|
|
|
 Re: يا اخوانا .... في شكلات في البورد دا ما قادره افهما (Re: البشير دفع الله)
|
المكرمة / دلال عز الدين
نهارك سعيد ,,,,,
---------------------------------------------------------------
بتمني الناس ديل يجربوا يقعدوا لما يجوا يتداخلوا
بمزاج عالى ويجربوا يشربوا عصير الليمون بالنعناع بارد
حيهدي اعصابهم ويعدل مزاجهم
هنا الناس بتتلاقي وتتحاور
ماضروري تتلاقي وجهات نظرهم ممكن تتباين وتختلف
كل واحد ببين وجهت نظروا مع أحترام لوجهت نظر غيروا
لكين في كل الاحوال ما بتصل يكون بينهم ( مشاكل )
وإن كانت دي ما الحته البتصفي فيها المشاكل
------------------------------------
ربنا يهدي النفوس
| |
 
|
|
|
|
|
|
|
 Re: يا اخوانا .... في شكلات في البورد دا ما قادره افهما (Re: الفاتح شلبي)
|
الأخت دلال
تحياتى
من حقك تستغربى ومن حقك تستعجبى ومن حقك تتساءلى ، بس لو سمحتى لى خلينى أعمل مداخلة عندك ،
أولن بالتبادى أنا زاتى عندى شكلة مدورة ليها يومين ، والعجب العجيب ، نحن المتناطحين البوست زاتو ما حقنا ، حق زول تانى ، ورغم ذلك تجدنا قد إستبحنا البوست وعثنا فيها شكلا وكواريكا وضربا تحت الحزام ،
ثانيا، وبحكم أقدميتى فى المنبر ، فقد شهدت فى هذا المكان مئات الشكلات إن لم أقل آلاف ،
وختاماً ، صرت لا أتعجب ولا أستغرب ولا أتساءل ، عارفة ليه؟؟؟
لأننا نحن السودانيين كده ، جبلنا على حب المناقرة ، وجبلنا على الإختلاف ، يعنى هلال مريخ تلقى العجاجة قائمة والحرابة مدورة بين الجماهير ، مؤتمر وطنى وحركة شعبية ، ما زالت العلالة قائمة ، شيوعى وإسلامى ، حدث ولا حرج ، عب وود عرب ، جعلى وشايقى ، حلبى وودريف ، الله قال بى قولك ، صوفى ووهابى ، حاجة فظيعة ، وهكذا دواليك فى كل الطبقات فى كل الأعمار ذكر وأنثى شيب وشباب ، صغار وكبار، تعالى شوفى السودانيين فى مواقف المواصلات تعالى شوفيهم فى باب المستشفى ، تعالى شوفيهم فى الباصات ، فى الحواشات فى الزقاقات فى الطرقات فى النوادى فى السينما فى الحفلات فى الطراحات فى الجامعات وفى القرى والبوادى وفى احل والترحال ، دائما لازم تكون فى مناقرة بسبب أوبدون سبب ، بدون سبب بمعنى يكون السبب تافه ولا يستحق مجرد كواريك أو مهاوشات أو مجرد نقاش ،
حاجة عجيبة ، رغم أننا شعب طيب وبسيط ، لكن ما عارف هل يعود السبب لحرارة الجو عندنا ، أم شىء متمركز فى جينات السودانى ، أم الضائقة الإقتصادية ، أم شىء ما ينمو فى دواخلنا إستعدادا لحرب فطرية كبرى لا تبقى ولا تذر ، أم ماذا أسميها؟؟؟
حقيقة لا أدرى
وما يحدث فى المنابر السودانية ، هو إنعكاس طبيعى لواقع شعبنا تماما كما هو الحال فى الطرقات أو الملاعب أو الحدائق أو الجامعات أو حتى الفيافى
وختاما أناشد الجميع التحلى بالصبر والروية وطول البال وتقبل الآخر وإحترام الرأى والرأى الآخر بلا إنفعال ولا شخصنه ولا أحقاد شخصية أو أمراض نفسية يخرجها الواحد فينا دون مراعاة لأى أخلاق أو قيم
شكرا على البوست يا دلال وتعالوا يا جماعة كلنا نجعل منو مساحة للتسامح والرجوع للحق والفضيلة وسعة صدورنا لبعضنا البعض ، فوالله الناس دى لو ختت الرحمن فى قلوبها فإن البلد يسعنا والخير يعم ونتطور ونطور كورتنا ونطور شبابنا ونمشى لى قدام ونتحد إلى أبد الأبدين ونبطل مشاكل خالص خالص
شكرا يا دلال على إتاحة الفرصة عشان نفضفض شوية ن وفى نفس الوقت نساهم فى إعطائك فرصة لفهم مثل هذه الشكلات المدورة
والسلام
أخوك هشام شيخ الدين
| |
|
|
|
|
|
|
|
|
 Re: يا اخوانا .... في شكلات في البورد دا ما قادره افهما (Re: يازولyazoalيازول)
|
هشام يا زول شكرا على كلامك الفيهو كتير من الحقائق الواقعه .. مع اني شايفه انو نحنا شعب مسكين والغنمايه بتاكل عشانا..
