|
|
|
 Re: تضامنوا مع السيد الرئيس/محمد إبراهيم نُقد.. (Re: بشير أحمد)
|
Quote: الشئ شنو كل الجماعة المحسوبين عليه؛
مع الريس عرمان. |
الشئ البحاول الشيوعيين هنا عدم إثارته هو أيام عرمان بالحزب
حيث أخبرني أحدهم معلومة لم أستطيع تأكيدها أو نفيها
أن عرمان تم فصله ولم يستقل أو إستقال بعد علم بتشكيل لجنة محاسبة له
لتمرده على نظام الحزب
ويبدوا أن عرمان جاي راجع بشعور عُلْوي تجاه بيته القديم
| |
  
|
|
|
|
|
|
|
|
Re: تضامنوا مع السيد الرئيس/محمد إبراهيم نُقد.. (Re: بشير أحمد)
|
الأخ بشير مساء الخير
نقد لو نزل كمستقل والله كان حصد من الأصوات اكتر مما يلاقيه بأسم الحزب الشيوعي وأنا شخصياً كنت حا أديه صوتي وأحفز أسرتي في يصوتوا ليه
نقد مافيه كلام ولافيه مقارنة مع عرمان مؤسف ومخزي من الشيوعيين عدم مساندتهم لنقد وهتافهم لعرمان الذي يعتبر من منافسيه
يا بشير وقوف الشيوعين مع عرمان يضر بيه اكتر مما ينفعه زي وقفتهم مع لبنى
بكل صدق وأمانه أتضامن مع نقد في ما يعانيه من أعضاء حزبه واقدر صبره وتحمله لهم
| |
|
|
|
|
|
|
|
|
|
Re: تضامنوا مع السيد الرئيس/محمد إبراهيم نُقد.. (Re: بدر الدين اسحاق احمد)
|
?so what
يعنى شنو?..
إنت قايل نفسك بتستهزأ بي نقد وللا الشيوعيين?
يا سيدى الكريم نقد يكفيه تصديه للقيادة والحزب الشيوعى
يفقد أكثر من عشرة من قادته في يوليو واحد وسبعين... تاريخ
نقد لا نقيمه بنقرات علي الكيبورد....نقد في أرزل العمر بلا
أسرة ولا مال ولا سلطة.. نقد باق في وجدان السودانيين بما وهب
من حياته وعمره مطاردأ من شتي الديكتاتوريات إسلامية كانت أو متمسحة
بمسوح الإشتراكية وغيرها....
أما عن مهزلة الإنتخابات ففطنة القارئ كفيلة بها...
| |
|
|
|
|
|
|
|
|
|
Re: تضامنوا مع السيد الرئيس/محمد إبراهيم نُقد.. (Re: Elmuiz Haggaz)
|
السيد المعز
Quote: إنت قايل نفسك بتستهزأ بي نقد وللا الشيوعيين?
يا سيدى الكريم نقد يكفيه تصديه للقيادة والحزب الشيوعى
يفقد أكثر من عشرة من قادته في يوليو واحد وسبعين... تاريخ
نقد لا نقيمه بنقرات علي الكيبورد....نقد في أرزل العمر بلا
أسرة ولا مال ولا سلطة.. نقد باق في وجدان السودانيين بما وهب
من حياته وعمره مطاردأ من شتي الديكتاتوريات إسلامية كانت أو متمسحة
بمسوح الإشتراكية وغيرها....
