Quote: البوست بتكلّم عن شنو يطرشني ... مما لقيتو 7 صفحات قلت يا عمّك لو تابعتو من البداية بجيك غضروف
يطرشنا كلنا انكلودينق صاحب العلياء المجيدة لو البوست ده لهو اجندة
اتعامل معاهو تعاملك مع الامجاد المارة بحلتكم، ما مهم نهاية الخط وين ولا ابتدى وين دي فلسفتي في الحياة، الحياة امجاد كبيرة، تركب و تلّب في محطتك بدون طرح اسئلة يا امشي اعقد جنب المحقق كونان الشهير بود البشرى (توجد مطاعنة)
_____ أميرة موش احنا مشتاقين؟ وتيب؟ شنو عاملة حجبوهو عن عيني؟ جيبي الروابط اختك ما متابعة ولو ما عرفت الحاصل بيجي اب عديلات، يرضيك يجيني اب عديلات في العمر ده؟
Quote: قيقراوي كتب: كشفي اسي صبري تاني جاب سيرة البحر .. الله الله على ام نخيل .. في هذي الربوع المطمئنة نحن قاتلنا سنيناً و اقتتلنا ياخ!
يا ما كان لينا مشاعر .. و ياما اتكرفست لينا مشاعر في نجايل المين و يا ما معطنا نجايلا ..
ايييييييه زمن!
يا معلم كرمشتوا مشاعرنا ياخ بالسؤال التعسفي دا : الموضوع شنو؟ مش دا بورض من لا بورض لهو تييب : السرايا موضوع من لا موضوع لهو
وقع ليك؟ و لّ نقطع فيك مسل سري زي مورتا اوبيييي اقصد " حترب "؟
يا عمّك من صورتك الجادع فيها الكيبورد دي شكلك معطت نجايل كل العالم حتى نجيلة الكامب نيو ما أظن سلمت منك ... يا عمّك أمس لو شفت شاكيرا جنب بيكيه كان معطت راسك ذاتو
Quote: في هذي الربوع المطمئنة نحن قاتلنا سنيناً و اقتتلنا ياخ!
يا سلام على زمن الحب والقتال تحب دستة وتفط دستة لحدّي ما تفط سطر ذاتو
يا مورتا اقول؟ و انا ما مسئول عن ايتوها عطور قد تعم الاجواء غايتو!.
لووول في الصرايا دي القرار ديموغراطي ياخ! اجمع توقيعات تلاتة دكاترة و الفراش و سيد اللائحة و و ما لا يقل عن مجنون مجنونين اهام شئ الاخيرين ديل .. حقوق الـinsane اهم شئ في الصرايا الفاقعون لونها دي!
قيقاسينس ناشط في مجال حقوق الإنسين
04-24-2011, 12:04 PM
مرتضى احمد عبد القادر
مرتضى احمد عبد القادر
تاريخ التسجيل: 12-30-2009
مجموع المشاركات: 2484
Quote: رشهم بأمثال الضهاري يا قيقا لمن يغمرو انا عندي صديق منزول ما بفرز ريحة مثلك من الـ كاسيليا قول سااااااي
مدخل :
في ضهارينا ديك حمامنا وااااااااسع ما زي ضيق المدن .. و الاف دي براح لدرجة يسع الجميع عدييل. جميع الناس .. حيث لا تمييز و لا فروقات .. الناس كل الناس .. حتى شرف الفعل و وسم بـ " الطلوع زي الناس " مرة واحد بطنو كعبة، راكب ليو حافلة. فجاطت الشغلة .. وقف السواق في اقرب خلاء. صاحب الشغلة لم تمهله طويلاً، ففعلها فيي اقرب مكان ليو. ما عارف ليه! - و الاستغراب من عند الراوي- حس انو مدين باعتذار للركاب! طلع الحافلة و فاجام ليك بـ : " و الله استفرغت ليكم جنس استفراغ " يا للهول!!
Quote: عزاز شامي كتبت: يطرشنا كلنا انكلودينق صاحب العلياء المجيدة لو البوست ده لهو اجندة
اتعامل معاهو تعاملك مع الامجاد المارة بحلتكم، ما مهم نهاية الخط وين ولا ابتدى وين دي فلسفتي في الحياة، الحياة امجاد كبيرة، تركب و تلّب في محطتك بدون طرح اسئلة يا امشي اعقد جنب المحقق كونان الشهير بود البشرى (توجد مطاعنة)
أنا كلام الفلاسفة دة بيعمل لي موية في ضهري عشان تفكّر فيهو وتفهمو هو شنو وشايت وين بكون مخك سال في ضهرك وبقى زي الطايوق في الصاج وبعدو تبدأ العواسة ويجوك الناس الفاهمين يدقّوك دق العيش (الحقوق محفوظة للأخ كيكي)
ــــــــــــ اعقد دي شكلها إتشقلبت والمقصود أقعد إن شاء الله أقعد في الصاج زاتو (يوجد كسّير تلج)
أميرة أختي أنا لسة ما فهمت حاجة وبتقولي مفصلة علي كدة حتبقى عليّ قصة كايس لي رزقو ورزقو جنبو وما شايفو
Quote: أميرة الشيخ كتبت: انا كنت عارفة انك حتجى حتجى بس متر اوف تايم...
وأنا ذاتي كُنت عارف نفسي حأجي لكن متين ما كُنت عارف غايتو الدنيا دي أيّ حاجة فيها قسمة ونصيب
Quote: أميرة الشيخ كتبت: وكلو شئ فى وبالبزار...لكن مابنقدر نعمل ليك برييييف كلو كلو.. ممنوع بامر الطبيب ويكون لعلمك الطبيب دا ما مالك السراى .. ...
يا دووووبك مشيت شفت الكاتب البوست منو ولقيتو "تيسير عووضة" وأول مشاركة إهداء ... والإهداء هو شنو يطرشني على كل حال الأغنية الأنا جبتها هنا اعتبروها برضو تبع الإهداء ومن هنا ولي غادي أي حاجة أكتبها هنا تبع الإهداء
دة طبعاً لحدّي ما أشوف بقية المشاركات احتمال الموضوع يكون حاجة تانية وإن شاء الله ما يلاقيني كمان عزاء
سلام لكل السراياب و ترحيب بكل السراياب الجدد و حتى قدامى السراياب اللي أصلو ما جات فرصة للأخد و العطا معاهم بصورة مباشرة
...
الأخصائيين الاتنين في حالتي (القالوا انها قالواناسفوبيا) .. د. قيقراوي و د. ودالبشرى.. شكراً يا شباب .. و الله هوو كيرز آز يو سيد.. و الحقيقة روحي عارفة روحها عشان كدا بعد الغلاط داك كلو و الملاواة .. ما اشتغلت بكلامي ليها الشغلة.. مشت نامت خخخخخخ لكن أنا كنت بسأل بس بدافع المعرفة انو.. هل صحي هذا ما يمكن أن (أبدو) عليه للرائي من بعيد؟ يعني كنت بحاول أخت روحي في محل الرائي من بعيد و أتخيل.. حلم دونك بيتحقق! و دا في حد ذاتو سؤال غريب.. يعني أنا ما ممكن أسأل أصحابي .. يا ناس أنا بتصاحب و الا لأ، و إلا أكون بشكك في مقدراتهم الصحبونية بس مرات الناس الا تلكزهم عشان يشكروك.. فجيت بمكنة شكروني شكروني.. طمنوني طمنوني.. على وزن زملوني و دثروني و بلكز في الناس لكيز للشكر .. قصدي الناس الحساسة زي عزاز و هواري يعني.. حيث أنك يا قيقاحاوي ما شكرتني.. و لا أنت يا ود البشرى.. و لا حتى (على سبيل العلاج) كما رأى الحترب.. صحي صحبة (Fake Boss) إن شاء الله يوقفوكم من ممارسة المهنة في السراي
عارفة يا د. سناء، السؤال الراودك ده ما غريب علي، مر علي بشكل أو بآخر كل ما الدنيا تختني في محل تقيم ممن لا أعرف – أكثر ممن أعرف- لأنو العرفة الجد جد بتلغي الحوجة للسؤال تلقائياً، لانو طالما في معرفة و صداقة – معناها انتي friendable * * كلمة نجر اخضر حقوق لغوسة الانجليزي محفوظة وهل كون رضا احد عن كوننا قابلين للصداقة بيضيف أي شيء لتقيمنا الشخصي لنفسنا؟ البديهي لأ .. لانو معرفتك لروحك سابقة لتعارفك بـ (الآخر) أياً كان ، و عليه رضا X أو Y لا يعني انو + ليك او العكس ... انت ياكا انت في نهاية اليوم ولما تحت راسك في المخدة ...
