نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
2- الاستدعاء بالاسم..
كل من اوردته او اردته ان ياتي اليك في هذه المساحة اتي باكر
فماذا قدمت لهم من ضيافة (اهي القعونجات الكسيحة تلك) ام انك تطرب وتبتهج لمجرد لمة الذين في بطنك انبعاجا تجاهمهم
قبعوا طويلا ولم نري منك الان الا الحلبسة والنطيط هنا وهناك والطرطشة...
وفعلت في خارج مدار ومحيط البوست الية (رفع بوستاتك الاحتقانية السابقة)
او العودة الي بوستات منتهية الصلاحية وعفا عليها الدهر وشرب...
لماذا تذكرت بوست محمد حسبو الان والان فقط؟؟؟؟
بربك باي وعي واي ميكانيزم تدير معارك طواحين الهواء المنبعجة تلك..وماهو الشي العاااااااصر شديد الذي يغذيها في نمط الغريب هذا
في ساحة يفترض انها تعني بالحوار المعافة ومسئولية تواجدنا فيها تحلمنا السعي الي توفير شروط المحاورة فيها بعيدا عن سفن الاحتقان
لما كل هذا الانبعاج يا رجل ؟؟؟؟؟
| |
 
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
عبد الكريم يا أخانا العزيز
حبابك يا هندسة حبابك، و حباب اليوم الجابك (و قيل القطرية) لينا في الصقيع دا.
تشرفنا و تآنسنا ياخ ، لكن، إت آآآزول ما بتخاف من السقطيبة دي؟ ما تجينا مرة الصيف نتم بيك الكيف.
أفدنا عن خطط وصولك و التلفونات عندك. ولئن كنت تخطط لحضور إنقيوريشن صاحبك المبارك ود الحسين فبالله رتب مع صاحبك التاني كوستاوي يشوف لينا معاك تذاكر من نائب جهتهم السعيدة في الكونقرس باقي نحنا نوابنا قالولنا ببح خلاص كملوها الصعايدة الحمر الواقفين في الصف من فجر ديك.
أها، نجي للموضوع؛ نعم يا سيدي، أتفق معك في رفض الابتزاز كيفما تزيأ مع تحفظي على كون ما يقع من ملاسي ومحمد الحسن سليمان يمكن وصفه بذلك و إن جاز له أن يكون ـ حسب الحالة ـ تنكيلاً و استهزاءً و ملاحقة ـ و ما إلى ذلك مما يقع من كثير غيرهم أيضاً فيتحشرج به الحوار و يقبر أجلاً أو عاجلاً و من هنا فيجب رفضه هو الآخر. ولكن ، وهذي لكننة ضرورية لابد منها، الذي شجبته أنا هو ما سميناه بالسعي في (الإفناء ) الذي يستوجب مقدرة ماحقة على الإزراء بالمحاور لدرجة إنكار كل علاقة له بالمتعارف عليه كبني آدم و لحد شطبه بالكلية من قائمة الإنسانية. و هنا يجدر بي أن أشكر عصام على مداخلته الأخيرة التي شجعتني و لم يستسغها أخونا سيف النصر بقرينة من كفوة أصابت الفلاسفة والأنبياء. يا ساتر!
و لقد كتبت أنت ((ولكن الامر هنا ليس افناء محاور بل محاولة القاء ضوء علي ظاهرة مربوطة باداء المودل اي سليمان وملاسي)) و عليه فنحن متفقان على المبدأ الذي هو مناط نقاشي و لا تثريب عليك و لا على غيرك أن تبذل جهدك و يبذلون جهدهم ما وسعتكم/هم المنابر في تشريح أي ظاهرة أو تحليل أداء من ساقه حظ الشقي لقنطرة نفسه في هذه الدِروة الحوارية/ النقاشية ( و قد تمسي فتجدها درة رماية بالرصاص الحي)، كما أن نفس الحق يجب أن يحفظ لملاسي و سليمان طالما قسم للآخرين أيضاً نصيبهم من هذا الشقاء. أم هل ترى أن ليس منكم من سيرِدها حياض الانطباع و وجهات النظر و الآراء المختلفة و المخالفة و المكاجرة و الناقدة هذي.
على جميعنا أن نلزم جابرة القبول بالاختلاف وتوقير المخالف أو أن نلتزم الصمت، دام فضلكم.
أما قولك ((فالنقاش يا هاشم يا صديقي ذاهب صوب ظاهرة لا علاقة باي سليمان في شخصه بل بنمطه وانتاج الذي يتقاطع فيه مع الاخريين في بوستاتهم وفي بوستاته...)) فلا مزيد عليه، أتذكر ما قال والد تلميذ لأستاذه (لكم اللحم و لنا العضم)، فأنت و ذاك. لا ضير، و إن شاء الله بس يبقالك حلو و بتبلع.!!!
ثم، لقد نظرت فوقع لي أن الذي غاب عن تحليلاتك لأمر الحوارات المأزومة و تشريحك لآلياتها هو البحث في الأسباب المباشرة التي قد تمسك بتلابيب حوار ما عند نقطة ما فتحيله إلى خوار مأزوم ثم إلى موت محتوم. في نظري الضعيف جداً قد تتعدد تلك الأسباب بما يفوق الحصر ولكن ظني يذهب إلى أنك واجد في أس تلك الأسباب ما يمكن وصفه بضعف وهزال وعي و ثقافة الاختلاف فينا، لا نقبل النقد و لا نرضى بالمخالف، فما أن كمل كلامنا و حصر منطقنا فكثيراً و سرعان ما يلجأ واحدنا (مهما تثقف أو تثاقف) إلى وسائل سودانية مجربة و في الغالب ناجعة (مثال؛ التعريض والإشارات الجنسية، الإشارات العنصرية، قذف الأعراض، التشكيك بالذمم ، نبش السيرة الشخصية و الشتم المقذع) لتحييد مخالفه فإخراسه عن الكلام المباح و الغير مباح ـ هذا بفرض أن الآخر لم يبادر منذ البداية إلى تلك الوسائل أو إن (الخوار)، طبعا ما الحوار، لم يـبدأ بها. لو تضيف على ذلك ما تراه بعين خبرتك الثاقبة، مما تفرضه علينا شهوات الانتقام و نزوات الأحلام و تجليات الفصام و غيرها من لوازم وجودنا، إذن لاغتنى التحليل.
أها يا أخوي، نشوفك قريب و ما تنسى تكلم لينا كوستاوي، باقي الراجل واصل.
وتاني شكراً على رابط البوست ده كمثال على بوست (مأزوم خالص) و زي ما قلت إنتا يكشف عن دواعي و دوافع و (آلية نقل الاحتقان) ... المرة دي عبرك، إلى هنا.
حوارٌ هادئ مع الأخ عبد الكريم كيكي حول أحداث البيان
ــ
يا قيقراوي، و لك التحايا طيبة وافرة يا سيدي ، إت مسئول من الخير يا اخوي، مالو (كاتب الرفاة) ما رجع من إجازة العيد لغاية هسع؟
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
يا أخانا محمد الحسن (أرجو أن تسمح لي في هذه الطريقة لمناداتك)
تحيات وافرات طيبات
كتبت لي (( بعض ما كتبته هنا يعوزه الاتساق
فأرجو أن تنتبه إلى ذلك))
فشكراً أن أهديتني عيوبي و على كل فهو قليل جداً سأراجعه وقد يستبين عديله من أعوجه.
وكنت أنا قد كتبت
((و استمروا يتبادلون النيل من محمد إي سليمان كمثال على أزمة الحوارات))
فسألتني أنت عما إذا كنت جاداً؟
الإجابة التقليدية هي، نعم يا محمد الحسن، جادي خالص.
و لكنني، مستفيداً من فيوض البدوي، سأفترض في افتراض حسن السند إنك تعلم الإجابة يقيناً، أو على الأقل إنك تتوقعها. و بالتالي فالإجابة مثل عدمها، لا علينا منها.
و يمكنك القول كذلك إنني أعرف تحديداً الكلمة سبب سؤالك و لقد وددت تغييرها لولا أن وقائعك ههنا لم تسعفني بحال أمثل.
ولكن،،، هل سمعت أنت ببلدياتنا الذي أثخنوه (بحق أو بغير حق ـ عليم الله) طعناً وقطعاً ثم تركوه وأنينه في العراء حتى مر به عابر سبيل أخو أخوان فسأله رغماً عن لسان الحال الذي يتمنى لو أن الفتى حجر و قد نبت عنه الحادثات أو هو عنها ملموم، كان قد يغنيه عن السؤال. المهم، سأله ذو المروءة عما به من ضر، و يا زول إن شاء الله ما عندك عَوَجة؟ أها بلدياتنا و بلسان حرٍ يحاذر أن يعاب كما قال الشاعر، قام قال ليه: و الله المضرة حاصل إلا و الله أوجات كيها.!! 
أها أنا عارف إنو إنتاأوجات كيها . بس كمان راعي للجروح يا خي ثم أعفُ، فهو خير من القصاص.
ثم إنك يا عزيزي قد أسيت حتى أبكيت علينا أيقونة الوجه الأزرق بدموع سخان فأقلقتني عليّ جداً و الله حتى طفقت أنظر فلم أجد لك سبباً تأسى به حد إبكاء وجه افتراضي لعوب فيما اقتبسته عني بخصوص استبشاري بمقدمات البوست مما كتبه عصام!
لقد استبشرت بأشياء تجدها على جبين هذا الاقتباس الذي أوردته عن عصام:
1) المكتوب يعبر عن مبادرة في النقد الذاتي أو قل (يرهص عن نفس لوّامة) أي المصطلحين شئت.
2) المكتوب يعد بتناول صريح و مثمر لقضية الحوارات المأزومة التي نعاني منها أجمعين.
3) تلك المقدمات فيها مبادرة رحبة تجاه سؤال الاختلاف والتعامل معه و هذا في قلب تلك الأزمة.
أفلا يحق لي أن استبشر بمثل الذي ترى من أريحية و انفتاح؟
أقول بلى و رب الحق.
أعلم أن تأويلاً مختلفاً لتلك الكلمات يحق لأي من يقرأها و سيعتمد ذلك التأويل على مكنة القارئ المعين من أدوات تحليل بعينها أو على منطلقات و دوافع و أهداف له لا أدعي إليها سبباً.
بالمناسبة يا محمد الحسن، عندي (انطباع) كنت سأهمس به لعبد الكريم عن جهدك الإسفيري؛ إنه جهد ما بعد ـ حداثي، على الأقل يستفيد من المفاهيم و يستخدم الأدوات و الآليات التي لما بعد الحداثة وإن لم يكترث لعرض تنظيرها و لا يحفل بالترويج لنتائج سردها. ما رأيك دام الفضل؟
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
عادل البدوي،
تحايا
و صدقني لو قلت لك إن بي رغبة شديدة في مخاطبتك بواحدة من كلمات التوقير لا أجدها الآن،
لقد أغنيتني منذ اليوم بقراءة لي في كتابة لك ذات وقع.
سـودنةُ الحـلمُ الأمـريكي
تقول | Quote: اللهم هل أبنت، اللهم فأرجو ذلك |
وأقول: اللهم فنعم، بوركت من كاتب.
يا سيدي البدوي، ممنون لك و الله و صدقاً على معارج عرجتها اليوم صحبة براق معارفك و بساط علومك الأحمدي. أها، أنا المبيريكك دا، لم أقوقل إلا خفيفاً على حافة المنبر حتى وقع لي إنك تستحق في واعيتي ومنذ الآن بَنِيّة تقدير و قد أذنت لك في مفاتيحها فها قد وعت أو هل أقول : اللهم فإني أرجو ذلك.