أما عن مهزلة الإنتخابات ففطنة القارئ كفيلة بها... |
يعني شنو كمان
فرحنا بي ترشيح نقد وقلنا خلي الشيوعيين يجيبو سيرته ويتفخروا وينصفوا لينا الراجل دا ويورونا صفحات بيضاء للوفاء والعرفان لرجل خدم الحزب بحياته جروا لي عرمان والمفترض يكون المنافس لنقد وسجلوا نقطة سوداء ما تنمحي في سابقة غريبة أول حزب في التاريخ والسودان يهرع أعضائة لتأييد مرشح منافس ، طيب وكت أنتو عندكم خاطر عند لعرمان وحبال ودكم معاه قولوا ينسحب لنقد ونقد أحق بالرئاسة من عرمان
بعد دا تجي بكل صبيانة وطفوله تقول يعني شنو مع أحترامي ليك زي كلمتك دي ما بقولها الإالأطفال لمن يتفاخروا في أحاديث الطفولة بينهم أو يبرروا بيها أخطاءهم
لو سألك مواطن عادي في الشارع عن موقفكم دا حا تقول ليه شنو ... حا تقول ليه كلمتك دي وبرضه عاوزه يمشي في الصندوق يدي صوته لي عرمان ولا لنقد زاته
الشيء التاني ما قادر أفهمه بتوصفوا الأنتخابات بالمهزلة ومشاركين فيها وصوتكم هو العالي
يا أخي الناس لو لاعبة كوشتينه وحست أنو فيها عدم جدية بتبطلها وتحردها خليك من أنتخابات
طيب وكت هي كلام فارغ ومهزلة وتزوير وكلام فارغ ختوا ليكم كلمة واحدة من ديل وجلوها وخلوا المواطن يفهم
القارئ الذكي دا زي ما عارف الأنتخابات دي مهزلة ولا جد عاوز يعرف موقفكم الغريب دا
للتنبيه : لوكان الهتافات
| |
|
|
|
|
|
|
|
|
|
Re: تضامنوا مع السيد الرئيس/محمد إبراهيم نُقد.. (Re: Elmuiz Haggaz)
|
Quote: نقد في أرزل العمر بلا
أسرة ولا مال ولا سلطة |
عشان كدا مترشح يال ترى ؟؟ عايز واحدة من ديل ؟؟
اقترح فتح صندوق معاشات لديناصورات السياسة السودانية يصرف ليهم مرتبات شهرية - ومجزية كمان - عشان يحلو من صدورنا
وانا شخصيا مستعد اساهم فيهو ..
لانه يبدو ان اموال التفرغ وما يمكن ان تأتى لهم به المناصب من اموال قد صار دافعهم الرئيسي لما يمارسون من ابتذال .
| |
|
|
|
|
|
|
|
|
|
Re: تضامنوا مع السيد الرئيس/محمد إبراهيم نُقد.. (Re: عبدالعزيز حسين عبدالرحيم)
|
الاخ/عبدالعزيز
تحياتي؛؛؛
Quote: نقد لو نزل كمستقل والله كان حصد من الأصوات اكتر مما يلاقيه بأسم الحزب الشيوعي وأنا شخصياً كنت حا أديه صوتي وأحفز أسرتي في يصوتوا ليه
|
لو قال مُستقل ؛كان القيامة قامت عليهو
Quote: نقد مافيه كلام ولافيه مقارنة مع عرمان مؤسف ومخزي من الشيوعيين عدم مساندتهم لنقد وهتافهم لعرمان الذي يعتبر من منافسيه
|
تعرف ياعبدو الشيوعيين احتفلوا بالمؤتمر الخامس
اكتر من ترشيح نقد للرئاسة
لو عملو نص جهد الخامس ؛كان نفسيا كده بيكون الواحد راضي عن نفسه.
| Quote: بكل صدق وأمانه أتضامن مع نقد في ما يعانيه من أعضاء حزبه واقدر صبره وتحمله لهم |
هييي ما دايم الا وجه الله.
| |
|
|
|
|
|
|
|
|
|
Re: تضامنوا مع السيد الرئيس/محمد إبراهيم نُقد.. (Re: Tabaldina)
|
الأخ تبلدينا
ليك تحية وأحترام
Quote: حسي عليكم الله جدو نقد دا
لو شاف ليهو حجة ومصلاية وسبحة
وساق معاهو الامام ومولانا
ما احسن ليهم من الدنيا الزايلة دى ...