لكن صح نحنا غالاطين لدرجه عجيبه وعندنا الحماقه على اصولها خصوصا لو جينا قسمنا وقلنا جلعي وشايقي هلالابي وميرخابي كوز ومناضل
.. لكن برضو طيبين وبنحب نجامل ونجي على روحنا .. المشاكل هنا يمكن يكون في جزء كبير منها بتاع انا داير اظهر
وانا ما بخاف .. ودايرين يخلقوا شخصيات قويه ومسيطره .. عكس الحقيقه .. لانو اغلبنا لمن بتحصل ليهو حاجه بياكلها في بطنو وبموت بيها
يعني ما بتعرف نفرش الملايه زي اخوانا المصريين
ربنا يهدي النفوس والناس تستغفر .. الكلمه محسوبه على فكره وان كانت في الهواء الاسفيري بس اذا بتسبب ضرر معناتا بتسبب ذنوب
ياريت الجماعه يوعوا ويترفعوا عن المستوى البقول عليهو انو ما مستواهم .. ديل ناس بفهموا ياخ
| |
|
|
|
|
|
|
|
|
 Re: يا اخوانا .... في شكلات في البورد دا ما قادره افهما (Re: osman righeem)
|
سلام يا دلال,,| Quote: انت متعهد شكلات معناتا .. وما بعيد تكون من البكبو المويه في العصير .. خت 3 عفينا ليك العشره |
طوالى لصقتي الشغلانة فينى,,
ياخ أنا فاتح لى بوسن قدر الليلة وبكرة قلت ماقادر افهم سبب الشكلات (لاحظى شكلاااااااااااات دى) شنو
يعنى كمية ما واحدة ولا إتنين!!!
بعدين إنت قاعدة فى نص الكترابات ما حا تفهمى أى حاجة والخوف تجيك طوبة طايرة!!زحى شوية حا تفهمى,,
قال خت لينا تلاتة قال!!!
بعدين فى بوست هنا عامل زى موجز الأنباء ,, تمشى تلقى المختصر المفيد كلو قاعد هناك !!
قولى لى ياتو بوست دا كمان؟؟؟؟
بوست الإذاعة
تحياتى,,,
| |
|
|
|
|
|
|
|
|
|
Re: يا اخوانا .... في شكلات في البورد دا ما قادره افهما (Re: عبدالوهاب علي الحاج)
|
Quote: للأسف هذا ما خطط له هذا الشئ الذي يسمى دكين
|
وهبه يا عمنا ... انت زول تمام وكل من عرفك هنا يشهد ليك
بس كمان لمن اثنين يقولوا ليك الزول دا تمام يبقى اهبش راسك
دكين دا ممكن يكون مدكنه شويتين بس كلو من ورا الكيبورتات ..
لو لاقيتو انا متاكده انكم ح تكونوا اصحاب ندده
وبعدين انا شايفاكم الاتنين نار على علم هنا ..
ما بخيرو عنك ولا بخيرك عليهو
كونوا طيبين ومطايبين ان شاء الله
| |
|
|
|
|
|
|
| |
Dalal Ezzaldin
أيمن الطيب
محمد عمر جبريل
SHIBKA
Muna Khugali
البشير دفع الله
منتصر الامين
الفاتح شلبي
صالح عبده
يازولyazoalيازول
معاوية عوض الكريم
عبدالوهاب علي الحاج
عادل عبدالعزيز عبد الرحيم
Hassan Makkawi
osman righeem
عزام حسن فرح
احمد الدسكو
فيس بوك
تويتر
انستقرام
يوتيوب
بنتيريست