مكتبة خطاب حسن احمد

التحالف الديمقراطى بيان حول ازمه جالية واشنطن
الفنان محمد ادروب..يحى حفل الجالية السودانية بانتاريو تورونتو ..السبت 30/8/4014.
مرحبا د. ارباب ابراهيم ارباب فأنت فخر لنا نباهي بك العالم
الفنان طارق أبوعبيدة "يرمي لينا مطار" بمركز البيئة مساء الجمعة 29 أغسطس

المنتديات

مقالات و تحليلات قصة و شعر

بيانات صحفية

تحديث المنتدى

المتواجدون الآن

مواقع سودانية

Latest News Press Releases

دليل الخريجين

اجتماعيات

الاخبار

أغانى سودانية مكتبة تنادينا مواضيع توثيقية ومتميزة اغانى مختارة
مرحبا Guest [دخول]
أخر زيارة لك: 28-08-2014, 04:07 PM الرئيسية

مكتبة الفنان عبد العزيز الخطاب(عزيز)أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطيييييير
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « الموضوع السابق | الموضوع التالى »
أقرا احدث/اخر مداخلة فى هذا الموضوع »
17-05-2007, 01:34 PM

عزيز

تاريخ التسجيل: 12-04-2002
مجموع المشاركات: 2441
للتواصل معنا
FaceBook
تويتر Twitter
YouTube
Google Plus

أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطيييييير

    http://www.youtube.com/watch?v=N54t-ZXATlU

    الشكر للأخ الحبيب أنور كينج

    http://www.sudafun.com/sudamix/Taha-3ayz_a3eesh.wmv



    الشاب الفنان المجتهد طه سليمان وتجربه رائده فى نشر الأغنية السودانية عبر الفضائيات ..

    أرجو سماعها وتقييمها..

    الآن وفى لحظة ميلاد هذا العمل على الفضائيات معى الفنان طه سليمان (فى هولندا) دعانى لأهديكم هذا العمل ويهمه جدا سماع آرائكم لتكون دافع لمزيد من العطاء ..

    مودتى كامله

    عبدالعزيز خطاب

    (عدل بواسطة عزيز on 18-05-2007, 08:46 AM)

                   |Articles |News |مقالات |اخبار

17-05-2007, 01:52 PM

Deng

تاريخ التسجيل: 28-11-2002
مجموع المشاركات: 36603
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    ده قمة الاستلاب الثقافي البنعيشوا في السودان اليوم.
    الفيديو بتاع أغنية "سنتر الخرطوم" رغم البساطة الي فيها , فهي أفضل بكثير من مثل هذا المسخ المشوه.
    أرجوا من الفنان طه سليمان أن يهتم بثقافته السودانية وأن يقدمها في الفيديو عوضا عن ثقافة عربية مشوهة لا نستطيع حت أن تقليدها.
    لماذا المشاركين في الفيديو من غير السودانين؟ وهل أنت تريد أن تقدم عملك الفني هذا لغير السودانين؟
    إذا كان الجواب بنعم فلماذا يهمك رأينا وإذا كانت الاجابة لا فيجب عليك أن تخل ثقافة بلدك في أعمالك الفنية هذا إذا كنت فعلا تهتم بها.
    أرجوا أن لا يكون تعليقي جارح ولكن هذا مشكلة حقيقية نعاني منها اليوم في السودان.
    ولي عودة.

    دينق.
                   |Articles |News |مقالات |اخبار

17-05-2007, 03:00 PM

Muna Khugali

تاريخ التسجيل: 27-11-2004
مجموع المشاركات: 21897
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: Deng)

    استماع أولي..
    اعجبتني الأغنيه..
    شكرا عزيز...
                   |Articles |News |مقالات |اخبار

17-05-2007, 03:31 PM

ahmed khidir

تاريخ التسجيل: 20-03-2003
مجموع المشاركات: 1002
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: Muna Khugali)

    عزيز خطاب يارائع
    كما عودتنا دائما معاك الجديد والابداع
    احى الفنان الشاب طه سليمان, على هذا العمل الرائع الجميل والجهد المقدر
    تنفيذ عالى جدا من حيث التصوير والمونتاج ,
    ومجددا تحياتى للفنان الشاب طه سليمان ومزيدا من التقدم والابداع

    احمــــد خضـــر
                   |Articles |News |مقالات |اخبار

17-05-2007, 06:31 PM

حبيب نورة

تاريخ التسجيل: 02-03-2004
مجموع المشاركات: 18275
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: ahmed khidir)

    بالنسبة للخطوة
    فهي جريئة نوعاً ما
    يمكن تكون جات متأخرة
    لكن مافيها أيي ملامح سوداناوية
    مشوهة
    وانا بتكلم معاك بي لسان بعيد جداً من الصوت
    الداعي للأسلاماوية
    لكن انا عايز الروح الوطنية تطل من خلال العمل
    يعني تقليد ومافيه أيي أضافة
    الا يمكن نقول الكلام زي السوداني وما سوداني
    ودة بي سبب طريقة الأداء
    وغير كدة لزومو شنو العازفين مستوردين
    يعني دي سابعة بيت هوفن؟
    والتمثيل واضح
    يعني تمثيل تمثيل
    انا غايتو شلتوا معاي
    عشان بصراحة عجبتني البنوتة!!

    شكرن كتيرن!
                   |Articles |News |مقالات |اخبار

17-05-2007, 08:06 PM

AnwarKing

تاريخ التسجيل: 05-02-2003
مجموع المشاركات: 11481
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: حبيب نورة)

    العزيز حبيب نورة...
    تحياتي...

    لفت انتباهي الجملة دي...


    Quote: لكن انا عايز الروح الوطنية تطل من خلال العمل




    وليه الروح الوطنية في العمل؟
    وما هي الروح الوطنية الممكن اضافتها؟

    الا يكفي ان المؤدي سوداني؟
    الا يكفي التبشير باليد الذي هو متفرد سودانياً؟


    يعني لوال دينق كلاعب سلة دولي في أمريكا ...مثلاً... بلعب سلة بروح وطنية ولا بجي الملعب بجلابية وعمّة؟

    مودتي
    أنور


                   |Articles |News |مقالات |اخبار

17-05-2007, 07:50 PM

AnwarKing

تاريخ التسجيل: 05-02-2003
مجموع المشاركات: 11481
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)


    الاخ العزيز عزيز...
    تحياتي لك وللفنان طه سليمان...

    أجد نفسي متعاطفاً مع ابناء جيلي من المحاولين الجادين\ت وغير الجادين\ت في التقدم نحو الامام أو الاتيان بمحاولة جديدة ذات طابع متفرد...

    بالطبع لست ناقدا فنيا لأحكم على الكليب بصورة متخصصة أو محترفة ولكني اقول رأيي من باب المشاهد العادي...

    أرى ايجابية في اداء من حيث:-

    الكلمات : حيث انها سهلة ومفهومة على الاقل لأي مستمع يفك خط اللغة العربية...
    الاحساس بالكلمات: اعتقد ان الشاب طه كان متفاعلا مع كلمات -أو لنقل جو الاغنية بالتمام والكمال
    التصوير: ولا كلمة
    المشاهد : ممتازة للغاية ومريحة للعين...خصوصاً عندما تشاهد الكليب مرتين أو أكثر ولا تطلق يديك للكي بورد ليؤد أي محاولة لشاب -أي شاب- يستحق الدعم المعنوي على الأقل...


    العمل في رأيي ناجح 100%

    والشكر موصول للقائمين على موقع سوداميكس لمشاركتهم لنا هذا العمل وكلي استعداد للمساهمة في النشر...



