مذكرات المهندس خالد نجم الدين عن أحداث مساء 21 أكتوبر 1964م

خمسون عاما على ثورة أكتوبر: حلمنا الذي سيكتمل

حملة للدفاع عن كرامتنا التي اذلها المشير الراقص ووقف المصريين اسأتهم لنا.

وكذا الاسود يا مريخ , وصدق مازدا ( مباريات الكؤوس تكسب و لا تلعب ) !

احتفالات ثورة اكتوبر بالمملكة المتحدة

مرحبا Guest [دخول]
أخر زيارة لك: 23-10-2014, 11:03 AM الرئيسية

مدخل أرشيف الربع الاول للعام 2010ماكلات سريعة وخطيرة للعزومات.... مطبخ بنت الحسين
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
أقرا احدث/اخر مداخلة فى هذا الموضوع »
14-01-2010, 02:37 PM

مريم بنت الحسين

تاريخ التسجيل: 05-03-2003
مجموع المشاركات: 7692
للتواصل معنا
FaceBook
تويتر Twitter
YouTube



تغيير كلمة السر

مكتبة الفساد

من اقوالهم
(مكتبة مفتوحة للتحديث)
اكلات سريعة وخطيرة للعزومات.... مطبخ بنت الحسين

    العزيزة ليلى صلاح... الشهيرة بي أبنوسه مرّه قالت لي كلام، لسبب ما عالق في ذهني بصورة كبيرة... قالت لي انها بعد شغل يستمر لمدة شهور في الاعداد لبرامج قناة الجزيرة... وبعد ان تحصل على اجازة مستحقة بالكامل، تسعى لأن تدخل في حالة "نسونه" بكل تفاصيلها الدقيقة.. ابتداءاً بفنجان القهوة الصباحية، وإلى ما لا نهاية

    خلال الاسبوعين الماضيين، وخلال الزنقة التاريخية المشهورة في الجامعة، في آخر الفصل الدراسي... نُزحم بالتصحيح والامتحانات والرصد للدرجات وإلى آخره... وبعد ان انتهت الزنقة... وبدأت الاجازة.. اردت ان اكتب هذا الموضوع الذي احبه جداً.. وهو المطبخ...

    في عدد من الاكلات البطبخها لما أكون متوقعه ضيوف ... واهم ما يميّزها انها سهلة سريعة.. ودايما بتعجب ضيوفي... حأخصص البوست ده عشان اكتب عنها... معظمها وصفات لقيتها او شفتها في التلفزيون.. وعدّلته عليها...

    اتمنى السيدات العندهم وصفات سهلة وجميلة يشاركونا بيها..

    اول وصفة حأكتب عنها، هي السمك بالفرن ...لانها سبب تفكيري في البوست ده...

    المقادير
    سمك فيليه مقطع لقطع صغيرة
    كوب زبادي
    ملعقتين طحينه
    ملعقتين مايونيز
    نص ملعقة مستطرد
    ملح-فلفل
    ملعقتين شمار اخضر طازج
    ملعقة شمار ناشف
    عصير ليمونه كبيره..
    ---اختياري(دي الاضافة بتاعتي للوصفة).. نص ملعقة صغيرة من blue cheese...

    الطريقة..
    تختي السمك الفيليه في صينية بتدخل الفرن.. او صحن باريكس.. عشان تقدمي بيه طوالي... وتخلطي بقية المقادير مع بعض.. وتكبيهم فوق السمك.. وتغطي الصينية بي foil ... وتدخليها الفرن لمدة 25 دقيقة.. بعداك تفتحي الfoil عشان ياخد لون... حيكون السمك طلّع موية .. وعمل مع المكونات صوص تقيلة بيضاء... بعد خمسة دقايق .. طلعيها.. لزيييزة مع الرز او الخبز او من غير اي شي



    blue cheese


    الطبق القادم... shepherd pie with a twist (فطيرة الراعي... مع تعديل لزيز)
                   Subscribe on YouTube |Articles |News |مقالات |اخبار

14-01-2010, 02:40 PM

محمد يوسف الزين

تاريخ التسجيل: 08-02-2008
مجموع المشاركات: 1967
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: مريم بنت الحسين)

    Quote: blue cheese
    Quote: المقادير
    سمك فيليه

    نص ملعقة مستطرد



    اختلفنا من قولة تيت.
                   Subscribe on YouTube |Articles |News |مقالات |اخبار

14-01-2010, 02:59 PM

مريم بنت الحسين

تاريخ التسجيل: 05-03-2003
مجموع المشاركات: 7692
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: محمد يوسف الزين)

    محمد يوسف...غايته اختلاف من غير ما تجرّب ما معانا...

    صدقني النكهات دي كلها بتتندمج مع بعضها وبتدي طعم مختلف تماماً.. امشي جرب وتعال



    ياخوانا اسمحوا لي اهدي البوست ده كله بي أكلاته، لزميلة الكنافة، عزاز شامي.... واقول ليها، اصمدي
                   Subscribe on YouTube |Articles |News |مقالات |اخبار

14-01-2010, 03:39 PM

على محمد على بشير

تاريخ التسجيل: 07-08-2005
مجموع المشاركات: 8636
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: مريم بنت الحسين)

    Quote: نص ملعقة مستطرد


    كدى قبل ما نواصل يا بت الحسين
    ورينا المستطرد دا شنو
    ولو ليهو اسم معروف غير دا ورينا , يعنى سودنيهو وكدا
                   Subscribe on YouTube |Articles |News |مقالات |اخبار

14-01-2010, 04:07 PM

مريم بنت الحسين

تاريخ التسجيل: 05-03-2003
مجموع المشاركات: 7692
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: على محمد على بشير)

    علي محمد علي

    مرحب بيك


    عليك الله المسطرد ما بتعرفه!!! سمع اضاني، في السودان، بقولوا الإسكيرت ده لونه مسطرده... هدا شكله ... وصلت؟



                   Subscribe on YouTube |Articles |News |مقالات |اخبار

14-01-2010, 04:41 PM

Raja

تاريخ التسجيل: 19-05-2002
مجموع المشاركات: 16024
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: مريم بنت الحسين)

    مريوم يا حبيبة..

    ســلامات وهابي 2010 عليك وعلى مودي ونادر..

    حأجي اتحشر وأكتب وصفاتي البريدها. طبعا أنا هواياتي زماااان كانت الرسم والكانافاه (أوعا زول يجي يقول ما بيعرف الكانافاه).

    من كم سنة وبعد ما بقيت أرجع بيتنا بس في الـ R&Rs طلعت لي هواية جديدة وهي الطبخ. وكل مرة ألقى نفسي فاضية أتفنن في إختراع كده. طبعا بعد الإتصال بصديق (وهو هنا الحاجة).

