلي كدا استمرار النقاش في الموضوع دا محاولتك اصرارك على نتائجك الانتا مستخلصها مسبقا( ومخسبقاً دي برضو من كلامك) بيكون داخل في باب الجمود الفكري ليس اكثر و استمراري انا في النقاش بيدخل في باب الحرث في البحر ليس اكثر و لا اقل
.. تانيـا .. يا امجد اشاعة موضوع نجـلاء .. لو كان اقتنعت بي انك ما روجت لي اشاعة اعتقاله كان اكتفيت انا بي اديك حقك .. لكن زي ما قلت ليك اشاعتك في موضوع نجلاء وفي اشاعة موت الطبيب الهادي هي الجابتني ليك .. ولانو كان بيناتنا تداخل في بوست نجلاء بكل ما حمل .. لقيتني هنا دا قدامك .. بالنسبة لي عضوية نجلاء وبخاري ما بتهمني كتير لاني ما دخلت معاهم في نقاش لكن اكتفيت بي قرايتم .. بعدين منو اقاليك في اتصال بخاري المباشر اكد لي .. إنت كنت بتسمع في الكلام ..؟ القاليك منو اكد لي ..؟ ياخ ما تجيب كلام من راسك .. انا الكلام السمعتو من بخاري عكس الكلام السمعتو منك .. وطريقة فهم بخاري للمسالة دي بتختلف من طريقة تعاطيك للمسالة في البورد دا .. ودا الكلام السمعتو من بخاري في اتصالو معاي المباشر والا ليك بيهو دخل إنت وما بتقدر تأكد الحصل فوقو شنو .. لانك ما كنت طرف فيهو يا اما كمان بقيت بتاع علم أرواح واتصالات .. مسبقا دي من كلامي ايوة .. لانك جيت كتبت كلام واتضح عكسو بشهادة الناس الكانو في الحدث وبشهادة زولة زميلة نفت كلامك وهي من المتواجدين هناك لحظة الحدث اعتقال نجلاء سيد أحمد و اقتيادها لمكان غير معلوم
Quote: قبل قليل اعتدت مجموعة ترتدي الملابس المدنية على الزميلة نجلاء سيد أحمد و مجموعة من المتطوعين معها بالضرب و هم يقومون بالتصوير قرب احد مراكز التصويت بامبدة و قاموا باقتيادهم الي مكان غير معلوم و رفضوا اصطحابهم الي قسم البوليس و في حين كانت الشرطة تتفرج و لا تتدخل
..
Quote: نجلاء الان بقسم الحارة الثالثة امبدة السبيل و معها معتقل أسمه بكري ود العجمي
..
Quote: تم الإعتداء على نجلاء بالضرب والشتائم ومحاولة خطف الكاميرا ولكن لم يتم إعتقال نجلاء بل تم فتح بلاغ وهي أيضاً ماشة الآن تفتح بلاغ ومعها عدد كبير من المحامين والصحفيين والمتضامنين
.. ما دار بيني وبين بخاري لا شأن لك فيه لانك ما سمعتو دي حاجة مفترض تكون عارفه وفاهمه وما عايزه ليها درس عصر..
Quote: هشاشة الفكرة التصوير النمطي البائس الجمود الفكري
.. بلاي دا كلو فوقي أنا دا ..؟ والله ذكرتني النكته بتاعت الزول المشى لي العرضحالنجي وقام كتب ليهو العريضة لحدت ما قعد يبكي وقاليهو بلاي انا مظلوم قدر كدا دا ..؟ .. يازول أنا زول بحر ساي .. كلامك دا إلا اجيب ليهو حجــر عشان يشرحو لي .. لكن يازول ماف مشكلة .. إنت احرث في البحـر وانا بجمد ليك في الفكر وبهشهش ليك في الفكرة .. والحشاش يملى شبكتو .. في النهاية بنطلع بي نجيضة من البوست دا .. يا بطلت اشاعاتك دي .. يا جمودي دا كبيت ليهو موية حارة .. وساااح ..
ملحوظة: تالتا دي الله يحيينا ويصبحنا من ناس بكرة .. عشان نجي نتفاكر فيها .. حسع ماف طريقة الزمن كسح مع بشاشا.
