|
خلي قوة الراس واسحبي الايميل ده يا ميادة ، لي قدام نتناقش اكتر (Re: علاء الدين حيموره)
|
Quote: ميادة اجيك تاني اقول ليك حاجه عارفة زي نشرك ده بيغري ناس تانين عيانين عاوزين يغيزو "الوهم " ناس سودانيز الفاكينها في روحم ديل يقوم يرسل لزول تاني رجل او امرأه عشان داك يجي ينشرا و هو يقرا و يضحك لو رسل و ما اتنشرت يرسل لواحد تاني و تالت و اكيد ربنا بيرزقوا بزول دمو حار و يزعل و ينزل الرسالة.
يا اختي ميادة نشر الرسالة يعطي الموضوع ابعاد اخرى و اكبر لا يستحقها اكرمينا بحذف الصورة ارجوك |
ميادة
ازيك
مع احترامي لموقف الكثيرين ومنهم اعزاء اقدرهم في صحة عرضك للرسالة دايرة بس اوضح ليك وجهة نظري لو وجدتي فيها مايفيد خذيه او اتركيه كله... ياميادة...العجز النفسي والتربوي والاخلاقي صوره كثيره هذه واحدة منها، وهي شكل من اشكال محاولة اركاع الانثى واغلال اراءها ايا كانت من خلال وضعها في المحك الاخلاقي وهي محاولة بائسة جدا فات زمنها وبليت واصبحت غير ذات جدوى...لكن وتكملة لما ابتدره حمور من اقتباس وضعته فوق يا ميادة اطلب منك انك تسحبي الايميل ويمكن الإكتفاء بالإشارة الى ان احدهم واكتبي اسمه وايميله ارسل لك عبارات والفاظ سوقية نابية وصدقيني هذه الكلمات وحدها تكفي لإفتراع الكثير من امثال ماذكر المدعو المريض في رسالته.. لو افتكرتي ياميادة انك بعرضك للرسالة هنابتفاصيلها ستردعي من تسول له نفسه او من شابهه او كطرح لنموذج منحط اخلاقيا صدقيني جانبك الصواب، الحالات الفردية للتسويف والتردي الاخلاقي سيصبح بدلا من حالات فردية ظاهرة عامة "حيتشعبط" فيها كل مريض يسعى لمضايقة انثى كوسيلة جديدة اتت اكلها باستفزازك الى هذه الدرجة وعرضها على صفحات المنبر، وتصبح بعد ان كانت نشاز وضرب مثل ظاهرة متكررة يسعى بهاكل صاحب حاجة دنيئة الى مسعاه بمضايقة واستفزاز الاخوات هنااو في غير مكان. انا لا الومك ولا ادينك بل اتضامن معك فيما تعرضت له من سخف وبذاءة وانحطاط لكني الوم تسرعك واندفاعك واصرارك على التمسك بالخطا ومواصلة عرض الايميل رغم كل النصائح من الاخوان هنا بسحبها، وهي نصائح لو كلفت نفسك قليلا للتركيز فيها تجدينها نصائح من اخوان اعتبروك اخت لهم.
ميادة كاخت اطلب منك سحب الايميل، ومواصلة ما افترعتيه لتاديب امثال هذا النكرة. صدقيني نصيحة من اخت حتعرفي قيمتها بعدين...
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: حنين للبلد)
|
عارفة زي نشرك ده بيغري ناس تانين عيانين عاوزين يغيزو "الوهم " ناس سودانيز الفاكينها في روحم ديل يقوم يرسل لزول تاني رجل او امرأه عشان داك يجي ينشرا و هو يقرا و يضحك لو رسل و ما اتنشرت يرسل لواحد تاني و تالت و اكيد ربنا بيرزقوا بزول دمو حار و يزعل و ينزل الرسالة.
يا اختي ميادة نشر الرسالة يعطي الموضوع ابعاد اخرى و اكبر لا يستحقها اكرمينا بحذف الصورة ارجوك
اختنا ميادة لك التحية
ذي ما قال اخوي حمور الكلام الفوق دا وانا اتفق معه على عدم نشر الرسالة
لما فيها من قبيح الكلام ولا ارضاه لاي اخت
عليه ارجو سحب الرسالة لما فيها من فاحش الكلام
لك خالص الود
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: كمبورة)
|
الأخت ميادة سلامات هذا الشخص مريض نفسياً وساقط اخلاقياً، اتمنى الا تشغلي بالك به كثيراً .. الكتابة في المنابر العامة تتطلب الصبر وطول النفس والبرود ببساطة لأنه من المستحيل ان يرضى كل الناس عما نكتب وبالضرورة ان تتباين ردود الأفعال من قبول ورفض .. البورد ده سودان مصغر وتجدي فيه الكبير والصغير، المتعلم والجاهل، الهلالابي والمريخابي، الكوز والشيوعي ...الخ ناهيك عن مئات الآلاف من القراء وهم اشد تبايناً .. وزي ما هو متوقع انك تسمعي مثل هذه الألفاظ اثناء مرورك في السوق ولا في دار الرياضة ولا في شكلة مدورة في الشارع بين اثنين توقعي ان تسمعيها في ايميلك الخاص ايضاً وهذا للأسف سيكون حالنا حتى نصل لما وصلت اليه الشعوب المتحضرة .. كنت قد كتبت هذا البوست لنستمع لآراء القراء حول قرار التوقيف قبل ايام لإتاحة الفرصة للقراء لإبداء آرائهم حول قرار توقيف البشير، وبالأمس وصلتني رسالة لا تقل قبحاً عن الرسالة التي وصلتك وتم فيها وصف تسعة من اعضاء المنبر المؤيدين لقرار التوقيف - بما فيهم - شخصي بأبشع ما يمكن من الفاظ وختم المرسل رسالته بالتهديد بالقتل سحلاً لنا جميعاً .. تعاملت مع هذه الرسالة بإبتسامة و click وانتهى امرها في سلة المهملات بعد قرائتها في اقل من ثانية .. ارجو ان تأخذي برأي الإخوة والأخوات الذين طلبوا منك سحب الرسالة فقد ادى البوست غرضه ولا داعي لإبقائها لأنها خادشة للحياء وجارحة للشعور العام لقراء المنبر .. كامل تضامني معك ..
الصاوي
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: elsawi)
|
سلام عليك يا ميادة، و سلام على الأنجبوك من آباء الخير، يا امرأة بشجاعتها تمشي بين الناس قامة، و بدون تفاصيل، التفاصيل عند المشرف و قيقراوي و رحاب. لقد كنت و أنا بالعمل أقرأ من أول البوست، و الله امتلأت فخراً بك و بالبنات كأمثالك، ثم تزايد تقديري لك و لقرارك هذا الواثق منك و بالناس حتى طربت منه. لو كنتي حاضراني ، كنتي بلا شك شفتيني و أنا بصوقر و بعرض بي فرحي منك، بل لا زلت أبشِّر بيك و ليك، تبشيراً ببشارتك دي و بي عشم في الزين. عاد يا ميادة كمال ماك بنية جسورة تب، حاشاك لا شق و لا طق، و قد أثبتي بالدليل القاطع الحاسم إنك بت عز الأمهات و الآباء و أخت الشرف الباذخ لا يلحقه البهتان و لا يقدر أن يرميه بفرثهم هؤلاء المصابون بالخطيئة في انعدام أخلاقهم و بالخطايا في مسخ كينونتهم. جرأتك في الحق كانت و ستكون خطوة كبيرة تجاه هزيمة عصبجية الابتزاز الدنيء بالإساءات الفاحشة و بهتك الأعراض. كشفتي خيبة مهتوك الأخلاق مكشوف العرض دا، الله لا يستر ليه حال، و لا لأمثالو من المنحطين وجوداً و ما كان في داعي ليهم أصلاً. و قدمتي خدمة كبيرة للرجال و لأخواتك من النساء هنا ، و للمجتمع الإسفيري المتابع و المجتمع البره كمان. و مبادرتك هنا كانت ضرورية لمقارعة تفشي فحش التحرشات الجنسية المنحطة بقصد أن تخضع بها النساء. فرصة للجميع، ما كانت لتسنح لولا شجاعتك، لك عليها الاحترام و تشكري بها، و لا تبتأسي و لو بأدنى حال، لن يصيبك و لن يصيبنا منها إلا كل الخير... و أبشري بالخير يا بنية... زهت بك حتى تميد إليك الفضائل.
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: elsawi)
|
Quote: يا اختي ميادة نشر الرسالة يعطي الموضوع ابعاد اخرى و اكبر لا يستحقها اكرمينا بحذف الصورة ارجوك |
يا حمور كنت أقول عليك أديب تضع إبهامك على الأوجاع الإجتماعية المزمنة التي نعاني منها لكن يا حسرة .....
ميادة كمال أحييك وأنت تفضحي هؤلاء الساقطين وتنشري على الملأ المرض الإجتماعي العضال الذي ظللنا نعاني منه ردحاً من الزمن ليس بالقليل.
أحي فيك هذا الكم الهائل من الشجاعة والعارف عزه مستريح.