    - بالجنبة كده: أرجو ان تنتشر اشاعة ان طه سليمان عقد على الموديل بوسي... حتى يكون العمل شرعي وكده



    Better Late than Never!
    ولا شنو؟


    أنور فتح الرحمن أحمد دفع الله
    كوريا الجنوبية
                   |Articles |News |مقالات |اخبار

17-05-2007, 08:12 PM

خالد الطيب أحمد

تاريخ التسجيل: 13-03-2007
مجموع المشاركات: 0
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: AnwarKing)

    الأخ عزيز عزيز..شكرا لإمتاعنا برؤية فيديو كليب المبدع طه سليمان..

    وقد شاهدنا وأستمعتنا أنا وصديقي هنا بهذا العمل الكبير الغير مألوف بالنسبة لنا في مجال الفيديو كليب.


    الكلمات والأداء مميز جدا كما عودنا طه سليمان منذ بداياته..


    ونتمني أن يحذو الفنانين الشباب لخوض نفس التجربة مهما كانت تكلفتها .. لتخرج أغنيتنا نحو العالمية..

    فالفيديو كليب اليوم مكمل للعمل بنسبة كبيرة جدا..


    والصورة دائما أبلغ من الصوت..


    تحياتنا لطه ولكل الشمباتة..

    (عدل بواسطة خالد الطيب أحمد on 17-05-2007, 08:14 PM)

                   |Articles |News |مقالات |اخبار

17-05-2007, 08:22 PM

نوسة

تاريخ التسجيل: 30-09-2002
مجموع المشاركات: 825
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: AnwarKing)

    الأخ خطاب
    سلاماتى و تحياتى

    أنا غايتو لسة بنزل فى الغنية ، يعنى ما شفتها ، بس سمعت من فترة إنو الشاب المجتهد طه سليمان ح يخوض تجربة التسجيل و إذاعة إغنياته فى قناة روتانا و ميلودى!!

    أتمنى ليهو التوفيق محل ما يقبل ،،

    و بمناسبة أغنية سنتر الخرطوم هى غنية جميلة جداً و تلقائية و تعبر عن "أحزان" جيل كامل لأنها إنتقاد لواقعنا المعاش حالياً،، و لا أرى بها أي نوع من "الهبوط" كما يضرب بها المثل ،، و دة زى ما قريت للأستاذ بدر الدين عجاج إنو بنتو ما فضل ليها إلا إنها "تغني" سنتر الخرطوم !!! """" وش ما باسم و مستغرب""""

    و بالمناسبة دى يا ريت و ياريت كلنا ندعم ولدنا خالد حسن في برنامج "ألبوم" على محطة mbc و ما ندي الناس فرصة يطلعوهو لأنو بيستاهل يواصل لجمال صوتو و إجتهادو !!

    أنا غايتو دايرة أعمل ليهو "حملة دعم" فى البورد و هنا في البحرين ،، بالله إنتو يا ناس هولندا همتكم معانا ...

    لكم كل الود
    ح أرجع ليكم تانى بعد أسمع الغنية
                   |Articles |News |مقالات |اخبار

17-05-2007, 08:41 PM

تبارك شيخ الدين جبريل

تاريخ التسجيل: 04-12-2006
مجموع المشاركات: 12479
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: نوسة)

    والله يا عزيز خطاب يعنى دايماً تتحفنا بالدرر!

    طه سليمان، حسب رأيى الشخصى، فنَان كبير منذ ولادتو. وبتوقع منو الكتير المثير، وبخاف عليهو من التجارب الغير محسوبة العواقب (ما بخاف عليهو من المجازفات لأنو عضمو الموسيقى قوى والقصة بالنسبة ليهو ما وجاهة وصوت وخلاس).

    وانشالله دايما ترشّونا بى عبير الأنغام الفردوسية دى.

    ودمتم (كان إتّ، كان تاها!)
                   |Articles |News |مقالات |اخبار

17-05-2007, 08:49 PM

نوسة

تاريخ التسجيل: 30-09-2002
مجموع المشاركات: 825
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: نوسة)

    أها جيتكم تانى بعد شفتا الكليب

    WAAAAWWWWW

    بجد عمل جميل جداً و كلمات ساهلة و واضحة و صوت ما شاء الله عجيب

    يا ريت ما تكون دى التجربة الوحيدة و دائما يا طه نشوف ليك حاجات جميلة و حلوة

    أي شخص في بداية أعماله بيلاقى نقد سلبى أكثر من إيجابي بس ما يخليهو يأثر فيهو ،، يعنى الزول ما "يطنش" بس يضع نصب أعيينه بلدو و هويتو و إنو سفير الكلمة لى بلدو حول العالم،، و الفن فعلاً رسالة أكثر من السياسة و وجع الراس،، هو وسيلة تعريف الشعوب على بعضها و توصيل اللغة و الشكل لنيل القبول و الإهتمام...

    و يا خطاب إنتى قصدك "موديل" الغنية الخطيييييييييير و لا "البت" الخطيييييييييييرة؟؟؟؟

    الله يوفقك يا طه سليمان
                   |Articles |News |مقالات |اخبار

17-05-2007, 09:44 PM

بكري بشير

تاريخ التسجيل: 04-09-2006
مجموع المشاركات: 65
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: نوسة)

    يازول كيف مافي ملامح سودانوية؟؟ظ
    ماشفت الراجل بشر كيف لبتاع الساكس.
                   |Articles |News |مقالات |اخبار

17-05-2007, 10:41 PM

ناذر محمد الخليفة

تاريخ التسجيل: 28-01-2005
مجموع المشاركات: 28015
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    الأخ عزيز ..

    تحياتي لك وللفنان طه سليمان ..

    رأيي في العمل :

    تجربة هذا الفيديو كليب قد تعتبر من التجارب الجريئة التي حطمت الكثير من المحظورات التي لم يتجرأ أصحاب التجارب السابقة في كسرها أو تجاوزها ..

    هذا العمل في رأيي المتواضع قمة في الإبداع والسودانوية .. حيث تمت الإستفادة من التقنيات المصرية وخبراتها المتراكمة في إنتاج هذا العمل وليس في ذلك ما يعيب طالما أن كلمات الأغنية ولحنها غير مرتبطة بأي ألحان شرقية أخرى وحافظت تماما على تراكيبها المألوفة لموسيقانا ..

    منتقدو هذا الكليب في البوست ربما لم يألفو هذا النمط والإخراج المتطور لهذا العمل لدينا .. ولهذا إنتقدوه كما فعل دينق حين سماه إستلابا ثقافيا !!

    رغم كامل إحترامنا لتجارب الكثير من مخرجي الفيديو كليب السوداني وعلى رأسهم معتصم الجعيلي إلا أننا نجد أن هنالك الكثير من المعوقات التي تمنعهم من إنتاج مثل هذا الفيديو كليب محليا أهمها في رأيي حرية التصوير والتمثيل لبعض من المشاهد التي قد تعتبر ضرورية كي نواكب العالمية في هذا الضرب من ضروب الفن ..

    الإمكانيات التي توافرت لطه سليمان في هذا الكلب (رغم أنني أعتبرها متواضعة : لنش + فنيات إخراجية وإضائية مقارنة بالكليبات المصرية لكبار الفنانين أو صغارهم) لم يكن لها أن تتوافر في السودان بسهولة بل سيكون هنالك عدة معوقات تجعل المخرج يكتفي بالقليل المشوه من المشاهد والمناظر ..

    لاحظوا معي أن اللحن هو لحن سوداني أصيل وإن تم العزف على أيادي مصرية .. والكلمات أيضا موغلة في العامية الصعبة والتي قد لا يفهمها حاليا إلا السودانيين .. وأجمل منظر في الكلب في نظري هو لقطة (البشير) التي قام بها طه سليمان للعازفين وهذا منظر هزني كثيرا لأنه خاصية سودانية بحتة وبكل تأكيد أن من يشاهد هذا الفيديو من الاجانب سيتساءل عن مغزى هذه (الحركة) وذلك في حد ذاته نقطة متقدمة ومرحلة جيدة نحو التبشير بثقافتنا ومفرداتنا ..