بس هل نحن بنصاحب الكل؟ هنا السؤال ... هل بنتفق مع الكل؟ بالطبع لأ ... كلامي واضح ولا عامل زي فلسفة النكتة بتاعت تفسير الفلسفة بربطها بسؤال "عندكم كلـــب؟ معناها انتو استقراطيين" لوووووولز فترانة احكيها .. العارفها يقولها بالله!
بعدين وش البامية بتاعنا ما بيكون ياهو مع الكل – بمعنى اكثر غموضا انو الشخص القدامنا يا بطلع اجمل ما فينا يا بيطلع "اللهم احفظنا" الجوّانا ومرات بنكون اجمل مع ناس معينين لانهم بيشوفوا اجمل ما فينا...
ومرات في ناس بتشوفنا بعين طبعهم زي ما بيقولوا الخليجيين يعني الفيك بادربو بمعني اكثر دقة ... قد يكون الفيهم البادروا بيهو جميل، وهنا بيكون حسن ظن محض و علينا اثباته، وده اجمل شيء انك تثبت انك عند حسن ظن و تجوّد رويحتك من جوّة وتهبش مكامن الخير فيك. و البعض يبادر بالفيهو من "الما جميل" وساعتها بتبقى عليك صعبة بالحيل لو قدرتي اعفي ليهم سوء الظن– ودي في حد ذاتها صنيع جميل و تدريب كويس للنفس – لو روحك سلبة توريهم حقائق الاشياء عنك – بغض النظر عن مدى ملائمتها لهم، وديل غالبا بتمرقي منهم خسرانة لأنو أصعب شيء انك تثبت سوء ظن ما ليك يد فيهو من الاساس ..!!
كلنا بنقع في فخ الانطباع الأول أو الانطباع ساي – لاننا بشر بصيرتنا محدودة – لو قدرنا نتخطى الانطباع ده بالعرفة الجد بنكون كسبانين في أغلب الاحيان – ويا اكدنا اطباعنا الأول يا عرفنا اننا كنا بنرمي طعمية الظن في زيت حار ...
المهم نرجع تاني للموضوع – هو كان شنو ذاتو؟ لوووولز
غايتو أمشى بالدرب البطابق فيه خطوك صوت حوافرك
في دروب بتلم اضداد وفي دروب بتفرّق متشابهين المهم الدرب يكون بشبهك انت .. انت فقط ولا أحد، لانو في النهاية سنكون عالقين مع روحنا لا مع احد لحل اللغز اللي هو احنا و الوجود ...
وحدي أَفتِّشُ شاردَ الخطوات عن. أَبديتي . لا بُدَّ لي من حَلِّ هذا. اللُغْز!
كما قال درويش اعلاه في جداريته وهو على اعتاب بداية الحياة الجد جد موش الاسفير أو المسرحية الكبيرة الاسمها "حياة"
بالنسبة لي يا سنوية، انتي بتتصاحبي بالحيل، و في دروب كتيرة بتلمنا
***أولا انا فقدت سوائل في المداخلة اعلاه واحتمال ارقد في المستشفى ثانياً، اعتذر عن النقة وبراي ماشة اشوف لي ضل من غير اي مقاومة عنيفة - ود البشرى اوعك تختني في قفة واحدة مع قيقا - سأحتفظ بحق الرد إن فعلت وأخيرا ... العارف هضبرتو مستريح كما قيل في الأثر
04-24-2011, 09:23 PM
Rawia
Rawia
تاريخ التسجيل: 11-23-2002
مجموع المشاركات: 8396
Quote: عزاز شامي كتبت: عارفة يا د. سناء، السؤال الراودك ده ما غريب علي، مر علي بشكل أو بآخر كل ما الدنيا تختني في محل تقيم ممن لا أعرف – أكثر ممن أعرف- لأنو العرفة الجد جد بتلغي الحوجة للسؤال تلقائياً، لانو طالما في معرفة و صداقة – معناها انتي friendable * * كلمة نجر اخضر حقوق لغوسة الانجليزي محفوظة وهل كون رضا احد عن كوننا قابلين للصداقة بيضيف أي شيء لتقيمنا الشخصي لنفسنا؟ البديهي لأ .. لانو معرفتك لروحك سابقة لتعارفك بـ (الآخر) أياً كان ، و عليه رضا X أو Y لا يعني انو + ليك او العكس ... انت ياكا انت في نهاية اليوم ولما تحت راسك في المخدة ...
بس هل نحن بنصاحب الكل؟ هنا السؤال ... هل بنتفق مع الكل؟ بالطبع لأ ... كلامي واضح ولا عامل زي فلسفة النكتة بتاعت تفسير الفلسفة بربطها بسؤال "عندكم كلـــب؟ معناها انتو استقراطيين" لوووووولز فترانة احكيها .. العارفها يقولها بالله!
بعدين وش البامية بتاعنا ما بيكون ياهو مع الكل – بمعنى اكثر غموضا انو الشخص القدامنا يا بطلع اجمل ما فينا يا بيطلع "اللهم احفظنا" الجوّانا ومرات بنكون اجمل مع ناس معينين لانهم بيشوفوا اجمل ما فينا...
ومرات في ناس بتشوفنا بعين طبعهم زي ما بيقولوا الخليجيين يعني الفيك بادربو بمعني اكثر دقة ... قد يكون الفيهم البادروا بيهو جميل، وهنا بيكون حسن ظن محض و علينا اثباته، وده اجمل شيء انك تثبت انك عند حسن ظن و تجوّد رويحتك من جوّة وتهبش مكامن الخير فيك. و البعض يبادر بالفيهو من "الما جميل" وساعتها بتبقى عليك صعبة بالحيل لو قدرتي اعفي ليهم سوء الظن– ودي في حد ذاتها صنيع جميل و تدريب كويس للنفس – لو روحك سلبة توريهم حقائق الاشياء عنك – بغض النظر عن مدى ملائمتها لهم، وديل غالبا بتمرقي منهم خسرانة لأنو أصعب شيء انك تثبت سوء ظن ما ليك يد فيهو من الاساس ..!!
كلنا بنقع في فخ الانطباع الأول أو الانطباع ساي – لاننا بشر بصيرتنا محدودة – لو قدرنا نتخطى الانطباع ده بالعرفة الجد بنكون كسبانين في أغلب الاحيان – ويا اكدنا اطباعنا الأول يا عرفنا اننا كنا بنرمي طعمية الظن في زيت حار ...
المهم نرجع تاني للموضوع – هو كان شنو ذاتو؟ لوووولز
غايتو أمشى بالدرب البطابق فيه خطوك صوت حوافرك
في دروب بتلم اضداد وفي دروب بتفرّق متشابهين المهم الدرب يكون بشبهك انت .. انت فقط ولا أحد، لانو في النهاية سنكون عالقين مع روحنا لا مع احد لحل اللغز اللي هو احنا و الوجود ...