|
الله يديناويديكم خير خاتمه ويختم لنقد بالصالح
قبل كدة ذكرت أنه نقد بزكرني ناس شفتهم في برنامج تلفزيوني بختوهم في حوض مليان عقارب والفائز البقعد مده أطول
نقد إنسان مبدع وخارق عارف بتتجلى براعته وين أن قاعد في راس هرم الشيوعين وما بنقرص منهم لكن دي حارة والله خاصة أنو زول كبير
ما حار الشاب يعرس في مرته لو مر على زواجهم سنين قليله الحارة وكعبة تعرس فيها بعد سنين طويلة وبعد ما تكبر
ياها دي الحالة الحاسي بيها نقد هسع
| |
|
|
|
|
|
|
|
|
|
Re: تضامنوا مع السيد الرئيس/محمد إبراهيم نُقد.. (Re: بشير أحمد)
|
يتيح النظام الرئاسي القوي مثلما الحال في أمريكا فرصة التصويت للجميع لشخوص المرشحين وليس فقط لبرامج أحزابهم! مثلا صوت كولن باول القيادي في الحزب الجمهوري لباراك أوباما...هذا لم يجعله ديمقراطيا فجأة ولكنها حقوق ديمقراطية أصيلة.
من حق أي مواطن الإختلاف مع حزبه في إختياره لأي مرشح و التصويت بناء على ذلك.
من يحاول تعيير أعضاء أي حزب بسبب خياراتهم لمنصب الرئيس يخشون التحالفات الخطيرة عليهم فقط, و هذا لن ينطلي على أحد.
| |
|
|
|
|
|
|
|
|
|
Re: تضامنوا مع السيد الرئيس/محمد إبراهيم نُقد.. (Re: Adil Isaac)
|
السيد عادل
| Quote: يتيح النظام الرئاسي القوي مثلما الحال في أمريكا فرصة التصويت للجميع لشخوص المرشحين وليس فقط لبرامج أحزابهم! مثلا صوت كولن باول القيادي في الحزب الجمهوري لباراك أوباما...هذا لم يجعله ديمقراطيا فجأة ولكنها حقوق ديمقراطية أصيلة. |
مافي مقارنة بين أمريكا والسودان والوضع يختلف نهائي ، فرق كبير بين طريقة الأنتخابات والناخبيين واتجاهات الأنتخاب وكواليس الحكم والوضع في امريكا عن الأنتخابات في السودان في حاجات كتيرة أهمها الفروق بين الجمهوريين والديمقراطيين وأختلافتهم طفيفة جداً لدرجة أن بقية العالم لا يحس الفرق بين حكم الجمهوريين في امريكا أو الديمقراطيين بل حتى في امريكا نفسها
| Quote: من حق أي مواطن الإختلاف مع حزبه في إختياره لأي مرشح و التصويت بناء على ذلك. |
الحق دا موجود طبعاً لكل إنسان إلا الشيوعيين عارف ليه لأنه دا الوكت الوحيد الحزبهم محتاج ليهم ودي الفرصه الممكن يطرحوا بيها حزبهم للجمهور ويعرضوا فكرتهم للتغيير حتى لو مافازوا لكن أثبتوا أنهم عندهم فكرة ممكن الناس تلتفت ليها
يا أخ عادل هي لبنت لكن أدوها الطير
| Quote: من يحاول تعيير أعضاء أي حزب بسبب خياراتهم لمنصب الرئيس يخشون التحالفات الخطيرة عليهم فقط, و هذا لن ينطلي على أحد. |
أي خشية موقفهم جعلهم مضحكة وأضر بي حزبهم وأضر بي عرمان نفسه
والأحد القاصدة أنت دا مش بيشمل المواطن السوداني البيمشي يضع ترشيحه في الصندوق يفهمها كيف دي أنت قايل المواطن دا داقس
| |
|
|
|
|
|
|
|
|
|
Re: تضامنوا مع السيد الرئيس/محمد إبراهيم نُقد.. (Re: Adil Isaac)
|
الاخ/عادل اسحق
تحياتي؛؛؛
| Quote: من حق أي مواطن الإختلاف مع حزبه في إختياره لأي مرشح و التصويت بناء على ذلك |
ده معناه انو الشخص مامقتنع بالحزب نفسه
ووجوده وعدم وجوده واحد في الكيان.
| Quote: من يحاول تعيير أعضاء أي حزب بسبب خياراتهم لمنصب الرئيس يخشون التحالفات الخطيرة عليهم فقط |
يعني هسع هم متحالفيين مع منو ؟
| |
|
|
|
|
|
|
|
|
|
Re: تضامنوا مع السيد الرئيس/محمد إبراهيم نُقد.. (Re: بشير أحمد)
|
Quote: قال محمدإبراهيم نقد في تصريح خاص لـ(smc) أن المؤتمر الوطني يحمل الكثير من ملامح الفوز في الانتخابات القادمة، مبيناً أن الوطني استطاع خلال الفترة الماضية أن يستقطب قيادات ذات تأثير عالٍ داخل الأحزاب بالإضافة إلى نمو أدبياته داخل الشارع العام السوداني.