    تذكرت في هذه اللحظة المطرب الجزائري (الشاب خالد) وأغنيته التي سار بها الركبان (دي دي) رغم أن مفرداتها غير مفهومة حتى للعرب .. ولكن سا همت الأغنية يشكل مباشر أو غيره في التعريف بالموسيقى الجزائرية والألبوم الذي طرح وإحتوى على موسيقى الـ (راي) ..

    لا تظلموا طه سليمان فإن ما قام به لا يقل عما قام به عبد القادر سالم وعمر إحساس وعقد الجحلاد في أوروبا من نشر للموسيقى السودانية .. وتأملوا في الإيجابيات الكثيرة والفوائد العظيمة التي ستنهال على سمعة موسيقانا جراء هذا الفيديو كليب ..

    صنفرة :

    لا أريد عقد مقارنة بين ما فعله طه سليمان من إنتاج هذا الكليب وما أنتجته (المطربة) جواهر من كليبات مشوهة لموسيقانا السودانية ، وإلا فسننجرف لحديث أخر ..

    تحياتي لك يا عزيز ولـ طه سليمان ..

    مزيدا من التقدم والإنتاج ..
                   |Articles |News |مقالات |اخبار

17-05-2007, 10:54 PM

Deng

تاريخ التسجيل: 28-11-2002
مجموع المشاركات: 36603
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    الامريكان عندهم مقولة شهيرة جدا وهي: Just be yourself.
    بما معناه لا تتصنع وكن طبيعي وعادي .

    واضح جدا من الفيديو أن الفنان يتصنع ويقلد ثقافة غير ثقافته ومكياج غير متعود عليه. واكنت النتيجة هذا المسخ المشوه الذي تسمونه أنتم فيديو كليب. وأخونا عزيز يقول "بموصفات عالمية" فمنذ متى كان للفيديو كليب "موصفات عالمية"؟
    إذا كنا هذ ما نريده من أغاني وفيديو كليب فلماذا لا نستعين بفنانين وفنانات من مصر ولبنان عوضا عن كل هذا التعب؟


    دينق.
                   |Articles |News |مقالات |اخبار

17-05-2007, 11:02 PM

ناذر محمد الخليفة

تاريخ التسجيل: 28-01-2005
مجموع المشاركات: 28015
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: Deng)

    يا دينق ..

    وليه ما بتسمي حالتك دي :

    Quote: الامريكان عندهم مقولة شهيرة جدا وهي: Just be yourself.


    إستلاب ثقافي برضو طالما إنك بتستشهد بالامريكان ؟!!
                   |Articles |News |مقالات |اخبار

17-05-2007, 11:07 PM

Deng

تاريخ التسجيل: 28-11-2002
مجموع المشاركات: 36603
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    Quote: إستلاب ثقافي برضو طالما إنك بتستشهد بالامريكان ؟!!


    الاخ نازر.

    ده مجرد مثل أنا بستعملوا, وأنا شخصيا عايش في أمريكا لي 18 سنة ولازم أكون أتأثرت بالثقافة الامريكية, وإذا كان طه سليمان مثلا متربي في الخليج أو مصر لكنت وجدت له العزر ولكن أن يكون متربي في السودان طيلة حياته فهنا مربط الفرس وهنا أنا أتسأل يا نازر.

    دينق.
                   |Articles |News |مقالات |اخبار

17-05-2007, 11:42 PM

Bashasha

تاريخ التسجيل: 08-10-2003
مجموع المشاركات: 16263
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    الحبيب دينق،

    ياخي بالك طويل خلاص واعصابك فولاذ!

    ولا بفكر اشوف زاتو مركب نقص العالم دي on display!

    العالمية عند الخلق دي، هي عالم سادتم الاعراب، المستلبة الحبوش هؤلاء!

    عزيز سلامي،

    ماتاخد كلامنا ده بي صورة شخصية!

    انا ماشفت الفيديو ولا رغبة لي، لاني حاطرش!

    بالذات لو جايبين مصرية يشحتفو بيها قليب "العبيد" الحبشي!

    مش برضو ليلي علوي هي معيار الجمال، لي احفاد بلال؟

    قاتل الله العبودية!


    الامننجي ناذر الخليفة الدايما ساكي الفارغة،

    عامل فيها ناقد فني او كده؟

    هذا زمانك!
                   |Articles |News |مقالات |اخبار

18-05-2007, 05:34 AM

Outcast

تاريخ التسجيل: 07-04-2003
مجموع المشاركات: 1029
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: Bashasha)

    الاخ عبدالعزيز خطاب ,,
    حاولت التوصيل بالوصلة لكن أتتنى رسالة تقول بأن الباندودث قد تم تجاوزه.

    عايزين نشوف عشان نحكم . أنا شخصيا يعجبني أداء الفنان طه سليمان كثيرا ,, و هو من الشباب المبدعين .

    (عدل بواسطة Outcast on 18-05-2007, 05:36 AM)

                   |Articles |News |مقالات |اخبار

18-05-2007, 06:33 AM

AnwarKing

تاريخ التسجيل: 05-02-2003
مجموع المشاركات: 11481
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)
                   |Articles |News |مقالات |اخبار

18-05-2007, 06:59 AM

AnwarKing

تاريخ التسجيل: 05-02-2003
مجموع المشاركات: 11481
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    العزيز ناذر...

    سلامات وتحايا...
    وان شاء الله جاهز في بدايات شهر سبعة؟؟؟
    أعمل بروفاتك من أسع

    قلت:-
    Quote:
    لا أريد عقد مقارنة بين ما فعله طه سليمان من إنتاج هذا الكليب وما أنتجته (المطربة) جواهر من كليبات مشوهة لموسيقانا السودانية ، وإلا فسننجرف لحديث أخر ..


    ولماذا المقارنة أصلاً؟؟؟
    اجتهادات جواهر تستحق التقدير...

    و لننظر لكل عمل ضمن ظروفه الخاصة... وبعدين لماذا نحاكم هذه الاعمال كأنها خرجت مبعوثة من وزارة الثقافة السودانية؟ وهل كل ما يخرج مبعوثاً يمثلنا كما نريد؟

    شاهدت في برنامج كل الجمال لمقدمه وليد زاكي الدين...تجربة ثلاثي شبابي في أمريكا يغنون الراب... وقبلها سمعناتجربة ايهاب اب سعد... وعمر رجب وكليب سامي المغربي والخ...

    أدعم كل هذه التجارب لكونها محاولات -صرفة- واجتهادات...

    والعتب على الطليان...

    هنا في كوريا الجنوبية ممكن تقول ان الفيديو كليبات -كورية الشخوص أمريكية الطابع... تبسط الجميع ، مع منتقدين بالطبع...

    الاستلاب لا مكان له في تقديري... بل التأثير المتبادل في عالم اصبح أصغر من الحلّة... وكما ان للمؤدي الحرية في اختيار العمل ...لي كمتلقيّ مطلق الحريّة في الاستماع و مشاهدة ما اريد في هذه الحلّة....

    ما الذي يجعلني اتابع برنامج أوبرا الأمريكي أو دكتور فيل أو المسلسلات البوليسية ك سي أي أس مثلاً؟
    هل هو الاستلاب؟
    أعتقد اننا على قدر عالي من الانفتاح بحيث نتقبل اعمال الاخرين... فلماذا اعمالنا لا؟

    أنور
                   |Articles |News |مقالات |اخبار

18-05-2007, 08:50 AM

ناذر محمد الخليفة

تاريخ التسجيل: 28-01-2005
مجموع المشاركات: 28015
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    عن أذنك يا عزيز ..

    طبعا بشاشا العامل زي حبوبة المطر دا بقى عامل فيها عالم علامة وحبر فهامة كبير وداير يفتي في أي حتة كان ليهو فيها نفقة ولا متشولق ساكت !!