وحدي أَفتِّشُ شاردَ الخطوات عن. أَبديتي . لا بُدَّ لي من حَلِّ هذا. اللُغْز!
كما قال درويش اعلاه في جداريته وهو على اعتاب بداية الحياة الجد جد موش الاسفير أو المسرحية الكبيرة الاسمها "حياة"
بالنسبة لي يا سنوية، انتي بتتصاحبي بالحيل، و في دروب كتيرة بتلمنا
***أولا انا فقدت سوائل في المداخلة اعلاه واحتمال ارقد في المستشفى ثانياً، اعتذر عن النقة وبراي ماشة اشوف لي ضل من غير اي مقاومة عنيفة - ود البشرى اوعك تختني في قفة واحدة مع قيقا - سأحتفظ بحق الرد إن فعلت وأخيرا ... العارف هضبرتو مستريح كما قيل في الأثر
04-24-2011, 10:44 PM
قيقراوي
قيقراوي
تاريخ التسجيل: 02-22-2008
مجموع المشاركات: 10380
ما دايم إلا وجهه ولو دامت لغيرك ما كان جات عليك ويا صبري طه كتر خيرك ياخ ، قولتش انا حاجة ؟! ما قولتلكم من الأول مافيش حاجة! وعهد الله ما خلولنا ولا حاجة!
ويا قيقا ما تتحسس ياخ! و يا سنوية تعالي اقرى علشان اعدّل و الحق قوم يعدّلون ما كتبوا ولا يطرف لهم جفنون
__________ مورتا وفي رواية اخرى حترب السمنة لاعب ضاغد في محاولة لصرف النظر عن اكتشاف معنى اسمه- ولكن هيهات هيهات ساي
04-25-2011, 07:20 AM
محمد عمر جبريل
محمد عمر جبريل
تاريخ التسجيل: 08-27-2009
مجموع المشاركات: 2263
Quote: قيقراوي ممسكا بالعود وبدون ريشه (يعني ما بعزف بيهو وساي لزوم الصورة) قبقراوي ممسكا بالكيبورد بإهمال (يعني ما بكتب بيهو وساي لزوم الصورة) قيقراوي ممسكا براسه والبحر من خلفه (يعني ما بتأمل فيهو وساي لزوم الصورة)
يبدو لي قيقراوي غير مستقر نفسيا وهذا هو سبب التغير المتواصل لصورة البروفايل
لووووووب اسي تعبك دا كلو عشان تصل لي دي [ قيقراوي غير مستقر نفسيا ] و كمان بادي الجملة بـ [ يبدو ] و [ لي ] اسي دي دايرة ليها درس عصر!؟* انت قرتي السرايا دي باضنينك و لذ شنو .. يبدو لي انك حترب بتاع سمن مضروب جايباهو " كلتوم ست اللبن " الكتلت حمارا الطيارة الجاتنا تحوم شايلا البشاتن كوم، داير تضرب الخرطوم و جلتا جات في ي ي حمار كلتوم ديك.
ياخ بالمناسبة دي : حلف " النيدو " يستنكر هذا السلوك البربري من قوى الاستعمار و حلف النيتو و يشجب و يدين، و يستلهم تراث ضهارينا المجيد، و يقتدي بي الصبح لقى حمارو لحق امات طه، سب الدين للامريكان.
لو كان حلف النيدو انعقد من وكتها، و بمواقفه التاريخية الزي دي، ما كان اتكررت غارات الطيارات تلاتة مرات .. و لا كان الشفاء انهد .. عشان تشتعروا الاهمية البتمليها الضرورات التاريخة في اللفة دي من تاريخ امتنا المجيد.. اللفة دي اهم شئ
----
* اوعك تقول لي ما سمعت غنية الاستاذة دي : الريدة جووووة القلب الريدة ما بالغصب .. اسي دي دايرة ليها درس عصر!؟
لمزيد من الاستفسار الرجاء مراجعة حبيب نورة.
عزاز يا فردة عارفك حديد .. عشان كدا بجي عليك بالجد بتذكريني بي شريحتين من شبابي و بشريحة " زين " من هرمي المبكر كمان
04-25-2011, 03:00 PM
قيقراوي
قيقراوي
تاريخ التسجيل: 02-22-2008
مجموع المشاركات: 10380
عليك الله يا راوية كان لقيتي ليك فرقة غافلتي المصريين ديل، و صوتي في الانتخابات الرئاسية الجاية دي. اديهو صوتك نيابة عني الراجل قال ما شغال - كان شغال في وظيفتين قبل - و عاوزة شغلة الرئاسة دي تبقى ليهو سبوبة ؤ كدا يعني. و الله لا يضيع اجر المحسنين
04-25-2011, 03:53 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
بت الشيخ بالله ختي في بالك وانتي بتدرسي الحالة الّتي اني عايز نتيجة على الجنب البريّحني لا توديني سوق الدهب الأيام دي لا تخليني سادر في تحسسي
يا سناء وحاتك اخوك ما دكتور إلاّ جابو الدرب ساي و قرقرة قرقراوي لكن للشكر ما بقصّر معاك أنا كريم وانتي تستاهليه عليه : القال على شخصيتك غير قابلة للصداقة يراجع معيارو و فهمو ليها .. إلخ تمام كدا
يا عزاز مهما طوّلتي في القرقرا و مليتي مداخلتك وشوش ما بتتختي مع سيد الإسم في خانة واحدة مالم تعلني مرقتك من البوست زي خرطمية مرّة كدا وتجي راجعة خرطمية وواحد مرّة لنفس البوست لتعلني مرقتك منو تاني
(اها دي يا قرقرا مطاعنة راسها عديل لمّن اتكيّفت منها - ومعاها وش كمان ... اها )
04-25-2011, 04:54 PM
Sana Khalid
Sana Khalid
تاريخ التسجيل: 02-01-2005
مجموع المشاركات: 2740
Dear Sarayab, I'll be back to discuss the issue in depth! Any issue of the issues, but first of all will ask the mirror, who is the Girgirist of them all :)!
يبدو لمورتا أن قيقراوى غير مستقر نفسيا !.. يبدو له ذلك والبوست وصل للصفحه السابعه !.. البوست وصل للصفحه السابعه ويادوب يبدو لمورتا ان قيقراوى غير مستقر نفسيا !..
_______
اعملو لى أدمشن !!!
04-25-2011, 07:46 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
في K.K.M.C - مدينة الملك خالد العسكرية، في شمال المملكة - كان معانا واحد عندو مشكلة في السمع ن لكن مرات مرات في بعض المواقف، تبدو انها اكتر من كدا. مرة واحد جا ماري قدام غرفتو فاصر يسألو : عم صديق ماش وين؟ قال ليو : ماش السوق. بابتسامة محايدة جداً : ايواااااا .. لا خلاس انا كت قايلك ماش السوق! ساكن معاو واحد جنو المكتبة الاسلامية .. يجي من الشغل ضهر كدا، ياخد ليو غمدة. و عصرن بدري على المكتبة الاسلامية. يوم غير البرنامج مشى اخد ليو لفة في السوق، كان قاصد الصيدلية. شايل دواهو في ي ي يدو. صاحبنا كابسو ليك بالسؤال .. اها مشيت المكتبة الاسلامية؟ عارض ليو الادوية في يدو قال ليو : لا مشيت الصيدلية. نفس الابتسامة المحايدة ديك ذاتا : الصيدلية الاسلامية؟
ايوة كل الادوية الفيها من عصارة اعشاب شعاب مكة .. دي من عند الراوي ازيك يا صديق شوفتك في السرايا شفى للساكنين يا دكتور
----------
Quote: آي ثينك ذا ون ويذ بامبرس
آي دونط ثينك سو! طالما فيها سؤال عن ( ذم اوول ) د. ؤزاز دظ
للضمان كدي خلوني اذكر القصة دي من الاثر الماركسي تواتر ان ماركس لما اطلع على حال الماركسيين الفرنسيين انه قال : كان ي الماركسية، الحمد لله* انا ما ماركسي! فما تتشابه عليكم الاسماء .. اسوبر قرقرست هنا د. عزاز دون منازع بعد معلقتا الاخيرة دي.
