|
نيويورك ترحب بالثائرة تراجي مصطفي... وده العيد ولا بلاش!
|
تتشـرف مدينة نيويورك بقدوم المقدامة الأستاذة تراجي مصطفي إليها للإحتفال مع الجالية السودانية ورابطة أبناء دارفور بعيد الأضحى المبارك... أعاده الله على الجميع باليمن والخير والبركات
الجميع مدعو للقاء السيدة تراجي وأسرتها الكريمة يومي الجمعة والسبت بصالة الأحتفالات ببروكلين والتي ستشهد إحتفال رابطة أبناء دارفور بنيويورك يوم الجمعة بعد صلاة العيد - وحتى نهاية اليوم - وإحتفال الرابطة السودانية بنيويورك يوم السبت من الساعة العاشرة صباحا وحتى نهاية اليوم
تراجي... نورتي نيويورك
|
|
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: Rashid Elhag)
|
الإحترام والسلام
تراجي طول عمرهابتدافع عن المستضعفين وعن المهمشين إن شاء الله المرة دي تراجي تقنع ناس نيويورك اللي أتأسست في 11 سبتمبر سنة 1609 وهم الآن في الأزمة الإقتصادية بإعادة الجزء الشمال من السودان Khem بكل أراضيه من البحر الأبيض المتوسط وإلى أسوان ورده إلى السودان الأصل وتأسيس كوش أو السودان الجديد من البحر الأحمر إلى المحيط الأطلسي.
بعدما باع العرب وبعدما باع المصريين وبعدما باع الفلسطيين قضية 1948 الفلسطينية بالله وبشكل علني وديمقراطي واضح يعني بحضور إعلامي متنوع وبحضور منتمين أو مناصرين للقوى الإسلامية ومننتمين أو مناصرين للقوى التقدمية السودانية في نيويورك وكذلك منتمين للقوى الصهيونية وللقوى المضادة للصهيونية بين اليهود ووسط الإسرائيليين النيويورك يناقشوا قدام الكاميرات والمايكروفونات موضوع تأسيس علاقات ديبلوماسية بين الدولة في السودان والدولة الأسرائيلية وختوا النقاش في يوتيوب؟
وليك وليها ولدارفور وكل قضايا المستضعفين التقدير والعدل والسلام
وخليها تشوف رسالة الرفيق ألبرت بايك Albert Pike للرفيق ماتزيني Mazzini في 15 أغسطس سنة 1871
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: Mohamed Yassin Khalifa)
|
الأخ محمد يسن
كل عام وأنت والجميع بخير
الف مرحب بالاستاذة تراجى فى نيويورك
وحقيقةً العيد عيدين ونحن فى انتظار الاستاذة تراجى بصدور مفتوحة وأيادى مشرعة
والدرب مفروش بالورود
ومن هنا نتقدم بالدعوة للأخت تراجى بتشريفنا فى احتفال الرابطة السودانية يوم السبت فى نفس القاعة
التى يقيم فيها أبناء رابطة دارفور أحتفالهم بالعيد (ودى دعوة رسمية با أخت تراجى)
وكل عام والسودان والسودايين بخير
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: ثروت سوار الدهب)
|
شكـرا تراجي على حضورك القوي شكـرا ليك على إسعادنا بالطلة البهية
أنتي أم مثالية لحازم وسند... ربي يحفظهم ليكي ونعم الأم أنتي لا بل نعم الأخت والخالة والعمة والجدة تذوقنا معك حلاوة العيد وكان عيدنا اليوم أجمل عيد
عيد سعيد للجميع... جميعهم سعدوا بك وبعيدهم إستمعوا ورقصوا وبكوا وطربوا وتألموا وإنتشوا... تعرفوا وعرفوا قالها أحدهم: جئت لألتقي بتراجي... ولكنها تلقتني بحيوية وإبتسامة دافئة قلت: ويحي... إنها الموناليزا!
شكـرا لرابطة أبناء دارفور بنيويورك على هذا اليوم التاريخي في مستواه الإخراجي الإبداعي الرائع والمتميذ وشكـرا لرئيس وأعضاء الرابطة السودانية بنيويورك على هذا التلاحم والتمازج والدعم الأصيل
ونواصل...
