|
|
 Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: mamkouna)
|
انا امدرمان تأمل في نجوعي *** انا السودان تمثل في ربوعي
انا ابن الشمال سكنته قلبى *** علي ابن الجنوب ضميت ضلوعي
انا امدرمان سلوا النيلين عني *** وعن عزمات فتاي عند التجني
فخير بنيك ياسودان منى *** سلو الحادي سلوا الشادي المغني
انا امدرمان اذا ما قلت اعني *** فما نيل المطالب بالتمني
تجيش النفس بالآمال لكن ولكن هذه لم لا تدعني
انا امدرمان مضي امسي بنحسي *** غدا وفتاي يحطم قيد حبسى
واهمس والفضاء يعلن همسى *** واهتف والوري يعرف حسي
واخرج للملأ في ثوب عرسى *** وابسم بعدما قد طال عبسي
فيا سودان اذ ما النفس هانت *** اقدم للفداء روحي بنفسي
أصيلة يا أمدرمان
________________________
واحد من أمبدة ومقيّل في أمدرمان
| |
 
|
|
|
|
|
|
|
 Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: mamkouna)
|
كدي يا دينا للضمان
وانت كان في الخرطوم واو خارج السودان ادير مؤشر الراديو على اذاعة السودان
ماذا تسمعي؟؟؟
عشان ما تتحسسي هاك الرد
هنا ام درمان ......
وعشان نتونس معاك شوية رغم اني مللت من الجدل البيظنتي زي مابيقولوا(والله ماعارف قاصدين بيها شنو)
حى الامراء,حي الهاشماب, الملازمين,بيت المال, الهجرة.ود نوباوى أبو روف, القماير ,الدباغه, حي العمدة,حي مكي,القلعه,حي الشهداء البوسته. حى العرب. حي المظاهر,المسالمة,الركابية,الكبجاب,ودالبنا,العباسية, بانت, حي الضباط,حي الامراء,حي الصقور,سبعه بيوت,عبدالله خليل, حي الشهداء,حي العرب,العرضة,المهندسين, الفتيحاب, امبدات,واخيرا الثورات.
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: إسحاق بله الأمين)
|
الاعزاء
عن منطقه صغيره جغرافياً غرب أم درمان كبيره معني و تاريخ و أصاله
تناولها بعض صغار الصحفيين الرياضيين بالاستهزاء لجهلهم بجغرافياالامكنه
و كان ردي
مزمل ابو القاسم .. يواصل حربه القذره ضد نجوم الهلال وعل... أن يتحمل النتائج !!
Quote:
و أصبحت رائحة سوق الملجة الحارقة التي تهب علي أستاد الهلال تزكم أنوف صحفيي الصدأ
لكن عذرا صديقي
لم تؤثر تلك الرائحة علي كرومة وهو يلحن أنا وانت والنيل و القمر في نادي الهلال
لم تؤثر تلك الرائحة علي عبدالرحمن الريح وهو يسطر الفن السوداني الحديث في حي العرب شمال استاد الهلال
لم تؤثر تلك الرائحة علي أصوات رمضان حسن وحسن عطية والجابري وابراهيم عوض ومحمد احمد عوض حول نادي الهلال
لم تؤثر تلك الرائحة علي التجاني يوسف بشير في المعهد العلمي جوار نادي الهلال
لم تؤثر تلك الرائحة علي الشيخ محمد أحمد البرير وهو يبني بثبات صروحه الاقتصادية شرق نادي الهلال
لم تؤثر تلك الرائحة علي ال بدري وهم يبنون صروحهم العلمية غرب نادي الهلال
و أخيرا
لم تؤثر تلك الرائحة علي اللاعبين والمشاركين في الدورات الدولية للبلياردو بنادي التاج شرق نادي الهلال
بالمناسبة الهلال والمريخ ديل بتاعين أمدرمان والما عاجبو اليمشي يسوي ليهو هلال ومريخ في............ |
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: محمد حيدر)
|
يا ســـــــــــــــــاحة القصر يا حقـــل النار....
أحــــــــــــــــــــــــــــــــــــــــــــــــــــــــى يا الملحمه...... شعرة جلدى كشت...
____________________________________
__________________________________
دينا سلام يا حبيبه...
والله بردتى بطنى...أنا من زمان نفسى فى بوست زى ده...
امدرمان شنو ......قولى لى نمره إتنين..نمره تلاته...حى الزهور...العمارات...الرياض ... ...
قال امدرمان قال...ما شافو ناس حيدر قسم كيف كانو رافعين بوست الصحافه على أسنة الرماح...