06-21-2010, 11:44 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: ثالثاً بالنسبة لكوني سياسي او بمارس في السياسة اتخيل دي ما منتظر تقييم منك او من غيرك لكن السؤال البيطرح نفسو هنا انتا الاداك قلم احمر و مسكك دفاتر حياة الناس عشان تصحح ليهم و تعترف و ما تعترف اساسا منو محاولتك ارتداء هذا الزي سيجعلك في نهاية الامر كثل من طارد الريح و لن يقبض في نهاية الامر الا السراب
تالتا يا أمجد اشاعة: تكني سياسي .. تكون فنان .. تكون بتاع كورة .. بتبيع تبش بي شطـة .. دا كلووو ما فارق معاي ـ القاليك انا بقييم فيك منو ..؟ والقاليك انا بحب المقيماتية زاتووو منو .. يا بابا ..؟ والاداني القلم الأحمر البعمل بيهو تصحيح دا .. هو نفس الجاب ليك القلم الأحمر للتصحيح بس بيفرق إنو القلم الاداك ليهو الحبر بتاعو كان عايز ليهو (خجـة) شوية .. وما عرفت تخجو .. بينما خجيت ان حبري وزي ما شايف اهو باقي ليك مصححاتي .. بي امكان اي زول هنا دا يصحح لي الجمبو ويصحح لي بكري ابوبكر هيم سيلف .. طالما إنو المسالة عامة وتهم الجميع .. ترى لو كان جيت كتبت عن تداعياتك .. وعن سيرة حياتك وعن تفاصيل خاصة بيك عن مذكراتك اليومية ح اجي اغالطك واصح ليك زي تصحيحي ليك دا ..؟ طبعا لالا مستحيل . لكن ما تتوقع إنك تجيب ليك اشاعة وتجي تكبها لينا هنا دا .. والمسالة بتتعلق بي حياة الشعب والمرضى والحد الفاصل بين الحياة والموت .. وعايز كمان ما يصححو ليك .. والله اصحح ليك بي قلم شيني كبير خلاص .. وابشرك (تتكعك) ليك كل الغلطات والجلطات .. كل اشاعة أعمل ليك فيها (كعكة) قدر الليلة وبكره .. دعني اطارد ريحي .. واصحح ليك .. كلهم بقدر عليهم .. أخد لي جرية مع أي رياح جنوبية غربية .. تضربني مطرة .. انتعش .. اجي اصحح ليك ..
ماف زول هنا ينزل لينا أغنية مع السراب .. بتاعت الهادي حامد بي صوت الهادي حامد يا بالعدم أغنية فاتت لي الهادي حامد وكلمات زميلنا في البورد الاستاذ الطيب برير الهادي حامد ( ود الجبل ) .. فــــاتت.. أو بالميت كدا .. رائعة زميلنا الأستاذ نصار الحاج : بحبرٍ مغشوشٍ وقلمٍ مُدَبَّبٍ وسميك طالما المسالة فيها حبر واقلام تصحيح .. http://sudaniyat.org/archive3/showthread.php?t=5856
06-21-2010, 11:48 AM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
Quote: بالنسبة لموضوع اغتيال الشخصية دا بقى الحاجة الانتا بتمارس فيها بامتياز هنا مستعيناً بمهارات لا حد لها من العنف اللفظي و التنميط و اللف و الدوران حرصك المزعوم على انك تعرف الزول بافكارو دا و حسب ما يأتيك بيهو دا نسفتو في لحظة واحدة باعترافك بانك مكون عني اصلاً فكرة مسبقة باعتبار انتاءه المعين الهو بالمناسبة اصلاً غير مطلق على الاطلاق لكن من يطارد ريح وهمه يقبض السراب الذي يتوهمه
لو كنت يا امجد واضع نفسك من ضمن المستهدفين للاغتيالات .. أو واضعني أنا من ضمن المجموعة بتاعت القناصة .. تكون بتبالغ عديل .. وذلك لسبب واضح: إنت بتجيب طبنجتك معاك البورد وفيها طلقة واحدة .. وتدخله في خشمك مباشرة .. وطاخ .. وتكسر في اضانك قشة .. أنا لا احتاج أن أغتال شخصيتك يا أمجد .. لانو بي اختصار ما بتعني لي شئ كبير كدا ,.. وأهو حي الله الواحد بيشوفك في الاعياد والمناسبات الرسمية .. البتعمل معاك دا اسمو اعدام ميت بطولة نور الشريف وبوسي .. اغتيال الشخصية الله لا وراك ليهو .. ولو بقيت عليهو ح اديك خبر .. وبجيب ليك (مونيكان) شيوعي من كتلة كم وتلتين .. وبقوليك جيب كراسة وتعال اكتب الخطوات بتاعت التنشين المظبوطة .. تمرير النظر على النشنكة .. الشدة الأولى حبس النفس .. إلخ.. أما إذا عايزين نعمل فك وتركيب .. بنجيب مشمعات فرش .. وارض صالحة للتمرين ..