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: Mohamed Suleiman)
|
عزيزي الفاضل وأخي العزيز محمد سليمان
مرحب بيك وعيدكم سعيد وربنا يحقق ليكم كل أمانيكم ونحتفل معاكم في السودان بعد عودة الحقوق لأصحابها وأكيد كان لتحفيز تراجي لينا نتائج واضحة وتحريك ودفع لقضايا مهمة لقد خاطبت أبناء دارفور يوم العيد وطلبت منهم بذل جهود إضافية لتحريك عجلة النضال من أجل إعادة الحق وعودة أهل الهامش من المنفي في أسرع وقت سأتصل بك لاحقا لتلخيص اللقاءات والتنسيق من أجل المتابعة فالهم واحد... والعيد كان عيدا أسعدتنا فية تراجي بحضور متميذ
تحياتي لك للأولاد ودمتم...
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: Huda AbdelMoniem)
|
الأخت العزيزة هدى عبدالمنعم
عيدكم مبارك وسعيد... وربنا يحقق الأماني ويجمعكم مع العزيز سمعة بالخير وفي الخير وتحياتي وسلامي للمعاك والما معاك كلهم يكونوا بخير بركة العيد السعيد ده
إحنا عيدنا كان صلاة ولحمة وغنى وكلام وشربوت وتراجي... إنتم عيدكن كان كيف؟!! شدو حيلكم عشاننحتفل مع بعض ومعاكم سمعة في نيويورك السنة الجاية... قال قطر قال!
وتسلمي ويسلموا معاك الأولاد وأبوهم...
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: انتصار محمد صالخ بشير)
|
الأخت العزيزة إنتصار محمد صالح بشير
عيدكم سعيد ومبارك وربنا يحقق الأمنيات ويجمعنا معاكم للخير وفي ساعات الخير القريب وتحياتي وتهانيي القلبية لكل من هم في معيتك في جزيرتي مالطا وقوزو الجميلتان
مع الأسف قصرنا مع تلكم التراجي... وبصراحة جات متل الطيف ومشت مننا سريع ونحنا في إحتفالات عيد وخرفان مضبوحة وشيات نسينا الشربوت نخب الزائرة المشرفة واحد أخونا جاب معاهو كباية شربوت وحلف يشربها براهو رغم الترجي والتحنيس والإغراءات وكنا عاوزين ننتشي ولكن تراجي وكلامها أصابنا بنشوة لذيذة وأسكرنا معاها الشاي وده سـر بيني وبينك... تراجي عندها سر مع شاي المغربية جبدت بيهو أولادها!
وتسلمي يا غالية أنتي والمعاك....
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: Hadeer Alzain)
|
الزينة هدير بنت الزين
عيدك مبارك وربنا يحقق أمانيك... ويحفظك ويخليك وشكـرا على الوردة
نعم أختي العزيز... كان صوت تراجي عاليا ومرتبا وصريح قالت:"نحنا كلنا موش جينا هنا مغتربين... نحنا معظمنا لاجئين في هذة البلاد ننعم فيها بالأمن والأمان.. ونعاني مثل الجميع ولكن هناك من يعاني في أكله ومشربه وملبسه وأمنه أكثر منا... فلنتواصل معه وندعمه ولنكن له صوتا ولنوفر له قليل من عندنا فالقليل يصبح كثيرا لو جمعناه في جراب واحد"
دمتي أختي العزيزة لنا وطابت أيامك يا هدير...
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: حواء سليمان ابراهيم)
|
العزيزة حواء...
عيد سعيد وأمنياتي لك بدوام الصحة والعافية وربنا يحقق أمانيك ويحفظك ويخليك ويجمعنا بيك في ساعة الخير على أرض الوطن
وتحية خالصة للغالية تراجي نصيرة الأنسانية والضعفاء والمحتاجين والتي طالبت جميع من حضر إحتفالية رابطة أبناء وبنات دارفور بالتبرع لدعم إحدى ضحايا نظالم القمع والمساهمة في علاجها بعد أن أعتدى عليها زبانية النظام وقاموا بحرقها وتمت الإستجابة لندائها الإنساني وجمع مبلغ معقول سترسله الرابطة لها قريبا نتمنى لها عاجل الشفاء!
وتسلمي...