ولســـــــــــــــه ما جبت سيرة الديامه....
نحنا ناس الوعى...سقطنا الترابى...وفوزنا نقد وعزالدين...
واحده من حى الزهور
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: طارق الأمين)
|
دينا
سلام
(أفرز يا ديجانقو!)
أم درمانى وخرطومى النشأة والإقامة بالمنطقتين
أم درمان غير ..
أم درمان مدينة المدائن
ام درمان بى ناسا
العاصمة الوطنية
نادى الخريجين ومؤتمر الخريجين والإستقلال
المهدى وبقعته المباركة
الخليفة التعايشى وميدان الخليفة والمولد
الأزهرى واليوم نرفع راية إستقلالنا
بابكر بدرى ومدارس الأحفاد
العاصمة الأدبية والفنية
الإذاعة .. والبيان الأول
حمد النيل والبكرى وأحمد شرفى
دفع الله الصائم، الشيخ غريب الله
الشيخ الضرير .. القادريه الأدارسه
الختمية .. قبة المهدى، جامع ودأرو
جامع الضرير وجامع ود نوباوى
سوق الصاغة .. سوق النسوان
الملجة ..
كرومة، سرور، الكاشف، أبراهيم عوض
محمد احمد عوض، برعى محمدية ...
الموردة المريخ .. الهلال
عبد الخير، منزول، برعى، قرعم
سيت دودو، المحينة، عثمان الديم
ماجد، جكسا، بشرى بشارة، كمال عبد الوهاب
ود نفاش، سينا ، الهادى الضلالى
امدرمان سياسة .. أدب .. فن و كورة
أم درمان ديل أهلى .. ديل قبيلتى
لما أدوره أوصف للبدور وصفى ..
نسيج إجتماعى تذوب فيه كل أعراق السودان
أمدرمان السودان !
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: ابراهيم محمد الحسن)
|
يا زاتووو ،،
Quote: عشان الفصاحة بتاعتهم دي ح نوصي ناس امدرمان لو خليل ابراهيم جاء امدرمان مرة تانية ح نفتح ليهو الكباري على مصرعيها
نخليهو يخش الخرطوم وبحري وشوف عينك لو اشجع واحد مالقوهو في طيبة الحسناب |
لا ياخ ،، وإنت الصادق ،،
ما تظلمهم ساكت ...
ديل أكيد حا يواجهوهو بصناديق الكلنكس ..
على رأي الأخت (بنت الهنا) :
| Quote: واحد من نمره اتنين شال ليه منديل و قال ليهم يلا من هنا اسي اطرشق ليكم وشكم بي المنديل ده؟ |
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: ابراهيم محمد الحسن)
|
Quote: لا ياخ ،، وإنت الصادق ،،
ما تظلمهم ساكت ...
ديل أكيد حا يواجهوهو بصناديق الكلنكس ..
على رأي الأخت (بنت الهنا) :
|
دي برضو تندرج تحت النصيحة القلناها لزاتو بصفتي من ناس يمتنعون جدا
ولكني من المستمتعين جدا بهذا التنافس...ما بين الخرطوم وام درمان
فخليل لم يصده اهل ام درمان وانما زغردوا له...وصدوه ناس لاقوه في
الكبري...وقطعا هم من الخرطوم...الا اذا كان الصدوه ديل كانوا
متراجعين من بداية ام درمان من الغرب لي حد الكبري...(الموضوع دا
انا ما حا اخليه يا ابراهيم...زيو وزي موضوع الكهرباء واحد)
المرة الجاية كان قلت ناس ام درمان صدوا خليل حا اجيب ليك فيديو
الزغاريد...(وسيترنا ألي ام درمان كاملة)
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: ابراهيم محمد الحسن)
|
يا الحسن مكاوي
الخرطوم كان بقت كده
يمين الله ناس نحن وناس يمتنعون تاني علا يعملوا كرت الحمي
الصفراء والزرقاء...والبلهارسيا والكتكوتة ويجتازوا الكرنتينة
من ناحية الجيلي....وجبل المرخيات...وجبل اولياء وسوبا...
واحتمال كبير يعملوا ليها تأشيرة عمرة...وزوغة مافي...
تعاين للابراج دي....وتقح وتشتت طوالي...
(الايام دي قدرات ماسك في تداعيات الازمة العالمية)
قال لي عايز قروش دين لاحدي ما ارجع...اكان ما تداعيات الازمة دي
تحميني اجي راجع...واستطرد قائلا...هي التداعيات دي وصلت السودان..