    أمبارح عملت لي فراخ روستو. مااااااا حصل.

    لغاية ما أرجع ليكم حضًروا فرخة كبيرة الحجم عشان تتقطع قطع كتيرة:))
    وبصلة متوسطة الحجم. بهارات وزيت. أبعدوا من السمن في طبخات الشتا عشان الأكل بيبقى باااارد في ثواني.

    وما تنسوا الملح:))


    تحياتي للحبيبة ليلى وأسرتها وكل عام وهم بخير
                   Subscribe on YouTube |Articles |News |مقالات |اخبار

14-01-2010, 05:06 PM

محمد الشيخ أرباب

تاريخ التسجيل: 17-06-2008
مجموع المشاركات: 1272
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: Raja)

    Quote:
    ورينا المستطرد دا شنو


    mustard = الخردل
                   Subscribe on YouTube |Articles |News |مقالات |اخبار

14-01-2010, 05:13 PM

عمر سعد

تاريخ التسجيل: 31-05-2007
مجموع المشاركات: 2462
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: مريم بنت الحسين)

    وصفه عمل لقيمات والشاى فى النار والضيوف فى الصالون

    نجيب self rise دقيق سريع التحضير يحتوى على خميره نضيف عليه قليل من الملح و نعجنو بمويه ليتماسك ويكون القوام متماسك

    فى المسافه دى بيكون الزيت فى النار ...

    بنرمى الرميه الاولى فقط قطعه بسيطه حتى تاخد لون داكن بعدها ونرميها .

    نقطع حسب الطلب ونرمى خلال 10 دقائق او اقل بيكون عندك طبق كامل من اللقيمات سريع التحضير

    ليقدم مع الشاى ويا رييت يكون شاى بالقرفه ...................................
                   Subscribe on YouTube |Articles |News |مقالات |اخبار

14-01-2010, 05:23 PM

Raja

تاريخ التسجيل: 19-05-2002
مجموع المشاركات: 16024
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: عمر سعد)

    أها نجي لروستو الفراخ.

    تقطع الفرخة قطع متوسطة (لا صغيرة لا كبيرة.. هههههه)

    - يتم غسلها وتجفيفيها.
    - تحمًر في زيت حار وكتير.
    تنشل من الزيت في ورق تنشيف عشان بعدين برضو في زيت.
    - في حلة ضغط يتم وضع قليل من الزيت. وتقطًع البصلة ونضع باكبنج باودر. البصلة يبقى لونها شفاف ما تحمر.
    - نضع الفراخ المحمًرة في البصلة. ونضيف ملح + شوية كزبرة ناشفة ما خضراء + فلفل + كمون ونقطع فلفلية متوسطة.

    نضيف نصف كباية موية. وتقفل الحلة لتنضج بالبخار.

    10 دقايق بس والأكلة تبقى جاهزة.

    وبالهنا
                   Subscribe on YouTube |Articles |News |مقالات |اخبار

14-01-2010, 05:32 PM

Raja

تاريخ التسجيل: 19-05-2002
مجموع المشاركات: 16024
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: Raja)

    لازم أشكر الحاجة على فكرة الأكلة. أمي بتعمل بدلا من الفراخ "كستليتة".. أحلى كستليتة ممكن تاكليها:)))


    الله يغفر ليك يا مريوم. شكله الزول جعان الليلة..هههههه
                   Subscribe on YouTube |Articles |News |مقالات |اخبار

14-01-2010, 05:24 PM

ombadda

تاريخ التسجيل: 10-10-2002
مجموع المشاركات: 6145
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: عمر سعد)

    بالجد أشكرك (عمر سعد)..محتاج للوصفة دى شديد وخجلان أسأل منها أى زول...هههه
                   Subscribe on YouTube |Articles |News |مقالات |اخبار

14-01-2010, 05:35 PM

smart_ana2001

تاريخ التسجيل: 17-04-2002
مجموع المشاركات: 5650
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: ombadda)

    مريم...صحبتى....ان شاء الله بالف خير.
    الاسبوع الجاى ده ح اجرب السمك....و بجى اوريك الحاصل.
    انا حقيقى بحب الاكل و الطبيخ جدا... جدا. الايام دى الموضه عندنا فى البيت اكل هندى. بجيك راجعه بوصفه او صفتين كده.
    ______________________________
    رجاء .....مشتاقين....و ينك يا اخى
                   Subscribe on YouTube |Articles |News |مقالات |اخبار

14-01-2010, 05:46 PM

Raja

تاريخ التسجيل: 19-05-2002
مجموع المشاركات: 16024
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: smart_ana2001)

    سمارتي يا حبيبة ســلامات ومشتاقون بجد..

    أنا وحاتك ما عارفة راسي من رجليً. كل يوم بلدنا فيها مصيبة جديدة. دعواتك..

    ـــــ

    عمر سعد وأمبدة ســلام وكل عام وأنتم بخير

    طبعا يا عمر اللقيمات دي أديك ليها وصفة شاي ماسالا.. وبالهنا مقدما:

    - كيلو حليب سايب.
    - سكر. ممكن يكون خفيف للناس العاملة ريجيم وكده. لكن الماسالا ما بيكون حلو..
    - قرفة - هبهان - بهار شاي عند اي عطًار - وشاي خرز

    الطريقة:
    يوضع اللبن ليغلي. وتضيف ليه كل المكونات أعلاه وتقلبه.
    أتركه لينهي غليانه وقوم بتصفيته بقطعة قماش نظيفة (ما مصفى بالله لو سمحتو..هههه)

    ويقدم ليشرب مع لقيماتك الظريف..



    * طبعا حيجيني زول يقول لي ده ما الشاي الساموطي زاتو.. أيوة قريب منه بس بيفرق في البهارات



    مريوم إستلمت منك البوست.. طالعة مشوار وحأرجع باكلة تانية:))))
                   Subscribe on YouTube |Articles |News |مقالات |اخبار

14-01-2010, 06:15 PM

مريم بنت الحسين

تاريخ التسجيل: 05-03-2003
مجموع المشاركات: 7692
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: Raja)

    رجاء العزيزة... ياخ والله البوست على حسابك... عليك الله كان ما جربتي اكلة السمك دي.. انا متأكده انها حتعجبك... لزيزه جدا جداً... طبعا انا تصويتي دائماً للفرن... الاسباب كتيره خالص.. اولاً بكره ريحة التحمير، الحاجه الوحيدة البحمّرها هي الاسود، لانه سلطة الاسود المحمره إدمان عندنا.. وريحة التحمير انا من زمن في بيت امي، قاعده اطفش منها.. واصحى زهجانه... ومحتجّه كالعادة... ثانياً بحب الاكل الصحّي... لاننا بعد ده الحال، ماشين في العريض.. ولولا الellpitcal machine كان حسي الباب ده ما بدخّلني...(باب صغير، ما تسرحوا بعيد) أكلتك دي، حأجرّبها... واجي اديك الfeedback...