سـودنةُ الحـلمُ الأمـريكي
و كذا أقول إني رأيت لك استحقاقاً يفوت ألِّيل الفُكَيا من جم و تقديره (بعد عمر طويل) بَنِيّة قبابها تتعانق في شرق الناس العابق ما بين الشرفة فأم شانق.
ماك أزرق طويل الباع عاد!
قول آمين و أعذر أخاك على ما وقع له كرهاً من جدب المفهومية.
و قد وجدت في رابطك الذي أورته بمداخلتك الأولى من هذا البوست
Re: عن الحوارات المازومة,رسالة محسن, كلام في حق تاج السر الملك و محن اخرى
و المعنون محتواه بهذا العنوان
FUTURE OF THE INTERNET III
وجدت فيه مما يتعلق ببوست الناس هذا:
Quote: They disagree about whether this will lead to more social tolerance,X
more forgiving human relations, or better home lives.X
The divisions between personal time and work time and
between physical and virtual reality will be further erased for
everyone who’s connected, and the results will be mixed in
terms of social relations.X |
فقلت: و الله ما شاء الله تبارك الله، ترانا ما برانا!
نفعنا الله بك يا بدوي.
و تاني، للفائدة العامة و بأفضل ما أرجوه لقارئ أن يقرأ.
سـودنةُ الحـلمُ الأمـريكي
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: هاشم الحسن)
|
هلا يا هاشم..
وحباب كلامك الدسم والملان..وشكرا اولا علي الاهتمام العالي ورفد المكان بجوانب يمكن ان تفيد في القاء بعض الضوء علي بعد النقاط المظلمة
او التي غابت فيما قيل اعلاه....
وكوستاوي ان لم يجهز لنا تذاكر تتويج ود الحسين سيكون بيننا كما في داحس والغبراء وعلي الهواء مباشرة في ازقة ميرلاند
وساوافيك قريبا بكل التفاصيل....
ونجي لموضوعنا المشبك ومعبك ده...ونقول..ويمكنني يا هاشم تباين حديثي اليك في الاتي
1-قبول الاخر
2-حق الاخر (او فلنقل حق المودل في دراسة كما بداء في حالتي ملاسي ووسليمان)...
مجرد يا هاشم ان يقول الانسان حوار,,فتلك مظلة شيدت لاستيعاب اخر (المحاور)ولا اتحدث عن وعي معين او استايل معين للحوار مهما كانت درجاته ولكن النقطة التي تعمق نقتنا هنا (هي الارضية الصالحة لانطلاق حوار وانتاج شي ذو بال يفيد)..
الاحتقان والتازم هو (سلوك ونمط محاور) ومنهج ياتي لردة فعل لاحداث مرة او لانطباعية لها ما يبررها عند المحتقن...
وحتي هذه يمكن تذويبها وتحويلها الي اشياء ايجابية لو وجدت الصبر والتاني والحكمة...
ولكن ماذا لو كان الامر هو ديدن محاور الطرف الاخر في كل خطاويه
1-ماهي الفائدة المرجاة من حوار فلسفة الاخر فيه من قولة تيت حتي نهاية المطاف هو الاحتقان ..وحتي اذا قفل هذا الملف وفتح حوارا اخر ياتي المحتقن محتقنا..
2-لذا وكما اعلاه قد نتفق بان الاحتقان لا ينتج شي ذو فائدة ويعمق الاشياء السلبية ويصبح ديدن (قط وفار) لذا هو ظاهرة سلبية
لذا ينتفي حق صاحب هذا المنهج في سلك هذا الطريق ويجب ان يعمل من اراد الاصلاح علي توقيفه وتبيهه والمساهمة مع اخريين حتي يعود
الي محطة الحوار السوي....
من حق اي انسان حق الحوار هنا دون شك ومن حقه التنقيب في كل الاشياء التي يراها هو...
ولكن ليس من حقه الانتهاك-القمع- التنكيل-والمطاردة المستندة علي تخريب الاشياء..مع سبق الاصرار والترصد...
(طبعا مع استوحاء روح شفافية عصام اعلاه جميعنا مارسنا الاحتقان بدرجة او باخري ولكنها تاتي في اطار فهمنا وسعي الانسان لتوقيف الظاهرة
علي الاقل في محيطه الذاتي وليس محيط الاخريين) ولكنها ان تكون هي الديدن فهنا يا هاشم يجب ايجاد وسيلة ما لوقف هذا الشي...
وساعود يا هاشم للنقطة الاخري..
باقي اخوك في البوست ده نقاق ياخي ده شنو ده
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
ــــــ
Quote: هلا ياعمدة..
في مدارات اخري من المنبر يا عمدة نجد اشياء يمكن ان نسميها حوار
ولكن في وجود التازم تنتفي اولي شروط المحاورة ويتهدم الركن الولوج الي ما يسمي حوار
لاحوار من التازم يا عمدة
الا اذا سمينا الشكل والكبع والتشنيع والاساءة حوار
فالتازم حالة من حالات الحرب..ولا حوار مع الحرب كما تدري |
شكراً يا كيكي .. وهلا وغلا بك ..
وبارك الله فيك شايل حمل البوست المأزوم والحمدلله بقدرة عزيز بداء يستعدل البوست المأزوم ده وصاحبو عصام جاء راجع .
وشكراً كمان علي الإطراء لسابق مداخلتك بالفصحة رقم 4 .
أشوفك بخير
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
هاشم النقطة الاخيرة دي خلاصة ردي ليك المطول وزبدتها كمان..
لو سلمنا بان المدرسة المازوم صارت مدرسة واعطيناها حق التواجد والتجول وممارسة كل اشيائها..
اذن الذي لايحق علينا هو نقد (التازم المضاد) او تداعيات التازم وسلبه حقه في التعامل من التازم (فهنا فعل وهناك رد فعل)..
شرعية التازم وحقها المومن يهدم اي حديث عن التازم المضاد
وده ممكن يكون
1-غضبة لفظية تفوق لغة المتازم في شحنة جنسية او تقريعية او تهكمية او تحقيرية...لايهم فالشرعية موجودة للمدرسة اصلا
2-الصمت وهو سلاح كما تدري (ورحم الله غاندي)
3-الامتصاص وتحويله الي شي ايجابي والمسكنة...
4-ترسمو وتسخر ادواتك البتعرقها كويس وتعولقوا عوليقة السنين
دي كلها ردات فعل حسب متوقعة وكل انسانها يركن اليها حسب معينه ومقدرته علي احتمال التازم...
وانا يا هاشم من المدرسة الاولي وساسلك دربي فيها كثيرا في اطار تعاملي مع الظاهرة..كوني ايضا احد المستهدفين ودايس علي جمرتها
ولكن في دربي هذا ساسعي مع اخريين وانت باهتمامك اعلاه واحد في ايجاد النموذج الامثل لتغييب هذه الظاهرة وتحليلها وفضحها بجدية وجماس
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
سلام هاشم وعادل و كيكي وسيف النصر ومن يتابع الامر
فش الغبينة: من فش غبينتو (ساكت كده) خرب (محاولات) مدينتو (رؤيتو) , او افضل البحث عن سبل اخرى لفش الغبينة دون خراب الرؤية/المدينة... مقترحاتكم ..
تعرف يا هاشم وانا بكتب في كلام "استباحة الانسانية" ده و بعد نشره ايضا مر سريع شريط حوارات مع الذات واخرين واخريات حول الموقف من عقوبة الاعدام, زماااااااان كنت بفتكر انو يجب الغاء العقوبة مع بعض الاستثناءات زى جرائم الحرب ولوردات المخدرات والسلاح والبيدوفايل ... كان process طويل لتصل لاقتناع حقيقي ان قضايا زى رفض عقوبة الاعدام لا تحتمل الاستثناءات او التقسيم او اللكننة او انصاف او ارباع المواقف. اصلا الموقف ليس ضد عقوبة الاعدام قدر ما هو مع حق الحياة كحق اولى مبدئي اصيل للجميع دون اية استثناءات دونه لا يمكن الحديث عن اي شئ اخر . حينها كان صعب تصور ان تدافع عن حق هتلر - مثلا - في الحياة, هتلر والحياة!
ممكن المكابرة و التلاعب قليلا على اللغة و التناقضات هنا و هناك لايجاد مخارجات للعبارة اياها, لن افعل لانه لا معنى له و لانه مواصلة بوعى في درب الحوارات المازومة و ببساطة اكثر لان ما ذكرتوه - هاشم و عادل - صحيح و valid .
يا سيف النصر معليش ياخ, عارفك مغبون زيي و شايف سخف البائس ده معاك, عادل وهاشم يا يوصفو لينا طريقتهم شنو في بلع/تجاهل الغبائن دى يا نشوف لينا برانا طريقة. لكن الاصحاب والصاحبات البيجو وقت طشاش الشوف يقولو ليك عديل وعلنا كلامك اعوج ديل امسك فيهم قوى وان كانت صعبة وتحتاج excersices كتيرة.
سؤال جانبي في الحوارات المازومة: خلت كتابة عادل وهاشم من اية كلمة "مستفزة" ... هل لهذا اثر في التعامل معها? نعم كل زول عنده طريقته لكن اذا قارنا بينها و كتابة حسبو مثلا او كل الحوار الدار في "معركة النمل" او عشرات الحوارات الحالية والسابقة في كثير من الامكنة
اشياء اخرى تحتاج كلام ربما اذا توفر الوقت
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
يا صاحب ..
و يا كيكي يا أصلي ..
( رفعت الأقلام و جفت الصحف ) ..
في بوستك ده يا عصام .. و مع نوعية آدميين كما صاحبكم ..
سأصم أذني عن حواراتكم و تثاقفكم في شأن هذا الحنبرة ..
يمكن لي قدام تنفع كمدخل الناس تأسس عليهو فهم في كيفية التعاطي مع الآخر المختلف ..
حتى ذلك الحين .. ( صدق من قال : عملنا للحنابر قنابر ) ..
لكن لابأس ..
ربما تؤتي غفلة عملنا لقنبوره أكلها ..
و يتحاتت القصير ، أو يعرف الله واحد و يمشي يشوف ليهو علاج لأمراضه و علله .
تاني بقول : حتى ذلك الحين - عزيزي مالك هذا العقار - : لا لغة تجمعني بود أب زهانة ..
فقد أفتت " فوضاه الكبرى " بعدم أهليتنا للكتابة ..
و حيث أن الرسم لغة مكتملة الشروط ..
فما عندي غيرها ليهو لغة أعرفها .
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Emad Abdulla)
|
( رفعت الأقلام و جفت الصحف ) ..
شرحو يا عمدة
وسابدا يا صديق في نزع اوتاد خيمتي التي طالت في هذا المكان..
واتمني ان يكون ما بين السطور ما يفيد ذات يوم...وكراكير الدنيا ملانه باشياء اخري يجب ان تجد حظها من الاهتمام
وسطوة الانبعاج ان ظلت منبعجة فيقيني انها الان درت ودرت جيدا تملكنا لكهنتها وعلي المستوي الشخصي واجد لنفسي الية التعامل معها..
وساهمت ومع الاخريين هنا تمليك ما يمكن تمليكه في هذه الظاهرة علها تفيد ذات يوم..