يا زول ما عندك مشكلة انا بصل قبالا وبرجع ليك قروشك...
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: محمد الشيخ أرباب)
|
Quote: الايام دي قدرات ماسك في تداعيات الازمة العالمية)
قال لي عايز قروش دين لاحدي ما ارجع...اكان ما تداعيات الازمة دي
تحميني اجي راجع...واستطرد قائلا...هي التداعيات دي وصلت السودان..
يا زول ما عندك مشكلة انا بصل قبالا وبرجع ليك قروشك... |
نزارى
شحنة قدرات ( الدافرة ) نحو البلد
كفيلة بحلحلة تداعيات الأزمة المالية
لكن حكاية يرجع ليك قروشك دى...ما ظنتى
والعزر سمبهار.. : قروش شنو يا نزار؟؟ ما سمعتة بالأزمة المالية)
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: محمد عبد الماجد الصايم)
|
هالة ،،
يا هندسة ،،
Quote: قلت لى مالك مع أولاد(نا)؟؟؟
ديل ناس هندسة ساكت ياخ،،،،
يا إبراهيم قول حاجة.......... |
قولي ده كلو ما شايفاه ؟
لكن انا عرفت إنه الأخت دينا إختارت صورتنا أنا ونزار ،،
كمعلم بارز لأمدرمان ،،
وده شرف لينا ،،
وأشكرها على هذه الثقة ،،
بعدين ،،
غايتو يا هالة ،،
إنتو خرتوميتكم دي
بتشفع ليها كلية الهندسة ،،،
الليلة ووووووب ،،
بقوا علينا إثنين فاقعين مرارة الناس ،،
أمدر ،،
والهندسة .،،،
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: وليد محمد المبارك)
|
انتو ياجماعة مش الخرتوم دي فتحوها ناس الفتيحاب
الذ حاجة واحدة قالت الرياض والعمارات
ياخي نا قبل كده بت يوم واحد في الرياض قربت اجن اها كمان مرة من المرات صادفت واحده بتكورك بي طول حسها في الشارع زول عبرها مافي اها عاينت بالشباك اكتشفت انو الحكاية انو ابوها مات ومافي زول شغال بيها الشغلة
اها دي لو في امدرمان قبل مااهلها يعرفو ناس الحلة يكونوا قاموا بالواجب
بعدين عندنا زميلتنا من ناس الرياض قالت ليها اربعة سنة ماشافت جيرانهم لا حولة بالله دي جيره دي
عشان كده نحن ناس امدرمان المدن المصنوعة صناعة دي مابتنفع معانا الواحد يجي من بره يلاقي السرير بتاعو في الحوش سااااااااااقط ويرقد ينوم يعني كهربة محمد فرح زاتووو ماشغالين بيها كتير وبنشرب من الزير والسمك بناكلو في الموردة صير .
بالله يابتاعة العمارات والرياض انتي والله خجلت ليك كمان فرحانة
تحياتي
زاتوووو
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: ALZOLZATOO)
|
ALZOLZATOO
هى خلينى من واجبكم ده....
عندى قريبى من أولاد قلب الخرطوم ....الضائقه الماليه والشلاقه ودتو ...قام سكن امدرمان...
أها...الصباح طالع للشغل وفى السكه إتذكر إنه نسى ليه مفتاح...
قام براحه بكلم فى نفسه...قال الله المفتاح...
جاء راجع من الشغل...أى زول فى السكه سألو...إن شاء الله المفتاح لقيتو...هاللخو نعل المفتاح اللقى...
إن شاء الله المفتاح جمع...إتسأل عن المفتاح زى دشلمية سؤال كده...
قال رغم أنف جميع الضوائق أنا راجع الخرطوم...
وقد فعل...
تقول لى(....privacy)...
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: وليد محمد المبارك)
|
سنة الفين و 5 كدا وفي لحظة تجلي كعادتي تلك الايام تداولنا حنك قريب من هذا في هذا الخيط Re: هل هذه حقيقةً آراء أهل السودان في أمدرمان؟؟؟؟ بمعية بعض الشباب ومن بينهم وليد الفوق دا زاتو كتبت يومئذً
ـــــــــــــــــــــــ
امدرمان دي اكبر كذبة اخترعتوها وصدقتوها
امدرمان كمدينة من اسوأ مدن السودان و(اوسخها)منظرا وابشعها حلة ..
والله لو كنتم صادقين وحاكمتوها كمدينة لخرجتم وانتم تنوحون عليها
حاكموها مباني ومنشأت حاكموها ازقة وشوارع .. حاكموها تصريف وابنية
حاكموها مظهرا ..