    عمر سعد... اللقيمات دي، انا والله بعرف اجيّها كويس.. بس دي شكلها وصفة جميلة وسريعة... حأجربها برضه واديك رأيي... بس النشتري selfraising دقيق.. لاني ما قاعده استعمله عادة...

    سمارت العزيزة... منتظرين الهندي... انا بحب جداً اجرّب الحاجات الجديدة...

    بجيكم بكره بالوصفة التانية...

    ماشين ندوي محمود الألعاب! على قولته
                   Subscribe on YouTube |Articles |News |مقالات |اخبار

14-01-2010, 06:21 PM

مريم بنت الحسين

تاريخ التسجيل: 05-03-2003
مجموع المشاركات: 7692
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: مريم بنت الحسين)

    محمد الشيخ أرباب
    ألف شكر على الترجمة ... والله دي كانت رايحة لي هههههههههه

    اها يا علي محمد علي.. عرفته المسطرد... حتعمل الوصفة ولا لأ...

    أمبده... بركه الجاتك براها... وصفة سمحة والله.. جرّب وتعال ورينا




    *tip of the day
    لما تحمري اي حاجه والزيت يكون نظيف (بطاطس، اسود ...) استغلي الباقي في انك تحمري بصل، وبعد يبرد تدخليه التلاجه.. بجي يوم ببقى ليك sauce لكفته.. او ممكن تديه شوربة جداد، وحبّة ويكة.. ويطلع ملاح ام رقيقه ما حصل... َ
                   Subscribe on YouTube |Articles |News |مقالات |اخبار

14-01-2010, 06:24 PM

tasneem

تاريخ التسجيل: 05-02-2002
مجموع المشاركات: 1036
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: مريم بنت الحسين)

    متابعين يا بت الحسين

    ماتنسي الحاجات الحلوة

    لانو انحنا عندنا في بلدنا دي طوالي في حالة جلسات نسوية
    مع الاطباق المتنوعة


    عامك سعيد محاط بالصحة والهناء
                   Subscribe on YouTube |Articles |News |مقالات |اخبار

14-01-2010, 07:01 PM

Teeta

تاريخ التسجيل: 23-02-2003
مجموع المشاركات: 669
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: tasneem)

    بت الحسين

    سلام عليك وكل سنه وانت طيبه

    بسأل يابت أمى من وصفة عمل طاجن الفراخ
    لكن بدون مسطرده
                   Subscribe on YouTube |Articles |News |مقالات |اخبار

14-01-2010, 07:19 PM

ابن عفان

تاريخ التسجيل: 30-12-2009
مجموع المشاركات: 164
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: Teeta)

    يا مريم و راجا و عمر سعد بالله واصلوا لينا فى البوست دا.

    شكلكم حرفا ( الحاء عليها ضمة) و عارفين ليكم و صفات ساهلة و لذيذه.

    و دى أكتر حاجة سأحتاجها فى ألأيام القادمة.


    أخوكم الما عزابى مع وقف التنفيذ (فهمتونى)
                   Subscribe on YouTube |Articles |News |مقالات |اخبار

14-01-2010, 07:28 PM

عمر سعد

تاريخ التسجيل: 31-05-2007
مجموع المشاركات: 2462
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: ombadda)

    طبعا الخلطه والشغل ده تعلمتو من فنان مشهور جدا جدا لكن لو كتبته اسمو بيجى بيقتلنى هنا .........

    لانو يوم كلمت اختى بيهو لمن جانا قال لى ما تعمل لى سمعه ياخى ...............................

    بس بنزل ليهو اغنيه لو عندى زمن شفتنى بحب المشاكل كيف يا امبده

    بعد تخلص ورينى بس الخلطه اعمل حسابك فيها كويس يا امبده الخليط ما يكون مويه ولا يكون قوى اوكى مساله تجربه وبتظبط معاك الاول ده اكلو براك بتلقى نوعين من self raising انا بحب اللونو ازرق وفى واحد تانى لونو برتقالى او بيجى برضو كويس ...........

    دايرين وصفه لى (سمنقايه ) يا بت الحسين ؟
                   Subscribe on YouTube |Articles |News |مقالات |اخبار

14-01-2010, 09:09 PM

محاسن زين العابدين

تاريخ التسجيل: 21-02-2008
مجموع المشاركات: 1440
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: عمر سعد)

    لقبت اكلات وعزومات زز ومطبخ
    وعمر سد جوه قلت النتاوق
                   Subscribe on YouTube |Articles |News |مقالات |اخبار

14-01-2010, 09:22 PM

محمد الشيخ أرباب

تاريخ التسجيل: 17-06-2008
مجموع المشاركات: 1272
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: محاسن زين العابدين)

    Quote:
    وقوم بتصفيته بقطعة قماش نظيفة (ما مصفى بالله لو سمحتو..هههه)


    يا رجاء

    ده جزء من الطقس ولا مهم للطعم

    تحياتي
                   Subscribe on YouTube |Articles |News |مقالات |اخبار

14-01-2010, 09:35 PM

منال

تاريخ التسجيل: 21-07-2009
مجموع المشاركات: 3511
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: محمد الشيخ أرباب)


    مريم ازيك


    اليومين دى انا داخلة فى حالة ريجيم قاسى

    عشان كده بدخل بوستيك ده اقرآ واشبع


    اها كدى وصفى لينا الخروف المحشى بالفرن (وش ميت من الجوع)
                   Subscribe on YouTube |Articles |News |مقالات |اخبار

15-01-2010, 11:03 AM

مريم بنت الحسين

تاريخ التسجيل: 05-03-2003
مجموع المشاركات: 7692
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: منال)

    tasneem
    جداً .. حأخصص جزء للحلويات اكيد...

    Teeta
    عندي وصفة طاجن دجاج، دوليه.. بعمل منها نسختين.. واحده طاجن، وهي نفسها ممكن تبقى دجاج بالفرن....

