غايتو يا حنين ناسك ديل خليهم ينضمو ونحن بنجيب ليهم الصور
ناس الخرطوم ساعدونا بى صور الهواء البارد والجناين
للضمان كدا رحلنا وليد الشفت والفاروق معانا فى الخرطوم لكن كمان لو طلع علاء ساكن هناك دى الطامة الكبرى
ــــــــــــ الزين ؟؟ انا نسوان لذلك ليس امامك سوى المغادره .. الرجال كتااااار ماليين البورد والبوردات المجاورة امشى عليهم .. سيبك من النسوان ومن المحرشنهم ..
ــــــــــــ الزين ؟؟ انا نسوان لذلك ليس امامك سوى المغادره .. الرجال كتااااار ماليين البورد والبوردات المجاورة امشى عليهم .. سيبك من النسوان ومن المحرشنهم ..
خلاص كان كده نرسل ليكم بنات أمدرمان
إنما بنات يسدوا عين الشمس
04-24-2009, 09:31 PM
waleed500 waleed500
تاريخ التسجيل: 02-13-2002
مجموع المشاركات: 6653
لكن يا دينا بوستيك ده ما موفق كله ولا امدرمان دي امدرمان دي البقعه المباركه الطابيه المقابله النيل
و ما اظن اولاد امدرمان الا سلاله المهدي القاوم الانجليز
ناس حلوين
وماتقولي متحيزه لانه انا صعب تصنيفي .. مولوده في امدرمان ... متربيه في بحري ... ساكنه في الخرطوم
نكتتتتتتتتتتتتتتته: اولاد نمره اتنين اتشاكلوا مع اولاد امدرمان الشكله مسخنه واحد من نمره اتنين شال ليه منديل و قال ليهم يلا من هنا اسي اطرشق ليكم وشكم بي المنديل ده؟
تنبؤ: البوست ده ح يمشي محله
04-24-2009, 09:45 PM
isam elzein isam elzein
تاريخ التسجيل: 02-14-2008
مجموع المشاركات: 1290
نكتتتتتتتتتتتتتتته : اولاد نمره اتنين اتشاكلوا مع اولاد امدرمان الشكله مسخنه واحد من نمره اتنين شال ليه منديل و قال ليهم يلا من هنا اسي اطرشق ليكم وشكم بي المنديل ده؟
أها يا دينا بنات امدرمان جوكم
هلا هلا أبشرن يا بنات
04-24-2009, 09:49 PM
ياسر عبدالكريم محمد ياسر عبدالكريم محمد
تاريخ التسجيل: 10-26-2008
مجموع المشاركات: 566
كلامك صاح يا دينا، المريخ والهلال وإبراهيم عوض وسيد عبد العزيز وأبوصلاح وعبدالرحمن الريح وعبيد عبدالرحمن وأحمد الجابري ووووو......... ديل كلهم من الخرطوم. الغنيه ذاتا كانت في الأصل (لي في "الكلاكله" غزال نافر بغني عليهو). __
قلتي لي أولاد أمدرمان مالُم؟
04-24-2009, 09:57 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
ياسيدتى أبناء أم درمان لايبخسون المدن الاخرى حقها ولكن يقفون دائماً إجلالاً لمكان صباهم وتقديراً لدور أمدرمان الريادى فى كل المجالات فلا تبخسيها. ناس أم درمان ياسيدتى يطلبون ان تكسرى الحديدة الرابطانة بيكم دى إذا كانت تاعباكم فنحن لسنا بحوجة لها وكما غنى الفرجونى أنا أمدرمان انا السودان. وناس أمدرمان ياسيدتى ناس مأصلين وكرام وعظام. فى امدرمان بلد الامن والامان. أمدرمان الامام المهدى والسيد عبد الرحمن المهدى والسيد على وإسماعيل الازهرى والسيد عبدالله خليل والامام الصادق ا لمهدى وكثر فاتنى ذكرهم. ومازالت تنجب أمدرمان. اما فى مجال الرياضة فيكفينا الثلاثة العظام الهلال المريخ والموردة بإستاداتهم فهم كبار الرياضة فى بلدنا. وإنشاءالله تكونى بتشجعى فريق الخرطوم أوالخرطوم ثلاثة سابقاً. وفى الموسيقى والشعر فنحن الحقيبة نفسها سرور وكرومة ودالبنا وخليل فرح وكثر إلم يكن كل المغنين العظام منها. ياسيدتى ألم تسمعى مذياع وتلفزيون السودان وهم يبدأون يومهم بهنا أم درمان إذاعة وتلفزيون جمهورية السودان. عندما يتباهى أبناء أمدرمان بأمدرمانيتهم فهم على حق وإن أبى الغير. عندما تذكر أمدرمان الكلام كمل وإن زدتم زدنا. وكفى مع فائق ودى إحترامى للخرطوم وأهلها الكرام
أشرف الباقر أم درمان الملازمين وبيت المال وودنوباوى
.....