كل هذا امدرمان صـــــــــــــــــفرا كبيرا
والله لو قورنت بمدينة رشاد في جبال النوبة وقد رايتهما الاثنتان لضاهت
رشاد في خضرتها وجمال بيئتها وحسن مظهرها اي من المدن الالمانية العريقة
غشاوة حب امدرمان فيكم يجعل في اعينكم غشاوة رءيتها كمدينة (مبهدلة)
زحامها خانق سؤ تنظيمها وارتباك حركتها وبؤس مظهرها ..
امدرمان مثلت في وقت من الاوقات محطة وسطي السودان التقى فيها اهل السودان
(بثقافاتهم ) التي جلبوها معهم وكانت ام درمان هي المسرح الذي قدمت عليه وكان هذا المسرح في زمن غير الان..
طبعا لا اتوقع منكم ان تصدقوني ابدا في الرؤية ام درمان هي التي تربيتم فيها وهي كامكم فمن ذا الذي يتحدث عن امه بسؤ ولو كانت امه ابشع مخلوقات الله ...
لذا نحن نتحدث عن وجهة نظرنا في ام درمان كمدينة
الله يخلي لينا بري
انتهي الكلام الزمان
ــــــــــــــــــــــــــــ
واضافة الي ما سبق نقول ان فرمالة اولاد امدر ياتي في حيثيات قولهم ( انحنا اولاد امدرمان , امدر السياسة , ام در الفن والادب ام در الكورة .. لخ لخ لخ ..)
ولنحاكم سياسة السودان وكل الحفر التي دخلنا فيها ولم نخرج حتي الان نخلص الي ماهية امدر السياسة , ولنحاكم بالمثل كورة السودان وسنعرف العجب العجاب اما بالنسبة للفنون والاداب فقد خرج من بين ظهرانين امدر ادبا يشبهنا ونشبهه وعند نظرتنا اليه في الخارج نجده صفرا كبيرا كمدينتنا العائمة في غيابة الجب
امدرمان كمدينة لا تشبه الا امدرمان ومثلما يقول المثل الامدرماني الشهير ( الما لقي شبهو الله قبحوا )
قوموا لفوا يرحمكم الله
الخرطوم حلاتها خاصة في تلاتة
الخرطوم اتنين مافيها شين
انحنا الديامة وانحنا حطب القيامة
وبري الشريف شكلك ظريف
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: اساسي)
|
حاقدين ليس الا
الخرتوم زاتها شن طعمها
ما شفت الكلاكلات
ولا ما سمعت بالانقاذ والسلمة وما جاورها
ولا ما شفت الكرتون الكان في نص بري لحدي سنة 95 انت قايلنا ما شقينا مغابركم
اول عشاوئي كان في خرطومكم دي
ولا نسيت يا اساسي فلاته
كان القصة رصت بيوت
وين ليك من السكن الفاخر وشارع الوادي لحدي الكبرس الجديد
وين ليك
من الواحات
وين ليك من العوده
وين ليك من التعويضات
امدرمان يا اساسي
مدينة انشئت لغرض التحرير وكفي
نعم كان عجبك او غلبك
فيها الرياضة كلها
فيها السياسة اغلبها
وما طيارتنا حرقت
الا بعد جونا ناس المنشية ( الترابي )
وناس بحري ( عمر البشير )
يا عمي روح
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: waleed dawash)
|
وليد ،،
Quote: راجعي الارشيف من بداية المنبر ده شوفي في واحد
من امدرمان فتح بوست مقارنة مع مدينه تانيه؟
ما حاتلقي... عارفه ليه؟ كونك تقارني امدر مع
مدينه تانيه .. ده عندنا اثم يستحق العقاب . |
بس الجماعة معذورين ،،
عاوزين يفشوا غبينتهم ،،،
خليهم يفشوها ياخ ،،
Quote: اما الاخ اساسي ،،،
بكجن امدرمان من يوم اتشالق مع الحلبي جارهم
الجديد وقام الحلبي طقطق اخونا اساسي وطلع انو الحلبي
جاي من امدرمان. هههههههههههههههه |
بالله هو ده السبب ؟؟؟
وأنا اقووول ،،
أساسي ده مالو مزودة حبة كده ..
ياخي ده فات صاحبو داك ...
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: ابراهيم محمد الحسن)
|
Quote: كريمو من كمبو الرى .. نزار حسين من هامش سقط لقط
وكل ناس يمتنعون
فى ذمتكم لما تجو مغبرين بتنزلو فى الخرطوم ولا فى ام در ؟؟ |
ام درمان بنزلو فيها ناس خليل
نحن ناس خليل؟...