    ابن عفّان... مرحب بيك، وربنا يفك عزوبيتك المؤقتة... انا ناوية انقل وصفات كتيرة بعملها عادة... والهدف برضه اني كتير جداً بنسى انا بعرف اعمل شنو.. واتحيّر... ده حيكون لي reference

    عمر سعد ... (سمنقاية) دي ما بعرفها هي زاتها شنو... لكن I'm open to new things.. ورينا ابداعاتك... شكلك خطير في المطبخ

    محاسن.. بطّلي متاوقة، وادخلي عديل عليك الله.. وورينا وصفاتك

    محمد ارباب
    اعتقد ده جزء من الطعم زاتو.. رغم اني ما حصل ضقته شاي مسالا.. بس مرته شفته في التلفزيون... قطعة القماش دي بمصرووووووها لما روحها تمرق.. عشان تمرق ليك النكهة بتاعت الشاي

    منال
    مرحب بيك... ياخ ريجيم شنو.. انا اقتنعت انه الريجيم ده اكبر كذبه بنعملها لروحنا... الكلمة الاساسية هنا (الاعتدال، الاعتدال، الاعتدال)... ومعاه الرياااااااااااااضة.. يومياً... تلقي نفسك بتسيحي..... ده بالمناسبة بوست مستقبلي للإجازة البعد الفصل الثاني

    تابعوا معاي طبق الليلة
                   Subscribe on YouTube |Articles |News |مقالات |اخبار

15-01-2010, 11:20 AM

Yassir Tayfour

تاريخ التسجيل: 18-08-2005
مجموع المشاركات: 10835
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: مريم بنت الحسين)

    يا بت الحسين سلامات،
    نحن كعزابة، "الطيارة قامت" هلكتنا والله، ويا قول عبداللطيف بكري، ذبحتنا، عديل؛ حا أجرِّب موضوع السمك ده، فيا جيتك راجع أشوف لي وصفة تانيَّة يا كمان مشيت المستشفى..
    ____
    تحياتنا الأخ العزيز نادر..
                   Subscribe on YouTube |Articles |News |مقالات |اخبار

15-01-2010, 11:22 AM

مريم بنت الحسين

تاريخ التسجيل: 05-03-2003
مجموع المشاركات: 7692
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: مريم بنت الحسين)

    shepherd pie أو فطيرة الراعي اكلة لزيزه جداً... وسهلة وسريعة
    انا بعملها بطريقة شوية مختلفة... والاختلاف الاساسي في النكهات..

    المكوّنات
    لحمة مفرومة
    بصلة
    ثوم
    صلصة
    فاصوليا خضراء (ممكن المجمدة او الfresh)
    ملح وفلفل
    بهارات (قرفة وكزبرة منشّفة)
    ثلاثة حبات بطاطس
    حلقات اسود محمّر
    ملعقتين مارجرين او زبدة
    بيضة
    (جبنة فيتا بحليب الماعز او اوريغانو وبيزيل وتوم بودره) واحد من الخيارين ديل عشان نكهتين مختلفتين.. ما حصل عملتهم مع بعض

    قشّروا البطاطس، وقطعوه لمكعبات كبيرة... وفي موية اسلقوه ومعاه نص ملعقة ملح... وخلوه يتسلق... في المسافة دي تقلبوا البصلة في حبّة زيت شوية لحدي ما تدبل شوية.. وتضيفوا ليها اللحمة المفرومة، والبهارات والصلصة والثوم... والفاصوليا الخضراء.. وتخلوهم يستووا كلهم سوا... ممكن تضيفوا حبّة موية ليهم ... بعداك تكبوهم في صحن بدخل الفرن... وترصوا من فوق ليهم حلقات الاسود المحمّر (انا بحمّر اسود كتير وبخته في الفريزر، عشان كده دايماً عندي اسود محمّر، ولو مافي ما ضروري.. بس بعمل إضافة رهيبة) بعداك بعد يتسلق البطاطس..تصفوا منّه المويه.. وتهرسوه بي هرّاسه البطاطس.. زي دي ... طبعا هي ممكن تفيد برضه في تكسير الفول...


    بعد تتهرس البطاطس.. نضيف ليها المارجرين او الزبده طبعا البطاطس حيسيّحها... ومعاه ملح وفلفل... والبيضة (حركوا بسرعة عشان البيضة ممكن تستوا مع الحرارة) بعداك اضيفوا قطع صغيرة من جبنة فيتا الماعز goat cheese ملعقة كبيرة.. ولو مافي تقدروا تختاروا الخيار التاني... اوريغانو (الزعتر البرّي) والبيزل (الريحان) ومعاهم توم بودره... في النهاية.. تفردوا البطاطس ده فوق المجموعة الاولى... وباستخدام شوكة.. اعملوا خطوط فيها.. وتدخلوها الفرن... لمدة عشرين دقيقة...الخطوط دي مع البيض حتدي لون وشكل عجيب للأكل...

    قبل يومين عملتها في البيت.. ممكن تتعمل لغدا البيت، ومعاها سلطة خضراء.... او ممكن تتعمل كجزء من عزومة..

    الاكلة دي انا بسميها المنقذة... لأنها سريعة.. سهلة... ولزيزة جداً... وفيها كل المواد الغذائية الضرورية.. يعني الواحد ممكن ياكلها بالشوكة.. وخلاص..


    الطبق القادم... البيتزا بطريقتي المختصرة (حأشرح منها نوعين.. بدقيق ابيض، وبدقيق اسمر... )

    (عدل بواسطة مريم بنت الحسين on 15-01-2010, 11:26 AM)

                   Subscribe on YouTube |Articles |News |مقالات |اخبار

15-01-2010, 11:29 AM

محمد الشيخ أرباب

تاريخ التسجيل: 17-06-2008
مجموع المشاركات: 1272
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: مريم بنت الحسين)

    Quote:

    نحن كعزابة، "الطيارة قامت" هلكتنا والله


    يا ياسر

    انت اكثر حداثة من غيرك في ناس لسع شغالين ب "القطر قام" هههه.

    تحياتي
                   Subscribe on YouTube |Articles |News |مقالات |اخبار

15-01-2010, 11:57 AM

مريم بنت الحسين

تاريخ التسجيل: 05-03-2003
مجموع المشاركات: 7692
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: مريم بنت الحسين)

    والله يا ياسر طيفور حتدعي لي... الوصفة ظريفة جداً.. بس طبّقها صح.. قبل اسبوع تقريبا عزمته جاراتي عشا.. وعملته ليهم السمك ده.. ومعاه حاجات تانية حأشرحها هنا.... اولا احتاروا هو شنو.. ثانياً... استغربوا لما عرفوا سهولة الوصفة...