سناء ازيك مرة زمن فادي من ذوي البامبرز، امو مصرّة انو ذكي، يطربق لينا نفس الطربقة دي - سبحان الله ما عارف الجبدو منو؟ - اها قمت هزئت ليك منو ومن كلاما .. بعدد واحد ( اه ) تليق. انقري ما اتلفت على و اداني ليك كمية من الرطمة معها صرة وش. قلت ليا قطع شك الود دا سب لي دين بلغة الاطفال
04-26-2011, 06:25 AM
Sana Khalid
Sana Khalid
تاريخ التسجيل: 02-01-2005
مجموع المشاركات: 2740
عزاز يا حبيبة.. تسلمي على كل كلمة.. إعادة قراءة الأفكار حتى لو كانت بالنسبة للواحد بديهيات أو مسلمات.. بتعيد ليهو اكتشاف عمق قناعتو بيها.. تسلمي.. لأنو النقة الكتيرة و سمحة دي قعدت لأختك راسها في محلو و خلتو يوقف تلفت..
And there is no way you can win over Giga, he is one and only
.. ود البشرى تسلم و الله يا باشمهندس.. لكن ياخي كلنا جابنا الدرب.. السرايا دي أي زول بيدخلها أكتر من مرة بيبقى بشكل تلقائي يا بيشنت يا دكتور.. أو كومبليكس أوف ذا تو (شفت جاك نيكلسون لما هرب بالمرضى من السرايا و قال لناس السفينة نحن جايين من مستشفى المجانين.. أنا دكتور فلان و ديل دكتور فلان و دكتور فلان و دكتور علان :) ياها حالنا بس!) زي محمد الحسن دا ممكن نعتبرو زائر.. لكن معاينتو للكوت الجنب قيقا دا مدياني احساس انو حيبقى دكتور في السرايا قريب
..
قيقا.. فادي تبيع؟
04-26-2011, 09:28 AM
قيقراوي
قيقراوي
تاريخ التسجيل: 02-22-2008
مجموع المشاركات: 10380
لوووووووب كان علي انا تستاهليو بلاش لكن دا ود امو .. ما بتفرط فيو
انا زولتي وعد .. و شوية وجونة حالة كونها يادوبا طالعة من مرحلة " لغة الاطفال " لفضاء ثرثرة اللغة العربية المااااااااهل.
بمناسبة لغة ذوي البامبرز دي .. هم غتيتين بس بفهموا لغتنا دي كوييييس لكن ما بتكلموا طوالي .. يقعدوا يدوك وش محايد - بوكر فيس - كدا لفترة قد تطول زي حالة فادي دي .. اللزيز انو اتكلم لغتنا دي بعد 3 سنة .. امو كان متحسسة من الشغلة دي، اسي ما بسكت .. كل مرة اقول ليها دا المستعجلة ليو؟ مش كدا و بس - اللغة القشرية - حتى التعمية و التشفير بفكوهو .. زمن ولادة وعد، كان ام سارة معانا. و زولك دا الباب ما ينقتح بس، الا يقول ماش معاها. اها كنا مشفرين اسمو بـ " سمير ". مرة عاوزين يمسكو ضنب الككو عشان ما ينشبك في حبوبتو، فسالت : انت سمير وين، ما سامعة صوتو؟ انقري ما رد من ركن قصي : اااي انا هنا
طلع ضارب التامين من زماااااان
---
الزعيم ديريستس
ايوة كدا .. ماشين في سكة الزعامة الحقة نمد ..
بس خلي بالك الحكمة الاثيرة بتقول ( الزعامة وهم .. القيادة فهم )
صراياب ... صباح النور عليك يا زهور انا كنت ناوية ما اتداخل تاني بس جابتني مراسم الادميشون للدكتور المشرف، و والمثير للفخر و رقرق الدمعة في عويناتي انو السجلو عيّان عريق في هذه السفوح حيث قتنا و اقتتلنا ... السرايا دي يوتوبيا حقيقية، حيث الواحد لأجل الكل ولا تكريس للسلطة، الجميع مسؤولون امام انفسهم
يا عزاز .. انا عندى شك كبير جدا انك قايله الدخلنى السرايا اخونا قيقراوى !! والكلام ده للحقيقه والتاريخ ما صحيح .. انا الدخلنى السرايا اخونا "مورتا" اللسه ويادوب بيعتقد ان قيقراوى غير مستقر نفسيا !!!
04-26-2011, 01:40 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20360
عزيزي قيقراوى .. كلامك التحت ده كلو صاح .. وده ما كلامى انا بس .. ده كلام اى زول قراهو .. كلو صاح يا قيقا .. ومافى زول يقدر يقول غير كده.. المهم .. انك تهدأ ..
Quote: يبدو لي نك عاوز يعملوا ليك ادمشن
في K.K.M.C - مدينة الملك خالد العسكرية، في شمال المملكة - كان معانا واحد عندو مشكلة في السمع ن لكن مرات مرات في بعض المواقف، تبدو انها اكتر من كدا. مرة واحد جا ماري قدام غرفتو فاصر يسألو : عم صديق ماش وين؟ قال ليو : ماش السوق. بابتسامة محايدة جداً : ايواااااا .. لا خلاس انا كت قايلك ماش السوق! ساكن معاو واحد جنو المكتبة الاسلامية .. يجي من الشغل ضهر كدا، ياخد ليو غمدة. و عصرن بدري على المكتبة الاسلامية. يوم غير البرنامج مشى اخد ليو لفة في السوق، كان قاصد الصيدلية. شايل دواهو في ي ي يدو. صاحبنا كابسو ليك بالسؤال .. اها مشيت المكتبة الاسلامية؟ عارض ليو الادوية في يدو قال ليو : لا مشيت الصيدلية. نفس الابتسامة المحايدة ديك ذاتا : الصيدلية الاسلامية؟
ايوة كل الادوية الفيها من عصارة اعشاب شعاب مكة .. دي من عند الراوي ازيك يا صديق شوفتك في السرايا شفى للساكنين يا دكتور
04-26-2011, 01:51 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20360
Quote: حبيبى البى قيقا .. انشاء الله ما اكون عصرت عليك ..
لوووول دا عصر الدهشة .. عصر الموسيقى الكاسوليكية يا عمك
لاقنك وين نحنا يا دكتور ياخ؟
شوت ساي يا عمك .. حد واخد منها حاقة.. آخرتا كوم تراب .. خلونا نونس في الاخرتا ضوط كوم دي
بالمناسبة دي - كانتهازي واعي - ؤ كدا .. مشرف ؟ مشرف؟ موسى الزومة كيف!؟
-----
بالمناسبة دي - برضو كانتهازي واعي - نرد ليك على البوست الغرفتو طارة بكري الموضوع شكلو مشى كويس بتاع د. تاج و لنا .. ما عارف تتطوراتو اللاحقة شنو؟ لكن حدي انو سيد اللبن طلب يرسلوا ليو ايميل و Done حسب علمي من قبل لنا. اها الجديد شنو ما عارف .. فيها Done من سيد اللبن او ضن علينا بيهم هنا من جديد.
Quote: يا عزاز .. انا عندى شك كبير جدا انك قايله الدخلنى السرايا اخونا قيقراوى !! والكلام ده للحقيقه والتاريخ ما صحيح .. انا الدخلنى السرايا اخونا "مورتا" اللسه ويادوب بيعتقد ان قيقراوى غير مستقر نفسيا !!!
