|
|
|
 Re: رابطة أبناء دارفور بنيويورك تدعوكم لاحتفالها بعيد الاضحى المبارك (Re: Elfadil Sabeil)
|
معتصم سلامات
وناوين نصلكم لو الله هون
Quote: الزمان/ الجمعة أول أيام عيد الأضحى المبارك الموافق 27 نوفمبر 2009 عقب صلاة العيد مباشرة
المكان: قاعة بروكلين الرياضية Brooklyn Sports Hall – 8635- 18th Ave. B’kyn 11214 (18 Ave and 86 st.) |
ياريت تضع الرمز البريدي للمكان الحفل عشان (الجي بي اس)
احتياطي عشان الناس ما تضيع.
ودعواتنا ان تكون حفله ناجحه.
| |
 
|
|
|
|
|
|
|
|
Re: رابطة أبناء دارفور بنيويورك تدعوكم لاحتفالها بعيد الاضحى المبارك (Re: الصادق الزين)
|
أخي العزيز المعتصم سلامات
وكل عام وأنت والأسرة الصغيرة والأسرة الكبيرة بالرابطة بخير
وأعاده الله على الجميع بالخير واليمن والبركات
________________________
العزيزة تراجي
سعيدون لتلبيتك دعوة نيويورك ليك وللأسرة الكريمة
وربنا يوصلكم لينا بالسلامة ويسعدنا بلقائك
وأعملي حسابك عشان تكوني معانا يومي الجمعة والسبت طول اليوم
وبعدها عندنا مشية لواشنغطون DC للقاء الأحبة وسماع طارق أبوعبيدة (خدر)
والـ Zip Code لبروكلين هو: 11214
| |
|
|
|
|
|
|
|
|
|
Re: رابطة أبناء دارفور بنيويورك تدعوكم لاحتفالها بعيد الاضحى المبارك (Re: معتصم احمد صالح)
|
Quote:
العزيزة تراجي
سعيدون لتلبيتك دعوة نيويورك ليك وللأسرة الكريمة
وربنا يوصلكم لينا بالسلامة ويسعدنا بلقائك
وأعملي حسابك عشان تكوني معانا يومي الجمعة والسبت طول اليوم
وبعدها عندنا مشية لواشنغطون DC للقاء الأحبة وسماع طارق أبوعبيدة (خدر)
والـ Zip Code لبروكلين هو: 11214 |
العزيز محمد الخليفه ياسين
نتشرف بالتعرف على كل كوكبة الشرفاء
القابضين على حمر القضايا بنيويورك
الا ياريت لو في مروه قدر ده نحن ناس صحتنا على ادنا(ههههه)
وكدي امسكوا في سبحكم قوي عشان نصلكم باقي الكيزان فقيرهم قوي خلاص
ومسلطينه علي.(ههههه)تحياتي وتسلم.
| |
|
|
|
|
|
|
|
|
|
Re: رابطة أبناء دارفور بنيويورك تدعوكم لاحتفالها بعيد الاضحى المبارك (Re: Abureesh)
|
اخي الصادق
كل عام وانت بخير
وشكرا على كلماتك
ونيويورك منوره بناسها
Quote: الاخت تراجى
معقوله نشوفك عندنا فى نيويورك دا براه عيد!!
غايتو ما عارف اودى اخوى حسن حماد دا وين
امانه و قعتك ما سوده اها جاتك توش بلا كيبورت بلا يحزنون
ادينا يا تراجى سلك كلنا جى بى اس نوصف ليك شدره شدره
و قوز قوز ورهيد رهيد لحدى ما تصلى
وكل سنه و انت بخير
الصادق |
وبالله حسن حماد في نيويورك؟؟
قول له تراجي جايك بالدرب(تكمل نقاش قبلة الوزير الفرنسي لامقترحه للبني)
كدي نشوف تباين الثقافات آخرته شنو؟؟(هههههههه)
شكرا اخي وامسكوا سبحكم قوي
الكيزان بيكجوها غالبا....تسلم يا اخوي.