    في الغربة دي، السمك مسييييخ، ما زي سمكنا بتاع النيل.... عشان كده عايز ليه تحانيس زي دي.... بس الجبنة خلي بالك ما تكتّرها.. لانه نكهتها قوية.. اعمل منها زي ما انا كاتية... وممكن تجلّي الجبنة خالص، بس والله العمل البتعمله في الطبق ده، خطير!
                   Subscribe on YouTube |Articles |News |مقالات |اخبار

15-01-2010, 12:07 PM

khaleel

تاريخ التسجيل: 16-02-2002
مجموع المشاركات: 29542
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: مريم بنت الحسين)

    مريم الاخري

    يبدو ان مطبخك للمترفين فقط

    والحاجات دي غالية جدا

    ادينا وصفات لحاجات بلدية

    تقلية نعيمية وكدا


    جمعة مباركة
                   Subscribe on YouTube |Articles |News |مقالات |اخبار

15-01-2010, 12:20 PM

مريم بنت الحسين

تاريخ التسجيل: 05-03-2003
مجموع المشاركات: 7692
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: khaleel)

    خليل ازيك

    الحاجة الوحيدة الغريبة في الوصفات دي، هي blue cheese .. ودي بتشتري منها حبببببة، بتقعد معاك تلاته شهور ما تكمل، حتى لو استخدمتها يومياً

    بالنسبة للنيعيمة والتقلية.. عندي ليهم short-cuts برضه.. يعني ملاحي ما بياخد ربع ساعة مسافة ما يمرق..

    عليك الله جرّب السمك حقّي ده.. انا عارفه انه في الدوحة في المطاعم بتعمل سمك والله بس حق السودان (إلا شويّة كده)... وجاهز، ورخيص ورهيب... لكن والله سمكي ده برضه رهيب... خلي المدام تجرّبه ليك.. وحتجي تقول مريم قالت
                   Subscribe on YouTube |Articles |News |مقالات |اخبار

15-01-2010, 04:40 PM

حاتم يوسف العبيد

تاريخ التسجيل: 11-01-2010
مجموع المشاركات: 516
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: مريم بنت الحسين)

    Quote: بالنسبة للنيعيمة


    ياخي النعيمية دي أحسن أكل في الدنيا ...


    ..

    بت الحسين .. سلامات ...
    جابتني ريحة الأكل ... وحبيت أشكرك على البوست الزمااان داك ...
    بعد ما رجعت ... تاني ... (يوزر نيم جديد.. وإشتراك جديد ..) الله كريم ..

    .. تحياتي لـ نادر ..

    ..
                   Subscribe on YouTube |Articles |News |مقالات |اخبار

15-01-2010, 12:40 PM

doma

تاريخ التسجيل: 04-02-2002
مجموع المشاركات: 15300
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: khaleel)

    مريومه سلام
    عارفه ما في شئ بكرهه في الحياه متل المطبخ لو بيدي الناس تاكل نئ
    بيني وبينك بيكون من طول الخدمه ومتمنيه اتقاعد لكين ما في طريقه
    بتي بتقول انه امها احسن من يطهو لووووووووووول وابوهم بيقول ليهم لو رفدوه نفتح مطعم
    اجيد الاكل التايلندي صيني هندي ايطالي .
                   Subscribe on YouTube |Articles |News |مقالات |اخبار

15-01-2010, 01:12 PM

خالد جادين

تاريخ التسجيل: 24-01-2009
مجموع المشاركات: 75
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: khaleel)

    سلامات يا بت الحسين
    امس في وأحد صحبى من جنوب افريقيا قالى انا جيت من البلد
    وجبت ليك هدية.
    ناولنى الكيس الماخمج انقري كان فيهو شنو
    حوالى ثلاثة كيلو لحم ناشف
    ولما لاحظ حيرتى قال لى انحنا فى البلد بعتبروا الز وجبة سريعةsnaks
    يعنى لو مستعجل يمكنك اكله على طول
    وعشان اتأكد سألته عن طريقة طبخه فاجابno no you dont have to cook it
    فازدادت حيرتى وأضاف ما معناه ان طريقة تحضره هى ان يتبل اللحم بعد تقطيعه لشرائح
    وبالطبع تضاف كميه من الملح ثم يتم شره تحت الشمس حتى ينشف
    سألتة وبعدين ؟
    قال لى لا بعدين ولا قبلين فللى .
    المهم شلت الكيس وقبل أن اودعه خطر لى ان أسأله سؤال اخير
    وسألته طيب كان طبختو البحصل شنو؟
    شعرت بيه امتعض. فكرت بسرعه انو الراجل ممكن بسؤالى الما دبلماسى يقطع
    علاقت بلدوا بالسودان وبى واعز من وطنية غريزي غمت عيونى وقرمت لى قرمه
    وانا أشتم رياح الجنة تهب
    حصلت حاجة عجيبة اولا والشهادة لله دا اطعم لحم اكلته فى حياتى
    شكرت الرجل وخطفت الكيس وجرى على البيت.
    لكن فى الطريق فكرت فى مادا بعد؟
    مادا اقول لام العيال؟
    ودى حكاية !
    سأتى لزكر ما جرى خلال الاربعة وعشرين ساعة الماضية
    بينى وبين المدام والمتعلق بالاكلة السريعة الجنوب افريقية اللزيزه
    (اعتزر هناك خلل فى الكى بورد فتجاوزا الخطأ فى لزيزه)
    محبتى ولنا عودة
    خالد جادين
                   Subscribe on YouTube |Articles |News |مقالات |اخبار

15-01-2010, 01:48 PM

عمار عبدالله عبدالرحمن

تاريخ التسجيل: 26-02-2005
مجموع المشاركات: 7832
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: خالد جادين)

    صاحبات المطبخ ,,,,,,,,,

    شوفوا لينا حاجات عزابة ,,,,,
    وركزوا لي في مقدار الموية خاصة في العجين ,,, كل ما اكب موية لعمل عجينة اقول شوية اقعد ازيد فيها وازيد في والاخر اكب في الزبالة ,,
                   Subscribe on YouTube |Articles |News |مقالات |اخبار

15-01-2010, 05:30 PM

انتصار محمد صالخ بشير

تاريخ التسجيل: 23-02-2005
مجموع المشاركات: 1280
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: عمار عبدالله عبدالرحمن)

    مريومة سلامات

    سمكك خطير .. انا بحب المطبخ جدا

    عندى قناعة اى فتاة تحب المطبخ وتبتكر فيه وتجدد من المؤكد امها ماهرة فى المطبخ

    بجيك راجعه
                   Subscribe on YouTube |Articles |News |مقالات |اخبار

15-01-2010, 07:24 PM

عمر سعد

تاريخ التسجيل: 31-05-2007
مجموع المشاركات: 2462
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: انتصار محمد صالخ بشير)

    السمنقايه

    دى طبعا تسميه ناس امدرمان ما عارف بره بيقولو عليها شنو

    سريعه جدا خلال خمس دقائق لى عشر دقايق .......من الاكلات البحبها جدا جدا ..