    Quote: الامننجي ناذر الخليفة الدايما ساكي الفارغة،

    عامل فيها ناقد فني او كده؟

    هذا زمانك!


    يا بشاشا يا اللخو ..

    أنا عارفك ما دخلت هنا إلا عشاني وعشان تخت كلماتك الفوق ديل ..

    زمااااااان سمحنا ليك تنظر في السياسة والتاريخ والجغرافيا والبطيخ ..

    بس كمان إنت ما تستسهل الأمور وتجي تنظر لينا في الفن ..

    كدة عصرت علينا شديد والله ..

    عندك حسابات معاي داير تصفيها حضر مصفتك وألبت لي في حتات غير دي ..

    صنفرة :

    شايل بقجة غباينك وحايم من بوست لي بوست !!
                   |Articles |News |مقالات |اخبار

18-05-2007, 09:12 AM

Abdel Aati

تاريخ التسجيل: 13-06-2002
مجموع المشاركات: 32410
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: ناذر محمد الخليفة)

    الاخوان عزيز وانور

    الفيديو كليب جميل وان كنت اتمنى ان تكون الموديل في المرة الجاية سودانية او اثيوبية - ارترية على اقل تقدير .
    هناك مشكلة في المكساج حيث لا يتطابق الصوت تماما مع الصورة .. اتمنى ان يتم التنبه لها في المرات القادمة ..

    يا جماعة كمان سجلوا في السودان ولاهي حكومة السجم والرماد دي شغالا بي روحا
    وما حتفضا اسا تطارد الفيديو كليبات

    بالعدم ممكن نسجل في اديس اببا او اسمرا التكاليف بتطلع اقل .
                   |Articles |News |مقالات |اخبار

19-05-2007, 06:56 PM

AnwarKing

تاريخ التسجيل: 05-02-2003
مجموع المشاركات: 11481
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: Abdel Aati)

    Quote: الاخوان عزيز وانور

    الفيديو كليب جميل وان كنت اتمنى ان تكون الموديل في المرة الجاية سودانية او اثيوبية - ارترية على اقل تقدير .
    هناك مشكلة في المكساج حيث لا يتطابق الصوت تماما مع الصورة .. اتمنى ان يتم التنبه لها في المرات القادمة ..

    يا جماعة كمان سجلوا في السودان ولاهي حكومة السجم والرماد دي شغالا بي روحا
    وما حتفضا اسا تطارد الفيديو كليبات

    بالعدم ممكن نسجل في اديس اببا او اسمرا التكاليف بتطلع اقل .


    العزيز عادل...
    سلامات وأشواق يا عزيزي...
    يا سلام على الفكرة... ان تكون الموديل اثيوبية أو ارترية...ده لو فرضنا ان السودانيات امتعن..

    التسجيل في السودان بدري عليهو...!
    مودتي
    أنور
                   |Articles |News |مقالات |اخبار

18-05-2007, 09:09 AM

خضر الطيب

تاريخ التسجيل: 24-06-2004
مجموع المشاركات: 6234
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    نازر الخليفة

    خليني مبدئااتفق معاك على التحليل دا لانو فعلا دا الكلام الكنت حاكتبو

    ولحدي ما اجيك راجع ...بي صنفرتو نقلتو




    الأخ عزيز ..

    تحياتي لك وللفنان طه سليمان ..

    رأيي في العمل :

    تجربة هذا الفيديو كليب قد تعتبر من التجارب الجريئة التي حطمت الكثير من المحظورات التي لم يتجرأ أصحاب التجارب السابقة في كسرها أو تجاوزها ..

    هذا العمل في رأيي المتواضع قمة في الإبداع والسودانوية .. حيث تمت الإستفادة من التقنيات المصرية وخبراتها المتراكمة في إنتاج هذا العمل وليس في ذلك ما يعيب طالما أن كلمات الأغنية ولحنها غير مرتبطة بأي ألحان شرقية أخرى وحافظت تماما على تراكيبها المألوفة لموسيقانا ..

    منتقدو هذا الكليب في البوست ربما لم يألفو هذا النمط والإخراج المتطور لهذا العمل لدينا .. ولهذا إنتقدوه كما فعل دينق حين سماه إستلابا ثقافيا !!

    رغم كامل إحترامنا لتجارب الكثير من مخرجي الفيديو كليب السوداني وعلى رأسهم معتصم الجعيلي إلا أننا نجد أن هنالك الكثير من المعوقات التي تمنعهم من إنتاج مثل هذا الفيديو كليب محليا أهمها في رأيي حرية التصوير والتمثيل لبعض من المشاهد التي قد تعتبر ضرورية كي نواكب العالمية في هذا الضرب من ضروب الفن ..

    الإمكانيات التي توافرت لطه سليمان في هذا الكلب (رغم أنني أعتبرها متواضعة : لنش + فنيات إخراجية وإضائية مقارنة بالكليبات المصرية لكبار الفنانين أو صغارهم) لم يكن لها أن تتوافر في السودان بسهولة بل سيكون هنالك عدة معوقات تجعل المخرج يكتفي بالقليل المشوه من المشاهد والمناظر ..

    لاحظوا معي أن اللحن هو لحن سوداني أصيل وإن تم العزف على أيادي مصرية .. والكلمات أيضا موغلة في العامية الصعبة والتي قد لا يفهمها حاليا إلا السودانيين .. وأجمل منظر في الكلب في نظري هو لقطة (البشير) التي قام بها طه سليمان للعازفين وهذا منظر هزني كثيرا لأنه خاصية سودانية بحتة وبكل تأكيد أن من يشاهد هذا الفيديو من الاجانب سيتساءل عن مغزى هذه (الحركة) وذلك في حد ذاته نقطة متقدمة ومرحلة جيدة نحو التبشير بثقافتنا ومفرداتنا ..

    تذكرت في هذه اللحظة المطرب الجزائري (الشاب خالد) وأغنيته التي سار بها الركبان (دي دي) رغم أن مفرداتها غير مفهومة حتى للعرب .. ولكن سا همت الأغنية يشكل مباشر أو غيره في التعريف بالموسيقى الجزائرية والألبوم الذي طرح وإحتوى على موسيقى الـ (راي) ..

    لا تظلموا طه سليمان فإن ما قام به لا يقل عما قام به عبد القادر سالم وعمر إحساس وعقد الجحلاد في أوروبا من نشر للموسيقى السودانية .. وتأملوا في الإيجابيات الكثيرة والفوائد العظيمة التي ستنهال على سمعة موسيقانا جراء هذا الفيديو كليب ..

    صنفرة :

    لا أريد عقد مقارنة بين ما فعله طه سليمان من إنتاج هذا الكليب وما أنتجته (المطربة) جواهر من كليبات مشوهة لموسيقانا السودانية ، وإلا فسننجرف لحديث أخر ..

    تحياتي لك يا عزيز ولـ طه سليمان ..




    كت اووت :-


    دينق خلينا نخت الكوره في الارض ونناقش الموضوع بي هداوة الريف.. سمح ؟
                   |Articles |News |مقالات |اخبار

18-05-2007, 09:29 AM

ناذر محمد الخليفة

تاريخ التسجيل: 28-01-2005
مجموع المشاركات: 28015
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    أنور سلامات ...

    صراحة إختلف معاك في رايك حول تجربة جواهر مهما كانت إجتهاداتا حولها

    أما دي :

    Quote: الاستلاب لا مكان له في تقديري... بل التأثير المتبادل في عالم اصبح أصغر من الحلّة... وكما ان للمؤدي الحرية في اختيار العمل ...لي كمتلقيّ مطلق الحريّة في الاستماع و مشاهدة ما اريد في هذه الحلّة....