| |
|
|
|
|
|
|
|
|
|
Re: رابطة أبناء دارفور بنيويورك تدعوكم لاحتفالها بعيد الاضحى المبارك (Re: معتصم احمد صالح)
|
الاخت تراجى
خلينا من فقرة الكيزان ديل
نحن فكينا يخلى المصريين يتهزمو فى امدرمان
بياضنا بس النيه ,يعنى تنومى بالنيه , شايف
مارشات الاستقبال بدت تدق باشراف المايسترو رئيس
الرابطه بالانابه صحبك حسن حماد و ممكن يدخل فيها حسن عيسى رئيس
الرابطه عديل نحن ناس واصلين هههههههها
Quote: وبالله حسن حماد في نيويورك؟؟
|
طبعا حسن حماد من قدامى محاربى نيويورك لكن شايف
حكاية الفرنسى يقبل ليه بنتو دى مزعجاه شويه , لو ما لحقتى حيطق
عديل كده . و يا جماعه فرنسيكم زاتو ما جادى بتونس ساكت
لبنى دى و الله ثانى كلينتون ما يقبلها!! هو كلينتون برضى يتجلد؟
الخبر الفرش قالو وصلت نيويورك يابختنا؟؟؟
الصادق
| |
|
|
|
|
|
|
|
|
|
Re: رابطة أبناء دارفور بنيويورك تدعوكم لاحتفالها بعيد الاضحى المبارك (Re: معتصم احمد صالح)
|
الأخ معتصم
كل سنة وانت وأهلنا فى دارفور طيبون
ندعو الله أن يأتى العيد القادم وقد زالت كل المحن والأحزان
الأخت تراجى مرحب بيك
| Quote: الكيزان بيكجوها غالبا....تسلم يا اخوي. |
الكيزان ديل وين يا أختى ؟؟؟؟
ونحن فى انتظار مشاركتك فى اليوم المفتوح لأبناء دارفور
وآخر مرة تشرفنا برؤيتك كانت فى الندوة السياسية التى أقامتها رابطة أبناء دارفور قبل حوالى 4 سنوات
وقد كنت رائعة
| |
|
|
|
|
|
|
|
|
|
Re: رابطة أبناء دارفور بنيويورك تدعوكم لاحتفالها بعيد الاضحى المبارك (Re: ذواليد سليمان مصطفى)
|
أخوانى وأخواتى الأعزاء
كانت ليلة لم يكن أحد يحلم بدفها وجمالها وتمثيلها لسودان الغد....
أخوان وأخوات فرقت بينهم سموم الحُكم العسكرى وجعلتهم يرفعون السلاح فى وجه بعضهم....
أخوان حاول هذا النظام أن يغذيهم العنصرية والإستعلائية بينما غرق رموز النظام فى إنتهاك دماء أبناء دارفور الذكية ويوزع مغانم البترول بواسطة خازن المال المسروق د.عوض الجاز.....
لقد أثبت أبناء دارفور بالرغم أن قلوبهم تنزف دما ولكنها كبيرة تسع كل أبناء الوطن.....
العناق كان من القلب ومن حرارته، وتعسا لمن أرادو أن يلقوا اللوم على الضحايا وأسرهم وفرحوا بمصاحبة أسواء دكتاتور فى تاريخ بلدنا المنكوبة....
لقد جمع الحضور وإلتقوا على حب الحرية وكراهية إستعباد الناس وإستباحة دمائهم وأعراضهم بإسم الدين والإنقاذ الكاذب....
لقد إجتمع الحضور وكان بينهم تعهد خفى، أن السودان الجديد يتساوى فيه الجميع فى الحقوق وأن الإنقلابيين محال أن يتنكروا فى زى الديمقراطيين والإنتخابات، وأننا سوف نقاتل وفى خندق واحد من بعثرنا فى كل واد وزرع بيننا العنصرية والإستعلائية حتى آخر رمق فينا وحتى تلاقى ربنا....
لقد كانت الوجوه يملئها ويجمع بينها تاريخ طويل من نضالات شهدتها أروقة الكونجرس وعتبات الأمم المتحدة وبوابة سفارة النظام فى نيويورك وواشنطن وكان حصادها توجية الإتهام للقاتل الحقيقى من قٍبل المحكمة الدولية "ولا بد من لاهاى وإن طال الإختفاء وقصر السفر، ولك أيها المجرم فى لورنس تيلور خير مثال إذا كنت من أولى الألباب"......
| |
|
|
|
|
|
|
|
|
|
Re: رابطة أبناء دارفور بنيويورك تدعوكم لاحتفالها بعيد الاضحى المبارك (Re: فضل الصادق)
|
العزيز معتصم
وكل كوكبة شرفاء واشاوس ونيويوك العظيمه.