    بعد نحمر البصله نضيف عليها طماطم او طماطم مخلوطه احسن عصير نكب عليها مويه بعد فتره

    بعد تتسبك ونضيف عليها (دكوه) (زبده فول سودانى ) بعد نخلط الدكوه بالمويه نونضيفه

    طبعا ملح حسب الذوق او اى بهارات محببه ليك فى المسافه دى تقطع العيش وتاكل بعد تتاكد

    انك قفلت الباب عشان ما يجيك حد يكمله معاك

    1/دكوه
    2/طماطم معجونه
    3/بصل
    4/مويه--ملح

    اسرع من كده مافى يا امبده جرب وفيد باك
                   Subscribe on YouTube |Articles |News |مقالات |اخبار

15-01-2010, 07:44 PM

مريم بنت الحسين

تاريخ التسجيل: 05-03-2003
مجموع المشاركات: 7692
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: عمر سعد)

    حاتم يوسف العبيد.... ما عرفتك والله، اسمك القديم كان شنو... النعيمية السريعة حأشرحها بعد شوية


    خالتي دومه.. والله الزوله الطباخة بتكون دايما حنينة زيك كده... انا متأكده انك بتحبي الطبيخ.. لانك لو ما بتحبيه ما بكوني رهيبة كده.. ادينا من طبخاتك عليك الله... وركزي على التاي والهندي... ديل مطبخين لازم اجرّبهم.. لسه ما اتعلمته منهم شي... منتظراك.. الرسول تجي


    خالد جادين.. شوقتنا والله... زوجتك اتقبلت الsnack دي كيف... شكرا على المشاركة معانا..


    عمار... والله الطبختين ديل حقات عزابه... كده سمّي بالله كده واعملها... انا شغلي كله سريع سريع كده.. على قول الامريكان working mom ما عندي وقت للمطبخ ... لكن بحبه شديد.. عشان ده بحاول قدر الامكان ابتكر

    انتصار صاحبتي.. والله امي طباخه لدرجة .. الله يخليها لينا.. انا حسي مسافرة ليها بعد اسبوع.. وعندي كمية من الطلبات... عايزه منها ملاح نعيمية وملاح روب ابيض وملاح ام رقيقه بي الجداد... تعرفي الملاحات دي كلها بعملها في بيتي، ونادر ومحمود بقولوا عليها رهيبة... لكن انا اصله ما بقتنع بملاحاتي .... منتظرين وصفاتك

    عمر سعد.. والله ما بعرفك الفت الاسم ده من وين.. ياخ دي اسمها السخيييييييييييينة... وإلزامي معاها لازم يكون في شطة بي دكوه... والعجب لو اديتها طرقة بتاعت كسره بايته، فرشتها تحت العيش.... تقول لي blue cheese ههههههه
                   Subscribe on YouTube |Articles |News |مقالات |اخبار

15-01-2010, 08:11 PM

مريم بنت الحسين

تاريخ التسجيل: 05-03-2003
مجموع المشاركات: 7692
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: مريم بنت الحسين)

    tip of the day

    اهم حاجة مفروض تكون في مطبخك هي دي



    food processor
    ... احنا مطبخنا بعتمد كتير جدا على البصل... الآلة دي حتريحك من القطيع والريح... وتقدري تقطعي كمية من البصل في وقت قصير.. سواءا شرائح... او قطع صغيرة... مفيدة برضه لو عايزه تبشري خضار.. انا بعملها بيها سلطة روب بي الخيار والجزر... ما تخلص.. انا بشوفها في المطبخ اهم من الخلاط زاتو... وما بالضرورة تمشي تشتري النوع الغالي او الماركة المعروفة.. انا اشتريت بتاعتي من محل في العين، بي كم واربعين درهم (تقريبا 12 دولار)... وهدي شغاله معاي زي البمب...
                   Subscribe on YouTube |Articles |News |مقالات |اخبار

15-01-2010, 09:13 PM

doma

تاريخ التسجيل: 04-02-2002
مجموع المشاركات: 15300
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: مريم بنت الحسين)

    مريومه بتي الرسول ليهو الحرم والكرم

    الاكل التايلندي بتعمل سريع وممكن تقولي انه مطبخي المفضل لكين حارق لانهم بستعملوا شطه او جنزبيل فرش او حتي الفلفل فرش
    اول مره لما مشينا المطاعم التايلنديه تعبنا لكين فتره بسيطه واتعودنا عليه حتي اطفالي يحبونه وحتي لما اكون في المانيا بنمش المتجر الاسيوي عشان نشتري لوزام الاكل التايلندي كالرد كري وقرين كري ويلو كري احمر واخضر واصفر وبختلف عن الكري الهندي توم يم بيست توم كا بيست لبن جوز الهند الصويا صوص اويستار صوص احسن اكتب ليك الاسماء بالانجليزي
    glass noodles, Soya sauce, Tom yum paste, Tom Ka paste, Red Curry . green Curry, Yellow curry ,Oyster sauce, Coconut Milk, Tamarind , Basil leaves < Lemon grass< Corriander leaves they call it Bakshi in Thai Spring onion ,a lot of Garlic, fresh ginger, وغالبا يؤكل بالارز المبخر وبفضل الارز التايلندي برضو اجمل من الصيني . ممكن تعملي الاكله في نصف ساعه لو كنت سريعه في التقطيع الارز بتعمل بالارز كوكار يعني ما بكلف زمن ولا عايز منك اي مراقبه .
    كميه اللحم المستعمل غاليا ما بتكون كثيره وتستعمل انواع عديده من الخضروات حتي في الصحن الوا حد والالوان شئ مهم احمر اخضر اصفر . عندهم كميه من السلطات جميله وفاتحه للشهيه وكذلك انواع من الشوربه اشهرها توم يم وتوم كا .
    جربي دا لانه ما حارق كبدايه
    لحم فلتو وخضروات بالاويستر صوص
    200جرام لحم فلتو بقري قطعيه رهيف سرائح
    جذره فلفيه نص خضراء ونص حمراء مشروم لو كبار اربعه خمس قطع تقطع كلها بصوره جميله متل ما تحبي الجذرر يكون رهيف توم 3 فصوص قليل من الجنزبيل الاخضر ابشريه هو والتوم بالبشاره بتاعه الجبن ملعقتين من الاويستر صوص وحضري الصويا صوص
    حضري الطوه بتاعك ضعي معلقتين زيت او تلاته رشي اللحم بقليل من الدقيق رش خفيف
    الزيت لازم يكون حار ارمي اللحم قلبيه فيه لثلاث اربع دقائق طلعيه ارمي الجذر المشروم التوم الجنزبيل قلبيهم تلاته دقائق ارمي الفلفل قلبيه دقائق قليله ما تطهي الخضر دي لزمن طويل رجعي اللحم عليهم ضيفي الاويستر صوص ضيفي قليل من الصويا صوص حسب ما يطعم ليك لانها مالحه ممكن تضيفي معلقتين او تلاته مويه قليل من السكر , الحكايه دي كلها تقليب سريع .
    اللحم فلتو ومسرح رهيف ما بحتاج زمن الخضر لازم لما تعضي عليها تحسي انها قويه . بس لو عندك اسبر نق انيون ممكن تقطعيه عشان يكون منظر وترميه وتطفي النار
    الارز بيكون استوي وطوالي علي الصفره ما يبرد .