    أنا مقتنع معاك فيها إنت بس أقنع دينق وبشاشا ..
                   |Articles |News |مقالات |اخبار

18-05-2007, 09:32 AM

ناذر محمد الخليفة

تاريخ التسجيل: 28-01-2005
مجموع المشاركات: 28015
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    عادل سلامات ..

    Quote: الفيديو كليب جميل وان كنت اتمنى ان تكون الموديل في المرة الجاية سودانية او اثيوبية - ارترية على اقل تقدير .


    لو سودانية أكيد حا تجي متحجبة أو لا بسة نينجا وإلا ناس التلفزيون هنا ما حا يسمحو بي عرض الفيديو كليب في السودان ..

    هسي بي حالتو دي أنا شاكي إنو ما حا يعرضوهو ناهيك من تجيب سودانية وتاخد راحتا في التصوير ..
                   |Articles |News |مقالات |اخبار

18-05-2007, 09:35 AM

ناذر محمد الخليفة

تاريخ التسجيل: 28-01-2005
مجموع المشاركات: 28015
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    شكرا على الإتفاق يا خضر ..

    Quote: نازر الخليفة

    خليني مبدئااتفق معاك على التحليل دا لانو فعلا دا الكلام الكنت حاكتبو

    ولحدي ما اجيك راجع ...بي صنفرتو نقلتو


    شنكل :

    مع إني في الأول كنت قايلك متفق معاي في مداخلتي عن بشاشا ..
                   |Articles |News |مقالات |اخبار

18-05-2007, 09:38 AM

Raja

تاريخ التسجيل: 19-05-2002
مجموع المشاركات: 16024
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    عزيز يا عزيز..

    سلامات وتحايا..

    شاهدت الكليب.. وهو ممتاز جدا بالنسبة للكليبات السودانية السابقة..
    وجيد بالنسبة للكليبات العربية البنشوفها..
    ومقبول بالنسبة للكليبات العالمية..

    الكلمات واللحن وصوت الفنان هم أبطال الكليب..
    الموديل (بوسي) دمها تقيل ولو تم حذفها لما شعرنا بها..
    وكان يمكن تصوير الكليب بدون موديل (أنا ضد تسليع النساء في الإعلانات والكليبات).. كفاية (سماحة) الفنان ..

    بالنسبة للتصوير في مصر لا أستغربه أو أستنكره لأن جميع الفنانين يختارون مواقع التصوير الخارجية والأستديوهات المناسبة.. نلاحظ تركيا وقبرص وماليزيا وحتى الأمارات (أغنية عاصي الحلاني الأخيرة).. وهناك من يأتي إلى مصر من الفنانين سواء العرب أو الخواجات للتصوير..

    الموسيقار أحمد الجبالي يمتاز بحس عالي.. ولكن يلاحظ إقتباساته للأفكار وفي بعض الأحايين اللحن.. (يعني إحتمال لو عملنا قوقلة حنلاقي شكل الكليب ده في مكان تاني)..

    هي بداية.. وبداية طيبة أتمنى ان يواصل فيها الفنانين السودانيين..
    ونفسي أشوف كليب لمعتز صباحي..

    ودي
                   |Articles |News |مقالات |اخبار

18-05-2007, 09:56 AM

عزيز

تاريخ التسجيل: 12-04-2002
مجموع المشاركات: 2441
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: Raja)

    الأحباب الأعزاء

    كل من كتب فى هذا البوست وكل من ولج اليه وشاهد الكليب

    لكم منى ومن طه سليمان محبه خالصة ومودة صادقة ..

    لم نتداخل معكم فى البوست لأننا نقرأ بكل إهتمام ما تكتبون ونناقشه بكل تفاصيله ..

    نقيم التجربة من خلال آرائكم الكريمة ..

    طه يحمل قلب مفتوح وفكر أيضا مفتوح، ورؤاه كبيره ..

    سنرد على كل مداخله سويا أنا وطه خلال اليوم..

    محبتنا لكم وتقديرنا

    طه وعزيز
                   |Articles |News |مقالات |اخبار

18-05-2007, 10:11 AM

Amjad ibrahim

تاريخ التسجيل: 24-12-2002
مجموع المشاركات: 2692
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)



    سلام جميعا
    الشكر للاخ عبد العزيز خطاب على انزال هذا العمل هنا
    و بالطبع الشكر اجزله للاخ انور كنج الذي جعل مشاهدة الفيديو كليب ممكنة

    حسب متابعتي للبوستات فإن نقد الاخ ناذر للفيديو كليب من الناحية الفنية هو الاعمق
    و قد نختلف على الكثير من رسالة الاغنية، لكنها في النهاية اغنية عاطفية و ليست مظاهرة سياسية، و إن كان الفنان طه قد ابدع في اغنية عوض دكام بأبعادها النفسية و الاجتماعية في السودان، لا يجب بالضرورة أن يكون اسيرا لهذا النوع من الطرب على اهميته، و يجب علينا كما أعتقد أن لا نقيم أي فنان عبر عدسة الفنان مصطفى سيد أحمد مثلا...

    شخصيا أعتقد أن الاغنية رائعة جدا و موسيقاها و مفرداتها سودانية جدا، كنت حقا أتمنى أن تكون الفتاة التي صاحبت الفنان طه سليمان سودانية حتى تعبر عن الاغنية بصورة أفضل، و لكنها تفاصيل يمكن تجاوزها بالنقد البناء لاحقا

    مرة أخرى شكرا ناذر على حسك الفني العالي في التعامل مع هذا الفيديدو كليب، و يقيني أنك لو تابعت الكتابة على هذا المنوال الجاد في التصدي لمثل هذه الامور فستتطور لتكون ناقدا فنيا متقدما...

    صنفرة كما تقول أنت
    أيضا تابعت كتابتك و نقدك لتجربة الفنانة نانسي عجاج... و لم يسعفني الوقت كي أشيد بتلك الكتابة فالعذر لك يا عزيزي

    عظيم مودتي و احترامي
    و تمنياتي للفنان طه سليمان بارتياد آفاق جديدة في الانتاج الفني لتنقل ابداعاتنا الموسيقية لمجالات أرحب
                   |Articles |News |مقالات |اخبار

18-05-2007, 10:14 AM

ناذر محمد الخليفة

تاريخ التسجيل: 28-01-2005
مجموع المشاركات: 28015
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    سلامات يا رجاء .

    Quote: الموسيقار أحمد الجبالي يمتاز بحس عالي.. ولكن يلاحظ إقتباساته للأفكار وفي بعض الأحايين اللحن.. (يعني إحتمال لو عملنا قوقلة حنلاقي شكل الكليب ده في مكان تاني)..


    الإقتباسات دي موجودة وشكل الكليب دا ما غريب أبدا وبالتأكيد بيكون في شبيه ليو (أنا مثلا شايفو بيشبه لي حد كبير الكليب بتاع أغنية (عربي أنا) بتاعت فنان لبناني إسمو رايح لي هسي وجنو يظهر بي نضارات فريماتا لونا أحمر) .. الأهم هو طبيعة اللحن والكلمات ..

    اللحن طبعا من ألحان مجاهد سميت والكلمات برضو من شاعر سوداني ..

    يعني شكل الكليب ما مشكلة المشكلة في شكل وتميز اللحن

    صنفرة :

    الغريبة قبل خمس أو ستة أيام واحد من الشباب هنا منزل ليهو أغنية أوديو بالعود لي فنان شاب غير معروف ولحنها حميل جدا والناس تشيل وتشكر في الفنان والأغنية وما عارفين إنو الأغنية لحنها ملطوش بي صمتو من فلم هندي إسمو (KAHONA PYAR HE TA) بطولة أجاي ديفجان والأغنية نفسها في الفلم مسجلة بي ألة وترية هندية صوتا قريب لي ألة العود وكل العملو الزول النزل الاغنية إنو فرغ كلماتا وملاها بي كلمات من عندو وجابا زول تالت ينزلا هنا ويحتفل بيها !
                   |Articles |News |مقالات |اخبار

18-05-2007, 10:22 AM

Raja

تاريخ التسجيل: 19-05-2002
مجموع المشاركات: 16024
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: ناذر محمد الخليفة)

    ناذر سلامات..