وقال إن ترشيح القيادات التاريخية لنفسها في الانتخابات تم اعتمادها لتقديرات تعالج التعقيدات التنظيمية في بعض الأحزاب لاسيما قضية الضعف المادي في التمويل وان حظ فوز هذه القيادات ضعيف في هذه الانتخابات،وأبان نقد أن المجتمع الدولي هو الذي يدفع بقيام الانتخابات مؤكدا أن هذا الاتجاه لا يعبر عن رغبة المؤتمر الوطني أو المعارضة مبينا أن المؤتمر الوطني قبل بالانتخابات كاستحقاق أقرته اتفاقية السلام الشامل التي تدعمها الأسرة الدولية.
.............................
الخبر ورد فى نشرة الــــــــــsmc |
| |
|
|
|
|
|
|
|
|
|
Re: تضامنوا مع السيد الرئيس/محمد إبراهيم نُقد.. (Re: محمد حسن العمدة)
|
Quote: الكوز حاري ليهو شي ود موسى حاري شنو ؟
تفشي غبائن قديمة ؟!! |
البزعلني يامحمد حسن ياخوي
انك ماقاعد تجيب لينا حاجة نستفيد منها
هسع عليك الله بدل تتضامن مع عمك ده ؛تجي تجدع ليك كلام وتمشي؛
ياخوي لو بتفتكر انو انا بكتب هنا عشان اكون حاري لي شئ
تكون غلطان ؛الحمدلله إموري ماشه تمام والله في جدة.
بس ياهو ده فهمكم للامور ؟عشان كده الكيزان ح يركبوا تاني
الي أن يشاء الله.
اها إنت حاري من ناس حزب الامة شنو؟
تعويضات وهلمجرات ؛؛
بدل إنت مجدوع في الطائف .
| |
|
|
|
|
|
|
|
|
|
Re: تضامنوا مع السيد الرئيس/محمد إبراهيم نُقد.. (Re: بشير أحمد)
|
Quote: ياخوي لو بتفتكر انو انا بكتب هنا عشان اكون حاري لي شئ
تكون غلطان ؛الحمدلله إموري ماشه تمام والله في جدة.
بس ياهو ده فهمكم للامور ؟عشان كده الكيزان ح يركبوا تاني
الي أن يشاء الله.
|
لا حولاااااااااااااا
وكمان في جدة ؟؟
انت عارف كيزان جدة ديل افسد خلق الله ...
| |
|
|
|
|
|
|
|
|
|
Re: تضامنوا مع السيد الرئيس/محمد إبراهيم نُقد.. (Re: بشير أحمد)
|
| Quote: هسع عليك الله بدل تتضامن مع عمك ده ؛تجي تجدع ليك كلام وتمشي؛ |
ليه قايلني انا شيوعي انا حزب امة وبتضامن مع مرشح حزب الامة القومي
Quote: خليك من جدة ؛ناس الطائف زاتهم جايبين خبرهم؛
فضحتونا مع الاجانب ياخي
ياخي في زول طوالي فاتح بلاغات ؛مرة في ناس السفارة
ومرة في ناس المؤتمر الوطني
|
غايتو دا ما بعرفو
لكن زمان عم مبارك فتح بلاغ في دكتور الخاتم الياس قال دا شيوعي قالو ليهو امشي شوف ليك شغلة اشتغلا
طبعا ناسكم معروفين بالتزوير والكضب وعلى راسهم رئيسكم
| |
|
|
|
|
|
|
| |
بشير أحمد
Ahmed musa
محجوب حسن حماد
Abdel Aati
بدر الدين اسحاق احمد
Elmuiz Haggaz
Adil Isaac
HAYDER GASIM
عبدالحافظ سعد الطيب
ibrahim alnimma
Abureesh
محمد كابيلا
فيس بوك
تويتر
انستقرام
يوتيوب
بنتيريست