تحياتي
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: elsawi)
|
Quote: الأخت ميادة....سلام ....ما كان لك أن تعرضي مثل هذا الكلام الفارغ والخادش للحياء في هذا المنبر......تعلمين أن المنابر العامة مليئة بكل الأنواع والأخلاقيات والثقافات.....ومن يكتب في المنابر العامة يجب أن تكون لديه القدرة للتحمل والتجاهل وبرودة الأعصاب.....كان يمكنك تجاهل هذه الرسالة وحذفها من بريدك....وكان الله يحب المحسنين....شكرآ
أخوك راشد |
ياخي على الاقل اكتب ليك كلمتين في النهاية و دين فيهم الكلام الاتكتب في حق زميلتك
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: baha eassa)
|
شخصيا لم اطالب ميادة بان تكون انثى مقهورة او تتحمل الظلم الذي وقع عليها في صمت و تعاني وحدها. ليس الامر عن انها انثى او ذكر .. بقدر ما الامر هو نشر كلام مسف فاضح في حق شخص. من كامل حق ميادة ان تغضب و من واجبنا ان نثور لها. لكن نشر تفاصيل الرسالة القذرة لا يخدم الامر كثيرا. اختصار الرسالة و حكاية ما ورد فيها كان كافيا. لا اقول ان ميادة مدانة .. اقول ان غضبها -ولها الحق - جعلها تنقل شتيمة قبيحة قيلت في حقها في زقاق الى ميدان عام فاسمعتها الناس. هل كانت قضية ميادة ستتضرر لو اختصرت الايميل؟ مسألة فضح و كشف مثل هذا الشخص مع تقديري للمنادين بها مسألة رومانسية بلاغية لفظية لا اكثر. من هو هذا الشخص و اين الفضيحة ؟ من يعرف هذا الاسم ؟ هناك احتمال كبير قائم انه لم يتم فضحه حتى الان.
في تقديري ان افضل خدمة عملية قدمت للاخت ميادة هي ما فعله كوستاوي الرائع.
تعاطفي معك يا ميادة لازال كما هو رغم تحفظي على نشرك الرسالة. و تقديري لك يا كوستاوي ازداد.
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: baha eassa)
|
الاخت الفاضلة/ ميادة
السلام عليكم
* وقوف هذه الجموع-على اختلافها- معك:نصرة, ونصحا, وتضامنا يدل على مبادئ أنت من اهلها وتميزت بها بتوفيق من الله,فألقمي الجاهلين حجرا
بالإعراض عنهم.وليكن شعارك:(سلام عليكم لا نبتغي الجاهلين).
*وليكن أكبر سلوى لك ما لقيه أفاضل الناس من الرسل والأنبياء والشهداء والصالحين,من الطعن,والذم,والشتم ,والعيب:(فما وهنوا لما
أصابهم في سبيل الله وما ضعفوا وما استكانوا).هذه اللغة التي لاكها هذا الخبيث,ليست غريبة عنه,فهي صفات الموتورين الحاقدين,من الذين
مرضت قلوبهم,ورتعوا في الهمز والفحش واللمز:(والذين يؤذون المؤمنين والمؤمنات بغير ما اكتسبوا فقد احتملوا بهتاناوإثما مبينا)
*هذا الذي اصابك داخل في هذا البلاء الذي لا يزيد المؤمن والمؤمنة إلا ثباتا,ومضاء,وعزة واعتزازا.ومع الصبر على أذاه ,فالمظلوم له
الحق شرعا أن يدفع التهمة,ويرد الشبهة,وينتصر لنفسه(لا يحب الله الجهر بالسوء من القول إلا من ُظلم) (ولمن انتصر بعد ظلمه فأولئك ما
عليهم من سبيل).قواك الله ونصرك على الطاعنين الهمازين.
(عدل بواسطة عماد موسى محمد on 03-05-2009, 10:12 PM)
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: حنين للبلد)
|
لا حول ولا قوة الا بالله... الاخت الكريمه مياده...لك من الاحترام اجزله والله بكتب ليك الكلام ده وانا بغلي من الغضب ... مثل هذا الصنف من اشباه الرجال هم اس البلاء في المجتمعات...بعقليته المنحطه الذي يحاول ارهابك عبر هذه الكلمات الجوفاء ... ولكن هيهات... لقد ولي زمن هذا المعتوه الذي امثاله سيظلون منزوون في الخلف...
فامضي اختي مياده في طريقك الذي اخترتيهواختلف الناس معك او اتفقوا... وزادك ان الكثيرون سيزداد احترامهم لك وانا منهم...
لكن الله ياامهاتنا و اخواتنا وزوجاتنا وبناتنا...ستظلون نصف هذا المجتمع ولو كره السفهاء ....
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: حنين للبلد)
|
Quote: حمور ازيك
الليلة عملت ليك وجع وش مش ؟
يا صديقي المقصود بالفضح السلوك . . . العقلية . . . الذهنية . . . بنية الوعي دي اما بخصوص " هذا الشخص " فخطوة كوستاوي خطوة كبيرة في اتجاه اجراء /ات لاحقة . . . و كل بما يتقنه ممكن كل الزملاء العندهم في تكنلوجيا الاتصالات او القانونيين يقوموا بالبقدروا عليه . . . اما ناس انحنا فبنساهم على قولك بخلق رأي عام رافض للاسفاف و الانحطاط دا . . . وذلك اضعف الايمان .
و انا ماش
يا حمور مع احترامي لرأيكم ، . . . اقول :الاثر الصادم الاحدثو النشر ما كان ح يحصل لو اؤتيت الاخت ميادة قدرات ادباء المكان دا كلو . . . انا شخصياً لو ما كان شفت بعيني ما كان صدقت . . . مش لأني ما بصدق ميادة . . . لهوى الامارة بالسوء ، او لاختلاف ايدولوجي . . . او لشك منهجي او مذهبي . . . يا حمور يا صحبي في الزمن دا محتاجين لهزة بالعنف دا عشان نفرز من بين اكوام الوهم و التهويم . . . و معاهم كمان رومانسية الصراع النزيه خلاس عدى فات زمن الوسامة |
منطق برضو يا قيقا ما بوافقك فيو .. لكنو منطق يا زول تسلم
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: قيقراوي)
|
سلمات يا قيقا أخوي
Quote: حمور ازيك
الليلة عملت ليك وجع وش مش ؟
يا صديقي المقصود بالفضح السلوك . . . العقلية . . . الذهنية . . . بنية الوعي دي اما بخصوص " هذا الشخص " فخطوة كوستاوي خطوة كبيرة في اتجاه اجراء /ات لاحقة . . . و كل بما يتقنه ممكن كل الزملاء العندهم في تكنلوجيا الاتصالات او القانونيين يقوموا بالبقدروا عليه . . . اما ناس انحنا فبنساهم على قولك بخلق رأي عام رافض للاسفاف و الانحطاط دا . . . وذلك اضعف الايمان .
و انا ماش
يا حمور مع احترامي لرأيكم ، . . . اقول :الاثر الصادم الاحدثو النشر ما كان ح يحصل لو اؤتيت الاخت ميادة قدرات ادباء المكان دا كلو . . . انا شخصياً لو ما كان شفت بعيني ما كان صدقت . . . مش لأني ما بصدق ميادة . . . لهوى الامارة بالسوء ، او لاختلاف ايدولوجي . . . او لشك منهجي او مذهبي . . . يا حمور يا صحبي في الزمن دا محتاجين لهزة بالعنف دا عشان نفرز من بين اكوام الوهم و التهويم . . . و معاهم كمان رومانسية الصراع النزيه خلاس عدى فات زمن الوسامة |
كفيت ووفيت وعبرت عن الانا ما قدرت اوصله للناس دي هنا تسلم اخوي
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: mayada kamal)
|
Quote: منتهي السقوط الاخلاقي والجبن من مرسلها الوضيع ومن الغريب حقا ان يوجه اللوم لمياده ضحيه العنف اللفظي حتي لا تخدش مشاعركم . اراكم تطالبون مياده بتحمل الاذي وحدها وهو نفس المنطق الذي نطالب به ستر كل الجرائم التي ترتكب في حق النساء والاطفال كالاغتصاب مثلا والتحرش الجنسي في المركبات العامه والمكاتب . منطقنا دايما معوج وبدلا عن الوقوف مع الضحيه نقف مع ستر الجاني بحجه خدش الحياء العام كامل تضامني مع الابنه مياده وليته كان ممكننا معرفه من هو الراسل والوصول اليه لكنها السايبر واحد مساوئها. ارفعي راسك عالي يا مياده ليك كل الاحترام . |
دومة الغالية الحمدلله على السلامة شفتى جنس المحن دى ؟؟؟
ميادة الحبيبة الضربة الما بتقتلك تقويك وانتى تصلا قوية
لاتهتمى
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: Galaleldin Abdalla)
|
Quote: Anwar King
do not pay that I have a feeling one of her friends (koz) sent her this e mail .... to come with it here just to keep every one bussy to take out attintion a way from what is going on in Sudan
those people (kizan ) they all ways find a way to fool us
she sucseed
I feel sorry for each one of you |
بالله انت مثير للشفقة فعلا ولا اقول ليك ... ما تسرح شديد في افلام الاكشن والخيال البتحضروها عندك دليل على ادعاءك دا تعال قوله ما عندك تاكد انو حيستخدم ضدك/م
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: قيقراوي)
|
الاخ قيقراوي تحية وسلام
Quote: يا حمور مع احترامي لرأيكم ، . . . اقول :الاثر الصادم الاحدثو النشر ما كان ح يحصل لو اؤتيت الاخت ميادة قدرات ادباء المكان دا كلو . . . انا شخصياً لو ما كان شفت بعيني ما كان صدقت . . . مش لأني ما بصدق ميادة . . . لهوى الامارة بالسوء ، او لاختلاف ايدولوجي . . . او لشك منهجي او مذهبي . . . يا حمور يا صحبي في الزمن دا محتاجين لهزة بالعنف دا عشان نفرز من بين اكوام الوهم و التهويم . . . و معاهم كمان رومانسية الصراع النزيه خلاس عدى فات زمن الوسامة |
عفييييييييييييييييييييييييييييييييييييت منك إديك العافية....