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: خالد العبيد)
|
الخال خالد العبيد
عيدك مبارك وبنا يحقق أمانيك
خاطبت الأخت تراجي أحتفالي رابطة أبناء دارفور والرابطة السودانية أول وثاني أيام العيد (على التتابع) وتحدثت عن العيد والفرح والحرب والسلام... ولكنها ركزت على أوجه الحياة وسبل التعايش في الغرب وقالت: "أبنائكم هم أوباما المستقبل... إهتمو بهم فهم كنز جدير بالمحافظة عليه وتقويمه وتعليمه وإعداده جيدا" كما شددت على دور المرأة الحيوي ومسؤلياتها الجمة لإبراز القيم السودانية والمحافظة على التقاليد وهي المحور الأسري الذي تبنى به المجتمعات ودعت نساء نيويورك للمساهمة الفاعلة والحقيقة في هذا المجتمع المفتوح والذي يتيح للجميع فرصة المشاركة وتمنت لها الإسهام في شتى المجالات السياسية والإجتماعية والثقافية والرياضية والتربوية
وأوكد لك خالي العزيز أنها نجحت في شد أنتباه الحضور لحديثها وحركت فيهم أوتارا حساسة لتعرضها لقضايا إنسانية ساخنة سأوردها متتابعة... كما ساهمت في جمع تبرعات لعمل إنساني كريم
تحياتي للأهل وخاصة ماما أسماء العبيد والأولاد...
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: حسن حماد محمد)
|
شكرا اخي حسن حماد
وفعلا التقيتكم ووجدتكم نعم الاخوة و الرفاق
Quote: الأخ محمد يسن
كل عام وأنت والجميع بخير
الف مرحب بالاستاذة تراجى فى نيويورك
وحقيقةً العيد عيدين ونحن فى انتظار الاستاذة تراجى بصدور مفتوحة وأيادى مشرعة
والدرب مفروش بالورود
ومن هنا نتقدم بالدعوة للأخت تراجى بتشريفنا فى احتفال
الرابطة السودانية يوم السبت فى نفس القاعة
التى يقيم فيها أبناء رابطة دارفور أحتفالهم بالعيد
(ودى دعوة رسمية با أخت تراجى)
وكل عام والسودان والسودايين بخير |
ولبينا الدعوه يا حسن
وكنتم خير المضيفين وسعدنا بالتعرف على جمهور نيويورك الكبير.
وسعدت بمشاركتكم رتق الشروخ الاجتماعيه التي تقودون بحكمة عملية رتقها.
ربنا يوفقكم لمهامك الغير مستحيله في حالة توفر الاراده.
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: Mohamed Yassin Khalifa)
|
الأخ الشريف محمد يسن
ربنا يجعل أيامك وأيام المتداخلين كلها أعياد وفرح
كانت ليلة الأمس فى احتفال رابطة ابناء دارفور حيث الفرح والتلاقى
وكانت أول فرصة أتشرف فيها بالتحدث مع الأخت الاستاذة تراجى
وحقيقةً الكلمات لن توفى ولن تتسع لوصف الأخت تراجى
فهى انسان يحمل قلب بحجم السودان
أعجبتنى كثيراً نظرتها الشمولية لقضايا الوطن وروحها الشابة
وسعة صدرها ومقدرتها للاستماع للآخرين دون تزمت أو فكرة مسبقة
ونحن اليوم فى انتظار مشاركتها احتفالات الرابطة السودانية بنيويورك
حتى تكتمل الفرحة ويتشرف كل أعضاء الجالية السودانية بمعرفة الأخت تراجى
مزيداً من التواصل فقد قطعت الاخت تراجى الآف الأميال وبصجبتها سند وحازم الحلوين
أدامهما الله لها ومتعهم جميعاً بالصحة والعافية
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: Mohamed Yassin Khalifa)
|
محمد يس و الاحباب رفقاء الكلمه