04-24-2009, 10:18 PM
Kostawi Kostawi
تاريخ التسجيل: 02-04-2002
مجموع المشاركات: 39979
أنا امدرمان تأمل في نجوعي أنا السودان تمثل في ربوعي .. أنا إبن الشمال سكنت قلبي .. علي إبن الجنوب ضميت ضلوعي .. أنا أمدرمان سئلوا الليل عني .. وعن عزمات فتاة عند التجني .. فخير بنيكا يا سودان مني .. سئلوا الحادي سئلوا الشادي المغني أنا امدرمان إذا ما قلت أعني فما نيل المطالب بالتمني تجيش النفس بالآمال .. لكن . ولكن هذه اللمي لا تدعني .. أنا أمدرمان مضي أمسي بنحسي .. غداً وفتاي أحطم قيد حبسي وأخرج للملأ في ثوب عرسي .. وأبسم بعد ما كان طال عبسي وأهمس والفضاء يا ليل همس .. وأهتفت والوري يا ليل وحسي فيا سودان يسمي والنفسي هانت .. أقدم للفدي روحي بنفسي
04-24-2009, 11:07 PM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
Quote: في سؤال يا الاخت دنيا ..محيرني و ما وجدت ليه اجابةخالص ليه ناس أم درمان لما يغني الزول فيهم يبع بيته وكل حاجة ويشتري بيت في الخرطوم ويرحل يسكن فيها؟؟؟
خالص ....خالص
مالو نفسك قايم كده كدى اقعد وقول بسم الله وخت الرحمن فى قلبك
بيوت شنو يا اللخو الببيعوها... إنته بجدك???
دي إسمها سياسة التوسع والإحتلال
04-25-2009, 00:30 AM
ثروت سوار الدهب ثروت سوار الدهب
تاريخ التسجيل: 07-22-2003
مجموع المشاركات: 7533
طارق بركة الجيت بركة الجيت قول لينا اسم فنان اسم لاعب اى حاجه الناس ديل الى الان غالبنهم بالصور
الخردة ومحمد المرتضى !!!! طلعتو امدرمانيين ؟؟ ياخ دا انا بخاف من الكلب ......... الزاكى ما طمبل !
Quote: في سؤال يا الاخت دنيا ..محيرني و ما وجدت ليه اجابةخالص ليه ناس أم درمان لما يغني الزول فيهم يبع بيته وكل حاجة ويشتري بيت في الخرطوم ويرحل يسكن فيها؟؟؟
برستييج برستيييييج يا زاكى ... اصحى !
اشرف الباقر ما لقيت لى زول كتااااب زيك كدا من الخرطوم لسة اصبر لى لما يجوا يكلموك بناسا .. ياسر كريم وهنا الخرطوم صعبتها يعنى ؟
04-25-2009, 00:31 AM
علاء الدين حيموره علاء الدين حيموره
تاريخ التسجيل: 08-08-2006
مجموع المشاركات: 5689
الاخت دينا امشوا اعملوا ليكم إزاعة وتلفزيون بعدين تعالوا قولوا هنا الخرطوم الاخ علاء دى ما الشفتنة زاتا نجكس من ام درمان لحدى الخرطوم تلاتة وكان فى الخرطوم عشرة زاتا كان جكسنا بناتا
04-25-2009, 06:17 AM
omer osman omer osman
تاريخ التسجيل: 06-09-2007
مجموع المشاركات: 15218
أولا يا دينا الشعبية دي كوم بعدين نجي لي بحري.. الشعبية نجمة تزين سماء مدينة الخرطوم بحري بحري: السيد علي الميرغني ، السيد محمد عثمان الميرغني ، المرحوم السيد أحمد الميرغني و بجيك راجع.. بس قلت أبدا بالسادة الختمية..
04-25-2009, 07:00 AM
ALZOLZATOO ALZOLZATOO
تاريخ التسجيل: 03-14-2002
مجموع المشاركات: 4216
كمان لو ده كلو ماكفاك وعرجتي على الثورات ح تلاقي كل حاجة هناك
اما لو زول سالك عن السودان وماعرفتي تجاوبي تركبي تمشي نيو اورليناز ( امدرمان الجديدة ) امبده بالعربي كده اها ح تلاقي السودان كلو هناك شرق وغرب وجنوب ووسط وشمال .
ولازم في طريق الرجعة تمشي بالكبري الجديد وتزوري الفتيحاب وتشوفي الطيبة الحقيقية
قالت الخرطوم بالله دي الفاظ دي
تحياتي
زاتوووو
04-25-2009, 07:27 AM
ابراهيم محمد الحسن ابراهيم محمد الحسن
تاريخ التسجيل: 11-08-2006
مجموع المشاركات: 8154
كابلي ثنائي العاصمه عبد العظيم حركه خضر بشير ابو امنه حامد خوجلي عثمان عزالدين الصبابي هيثم مصطفي النور الجيلاني نادر وعاطف منصور منقستو المفك محمود عبد العزيز فرفور عبده الشيخ عابده الشيخ
ولسه كتير وين عماد عثمان
04-25-2009, 08:04 AM
صلاح ليون صلاح ليون
تاريخ التسجيل: 08-09-2008
مجموع المشاركات: 1938
باشمهندس .. ياخي انا من امبارح شفته الصورة اتخلعته وقلته ياربي ابراهيم ده هبب شنو مع ناس الخرطوم.. ورجعته قريت آخر مداخلاتك في بوست مدرسة الموتمر لقيت الموضوع عادي .. ومشيت اليوم الحار برضو مالقيتك مهبب حاجة.. والله كنت عايز ارسل ليك رسالة لكن قلته انت اكيد اسم امدرمان ده لما يجي في بوست بتدخلو بتدخلو
غايتو كان صحبت البوست عاملاك معلم بارز زي الطابية .. فهنياً لك.. لكن كان غير كده .. يحلك الحلا بله .. اصلو البورد اليومين دي كلو محاكم وحقوق..
04-25-2009, 08:22 AM
ابراهيم محمد الحسن ابراهيم محمد الحسن
تاريخ التسجيل: 11-08-2006
مجموع المشاركات: 8154
لوووووووووووووول والله حكاية واحد يقوم من النوم يلقي اصحابو مقنطرين في صورة امدرمانية ويا دينا غايتو هبشة امدرمان ما بناباها لكن كمان اولاد هندسة الامدرمانين ديل دونهم القتاد وخط احمراني لوووووول يا ابراهيم بالله سريع باصوريد لعاطف ساكوبة وحسن محمود وعيال زهير وعبدالحكيم وضروري بالله (كبش) ومحمد شلف ده ما تعدو لي معاهم لانو من زمان القرود شاكي في امدرمانتيو ههههههههه
ابراهيم هوووي بالله ضروري الرد الرد قماير وام بد
(ام بد هي امبدة)
04-25-2009, 08:35 AM
ابراهيم محمد الحسن ابراهيم محمد الحسن
تاريخ التسجيل: 11-08-2006
مجموع المشاركات: 8154
عييييييك بالله زينب سليمان من امدرمان..لاحولا ولا وقوي... وبصراحة بصراحة كده في واحدة اختنا بوردابية وقعت وقعت التاباني والياباني... باصوريد بالله للمهندسة زنوبة وبس قول ليها خليك حنينة يا دفعة. ههههه...
وياخ الصورة دي فرصة نحي فيها بارتيتا فشوقنا ليهو طال الزول الرائع ده
04-25-2009, 08:38 AM
دينا خالد دينا خالد
تاريخ التسجيل: 06-26-2006
مجموع المشاركات: 8736
تصدق تعليقك دا فاتنى مع ان شكلو قعد مدة .. قول قول يهمنى رايك والله ..
ابراهيم محمد الحسن لووووووول قال يحى العظام .. تصدق لما الصورة دى جاتنى قايلاهم الجماعة دييك بتاعين عبود !! قلت واحد بكون حى مافى ياخى فرصه سعيدة والبركة فيكم فى صديقك وليد .. وفاءك له واحده تحسب لاهل امدرمان .. لو ما عندك مانع ح نخليك معانا فى البوست .
عمر عثمان ! واصل كفاحك وخليك حريص ما يجو يغالطونا
الزول زاتو ... ان لاهلك فى الخرطوم عليك حق .. حتى لو صور وذلك اضعف الايمان .
علاء حيمورة اها اسرة الحيموراب دى برااااااها ما امدرمان ؟
والله ريحتيني راحة غريبة نكايةً في إتنين الأول حسين خوجلي لامن (يقعِد) الكلام ويقول ليكـ بصوتو التاني داكـ ( ناس أم درمان ).. وهاكـ يا تنظير .. تانيهم تمبس : شابكنأ ليكـ محل الرئيس بنوم التقول نحن خلاااااااص مكيفانا إنو الرئيس نايم .. والفورة ألف ونحن ناس أم درمان البنكمل السمكـ نخليهو هيكل عظمي وهاكـ (يا بري) ... بس كمان كلمة (بحري والهامش يمتنعون) دي بااااااااااااالغتي فيها ...
04-25-2009, 08:49 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
ياجماعه ليكم مليون سنه فى البورد ده وماقادرين تقهموا دينا دى ؟؟؟ الدندونه دى أقروها بعيدا عن المباشره , معانيها ومقاصدها دائما خلف الكلمات . شكرا يادينا على إعجابك بأم درمان وأولاد أم درمان وصدقينى الخرطوم دى نحن بنعزها عشان السجانه والديم لأنهم كما قال على المك ( أحياء أم درمانيه وجدت بالخطأ فى الخرطوم ) وناس الخرطوم الماعندهم ناس بيجوا يقيلوا معاهم يوم الجمعه فى أم درمان ,, ديل ذاتهم عندنا فيهم رأى !! وإنت ذاتك يادينا أمبارح مش كنتى مقيله مع ناس حبوبه فى أم درمان ؟ وتيب ,, إنت قايله لما إبراهيم عوض قال ( نحن عز الدنيا بينا ) كان بقصد منو ؟
عشان الفصاحة بتاعتهم دي ح نوصي ناس امدرمان لو خليل ابراهيم جاء امدرمان مرة تانية ح نفتح ليهو الكباري على مصرعيها نخليهو يخش الخرطوم وبحري وشوف عينك لو اشجع واحد مالقوهو في طيبة الحسناب اكون انا مازاتو بن زاتوووو .
بعد داك نشقر انا وانت وتمبس ونمشي نادي الضباط ونحضر عرس ندى القلعة هههههههههههههههههههه يكه
تحياتي
زاتوووو
04-25-2009, 12:32 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
واحد صاحبنا زوجته اليوم داك جايا من الامارات المهم بعد ما استقلهم غشى زول في نص الخرطوم وهم مع الزول اتصلوا عليه قالوا ليه الكوماج قام تعال امدرمان بسرعة اها نزلوا عشان يمشوا امدرمان
قال لي لقيت البلد مقلوبة والناس تتجارى قال لي انا قلت الجماعة ديل قطعوا الكبري دخلو الخرتوم اها قال لي ي ما المشكلة المشكلة الناس كلها جارية وكل زول في اتجاه ما عرفنا نجي على وين زاتو ..!
شفت ناس امدرمان الرصاص يلعلع وهم واقفين في نصه
هييييييييييييييييييييييع
04-25-2009, 01:07 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
بغض النظر عن آراء البعض السلبية في القومة و القعدة العاملينهااولاد ام درمان لأمدرمان لكن في ميزة جدا كبيرة لناسها انك ممكن تلعن ابو خاش صلاح البندر و يفوتها ليك عادي كونك من امدرمان في حين لو طلعت من مدني او هامش ود هاشم الله قال بي قولك انت و اهلك و حلتكم كلها معاك
04-25-2009, 01:52 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: انك ممكن تلعن ابو خاش صلاح البندر و يفوتها ليك عادي كونك من امدرمان في حين لو طلعت من مدني او هامش ود هاشم الله قال بي قولك انت و اهلك و حلتكم كلها معاك
ياعمك الجزئية دي غير الواحد يركب مكنة زول من الحاج يوسف اسمو ود الصايم ويقول فيها كاااااااااااااااااااااااااك... اتخيل لي ماعندها اي حل تاني.....