وشكرا ياعصام علي الاستضافة والاريحية واعتقد ان البوست الان عاد الي بداياته والجزء الاول من عنوانه الذي غاب موضوعه طويلا..
وسنكون بالقرب بالتاكيد...وتحية خاصة لكل الاخوة والاخوات والسادة القراء المتابعين لهذه الزاوية ..
ولهم منا كل التقدير والاحترام...
والشكر لاي سليمان لتوفيره مودل حي لما كنا نتحدث في صدده فقد ادي دوره بكل امتياز...
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
عصام، ح أجي لكلامي في الرسالة عن تاج السر الملك، وح أواصل فيه حكاية (تقاليد المجال)، زمني ضيِّق كما تعلم وأرجو أن تحتفظ لنا بهذا البوست مستقبلاً.
بمناسبة النشر وما إليه، إنّي محسن خالد، ود البتولا بت الموفد دا، أُخَوِّلك تماماً حق نشر رسائلي وأوراقي وبحوثي وكتبي وكل ما يقع تحت يدك، ولو عايز نقل ملكية أعملها ليك. وحتى كان لقيت ناشر على أرض الواقع برضو انشر، لكن بالنُص.
انتهى
---
ياخي كلمة (واطي) دي كنت أوَّل زول يقولك شيلها عبر الميل، وإنو ملاسي دا مهما كان مشهادو ونواياه فهو أحياناً بضحكك في الغباء السوداني مش (البشر)، وإنو الكلمة دي لا يجب أن تصدر من رجل طليعي ومفكر سياسي شاب نفخر به. شان الناس دي تعرف إنو الصداقة بتاعتنا دي ماها قايمة علي شيّلني وأشيّلك وقِيلني وأقيلك، بل هي من مُر النصايح والتلاوم المسيخ برضو، ويمكن الشَكَل عديل كآخر مرة رأيتُك فيها ببيت أستاذي الزين الجمري.
المهم، الكلام دا عشان أخرِّم منو لإنو (الآسات، شيباً وشباباً*) ووصفي لملاسي (بالجهل) و(اللزوجة)، هذه إساءات طبعاً بدون نتغالط. لكنها برضو تحتوي توصيفاً للعقل والسلوك بطريقة تحفظ مساحة من السخرية المُشاغبة، وما هي بكلمات قاضية زي (واطي) و(م_ع-ر-ص) وكدا.
وما يجوِّز لي استخدامها في وجه ملاسي، أنَّه يستخدمها، فقبل يوم أو يومين بس، وصف الراجل الكبيير والشائب دكتور أحمد الحسين بـ(القلم ما بزيل بلم) فدربي مع ملاسي دا عنده شرعية لمن لا يراها.
أها يا عصام، قلت أسمِّح حقاتي وأزيد حقاتك بشتنة، ياخي الزمن دا كلو الناس يشيلوا ويستخدموا في كلمة (بذيئة) دي معاي، وأخوك ما لقى ليها بكان كلو كلو، فلو سمحت يا عصام كلمتينك ديل (بذيئات)، كدا أنا انفشيت، البفش الحبشي فيني شنو؟ لوووول
بس يا عُصام أخوي، كان إنت كان نجاة محمود، صاحبكم تاج السر دا أنا لم أوجِّه له إساءة مطلقاً ولا ينبغي لي، وما من سبب يدعوني لفعل ذلك. قلت كلام سلبي في أعماله؟ أيوة قلت، وتاني أجي أوسِّع فتقو، أو كما قال العبّادي. فهل دا إساءة؟ أرجو إنك توضّح لي الإساءة فيما قلت عن أعمال تاج السر؟ وبجيك للكلام عن (تقاليد المجال) عشان أوريك إنو المُثقّف السوداني دا (هارب من دوره) ياهو زي ما قال حسبو داير يعمل فيها (محبوب) على طول الخط، والكلام دا ما بسوي التغيير. يا تبقى بتقول الكلام الصاح –المسيخ ضمنياً- ويمرقوك شرير وكعب زي حسن موسى، يا تنطم ويا دار ما دخلك شر، و(المريود) حضر، المريود فات.
أها سودانيز أون لاين دا دايرين نبقيهو بلد حارة ومساخة ونقد، والكايس محبة الـchat يمشي (ماتش. كوم). أو (تاg. كوم).
-------------------------------------
*
يا رفاق ورفيقات، كلمة (قنيط) دي في دارجة أهل السودان لا علاقة لها بما في السراويل، بل بما في الرأس، وقلتُ سابقاً إنها تقال للوصف بالضآلة والسجومية الفي الرأس.
يقولولك: ولان يَا دَا فهمك آقنيط؟
وعان جنس قنيط دا! نـchــت، أب مُشهادن مبشتن.
أي هي كلمة تُطلق للسخر من الحال والمُشهاد، وليست للبذاءة، عجبكن كلامنا دا كسودانيين تمام التمام، ما عجبكن أعملوا جوازات بلاد تانية، ولغات بلاد تانية، سيحوا في الأرض ياخ.
مبروك الزواج للقنيط حميدة، شفت البوست يا ود البشرى وقلت أمشي أبارك ليهو وأضحِّك فيه العروس شوية، لكن البوست تاني حتل ما عرفت مكانو.
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: محسن خالد)
|
الاخ عبد الكريم
الاخوة فى هذا البوست
معليش انا جديد فى هذا المنبر بس تابعت البوست ده وبعض كتابات المتداخلين فى بوستات اخرى مما شجعنى لسؤالى التالى
يعن ايه المازوم؟
كيف اعرفه ويعن ايه كمان التازم؟
واما عن وزراء التازيم اللى برضه مش عارفهم واوصافهم بسمع عنهم فى تشكيل الوزارات وتعيين الوزراء هنا فى الكويت
هذاسؤال برى جدا ولن اكون فى زعل لو ما رديتو عليه
اشكركم
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
يا عماد يا صاحب
انا بتكلم فقط عن الstatement بت الكلب الختيتا كبيرة كده
| Quote: من يدوس بوعى و تصميم و انتقاء على انسانية اخرين عليه ان يتوقع او ان يتحمل الدوس على انسانيته - ان وجدت - بكل الوسائل |
دى استيتمنت تنسف كل ما هو موجود او محتمل من قيم ايجابية, وهى نفسها تفتح باب جهنم عديل كده , و لا تحتلف في جوهرها عن كثير من العبارات الضخمة التى باسمها - يسارا و يمين و وسط و لا اتجاه - انتهكت الانسانية , العبارة خادعة ومغرية و مراوغة جدا.
ياخى انت وكيكى لم تشتطو كما فعلت انا, في كل التفاصيل الاخرى - الكاريكاتيرات , واطى , ودابزهانة, قعونج الخ - قابلة للاخذ والرد والاتفاق والاختلاف .. لكن كان عبارتى دى عاوزة وقفة منى وشكرا للاتنين ديل
يا هاشم: العبارة لم توقف Mes لانه اصلا حارج فضاء الانتباه تجاه العبارة
يا محسن يا صاحب لووووول, قلت تلحق تديني محطتين تلاتة قبل السوق يبرد??? مبلوعة لكن النص تشمو قدحة
جاييك بعدين لى الفرق ما بين النقد والاختلاف ( مسيخات او طاعمات او لديحات ) وبين المساخة واللداحة الميطي ساكت و البتوسع وبتخلق فتوقات في لا شئ و توجد امثلة بالكوم وانت ادرى.
والباقي لاحقا
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
| Quote: دى استيتمنت تنسف كل ما هو موجود او محتمل من قيم ايجابية, وهى نفسها تفتح باب جهنم عديل كده , و لا تحتلف في جوهرها عن كثير من العبارات الضخمة التى باسمها - يسارا و يمين و وسط و لا اتجاه - انتهكت الانسانية , العبارة خادعة ومغرية و مراوغة جدا. |
ابدا وغير صحيح
احيانا وللضرورة يجب استخدام نفس المسلك مع الجبابرة لسببين
يعني لاذم يكون الجزاء من جنس العمل
1) لاشعارهم بنفس الذي يحسه مظاليمهم
2) ليعلموا ان ما يفعلونه ليس قاصر عليهم وحدهم وان غيرهم يستطيع فعله
علمتنا التجربة إن القساة الطغات في عالمنا الواقعي ، قصدي الرمتالة بتاعين الشبك والمشاكل الكل يوم داقين زول لمن اعتادوا على ارتياد الحراسات واصبحت مفخرة لهم ولسان حالهم يقول ( دقيتو وما حلاه مني الا لمن مشى اشتكى للبوليس ) ، علمتنا التجربة ان لا شي يوقف عدوانهم الا ان يشربوا من نفس الكاس .. وما يحلهم من الدق الا يمشوا البوليس الكانوا بودوا ليه الناس ،، بعد التجربة دي حالهم بنصلح مع خلق الله وبعرفوا انو حواء ولاده
وانا بسالك يا عصام
ايهم افضل
انتهاك انسانية ظالم دفاعا عن انسانيةمظلوم
ام ترك الظالم ينتهك انسانية المظاليم وعدم التصدي له بحجة ان هذا ( ضد حقوق الانسان )
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: وليد محمد المبارك)
|
Quote: لا يهم .. فالرهط يبقى رهط حتى وإن سبق؛ وهو يستمد
مشروعية البقاء - والاستمرار - من مجاراة اشراقة له.
ملاسي
|
الصواب:
1- فالرهط يبقى رهطاً
2- من مجاراة إشراقة له
شايف الإلحاح دا يا ملاسي؟
من جنس إلحاحك مع الزملاء والزميلات، لامن تلقى ليك هفوة. وقدر ما الزميل وألا الزميلة يضاير منَّك تَعْمَه أنت في غيك وتستزيد.
كلمتك إنو مداخلتك أم ربع سطر دي، يستحيل تسلم من غلط.
(يا شباب طريقة ملاسي دي كيف في الحوار؟ ما بتعقّد الزول لديمة!؟ ياها دي خدمته).
-----------------------------
وإنت يا أُمحمّد جنى سليمان (محمّد إي)
العيد أمبارك عليك
Quote: حتى أني أحس بالمؤامرة (على قول أبي الريش لسجيمان).
محمّد إي سليمان
|
حتى أنّي؟ حتى أنت يا الحبشي؟
دا شنو هسّع يا محمّد، إنت بالذات مش كنت من أنجب تلاميذ بوست (إصلاح الكتابة) الذي درّسنا فيه الحالات التي تُكسر فيها همزة (إنَّ)!؟ درّستها وألا ما درّستها؟ لو نسيت قول نسيت.
(دي طريقة الأخ الحبشي طبعاً في الحوار لمن لا يعرفونه).
مش قلنا يا محمّد في بوست (إصلاح الكتابة) إنو بعد (حيث، حتى، إذ، وأغلب حالات (ما) الصلة، وبعد القوالات زي حقتك دي، والابتداء..إلخ) بنكسر الهمزة دي؟
عارف؟ بقيت تلخبط زيك وزي غيرك عشان شيخك محسن خالد غائب، لو كنت موجود كنت ح تنضبط، وإلا ح تاخد أم كُع فوق قنيقينك.
الصواب:
حتى إنِّي أحس بالمؤامرة.
ولو كان الكاتب هو محسن خالد لكتب:
حتى إنَّني أحس بالمؤامرة.