وبعدين انا زاتي اديني خريف خريفين...حا ابقي من ناس
الخرتوم...وجار ندي القلعة الفوق دي شخسيا...
عشان كدة باعتبار ما سيكون..
لكن النصيحة اغلب اصحابي من ام درمان...وديل لازم اقول
ليهم ام درمان لذيذة خلاص...(انا وييين يا ناس) لا هسي
في الهامش...بس قررربت اطلع منو ...
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: دينا خالد)
|
Quote:
ALZOLZATOO
هى خلينى من واجبكم ده....
عندى قريبى من أولاد قلب الخرطوم ....الضائقه الماليه والشلاقه ودتو ...قام سكن امدرمان...
أها...الصباح طالع للشغل وفى السكه إتذكر إنه نسى ليه مفتاح...
قام براحه بكلم فى نفسه...قال الله المفتاح...
جاء راجع من الشغل...أى زول فى السكه سألو...إن شاء الله المفتاح لقيتو...هاللخو نعل المفتاح اللقى...
إن شاء الله المفتاح جمع...إتسأل عن المفتاح زى دشلمية سؤال كده...
قال رغم أنف جميع الضوائق أنا راجع الخرطوم...
وقد فعل...
تقول لى(.... |
الاخت العدوة اقبال المرضي
وشهد شاهد من اهله شفتي ناس امدرمان ديل قلوبهم على بعض كيف بعدين مشكلة الفرد تصبح مشكلة مجتمع طوالي
بي مناسبة المفتاح كنا يوم قاعدين شلة في الشارع اها جارتنا جات من بره وبتدق في الباب الجماعة قالوا ليها فلان مافي لانو فلان كان قاعد معانا المهم واحد من الشباب قام طلع بالباب وتلب بي جوه وفتح الباب اها فلان ظهر طوالي ومشى سلم على امو وقال لي صاحبنا انت ده بيت ابوك تنط بي فوق اها صاحبنا قال ليهو عايزين نلم ليك امك من الشارع كمان بتتفاصح اها لحدي امو ما اتكيفت زاتووو تقول لي ( EYES OF THE PUBLIC)
والله ياناس امدرمان هانت الزلابية يادينا ندى القلعة دي مش بتغني في استاد المريخ ولا وين
قالت الشريف مبسوط مني عشان انا بريد فني طيب سميرة دنيا دي مابتريد فنها الشريف ده ما انبسط ليها لي شنو هههههههههههه يكه
تحياتي
زاتوووو
| |
|
|
|
|
|
|
|
|
 Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: وليد محمد المبارك)
|
Quote: محل بفكو العربات تحديدا
توجد قهوة للحبش 100%
فاتحة على مقابر فاروق
قدامها فسحة فاضية ( قطعة سكنية لم تبنى بعد ) |
ده كلام مؤسس
وليه يعني الساعة 12 بالليل
_
عندنا واحد صاحبنا ساكن في منطقة بعيدة جداً من المدينة و أقرب للصناعية
عندو صاحبو جاو زيارة من بلد تاني و هم ماشين علي البيت من المطار
قوم يا الضيف عاين يمين شمال شايف ليكـ القصة دي ماشه خلاء سااااي
عاين لي صاحبو كده قال ليو
يا حبيب لو عندكـ حاجة داير تعملها ممكن نعملها هنا ماف داعي تتوغل لي جوه
لوووووووووووووول
يا عمر وليد ده ما يسوقكـ بعد الساعة 12 أمشي بدري بدري
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: وليد محمد المبارك)
|
طبعآ يا شباب ام درمان كما قال عبدالله حمدنا الله انها مدينة مصطنعة، والشئ الذى يجهله الكثير من جيلناأ ان كل احياء ام درمان اتى يعتبرونها عريقة، هى ليست بأعرق من الخرطوم، فنجى للتاريخ، حى ودنوباوي القاديننا بيهو سموهو على محمد ود نوباوي وهو الانصاري الذى قتل غردون بالحربة وهو من قبيلة بنى جرار، حي الملازمين، وهو كان يسكن فيه جيش الملازمين الذين كانو يتبعون ليعقوب جراب الراي شقيق الخليفة عبدالله، بعدين ام درمان الذين اسسوه هم جموعية الخرطوم وهم اهل الفتيحاب والهدى عندما اتى عسكر فى ديم الفتيحاب والجريف