لقد نجحت رابطة ابناء دارفور كشانها فى تقديم اجمل و اغلى عيديه للاسر السودانيه فى نيويورك عندما قدمت الدعوه للثائره تراجى للمشاركه فى احتفالاتها بعيد الاضحى المبارك , لقد برزت كفاءة هذه الرابطه فى العقل الزكى الذى تفكر به و الخيال العريض الذى يرسم لها ملامح المستقبل, لقد برهنت الرابطه ان اختيار تراجى نصيرة نصار قضية دارفور لم يكن محض صدفه لان تراجى خير سودانية انجبت للناس امراه بقامة سلاسل البحر الاحمر و بقوة تلال و اودية مدينة ام كداده التى تقاوم بجساره اصحاب السيارات دخولهم المدينه قبل التاكد من هويتهم و من اين ياتون؟ هى تراجى مزيجة عروس البحار مع عروس الرمال و للاثنين قصه تتناقلها الاجيال فى دروب النضال الوطنى و مقاومة الطغاه. لقد تحزمت ام حازم بحازم و استندت على سند فكانا نعم السند و النصير فى رحله كتب لها النجاح فتيممت شطر نيويورك. لقد خاطبت تراجى قلوب الناس قبل عقولهم عندما قدمت تجربتها كام لطفلين شانها شان سائر الامهات اللائى يكافحن لتنشئة ابنائهم و فى ذلك دروس و عبر لاصحاب العقول والالباب و اجترار لكل المعانى و التحديات التى تكتنف مثل هذه التجارب , امراه تجمع بين قيادة و ادارة الشان المنزلى وريادة العمل الانسانى و الشان العام و بث ثقافة حقوق المراه و الهامش . الهامش التى تحلم تراجى ابدا ان يتحول يوما ما الى مركز له ما للمركز من امتيازات و عليه من الواجبات التى لم و لن يهتم بها المركز فى ظل هذه الاوضاع الشائهه!! تراجى كان يمكن ان تختار غير طريق الانقاذ الغربى الصحراوى الذى سلكته لان لديها طريقان سريعان ياخذانها و فى لمحة البصر الى حيثما تريد و لكن قلبها النابض بالحب و الانسانيه لهؤلاء المستضعفين اختار لها هذا الطريق الصحراوى الذى كله و حل و شوك و احن و هكذا تتجلى عظمة الانسان الم اقل لكم ان تراجى ظاهره انسانيه فريده تعيد بعث ثائرات التاريخ و انها لطوفان قادم بقوة لا يكترث لوجود هذه البنايات العاليه التى شيدت عشوائيا دونما مصارف او بنيات تحتيه و مثل هكذا بنايات حتما سيبتلعها تراجى سونامى . تراجى معجبه حتى الثماله بتجربة الثائر اوباما و لذلك افرزت حيزا كبيرا فى خطابها لابناء نيويورك بان اوباما يمكن ان يخرج من اوساطهم و قت فات على هؤلاء ان اوباما يمكن ان تكون امراه و لعمرى ان لتراجى مقومات كاريزما القياده بالاضافه الى التكوين النسبى الذى يشبه الى حد ما تكوين اوباما, ما المانع اذن؟ لقد انتشت و طربت نيويورك يومى الجمعه و السبت لان رابطة دارفور استطاعت ان تخاطب عقلها عندما قدمت الثائره تراجى و استطاعة و بتفوق ان تخاطب و جدانها و قلبها عندما قدمت ذاك الصوت المسكون فينا الى الابد , سراج العروبه الفنان الذى وحد الى حد الدهشه كل من كان محظوظا و رمى بنفسه داخل صالة بروكلين الرياضيه يومى الجمعه و السبت فقد تحول المشهد و كانك تحضر مبارة كورة قدم طرفيها الهلال و المريخ لان الحضور بكلياته كان و اقفا و هائجا حد السكر من النشوه و الامتاع , بحق ان الذى اسمه ارتبط بالنور قد اضاء عتمة ليالينا و استطاع و بمهاره نادره ان يحيى تراث الكبار فقد غنى لوردى , مصطفى سيد احمد , عبد العزيز المبارك , ابراهيم عوض , شرحبيل احمد , زيدان ابراهيم , ابوعركى البخيت بالاضافه الى اغانى التراث و ايقاعات رقصة المردوم و التويه و يا راقصى التويه كلمولى ابويا خلينى نمشى الدونكى نجيب لى قصعة مويه , انه فنان اهل الهامش لكن حتما يحتاجه و بشده اهل المركز يا تراجى لان الوحده التى ادخلها فى قلوبنا ستصبح نموذج يجب ان لا يغيب فى معناه على اهل السياسه. سراج لا يشدك بصوته فقط و انما ايضا بادبه و تواضعه و بساطته انها صفات ستقوده حتما و بسرعة البرق ان يسكن فى قلب كل من يكون محظوظا و يسمع اليه او يشاهده.