لو سألت ليه (إنّني) بدل (إنّي)؟ سيكون ردي نتاج خبرة طويلة مع اللغة، وليس مع قواعد اللغة فحسب. خبرة طويلة لا يُلقّاها إلا الذين صبروا، ولا يُلقّاها إلا ذو حظ عظيم. لو بتسمح راجع موقع (إني) و(إنني) بداخل القرآن، ولو بتسمح مرة ثانية اكتب لي ما خرجت به من ملاحظات، ويمكن أتجوّد عليك بالتداخل معك.
مشتاقين، تصدِّق!
بس الأداء بتاعك اتوفى، رحيمو الله، زمان خليتو تعبان يهببو فيهو
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: محسن خالد)
|
ود الصايم، إنت زعلت وألا شنو؟
ما في شيء غير الزعل بخليك تشوف إنّي مدخل ود البشرى في كلامي (طواااالي) بأربعة ألفات. تعال وريني كم مرة ديل الورد فيهن اسمو في كتابتي؟
بعدين قول ذاكرو طوااااالي ياخ، بخمسمائة ألف، الزول دا بريدو في الله تعالى، المشكلة شنو؟
عاجبني فيه إنو حتى مداخلات ظرافته دي بهتم بسلامة لغتها، وترتيب منطقها، يستحيل تقرأ مداخلة ليهو وما تعرفو داير يقول شنو؟ يعني نص ظرافتكم دي كان الله ودّاني ليها ما قاعد أفهمها من سوء كتابتها، باقيلك دي ما شكرة ليه؟
الجابو لكلام حميدة يا ود الصايم، هو الآسات التي ابتدعها دي، كدي أقرأ كلامي مرة تانية بدون زعل، شوف تلقى في مناسبة وألا اسمه اتحشر ساكت كدا!؟
مشكور على اللنك، وح أمشي بإذنه تعالى وح أقدل فيه.
تاني شنو؟
-----------
تاني يا ود البشرى، (التي) و(الذي) ديل، مالك مع كتابتهن في الصفحة الفاتت دي؟
شايف؟ ود الصايم دا كان ما جاب ليك الهواء ما برتاح
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Mohamed E. Seliaman)
|
Quote: لكن سؤالي ليه الزول دا دخل وقال ليك الكلام دا
مع انو موقفو في البوست دا مش ولا بد الحتة البمسك بيها الناس
محسن عضاهو بيها في نص راسو انا غايتو لو في محلو ما بجي بجاي |
تعال نشرح لك يا عبده :
ترصد الأخطاء اللغوية حيلة قديمة يركن إليها محسن
معتمدا على غباء قافلة الحمر التي تدعمه بسخاء .
ما وقع في هذا البوست خير مثال :
Quote: ياخي بالجد كدا أنا والله محتار فيك، بعد طولة لسانك دي كلها،
سطرك الواحد دا لازم يكون فيه غلط، الحكاية شنو؟ |
والغلط المقصود هو في رد ملاسي على ذي النون .
ومحسن نفسه يرتكب مثل هذه الأخطاء بل ويأتي ما هو أفظع منها
حتى في كتاب إصلاح الكتابة الشاهد على جهله بقواعد العربية *
ومثال ذلك قوله بتقدير النداء في الخطاب :
من المداخلة الكاملة :
Quote: محمد أبوجودة،..
تحياتي وتسلم أولاً علي كتابتك السمحة ومجيهة دي، تنعش الروح،..
خليني أشوف كلامي مرة تانية وأرجع ليك،..
مبدئياً الأسماء هي ستة بس فيهن واحدة بايخة بعيد عنك:
(أبوك، أخوك، حموك، فوك، ذو مال، وهنوك) |
فمالك يا محسن تبيح لنفسك ما تحرمه على الآخرين ؟
_____________
* إن شاء محسن أفردنا لهذه الدعوى كتابا منفصلا حتى لا ينحرف
هذا الخيط عن موضوعه (الأصيل ) 
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Mohamed E. Seliaman)
|
يا شباب وانا قاعد اقلع اوتاد الخيمة وماشي لقيت عندكم مداخلة رايحة قلت اجيبها ليكم هنا..
احتمال سيده يكون مفتش عليها وما لاقيها..
.........................................................
اعلان للجميع:ارشفة المنبر العام الحالى للربع الرابع لعا...08 يوم 27 -12- 2008
..............................................................
. لم أكن يوما تلميذا لك في إصلاح الكتابة
أتريد أن تكذب ؟
لقد صوبت لك العديد من الأخطاء في ذلك البوست (عندي توثيق)
وكذلك علمتك الفرق بين الماضي والمضارع
وشرحت لك قاعدة التأنيث المجازي حينما أخطأت شرحها
وأتيت لها بمثال غريب
سأعود إلى حديثك عن كسرة همزة (إن) بعد أن تصلح الآتي:
تعود إلى الحديث عن (أبدا وقط ) وتعتذر عن مكابرتك و إصرارك على الخطأ
وكذلك قطع همزة امرأة
.........................................
عرفنا بوستات بتمشي بص الارشفة لكن مداخلة بتمشي البص دي لا شفنا ولا سمعنا..وما دام القصة فيها بارتشن بتاع محن
فاتفرج ويا سلام يا متفرج..
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
Quote: ود البدوي
وقد أضفتُ لذلك، من عندي، مجالس الاستفزاز وفصل النزاعات كمصادر للـ"داتا" التي يجمعها محمد إي سليمان لعمله ولا ضرر ولا ضرار وإنّما، كما أشرت يا هاشم، فوائد يجنيها القراء والكتّاب وإن كانت تزعجهم الملاحقات والمناكفات فتلك ضريبة من الآثار الجانبية لنشاط محمد إي سليمان تتعادل بغنيمة ابرازه لأدب أولئك الكتّاب لأولئك القرّاء... |
Quote: هاشم
فإنه يبقى في ظني أحد أفضل قرائكم يا معشر كتاب المنبر، و ناقدكم المثابر، يتخير خياركم و ينقد جيادكم و يكشف عن تناقضاتكم و يتحدى سطوة سلطانكم الأدبي و السياسي والفكري و يفرد لكم من بوستاته حماسةً تخصه و تعمنا فنقرأ لكم بفضله ونعمة من الله. |
عادل وهاشم، أولاً الأشواق بحر، وكل عام وأنتما بخير
هل يا عادل (أدبنا) يُبرزه محمّد إي سليمان؟ أم يتبرَّز عليه في كل حين؟ سوّيتها ليك في ظُمَّتك كدي كان ما جاوبت. وكت أدبنا دا لحقتو هَمَلَة بأم القطعو فَقَه زي دا.
وهل يا هاشم تقرأ لنا بفضل إي سليمان؟
لا دور نشر أفادت ولا بوستات مخصوصة ننجزها بأيدينا، ولا صحف سيارة أو راكدة؟
المهم يا شابين، كلامكم دا شايفو حماسة غريبة، كأنها لم تقرأ هذا الزول اللولاو حتى الموت، بل والمزوِّر، عادي ممكن يجيب مداخلة زول تاني وينسبها ليك في صمّة خشمك كما فعل معي!
بعدين أول مرة أعرف الكوتات الملوَّنة دي اسمها ((النقد))، خلي بالكم دا نقد الانترنت، الدنيا اتطورت يباقلي، لووول
لم أرَ في حياتي كلها شخصاً يتحرى عدم الأمانة واللولوة وحرف الكلم عن مواضعه مثله.
بخصوص عادل البدوي مساحات الهظار بيني وبينو ممتدة، وممكن أقول ليه يا زول دا خَرَف مُبَكِّر وفُتَّني في الخرف بهناك. يا شاب متوحشك بزاف
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
يا محسن إزيك و كل سنة و إنت طيب..
كويس إنك اشهرت تفويض النشر عشان تختي أخونا عصام اللوم!
ما عارف الزول دا عندي فيه عشم ليه مع كل الإختلافات معاه
و كمان آخرها يناديني شمس الدين!.. يا عصام إسم ود السنوسي الزول السمح
ما بناباه لكن الفيك اتعرفت!
بس يا ود خالتي البتولا..
تصريفك لي كلمة "قنيـط" دي ما بنبلع الا في حالة دعاء جدتنا ليك
"ان شاء الله تبرأ هنايتك" داك..و بذكرني لما واحد يسب بلفظ "خول"
و الناس تتجهمه فيقول :اصله في اللغة العربية معناها ((كريم))
و الى أن تستخدمها في نفس سياق حبوبتنا تبقى "واطي" عصام ارفع من..كلمتك
قيلوا بعافية
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: saadeldin abdelrahman)
|
جاييكم آناس، أمهلوني بَسْ.
يا محمّد إي سليمان عفيناك من المبرّدات ياخي...دايرين ندّيك آيسكريم لكين البوست دا فُرُن بيسوّحوا ليك ساي. الله يقدّرنا نباصر ليك تحلية أكان بتفيق ليها.
ويا محسن، الشوق بحر والله بَسْ مالك عَـلَي آود أمي البتولا بِتَّ الموفد داير تبلّعني حبوب الصراحة بالظمة. خلّيني بالأوّل ألِم في ذي الأيدي والرداء والأبصار الما فَضَل لينا إلا نغنّي ليهو غُنية عنّي مالو داسّي مترارو!...جاييك، يا محسن، في شان محمّد إي سليمان.
ويا عصام، ويا سيف، جاييكم أكان أقدر أضحّكُّم مرّة وأبكّيكم مرة فعسى أن تستطيعوا، على غبائنكم، صبرا
ويا هاشم أمهلني أكثر باقي الميوز حقّتي طشّت وما عارفين الخرابة خافت من الفكي المدّ كراعو، لا إيدو لا كراعو، اتبيّن ليهو في بَنِيةً اسفيرية دا وألا هجمتها ثقالة سبتاً، مو أخدر، من سبوت سيد حقّ اللبن في عقاب شهر من عقاب سنةً خايسة...أخير أقول آمين للبرّة القلوب وللجوّاها باقي العيون ما عيون شُكُر لا قبيل لا هسّع...بَسْ بجيك تَبْ.
الحبوب، آناس، الحبوب.
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: emad altaib)
|
كتب محسن في : 20-12-2008, 02:36 م
:
Quote: وإنت يا أُمحمّد جنى سليمان (محمّد إي)
العيد أمبارك عليك
Quote: حتى أني أحس بالمؤامرة (على قول أبي الريش لسجيمان).
محمّد إي سليمان
حتى أنّي؟ حتى أنت يا الحبشي؟
دا شنو هسّع يا محمّد، إنت بالذات مش كنت من أنجب تلاميذ بوست (إصلاح الكتابة) الذي درّسنا فيه الحالات التي تُكسر فيها همزة (إنَّ)!؟ درّستها وألا ما درّستها؟ لو نسيت قول نسيت.
(دي طريقة الأخ الحبشي طبعاً في الحوار لمن لا يعرفونه).
مش قلنا يا محمّد في بوست (إصلاح الكتابة) إنو بعد (حيث، حتى، إذ، وأغلب حالات (ما) الصلة، وبعد القوالات زي حقتك دي، والابتداء..إلخ) بنكسر الهمزة دي؟عارف؟ بقيت تلخبط زيك وزي غيرك عشان شيخك محسن خالد غائب، لو كنت موجود كنت ح تنضبط، وإلا ح تاخد أم كُع فوق قنيقينك.
الصواب:
حتى إنِّي أحس بالمؤامرة.
ولو كان الكاتب هو محسن خالد لكتب:حتى إنَّني أحس بالمؤامرة.