غرب ووالكلاكلة وهذه المدن لعبت دور كبير فى حصار وسقوط الخرطوم ارجعوا لكتاب ميمونة ميرغنى حمزة حصار وصقوط الخرطوم فالخرطوم كانت مدينة عامرة وبها كل العمران مثله ومثل اي مدينة اوروبية يجب الرجوع للرحالة الاوربيين الذين كتبو عن الخرطوم، الخرطوم يرجع اصلها لحوالي 3000 الف سنة اهلنا فى الجريف بعد خراب سوبا نزحو للضفة الغربية للنهر وعمرو تلك المنطقة، فى ما لعبت جزيرة توتى والعيلفون دور مهم فى تاريخ السودان،هذا من ناحية التاريخ، ام درمان كانت مدينة ماجنة لذلك تداعى لها الشعراء فى ذلك الحين والفنانين وحينها كان يطلق عليهم الصعاليق فغازلو وضاجعو نساءها فكانت مدينة فاجرة بمقايس ذلك الزمان، وجل شعراء الحقيبة المجيدين ليس من اهل ام درمان، العبادى ود الرضي، الجاغريو، الفنانين الذين تقنو بأجمل الاغانى لتمجيد امدرمان لم يكونو من ام درمان، احمد المصطفى، سيد خليفة، خلف الله حمد والقائمة تطول،امدرمان كانت مدينة الخمول والمجون لزلك امها كل اهل المجون والهوى، حتى قال فيها الشاعر دكتور محمد الواثق فى قصائد ديوانه المشهورة.. ام درمان تحتضر...حيث قال:
لأ حبذا أنت يا ام درمان من بلد.... أمطرتنى نكدآ لا جادك المطر
من صحن مسجدها حتى مشارفها.... حط الخمول بها واستحكم الضجر
ولا احب بلادآ لا ظلال لها ...... يظلها النيم والهجليج والعشر
ويذهب ابعد من ذلك حين يقول...
ولا احب نساء أن سفرن فقد.... تحجر الحسن والاشراق والخفر
من كل ماكرة فى زى طاهرة.... فى ثوبها تستكن الحية الزكر
ويقول ايضآ فى ام درمان
أكلما شيدت تمثالآ لعفتها..... تشيد للعار صرحآ فوق تمثالي
ويقول ايضآ....
يا صوت دعنى فما ام درمان منزلتى... لولا الاواصر من عم ومن خالي
ويقول ايضآ....
وعدتنى بعد قربي منك بالولد.. وكعهدك يا ام درمان لم تلدى
قالوا تزوجتها من بعد ما اكتهلت... واذبل الدهر منها زهرة الجسد
وقال قائلهم انثى بلآ رحم... تهوى الرجال ولا تبقى على آحد
وبرضو تقولي امد رمان......
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: waleed dawash)
|
سيف الدين جبريل ؟ ازيك ياخ
وين انت من زمان .. كدت ان افتر من البوست
يا سلام عليك .. اديلهم
تبلدينا .. طيب ياخ ما تساعدنا بالصور
عمر عثمان .. لو سمعت كلامى وليد دا ما تباريه نهائى
تباري يومين ح تعمل الشاى براك كلممممممتك !
وليد داواش ..
هسه شيتك دى تلقاها فى الخرطوم !
ابو عكر .. شكارتها يا بوى ..
حيدر امين ؟ ما تشوف لينا التلب دا ياخ ...
سامى عتبانى ... انت نفدت كيف من العتبانية ولا هم ساكنين
بحرى ؟؟؟
خالد فهمى ؟ مسالمة يارسول الله ؟
نوبينا ... انت دحين مش مع ناس يمتنعون ؟
امدرمان شنو كمان الجاتك فى كبرك ؟
اقبال المرضى
مرحى مرحى بزهور ورياحين الخرطوم ..
ما تسكتى لينا وليد دا شوية ... هسه عليك الله ذى كوريا
دى فى كم حته فى امدرمان ؟ الا بتجيبكم الشنا ساى !!
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: waleed dawash)
|
ود البشرى !
Quote: حقو يا دينا تفتحي بوست تالت , بس المرة دي كبي فكرتك بسرعة ومن المداخلة الأولى
عشان ما يلحق اخوانو |
اهااااا اخوانو مالهم لومهم لى .. هسه حتحوت دا كان بقلب
راسو الكبير دا وين ؟؟
المعز ابو نورا الخرطومى المستلب .... انا عندى شك فى خرطوميتك ذااااتها
هسه تلقاك من ناس يمتنعون !!
سناء السيد ..
انتى بتحبى فى امدرمان صاح ؟ ما قادرة تديهم خااااايفه ؟
لو ما هرشتيهم من هسه مافى فايدة ...
ابراهيم عدلان .. والللللللللهى بربر دا ذيى
انا بعرف البرلمان من الكبرى لما انزل بى هناك ما بعرفو ...
ياسر عبد الكريم
امدرمان دى اى حاجه اساسية بتتحول فيها لاحتياطية
اى بتقل قيمتها .. لووووووووووووب علينا !!
احمد محمد عثمان
Quote: ياخ انا مستغرب الزقاقات دي بطلعو منها كيف الصباح
وبرجعوا كيف بليل؟؟؟ |
هم برجعوا ؟؟؟ صباحات الله بى خيرها ما سمعت وليد
قال بضهبوا لى كم؟ وشهد شاهد من اهلها ...
حسن مكــــــــــاوى ؟؟
انت شايت وين ؟ وشك دا وش خرتووووووم انا ناس امدرمان بعرفهم
وجوههم عليها غبره ..
هاله حسن ؟
اها كلية الهندسة فى امدرمان ؟
ابراهااام جريفاوى
لالالا دى اسرائيل ولا يهمك .. باى ذا وايى..
هو الهمل تانى شنو؟
محمد الشيخ !!!
ود الموج دا لو جاء بس قول لينا فرتكو ......
ابراهيم م الحسن
| Quote: أكيد يكونوا من ناس أمدرمان الرحلو الخرتم |
او ناس الخرطوم الرحلو امدرمان ..
نادر الفضلى
| Quote: نسيج إجتماعى تذوب فيه كل أعراق السودان |
اهاااااااا بس شفت الذوبان دا ذااااااتو الاذية ...
طارق الامين ...
يا سايق البوباى .. ورينا الاشارة جاى ولا جاى ؟؟
قاسم المهداوى ....
تحضر ما تغييب .. انت غواصة ؟ هامش شنو ؟
المهداوى دى محطة شهيييرة فى الخرطوم ..
محمد حيدر ؟؟
Quote: أصبحت رائحة سوق الملجة الحارقة التي تهب علي أستاد الهلال تزكم أنوف صحفيي الصدأ
لكن عذرا صديقي
لم تؤثر تلك الرائحة علي كرومة وهو يلحن أنا وانت والنيل و القمر في نادي الهلال
لم تؤثر تلك الرائحة علي عبدالرحمن الريح وهو يسطر الفن السوداني الحديث في حي العرب شمال استاد الهلال
لم تؤثر تلك الرائحة علي أصوات رمضان حسن وحسن عطية والجابري وابراهيم عوض ومحمد احمد عوض حول نادي الهلال
لم تؤثر تلك الرائحة علي التجاني يوسف بشير في المعهد العلمي جوار نادي الهلال
لم تؤثر تلك الرائحة علي الشيخ محمد أحمد البرير وهو يبني بثبات صروحه الاقتصادية شرق نادي الهلال
لم تؤثر تلك الرائحة علي ال بدري وهم يبنون صروحهم العلمية غرب نادي الهلال
و أخيرا
لم تؤثر تلك الرائحة علي اللاعبين والمشاركين في الدورات الدولية للبلياردو بنادي التاج شرق نادي الهلال
|
اثرت اثرت انتو ما جايبين خبر ساى ..
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: سناء عبد السيد)
|
دينا خالد ،،
الممغوصة من ناس أمدر ...
إنشاء الله اتفشت شوية ،،،
Quote: امدرمان دى اى حاجه اساسية بتتحول فيها لاحتياطية
اى بتقل قيمتها .. لووووووووووووب علينا !! |
خصوصا لو كانت الحاجة دي جاية من بره أمدر ..
أساسية عندكم في الخرتم ،،
Quote: هاله حسن ؟
اها كلية الهندسة فى امدرمان ؟ |
ده عيبها الوحيد ،،
إنها ما في أمدرمان ،،
لكن ناس أمدرمان ما قصروا ،،
أشاعوا فيها روحهم ،،
ياخي حتى زملاءنا ناس الخرتم وناس يمتنعون بقوا ذينا سيم سيم ،،
عشان كده هم سبيشال كيس ....
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! ( بحرى والهامش يمتنعون ) (Re: Hala Hassan)
|
هالة ،،
Quote: كلية الهندسة دى لو كانت فى أم درمان،
كنت خليتها، و دخلت كلية البنات فى الطائف جنبنا،،،
لوووووووول،،، |
ده شنو ده ؟؟
كده الجماعة يوقعوا بيناتنا؟ ،،
نسيتي (نحن غرب السنتر؟ ..)