Quote: مستعيناً بمهارات لا حد لها من العنف اللفظي و التنميط و اللف و الدوران
.. هشاشة الفكرة ممكن يا أمجد التصوير النمطي البائس ممكن يا أمجد الجمود الفكري برضو ممكن يا أمجد.. لكن التنميط دا والعنف اللفظي ديل شنو ..؟ تنميط عشان قلت ليك شيوعي ..؟ ما إنت منمط نفسك براك .. دي عايزه ليها درس عصر ..؟ وريني العنف اللفظي وين وليك علي طوالي بقوليك معليش يا أمجد وبكلم صديقنا حجر يفتح بوست اعتذار بي اسمي .. هو مدير اعمالي في المرحلة الجاية دي .. من هنا لحدت الفترة التي تلي احتفالات عيد الثورة .. ثورة الانقاذ الوطني ..
Quote: حرصك المزعوم على انك تعرف الزول بافكارو دا و حسب ما يأتيك بيهو دا نسفتو في لحظة واحدة باعترافك بانك مكون عني اصلاً فكرة مسبقة باعتبار انتاءه المعين الهو بالمناسبة اصلاً غير مطلق على الاطلاق لكن من يطارد ريح وهمه يقبض السراب الذي يتوهمه و انتا بما انك بتفترض في روحك مسكة القلم الاحمر لكتابة التقييم المطلق للاخرين بتكون باني كدا برضو على صحة الافتراضات المطلقة في التوهمات دي برضو
حرصي المزعوم ياتو .. النسفتو..؟ إنت جيتني (منسوف) ومقشر .. خليني انا المزعماتي دا .. حسع عليك الله اللبس ليك قناع .. وامشي اسال ليك أي واحد متابع البورد دا قول ليهو بتعرف أمجد فريد .. بقوليك طوالي: أمجد فريد الشيوعي بتاع الاشاعة ..؟ خليك منك إنت دا .. بي نفس قناعك دا .. وما تملصو امشي اسال ليك أي واحد تاني برضو متابع .. قوليهو بتعرف حجـــر .. ح يقوليك حجـر المجرداتي الكضاب ..؟ غير قناعك دا واللبس ليك قناع تاني واسال ليك زولا تاني .. برضو متابع .. قوليهو بتعرف فرح ..؟ بقوليك طوالي موؤؤنة عام من الود .. بتعرف ود الباوقة بقوليك الرد .. الرد .. السد السد .. وهكذا دواليك .. ودا المطلق والاطلاق حقك دا .. الاساسا أنا ما قاطعو من راسي .. وقلمي الأحمـــر .. لسة ما طلعتو من جيبي .. وقاعد يسمع في كلامك دا .. يعني أنا لا بناي .. بتاع توهمات ولا بناي بتاع بيوت جواليص ..
06-22-2010, 10:08 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: مستعيناً بمهارات لا حد لها من العنف اللفظي و التنميط و اللف و الدوران
..
Quote: عموماً يا تمبس ارى ان مطاولة النقاش في هذا يصب في مجرى الانصراف من المعنى الي الشكل ولا اظنك بلغتك الهادئة في ردك علي اعلاه ترغب في ذلك
..
Quote: بالنسبة لمسألة تلوين الاسم ... لم اقصد يا فردة (ان كنت تسمح لي بمثل هذه المخاطبة)
.. اعتقال نجلاء سيد أحمد و اقتيادها لمكان غير معلوم ... أنا طبعا يا أمجد بتعامل معاك وفق ما بيننا من فردنه .. وطالما نحن فرد يا فرده .. فيجب علي كل فرده .. التعامل مع فردتو وفق اصول الفردنه المنصوص عليها في (أقواسك اعــلاه) .. لكن ما ممكن تفردني .. وتجي تزوغ مني في اقرب (ملف) .. وتجيب لي كلام كبار زي دا ..
Quote: هشاشة الفكرة التصوير النمطي البائس الجمود الفكري
إنت هنا .. رفعت مني قزاز (الأفرادية) .. بينما أنا لحدت الآن بتعامل معاك كفرده (صاقعة)... هل لديك أقوال أخرى ..؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حمور زيادة
بشير أحمد
وليد محمد المبارك
الفاتح سليمان
Amjed
tmbis
Mohamed E. Seliaman
فيس بوك
تويتر
انستقرام
يوتيوب
بنتيريست