شكرا اللجنه التنفيذيه للرابطه احسنتم الاختيار , فقد غزيتم عقولنا و قلوبنا انه لزاد يقينى سنستعين به فى برودة هذا الشتاء القارص الى دافئ الصيف القادم.
الصادق
ز
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: khaleel)
|
الأخ محمد يسن كل عام انت والجميع بخير كا نا يومين جميلين اول ايام العيد احتفال رابطة ابناء دارفور كان يوما حافلا ابدع فية الفنان سراج العروبة وفرقتة الرائعة وثاني ايام العيد كان رائعا اسمتع فيةالكبار والصغار وكانت مناسبة رائعة ان نلتقي فيها بالاخت تراجي مصطفي واسرتها نتمني ان تتوالي الافراح وهذا انما يدل علي نشاط وحيوية الاخوة في الربطتين الرابطة السودانية بنيويورك و رابطة ابناء دارفور بنيويورك
الوليدمحمداحمد-المحامي-بروكلن-نيويورك
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: AnwarKing)
|
الكنغ العزيز أنور
سلامات وعيدك مبارك وكل سنة وأنت والأولاد والأهل بخير وصحة وعافية وتعرف أنو الزولة العزيزة علينا كلنا قالت لينا ولأولادنا أنو العلم بيصنع النجاح ووصتنا علي أولادنا... وأكيد شافت فيك مستقبل باهر لأنك زول متعلم ومثقف فيك سودانية وحيوية واضحة والله نسيت أسألها عنك (عفوا) لكن قريت كل ما كتبته عنك وفيك كان في تسجيل أظنه عند أختنا إحسان عبدالعال ود. الوليد حا أفتش عليهو وأنزلو
وتسلم يا أخوي ويسلموا المعاك...
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: سيف الدولة كامل)
|
أستاذنا الفاضل سيف الدولة
عيدك مبارك وربنا يحقق الأماني... ويحفظك أنتا والأسرة الكريمة وأتمنى أن تكون قضيت معانا لحظات جميلة في معية أختنا تراجي وطبعا الأولاد كانوا منسجمين في الكورة... بس دي ما حا تصدقها:
محمد سيف الدولة مع الكوتش هريدي (مدير النادي) في حوار عن كورة الجزائر ومصر محمد قال ليهو أنتو بس زعلتو مننا ومن الجزائر عشان إنغلبتو لا أكثر...
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: حسن حماد محمد)
|
الريس حسن حماد
عيدكم مبارك مرة تانية... وسعيدون بدعمك الكبير لإنجاح هذة الإحتفالات والإحتفاءات الرائعة نقدر ونثمن جهدكم أخي حسن حماد... كما لاننسى ذكر فضل الأخ حسن عيسى رئيس عموم جمهورية السودان بنيويورك وضواحيها والشكـر موصول للأخوة والأخوات في مجلس الرابطة السودانية الأمريكية بنيويورك
ولكــن...
شهدنا مجهودا خارقا للأخ حسن عيسى في جمع الشمل وتقديم النصح والوقت والمال ومعه أسرته الكريمة وأدعو المولى القدير أن يحفظه لنا وأن يحفظ له فضله الكريم وجهده المتواصل فحسن ملاقاته للعزيزة تراجي وسماعه لحديثها وتوجيهه للجميع بالألتزام بطرحها ودعوتها للجميع بالبزل... والذي هو من أهله يؤكد أنه رجل نيويورك الأول بلا منازع
وتسلــم يا أبوعلي
تحت تحت يا أبوعلي قالت ليك شنو وقلتا ليها شنو؟!!
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: Mohamed Yassin Khalifa)
|
الأخ محمد يسن
شكراً على البوست
الأخت تراجى حمدالله على سلامتك والحلوين سند وحازم
سويعات كانت ومرت كخطف البصر
وسكنتم فى اعماقنا وصرتم جزء منا
23 سنة وكان ياتئ العيد ونفرح قليلاً ونحزن كثيراً لبعاد الأهل والأحبة
جاءت الاخت تراخى قاطعة الآف الأميال ويرفقتها سند وحازم
فكان للعيد طعم خاص ومزاق جديد
دخلت تراجى قلوبنا دون استئذان ودخل معها الفرح
تراجى بجوارها تشعر بأنك تتحدث مع شقيقتك ، خالتك ، عمتك
أرجعتنا لأيام الدراسة ، تتعامل معك بصدق وتلقائية قلما يقدر عليهما أحد سواها
ترقص كطائر طليق وتتضحك من الأعماق وتتحدث من القلب للقلب
تحمل هم كل الوطن ولا تجزية ولا جهوية.