    أعرف ان اللحن سوداني.. ولكن الجبالي وبحكم أنه موسيقار أعتقد أنه من قام بالتوزيع. طبعا انا ما متعمقة في حكاية العرب (بضم العين) والمسائل الموسيقية دي، لكن في مرة مرة بتظهر روح الموزع أكتر من الملحن..
    قصدت فعلا ان شكل الكليب ما غريب.. هل بتعني (يوري مرقًدي) فنان (عربي أنا)..؟

    شكرا
                   |Articles |News |مقالات |اخبار

18-05-2007, 10:19 AM

Deng

تاريخ التسجيل: 28-11-2002
مجموع المشاركات: 36603
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    واضح جدا من المداخلات الفوق دي أنكم متابعين القنوات العربية, وتعتقدون أن كل ما يقدم بها هو الشئ الممتاز أو المقبول.
    أنا أطلب منكم فقط أن تطلعوا على فيديو كليب قديم جدا للفنان عثمان حسين وهو مصور في الخرطوم ومعه فتاة سودانية وجزء من اللقطات صورت في السكه حديد. الفيديو كليب قديم جدا(أبيض وأسود) ولكني عندما رأيته عجبني جدا وذلك لسبب بسيط. الفيديو مصور في السودان والفنان سوداني والفتاة سودانية, ولا يوجد به أي نوع من أنواع التصنع والتقليد الاعمى. يا ريت لو كان عندي طريقة أجد هذا الفيديو مرة أخرى. بالمناسبة الفيديو كليب كان بيعرض في السينمات زمان. الذي أريد أن أقوله هنا أن الفنان عندما يتصنع ويقلد شئ هو لا يعرفه يفقد الاثنين معا. يفقد الموهبة التي يعرفها ويفقد الموهبة التي يريد أن يقلدها. بربكم ما نوع هذا المكياج الذي وضعه الفنان؟ راجعوا جيدا طريقة رقص الفنان والايقاع الموسيقي هناك فرق كبير. اللقطة التي صورت في المركب, هل هي جزء من الكليب أم أنه كليب أخر؟ الفنان طه سليمان أدائه ومنظره في أغنية "سنتر الخرطوم" أفضل بكثير من هذا التهريج. يجب أن يعرف السودانين شئ مهم جدا. هل نحن نريد أن نقدم أعمالنا للعرب فقط؟ وهل إذا كنا نريد القبول العربي يجب علينا أن نقلدهم؟
    وهل هذا التقليد سوف يوصلنا لذلك ويرضي العرب ويتم قبولنا؟ نصيحتي لكم. خلونا نكون سودانين وخلوا أي حاجة تطلع من ثقافتنا ومن بيئتنا. ودي أحسن حاجة ممكن نكون بنجيدها.

    دينق.
                   |Articles |News |مقالات |اخبار

18-05-2007, 10:37 AM

Raja

تاريخ التسجيل: 19-05-2002
مجموع المشاركات: 16024
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: Deng)

    دينق يا عزيز..

    صباح الخير..

    أنا غايتو الكليبات العربية ما بتابعها شديد.. إلا للفنانين البريدهم.. لأنه الموضوع بقى اصلو ما ليه علاقة لا بكلمة ولا لحن ولا يحزنون.. كل الشارع المصري واللبناني بقو فنانين..
    المهم.. بتابع (سماش تي في) و(أم تي في) وبرضو الموضوع قلب من أغنيات كانت بتتحفظ وتقعد بالسنين زي أغاني البي جيز وليونل ريتشي وكيني روجرز.. لأغنيات ما بتعرف تلقط منها ولا كلمة غير (Sexy)..
    لفت إنتباهي الفنان الكندي الجنسية واللبناني الأصل (Massari).. أبدا ما نظرت ليه على إنه إتنكر لثقافته وأصله.. كل الجذب إنتباهي وغيري من السمعوه، جمال الأغنيات وطريقة غناه..

    ولا زلت أصر على نقطة مهمة للغاية وهي الطريقة البتتوظف بيها البنات في الكليبات.. طريقة مهينة للغاية

    سوري يا عزيز والفنان طه على التخريمة دي..

    ودي للكل
                   |Articles |News |مقالات |اخبار

18-05-2007, 10:31 AM

ناذر محمد الخليفة

تاريخ التسجيل: 28-01-2005
مجموع المشاركات: 28015
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    بالضبط ..

    Quote: قصدت فعلا ان شكل الكليب ما غريب.. هل بتعني (يوري مرقًدي) فنان (عربي أنا)..؟


    أنا قاصد يوري مرقدي ... والأحساس دا قد يكون جاني لمن شفت طه سليمان وهو بيغني في الكلب وماسك المايك والخلفية بتاعتو هي الألات الموسيقية بدون عازفين ، حتى شكل إشارات طه وزوايا التصوير بتشبه الكليب بتاع يوري مرقدي ..

    يديك العافية ..
                   |Articles |News |مقالات |اخبار

18-05-2007, 10:34 AM

ناذر محمد الخليفة

تاريخ التسجيل: 28-01-2005
مجموع المشاركات: 28015
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    أمجد إبراهيم ..

    Quote: مرة أخرى شكرا ناذر على حسك الفني العالي في التعامل مع هذا الفيديدو كليب، و يقيني أنك لو تابعت الكتابة على هذا المنوال الجاد في التصدي لمثل هذه الامور فستتطور لتكون ناقدا فنيا متقدما...

    صنفرة كما تقول أنت
    أيضا تابعت كتابتك و نقدك لتجربة الفنانة نانسي عجاج... و لم يسعفني الوقت كي أشيد بتلك الكتابة فالعذر لك يا عزيزي



    تشكر كتير على الإطراء ..

    إنما هي فقط بضع محاولات حسب القدرة والدراسة والمعايشة أحببت المشاركة بها هنا .

    لك الشكر ..
                   |Articles |News |مقالات |اخبار

18-05-2007, 10:38 AM

Elmuez

تاريخ التسجيل: 18-06-2005
مجموع المشاركات: 3488
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    سلام عزيز,

    حا أتكلم بدون مجاملة.. و أعتقد أنك و ناذر لم توفقا هذه المرة, و أعني من حيث الإطراء الزائد حول هذا العمل!

    و لمصلحة المستقبل الفني لطه سليمان أعكس إنطباعاتي بصراحة زائدة (كذلك)!

    العمل برمته يفتقد ل(التجانس) هنا و هناك مما يجعله عمل غير موفق لا (ثقافيا) و لا (لحنيا) و لا (صوتيا) .. أي غياب التجانس بين هذه العناصر الثلاثة من الطبيعي أن يجعل أي عنصر منها (على حداه)مشوها .. فكيف?!:

    - أولا و من الناحية الثقافية فأسلوب التطبيق الدرامي (الرومانسي) للعمل لا يعبر عن الأسلوب السوداني (على الأقل في السودان الشمالي جغرافيا!) في ممارسة الحب و الغزل مما يجعل الطابع هنا غريبا على عوائد الوجدان الأشرت إليه هنا مع ملاحظة أن الخروج عن النمط السائد هنا يفقد المشهد مصداقيته المفترضة و يجلب للمادة المعروضة تهمة الزيف لكونها تمثل خروج عن الأصل المألوف بخاصة في مثل هذه الأشياء الإجتماعية الثقافية الحساسة!