04-25-2009, 01:08 PM
محمد عبدالمنعم التلب محمد عبدالمنعم التلب
تاريخ التسجيل: 09-13-2008
مجموع المشاركات: 155
Quote: عشان الفصاحة بتاعتهم دي ح نوصي ناس امدرمان لو خليل ابراهيم جاء امدرمان مرة تانية ح نفتح ليهو الكباري على مصرعيها نخليهو يخش الخرطوم وبحري وشوف عينك لو اشجع واحد مالقوهو في طيبة الحسناب اكون انا مازاتو بن زاتوووو .
يا زاتو مع انني من ناس يمتنعون الجد جد لكن...عاد النصيحة بنقولها...نحن شفنا الحكاية دي في التلفزيون خليل دا غير اهلو ما في زولا لاقاه في ام درمان...وشوية الناس الكانو حايمين ديل بكونوا فاكرين انو في كورة هلال مريخ...
والناس الترسوه ديل...جو من ناحية الكبري...(يعني من الخرطوم) وبعدين ام درمان دي من ناحية الغرب بتبدأ من قصر الشباب والاطفال؟
04-25-2009, 02:02 PM
ALZOLZATOO ALZOLZATOO
تاريخ التسجيل: 03-14-2002
مجموع المشاركات: 4216
قصدك من جهة الشرق ، من جهة الشرق بتبدا من مجلس الشعب او الجمعية التاسيسية وغربا لحدي قريب لي فتاشا يعني سوق الناقة المكرهننا بيهو ده تبع امدرمان
ومن ابو سعد جنوبا حتى وادي سيدنا شمالا على ما اعتقد .
انتو ياجماعة طرواه دي قاصدين بيها شنو شابكننا بحري طرواه مايكون الهمبريب لانو طراوه دي ناس امدرمان بيفهموها كم حاجة كده ياحليلك ياتامبا كنت اتفسحت في البوست ده جنس تفسح
استاذنا سيف يا حبيبنا الخرطوم دي حاجة تاني انا اتولدت وكبرت في الامتداد عايز تهججي تمشي الديم عايز تجكس تكسح علي الصحافت تلاقي الحور زاته هناك اما العمارات دي آآآآآآآآآآآآآآآآآآآآآآآآآآآآخ انا من العمارات نجاض رسمي ههههههههههههه
04-25-2009, 03:09 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
الله يديك العافية يا دينا اولاد امدرمان ديل بيفقعوا المرارة تسال الواحد تقول ليه انت من وين اها يعاين ليك من فوق لتحت و يقول ليك نحن ناس الحضارة امدرمان يعني اولاد بيفقعوا المرارة الا جكس امدرمان زي ما في و ما بنرضي الكلام فيه
04-25-2009, 03:28 PM
إسحاق بله الأمين إسحاق بله الأمين
تاريخ التسجيل: 06-29-2006
مجموع المشاركات: 1371
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
دينا خالد
omer osman
Hassan Makkawi
isam elzein
waleed500
سيف الدولة كامل
عاطف عمر
ثروت سوار الدهب
ياسر عبدالكريم محمد
محمد المرتضى حامد
Emad Abdulla
Rawia
أشرف محمد الباقر
Kostawi
حبيب نورة
طارق جبريل
معاوية الأرباب
علاء الدين حيموره
الحاج حمد الحاج
ALZOLZATOO
ابراهيم محمد الحسن
Hussein Mallasi
عمر عثمان
صلاح ليون
علوبه
عبدالكريم الامين احمد
عمران حسن صالح
الطيب شيقوق
ismeil abbas
كمال سالم
محمد البشرى الخضر
محمد عبدالمنعم التلب
محمد عبد الماجد الصايم
حسام يوسف
Mahathir
Siham Elmugammar
إسحاق بله الأمين
mamkouna
فيس بوك
تويتر
انستقرام
يوتيوب
بنتيريست