ذات دراية عميقة بعقلية المرأة السودانية وتتفهم قضيتها وتدافع عنها بكل قوة وصراحة
تعتز بالتعدد السودانى وتسعى لخلق جسور للتواصل بين مختلف الشعوب السودانية على أساس من
الاحترام والقبول والمساواة.
تنادى وبقوة بالعمل على وحدة السودان وترى أن ذلك من شأنه ان يقوى قضايا المهمشين وأن يعطيها
سنداً فى مواحهة قوى المركز ويقف سدأ أمام الاقصاء والاستحواز الذى تمارسة بعض القوى على حساب
بقية أجزاء الوطن.
قليل من كثير تستشفه عندما تتحدث مع الأخت الأستاذة الناشطة الانسانة تراجى
تشرفنا بلقياك وحظينا بمعرفتك
شكراً لك ولحازم وسند على تكبد مشاق السفر ومشاركة الجالية السودانية بنيويورك أفراح عيد الأضحى
المبارك أعادة الله علينا وعلى الجميع باليمن والبركات
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: Tragie Mustafa)
|
الاخ محمد يس
Quote: عيدك مبارك إنتا والأهل المعاك والفي السودان والفي كل العالم منتشرين وتابع معاناآخر التقارير... بس النسعلك إنتا ما سمعت بموسم الهجرة جنوبا يا أخي تراجي قعدت معانا يومين وكلمتنا فيهم 48 ساعة بس! |
و الله كان تقعد معاكم يومين و تكلمكم 72 ساعة هي تراجي بتسكت؟ قصرت لكن
المهم يا حبيب انا خلاص اتعقلت و وقعدت في غرب كندا المساسقة بين الجنوب الشمال خلاص خليتا فترتا يا زول تب. و متابعين معاكم تحياتنا لكل من هم بطرفكم و لكل الاحباء في نبويورك من اهلنا السودانيين الطيبين الصابرين
تسلم يا رجل
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: ثروت سوار الدهب)
|
العزيز ود الخليفة،
العيد مبارك عليك وعلى الاسرة وربنا يحقق الاماني،، والله عيدكم باسطة، وفاتنا البرنامج الجميل دا.. واكيد كميات من الشيات. عينا باردة يا تراجي على الحلوين حازم وسند، بعدين محمد دا حقو يحدد داير منوا فيهم ما مكن يشيل الاتنين ولازم يكون في توزيع عادل في الحتة دي احنا برضوا عندنا شكس..
ود الخليفة يا حبيبنا والله تأسفت كتير انوا يوم المناسبة في مانشستر ما قدرت اقعد كتير ونضرب لينا عشرة ونسة معاك ونقطع شوية في صحبك نوباتيا لظروف عملي المبكر في اليوم التالي للمناسبة ولكن الجايات اكتر من الرايحات..
بعدين نيويوركي دي شنوا؟ انت مش ود حلتنا في New England
إحتراماتي
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: محمد حسن العمدة)
|
العمدة محمد الحسن سلامات
وعيدك سعيد وضحية مباركة ومقبولة عند الله.. وكل عام وأنتم بخير وحرم خرفانا جات المناسبتين ديل يطاقشو.. ولحمتنا جارية سخنة من العاشرة صباحا وحتى منتصف الليل واحدة أختا لينا جابها الزعيم حسن عيسى عشان تخدم في الأكل (وهي مصرية) نهاية الحفلة قعدت تنادي في الناس: "يا أخوانا تعالو أكلو اللحمة دي.. دي لحمة يا أخوانا حـــرام". قلتا ليها تاعبة روحك مالك الغاوز ياكل بياكل. قالت لي: دي لحمة يا محمد بيه.. دي لحمة!
وآخ منهم ناس نيويورك الما حجزوا لينا التور قبل يومين تلاته وفكو فينا الخرفان... يا عمدة تراجي دي بتستاهل يعقرو ليها ناقة والله موش خرفان عيد بس. وهي أكلت شاي بس لما فترت وحلت بالعصيدة والكول
وتعرف متل صورك دي هنا بتودي التوج مع جماعة الرفق بالحيوان... ويا ويلك كان ضبحتا في قدام بيتكم أو حتى جواهو ياسيدي الضبح (حتى لجدادة) لازم يكون في مسلخ وبيد جزار عندو رخصة رسمية والنفخ عندهم بالكمبريسر والقطيع بالمكنات... يعني يدوك الخروف كله في صندوق بالعفشة
وتسلــم...