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: عمر صديق)
|
اثني علي راي دكتور المشرف و قيقراوي
حمور، ياخ انت فعلا ديمقراطي، مش بالاسم بس، لكن قول و فعل حكايه انه الانسان يقتنع انه للاخر وجهه نظر لا تقل اهميه عن رايه، دي صعبه بالحيل معاك ناس كتار هنا، بس ما بقدر اعمل جرد :)
اختنا مياده شعور كعب شعور محاربه اشباح في الظلام ده لو بيطلعو حقيقه كان الزول ما تعب كتير يعجبني انه عندك موقف، و اهو الناس عرضت عليك مواقفها المختلفه و انتي و ما تختاري كامل تضامني معاك
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: عبدالعزيز الفاضلابى)
|
Quote: اللهم يا منان يا منتقم يا جبار اصيب هذا الرجل في عرضه وسلط عليه من يهتك عرضه حتى يعرف معنى ان يتحدث عن عرضك فيمن يحبهم اكثر
اللهم يا منان يا منتقم يا جبار اصيب هذا الرجل في عرضه وسلط عليه من يهتك عرضه حتى يعرف معنى ان يتحدث عن عرضك فيمن يحبهم اكثر
اللهم يا منان يا منتقم يا جبار اصيب هذا الرجل في عرضه وسلط عليه من يهتك عرضه حتى يعرف معنى ان يتحدث عن عرضك فيمن يحبهم اكثر
اللهم يا منان يا منتقم يا جبار اصيب هذا الرجل في عرضه وسلط عليه من يهتك عرضه حتى يعرف معنى ان يتحدث عن عرضك فيمن يحبهم اكثر
اللهم يا منان يا منتقم يا جبار اصيب هذا الرجل في عرضه وسلط عليه من يهتك عرضه حتى يعرف معنى ان يتحدث عن عرضك فيمن يحبهم اكثر
اللهم يا منان يا منتقم يا جبار اصيب هذا الرجل في عرضه وسلط عليه من يهتك عرضه حتى يعرف معنى ان يتحدث عن عرضك فيمن يحبهم اكثر
وحسبي الله ونعم الوكيل فيكم |
آميـــــــــــــــــــــــــــــــــــــــــن
والله نعم الوكيل..
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: ضياء الدين ميرغني)
|
Quote: ميادة كاخت اطلب منك سحب الايميل، ومواصلة ما افترعتيه لتاديب امثال هذا النكرة. صدقيني نصيحة من اخت حتعرفي قيمتها بعدين... |
الاقتباس اعلاه من مداخله قيمه جدا للاخت حنين
وقبل ما يجى ( بعدين ) رايت من الافضل ايراد الاقتباس مره تانيه يمكن يتفهم مضمونو العميق جدا وصدقينى يا اخت مياده كل من طالبك بعدم حزف الرساله لن ينشرها اذا كانت موجهه له.. ويقينى ان بعضهم قد استلم رسائل اكثر قبحا من تلك ولكن لن ينشروها كما فعلتى
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: ضياء الدين ميرغني)
|
ميادة كمال
رغم الاختلاف فى المواقف بيننا تجدينى من اكثر المتابعين لمداخلاتك لقناعة فى النفس ان الاختلاف فى المواقف ووجهات النظر ياتى بالمواقف الجديدة مما يعنى التطور والتحرك الى الامام عن طريق الحوار فقط ولاغيره من وسيلة توصلت لها الانسانية حتى الان . حتى امس الاول وانا اتجول بالنظر فى المنبر غير مشارك لفترة من الزمن لاسباب كثيرة فى مقدمتها نقص اللياقة الذهنية وعدم القدرة على الكتابة والهروب منها وهى مهنتى واكل عيشى الا اننى كنت من الداعمين للبوست الداعى لعودتك من الخارج دون المشاركة لكى لاينهزم مشروع الحوار حتى وان كانوا من مخالفيناالراى .
لا اكذب ولا اتجمل ان قلت ان مرورى اليوم كان للمتابعة والاطلاع فقط .... ولكن شدنى ماحاق (بنا) وليس بك وحدك فالاساءة التى وصلتك هى لكل المشاركيين بالمنبر واصحاب الراى .
اكد رفضى وكامل تضامنى معك ..ميادة واحتفظ لكى بشجاعة راى وان اختلفنا فيه
مجرد اقترح: ليكن ما تعرضت له ميادة بمثابة وقفة لنا وبداية لنقاش مثل هذه السقطات الفكرية والتحرش اللفظى الواقع على الانثى ... فى شهر الانثى (مارس) .
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: عاطف محمد أحمد زكريا)
|
من الأشياء التى ترهقنا كثيرا ، وبالمقابل تهدر وقتا ثمينا من سنوات عمرنا القضايا الإنصرافية
فى عالم حساب التطور فيه بقاس بالثوانى .. أعتقد أن الأخت ميادة أقدر الناس بالدفاع عن شخصها
ولكن من المعيب حقاأن تكون وحدها ..فى معركة أخلاقية وفكرية..
ليس كونها أنثى ، لأن ذلك تصنيف تجاوزناه مبكرا.. ولكن لأن الأمر إرهاب
فكرى وإن إختلفنا معها, إن المساحة المتاحة لنا ،هى أيضا لها.. وما ننشده من حرية بشرفنا أن
يكون لها لتطرح ما تعتقده ..
أرجـــو أن نسمو بأدب الخلاف بيننا حتى لا تتكسر أقلامنا.. ونبكى أطلال منبرنا
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: طه كروم)
|
Quote: وصدقينى يا اخت مياده كل من طالبك بعدم حزف الرساله لن ينشرها اذا كانت موجهه له.. |
فكري في كلام يوسف الولي كووووويس.. التهور ما بينفع..انا عارفة انو الكلام لا يليق وما بيشبهك..لكن يا ميادة الايميل دة بيدخل في اطار الخاص..وانتي هسه قلبتي عام..اسهل حل كان تعملي انك تمسحي الرسالة وتواصل عادي..ما حتستفيدي حاجة غير انك حتكوني فتحتي ليك ابواب مشاكل انتي ما بتكوني محتاجة ليها.. انسي الموضوع كلو.. واتوقعي اي شئ من اي زول..
وتحياتي..
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: Gaafar Ismail)
|
سلام عليك يا ميادة، و سلام على الأنجبوك من آباء الخير، يا امرأة بشجاعتها تمشي بين الناس قامة، و بدون تفاصيل، التفاصيل عند المشرف و قيقراوي و رحاب. لقد كنت و أنا بالعمل أقرأ من أول البوست، و الله امتلأت فخراً بك و بالبنات كأمثالك، ثم تزايد تقديري لك و لقرارك هذا الواثق منك و بالناس حتى طربت منه. لو كنتي حاضراني ، كنتي بلا شك شفتيني و أنا بصوقر و بعرض بي فرحي منك، بل لا زلت أبشِّر بيك و ليك، تبشيراً ببشارتك دي و بي عشم في الزين. عاد يا ميادة كمال ماك بنية جسورة تب، حاشاك لا شق و لا طق، و قد أثبتي بالدليل القاطع الحاسم إنك بت عز الأمهات و الآباء و أخت الشرف الباذخ لا يلحقه البهتان و لا يقدر أن يرميه بفرثهم هؤلاء المصابون بالخطيئة في انعدام أخلاقهم و بالخطايا في مسخ كينونتهم. جرأتك في الحق كانت و ستكون خطوة كبيرة تجاه هزيمة عصبجية الابتزاز الدنيء بالإساءات الفاحشة و بهتك الأعراض. كشفتي خيبة مهتوك الأخلاق مكشوف العرض دا، الله لا يستر ليه حال، و لا لأمثالو من المنحطين وجوداً و ما كان في داعي ليهم أصلاً. و قدمتي خدمة كبيرة للرجال و لأخواتك من النساء هنا ، و للمجتمع الإسفيري المتابع و المجتمع البره كمان. و مبادرتك هنا كانت ضرورية لمقارعة تفشي فحش التحرشات الجنسية المنحطة بقصد أن تخضع بها النساء. فرصة للجميع، ما كانت لتسنح لولا شجاعتك، لك عليها الاحترام و تشكري بها، و لا تبتأسي و لو بأدنى حال، لن يصيبك و لن يصيبنا منها إلا كل الخير... و أبشري بالخير يا بنية... زهت بك حتى تميد إليك الفضائل.
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: محمدين محمد اسحق)
|
أختي العزيزه ميادة كمال عليك بحسبي الله ونعم الوكيل, وإحتسبيها عند الله تعالي
راسل الرساله شخص , مريض, ساقط, فاسق, صعلوق, ناقص, وسخ وجبان
Quote: وقديما قيل أن الإساءة هي طريق العاجزين والفاشلين
وقال أهلنا كل إناء بما فيه ينضح
ولا يخالجني شك في أن مرسل هذه الرسالة يعاني من ضحالة في التفكير ومجرد من كل القيم التي يمكن أن تحكم علاقة البشر بعضهم البعض.
كما لا يخفى إستخدام هذا المريض لكون من يختلفه معه أنثى ومحاولته إرهابها من خلال ذلك. وهذا بلا شك يدل على مركب النقص الذكوري الذي يعاني منه هذا الشخص. |
Quote: و ما الشتيمة الا هزيمة .. |
كامل إحترامي لك وكل تضامني معك
فيصل
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: Faisal Habiballa)
|
آسفة... لم أستطع التضامن مع الضحية...!!
و لا حتى لأنها امرأة..!!
ليس فقط لأنها عرضت علينا بريدها الخاص الذي لا يعنينا في شيء.. و لكن لأنها أتت به لنيل بعض التعاطف و الطبطبة... و هي صفة تسيء لجنس النساء و تضعهم في خانة حاولن الخروج منها منذ قرون.. خانة كسيرات الجناح اللواتي هن دوما في حالة شكوى....و حوجة للمواساة...!!
لا تغرك نياشين الشجاعة و أوسمتها و تغريك بجلب المزيد; فتلك حماقة و ليست شجاعة التي جعلتك تقومين بعرض هذا السوء أمامنا..كان الأجدر بك أن تفعلي كما يفعل الرجال الأقوياء و النساء القويات .. أن تحذفي الرسالة و تمضي بثبات في نهجك الذي تؤمنين به, فذلك كان سيكون دليل أكبر على قوتك!!