لو سألت ليه (إنّني) بدل (إنّي)؟ سيكون ردي نتاج خبرة طويلة مع اللغة، وليس مع قواعد اللغة فحسب. خبرة طويلة لا يُلقّاها إلا الذين صبروا، ولا يُلقّاها إلا ذو حظ عظيم. لو بتسمح راجع موقع (إني) و(إنني) بداخل القرآن، ولو بتسمح مرة ثانية اكتب لي ما خرجت به من ملاحظات، ويمكن أتجوّد عليك بالتداخل معك.
مشتاقين، تصدِّق!بس الأداء بتاعك اتوفى، رحيمو الله، زمان خليتو تعبان يهببو فيهو |
فبينت له تجاوزين فقط في مداخلة واحدة :
الأول :
والصواب لو نسيت قل نسيت. راجع سور: الإخلاص والفلق والناس )
مستواك يا محسن أصبح أحط من مستوى الدكتور داك (هل عرفته؟ )
الثاني :
لو كنت موجود
والصواب لو كنت موجودا
كان ترفع المبتدأ وتنصب الخبر ( دروس مرحلة الأساس ) .
وبعدها عاد محسن إلى المداخلة الإنجليزية (يبحث عن مخارجة )
وكتب في :20-12-2008, 03:42
I'm afraid that I don't have time to be thrown JUMBULUG in your swamp. So have a nice mud shower and GALBAGA until you change into a handsome prince, if you believe in Frogs Myths
لا مانع لدي إن كنت ترغب في العودة إلى إصلاح الكتابة .
وكذلك إلى الجزئية المتعلقة بحتى واختلاف استعمالها ومعانيها وعملها
فهي نفخة لخم القطيع .
أتحداك أن تعرب ما تحته خط من قول الله تعالى :
سَلَامٌ هِيَ حَتَّىٰ مَطْلَعِ الْفَجْرِ (5)
ثم تعرب ما تحته خط من قول الشاعر
كالورد ينفح بالشذى حتى أنوف السارقيه
ثم ترجع لتعرب ما تحته خط من قولك
حتى أنت يا الحبشي؟
بعدها سأبين لك أتكسر الهمزة أم تفتح ؟
_______________
| Quote: (يا شباب طريقة ملاسي دي كيف في الحوار؟ ما بتعقّد الزول لديمة!؟ ياها دي خدمته). |
| Quote: (دي طريقة الأخ الحبشي طبعاً في الحوار لمن لا يعرفونه). |
طيب يا محسن لم اتبعت هذه الطريقة مع غير ملاسي والحبشي ؟
نهال كرار مثلا (نعم نهال كرار ) !!
وماذا عن الدكتور بشرى الفاضل ؟
بل ماذا عن محمد البشرى ؟
| Quote: تاني يا ود البشرى، (التي) و(الذي) ديل، مالك مع كتابتهن في الصفحة الفاتت دي؟ |
ولم لم تكتب بعدها :دي طريقة الأخ ود البشرى طبعاً في الحوار لمن لا يعرفونه؟
______________________
يا ود البشرى سلام
Quote: مولد ما انزل الله به من سلطان اتغيرت فيه موازين قوى و مفاصلة تأريخية زي ما قال الحبشي
ما علينا (عارفك كلامي ما بتفهمو غلط ولا بتحملوا اكتر مما يحتمل لكن عزاز علينا طالبونا بالتعديل وما اقدر اقول لأ) |
المفاصلة التي أقصدها ليس من أطرافها أنت ولا أنا ولا ملاسي
راجع مداخلات عسام-حسبو -محسن -نهال-إشراقة -هاشم-عادل.
__________
طبعا غيغي وفياد وبقية القطيع يصدق فيهم المثل : مع الخيل يا شقراء
يا ود البشرى إن كنت قد أخطأت بحقك -مبادرا أو مقتصا-فاغفر لي وسامحني .
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Mohamed E. Seliaman)
|
عودة الي الاستديو في ثياب تحليلية غيغية لزوم الهارموني والقافية مع المداخله اعلاه...
وبحضور المودل مرة اخري بكاسحة مداخلات ومحاولة تشكيل وعي ومفاهيم وتعريفات للمتبت ببطن البوست
,,حريا بالاستديو التحليلي ان يفيد الاتي..
1-سبق وذكرنا بان في لحظات حضور محسن خالد ينسي مودلنا كل الاشياء ويتفرغ لاحتقانه (الدلتا)
وظهر جليا في الشكل العام للمداخلة اعلاه
محسن
عسام-حسبو -محسن -نهال-إشراقة -هاشم-عادل
غيغي وفياد وبقية القطيع
ود البشري
لو لاحظنا لمنحي وهرمية الاسماء اعلاه فهي تعكس شكل هندسي يعبر تماما عن درجات الاحتقان المنبعج
دلتا
ثم دلتا -1
ثم دلتا-2
..........وده ملمح من الاستديو للتامل فيه ولو قليلا...
كويس ود البشري اتخارج والقصة شكلها ماشة في اتجاه ايجابي ومن تحت الشكل الهرمي اعلاه
...........................................................................
الحديث عن المفاصلة اتي بصورة تزويرية ومثقوب تماما
كون الحديث عن المفاصلة حدث قبل حضور ثلاثة من هذه اللستة(
عسام-حسبو -محسن -نهال-إشراقة -هاشم-عادل )
وعلي المتابع تحديدهم وملاحظة مضمون مداخلاتهم وايجاد هارموني المفاصلة التي ذهبت مع الرياح ونعيق القعونج
وكونها هلامية التعريف اعتقد بان المودل سيحاول ايجاد تعريف او عنوان لها يقينا عن الاستفتاء حولها
تلاجظ الاتي
1- تكتيك الاختراق عبر المطايبة وده ملمح ايجابي علي الاقل يقلل من مجموعة المحتقن بهم
2-محاولات استثمار وجود محسن خالد لتحويل المساحة الي استعراض (اي سليماني ) للغة العربية وفجاة تحول الحرب من لمحة قعونجية الي
حرب سيبويهية اللون واللحن...
اصبح للمفاصلة المقصودة خلاص تعريف هلامي وراحت مع الرياح
وستجده طريقها من البعج تعريفا ودلالة ومعاني....
..
اي سليمان
طبعا غيغي دي اتعاملت انا معاها بكل اريحية استنادا علي (صك النبذالمفتوح) الذي بموجبه انت موجود في (عنبر كيكي)
ولو عاوز نسميه ليك (عنبر غيغي) برضو (ماكو مانع)...فلك ان تختار
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
هلا حبشي Quote: المفاصلة التي أقصدها ليس من أطرافها أنت ولا أنا ولا ملاسي
راجع مداخلات عسام-حسبو -محسن -نهال-إشراقة -هاشم-عادل. |
ما قلنا شي و بدون مراجعة مداخلات , عبارتي لاتزال سليمة | Quote: اتغيرت فيه موازين قوى و مفاصلة تأريخية زي ما قال الحبشي |
و تؤدي الغرض " البورد بعد البوست دا سيختلف تماما عما كان قبله "
| Quote: يا ود البشرى إن كنت قد أخطأت بحقك -مبادرا أو مقتصا-فاغفر لي وسامحني . |
على إيه يا معلم , هو في شنو ؟
يا بوي دي شغلة فيرشوال حدها الساين آوت , لا فيها زعل لا عتاب لا شيل في النفوس
أوعى تكون ماخد الصراع و الحركات دي بجدك يا عمك
كان كدا سامحنا إنت
حمووودي ...| Quote: ود البشرى .. برد عليكـ لمن أعرفكـ مسحت شنو! |
والله تقول شنو بس , انا ذاتي اتحيرت
مافي شي ياهو العولاق البليّس ليك منو كل مرة إنت و طلحة تنظير, لكن خلي بالك المكان ملغوم - او في رواية مأزوم - و الناس متحسسة
لكن يا معلم شعبيتك مااااا بسالك فيها , ضيّعْتَني بلا ياخدك 
| Quote: ما كنت من الناس البتعدل مداخلاتها بكلام من بره! |
تقول شنو بس لابد من مرّة أولى دائما
اخوك حنين وقلبو رهيف و ما بعرف يقول لأ وكدا
لكن بلاقيك في ملف تاني و بريحك , لغاية الوقت داك
egal يا عمك .... egal
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: محمد البشرى الخضر)
|
(*)
مساء الخير ياعصام جبرالله ..
كنت قد وعد بعودة إلى هذا الحوار الذي تطورت أزمته بعد أن إختلط فيه الجد واللعب
وبعد أن سار به أخونا محمد إي .. وسيره حسب رؤيته
وجاء (كيكي) وسبح بنا كعادته إلى حيث مايسر العدو ..
و(العدو) هنا تلميح إلى الأخ (ملاسي) بك ..
فقد تعودنا بعد كل معركة وأزمة , أن نخرج ووجوهنا (خجلة) من (ملاسي) ..
ونقول في سرنا :
الكريه ده معاهو حق ..!!
كنت أنتظر أن يعود بنا الحوار إلى شئ ما يفيد ما لا (يفش) غبينة ملاسي ..
وبعد مداخلتك (المسيخة) من وجهة نظرك فقط ..
لأنني لم أرى فيها مساخة , بقدر ما رأيته فيها من (لولوة) ..
(عذراً على كلمة لولوة )دي , بما فيها من (مساخة)ما أظنك تاباها ..
ياسيدي التصريح الممنوح لك من الأخ / محسن (سراً) ..
والذي صار تصريحاً علنياً بعد مداخلته الأخيرة ..
لا يبرأك من شبهة (التصرف ) الذي يوقعك في (محنة) من المحن التي تصاحب
الحوارات المأزومة ..
محسن خالد قال رأيه بشجاعة حول مسائل كثيرة , مس بعضها آخرين ..
إنتا رأيك شنو .. أم أنك ناقل فقط ؟
أما وقد تداخلت مبيناً هذا الرأي على إستحياء في المداخلة الأولى ..
فلأنك تكتب هنا , ممثلاً لتيار غير تيار (ملاسي) , هو ألأقرب لنا إن لم يكن يمثلنا
فعلياً ..
وهذا من محن (البورد) ده ..
ولزم التنويه ..
حتى لا نصيح :
ياشماتة (ملاسي) فينا ..!!
وكان مافهمت بجيك تاني ..
وعندك حق المساخة مسموح أبوي ..!!
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: كمال علي الزين)
|
Quote: ردود ضرورية قبل الموسم يشطب و رغم انف القراده و القرمبعه (جاييك يا عادل بدوى )
لكمال الزين و عبره لاخرين واخريات
سلام كمال
Quote: والمحنة الأخرى أن رجل كعصام جبرالله (الكاف تفيد أنه في زمرة المحترمين ) ..
يقع متل الوقعة دي ..!!
والوقعة دي (لاتفيد تبرير الأمر) فحسب ..
بل تفيد إقدامه على نشر (مرسول خاص من صديق) به تقريظ أو لوم أو شتيمة أو حتى عتاب
بمايفيد (الإغتياب) ..!!
هذا رغم أنني أثق تماماً أن رجل كمحسن خالد لن يبالي ولن يضيره إن جاهر بهذا الأمر ..
(محسن ) ده معرفتي بيهو معرفة (قارئ) ساي للمعلومة وكمان حسن ظن في كونه يستطيع أن
يقول مايريد دون أن يخشى
تشكر على الكلام الهادئ والشفقة الطالعة منه.