كان شك ما بعرفو؟! طبعا عزيزي القارئ و الزائر و المريض و الدكتور والمؤلفة قلوبهم و الغارمين والعاملين عليها: انا في الحوار الفوق ده عبارة عن كبري شندي - المتمة الدكتور/البيشنت داير يختها تااااخ لمورتا* قام قال يا ود خت عزاز وقول هي قالت فاكراك قاصد قيقا؛ وعزاز ماسكة خشمها عليها وبتاخد في الدربات من فقدت سوائل ...
يبدو يا دكتور انو حنبتدي العلاج معاك من جلسات الكهربا و لا فوق
قيقا – مورتا ... فجّو لأخوكم جيّــتو دي في مسماكم --- اكرموا وفادته
Quote: حبيبى البى قيقا .. انشاء الله ما اكون عصرت عليك ..
أبدن!
________ هوامش: ( مورتا: وهو الحترب – المصدر: راوية) انا جاية اهدي النفوس يا جماعة.. يا قيقا (يبدو) و (ينتهو) انو الدكتور زي كان قانع من استقرارن نفسيّن فيك و مورتا برد ليهو بطنو مورتا لاعب داغط؟ موش؟ انت حتسكت؟ هنا يكمن السؤال
04-26-2011, 02:41 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20360
يكمن لمنو يا عزاز !!.. حسب الكلينيكال جاتش بتاعى انو قيقراوى ده ممكن نتوقع منو أى حاجه يعنى ممكن جدا "يكمن" لى اى زول فى اى ملف ضيق وانت لو سكتى اى معلومات بتكونى شريكه فى الكمون ده .. زيك زيو واحد .. هو كامن وانت كامنه قانونا .. وغالبا ما اكون انا ومورتا مكمون لهما.. وذلك حسب قانون الاحوال الشخصيه للسرايا العامه والمفسر فى سياقه .. ف .. أعترفى
Quote: لو كل زول شخص حالة "قيقا" عملتوهو دكتور ما حتلقو عيانين
يا دوك نحن قيقا دا جاك نيكلسون بتاع سرايتنا دي.. بدونه لا الدكتور عيان و لا العيان دكتور و لا في فيلم ذاتو..
بس أنا بيتهيأ لي و الله أعلم انك ما جيت تشخص لقيقا ..جيت تشخص حالة (مورتا) .. تاني أنا ما حأقول (الحترب) خصوصاً بعد الاعتذار الضمني بتاع راوية (مش هأعمل كدا تاني)
في كل الأحوال نحن عندنا نقص في الاستاف بعد هجرة الكفاءات المحلية.. و ما صدقنا لقيناك
04-26-2011, 09:12 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20360
Quote: مسالة الحنكشة دي مش حسمناها من قبل كم صفحة كدا ياعزوز وتييييييييييب .......
ده الجرح الما قاعد يبرى يا اميرة ياخ! زي الشهيد الحي اسكتي انا الليلة قالو لي مجنونة عديل كده من غير اي مطاعنات! الليلة الصباح زميلي جاني من صباح الرحمن يتبسم و قال لي بأعلى صوت في الكافتيريا: (انا عرفت ليه انتي مجنونة؟!) براحة كده اخدتو على جنب وقلت لروحي يا بت حلي الاشكال ودياً دون اراقة دماء احتمال بقرى المنبر ... بهدوء مشوب بالحذر غائم نسبيا اخدتو على جنب كده و قلت ليهو بصوت أقرب للحشرجة بتاعت محمود المليجي ديك ( يا اخوي كدي خلينا في اني مجنونة أول و بعدين نجي للتأكيد بالمهلة ) غرودت عيوني و وطيت صوتي و سألت بعد ان ضحكت لي ضحكة ماااا طمتني انا زاتي خليك هو (انا مجنونة يا صبري؟ انا ليه؟ شفت علي شنو؟ بشرط الورق ولا بدق البرينتر و لا بشاكل شاشة الكمبيوتر؟) رجع لورا كدا التقول لدغتو عقرب عاين لي عين ما ريحتني ، وعينو على يدي الشايلة سكين الكافتيرا المالس داك الما بقطع شيء، والله صحي .. زيدة ما يقطعها .. انا اكيد ما استخدم السكين .. أكيد لأ بس ليه في دم في يد صبري؟ صبري الحق في زول طعن يدك؟! اجيب ليك اسعاف؟ صبري بيجري ... بيجري ... بيجري وانا باجري ... باجري ... في الاتجاه المعاكس المهم بعد ما خيطو ليهو الجرح حكى القصة ونظرة الذعر لم تفارقه وما حتفارقه اوعدكم طلع لاقى زول من خيلاني وقال ليهو انو بنشتغل سوا قام خالي الله يسامحو (يصبر لي بس) أول شيء قال ليهو (البنت دي مجنونة! رمت مفايتح عربيتي في السايفون لما كانت شافعة) وما كانت عندو اي نزاهة انو يحكي لي انا رميتو في السايفون! كل قصة لها وجهين من الحقيقة يا اخوانا! واداهو تاريخ تفصيلي مفسر عن شيطنطنتي و جنوني الجد جد و رجع بالذاكرة عشرين سنة (ولا كلمة!) والحق يقال يا اخوانا كنت عبارة عن ابليس في ثياب طفلة .. كنت زي العروسة الي في فيلم Chucky في كامل بهائها عادي ارمي شفع من الشباك .... و اولع حريقة في كنبة، و افرض جزية على اولاد الجيران الكاتلين ظلهم، و أأجر عجلة ود الجيران و اقسم معاهو الايراد .. موش فكرتي؟ وتيييب؟ و العب بالمواليد بيوت بيوت ... ولما ازهج منهم اختهم في خشم الباب علشان طائر النورس ولا ما عارفاهو داك بتاع افلام كرتون يجي يشيلهم في سبت قش ... اييييييه زمن البراءة ..
فاااا شنو.. ثبت شرعا اني مجنونة منبريا و اسفيريا و واقعيا ... ودوني الضل يا جيبو الضل هنالاني فترانة اقوم امشي
04-27-2011, 11:28 AM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: فاااا شنو.. ثبت شرعا اني مجنونة منبريا و اسفيريا و واقعيا ...
د. ديرستس انقري شنو؟ دايمن البدايات مخاتلة جدن .. و بتتلبس شكل النهايات. خاصة في حالات الشبه الشدييييييييد السعبة ؤ الغميسة دي .. نهاية هنا .. قد تكون بداية ما هناك و في ناس بدو .. بدو خالس .. من زماااان خالس .. و في ناس ما بدو لسه، لانهم لحظهم لقوا نفسهم ( حناكيش ) خلقة! لا يدهم لا كراعم.. شفت كيف؟
فااا شنو؟ تيك كير ماي دير
04-27-2011, 09:45 AM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
والله سلامات أطنان,, فردا فردا !! من سأل ومن لم يفعل!!
دا شنو دا!!! الحصل شنو!! هو الجنخانة دى متين تم إفتتاحها لمن بقى الدخول ليها مشكلة وتعانى من نقص المعدات والغرف لكن الحق يقال دكاترة بالكوم وحالات من أنواع جديدة من النفساوى ظهرت مؤخرا تبعا للمرحلة ومتطلباتها وتجلياتها زاتو.. والله فكرت جديا فى أن ادعو خالتى أم (كُنش ) فليس ثمة من هو أفضل منها فى جعلكم جميعا ترعوون ,,
الناس فى شنو وإنتو فى شنو!!