كون قائله مريض... لا يعفيك أنت المتعلمة السوية من مسؤولية عرض هذا الغثاء في منبر عام..
مثل هذه الكلمات.. (التي يقولون لك أنها عادية و نسمعها أو نقرأها كل يوم...) هي فعلا موجودة و كنا نسمع مثلها و نحن نمر بأبو جنزيرأو الشهداء أمام مجموعات من الناس.. و قبل أن يكون هناك بريد اليكتروني يقرأه الواحد منا منفردا! و مع ذلك لم يكن خاضع حتى للاحتمال أن تأتي هذه الكلمات على ألسنتنا كحكاوي لأعز الصديقات... و لا حتى للشكوى..!!
ليس لأن الواحدة منا امرأة و ضعيفة كما قد توحي بعض المداخلات; و لكن لأن اللسان يعف عن اجترار مثل هذه اللغة... و لأنها صغائر يجب أن يترفع الناس عنها..و بهذا تقل (و لن أقول تنتهي !! فهي لن تنتهي لأنها جزء من طبيعة الأشياء..و مرض اجتماعي ككل الأمراض...)
لا أعتقد أن ما يطرحه بعض المتدا خلين هنا بأننا يجب أن نناقش و نبحث و نكشف المسكوت عنه بعرض نموذج حي يساعد في القضاء على هذه اللغة( أو الأساليب الارهابية ,ان صح التعبير).. بل هذا في ظني سيؤدي الى الترويج لها و زيادة انتشارها..لتصبح أكثر من عادي..!
بالضبط كما لو حاول الجميع الأخذ من عينات مرضى بدعوى البحث عن علاج لمرضهم.. فحينها سينتشر ليصبح وباء..!!
و لعلك اذا نظرت للمجتمع الأمريكي مثلا..و الذي لا بد سبقنا في مختلف مجالات البحوث.. فستجدي أن الF WORD أصبحت كلمة لا يتورع عن لفظها أكبر كبير.. كل يوم!!!
و مع ذلك لا أقول هذا ليؤخذ قولي أنه تجريح لشخصك أو لمز لأخلاقك لا سمح الله... و لكنه انتقاد لموقف لم يحز على تضامني أو تعاطفي كامرأة !!
و لو أن هذا الكلام جاءك من زميل على صفحات هذا المنبر...أو جئت به على أن الزميل فلان الفلاني تجنى عليك به في بريدك الخاص لكان لي موقف مختلف تماما
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: Sana Khalid)
|
الأخت مياده تحيه طيبه:
أحيي الأخت سناء خالد علي شجاعتها, ولأنها أتت بما دار بخلدي عند قراءت البوست,
Quote: آسفة... لم أستطع التضامن مع الضحية...!! و لا حتى لأنها امرأة..!! ليس فقط لأنها عرضت علينا بريدها الخاص الذي لا يعنينا في شيء.. و لكن لأنها أتت به لنيل بعض التعاطف و الطبطبة... و هي صفة تسيء لجنس النساء و تضعهم في خانة حاولن الخروج منها منذ قرون.. خانة كسيرات الجناح اللواتي هن دوما في حالة شكوى....و حوجة للمواساة...!!
|
الكلام بذئ ليس في ذلك شك, وغير مقبول اطلاقا, ولكنه أتي من شخص مجهول في بريدك الخاص, عرضك لهذا الكلام هنا ماهو الغرض منه؟ اذا كان من زميل في المنبر لوافقتك علي فضحه واتخاذ اجراءات قانونيه ضده,
اساءه من شخص مجهول لاتنقصك شئ ولاتزيدك, واذا كان في الكلام تهديد لشخصك لعذرتك, واذا كان البوست بغرض الرد عليه فعندك الايميل, كان يمكنك كتابة نفس هذا الكلام وارساله له شخصيا, لاأفهم غرضك من البوست, هل فعلا بغرض الطبطبه من المشاركين أم لاثبات أن ارائك صحيحه وأن معارضيك عديمو الأخلاق؟؟؟؟ ولماذا تصرين علي نشر الكلام وقد طلب الجميع منك حذفه؟
كان يمكنك استشارة شخص تثقين في صدقه ورأيه, لمساعدتك في التصرف السليم, وأكيد لديك الكثير من الأصدقاء ممن سيقوم بنصحك اذا لجأت اليه, علي الأقل كان هذا سيكفيك ويكفينا رهق وألم قراءة مثل هذا الكلام,
باختصار تصرف غير سليم من وجهة نظري..
تحياتي,,,
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: Sana Khalid)
|
كتبت: Sana Khalid
Quote: و لكن لأنها أتت به لنيل بعض التعاطف و الطبطبة... و هي صفة تسيء لجنس النساء و تضعهم في خانة حاولن الخروج منها منذ قرون.. خانة كسيرات الجناح اللواتي هن دوما في حالة شكوى....و حوجة للمواساة...!! |
* ياسبحان الله!والله ظلمتيها,لأنك-منطقا وواقعا-لم تفتحي قلبها لتعلمي مقصدها الحقيقي,لماذا-إذن-لم تحسني الظن بها؟!(ويل للمطففين).
**كم من الرجال عرض هاهنا مشكلة أو إساءة تعرض لها؟!كثير..كثير...وليس في المسألة ما زعمتي أنه دليل انكسار,أو ضعف أنثوي,أو عرضحال
لطلب المساعدة النفسية!يا بت الحلال ربنا في القرآن أعطانا الحق أن نرد الإساءة بمثلها,والجهر بالسوء عند الظلم(لا يحب الله الجهر
بالسوء من القول إلا من ُظلم)وعلى كلامك هذا:الذهاب للمحاكم هوان!والشكوى للناس بهدف دفع الظلم ذل!والأخت -عندما عرضت-ما حصل لها عرضته
من منطلق القوة والثبات على المبدأ,ودونك عنوان الشريط.
Quote: تغرك نياشين الشجاعة و أوسمتها و تغريك بجلب المزيد; فتلك حماقة و ليست شجاعة التي جعلتك تقومين بعرض هذا السوء أمامنا..كان الأجدر بك أن تفعلي كما يفعل الرجال الأقوياء و النساء القويات .. أن تحذفي الرسالة و تمضي بثبات في نهجك الذي تؤمنين به, فذلك كان سيكون دليل أكبر على قوتك!![/QUOTE]
(لا يحب الله الجهر بالسوء من القول إلا من ظلم)وكونها تعرضه للناس دفعا له,ومحاربة له,وفضحا لصاحبه,فأين الحماقة؟؟وانظري كيف أن القرآن عرض أقوال الكافرين السمجة والخبيثة ليرد عليهم ,وليكشف باطلهم,وهذا قمة العدل والبيان.كما أن الأخت ميادة لم تعرض السوء وهي تذرف دمع المهانة,وإنما عرضته وهي ترفع رأس العزة,فرفعت بذلك رؤوسنا,(ولله العزة ولرسوله وللمؤمنين ولكن المنافقين لا يعلمون).
Quote: لا أعتقد أن ما يطرحه بعض المتدا خلين هنا بأننا يجب أن نناقش و نبحث و نكشف المسكوت عنه بعرض نموذج حي يساعد في القضاء على هذه اللغة( أو الأساليب الارهابية ,ان صح التعبير).. بل هذا في ظني سيؤدي الى الترويج لها و زيادة انتشارها..لتصبح أكثر من عادي..!
بالضبط كما لو حاول الجميع الأخذ من عينات مرضى بدعوى البحث عن علاج لمرضهم.. فحينها سينتشر ليصبح وباء..!! |
تشبيهك للمسألة بمن حاول علاج مرض فانتشر الوباء ...إلخ غير صحيح ولا دقيق بدليل الإبداع الطبي في مسألة التطعيم,وعلاج الأمراض الأخرى
بالأدوية,ولما كان لكل داء دواء,فدواء مثل هذا المريض أن نكشفه,ونلاحقه,ونعاقبه حتى يكون عبرة لغيره.ولا يمكن أن نفعل ذلك ونحاكم
الضحية إلا أن نطرح ما ارتكبه,ونكشف تعديه بقول الفحش والبذاءة في حق امرأة مؤمنة طاهرة,بريئة.(والذين يرمون المؤمنين والمؤمنات
بغير ما اكتسبوا فقد احتملوا بهتانا وإثما عظيما)
و لعلك اذا نظرت للمجتمع الأمريكي مثلا..و الذي لا بد سبقنا في مختلف مجالات البحوث.. فستجدي أن الF WORD أصبحت كلمة لا يتورع عن لفظها أكبر كبير.. كل يوم!!!
و مع ذلك لا أقول هذا ليؤخذ قولي أنه تجريح لشخصك أو لمز لأخلاقك لا سمح الله... و لكنه انتقاد لموقف لم يحز على تضامني أو تعاطفي كامرأة !!
و لو أن هذا الكلام جاءك من زميل على صفحات هذا المنبر...أو جئت به على أن الزميل فلان الفلاني تجنى عليك به في بريدك الخاص لكان لي موقف مختلف تماما
المجتمع الأمريكي ليس مقياسا معياريا نقيس به معالجاتنا للقضايا الأخلاقية,والمسلم عزيز بدينه.ولا أرى أن الأخت ستلك مسلكا مختلفا لو أن
هذه الإساءة جاءت من الزميل فلان الفلاني لان هذا يحتاج لدليل,فكيف إذا جاءتك بدليل مختلف يبين كيف تصرفت تجاه عضو موجود ها هنا.
مع شكري.
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: عماد موسى محمد)
|
عفواً .... ولكن ...
لسناء خالد موقف محترم فى كلّيته ....
وفى تفصيله .... فيه بعض التجنّى على "ميادة" ... ربما يعود ذلك لتجارب سنا خالد الخاصة .. وانعكاساتها على رؤيتها للمرأة واللغة الضحلة ...
شقيقاتى طرقن طرقاً للفن والإبداع ... قلّ أن تطرقه المرأة السودانية ... وسمعت (كشقيق رجل .. وولى) ما تقشعرّ له الأبدان ... وأيقنت بأن أمراضنا الإجتماعية أكبر بكثير من أمراضنا الإبداعية والفنية وحتى النفسية ...
أختنا سناء خالد ...
برّاحة على أختنا ميادة ... ليس كل احتجاج هو استدرار للتعاطف ..... وما كل شكوى انثوية هى تعبير عن الضعف ... ولكن أحياناً يكون القبح بما يستوقف أشجعنا وأقوانا ....
بناتنا ... ميادة كمال ... سناء خالد ....
تسلمن من ألسنة المتقاصرين فكرياً ونفسياً ....
والبتورّينا ... حبابا ...
والبتقطّعو فى مصارينا ... حبابا ....
.. المهم ....
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: د.نجاة محمود)
|
Quote: المراه دايما مطالبه بتقطيعه في مصارينا ولو ما قطعته في مصارينا تطلع هي من جرت المصائب علي نفسها وهي الفاحشه والبذئيه وهي الجريئه التي قالت الكلام وبدلا من مجني عليها تكون هي الجاني وفي راي اخواتها من النساء هي الضعيفه وهي التي جاءت تنشد الطبطبه . دي منظومه متكامله لقهر المراه تشارك فيها حتي المراه . لكم ظلمت النساء في السودان ولكنهن يخشين ابواب العداله لانهن يعلمن تماما سيظلمن فيها اكثر . دا العدل الاحوص الميزانو في صالح الجاني . اها دا بقي (precedent case ) اي امراه ستقطعه في مصارينها حتي لا تنهال عليها سكاكينكم
|
شكرا يا ماما دومه
-------
والله يا سناء و اماني اتحيرت من مداخلاتكن جد
كلامكن ده فيهو كلام حق، و لكن اريد به باطل
يعني غلط مياده انه نشرت ما تعرضت له عشان هي انثي ولان الفاعل مجهول؟ لو كان رجل كان موقفكن حا يختلف؟ و لو كان الجاني معروف برضه موقفكن حا يختلف؟ ده كلام شنو ده؟
انتو ليه نظرتو لمياده علي انها انثي اشتكت؟ مشيت راجعت مداخلتها و عرضها الاول و ما قالت ابدا شوفوني انا المراه بتعرض لشنو؟ يعني عشان هي امراه تنطم و تسكت؟ مداخله مياده واضحه و تخلو من اي تمسح بالجندر انتو من ادخلتم جنسها في الرؤيه حقتكن دي
لو فعلا ليكم رؤيه جندريه، كان الاولي ان تدينو ما تعرضت ليه مياده, و كانثي ده الجندر الصاح
كلام حمور و كم نفر تاني في معارضتهم لنشر الرساله يختلف، واضح و مقبول كوجهه نظر علي الاقل لي و اقدر ان اميز انه كلامهم ما كان حا يختلف لو كان عارض الرساله رجل او الجاني امراه او شخص مجهول، و ده كلام منطقي، بالرغم من عدم موافقتي الرؤيه
لكن كلامكن ده ما قدرت افهمه والله!
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: doma)
|
Quote: المراه دايما مطالبه بتقطيعه في مصارينا ولو ما قطعته في مصارينا تطلع هي من جرت المصائب علي نفسها وهي الفاحشه والبذئيه وهي الجريئه التي قالت الكلام وبدلا من مجني عليها تكون هي الجاني وفي راي اخواتها من النساء هي الضعيفه وهي التي جاءت تنشد الطبطبه . دي منظومه متكامله لقهر المراه تشارك فيها حتي المراه . لكم ظلمت النساء في السودان ولكنهن يخشين ابواب العداله لانهن يعلمن تماما سيظلمن فيها اكثر . دا العدل الاحوص الميزانو في صالح الجاني . اها دا بقي (precedent case ) اي امراه ستقطعه في مصارينها حتي لا تنهال عليها سكاكينكم |
Quote: ابنتي الحبيبه رحاب اهلا بيك مش بالله كلام سناء دا غريب وعجيب ؟؟!!!! ( و لكن لأنها أتت به لنيل بعض التعاطف و الطبطبة.) بالذات الجمله التقريريه دي . من اين لسناء خالد بهذا العلم اليقين ؟؟؟؟؟!!!. . و لي انا شاقه اب جنزير اسمع كلام متل دا ويكون في فهم سناءعادي بالزبادي ؟؟؟؟؟؟؟؟
ما عارفه لمتين نحن ح نظل من غير قوانيين ادآب عامه ؟؟!!! لمتين المراه تشتم وتطالب بعدم الرد لان من شتمها زول قليل ادب ليه ما يكون في سستم لتاديب قليل الادب ؟؟؟!!!! |
دوما العزيزة..
أتمنى انو الناس التانيين يسمحوا لي أقدمك عليهم في الرد..
زمان أول ما جيت البورد كنت بأقدم الخطاب لناس بالأخ الفاضل و الأخت الكريمة و ما شابه
شوية شوية بعد ما أخدت على المكان و ما يحدث فيه.. بقيت اقيس الرد للناس بنفس مقاسهم و التحية بمثلها أو أحسن منها
الا معك الآن.. لم أستطع حمل ذات مكيالك.. لأكيل لك به و أخاطبك مطاعنة دون تحية لأن مقامك في نفسي أرفع من أن أجرؤ على النيل منه!
أكضب عليك لو أقول ليك اني ما متفاجئة..انها تجي منك.. لأنو واضح بالنسبة لي انها ما حاجة عفوية ... و انو شغل شلليات و أصحاب أصحاب..و أنا ظني .. بل يقيني.. انك أكبر من كدة بكتير..
لبدة الأصحاب بالزقاق دي ما هي الزعلتني رغم المفاجأة... لكن زعلني تحريفك لكلامي.. و معناه الواضح في رأيي للقراءة غير المتحيزة لا لجندر و لا لأشخاص..
أتمنى أن تعيدي قراءة مداخلتي مرة أخرى... و ان وجدتِ فيها مطالبة مني لميادة بالصمت لأنها امرأة و تقطيعه في مصارينها..
و تشجيع للرجال لاستضعاف النساء لأنو ما في واحدة مفروض تفتح خشمها و البتفتح خشمها تبقى جابتو لنفسها و تبقى و تبقى زي ما فسرت في كلامك...
لو لقيتي الكلام دا أو المعنى دا... يبقى جيبي سوط كلماتك... و أنا بكل رضا أفتح ليك يدي...و آخد منك..و لو رفعت عيني عليك أبقى محتاجة أتربى من أول و جديد...
لك موفور احترامي
الأخوات أماني و رحاب و الأخوة تبارك و عماد... مداخلتي قائمة بكل حرف فيها ..و سأعود للرد عليكم كل على حدة... شكرا لتعليقكم ______________________________________________________________________________________________
دوما العزيزة..
كتبت الرد قبل تعديلك الأخير! و ان كان هذا لا يخل بمجمل ردي...غير أنه يقلل حرارة حماسي له و أنا أراك تعيدين القراءة ..و تعضدي بالاقتباس..!! تأكدي أن يداي مفتوحتان... لك و ليس لغيرك
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: ترهاقا)
|
ميادة لك التحابا
كتبت كلام كتير وما حاقدر اكتب زيه تانى فى الموضوع اياه ولكن ما ااردت ان اقوله بانى متضامن معك بغض النظر عن نواياك فى اظهار تلك الرسالة القذرة والتى لا تاتى الا من انسان فاشل فى الحوار المحترم.
واظنك يا ميادة قد تعلمت من تلك الرسالة وردود فعلها من قبل بعض اعضاء هذا المنبر الكثير من الفوائد , لقد تضامن معك اولا من اختلفوا معك فى ارائك ونهجك الفكرى هؤلاء اتو بانهم يؤمنون بالحوار المحترم والله انى احييهم من هذا البوست واقول لهم شكرا
اختى لا تلتفتى كثيرا لمثل هذه الامور وربنا يحقق اللى فى مرادك وانسى الموضوع ( موقا دفر )
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: Zoal Wahid)
|
سلامات يا دومة ليك حق تندهشي لانه الزمن دا البدافع عن حقو وجوده ما محترم.. اكثر كلمة بكرها في الدنيا بستخدموها السودانين "الاحطرام" "الاحطرام" تقعدي في برج عاجي جدا وتعملي لنفسك استيطس حق ماري انطوانيت,, تقعد لما الناس تدافع عن حقها في الوجود تلمح ليهم انهم ما محترمين زمن الزهور صاحية وانت نائم داعبت خدرك النسائم ولى ومشى.. دي الاجيال الجديدة حتقلع حقها وحبكون المحترم هو البقلع حقو عنوة موش ناس الزاهي في خدرك.. التحية لميادة وليجيلها الشجاع المحترم بالجد موش ناس وراء اصلريف بنعاين..
وكلنا فخورين بيك..والما عاجبو يحلق حواجبو..
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: د.نجاة محمود)
|
الابنه الحبيبه سناء شكرا لردك اولا انا بعتذر ليك عن النبره الغاضبه في ردي المعني لكين برضو ما تظلميني ( دا لو انا فهمت ما تعنين صحيحا بان موقفي مبني علي ما دار بينك وبين و دكتوره نجاه .) ونجاه لن تكتم الحق ابدا وممكن تقول ليك ماذا قلت لها بخصوص لومي ليها بمخاطبتك بكلمه يا هانم وانا بالجد استغرب جدا ان تستعمل امراه اي لغه ذكوريه من شاكله نساوين وهوانم يبقي برضو ظنك فيني هنا ما صحيح البته . وقتها ما كان معاي باص ويرد وكنت مضربه عن التداخل وحقيقي للان ما حريصه علي المشاركه لكن وجعني ما نالته مياده والتقريع الانهال عليها و لم افصل كلام كل زول علي حده يعني جملتكم كلامي فيه ما قالته بعض النساء وفي القالوه رجال وفيه كمان نظره مجتمعنا ككل لموضوع ان العيب يقع علي عاتق المراه اولا واخيرا .
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: Zoal Wahid)
|
Quote: آسفة... لم أستطع التضامن مع الضحية...!!
و لا حتى لأنها امرأة..!!
ليس فقط لأنها عرضت علينا بريدها الخاص الذي لا يعنينا في شيء.. و لكن لأنها أتت به لنيل بعض التعاطف و الطبطبة... و هي صفة تسيء لجنس النساء و تضعهم في خانة حاولن الخروج منها منذ قرون.. خانة كسيرات الجناح اللواتي هن دوما في حالة شكوى....و حوجة للمواساة...!!
لا تغرك نياشين الشجاعة و أوسمتها و تغريك بجلب المزيد; فتلك حماقة و ليست شجاعة التي جعلتك تقومين بعرض هذا السوء أمامنا..كان الأجدر بك أن تفعلي كما يفعل الرجال الأقوياء و النساء القويات .. أن تحذفي الرسالة و تمضي بثبات في نهجك الذي تؤمنين به, فذلك كان سيكون دليل أكبر على قوتك!!
كون قائله مريض... لا يعفيك أنت المتعلمة السوية من مسؤولية عرض هذا الغثاء في منبر عام..
مثل هذه الكلمات.. (التي يقولون لك أنها عادية و نسمعها أو نقرأها كل يوم...) هي فعلا موجودة و كنا نسمع مثلها و نحن نمر بأبو جنزيرأو الشهداء أمام مجموعات من الناس.. و قبل أن يكون هناك بريد اليكتروني يقرأه الواحد منا منفردا! و مع ذلك لم يكن خاضع حتى للاحتمال أن تأتي هذه الكلمات على ألسنتنا كحكاوي لأعز الصديقات... و لا حتى للشكوى..!!
ليس لأن الواحدة منا امرأة و ضعيفة كما قد توحي بعض المداخلات; و لكن لأن اللسان يعف عن اجترار مثل هذه اللغة... و لأنها صغائر يجب أن يترفع الناس عنها..و بهذا تقل (و لن أقول تنتهي !! فهي لن تنتهي لأنها جزء من طبيعة الأشياء..و مرض اجتماعي ككل الأمراض...)
لا أعتقد أن ما يطرحه بعض المتدا خلين هنا بأننا يجب أن نناقش و نبحث و نكشف المسكوت عنه بعرض نموذج حي يساعد في القضاء على هذه اللغة( أو الأساليب الارهابية ,ان صح التعبير).. بل هذا في ظني سيؤدي الى الترويج لها و زيادة انتشارها..لتصبح أكثر من عادي..!
بالضبط كما لو حاول الجميع الأخذ من عينات مرضى بدعوى البحث عن علاج لمرضهم.. فحينها سينتشر ليصبح وباء..!!
و لعلك اذا نظرت للمجتمع الأمريكي مثلا..و الذي لا بد سبقنا في مختلف مجالات البحوث.. فستجدي أن الF WORD أصبحت كلمة لا يتورع عن لفظها أكبر كبير.. كل يوم!!!
و مع ذلك لا أقول هذا ليؤخذ قولي أنه تجريح لشخصك أو لمز لأخلاقك لا سمح الله... و لكنه انتقاد لموقف لم يحز على تضامني أو تعاطفي كامرأة !!
و لو أن هذا الكلام جاءك من زميل على صفحات هذا المنبر...أو جئت به على أن الزميل فلان الفلاني تجنى عليك به في بريدك الخاص لكان لي موقف مختلف تماما
|
الرسالة وردت إليها في بريدها الخاص نعم و لكن وردت لها رداً عن كتاباتها في البورد و طالما أن كاتب الرسالة وصفها بالكوزه إبقى هو أحد الذين يقفون ضد الكيزان يعني الرسالة موجه لها ردا على كتاباتها في هذا المنبر و تضامنك معها من عدمه لا يفيدها شيئا و لا يضرها أيضا سواء كنتي رجل أو إمرأة.
نشر الرسالة أقنع الكثيرين بصدقها فلو أنها لم تنشر الرسالة لجاء كل المناضلين الواقفين ضد الكيزان أو الذين يصفون كل من يقف في وجههم بالكوز و قالو أنها كاذبة و تريد أن يطبطب لها الناس و تنزع العطف و أنتي إتهمتيها بذلك حتى بعد نشرها للرسالة. لك الحق في تفسير الأحداث حسب ما ترين و لها الحق في التصرف كما تشاء و للجميع الحكم على أرائك و أرائها
و مياده تصرفها صحيح 100 % و يجب فضح أشباه الرجال مهما كان الثمن و حكاية إنو كاتب الرسالة ألآن فرحان دي خطأ كبير فرفض الكثيرين هنا و الأوصاف التي وصفوها بها تضجع منامه و تجعله يحس و يشعر بالذل و الهوان و يجب الكيل له من ما يستحقه من أوصاف و أظنه بيننا و يتألم أكثر من ما تتوقعون
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: Zoal Wahid)
|
العزيزات دومه ود. نجاة ورحاب: تحية محبه واحترام,
وددت توضيح وجهة نظري, لست أشارك في نظره ذكوريه علي المرأه بل علي العكس, أود للمرأه أن تنظر الي نفسها نظره مختلفه, بمعني, التحرش الذي تعرضت له مياده تحرش لفظي , غاية مايعتقده الرجل سئ الخلق, أنه ما أن يخاطب امرأه بهذه الألفاظ فانه تمكن من قهرها, هناك عدة طرق للردع غير نشر الرساله.. ما ورد في الرساله سئ ومرفوض بدون الحوجه الي أخذ رأي الجميع علي الملأ, أو اشراك الكل في تقييمه, هذا امر لايختلف عليه اثنان, فاذا كان الغرض من النشر تأكييد الاخرين أن هذا ظلم, فمياده والكل يعلمون أن هذا ظلم بين, مالغرض من نشر الرساله اذا؟؟؟؟؟؟؟؟؟؟؟؟؟؟؟؟
وماذا اذا حدث لها ذلك في الشارع؟ هل ستخبر كل من بالشارع عن هذا الكلام السئ,
سؤال اخر: لماذا يكره الجميع الهكر (غير أنه يشوه المنبر), أنه طبعا يقوم بتداول ألفاظ نابئه ويجعلها عرضه للقراءه في بورد عام, ويمس شخصيات بألفاظ سيئه, طيب لماذا لا نترك مايكتبه الهكر بحق البعض في المنبر بدل المطالبه بحذفه, طالما الكل يعرف أنه كلام خطأ.. السبب طبعا انه فاحش ولايجب تداوله, ولا حتي تركه من باب العظه أو العبره لأحد, لأنه خدش للحياء العام, يعني ما عشان نوري الناس أنه الهكر زول كعب حنسيب الكلام في المنبر,
ليست مياده في حوجه الي استنكار من شخص, خصوصا أننا لانعلم من هو كاتب الرساله, المرأه العمليه القويه في نظري, اما تحذف الرساله دون الرد, أو تستشير غيرها لكيفية ملاحقة الشخص, وفي الحالتين الاذي المعنوي واقع ويمكن تلقي الدعم من المقربين, ماعدا ذلك هو سبب لجعلها مدعاة للتعاطف والتضامن, وهذا عكس لصوره ضعيفه وليس قويه كما تعتقد هي,
علي كل أعتذر لمياده اذا كان كلامي تسبب لها في أي ألم, وليس في نيتي الا الخير لها..
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: Amany Elamin)
|
Quote: وماذا اذا حدث لها ذلك في الشارع؟ هل ستخبر كل من بالشارع عن هذا الكلام السئ,
|
حبابك يا اماني بتنا والله لو كان شارع فيه خير مفروض ناس الشارع يقتصوا ليها منه . لي حوالي 23 سنه في الغربه اضاني ما سمعت كلام بذئ وكنت بسمعه في السودان دائما موجه لا مراه او لي شخصيا اها العله وين ؟؟؟ انا ياني انا ما اختلفت ابدا اختلف المجتمع الحولي بس .
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: doma)
|
أسمحي لي أناديك ماما دومه:
في المجتمع طبعا.. نحن ما عايشين في زمن مثالي ولا مجتمع مثالي, والتحرش وارد وبيحصل كتير, التصدي في صورة اثبات حاله قانونيه تصرف شجاع, وربنا جعل العقوبات تأديب لفاعلها وردع لغيره, أما غير ذلك فلا يسمن ولا يغني من جوع, والتجاهل هو الأفضل,
كان ممكن أن نناقش الموضوع بصوره رائعه لو مياده طرحت الموضوع للنقاش الهادئ, لكن مياده مصره ماتستمع لمناشدة الجميع, وكأن هناك مغالط لها في سوء الكلام!!!!! عموما لمياده الحق في التعبير عن نفسها بالطريقه التي تراها, وان رفضنا ذلك!!!!
احترامي,,
تخريمه انت في ياتو مدينه في الصين يشرفني اني ألاقيكي؟
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: rosemen osman)
|
Quote: يا اختي ميادة نشر الرسالة يعطي الموضوع ابعاد اخرى و اكبر لا يستحقها اكرمينا بحذف الصورة ارجوك |
يا حمور كنت أقول عليك أديب تضع إبهامك على الأمراض الإجتماعية التي نعاني منها لكن يا حسرتي عليك ...
ميادة أنشري كل ما يكتب ويقال لك حتى تريهم حجم المعاناة التي تكابدينها وأنت تعبرين عن رأيك وقناعاتك.
أحي فيك الكم الهائل من الشجاعة.
تحياتي
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: Mohammed Haroun)
|
Quote: اذا سدت كل الأبواب أمام نيلى لحقوقى وكان المقابل الوحيد أن أتخلى ولو عن جزء يسير من احترامي وأن أنزل فى درك الخلاف الى أسلوب من اغتصب حقوقي أعلن تنازلى عن كل حقوقى |
اصلو مافي عاقل حيقوليك تنزلي لمستوى الزول الشتمك واهانك لو ما عايزة لانه اصلا بقى ما عندك احترام مادام في زول شتمك لانو لو بحترمك لما شتمك ..
والاغتصب حقك دا في طريقة لعلاجها غير تنزلي لمستواه تتصدي ليه مثلا وتعني رفضك لما قيل لك بالقانون او بفضحه واسع ميادة ما نزلت لمستواه ولا انت شايفة انه بعرضها رسالته معناها ميادة نزلت لمستواه..
التجريح للاخرين لانهم برو غير ما نرى ومن من من نساء يجب ان يتعاطفن حاجة مؤلمة.. الحمدلله والشكر لله الذي حررني من انتظار النصرة من بنات جنسي.. والاحترام الزائف دا البكوركو بيه دا ما شوفناه الا في المنبر دا.. لك الله يا ميادة,,
| |
|
|
|
|
|
|
Re: خلي قوة الراس واسحبي الايميل ده يا ميادة ، لي قدام نتناقش اكتر (Re: د.نجاة محمود)
|
Quote: لانه اصلا بقى ما عندك احترام مادام في زول شتمك لانو لو بحترمك لما شتمك .. |
أن يشتمني أحد بأسلوب مقزز لا يعني أنه بقى ما عندى احترام ..انما يدل على عدم احترام من اتخذ هذا الأسلوب ولكِ فى موضوع ميادة مثال شتمها لا يلصق البذاءة بها انما سلوك الشخص وخطابه هو من يلصق به أى صفة ... سواء فى المنبر أو خارجه لأن المنبر ليس ساحة لخلع رداء الأحترام ما دمنا لا نخلعه خارجه ( الرداء هنا بمثابة الجلد لى أى جزء لا أظنه يخلع)
Quote: والاغتصب حقك دا في طريقة لعلاجها غير تنزلي لمستواه تتصدي ليه مثلا وتعني رفضك لما قيل لك بالقانون او بفضحه
|
فعلا أتفق معك تماما
Quote: واسع ميادة ما نزلت لمستواه ولا انت شايفة انه بعرضها رسالته معناها ميادة نزلت لمستواه.. |
حاشا لله ...جميع مداخلاتى تحمل دعم غير محدود لميادة زائدا احترام لخيارها بعرض الرسالة ..رغم أنى لم أكن لأفعل هذا وكنت سأكتفي بمسح الرسالة حتى لا يفرح كاتبها لاثارتى لكن أكرر لميادة ولأى فرد مطلق الحرية فى اتخاذ أسلوب يناسبهم وهذا ما كتبت فى المداخلة الأخيرةQuote: والأحترام لميادة فى خياراتها طالما لم تتعدى على حقوق أحد |
Quote: التجريح للاخرين لانهم برو غير ما نرى ومن من من نساء يجب ان يتعاطفن حاجة مؤلمة.. الحمدلله والشكر لله الذي حررني من انتظار النصرة من بنات جنسي..
|
احترم جدا قناعاتك وما توصلت اليه وأنا أيضا كونت قناعة مماثلة كان لك فيها القدح الأعلى ( من مخاطبتك لسناء بيا هانم واشتريتى غويشة جديدة ) اذن نحن لا نختلف كثيرا وأن العقلية الذكورية عند النساء قد تكون أقسى مما يحمل الذكور نفسهم
Quote: والاحترام الزائف دا البكوركو بيه دا ما شوفناه الا في المنبر دا.. |
لا أعرف من تعنى بالأحترام الزائف داخل المنبردا... لذا أسمحى لى بتجاوز تلك النقطة لأنها لا تعنينى ولم أتشرف بمعرفتك خارج المنبر
شكرى واحترامى
| |
|
|
|
|
|
|
Re: يا هذا...كلامي أصابك في مقتل..وإستفزك..لن تخوفني ألفاظك( عذرا .... توجد الفاظ غير لائقة) (Re: mayada kamal)
|
الأخت ميادة، سلامات ...
أدين اللغة البذيئة سواء وُجهت لامرأة أو رجل و أشعر بالتعاطف مع مستخدمها أكثر من متلقيها كونها تفضح قصر يد التعبير و الجبن في المواجهة ...
شق متلقيها معقد، كما هو واضح من ردود أفعال الأخوات و الأخوة في هذا الخيط ... ولكني للأمانة لم استطع ان أتقبل فكرة نشر الايميل، ولا تفهميني خطأ، لست حالمة ولا حريصة على طهر و عفاف أروقة المنبر و أعلم تماما باننا سمعنا و قرأنا ما هو أكثر اسافافا في بوستات عديدة تحت مسميات كثيرة أولها النضال و آخرها الدفاع عن النفس و العين بالعين و السن بالسن ...
اغتراضي نابع من أن نشر الايميل يوحي بأن هذه اللغة قد أثارت حفيظتك كما أراد مرسلها ...
He who angers you conquers you
لو كنت مكانك، و بامانة مطلقة، كنت سألغي الأيميل و أواصل يومي ... وفي نهاية النهار سألخد لنفسي لأرى (اسباب) تلك اللغة و ما جرها لطريقي ...
أخت ميادة،
سياسيا ... نقف أنا و انت على طرفي نقيض، ولكني لا أقبل لك لغة بذيئة حتى لو كان قائلها في ضفتي، لانني أؤمن تماما بان ما نختلف فيها واضح و لا يعجزني عفيف الكلام في توضيحة دون اللجوء الى البذاءة و الاسفاف ...
من ناحية نسوية ... لا أعني ان (تقطعيها في حنانك) لانك امرأة ولا أقصد صمتا نابعا من خوف ... بل صمتا نابعا من ترفع عن مجاراة السقوط ... إلا إن اردت تحويل الأمر للقضاء و طالبتي برد اعتبار و حينها تأكدي باني سأؤيد اتخاذك اجراءً قانونيا ضد المسيء ... مررت شخصيا بتجارب مشابهة و إن كانت لغتها مختلفة أو مغلفة، و أول رد لي هو تهميش قائلها و حرمانه من أن يفرح بغضبي و حزني، و مواصلة ما أثاره ضدي ما دمت مؤمنة بقناعاتي و ثمن الدفاع عنها ...
السؤال الآن: هل تستحق قناعاتك العناء؟ و الاجابة لا يملكها غيرك ... ولا صواب أو خطأ ...
و تطوير لغة الحوار واجب ملقي على عاتقنا جميعا، والحري أن نستخدم اللغة التي نود ان يخاطبنا بها الآخرون ...
أكرر تضامني معك ضد البذاءة، و ارجو صادقة أن تتعاطي مع المواقف المشابهة في مقبل الأيام بتأني و روية ..
| |
|
|
|
|
|
|
Re: يا هذا...كلامي أصابك في مقتل..وإستفزك..لن تخوفني ألفاظك( عذرا .... توجد الفاظ غير لائقة) (Re: Sana Khalid)
|
ياميادة .. لا اتضامن معك .. لانو مسالة التضامن دي ما عارفه كيف زاتوو ولحدت الآن ما لاقي ليها تفسير لكن احييك علشان حاجات كتيرة .. ومن خلال متابعتي لما تكتبينه وفق قناعاتك .. وما يعتبر في هذا المكان (المنبر العام لسودانيزاونلاين ) جرم شنيع جدا وخروج عن الملة .. طبعا عكس ما ينادى به من ديمقراطية تتضح في نهاية كل فصل دراسي يتم فيه توزرع نتائج أعمال السنة .. اتابع الكثير من بوستاتك اسوة بي ببوستات بقية الزملاء .. والملاحظ انو هناك اسماء محددة تسجل حضور ليس من أجل الحوار أو تعاطي فحوى البسوت المطروح .. لكن من أجل الاسكات .. والاخراس باساليب متنوعة .. من ضمنها السخرية من مظهرك العام كونك ترتدي حسب قناعاتك الخمار .. وهو بيتعارض في ادبيات ومفاهيم بعضهم .. في حين انو الواحد اختو في البيت ممكن تكون لابساهو لكن ما بقدر يقول ليها حاجة .. لكن طالما لقى هنا مساحة حرة زي ما قال سيد الموقع .. ممكن يديك طوالي وفق مركب النقص الفيهو .. ويمشي ينوم .. والناس الما قرت الكلام دا ممكن بي ضربة كيبورد في البحث يلقى الكلام دا .. في نوعية تانية عندها اسلوب تفريغ الشحنات الجواها من خلل نفسي تجاه المرأة المختلف معها فكريا .. وبيدي نفسو الحق في انو يقول ليها اي حاجة .. وممكن (يرفع فستانه أونلاين) طالما هي كوزة وفق منظورو الضيق .. زي ما واحد قبل كدا قال لي واحده هنــا .. ( إنت مطهرة واللا غلفــة )؟؟ .. قدام الناس دي كلها واكتفى صاحب الموقع بحذف البوست وللاسف اوقفت المجني عليها لاسباب غير معروفة واستمر الجاني لحدت الآن يمارس حقه النضالي .. بل كل من وقف أمام طرحه وقتها اتهم بالزندقة والكوزنة والعديد من ادبيات هذا المكان العجيب وغريب .. أحدهم في غمرة من لا وعيه .. قال لي واحدة ( إنت .. واحدة .. شـر .. مو..طة ) نعم وأونلاين كمان .. بالرغم من اختلافنـا معها في طرحهــا لانها شخصية غير معروفة واقعيا .. وادمنت طرح القضايا بنوع من العنصرية البغيضة ويعرفها الجميع .. لكن ليس هذا هو الاسلوب المناسب لردعها .. لانه ، يفقد حق الموضوعية ويجرد من الادب العام ويعزل الطارح .. السكوت على الخطأ دائما يغري للتمادي .. من آفة هذا المكان .. السكوت على هفوات بعضهم والتعامل بسياسة القطيع والمعسكرات .. طالما دا ما تبعي احسن اكسر في اضاني قشة .. لكن لو دا زولي يا زولتي .. بجي بكتب لي كلمتين شحمانات علشان يشوفني باقي المعسكر انا نصرت حزبي ظالما أو مظلوم.. أجمل ما في هذا البوست بالرغم ما لحق بك من ضرر .. وجود العديد من الأخوة المختلفة معهم ايدلوجيا في هذا المكان ودا بيدل على نقاء معدنم .. واحترامم لي نفسهم قبل احترام الآخــر .. وتحركت القريزة الانسانية فيهم والاخوية .. قبل كل شئ .. دي محمدة يا الناس الكلام ميادة دا خدش بؤرة الاحساس فيكم .. بنظرة موضوعية خالص للتطور التكنلوجي السريع جدا خلال السنوات أو الالفية دي .. من خلال البرامج المستخدمة لي شكل الويندوز لي برامج الاتصالات .. لي تقريب المسافات .. دا ما بيعني انو النصيبة الاسمها انترنت دي اصبحت شبح خرافي في حياتنا بي كل مساويه ومحاسنو .. مساوية إذا انجرفنا لتطويعو بشكل سلبي من محاولات التهكير وسرقة الارصدة والتلصص على اخص خصوصياتنا لنشرها علي العامة والتحايل بالبرامج المختلفة لاخفاء الهوية الانترنيتيه خاصتنا وهي البصمة الخاصة بنا في الشبكة وتعاملنا مع الآخر .. محاسنو لو اتبعناها من أجل المعرفة الكاملة وما اوفرها .. لسرعة استخلاص المعلومة والمراجع المهمة .. والبحوث العلمية .. إلخ .. يا كوستاوي .. عجبتني الحركة بتاعت الانفستقيشن دي .. مرات كدا بتكون زول كويس بتذكرني زمان لما كنت بتشجعني في العام والخاص أن واصل في مسعاك وكتاباتك الادبية وقصصك .. طبعا دا قبال ما تتمسخ إنت واتمسخ انا ومرات كدا بتذكرني ملاح الفاصوليا الخدرا الطواله ديك لانو عندي معها حساسية شديدة جدا .. لكن يا صاحبي الزول العمل الحركة دي .. احتمال كبير جدا يكون استعمل الخاصية السلبية القلتها ليك فوق دي .. دا لو كان اساسا حريف تقنية .. ودا وارد .. ليصعب ملاحقتو .. واحتمال يكون كمان .. خت في بالووو إنو ميادة دي ح تسردب بي الكلام المكتوب ليها دا لانو لما كتبو حسب وعيـو الاترب بيهو بيفتكر انو ممكن زي ما قالت العديد من الاخوات والاخوان هنا يوديهو التراش لانو صعب جدا انو (انثى) تنشر كلام زي دا .. لانو العرف مشى على فهم انو البت دي اتلكم افحمه ليك بي كلام من ( الصرة ولي تحت ) تقطعو جواها واعمل ليها رعــب .. علشان تاني كلامه الفارغ دا ما تكتبو .. وفي النهاية بي كل ثبات وثقة .. جابتو ليك هنا دا .. ودي نقطة ايجابية تانية تبين مقدرة الزولة دي على انها واثقة من نفسها وقدمت الكلام دا بي شكل واعي .. وبي فهم انو المصيبة الاسمها انترنت دي .. اصبحت زي ما قلت فوق جزء من حياتنا لا يمكن الاستغناء عنو. ولا اعتقد انو الغرض من دا .. الطبطبة زي ما قالت بت خالتي سناء خالد .. انما طرح واقع غريب جدا اصبح يشكل عائق لمستخدمي الانترنت من الجنسين ليس من جنس المرأة فقط .. وتعمل العديد من الجهات لكبح جماح الظواهر دي من خلال قوانين وتشريعات وملاحقات قضائية. بعض الامثلة الواقعية من هذا المكان: - تعرضت قبل فترة لمسلسل من ايميلات من شخص واحد بمعدل طلطاشر ايميل كل يوم يتم تحديثه بسطر سطرين .. فيه من الشتيمة والتهديد والوعيد .. لملاحقت افراد اسرتي والكلام دا قلتو هنا بعدما عرضت نماذج من الايميل ورديت بشكل موضوعي وحددت هوية الفاعل بشكل (خاص بي) - زميلة كانت تكتب معنا هنا .. تعرضت لانواع من الرعب في شكل ايميلات مع التهديد باختطاف وقتل ابناءه بالاسماء .. لعلاقتي الوطيده بيها .. اتصلت علي وشرحت ليها امكانية تجاوز المسالة دي بنوع من الحكمة وانو النوعيات دي معروفة ومنتشرة .. عادت الزميلة للكتابة اكتر قوة وثبات وتركت المكان لمشغولياته الاسرية. - أحد الاصدقاء الذين عايتهم في الواقع بعد ان جمعتني بهم هذه المساحة .. تعرض لسلوك غريب جدا .. بعد ان تم الابلاغ عنو وتم ايداعه السجن وكان عرضه بأن يتم ترحيله من القطر الذي يتواجد فيه .. من جهة لها علاقة بالاختلاف معه في هذا المكان قامت بالوشاية بعد ان نقلت الصراع لخارج المساحة .. بالرغم من اختلافي الايدولوجي فيما يطرح هذا الأخ لكن كنت أول من يجدني أمامه في هذه السلوكيات الغريبة والدخيلة من نفوس مريضة .. لكن الزميل العزيز .. اخبرني بعد ان انتهت المشكلة بسلام وترك المكان جراء هذه السلوكيات وهو ما عنوه تماما .. نماذج كتيرة جدا .. لكن دعونا نتعامل مع ما هو بين ايدينـا بشكل فيه من الموضوعية .. دون ان نجرم ميادة فيما عرضته من أجل ان نصل لكل هذه المداخلات بكل ما فيها من اختلاف أو اتفاق .. يا ميــادة .. ما عرضتيه لا اعتقد انك مذنبة فيه .. بكل ما فيه من عبارات قبيحة يعتقد البعض انك ساهمتي في اعادته .. لو قبيل ميادة كانت بتكتب في محلات مخصصة لمثل هذه العبارات القبيحة وما اكتره من مواقع .. لكان لنا الحق في التعامل مع ميادة بنقل ما لا يخصنا وما لا يهمنا .. وكل ما يتناسب مع ما عرضتو من كلام قبيح ويجب انو ننسبو ليها اولا .. لانو الوداك شنو هناك علشان تجي تجيبي لينا العفن دا .. ونحن دخلنـا شنو ..؟ لكن يا سادة يا كرام .. هذا رد فعل من يحاول أن يسكتها وأن يكسرها .. بي فهمو المتواضع .. جدا والمتربي عليهو .. فغن كانت خدشتكم الكلمات .. اعتبرو نفسكم في مكانه .. وما تعرضت ليهو من خدش وب انو كل الناس دي تشوفو علشان تعرف انو في نوعية هنا دا دا اسلوبه في ممارسة حقها الديمقراطي .. تجاه المخالفين .. بكري سيد المكان دا قبل كدا جاب ليهو بوست غريب اساسا ما مكتوب ليهو هو موجه بي اسم زميلة لينـا .. الرسلو عارف تماما انو بكري ح يعرضو هنا لانو بيتماشى مع سياستو .. كانت النتيجة انو اكبر سقطه في تاريخ الموقع .. فهل تفتكرو لو ما بكري عرضو كان ح يتعظ ؟؟ صفحة المقالات الحرة تعرض فيها كمية هايلة من المقالات المفبركة بي عناية شديدة جدا لتؤدي اغراض معروفة كان بكري يقوم بعرضها فور ما عرف انها من الجهة الفلانية .. سرعان ما يتم نسف مصداقيته في داخل منبر الحوار .. حتى وصلت النتيجة لي انو صاحب الموقع يحكم سيطرتو على صفحة المقالات الحرة .. تفتكرو لو لما هذه السقطات كانت هذه الايجابيات ..؟ لو كنت اعلم ان ميادة من ضمن الشخصيات التي حرصت على مواجهة الآخر بنفس اسلوبو وسلوكياتو من اساءة وتجريح ومحاولة ترهيب في هذا المكان .. لكنت اول من تجاوز هذا البوست كما تجاوزت العديد من البوستات الشبيهة لكن عرفتها شابة محترمة لها اسلوبه الخاص فيما تعتقده .. وهو حق مكفول للجميع هنا في هذا المان الذي تدعونه بالحـــر .. وإذا مسحت ميادة الايميل دا حق يرجع ليها علشن ما تخدش الحياء العام لي الناس الاتخدشت .. واعتقد انو الرسالة المعروضة ادت الفكرة ونص وخمسة .. ولو خلتو برضو لا ضرر يصيبك يا ميادة .. وفي النهاية ارفعي راسك لانو اصلو مرفوع .. لكن من تجرا على هذه الفعله لا اعتقد انو ح يكرره مرة تانية ..لانو ح يكون متابع الكلام المكتوب هنا دا كويس .. وايش يمنع انو يكون واحد مننا .. ؟ طبعا لي عودة ..
ملحوظة: معليش للكلام الخادش للحياة الجوة الاقواس دا .. وكويس انو قفلت ليكم الاقواس لانو كلامات زي دي اقواسه ما بتتقفل .
| |
|
|
|
|
|
|
| |