تعرف نوع الكلام عن (نشر مرسول خاص من صديق) بيلفت الانتباه لى حاجة شائعة في مجتمعنا و مجتمعات تانية وهى : الامر ده يتعلق بي منو ? من هو صاحب الشان? رغم ان هناك امثلة واقوال شعبية غير سرية فيها حكم تنفع في مثل هذه المواقف منها: سيد الحق راضي شن دخلك (وقيل نخسك) يا القاضي (وقيل الفاضي) او تدخل في ما لا يعنيك تسمع ما لا يرضيك... و غيرها, الحواجات بيقولو في المواقف دى :mind your own business , انحنا لا, نحش في بيزنس الناس قبل بيزنسنا زاتو. بوضوح اكتر, امر النشر يتعلق فقط - ركز على فقط - بعصام و محسن, الشحص الوحيد الذي له حق الاحتجاج على النشر (ان حدث دون علمه و موافقته) هو محسن وبعدها يمكن لمن يشاء ان ياتى بنصائحه لى. اسئلة بديهية و بسيطة كان ممكن لمن يشاء ان يطرحها على نفسه واجاباتها تقود لفهم افضل: محسن موجود ويكتب هنا لماذا لم " يحتج على نشر الرسالة" ? هل تم تشاور بين عصام و محسن قبل نشرها? الخ . الرسالة خاصة بمعنى انها ارسلت في الخاص لكن هل ما تم تناوله في الجزء المنشور منها حاص ام هى قضايا عامة تم تناولها هنا? حتى ما يعتبره البعض "خاص" كاراء في زيد او عبيد هل تخرج من دائرة العام? وهل لم يوافق محسن على نشرها? ام ان محسن يفضل "اخفاء" مثل هذه الاراء لتبقي في صنوف الاغتياب و النميمة?
اسئلة بديهية يا كمال ممكن تكفي شر الدخول في متاهات بيزنس الناس التانية و تقود للتركيز على ما هو مهم ان وجد.
اعترف بانى اخطات التقدير في ان تقود ما اثارته الرسالة من قضايا لنقاش جيد, بواصل اشوف سبب التقدير الخطا ده شنو عشان ما يتكرر تانى او يقل حدوثه.
اسف يا كمال اذا الكلام فيهو مساخة
سلام |
دي مداخلتك وحا أجيها واحدة واحدة ..
وسأستطعم مافيها من مساخة ..
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: كمال علي الزين)
|
Quote: وجاء (كيكي) وسبح بنا كعادته إلى حيث مايسر العدو ..
و(العدو) هنا تلميح إلى الأخ (ملاسي) بك ..
فقد تعودنا بعد كل معركة وأزمة , أن نخرج ووجوهنا (خجلة) من (ملاسي) ..
ونقول في سرنا :
الكريه ده معاهو حق ..!! |
هلا يا ابوكمال
وتحياتي ياخ...
وان كان يا كيمو ما يسر ملاسي يترجم في غيابه واختفائه عن هذا البوست وهو في لحظاته العليا
فاذن فانا سعيد لسرور ملاسي وساعمل علي سروره كمان وكمان...
وهنا يا كمال وحتي تساعدنا ولو قليلا في امرنا الذي يسر العدو عمدنا في سلك اظهار ملامح الاشياء ودلالتها وتحليلها
وساكون سعيد يا كيمو لو اضفت لي دفرة بملامح سرور ملاسي ودلالاتها في هذا المكان المفتوح بمصراعية لكل غاشي وداني..
وساكون لك من الشاكرين علي هذه الاضافة علها تفيدني ....
ومعاك شبال كده ادينا البخجل شنو يا كمال..؟؟
وانتو منو القاعدين بتخجلو ديل..؟؟؟
الامر هووت يا كميو فاديني في راسي طوالي المدوقس ده عله يرعوي لما يخجل الصحاب
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
(*)
سلامات يا(كيكي) ..
الذي يخجل إنو (ملاسي) ده ماجا هنا زول هظار ..
ولا ملعبة ..
جا عشان يضحك الناس (كعادته) على زمرة المناضلين ..
وده أكبر همو ..
وكان ممكن يكافح عديل بدون تحويل البوست لي مرتع للحوار
مع (محمد إي) الذي جاء ومعه (ستمية حكاية ) قديمة وجديدة
شئ نفهمو وشئ مانفهمو ..
القاعدين نتخجل ديل نحنا (أنا وأنا) ..
خليني أفخم نفسي مادام الناس محكومة بمداهنة الصحاب
حتى ولو رأؤهم (مطية) لإستخفاف (ملاسي) بك ..
المختصر المفيد ..
ملاسي الجابو هنا أصلاً شنو ؟
ده لو لسا متذكر ..
عشان أوريك مبعث سرورا الواجعني ..
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
يا كمال يا زين
أكيد سمعت بي خبر غنماية الدقيق كما اورده مشكورا اخونا نصر الدين
أها عندو فيرشن تاني النحكيه ليك
قاليك الناس زهجت من قصة الغنماية الكان دخلت راسها في الشوال ستين يمين ما تمرقو إلا و تكون ختت محل الدقيق حجر
لا النبيح لا الدق لا الجر بزحزحها من محلها بس الدقيق يكمل و إن خلااااااس غلبها تتنخم وتعطس فيه المهم تخربو على اسيادو
أها مرة واحد بلغ بيه الزهج مبلغ عظيم راح كابي في الدقيق - بي فوق للغنماية - جاز , و الغبيانة تاكل لمن دخل جوفها حرقها
كوركت زين و مرقت راسها وجرت وقفت بعيد عينها للدقيق و نفسها فيه لكن حرقة الجاز في جوفها حامياها
الجماعة قالو للفنجري ما خربت علينا الدقيق و شمت فيك الغنماية
قالهم الدقيق بنجيب غيرو و الجاز راقد
اها صاحبتك تاني حتاوق للشوال من بعيد و طعم الجاز في خشيمها و الخيار ليها
اها يا كمال يا زين إن بقى عندك لوم ابوي لا تلوم الفنجري
لوم (ذا) الجاز المرقو من كهفو شنو بدري الشمس حية
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: محمد البشرى الخضر)
|
Quote: اسعد الناس بإستيلاء أخونا محمد إي على البوست ده
|
يا ابو كمال في منحني من منحنيات البوست كان ده حديثك
وكيف يا كمال نسعد ونعطي شرعية السعادة في لحظة كان يمكن توطين خطك المنادي بالغضبة والتركيز علي ملاسي..
وحضور اي سليمان كان يعني حضوره خطابه واجندته واشيائه التي يريدها هو..وفي حضورها ايضا يعني حضور للمستهدفين من قبله للدفاع عن اشيائهم ايضا...
انا بقول الكلام ده لانو البوست بادارة عصام له كان مادي اي زول الفرصة انو يسوق البوست في طريق حواره واجندته وطريقته...
فالكلام يا كمال بعد الوطيس وحماها لمن يكون موضوعي يفيد
وعشان يفيد اكثر مفروض يتربط تماما مع مسار البوست ودرو كل منا فيه سلبا او ايجابا..
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
كريم،
سلام يا مأزوم و لبّيت الدعوة،
بعودة إلى خلاصة تعليقك المطول؛ لا تجدني قدر خردلة أو أدنى اعترض على حقك في تحليل الأزمة قلباً و قالباً و لا على اتخاذك للمثال الذي تعمل عليه و لا على أي تشريح أو نقد و على لا غضب و لا إحباط عبرت عنه و لا شيء أبداً مما يتعلق بذلك، و لقد بينت لك وجه اعتراضي المخصوص بضرورة الحفاظ على ذات الزول و ذات الآخر أن تهويان في مهاوي الاحتقار و التحقير الزؤام، و ضرورة صون الجميع عن جالبات و مجلوبات الإفناء التام. قلنالك: ليك اللحم و لينا (العضم) يا هندسة. و أنت ما قصرت، لو أن الذكرى تنفع المؤمنين أو توجع الكافرين.
أما عندما تقول بـ (التأزم المضاد) فإنك تذكرني بما سرى هنا في المنبر عن (العنصرية المضادة)!!!
يا هو كلو تأزم و عنصرية يا كريم كأنك ما غزيت و نحنا لا رحنا و لا جينا.
و من خياراتك الأربع ديل
Quote: *غضبة لفظية تفوق لغة المتازم في شحنة جنسية او تقريعية او تهكمية او تحقيرية...لايهم فالشرعية موجودة للمدرسة اصلا
*الصمت وهو سلاح كما تدري (ورحم الله غاندي)
*الامتصاص وتحويله الي شي ايجابي والمسكنة...
*ترسمو وتسخر ادواتك البتعرقها كويس وتعولقوا عوليقة السنين |
تجدني أميل للأخذ بالثانية و الثالثة و استمتع من الرابعة ببلاغة الفن و فنون الشبكة مع الوضع في الاعتبار أن ربما تكون طرق أخرى لا أدريها.
و كذا أشير لكون الشرعية عندي ليست (لمدرسة التأزم) كما تسميها، بل للحق الأصيل في التواجد الإسفيري الفيرشوال دا (على قول ود البشرى) وفق لا قانون اللعبة (أم هل هو قانونها) و بحق التعبير عن الانطباع و الفكرة و الخاطرة و وجهة النظر و أي تعابير و عبابير أخرى وفرتها التكنولوجيا اللعينة الشيّقة دي،
و الأهم طبعاً، بالرأي! كما قد يكون الرأي المكابد فيما قال به محسن خالد من بوست الوليمة لأخينا كبّر.
Re: هي وليمة..و لكنها ..De Facto..يا صديقي محسن خالد
المهم، كل زول من جهته يساهم بالفيه النصيب كيما يقلل من فشو الأزمة الحواسفيرية دي، و لا بد مما ليس منه بد أو نفتر خالص خالص.
تسلم يا هندسة
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
المشكلة عند اي سيلمان -في نظري- كلها محصورة في مسألة ( قلة الأدب ) ثم الإختلاف, ودي أول مشكلاته في البورد مع محسن خالد وعدم تقبله لـ (البذاءة ) التي تحويها كتاباته, وأفضل الطرق للتأديب هو الملاحقة, ووقتها أفضل ملاحقة كانت في بوست إصلاح الكتابة, تبعها ببوستاته ( اتحداك يا محسن .. ) ( ويا محسن ماعارف شنو )..الخ الخ الخ
محمد اي سليمان الشايل سوطه, وواهب نفسه لتأديب رجال ونساء سودانيز أون لاين, لم يكتفي بملاحقة محسن وكسب عداوته, بل إنتقل لجلد كل من يكتب مشيدا بكتاباته ورواياته, فحصد عداء الكثيرين من ضمنهم أنا, ليعلق على مداخلتي بوصف( الحريم الهان ), فكون امرأة تمدح كتابة أو رواية للأديب ( البذئ ) في نظر اي سيلمان دي براها كارثة, وقلة أدب وحياء تحتاج لتأديب, ماعارفه يا اي سيلمان سبب التكرم بوصفي هامله دون الغير, يكون عندك عشم تأدبني وتعدل حالي الهامل دا
بعدها انتقل اي سيلمان في مهامه التأديبية لأي بوست عن حقوق المرأة وحريتها, فحقوق المرأة بالنسبة لمحمد اي سيلمان دعوة للإنحلال, وهنا عثر على محمد حسبو ليبدأ مسلسل الملاحقة والتأديب.