المنعطف الخطير دا ما شايفنو!! اين أنتم منه!!! حقيقة قليل من المراجعه زادت من رهقى,, إحساس إنو لو بديت تجيب كوتات وتعيد التعليق ستصاب مجددا بالVitamin D Deficiency!!! تخيلو زول أمو كانت مسمياهو ك ل ب الحر ولديه مخزون من شمس السودان الساطعة دوما ما أعتقد أنه سيكفيه ويكفى أجيال بعده يجيك دكتور كبير يقول ليك يا ود الشمس حلك الشمس تااااانى وإلا!!! يا حسن الراى شنو!!!
هوارى نمر,,, شايف الشخيت الفوق دا؟؟؟؟ والله الواحد زى ما تقول كدا ما عارف يقول شنو!! إنت وأميرة الشيخ تزازون تزازون حتى تقعون يابسون!! ومعكم أكيد قرقراوى القرب يبقى مفتى الديار دا!!! ووبصحبتكم البشينت نصرالدين صلاح القال الحروف لمست فيه اوتارا داك!!! ما تتوتر يا حلو!!
أحمد اللمين على إدريس مراقب المباراة شكلو إغترب!!!! قرب تعال ما تبتعد,,
رايوة x مورتا حترب السمك,,,like شديد والله,,,
سلامات يا صحاب,,وسلام خاس وبهدى الأغنية ايضاللأعزاء صبرى وسنا وكل الأهل من هنالهنوك ونحن الآن فى جدة وماشين على السعودية ,,,
TO BE CONTIUED Stay Tuend
04-27-2011, 10:03 AM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
ليلة البارحة وفى تمام منتصف الليل أخونا ودا البشرى متّع أخوكم بإدعاء الغمران وإستعمال كل السواتر الموجودة من هجمة الثوار!!! كتل ملف حتى إحتار الملف فى دنيتو ,, لكن بينى وبينكم عاااااقل الزول دا إلا بس مرات مرات بحتاج يعمل مجنون!!! هجمة مباغتة وطاغطة طغط شديد ومرة مرارة القرض لكن شوف عينى دى عمل ميييييييييييت,,,,
إمتاااااااااااااااااااااااااااااااااااع حتى النخاع الجوانى,,, كما عهدناك دائما يا بشبش,,
مبدئيا كدا,, ومن الآخر,,,
عزاز شامى ميييين قال ليك إنو أنا قاعد طربنش وما فاهم الحاصل شنو!! طليعية حنكوشة دا موضوع برجع ليك لكن حذراك ان تفتئ فى أمرى نيابة عنى,, وإنت و(الزميلة)سنا خالد أرفعوا أقلامكم عن صديقى بتاع CMC مهما عدّل,,
*غايتو الكلمة الوحيدة الحاسى بيها بلنتى وممكن تجيب لى حبة هوا ومعه قليل مما بين الأقواس قد تكون كلمة زميلة هذه,,
هو نحن لاعبين مع منو يا أخوانا والله الواحد نسى زاتو الله يسامحك يا تاو!!!
بالمناسبة مخزن السراية يفتقد لتلك القمصان عديمة الأيدى فحالات الهياج إزدادت بصورة ملحوظة فى الأيام الأخيرة ونوع المهدئ المستعمل اصبح لايعمل العالم ديل محتاجين جرعات أقوى واسرع مفعولا,,
واحد من البنبراب لقى الجماعة البفتش فيهم كلهم لابدين ليهم فى بوست رااايق وضاربين الونسة و إعادة التدوير وقف ليهم كرنك وداخلهم مداخلة ليلية وحييييييييييييييدة ذات كلمة واحدةوكانت تقول:
..................... >>>>>>>>>>>>>>>>>>>>>
TO BE CONTIUED Stay Tuend
وحاولو معرفة القاعدة الأولى فى لعبة الأسكواش!!!
04-27-2011, 01:18 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
ابو يمن وين الكلام دا ؟ متين اكلت ملف وعملت ساتر وبتاع يازول انت قاعد بتتكلم عن هنا ولا بتقرا في الفورأول؟ اطلب استثناء من القائمين على امر السراي بخصوص حظر اللنكات و ساعدنا يا ايمن باللنكات بالله
04-27-2011, 01:19 PM
محمد عمر جبريل
محمد عمر جبريل
تاريخ التسجيل: 08-27-2009
مجموع المشاركات: 2263
قيقا يا صديقى .. أعتقد أنها بتمر بمرحلة الانكار ..
Quote: والحق يقال يا اخوانا كنت عبارة عن ابليس في ثياب طفلة .
وفى الحقيقه لم يتغير شيء سوى الثياب .. what is your opinion mr. gega, should we offer her a treatment or psychological support will be appropriate as primary intervention
04-27-2011, 04:42 PM
قيقراوي
قيقراوي
تاريخ التسجيل: 02-22-2008
مجموع المشاركات: 10380
لوووووووووب وقع من السنة التامني .. طشييييييييييييييش اوسكااااااااار
-------
راجعت الكتاب .. كتاب " مباصرة ما استعصم من بصارة اهل الطب - للعلامة البصيرة ام حمد " ح نقطع راس التور، و نكسر القلة .. يبدو لي - كحل شامل و جذري - نحن نعمل ثيربي سيشنز جماعي .. نخصص عنبر لمورتا و عزاز و بقية البدو .. و نصل لنهاية في القصة دي. نخليهم يبدو من حيث انتهوا في شكل حلقة مفرغة.. دا علاج ناجع، والنتائج مضمونة صدقني
يا جماعة يا جماعة حاولو تكونوا عميقين شوية "الحزنُ لا يتخيّر الدمعَ ثياباً كى يُسمّى فى القواميسِ .. بكاء"
دردرررررلوب وقعت ومحدش سمى عليا يا قيقا يا اخويا و كلاكيت تاني مرة التعملو بكي بوردك يغلب اجاويدك! شنو يا دكتور؟ (معاها حدرة بتاعت كمساري) قيقا الفك اللعب و الجابك نابل من علياء السماء السابعة مالك بقيت تضغد من طرف؟ المرة الجاية جيب معاك المكاشفي حرز ... و اقرا حزب الامان برضو الابالسة ديل ما اااا مضمونين زي قيقا بالضبط الصفحة دي برعاية ابليس هيم سيلف و رهطة اديك شايف ماسكين جمر القضية
ابليس ابليس .. حدش واخد منها حاقة " المجد للشيطان.. معبود الرياح. من قال "لا" في وجه من قالوا "نعم". من علّم الإنسان تمزيق العدم. من قال "لا".. فلم يمت، وظلّ روحا أبديّة الألم" !
04-27-2011, 10:33 PM
نصرالدين صلاح
نصرالدين صلاح
تاريخ التسجيل: 09-01-2009
مجموع المشاركات: 444
لووووووووووول يا مورتا ايمن بدو بيو في الغلاف في عليائه المجيدة لكن يبدو لي انها مجيدة حاااااارة يتلب سماء ويفط سماء
اهن .. نحن ماشين في السكة نمد .. من سيرتو لي الجايين و سير سير يا تيسير ...
حبيب ألبي شنو بعد السماء التامني ي ما قربنا لعلياءك المجيدة دي؟ و انا الغبيان كل ما اقول قربت ليك تلقاني بادئ من الالف!
يبدو لي يا مورتا
Quote: يبدو لي إنو أيمن الطيب دا فاطي كم صفحه
يبدو لي يبدو لي خالص .. خالص
---
نصرالدين يا صلاح بتشكر الراكوبة في الخريف مالك؟ هي القروش دي بنلقاها واقعة عشان نشتري بيها كلام و السلام؟ سم سانين : نحن قريشاتنا الحبيبة دي نربي بيها بناتنا و لّ نقعد نشتري في الجرايد بس!؟
04-28-2011, 09:19 AM
احمد الأمين على إدريس
احمد الأمين على إدريس
تاريخ التسجيل: 04-25-2010
مجموع المشاركات: 678
بسم الله الرحمن الرحيم صفحة 8 دى غايتو فيها جنس حاجات اقتراح يقوم الدكتور المتعاون والنزيل مرة مرة ود البشرى يفتح لينا بوست بعنوان صفحات السراى لتسهل المتابعة وبالمرة يتعالج ايمن وما يفط ولا صفحة . بعدين يا مورتا انت اخصائى شنو فى السراى دا ؟ دا بشخص لب بدون انفستقيشن حتى والغريبة تشخيصو(يبدولى) بجى صاح طوالى ..