                   Subscribe on YouTube |Articles |News |مقالات |اخبار

15-01-2010, 09:43 PM

Kostawi

تاريخ التسجيل: 04-02-2002
مجموع المشاركات: 33527
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: doma)

    100 بيضة
    كسريهم
    أديهم حبة ملح
    وتاخ في زيت مغلي في صاج

    أو

    كوارع مع موية وحبة بهارات وأقفلي الحلة

    تاني لو جاك ضيف أسأليني.
                   Subscribe on YouTube |Articles |News |مقالات |اخبار

15-01-2010, 09:47 PM

smart_ana2001

تاريخ التسجيل: 17-04-2002
مجموع المشاركات: 5650
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: doma)

    دى يا مريم و ضيوفها الكرام وصفه بتاعة صوص هندى (Mango Chenty). و الصوص بعد ما تعمليه مكن تختيه فى الفريز و تطلعى منه شوية شويه. ممكن تستعمليه لحجات كتيره. مكن تمسحيه فى عيشه بدل الجبنة او الزبده . ممكن تقطعى جداد و خضار (على كيفك) و تطعميهم عادى بعد ما تسنوى الصينية فى الفرن تجى تمسحى شويه من الصوص و ترجعيه الفرن مفتوح لمدة 5 دقائق.
    انا بخت خضار (اسود, كوسه, جزر, مشروم, كورن) مع سمك و اطعمهم عادى و اخت شويه من الصوص و على الفرن. بس لحدى ما الخضار يستوى. لو طلع فيها مويه كتيره افتحيها شويه فى الفرن عشان المويه (تحسى).

    طيب ابوصفه بتاعة الصوص كالاتى:
    قطعى 5 منقات متوسطات الحجم
    بليهم فى مويه ملح طوال الليل (حوالى 8 ساعات)
    صفى مويه الملح
    فى حلة اغلى:
    5 كبابى خل + 2 كباية سكر
    بعد ما يغلى الخل و السكر اضيفى:
    المنقه المقطه المنقوعة من مويه الملح.
    عود كبير بتاع قرفه
    معلقتين صغار شطه (ما تختى الشطه لو محمود ح ياكله)
    5 قطع ثوم ...مهروس
    3/4 كوب بلح من غير بزر
    3/4 كوب بناتى (زبيب) raisins
    يخليهم يغلوا تانى و بعد كه خلى النار متوسطه و سوطى و سوطى لمده 90 دقيقة ( ايوه 90 دقيقه ...ساعة و نصف*) لحدى ما يتقل و يبقى ذى المربه.
    ختيه فى مواعين بتخش الفريزر و طلعى منو كل مل تكونى عاوزه تعملى منو
    ___________________________
    90 دقيقة شكلها كتير ...لكن والله بيستاهل
                   Subscribe on YouTube |Articles |News |مقالات |اخبار

16-01-2010, 07:19 AM

مريم بنت الحسين

تاريخ التسجيل: 05-03-2003
مجموع المشاركات: 7692
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: smart_ana2001)

    خالتي دومة... الله يكرمك زي ما اكرمتيني... الوصفة حأجرّبها... أموت في الحاجات السريعة.. وحأصوّرها، واوريك الصورة... واوريك رأيي...

    عمو كوستاوي.. انت شكلك النوع المابعرف الكمشه من الملعقة... مية بيضة .. ليه مااااالنا....؟ كدي أسأل لينا المدام، انا متأكده انها حتكون زولة خطيرة

    سمارت صاحبتي.. عندي سؤالين.. المنجا مواصفات شنو.. منجتنا الطااااعمة السكر سكر.. ولا منجا خضراء... برضه، الخل ما كتير شويه؟ خمسة كبابي موش كتيرة؟

    شكرا ليكم جميعا
                   Subscribe on YouTube |Articles |News |مقالات |اخبار

15-01-2010, 09:53 PM

Raja

تاريخ التسجيل: 19-05-2002
مجموع المشاركات: 16024
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: doma)

    ســلام مريوم وزباينها.. أووبس وضيوفها:)))))


    يا محمد الشيخ أرباب. السر كله في القماش الزي الشاش (في رواية أخرى دلقان نضيف..ههههه)

    مصفى السلك بيحصل معاه تفاعل قلوي ولا شنو ما عارف. أنا ما بريد استخدمه خالس.
    مصفى البلاستيك برضو ما منه ثقة. يقوم يتفاعل مع بهارات الشاي..




    طبعا الفوق ده كله إجتهاد من جانبي. لكن انا شفتا الهنود والكينين بيصفوه بالقماش. وبيني وبينك في الأول كنت مستنكرة وبشدة. لكن بعد ما جرًبته.. آآآآمنتا


    ــــ
    ح ارجع ليكم بوصفة ساهلة شديد


    * سوري محمد الشيخ غلطتا في إسمك.. تحاياي يا ملك

    (عدل بواسطة Raja on 19-01-2010, 01:31 AM)

                   Subscribe on YouTube |Articles |News |مقالات |اخبار

15-01-2010, 09:44 PM

عزاز شامي

تاريخ التسجيل: 08-01-2005
مجموع المشاركات: 5933
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: مريم بنت الحسين)

    Quote: ياخوانا اسمحوا لي اهدي البوست ده كله بي أكلاته، لزميلة الكنافة، عزاز شامي.... واقول ليها، اصمدي
    شكرا جميلا صديقة الكنافة ... لا عدمناك
    صامدون صامدون و من أرض المعركة نحييكم
    أمامنا البحر و خلفنا بحر تاني و عن يمينا بحر و عن شمالنا بحر براهو

    ______________

    عيب الزول يجي يدو فاضية ..
    جبت ليكم وصفة أهم و جبة غذائية على الهرم الغذائي لسكان جنوب قارة آسيا و هم زي
    ما عارفين قوة صناعية عاتية و تبوؤا مكانة في الاقتصاد العالمي و عملا بنقل التجارب
    الإيجابية حقو نبتدي بالأكل أهم شيء و الباقي هين ....























    الرز الأبيض:
    1- كأس رز ناشف يغسل و ينقع في ماء دافئ و ملح
    2- ملعقة زيت أو زبدة
    3- عدد 2 كوب ماء قدر كوب الرز زات نفسه

    طريقة العمل:

    البسي ابرول المطبخ و جهزي حلة و كبشة و طفاية حريق و الاسبيد دايل على رقم شخص من العائلة فطن وجاهز لحالات الطوارئ
    بسم الله الرحمن الرحيم يا مسهل ...