لكن ،،
أكيد بتجاملي في دينا سااااكت ،،
أنا عارفك طول عمرك مجاملة (تقول مولودة في أمدرمان ،،،)
لوووووويكة (بتاعت زااتو) ...
بعدين أنا عاذرك ،،
أكيد خلال (الأربعة) سنين بعد التخرج ...
زال تأثير ناس أمدر
وخلت ناس الخرتوم يهدوا فيك ...
| |
|
|
|
|
|
|
|
|
|
Re: لو انتو ابناء امدرمان .. نحن ناس الخرطوم ! (بحرى والهامش يمتنعون) . (Re: أشرف محمد الباقر)
|
Quote: طبعآ يا شباب ام درمان كما قال عبدالله حمدنا الله انها مدينة مصطنعة، والشئ الذى يجهله الكثير من جيلناأ ان كل احياء ام درمان اتى يعتبرونها عريقة، هى ليست بأعرق من الخرطوم، فنجى للتاريخ، حى ودنوباوي القاديننا بيهو سموهو على محمد ود نوباوي وهو الانصاري الذى قتل غردون بالحربة وهو من قبيلة بنى جرار، حي الملازمين، وهو كان يسكن فيه جيش الملازمين الذين كانو يتبعون ليعقوب جراب الراي شقيق الخليفة عبدالله، بعدين ام درمان الذين اسسوه هم جموعية الخرطوم وهم اهل الفتيحاب والهدى عندما اتى عسكر فى ديم الفتيحاب والجريف غرب ووالكلاكلة وهذه المدن لعبت دور كبير فى حصار وسقوط الخرطوم ارجعوا لكتاب ميمونة ميرغنى حمزة حصار وصقوط الخرطوم فالخرطوم كانت مدينة عامرة وبها كل العمران مثله ومثل اي مدينة اوروبية يجب الرجوع للرحالة الاوربيين الذين كتبو عن الخرطوم، الخرطوم يرجع اصلها لحوالي 3000 الف سنة اهلنا فى الجريف بعد خراب سوبا نزحو للضفة الغربية للنهر وعمرو تلك المنطقة، فى ما لعبت جزيرة توتى والعيلفون دور مهم فى تاريخ السودان،هذا من ناحية التاريخ، ام درمان كانت مدينة ماجنة لذلك تداعى لها الشعراء فى ذلك الحين والفنانين وحينها كان يطلق عليهم الصعاليق فغازلو وضاجعو نساءها فكانت مدينة فاجرة بمقايس ذلك الزمان، وجل شعراء الحقيبة المجيدين ليس من اهل ام درمان، العبادى ود الرضي، الجاغريو، الفنانين الذين تقنو بأجمل الاغانى لتمجيد امدرمان لم يكونو من ام درمان، احمد المصطفى، سيد خليفة، خلف الله حمد والقائمة تطول،امدرمان كانت مدينة الخمول والمجون لزلك امها كل اهل المجون والهوى، حتى قال فيها الشاعر دكتور محمد الواثق فى قصائد ديوانه المشهورة.. ام درمان تحتضر...حيث قال:
لأ حبذا أنت يا ام درمان من بلد.... أمطرتنى نكدآ لا جادك المطر
من صحن مسجدها حتى مشارفها.... حط الخمول بها واستحكم الضجر
ولا احب بلادآ لا ظلال لها ...... يظلها النيم والهجليج والعشر |
| |
|
|
|
|
|
|
| |
جعفر محي الدين
abdulhalim altilib
محمد حيدر
khalid fahmi
قاسم المهداوى
Egbal Elmardi
سناء عبد السيد
Rawia
نادر الفضلى
ابراهيم محمد الحسن
nazar hussien
mohamed elshiekh
Ibrahim Algrefwi
doma
Hassan Makkawi
محمد الشيخ أرباب
محمد عبد الماجد الصايم
ALZOLZATOO
Hussein Mallasi
Ahmed Mohammed Osman
ياسر عبدالكريم محمد
ابراهيم عدلان
Elmoiz Abunura
محمد البشرى الخضر
omer osman
سامى عتبانى
دينا خالد
العوض المسلمي
waleed dawash
فيصل نوبي
Saifeldin Gibreel
حيدر امين
عصام ابوعكر
محمد عبدالمنعم التلب
ارصد محمد جلال
أشرف محمد الباقر
فيس بوك
تويتر
انستقرام
يوتيوب
بنتيريست