كان عيد بحق....وعهود بزلت ومنجزات تحققت
ووعود وفيتم بها.....
دفء الاستقبال...وروعة التنسيق
وصدق الموده...ودقة التخطيط...
وعظم الالتفاف الذي وجدته بين اعضاء الرابطه وأصدقائها
من اوفياء السودان.....كل هذا مجتمع كان اكثر من بسلم لجراحات كثيره
ارهقنا بها...نظام الخرطوم.
اكبر انجاز تحقق هو جمعكم (اي عضوية رابطة ابناء وبنات دارفوربنيويورك)
لما التزمتم بها وهو المبلغ المحتاج لتكلمة علاج الطالبه ضحية عنف المؤتمر الوطني
ابتسام.....وهو السبب الحقيقي ولوجدي بينكم....ونحمد الله يا معتصم ان وفقنا الله
لذلك بفضلكم جميعا معا.
ساعود لاحقا...لاسرد ملحمة ما تم في نيويورك.
شكرا لكم وهاقد وصلنا الآن فقط لمنزلنا بكندا.
تصبحون على خير.
| |
|
|
|
|
|
|
|
|
|
Re: رابطة أبناء دارفور بنيويورك تدعوكم لاحتفالها بعيد الاضحى المبارك (Re: Tragie Mustafa)
|
شكرا معتصم للتوثيق اللائق سيكون
عيد الاضحى فى نيويورك تقليد فى احتفائيتنا
بتراجى مصطفى فالنحرص جميعا على ان نبقى هذه الذكره الضوء
الذى نمشى على هديه و المعين الذى نستعين به كلما وهن العظم منا
او حدثتنا انفسنا بالنسيان او دبت فينا افة التراخى ولا تراخى
طالما العزم معقود على الخيل النواصى و حتما لابد من صنعاء
وان طال السفر , وشكرا ايها الفتى المقفول خلف الكواليس و القضبان فانت الذى صنعت هذا الفرح
و ذكائك هو الذى قادنا الى ما نحن فيه من تشكيل غير مسبوق للراى العام السودانى
وافراز لكوادر و مواهب ثم اعادة ثقلها بالنقد و غير النقد و تبقى ثمرة ان نلتقى جميعنا لنتعارف
وقلوبنا شتى هى اجمل ناتج لذاك المدخل الذى بداه ماهر هذه السفينه المهندس بكرى ابوبكر!! فبك كان اللقاء بمثل تراجى
ممكنا و سهلا وان القادم احلا و اغلى لان نفسى تحدثنى ان مجتمع سودانيز اون لاين سيحدث التغير القادم,
هذه ليست امنيه فحسب و انما بصيرة مجرب لا يكذب اهله و قد شهدت ذلك فى الخطاب القوى
الذى قدمته تراجى فى نيويورك يومى الجمعه و السبت , و للذين لم يحظو بمشاهدة تراجى فانها تمتاز بمقدره خطابيه و فصاحه فى اللسان
تستطيع ان تسحر به فيلق جرار من المتراصين فوق الصفوف طبقا فوق طبق وان لها رصيد وافر من الثقافه
و تجديد المعلومه يجبرانك ان تستمع اليها بادب و تتتمنى الاكثار , الاكثار لان فى اسلوبها سلاسه وفى
الفاظ مفرداتها موسيقى و ان قوة معانى كلماتها رصاصه تدخل مخترقه العقول
فتكون الرساله واضحه و مكتمله وهى سودان عريض ينعم بالعدل فى اعلى مستويات الحقوق
و المساواه فى ادنى سلالم الواجبات و كفى تراجى ان الرساله قد وصلت اهل نيويورك شكرا.
الصادق
| |
|
|
|
|
|
|
| |
معتصم احمد صالح
Adam D.El-Asha
Tragie Mustafa
Khalid Kodi
الصادق الزين
Elwaleed M. Ahmed
الغالى شقيفات
فضل الصادق
Mohamed Yassin Khalifa
Abureesh
حسن حماد محمد
ذواليد سليمان مصطفى
أسامة خلف الله مصطفى
nada ali
Kostawi
فيس بوك
تويتر
انستقرام
يوتيوب
بنتيريست