    - ثانيا, و برضه من ناحية ثقافية, واضح أن الفكرة تمت بي ميول عروبية لا تخفى على أحد بل و لا يخفى حتى تطلع طه سليمان نفسه لمنافسة عربية مع شوية فذلكة (الإبقاء على اللهجة السودانية مثلا) , كان ممكن أن يفكر في المنافسة دي لكن بأسلوب و مظهر و إخراج سوداني يعكس الأسلوب السوداني و المزاج الأكثر حظوة في وسائط إعلامنا المحلية أي (الوسط) لقربه الثقافي من أولئك الأعراب,

    - (العالمية طبعا بعيدة شوية من الكليب ده ) و ده من ناحية ثقافية برضه, و : لأسباب معروفة !

    - من حيث القالب اللحني, أعتقد أن محاولة التوفيق بين الحس السوداني و الحس العربي و الآخر العالمي تعطي اللحن هوية تشبه تلك الهوية التي عبر عنها طه سليمان نفسه في أغنية سنتر الخرطوم( ).. و أترك الحتة دي لغاية هنا و أتمنى نسمع رأي الموصلي في المنطقة دي..
    لكن أضيف كذلك أنه حتى الآلات التي يعتمد عليها العمل و إتكالها (الأساسي) على آلة الساكسفون يضيف إلى (مشكلة القالب اللحني) إشكالية أخرى فيما يختص بالأذن و الحس السودانيين (بالنسبة للفرد العادي أو الAverage person)!

    - ما أعنيه ب(صوتيا) هو أنه(و بالإشارة إلي "النزعة" العروبية للعمل كما أسلفت) فمن رأي أنه ما كل الأصوات (السودانية) تملك الحس و المخل الذي يتسم به الصوت المعبر عن الوجدان العربي إلا قلة قليلة من مطربينا و حتى هؤلاء لا يمكن أن يوفقوا في (محاكاة) الأعراب ما لم ينطقوا كلمات الأغنية بي لهجة الجهة صاحبة الأغنية.. و صوت طه سليمان صوت سوداني حتى النخاع!!

    أتمنى ليه التوفيق في مشواره الفني و أتمنى أن لا أحبطه!
                   |Articles |News |مقالات |اخبار

18-05-2007, 12:25 PM

بدرالدين كاجوري

تاريخ التسجيل: 12-08-2005
مجموع المشاركات: 670
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    شكرا الاخ عزيز
    حقيقتا قمة الروعه وتجربه فريدة ومزيد من الابداع ياطة ياسليمان
    والله لو تدري بحجم معجبيك بسدني لشديت الرحال الينا كما فعلتها مع الاخوان بمصرو هولندا

    ياعزيز اللهم لا حسد

    في راي ان التجربه جريئه والعمل مواكب والكلام حول البعد السوداني اعتقد موجود في الكلمات والالحان والاداء

    بس انا المستغرب ليهوا الناس عايزانا دايما نغني تحت الراكوبة ممنوع علينا الانطلاق وخصوصا لفنانينا والواحد تلقاهوا فاتح قناة lbc او, mbc .
    وقاعد يحضر في الفيديو كليبات العربيه والاجنبية ولما تساءلو من القناة السودانية ايقول ليك اءه هي دي قناة ويكون مستمتع مع روبي وهيفاء ولما يقوم طة سليمان يعمل فيديو بمواصفات عالمية يقولوا ليك دا مابشبهنا والموديل ماعارف شنو يازول مزيد من التقدم وبالمناسبة نحن وقفنا في الحقيبة ومن ذلك الوقت نحنا واقفين يعني مافي جديد بعد الحقيبة الحقيبة بالايقاعات الحقيبة باوكسترا الحقيبة بالاورغن الحقيبة بالدلوكة الحقيبة بشنو كدة ماعارف يعني مافي جديد نلف ونرجع للحقيبة وانا ماعارف اذا ماكان عندنا الحقيبة دي كان عملنا شنو
    ياعزيز وياطة سليمان دا دوركم كشباب مبدع المساْلة محتاجة شويه جراءة عمل جميل وقد نال استحسان الجميع



    ولكم الود اضعاف
                   |Articles |News |مقالات |اخبار

18-05-2007, 01:09 PM

ودالعباسية

تاريخ التسجيل: 28-10-2002
مجموع المشاركات: 2427
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: بدرالدين كاجوري)

    ما عارف ياخوانا لكن ،،

    انا بفتكر انه العمل دا جميل جدا وفيه جهد مقدر من الفنان طه سليمان ،،

    انا ما ناقد فنى ولكن مشاهد عادي جدا جدا ،، اقول انه العمل كبير وتجربه ضخمة

    واثنى عليها ،، خلينا من السودنه والبت الموجودة ولكن خلونا بى منطق مشاهده

    الناس الان فى الفضائيات الكثيرة ومشاهده الجيل القائم الايامات دي اسال من اي فنان

    بعرفو ليك وبعرف عنده كم اغنية ومصور الفيديو كليب بتاعة وين ،، اتخيل لى دي فرصة

    كبيرة جدا عشان اولادنا يتعرفو على اغنياتنا بصورة البحبوها هم ،،

    العمل دا اذا عرض فى الفضائيات حا يلقى تجاوب كبير جدا فى اعتقادي وحا تكون

    نقلة جديدة فى الفن السودانى ،،،

    هسه يجو يقول ليك لو صورناهو فى السودان مالو وبلدنا فيها اجمل الاماكن ،،،

    دا كله موافقين عليه ولكن صناعة العمل الفنى ما محتاجة لى اماكن معينة لو كدا

    ما كان الفنانيين الامريكان ولا الخليجين ولا البنانييين بصورو بره بلادهم ،،

    على العموم دي وجهه نظر بحته ،، لانه الجيل القائم دا محتاج لى حاجات زي دي

    على النمط القاعدين يشوفوه فى الفضائيات ،،

    بس ،
                   |Articles |News |مقالات |اخبار

18-05-2007, 01:44 PM

HAMZA SULIMAN

تاريخ التسجيل: 20-04-2002
مجموع المشاركات: 3270
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: ودالعباسية)

    التحيــــــــــــة لــــــــــكم

    طه سليمان مجتهد جدا

    ودة عمل رائع

    ولى قدام يا حبيب

    وسلم على طه يا عزيز وقول ليه

    يا حليل صالونكم والبروفات فيه

    ويا حليل شمبات

    وفى شمبات حليل مجلسنا( معهدنا)
                   |Articles |News |مقالات |اخبار

18-05-2007, 02:08 PM

Elmosley

تاريخ التسجيل: 14-03-2002
مجموع المشاركات: 31162
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    اعجبتني جرآة طه سليمان في اقتحام الجو الصعب
    قد يختلف الناس في تقييم العمل مابين مساند
    ومعارض
    ولكن الاهم ان الخطوة كتجربة من منظور الفيديو كليب هي تآتي في المقدمة
    ونتمني ان يتجه الشباب الجديد
    ليكون في جرآة طه سليمان مع مراعاة بعض النقد الايجابي هنا
    =======
    ملاحظة فنيه
    واضح ان صوت طه بديع ولا يحتاج لمزجه مع الصوت المصنوع
    (بالسنتسايزر) هذا التكنيك حتي الغربيون لايستعملونه في آغنية كاملة الا لماما
    وآحب آن يستعمل قطعة بسيطة من الاغنية
    لك التحية ياطه

    (عدل بواسطة Elmosley on 18-05-2007, 02:09 PM)

                   |Articles |News |مقالات |اخبار

18-05-2007, 05:17 PM

JOK BIONG

تاريخ التسجيل: 14-11-2006
مجموع المشاركات: 5352
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: Elmosley)

    هذا عالم البلطجة عندما يقدم هذا المدعو نفسه بهذه الطريقة المنكرة...
    هذا مش فن انما اساءة للسودانيين وللسودان كله.. وين السودانيين في عمله الفني،هل يريد ان يجعل لون السودانيين بيضاء ام ايه؟؟!!! اراءه يستخدم كريمات للتبييض البشرة؟؟؟
                   |Articles |News |مقالات |اخبار

18-05-2007, 05:15 PM

حنين للبلد

تاريخ التسجيل: 04-06-2003
مجموع المشاركات: 4796
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    رأي متواضع في العمل....
    اولا وقبل كل شيء العمل يعد سابقةمن نوعها لجراة الطرح وطه سيسجل له انه تجاوز المحظورات الإعلامية السودانية في تقديم الشكل الغير مألوف للفيديو كليب في السودان واحييه من قلبي.

    ناتي للتفاصيل...التفاصيل التالي ذكرها تاتي من ان العمل بمجمله ممتاز في راي وقد قمت بالمشاركة في كتابةوانتاج عدد من الفيديو كليب من قبل اثناء تواجدي في السودان. في المشاهد الأولى تحديدا اللقطة الثانية لطه ظهر فيها افتعال التمثيل ولو كان العرض مسرحي لقلنا رهبة المسرح والجمهور لكن لا اعرف لم لم تتم اعادة هذه اللقطة لتتماشى مع جودة السياق العام للأغنية يعني واضح تماما تصنع التمثيل وهذا فقط تحديدا في اللقطات الاولي الفوكس على طه.
    الكثير من الدخان افسد شي من روعة العمل لانه موضة الدخان دي الناس قللة منها وكان ممكن تكون خلفية بسيطة فقط، الموديل حلوة طبعا" وجه مبتسم" لكن لم يكن لها اي دور في العمل يعني متبلدة كده شكلها، في العموم في راي العمل فيه اجادة تقنية نوعا ما وطه زاده حلا اكتر من وجود البت في بقية الفيديو تجد الفنان طه تفاعل بإحساس عال وراقي مع كلمات الأغنية.
    عموما الف صفقةوبشيرة للفنان طه لانه العمل الأول من نوعه وفي رأي ....
    العمل ناجح بكل المقاييس الى الامام يا طه وخلينا نعمل شي خارج المحلية والمحظورات في الأجهزة الغعلامية السودانية لننافس به العالمية.
                   |Articles |News |مقالات |اخبار

18-05-2007, 05:35 PM

يسرى معتصم

تاريخ التسجيل: 25-12-2006
مجموع المشاركات: 4027
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: حنين للبلد)

                   |Articles |News |مقالات |اخبار

18-05-2007, 05:38 PM

حنين للبلد

تاريخ التسجيل: 04-06-2003
مجموع المشاركات: 4796
للتواصل معنا
FaceBook
تويتر Twitter
YouTube
Google Plus

Re: أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطييي (Re: عزيز)

    ياجماعة السودان ده عشان نعكسه للمجتمع الخارجي الفنان لازم يتصور لابس ليه طاقية قش وشايل ليه هبابة ولا شنو....انا ماعارفة العقدة بتاعت اللون والعنصرية دي شنوووووووووووو.
    الفنان طه يعكس السودان بمفهوم راقي ولا الا يلبس ليه اغطية بيبسي في رجلينه يكشكش بيها.
    وقبل ما الناس تهجم دايره اقول ليكم انا زاتي لوني سوداني "نخففها شوية" احب السودان واحترم معتقداته وثقافته لكن هذا لايعني ان نتقوقع على ذاتنادعونا ننطلق لنري العالم كله ماهو السودان لكن باسلوب عصري حديث.
    تحياتي لك اخي طه الى الامام
                   |Articles |News |مقالات |اخبار

[رد على الموضوع] صفحة 1 من 3:   <<  1 2 3  >>

تعليقات قراء سودانيزاونلاين دوت كم على هذا الموضوع:

أول فيديو كليب سودانى بمواصفات عالمية .. عايز أعيش ..الشاب الفنان طه سليمان .. وموديل خطيييييير فى FaceBook

· دخول · أبحث · ملفك ·

Home الصفحة الاولى | المنبر العام | | مدخل أرشيف الربع الاول للعام 2014م | مدخل أرشيف الربع الرابع للعام 2013م | مدخل أرشيف الربع الثالث للعام 2013م | مدخل أرشيف الربع الثانى للعام 2013م | مدخل أرشيف الربع الاول للعام 2013م | مدخل أرشيف الربع الرابع للعام 2012م |مدخل أرشيف الربع الثالث للعام 2012م | مدخل أرشيف الربع الثاني للعام 2012 | مدخل أرشيف الربع الاول للعام 2012م |مدخل أرشيف الربع الرابع للعام 2011م |مدخل أرشيف الربع الثالث للعام 2011م |
مدخل أرشيف الربع الثاني للعام 2011 | مدخل أرشيف الربع الاول للعام 2011م | نمدخل أرشيف الربع الرابع للعام 2010م | مدخل أرشيف الربع الثالث للعام 2010م |أمدخل أرشيف الربع الثاني للعام 2010م | مدخل أرشيف الربع الاول للعام 2010م | مدخل أرشيف الربع الرابع للعام 2009م | مدخل أرشيف الربع الثالث للعام 2009م | مدخل أرشيف الربع الثاني للعام 2009م | مدخل أرشيف الربع الاول للعام 2009م |مدخل أرشيف الربع الرابع للعام 2008م |مدخل أرشيف الربع الثالث للعام 2008م |
مدخل أرشيف العام (2003م) | مدخل أرشيف العام (2002م) | مدخل أرشيف العام (2001م) | مكتبة الاستاذ محمود محمد طه |مكتبة البروفسير على المك | مكتبة د.جون قرنق | مكتبة الفساد| مكتبة ضحايا التعذيب | مكتبة الراحل الاستاذ الخاتم عدلان | مكتبة دارفور |مكتبة الدراسات الجندرية | مكتبة العالم البروفسيراسامة عبد الرحمن النور |
مواضيع توثيقية متميِّزة | مكتبة قضية سد كجبار | مكتبة حادثة يوم الاثنين الدامي | مكتبة مجزرة اللاجئين السودانيين في القاهرة بتاريخ 30 ديسمبر 2005م |مكتبة الموسيقار هاشم مرغنى(Hashim Merghani) | مكتبة عبد الخالق محجوب | مكتبة الشهيد محمد طه محمد احمد |مكتبة مركز الخاتم عدلان للأستنارة والتنمية البشرية | مكتبة الراحل الاستاذ الخاتم عدلان | مكتبة سودانيز أون لاين دوت كم |مكتبة تنادينا,الامل العام,نفيرنا | مكتبة الفنان الراحل مجدى النور محمد |
مكتبة العلامة عبد الله الطيب | مكتبة احداث امدرمان 10 مايو 2008 | مكتبة الشهيدة سهام عبد الرحمن | منبر اليوم الحار لخريجى كلية الهندسة و المعمار بجامعة الخرطوم |مكتبة الراحل المقيم الطيب صالح | مكتبة انتهاكات شرطة النظام العام السودانية | مكتبة من اقوالهم |مكتبة الاستاذ أبوذر على الأمين ياسين | منبر الشعبية | منبر ناس الزقازيق |مكتبة تهراقا الفن الدكتور محمد عثمان حسن صالح وردى | اخر الاخبار من السودان2004 |
اراء حرة و مقالات سودانية | مواقع سودانية | اغاني سودانية | مكتبة الراحل مصطفى سيد احمد | دليل الخريجيين السودانيين | الاخبار اليومية عن السودان بالعربى|
جرائد سودانية |اجتماعيات سودانية |دليل الاصدقاء السودانى |مكتبة الراحل المقيم الاستاذ الخاتم عدلان |الارشيف والمكتبات |
|Contact us |About us | Discussion Board |Latest News & Press |Articles & Analysis |PC&Internet Forum |SudaneseOnline Links |
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها

© Copyright 2001-02
Sudanese Online
All rights reserved.

If you're looking to submit news,video,a press release or or article please feel free to send it to bakriabubakr@cox.net

Software Version 1.3.0 © 2N-com.de