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: Kostawi)
|
عزيزي الفاضل نصر الدين الهجام AKA (كستاوي)
ألف سلام ليك وعيدكم سعيد ومعاك الهجامية الفاضلة وكل بنو هجام وربنا يحقق الأماني ويعلم الله كنت ناوي... لع كنت جاي أكمل العيد معاكم وأرقص وأطرب بغناء طارق أبوعبيدة AKA (خدر) ولكن ظروف قاهرة وخارجة عن الإرادة منعتني من نيل هذا الشرف ولقاؤكم وإتكلمت مع أخونا مكي من جوه الحفلة وسألته عنك بالذات وبرضو كلمتا طارق وإعتذرت ليهو وهو جاي نيويورك وبوسطن قريب وسألتك بالله ورسوله تجي ومعاك المدام لحفلته وطبعا ياريتكم لو كنتو معانا... كان طرشقنا من الفرحة وأكيد فاتكم الشربوت أبوجمل الأصلي المعتق والهاضم لضنب الخرفان
سلامي الخالص لكل المعاك ولحبيبنا ود الزين الرايح مني.
ودمت يا أخي الكبير عمرا وعقلا....
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: Ahmed Alim)
|
العزيز والغالي أحمد عالم
ألف سلامات وكل سنة وإنت طيب وربنا يحقق الأماني... الأنا عارف بعضها كان حقتك كان حقت نوباتيا ومعليش عشان نيوهامبشير... ونستنا ما كملت معاك... وخلينا نتلاقا الأسبوع ده في بوسطن ومعاك حسين بالله عليك تحاول قدر المستطاع وأنا بحلف على حسين وسيف اليزل وكودي وعمر
أما بخصوص أولاد تراجي حازم وسند... فده خط أحمر ورغم الخوة إلا أنا بخسرك فيهم عدييل كده أبعد لى غادي من غير مطرود... فهمت (هع)! والله يا أحمد ديل أدب وفهم وعلم وواحد فيهم محترف كورة... يعني أحسن من كده مافي وقول معاي ماشاء الله وربي يحفظهم لأمهم ويحفظها ليهم
وتبقى نيو إنجلند في القلب... بس أنا ذي جحا لامن سألوهو وين بلدك وقال ما قال! نيويورك عزيزة عليا رغم إنو ناسا صعبين لكنهم واضحين وعندهم قبول للآخر لأنه معظمهم من (الآخر) ده بلد إيقاعها سريع وكل شئ قدامك... زمان لما جيت كنت عاوز أشتري معجون سجنال فتشتا عليه أصلو ما ليقيته أها سألتا أخونا د. محمد بابكر إبراهيم فقال ليا: نيويورك دي ممكن تلاقي فيها لبن الطير... إلا السجنال ده عمره ما لاقاني. الكلام ده خلاني أفتش فيهو لغاية ما لقيته في الحي الأسباني وجيت لدكتور محمد بابكر وقلتا ليهو كلامك صاح... نيويورك دي بلد الطير وحليبه عرفتا ليه أنا بعشق نيويورك... كلمني يا أخوي عشان ننسق نتلاقى الأسبوع ده بأذن الكريم.
وتسـلم...
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: ثروت سوار الدهب)
|
الدهب ثروت... سلام
تعرف أنا حسبتا ليك الساعات القعدتهم موش الساعات الأتكلمتهم تراجي! أولا: بيعجبني فيها الون تو ون بتاعتها دي... تقعد معاك تسألك وتنتظر ردك ثانيا: قدرتها الفائقة على الحديث المرتب وبذهن صاحي ثالثا: (وده الأهم) قدرتها على الحديث أمام أي تجمع بثقة عالية تجذبك لحديثها وتواصلها مع عيون المستمعين وقراءة أفكارهم أثناء حديثها ودي مسألة محتاجة محترفين خطابة... يجذبوك حتى لو كان بيتكلم خارم بارم وحاشى لله لكلام تراجي من ده... وراجع كلام أخونا حسن حماد عنها يعني الزولة دي جات عندنا مناسبتين كلمت كل راجل وإمرأة وطفل وطفلة فيهم وتعاملت مع الجميع بنفس الروح والنفس الطويل وصدق الحديث وطيبة الكلمة والشيء الجميل إنها شالت منهم قدر ما أدتهم.
أها أحسب معاي ده كم ساعة كلام...
بالله عليك توب وأرجع لينا... نيويورك في إنتظارك
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: Mohamed Yassin Khalifa)
|
الفاضل محمد ياسين خليفه
بل تشرفنا نحن...بلقائكم و التعرف عليكم...و التمتع باخوتكم الحقه...
Quote: تتشـرف مدينة نيويورك بقدوم المقدامة الأستاذة تراجي مصطفي
إليها للإحتفال مع الجالية السودانية ورابطة أبناء دارفور بعيد الأضحى المبارك... أعاده الله على الجميع
باليمن والخير والبركات
الجميع مدعو للقاء السيدة تراجي وأسرتها الكريمة يومي الجمعة
والسبت بصالة الأحتفالات ببروكلين
والتي ستشهد إحتفال رابطة أبناء دارفور بنيويورك يوم الجمعة
بعد صلاة العيد - وحتى نهاية اليوم - وإحتفال الرابطة السودانية بنيويورك يوم السبت من الساعة العاشرة صباحا
وحتى نهاية اليوم
تراجي... نورتي نيويورك |
نيويورك وجدنها منورة باهلها يا اخي
محمد ربنا يقدرنا نكرمكم كما اكرمتم وافادتنا
وياريتكم لو تجونا كندا ونقدر نقدم لكم ولو ربع ما قدمتوا لنا.
كن بخير يا اخي.
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: Tragie Mustafa)
|
الاخ محمد ياسين وضيوفه الكرام
لمة حلوة وصور جميلة وام حازم منورة جلستكم
تحياتي للاخت الجميلة تراجي مصطفى
ولو عارف اللمة الحلوة دي كان اجلت زيارتي شوية
كنت بنيويورك لمدة شهرين في مايو الماضي
ولم اتشرف بلقاء اي بورداب من المنطقة باستثناء الاخوة صبري الشريف ودكتور هشام عثمان
اتمنى ان نتقابل مستقبلا
وكل عام والجميع بالف خير
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: ايوب عبدالرحيم)
|
جبل الثبات وشيال الحمل أخوى ود يّس
يا لها من ليلة ستظل فى القلب والذكرى لايام طويلة.....
أحيى فيك ثباتك حينما يتربك الأخرون ويصابوا بداء ضياع التوازن والخوف على المصالح الشخصية....
فأنت معنا منذ أم بعيد ، ولكنك معافى وثابت على مواقفك لا تتزعزع.....
أنا سعيد بإخزتك وأسعد بوطنيتك التى لا تقبل المساومة فى القضايا المصيرية....
يطن الجميع أننا حينما نأتى للطرب والترويح عن أنفسنا يمكننا أن نترك وطننا ومواقفنا عند الباب....
هيهات لهم من أن نُصاب بداء إنفصام الشخصية ووعد نكتبه لوطننا بالدماء ، بأن لا تغيب عنا أبدا ما لم يأذن الله بقبض أرواحنا.....
أتمنى أن نفرح بك قربيا فى القفص الماسى....
| |
|
|
|
|
|
|
Re: نيويورك ترحب بالثائرة تراجي مصطفي... وده العيد ولا بلاش! (Re: سيف الدولة كامل)
|
ماشاء الله وعيني باااااااردة ياتراجي ووليداتها وربنا يغطي عليكم من شر حاسد إذا حسد يارب !!
Quote: أرجوك توعديني إنك تجي وتعملي معاها لقاء تلكم النخلة الآتية من قلب بلادي والمهمومة بقضايا السودان والداعية للسودان الجديد |
والله من دواعي سروري أعمل حوار شامل مع الأستاذة تراجي مصطفى أبو طالب لكن الجية لكندا صعبة شدددديد !!
متعشمين تراجي تجي كايرو غايتو مع إني عارفاها شامة الناس ديل ههههههههههه
لكن أجمل ذكريات دراستها في مصر وكمان أمونة صديقة عمرها هنا فأكيد راح تجي (ون داي) ولا شنو يا أم حازم ؟
| |
|
|
|
|
|
|
|