غايتو ص 7 نجحت فى علاج سناء وجبريل ننتظر الصفحة دى قد تعود عزاز كما كانت لا حنكوشة لا ابليس
04-28-2011, 01:15 PM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: بعدين يا مورتا انت اخصائى شنو فى السراى دا ؟
من كترة اهتمامو بقواعدنا ( البدو ) و اللسه ما بدو في الفرصة الصفراء الفاقعون لونها دي .. قررنا في قيادة حلف اللبن تقليده و سام " تُمنة المورتا" نخب اول ( سمن بلدي اصلي )
صدر تحت توقيعي و ختم الحلف في اليوم الثاني من السماء الثامني و طشيش
فيلد مارشال قيقاراعي قائد قوات حلف شمال الضهرة "النيدو"
04-28-2011, 09:09 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
آي دونط ثينك سو! او كما قال ماكوني في " هوم الون " سم سانين : سنس انو، انا دا مايسلف هوم الون فاااا شنو؟ صدقوني تعبتو معاي
----
بمناسبة تقسيم الكيكة الصفراء التي تسر الناظرين خلوني اعبر و أعرب عن مدى سروري يسعدني ( بل ) و يشرف البروف امين همسلف ان اهدي هذا الانتصار الكبير 7/ 2 على البرنسيسة و ؤزاز مشترك .. و جوز لا يخسر في حالات الصهاينة. اهدي النصر لجماهير الزعيم العظيم .. و للوالدة بكريعات .. للاهل بالعلياب .. ود الخالة العزيز بكنداو اشكر كل من ساهم في هذا النصر .. و للصديق ايمن في عليائة المجيدة .. و للقايد المفدى لولا توجيهاته الكريمة لما كان هذا البهاء ممكناً
م ح خ دا منو؟ ابو يمن شكلك فاطي اكتر من مجرد صفحة يا خوي المهم كان قاصد خرمجة سيف العوقة ففي الحالة دي كدي عرّف لي قولة اخد ساتر وكتل ملف عندك شنو لأنو شكلها مختلفة عن تعريفي لها
ثم ياخي وين انا متحامل على قرقرا؟ جبت حاجة من عندي انا, لو في تحامل يبقى اللوم يوجه للإكسل 2007
عليك الله يا ود البشرى في حالة لقيت زمن يعني ممكن تحلل المداخلات دي أكتر شوية يعني دايرين إحصائيات كدا لي مثلا فلان داك عمل كم فاول وفلان التاني دا بتكلم مع الجكس بس وفلان التالت عدل كم مرة .. كدا يعني
الموضوع مهم أيما اهتمام من أجل العمل على ترقية الوضع الراهن
04-29-2011, 12:25 PM
GamarBoBa
GamarBoBa
تاريخ التسجيل: 03-07-2002
مجموع المشاركات: 4985
Quote: ابو يمن شكلك فاطي اكتر من مجرد صفحة يا خوي المهم كان قاصد خرمجة سيف العوقة ففي الحالة دي كدي عرّف لي قولة اخد ساتر وكتل ملف عندك شنو لأنو شكلها مختلفة عن تعريفي لها
التورتة دى نجمة الصفحة بلا منازع ولا اخفى اعجابي الشديييييد والشدييييد جدا بهذه الحركة التورتاية وشكرا ود البشرى ....
ملاحاظات صغيرونة 1/ ست السراى ترتيبها الرابع ودى حاجة غريبة جدا ما اظنها حصلت قبل كدا .. يعنى بقت عليها و علينا حكاية ناس البيت غفرو والجيران كفرو 2/بما اني كطبيب وبيشنت جوينين فى نفس الوقت من الطابق الخامس مداختلنا قلت بسبب انشغالنا بامور السفارة ... لكن المستغربة ليه اني لسة فى التوب تين بعد قيقا وسريري جنب عزاز. بعدين اشمعنا عزازPink وانا Green مش كولنا 20%
سناء خالد دى متاكد انها 9%؟؟؟
اخيرا وما اخيرا خالص ..بالله ورينا خطوات عمل التورتة شان الظروف ما معروفة .. شايفة فى اقتراحات لفتح فروع للسراى فى اماكن اخرى من كوكب السايبر دا
العفو يا بت الشيخ لو في شكر في الموضوع يتوجه بعد الإكسل 2007 لـ أمر بوبا فالفكرة مستوحاة من تعليق ليه في احد البوستات الماراثونية (إما المعيار أو البوكرامي ما متذكر) كان فيه تحليل سريع ومختصر على ما اذكر وعن عمل القصة دي فبسيطة جدا اعرضي البوست في شكل سلسلة وبعدين كوبي بيست ع الإكسل وشوية ديليت ع تغيير فورمات ع انزرت chـارت و الباقي بتم براه يعني النتائج طلعها الإكسل أو آكشوالي طلعتها المشاركات الحقيقية انا ما اتدخلت في تحديدها
يعني يا أمر عشان تعمل 4 % كتر من زياراتك و ارجانا في الكريبة
يا ود جبريل التحليلات القلتها دي قاسية بالحيل ودايرة زول يراجع تاريخ السراي من يوم الإفتتاح ويقراه بطريقة محايدة من غير هوى ودا ما بتوفر في أخوك كصاحب غرض وهوى مخضرم غايتو الممكن اساهم فيها وساهلة إلى حد ما هي عمل تحليل لكمية ونوعية الوجوه الخضراء و الصفراء المستخدمة
ويا نصر الدين كلامك بأكد على اهمية ضبط وتوحيد المصطلح - على الأقل في السراي - اسي اتحسس دي زاتها ما راكبة حسب فهمي ليها انا كان اتحسست ياداب ما عملت رايح
Quote: الحضور الان بالمنتدى العام لسودانيز أون لاين دوت كوم 1285 شخص » (68 )عضو و (1217) زائرا
»Abdlaziz Eisa »abubakr »adil amin »Amira Elsheikh »Asim Fageary »Bakry Eljack »Dr Mahdi Mohammed Kheir »Elawad »Gaafar Ismail »Kabar »khaleel »khatab »Magdi Is'hag »Mahmoud Mustafa Mahmoud »mohamed elshiekh »Nagi Ahmed »PLAYER »Reader7 »أسامة الفضل »أمير فتحي »أيوب خليل »إدريس البدري »ابراهيم قناوي »ابراهيم محمد الحسن »اسامة سعد »اسماعيل عمر ابراهيم »الامين موسى البشاري »السر صديق محمد »الطيب مصطفى »العوض المسلمي »الفاتح ميرغني »الكباشى البكرى »بدر الدين احمد موسى »بشير أحمد »بكرى ابوبكر »بله محمد الفاضل »جعفر التيجاني علي دينار »جمال المنصوري »حامد بدوي بشير »حمد فتح الرحمن »خالد محي الدين »دبس »رغيم عثمان رغيم الحسن »زهير الزناتي »سعد مدني »طارق الكوتش »طارق عبد اللطيف نقد »عبد الدائم سيد أحمد »عبدالرحيم أبراهيم العبيد »عبدالله احيمر »عصام دهب »عمار عوض »عمر عبد الله فضل المولى »فيصل محمد خليل »فيصل محمد رشوان »محاسن زين العابدين »محمد بدوي مصطفى »محمد عبد الماجد الصايم »محمد عمر الفكي »محمد نجيب عبدا لرحيم »معتصم دفع الله »ميسرة سيد أحمد »نجلاء قرافي »نور الدين عثمان »نيازي مصطفى »هواري نمر »وصال عالم »ولياب
فى كم زول يكون معجب بقيقا وماقادر يعبر عن اعجابو ياربىي؟؟ فى كم زول عاوز يسال عدل عمر جبريل عن سبب تعديلاتو فى كم زول ملاوزة ليه حنكشة عزاز؟ يا البتقرانا من برة النبي تدخل .خسمتك تفضل ......