    1- يقدح الزيت أو الزبدة
    2- تقيفي بعيد من الحلة علشان ما تـتـشي
    3- ترمي كوباية الموبة بالتدريج من بعيد
    4- ارمي مكعب ماجي بعد تشيلي ورقة التغليف الذهبية كي لا تسبب تلبك معوي و سعب تنقيها من الحلة بعد تدوب
    5- اقفلي الحلة ...لا دقيقة افتحيها و ختي الرز بعد ما تصفيهو .. ما بالموية ** أكرر من غير موية النقوع
    6- امشي اقضي ليك غرض في البيت و تعالي بعد عشرة دقايق اطفي الحلة كان استوت كان ما استوت لانو مافي زمن بعد ده

    و بالهنا و الشفاء و يزين الطبق بشطة كريستال و ليمون و يؤكل أمام التلفزيون

    ملاحظة: يقدم ساخنا





    ___
    صحبة راكب عدد واحد وردة بيفتح و يغمض
                   Subscribe on YouTube |Articles |News |مقالات |اخبار

15-01-2010, 11:34 PM

Kostawi

تاريخ التسجيل: 04-02-2002
مجموع المشاركات: 33527
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: عزاز شامي)

    بالله شوف النسوان ديل إتلموا كيفن!!
    جنكم أكل

    ليهم حق الرجال كان كتفوكم في المطابخ

    طيب شابكننا مالكم

    أعطني حريتي
    أطلق يديا
    من البامبيا

    عالم كلتانا
                   Subscribe on YouTube |Articles |News |مقالات |اخبار

15-01-2010, 11:48 PM

smart_ana2001

تاريخ التسجيل: 17-04-2002
مجموع المشاركات: 5650
للتواصل معنا
FaceBook
تويتر Twitter
YouTube



Re: اكلات سريعة وخطيرة للعزومات.... مطبخ بنت الحسين (Re: Kostawi)

    احنا يا كستاوى بنحب الطبيخ بمزاجنا...
    ما عشان زول مربطنا فى المطبخ..
                   Subscribe on YouTube |Articles |News |مقالات |اخبار

[رد على الموضوع] صفحة 1 من 7:   <<  1 2 3 4 5 6 7  >>

تعليقات قراء سودانيزاونلاين دوت كم على هذا الموضوع:

اكلات سريعة وخطيرة للعزومات.... مطبخ بنت الحسين فى FaceBook

· دخول · أبحث · ملفك ·




الصفحة الاولى
  المنبر العام
مدخل أرشيف الربع الرابع للعام 2013م
مدخل أرشيف الربع الثالث للعام 2013م
 مدخل أرشيف الربع الثانى للعام 2013م
 مدخل أرشيف الربع الاول للعام 2013م
مدخل أرشيف الربع الرابع للعام 2012م
مدخل أرشيف الربع الثالث للعام 2012م
 مدخل أرشيف الربع الثاني للعام 2012
مدخل أرشيف الربع الاول للعام 2012م
مدخل أرشيف الربع الرابع للعام 2011م
مدخل أرشيف الربع الثالث للعام 2011م
مدخل أرشيف الربع الثاني للعام 2011
 مدخل أرشيف الربع الاول للعام 2011م
 نمدخل أرشيف الربع الرابع للعام 2010م
 مدخل أرشيف الربع الثالث للعام 2010م
أمدخل أرشيف الربع الثاني للعام 2010م
 مدخل أرشيف الربع الاول للعام 2010م
مدخل أرشيف الربع الرابع للعام 2009م
 مدخل أرشيف الربع الثالث للعام 2009م
 مدخل أرشيف الربع الثاني للعام 2009م
 مدخل أرشيف الربع الاول للعام 2009م
مدخل أرشيف الربع الرابع للعام 2008م
مدخل أرشيف الربع الثالث للعام 2008م
مدخل أرشيف العام (2003م
 مدخل أرشيف العام (2002م
مدخل أرشيف العام (2001م
مكتبة البروفسير على المك
 مكتبة د.جون قرنق
مكتبة الفساد
 مكتبة ضحايا التعذيب
 مكتبة الراحل الاستاذ الخاتم عدلان
مكتبة دارفور
مكتبة الدراسات الجندرية
مكتبة العالم البروفسيراسامة عبد الرحمن النور
مواضيع توثيقية متميِّزة
 مكتبة قضية سد كجبار
 مكتبة حادثة يوم الاثنين الدامي
 مكتبة مجزرة اللاجئين السودانيين في القاهرة بتاريخ 30 ديسمبر 2005م
مكتبة الموسيقار هاشم مرغنى(Hashim Merghani)
مكتبة عبد الخالق محجوب
 مكتبة الشهيد محمد طه محمد احمد
مكتبة مركز الخاتم عدلان للأستنارة والتنمية البشرية
مكتبة الراحل الاستاذ الخاتم عدلان
 مكتبة سودانيز أون لاين دوت كم
مكتبة تنادينا,الامل العام,نفيرنا
مكتبة الفنان الراحل مجدى النور محمد
مكتبة العلامة عبد الله الطيب
مكتبة احداث امدرمان 10 مايو 2008
 مكتبة الشهيدة سهام عبد الرحمن
منبر اليوم الحار لخريجى كلية الهندسة و المعمار بجامعة الخرطوم
مكتبة الراحل المقيم الطيب صالح
مكتبة انتهاكات شرطة النظام العام السودانية
مكتبة من اقوالهم
مكتبة الاستاذ أبوذر على الأمين ياسين
 منبر الشعبية
منبر ناس الزقازيق
مكتبة تهراقا الفن الدكتور محمد عثمان حسن صالح وردى
اخر الاخبار من السودان2004
جرائد سودانية
اجتماعيات سودانية
دليل الاصدقاء السودانى
مكتبة الراحل المقيم الاستاذ الخاتم عدلان
الارشيف والمكتبات
اراء حرة و مقالات سودانية
 مواقع سودانية
 اغاني سودانية 
 مكتبة الراحل مصطفى سيد احمد
دليل الخريجيين السودانيين
 الاخبار اليومية عن السودان بالعربى













|Contact us |About us | Discussion Board |Latest News & Press |Articles & Analysis |PC&Internet Forum |SudaneseOnline Links |

للكتابة بالعربي في المنتدى

للرجوع للصفحة الرئيسية اراء حرة و مقالات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
اضغط هنا لكي تجعل المنتدى السودانى للحوار صفحتك الرئيسية لمتصفحك
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة bakriabubakr@cox.net
الاخبار اليومية Contact Us اتصل بنا أجتماعيات

© Copyright 2001-02
Sudan IT Inc.
All rights reserved.

If you're looking to submit news,video,a press release or or article please feel free to send it to bakriabubakr@cox.net

Software Version 1.3.0 © 2N-com.de