واستمرت حملة محمد اي سليمان التأديبية,أي زول يختلف معاه أو يؤيد من يختلف معاه ينضم للسته.. اللسته بتكبر ( يا فلان تعال ) و( يا علان انت كتبت كدا ) وكوتات بالأحمر والأزرق ودواليك
ولنفس السبب التأديبي, أصبحت روزمين عثمان خصما جديدا, فكتابات روزمين تندرج حسب فهم اي سليمان في خانة ( قلة الأدب ) برضو, ويلزم تأديبها وملاحقتها, وهنا لو قام عضو كـ ( حمور زيادة ) بفرد بوست ينتقد فيه ربط النص الأدبي بحياة الكاتب الشخصية, يقفز اي سليمان ليستعدي حمور زيادة لأنه حسب ظنه وتوهماته يدافع عن روزمين ويهاجم من انتقدوها.
وحقيقة لم أرى أحد يملك طول صبر محمد اي سليمان في الملاحقة والتأديب, ما مهم يكتب عشرات البوستات في اليوم , يرد فيها على نفسه , وما مهم ان اضطره أمر التأديب الدخول في نقاشات ومواضيع قد لا تهمه كثيرا, وليذكر لي أحد إن كان اي سليمان يهتم بالفن أو الأدب أو السياسية أو الدين أو الكورة, من دون أن يكون في أحد هذه المواضيع عدو قديم أو جديد !!
وطول صبره وثباته دا براه مثير للإعجاب, أي والله , لو استثنينا التصرفات الغير نزيهه في خلافاته زي نبش الأرشيف وذكر أسماء ناس ماليهم علاقة بالحاصل , وكله عنده واحد مادام يوصله لإستفزاز خصمه.
الغريبة كسير التلج العامله لـ محمد حسبو!! دا حدث تاريخي في مسيرة اي سليمان كونه يرفع يد الملاحقة عن أحد مخالفيه ويشيد بيه, وإعلان لإنهزامك يا اي سليمان ( تحريش تاني ) .
بس يا محمد اي سيلمان شغل هيئة ( الأمر بالمعروف والنهي عن المنكر ) بتاع السعودية دا ما بنفع هنا
هنا كل زول مسؤول عن نفسه , ومسألة ملاحقة المختلفين معاك بغرض التأديب ما حتجيب نتيجة.
أخير تكسب زمنك وتزيل الغباين الجواك وحايم بيها دي .
ماتابعت بداية خلاف اي سيلمان مع بقية الأعداء, عصام وعماد وعبدالكريم وياسر طيفور وغيرهم كثر وكثيرات, لأنه متابعة خلافات محمد اي سليمان يلزمها التفرغ اليومي !
تخريمة :
يااي سليمان
ياريت تسيب الرسم في حاله ( الله يرضى عليك )
(عدل بواسطة نهال كرار on 12-22-2008, 11:35 AM)
| |
|
|
|
|
|
|
|
|
 Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
القارئي الكريم
لعناية الأستاذ عصام جبرالله
الإحترام
السلام عليكم ورحمة الله
بالدارجة:
هسع يازملاء ما حرام بوست عشرة ألفي زي دا نقاش مبهول حول الأسلوب والمضمون وشرعية القول والقائل وحل الحزب نيرانه مولعة
ذكرتوني قم المقدسة في المسا، بدل العك العلني دا كله عن فشلنا في إقناع ملاسي أقترح تجوا معاي الكهف نقضي سهر هذه الأيام
فقهاً ورياضيات وإقتصاد سياسي لكن من هسع الموضوع الرئيس حيكون ضرورة تغيير علاقات الإنتاج لتقدم عدد ونوع كفاءةالقوى المنتجة!
الموضوعات الأخرى غير موضوع حل الحزب الشيوعي بتغيير هويته إسمه ونظامه الفكري وتنظيمه إلخ إلى الأسوأ هي :
1- ماقيمة الخسارة الفعلية الناتجة من إحتيال برنارد ميديف رئيس ناسداك السابق لخمسين مليار دولار (قبل الهبوط) وهل الخسارة الفعلية ممكن تكون خمسين ترليون ؟ راجع بوست عثمان موسى عن وول ستريت وبوستي المعنون الواقعية الليبرالية F**K..
2- مارأيك في طبيعة إقامة تمثال مصنوع من الذهب الخالص للعارضة السحلية كاتي موس
3- هل تتوقع إنو أوباما في ظل الإفلاس الإمبريالي حيكنس الحرس الجمهوري من حكومته بعد سنة أو حوالي؟
4- توقف التعذيب ضد الرفيق البطل الزهجان منتظر الزيدي بعد نداءات آيات الله وشيوخ الإسلام إلى الحكومة والمسؤولين كل من مسجد مذهبه!
( يعني التعذيب ذاته بقى خشم بيوت) الجماعة قالوا خاله عبدالكريم قاسم لكن المتوكد منه إنه أخوه إسمه غضنفر ، وأسماء زي دي كانت خطرة أيام ديكتاتورية (=حكم) السُنة تحت إسم حزب البعث. هسع الجكس عامل فيه مشكلة كل بنات الثانوي في العالم العربي اللغة علقن صوره في الموبيايلات والدواليب والشنط نحن لينا الله والحكومات التي لا ترحم.
أي موضوعات أخرى تحتاج إلى تنظيم
http://www.ahewar.org/m.asp?i=1248
وكل سنة وإنتوا طيبين
وليكم التقدير والإحترام
البياض:
http://it.youtube.com/watch?v=NT-2fenmLnc
http://video.google.com/videoplay?docid=7065205277695921912
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Al-Mansour Jaafar)
|
سلام يا قوم
أولاً: ليت لي، يا بكري، لا جناح لا حرج لا أيّتها حاجة في أن أقتبس كلّ صفحات هذا البوست بهذا البوست (نومة، على قول علي المك، بجوف نومة). دحين هاشم الحسن دا كان يقع ليكم في ياتو كِرتلّة (وقيل في ياتو كارتيل).
ثانياً: | Quote: قرأت سيد القمني مسبقا من خلال كتابات مهاجمين ونقاد لكتاباته , من خلال الصورة المغلوطة التي نشرت عنه والهجمة الشرسة |
فإنّني، بهذا الاقتباس أسعدُ، من ناحية، بالانضمام لزمرة مقتبسي نهال كرّار بهذا البوست كما وأوفّر به، من ناحية أخرى، مشهداً لدور التبرّز (إن وُجِد) على الأدب في ابراز الأخير (والبقرأ الأخير بلكنة فرنسية، لا يلومنّ إلاّ نفسه).
أمّا بعد، فالخَرَف حاصل، يا محسن، والـ، أوكي، البراز خَشُم بيوت فالبعرة تبدو، في صحراء الخصومة، جملاً...وقد لا توجد نصائح، يا هاشم، مُش الدنيا قبايل مفاصلة! أمّا باقي الكلام فقد كفاني هاشم مشقّة الرد فأشكره على ذلك وبأكثر من ذلك أن كفاني شقّ الظُمّة في أمرٍ بديهي.
كفاني هاشم، أيضاً، شر الاسهاب في وصف دكان خردوات محمد إي سليمان البِفتحو في كلّ صباح (من السبت للأربعاء) يكنس الحتّة القِدّامو ويرشّها وتمرّ بيهو مقلفط وراسك واقف شوك شوك وميّت على فنجان قهوة تلقاهو يسوّي في اليا فتاح يا عليم يا رزّاق يا كريم يعلّق في بضاعتو على ضلفة باب المنبر ويشيل وينضُم (شكراً يا عماد): ها جَنى قول لأخوك دا جانا عِرِق محبّة غليون...نفيسة بِتّك دي قولي ليهو محاية اشراقة سويتها ليها التجي تشيلها...بت عثمان دي قولو ليها بخرات شيخ حمّور محل ختّيتِن ما لقيتِن، أكان بخرات شيخ ملاسي وألا شيخ أساسي بنفعنّها تراهِن عندي بالكوم...وأكان سألتو وألا ما سألتو بِلقى ليك عِرقاً لرأي فلان سنة حفروا البحر في عِلاّن المات وشِبِع موت ترجع من الشغُل تلقاهو لافّيهو ليك في جريدة واحتمال كاتب عليهو اسمك أكان بقلم الشيني الأحمر أكان بالأزرق...وسمسم وزيت سمسم وجردقة وعسل وموية زمزم وحنضل ذاتو والما يشتري يتفرّج والمبسوط يقرقش ساااي في النبق والدوم واللالوب والمأزوم يشيل ويعطّس وكل ما دخل لي جوّة ود سليمان ما عندو ليهو غير القبنيت...ونحنا الكسالى ديل، سوري يا هاشم، وقيل (الشياب الخرفانين ديل) يا هو مشهادنا بعد دا دِويات محمد إي سليمان ديل شيء جنزبيل وشيء محريب وشيء قرنجال وصدق اللي قال: غنيمة ابراز الأدب دي نحنا، كقرّاء، مستفيدين منّها تَبْ عاد عواقبها من اسهال واذلال وابتذال ياهو داااك سيد الدكّان كاتلوهو فيها إن شاء الله ما يفرزوكم إلا بالـ"سراويل".
هل أسهم، يا محسن، محمد إي سليمان في ابراز أدبك وإن كان رأيه (شكراً يا نهال) أنّه بالأحرى قلّة أدبك؟ لي؟ أنظر هاشم. لغيري؟ أعتقد نعم.
وجاييك راجع، يا محسن، في شأن محمد إي سليمان الفيلسوف (اللئيم؟)
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Al-Mansour Jaafar)
|
Quote: تجدني أميل للأخذ بالثانية و الثالثة و استمتع من الرابعة ببلاغة الفن و فنون الشبكة مع الوضع في الاعتبار أن ربما تكون طرق أخرى لا أدريها.
و كذا أشير لكون الشرعية عندي ليست (لمدرسة التأزم) كما تسميها، بل للحق الأصيل في التواجد الإسفيري الفيرشوال دا (على قول ود البشرى) وفق لا قانون اللعبة (أم هل هو قانونها) و بحق التعبير عن الانطباع و الفكرة و الخاطرة و وجهة النظر و أي تعابير و عبابير أخرى وفرتها التكنولوجيا اللعينة الشيّقة دي،
و الأهم طبعاً، بالرأي! كما قد يكون الرأي المكابد فيما قال به محسن خالد من بوست الوليمة لأخينا كبّر. |
وسلام شديد يا هاشم
وشكرا علي التواجد و..
بالمناسبة وجودك وبهذا العمق ان لم يكن متوفرا..كنا سنغادر هذا المكان وركن اساسي من (مثلث الحوارات المازومة) بكون غايب
وهو راي المتابع بوعي لكل افرازات هذا الحوار سلبا او ايجابا...
اعني بالمثلث
-المحتقن
-الاخر
- المتلقي في اعلي درجات حياده تجاه كل الاشياء(طبعا هنالك متلقين في درجات متباينة)ولا اغفل هنا الاشارة ايضا الي (المنبر كمحيط) وتاثره سلبا او ايجابا (بالعك التازمي متي ما دار)......
من البوست اعلاه وما سبقه وما سوف ياتي بالنسبة لي ظهر بان التازم ماضي في طريقه(لاسبابه هو ودوافعه ومغذياته التي تغذي سلوكه)
وسيمشي طويلا لارضاء حاجاته التي يريدها من (تازيم للحوار)...
الاخر واعني به (المستهدف)... سيمضي ايضا في طريقه في (تناول وجبة الخيارات يا هاشم) كما تناول مثلا محسن خياره وعماد خياره
وانا خياراتي وانت في خياراتك التي قلتها ...واخريين لهم خيارات عديدة كما قلت انت قد تكون خارج مدار ادراكنا...
كلا سيمشي بخياراته حسبه تحمله لدرجات التازم....
ولكن هنا ياتي الضلع الثالث (المتلقي) والمكان الذي ستدور فيه العكة التازمية وكيفية ادراك سالك الخيار الاول (دلتا)
الي محاذيره ...لغته.. تداعياته الاستقطابية السلبية...تكتيكاته...وعدم اظاهره كحالة شمسونية تهدم بها المعبد بمن فيه...!!
ولكن فليكن بقوة في كل خطاوته قوة تحفظ كل الاشياء
وتسقي كل حالة محتقنة من نفس كاسها بجرعات تعطي بوصفة سحرية...لاتهد المعبد وتحترم ساكنيه...
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Al-Mansour Jaafar)
|
الفنانة التشكيلية* نهال كرار السلام عليكم ورحمة الله
سعيد بعودتك إلى الشجاعة :
Quote: المشكلة عند اي سيلمان -في نظري- كلها محصورة في مسألة ( قلة الأدب )
ثم الإختلاف, ودي أول مشكلاته في البورد مع محسن خالد وعدم تقبله لـ
(البذاءة ) التي تحويها كتاباته, |
فعلا وكما كتبت أنت سابقا :
Quote: وأمامكم الكثير من الأدباء الذين كسبوا الكثير من الشهرة
والإحترام من دون أن يتبعوا أسلوب محسن خالد |
وكذلك :
Quote: أخي دنقس
أولا حمدلله على السلامة
المسألة ليست مسألة أخلاق أو دين فقط
إذا نظرت الى روايات الكثير من أدباء ( وهنا لن أقول العرب أو المسلمين ) الروس و الأوروبيين أو حتى الأمريكيين ستجد كمية من البذاءة أو التعدي على الذات الإلهية
ولكن إستحالة أن تجد الرواية من أولها الى آخرها بهذا الأسلوب
- إلا إذا كانت من نوعية تلك الروايات المخصصة للمراهقين -
في النهاية ستنتهي من قراءة الرواية وستجد أن ما أعجبك أكثر مما أثار نفورك منها
فما تحمله من فكرة وشخصيات كتبت بجمال بالغ يجعلك تتغاضى عن نقاط الضعف
ولكن قل لي هل رواية محسن خالد ينطبق عليها هذا الكلام؟؟
قلت من قبل , قرأت وقرأت وفي نهاية لم أجد أي هدف أو خط واضح
الألفاظ النابية والبذاءة وسب الدين تجده من بداية الرواية الى آخرها
بحيث تنسى السطور الجميلة التي تتخلل تلك البذاءات
أحترم وجهة نظر الأخرين وما يرونه جمال أنا لا أراه كذلك
بت الأحفاد لم تنصب نفسها وصية , من حقها أن ترفض وجود هذه الرواية
وذلك بناء على القوانين الموضوعة
التي لم تضعها بت الأحفاد
أما عن استنكاركم لتصرفها , فأظن انه من الأولى أن تستنكروا هذه القوانين
لأن ما طرحته بت الأحفاد هنا هو من صميم القوانين الموجوده هنا |
Quote: وحقيقة يسعدني وبكل فخر أن أكون من "حراس الفضيلة" و " حماة القيم "
في زمن أصبحت فيه الفضيلة والقيم شبه معدومه |
___________
* قرأت مرة لمحسن خالد مناداتك بهذا اللقب 
بالمناسبة لم أمارس الرسم في هذا البوست وما رأيته هنا مجرد نسخ ولصق فقط
لكن يمكنك أن تسألي عن رسمي دكتور فيصل عجبان رئيس سابق لقسم العمارة
بكلية الهندسة جامعة الخرطوم أو تذهبي إلى مدرسة كسلا الثانوية 
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: نهال كرار)
|
أسحب اعتذاري المقدم (وأثبت لك حق الشجاعة الفائقة
وأثبت لنفسي حق أني لم أخاطبك بسوء )
Quote: تعجبت من إعجاب الحريم الهان ديل بــلغة
محسن وألفاظو خاصى ما اقتبسو أبو ساندرا* |
ماذا فهمت من هذه العبارة ؟
خبريني واشرحي لي ما معنى الهان بلغتكم ؟
صبرة في الشمالية ثعلب
صبرة في الشرق سنجاب
سحب باسوورد محمد عادل لأنه خاطب تماضر : ياحبة .
سألنا عن معنى الكلمة عند أهل الشمال فقال دكين
الكلمة عادية
استخدمت آمنة كلمة ففسرت من قبل البعض هنا
تفسيرا لم أسمع به من قبل !!
أيام الجامعة تحدث طالب سوداني مع زميلته الخليجية
فبكت بمرارة لأن إشارة بدرت منه حملت دلالة غير لائقة حسب
ثقافتها الخليجية .
وأيام الجامعة كانت زميلة لنا مصرية تخاطب أحد الزملاء كلما تأخر
في أداء واجباته -وكانت مبدية حرصا عليه- وتقول له
يا فلان يا خايب (عادية في عرف المصريين )
والأمثلة تطول ..............
باختصار شديد نهال معنى العبارة كالآتي :
تعجبت من إعجاب هؤلاء النسوة الحاضرات في هذا المكان
بلغة محسن خالد وألفاظه وأخص هنا الموضع الذي اقتبسه أبو ساندرا
__________________
في انتظار شرح المعنى كما فهمته أنت
وبأي لغة
* اقتباس أبي ساندرا هنا :Re: في اليوبيل الذهبي لتيموليلت (بورتريه الغياب)
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Mohamed E. Seliaman)
|
الفهمته من كلمة (الهان) = الهانن كالهمل , او الهاملات
وذاكرتي حفظتها كما فهمتها وقتها , وان كنت كتبتها بشكل أفضل مستبدلة كلمة ( الحريم ) -المهينة أيضا بشكل كبير- بـ ( النساء )
إن كنت تقصد كتابة ( الهنا ) فأنا بتراجع عن فهمي لها بهذا الشكل
مع انك ساعدت بان أفهمها هذا الفهم , فبعد البوست دا كتبت بوست آخر جيتك فيه أشاكلك على الوصف دا وحددته وانت وقتها لم تقل بأن قصدك مختلف
لكن طالباك اعتذار برضو على كلمة ( الحريم ) , أنا ما بقبلها لا لنفسي ولا لغيري من نساء البورد
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Mohamed E. Seliaman)
|
لأ صعبتها
ديك وعرفنا نجيبها , لأنه متذكرة انه البوست لمحسن خالد , والبحث في المكتبه سهل
انت دا أقعد أكوس ليك بوستاتك الكتيرة دي في أرشيف ياتو سنه ؟ ويا تو نصف في السنه.
دا أسهل منه أقع البحر
كلمة حريم مهينة,تقعد تتنطط ولا تنكت الأرشيف , برضو مهينة, توصف بيها (نساؤكم) لا يهمني وبرضو تفضل مهينة, ولا أرضى أنا أن يصفني أي كان بوصف حرمة, نحن رجعنا لزمن الحرملك وسي السيد!!
بعدين انت سبت المداخلة الفوق دي ومسكت في كلمتين , هل دا معناه بأنك بتعترف بملاحقاتك التأديبية ؟!
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
-
سلام وعوافي يا بوست...
ونعود في زمن الاختراقات....
اختراقات هذا البوست وقضيته الاساسية بدت باكرا..وقلنا انها ازمنة الانزال العمودي
والدعم اللوجستي البحصل من ملاسي لكاتبه المفضل او للرجل الذي يعبر تماما عنه او كما قال(يوجد كوت لمن يطلب)....
يمكن ان نقول ان المحتقن (مودلي) محمد سليمان تتلاشي كل اشيائه الاحتقانية وتطيش بوصلته في لحظات
-اللعب او الهجوم الضاغط والعصر ليس الشديد بل الاشد....
ودللنا علي ذلك بشواهد
1- فقدان الاسلحة الاساسية الارشيف-الملاحقة
2-استلاب اسلحة اخري يذهب اليها بطريقة اجبارية وعشوائية (كما اعترف هو بعضمة لسانه) ونفيده في تفنيده بالاشارة الي استاذ المعمار
بان الرسم الهندسي ليس هو في مثابة مثل السلاح الذي اتي به عماد
3-البحث عن منفذ او نفاج خارط محيط (الدرش والعصر) للتنفيذ...
4- الارتباك وفقدان التركيز (كما بدا في المداخلة التي ذهبت الي بص الارشيف بتاع بكري) وقمنا باحضراها كمعروضات الي هذا البوست موثقة
5-الدخول خلسة الي الصفحات السابقة من البوست واجراء تعديلات (يمكنه الاتيان به لاحقا لخدمة قضيته الاحتقانية) وقد قمنا بتثبيت هذا في البوست ايضا...
6-التزوير في كوتات رسمية واعادة انتاج مدلولها وهذا مثبت في البوست لمن يريد...
اذن الضغط الضاغط وتقفيل كل المنافذ والجخانين بموضوعية وادلة 1-2-3-
وجعله يقراء ذاته في تحليل يصيبه بالخلع....مع الحفر الشاق والصبر الشديد علي هذا المنهج.....ستحول اي سليمان الي
(رسيفر وفي يدك رموت كنترول) تقوده الي ما تريد ان تذهب به...(مع توصيتنا بتشييد عنبر خاص كما جري في عنبر غيغي)
كحديقة خلفية تتيح له التفريغ...
ونعود الي الجزء التاني من الحكاية
وتابعونا وفالكم طيب
| |
|
|
|
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: سارة علي)
|
سارة كلام ملاسي ده لا بودي ولا بجيب
وهو زاتو البوست ده قعد فيهو متين ما طوالي متاوق من الشباك...
وحتي الوقت البجي فيهو ملامحه معرووفة ومرصودة.....والدقيق لمن يكن فيهو جاز شديد...ملاسي ما بجي...
والراجل طلع النصيحة كدي زكي وعارف كويس نوع الشغل الماشي قدامو ده خطورتو قدر شنو...!!!!!
فعشان كده ما تهببي ليهو كثير خليهو ياخد راحتو
غايتو اخير شوية من زولنا بتاع الرموت كنترول بدرجة او اقل قليلا...
| |
|
|
|
|
|
|
|
|
 Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
غايتو شقي الحال يقع في يدكم يا عماد عبدالله وعبد الوهاب 
البوست دا شكلو كدا ماشي في الطريق بتاع "الإمتداد ذلك الحي المتفرد" مع الإعتذار لود جبرين
كما لا يفوتني أن أبدي إعجابي بالأداء المتميز
للصديق محسن خالد
وصديق الصديق ود جبر الله "طلَق النار"
والصديقة نهال كرار
وود جيرانا حسبو
وكيكي التفكيكي ..
ياخ جمّلتم أيامنا جمّل الله عقولكم أكتر من كده
وعلى سيرة حسبو يا دينا خالد في الأسافير دي لا تناضمي حسن موسى لا تخلي حسبو يناضمك
غايتو دا بوست القرن
| |
|
|
|
|
|
|
| |
عبدالكريم الامين احمد
هاشم الحسن
Emad Abdulla
emad altaib
محسن خالد
محمد عبد الماجد الصايم
Mohamed E. Seliaman
حامد محمد حامد
وليد محمد المبارك
محمد البشرى الخضر
saadeldin abdelrahman
Hussein Mallasi
سارة علي
داليا حافظ
Ishraga Mustafa
عبدالوهاب علي الحاج
فيس بوك
تويتر
انستقرام
يوتيوب
بنتيريست