نا لله ..يكون دا منو ياربي ؟؟
04-30-2011, 09:03 AM
قيقراوي
قيقراوي
تاريخ التسجيل: 02-22-2008
مجموع المشاركات: 10380
لوووووووووووول كلامك دا واقف على راسو يا نصر يبدو لي انك النصر السعودي ساي انت!! يا ود البشرى الزول دايبدو لي انو لسه ما خربشش ؤ كدا!!* يقولوا ليو دا تور .. يقول ليه ما عندكم لبن الليلة! المكتبة دي انت قايل بجيبوها كيف؟ ما هو على نهج حبيب ألب م ب خ سيدي ود الصايم ( المليوني ) لا بد من سرايا صفراء .. يا كمان قفص جداد تعديهو كاك كاك .. يا اما طلعت بمكتبة يا كمان بيضت و طلعت بيض ساي انت في روحك دي. قيقا المطلوب مشغول حالياً - بموضوع المكتبة - نرجو محاولة الاعتزال في اقرب فرصة.
----
* دي كان جليتا برضو تراجع سفرنا - تحت الطبع بس راجني االفو ؤ كدا - و الموسوم بـ : " تاريخ الدعايات في اثير الفضائيات المصرية و ما جاورها" باب الاتصالات - فصل " الحرارة " فقرة " بطاقات اسكراتش " اها قصرت معاك؟ يقصر الملح
04-30-2011, 09:37 AM
GamarBoBa
GamarBoBa
تاريخ التسجيل: 03-07-2002
مجموع المشاركات: 4985
يا جماعة شوف عيني يا طاقم امس...الجمعة مر عليكم هكر قبقب السرايا وخنقها وفطسها ومشي..مشيت رفعت بوست سميته (بوست مؤقت) علي اليمن ماش النور ومافي زول غيري وغير اب صلعة قراه بتاتا البتة بتاتا.
Quote: لاولا تصدر قيقراوى للقائمه .. لجزمت أن العنصر النسائي أكثر ارتباطا بالسراي الصفراء !!!
مشرف يا شفت
ياخ في كلام عجبني جداً .. عليه و عشان اعوض عليك مشقة تكبد الـ ( لو )
و الكلام لسيدنا محسن ود البتولا نفعنا الله بعلمه .. نفحنا بمدِ منه متصل :
Quote: فالإلهام بأوجز حكمة له، أن لا تتفق مع أحد على تعريفٍ للجنون. وبذلك تستبدل عقلك وكل شيء بالإلهام. إن اتفقوا جميعاً.. على نظرياتهم الجماعية فالزم إلهامك. الذي هو عقلك، كما انكتب قَدَرُك. ولا تهتم، أبداً لا تهتم إن وقعت في دائرة توصيفهم للجنون، ما دمتَ تُريدُ إلهامك. فما ابنُ فرناس سوى إلهامه؟ وما قيمتُه لدى ذويه ومعاصريه غير مجنون؟
ما في رومانسية .. ما معبرة!! ياخ كدا طردتي الحمام ياخ .. دي شنو دي ياخ!؟
_____________________________________________
الليلة وووووب ..رومانسية الـــــــ ....رومانسية دي بالسا ولا بالثاء ياقيقا .... هو لو فى رومانسية حضورنا فى السراى يكون 20 %من جملة المداخلات ..دى حالة زول رومانسي....?? رومانسية فى المنبر نهييييي ما بتشتغل كلو كلو ,,,,
بالمناسبة دي زول يكتب لينا روشتة رومانسية .. مااى زول يجي يشخبط لينا لازم زول يكون بحجم المحيط الاطلسي ..لاااااا بحجم الهندى احسن ...ِ
هو الاحسن يا تومحيط لو سالتكم ?????
05-01-2011, 09:06 AM
ناصر احمد الامين
ناصر احمد الامين
تاريخ التسجيل: 03-29-2009
مجموع المشاركات: 2913
والله يا اميرة كباية القهوة ما مشكلة .. بس حكاية التعديل قالو دا بهتان منك ساي في (فرمان) طلع أيام شغلك في الحبل الدوبلماسي قال في أحدى فقراته إنو التعديل خاصية من لا خاصية له منذ الأزل حتى كمان استشهد بالسراي إتسلف
الفرمان دا طلع متين وكيف .؟؟؟ ومنو هو فى السراى البصدر فرمانات من غير توقيع حضرتنا .. لازلت شغالة فى الحبل الدبلوماسي لو سمحت تخاطبنى باكسلانسي .. سعاتك ...حضرتك.... لكن اميرة حاااف كدا مابتنفع يابيه,
05-01-2011, 08:02 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
ينفعنا بى جاهو " ود البتولا " يا قيقا فى واقع الامر كلنا لها هذه السراي الصفراء .. أخوك إرتكب خطأ تأريخى اول امبارح وفتح بوست بتاع " سياسه " .. اهو قلت احلل الوضع الراهن زيي خلق الله القاعدين يحللوا .. بالله بس ضغطت " إرسال " وبدت النفس اللوامه تهضرب وتكورك فينى " ده شنو العملتو ده ؟ فى داعى للكلام ده ! لو خلاص مزنووووق للتعبير عن رايك .. ما هنداك بوست السراي الصفراء !!"
المهم استغفرت مسااافه وقمت خندقت كويس فى البوست وطلعت باقل خسائر ممكنه وزيرو كاشوالتى .. الم أقل لك ان كلنا لها يا صديقى !!
05-01-2011, 09:18 AM
ناصر احمد الامين
ناصر احمد الامين
تاريخ التسجيل: 03-29-2009
مجموع المشاركات: 2913
Quote: لو خلاص مزنووووق للتعبير عن رايك .. ما هنداك بوست السراي الصفراء !!"
أشواقي الحارة لعموم السراياب وتحية خاصة للسراياب الجدد (زي المحافظين الجدد) وتحية خاصة جداً لكيكة ود البشرى التي يمكننا أكلها والإحتفاظ بها في نفس الوقت ..
رغم إن حبوبتي ميتة وأنا "بكاية" إلا إني لم استطع من نفسي من تفويت ما سيرد أدناه * نسوي شنو؟ يموت الزمار وصوابعو بتلعب وفي رواية أخرى المجنون في ذمة الواعي وفي رواية أخرى خالس حزنانة وواعية
رصد أبو سريع:
1. ليس هنالك إستوساخ أكثر من أن يطلب صاحب بوست (ما) إزالة مداخلة (ما) لأحدٍ (ما) بواسطة بكري سيد اللبن أو فيما يعرف بـ "إزالة العشوائي الفاخر" 2. قديماً قيل: التسوي تندم ولا ما تسوي تندم! 3. رسالة بالـ DHL : أما كفاك بلعاً؟
Quote: 1 ليس هنالك إستوساخ أكثر من أن يطلب صاحب بوست (ما) إزالة مداخلة (ما) لأحدٍ (ما) بواسطة بكري سيد اللبن أو فيما يعرف بـ "إزالة العشوائي الفاخر" 2. قديماً قيل: التسوي تندم ولا ما تسوي تندم! 3. رسالة بالـ DHL : أما كفاك بلعاً؟
غايتو كان ما اخاف الكضب موقف قريب من دا مر علي امس
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة